Маск го засили ултиматумот, сите се збунети: „Кој и да ја води оваа земја, успеал целосно да не полуди!“

Вработените во американската влада останаа збунети по спротивставените совети за следење на наредбата на Илон Маск да наведат во е-пошта што направиле минатата недела или ќе се соочат со отказ, објави во вторникот Би-Би-Си.Федералните вработени добија е-пошта во саботата вечерта во која се прашуваат „што направи минатата недела?“.Само 48 часа подоцна, канцеларијата зад неа објасни дека одговорите биле доброволни, оставајќи ги агенциите да одлучат за нивниот пристап.Повеќе американски агенции им порачаа на вработените да не одговараат веднаш на барањето на Маск.Но, претседателот Доналд Трамп рече дека вработените кои нема да го исполнат барањето на Маск ќе бидат отпуштени или „некако полуотпуштени“.А подоцна во понеделникот вечерта, Маск го засили ултиматумот, давајќи им на вработените последна шанса да одговорат или да се соочат со раскинување.Во е-пошта од сабота, вработените се поканети да наведат пет примери за тоа што направиле во изминатите седум дена, без да откриваат доверливи информации. Од вработените беше побарано да одговорат до крајот на денот во понеделник.Маск, кој го предводи Одделот за владина ефикасност (DOGE), рече дека неодговорот ќе се смета за оставка.Клучните агенции, вклучително и Одделите за одбрана, здравство и човечки услуги (HHS), правда и ФБИ - сега предводени од назначени од Трамп - им наложија на вработените да ја игнорираат директивата. Ова доведе до голема неизвесност, а некои работници добија спротивставени пораки во текот на викендот.Резултатот е општа конфузија, бидејќи федералните вработени се соочуваат со несигурност за нивното вработување. Многумина, исто така, изразија збунетост во однос на конкурентските насоки што им ги дадоа нивните агенции.„Тие нѐ полудуваат“, изјави еден вработен во HHS за Би-Би-Си, кој сакаше да остане анонимен."Целиот мој викенд беше стресен, луд хаос. Се чини дека никој не знае кој ја води земјата. Никој не знае што треба да правиме", рекол друг федерален вработен кој добил низа инструкции за смена од претпоставените за тоа дали да го исполни барањето.Тоа лице, исто така, зборуваше под услов да остане анонимно бидејќи сè уште е вработен во федерална агенција и стравува дека ќе биде отпуштен.

Свет | пред 1 година

Тројца началници во МВР добија кривични поради тендер за одржување хигиена

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење на организиран криминал и корупција, Специјализирано одделение за гонење на кривични дела сторени од лица со полициски овластувања и припадници на затворската полиција, поднесе кривична пријава против Ф.Х.- началник на Регионалниот центар за гранични работи Запад, Н.С.- началник на Одделението за заеднички работи при Регионалниот центар за гранични работи Запад, Ц.Ј. - самостоен советник за финансиски работи во Одделението за заеднички работи при Регионалниот центар за гранични работи Запад и Б.Ј. – началник на СВР Битола за време на извршување на делото, поради постоење основи на сомнение за сторено кривично дело „несовесно работење во службата“ по член 353-в од Кривичниот законик.Во текот на 2021 година, МВР распиша оглас за јавна набавка на услуги за одржување на хигиена во работни и други простории на МВР и АНБ за период од две години, при што е избрана фирма од Скопје.Првопријавениот Ф.Х. и второпријавениот Н.С., испуштајќи ја својата надзорна контролна функција како раководители на организациската единица, не извршиле навремено следење на склучените договори со фирмата, со што првопријавениот потпишал договор за нарачки со кој ја надминал вредноста од рамковната спогодба и на тој начин направил финансиски импликации кон МВР, односно неможност навремено да се исплатат доспеаните фактури кон фирмата.Третопријавената, надлежна за следење на Рамковната спогодба, следење и плаќање на склучените договори, не извршила проверки во книговодствената документација на Регионалниот центар за гранични работи Запад за да утврди дали по склучената Рамковна спогодба за набавка на услуги за одржување на хигиена се исцрпени сите парични средства.Четвртопријавениот ја повлекол фактурата за исплата, иако услугите биле навремено извршени, со што направил финансиски импликации спрема МВР.По заведен судски спор, од страна на фирмата, заради неисплатен долг по фактури кои биле стасани за плаќање, Министерството за внатрешни работи е задолжено да исплати дополнителни трошоци на име камата за задоцнето плаќање и судски трошоци во износ од 215.079 денари, за кој износ е оштетен буџетот на МВР.

Македонија | пред 1 година

Со смената на Данела Арсовска, многу работи ќе се подобрат, смета Перински

Министерот за локална самоуправа Златко Перински тврди дека не постои комуникација помеѓу Град Скопје и општините во градот. Перински обвини дека комуникација не постои по вина на Градот кој го предводи Данела Арсовска.„После ноември, многу работи ќе се подобрат на подобро. И комуникацијата со сите градоначалници мора да биде на дневна основа за да се надминуваат препреките“, рече Перински, алудирајќи дека ова ќе биде по изборите и смената на Арсовска.Посочи дека оттаму доаѓаат и опструкциите.„Најголемиот проблем кој Град Скопје го прави за општините се опструкциите на секое ниво и во суштина оние средства кои се влеваат во Град Скопје, а потекнуваат од страна на локалните самоуправи во Градот Скопје, несразмерно се инвестираат“, рече Перински.

Скопје | пред 1 година

Истрагата за Онкологија завршена: не откриваат дали вештачењето од Словенија е готово, ниту дали за сите осомничени обезбедија докази

По повеќе од една година, заврши истрагата за злоупотреби на Клиниката за онкологија. Осомничени беа пет лица, меѓу кои поранешниот медицински директор Нино Васев, организациски директор Нехат Нухи и тројца доктори-онколози. Сега, Обивнителството крие дали за сите лица се обезбедени докази, односно дали и натаму го имаат статусот на осомничени. Посочуваат дека не можат да откријат ниту дали е стигнато вештачењето од Словенија, иако претходно, без проблем на брифинг објавија дека е стигнато вештачењето од Србија. Чуму овие двојни аршини на информирање - исто така не е познато.„Основното јавно обвинителство Скопје ја заврши истражната постапка во предметот за злоупотреби на Клиниката за онкологија. Постапката е во фаза во која течат роковите предвидени во Законот за кривична постапка, по што јавноста ќе биде известена во однос на јавнообвинителската одлука и доказниот материјал“, велат од Обвинителството во штурата информација за јавноста.На брифингот во Обивнителството во декември, оттаму кажаа дека сомнежите за несоодветно лекување се потврдени со вештачењето од Србија. Но до тогаш, непотврдени беа сомнежите дека скапата биолошка терапија се продавала во странство. Обвинителството посочи и дека опстојуваат сомнежите дека пациенти не добивале терапија иако е препишувана на нивно име.БОНУС:?list=PLm6WbTW4gkMm9SA3GYzjLPE0VWu1c-A7d?list=PLm6WbTW4gkMm9SA3GYzjLPE0VWu1c-A7d

Македонија | пред 1 година

Обвинителен акт за Бака Прасе, му се заканува затворска казна

Првото основно јавно обвинителство во Белград, по спроведената доказна постапка, до судот поднесе обвинителен акт против Богдан Илиќ (28), попознат како Бака Прасе.Богдан Илиќ, попознат како Бака Прасе , обвинителството го товари за затајување данок од повеќе од еден милион динари.Обвинителството предложи по судењето на обвинетиот, Богдан Илиќ да го осуди на една година затвор, која нема да се изврши доколку обвинетиот во рок од три години не стори ново кривично дело.Нему му се заканува и парична казна од 100.000,00 динари.

Свет | пред 1 година

Семејна драма во Центар

На 23.02.2025 во 18.15 часот во Скопје, на подрачјето на Центар, полициски службеници од СВР Скопје го лишиле од слобода М.Ј.(59) од Скопје, постапувајќи по претходна пријава дека во семејниот дом физички ги нападнал својата 51-годишна сопруга и нивната 22-годишна ќерка и оштетил дел од покуќнината.По целосно документирање на случајот ќе следува соодветна пријава.

Скопје | пред 1 година

Кумановка го оставила детето во Арачиново за пари, па пријавила во полиција за да и го вратат

На 23.02.2025 во 19.30 часот во СВР Куманово, М.М.(41) од Куманово пријавила дека А.М.(39) и неговата сопруга А.М.(35) од с.Арачиново, скопско, не ѝ го давале нејзиното новороденче.Според пријавеното, пред околу четири месеци, додека била бремена, се запознала со сопружниците, кои ѝ понудиле финансиска помош откако ќе се породи. Како што е пријавено, таа се породила на 18.02.2025, а на 20.02.2025 излегла од болница и била пречекана од А.М. и А.М., кои и предложиле да потпише изјава кај нотар за да може бебето неколку дена да остане кај нив.Исто така, според пријавеното, на 21.02.2025 таа го оставила бебето во нивниот дом и А..М.(39) и дал пари, а кога побарала на 23.02.2025 да си го земе бебето, тој не ѝ го дал со образложение дека ќе остане кај нив. На 24.02.2025 околу 01.40 часот, полициски службеници од СВР Скопје ги лишиле од слобода сопружниците.Тие биле приведени во полициска станица и по целосно документирање на случајот, против нив ќе следува соодветна пријава.

Македонија | пред 1 година

Нема фотографија

Јакимовски за Николоски: Веројатно министерот е болен, или ќе се разболува, па нон стоп се однесува како дете кое исфрла сипаници

Реакција на градоначалникот на општина Карпош Стевчо Јакимовски на изјавата на министерот за транспорт и врски Александар Николоски:„Министерот за транспорт и врски Александар Николоски по трет пат денес на наместено прашање одговара дека за општините Центар и Карпош нема да одобрувал ниту еден урбанистички план. Веројатно министерот е болен, или ќе се разболува, па нон стоп се однесува како дете кое исфрла сипаници па не знаеме од што боледува. Не му е проблем општинската администрација во Центар и Карпош, туку е девијантно нивното настрано поимање на политиката. За Центар и Карпош не одобрува урбанистички планови затоа што градоначалникот во Центар е од СДСМ, а во Карпош од ГРОМ. Се прашуваме како еднаш не згреши да каже нешто за џунглата што се вика општина Аеродром во која во моментот се градат 50тина згради од кои најинтересни се таканаречените „вмровски наполитанки“.Во општина Аеродром нема игла кај да фрлиш, станува најнехумано место за живеење во градот Скопје. Од 1996 година до денес во оваа општина само два пати управувал градоначалникот кој не бил член на ВМРО-ДПМНЕ. Ако во Центар има урбан хаос, ќе каже ли колку за тоа придонесоа Виолета Аларова член на ВМРО-ДПМНЕ и Владимир Здравев и дали заборавил за урбаното насилие што го правеше ВМРО-ДПМНЕ кога го апсеше претседателот на Советот Милорад Шиповиќ само да се спроведе нивното дивеење во општина? Александар Николовски веројатно не знае дека во Карпош меѓу 2013 и 2017 владееше токму ВМРО-ДПМНЕ и сите планови се потпишани од раката на Миле Јанакиевски и Владимир Мисаиловски со партизанско име „Кендо“, кој сега е министер за одбрана. За среќа во Карпош ВМРО ДПМНЕ владееше само четири години и не им е дозволено да дивеат. Ниту пак ќе им биде дозволено. Ќе одговори ли министерот каде е неговиот ортак од фирмата Би-Си? Колку локации има во општина Аеродром? Која е неговата вмешаност во запирањето на градбите во Карпош и во Центар за да може да се продаваат становите на неговите пријатели? За министерот Александар Николоски постојат сериозни индиции дека е скриен содружник на градежни компании и дека сите потези во делот на урбанизмот ги прави од лукративни причини“, вели Јакимовски.

Скопје | пред 1 година

Кремљ за германските избори: Можеме да се надеваме само на трезвен поглед на реалноста

Руската влада изрази внимателна надеж за подобрување на односите со Германија по изборната победа на германските демохристијани.„Секој пат кога некој би сакал да се надева на трезвен поглед на реалноста“, изјави портпаролот на Кремљ, Дмитриј Песков, коментирајќи ги резултатите од германските избори на кои германските демохристијани (ЦДУ/ЦСУ) добија најмногу гласови.Тој додаде дека прашање е што би можело да биде од заеднички интерес и корист.„Но, ќе видиме што ќе се случи кога победничката ЦДУ/ЦСУ ќе ја преземе функцијата“, рече тој.Германско-руските односи се на работ на прекин откако Русија ја започна инвазијата на Украина пред три години.Москва особено внимателно следи дали Германија, под новиот канцелар, кој најверојатно ќе биде Фридрих Мерц од ЦДУ, ќе и обезбеди на Украина крстосувачки ракети Таурус кои би можеле да се употребат за напад на руска територија. Мерц рече дека е подготвен да го стори тоа под одредени околности, додека претходниот социјалдемократски канцелар Олаф Шолц беше категорично против тоа за да не ескалира војната.

Свет | пред 1 година

Зеленски објави услов за преговори со Путин: „Ова може да биде почеток на крајот на војната“

Денес се навршуваат точно три години откако рускиот претседател Владимир Путин нареди целосна инвазија на Украина. Бројни министри и претставници на ЕУ се во Киев на самит со украинскиот претседател Володимир Зеленски.Претседателот Зеленски на самитот изјави дека целосната размена на воени заробеници со Русија би можела да претставува „почеток“ на завршување на војната.Имаше 60 размена на затвореници меѓу Украина и Русија од почетокот на војната, вклучително и една во декември кога беа разменети стотици затвореници. „Тоа е фер и праведна опција“, рече Зеленски, истакнувајќи дека илјадници Украинци сè уште се во руски затвори - некои од нив од руската анексија на Крим во 2014 година.„Илјадници - илјадници луѓе се приведени во Русија“, нагласи тој.„Русија мора да ги ослободи Украинците. Украина е подготвена да размени секого за секого и тоа е фер договор. Иако Украина не објавува официјални податоци за своите воени заробеници во Русија, се проценува дека ги има повеќе од 8.000. Мирот не може едноставно да се прогласи преку ноќ. Путин нема да ни даде мир или да ни го понуди во замена за нешто. Мора да извојуваме мир со сила, мудрост и единство, преку соработка со вас [лидерите на самитот]“, рече Зеленски.Тој заклучи дека траен мир може да се постигне само ако Украина добие солидни „безбедносни гаранции“. Минатата недела Русија рече дека нема да прифати присуство на војници на НАТО во Украина како дел од каков било мировен договор.

Свет | пред 1 година

Битиќи: Граѓаните тонат во сиромаштија, пратениците да го прифатат предлогот на СДСМ за ДДВ на струја и храна

Пратениците на СДСМ поднесоа предлог-законот за намалување на ДДВ-то за струја и основните прехранбени продукти и бараат поддршка тој да се прифати, со што ќе се намали ДДВ-то за електричната енергија од 18% на 5%, како и за основните прехранбени производи, од 5% на 0%. Со ова ќе им се помогне на граѓаните, а секое одложување и неприфаќање значи финансиски товар врз семејствата, рече пратеникот на СДСМ, Фатмир Битиќи на денешната собраниска седница.Тој потенцираше дека намалувањата на ДДВ за струја и основни прехранбени производи се системски одговор на скапотијата, која со секој изминат ден станува се потешка. Според последните податоци граѓаните во Македонија плаќаат најскапа струја во регионот со просечна цена од 6,08 денари за киловат-час, а зголемена е и потрошувачката кошница која во февруари достигна 63.773 денари, што е зголемување од 521 денар за само еден месец.- Индексот на трошоците на животот во јануари е за 4,9% повисок во споредба со истиот месец, од лани, додека индексот на цените на мало бележи раст од 5,2%. Ова е реалност што граѓаните ја чувствуваат при секое одење во маркет, при секоја платена сметка за струја. Затоа замрзнувањето на цените на нивото од 1. февруари не е целосно решение, затоа што цените се зголемија па се одлучи да се замрзнат. За тоа што се случува во реалниот живот зборува вредноста на потрошувачката кошница која во февруари достигна 63.773 денари, што е зголемување од 521 денар за само еден месец. Денес, за да се задоволат основните потреби, едно семејство треба да издвои 2,9 минимални плати, што е јасен показател дека просечниот граѓанин едвај врзува крај со крај, рече Битиќи.Намалувањето на ДДВ-то за електричната енергија, потенцираше Битиќи, ќе значи конкретно финансиско олеснување за над 600 илјади домаќинства, кои во јануари мораа да платат од 20 до 30% повисоки сметки за струја. Владата во делот на енергетиката потфрли.- Податоците се поразителни. Во ноември, официјално планираниот увоз на струја од соседните земји беше 0 GWh, но реалноста беше поинаква – увезени беа 351,3 GWh. Истото се случи и во декември – повторно планиран увоз од 0 GWh, а фактички беа увезени 425,7 GWh. Граѓаните се изложени на милоста и немилоста на увозните цени на струјата. Затоа и сметките растат. Поради што и овие измени и дополнување се неопходни. Со нивното усвојување за сметка од 3.000 денари за струја, граѓаните ќе заштедат околу 400 денари месечно, а за сметка од 5.000 денари, заштедата ќе изнесува околу 700 денари, рече Битиќи.Со предлогот за укинување на ДДВ-то за основните прехранбени производи најголема корист ќе имаат домаќинствата со ниски примања, кои трошат најголем дел од своите приходи на храна. Наместо несоодветни и половични мерки, како што е замрзнувањето на маржите само на 102 групи на производи, ова решение ќе ги опфати сите 238 групи на производи. Ќе имаме поевтинување на над 3.000 основни прехранбени продукти – леб, брашно, млеко, јајца, шеќер, масло и многу други. Предложените измени и дополнувања на Законот за данокот на додадена вредност не се за СДСМ, не е за власта, не е за опозицијата – тие се за граѓаните. Нивното усвојување ќе значи пониски сметки за струја, поевтина храна и помала инфлација, рече пратеникот на СДСМ, Фатмир Битиќи

Македонија | пред 1 година

„Туркиш ерлајнс“ ќе лета четири пати неделно од Охрид почнувајќи од крајот на март, а може да има и нови линии, најави Николоски

Може да се очекуваат нови авио линии од охридскиот аеродром, посочи министерот за транспорт и врски, Александар Николоски. Според него, голема вест е што „Туркиш ерлајнс“ ќе почне четири пати неделно да лета за Охрид.„Тоа ќе значи не само голем број патници, туку охридскиот аеродром да биде на листата на светски дестинации. До изборот на оваа Влада и воведувањето на оваа линија која ќе почне на 27 март, охридскиот аеродром немаше статус на меѓународен аеродром што го ограничуваше бројот на летови кои можеа да додаваат“, рече Николоски.Тој посочи дека во лето се очекуваат повеќе летови, но и повеќе летови во текот на цела сезона.

Охрид | пред 1 година

Николоски: Ниту еден ДУП, ни за Карпош ни за Центар, не е потпишан - не прават урбанизација каква што треба

Министерот за траспорт и врски, Александар Николоски рече дека нема да се носат најавениот специјален закон за општините Центар и Карпош, но затоа, нема да им се поптишуваат Деталните урбанистички планови за да не прават урбанизација која според него „не е каква што треба“.„Градоначалниците на двете општини не се сложија, а тоа мора да е соработка на општините и Министерството. Јас тоа што го ветив го почитувам. И си го држам зборот. До денес, од изборот на Владата, ниту еден ДУП, ни за Карпош ни за Центар не е потпишан. Мислам дека локалната администрација не ја врши својата работи и не прават урбанизација каква што треба“, рече Николоски.

Македонија | пред 1 година

(Видео) Мицкоски најави реконструкции на Воената болница 8 Септември и аеродромот во Охрид, објекти од витално значење за граѓаните

„Грижата на една влада за своите граѓани се гледа во капацитетите кои ќе ги изгради и ресурсите кои ќе ги стави на располагање“, рече премиерот Христијан Мицкоски и додаде:Со оваа прес-конференција сакаме да го одбележиме и најавиме почетокот на реконструкцијата на два витални капацитета, за коишто веќе претходните говорници зборуваа во детали, тоа е Градската болница 8 Септември и аеродромот во Охрид Св. Апостол Павле.Здравството, морам да напоменам, беше една од најзапоставените области каде континуираната негрижа од минатата влада доведе до распаѓање и на така дотраените болници и капацитети. Тука морам да оддадам почит на голем дел од посветениот здравствен кадар, кој и во едни такви услови продолжи да работи посветено и во едни супстандардни услови го дава својот максимум.Нема да се повторувам од тоа коешто го кажаа претходните говорници, за техничките карактеристики на овие два проекта, за сето она што ќе биде реновирано итн. Само на крај би сакал да изразам благодарност до потпретседателот на Владата и министер за транспорт Александар Николоски, до министерот за здравство Арбен Таравари, како и до директорот на болницата 8 Септември д-р Синиша Стојаноски за нивната посветеност и ангажираност во реализацијата на овие проекти.Сѐ на сѐ, ова се крупни инвестиции и зафати за објекти кои се од суштинско значење за нашата држава. Посветено продолжуваме да решаваме проблеми, да создаваме додадена вредност и да се бориме за подобар живот на граѓаните. Важно е да се знае дека мора да одиме напред и Македонија повторно да биде ваша“.

Македонија | пред 1 година

Со контактите кои ги имаме од најблискиот периметар на Трамп можеме само да добиеме, рече Мицкоски

Премиерот Христијан Мицкоски смета дека од САД каде на чело е Доналд Трамп и контактите таму - Македонија не може да изгуби.„Со контактите кои ги имаме од најблискиот периметар на Трамп можеме само да добиеме, не и да изгубиме. Билатералниот спор со источниот сосед е спор кој генерално нема никаква врска со вредностите на 21 век. Ценам дека треба час поскоро ние како држава и формално да ги отпочнеме преговорите со ЕУ, кои што се дел од овој билатерален спор“, рече Мицкоски.Македонија е една од земјите коспонзор на предлог-резолуцијата на САД за Украина. Истовремено ЕУ, предводена од Германија и Франција, поднесува своја резолуција. Запрашан зошто земјава се одлучи на ваков чекор, премиерот на Владата, Христијан Мицкоски денеска изјави „па, така одлучивме дека ќе бидеме коспонзори на резолуцијата поднесена од САД“.

Македонија | пред 1 година

Мицкоски до ДУИ: Го знаете мојот број, донесете ги доказите за Меџити, во спротивно предупредувам дека продолжувате со сеење магла

Премиерот Христијан Мицкоски ги повика ДУИ, да достават докази до него за корупцијата која тврдат дека ја направил вицепремиерот Изет Меџити. Мицкоски рече дека одма ќе ги даде на органите за да постапуваат. Но посочи и дека има доверба во Меџити, а за ДУИ повтори дека нивното второ име е „корупција“.„Сите кои поседуваат било какви докази, за такво нешто, како што тврди ДУИ, еве мојот број сите го знаат, ако треба ќе напуштам состанок, за да ги видам докази и да ги дадеме на органите кои треба да постапуваат“Тој упати предупредување до ДУИ.„Треба да ги предупредам од ДУИ дека продолжуваат да сејат пердуви и да се занимаваат со магла оптоварена со корупција, кое беше нивно второ име во минатото. Главен атрибут им беше ТЦ Соравија, „Ролс-ројс“ автомобилите на сватовите, деловните простории на тогашниот шеф на кабинет на Ахмети и така натаму, можам една цела прес-конференција да ви ги редам скандалите. Тоа е Фројд, владее со нивната потсвест, јас имам доверба во работењето на господинот Меџити“, додаде Мицкоски.Претходно се огласија од ДУИ.„ДУИ повторно го осудува тешкиот корупциски скандал во Министерството за животна средина, каде што по контролата на Државниот управен инспекторат е потврдено злоупотребата на службената должност од страна на министерот Изет Меџити и неговиот кабинет“, велат од ДУИ.ДУИ бара истражните органи да ги прошират истрагите не само против Меџити, туку и против клучните личности во неговиот кабинет, вклучително и шефот на неговиот кабинет, за кој велат: „Со месеци води добро организиран систем на уцени и корупција во Министерството за животна средина“.

Македонија | пред 1 година

Инсталирана нова современа опрема за напредни уролошки процедури на Универзитетската клиника за хируршки болести „Св. Наум Охридски"

Инсталирана нова современа опрема за напредни уролошки процедури на Универзитетската клиника за хируршки болести „Св. Наум Охридски".Опремата е набавена од Министерство за здравство, во вредност од 26 милиони денари.Ендоскопски столб со кој на годишно ниво ќе се вршат околу 100 лапароскопски и 350 ендоскопски интервенции за различни уролошки состојби. Нов хируршки тулиум ласер, за лекување калкулоза.Со новата опрема се зголемува капацитетот на одделот за урологија, со цел побрзо и поефикасно лекување на пациентите.

Македонија | пред 1 година

Левица со предлог за намалување на патарините за 50%

Пратеникот од Левица, Амар Мециновиќ денес на прес-конференција соопшти дека пратеничката група на Левица поднела предлог за измена и дополнување на Законот за јавните патишта со цел намалување на патарините за 50% и сведување на оваа тема на законска материја:„Со години македонските граѓани плаќаат високи цени за патарини, додека патиштата остануваат во катастрофална состојба. Дупки, свлечишта, незавршени делници и криминални тендери.Само во 2023 година државата наплатила 62 милиони евра од патарини, со што Македонија е меѓу земјите со најскапи патарини во регионот и на континентот.Со просечна цела од приближно 2,6 денари од изминат километар, со патничко возило од Б – категорија.За илустрација, еден штипјанец доколку работи во Скопје на годишно ниво плаќа 1.200 евра додека кај еден Австриец на годишно ниво плаќа 100 евра за користење на сите автопатишта во неговата држава” - истакна пратеникот Мециновиќ.„Затоа, Левица поднесува изменување и дополнување на Законот за јавните патишта, со што предвидуваме две клучни измени:- Првата измена е патарините да се намалат за 50% - со овој Закон, износот што го плаќа народот за користење на патиштата ќе биде намален за половина, за сите категории на возила и- Втората клучна измена е тоа што висината на патарината и нивната наплата, за првпат ќе бидат регулирани со Закон, наместо со Правилник на Владата, затоа што сега, оваа материја се регулира со Правилник на Владата, а не со Закон” - појасни пратеникот од Левица.„Сметаме дека ова ќе воведе транспарентност во носењето на одлуките поврзани со патарините, затоа што досега власта можеше кога ќе посака да ги зголемува патарините без никаква контрола.Зошто е ова важно? Додека Министерствата се преполни со криминални шеми на делење на милионски тендери, народот е оставен да плаќа за нивните глупости.Го повикуваме Собранието веднаш да го усвои овој Закон, а за јавноста посочуваме дека од позиција на одлучување, Левица би вовела вињета систем за нашите патарини” - заклучи Мециновиќ.

Македонија | пред 1 година

Новиот германски лидер ја доведува во прашање иднината на НАТО, бара независност од Америка

Германскиот канцелар Фридрих Мерц не ги дочека конечните изборни резултати во неговата земја за да објави нова ера во Европа. Тврдејќи дека САД се рамнодушни кон судбината на европскиот континент, Мерц ја доведе во прашање иднината на НАТО и повика Европа да ја зајакне сопствената одбрана што е можно поскоро.Овој тон на блискиот сојузник на САД, Фридрих Мерц, кој е познат како страстен поборник за соработка меѓу Европа и Америка, беше незамислив пред само неколку месеци.Тоа е тектонско поместување. Можеби звучи како претерување, но она што во моментов го доживуваме во трансатлантските односи е без преседан во последните 80 години, од крајот на Втората светска војна, наведува Би-Би-Си во анализата на пораките на Мерц.Големите европски сили беа шокирани од политиката на администрацијата на Трамп, која сугерираше можност за укинување на безбедносните гаранции за Европа кои се во сила од 1945 година.„Никогаш не мислев дека ќе морам да кажам нешто вакво во телевизиско шоу, но, по изјавите на Доналд Трамп минатата недела... јасно е дека оваа влада не се грижи премногу за судбината на Европа“, рече Фридрих Мерц вчера по изборите.„Мој апсолутен приоритет ќе биде да ја зајакнеме Европа што е можно поскоро за да можеме, чекор по чекор, навистина да постигнеме независност од САД“, додаде тој.Мерц посочи дека овој потфат е толку итен што не е сигурен дали лидерите на трансатлантската алијанса на самитот во јуни „сеуште ќе зборуваат за НАТО во неговата сегашна форма или ќе мора многу побрзо да воспоставиме независна европска одбранбена способност“.Значајно е што идната канцеларка ја стави Америка на Доналд Трамп на исто ниво со Русија – што во поширок контекст овде се гледа како закана за европската безбедност.„Ние сме под толку голем притисок од две страни што мојот апсолутен приоритет сега е да создадам единство во Европа“, рече Мерц.Британскиот премиер во четврток се упатува кон Вашингтон, откако денеска таму е францускиот претседател Емануел Макрон.Фридрих Мерц индиректно го признава т.н чувството на Фомо (страв од пропуштање). По некоја логика, Германија треба да биде таму оваа недела, вели тој. Берлин е една од трите големи европски сили, заедно со Франција и Велика Британија.Сега, додека САД и Русија разговараат за Украина билатерално, но не и со неа, светот се чини дека се враќа на политиката на големите сили.Сепак, Германија извесно време отсуствува од европската и светската сцена. Владата во заминување беше ослабена и опкружена со внатрешни конфликти, фрустрирајќи ги германските гласачи - кои сакаа итен фокус на економијата и миграцијата - како и европските сојузници, кои бараа акција за Русија, безбедноста и одбраната.Мерц вели дека главен приоритет на Германија е повторно да се вклучи на меѓународната сцена. Германија е веќе вториот најголем донатор на воена помош за Украина, веднаш по САД.Мерц сака да ја продолжи таа поддршка, но за разлика од Франција и Велика Британија, тој не сака да испрати војници во Украина за да поддржи евентуален прекин на огнот.Имајќи го предвид минатото искуство на Германија – која се двоумеше во секоја фаза од поддршката на Украина, но сепак заврши со обезбедување поголема помош од која било друга европска земја – сегашното „не“ не мора да значи трајно „не“ кога станува збор за испраќање војници или учество на какви било европски „безбедносни сили“ во Украина.Засега, војниците за кои најмногу се загрижени Германците се 35.000 американски војници стационирани во нивната земја, кои им обезбедуваат чувство на сигурност.

Свет | пред 1 година

Викендов изречени 718 казни: возат пијани и без возачка

Изминатиов викенд евидентирани 718 прекршоци за прекорачување на брзината на движењеВо текот на последниот викенд од овој месец, според бројките од полициските сообраќајни контроли на ниво на целата држава, се чини дека како по некое непишано правило за учесниците во сообраќајот значи своевидно опшуштање во поглед на почитувањето на сообраќајните правила и прописи.„Па така, во рамки на извршените сообраќајни прегледи (21/22/23.02), од 2.228 издадени платни налози дури 718 прекршоци се однесуваат на пречекорување на дозволената брзина на движење, 106 – за возење во алкохолизирана состојба, како и 215 прекршоци што се однесуваат на управување без возачка дозвола.Исто така, зради непочитување на одредбите околу задолжителното користење на сигурносен појас евидентирани се 171 прекршок, плус 12 прекршоци за граѓани кои што управувале моторцикли без заштитен шлем, а за користење на мобилен тлефон при возење изречени биле 45 прекршочни казни. Воедно, (компаративно гледано во споредба со минатиот викенд) има благ пад по однос на прекршоците поврзани со неправилно паркирање – 451, додека пак регистрирани се 15 случаи на минување на црвено и 28 прекршоци од страна на пешаци, а согласно Законот за безбедност на сообраќајот на патиштата“, велат од МВР.

Македонија | пред 1 година

Љупчо Коцевски ситно брои до заминувањето, побавна е постапката за избор на нов државен обвинител

Владата одлучи, Љупчо Коцевски не ги задоволи критериумите за ефикасно обвинителство, направи процедурални пропусти и затоа на брза лента ја води постапката за негово разрешување. Иако некои познавачи на материјата не се убедени во законитоста на постапката бидејќи сметаат дека не се исполнети ниту еден од условите за предвремено разрешување на Коцевски, (не е член на политичка партија и не е јасен критериумот по кој ќе се оцени дека направил тежок прекршок), никој веќе не верува дека Коцевски може да се спаси. Доколку не му се покрене и дисциплинска постапка за разрешуавње, се уште актуелниот државен обвинител може да ќари плус три години да правораздава, наместо да се пензионира. Летото минатата година тој наполни 64 години што значи може уште две и пол години да остане во ЈОРМ и да ја чека пензијата.Владата го повикуваше да даде сам оставка Коцевски засега не покажува желба да го стори тоа и упорно чека да му се докаже тешка повреда во работењето.Иако измените во Законот донесени во 2020 година требаше да бидат брана и да сопрат разрешување на државниот обвинител со промена на власта сепак се покажа дека законските одредби не се до крај прецизни, бидејќи побрзо и поедноставно е да разрешите отколку да изберете нов државен обвинител.Членовите од Законот за Јавното обвинителство покажуваат дека Коцевски ќе биде разрешен релативно брзо од страна на Собранието а по предлог од Владата. За избор на наследник на Коцевски задолжително е позитивно мислење за еден од кандидатите што ќе се јават на оглас, кое го дава Советот за јавни обвинители. Ваквото мислење не е обврзувачко кога се прави разрешување. Законодавецот предвидел и изборот и разрешувањето да бидат со исто мнозинство, позитивен глас од 61 пратеник.Во образложението на Министерството за правда зошто е потребно разрешување на Коцевски стои:„Во изминатиот период бевме сведоци на низа скандали, нарушена функционалност на Јавното обвинителство, нарушени меѓучовечки односи, незаконски постапувања и корупција, неефикасност во кривичното гонење и повреда на принципите на организација на Јавното обвинителство и самостојноста во вршењето на функциите на обвинителите во Вишото јавно обвинителство. Државниот јавен обвинител на Република Северна Македонија постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Воедно, во јавноста беа лиферувани и информации и податоци за предмети, со што е повредена обврската за тајност во постапките“.Владата предлогот за разрешување на Јавниот обвините треба да го разгледа на утрешната седница и да го достави до Советот на јавни обвинители кој е должен во рок од 15 дена од денот на приемот на предлогот, до Владата да достави образложено позитивно или негативно мислење во писмена форма.Ако Советот на јавни обвинители од оправдани причини во определениот рок не достави мислење до Владата , рокот од 15 дена се продолжува за уште 15 дена. Ако и во овој рок Советот на јавни обвинители не достави мислење, се смета дека не го поддржува предлогот на Владата. Но ова не менува ништо и предлогот за разрешување и со негативно мислење и без мислење патува до Законодавниот дом, каде владеачкото мнозинство е комотно во одлучувањето.За наследникот на Коцевски може постапката да се проблематизира бидејќи според законот задолжително е позитивно мислење на Советот на јавни обвинители за личноста или личностите кои се јавиле на огласот и ги исполнуваат условите. Владата од предложените кандидати од Советот се определува за еден кандидат кој го бираат пратениците со минимум квалификувано мнозинство.Државниот обвинител со задолително 10 годишно искуство доаѓа од редовите на обвинителите и судиите.

Македонија | пред 1 година

Ватикан: Папата е критично, но имал мирна ноќ

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи, соопшти Ватикан.88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.Двојната пневмонија е сериозна инфекција која може да предизвика воспаление и лузни во двете бели дробови, што го отежнува дишењето. Ватикан ја опиша инфекцијата на папата како „комплексна“, објаснувајќи дека е предизвикана од два или повеќе микроорганизми.Франциско, кој е папа од 2013 година, страдаше од лоша здравствена состојба во последните две години. Тој е особено склон кон инфекции на белите дробови бидејќи кога бил млад заболел од плеврит и му бил отстранет дел од едното белодробно крило.

Свет | пред 1 година

Жена силувана во Скопје, монструмот е 37-годишен скопјанец - побаран притвор

Поради основано сомнение за сторено кривично дело – Полов напад и силување од член 186 став 3 во врска со став 1 од Кривичниот законик, Основното јавно обвинителство Скопје поведе истражна постапка против 37-годишен скопјанец.„Осомничениот, на 21 февруари, насилно извршил обљуба врз жена во автомобилот сопственост на неговиот татко, принудувајќи ја на сексуален однос против нејзина волја и согласност. Жртвата за цело време се спротивставувала на неговите допири, но тој ја удирал по главата и телото со боксови и тупаници, како и со нога по лицето, по што таа започнала силно да крвари. На крај, насилно ја принудил и на сексуален однос, иако жртвата неуспешно се обидувала да се оттргне и да избега.Со оглед на тоа што во конкретниот случај постојат околности кои укажуваат на опасност од бегство и можност осомничениот да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор“, велат од Обвинителство.

Скопје | пред 1 година

Зошто Русија нападна пред 3 години? Победата на Зеленски го вклучи алармот во Кремљ

Зошто Руската Федерација одлучи да ја нападне Украина?, пишува „Индекс“, па додава: „Постојат неколку клучни причини“.Првиот е секако најинтересен за глобалната јавност, а најголемата полемика е околу неа, геополитичката борба меѓу Русија и колективниот Запад. Главната причина во овој аспект е да се инсистира на воена неутралност на Украина, како и да се спречи Украина да стане дел од западниот свет со пристапување во ЕУ.Иако ЕУ никогаш не беше спомната како причина, токму поради преговорите со ЕУ започна Мајдан и се останато. Вториот аспект е поврзан со ова, а тоа е безбедноста и одбраната. Имено, бидејќи Русија историски била нападната од Запад преку Украина, оваа област е од исклучителна важност за воената безбедност на толку огромна земја како Русија во последните 200 години.Социо-историски контекстТретиот аспект е историски и социјален. Лулка на руската култура, како и на украинската и белоруската, е градот Киев. Низ вековите, токму во Украина се развил идентитетот на Руства (да не се меша Руски со руски), што е карактеристично за сите три источнословенски народи. Голем дел од овој идентитет стана официјален за време на Руската империја.Од друга страна, токму во Руската империја се разви официјален идентитет кој, иако користеше елементи кои беа исклучиво развиени на територијата на Украина, всушност честопати ја задушуваше сета различност и не дозволуваше да се развијат други идентитети. Поради ова, Украина до 2013 година беше, грубо кажано, земја со „двоидентитет“.По 2013 година, Украина, може да се каже, се впушти во процес на обединување на својот идентитет, поточно, на градење единствен идентитет – украински. Кремљ почувствува дека ја губи оваа битка, односно дека Украина неотповикливо им „лизга од раце“.НаселениеНа ова може да се додаде уште еден аспект, а тоа е словенското население. Русија, слично како и западните земји, се бори со наталитетот, односно со растот на населението и слично како западните земји, ја губи таа битка. Од друга страна, кавкаскиот дел на Русија расте и уделот на овие народи во земјата се зголемува.Се почесто влегуваат и странски работници, главно од централноазиските земји, но и несловенски популации. Има проценки, кои, искрено, треба да се земат со резерва, дека до 2035 година третина од населението во Русија ќе биде муслиманско.Ова би можело значително да го промени карактерот на земјата. Иако Руската Федерација повеќе или помалку го почитува своето муслиманско население и нема отворен меѓурелигиски конфликт, очигледно е дека во политичкото раководство на земјата нема претставници на рускиот исламски свет.Членовите на политичката елита се претежно етнички Словени. Со анексијата на дел од Украина преку ноќ се зголеми бројот на словенско население во Русија. Иако Русија не треба да се гледа исклучиво како земја на етнички Руси, туку како земја во која има елементи на граѓанска држава, како и елементи на држава-цивилизација која има одреден цивилизациски континуитет на одредена област, Русија мора да го задржи својот словенски карактер за да опстане.Токму со воведување на неколку милиони жители од територијата на Украина се одржува овој лик. Грубо кажано, многу е полесно да се „направат“ Руси од Украинци отколку од Таџикистанци. Во иднина не е нереално Русија да се движи кон интеграција на Белорусија, кога „украинскиот басен ќе пресуши“. Но, тоа сега е прашање на шпекулации.Економија и енергијаСледниот аспект секако не е за занемарување, а тоа е економскиот и енергетскиот аспект. Токму овие денови може да се види тргување со украински минерали и ресурси меѓу украинскиот и американскиот претседател. Исто така, најголемите постоечки наоѓалишта на минерали и енергетски ресурси се во Донбас, каде што се водат најголемите битки. Покрај тоа, не случајно во првите денови од инвазијата, руската армија ја зазеде нуклеарната централа „Енергодар“ во регионот Запорожје и се обиде да ја заземе АЕЦ „Јужнукраинск“.Уште една клучна причинаИако причините наведени погоре се повеќе или помалку познати на пошироката јавност, една од главните причини секако не е доволно објаснета. Таа причина е Володимир Зеленски, поточно претседателот Володимир Зеленски. Зошто Кремљ би се чувствувал загрозен од украинскиот претседател кој немал искуство во политиката?Ова прашање може да се постави особено кога Зеленски го победи „антирускиот“ Порошенко, кој остави впечаток дека сака утре да започне војна со Русија. Напротив, Зеленски повика на соработка, на договор, на помирување со Русија. Токму таму лежи проблемот.„Антируски“ ПорошенкоПрво, треба да се „дисецира“ поранешниот претседател за да се разбере причината. Порошенко е личност со репутација на олигарх, сопственик на кондиторската компанија Рошен, а колоквијално го нарекуваат „чоколаден крал“, иако контролира и многу други компании. Второ, тој е политичар од кариера. Долги години градеше политичка кариера, извршувајќи различни функции, меѓу кои: пратеник, претседател на централната банка, министер за надворешни работи, министер за економски развој итн.Избран за претседател, тој ја наследи војната во Донбас. За време на неговото владеење беа направени експлицитно „антируски“ потези. Освен што е оправдано зајакната, ја укина армијата, ги прогонуваше „проруските“ претставници, радикално ја намали соработката со Русија, ги отфрли повеќето руски културни и јазични елементи од општеството, ги рехабилитираше Бандера и УПА, значително ја зголеми автономијата на украинските црковни организации, на сметка на оние поврзани со Москва, многу отворено се залагаше за интеграција во земјата, дури и ја воведе во НАТО, итн. итн.Зеленски алармира во КремљСепак, Кремљ најактивно почна да се подготвува за војна откако Порошенко ги загуби изборите од Зеленски во 2019 година. Причината е токму кај Зеленски. Самиот Зеленски претходно бил актер и забавувач. Имаше голема популарност меѓу народот и, што е уште поинтересно, имаше голема популарност во Русија.Тој дојде на власт поради исклучително популарната серија Слуга на народот, во која на карикатурен начин го прикажува политичкиот систем во Украина. Бидејќи политичкиот систем е сличен во Русија, јасно е дека серијата и таму беше добро прифатена. Едноставно кажано, просечниот гледач би можел да се поврзе со тоа. И во Русија и во Украина, политичките кариери се градат уште од мали нозе. Многу е тешко да се влезе во политика ако човек не го поминал целиот систем.Тој ги исфрли сите адути од рацете на Кремљ. За разлика од, да речеме, САД или некои други западни земји, каде политиката понекогаш се претвора во еден вид шоубиз, во земји како Украина, Русија или Белорусија тоа не беше можно. Токму тоа го прекрши Зеленски. Како човек кој не потекнува од политичкиот систем, тргна по „скратен пат“ до претседателската функција.Кога се додаде дека тој почнал да го кани претседателот Путин од исто ниво на разговори, барајќи мирен излез од кризата во Донбас, во Кремљ се огласи црвен аларм. Целиот анимозитет меѓу граѓаните на Украина и граѓаните на Русија што се наталожуваше под Порошенко едноставно се „стопи“ преку ноќ.Кога на власт дојде личност која беше многу популарна во Русија, која им подава рака на сите граѓани на Русија, личност која нема „родословие на нацистички сојузник“ и која има еврејско потекло, на Кремљ му беше поделен секој адут.Страв од неконтролираноОд друга страна, постоеше страв од неконтролиран политички процес, поточно, страв дека на територијата на Руската Федерација може да се прелее на територијата на Руската Федерација можноста личност која е исклучително популарна и зад себе нема политичка кариера да дојде на власт. Во овој поглед, Кремљ мораше да покаже дека таквата политика нема шанси и е осудена на неуспех.Исто така, не толку одамна, политички најактивниот и веројатно најпопуларниот шахист досега беше во Русија – Гари Каспаров. Политичките елити во Русија го поткопаа неговиот политички ангажман до таа мера што Каспаров на крајот беше принуден да ја напушти земјата. Во овој контекст, многу е веројатно дека некој сметал на претседателот Зеленски да се повлече од позицијата претседател штом Русија ќе започне инвазија или дека ќе ги открие сите свои недостатоци и политичко неискуство.„Обидете се да го отстраните Зеленски“На крајот на краиштата, затоа Кремљ сега инсистира на нови избори во Украина, сметајќи го Зеленски за нелегитимен претседател. На оваа приказна и американскиот претседател се надоврза со својата последна изјава дека претседателот Зеленски е „диктатор“, без разлика што преговара со претседателот на Руската Федерација, кој таа функција ја извршува повеќе од дваесет години (прекината со четиригодишниот мандат на Медведев) и кој најверојатно ќе остане на таа функција до неговата смрт или до некаков државен удар.Едноставно, за политичките елити во Кремљ, случајот Зеленски не смее да се повтори. Дополнително, се поочигледно е дека и американскиот претседател се движи во оваа насока на инсистирање на смена на украинскиот претседател (иако од сосема други причини).Од друга страна, јасно е дека по Зеленски таков човек никаде нема во Украина. Сите можни противници во Украина ќе бидат или од гореспоменатата политичка елита или евентуално војската. Во оваа смисла, на новите избори во Украина, доколку Зеленски загуби, најголем победник би бил Кремљ, без оглед на преференциите на новиот претседател. Сепак, иако и Вашингтон и Москва се многу отворено против актуелниот претседател на Украина.Зеленски останува популаренНа самиот Зеленски не му оди толку лошо според сегашните анкети. Се разбира, од различни причини, неговата поддршка од народот не е толку висока како што беше во првите месеци од војната, кога беше секако најголема можна, но сепак е голема поддршка. Освен тоа, навистина нема вистински политички противник на повидок кој има реални шанси да го победи Зеленски.Поранешниот претседател Порошенко е најверојатниот противник, но тој е личност оптоварена со разни скандали и правни постапки. Тука е и градоначалникот на Киев, Виталиј Кличко, а генералот Залужни се споменуваше долго време. Кличко најверојатно нема доволно голема инфраструктура или партија за таква борба, а тој е премногу преокупиран со Киев за да се впушти во вистинска политичка борба со Зеленски.Залујни, сепак, е се подалеку од тоа да може да стане ривалски кандидат, особено по новите судски случаи во кои се вклучени многу високи функционери во војската. Се разбира, секогаш е можно некој нов да се појави и да добие моќ, поддржан од Вашингтон и/или Москва. И токму затоа следните претседателски избори во Украина ќе бидат клучни за одредување на идниот правец на земјата.

Свет | пред 1 година

Ивановски: Целта и визиите на Владата за железничкиот сообраќај е да се поврземе со регионот и да ги поврземе коридорите 8 и 10д

Во синоќешниот поткаст „ВМРО-ДПМНЕ Зборува’’, гостуваше директорот на ЈП Железници инфраструктура на Македонија, Синиша Ивановски. Директорот го истакна фактот дека изминативе 8 години, минатото раководство се нема посветено на подобрување на инфраструктурата на железниците во Македонија.„За жал за 8 месеци не се стига се што 8 години било во тотален заборав, во тотален застој, но оправданија не треба да имаме, туку треба да се фатиме за работа, да веќе од оваа година пругата биде повторна операбилна до целосна проектирана состојба’’, нагласи Ивановски.Тој додаде дека ситуацијата во железничкиот сообраќај е ваква каква што е, само поради незаинтересираноста и немањето квалитетен кадар.„Погрешни кадри, не мотивирани за работа, инспирирани од некои други дејствија, а не од општо добри дејствија. Такви директори, таков министер имале кои што железницата не им била во видокруг. Тотално заборавена и демотивирана и затоа ние после години и години немавме и меѓународна линија’’, истакна Ивановски и продолжи. „Добар дел од возовите не биле во функција затоа што немале тркала. Толку звучи смешно, толку звучи несериозно’’, потенцираше Ивановски и дополни дека ова се случувало затоа што немало кој да направи јавна набавка за купување на тркала.Тој најави дека целта и визиите на Владата за железничкиот сообраќај е да се поврземе со Солун и Белград, односно поврзување на коридорите 8 и 10д.„Да бидеме поврзани со регионот, за неполни 8 години да имаме брз воз, патнички од 200 километри на час, а товарен со 120. За јавноста патничкиот е поинтересен. Да ве седнеме во Скопје во воз и за неполни 2 часа да бидете во Солун, да бидеме за 2 часа и нешто во Белград, притоа доста е поекономичен транспортот, доста побезбеден и многу поеколошки’’, заклучи Ивановски.

Македонија | пред 1 година