Мицкоски ги потврди списоците за вработување на Меџити, ДКСК итно да реагира, вели СДСМ

„Изјавата на премиерот Христијан Мицкоски дека секој можел да прави списоци за вработување е јасна потврда дека списоци за робусно вдомување на 3.000 партиски војници постојат“, вели СДСМ и додава:Се потврдуваат намерите со скандалозната најава на Меџити за историски најголема партизацијата на јавната администрација.Очигледно има веќе подготвени списоци со имиња на „подобните“ партиски кадри, кои треба да се вдомат во јавниот сектор. Прашањето е смее ли Мицкоски да побара одговорност од Меџити? Или дилот им е заеднички, пред локалните избори да има робусно полнење на администрацијата со партиски послушници?Овој огромен, робусен скандал со најголема партизација на институциите мора да биде целосно расчистен.ДКСК мора веднаш да отвори предмет по оваа изјава на Меџити. Сите моментални вработувања во администрацијата да бидат стопирани и да се обезбеди целосна истрага за овој скандал.

Македонија | пред 1 година

(Видео) Погодена рафинеријата во Русија. Гувернерот: Отпадоците од дроновите го предизвикаа пожарот

Отпадоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на регионот.„Според првичните информации нема повредени, а се проценува материјална штета“, напиша гувернерот Павел Малков на апликацијата за пораки Телеграм. Тој не прецизираше за која компанија се работи, но потврди дека службите за итна помош се на терен.База, информативен канал „Телеграм“ близок до руските безбедносни служби, објави дека украинските беспилотни летала целеле на нафтена рафинерија во Рјазан, која е во сопственост на Роснефт. Украинците се уште не се изјасниле.На социјалните мрежи се појавија снимки на кои се гледа пожарот што избувна по нападот.

Свет | пред 1 година

Трамп укинува 1.600 работни места во УСАИД: работници испратени на платен одмор

Администрацијата на претседателот Доналд Трамп објави дека ги става сите вработени во агенцијата за странска помош УСАИД, освен лидерите и клучниот персонал, на платен административен одмор и укинува 1.600 работни места во САД.Одделот за ефикасност на владата на милијардерот Илон Маск ги предводеше напорите за разбивање на Американската агенција за меѓународен развој, главниот механизам за испорака на американската странска помош и клучната американска алатка за „мека моќ“ за стекнување влијание во странство.„Со жалење ве информирам дека сте засегнати од акцијата за намалување на работната сила“, се вели во е-пошта испратена до еден од вработените што е отпуштен, а го видел Ројтерс. Оние кои ја примиле пораката ќе бидат отпуштени од федералната служба од 24 април, се вели во е-поштата.УСАИД на својата веб-страница објави дека нешто пред полноќ во недела, по источно време на САД, сите директно вработени освен основните ќе бидат ставени на одмор и дека 1.600 вработени на УСАИД во САД ќе бидат отпуштени.Во претходното известување испратено до персоналот, прегледано од Ројтерс, се вели дека околу 2.000 работни места во САД ќе бидат укинати. Белата куќа не одговори веднаш на барањето за коментар.Во петокот, федерален судија ѝ го отвори патот на администрацијата на Трамп да стави илјадници вработени во УСАИД на административно отсуство, што е чекор назад за синдикатите на државните служби кои тужат поради, како што ги нарекоа, напорите за нивно распуштање.

Скопје | пред 1 година

Зеленски: Подготвен сум да поднесам оставка како претседател на Украина доколку тоа донесе мир!

Украинскиот претседател Володимир Зеленски во неделата изјави дека е „подготвен“ да поднесе оставка од функцијата претседател доколку тоа ќе донесе мир во неговата земја, сугерирајќи дека би можел да ја замени за членство во НАТО, пренесува Си-Ен-Ен.Украинскиот претседател претходно изјави дека војската на неговата земја ќе мора да се удвои доколку НАТО ѝ одбие членство во алијансата. Претходно овој месец, американскиот секретар за одбрана Пит Хегсет рече дека пристапувањето на Киев во НАТО е нереално.Коментарите на Зеленски уследија по ескалацијата на спорот меѓу него и Доналд Трамп, откако американскиот претседател лажно ја обвини Украина за започнување на конфликтот.Кога Зеленски возврати - обвинувајќи го американскиот претседател дека е во „простор за дезинформација“ - Трамп го нарече Зеленски „диктатор“, затегнувајќи ги односите во клучен момент од конфликтот, пренесува Си-Ен-Ен.Американските и руските официјални лица се состанаа во Саудиска Арабија оваа недела на „почетни“ разговори за тоа како да се стави крај на војната, но го оставија Киев да гледа од далеку, предизвикувајќи паника меѓу европските сојузници.Русија лансираше рекордни 267 беспилотни летала во Украина во текот на ноќта, при што загина најмалку едно лице, во напад без преседан во пресрет на третата годишнина од руската војна во земјата, соопштија во неделата украинските власти.„Нашиот народ секој ден се спротивставува на воздушниот терор“, рече Зеленски во неделата, додавајќи дека нападот во текот на ноќта е „најголемиот напад откако иранските беспилотни летала почнаа да ги гаѓаат украинските градови и села“.

Свет | пред 1 година

Млад затвореник (21) почина во болница: сомнежот е дека се отрул

На 22.02.2025 во 11.31 часот во СВР Штип, од Клиничка болница Штип било пријавено дека кај нив од Казнено - поправната установа Затвор Штип со знаци на труење бил донесен осуденикот Е.А.(21) од Штип, кој по кратко време починал.Лекар констатирал смрт, а по наредба на јавен обвинител телото на починатиот било дадено на обдукција.

Македонија | пред 1 година

Се активира нова опрема за проверка на струјомери: Завршува ерата на неточни броила

„Завршува ерата на неточни броила!“, најави Министерството за енергетика, од каде додаваат:„Долги години, граѓаните се соочуваат со сомнежи за точноста на своите броила, Министерството за енергетика бара итно ставање во функција на софистицираната опрема за проверка на струјомерите, која 7 години собира прашина во Бирото за метрологија.Министерката Сања Божиновска веќе даде јасни насоки – граѓаните мора да добијат право на независна проверка на своите броила во државна институција. Ова значи дека секој сомнеж за неправилно фактурирање ќе може да се провери со прецизни и официјални мерења!➡️ Бирото за метрологија веќе започна процес за активација на опремата.➡️ Граѓаните ќе добијат транспарентен и праведен систем за мерење на потрошената енергија.➡️ Компаниите кои ги инсталираат броилата ќе бидат под дополнителна контрола!Точноста во мерењето на струјата не е привилегија – туку право! Министерството за енергетика останува посветено на вистински решенија кои носат промени“.

Македонија | пред 1 година

Андоновски: Целта е смарт-Македонија која со својот ИТ-кадар успева да се развие и да стане дигитално трансформирана држава

Формирањето на Министерството за дигитална трансформација беше стратешка одлука затоа што додека државите во регионот со забрзано темпо чекореа кон дигитализација, дигитална трансформација на процесите во министерствата, во институциите, во јавната администрација, ние некако од 2014/15 како да го заборавивме овој процес иако претходно бевме лидери во регионот во оваа област, вели Стефан Андоновски, актуелниот министер за дигитална трансформација, во рамки на денешната панел-дискусија, посветена токму на дигитализацијата која веќе станува реалност во Македонија.Во овој контекст, Андоновски потсетува на ситуацијата во оваа област која ВМРО-ДПМНЕ ја затекна при доаѓањето на власт, а тоа е една стагнација и катастрофални резултати без никаков напредок, со нешто помалку од 120 услуги на порталот uslugi.gov.mk и тоа услуги кои не се ниту најпотребни за граѓаните, ниту најфреквентни. При тоа, министерот појаснува дека истиот овој портал, од неговото формирање никогаш немал никаква надградба, подобрување, ниту пак бил познат за граѓаните, а уште помалку достапен за лицата со попреченост.„Мојот пристап беше поразличен, реков прво да го подобриме, да биде полесен за употреба, попристапен, полесен, достапен за лица со попреченост, да го наградиме во поглед на неговата безбедност, а потоа да го промовираме. Тоа и се случи, во декември месец го промовиравме редизајнираниот портал којшто е сега лесен за употреба. Со новите услуги тој станува првата контакт точка на граѓаните со администрацијата и мислам дека се повеќе и повеќе ќе зазема централно место во давањето услуги за граѓаните. Работиме и на системи за единствена најава коишто ќе го поврзат тој портал со сите други портали кои се покрупни“, информира Андоновски.Имено Андоновски, како министер настојува институциите кои немаат развиено електронски услуги и коишто се во прва фаза на развивање, тоа да го направат на националниот портал, а оние институции кои се веќе сериозно напреднати и имаат свои услуги на свој портал, да се вмрежат во еден систем за единствена најава. Преку таквиот систем, граѓаните воопшто нема да се занимаваат со тоа на кој портал се наоѓаат, туку ќе можат лесно и брзо да си ја завршат работата. Министерот исто така, ексклузивно најави дека од следната недела порталот ќе се збогати за пет нови услуги и откри дека дел од нив ќе потекнат од Министерството за внатрешни работи.„После подолго време Македонија е прв пат присутна на настан од таков калибар. За големината на настанот зборува што на истиот говореше Елон Маск, премиерот на Унгарија, Виктор Орбан, бројни претставници како директорот на „Гугл“, директорот на „Амазон“, навистина еден висок калибар на говорници. Имав можност да се сретнам со организаторот на тој настан, тоа се тројца практично министри од Владата на Обединетите Арапски Емирати“, одговара Андоновски, запрашан за Светскиот самит на влади 2025 година на кој беше присутен самиот тој.Андоновски се радува што моментално се работи на меморандум за соработка со ОАЕ и се надева дека истиот ќе биде потпишан оваа пролет. Тоа според него ќе овозможи размена на искуства и знаења помеѓу двете влади и ќе биде од особена корист за реализација на бројни активности, иновации, а зошто да не и инвестиции од страна на нивните главни компании во ИТ областа за која ние имаме исклучително квалитетни кадри и таленти.„ЕДИХ беше во зачетна фаза кога ние дојдовме на позиција. Еден голем конзорциум од многу квалитетни приватни компании, три универзитети и Сојузот на стопански комори на Македонија, навистина амбициозен план. Претходната влада им ветила дека ќе обезбеди кофинансирање од 50%, јас кога дојдов на позиција во Министерството никаде во буџетот не можев да најдам такви средства за кофинансирање, никој не ги предвидел“, вели Андоновски зборувајќи за првиот европски дигитален иновациски хаб.Тој појаснува дека веднаш заедно со премиерот, министерката за финансии и министерката за образование и наука се екипирале и обезбедиле средства од над 60 милиони денари, наредните три години за да го кофинансираат овој многу сериозен проект. Суштината на овој проект се состои во помагање на приватниот сектор дигитално да се трансформира преку поддршка на иновации, планови за дигитализација и роуд-мапи за секој бизнис и така натаму кој овој хаб бесплатно ќе ги дава кон нив.„Јас планирам и моето министерство, а се надевам и другите ќе пројават интерес, да развиеме со ЕДИХ-от заеднички програми за обука на јавната администрација за клучни дигитални вештини и на тој начин да креираме еко-систем кој ни помага. Сметајте на тоа дека ако имаме два вакви ЕДИХ-а 50% од работата сме ја завршиле, ако имаме уште еден во наредниве три години ние ќе обезбедиме повеќе од десет милиони евра кофинансирање од ЕУ затоа што ја исполнуваме реформската агенда и ова е начинот на којшто се пристапува кон ЕУ, со дела со работа“, заклучува Андоновски.

Македонија | пред 1 година

Некој може да си прави списоци, ама такви вработувања ќе нема, рече Мицкоски по најавите на Меџити за масовни вработувања

Некој може да си прави списоци, ама додека сум премиер вработувањата ќе бидат според компетентност, рече премиерот Христијан Мицкоски на најавите дека Изет Меџити ќе вработи 3.000 Албанци на државно во наредниот период. Според Мицкоски, само лица соодветни за тие работни места ќе седат во државните фотелји.„Нема таква работа, го прочитав тоа. Ниту ќе има додека јас сум претседател на македонската Влада. Добро е да се вработуваат компетентени луѓе и луѓе кои соодветно ќе одговорат на тие места. Партиски и етнички клучеви не треба да дискутираме. Рековме дека ќе направиме закон за праведна етничка припадност, бидејќи претходниот е укинат. Некој може да седи и да си прави списоци, ама додека јас сум премиер, нема да се случи таа работа“, рече Мицкоски.Претходно, реагираше СДСМ.„Изет Меџити подготвува робусна акција-најголеми партиски напад врз институциите досега со 3.000 нови партиски вработувања во државната администрација. Скандалозната најава од вицепремиерот Меџити отвора сериозни сомнежи за постоење на веќе подготвени списоци со имиња на „подобните“ партиски кадри, кои треба да се вдомат во јавниот сектор“, рече Богданка Кузеска, портпаролка на СДСМ.

Македонија | пред 1 година

„Процедурата е тргната, нема застанување. Ќе го поминеме тоа“, вели Мицкоски за разрешувањето на Коцески

Конечниот предлог за разрешување на државниот обвинтиел Љупчо Коцевски, сосе процедура, ќе се разгледува и гласа на следната владина седница која е закажана во вторник, односно за два дена. Тој најави дека процесот нема да застане, туку ќе заврши.„Процедурата е тргната, нема застанување. Ќе го поминеме тоа“, рече Мицкоски.Тој додаде дека следен процес се интерпелациите во Судскиот совет.„Тие два процеси не се во колизија, следно е Судски совет“, додаде Мицкоски.

Македонија | пред 1 година

Мицкоски: Тука нема играње, ние први го запоседнуваме теренот, јас така работам

Ја раскажувавме вистинската вистина за Македонија во Вашинготн, вели премиерот Христијан Мицкоски по враќањето од десет дневната тура. Тој посочи дека таму ја испратил пораката дека Македонија 20 години не може да мрдне бидејќи некој треба да решава работи од 10 век во 21 век. Мицкоски рече: „Може да испишете статус, нема да смени ништо. Но ако отидете таму, се борите и аргументирате - тоа е вистинскиот начин. Јас и натаму ќе се борам“.„Сега во Вашингтон буквално на најголемиот настан на Републиканците разговарав со десетина луѓе. Таа е линијата, тоа е новото нормално кое доаѓа и ќе го преплави светот. Тука нема играње, ние први го запоседнуваме теренот. Тоа е мојот начин на работа, немаме втора шанса за прв впечаток. Запоседни го теренот, па другите се редат зад тебе. Ние мора да го запоседнеме теренот и да се пронајдеме во новото нормално. Таа е кампањата која јас ја водам. И мора да кажеме која е нашата фрустрација и болка“, рече Мицкоски.Потоа, тој најави посета на Турција.„Одам на приватен ручек со Ердгоан, за потврда на стратешкото партнерство. Одиме потоа во Будимпешта. Мораме да градиме сојузништво, ова е новото нормално“, додаде Мицкоски

Македонија | пред 1 година

СДСМ упорно ја игра улогата на вазали на ДУИ, лаејќи наместо Ахмети и Груби, вели ВМРО-ДПМНЕ

„СДСМ повторно шири лаги и се обидува да ја замајува јавноста со невистини за наводна партизација“, вели ВМРО-ДПМНЕ и додава:Фактите се јасни – Владата предводена од ВМРО-ДПМНЕ нема намера да ги повторува нивните грешки. Додека беа на власт, токму тие ја претворија администрацијата во партиски штаб, а сега, кога се во опозиција, очајно се обидуваат да ги покријат сопствените неуспеси со евтини обвинувања.Но, вистинската причина за оваа хистерија на СДСМ е нешто друго – нивната упорна желба да останат вазали на ДУИ. Наместо Ахмети и Груби сами да се правдаат за скандалите и катастрофалните политики што ја уназадија државата, СДСМ им ја завршува валканата работа, лаејќи по ВЛЕН. Овој нивен рефлекс е одамна познат – служат како кучиња-загари на режимот кој доживеа колапс на изборите.СДСМ ќе се увери дека и во ова погрешиле, но џабе – кога памет, очигледно, не им доа

Македонија | пред 1 година

Нема фотографија

Путин има само еден приоритет, најави кон што цели во наредниот период

Рускиот претседател Владимир Путин денеска вети дека ќе им обезбеди на руските сили помодерно оружје и технологија, еден ден пред третата годишнина од инвазијата на Москва на Украина.„Им благодарам на сите учесници во специјалната воена операција за нивната борбеност и одлучноста за победа“, рече Путин во видео пораката по повод одбележувањето на Денот на бранителот на татковината, еден од најважните национални празници во Русија.Кремљ официјално ја нарекува руската инвазија на Украина „специјална воена операција“.„Денес, среде брзите промени во светот, нашиот стратешки пат кон зајакнување и развој на вооружените сили останува непроменет“, рече Путин.„Врз основа на искуството и барањата на бојното поле, опремувањето на војниците со ново оружје е приоритет“, додаде тој.Путин ја даде оваа изјава пред големата прес-конференција што украинскиот претседател Володимир Зеленски, кој има намера да ја одржи денеска. Се очекува Зеленски да зборува за ситуацијата на првите борбени линии.Конференцијата на украинскиот лидер доаѓа само неколку дена откако американскиот претседател Доналд Трамп, во пресврт на американската политика, остро го критикуваше, нарекувајќи го „диктатор“ поради одложувањето на изборите поради војната што Путин ја започна на 24 февруари 2022 година.САД беа најважниот сојузник на Украина и снабдувач со оружје кога претходникот на Трамп, Џо Бајден, беше на функција, но неодамнешните коментари на Трамп сугерираат дека САД можеби нема да продолжат да ја поддржуваат Украина.Додека руската војска продолжува да напредува во источна Украина, независни експерти проценуваат дека се убиени најмалку 95.000 руски војници, но овие бројки не можат да се потврдат. Од почетокот на војната, Путин ја трансформираше земјата во воена економија, а одбранбената индустрија работи со полна пареа.

Свет | пред 1 година

(Видео) Истанбул под снег

Снег продолжува да вее во некои населби на Истанбул, најнаселениот град во Турција, јавува Anadolu.Снежните врнежи кои на моменти се интензивираа, особено во северните и повисоките делови, ги зафатија познатите знаменитости на градот кој се простира на два континента. $bp("TargetVideo_40307184", {"id":"26456","width":"762","height":"429","video":"2017015","autoplay":0,"shared":true});Бидејќи е викенд, досега не се пријавени поголеми проблеми во сообраќајот.Иако екипите работат на отстранување на снегот од главните сообраќајници, движењето на возилата е отежнато поради насобирањето снег на споредните улици.

Свет | пред 1 година

Дванаесет уапсени, најголем број во Скопје: една од акциите била на патот Тетово-Скопје

Денеска (23.02.2025) во 02.30 часот во ноќен клуб на подрачјето на општина Аеродром во Скопје, полициски службеници од СВР Скопје го лишиле од слобода Н.Н.(40) од Куманово затоа што кај него била пронајдена и одземена бела прашкаста материја. По документирање на случајот ќе следува соодветен поднесок.Денеска (23.02.2025) во 02.50 часот во Скопје, на подрачјето на Карпош, полициски службеници од СВР Скопје ја лишиле од слобода И.С.(18) од Струмица затоа што кај неа била пронајдена и одземена марихуана. По документирање на случајот ќе следува соодветен поднесок.Денеска (23.02.2025) во 00.00 часот во Скопје, на подрачјето на Гази Баба, полициски службеници од СВР Скопје го лишиле од слобода К.С.(32) од Скопје затоа што кај него била пронајдена и одземена грутчеста материја. По документирање на случајот ќе следува соодветен поднесок.На 22.02.2025 во 23.15 часот во Скопје, на подрачјето на Гази Баба, полициски службеници од СВР Скопје го лишиле од слобода М.М.(24) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.На 22.02.2025 во 13.40 часот во с.Трубарево, скопско, полициски службеници од СВР Скопје го лишиле од слобода С.С.(20) од с.Трубарево затоа што кај него била пронајдена и одземена дробилка со остатоци од марихуана. По документирање на случајот ќе следува соодветен поднесок.На 22.02.2025 во 17.35 часот во Скопје, на подрачјето на Чаир, полициски службеници од СВР Скопје го лишиле од слобода Е.А.(23) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.На 22.02.2025 во 22.40 часот на патот за с.Ротино, битолско, полициски службеници од СВР Битола ги лишиле од слобода Д.А.и Ј.Ш., двајцата од Битола, затоа што кај нив била пронајдена грутчеста материја. По документирање на настанот, ќе следува соодветен поднесок.На 22.02.2025 во 21.30 часот на регионален пат Тетово – Скопје, пред с.Сараќино, тетовско, полициски службеници од Полициското одделение Групчин ги лишиле од слобода А.А(19) и А.М.(21) од с.Шемшово, А.Ј.(18) од с.Слатино, тетовско и малолетник од с.Палатица затоа што кај нив биле пронајдени и одземени марихуана и боксирач. Тие биле задржани во полициска станица и по документирање на случајот ќе биде поднесен соодветен поднесок.

Македонија | пред 1 година

Сообраќајка на Пластичарска: две лица во болница, едно со потешки повреди

На 22.02.2025 во СВР Скопје било пријавено дека околу 07.35 часот на бул.„Никола Карев“ во Скопје се случила сообраќајна несреќа помеѓу патничко возило „цитроен“ со кумановски регистарски ознаки, управувано од М.А.(37) од с.Романовце, кумановско и патничко возило „фиат пунто“ со скопски регистарски ознаки, управувано од Д.П.А. (48) од Скопје.Во нерсеќата со тешки телесни повреди се здобила М.А., констатирани во приватна болница во Скопје, додека Д.П.А. се здобила со телесни повреди, констатирани во Ургентен центар при Комплекс клиники „Мајка Тереза“ Скопје.Извршен бил увид од увидна екипа од СВР Скопје.

Скопје | пред 1 година

Речиси еден месец нема ни трага ни глас од Миле Тодоров, агонијата на семејството продолжува

Неготинецот Миле Тодоров исчезнал на 30. јануари и се бара веќе 25 дена. Теренот каде се претпоставуваше дека може да биде најден го пребаруваше полицијата, негови пријатели и роднини - но од момчето ни трага ни глас.Според информации од семејството, тој стигнал на работа, разговарал со сопственикот на фирмата и му кажал дека дава оставка. Иако претходно не ја најавил оставката, разговорот поминал во најдобар ред, по што Миле се упатил пеш од Кавадарци кон Неготино.Бил забележан на безбедносни камери, последен пат околу 10.30 часот истиот ден, кај селото Марена, а потоа беше пронајден и неговиот мобилен телефон во таа област, покрај реката Луда Мара.Бил облечен во црно работничко одело, бело палто и црн елек. Висок е 185 см.Доколку имате информации, јавете се на полицијата или на броевите: 078/909-481 и 075/691-727.

Македонија | пред 1 година

Германците гласаат: Фаворитот вети „поместување на десно“, АфД поддржана од Маск очекува историски успех

Германските гласачи денеска излегуваат на гласање на општите избори на кои конзервативците се фаворити по кампањата потресена од подемот на екстремната десница и драматичното враќање на американскиот претседател Доналд Трамп. Гласачките места беа отворени во 8 часот, а право на глас имаат повеќе од 59 милиони Германци. Првите проценки врз основа на излезните анкети се очекуваат по затворањето на гласачките места во 18 часот.Наводниот нов канцелар Фридрих Мерц вети цврста промена надесно доколку биде избран за да ги врати гласачите за екстремно десничарската антиимиграциска Алтернатива за Германија (AfD), која очекува рекорден резултат по серијата смртоносни напади за кои се обвинуваат барателите на азил.Германскиот претседател Франк-Валтер Штајнмаер ја искористи можноста за време на гласањето да им се заблагодари на изборните помагачи, од кои во Германија има околу 675.000. Тој ги повика и граѓаните со право на глас да гласаат.„Искористете го своето право на глас, излезете на гласање и одлучувајте за иднината на нашата земја со мислата дека вашиот глас може да биде одлучувачки“, рече Штајнмаер додека гласаше во берлинското училиште кое, како и многу други во Германија, служи како избирачко место оваа недела.Клучното гласање во најголемата економија на Европската унија доаѓа во време на тектонски промени во американско-европските односи предизвикани од директното обраќање на Трамп до рускиот претседател Владимир Путин, заобиколувајќи ја Европа, за да се стави крај на војната во Украина.Низ Европа, сојузниците на НАТО се загрижени за иднината на алијансата, никаде повеќе како во Германија, која напредуваше под безбедносниот чадор предводен од САД.Сепак, на Мерц може да му бидат потребни многу недели за да се договори за коалициска влада, што ќе доведе до уште поголема политичка парализа во Берлин во таков тензичен период.Во необичен развој на настаните во услови на поларизирана кампања, АфД уживаше поддршка од внатрешниот круг на Трамп, при што милијардерот Илон Маск ја пофали како единствената партија што ја „спасува Германија“.

Свет | пред 1 година

Шефот на швајцарската армија: Би можеле да учествуваме во мировната мисија во Украина

Швајцарија би можела да придонесе за идната мировна мисија во Украина, доколку тоа се бара, а владата се согласи, изјави командантот на швајцарските вооружени сили Томас Сусли во интервју објавено денеска.„Веројатно би можеле да обезбедиме околу 200 војници за девет до 12 месеци“, рече Сусли за весникот SonntagsBlick, нагласувајќи дека владата и парламентот ќе одлучат дали Швајцарија биде поканета да го стори тоа.„Разговорот за испраќање мировници засега е чисто хипотетички бидејќи не е јасно како ќе се развива ситуацијата меѓу Русија и Украина. Се уште нема мир и нема барање од Обединетите нации“, додаде тој.Неутралната Швајцарија учествува во неколку мировни мисии ширум светот, со најголема во Косово, каде што има војници распоредени за поддршка на силите на НАТО на Косово (КФОР).Европските сили разговараа за можноста за испраќање мировници во Украина во услови на дипломатски напори да се стави крај на конфликтот, три години по целосната инвазија на Русија во 2022 година.

Свет | пред 1 година

Истрага против дилер на марихуана во Тетово

Основното јавно обвинителство Тетово донесе Наредба за спроведување истражна постапка против едно лице за кривично дело- Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.„При претрес во домот на осомничениот, во рамките на оперативна полициска акција, пронајдени се 126,95 грама марихуана во поделена во 85 зипер ќесички подготвени и наменети за натамошна недозволена продажба. Исто така, од осомничениот 37- годишен тетовец се одземени и парични средства во вкупен износ од 71.700 денари за кои постои сомнение дека потекнуваат од илегална продажба на дрога.Бидејќи постои опасност од бегство, можност за влијание врз сведоци и ризик дека осомничениот би можел да го повторува делото, јавниот обвинител до судијата на претходна постапка достави предлог за определување мерка притвор“, велат од Основното јавно обвинителство Тетово.

Македонија | пред 1 година

Партиски преписки и препукувања во недела

ВМРО-ДПМНЕ, СДСМ, Левица и Вреди утрово преку соопштенија се обратија до јавноста. Сите, со различни теми. Додека Вреди се пофали со поевтини цени на производи, Левица упати барање за укинување на двојазични декларации. ВМРО-ДПМНЕ го нападна СДСМ, а пак опозициската СДСМ го нападна премиерот Христијан Мицкоски.СДС и Филипче јавно да се оградат и да го осудат говорот на омраза на Сашо Орданоски кон САД и претседателот Трамп, побара ВМРО-ДПМНЕ„Сашо Орданоски е еден од најголемите гласноговорници и поддржувачи на СДС. На сите јавни и медиумски настапи, Сашо Орданоски секогаш поддржувал и промовирал ставови и политики на СДС. Орданоски е перјаница на СДС и секогаш бил на иста линија и во нивна поддршка. Работел на проекти, програми и кампањи како социјалдемократите да ги донесе на власт. А, за време на СДС на власт, Орданоски на јавните настапи и во своите писанија ги бранеше нивните погубни и предавнички политики и ги величеше шефовите на таа партија. И за тоа, СДС на власт, на Сашо Орданоски дословно му се оддолжувале, како што е примерот од 350 илјади евра за неговиот брат од Фондот за иновации за технолошки развој и тоа за плагијат проект. Значи, Орданоски нема ниту еден настап или писание што не се на иста линија и што не ги поддржува СДС. Затоа, со оглед на фактот што СДС и Венко Филипче не се оградија и јавно не го осудија, легитимно се покренува прашањето дали го поддржуваат и го делат истиот став со Сашо Орданоски за САД и претседателот Доналд Трамп?“, велат од ВМРО-ДПМНЕ.СДСМ: Меџити спроведува робусна партизација со 3.000 партиски кадри а Мицкоски молчи„Изет Меџити најавува робусна, историски најголема партизација на институциите со вработување на 3.000 партиски кадри во администрацијата а Мицкоски молчи. Таравари рече дека прво треба да се решат етничките прашања а потоа да се зборува за економија. Меџити има стратегија за вдомување прво на партиските кадри. А Мицкоски си молчи. Молкот на Мицкоски значи дека робусната операција за партизацијата на администрацијата е веќе договорена работа пред изборите. Ова е скандал од огромни размери, кој говори дека зад лажниот патриотизам се крие систем на клиентелизам и корупција и затоа мора да има одговорност. СДСМ бара веднаш да бидат запрени сите вработувања во јавната администрација, целосна истрага за овој скандал и постапка од Државната комисија за спречување корупција“, велат од СДСМ.Левица: Пратениците да го поддржат предлог - законот за укинување на двојазичните декларации„Левица го повикува владејачкото мнозинство, на седницата во понеделник, да го поддржи Предлог-законот за измена на Законот за потрошувачи, со кој се укинува обврската за двојазични декларации на производите! Со овој Закон се исправa неправдата врз македонските производители и потрошувачи, кои со години се соочуваат со административни и финансиски товари наметнати од клиенталистичките политики на режимските партии. Го повикуваме ДПМНЕ, кои во минатото тврдеше дека Законот за двојазичност е противуставен, сега да застане зад својот став и да гласа за укинување на оваа обврска, која не само што е правно спорна, туку и директно ги оштетува македонските производители и трговци, особено во време на економска криза. Очекуваме сите пратеници кои вистински се залагаат за интересите на народот да го поддржат овој закон и да стават крај на непотребната бирократска заврзлама која ги става во неповолна положба македонските производители“, велат од Левица.Вреди: Доброто владеење има име ВЛЕН, 1.000 производи по поевтини цени„Коалицијата ВЛЕН продолжува да се обврзува да им гарантира на граѓаните подобра социјална и економска благосостојба и посоодветно да си ги дозволи високите трошоци што ги практикуваше претходната влада. Во ова време кога не само кај нас туку и во целиот регион се соочуваме со поскапување на основните производи, Владата на ВЛЕН презеде иницијатива да го ограничи профитот на трговците за да ги заштити граѓаните од изнуда и сиромаштија. Во таа насока, Владата на ВЛЕН отсега ја ограничи профитната маржа на 5% на млеко, леб, брашно од типот 400 и 500, јајца, масло за јадење, јогурт и павлака. Додека на 10% профитната маржа е ограничена на месо и преработки од месо, шеќер, млечни производи, маргарин, путер, конзервиран зеленчук и овошје, грав, ориз и тесто. Додека средствата за хигиена, свежото овошје и зеленчук, детергентите, детската храна, пелените, сапунот, тоалетната хартија се ограничени на 15 отсто. Преку овие мерки ние како ВЛЕН ја докажуваме нашата посветеност на граѓаните и нивната социјална благосостојба. Заедно со постојано ангажираните експерти креираме политики за заштита на граѓаните од високите трошоци кои ги оштетуваат нивните џебови и ви гарантираме безбедност и економска стабилност“, велат од Вреди.

Македонија | пред 1 година

Се сеќавате на оние 300 милијарди долари што Западот ги замрзна за Русија? Сега тие стануваат многу важни

Украинската влада објави дека се во тек разговори со американските колеги и дека се надеваат дека наскоро ќе го финализираат договорот за нови билатерални односи меѓу Киев и Вашингтон. Јасно е дека клучната тема е американската побарувачка за украински ретки минерали во замена за американските гаранции за безбедноста на Украина. Украинскиот претседател претходно го отфрли американското барање, наведувајќи дека нема да ја „продаде својата земја“. Следеа јавни препукувања и навреди од американска страна, но сега и американската страна откри дека е во тек договор меѓу Америка и Украина. Русија исто така одговори со јавни изјави од нејзина страна. Државните медиуми објавија дека во трета земја се организира нова средба Москва-Вашингтон.„Денес се соочуваме со две паралелни, но, се разбира, до одреден степен политички меѓусебно поврзани патишта: едното е прашањето за Украина, другото е билатералните односи меѓу Америка и Русија“, изјави рускиот заменик министер за надворешни работи Сергеј Рјабков.Ројтерс, пак, објави дека Русија може да се согласи да дозволи нејзините замрзнати средства на банкарските сметки во Европа да се користат за обнова на Украина. Сепак, средствата треба да се искористат надвор од областа што моментално ја окупира Москва. Ова за Ројтерс го потврдија три неименувани извори. Имотот на руската држава, најмногу во институциите на ЕУ и некои во Обединетото Кралство и САД, се проценува на 300 до 350 милијарди долари. Една од вестите поврзани со преговорите беше демантирана од двете страни, онаа за повлекување на дел од американските сили распоредени во Источна Европа како дел од НАТО. Рускиот министер за надворешни работи Сергеј Лавров на маргините на состанокот на Г-20 во Јужна Африка изјави дека „Москва нема да го покрене прашањето за укинување на западните санкции кон Русија“, бидејќи претпоставува дека тоа е „еклатантно кршење на меѓународните правила“.Русија категорично го отфрли француско-британскиот предлог за распоредување на 30.000 европски војници за да ги чуваат критичните точки во Украина, како што се пристаништата, нуклеарните централи и енергетската мрежа. Меѓутоа, Русија категорично го отфрли „НАТО во Украина“.Блумберг, пак, пишува дека Европската унија би сакала да го компензира американското напуштање на Украина со обезбедување голема нова транша помош за Киев. Европската унија подготвува пакет од околу 20 милијарди евра воена помош за Украина, изјави за Блумберг извор близок до дискусиите. Сепак, многу ќе зависи од Унгарија, чија влада е проруска, и од резултатите од изборите во Германија.Француски „Монд“ пишува дека, покрај Украина, и за Русија е подеднакво важна иднината на „безбедносната архитектура во Европа“. За Москва, прашањето за проширувањето на НАТО кон исток, распоредувањето на американски ракети со среден дострел во Европа и нуклеарното одвраќање се од клучно значење.„Долгорочно решение на конфликтот е невозможно без сеопфатен преглед на безбедносните прашања на континентот“, изјави портпаролот на Кремљ, Дмитриј Песков, претходно оваа недела. Тоа значи дека Русија сака да разговара за бројни теми, кои често се испреплетени, како што се бројот на конвенционални трупи во Европа, американскиот нуклеарен чадор, па дури и амбициите на вселенската програма, наведува „Монд“.

Свет | пред 1 година

Нема фотографија

Папата помина мирна ноќ, но состојбата е критична, објави Ватикан

Папата Фрањо, кој е во болница борејќи се со пневмонија, помина мирна ноќ одморајќи се, соопшти утрово Ватикан.Папата беше примен во римската болница Гемели на 14 февруари, откако имаше потешкотии со дишењето неколку дена, а потоа му беше дијагностицирана билатерална пневмонија. Ватикан вчера за прв пат ја опиша неговата состојба како критична, известувајќи дека тој ден му бил потребен дополнителен кислород и трансфузија на крв.„Ноќта беше тивка, папата одмараше“, објави Ватикан во најновиот извештај утринава.Ватикан синоќа соопшти дека здравјето на папата Франциско се влошило во последните 24 часа, додавајќи дека тој претрпел „продолжена респираторна криза слична на астма“ и дека примил трансфузија на крв.„Светиот Отец е свесен и го помина денот во лежалка, иако е послаб од вчера. Во овој момент прогнозата останува неизвесна. Состојбата на Светиот Отец и понатаму е критична“, се вели во синоќешното соопштение на Ватикан.Ватикан претходно објави дека Папата денеска нема да се појави во јавноста да се моли со аџиите, со што се одбележува втора недела по ред кога го пропушта настанот. Билатералната пневмонија е сериозна инфекција која може да ги оштети двете бели дробови и да предизвика отежнато дишење. Ватикан ја опиша инфекцијата на папата како „сложена“ бидејќи била предизвикана од два или повеќе микроорганизми.Франциско, кој е папа од 2013 година, страдаше од периодично лошо здравје во последните две години. Тој е особено склон кон инфекции на белите дробови бидејќи кога бил млад заболел од плеврит и му бил отстранет дел од едното белодробно крило.

Свет | пред 1 година

Се слушнаа Трудо и Трамп; Бела куќа: И двајцата сакаат крај на војната во Украина

Канадскиот премиер Џастин Трудо и американскиот претседател Доналд Трамп разговараа за војната во Украина и напорите за борба против нелегалната трговија со фентанил, се вели во соопштението од канцеларијата на Трудо.Разговорот дојде додека лидерите на групата земји Г7 планираат утре да одржат повик со генералниот секретар на НАТО, лидерите на Европската унија и лидерите на Романија и Полска за да разговараат за војната во Украина.Белата куќа соопшти дека и Трамп и Трудо изразиле желба да видат крај на тригодишната војна.„Двајцата лидери рекоа дека се радуваат на повик во понеделник“, се вели во соопштението на Белата куќа.Патем, Трамп ја обвинува Канада за епидемијата на зависност од фентанил во Америка, сметајќи дека таа не е ефикасно се бори против шверцот, а тој е незадоволен и од нејзиниот однос кон илегалната имиграција.

Свет | пред 1 година

Ако федералните вработени не одговорат што правеле минатата недела, Маск им се закани со отказ

Вработените на ФЕДЕРАЛ во Соединетите Американски Држави вчера почнаа да добиваат мејлови со барање да објаснат што правеле изминатата недела.„Ве молиме, одговорете на оваа е-пошта со приближно пет работи што ги постигнавте минатата недела. Ве молиме не испраќајте доверливи информации, линкови или прилози“, се вели во е-пораките, кои беа испратени од човечките ресурси на Канцеларијата за управување со персоналот на САД. Темата на мејловите е: „Што направи минатата недела?“„Како дел од посветеноста на администрацијата на Трамп за ефикасна и одговорна федерална работна сила, Канцеларијата за управување со персонал бара од вработените да достават резиме за она што го направиле минатата недела до крајот на понеделникот. Агенциите ќе ги одредат сите следни чекори“, потврди Канцеларијата за управување со персоналот.Илон Маск, американски мултимилијардер и шеф на Одделот за владина ефикасност (DOGE) на администрацијата на Трамп, се закани дека ќе го отпушти секој федерален вработен кој нема да објасни каква работа направил во текот на претходната недела.„Во согласност со инструкциите на претседателот Доналд Трамп, сите федерални вработени наскоро ќе добијат е-пошта со барање објаснување за тоа што направиле минатата недела. Неодговорот ќе се смета за оставка“, објави Маск на платформата на социјалните мрежи X.Сепак, во самите мејлови не е наведено дека неодговорот ќе се смета за оставка. Единствено беше истакнато дека крајниот рок за доставување одговори е понеделник до 23:59 часот по источно време.Претседателот на еден синдикален огранок изјави за Си-Ен-Ен дека добива пораки од загрижените членови. „Немаме поим што значат овие пораки“, нагласи тој. Тој додаде дека ги советувал членовите на синдикалниот огранок да „почекаат додека не добијат дополнителни инструкции“.Во однос на рокот за одговор, тој предупреди дека тоа го отвора прашањето што се случува со работниците кои се на годишен одмор или боледување. „Дали тие се предмет на отказ затоа што не можат да одговорат? се запраша тој. Некои федерални вработени се пожалија дека вршат доверлива работа што не смеат да ја објават или дека немаат пристап до компјутери цело време, што може да предизвика да пропуштат рок.

Свет | пред 1 година

Кучето Зои е најдено по 13 дена, сопственичката објави дека е дома

Кучето Зои по кое се трагаше 13 дена е дома. Скопјанката Гордана Брњарчевска Дренкоска објави дека е земено, но не објави детали.„Зои си е дома луѓе... И Аја другарка и ја пречека. Ви Благодарам на сите Добри луѓе“, напиша сопственичката Брњарчевска Дренкоска.Претходно:

Скопје | пред 1 година