Герасимовски до пензионерите: Аплицирајте за „Итно копче“, помагаме во итни ситуации

Градоначалникот Горан Герасимовски информира дека во тек е јавниот повик за аплицирање за услугата „Итно копче“ во Oпштина Центар. Со оваа нова услуга, на повозрасните граѓани над 65 години им се обезбедува помош во итни ситуации, во домашни услови, достапна 24/7 во текот на целата година.„На јавниот повик можат да се пријават жителки и жители над 65 годишна возраст од Центар, со приоритет на лица кои живеат сами или со брачен другар, кој е со нарушена здравствена состојба. Корисниците коишто сакаат да се пријават треба да бидат со адреса на живеење во Општина Центар, да не надминуваат висина на пензија од 35.000 илјади денари и лица кои немаат дијагностицирано деменција, поради тоа што уредот не е соодветен за лица со деменција и Алцхајмерова болест. Оваа услуга е бесплатна и може да ја користи само еден член на семејството“, вели Герасимовски.Повозрасните жители може да аплицираат со пополнување на барање за користење на услугата Итно копче кое се пополнува за време на апликација во канцеларијата на Црвениот крст, со копија од лична карта и со копија од чек од последна пензија.Сите документи заинтересираните жители можат да ги достават во Канцеларијата на Итно копче - ул. „Славе Георгиевски Шнајдер“ бр.5, секој работен ден од 08:00 до 16:00 часот. Секоја достава на документи претходно се закажува на телефонскиот број 02/15330.Герасимовски, истакнува дека повозрасните центарци можат да добијат итна помош со едноставно притискање на копчето на уредот за комуникација, што се носи како приврзок во форма на нараквица или ланче.„По активирањето на копчето, сигналот стигнува до Црвениот крст кадешто одговорните лица стапуваат во контакт со корисникот на кого му треба брза реакција за да процени каква помош е потребна, а потоа, во зависност од состојбата се испраќа тим на терен или се повикува итна помош. Се грижиме за сите пензионери и возрасни жители на Центар“, посочува Герасимовски.Поради ограничен број на уреди, корисниците ќе се одбираат по принципот „прв дојден-прв услужен“.Повеќе информации за јавниот повик за аплицирање за услугата Итно копче може да најдете на следниот линк.

Скопје | пред 1 година

Македонија станува заложник на тате-бате-сине непотизмот на ВМРО-ДПМНЕ, вели СДСМ

„ДПМНЕ предводена од Мицкоски ја претвори Македонија во приватна компанија за семејни и партиски вработувања. Државните институции се полнат со кадри чии главни квалификации се фамилијарните и партиските врски, додека младите и способните луѓе ја напуштаат земјата“, вели СДСМ и додава:Семејството Андоновски е само врвот на ледениот брег. Тате Љупчо советник, бате Игор началник, синот Стефан министер – сè во владините институции кои служат на интересите на ДПМНЕ. Ова е дрзок непотистички систем кој покажува дека способноста и квалификациите се неважни во Македонија под нивна власт.И додека партиските функционери си ги вдомуваат семејствата, младите и образованите луѓе се оставени на милост и немилост – со минимални можности за работа и достоинствен живот.Наместо да ја користат својата енергија и потенцијал за напредок на земјата, тие се принудени да заминуваат во странство, бидејќи тука има место само за роднините на функционерите од ДПМНЕ.ДПМНЕ не нуди правда, ни еднакви шанси, туку создава систем кој ја убива надежта. Непотизмот и судирот на интереси кои ги практикуваат директно ги удираат граѓаните – од институциите, од економијата, од безбедноста. Владата не работи за народот, туку за „своите“.Младите во Македонија заслужуваат правда, еднаквост и можности, а не партиска диктатура. Доста е од овој трул систем кој гуши таленти и го поттикнува иселувањето. Време е за промени! 

Македонија | пред 1 година

Трамп му го прекина пристапот на Бајден до доверливи информации: „Џо, отпуштен си“

Американскиот претседател Доналд Трамп објави дека му го укинува безбедносното одобрение и пристапот до доверливи разузнавачки информации за неговиот претходник Џо Бајден, наведувајќи дека на Бајден повеќе не му е потребен пристап до доверливи информации.„Џо, ти си отпуштен“, напиша Трамп на својата платформа Truth Social, мислејќи на слоганот на неговото поранешно реално шоу „The Apprentice“.Бајден му го направи ова пред 4 годиниТрамп ја оправда оваа одлука велејќи дека Бајден му го направил истото во 2021 година, со што стана првиот претседател во историјата на САД кој на својот претходник му ги скратил брифинзите за разузнавањето.„Бајден го направи тој преседан кога и нареди на Разузнавачката заедница да го спречи пристапот до деталите за националната безбедност на 45-тиот претседател на Соединетите Држави (Мене!)“, напиша синоќа Трамп.

Свет | пред 1 година

Родителите тврдат дека не знаеле дека Васил го земал автомобилот, убедуваат дека е променет откако бил осуден за дрогата

Возачот Васил Јованов го украл автомобилот од родителите кога направил сообраќајка пред неколку години, а истото го направил и вечерта кога ја усмрти Фросина Куланова на пешачки. Ова го кажа неговиот татко Зоран Јованов, кој заедно со мајката Ана изразија длабоко сочуство на семејството на жртвата. Истовремено, посочија дека Васил е променет откако бил осуден за дрогата – марихуана и кокаин, за која доби воспитна мерка која сега му е преиначена во затворска казна од три години и десет месеци.„Таа вечер бев јас со една група пријатели и колеги, излезен, Васил беше дома кога излегов. Така што не знаев дека тој го земал возилото“, рече Зоран Јованов, татко на Васил.Но и покрај ова, таткото смета дека пресудата за дрогата каде Васил доби воспитна мерка, што сега е преиначена во затворска – вродила со плод.„Васил после пресудата, иако имаше неколку години потешкотии да се откаже од пушење трева, исклучиво трева, немаше други наркотични средства – после пресудата, навистина се промени. Како до допре до него нешто. Престана со цигари, се фокусираше на спортот, си најде психолог сам го посетуваше, си најде духовен водач во св. Јован Бигорски. Пресудата, притворот, постапката – не знам, но Васил се промени“, додаде Зоран Јованов.Адвокатот Сашко Дуковски, рече дека Васил не консумира алкохол и дрога. Но тоа траело до вечерта кога ја усмрти Фросина.„Првпат по седум-осум месеци, да тој конзумира воопшто алкохол на отворање на кафичот од негов пријател. Апсолутно ниту конзумира дрога и алкохол, до настанот. Тоа не е оправдување, но е факт“, рече Дуковски посочувајќи дека Васил е психички здрав, брзината со која го управувал возилото не е утврдена, притисок врз судот не е вршен.Осврнувајќи се на притворот, Дуковски рече дека не се противел Васил на притворот, признавајќи дека барал во негово име да не биде одредена оваа мерка.„Никој не се противел туку беа дадени законски наводи зошто сметаме дека не треба да се определи притвор“, рече Дуковски. 

Македонија | пред 1 година

Пронајдени остатоци од исчезнатиот авион на Алјаска, сите 10 патници загинаа

Американската крајбрежна стража во Алјаска синоќа пронашла остатоци од мал авион на замрзнат морски мраз, откако леталото ненадејно изгубило висина во четвртокот, при што загинале сите 10 лица во него, соопштија официјални лица.Двајца спасувачи на крајбрежната стража на САД кои стигнаа до урнатините можеа да видат три тела внатре, а другите седум се претпоставува дека се во урнатините, изјави портпаролот на крајбрежната стража Мајк Салерно на прес-конференција. „За жал, се чини дека не е несреќа што може да се преживее“, рече Салерно. Клинт Џонсон, шеф на канцеларијата на Националниот одбор за безбедност на транспортот на Алјаска, на истата прес-конференција рече дека 10 се мртви. „За жал, бидејќи остатоците се пронајдени и 10 луѓе загинаа, време е да ги засукаме ракавите и да се фатиме за работа“, рече Џонсон. Суровото зимско време ја отежна потрагата и може да бидат потребни часови или денови за да се извлечат телата од оддалечената локација, рекоа официјални лица.Остатоците се откриени на 55 километри југоисточно од Номе, соопшти крајбрежната стража во објавата која вклучува слика од остатоците во снегот и двајца членови на тимот за извлекување.

Свет | пред 1 година

Сестрата на Фросина: Сите сме сведоци на срамната изјава на родителите на Васо кои кажаа дека им ја крадел колата

Росица Кулакова, сестрата на Фросина, смета дека изјавата на родителите на возачот Васил Јованов дека тој го крадел автомобилот е срамна. Таа јавно ги праша, дали некогаш го пријавиле за кражба.„Сите сме сведоци на денешната срамна изјава од родителите кои кажаа дека Васо им ја крадел колата за да ја вози, а тие ко неми си ќутеле. Па зарем тоа не е кривично дело - КРАЖБА?! Дали некогаш родителите го пријавиле дека сторил кривично дело кражба? Колку пати Васо го повторил истото дело? И дали родителите на Васо прикривале кривично дело?! М?“, напиша Кулакова.Претходно:

Коментари | пред 1 година

Ангеловска-Бежоска: Девизните резерви растат и се повисоки во споредба со периодот пред пандемијата, како гаранција за стабилноста на девизниот курс

Нивото на девизните резерви на крајот на минатата година достигна пет милијарди евра и тие се повисоки за околу 50% во однос на претпандемичниот период. Гувернерката на Народната банка, Анита Ангеловска-Бежоска, на гостувањето во емисијата „Утрински брифинг“ на „Слободна ТВ“, посочува дека девизните резерви се најважниот фактор за одржување на стабилноста на домашната валута и дека во изминатиот период, и покрај кризите, тие речиси непрекинато растеа, како гаранција за задржување на стабилноста на девизниот курс.Ангеловска-Бежоска посочи дека растот на девизните резерви главно се должи на откупот на девизи од страна на централната банка на девизниот пазар, којшто речиси постојано се остварува од средината на 2023 година. „Вкупно за изминатите две години ние како централна банка на девизниот пазар откупивме 750 милиони евра, со што во целост се надомести износот којшто беше искористен за интервенции на девизниот пазар во периодот на пандемијата и во периодот на енергетскиот шок. Сето ова јасно говори за воспоставените силни одбранбени механизми од идни потенцијални ризици и шокови, заради натамошно одржување на стабилноста на девизниот курс на домашната валута“, нагласи Ангеловска-Бежоска.Гувернерката посочува и дека несомнено странските директни инвестиции имаат позитивен придонес кон порастот на девизните резерви. „Во претпандемичниот период, странските директни инвестиции изнесуваа околу 3,5% од БДП, во просек, по забавувањето во текот на пандемијата следеше процес на постепено закрепнување, а минатата година во првите три квартали достигнаа 5% од БДП, што е солидно ниво според историските параметри“, истакна Ангеловска-Бежоска. Таа истакна дека странските директни инвестиции не се важни само за порастот на девизниот потенцијал во нашата економија, туку поопшто за инвестицискиот циклус и за побрз раст и зголемување на нивото на доходот, којшто кај нас за жал сѐ уште е низок.Ангеловска-Бежоска истакна дека за остварување повисок економски раст особено е важна и солидната кредитна поддршка за граѓаните и компаниите од страна на банкарскиот сектор, чијашто стабилност и капацитет за кредитирање се зајакнати и покрај кризниот период, а адекватноста на капиталот е највисока во последниве две декади. Ова се должи меѓу другото и на мерките коишто ги преземаше централната банка. Гувернерката посочи дека важна улога за зголемувањето на инвестициите има и растот на зеленото кредитирање коешто во изминативе години се удвои од 2,2% на 4,4%.

Македонија | пред 1 година

Минусни утрински температури во цела држава, најстудено било во Берово

Утрово најстудено било во Берово каде што се измерени -9 степени, -8 било во Крива Паланка, -7 во Маврови Анови, Попова Шапка, -6 во Крушево, Битола, -5 во Скопје-Петровец, Штип, Велес, -4 во Гевгелија, Кавадарци, Тетово, Прилеп, Скопје-Зајчев Рид, Виница, -3 во Струмица, Охрид, -2 во Претор.Висината на снежната покривка во седум часот утрово изнесувала 30 сантиметри на Попова Шапка и 12 во Маврови Анови.Времето денескаУтрото студено со услови за појава на утринска магла по одделни котлините. Преку денот сончево со мала до умерена облачност. Ќе дува слаб до умерен променлив ветер. Максималната температура ќе биде во интервал од 4 до 11 степени.Во Скопје наутро со услови за појава на магла, преку денот сончево со мала до умерена облачност. Ќе дува слаб променлив ветер. Максималната температура ќе достигне до 9 степени.

Македонија | пред 1 година

Нема фотографија

Проданоски: Имплементацијата на системот „Безбеден град“ ќе придонесе за поголема сообраќајна култура и безбедност на граѓаните, а со тоа и безбедна држава

Во вчерашното издание не поткастот „ВМРО-ДПМНЕ Зборува, пратеничка група“ гостуваше пратеникот Дејан Проданоски кој дискутираше на тема поврзана со законските регулативи за зајакнување на безбедноста во сообраќајот, кои мерки се преземаат со цел намалување на сообраќајните несреќи, притоа стави акцент и на своите размислување за тоа како да се подобри безбедноста во сообраќајот.Најпрво пратеникот Проданоски, даде свое видување во однос на состојбите со сообраќајот, кои чекори можат да придонесат кон смалување на бројот на сообраќајни прекршоци, со оглед на тоа што се регистрирани преку 19 илјади прекршоци изминатите три години, но и за влијанието на законот и ригорозните мерки врз сето тоа.„Од она што и слушнавме и од она што го знаеме и како пратеници и како граѓани е дека навистина имаме и ригорозни закони коишто влијаат врз подобрување на безбедноста во сообраќајот и не е еден закон, туку неколку закони, Кривичниот закон, Законот за безбедност во патниот сообраќај и Законот за прекршоци, сите тие влијаат на некој начин да се подобри состојбата“, вели Проданоски.Во поткастот пратеникот наведе дека треба да биде казниво се што е поврзано со сообраќајните прекршоци, дека секоја неказнивост дава можност за повторување на прекршокот, исто така истакна и дека токму имплементацијата на системот „Безбеден град“ како приоритет на МВР, ќе помогне во тоа да се подобри сообраќајната култура во државата.„На ова гледам дека со исклучувањето на човечкиот фактор односно со воведувањето на системите на „Безбеден град“. Еве сега во најава за вклучување на системот „Безбеден град“ во главниот град, а понатаму слушнав денес и навистина тоа сум среќен како човек, да се прошири на територијата на целата држава и од безбеден град Скопје и безбедни градови во Република Македонија да станеме безбедна држава. Системите коишто се во најава да се воспостават, ќе направат јасна дистинкција ако сте направиле прекршок мора да бидете санкционирани“, рече Проданоски.Пратеникот Проданоски истакна кои фактори имаат влијание врз безбедноста во сообраќајот, притоа наведувајќи дека се преземаат конкретни чекори во таа насока со вложување во инфраструктурата, со осветлување на клучките и пешачките премини, исто така додаде дека возачите треба да ги почитуваат зоните на смирен сообраќај, а во однос на образованието да се зголемат часовите на техничко образование.„Неколку сегменти или неколку фактори се значајни за подобрување на безбедноста во сообраќајот и тоа е генералната безбедност, инфраструктурата и однесувањето на возачите во сообраќајот, во овие можеме да ги разгледуваме и детално. Во однос на безбедноста, ние еве како држава почнавме со големи чекори напред, подобрување на инфраструктурата е еден од главните предуслови за подобрување на безбедноста во сообраќајот. Јас доаѓам од Пелагонија од општина Прилеп, каде што еве во најава пуштена е една делница од експресниот пат Градско-Прилеп, се очекува до крајот на март да се пушти и комплетно дваесет и осум километарско подобрување на патната инфраструктура“, истакна Проданоски.

Македонија | пред 1 година

Скопјанка измамена за 615.000 денари: и јавиле дека нејзината ќерка предизвикала сообраќајка со смртни последици

На 06.02.2025 во 11.00 часот во СВР Скопје, 80-годишна жена од Скопје пријавила дека била измамена од едно лице за сума од 615.000 денари. Според пријавеното, лицето телефонски ѝ се јавило и се претставило како полициски службеник кој работел во Германија, каде живеела и нејзината ќерка, и ѝ кажало дека нејзината ќерка предизвикала сообраќајна несреќа во која прегазила дете кое починало и доколку не сака таа да лежи во затвор, требало да плати.Како што е пријавено, таа подигнала пари од банка и ги оставила на договореното место, а подоцна откако се слушнала со нејзината ќерка сфатила дека била измамена. Се преземаат мерки за расчистување на случајот.

Скопје | пред 1 година

Малолетници допирале по тело малолетничка во автобус кој сообраќај од Центар до Аеродром

На 06.02.2025 во 14.45 часот во СВР Скопје, 48 – годишен маж од Скопје пријавил дека околу 12.30 часот во автобус на ЈСП, кој сообраќал од Центар до општина Аеродром, неколку машки малолетни лица ја вознемирувале неговата малолетна ќерка и ја допирале по телото, при што едно од нив се соблекувало пред неа.Известен бил јавен обвинител за малолетници и се преземаат мерки за расчистување на случајот.

Скопје | пред 1 година

Малолетничка истепана и ограбена во парк во Ѓорче Петров, друг малолетник го снимал нападот со мобилен телефон

Вчера во 01.25 часот во СВР Скопје, И.Б.(41) од Скопје пријавила дека на 05.02.2025 околу 21.00 часот во парк на подрачје на Ѓорче Петров, нејзината малолетна ќерка била физички нападната од две малолетнички и еден малолетник, кои притоа ѝ одзеле чантата со пари, мобилен телефон и други лични работи, додека пак друг малолетник снимал со мобилен телефон.Се преземаат мерки за расчистување на настанот.

Скопје | пред 1 година

35-годишник од Бангладеш се заглавил во работна машина за правење бетон: од повредите починал на местото на несреќата

На 06.02.2025 во СВР Куманово било пријавено дека при извршување работни задачи за приватна фирма во село Кетеново, кратовско, А.Р.(35) од Бангладеш се заглавил во работна машина за правење бетон и од здобиените повреди починал на местото на настанот.Лекар констатирал смрт, а за настанот биле известени јавен обвинител и трудов инспектор. Увид извршила екипа од СВР Куманово и се преземаат мерки за расчистување на случајот.

Македонија | пред 1 година

Пеце Мирчевски ја користел СОЗР за личен профит, аздисаност и богатење на нему блиски лица, велат од ВМРО-ДПМНЕ

„Кадрите на СДС со години ги користеле институциите на државата за лукративни цели и богатење на лица блиски до врхушката на СДС. Кадарот на СДС Пеце Мирчевски ја користел СОЗР за личен профит и местеле тендери во четири очи од кои потоа дебело профитирале“, велат од ВМРО-ДПМНЕ.„Мирчевски од СДС потрошил десетици илјади евра службени пари за патувања, авио билети и сместувања, кои не биле службени, туку приватни.Пеце Мирчевски го оштетил буџетот на СОЗР за 29.000 евра, потпишувајќи неосновани решенија за резервации на хотели, авионски билети и службени патувања кои не биле оправдани.Наместо СОЗР да се користи во корист и служба на граѓаните, била користена за богатење на Пеце Мирчевски.Во периодот од 1 јануари 2022 година до 13 јуни 2024 година, Пеце Мирчевски во повеќе наврати потпишувал решенија за резервации на хотели, како и авио-билети за патувања во странство, со образложение дека се работи за службени потреби, иако во реалноста тие патувања не биле поврзани со неговата функција. На овој начин, тој го оштетил буџетот на СОЗР за 29.000 евра.Аздисаноста на Пеце Мирчевски одела до таму што се пишувал и како новинар, за да патува во Бугарија, за каде патот и смештајот му е платен како на новинар.Мирчевски од СДС освен што свесно и со умисла, извршил службени дејствија кои што не смеел да ги изврши, се расшетувал со народни пари.Мирчевски користејќи ја функцијата директор, остварувал директна материјална корист, за себе и за свои блиски лица. Одговорност има“, соопшти ВМРО-ДПМНЕ.

Македонија | пред 1 година

Осомничен за држење автоматска пушка под истрага на ОЈО Струга

Струшкото обвинителство донесе Наредба за спроведување истражна постапка против едно лице за кое постои основано сомнение дека сторило кривични дела – Неовластено изработување, држење, посредување и тргување со оружје и експлозивни материи од член 396 став 5 во врска со став 3, како и Фалсификување на огнено оружје согласно член 396-а став 1 од Кривичниот законик.Осомничениот 28-годишник, во својот дом во селото Ложани неовластено држел оружје и муниција кои на граѓаните им се забранети и за кои не може да се добие дозвола за поседување. Така, полицијата кај него пронашла автоматска пушка со дрвен кундак и рамка со 14 куршуми за автоматското оружје.Освен тоа, на пушката ги фалсификувал ознаките со бришење и уништување на фабричкиот број на оружјето.Надлежниот јавен обвинител до судијата на претходна постапка од Основниот суд во Струга достави предлог за определување мерка притвор, оценувајќи дека постои реална опасност од бегство и можност осомничениот да ја попречува постапката со влијание врз сведоците доколку се брани од слобода.

Македонија | пред 1 година

Горан Ангелов-Ќосето со скршени три ребра е вратен во затвор, не му дадоа да се лекува дома што е препорака од лекари, обзнани адвокатот Пешевски

Горан Ангелов-Ќосето со скршени три ребра бил вратен во затворот во Прилеп од велешкиот суд, обзнани адвокатот Драган Пешевски. Ќосето има проблеми со дишењето и движењето, а неговата состојба не може да се санира во затвор, бидејќи нема услови.Целата објава на адвокатот:„Како што во затворот Прилеп се дознало за смртта на Игор Југ, директорот на затворот го повикал Горан Ангелов-Ќосето кој беше негов најдобар другар, затворски сомаченик, соборец за Македонија уште од војната 2001 и му дал можност да искористи годишен одмор како би можел да го испрати својот најблизок!!! Ова не е спорно и е за поздравување!!!Спорно е што Горан, пред кратко време крши три ребра во затворот по што е хоспитализиран на хирургија. Пуштил молба за прекин на извршувањето на казната до одреден судија за извршување санкции до Велешки Суд како би ја санирал состојбата. Замислете ОДБИЕН Е!!! Со цел памет и на цела мака е ОДБИЕН. По препорака на хирурзи, специјалисти за домашно лекување ОДБИЕН Е!!! Истиот има проблеми со дишењето, со спиењето, со движењето и без срам ке ви кажам со одењето во ВЦ. Во затворот има исклучително чучавци, со скршени 3 ребра човекот треба да го држат тројца да изврши нужда!!! Тој човек е ОДБИЕН!!!Сабајлево како го ослободиле иако во тешка состојба не отиде ни до дома, ми се јави ми вика брат неможам да дишам ама морам да одам до кај фамилијата на Игор, да не им треба нешто да помогнам и така стори!!! Тој човек е ОДБИЕН!!!Пред некој ден од моја страна беше пуштено официјално барање за прекин на издржувањето на затворската казна додека се санира последицата. Сега е на ред управата и нејзиниот директор Александар Пандов. Они се на потег да го исправат овој СРАМ!!!Денеска изгубивме еден голем човек заради неправди, сплетки и ујдурми. Нека му е лесна земјата, утре во Куманово ке го исратиме, уште неможам да си дојдам на себе... Да не изгубиме уште еден на срамен начин!!!“.

Македонија | пред 1 година

Што порача Игор Југ во последнната објава

Неколку часа пред да почине, на ФБ Игор Југ напиша дека секогаш ги одржувал ветувањата и дека нема да лиже каде што плукал.„Во ормарот имам две одела. Едното е она во кое скоро сите ме препознавате, во онаа другото многу малку луѓе ме имаат видено.Пред многу години си ветив себеси и на фамилијата дека тоа одело никогаш нема да го извадам од ормарот и веќе никогаш нема да го облечам.Тоа одело го симболизира стариот јас, Игор Југ, кој 99% од вас не го познаваат, неговата црна страна.И ќе си го одржев зборот, мразам да лижам кај што сум плукнал, секогаш ги одржувам ветувањата.Но постапките на некои луѓе во изминативе години ме тераат со сила повторно да го облечам старото одело и да се вратам на стариот начин на функционирање.Едноставно, преку некои работи и понижувања не се поминува.Едно само нека знаат тие што ме тераат да им се покажам во оделото кое со години го ставив во заборав.Ако еднаш го облечам старото одело, додека не умрам нема да го соблечам. А последиците на проклетството кои тоа одело ги носи, ќе ги почувствувате вие, господа, кои со своите идиотски постапки ме натеравте да го извадам оделото кое никому не му е донело добро!P.S. Го пробав, сè уште добро ми стои, а и сè уште добро функционирам во него и знам да ги користам неговите моќи“, напиша Игор Југ.

Македонија | пред 1 година

Кривичен демантира дека Игор Југ барал повторување на постапката

Се огласи Кривичен суд по написите и објавите на социјалните медиуми.Со соопштение демантираат дека, сега починатиот Игор Југ барал повторување на постапкатаОд Основниот кривичен суд демантираат дека до нив било доставено барање за повторување на постапката за Игор Југ. Од таму велат дека досега до нив не било доставено вакво барање ниту од осудениот ниту од неговите бранители.„Во однос на лицето Игор Југ, кој е правосилно осуден во предметот за настаните кои се случија во Собранието на РМ од правосилноста на пресудата, па се до овој момент, до Кривичниот совет на Основниот кривичен суд Скопје не е доставено било какво барање од осудениот или неговиот бранител за повторување на постапката. Заради тоа во целост ги демантираме наводите дека судот не одлучувал по неговото барање“, се вели во реакцијата на судот.

Македонија | пред 1 година

Меѓуресорска група се грижи за подигнување на безбедноста во училиштата

Формирана е меѓуресорска група која ќе се грижи за подигнување на безбедноста во училишните објекти, откако утрово дел од училишните раководства добија пораки за поставени експлозивни направи во објектите. За ова денеска на прес конференција информираше министерката за образование и наука проф. д-р Весна Јаневска која рече дека важно е училиштата да останат мирна и хармонична средина во која учениците единствено ќе се посветат на стекнување што повеќе и поквалитетни знаења.„Одржавме состанок со претставници на Министерството за внатрешни работи и на неколку други институции кои се задолжени за јавната безбедност, претставници на Министерството за дигитална трансформација и Факултетот за информатички науки и компјутерско инженерство. Заеднички настапуваме во следниот период и со дополнителни напори од општините, ќе ја подигнеме безбедноста во училиштата“, рече Јаневска, додавајќи дека сите денешни дојави се лажни, а по направените проверки, учениците се вратени на настава.„Благодарам на полицијата и на сите други служби за брзата интервенција и посветеност кон најмладите и истовремено жалам што некој си поигрува со нашите деца и ја вознемирува јавноста. Потсетувам дека училиштата и понатаму во случај на дојави за експлозивно направи, треба веднаш да пријават во МВР и да ги следат упатствата и протоколите кои ќе ги добијат стручните лица од министерството. Секако важно е да внимаваат кој и како влегува во училишните објекти“, нагласи Јаневска.Упати апел до наставниците и другите вработени во училиштата, за комуникација да ги користат исклучиво службените електронски адреси кои се креирани од Министерството за образование и наука, а препораките за општините се согласно можностите, да ангажираат физичко обезбедување и да постават видео надзор.

Македонија | пред 1 година

Попов: Точно е дека пред 11 години направив грешка, бев осуден и целосно ги прифатив последиците

„Во контекст на обвинувањата кои произлегуваат од кујните на СДС, Левица и ним блиските полуги, а кои упатуваат на брутално злоупотребување и пооигрување со лични судбини, притоа надополнети со лаги и неточни информации, би сакал да ги изразам своите мисли и да го поделам моето гледиште за ситуацијата“, вели Сергеј Попов, пратеник од ВМРО-ДПМНЕ.„Точно е дека пред 11 години, кога бев на 18-годишна возраст, направив грешка која, за жал, имаше последици. Бев осуден за тоа и целосно ги прифатив последиците од моите дејства. Беше многу тежок период за мене и за моите најблиски. Во меѓувреме, ги исплатив сите штети кон лицата кои беа засегнати од моето недолично однесување. Таа грешка беше не само за мене, туку и за сите околу мене, и беше навистина важна лекција во мојот живот.Мора да нагласам дека, по таа случка, никогаш повеќе во животот не сум возел. Никогаш не сум повторил никакво слично дејство, и дури и денес, по 11 години, не сум положил за возачка дозвола, затоа што сметам дека на безбедноста на патиштата треба да се гледа со најголема сериозност и одговорност.Така што, кога се зборува за тоа дека наводно сум прегазил жена на улица, би сакал да ја исправам оваа теза. Случајот во кој беше вмешано моето име не беше таков. Се случи сообраќајна несреќа, судар со друго возило, кој резултираше со повреда на жена која се возела во другото возило. Оваа ситуација нема никаква врска со наводните изјави и не може да биде поистоветена со трагедијата која ја доживеа Фросина. Не постојат никакви сличности помеѓу мојата ситуација и тоа што се случи со неа.Верувам дека целта на луѓето кои ги шират овие обвиненија не е вистински да ги истражат фактите и да го прикажат вистинскиот развој на настаните, туку се обидуваат да создадат изговори за политички поени и манипулации во овие сензитивни моменти. Ова е неприфатливо и не е фер во однос на мојата личност, која веќе се соочила со последиците од своите грешки и се труди да биде одговорна, да ги поправи своите дејства и да направи добро за општеството.Од таа моја грешка до денес поминаа 11 години, или 132 месеци, или 4015 денови, а јас извлеков поука. Од овие години 7 имаа СДС и нивните ортаци од шарената револуција Левица. Можеа да го преиспитаат случајот или да покренат нов. Но се е јасно и вистината е таа. Останува само горкото чуство дека лешинарски се обиодуваат да поентираат во отсуство над други теми и автентична политика. Жалам што така ја сфаќаат политиката и уште повеќе жалам што ги злоупотребуваат ваквите судбини.Не можам да го сменам минатото, но можам да ја обликувам иднината. И токму затоа се залагам за транспарентност и вистинска правда, бидејќи само на тој начин може да се донесат прави одлуки и да се изгради едно пофер општество“, напиша Сергеј Попов.

Македонија | пред 1 година

(Фото) Герасимовски: Ja отстранувамe дивата депонија во Буњаковец, следува дезинфекциja

Во тек се активностите за целосно расчистување на дивата депонија зад катната гаража во Буњаковец. Ангажирана е соодветна механизација и камиони за отстранување на отпадот, меѓу кој има токсични материјали, азбестни плочи и друг опасен отпад што претставува сериозна закана за здравјето на жителите и животната средина.Местото подолг период било користено како магацин-депонија од несовесни лица, каде во непосредна близина на станбени згради и спортското игралиште во рамки на ООУ „Јохан Хајнрих Песталоци“ се складирале различни видови отпад.Ваквите диви депонии претставуваат сериозен ризик за околината, бидејќи се потенцијален извор на заразни болести и појава на штетни инсекти и глодари.„Се работи за дива депонија која со години наназад била заградена и присвоена, невидлива за граѓаните, а во неа се складирал секаков вид отпад. Нашите инспекции лоцираа и други слични диви депонии и смет во околината. Планираме нивно целосно отстранување и уредување на просторот“, истакна градоначалникот на Општина Центар Горан Герасимовски.По целосното расчистување, просторот ќе биде дезинфициран и уреден за да се спречи понатамошно загрозување на здравјето на жителите и да се обезбеди чиста и безбедна околина.

Скопје | пред 1 година

Јаневска: Ги повикувам сите да се вклучат во јавната расправа за промените во гимназиското образование, имаме една година за нивно усвојување

Подобро образование во оваа земја мора да има, без оглед кој ќе се вклучи или нема да се вклучи во креирањето на промените. Затоа што нашите деца тоа го заслужуваат. Но, јас ги повикувам сите, да дадат свој придонес. Го повикувам и СДСМ и сите други партии да учествуваат во изработка на концепцијата за гимназиското образование. Никаде не брзаме, ништо не е дефинитивно одлучено, имаме една година време за да ја донесеме новата концепција, рече министерката за образование и наука Весна Јаневска, одговарајќи на новинарско прашање.„Драфт верзијата на Концепцијата е на јавна расправа. Добивме многу забелешки, ако ги исполниме сите барања, гимназијалците ќе имаат предмети за да останат на училиште по 10-11 часа“, појасни Јаневска.Во дијалог и транспарентно, со разговор со сите што сакаат да придонесат за поквалитетно образование, а не со декрети како порано, ќе биде финализирана и донесена новата концепција за гимназиско образование, потврди министерката Јаневска.„Прашањето на концепцијата овде го затворам, продолжува јавната расправа. Ние, како МОН, ќе се придвижиме, ќе ги посетиме, ќе ги слушнеме, ќе поразговараме со нив, но не е нешто што е дефинитивно одлучено. Јас тоа постојано го повторувам. Веројатно подучени од претходните власти, каде со декрети им се носеа одлуки, луѓето се исплашени. Но затоа тие сега веќе не се на власт. Сега има нова Влада која сака во дијалог и транспарентно да го сработи тоа што треба да се сработи“, рече министерката, додавајќи дека министерството има премногу обврски и запоставени нешта кои треба да се надоместат.

Македонија | пред 1 година

Единаесет килограми опиум пронајдени во Велес, истрага за недозволена трговија со дрога

Основното јавно обвинителство Велес донесе Наредба за спроведување истражна постапка против едно лице за – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.Осомничениот 54-годишник, во двор од куќа во Велес неовластено за продажба држел речиси 11 килограми опојна дрога опиум спакувана во повеќе помали пакувања. Дрогата му била пронајдена и одземена при претрес.Јавниот обвинител до судијата на претходна постапка од Основниот суд во Велес достави предлог за определување мерка притвор за осомничениот со цел негово обезбедување во текот на постапката.

Македонија | пред 1 година

(Видео) Се изгради зграда за социјално ранливите семејства во општина Велес

„Нема како, а да не е човек задоволен, кога може да направи некој друг да биде среќен и задоволен, како што јас успеав да видам двајца корисници на овие станови, кои што се позади мене овдека изградени од страна на Акционерското друштво за стопанисување со станбен и деловен простор“, рече денеска премиерот Христијан Мицкоски.„Мислам дека што повеќе вакви згради и што повеќе среќни лица, тоа е и поголема нашата мисија и поголемо е задоволството наше.Еве, директорот кажа дека тука не застануваат, го спомена Битола, акцијата што ќе ја прават во Битола, со цел намалување на цената на квадрат станбена површина таму. И ценам дека така треба да се продолжи во периодот кој што следи.Ние како Влада продолжуваме да работиме, да испорачуваме тоа што сме го ветиле на граѓаните, така што уште еднаш еве и јас се приклучам на желбите за спокоен дом, за многу среќа, многу радости во овие домови на идните корисници и да ни се множат уште вакви објекти и уште многу среќни луѓе, кај нас дома во Македонија.“, изјави Мицкоски

Македонија | пред 1 година

Тошковски: Промени за спасување животи - ќе набавиме тестови за дрога за сообраќајната полиција, можност за трајно одземање на возило при најтешки услови за безобзирно возење

Министерот за внатрешни работи Панче Тошковски денеска на собраниската Комисија за политички систем и односи меѓу заедниците во своето обраќање на јавната расправа на тема „Анализа и утврдување на потребата за изменување на законската регулатива со цел зајакнување на безбедноста во сообраќајот“ предложи неколку законски измени во законите кои ја регулираат оваа сфера со цел заштита на безбедноста на граѓаните во сообраќајот и ултимативно намалување на жртви во сообраќајни незгоди.Министерот Тошковски во своето излагање дефинираше неколку најважни точки на предлог законски измени и унапредувања кои ќе го зајакнат системот со цел унапредување на безбедноста во сообраќајот:- Ревидирање на законските одредби кои ги регулираат сообраќајните прекршоци, конкретно сметам дека мора да го ревидираме членот 297а од Кривичниот законик кој се однесува на безобѕирно возење, односно јасно да се разграничи од постоечките одредби кои регулираат сообраќајни прекршоци во ЗБСП во делот на брзото возење и наместо алтернативно да се изрекувва парична казна, истата кумулативно да се изрекува со казна затвор.- Проширување на можностите на системот „Безбеден град“ да препознава нерегистрирани возила.- Набавка на тестови за дрога. Веќе сме во подготвителна фаза за набавка и на тестови за дрога, нешто што досега никогаш не било имплементирано, а според анализите, возењето под дејство на опојни дроги е исто толку опасно како и возењето под дејство на алкохол.- Одземање на возилото при најтешките случаи на безобѕирно возење.- Инкриминирање на управување на моторно возило без положен возачки испит.- Дигитализација и целосно поврзување на МВР со судовите со цел полесна евиденција на изречените забрани за управување со моторно возило.- Целосно имплементирање на системот „Безбеден град“ кој ќе гарантира дека санкциите се спроведуваат доследно и континуирано.- Аплицирање на промени кои ќе овозможат системот да овозможи ефективна контрола и строги санкции за рецидивистити, преку институционална вмреженост и ефикасна размена на податоци помеѓу институциите. Еден од поголемите проблеми што ги имаме во контекст на сообраќајната безбедност е огромниот расчекор помеѓу бројот на пријавени и осудени прекршители. Постојат бројни случаи каде луѓе кои сториле тешки кривични дела во сообраќајот поминуваат со минимални или дури и условни казни. Казните, колку и да се високи на хартија, не значат ништо ако тие не се изрекуваат, а уште помалку ако не се спроведуваат. Ние мораме да го разбиеме овој систем на компромиси и полуправда, односно неправда.Министерот потенцираше дека одлуките што ќе се донесат на самата расправа ќе бидат пресудни за тоа дали ќе изградиме општество во кое владее ред и закон или ќе продолжиме да живееме во средина каде што беззаконието и неказнивоста стануваат норма и дека ова е можност која не смее да се пропушти да се направи вистинската промена, промена која ќе спаси животи, што ќе донесе правда и што ќе обезбеди систем што ќе функционира за сите граѓани, подеднакво.

Македонија | пред 1 година