Вода нема ниту во најголем дел Ѓорче Петров

Вода нема ниту во Ѓорче Петров, се жалат граѓаните, иако според најавите за прекин на водоснабдувањето беше кажано дека населбите Даме Груев, Александрија, како и селата Волково, Никиштане нема да имаат прекини.Во село Орман има вода, но со ептен слаб притисок. Истото е и со Хром и Ѓорче 2.Претпријатието „Водовод и канализација“ чекаа да се испразнат цевките откако ја запреа водата на главниот цевковод, со цел да санираат три дефекти.Покрај дефектот на улицата Никола Парапунов во Карпош 4, од „Водовод и канализација“ информираат дека ќе бидат санирани уште три дефекти на затварачи по должината на главниот цевковод, и тоа на потегот од кружниот тек во Ѓорче Петров до крстосницата на булевар „Партизански одреди“ со улица „Никола Парапунов“.Потенцираат дека системска промена на пет децении стари затварачи и рехабилитација на хидротехничката опрема е потребна со цел зголемување на трајноста на водоводната мрежа и подобрување на нивото на притисок во водоводната мрежа.Градоначалничката на Град Скопје, Данела Арсовска, денеска на акцијата за засадување на дрвца кај новиот Мега Парк во општина Карпош, во врска со најавениот прекин рече дека нема да има потреба од дотур на вода, затоа што санацијата на дефектот нема да трае повеќе од една редовна санација на кој било друг дефект во градот. Во одговор на новинарско прашање, Арсовска рече дека очекува санацијата на дефектот да биде завршена во текот на едно деноноќие, односно како што рече, согласно планот изготвен од страна на техничките лица од јавните скопски претпријатија, санацијата се очекува да биде завршена во што е можно во пократок рок.

Скопје | пред 1 година

Ден на жалост во Хрватска поради нападот во училиштето, на местото на трагедијата оставена потресна порака

Во Хрватска е Ден на жалост по трагичниот напад врз учениците и вработените во основното училиште Пречко, во кој едно дете загина, а три други беа повредени, заедно со наставникот кој се обиде да го спречи 19-годишниот напаѓач.Денот на жалост се одбележува со задолжително истакнување на знамето на Република Хрватска на половина копје на сите објекти во кои се сместени државните органи и органите на единиците на локалната и регионалната самоуправа, како и зградите каде што се седиштето на правните лица. или каде се вршат нивните активности, односно каде физички лица самостојна дејност.На Денот на жалост не може да се одржуваат забавни програми, а правните лица кои вршат телевизиска и радио дејност треба да ја приспособат својата програма за одбележување на Денот на жалоста, особено со емитување програми кои по својата природа одговараат на одбележувањето на тој ден.Граѓаните на местото на трагедијата продолжуваат да палат свеќи и да оставаат цвеќиња и плишани играчки, а меѓу нив беше особено трогателна порака.„Не ми се верува дека никогаш повеќе нема да ме гушнеш, опомени ме затоа што не се шминкав и прашај кога повторно ќе дојдам кај тебе. Се молам твојата невина и немирна мала душа да најде мир по овој суров живот Никогаш нема да те заборавиме“, пишува тој во пораката што ја објави 24сата.Граѓаните запалија свеќи и пред блискиот Здравствен дом, а во црквата во Пречко се одржа молитвено бдение за убиеното дете и сите повредени.За полицијата се уште не се познати мотивите на напаѓачот, но штом ќе закрепне, ќе биде сослушан. Имено, по нападот тој побегнал во блискиот Здравствен дом и се обидел да се самоубие, но полицијата го спречила во тоа.Познато е дека насилникот одел во основното училиште каде го извршил нападот, како и дека се лекувал од психички проблеми.Премиерот Андреј Пленковиќ и градоначалникот на Загреб, Томислав Томашевиќ, вчера попладне по заедничката итна средба најавија дека безбедноста во училиштата ќе биде зголемена, а мерките ќе се спроведат веднаш по претстојниот училишен распуст.

Свет | пред 1 година

Смртта на професорот Кожухаров се испитува: како со автомобил завршил во Црна река

Обвинителството ја испитува точната причина за смртта на професорот д-р Сашо Кожухаров, Декан на Економски факултет и Проректор за наука и развој на Универзитетот „Скопје“. Ова доаѓа откако тој беше најден мртов, со автомобил излетан во Црна река. Обвинителството се сомнева како настанала несреќата, па затоа наредиле и истрага.Засега е извршен увид на лице место, а телото на професорот е дадено на обдукција. Обдукцискиот наод се уште го немаат добиено, пет дена по настанот.Се проверуваат базни станици, телефонски комуникации, но и детали од ХЕЦ Тиквеш дали кога е испуштана браната на хидроцентралата и дали при таков испуст се подига значително нивото на водата во Црна Река на критичната локација.Кожухаров почина 11 дена пред неговиот 64-ти роденден.Професорите на универзитетот се простија од својот колега.„Те чекавме на утринското кафе пред да почнеме со часовите и денот, а наместо тебе, ни пристигна жалната вест за твоето неочекувано заминување! Нѐ остави со голема празнина таму каде што беше ти, во нашите срца, во училниците на Универзитетот! Ќе го паметиме вчерашниот ден, 16 декември, во спомен на сите прекрасни денови и предизвици што ги поминавме заедно!Нека ти е светол патот во вечноста!“, стои во објавата на професорите на универзитетот.

Македонија | пред 1 година

Каде е Груби? Меџити тврди дека го напуштил Косово

Првиот вицепремиер и министер за животна средина, Изет Меџити во интервју за албанската ТВ „Ора њуз“, кажа дека според неговите информации поранешниот вицепремиер Артан Груби не е повеќе во Косово, туку во Албанија.„Според информациите, не е на Косово, туку во Албанија. Но, тоа не е важно. Со бегството, тој ја докажал вината и затоа ја напуштил државата. Сигурен сум дека органите на прогонот ќе поднесат меѓународна тужба преку Интерпол и дека ќе се соочи со правдата, можеби денес, утре или задутре“, рече Меџити во интервју за „Ора вести“.Додава дека „должност на органите на прогонот е да го следат случајот и да обезбедат спроведување на правдата“, нагласувајќи дека „Европскиот фронт ја пополнува американската црна листа“.

Македонија | пред 1 година

„Наглото зголемување на старосната граница за пензионирање не е решение“

Трајко Славески, член на ИК на ВМРО-ДПМНЕ, беше гостин во емисијата "Трилинг" на телевизија 24, каде што говореше за пензискиот систем во Македонија. Тој го критикуваше предлогот на Фискалниот совет за нагло зголемување на старосната граница за пензионирање, оценувајќи го како краткорочна и непрофесионална мерка.„Предлогот на фискалниот совет беше невнимантелен, ниту една земја досега не постигнала нагло зголемување на старосна граница. Има земји кои што се во тек, ќе се донесе некоја мерка, но тоа трае со години, по три месеци секоја година, некаде по шест. Не може вие на вработени кои што очекуваат да се пензионираат наредната година да им кажете дека ќе мора да рбаотите уште три години“, изјави Славески.Славески ја нагласи важноста од разгледување на корените на проблемите што го оптоваруваат пензискиот систем. Според него, задолжителниот пензиски фонд во Македонија се соочува со сериозен дефицит кој не може да се реши само со краткорочни мерки како зголемување на старосната граница.„Сега останува на Владата да бара други решенија, секако е голем товар дефицитот во пензискиот фонд кој што се финансира од буетот, но малку е чудно зошто нема кај нас дебата околу генезата на тој дефицит. Јас сум повозрасен и ги помнам уште првите денови дискусии кои што во 2000та година од притисокот што го изврши Светска банка, односно да го воведеме Вториот пензиски фонд. Таму бепше поредвидено дека за десетина години ќе има т.н транзициски дефицити. Не може така ако одземете 1/3 од придонесот на државниот пензиски фонд на ПИОМ и ги префрлите во приватни пензиски фондови нормално дека ке дојде до дефицит“, истакна Славески.Славески додаде дека, иако се очекуваше транзициски дефицит тој продолжува да расте и денес, дури три децении по започнувањето на реформата. Според некои истражувања, овој дефицит може да трае и до 50 години, или пак никогаш да не се реши.,,Според некои истражувања тој транзициски дефицит кој што кај нас се провлекува веќе 3та деценија може да трае дури и половина век. Главната причина е тоа што му се одземаат средства. Вториот пензиски фонд се формираше на тој начин што 1/3 од средствата, во државниот пензиски фонд отидоа во приватните пензиски друштва“, заклучи Славески.

Македонија | пред 1 година

Скопјанец најден починат со автомоил во Црна река: се бараат листинзи од мобилни оператори

Основното јавно обвинителство Кавадарци презема повеќе дејствија за испитување на причините за смртта на 64-годишен скопјанец кој на 16 декември беше пронајден починат во својот автомобил во водите на Црна Река, на територија на Општина Росоман.Веднаш по настанот беше извршен увид на лице место, а при првичниот преглед на телото на починатиот не се констатирани видливи траги на насилство. Издадена е наредба за обдукција, а обдукцискиот наод се уште се изготвува и не е доставен до обвинителството. Освен тоа, наредени се и дополнителни лабораториски анализи.Со цел испитување на настанот, надлежниот јавен обвинител издаде и барања до мобилни оператори за проверка на листинзи и податоци од базни станици за евентуална телефонска комуникација. Воедно, од АД ЕСМ – Подружница ХЕЦ Тиквеш побарани се информации дали во временскиот период на настанот е вршено испуштање вода од браната на хидроелектраната и дали при таков испуст се подига значително нивото на водата во Црна Река на критичната локација.Врз основа на сите овие наоди и информации Основното јавно обвинителство Кавадарци целосно ќе го провери настанот.

Македонија | пред 1 година

Сите знаеле за криминалот на Груби и молчеле, за да не падне владата и опстане коалицијата за да си продолжат со криминалот, вели ВМРО-ДПМНЕ

„СДС и ДУИ дозволија да се продлабочи и рашири криминалот и корупцијата во Македонија“, вели ВМРО-ДПМНЕ и додава:СДС и ДУИ знаеле за криминалот на своите функционери и свесно дозволиле да се размрежи и да навлезе во секоја пора во општеството, само за да не падне владата СДС-ДУИ.СДС и ДУИ знаеле за криминалот на Артан Груби, знаеле и за Лотарија и црната листа и молчеле, молчеле за коалициски мир и молчеле за да купат ден повеќе за да можат да крадат врз грбот на народот.Зоран Заев, Венко Филипче, Оливер Спасовски биле први соработници и сојузници на Груби, знаеле за криминалот на Груби, но го толерирале и не го гонеле за да можат заедно да продолжат со матните зделки, тендерите во четири очи, криминалот и корупцијата.За криминалот алармираше постојано и ВМРО-ДПМНЕ и медиумите, но институциите под раководство на СДС и ДУИ молчеа и не преземаа мерки.СДС се партнери во криминалот со ДУИ, додека Груби крадеше Димитир Ковачевски му бил соучесник и му го овозможил тоа.Македонија со години уназадуваше, додека СДС и ДУИ смислувале начини како повеќе да украдат милионски суми пари на народот.СДС и ДУИ 7 години не направиле ниту еден проект за општото добро на народот, бидејќи биле фокусирани на себе, своите блиски и функционерите од врхушката на СДС и ДУИ на тоа како лично да се збогатат и станат милионери.СДС треба да одговори зошто дозволиле и не го спречиле Груби во кражбите, зошто институциите под раководство на СДС и ДУИ не реагирале и дозволиле да се осиромаши народот, уништи системот и колабираат институциите.Одговорност за криминалот, корупцијата, тендерите во четири очи, матните зделки мора да има.Одговорност за осиромашувањето на народот, урнисаниот систем, колапсот на институциите, празната буџетска каса мора да има.Заврши времето како до сега. Сега е време за одговорност, работа, посветеност, просперитет и унапредување на демократијата.

Македонија | пред 1 година

„Нашето општество е тешко болно“, вели детски психијатар по трагедијата во Загреб

Трагедијата во основното училиште „Пречко“ во Загреб покажа дека хрватскиот училишен систем не дејствувал превентивно. Во нападот животот го загуби седумгодишно дете, а повредени се уште пет лица.Детски психијатар, проф. Катарина Додиг Ќурковиќ во интервју за Нови лист изјави дека само се залажуваме дека сме подобри од другите и веруваме дека такви трагедии нема да се случат овде.„Ова го правам 25 години и ми доаѓа да му кажам на тимот кој вели дека ова се изолирани случаи, конечно да ги прашам луѓето во системот, во социјалните служби, полицијата, здравството и на други места, со што се занимаваме и што се нашите можности да направиме нешто“, вели Ќурковиќ.Според Додиг Ќурковиќ, проблемот не е само кај децата, туку во целото општество, кое е тешко болно. Таа нагласува дека системот се соочува со големи ограничувања - од недостаток на полициски овластувања и ресурси во социјалната грижа до преоптоварување на професионалци кои се обидуваат да работат со образовно запоставени деца.„Полицијата рече дека не е изненадена, а морам да кажам дека и јас воопшто не бев изненаден. Ова е тотално надвор од контрола“, додава тој.Таа посочува дека попустливиот стил на воспитување, кој го нарекува општествено прифатено запоставување на децата, придонесува да се создадат генерации млади кои пркосат, кршат, па дури и креваат ножеви, а никој ништо не може да направи со нив.„Кај нас доаѓаат генерации за кои навистина не знам како да работам со нив. Ги имаат сите права, пркосни се, груби се, кршат дома, а ги гледаме и како креваат ножеви. А никој не може.. Направете што било со нив Таму имаме две ситуации, од една страна имаме нормални, грижливи родители кои работат напорно. А од друга страна, имаме генерација на родители кои се целосно неадекватни, кои воопшто не се грижат за своите деца, а можат да имаат 10 или повеќе од којзнае какви мотивации“, вели Катарина Додиг Ќурковиќ.Додиг Ќурковиќ смета дека важна улога играат и достапноста на технологијата и негативното влијание на медиумите. Децата гледаат содржини што ја глорифицираат агресивноста и несоодветното однесување, додека родителите често не поставуваат граници.На прашањето дали во сето ова важна улога има достапноста на новите технологии до младите, а понекогаш дури и многу млади, таа одговори: „Секако“.Според неа, премногу им „не се дава“, а ако се крене тонот – ќе се вознемират. Друга работа, вели таа, е што гледаат се и сешто - гледаат глупости и слушаат психопати, агресивни луѓе кои ги импресионираат како општествено прифатливи и успешни луѓе.Професорот се прашува кој може да дејствува во овие околности, кога социјалните работници, наставниците и полицијата се немоќни. Заклучува дека трагедијата била прашање на време и предупредува дека слични ситуации може да се повторат.„Најлошо ми е што сега нечие дете умре. Можеше да биде мое или твое. Ги испраќаме нашите деца на училиште и се грижиме дали ќе се вратат живи“, заклучува тој.Потсетуваме, во загрепското основно училиште Пречко во напад со нож беше убиено дете од прво одделение. Повредени се наставник и три деца. Меѓу повредените е и напаѓачот кој се обидел да се самоубие.

Свет | пред 1 година

Денешното утро донесе најниска температура од -6 степени, снежната граница се спушта

Денешното утро во Македонија донесе значително пониски температури, и тоа поради што од север започнува да се спушта значително постудена воздушна маса, која во текот на денов врнежи од снег ќе донесе понекаде и во градовите, особено во западните и во северните предели од Македонија. Во Скопје снег ќе врне на околните планини, како и во повисоките делови од котлината.Најниска температура од -6 степени ова утро до 7 часот е измерена на Попова Шапка, а во исто време од градовите најстудено е во Крушево со -1 степен. Највисока минимална температура ова утро до 7 часот е измерена во Гевгелија, и тоа 6 степени. На Попова Шапка снежната покривка изнесува 34 сантиметри, во Маврово 29 сантиметри и на Ѓуриште 7 сантиметри.

Македонија | пред 1 година

(Видео) Дете и возрасен загинаа во нападот на божиќниот пазар: Шолц го најави своето пристигнување

Германскиот канцелар Олаф Шолц и министерката за внатрешни работи Ненси Фезер се очекуваат денеска во Магдебург, каде што најмалку две лица загинаа, меѓу кои едно мало дете, а најмалку 60 се повредени откако маж со својот автомобил влетал во луѓето на божиќниот пазар.„Нашите мисли се со жртвите и нивните семејства. Ние сме со нив и со жителите на Магдебург“, напиша Шолц на Х.Во сабота во 19 часот ќе се одржи панихида во катедралата во Магдебург.Осомничениот, кој е во притвор, е лекар кој живее и работи во Бернбург, град јужно од Магдебург, изјави премиерот на Саксонија-Анхалт, Рајнер Хаселоф.Се верува дека мажот дејствувал сам, рече тој.Министерката за внатрешни работи на Саксонија-Анхалт Тамара Зиешанг рече дека осомничениот е по потекло од Саудиска Арабија, во Германија е од 2006 година и има постојан престој.Безбедносни извори за ДПА изјавија дека осомничениот е на околу 50 години и не се идентификува како исламист.„Ова е катастрофа за градот Магдебург, за сојузната држава и за Германија воопшто“, изјави сојузниот премиер Хаселоф.Магдебург е град со околу 237.000 жители во провинцијата Саксонија-Анхалт. Се наоѓа на околу 150 километри западно од Берлин.Амбулантни возила го преплавија саемот во центарот на градот, во близина на градското собрание. Лекарите им помагаа на повредените кои лежеа пред трибините. Поставени се и шатори каде им била укажана помош на повредените.Многумина беа итно пренесени во Универзитетската болница во Магдебург, а портпаролот на болницата рече дека персоналот брзо се подготвил да им помогне на жртвите од нападот.Идентитетот на двајцата загинати не е откриен.

Свет | пред 1 година

Во Скопје се дише почист воздух дури и од Мелбурн, Македонија сега не е загадена

Во Македонија денеска се диши чист воздух. Според сервисот „Waqi.info“ кој генерира информации од светските сите мерни станици ширум светот, ја рангира Македонија на 132 место по загденост на воздух.Чист е воздухот и во Скопје, град кој изминатите денови беше меѓу првите најзагадени во светот. Во моментов, во главнот град се дише почист воздух дури и од Мелбурн, Торонто, Рома.Чистиот воздух дојде откако во текот на ноќта имаше пад на температурите, заладување и ветер.

Македонија | пред 1 година

Шестмина мртви во украинскиот напад на руски град, Москва се заканува: „Нашиот одговор ќе дојде за кратко“

Шест лица, меѓу кои и едно дете, беа убиени во петокот во украински ракетен напад врз градот Рилск во руската област Курск, изјави вршителот на должноста гувернер на регионот, Александар Хинштајн.„Десет ранети се пренесени во болница со полесни повреди, напиша Хинштајн на Телеграм.„Ова што се случи денеска е голема трагедија за сите нас“, нагласи тој, додавајќи дека никој нема да остане без поддршка.https://x.com/mouw5284/status/1870268659035197541Постојаниот претставник на Русија во Обединетите нации, Василиј Небензја, подоцна на седницата на Советот за безбедност изјави дека Москва брзо ќе одговори на „недвосмислениот потег на режимот во Киев“.„Како што добро разбирате, нашиот одговор на ова насочено злосторство против мирните руски граѓани нема долго да дојде“, рече тој на седницата.Украинските власти се уште не го коментирале инцидентот.

Свет | пред 1 година

(Видео) Сообраќајка на Партизанска: Делови од автомобил распрскани по булеварот, автомобил извртен од силината на ударот

Сообраќајна несреќа се случи вечерва после мостот „Обединети нации“ во правец Влае кон Карпош 4. Едно од возилата е со сериозни оштетувања и распрскани делови низ булеварот „Партизански одреди“, но засега нема информација за состојбата на патниците.Евидентно е дека станува збор за судир меѓу два автомобили. Од силината на ударот, едното од возилата се свртело во насока на спротивниот правец на движење.Местото се обезбедува од полицајци, кои вршат и увид.Детали се очекуваат во текот на утрешниот ден.

Скопје | пред 1 година

Сите детали за санирањето на водовндата мрежа поради што Скопје останува без вода: За 15 часа ќе биде решено

Во текот на утрешниот ден предвидени се активности за санација и децениски задоцнета модернизација на главниот градски водовод. За оваа цел изготвен е оперативен план со кој се предвидува прецизна постапка за овој зафат со цел брзо и ефикасно завршување на ваквиот потфат.Главна цел на овој Оперативен план е подобрување на водоснабдувањето и притисокот во Општина Ѓорче Петров и Карпош, со репарација на 6 сегменти каде во изминати децении се нотирани огромни загуби мжна вода. Со затварање на Главниот Градски цевковод Ф1600мм поради санација на 5 затварачи по должина на оваа линија на потегот од кружниот тек во Ѓорче Петров до раскрсницата на булевар Партизански одреди со ул. Никола Парапунов ќе се изврши- Замена на нефункционален затварач Ф 400мм на кружен тек во Ѓорче Петров- Репарација на затварач Ф600мм на мост Обединети нации кој тече- Заптивање на затварач Ф700мм на булевар Партизански Одреди кој протекува и замена на затварач Ф150 кој се наоѓа во истата шахта- Санација на затварач Ф700мм и Ф500мм на ул. Никола Парапунов.- Замена на 4 водушни вентилиСогласно Оперативниот План за санација на затварачите на градска водоводна линија Ф1600мм, Сектор Водовод превзема бројни оперативни активности за подготовка на луѓе, механизација, алат и пумпи.Во процесот на активности Сектор Водовод првично ќе направи проверка за исправноста на воздушните вентили, испусти и хидранти поставени по должината на цевководот Ф1600мм. По утврдување на состојбата и констатирање на нивната исправност Сектор Водовод со екипи составени од 6 пункта носители на работата со обезбедена испомош на конкретни работници од други пунктови ќе обезбеди сигурно празнење и полнење на системот.Акцијата е предвидена на 21ви Декември, односно сабота со почеток во раните утрински часови кога сите екипи на Секторите ЕОК, Механизација и Водовод ќе бидат на предвидените локации.Се очекува оваа операција да заврши за помалку од 15 часа во кои најмногу време се одвојува за празнење и полнење на магистралниот водовод.Апелираме до сите јавни чинители да внимаваат во изнесувањето информации и да не предизвикуваат страв и паника кај граѓаните за неколку часовното немање вода. Овој сериозен зафат се превзема за да се превенираат состојби на дефекти како што се тие во Тетово, Битола, Штип и Неготино, каде со денови и недели немаше вода поради несанирани дефекти.За сите прашања во врска со статусот на операцијата Водовод и Канализација Скопје ќе бидат достапни за одговори во текот на целото времетраење на санацијата.

Скопје | пред 1 година

Македонската амбасада во Киев погодена од руски ракети

Во руски ракетен напад врз Киев погодена е амбасадата на Македонија во Украина, при што нема човечки жртви меѓу дипломатскиот персонал, но причинета е материјална штета, информираше денеска македонското Министерство за надворешни работи и надворешна трговија.Амбасадата на Македонија е една од шесте амбасади, меѓу кои и на земји-членки на ЕУ, сместени во зградата погодена во денешниот ракетниот напад врз критична инфраструктура во Голосеевскиот реон во Киев. Од МНР информираат дека од страна на надлежните служби извршен е првичен преглед на штетата и оти се работи на нејзино санирање.Нападот врз Киев се случил рано наутро при што загинало едно лице, а повредени се 12. Нападот го оневмозжил системот за затоплувањето на 630 станбени згради, 16 болници и 30 училишта и градинки. Со нападот оштетени се 20 административни висококатници, како и на католичката црква „Св. Никола“ во центарот на Киев и Националниот јазичен универизтет.Русија извести дека нападот е одговор на украинскиот напад врз руска хемиска фабрика со употреба на ракети од американско производство и оти целта биле објекти на воената индустрија и безбедносните служби на Украина.

Свет | пред 1 година

Движење ЗНАМ до ВМРО-ДПМНЕ ја достави „Националната платформа за македонско национално единство и дефинирање на македонските национални црвени линии“

Партиска делегација на Движењето ЗНАМ – За наша Македонија, во состав - Весна Бендевска и Павле Арсовски, потпретседатели и Горан Минчев, генерален секретар на партијата, денеска ја достави Националната Платформа за македонско национално единство и дефинирање на македонските национални интереси до ВМРО – ДПМНЕ.Потпретседателката Бендевска изјави дека ќе ја доставвт Платформата до коалиционите партнери и на политичките партии за да се постигне национален консензус за клучните работи од интерес на државата, на внатрешен и на надворешен план.„Започнуваме и ќе ја доставиме на рака на нашиот коалиционен партнер ВМРО-ДПМНЕ. Тие ќе се запознат со содржината, а потоа ние сме подготвени да разговараме и да ги објаснуваме позициите што се содржани во нашата понудена национална платформа“, рече Бендевска.Запрашана дали очекуваат Платформата да ја прифатат од владиниот албански коалициски партнер Вреди, таа одговори дека ќе се разговара и со нив и додаде:„Очекуваме да ја разгледаат и да дадат свои забелешки. Текстот не е конечен и ововзможува соработка. Конечно Македонија е мултикултурно и мултиетничко општество. Движење ЗНАМ за Наша Македонија, се обидува да ја врати државата, заедничка Македонија, на Крушевските принципи, на АСНОМ-ските принципи. Затоа откажувањето и пред да разговараме и да ја соопштиме содржината е претерано и избрзано. Верувам дека има можност, конечно сите сме одговорни за иднината на Македонија за нашите нови млади генерации“.Во однос на ставот за отфрлање на предлогот од опозициските СДСМ и Левица Бендевска рече дека не треба да се избрзува.„Потребно е да ја проучат Националната платформа и потоа да го кажат својот став. Може да се направи заеднички документ кој би им одговарал на сите“, потенцира таа.Во однос на поддршката од Европскиот фронт, кој исто така ја отфрли Платформата, потпретседателката на ЗНАМ, Бендевска рече:„Ние ќе направиме се'. И веруваме дека е можно да се најдат вистинските начини и Македонија да ја вратиме на вистинскиот пат, модерна, современа европска држава. Ќе си дадеме време. Ќе разговараме и подаваме рака на сите, бидејќи ова е навистина многу важен државнички чекор. Националната платформа е натпартиски, надетнички, над сите можни нивоа важна како чекор. Македонија прво треба национално внатрешно да се обедини за да зајакне нејзината меѓународна позиција“.

пред 1 година

Ново: Најдени експлозиви и оружје во Арачиново, криени длабоко под земја

Куп експлозив и оружје е најдено во Арачиново, во дворот каде со багери се копа со денови, дознава „Скопје1“. На локацијата се копаше повеќе од три дена. Сомневањето дека група Беланоца-Барон криела пари и оружје се докажа.Во целата акција беше вклучена Армијата. Досега беа запленети милиони евра, накит, автомобили, часовници и други вредни предмети. Се истражуваат сторени убиства, нарачки за убиства, растурање на дрога.Групирањата и прегрупирањата, според полициските информации за групата Беланоца-Барон, почнале од 2021 година, кога настанало спојувањето на криминалните банди. Во хиерархиски организираниот клан, точно се знаело кој убива, кој купува возила, кој следи луѓе. Како групата растела и моќно зајакнувала, се создавале нови кланови кои имале за функција да спроведуваат класичен рекет на обложувалници, дуќани. Оние кои нема да прифатат „обезбедување“, нивниот објект следниот дел го наоѓале запален и пораката била јасна, месечен данок за мир во соседството.

Македонија | пред 1 година

Мицкоски за обвинувањата на СДСМ за бегството на Груби: Човек да не знае што да им одговори

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на обвинувањата од СДСМ, дека има политички договор помеѓу ВМРО-ДПМНЕ и ДУИ за Груби да избега преку Блаце, одговори:„Еве ако се врати, ќе се извинат? Па до сега што не измислија. Што не измислија до сега. Прво викаа ај едните отидоа, другите дојдоа, ај ништо не прават. После, мали риби ловат. Па сега, а од ДУИ никој, па сега, аха имаме договор со ДУИ. Да не знае човек што да им одговори. Еве што ако дојде? Еве, не мора денеска да дојде, ќе дојде да речеме за некое време. Чуден е тој Фројд. Чуден е, тоа кога потсвеста ти работи затоа што тоа си го правел и сега мислиш дека сите тоа го прават. Мојата порака до нив е, нека се концентрираат, нека си ги коригираат пораките во јавноста, затоа што и самите се збунети. Една личност различни пораки дава, на различни места. Тие останаа последниот, за жал, столб на одбрана на интересите на таквите како овие што ги споменавте, зборам од СДСМ.“

Македонија | пред 1 година

СЕММ со загриженост за известувањето од судската постапка за убиството на Вања и Панче

Комисијата за жалби при Советот за етика во медиумите на Македонија (СЕММ) изразува загриженост и осуда за начинот на кој повеќе медиуми известуваат за судската постапка поврзана со убиството на Вања Ѓорчевска и Панче Жежовски.„Медиумите треба да бидат свесни дека секое претерано изнесување детали за чинот на насилство или злосторство, претставува повреда на достоинството на жртвите, а ги повредува и чувствата на нивните најблиски. Со навлегување во детални описи на грозморниот чин, медиумите истовремено внесуваат и вознемиреност во јавната сфера и придонесуваат кон зголемување на чувството на несигурност и насилство.Комисијата нагласува дека при известувањето за чинови на насилство, бруталности или страдања приоритет на медиумите треба им биде заштита на достоинството на жртвите и на лицата кои се на кој било начин погодени од настаните. Притоа, медиумите треба да бидат особено внимателни, бидејќи нивните информации допираат до поширока публика, во која има и малолетни и ранливи лица врз кои информирањето за вакви случаи може да остави сериозни негативни последици“, велат оттаму и додаваат:Член 8 ( Кодекс на новинарите на Македонија): Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми. Во судските постапки треба да се почитува принципот на пресумпција на невиност, да се известува за сите инволвирани страни во спорот и да не се сугерира пресуда.Извадок од Насоките за известување на онлајн медиумите:8.1. При известувањето за несреќи, природни катастрофи, епидемии, насилен екстремизам и тероризам, онлајн медиумите ќе бидат исклучително внимателни и ќе избегнуваат објавување сензационалистички наслови и непроверени информации, водејќи сметка да не создаваат дополнително вознемирување и паника во јавноста.8.2. Онлајн медиумите ќе бидат особено внимателни при објавувањето снимки од насилство, бруталности или страдања, при што приоритет ќе им биде заштита на достоинството на жртвите и лицата кои се на кој било начин погодени од настаните.8.3. Онлајн медиумите ќе избегнуваат употреба на претерано емотивни изрази со кои можат дополнително да ги повредат или вознемират жртвите, кои ја нагласуваат прекумерно нивната ранливост или го повредуваат нивното човечко достоинство.8.4. Онлајн медиумите ќе избегнуваат да се фокусираат на страдањата и стравовите само на една страна во конфликтот, бидејќи тоа може да ги подели страните на „напаѓачи“ и „жртви“, односно да се сугерира дека казнувањето на „напаѓачите“ е решение за конфликтот. Наместо тоа, тие ќе настојуваат да ги претстават страдањата, стравовите и поплаките на сите страни во конфликтот.8.5. При објавувањето интервјуа или изјави на сторители на насилство и кривични дела онлајн медиумите ќе внимаваат самите да не се доведат во ситуација да ги промовираат нивните идеи, а со тоа да ги охрабрат луѓето да извршат злосторства или да шират говор на омраза. Онлајн медиумите ќе имаат предвид дека интервјуирањето на сторителите може да биде болно за жртвите и нивните семејства.8.6. Онлајн медиумите, внимателно ќе ги проверуваат информациите и фотографиите поврзани со конфликти и насилство објавени на социјалните мрежи и други платформи. Притоа, ќе избегнуваат да објавуваат содржини што прикажуваат злосторство или друго насилство,, освен ако е тоа особено важно за јавниот интерес. Во тој случај, ќе објават предупредување дека следува содржинакоја може да ја вознемири публиката.8.7. Разговорите со сведоци на несреќи и непогоди, со повредени и болни лица, онлајн медиумите ќе ги водат со внимание, сочувство и полно разбирање за физичката и емотивната состојба на тие лица. (известување од судски постапки)8.8. Во известувањето за истражни и судски постапки, онлајн медиумите ќе се повикуваат на информации од официјални истражни и правосудни институциии, без сензационалистички пристап во информирањето. Притоа, особено ќе внимаваат какви термини употребуваат за статусот на лицата во постапките за кои известуваат, со цел да не го повредат нивното право на пресумпција на невиност.8.9. Идентитетот на осомничените лица, пред да се донесе правосилна пресуда, може да се објави кога: а) осомничениот врши јавна функција, б) кога е во прашање личност којашто е позната за јавноста, а постои врска меѓу делото за кое се води судскиот процес и активноста по која што личноста е позната во јавноста, в) кога самиот осомничен се согласил неговиот идентитет да биде јавен, и г) во околности во коишто јавниот интерес го оправдува објавувањето на идентитетот.8.10. Онлајн медиумите нема да известуваат со предрасуди и да донесуваат избрзани судови за вината на осомничените лица, ниту пак ќе го прејудицираат исходот од судските постапки, за да невлијаат врз судските органи и врз текот на постапките.8.11. Онлајн медиумите, генерално, ќе избегнуваат да ги фотографираат или да ги наведуваат имињата на сведоците во судските постапки за кривични дела, како и на нивните роднини и пријатели, освен ако повикувањето на нив е неопходно за целосно, правично и точно известување за конкретниот судски процес и ако тоа нема да влијае врз текот на судската постапка. Во известувањето за судски процеси за малолетни лица должни се да водат сметка за заштита на нивниот идентитет.8.12. Онлајн медиумите ќе бидат особено внимателни при известувањето за сведоците на кривични дела на кои врз основа на закон им е доделен статусот на заштитен сведок.8.13. Онлајн медиумите се обврзуваат да ги објават и информациите за отфрлање на обвинувањето или за ослободување на лицата за кои претходно објавиле дека се осомничени, обвинети или за кои се водела судска постапка.

Македонија | пред 1 година

Кривична за полицаецот што го пуштил Груби: го завел дека поминал пешки, а бил во автомобил

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Б.Ј. поради постоење основи на сомнение за сторено кривично дело „злоупотреба на службената положба и овластувања“ по член 353-в од Кривичниот законик.На 15.12.2024 во 09.06 часот, извршувајќи работни задачи на работно место полициски службеник во Полициската станица за граничен премин Долно Блаце, во кабина на излез од државата, со пропуштање на должен надзор, пријавениот дозволил излез на патничко возило џип „мерцедес“ со конзуларни регистарски ознаки, управувано од А.П. од Скопје, а сопатник бил А.Г. од Скопје, за кого постоела активна мерка „задржи и веднаш извести“, согласно распишана телеграма од Одделот за криминалистичка полиција при МВР.Со ваквото дејствие, полицискиот службеник Б.Ј. му овозможил на А.Г. да оствари излез од државата и покрај внесената мерка „задржи и веднаш извести“, а исто така, со дејствието нанел штета на угледот на МВР.Имено, полицискиот службеник Б.Ј. не извршил адекватни проверки за возилото „мерцедес“ при премин на државната граница, не го евидентирал за остварување на излез и патниците од возилото ги завел дека пешки ја поминале границата. Исто така, при граничната проверка не почекал системот да утврди дали за лицата има активна мерка, туку веднаш им ги дал патните исправи, по што тие го напуштиле граничниот премин.Одделот за внатрешна контрола, криминалистички истраги и професионални стандарди поднесе предлог за поведување на постапка за утврдување на дисциплинска одговорност и изрече задолжителни мерки полицискиот службеник да биде суспендиран од своето работно место до завршување на дисциплинската постапка.

Македонија | пред 1 година

Владата се откажа од Предлог законот средното образование

Владата го повлече од собраниска процедура новото законско решение за средното образование.Ова го соопшти претседателката на собраниската Комисија за образование, наука и спорт Иванка Василевска.Илире Даути и Арбана Пашоли од коалицијата на Европскиот фронт изразија задоволство од повлекувањето на Законот, посочувајќи дека не се согласувале со неколку ставови во овој закон, особено со член 54 со кој се предвидуваше интонирање на државната химна, за што одлучува основачот, на прослава на денот на средното училиште на почетокот и на крајот на наставната година и завршувањето на средното образование.Според Даути, тоа треба да ја рефлектира мултинационалната разноликост и потребна е дебата за ваков закон.

Македонија | пред 1 година

„Вања е убиена клечејќи, и било пукано одзади, на ДНК-то се најдени траги од Велибор“ - обвинителството со докази

Застанат зад Вања Ѓорчевска, на околу половина метар, убиецот, стискајќи ја за вратот и пукал во главата додека била жива. Според обдукцијата, проектилот од пиштол со калибар од 9мм, поминал преку десната страна од главата и завршил 30 цм во телото близу 'рбетот.Вања не се загушила додека била врзена во вреќата и ја возеле во багажникот од украдениот „цитроен“, кажа обвинителството презентирајќи ги доказите за двојното убиство.Убиена е клечејќи, а до местото на ликвидацијата се движела, тврди обвинителството, бидејќи на нејзините патики била најдена кал. Истата кал била пронајдена на колениците и под ноктите. На лентата со која и била залепена устата биле пронајдени ДНК трагови од обвинетиот Велибор Манев.Обдукцијата покажала дека двете жртви, и 14- годишната Вања и 74-годишниот Панче Жежовски претрпеле тешко физичко страдање пред да бидат убиени.Жежовски бил закопан во дупка длабока 2,7 метри. Најдена е чаура до дупката во периферијата на Велес, каде бил пронајден и мобилниот телефон на Панче, фрлен во трње.Од извештајот од обдукцијата на Панче Жежовски, произлегло дека смртта била насилна, му било пукано во главата од десната страна а и тој се наоѓал во полунаведната положба додека бил убиен. Смртта најверојатно настанала неспоредно ппо неговото грабнување, рече обвинителката при изведувањето на доказите.

Македонија | пред 1 година

Седумгодишно дете загина, а други се ранети: во училиште во Загреб се случи грозоморен чин

Деветнаесетгодишно момче со нож усмрти еден ученик, а повреди уште неколку деца и една наставничка во основното училиште „Пречко“ во Загреб, пренесува Хрватската национална телевизија (ХРТ).Напаѓачот во училиштето во Загреб бил поранешен ученик на ова училиште и имал психички болести, изјави денеска министерот за внатрешни работи Давор Божиновиќ.Шокирани сме од овие настани. 19-годишен млад човек влегол во училиштето и со остар предмет ги нападнал наставничката и учениците. Едно дете починало, додека уште тројца повредени се испратени во медицински установи. Наставничката и напаѓачот се во болница и на сите лица им е укажана лекарска помош. Сторителот е 19-годишник кој бил ученик во тоа училиште и моментално живее во близина на тоа училиште, рече министерот.Според информациите од хрватските медиуми, починатото дете има седум години, а повредени се пет деца.Напаѓачот, пак, и самиот учел во училиштето и живеел во негова близина.По инцидентот се обидел да се самоубие, но полицијата го спречила.

Свет | пред 1 година

Единствено освежување денес во воздухот во Македонија е фактот што СДС од опозиција отвори очи и виде дека не сработеле ништо за животната средина, вели ВМРО-ДПМНЕ

СДС вети, дека ќе обезбеди чист воздух во македонските градови. Имаа апсолутна власт, претседател, влада и градоначалници и успеаа да не сработат ништо за животната средина и почистиот воздух.Последиците од нивната неработа, ги гледаме денес. СДС донесе некаква листа на желби, наречена план, но заборави да сработи нешто и планот остана нереализиран.И додека, по медиуми зборуваа за колку сакаат чист воздух, СДС не заборавија на првата седница на нивната влада, да ги намалат давачките за петрол кокс, па фирмите на Заеви, да можат да остваруваат екстра профит, на штета на загадениот воздух и здравјето на луѓето. СДС го направи горивото за Заеви поевтино, за сметка на тоа, сега Струмица е најзагаден град во Македонија? Дали вредеше да му го зголемиме профитот на Заев, за сметка на здравјето на струмичани?Во 8 години власт, СДС не сакаше да го донесе Законот за индустриски емисии. Зборуваа за разни бајки, ни објаснуваа што се не знаат или што се не можат, но прст не мрднаа во насока на контрола на загадувачите. Тоа не е само забелешка во сите ЕУ извештаи, тоа е обврска кон нашите деца.Зарем треба да се потсетиме дека СДС направи се што беше во нивни раце да го распарчи и уништи системот за централно греење во Скопје.После 8 години власт на СДС, испораката на природен гас низ Македонија, не мрдна ни милиметар. Природен гас не донесоа низ цевка ни во Велес, ни во Тетово, ни во Прилеп, ни во Битола, ни во Неготино...Преку Фондот за иновации СДС испра милионски суми, кои требаше да придонесат за почист воздух. Дали некој во СДС, следи што придонеле средствата кои ги даваа на свои блиски од Фондот за иновации поврзани со повикот за почист воздух? Колку е почист воздухот заради тие милиони евра?Зборуваа за зелени површини, а го укинаа проектот Засади ја својата иднина со кој се засадија милиони дрвца. Го запуштија системот за брза реакција на пожари, ги покрадоа Македонски шуми.Програмата на Владата на ВМРО-ДПМНЕ и коалиционите партнери за справување со проблемот на загадениот воздух се преточува во акција. Дефинирани се мерки и акции, дефинирани се надлежни институции и рокови.Загадениот воздух не е проблем што може да се реши за едно попладне, еден месец или една сезона. Загадениот воздух не е проблем што може да го реши еден човек или една институција. Оваа Влада посветено работи да го заврши својот дел од работата.Борбата со загадениот воздух бара вклучување на сите чинители, државните институции, индустријата и граѓаните. Планската програма за почист воздух се вградува во планот за работа на секој државна институција. Владата на ВМРО-ДПМНЕ ја започна борбата со овој горлив проблем кој што го наследивме од СДС и кој ги убива нашите најблиски.Ги повикуваме сите чинители, да го дадат својот придонес за почист воздух.Секој од својот двор, од својот ауспух, од својот оџак да започне со грижата за сопственото здравје и здравјето на своите комшии. Заедно низ тешка и посветена работа ќе стигнеме до почист воздух, позелена Македонија и здрави деца.Граѓаните на Македонија не ги зачувува фактот дека вест на денот за СДС е што во опозиција видоа дека како власт не работеле ништо корисно.Соопштение од Комисија за животна средина на ВМРО-ДПМНЕ

пред 1 година

Од 01.01.2025 година задолжително регистарски таблички со ознака НМК

Министерството за внатрешни работи ги потсетува граѓаните дека краен рок да ги заменат регистарските таблички со нови кои имаат ознака НМК или на истите да залепат налепница НМК е до 31.12.2024.Тоа значи, регистарските таблички кои ја содржат буквената ознака МК (регистарски таблици со четири броеви) и регистарски таблици кои не ја содржат буквената ознака МК (со три бројки) треба да бидат променети со нови регистарски таблици кои ја содржат националната ознака НМК или на истите да се стави налепница со национална ознака НМК до 31.12.2024 год.Налепници НМК граѓаните може да обезбедат во сите станици за технички преглед.

Македонија | пред 1 година