МВР го гони ексначалникот на единицата за компјутерски криминал: познати деталите

Одделот за внатрешна контрола, криминалистички истраги и професионални стандарди при Министерството за внатрешни работи, до Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Р.А. од Скопје поради постоење основи за сторено кривично дело „злоупотреба на службената положба и овластувања“ по член 353 од Кривичниот законик.Од МВР велат: Пријавениот, вработен како началник на Единицата за економски и компјутерски криминал при СВР Скопје, во периодот од октомври 2022 година до јуни 2024 година, во месечни интервали и континуирано, две вработени со статус на овластено службено лице на работно место виш документарист во единицата, со кој што раководи, ги предвидувал и одобрувал во плановите и групите за домашно дежурство како извршители.Пријавениот, постапувајќи спротивно на одредбите од Колективниот договор на МВР за домашно дежурство, на вишите документаристи кои немаат статус на полициски службеници им овозможил да бидат ангажирани за домашно дежурство, со што се стекнале со противправна имотна корист од 79.804 денари и за тој износ го оштетил буџетот на Министерството за внатрешни работи.Одделот за внатрешна контрола, криминалистички истраги и професионални стандарди, согласно своите надлежности и овластувања, ќе поднесе Предлог за поведување на постапка за утврдување на дисциплинска одговорност и полицискиот службеник ќе биде суспендиран од своето работно место.

Македонија | пред 1 година

Струјата од Нова година поскапа - познато за колку

Од први јануари, нема да има ценовен шок за ценатс на струјата. Сметките во просек ќе бидат повисоки за околу 1 проццнт во зависност од тарифните блокови.Во првиот блок струјата ќе поскапи за 0,68%, во вториот блок за 0, 90%, за корисниците во третиот блок 1,93% и за најголемите потрошувачи на струја од четвртиот блок за 2,24 проценти.Според пресметките ако до сега едно семејство плаќсло 2.000 денари месечно за струја и е во првиот блок, од Нова година ќе плаќа 13,6 денари повеќе.На просечна сметка за струја од 2.300 денари, ќе има зголемување од околу 21 денар.Претседателот на Регулаторната комисија за енергетика, Марко Бислимоски, на прес-конференција информираше дека ЕВН Хоме на почетокот на месецот доставиле барање цената на струјата за домаќинствата да се зголеми за 4,4 проценти. Ова, рече е коригирано со цел да се заштити стандардот на граѓаните и да не се предизвика голем ценовен шок.

Македонија | пред 1 година

Почесниот конзул на Косово, Папранику во полициска станица за бегството на Груби

Почесениот конзул на Косово во Македонија и познат бизнисмен, Арсим Папранику е повикан на информативен разговор во полициската станица Карпош.Во медиумите Папранику посочен како сопатник на поранешниот вицепремиер Артан Груби кога тој ја напушти државата и замина за Косово. Тие се возеле со возило со дипломатски таблички.Тоа беше еден ден пред спроведување на акцијата „Лотарија“.Папранику е газдата на Нептун и косопственик на трговскиот центар Ист Гејт.За поранешниот директор на Државната лотарија, Перпарим Бајрами и поранешниот вицепремиер Артан Груби се распишани меѓународни потерници.Двајцата се осомничени за злоупотреба на службената положба и овластување при процесот на јавни набавки во Државна лотарија.

Македонија | пред 1 година

СДММ: Власта во режимски стил им го одзема гласот на средношколците

„ВМРО-ДПМНЕ, во свој режимски и познат стил повторно се обидува да ги стави под контрола средношколците“, вели Стефанија Кузмановска, потпретседателка на СДММ и додава:Без јавна расправа, власта ги турка измените на Законот за средно образование, со кои директно се кршат правата на средношколците да се организираат и претставуваат како единствена сила.Во законските измени, во делот на ученичко организирање, избришан е Сојузот на студенти - единственото тело кое ги обединува средношколците на национално ниво и се залага за нивните интереси. Со тоа буквално ја затвораат секоја можност средношколците да се борат за себеси.Им се одзема гласот. Им се одзема правото да одлучуваат. Кому сметаат здружени и силни?Овие законски измени го нарушуваат основното право да бидеме дел од демократските процеси во нашето општество. А, тоа многу нè потсетува на едно друго време, на еден режим и контрола врз образованието, кога бевме принудени да се организираме преку пленуми за да си ги одбраниме правата.Отстранувањето на Сојузот на средношколци е само дел од пакетот штетни измени на законите за образование, кои оваа власт ги турка по брза постапка.Овие измени се спротивни и на препораките на УНИЦЕФ, кои бараат системски и континуирани решенија за надминување на бариерите и создавање функционална поддршка за децата со попреченост.Зошто вакви суштински важни законски измени се туркаат на „брза лента“, без јавна дебата? На одржување јавна дебата апелира и Комисијата за спречување и заштита од дискриминација.Образованието мора да биде натпартиска и надетничка тема.Затоа, Социјалдемократската младина на Македонија, апелира да се прекине со носење инстант решенија, кои се на штета на учениците.Образованието е тема за која е потребен консензус, јавна дебата и широки консултации. Се работи за нашата иднина, не сакаме да се враќаме назад!Ние бараме квалитетен и модерен образовен систем, каде секој има право на глас, каде секој е заштитен и каде образованието е ослободено од дискриминација и политички притисоци.

Македонија | пред 1 година

Нема фотографија

Митрески до Кочоска: Цените растат, зошто не го прифатите предлогот за укинување на ДДВ на храна?

Пратеникот на СДСМ Јован Митрески на денешната собраниска седница посветена на пратенички прашања упати прашања до министерката за финансии Гордана Димитриеска-Кочоска поврзано со егзистенцијата на граѓаните, зголемувањето на трошоците за живот, како и зошто не сака да го прифати предлогот за укинување на ДДВ на храна.Во продолжение интегрален текст на прашањето:Зголемувањето на трошоците за живот е предизвик за сè поголем број семејства.Обезбедувањето на потрошувачката кошница со основните прехранбени производи, од во ден во ден станува луксуз.Од друга страна, наместо мерки за реално пониски цени на прехранбените производи, Владата донесе мерки за мачкање очи, тотално неефикасни мерки, чист популизам.Се донесоа две потрошувачки кошнички, есенска и сега новогодишна. Помпезно ги најавивте и двете … со ПР кампањи во маркетите.Ама цените не се намалија.И да потенцирам, и двете мерки ги донесовте на ист начин. Прво им оставивте простор на трговците да ги зголемат цените, па потоа мерките стапија во сила.Се прашувам, дали Вие министерке и вашиот премиер Мицковски, сте свесни дека на овој начин им овозможивте на трговците да се богатат на грбот на граѓаните. Вие си поигрувате со егзистенцијата на граѓаните!Многу е проста проверката на ефектите на терен и многу е јасно за кого биле мерките. За граѓаните, сигурно не.После првата есенската кошничка, голем дел од цените не се намалија, некои се намалија минимално, а за некои производи цените дури и се зголемија. И статистиката го регистрираше тоа, раст на инфлацијата во месец ноември од 4,3%, и раст на цените на мало од 4%.Впрочем, Вие министерките и самата знаете дека оваа мерка не е ефикасна, тоа и го изјавивте на 1-ви октомври годинава кажавте цитирам: „Никогаш не можам да се согласам со таква мерка“.Но тоа што не се согласувате со мерките на Вашата влада не значи дека ве иззема од одговорност.Со втората, новогодишната кошничка, направивте нова класична измама за граѓаните.Дозволивте трговците да ги покачат цените па сега наводно да ги намалуваат. Без притоа да има механизам за контрола и казна.Вие класично манипулирате и ги потценувате граѓаните, за да го прикрете вистинскиот проблем за кој оигледно немате решение, а тоа е покачувањето на цените на производите.Министерке дали сте биле да пазарите во продавница или маркет деновиве? Знаете дека повторно имаме иста ситуација како со есенската кошничка. Дел од производите се намалени по денар, или по два, три денара, дел воопшто не се намалени, а цените на некои производи дури и се зголемени.Еве јас синоќа бев во еден маркет.Цената на зејтинот, од различни компании, за 1 литар се движи од 92 до дури 98 денари. А на први октомври цената била 83 денари. Каква мерка, какво намалување, зголемување има.Мешано сирење 459 денари, иста цена, непроменета.Кај кравјото сирење, има намалување од замислете само 5 денари и сега се продава по цена од 398 денари за килограм.Јогуртот со 3,2% масленост се покачи цената минатиот месец сега се намали и дојде исто и во овој маркет се продаваше за 69 денари а во некои маркети и над 72 денари се продава.Значи, тоа е реалноста за измамата којашто граѓаните ја гледаат секој ден во продавниците.Едно е јасно, дека со овие цени, кошничките на граѓаните за новогодишните празници ќе останат празни!За ова не ве избраа граѓаните. Не ве избраа за вие да им продавате лажна гордост, а тие со наведнати глави да влегуваат по продавниците и во домовите, затоа што не се во можност да ги обезбедат основните прехранбени производи за своите деца и внуци.И за овој проблем ви понудивме решение, но и тоа не го прифативте. Не прифативте укинување на ДДВ за прехранбените производи, иако и самите знаете дека со оваа мерка реално ќе се намалат цените и граѓаните тоа ќе го почувствуваат.Од друга страна, оваа мерка нема да може да биде изиграна од трговците, како што тоа се случи со мерките на Владата.И клучно, со намалување на ДДВ на храната долгорочно им се помага на граѓаните во тек на цела година. Месечно, едно семејство може да заштеди 2.000 денари а годишно тоа се 24 илјади денари.Ако навистина сакате да им помогнете на граѓаните тоа е решението.Моето прашање до Вас министерке, зошто не сакате да го прифатите предлогот за укинување на ДДВ на храна?

Македонија | пред 1 година

(Видео) Што е најдено во Арачиново: претресите завршија

На 18.12.2024 околу 01.30 часот од страна на полициски службеници од Единицата за брзо распоредување и Единицата за недозволена трговија при СВР Скопје на локален пат од с.Орланци во правец кон с.Никуштак, во атарот на општина Арачиново, биле пронајдени еден пушкомитралез, девет автоматски пушки, повеќе празни рамки за автоматска пушка и реденик за пушкомитралез, две рамки за автоматска пушка со куршуми, една тегла со муниција, ранец и други предмети.Пронајденото е предадено на вештачење во Одделот за форензички испитувања и се преземаат мерки за расчистување на случајот.

Скопје | пред 1 година

Не отварајте сомнителни линкови и датотеки прикачени во е-маил пораки и не споделувајте лични податоци со непознати лица!

„Во врска со зголемениот број на измами што годинава беа забележани, а кои опфаќаат фишинг напади и случаи на лажно претставување во име на Пошта на Северна Македонија, како и на други државни институции и правни субјекти, Секторот за компјутерски криминал при МВР ги известува граѓаните дека главната цел на фишинг измамите е да се приберат личните податоци на примателот или да се натера да посети лажна веб-страница преку која со оставање на неговите лични податоци може да се предизвикаат дополнителни злоупотреби на истите“, велат од МВР и додаваат:Овој тип на фишинг напад доаѓа во форма на СМС пораки во кои се известуваат граѓаните дека имаат наводна пратка на нивно име, за која е потребно да доплатат многу мала сума за испорака. Во СМС пораката исто така има URL линк, кој води до веб страна што е дизајнирана да изгледа како легитимна веб страна на Пошта на Северна Македонија, како и на други државни институции и правни субјекти. Преку форма за внес на податоци граѓаните ги внесуваат податоците на своите платежни картички. Обично веднаш се извршува плаќањето на првобитната сума, за после некое време да се изврши поголема трансакција.Овие електронски пораки се класичен обид за измама со цел прибирање на лични податоци за нивна понатамошна злоупотреба. Затоа, апелираме до сите граѓани да бидат внимателни, да не ги отвораат овие пораки и никако да не контактираат со испраќачот преку доставениот линк или да споделуваат лични податоци доколку тоа се бара.Во последниот период, овој тип на измами заземаа друга форма каде што граѓаните се изманипулирани да инвестираат на лажни платформи за инвестирање и тргување на криптовалути. Измамата типично почнува со тоа што жртвата ќе пронајде и ќе се регистрира на наводна платформа за инвестирање и тргување со криптовалути, за подоцна да биде контактирана (најчесто телефонски) од странски телефонски броеви од страна на непознатите сторители. Сторителите се претставуваат како советници за инвестирање и финансии, и ќе отпочнат интензивна и долга комуникација со жртвите, притоа наведувајќи ги да вложуваат се повеќе финансиски средства. Во текот на комуникацијата, непознатите сторители цело време напоменуваат дека жртвата во секое време може да ги повлече уплатените финансиски средства, како и остварените добивки. Но кога ќе дојде моментот за тоа да се оствари, сторителите измислуваат разни препреки и дополнителни давачки за остварување на истото.Со цел да се заштитат граѓаните од ваков тип на измами, Секторот за компјутерски криминал препорачува да не се отвораат сомнителни линкови и датотеки прикачени во е-маил пораки од непознати испраќачи, да не се одговара на непознати телефонски броеви, како и да не се оставаат свои лични податоци, податоци од свои платежни картички на непознати веб страни и платформи. Исто така, доколку граѓаните пронајдат одредени платформи или сервиси за инвестирање од било каков тип, задолжително да извршат проверка на интернет за нивната легитимност и автентичност, односно дали исполнуваат одредени критериуми за меѓународна регулација за брокери.

Македонија | пред 1 година

Републичкиот обвинител Коцевски си беше на „стенд-ап“ комедија, а нема време за прашањата на јавноста во време на куп акции

Републичкиот обвинител, Љупчо Коцевски, во изминатите 15 дена не најде простор да одговори на десетици прашања од јавноста со појавување во поткастот „Претрес“, но најде време да отиде на стенд-ап комедија. Во време кога правосудството трпи критики од јавноста поради ниската доверба, МВР и Финансиската полиција поднесуваат пријави за сериозни случаи, Коцевски во неделата ја искористил за да ги гледа стенд-ап комичарите Тино и Атанас.„Нѐ информираа дека државниот јавен обвинител е присутен. Може да дадете аплауз тие што немате проблем, тие што имате не мора. Никој не го знае и рекоа да не збориме за вас, ете таму седи“ рече Тино во стенд-ап комедијата кој се шегуваше на сметка на јутуберот Лазаров: „Имам еден другар и другарка, вчера сакаа да ги апсат на гивавеј. Боки и Лазаров. Па ако може нешто да направите, побрзо да ги уапсат“.Во неколку наврати, Коцевски е поканет да одговори на сите прашања од јавен интерес во поткастот „Претрес“. Од ПР службата, ни одговорија: „Во согласност со заложбите за транспаретност и отчетност, Јавниот обвинител на Република Северна Македонија и јавните обвинители ќе одржат брифинг за сите новинари на 11.12.2024 година на кој новинарите ќе имаат можност да ги постават сите прашања од јавен интерес. Во следниот период обвинителот Коцевски веќе има закажано повеќе други обврски и јавни настапи, па не е во можност да ја прифати вашата покана“.На ова, екипата на „Претрес“ посочи: „Брифинг и гостување во поткаст се различно ниво на транспарентност. Ве молам во иднина, вие да не одредувате место и локација каде ние би можеле да ги поставиме сите прашања. Гостувањето во „Претрес“ е одговор и на прашања од граѓаните, во живо. Дотолку повеќе што и самите посочувате дека Коцевски веќе има планрано јавни настапи, иако, ќе има и брифинг. Притоа, ова не е прва покана туку во повеќе наврати бил поканет републичкиот, па затоа ќе си дадам за право да кажам - дека селективно се бираат медиуми и новинари, што вие како ексновинар, многу добро знаете дека тоа остава лош впечаток. Оттука, одредете вие ден кога на републичкиот обвинител му одговара, ние ќе организираме вонреден поткаст во истиот термин. Секако, главната цел е транспарентноста да ја видиме на дело, а не на зборови и по соопштенија“.Ни по ова, Коцевски не најде време да се појави и да одговори за многу случаи за кои немаше ниту време да се праша на гореспоменатиот брифинг.„Скопје1“ испрати прашања до прес-службата на Обвинителството, каде побаравме одговори како си поминал републичкиот обвинител на стенд-ап комедијата и дали ја препорачува за поширок аудиториум, дали тоа му е приоритет пред граѓаните и медиумите иако куп прашања се неодговорени, колку и дали е сериозно тој да се појавува како гостин на стенд-ап комедии во период кога правосудството е мета на критики, а МВР и Финансова полиција спроведуваат акции и апсења на ексфункционери кои не биле допрени до промена на власта.Оттаму одговорија:„Јавниот обвинител на Република Северна Македонија, како и секој друг граѓанин, има право на приватност и слободно време кое често го користи за да посетува и културни и други настани, за кои уредно, како и сите други граѓани, плаќа влезница. Тоа го прави надвор од работното време, а во исто време е достапен за сите важни прашања во негова надлежност. Што се однесува до акциите кои што ги наведувате, сите тие се спроведени со наредби и под раководство на надлежни јавни обвинители, а во дел од предметите одреден временски период обвинителството спроведуваше и посебни истражни мерки“.

Македонија | пред 1 година

(Фото) Објавени потерниците за Груби и Бајрами

Ексвицепремиерот Артан Груби и ексдиректорот на Државна лотарија Перпарим Бајрами се бараат и официјално со потерница. Нивните ликови се и на веб-страницата на МВР, каде стои дека потерницата е меѓународна, по барање на Обвинителството.„Артан Груби, татко Сакип мајка Зухра род.07.06.1977 год. во Скопје каде и живее на ул.Струмичка бр.5/2-4,Чаир. Се бара по распишана меѓународна потерница од ОЈО Скопје со Наредба бр.XVII KO бр.4232/24 од 17.12.2024 год. Лицето е под истрага за сторено кривично дело по чл.354 ст.5 в.в. ст.3 в.в ст.1 в.в со чл.22. од КЗ на РСМ“, стои во потерницата за Груби.„Перпарим Бајрами татко Фатмир мајка Хасибе род.10.02.1993 год. во Куманово, а живее во с.Ваксинце бб, општина Липково. Се бара по распишана меѓународна потерница од ОЈО Скопје со Наредба бр.XVII KO бр.4232/24 од 17.12.2024 год. Лицето е под истрага за сторено кривично дело по чл.354 ст.5 в.в. ст.3 в.в. ст.1 в.в. чл.22.од КЗ на РСМ“, стои во потерницата за ексдиректорот на Лотарија.[caption id="attachment_317493" align="alignnone" width="1690"] Screenshot[/caption]

Македонија | пред 1 година

Нови претреси: МВР продолжи со расчистување на нарко-клановите и убиствата

Нови претреси на повеќе локации во Скопје се прават од полицијата. Според првичните информации, истата се спроведува во рамки на сузбивањето на насилни криминални групи, а започна пред неколку дена.„Во тек е полициска акција од страна на Одделот за сузбивање на организиран и сериозен криминал при МВР. Извршени се претреси на повеќе локации, во моментов се продолжува со дел од претресите. Повеќе информации ќе бидат соопштени по завршување на истата“, велат од МВР.Засега е познато дека во околината на Арачиново е најден арсенал на оружје, а запленети се десетина парчиња. Кому припаѓале, дали со нив се извршувани убиствата за кои се води истрага и се поврзуваат нарко-клановите дополнително ќе се истражува.

Македонија | пред 1 година

Приведен криумчар, пронајдени девет мигранти од Непал

На 17.12.2024 во 23.10 часот на локалниот пат кон с.Речица, кумановско, полициски службеници од Мобилната единица за компезаторни мерки при Одделот за гранични работи и миграции во Бирото за јавна безбедност лишиле од слобода 17 – годишник од Виница.При преглед во возило „фолксваген кеди“, кое претходно го управувал малолетникот, а на кое биле поставени две различни кумановски регистарски таблички, биле пронајдени девет лица мигранти од Непал.Мигрантите биле сместени во Транзитен центар Табановце, а против малолетникот, по целосно документирање на случајот, ќе биде поднесена соодветна пријава.

Македонија | пред 1 година

Пукал ама не го погодил - истрага за обид за убиство во Скопје

Основното јавно обвинителство Скопје донесе Наредба за спроведување истражна постапка против едно лице за кривично дело – Убиство од член 123 став 1 во врска со член 19 (во обид) од Кривичниот законик. За уште едно лице е поведена постапка поради сомненија за дејствија на – Помагање по извршување на кривичното дело според член 365 став 2 во врска со став 1 од Кривичниот законик.На 10 декември, во селото Мирковци, сега осомничениот 37-годишник со умисла се обидел да лиши од живот едно лице, а мотивот му била претходна меѓусебна нетрпеливост поради нерасчистени должничко – доверителски односи. Тој отишол до домот на оштетениот, каде пред вратата извадил огнено оружје – пиштол и испукал еден куршум кон жртвата, но не успеал да го погоди.Куршумот завршил во ѕидот веднаш до рамката од влезната врата, во висина на градите на оштетениот, кој веднаш кога го забележал пиштолот се повлекол во внатрешноста на куќата и ја затворил влезната врата која автоматски се заклучува. Осомничениот започнал да тропа и удира со нога на затворената влезна врата, па откако не успеал да влезе во куќата, побегнал од местото заедно со лицето кое постои сомнение дека му помагало по сторувањето на кривичното дело да не биде откриен.Јавниот обвинител, ценејќи дека се исполнети законските основи, предложи за осомничениот сторител на обидот за убиство да биде определена мерка притвор. Со решение, Основниот кривичен суд Скопје ја определи бараната притворска мерка во траење од 30 дена.CategoriesСоопштенија

Македонија | пред 1 година

(Видео) Царинска управа: запленети 780 килограми тутун во поголема акција во Битола и Ресен, три лица ќе одговараат кривично

Секторот за контрола и истраги при Царинска управа спроведе поголема акција во Битола и Ресен во која се запленети 780 килограми режан тутун со вкупна вредност од 3,4 милиони денари. Во акцијата се извршени претреси на домови и помошни простории, а извршени се и контроли на градските пазари. Тројца сторители ќе одговараат кривично, а до едно лице ќе биде поднесена прекршочна пријава. Во предистражната постапка од овие дела е утврдена директна штета врз Буџетот во висина од 2,8 милиони денари.Имено, на ден 13.12.2024 година по издадена Наредба за вршење претрес на дом и други помошни простории од основен суд во Ресен, инспектори од Секторот за контрола и истраги извршија претрес на помошни простории што се користеле како дуќан од страна на лицето С.Т. од Ресен. При извршениот претрес пронајдени се околу 259 килограми режан тутун. Извршени се и контроли на градскиот пазар при што од лицето Р.Н. од Ресен одземени се 100 килограми режан тутун.Истиот ден по издадена Наредба за вршење претрес на дом и други помошни простории од основен суд во Битола извршен е претрес на помошни простории што се користеле како гаражи од страна на лицето Ѓ. К. при што се пронајдени околу 283 килограми режан тутун. Дополнително при контроли на градскиот пазар во Битола, од истото лице се одземени уште 88 килограми режан тутун, како и дополнителни 49 килограми режан тутун од лицето Т.Н.

Македонија | пред 1 година

(Видео) Воздишки и емоции: Згрме „Заветна“ со армискиот оркестар и музичарите од вооружените сили на четири држави

Оркестарот на македонската Армија на воодушевување на преполната сала заедно со музичари од Вооружените сили на Франција, Унгарија, Италија и САД донесе вистинско, според многумина, досега невидено уживање за публиката.Концертот, кој се одржа под мотото „Заедно посилни во хармонија на звуците“, понуди разновиден репертоар од светски познати автори како Жорж Бизе, Јоханес Брамс, Џорџ Гершвин и Џоакино Росини, но и композиции од земјите на гостинските оркестри. Најголемата ерупција на воодушевување се случи со изведбите на воените оркестри во придружба на Андријана Јаневска и „Заветна“, „Учи ме мајко, карај ме“, како и на изведувачите од посилниот пол со „Налеј, налеј“ и македонски евергрини. Публиката беше воодушевена од фантастичниот репертоар.Настанот го проследија бројни гости, меѓу кои и претседателката и врховен командант на Армијата, Гордана Сиљановска Давкова, министерот за одбрана Владо Мисајловски, началникот на Генералштабот генерал-мајор Сашко Лафчиски, министри во Владата, пратеници, претставници на дипломатскиот кор и многу други.

Магазин | пред 1 година

Артан Груби да не се пазари и да не бега, да се врати во Македонија и да си докаже пред суд колку е чист како солза, му порача ВМРО-ДПМНЕ

„Артан Груби е епицентарот на сите скандали и афери изминатите години. Нема скандал а да не се поврзува со името на Груби“, му порача ВМРО-ДПМНЕ и додаваат:Како кула од карти се сруши наративот на ДУИ дека се борат за ЕУ и зелени агенди. Артан Груби и врхушката на ДУИ, блиски соработници на Али Ахмети под превезот на демократија, правда и зелени агенди се борат исклучиво за да го заштитат крупниот капитал стекнат на криминален начин.Артан Груби да не бега и да се врати во Македонија за да докаже колку е чист како солза.Груби веднаш откако се најде на црната листа на САД, а потоа и во центарот на кривична постапка за милионски криминал ја напуштил државата по ставањето на црната листа на САД а пред отпочнување на кривичната постапка против него.8 милиони евра е криминалот во АД Лотарија на Македонија во кој главната улога ја имаат Артан Груби како вицепремиер и Пeрпарим Бајрами како директор на Лотарија.Артан Груби да не се пазари и доколку е чист како солза како што самиот тврди, да се врати во Македонија и да си докаже пред суд доколку има храброст.Одговорност за милионскиот криминал кој го направил Груби мора да има.Одговорност за корупцијата и криминалот во пандемиски размери на СДС и ДУИ мора да има.Време е за унапредување на демократијата, владеење на правото и правдата.

Македонија | пред 1 година

Се продава познатиот ланец на стоковни куќи

Кинескиот холдинг Alibaba го продава синџирот стоковни куќи Intime за една милијарда долариКинеската холдинг компанија Alibaba денеска објави дека ќе го продаде својот синџир на стоковни куќи Intime на Youngor за 7,4 милијарди јуани, или 1,02 милијарди долари, бидејќи сака да се фокусира на својата основна дејност, е-трговија и облак бизнис.Алибаба моментално поседува околу 99 отсто од капиталот на Intime, според поднесеното барање до берзата во Хонг Конг, пренесува China Daily.Кинескиот гигант за е-трговија ќе забележи загуба од 1,3 милијарди долари со продажбата, откако првично инвестираше големи суми пари во Intime во 2017 година, бидејќи се обиде дополнително да го диверзифицира својот бизнис.Откако дојде на чело на компанијата пред повеќе од една година, извршниот директор на Alibaba, Еди Ву, беше принуден да започне со консолидација на основната дејност поради зголемената конкуренција од кинеските ривали PDD и Bytdens, па Alibaba почна да ги продава средствата кои не смета дека е потребно, пренесува Блумберг.

пред 1 година

Винисиус: „Никој нема да ми каже како да се однесувам“

Бразилскиот фудбалер Винисиус Јуниор имаше што да каже откако беше крунисан за најдобар играч на светот во изборот на ФИФА.Тоа признание му врати насмевка на лицето по фрустрацијата што ја доживеа по изборот за најдобар играч на светот во организацијата „Франс Фудбал“, каде што беше втор, зад Родри.Овој пат Бразилецот ја победи конкуренцијата, а трофејот стигна лично да го прими во Катар, за разлика од некои лауреати кои отсуствуваа на церемонијата од професионални причини.„Денес му пишувам на едно момче кое видело толку големи играчи како го добиваат овој трофеј... Неговото време дојде. Поточно, дојде моето време. Време е да кажам... да, јас сум најдобриот играч на светот и јас напорно се борев за тоа, рече Винисиус.Имаше порака до критичарите.„Се обидоа да ме обезвреднат, да ме понижат. Но, не се подготвени за мене. Никој нема да ми каже за кого да се борам и како да се однесувам. Кога бев во Сао Гонзало, системот не се грижеше за мене. Победив за себе, за моето семејство, со голема поддршка цело време: Фламенго, Реал Мадрид, бразилската репрезентација, стотици мои соиграчи во текот на сите овие години... луѓето кои беа со мене секој ден...“На крај оставил порака."Најдобриот фудбалер на светот. Број седум".

Спорт | пред 1 година

Марк Цукерберг потврди: Повеќе од 100 милиони секој ден

Платформата Threads зема замав и привлекува голем број нови корисници.Threads, социјална мрежа во сопственост на Мета, сега има повеќе од 300 милиони корисници. Исто така, повеќе од 100 милиони луѓе ја користат оваа платформа секој ден.Марк Цукерберг ги објави овие достигнувања на услугите на Threads, истакнувајќи: „Силниот момент на Threads продолжува“.Цукерберг во минатото често сугерираше дека Threads има добри шанси да стане следната апликација од милијарда корисници на компанијата.Иако сè уште е доста далеку од тој потфат, Threads е во постојан пораст. Апликацијата минатата есен достигна 100 милиони корисници, додека на почетокот на ноември имаше 275 милиони.

Магазин | пред 1 година

(Видео) Драматични зборови на пилот пред да удри во зграда: Ух, изгубивме контрола

Две лица загинаа кога авион удри во зграда во близина на меѓународниот аеродром во американската држава Хаваи, објави Hawaii News.Локалните власти соопштија дека авионот Цесна 208 удрил во празна државна зграда која била планирана за уривање.Двете лица кои биле во авионот загинале.https://x.com/ChaosAlertsOnX/status/1869282000219386012Иако официјалните лица се уште не го објавија идентитетот на жртвите, извори блиски до семејството потврдија дека една од жртвите е дипломиран студент Хирам Дефрејс, млад човек на дваесетина години кој бил на обука.https://x.com/worldhistoryera/status/1869274825296142559Снимени се и последните зборови на пилотот, кој на контролната кула и рекол дека изгубил контрола над леталото.Контролорите на летот ги прашале пилотите дали свртуваат десно, на што пилотите потврдно одговориле со зборовите „ах, изгубивме контрола“.https://x.com/ebcnewss/status/1869263172177436922„Ако можете да го израмните авионот, тоа би било добро. Имате слободна писта, секое место на кое можете да слетате“, рекоа од контролата, но потоа авионот удри во зградата.

Свет | пред 1 година

Православните верници утре го слават празникот св. Никола

Православните верници утре го слават празникот св. Никола. Слава за која популарно се вели дека „пола верници слават, а половина одат на слава“.Свети Никола: Православните верници утре го слават крштевниот празник посветен на Свети Никола, најголемиот добротвор, заштитник на патниците и староседелците. По правило, ден пред Свети Никола, домаќините треба да подготват свечена трпеза и тоа е целата домашна работа што треба да ја направат. Се друго треба да почека до 21 декември, односно да не прават ништо позначајно во однос на домаќинството ниту ден по прославата.Што не смее да се прави на ден по Свети НиколаИсто така, се верува дека Свети Никола е заштитник на патниците и сиромашните. Свети Никола е и еснафска слава, тој е светец-заштитник на гемиџиите, сплаварите, рибарите и мелничарите. Затоа морнарите не пловат на овој ден, па ова се нарекува и „водена слава“, а се верува дека сите планирани патувања треба да се одложат за следниот ден.Обичаи за Свети НиколаБидејќи животен идеал на свети Никола беше помагањето на сиромашните и децата, обичај е на овој ден да им се помага на помладите генерации, но и на оние кои немаат. Затоа е традиција да се подаруваат ореви, лешници, јаболка и слатки со ставање во чевлите до креветот или во прозорците.Друго правило диктирано од верувањето и традицијата е дека, ако таткото ја дели славата со своите синови, едниот треба да го земе летниот, а другиот зимскиот Свети Никола како ден за одбележување на својот светец.

Македонија | пред 1 година

Донел 50 мажи да му ја силуваат сопругата, пресудата за Французинот ќе се изрече утре

Кривичниот суд во Авињон утре ќе ја донесе пресудата за Доминик Пелико и уште 50 други мажи обвинети за повеќегодишно силување на Жизел Пеликот, сопругата на првообвинетиот, која стана позната со својата одлука да го отвори судењето за јавноста со цел да привлече внимание на сексуалните злосторства врз жените на феминизмот низ целиот свет.Во ноември, обвинителот побара максимална затворска казна од 20 години за Доминик Пеликот, кој организирал групни силувања на неговата сопруга Жизела додека бил дрогиран и без свест речиси цела деценија. Пеликот ги снимал силувањата и споделил фотографии и видеа од неговите искуства со сопругата.Според сопственото признание, тој регрутирал силувачи на Интернет. За сообвинетите, 51 од нив, француското обвинителство побара казни од 10 до 18 години затвор.Сега 72-годишната Жизел Пеликот од самиот почеток одби на судење зад затворени врати, наспроти советите на адвокатите на обвинителството и одбраната кои сакаа да избегнат судењето да се претвори во „спектакл“.Одлуката да се отвори судењето и да се разголи Пелисиот ја објасни со следните зборови: „Срамот нека ја смени страната за да можат жените, жртви на силување, да кажат: „ако г-ѓа Пеликот зборуваше јавно, можам и јас“.Со таа одлука случајот привлече големо внимание и го следат 166 акредитирани медиумски куќи, меѓу кои 76 странски. Социјалните мрежи горат, сите имаат свое мислење: политичари, судии, интелектуалци. Покрај дискусиите за злото на сексуалното насилство, се дебатира и за намерното дрогирање на луѓе без нивно знаење, како што е ставањето дрога во пијалоци и прашањето за согласност за сексуален однос.Кога жртвата решила да престане да биде Жизел П. и да стане Жизел Пеликот, нејзините три деца и седумте внуци исто така излегле од анонимност.Поради својата храброст, Жизел Пелико го ужива статусот на муза на феминизмот, но, како што вели: „иако надворешноста е цврста, внатре јас сум руина“.Јавноста и се восхитува, секојдневно добива цвеќе, американскиот печат ја фали поради нејзините очила за сонце и боб фризурата за да наликува на модната икона Ана Винтур, Der Spiegel објави приказна за неа под наслов „Хероина за жените од целиот свет“. , а слични наслови ги красат текстовите на Њујорк Тајмс и другите светски весници. Би-би-си веќе ја вклучи меѓу 100-те највлијателни жени во светот.Сето тоа таа го дочекува дискретно, со едвај видлива насмевка и ги повикува жените „да не молчат“.За тоа време, озлогласениот „шеф на оркестарот“, како што го нарекуваа Доминик Пеликота, останува во сенка. Тој поради неговата здравствена состојба сакаше да избегне судење и накратко беше хоспитализиран, но на крајот седна на обвинителна клупа во судот.Со ноншалантно однесување, 72-годишникот ја кажа својата вистина и рече дека сите 50 сообвинети, на возраст меѓу 27 и 74 години, знаеле дека „неговата сопруга била дрогирана, дека не била свесна што се случува и затоа тоа беше силување“.Кога биле прикажани снимките од силување, тој ја спуштил главата и ги покрил ушите бидејќи не сакал да ги слуша неговите снимени коментари додека неговите „гости“ се забавувале со Жизел. На судењата за силување ретко може да се видат вакви материјали, илјадници фотографии и видеа кои покажуваат низ какви искушенија поминала оваа жена.Претседателот на судот, Роџер Арата, првично одби да го прикаже „шокантниот и вознемирувачки“ материјал на медиумите и јавноста, но на 4 октомври ја смени одлуката, која адвокатите на Жизел Пеликот ја прогласија за „победа“.„Потребна е храброст да се соочиш со реалноста на силувањето“, велат нејзините адвокати.Идната пресуда ќе биде „порака на надеж за жртвите на сексуално насилство“, но и водич во „образованието на нашите синови, бидејќи само преку образованието можеме да поттикнеме промени“, рече заменик-обвинителката Лаура Чабауд.Признавањето на силувањето како кривично дело во Франција во 1978 година се должи на друга, многу позната Жизел - Жизел Халими.Одбраната на обвинетите имаше тешка работа. Беатрис Заваро, наречена „застапник на ѓаволот“ се обиде да прикаже друг Доминик, „добар сопруг, татко и дедо“. Одбраната се обиде да ги прикаже сообвинетите како луѓе кои биле „манипулирани“ од „монструм“.

Свет | пред 1 година

Температурата до 13 степени: вакво ќе биде времето денеска

МИНИМАЛНИ ТЕМПЕРАТУРИ (во °С)-4 Берово, -3 Битола, -2 Тетово, Скопје-Петровец, Маврови Анови, Демир Капија, -1 Велес, Прилеп, Струмица, Дебар, 0 Охрид, Крива Паланка, Штип, Куманово, Кавадарци, Скопје-Зајчев Рид, 1 Претор, 2 Виница, Попова Шапка, 4 Крушево, 6 Гевгелија.ВИСИНА НА СНЕЖНА ПОКРИВКА во 07 часот (во сm)34 Попова Шапка, 26 Маврови Анови.ВРЕМЕТО ВО ТЕКОТ НА НОЌТА И ИЗУТРИНАВАВо текот на ноќта по котлините се создаде магла и ниска облачност, а во останатите делови од земјата беше ведро и претежно тивко.ВРЕМЕТО ДЕНЕСКАНаутро ќе има појава на магла по котлините, а преку денот ќе биде сончево со мала до умерена локална облачност поголема попладне. Ќе дува слаб ветер од северозападен правец.Максималната температура ќе достигне од 8 до 17 степени.Во Скопје наутро со појава на магла, преку денот сончево со мала до умерена облачност која ќе се зголеми од пладневните часови и ќе биде претежно тивко. Максималната температура ќе достигне до 13 степени.

Македонија | пред 1 година

(Видео) Јапонската ракета Каирос откажа неколку минути по полетувањето

Јапонската компанија Space One го прекина летот на својата ракета Каирос веднаш по полетувањето, што го означи вториот неуспешен обид за девет месеци да стане првата јапонска приватна компанија која испрати сателит во вселената. Тоа е најновото во низата неуспеси во развојот на ракетите на Јапонија, бидејќи владата се обидува да ја зајакне домашната вселенска индустрија со цел од 30 лансирање ракети годишно до почетокот на 2030-тите.Властите се посветени да ја претворат Јапонија во центар на азискиот вселенски сообраќај. Вториот лет на Каирос, кој траеше само околу 10 минути, беше прекинат бидејќи „да се оствари неговата мисија би било тешко“. „Несоодветните поставки за летот го активираа автономниот систем за самоуништување на ракетата, иако не беа пронајдени никакви хардверски проблеми“, рече Space One.Компанијата најави истрага. Сликите во живо од локалната власт на префектурата Вакајама покажаа дека 18-метарската ракета со цврсто гориво полетала од вселенското пристаниште Кии во западна Јапонија во 11 часот по локално време, но ја губи стабилноста на својата траекторија додека се искачувала.https://twitter.com/DunyaGemisi/status/1869274219114303767?ref_src=twsrc%5Etfw#dmid=eabcb6d7-036f-415e-a97a-8ddc674a30c0Ракетата, која се упати во орбитата на надморска височина од околу 500 километри над површината на Земјата, носеше пет мали сателити, вклучително и еден од Тајванската вселенска агенција.Space One со седиште во Токио е основана во 2018 година од Canon Electronics, воздухопловната поделба на IHI Corporation, градежната компанија Shimizu и банката поддржана од државата, со цел до 2029 година да лансира 20 мали ракети годишно за да се задоволи зголемената побарувачка за лансирање сателити. .

Свет | пред 1 година

Русија го приведе осомничениот за бруталната ликвидација на генералот Кирилов, открија кој е: „Му нуделе 100.000 долари“

Русија го приведе осомничениот за убиството на генералот Игор Кирилов, што се случи вчера во Москва, пренесува Sky news.Тој е државјанин на Узбекистан кој рече дека бил регрутиран од украинските разузнавачки служби (СБУ).Рускиот истражен комитет објави дека на осомничениот за убиството на Кирилов „му биле понудени 100.000 долари за да го изврши тој атентат“.https://twitter.com/KyivPost/status/1868979756043305016Конкретно, претставничката на комитетот, Светлана Петренко, утрово изјави дека Украина на маж од Узбекистан му понудила награда од 100.000 американски долари и живот во една од европските земји.Да потсетиме, Кирилов беше убиен вчераутро во Москва откако активирана направа била скриена во скутер кој бил паркиран до влезот на станбена зграда. Неколку извори на SBU тврдат дека тие се одговорни за нападот што се случи недалеку од Кремљ. Рускиот истражен комитет соопшти дека во тек е идентификација на уште едно лице вмешано во организацијата на атентатот.На социјалните мрежи се појави и видео кое го покажува точниот момент на удар. На видеото се гледа голема експлозија, снег кој паѓа од автомобилите во близина, а во исто време им се вклучува и безбедносниот аларм.

Свет | пред 1 година

Русија: Го уапсивме човекот кој го уби генералот Кирилов

Руската служба за безбедност соопшти дека 29-годишен државјанин на Узбекистан е приведен за убиството на високиот генерал Игор Кирилов и неговиот помошник во Москва.Генерал-полковник Игор Кирилов, началник на силите за нуклеарна, биолошка и хемиска одбрана (НБЦ), загина вчера рано утрото кога беше активирана експлозивна направа што се наоѓала на мобилен телефон. Руските безбедносни служби изјавија дека осомничениот бил регрутиран од украинската разузнавачка служба, јавуваат државните медиумски агенции.Украински извор вчера за Би-Би-Си потврди дека зад убиството стои украинската служба за безбедност. Изворот наведува дека Кирилов бил „легитимна цел“. Во понеделникот, ден пред убиството, Украина го обвини Кирилов (54) во отсуство, велејќи дека тој е „одговорен за масовната употреба на забрането хемиско оружје“.Центарот за односи со јавноста на руската Федерална служба за безбедност (ФСБ) соопшти дека уапсениот 29-годишник е „осомничен дека извршил терористички напад“. Во соопштението за печатот се наведува дека за време на сослушувањето „објаснил дека бил регрутиран од украинските специјални служби“.Се додава дека 29-годишникот пристигнал во Москва по инструкции од Украина и најмил автомобил за да ја надгледува резиденцијата на Кирилов. Експлозивната направа ја поставил на електричен скутер што го паркирал на влезот од станбената зграда во која живеел Кирилов, соопшти ФСБ. ФСБ наведе дека на осомничениот му е „гарантирана“ награда од 100.000 долари и бегство во европска земја.

Свет | пред 1 година