Утревечер Скопје останува без вода: колку ќе трае зафатот и кои се населбите кои не се засегнати

Утревечер (20 декември), во 22 часот, Скопје ќе остане без вода. По празнењето на главната цевка, ќе се работи на санација на проблемите на летири локации. Познато е дека зафатот ќе трае, но не се знае колку.Градоначалничката на Град Скопје, Данела Арсовска информираше дека санирањето на главниот цевковод во главниот град, нема да трае подолго од една обична санација на дефект.„Од „Водовод“ веќе известија иницијално. Се работи за зафат кој има сложен и оперативен план и затворање на една од главните доводни цевки на магистралниот цевковод. Се прави еднаш во 50-60 години. Континуирано веќе една деценија се одложувало санирањето. Овој дефект е еден од четирите кои ќе се санираат во текот на викендот. За истото нема да има потреба од дотур на вода. Нема да трае подолго од една редовна санација на било кој дефект. Службите кои што работат во градот и согласно онаа студија за состојбите во која се магистралните цевководи, покажуват дека апсолутно ќе биде завршено во едно деноноќие. Нема да биде ништо надвор од сите останати процедури што ги имаме при санација на не толку сериозни дефекти низ градот, рече градоначалничката на прес-конференција пред акцијата за засадување дрвца кај новиот Мега Парк во општина Карпош.Вода ќе имаат само населбите од левата страна на реката Вардар, односно Чаир, Бутел, Радишани, Пластичарска улица до Американска амбасада, Визбегово, Бардовци, Железара, Автокоманда висока зона, Ѓорче Петров од СП Планет, Сарај, Шутка, Топанско Поле, Новоселски Пат, населба Даме Груев, Кисела Јабука, Стопански Двор, Волково и Орман.Останатите корисници ќе бидат без вода.

Скопје | пред 1 година

(Видео) Снеже Велков незадоволна од однесувањето на Агим Јонуз ја напушти емисијата

Последната епизода на Нешто конкретно го донесе прашањето:Дали ќе не биде, како нација и како генерација?Понесени од секојдневните заклучоци дека сме неспособни, неснајнеди, конформиси и не образвовани, водителката Велков, ги постави токму овие прашања на гостите Агим Јонуз, Роберт Јанков, Ивана Кнез, Дениз Абдула. Н адел од понудените опции гостите се разидуваа но на дел комплетно се согласија.Па така Агим Јонуз заклучи дека како нација сме комплетно неспособни на што актерот Дениз Абдула и водителот на утринската на канал 5 Роберт Јанков му реплицираа дека не сме неспособни туку само сме мрзливи.Роберт се пошегува на своја сметка бидејки слуша се и сешто од гледачите наутро кога му се јавуваат па кажа дека сам себе си се јавува да си ги каже маките.Комплетно согласување имаше околу тоа дека најмногу не уништува Турбо фолкот и турските серии па Дениз беш дециден дека треба да се забранат со закон.Последното прашање донесе неочекувани одговори?Дали сте општествено корисни како личности на што Ивана Кнез раскажа навистина мотивирачка приказна на девојка која планирала самоубиство а токму колумните на Инава ја одвратиле од истото.Агим во свој стил кажа дека Дури и најбескорисниот човек е општествено корисен -служи како лош пример.На крајот Снеже демонстративно сакаше да ја напушти дискусијата не задоволна од однесувањето на Агим Јонуз.....Гледајте ја целата епизода овде:

Магазин | пред 1 година

Груби заведен дека пешки поминал граница: камерите снемале батерии тој ден

Одделот за внатрешна контрола, криминалистички истраги и професионални стандарди покрена постапка за утврдување на одговорност за кршење на работната дисциплина против полицајците од граничниот премин „Блаце“ Б. Ј. и Б. А., кои на денот на акцијата за претрес за случајот „Лотарија“ на 15. овој месец, го пуштија за проневера осомничениот поранешен прв вицепремиер Артан Груби да избега од апсење, соопшти Министерството за внатрешни работи (МВР). Полицискиот службеник Б. Ј., кој се товари дека направил тешка дисциплинска грешка, е тргнат и суспендиран од работа.Иако за Груби до сите гранични премини МВР доставило известување „задржи и веднаш извести“, полицискиот службеник Б. Ј. со своето несовесно работење не извршил адекватни проверки за патничко моторно возило „мерцедес“ при премин на државната граница на излез од Македонија, не го евидентирал за остварување на излез од државата, а патниците од „мерцедесот“, едниот со дипломатска патна исправа како возач и Груби со македонска патна исправа како совозач, ги завел дека пешки ја поминале границата.Овој полициски службеник не почекал системот да утврди дали за Груби има активна мерка „задржи и веднаш извести“, туку веднаш нему и на возачот им ги дал пасошите, по што тие го напуштиле граничниот премин. Полицаецот ќе биде под истрага на Обвинителството за организиран криминал и корупција.„Со наведените дејствија, Б. Ј. постапил спротивно на чл. 12 т.1, чл. 13 с.1 т.8 од Законот за гранична контрола, со што сторил потешко кршење на работниот ред и дисциплина. Во врска со настанот, од страна на Одделот за внатрешна контрола до ОЈО за ГОКК – Специјализирано оддление за гонење на кривични дела сторени од страна на полициски службеници и затворска полиција доставено е известување заради запознавање на јавниот обвинител“, вели МВР.Баш кога поминувал Груби, камерите на граничниот премин не работеле.„Од страна на раководителот на смена Б. А. било сторено потешко кршење на работниот ред и дисциплина, бидејќи тој како раководител на смена имал обврска навремено да ги задолжува и раздолжува полициските службеници на смената, со Мобилен систем за снимање со камери(МССК) и тоа уредно да го евидентира во Евиденцијата за задолжување и техничка исправност на МССК. Откако ги задолжил сите полициски службеници со МССК и истото го завел во евиденцијата, во 07.30 часот, од страна на полициски службеници Б. Ј., С. Ф., Б. А., Ф. Ф. и Е. Ш. било пријавено дека МССК не им работат бидејќи им се испразниле батериите. Од страна на раководителот на смена Б. А. истите полициски службеници не биле задолжени со други мобилни камери, бидејќи батериите не можеле да се наполнат. Од извршениот увид во горенаведената евиденција од страна на внатрешната контрола, исто така било утврдено дека од страна на раководителот Б. А., откако камерите биле вратени, тие не биле заведени во графите како раздолжени во самата евиденција, а воедно и не ја пополнил графата за забелешка каде што требало да го нотира настанатиот проблем со Мобилниот систем за камери“, вели Министерството за внатрешни работи.МВР распиша меѓународни потерници по Артан Груби и ексдиректорот на Државна лотарија Перпарим Бајрам, осомничени за проневера во истрагата за Лотарија. Потерницата е објавена откако вчера Основното јавно обвинителство Скопје достави наредба до МВР за објава на национална потерница и изјава за распишување меѓународна потерница за Груби и Бајрами. Претходно вчера Основниот кривичен суд Скопје им одреди притвор од 30 дена на двајцата осомничени. Груби и Бајрами се осомничени за кривичното дело Проневера, а останатите четворица за Злоупотреба на службената положба и овластувања. На останатите четворица осомничени, кои се достапни и сослушани, судот им одреди поблаги мерки на претпазливост, како одземање патна исправа и обврска за повремено јавување во судот.

Македонија | пред 1 година

Фатени двајца бегалци од затвор

На 18.12.2024 околу 23.45 часот во населба Средорек во Куманово, полициски службеници од Секторот за меѓународна полициска соработка-Одделение за потраги во содејство со полициски службеници од Одделението за криминалистички работи Куманово ги лишиле од слобода И.Р.(25) и Е.И.(23), двајцата од Скопје, а кои биле барани по централни потерници поради бегство од Казнено – поправните установи Затвор Идризово и Затвор Струмица.И.Р. бил осуден на казна затвор од шест години за сторено кривично дело „тешка кражба“ по член 236 од Кривичниот законик, а имал за доиздржување пет години и девет месеци од казната.Додека, Е.И. бил осуден на казна затвор од една година за сторено кривично дело „тешка кражба“. Лицата биле спроведени во казнено – поправните установи за доиздржување на казните.

Македонија | пред 1 година

Македонија повторно на страна на Нацизмот во ООН, вели Левица

„Владата на ДПМНЕ продолжува да ги претставува туѓите интереси, наместо да ги застапува принципите и вредностите на македонскиот народ. Со гласањето „ПРОТИВ“ Резолуцијата за осуда на нацизмот, Македонија уште еднаш покажа дека нејзината надворешна политика останува заробеник на колективниот Запад“, соопшти Левица.„На 17 декември, во Њујорк, за време на 79-то заседание на Генералното собрание на ОН, беше усвоена Резолуцијата за борба против глорификацијата на нацизмот, неонацизмот и другите практики кои поттикнуваат расизам и ксенофобија. Документот доби поддршка од 119 држави, додека Македонија, со срамното гласање „ПРОТИВ“, повторно ги поткопа своите антифашистички традиции.Уште позагрижувачки е фактот што Македонија, преку својот претставник Душко Узуновски, се вброи во малцинството од 53 држави кои ја отфрлија резолуцијата, и тоа во година кога светот ја одбележува 80-годишнината од Победата над фашизмот. Со овој чин, Владата демонстрира дека не ги почитува жртвите на антифашистичката борба ниту вредностите на АСНОМ, кои се темел на нашата државност.Ова е континуитет на поразителната надворешна политика која дозволи прифаќање на диктати од Бугарија, со кои се поткопуваат македонската историја и антифашистичкото наследство, и продолжува со ова отворено величење на нацизмот преку игнорирање на ваквите меѓународни иницијативи.Левица повторно потсетува дека уште во 2022 година нашите пратеници предложија Резолуција против рехабилитација на фашизмот, но таа остана заклучена во фиоките на власта. Владата тогаш, како и оваа сега, го игнорира македонскиот народ, не признавајќи го неговото антифашистичко наследство.Левица ќе продолжи да биде гласот на граѓаните и единствениот политички субјект кој доследно ги брани антифашистичките вредности на Македонија. Време е да се стави крај на вазалскиот пристап во надворешната политика!“, се наведува во соопштението на Левица.

Македонија | пред 1 година

Најскапо платена оваа година Северина: општините трошат милион евра годишно за пејачи и изведувачи - истражување на Центарот за граѓански комуникации

Центарот за граѓански комуникации го објави истражувањето за исплатите за трошоците на општините за забавни манифестации.Истражувањето покажа дека:Само од јануари до октомври годинава, општините потрошиле на пејачи и на други забавувачи 961 илјада евра. До крајот на 2024 година, се очекува дека сумата ќе надмине еден милион евра.Лани, за оваа намена се потрошени 1 милион и 11 илјади евра.Најскапо платена, годинава, е Северина, за која Крива Паланка платила 25 илјади евра.Сепак, годинава најмногу вкупно пари добила Јелена Розга – 42 илјади евра, за два настапи, во Берово и во Штип.Лани, најскапо бил платен Саша Ковачевиќ, кој од Штип добил скоро 26 илјади евра.Најмногу пари на забавни манифестации трошат општините Кавадарци, Струмица, Штип, Кисела Вода и Велес.Овие услуги општините ги набавуваат преку помалку транспарентни постапки или наоѓаат начини да не го применат Законот за јавни набавки.Вакви трошоци имале 50 општини. Од другите, 29 немаат, а две не доставија податоци.Забавните манифестации што општините ги организираат по разни поводи, како одбележување на некои празници (Нова Година) или нешто што е специфично за таа општина (храна, пијалак, традиција и сл.) ги чинат граѓаните повеќе од 1 милион евра, секоја година. Притоа, ова се пари што општините ги плаќаат од своите буџети и во сумата не влегуваат парите што за оваа намена се платени преку донации, најчесто од фирми и поединци, се вели во истражувањето.

Македонија | пред 1 година

Нема фотографија

Експерти од Народната банка дадоа придонес кон студија на Светската банка за корпоративната финансиска одржливост

Советодавниот центар за финансискиот сектор на Светската банка (ФИНСАК) изработи студија за процена на финансиската одржливост, во која учество зедоа и експерти од Народната банка и којашто беше презентирана во присуство на тимот, предводен од гувернерката Анита Ангеловска-Бежоска и вицегувернерите Ана Митреска и Фадил Бајрами, како и делегацијата на Светската банка предводена од директорот на Канцеларијата на Светската банка во земјава, Масимилијано Паолучи.Оваа сеопфатна студија дава подлабоки сознанија за финансиската состојба на нашиот корпоративен сектор. Клучните наоди ги истакнуваат трендовите во корпоративната одржливост, влијанието на економските шокови како што е ковид-19 и финансиската стабилност на компаниите по одделни сектори во економијата. Студијата се осврнува на анализа на кредитните ризици во контекст на финансиските капацитети на компаниите за отплаќање на долговите, а опфатени се и насоки за натамошно следење на случувањата и потенцијалните ризици во банкарскиот систем од страна на Народната банка. Притоа, со користење нова аналитичка алатка, којашто ѝ се остава на располагање на Народната банка, вакви анализи ќе можат да се прават на систематска основа со што натаму се јакне капацитетот на Народната банка во сферата на супервизијата и финансиската стабилност.Гувернерката Ангеловска-Бежоска и Паолучи заеднички ја нагласија потребата од натамошно успешно партнерство и соработка помеѓу Народната банка и Светската банка заради натамошно јакнување на темелите на финансискиот систем во земјава и залагање за одржлив економски раст.

Македонија | пред 1 година

Претрес во Кочани, пронајдена дрога, уапсен 23-годишник

На 18.12.2024 околу 20.00 часот во Кочани, полициски службеници од ОВР Кочани го лишиле од слобода Б.А.(23) од Кочани.При претрес во неговиот дом, извршен со судска наредба, биле пронајдени и одземени марихуана, бела грутчеста материја, таблети и грендер. Лицето било задржано во полициска станица и по целосно документирање на случајот, против него ќе биде поднесена соодветна пријава.

Македонија | пред 1 година

Министре, батериите ли се криви за бегството на Груби, праша СДСМ

„Дали министерот за внатрешни работи Тошковски конечно ќе преземе одговорност за катастрофалното функционирање на МВР и бегството на Груби“, прашува СДСМ.„Последните информации за бегството на поранешниот прв вицепремиер Артан Груби, каде што „батериите“ на камерите не работеле токму кога тој ја напуштал границата предизвика потсмев од граѓаните. До кога министерот ќе ја замајува јавноста и кога планира да признае дека ова е договорено бегство?Како што објави Министерството за внатрешни работи, полициските службеници од граничниот премин „Блаце“ не ги почитувале процедурите, иако за Груби постоело јасно известување „задржи и веднаш извести“. Наместо тоа, тие не го провериле системот, дозволиле возилото да помине без соодветна контрола и не ги регистрирале патниците како што налага законот. Притоа, во критичниот момент камерите „случајно“ не функционирале.СДСМ денес ќе објави сериозни индиции за вмешаност на МВР и Тошковски во целото бегство и нови „случајности“ кои ќе отоворат сомнеж за вмешаноста на МВР во целата работа.СДСМ ќе продолжи да инсистира на транспарентност, одговорност и функционални институции кои ќе работат исклучиво во интерес на граѓаните“, соопшти СДСМ.

Македонија | пред 1 година

СДС и ДУИ да го осудат кукавичкото бегство на Груби и да го повикаат да се соочи со правдата, бара ВМРО-ДПМНЕ

„Паднаа во вода приказните на ДУИ за тоа како тие се залагаат за европски вредности, владеење на правото и правдата. Артан Груби го нокаутира и онака слабиот рејтинг на ДУИ“, вели ВМРО-ДПМНЕ.„Најголем доказ за криминалните дејствија на Груби е неговото ставање на црната листа на САД. Груби изјави дека е чист како солза а сепак побегна во Косово и се обидува да се пазари со правдата.Али Ахмети, ДУИ и СДС молчат за бегството на Артан Груби.На површина излегуваат сите криминали, скандали и коруптивни дејствија на функционери и луѓе блиски до врхушките на СДС и ДУИ, а СДС и ДУИ молчат.Срамно е тоа што се уште СДС и ДУИ не го осудиле бегството на Груби и не го повикале да се врати. СДС и ДУИ да кажат дали го поддржуваат бегството на Груби.Али Ахмети наместо да го осуди бегството на Груби и јавно да се огради од постапките на Груби и тој замина во посета на Косово.Толку од европските вредности и агенди на СДС и ДУИ.Груби тврдеше дека е „човек посветен на одбраната на европските вредности“ а нема ниту храброст, ниту морал, ниту смелост да се појави на суд и да се соочи со доказите.СДС и ДУИ молчат а на јавноста и е јасно дека на тој начин го поддржуваат бегството на Груби.Одговорност мора да има. Во Македонија мора да завладеат правото и правдата и да се унапреди демократијата“, соопшти ВМРО-ДПМНЕ.

Македонија | пред 1 година

Ѓоковиќ и Северина со силна поддршка на студентите во Србија

Тениската легенда и српскиот омилен лик, Новак Ѓоковиќ ги поддржа студентите, професорите и средношколците кои со недели протестираат барајќи одговорност за трагедијата што се случи на железничката станица во Нови Сад кога загинаа 15 лица.Српскиот тенисер, на својот „Икс“ профил напиша:„Како некој што длабоко верува во силата на младите и нивната желба за подобра иднина, сметам дека е важно нивниот глас да се слушне.Србија има огромен потенцијал, а образована младина е нејзината најголема сила.Тоа што на сите нас ни е потребно е разбирање и почит. Со вас, Новак“, порача Ѓоковиќ.Тој претходно ги поддржа и протестите против копање на литиум во Србија.Поддршка на студентите им даде и познатата Северина:„Ви благодарам за се, држете се, чувајте се. И јас сигурно ќе дојдам што е можно поскоро, се надевам. А вие знаете дека ќе дојдам. Ве сака Севе“, рече таа во видеото кое им било прикажано на студентите, кои ја наградија со силен аплауз.

Свет | пред 1 година

Андоновски: МДТ ќе одвои околу 95 милиони денари за филмот за Тоше Проески

Министерот за дигитална трансформација, Стефан Андоновски, во утринското гостување на МТВ најави дека по иницијатива на премиерот Христијан Мицкоски, МДТ ќе одвои 95 милиони денари за снимањето на филмот за Тоше Проески. Министерот истакна дека ова е еден од најзначајните проекти кој ќе го одбележи животот на најголемата современа македонска ѕвезда."Идејата потекна од МРТВ и копродукции од Македонија и Балканот, но секако инспирацијата, иницијативата, главно ја предводеше претседателот на Владата Христијан Мицкоски, и во координација со министерството за култура и со министерството за финансии, во експресно брза постапка се обезбедија средства", истакна Андоновски.Ќе се снимаат игран филм, документарец и ТВ-серија посветени на нашиот Тоше Проески. Носител на проектот е Македонската радио-телевизија, копродукциски ќе бидат вклучени неколку национални телевизии од Балканот, а финансиските средства ќе бидат обезбедени од буџетот на Македонија преку Министерството за дигитална трансформација."Проектот ќе го ко-финансираме со повеќе од 95 милиони денари, во копродукциски формат и мислам дека ова ќе биде нешто на кое што ќе се гордееме наредните 2 години, прво во подготовката, во снимањето ќе биде искуство за сите нас. Се радувам на тоа што оваа Влада еден од првите чекори што ги прави во првите шест месеци е нешто вакво, да се одбележи, да се остави печат за идните генерации, славејќи ја најголемата македонска музичка икона - ангел чувар на македонската нација", заклучи Андоновски.

Македонија | пред 1 година

(Видео) Тошковски во Турција на средба со турскиот министер за внатрешни работи Али Јерликаја, потврдени одличната соработка меѓу братските народи

Министерот Панче Тошковски кој предводи официјална делегација на Министерството за внатрешни работи во Република Турција, вчера оствари работна средба со турскиот министер за внатрешни работи Али Јерликаја.На средбата беше изразена благодарност за топлиот прием и уште еднаш беше потврдена одличната соработка меѓу двете министерства за внатрешни работи како и на државно ниво и беше потврден фактот дека се работи за два братски народи кои делат меѓусебна почит, историја и традиција.На средбата министрите ја разгледаа состојбата со илегалната миграција и криумчарењето мигранти како и општата соработка меѓу министерствата и брзата и ефикасна размена на информации со цел борба со сите видови криминал, корупција и тероризам.На иницијатива на турската страна се разгледуваше информација за постапка за стекнување на македонско државјанство на граѓани на Република Турција.Двајцата министри разгледаа и неколку документи на кои ќе се дефинира и понатамошната идна соработка како нацрт текст на договор меѓу владите на Македонија и Турција за заемно признавање и замена на возачките дозволи, договор за безбедносна соработка меѓу двете влади и нацрт текст на меморандум за соработка во областа на обуки со кои полициски службеници од двете држави ќе можат да добиваат континуирана обука и искуства со цел унапредување на своите професионални знаења и вештини.

Македонија | пред 1 година

Власта ја избра партиската суета наместо заштита на жртвите на семејно насилство, вели Левица

„На вчерашната собраниска седница, пратениците од ДПМНЕ, ЗНАМ и ВРЕДИ не гласаа за предлог-измените на Кривичниот законик, со кој Левица предлагаше кривичното дело „телесна повреда при семејно насилство” да се гони по службена должност, без предлог на жртвата. Ваквата партиска суета и ароганција на владејачкото мнозинство, јавноста ја сведочи во континуитет. Додека декларативно се залагаат за борба против семејното насилство, нивното вистинско лице е лицемерие – зборови без дела, кампањи без конкретни чекори“, соопшти Левица.„Потсетуваме дека пратеничката група на Левица поднесе предлог-измена на Кривичниот законик (односно, измена на членот 130, став 5) во насока на зголемена превенција во борбата против семејното насилство. Емпириските податоци говорат дека сегашното законско решение, кое бара писмена согласност од жртвата за гонење на телесната повреда при семејно насилство, не само што е нефункционално, туку е и штетно.Фактичката состојба укажува дека законодавецот не ги зел предвид психолошката состојба на жртвата, заканите, притисоците и надворешните фактори на емотивно ранливата жртва. Доколку делото телесна повреда при семејно насилство се гони без предлог од жртвата, тоа ја олеснува позицијата на жртвите и обезбедува независна интервенција од страна на државата. Во повеќе трагични случаи на фемицид, токму ваквиот пропуст, кога жртвата го повлекува предлогот за гонење под притисок, резултираше со изгубени животи кои државата можеше да ги спаси!Тоа што пратениците од власта ја одбија измената на Кривичниот законик, само поради тоа што доаѓа од Левица, ја покажува нивната ниска политичка свест и совест, која не може да ги надмине теснопартиските интереси. За жал, ваквото штетно политичко делување на владејачкото мнозинство, ќе се рефлектира директно врз жртвите на семејното насилство, кои освен формални кампањи и празни флоскули во борбата против семејното насилство - се целосно оставени сами од страна на државата.Со ова, коалицијата ДПМНЕ-ВРЕДИ-ЗНАМ ја презема целосната одговорност за идните трагедии кои можеа да бидат спречени со еден глас за промена. Ова не е само прашање на закон, туку прашање на човечност и обврска кон оние кои немаат глас, но имаат право на живот, достоинство и заштита“, се наведува во соопштението на Левица.

Македонија | пред 1 година

Скопје повторно се најде на листата најзагадени градови во светот

Скопје повторно се најде на листата најзагадени градови во светот. На високото седмо место со воздух кој е квлаификуван како „нездрав“, пред Скопје, од европските градови е само Сараево. Останатите места ги делат Пакиста, Бангладеш, Индија, Сенегал и Техеран. Овој извештај ги покажува алармантните нивоа на ПМ-честички и други штетни материи во воздухот, што го става градот меѓу најзагадените урбани средини во светот.Скопјани пред две недели на протестен марш го искажаа своето незадоволство од загадениот воздух. Според организацијата Зелен хуман град, секоја година во Македонија се бележат по речиси 4.000 смртни случаи предизвикани од изложеност на честичките пм2.5Првиот вицепремиер и министер за животна средина и просторно планирање, Изет Меџити, кој се обрати на конференцијата, рече дека според него, првиот фактор за лошата состојба со амбиенталниот воздух е тоа што домаќинствата и индустријата сѐ уште користат неквалитетно дрво и други извори за греење, посебно во зимската сезона.„Тука е и урбаниот транспорт и ред други причини. Ние веќе усвоивме и работиме на конкретна програма каде што освен гасификацијата, предвидени се и когенеративни гасни системи, исто така планираме да ги субвенционираме да се враќаат граѓаните на централното греење, посебно во урбаните средини каде што има. Во однос на гасификацијата, мислам дека тоа е едно од решенијата што граѓаните ќе ги пренасочи кон помалку штетни или нештетни средства за греење во текот на сезонава. Исто и во однос на урбаниот транспорт како што почнавме со електричните автобуси… Работиме, исто така, и на други иницијативи и проекти. Значи, посветени сме сите можности да ги искористиме за да дојдеме до почист воздух“, рече Меџити.

Скопје | пред 1 година

(Видео) Украинците ја нападнаа Русија со дронови и ракети, погодена рафинерија

Украина истрела кон руската руска територија најмалку 13 проектили и 84 беспилотни летала, предизвикувајќи пожар во нафтена рафинерија во јужниот дел на Ростов, кој гореше со часови, соопштија руските власти.Додека Русија напредува со своето најбрзо темпо од почетокот на војната во 2022 година, Украина се обидува да ја нападне руската нафтена инфраструктура, која финансира значителен дел од воената економија на Русија. Руската противвоздушна одбрана собори 84 беспилотни летала над руските региони, вклучително и 36 над регионот Ростов, соопшти Министерството за одбрана.Вршителот на должноста гувернер на Ростов, Јуриј Сљушар, рече дека Украина го погоди регионот со најмалку 13 проектили и десетици беспилотни летала, предизвикувајќи пожар во нафтената рафинерија Новошахтинск, која во неколку наврати беше цел на Украина. Најмалку едно лице е повредено за време на нападот, рече Сљушар. Пожарот е изгаснат рано утринава.https://twitter.com/IAPonomarenko/status/1869553804074721739Сè уште не е јасно кои проектили ги истрела Украина кон Ростов, иако претходно овој месец Киев погоди руски воен аеродром со ракети АТАКМС од американско производство, предизвикувајќи голем руски напад врз украинската енергетска инфраструктура.По одобрението од администрацијата на американскиот претседател Бајден, Украина на 19 ноември ја нападна Русија со шест ATACMS од американско производство, а на 21 ноември со британски ракети Storm Shadow и американско производство HIMARS. Рускиот претседател Владимир Путин, по тие напади, истрела нова хиперсонична балистичка ракета со среден дострел, позната како Орешник кон Украина на 21 ноември.Андриј Коваленко, шеф на официјалниот украински Центар за борба против дезинформации, напиша на Телеграм дека ракетниот напад бил насочен кон хемиската фабрика Каменски „која произведува ракетно гориво специјализирано за компоненти на цврсто гориво за ракетни мотори“. Ројтерс не можеше независно да ги потврди извештаите од бојното поле од ниту една страна.

Свет | пред 1 година

Шукова: За бегството на Груби одговорноста ја сносат Тошковски и МВР

За бегството на Артан Груби одговорноста треба да си ја сноси МВР и Тошковски. Редно време е власта да почне да се однесува како власт, а не како опозиција и за сите пропусти кои им се случуваат да обвинува некој друг., рече потпреседателката на СДСМ, Каја Шукова, во дебатната емисија „Анализа“ на 24 телевизија.-Ова не е прв случај и летото имаше случај на бегство преку границата. Затоа тука е МВР да подигне кривична пријава, судската власт, извршната власт. За бегството одговорноста треба да си ја сноси МВР‘, рече Шукова.Таа се осврна и на партизацијата во институциите, велејќи дека секој би бил среќен ако новата влада работи на принципи кои ги очекуваа сите граѓани, да се бори за правда, за намалување на корупцијата и криминалот, меѓутоа, деновиве јавноста на големо бруи за партизацијата која ја спроведува оваа власт во ситеинституции.-Еве да го земеме предвид сè уште нерасчистениот пример за директорот на АНБ, Бојан Христовски. Потоа имаме членови на судски совети кои доаѓаат од редовите на ДПМНЕ. Еден случај ја бранува јавноста неколку недели, и на јавноста не и се дава одговор зошто некој кој ги нема документите, а на таква висока позиција. Граѓаните не го добиваат она што се надеваа а гледаме силна партизација во клучните сектори, рече потпреседателката на СДСМ, Каја Шукова.

Македонија | пред 1 година

(Видео) Стевче Ивановски во „Претрес“: Со 99 посто оштетен вид, со лупа работев во архива

Стевче Ивановски, лице со попреченост, беше гостин во „Претрес со Ландов“.Врз мене се врши системско измачување од ЈП за државни патишта, вели Ивановски.Тој бил примен како технички секретар во телефонска централа. Тогаш имал 73 посто оштетување на видот.Потоа бил ставен да работи како видео контролор за наплата, без соодветен екран, иако знаеле каква му е состојбата.„Драстично ми се намали видот од обврските кои ги добивав. Ако се откажев од работа, од каде ќе имав егзистенција. Ме праќаа секаде да работам на замена, па и во кујна. По неколку работи истовремено работев. Со 99 посто оштетен вид, со лупа работев во архива”, вели Ивановски.„Иако“, вели, 2требаше да бидам ослободен од работа, ме викаа на работа и додека беше пандемијата на Ковид“.

Македонија | пред 1 година

(Видео) Родителите на загинатиот Љупчо: Дали МВР и ОЈО соработуваат, општините само штанцаат дозволи за објектите

Родителите на загинатиот диџеј Љупчо Лешко, во „Претрес со Ландов“ прашуваат зошто дури по пет месеци е вештачен објектот во Радишани, кој бил издаден за приредување роденденска забава.„Објектот нема технички прием, на што работи, на основа на одобрение за градба. Врз основа на што издаваат дозволи, општините само штанцаат дозволи. МВР и ОЈО дали соработуваат”, прашуваат родителите.Бараат одговорност како настанал струјниот удар и што било неисправно. Сите присутни на забавата биле боси, голи и мокри. И други, велат, можеле да бидат мртви.„Не знаеме кој може да е епилогот, по 5 месеци е вештачен објектот. Го испративме синот да пушта музика, но го испративме во пекол. Институциите молчат, недовербата е голема, државата треба да застане на страна на граѓаните. Некој ја прикрива вистината. Обвинителката знае се”, велат родителите.Мајката не верува дека ќе исплива вистината, а таткото се надева дека ќе се дознае вистината.„Мојот син не е загинат во несреќен случај”, вели мајката, посочувајќи дека во крвта на Љупчо нема нити алкохол нити дрога.

Македонија | пред 1 година

(Видео) Родителите на загинатиот диџеј Љупчо: Презумпција на невиност не почитуваме, нас 5 месеци институциите не нѐ почитуваат

Вечерва во Претрес со Ландов гости се Раде и Кети Лешко, родители на загинатиот диџеј Љупчо. Тие се по вторпат во студиото со нови моменти за трагичното загинување на нивниот син. Веќе е стигната информацијата од обдукцијата, а благодарение на претходниот Претрес, рекоа родителите, викнати се и сведоци.Причина за смртта е смртен удар, нема обвинети, нема постапка, велат родителите.Во потврдата од Полициската станица Чаир стои што видела полициската увидна екипа.„Тогаш“, рече Раде Лешко, „се славеа два родендени“. Неговиот син бил повикан од славеничката, а во белешката таа никаде не се споменува. „Не е точно“, посочи, „дека кога излегол од базенот починал, тој пуштал музика уште 20 минути“.„Идентитет ќе почитуваме, но не и презумпција на невиност. Нас институциите не нѐ почитуваат, ние 5 месеци чекаме одговори”, вели родителот Радев Лешко кој говореше за низа нелогичности во службената белешка и фактичката состојба.„Ние се сомневаме во неисправна инсталација каде загинатиот диџеј Љупчо пуштал музика“, сметаат родителите.

Македонија | пред 1 година

Мицкоски од Брисел: Нашето место е тука да бидеме рамноправна и полноправна членка на Европската Унија

„Добар ден од Брисел, престолнината на Европската Унија. Денеска сум тука и предводам македонска делегација во која што составен дел е министерот за надворешни работи и надворешна трговија, Тимчо Муцунски , министерот за европски прашања, Орхан Муртезани, советникот мој за надворешни работи, амбасадорот Марковски, шефот на кабинет, Владимир Нелоски.Денеска сме овде во Брисел да испратиме порака дека македонските граѓани и Македонија како држава го заслужуваа своето место со останатите 27 земји членки на Европската Унија, и дека нашето место е токму тука на истата маса заедно со нив, бидејќи ние споделуваме исти вредности и се бориме за исти вредности и веруваме во тие вредности, а тоа е да бидеме обединети во различностите.Во име на тоа, денеска работниот ден го започнав со билатерален состанок со заменик претседателката на Европската Комисија и одговорна за надворешна политика и одбранбени прашања Каја Калас.На состанокот разговаравме за сите оние стравови и за сето она што ние како држава и како народ моравме да го направиме во минатото во име на тие исти европски вредности и дека никогаш повеќе не смееме не само поради нас туку и поради вредностите коишто ги споделуваме со Европската Унија да разговараме за билатерални прашања, за идентитетски прашања, и никогаш повеќе никој нема право да го оспорува нашиот многувековен идентитет и нашиот мајчин, македонски јазик којшто има многувековни корени.Денот ќе го продолжиме со билатерални средби со премиерот на Полска, господинот Туск кој што ќе биде следниот претседавач на Европска Унија, понатаму, тука ќе биде и билатерална средба со премиерот на Шпанија, господинот Санчез, и исто така неколку часа ќе биде и официјалниот Самит на Европската Унија со Западен Балкан.Очекувам навистина позитивни впечатоци, тука сме да ги браниме македонските интереси, македонскиот идентитет и истовремено да испратиме порака дека нашето место, веќе неколку пати тоа сме го потврдиле и го заслужуваме е токму тука да бидеме рамноправна и полноправна членка на Европската Унија.“

Македонија | пред 1 година

(Видео) Жители на Шутка ќе и го однесат ѓубрето пред канцеларија на Данела ако не го собере за 48 часа

„Одмаздата на Данела кон граѓаните на општина Шуто Оризари е веќе несразмерно нечовечка особено во време кога Скопје е најзагаден град во светот!“, пишува Курто Дудуш, градоначалник на Шуто Оризари и додава:„Поради мировниот протест на граѓаните на општина Шуто Оризари пред нејзината канцеларија одмазничките фантазии на Данела од ден на ден се се поалармантни на терен.Еве го резултатот на забраната која ја даде Данела во Шуто Оризари да не се собира ниту една ќеса од домашниот смет.Општина Шуто Оризари и граѓаните на општина Шуто Оризари и даваат рок на Данела од 48 часа за собирање на сметот од домаќинствата и контејнерите, во спротивно после 48 часа истиот ќе и биде однесен со механизација пред нејзината канцеларија“.

Македонија | пред 1 година

Груби го напушти ДУИ, партијата го повика да се соочи со правдата

Артан Груби го напушти ДУИ, партијата која го донесе до највисоките партиски и државни функции.Груби се повлече, пред партиските органи да донесат таква одлука, изјави организацискиот секретар и пратеник, Блерим Беџети во гостување на ТВ21.Беџити вели беше јасен дека дека ДУИ е партија која ги почитува, ги прифаќа и има сериозен пристап кон одлуките на Стејт Департманот за таканаречената црна листа на која се најде и Артан Груби.Беџети не знае детали за бегството на Груби за кој веќе е распишана меѓународна потерница.,,Груби јавно го повикувам, во име на партијата и во мое лично име, да се пријави пред органите на правдата, за да се соочи. Значи, станува збор за случајот со Држана лотарија, а не за црната листа на САД, тоа е нешто друго. Како секој граѓанин, и како носител на јавна функција, ако е чист како што кажува или пак прекршил закон, тоа треба се констатира во органите. Се надевам дека поскоро ќе се соочи, тој, и многу други”, рече Беџети.

Македонија | пред 1 година

Уште еден директор заврши со обвинение: го обвинуваат за штета од 832.983.064,00 денари

Основното јавно обвинителство за гонење на организиран криминал и корупција по спроведена сеопфатна истражна постапка денеска до основниот кривичен суд Скопје поднесе Обвинителен акт против едно лице и Обвинителен предлог против едно правно лице и три физички лица.Во периодот од 2014 до 2020 година во Тетово, првообвинетиот С.Ш. како сопственик и управител на обвинетото правно лице од Тетово, заедно и по претходен договор со третообвинетиот Х.Ф. тогашен директор на Националната установа – Центар за култура „Иљо Антески -Смок” – Тетово и со четвртообвинетиот А.А. – претседател на Комисијата за јавни набавки, а потоа и ВД директор на центарот за култура, свесно ги изигрувале прописите и правилата на постапката за доделување на договорот за јавна набавка и ја злоупотребиле својата службена положба и овластување. Со дејствија што претставуваат повеќекратно остварување на исто дело, обвинетите за второбвинетото правно лице оствариле имотна корист од големи размери во износ од 832.983.064,00 денари.Искористувајќи исти прилики преземале повеќе временски поврзани дејствија на прифаќање усогласени понуди, времени и завршни ситуации со кои целосно бил променет предметот на договорот што се намалил од договорените 22 позиции и завршување на објектот до фаза „клуч на рака“, во завршување на само 4 позиции во фаза „затворена карабина“ без притоа да има одобрен проект за истото. Воедно, ја зголемувале вредноста на проектот, а за да ја оправдаат склучиле 12 анекси на договорот, со што бил исплатен износ за 138.488.064,00 денари повеќе од првично договореното и од предвидените материјални средства за таа намена. Со така склучените анекси, иако постапката била неделива, го поделиле и го измениле предметот на склучениот договор од фаза „клуч на рака“ во фаза – затворена карабина и на тој начин овозможиле во иднина да се водат две нови постапки за јавни набавки и да се доделуваат нови договори за доградба – втора фаза, со што овозможиле корист за потенцијалните економски оператори во дополнителните постапки.Во 2018 и 2021 година спровеле нови постапки за јавни набавки – едната за изработка на проектна документација фаза ентериер за објект во изградба и втората со предмет на договор – Втора фаза за изградба на нов објект за Театар и библиотека Тетово. Со склучувањето на нови договори во вкупен износ од 1.345.917.098,оо денари без ДДВ извршиле процентуално надминување на вредноста на основниот договор со зголемување од 93% од договорената цена со основниот договор која изнесувала 694.495.000,оо денари без ДДВ.Дополнително, со неизвршување на законските обврски за евидентирање и пријавување на даночни обврски и поради тоа што не изготвиле основен проект на изменета состојба, на штета на Буџетот на РСМ од средствата дополнително одобрени и наменети за проект и јавна набавка на ентериер за театарот, се задолжени и се исплаќаат значителни износи од 232.699.289,00 денари за данок на ДДВ, кој навремено не го евидентирале и пријавиле и од кој би биле ослободени.Петтообвинетиот Б.М. како главен надзорен инженер во правно лице ангажирано како надзорен орган при спроведување на договорот за јавна набавка од 2015 – 2020 година искористувајќи исти прилики, преземал повеќе временски поврзани дејствија на пропуштање должен надзор и на друг начин очигледно несовесно постапувал при вршење на неговите посебни овластувања. Тој ги потпишувал градежните дневници и книги со количини според основниот проект, овозможил да бидат потпишувани анекси на договори врз основа на претходно доставени времени и завршни ситуации и да биде извршен технички прием на објектот Театар и Библиотека Тетово, иако одредбите од Законот за градење претходно требало да биде изготвен Проект на изведена состојба врз основа на новата состојба на објектот со нови количини, а имајќи предвид дека конструктивниот систем бил целосно сменет, со нов проект требало да се бараат нови конструктивни и статички анализи на објектот. Како резултат на тоа што не бил изготвен Проектот на изведена состојба и немало решение за одобрување на измените што би било составен дел од одобрението за градење, не бил изготвен и Проект за употреба и одржување, па така објектот не може да се запише во јавните книги на недвижности. Со ваквите дејствија потешко ги повредил правата на НУЦК „Иљо Антески Смок “ – Тетово – Министерство за култура и туризам.Според деталниот опис содржан во диспозитивот на обвинението првообвинетиот С.Ш. и второобвинетото правно лице сториле продолжено кривично дело – Злоупотреба на постапката за јавен повик, доделување на договор за јавна набавка или јавно-приватно партнерство од чл.275-в од Кривичниот законик. Обвинетите Х.Ф. и А.А. сториле продолжено кривично дело Злоупотреба на службената положба и овластување од чл.353 ст.4 в.в. ст.1 в.в. сo чл.45 од КЗ и обвинетиот Б.М. сторил продолжено кривично дело кривично дело Несовесно работење во службата од чл. 353-в ст.4 в.в. ст.2 в.в. чл. 45 од КЗ.

Македонија | пред 1 година

Врие во Детската клиника „Козле”

Преписки и обвинувања меѓу група лекари и директорката од ЈЗУ Универзитетска клиника за респираторни заболувања кај децата „Козле“.Група доктори во упатија официјално протестно писмо до премиерот, министерот за здравство, и националниот координатор за здравство кое е потпишано од 30 доктори.Тие изразуваат загриженост за, како што велат, катастрофалната состојба во која се наоѓа болницата, која повеќе од 50 години се сметала за еден од столбовите на детската здравствена заштита во државата.Ја обвинуваат актуелната директорка, Каролина Симоновска за нестручно раководење и сериозни пропусти кои ја доведоа клиниката до крајна деградација, особено во областа на бронхоскопијата. По нејзиното назначување за директор, бројот на извршени бронхоскопии паднал од 67 во 2023 година на само три во текот на 2024 година.Во отвореното писмо обвинуваат дека директорката ја попречува нормалната работа на клиниката, нелегално разрешува стручни и искусни кадри и поставува на значајни позиции лекари без доволно искуство.Докторите бараат итно разрешување на директорката, велејќи дека ако ситуацијата не се промени, ќе го прекинат работењето, ќе стапат на штрајк или ќе поднесат откази.Се огласи и директорката, посочувајќи дека таа и стручниот колегиум ги демантираат сите обвинувања кој претставуваат ноторни невистини.,,Клиниката е комплетно екипирана, сите оддели работат непречено и за прв пат после 7 години амбулантите ги покриваат лекари специјалисти педијатри во тек на 24 часа. Оваа мала група на незадоволни поединци бараат од Директорката да се вратат специјализантите во амбулантите и ги гледаат само своите лични интереси. Директорката ужива голема поддршка од мнозинството од сите профили на вработени. Во Бронхоскопскиот кабинет непречено се реализираат дијагностички и терапевтски бронхоскопски процедури од страна на стручни и специјализирани кадри. Оваа група на незадоволни поединци кои што се политички мотивирани вршат огромен притисок и го рушат кредибилитетот на институцијата и другите доктори и останатиот персонал”, стои во дописот до јавноста.

Македонија | пред 1 година