Лазаров за „гивавејот“: Сум поминал поголеми притисоци, не правам ништо погрешно

Јутуберот Стефан Лазаров се обрати до јавноста за „гивавејот“ кој го реализираа со Бојан Јовановски-Боки 13. Тој по објавите дека сторил законски повреди оти немал лиценца, рече дека проектот ќе продолжи во друга форма, а за промените ќе ја извести јавноста. Тврди дека ова се притисоци кои тој ги трпи.„Знаете кој сум и што правам сиве овие години. Сум поминал и потешки моменти и поголеми притисоци. Јас само знам дека сум чист пред себе и Бог и дека не правам лошо дело, напротив ширам позитивна енергија и се борам да успеам самостојно. Проектот ќе продолжи поради вас, ќе продолжи затоа што знам дека не правам ништо погрешно. Ќе продолжи во друга форма и сите подароци ќе се онлајн. Ќе бидете известени за сите промени. И уште нешто, не верувајте на се што ќе прочитате. Ве сака Лазаров“, напиша јутуберот.Бојан Јовановски-Боки 13, се повлекува од појавување во јавност со Стефан Лазаров на најавените настани за „Гивавеј“, со Стефан Лазаров.

Коментари | пред 1 година

Нема фотографија

Ангелевска: Криминалните шеми на СДС и ДУИ беа цунами во областа на енергетиката

На денешната трибина “Криминалите во РЕК Битола и нивните последици” свое обраќање имаше и пратеничката од ВМРО-ДПМНЕ, Силвана Ангелевска , која зборуваше за тема што ги засега сите граѓани, тема којашто е една од по чувствителните и по контроверзните а тоа се криминалите во РЕК Битола, кои испливале на површина поради криминалното и корупциското владеење на СДС во енергетскиот сектор, а за кои е сведок и македонската јавност.„Зошто дошло до тоа прво и основно нестручно несовесно работење менаџирање и буквално јас многу често на говорница во собрание кажував оваа влада на СДС и ДУИ беше цунами во енергетиката вакво безмилосно раководење незнаење ,некогаш дури се прашував дали тоа го прават од незнаење или го прават и намерно ,а можеби има и намера“, изјави Ангелевска.Пратеничката даде свое видување за производствената струја и како таа влијае врз целокупната економија во државата со оглед на несовесното владеење на СДС и ДУИ додека биле на власт и целиот хаос којшто го оставиле со нивните криминални шеми.„Така да сето тоа влијаело на производната цена, еден куп вработени коишто беа околу 1000 ми се чини нека ме поправи, стручни луѓе кои години работеа во комбинатот беа деградирани префрлани на пониски места беа носени нови кадри кои не соодвестуваа според потребите на работното место“, рече Ангелевска.Исто така таа се осврна и на коруптивните скандали кои ги направиле СДС и ДУИ додека биле на власт и направи компарација за тоа во каква состојба е наследен ЕСМ а во каква состојба е доведен, односно дека нивните “експертски вештини“ го ставиле само во долгови и загуба.„Двете фирми што се пријавија на јавниот тендер, едната беше формирана два дена пред јавниот повик, другата во текот на јавниот повик ,фирми на кои не им се знае ни седиште ни адреса ни телефон ,фирми оформени за да се испумпуваат пари од АД ЕСМ. Сега да споменеме како го презедоа пред 7 години, го презедоа претпријатието со над 20 милиони евра добивка, и многу важно да се каже платени сите средства кон добавувачите, значи нула обврски и успеаја да го доведат до 80 милиони евра загуба“, вели Ангелевска.

Македонија | пред 1 година

Детали за терористичката група: „Имале поддршка од екстремистички групи, за да прават несакани настани во Македонија“

Уапсени се четири лица под сомнение дека планирале да сторат тероризам, посочи министерот за внатрешни работи, Панче Тошковски. Според неговата изјава, тие со лица кои не се во Македонија, планирале „несакани настани“. Изминатата вечер МВР разби терористичка група во струшко-гостиварскиот регион. Се уште се постапува, а акцијата е под палка и на Обвинителството за гонење организиран криминал и корупција.„Станува збор за терористички организации, четири лица се лишени од слобода. Тие, во соработка со лица кои не се на територијата на Македонија, подолг временски период се следат од страна на надлежните безбедносни органи и во соработка со меѓународните пријатели е постапено координирано. Имаме доста докази во насока на поткрепено основано сомнение дека овие лица постапувале во насока да организираат во иднина одредени несакани настани кои би можеле да ја загрозат безбедноста како на Македонија, така и на други држави. Нивната цел била да индоктринираат останати луѓе од Балканот кои би можеле да делуваат соодветно во насока на реализација на нивните цели“, рече Тошковски и додаде:„Кривичното дело за кое е поднесена пријава е 'терористичка организација', а во однос на мотивите имаме основани сомненија дека се поврзани со одредени групации кои се во поддршка на одредени екстремистички и религиозни групи“.Од Обвинителството за гонење организиран криминал и корупција за „Скопје1“ посочуваат дека по случлајот се уште се постапува, се вршат претреси, се обезбедуваат докази. Детали најавија во текот на утрешниот ден. Тие посочуваат дека ја очекуваат кривичната пријава, која до овој момент не ја добиле.

Македонија | пред 1 година

Коњановски: Епски криминал во РЕК Битола, наместо стотици милиони да се вложуваат во рудниците и термо блоковите се вложувале во поединечни џебови

Во текот на денешната панел-дискусија на која се дебатираше темата поврзана со РЕК Битола или поконкретно извршените криминали во истата како и нивните последици, свој осврт даде и директорот на ЕСМ Зоран Коњановски.Според Коњановски ова е многу значајна тема пред сè за Комбинатот РЕК Битола, а потоа и за енергетскиот сектор воопшто и за социоекономските случувања во државата.„Безмилосно се однесувале кон РЕК Битола, кон енергетскиот сектор и тоа придонесе до една многу, многу лоша ситуација која за жал секојдневно ја чувствуваме и ја гледаме. Она што било пропуштено да се направи во претходните пет, шест, седум години, она што било уништено во претходните пет, шест, седум години во однос на лукративните тендери, во однос на дивеењето на раководството на РЕК Битола заедно со одредени надворешни компании, придонесува денес да имаме нестабилен енергетски систем“, јасно посочува Коњановски.Во контекст на последниот скандал поврзан со компанија „Браинкоде“, при што истата од компанија која се занимавала со трговија на канцелариски материјали станува практично фирма за увоз на хемиски производи на големо и добила три тендери од ЕСМ за набавка на адитиви од Италија во вредност од 6,5 милиони евра и тоа на двата од нив се јавува како единствен понудувач, Коњановски вели дека за жал ова не е единствена фирма која наменски е формирана само неколку месеци пред објавување на некоја тендерска постапка.„Ваков адитив не е донесен само во РЕК Битола, туку е донесен и во РЕК Осломеј, а таму воопшто не е искористен и ова е една класична мафијашка постапка, како заради некои причини кои можеби и свесно се направени во комбинатот се добила идеја да се набави ваков адитив. Втор дел од оваа приказна е што само една фирма се одважила да се јави на тендерот, тоа е јавна тајна дека не е така, туку се правеле притисоци врз останатите фирми или да се откажат или се одело на електронска аукција каде што повторно со притисоци се обесхрабрувале другите фирми да ги намалуваат цените“, појаснува Коњановски.Според него ова е еден епски криминал кој се случувал во електроенергетскиот систем и истиот за жал бил помогнат од раководството на СДС, па наместо стотици милиони да се вложуваат во рудниците и термо-блоковите се вложувале во поединечни џебови.

Македонија | пред 1 година

Комунална го кара Герасимовски: Светилките се на височина под законскиот минимум, барајте одговорност од фирмата која зема илјадници евра

„Невистинити се тврдењата на градоначалникот на општина Центар, Герасимовски, кој изјавил дека дека Јавното претпријатие Комунална хигиена-Скопје го уништувало тоа што општината го украсила“, велат од ЈП Комунална и додаваат:„Камионот на ЈП Комунална хигиена-Скопје кој го подигнува отпадот во општината Центар, не искинал светилки на сообраќајницата во општина Центар, туку тие се поставени под законски утврдениот минимум од 4,7 метри височина.Градоначалникот треба да знае дека истото комунално возило на истата таа траса собира отпад веќе 10 години, возилото е високо 3 метри и никогаш не би имало проблеми доколку каблите што ги поставила општината Центар се монтирани соодветно законски на височина од 4,7 метри.Наместо да го обвинува Јавното претпријатие Комунална хигиена-Скопје, градоначалникот Герасимовски треба да побара одговорност, и материјална и кривична, од фирмата која од општината зема илјадници евра, а ги загрозува безбедноста во сообраќајот и воопшто безбедноста на скопјани“.

Скопје | пред 1 година

НАЈНОВО: Разбиена терористичка група во Македонија

Изминатата вечер МВР разби терористичка група во струшко-гостиварскиот регион, дознава „Скопје1“.Потврда за акцијата, но без детали, засега, добивме од Министерството.Станува збор за координирана акција која траела со часови, а била планирана со денови. Истата е спроведена по претходни оперативни сознанија.Детали се очекуваат во текот на денот.

Македонија | пред 1 година

СДС го покачи ДДВ за прехранбени производи и убедуваше дека чипсот е нездрав и луксузен продукт, реагира ВМРО-ДПМНЕ

„Ново назначените кадри на високи позиции во СДС, од третиот и четвртиот ешалон на владеење на Зоран Заев, како да заборавија дека до пред шест месеци беа власт“, стои во реакцијата на прес-конференција на Кристина Костова и се додава:Амнезијата, очигледно, е најдобрата мерка која што можат да користат, но за тоа ние чувствуваме обврска да ги потсетиме. Лошата економска состојба во државата и стандардот на граѓаните е токму последица на седум годишното владеење на СДС.За време на раководењето со државата од страна на СДС и нивниот ментор Заев, се носеа адхок решенија од денес за утре, кои економијата и стандардот на граѓаните го донесоа до ова дереџе.СДС го покачи ДДВ-то за прехранбените производи и ја убедуваше македонската јавност дека чипсот е нездрав и луксузен прехранбен продукт.За време на нивното владеење доведоа над 500 илјади македонски граѓани на раб на сиромаштија кои денот го поминуваа со 150 денари, пензионери кои протестираа пред влада со празни тегли затоа што пензиите кои што им ги даваше владата на СДС не им стигаа дури ниту за зимница да си направат.Инфлацијата во време на владеење на СДС беше двоцифрена, а економијата ја уништија на сметка на фирми блиски до нов кои заработија милиони.За разлика од нив, Владата предводена од ВМРО-ДПМНЕ презема конкретни мерки за раздвижување на економијата, странски директни инвестиции, покачување на плати и пензии, и за заштита на стандардот на граѓаните.Со новогодишната кошничка за прв пат се опфатени околу 1000 производи, кои ќе обезбедат пониски цени на прехранбените производи. Со ефикасните економски мерки преземени од владата реално се намалуваат цените на основните прехранбени производи и заедно со покачените плати и пензии, директно со тоа се штити стандардот на граѓаните.

Македонија | пред 1 година

Во Карпош на паркинг, прегазен пешак: однесен во болница со тешки повреди

На 14.12.2024 во 19.10 часот во СВР Скопје било пријавено дека на паркинг простор на бул.„Христијан Тодоровски Карпош“ во Скопје, патничко возило „фолксваген голф“ со скопски регистарски ознаки, управувано од С.Х.(50) од Скопје, удрило во пешакот Н.Х.(47) од Скопје.Во несреќата со тешки телесни повреди се здобила Н.Х., констатирани во Комплекс клиники „Мајка Тереза“.Увид на местото на несреќата извршила екипа од СВР Скопје.

Скопје | пред 1 година

Пет приведени, меѓу нив и малолетник: во Скопје се шетал со боксирач

На 14.12.2024 во 21.00 часот во Скопје, на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода А.А.(30) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.На 14.12.2024 во 20.50 часот во Скопје, на подрачјето на Аеродром, полициски службеници од Единицата за интервентна полиција при СВР Скопје го лишиле од слобода Љ.Н.(21) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.На 14.12.2024 во 20.30 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода М.К.(28) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.На 14.12.2024 во 15.35 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода Е.А.(33) од Скопје затоа што кај него била пронајдена и одземена бела прашкаста материја. По документирање на случајот ќе следува соодветен поднесок.На 14.12.2024 во 20.45 часот во Скопје, на подрачјето на Аеродром, полициски службеници од Единицата за интервентна полиција при СВР Скопје привеле малолетник од Тетово затоа што кај него бил пронајдени и одземен метален боксирач. По документирање на случајот ќе следува соодветен поднесок.

Македонија | пред 1 година

Пукање во Лондон: Една жена загина

Покрената е истрага за убиство откако една жена беше убиена, а двајца мажи беа повредени во тројно пукање во северозападен Лондон.Полицајците биле повикани околу 21.15 часот во саботата по дојавата за пукање во Харлсден.Жената, за која се верува дека има четириесет години, била пронајдена повредена, но и покрај напорите на итната помош, била констатирана смрт на местото на настанот.Повредени се и двајца мажи, двајцата на возраст од триесет години. Еден од нив е во критична состојба во болница, додека повредите на другиот не се опасни по живот, пишува Sky News.Патиштата околу местото на инцидентот се уште се затворени, а засега нема уапсени.Тони Џозефс од командната единица рече:„Ова е навистина шокантен инцидент во кој една жена го загуби животот, а двајца мажи беа повредени. Ја разбирам загриженоста што ова ќе ја предизвика во локалната заедница и низ Лондон. Сакам да ги уверам луѓето дека тим од искусни детективи веќе работи напорно за да ја состави целосната слика за синоќешните настани и да ги идентификува одговорните за овој грозоморен чин на насилство. Доколку сте биле во близина на Гифорд Клоус во моментот на пукањето или имате какви било информации за одговорните луѓе, ве молиме контактирајте не. Едно семејство е оставено завиено во тага и мора да работиме заедно за да им дадеме одговори“.

Свет | пред 1 година

Унгарските и бугарските власти најдоа решение за плаќање на гас од Русија

Унгарските и бугарските власти најдоа решение за плаќање на гас од Русија, кое не подлежи на санкции од Запад против руската Гаспромбанк, изјави унгарскиот министер за надворешни работи Петер Сијарто.„Овој проблем е решен, најдено е законско финансиско решение кое ги задоволува и бугарските партнери и нашата страна, а во исто време не потпаѓа под санкциите“, вели Сијарто во својата видео порака на Фејсбук, без да прецизира детали.Унгарскиот министер потсети дека земјата добива руски гас преку гасоводот Турски тек кој минува низ Бугарија и Србија.Најголем дел од гасот што Унгарија го троши доаѓа од Русија, а годинава обемот на испораките надмина седум милијарди кубни метри, пренесува Комерсант.На 21 ноември, американското Министерство за финансии воведе санкции за Газпромбанк преку кои земјите вршат плаќања за рускиот гас, со што се комплицираа тие трансакции.Бугарскиот министер за енергетика Владимир Малинов оваа недела предупреди дека неговата земја би можела да го прекине транзитот на руски гас за Србија преку гасоводот Турски тек почнувајќи од новата година, доколку Гаспром не обезбеди плаќања кои се во согласност со американските санкции против Газпромбанк, објави бугарска Новинита.

Свет | пред 1 година

Топ седум дестинации кои треба да ги посетите во декември

Европските патувања најчесто се поврзуваат со топлите летни месеци, но постојат неколку причини зошто Европа е совршена за одмор надвор од сезоната со помалку гужви, празнични веселби и зимски спортови.Еве ги седумте најдобри европски земји за посета во декември:ГерманијаНема лошо време за посета на Германија. Берлин, главниот град на Германија и најпопуларниот град, што го прави совршена дестинација за некое летно урбано истражување. Од друга страна, германската покраина Баварија е најдобро за време на зимскиот распуст.Баварија го нуди најтрадиционалното германско искуство поради старите села, старите градови, средновековните замоци и планинските пејзажи.За време на празничната сезона, баварските села светат со празнични божиќни светилки, продавачи на традиционална храна, локални кафулиња и зимски активности како што се лизгање на мраз и панорамски тркала.Замокот НојшванштајнЕден од најпознатите европски замоци, Нојшванштајн, бил изграден во 19 век. Зимските патници ќе уживаат во многу помалку гужви, а снежниот зимски пејзаж на Нојшванштајн го прави да изгледа како нешто од бајките.НорвешкаСеверната светлина треба да биде блиску до врвот на сечија листа. Патниците кои бараат светла треба да се упатат кон северниот град Тромсо, кој е во срцето на зоната Аурора. Локално познат како „Порт на Арктикот“, овој град нуди и гледање китови, тури со фјордови и најмногу барови по глава на жител од кој било град во Норвешка.За време на екот на зимата околу Нова година, градовите блиску до арктичкиот круг, како што е Тромсо, можат да поминат и до шест недели без дневна светлина, што му дава подлабоко значење на терминот „ноќен живот“. Иако ова може да исплаши некого, тоа е уникатно искуство што ниту еден патник нема да го заборави.ФинскаФинска е зимска земја на чуда што вреди да се посети. Декември е дефинитивно најдоброто време од годината за посета на Финска поради свеченостите низ целата земја.Рованиеми е една од најпопуларните дестинации во Финска, благодарение на култното село Дедо Мраз. Посетителите се среќаваат со Дедо Мраз, јаваат ирваси, прават игла, пијат топло чоколадо. Рованиеми е уште една одлична локација за гледање на Северната светлина.ШвајцаријаЛуксузните патници и алпските авантуристи ќе сакаат сè што Швајцарија има да понуди во зима. Најпопуларните градови во Швајцарија, како Женева и Цирих, се неверојатни во текот на целата година.Доброто јадење, извонредниот шопинг, планинските позадини и носталгичната архитектура ја прават Швајцарија исклучително романтична зимска дестинација. Зимата само ја зголемува романтиката, покривајќи ги улиците со снежни покривки.Додека температурите се ниски, тоа е уникатно и романтично искуство. Кој не би сакал да гледа како паѓа снегот на Алпите додека седи покрај огнот?Светска класа скијањеЗермат е швајцарски планински град кој е домаќин на едно од најпознатите скијачки центри во светот. Со врвна надморска височина од речиси 13.000 стапки, над 300 километри терен за скијање и непобедлив поглед на Матерхорн, таа е мека и за скијачите и за борците.Дури и нескијачите можат да уживаат во Зермат. Овој стар планински град на дното на исклучителниот алпски пејзаж нуди некои од најдобрите европски апрес-ски трпезарии и бањи.ШпанијаПо должината на јужниот врв на Шпанија се наоѓа познатата Коста дел Сол. Облачниот ден е редок во овој регион кој е преплавен со сонце, а декемвриските температури често надминуваат над 21 степен.Марбела, лоцирана во шпанската провинција Малага, е една од најдобрите дестинации на плажа во цела Европа. Шпанија е вистинското место за посета ако сакате предјадења и топлина на зимски одмор.ИталијаЗа патниците кои сакаат снег и сонце, Италија е земја во која можат да имаат се. Италија е најпозната по својата храна и топлото медитеранско сонце - две работи што посетителите можат да ги најдат во текот на италијанската зима.Брегот на Амалфи е рај во текот на целата година. Посетителите можат да најдат привлечно време, бели песочни плажи и нерамни карпи кои излегуваат над бледо сината вода.Меѓутоа, на север, Италија се граничи со планинскиот венец Алпи. Таму, патниците можат да го најдат зимското искуство на Петпарак. Скијањето, божиќните села и обилната храна во северна Италија се само неколку работи што патниците ќе ги најдат на Доломитите.АвстријаАвстрија е уште една земја што се граничи со планинскиот венец Алпи. Ова значи дека има бескрајни зимски активности во текот на австриската зима.Кицбил е одлично одморалиште за сите скијачи, додека Сент Антон е наменет за експерти на кои им треба предизвик.Австрија е исто така добро позната по своите празнични прослави. Оние кои се во потрага по раскошно искуство може да се обидат да купат билети за Виенскиот бал. Оваа вековна традиција се карактеризира со валцер, убаво јадење и особено строг дрес код.Божиќни пазариЕдна од најпознатите австриски традиции се божиќните пазари, што го прави совршена дестинација за декемвриски одмор. Има многу од нив во Виена, а најпопуларни се Градското собрание и палатата Белведере.Опкружени со средновековна архитектура, овие силно осветлени пазари имаат хорови, продавачи на храна и занаетчиски тезги. Скриен е Инсбрук, град опкружен со планини покриени со снег и дом на еден од најдобрите божиќни пазари во Австрија.

Магазин | пред 1 година

Боки 13: Поради нанесениот, преживеан стрес и влошеното здравје, се повлекувам од појавување на „гивавејот“ на Лазаров

Бојан Јовановски-Боки 13, се повлекува од појавување во јавност со Стефан Лазаров на најавените настани за „Гивавеј“, со Стефан Лазаров.„Поради нанесениот и преживеан стрес, а во насока на мојата влошена здравствена состојба, ви соопштувам дека во овој момент се повлекувам од моето јавно појавување како гостин и промотивно лице на забавниот инстаграм формат GIVEAWAY кој е во организација на мојот најдраг пријател Стефан Лазаров. Му давам максимална морална и пријателска поддршка на Стефан за успешно завршување на проектот. Ви благодарам од срце на сите за вашата најискрена поддршка која ми ја дадовте во огромен број во овој период“, напиша Јовановски-Боки 13.Тој додаде: „П.с бедна е среќата која се темели на нечија болка и солзи…“.Лазаров вчера се пожали дека против него и Боки 13 се води хајка.„Едно нешто ќе побарам. Не верувајте на сѐ што читате, повторно организирана хајка. Ние ќе продолжиме да правиме добри дела, а за другиот дел се ќе си биде докажано. Да сте ми живи и здрави“, објави Лазаров.

Магазин | пред 1 година

(ВИДЕО) Снежно невреме во Иран, помош побарале над 3000 лица

Снежно невреме погоди најмалку 15 провинции во Иран, а иранската Црвена полумесечина (IRCS) им пружи помош на повеќе од 3.000 луѓе низ целата земја во последните 24 часа, изјави Бабак Махмуди, претставник на оваа организација.Махмуди, началник на одделот за помош и спасување при ИРЦС, денеска потврди дека вкупно 85 екипи им пружиле помош на 3.407 лица во тешки временски услови, пренесува државната новинска агенција ИРНА.https://x.com/RealZoya1/status/1868116764531319085„Вкупно 85 екипи за помош, составени од 326 спасувачи, им помогнаа на луѓето во тешки временски услови за време на невремето. Тимовите за помош итно обезбедија 254 засолништа“, рече Махмуди.https://x.com/LivinginTehran/status/1868034547331305518Снежното невреме го погоди транспортот и доведе до загриженост за безбедноста на жителите во погодените области.https://x.com/schunnaq/status/1868045132827971721

Свет | пред 1 година

(Видео) Град Скопје не само што ги остави скопјани без празнично украсен град, туку го уништува и тоа што Центар го постави, обвини Герасимовски

Горан Герасимовски, градоначалник на Центар, го обвини Град Скопје кој го раководи Данела Арсовска дека ги уништува празничните украси на неговата општина, откако ги оставиле скопјани без новогодишна магија.„Град Скопје не само што ги остави скопјани без празнично украсен град за Нова Година, туку сега и го уништува тоа што општината го украси! Камионот на ЈП Комунална Хигиена, под ингеренции на Градот, помина низ Центар, ги искина сијаличките и продолжи како ништо да не се случило. Ова ли е одговорно однесување кон празничната атмосфера?“, вели Герасимовски.Инаку, до овој момент, неколку пара на сијалични се закачни на Рекорд и плоштадот. Булеварите останаа без светилки, а дел од скопјаните имаат низа забелешки поради тоа.Молкот и нетранспарентноста е одлика од Град Скопје изминатите години. ПР секторот во нашиот случај, е активен само кога Данела Арсовска се расправа со неистомисленици преку соопштенија. Па така, неодговорени останаа прашањата колку чјни годинешното украсување, како е завршена набавката кога нема тендер, до кога ќе е завршено украсување на скопските улици, но и каде се ланските светилки со кои се фалеше Арсовска. Поради информациите дека ланските украси „исчезнале“, прашавме, и дали е точно, како и чија е вината. Добивме - ингорирање.

Скопје | пред 1 година

„ABC News“ мора да му плати на Трамп 15 милиони долари за изјави на водител

ABC News се согласи да плати 15 милиони долари на идниот претседател на Соединетите Американски Држави, Доналд Трамп, за да стави крај на случајот за клевета.Тужбата дојде откако водителот Џорџ Стефанопулос лажно тврдеше дека Трамп е „одговорен за силување“. Покрај паричниот надоместок, мрежата ќе издаде официјално извинување и ќе покрие 1 милион долари правни трошоци, пишува Би-Би-Си.Како дел од спогодбата, ABC News ќе додаде уредничка белешка на својата приказна од 10 март 2024 година во која ќе изрази жалење за изјавите на водителот. Портпаролот на „ABC News“ изјави дека компанијата е задоволна што е постигнат договор за повлекување на тужбата.Спогодбата доаѓа во контекст на повеќе тужби поднесени од Трамп против различни медиуми, вклучително и CBS и BBC. Претходно беа одбиени неговите тужби против Си-Ен-Ен, Њујорк Тајмс и Вашингтон пост.Трамп, исто така, ја тужеше Си-Би-Ес, американскиот партнер на Би-Би-Си, за време на интервјуто со потпретседателката Камала Харис.Во 2023 година, судијата ја отфрли тужбата на Трамп за клевета против CNN, за која тој тврдеше дека мрежата го споредува со Адолф Хитлер.Слични тужби на Трамп против Њујорк Тајмс и Вашингтон пост беа исто така отфрлени.

Свет | пред 1 година

Оваа земја минатата година не беше ниту во топ 10, а сега е најбараната дестинација во светот

Google го објави својот извештај за најпребаруваните термини во 2024 година, а врз основа на него, познатиот магазин за патувања Conde Nast Traveler (CNT) издвои 10 дестинации кои забележаа најголем пораст на пребарувања и ги предложи како инспирација за патување во 2025 година.Според извештајот на Google, најбарана дестинација во светот во 2024 година е Турција. Интересно, во извештајот за 2023 година, таа не била ниту во првите десет пребарувања.Најмногу пребарувани земји во 2024 година10. ХрватскаХрватска постепено стекнува репутација на европска туристичка дестинација и е претставена како подостапна дестинација за одмор - освен фантастичните острови на Јадранот, тие препорачуваат „да се упатите кон внатрешноста на вкусните гурмански патувања во Сплит или Загреб или да го посетите Дубровник“. „Но, плажите се главната атракција во оваа земја - со повеќе од 4.000 километри крајбрежје.9. МаурициусВо 1980-тите и 1990-тите, Маурициус беше омилена дестинација за џет-сетот, а сега е повторно во центарот на вниманието, благодарение на низата гламурозни хотели, зачувувањето на природата и растечката сцена на улична храна.8. МексикоШироки плажи со бел песок, бујни дождовни шуми, урнатини на Маите и Ацтеките и неверојатна кујна - Мексико ги има сите состојки за да ги „покрие“ вкусовите на сите видови патници, одговарајќи на секој тип на патник.7. КипарСместено помеѓу Грција, Турција и Либан - Кипар е совршен спој на култури. „Дојдете по суровите планини покриени со снег, меките плажи со прекриени со блескавиот Медитеран и одлична кипарска храна. Поминете часови нуркајќи во морето или посетете ги византиските цркви, пред да одите на некое од лозјата навечер“, предлага CNT.6. ПортугалијаИ покрај падот од четвртото на шестото место годинава, интересот за оваа европска земја сè уште постои. Има шармантни градови, возбудливи ресторани, прекрасно сино море, но и термални води, тиркизни лагуни и вулкани кои ги пробиваат облаците.5. Египет„Се разбира, има многу античка историја за откривање, но талкајте низ улиците за да најдете скриени богатства на кои би им позавиделе фараоните... Нил е доволно блескав за оние кои бараат спомени поголеми од сувенири и далеку од реката, Сахара покрива 94 проценти од земјата, оставајќи огромен простор за истражување ако се впуштите во внатрешноста на земјата“.4. Италија„Земјата е мешавина од прекрасни места од бајките, раздвижени градови и недопрени плажи.3. МалтаОвој остров е хит европска дестинација. Забележано е дека Малта била користена како позадина за многу иконски филмови и ТВ серии, но зад нејзините улици во боја на мед се наоѓаат ресторани, барови и хотели кои чекаат да бидат откриени.2. ГрцијаГрција беше прва на оваа листа за 2023 година, а нејзината популарност не се намалува. Од белиот Миконос до Кефалонија, позната по дивите патеки и рустикални села, Грција е полна со места од соништата - препорачуваме да започнете од Атина и потоа да го најдете вашиот омилен грчки остров - совршените зајдисонца на Санторини, непреполните плажи на Крф, Сонце на крајот на летото на Крит…1. ТурцијаВо 2023 година Турција не беше ниту во првите десет, а сега е на самиот врв на листата на најбарани во 2024 година – заслужено. „Тоа е многу разновидна земја, полна со култура, историја, одлична архитектура и уметност“, вели CNT.

Магазин | пред 1 година

Карлеуша ја објави својата кандидатура за претседател

Пејачката Јелена Карлеуша, објави дека планира да се кандидира за претседател на Србија.Карлеуша преку објава на Инстаграм откри дека смета дека Вучиќ треба да владее доживотно.На Карлеуша не и е јасно зошто студентите протестираат ако Вучиќ им „купува станови“?!„По завршувањето на мандатот на претседателот Александар Вучиќ (иако мислам дека тој ја заслужува доживотна функцијата претседател), планирам да се кандидирам за функцијата претседател на Србија“, напиша пејачката.Во продолжение го додаде коментарот: „И ќе победам“.

Магазин | пред 1 година

Кошничките се измама, Мицкоски дозволи трговите да се богатат на грбот на граѓаните, обвини потпретседателката на СДСМ

„Трошоците за живот растат, платите стагнираат, граѓаните едвај врзуваат крај со крај. Во услови кога животниот стандард на граѓаните е сериозно загрозен, власта предлага целосно неефикасни мерки, води погрешни економски политики, а на крајот цехот го плаќаат граѓаните“, вели Кристина Костова, потпретседателка на СДСМ:ДПМНЕ не прифати ниту еден еден предлог на СДСМ за подобрување на животниот стандард на гаѓаните. Не се прифати ниту предлог Законот на СДСМ за покачување на минималната плата, ниту амандманот за повисоки плати со Буџетот за 2025 година, ниту предлог Законот за укинување на ДДВ за храна.Но затоа, наместо реални мерки за подобар живот за граѓаните, Мицкоски им овозможи на трговците да се богатат на грбот на граѓаните. Од помпезно најавуваната есенска кошничка добивме само раст на инфлацијата во месец ноември од 4,3%.На едно четиричлено семејство му се потребни 62.021 денари за да може да го помине месецот. Не само што растат цените на прехранбените производи, туку и за една третина во однос на лани се зголемени сметките за струја.Дали во математиката на Мицкоски постои формула како со минимална плата од 22.567 денари, дури и двајца членови од семејството да ја земаат, можат да преживеат во месецот?Мицкоски најави и новогодишна кошничка со наводно пониски цени на прехранбените производи, но по истиот модел, откако ја најави, тој им остави време на трговците да ги зголемат цените.Очигледно е дека за новогодишните празници, кошничките на граѓаните ќе останат празни, а полни ќе бидат само касите на трговците.Почитувани,Не смееме да дозволиме работниците да бидат оставени на маргините на општеството. Повеќе од кога било е потребно зголемување на минималната плата. Растот на минималната плата не е само економска потреба, туку и морална одговорност на секоја влада.Со ова темпо на раст на трошоците за живот, веќе е созреана потребата од 500 евра минимална плата, за да можат граѓаните да имаат пристоен живот и да ги покријат основните месечни потреби за храна и услуги.Ако Владата и Мицкоски навистина се грижат за граѓаните како што кажуваат, тогаш во 2025 година ќе ја зголемат минималната плата на 500 евра, за да се заштити стандардот на работниците и нивните семејства.СДСМ, како одговорна партија нема да отстапи од грижата и посветеноста за обезбедување на посигурен и квалитетен живот на граѓаните и на стопанството. Повторно повикуваме, да се прифатат нашите предлози за повисока минимална плата и за укинување на ДДВ за храна. Ова се решенија кои се во интерес на сите граѓани. Сите ние носиме одговорност да им помогнеме на граѓаните да имаат пристоен живот.Доста е веќе од лаги и лажна грижа, граѓаните заслужуваат и очекуваат Влада која се грижи и работи за нив.

Македонија | пред 1 година

Хезболах ја загуби рутата за воено снабдување низ Сирија

Водачот на Хезболах, Наим Касем, во саботата изјави дека либанската вооружена група ја загубила линијата за снабдување преку Сирија, во првите коментари откако претседателот Башар ал Асад беше соборен пред речиси една недела во големата бунтовничка офанзива.Под режимот на Асад, Хезболах поддржан од Иран ја користеше Сирија за да испорача оружје и друга воена опрема од Иран, преку Ирак и Сирија, до Либан. Меѓутоа, на 6 декември борците против Асад ја зазедоа границата со Ирак и ја прекинаа таа рута, а два дена подоцна исламистичките бунтовници го зазедоа главниот град Дамаск.„Да, Хезболах ја загуби рутата за воено снабдување низ Сирија во оваа фаза, но таа загуба е само детал во работата на отпорот“, рече Касем во телевизиското обраќање во саботата, без да го спомене Асад по име.„Може да дојде нов режим, оваа рута да се врати во нормала и да најдеме други начини“, додаде тој.

Свет | пред 1 година

ЦУК: Шест изгубени скијачи на Попова Шапка се пронајдени и потоа безбедно се вратиле во нивните домови

Преку Единствениот повикувачки број за итни случаи 112 во ЦУК беше добиена пријава дека на Попова шапка шест (6) лица се изгубиле, не можеле да се ориентираат и побарале помош. Конкретно, со скии-лифт се качиле горе на скијачките патеки и кога се обиделе да се спуштат надолу паднало многу густа магла, а и поради снегот што бил нов и немало изгазена патека од други скијачи тие не можеле да се ориентираат за правец за спуштање. Согласно ситуацијата скијачите се јавиле за помош на 112.Од ЦУК веднаш биле известени СВР Тетово и раководителот на РЦУК Тетово. Во меѓувреме, лицето вработено на ски-лифтот пронашло пет (5) од изгубените лица, а подоцна во 16.15 часот го пронашло и шестото изгубено лице. Прво сите биле згрижени во полициската станица на Попова Шапка, а потоа безбедно се вратиле во нивните домови.

Македонија | пред 1 година

Почнува кампањата „Помалку трошоци, повеќе за тебе - Се грижиме“ - Новогодишната потрошувачка кошничка по намалени цени од најмалку 10 проценти опфаќа над 800 производи

„Од денеска почнува кампањата „Помалку трошоци, повеќе за тебе - Се грижиме“ која опфаќа над 800 прехранбени производи со намалени цени од најмалку 10 проценти“, вели Владата и додава:Во новогодишната потрошувачка кошничка листа спаѓаат леб и житарици, пекарски производи, месо и преработки од месо, риба, млеко и млечни производи, кондиторски производи, свежо, замрзнато и конзервирано овошје и зеленчук, безалкохолни (газирани и негазирани) напитоци, алкохолни пијалаци (вино и пиво) и друго.Кампањата ќе трае до 15 јануари 2025 година, а секој производ на рафтовите во маркетите ќе биде соодветно означен.Државниот пазарен инспекторат ќе врши контрола низ маркетите за да се утврди дека се почитува договорот постигнат помеѓу Владата и трговците.Во моментот вклучени се над 80 компании, а очекуваме и други компании и маркети да се приклучат со што листата во новогодишната потрошувачка кошничка би се проширила со над 1000 производи.Преку оваа мерка директно помагаме за подобрување на животниот стандард на граѓаните новогодишните празници да ги поминат во пристојни услови.Дадовме ветување пред граѓаните и се обврзавме на посветено, одговорно и домаќинско работење.Носиме мерки во интерес на граѓаните, ја враќаме надежта и градиме иднина за сите.

Македонија | пред 1 година

Груби и натаму таргет: Вреди бараат да не биде професор, ВМРО-ДПМНЕ одговорност поради мешање во судството

Новиот извештај на американскиот Стејт департмент, кој го објави Артан Груби како личност вмешана во корупција во контекст на спасувањето на Сашо Мијалков, предизвика бурни реакции во јавноста. Коалицијата Вреди повика дека личност како Груби нема место меѓу студентите.Студентите се сегашноста и иднината на оваа земја. Тие имаат право да се образуваат од личности кои се пример за чесност, професионалност и интегритет. Последниот лик на црната листа, Артан Груби, не може да биде амнестиран со статус на Фејсбук, каде што изјави дека се повлекува од јавниот живот. Ова е недозволиво и Универзитетот во Тетово треба да се сеќава на својата генеза и да не му дозволи на слуга на Сашо Мијалков да предава. Дали Артан Груби ќе се повлече од Универзитетот во Тетово? Младите не можат да се образуваат под влијание на личност која е вмешана во судски постапки и корупција. Универзитетот во Тетово треба да го оддалечи Артан Груби и да ги заштити студентите од оваа личност на црната листа, која злоупотребила јавна функција и стана слуга на Мијалков“, вели Вреди.ВМРО-ДПМНЕ во последното соопштение ги обвини Артан Груби и неговите соработници од СДС за системско мешање во правосудството во текот на седумгодишното владеење на коалицијата. Според партијата, со притисоци врз судиите и обвинителите, судските одлуки се носеле под нивен диктат.„Артан Груби, поддржан од СДС, со години влијаел врз судството. Судиите и обвинителите се бирале во партиските штабови на СДС и ДУИ, а одлуките што ги носеле биле под негов диктат. Колку одлуки биле донесени под диктат на Артан Груби, и колку предмети се спречени да стигнат до суд? Колку пари зел Артан Груби за да влијае врз судски одлуки? Со кого ги делел парите што ги спечалил на сметка на правдата?“, велат од ВМРО-ДПМНЕ.

Македонија | пред 1 година

Украинците ја нападнаа Чеченија со дронови: Експлозии одекнуваат во Грозни

Беспилотни летала го нападнаа градот Грозни во Чеченија утрото на 15 декември, погодувајќи една зграда.Очевидци тврдат дека слушнале звуци од експлозии околу 07:45 часот по локално време, наведувајќи дека пред детонациите во блиското село се слушнале звуци карактеристични за беспилотни летала (UAVs), пренесува руска „Газета“.Чеченските власти тврдат дека станува збор за украински беспилотни летала.Калналите на Телеграм, цитирајќи локални жители, објавија дека беспилотните летала биле насочени кон база во која се стационирани припадниците на мобилната единица за специјални намени (ОМОН) и вториот полк на специјалните полициски сили.Извештаите на социјалните мрежи, исто така, сугерираат дека, покрај базите на ОМОН и вториот полк, дрон погодил и воен објект што често се користи за испраќање персонал во Украина.Специјалните сили на Кадиров и претходно беа цел на напади со беспилотни летала, кои доведоа до повредени и материјална штета.Нападот на базите на ОМОН во Грозни се случи неполна недела по претходниот напад.

Свет | пред 1 година

Зошто Израел ја окупираше највисоката сириска планина само неколку часа по падот на Асад

Веднаш по падот на Башар ал Асад, Израел нападна речиси 500 воени цели во Сирија, уништувајќи ја морнарицата и, според сопствените тврдења, елиминирајќи 90% од познатите сириски ракети земја-воздух.Сепак, освојувањето на највисокиот врв во Сирија, планината Хермон, може да се покаже како едно од најтрајните достигнувања, пишува CNN.И покрај тоа, израелските власти инсистираат на тоа дека окупацијата е привремена.„Ова е највисоката точка во регионот, со поглед на Либан, Сирија и Израел“, рече Ефраим Инбар, директор на Ерусалимскиот институт за стратегија и безбедност (JISS). Стратешки, тоа е исклучително важно. Нема замена за планините.Врвот на планината Хермон се наоѓа во Сирија, во тампон зоната што ги одвојуваше израелските и сириските сили педесет години. Минатиот викенд израелските војници ја презедоа контролата врз областа. Пред тоа, самитот беше демилитаризиран и под надзор на мировните сили на ОН - највисоката постојана позиција на овие сили во светот.Израелскиот министер за одбрана Израел Кац во петокот и нареди на армијата да се подготви за тешки зимски услови на планината. „Поради развојот на ситуацијата во Сирија, од најголема безбедносна важност е да ја задржиме нашата контрола над врвот на планината Хермон“, се вели во неговата изјава.Според сириската активистичка група „Гласот на главниот град“, израелските сили напредувале понатаму од планината Хермон до Бекаесум, приближно 25 километри од главниот град на Сирија. Си-Ен-Ен не можеше независно да ги потврди тврдењата, додека портпаролот на израелската војска ги отфрли тврдењата за „напредување кон Дамаск“.Израел ја зазеде Голанската Висорамнина, стратешкото високо место во југозападна Сирија што се граничи со планината Хермон, за време на војната во 1967 година и оттогаш ја окупира. Сирија се обиде да ја врати областа со ненадеен напад во 1973 година, но безуспешно. Израел ја анектираше територијата во 1981 година, што е нелегално според меѓународното право, иако САД го признаа израелскиот суверенитет над Голанската висорамнина за време на администрацијата на Доналд Трамп.

Свет | пред 1 година