(Видео) 20.000 демонстранти на улиците во Софија - шишиња и петарди фрлени кон полицајците

Луѓе се собраа на улиците на Софија, главниот град на Бугарија, протестирајќи против наглото зголемување на даноците предвидено во нацрт-буджетот за следната година, пред неговото конечено усвојување во парламентот.Протестот го организираше опозициската коалиција, а се проценува дека на улиците излегоа околу 20.000 луѓе. Собирот се одвива во момент кога таа балканска држава се подготвува да влезе во еврозоната со почетокот на следната година.Протестот ја одразува широко распространетата загриженост поради економските последици од буџетот врз граѓаните и деловниот сектор, вклучително и зголемување на придонесите за социјално осигурување и дуплирање на данокот на дивиденда.Коалициската влада има стабилно мнозинствоДемонстрантите формираа човечки ланец околу зградата на парламентот и се обидоа да ги блокираат возилата на пратениците, што доведе до интервенција на полицијата за спречување на насилство. Полицијата соопшти дека протестирачите фрлале шишиња и петарди кон службениците, при што беа повредени тројца полицајци.И покрај противењето на различни општествени групи и предупредувањата на економистите дека нацрт-буджетот носи значителни ризици, се очекува тој сепак да биде усвоен, бидејќи коалициската влада има стабилно мнозинство во парламентот.Буџетот предвидува рекорден обем на државна потрошувачка од речиси 46% од БДП. Зголемувањето главно ќе се финансира преку повисоки даноци за компаниите и работниците, како и преку нагло зголемување на јавниот долг.

Свет | пред 5 месеци

(🔴Премиерно) „Претрес“ зад решетките на затворот „Штип“: Исповеди, (не)признавање вина, кучката Цеца, услови и ќелии

Во ова специјално издание на „Претрес со Ландов“ ја отвораме вратата зад која малкумина влегуваат – вратата на затворот во „Штип“. Одблизу ги прикажуваме вистинските услови во кои осудениците живеат, правилата што го диктираат секој нивен ден и невидливиот систем кој истовремено и казнува, и (не)поправа.Разговараме со рецидивисти кои по трипати се враќаат зад решетки, со луѓе што тврдат дека животот им се скршил во една секунда, но и со осуденици чии дела ја потресоа јавноста – со палење фабрики и автомобил, до лице осудено по трагична сообраќајна несреќа во која загина тригодишно дете.Епизодата ја отвора и спротивната страна на системот: човечките парадокси во затворот – како случајот со осуденик кој фрлил камен во канцеларијата на директорот, а подоцна токму од него добил помош за ортопедско помагало без кое не може да се движи поради ампутираната нога.Од условите и здравствената нега, до ресоцијализацијата и неминовните прашања за вина, каење и повторување на делата – ова издание не е само приказна за затворот во Штип. Ова е приказна за општеството, за системот што треба да превоспитува, и за луѓето чии животи продолжуваат зад решетки.Следете не на:

Македонија | пред 5 месеци

Трамп ја навреди новинарката на „Њујорк тајмс“: „Грдa е – одвнатре и однадвор“

Американскиот претседател Доналд Трамп повторно се најде во фокусот на критики поради навредлив коментар упатен кон новинарката на „Њујорк тајмс“, Кејти Роџерс. Трамп ја нарече „грдa – одвнатре и однадвор“ откако весникот објави детална анализа за неговите знаци на стареење и неговото значително поредок појавување во јавност, пренесува CNN.Инцидентот доаѓа помалку од две недели по неговата претходна навреда кон друга новинарка, кога ѝ рече „тивко, свињо“, по што повторно се отвори прашањето за неговите честo сексистички и груби истапи кон жени во медиумите.„Њујорк тајмс“ во својата анализа го спореди јавниот ангажман на 79-годишниот Трамп годинава со неговиот прв мандат. Весникот утврди дека американската јавност го гледа „значително поретко“, дека има помалку јавни настани во распоредот и дека патува многу помалку низ земјата отколку во 2017 година. Сепак, се истакнува дека Трамп и натаму е „скоро секаде присутен“ во американската политичка сцена.Како реакција на текстот, Трамп на својата платформа Truth Social напиша:„Гмазовите од пропаднатиот ‘Њујорк тајмс’ пак се на дело.“Тој воопшто не го спомена машкиот коавтор на статијата, Дилан Фридман, туку директно ја нападна Роџерс.„Таа е треторазредна новинарка која е грда – одвнатре и однадвор“, напиша претседателот, додека истовремено се пофали дека „работи најмногу досега“ и тврди дека има „најдобри анкети во историјата“, иако неговиот рејтинг е значително понизок од врвот на вториот мандат.Трамп додава и дека „еден ден ќе остане без енергија“, но дека „со совршен здравствен преглед и сеопфатен когнитивен тест кој ‘совршено го решил’, тој ден дефинитивно не е денес“.

Свет | пред 5 месеци

Андоновски: Дигитализацијата e основна алатка за борба против корупцијата

Министерот за дигитална трансформација, Стефан Андоновски, вечерва гостуваше во Тема на денот во Дневникот на Сител ТВ. Андоновски говореше за проектот за 55.000 ваучери од 15.300 денари за студенти, за кој досега имаат аплицирано 37.970 студенти, а над 17.000 студенти веќе подигнале електронски уред.Министерот напомена дека овој проект освен што помага на оние кои најмногу им треба да добијат електронски уред, истовремено целата постапка е транспарентна и едноставна. Со ова, Андоновски смета дека корупцијата целосно се елиминира.„Оваа услуга покажува борба против корупцијата. Овој систем не познава кое дете од каде доаѓа, кој студент какви родители има, системот не подразбира дали сте син или ќерка на некој функционер за да добиете ваучер, туку тој систем доделува ваучери на секој кој ги исполнува условите”, истакна Андоновски.Дополнително, министерот истакна и дека изводот од матична книга на родени и уверението за државјанство се издаваат онлајн а со тоа директно се влијае на сузбивање на ситната корупцијата.„Веќе не плаќате 400-500 денари на некој службеник во некоја канцеларија за побрзо да го издаде вашиот документ. Кликнувате, 20 секунди и го добивате документот на меил”, заврши министерот Андоновски.

Македонија | пред 5 месеци

(Видео) Уште еден пешак удрен кај „Јосип Броз-Тито“

Уште еден човек вечерва беше удрен на пешачкиот премин кај гимназијата „Јосип Броз-Тито“. На социјалните мрежи се појави снимка направена веднаш по несреќата, на која се гледа повредениот маж како седи на коловозот, додека минувачи се обидуваат да му помогнат и да го смирaт до пристигнување на медицинските екипи.Од Министерството за внатрешни работи засега нема официјални информации ниту за причините на несреќата, ниту за здравствената состојба на повредениот.Инцидентот се случува неполн месец по претходната несреќа на истото место, кога возач на теренско возило прегази жена и избегa од локацијата. Тој беше уапсен неколку часа подоцна, на пат кон Средно Водно.Жителите на Центар и околните училишта со години предупредуваат дека преминот е небезбеден, особено во вечерни часови, барајќи трајно решение што ќе спречи нови трагедии.

Скопје | пред 5 месеци

Костадинова Стојчевска: Македонскиот јазик не се чува со кратење на буџетот за инспекторатот за македонски јазик

Пратеничката на СДСМ Бисера Костадиновска Стојчевска, во образложението на амандманот за зголемување на буџетот за инспекторатот за употреба на македонскиот јазик, пред собраниската комисија за финансирање и буџет, истакна дека со предложениот буџет се оневозможува функционирање  на инспекторатот.Во буџетот за 2026 година средствата во однос на буџетот од 2025 година се намалени на 620.000 денари, што практично го намалува функционирањето на инспекторатот, рече Костадиновска Стојчевска и побара буџетот за оваа институција да се врати на износот од 2.033.000 денари, колку што изнесуваше во буџетот за 2025 година.-Со намалениот износ не е можно да се обезбеди вработување на потребниот број инспектори и административен кадар, извршување на редовни активности на терен, опремување и тековно функционирање на институцијата, нагласи Костадиновска Стојчевска, додавајќи дека инспекторатот за употреба на македонскиот јазик е нова институција, основана врз основа на законот за употреба на македонскиот јазик, чија цел е да го следи спроведувањето на законските обврски во инситутциите, образованието, културата и јавниот простор.Костадиновска Стојчевска побара поддршка од сите пратеници за овој амандман.Барам поддршка за оваа институција да може конечно, откако е формирана во 2024, да профункционира, затоа што откако е воспоставена, нејзиниот буџет само се крати, а со тоа не се покажува вистинска грижа за зачувување, унапредување на македонскиот јазик, нагласи пратеничката на СДСМ Бисера Костадиновска Стојчевска, во обраќање пред собраниската комисија за финансирање и буџет.

Македонија | пред 5 месеци

Професорот Сашо Георгиевски и адвокатите Наташа Бошковска и Јордан Апостолски во трка за судија во ЕСЧП

Комисијата за избор на кандидат на Република Македонија за судија во Европскиот суд за човекови права (ЕСЧП) во Стразбур предложи тројца кандидати кои ќе бидат испратени на разгледување до експертскиот панел на Советот на Европа. Предложени се: професорот Сашо Георгиевски и адвокатите Јордан Апостолски и Наташа Бошковска.Според претседателот на Уставен суд, Дарко Костадиновски, кој е член на Комисијата, одлуката ја донеле врз основа на критериумите за висок морален углед, квалификации за судиска функција и признат правнички углед.„Мал број на кандидати што го исполнуваа вториот услов, квалификации за вршење на судиска функција. Професорот Георгиевски е признат како угледен стручњак, додека, двајцата избрани адвокати имаат неспорно значајни искуства во човекови права “, рече Костадиновски.Како што информираше, се гласало тајно за сите кандидати, двајца од избраните кандидати добиле по пет гласа, еден четири.До крајот на неделата имињата ќе бидат испратени до експертскиот панел на Советот на Европа, кој ќе даде конечна оценка.Претходниот обид не успеа, бидејќи од Владата не доби ниту еден од тројцата предложени кандидати поддршка. На постапката остро реагираше обвинителката од поранешното СЈО, Ленче  Ристоска.

Македонија | пред 5 месеци

Крај на една ера: Бобан Илиоски со обновена повреда стави точка на кариерата

Македонскиот кик-боксер Бобан Илиоски официјално стави крај на својата активна боречка кариера. Веста ја соопшти преку емотивна објава на социјалните мрежи, каде откри дека неговиот настап на Светското првенство бил последниот во улога на натпреварувач.Илиоски раскажа дека уште во првата рунда од првиот меч повторно ја обновил старата повреда – скината препона, истата која го мачеше и пред шест месеци. И покрај силната болка и сериозниот хендикеп, успеал да триумфира над противник од Хрватска.„Благодарен сум на Господ за сè, нека биде по Божјата волја“, напиша Илиоски, додавајќи дека токму тој меч го означил природниот крај на неговиот натпреварувачки пат.Тој не го криеше емоционалниот товар на оваа одлука:„Тешко е да се прифати, но нема бегање од реалноста. Одлуката ја носам во мир“, посочи македонскиот борец.Иако се повлекува од рингот, Илиоски не се повлекува од спортот. Напротив, најави ново поглавје – целосна посветеност на тренерската работа и развојот на својот клуб, со јасна мисија да создаде нови шампиони и да го продолжи македонското кик-бокс наследство.„Ова не е крај, ова е нов почеток“, порача тој.Со своето богато искуство, бројни настапи и докажан боречки дух, Бобан Илиоски зад себе остава респектабилна кариера и значаен печат врз развојот на македонскиот кик-бокс. Неговото повлекување означува крај на една ера, но и раѓање на нова – овојпат покрај, а не во рингот.

Магазин | пред 5 месеци

Затворена кујната во ОУ „Димо Хаџи Димов“ по масовно труење на ученици, меѓу нив и помладиот син на премиерот

Државниот санитарен и здравствен инспекторат (ДСЗИ) ја затвори кујната во основното училиште „Димо Хаџи Димов“ во скопската населба Влае, откако поголем број ученици се пожалиле на силни стомачни болки. Инспекторатот веднаш нареди вонредно чистење, здравствени прегледи за вработените и земање мостри од работните површини, со цел да се утврди точниот извор на заразата.Директорот на ДСЗИ, Кирил Лазов, потврди дека кујната е затворена како потенцијален извор и дека е издадено решение за забрана за работа. Со него се наложува вонредна дезинфекција, дезинсекција, дератизација и спроведување здравствено-хигиенски мерки од овластена институција.Меѓу затруените деца е и помладиот син на премиерот Христијан Мицкоски – Антониј. Според информациите објавени од „Нетпрес“, детето било меѓу хоспитализираните, но по укажаната медицинска помош е пуштено на домашно лекување.Портпаролката на Владата, Душица Митева, ја потврди информацијата и упати желби за брзо закрепнување до сите ученици погодени од труењето.„Им посакуваме на сите деца што побрзо оздравување и безбедно враќање во училиштето“, изјави Митева.Инспекциските служби продолжуваат со проверки, а резултатите од земените мостри треба да потврдат дали навистина кујната е изворот на труењето.

Македонија | пред 5 месеци

Од срцев удар почина познат пејач, син на експратеничка од СДСМ

Познатиот поп пејач Шпат Касапи, почина денеска рано наутро по срцев удар.Шпат Касапи е роден на 1 мај 1985 година во Тетово, тој пораснал во семејство со музичка традиција, која силно влијаела врз неговото уметничко оформување.Кариерата ја започна на почетокот на 2000-тите и многу брзо се претвори во идол на младите. Шпат беше важна фигура на албанската поп-музика, задржувајќи ја популарноста со својот препознатлив стил.Зад себе остави сопруга и едно дете.Инаку, Касапи имаше искуство и како советник за култура и општество на првиот вицепремиер во претходната Влада – Артан Груби.Касапи е син на екс пратеничката од СДСМ, Ѓилумсер Касапи.

Македонија | пред 5 месеци

Филипче: Без реформи, уставните измени не се доволни за почеток на преговори со ЕУ

Претседателот на СДСМ, Венко Филипче, на Националната конвенција за Европската Унија порача дека „единствениот пат напред за земјава се европските интеграции“, оценувајќи дека најновиот извештај на Европската комисија е сериозен аларм за состојбата во која се наоѓа државата. Тој истакна дека Северна Македонија го добила најлошиот извештај во последните повеќе од десет години.„Жалам што го добивме најлошиот извештај на Европската комисија за нашата земја изминатите повеќе од деценија. Јасно е констатирано дека изминатата година реформи нема. Единствен полош извештај е оној од 2015 година, кога бевме оценети како заробена држава, но власта и сега го прави истото“, изјави Филипче.Тој предупреди дека доколку продолжи политиката на застој и одбивање на реформи, постои реален ризик земјата да биде вратена чекор назад во евроинтегративниот процес. „Ако вака продолжиме, не сум сигурен – можеби Европската унија повторно ќе не врати на ниво на скрининг“, нагласи лидерот на СДСМ.Според Филипче, нема гаранција дека билатералниот спор со Бугарија ќе остане единствен услов за напредок во преговорите. „Можно е тоа да не биде единствениот услов. Зошто? Затоа што не сме подготвени. Нема придвижување во подготовките за отворање на кластерите, особено на првиот – fundamentals“, рече тој.Како еден од најсериозните проблеми ги посочи недонесувањето на трите клучни патокази: за владеењето на правото, за функционирањето на демократските институции и за јавната администрација. Филипче смета дека дури и доколку уставните измени се изгласани, преговорите со ЕУ нема да можат да започнат веднаш.„Да се случат уставните измени утре, ние сепак нема да можеме веднаш да ги почнеме преговорите. Тоа ја доведува во прашање политичката волја на оваа влада да направи вистински чекори во евроинтеграциите“, рече тој.Филипче додаде дека ваквата стагнација се случува во момент кога ЕУ испраќа јасни сигнали дека е подготвена да го забрза процесот на проширување. „На последниот состанок амбасадорката на Данска јасно порача: ние некогаш бевме најголемите скептици за проширувањето, а сега даваме зелено светло и ги охрабруваме сите земји-кандидати да продолжат со реформите, затоа што проширување евидентно ќе има“, истакна лидерот на СДСМ.

Македонија | пред 5 месеци

Тринаесет загинати во разорен пожар во Хонг Конг – осум часа борба со пламените јазици

Најмалку 13 лица загинаа, а 15 се повредени во голем пожар што повеќе од осум часа беснее во станбениот комплекс „Ванг Фук Корт“ во четвртта Тај По во Хонг Конг. Властите соопштија дека огнот избувнал нешто пред 15 часот по локално време, а спасувачките тимови и понатаму се борат да го стават под контрола.Пожарникарите се соочуваат со екстремно високи температури во внатрешноста на зградите, што значително го отежнува пристапот до затекнатите станари на повисоките катови. Еден од пожарникарските претставници потврди дека битката со огнот е исклучително сложена и дека условите се „на работ на издржливост“.Комплексот „Ванг Фук Корт“ се состои од осум високи станбени кули со речиси 2.000 станови и околу 4.000 жители. Голем дел од нив се постари лица – приближно 36 отсто се над 65 години. Евакуираните граѓани вечерва нема да можат да се вратат во своите домови и мора да побараат привремено сместување.Една од евакуираните станарки за CNN изјави дека во нејзиниот стан не се активирале противпожарните аларми, што отвора дополнителни прашања за безбедносните системи во комплексот.Очевидци опишуваат сцени на ужас: густ црн чад се издигал околу зградите, а од фасадите се одвојувале бамбусови скелиња — вообичаен градежен материјал во Хонг Конг — кои паѓале од височина од 10 до 20 ката, удирајќи во кршот и создавајќи дожд од искри.Пожарот е класифициран како пожар од петта категорија, највисокото ниво на опасност во Хонг Конг, еден од најгусто населените градови во светот. И покрај трагичниот инцидент, градот и понатаму важи за место со високи стандарди за безбедност на објектите, благодарение на квалитетната градба и строгите регулативи.

Свет | пред 5 месеци

Apple по 14 години го симнува Samsung од тронот: доминација што ќе трае до 2029 година?

Apple во 2025 година првпат по 14 години ќе го надмине Samsung по бројот на испорачани смартфони и ќе ја преземе водечката позиција на светскиот пазар, покажува извештајот на аналитичката куќа Counterpoint Research, објавен преку CNBC.Според проценките, Apple годинава ќе испорача околу 243 милиони уреди, додека Samsung околу 235 милиони. Со тоа, Apple би освоил 19,4% од глобалниот пазар на паметни телефони, а Samsung 18,7%.Иако бројките за испораки не ја претставуваат директната продажба на потрошувачите, тие јасно го покажуваат трендот на побарувачката и очекувањата на производителите.Клучниот двигател на успехот на Apple е серијата iPhone 17, која од септемвриското лансирање постигна извонредни резултати во празничната сезона. Продажбата во САД била за 12% повисока од серијата iPhone 16, а во Кина – едно од најважните пазари – растот достигнал 18%.Аналитичарите ова го поврзуваат со големиот циклус на замена на уредите купени во периодот на пандемијата. „Потрошувачите кои купија телефони во ковид-процутот сега масовно ги надградуваат своите уреди“, вели аналитичарот Јанг Ванг од Counterpoint.Кај Samsung, пак, се засилува притисокот од сè поагресивните кинески производители во сегментот на поевтини и среднорегистарски телефони, што го оддалечува јужнокорејскиот гигант од враќање на врвот.Counterpoint прогнозира дека Apple ќе ја задржи водечката позиција и во следните четири години, потпирајќи се на неколку силни фактори: огромниот пазар на половни уреди, стабилните економски услови и засилената лојалност кон iOS-екосистемот.Во последните две години продадени се речиси 360 милиони половни iPhone-уреди, што создава силна база на корисници кои во следните години ќе преминат на нови модели.Дополнителна предност за Apple е и намаленото влијание на царинските бариери поради трговското примирје меѓу САД и Кина, како и послабиот долар, што ги олесни глобалните продажби.Apple во 2026 година се очекува да го лансира iPhone 17e – поевтина верзија насочена кон растечките пазари – како и својот прв преклоплив смартфон.Аналитичарите најавуваат дека од 2027 година ќе следи и „големо редизајнирање“ на iPhone, како и значајно подобрување на дигиталниот асистент Siri.„Со проширување на понудата по различни ценовни нивоа, Apple се позиционира да го фати растот кај амбициозните корисници, особено на пазарите во развој, и да ја зацврсти својата доминација“, стои во анализата на Counterpoint.Силната приврзаност кон iOS, големиот број постари модели кои чекаат надградба и ширењето на премиум-нискиот сегмент се клучните причини зошто аналитичарите очекуваат Apple да остане лидер на глобалниот пазар барем до крајот на деценијата.

Магазин | пред 5 месеци

Македонија го утврди списокот за Стразбур: Професор и двајца адвокати во финална трка

Комисијата за избор на кандидат на Република Македонија за судија во Европскиот суд за човекови права го утврди списокот од тројца кандидати што ќе бидат испратени на разгледување до експертскиот панел на Советот на Европа. Во конкуренцијата влегуваат професорот Сашо Георгиевски и адвокатите Јордан Апостолски и Наташа Бошковска.Членот на Комисијата и претседател на Уставниот суд, Дарко Костадиновски, изјави дека одлуката е донесена врз основа на критериумите за висок морален углед, квалификации за вршење на судиска функција и признат правнички авторитет. Тој посочи дека мал број од пријавените кандидати ги исполнувале критериумите за судиска функција. „Професорот Георгиевски е признат како угледен стручњак, додека двајцата избрани адвокати имаат неспорно значајно искуство во областа на човековите права“, рече Костадиновски.Гласањето било тајно. Двајца од кандидатите добиле по пет гласа, а еден четири. До крајот на неделата имињата ќе бидат испратени до Советот на Европа, кој ќе ја даде конечната оценка и ќе ја проследи листата до Парламентарното собрание на организацијата.Ова е втор обид на државата да утврди кандидати за Стразбур. Претходната постапка пропадна бидејќи Владата не даде поддршка на ниту еден од предложените кандидати, што предизвика остри реакции во јавноста. Поранешната обвинителка од СЈО, Ленче Ристоска, тогаш јавно ја критикуваше транспарентноста и законитоста на процесот.

Македонија | пред 5 месеци

ЦУК апелира до возачите: Ако патувате имајте доволно гориво и зимска опрема

Состојбата со врнежи во земјава сега е стабилна, но земјава е повторно зафатена со нов циклонски бран кој носи нови врнежи од дожд и снег на повисоките места поради што се очекува зголемување на водостоите.Според Управата за хидрометеоролошки работи се очекува зголемување на водостојот во горниот дел од сливот на реките Вардар, Треска, Радика, Сатеска, Коселска, како и на водотеците во Охридско-Преспанскиот регион. Зголемување на водостојот се очекува и на реката Лепенец, на водотеците и суводолиците кои доаѓаат од Шар Планина, како и во сливот на реките Пчиња и Струмица. Поради високото ниво на подземни води, на одредени места е можна интеракција со површинските води и појава на заезерување.Од ЦУК апелираат на претпазливо движење покрај реките и суводолиците, а за оние што ќе патуваат следните денови да имаат доволно гориво во резервоарите и соодветна зимска опрема бидјеќи е можно да се формираат навеви од снег и одредени патни правци во одредени периоди да бидат непроодни. Лицата кои живеат на повисоки места навремено да се снабдат со храна и лекови.Во случај на опасност или потреба, граѓаните да се јават на бесплатниот телефонски број за итни повици – 112 во ЦУК.

Македонија | пред 5 месеци

Меѓу учениците од ООУ „Димо Хаџи Димов” кои побарале лекарска помош e и помладиот син на премиерот Мицкоски

Меѓу основците од ООУ „Димо Хаџи Димов” кои побарале лекарска помош поради стомачни проблеми, дознава Скопје 1, е и помладиот син на премиерот Христијан Мицкоски. Синот на премиерот е ученик во ова училиште, бил хоспитализиран два дена, но сега е пуштен на домашно лекувањеДвајца ученици се хоспитализирани на Детската клиника, а имало девет пријави за стомачни тегоби. Тие се во стабилна здравствена состојба, а имале стомачни тегоби и со повраќање. Државниот санитарен и здравствен инспекторат нареди затворање на кујната во училиштето „Димо Хаџи Димов“ во Влае како и вонредно чистење и вонредни здравствени прегледи на вработените во училиштето.Директорот на ДСЗИ, Кирил Лазов, рече дека по добиеното известување од Центарот за јавно здравје за пројавени стомачни тегоби кај ученици од ова училиште, на терен се врши вонреден и координиран инспекциски надзор заедно со АХВ, ИЈЗ и со ЦЈЗ Скопје.„Согласно своите надлежности, ДСЗИ изврши затворање на кујната како потенцијален извор на зараза и даде решение за забрана, во кое се наложуваат и мерки кои треба да ги преземе операторот, односно вонредно чистење, вонредна дезинфекција, дезинсекција и дератизација од овластена институција и спроведување вонредни здравствено-хигиенски мерки за вработените“, рече Лазов.Во врска со се уште неофицијални информации дека можеби водата е причината за стомачните тегоби кај децата, Лазов вели дека за водата не е надлежен ДСЗИ.Директорката на Институтот за јавно здравје, Марија Андоновска, рече дека се земени брисеви од раце, нос и грло на вработените во училишната кујна, од работните површини, како и мостри од храна и вода.Таа уверува дека ќе се работи додека не се утврди за што станува збор.

Македонија | пред 5 месеци

ВРЕДИ ја финализира листата: Сали за прв вицепремиер и евроинтеграции, Хоџа во животна средина, Бакиу во здравство

По неколкунеделни интензивни разговори, коалицијата ВРЕДИ ја усогласи листата на функционери што ќе му ја предложи на премиерот Христијан Мицкоски за пополнување на испразнетите позиции во Владата. Според извори од партијата, кадровските решенија се договорени и се чека финалната потврда од Мицкоски.Беким Сали е предвиден да ја преземе функцијата прв вицепремиер и министер за евроинтеграции. Мухамед Хоџа ќе го води ресорот животна средина, додека Башким Бакиу треба да стане нов министер за здравство на местото на Азир Алиу.Алиу, пак, по заминувањето од Министерството за здравство треба да ја преземе директорската позиција во Агенцијата за електронски комуникации.Дополнително, Орхан Муртезани е номиниран за амбасадор на Република Северна Македонија во Брисел.Промените стануваат потребни по изборот на Изет Меџити за градоначалник на Чаир, со што неговите дотогашни функции останаа празни.Доколку премиерот ги одобри предложените имиња, очекувањата се дека до крајот на неделата документите ќе бидат доставени во Собранието и ќе започне постапката за избор на новите министри.

Македонија | пред 5 месеци

Почина познатиот пејач од Тетово Шпат Касапи од срцев удар, имаше 40 години

Познатиот тетовски пејач, Шпат Касапи починал рано утрово како последица на срцев удар, потврдија семејни извори.Касапи е роден на 1 мај 1985 година во Тетово, во семејство длабоко поврзано со музиката. Оваа средина силно влијаела врз неговото формирање како уметник, што подоцна се одрази и на неговата кариера.Во јавноста се појави на почетокот на 2000-тите години и брзо стана едно од најпопуларните имиња меѓу младите. Со својот специфичен стил и карактеристичен сценски настап, Шпат остана еден од најистакнатите претставници на албанската поп-музика и во следните две децении.Во текот на својата богата музичка кариера создаде бројни хитови што станаа дел од музичката култура во Албанија, Косово и Македонија. Песни како „A më do?“, „Valle Kosovare“, „Dashni pa limit“ и „Aroma e saj“ остануваат меѓу најслушаните и денес. Настапуваше на престижни музички фестивали и соработуваше со реномирани артисти, оставајќи зад себе репертоар кој ја обележа една цела генерација.Пејачот зад себе остави сопруга и едно дете.Покрај музичката кариера, Касапи имаше и краток ангажман во институциите – работеше како советник за култура и општествени прашања на првиот вицепремиер Артан Груби во претходниот состав на Владата.Шпат Касапи е син на поранешната пратеничка од СДСМ, Ѓилумсер Касапи.

Магазин | пред 5 месеци

Тинејџерот што го силуваше 12-годишното девојче во Охрид оди во 30-дневен притвор

СВР Охрид поднесе известување до Основното јавно обвинителство Охрид за 16- годишник од Охрид, поради постоење основи на сомнение за сторено кривично дело „полов напад и силување“, како и за 14- годишник од Охрид за сторено кривично дело „уцена“.На првопријавениот од страна на надлежен судија му е одредена мерка притвор во траење од 30 дена откако, претходно полициски службеници од СВР Охрид го пронајдоа и го лишија од слобода.Тој на 12.11.2025 извршил обљуба врз 12- годишно девојче од Охрид, додека друг малолетник снимал.Второпријавениот, откако го добил снименото видео, на 20.11.2025 ја уценувал малолетничката да имаат сексуален однос, а доколку одбие и рекол дека ќе го објави видеото.Врз малолетничката е извршен медицински преглед, а полициски службеници и претставници на Центарот за социјални работи Охрид, во присуство на родител, со неа како и со двете пријавени лица, извршија службени разговори, по што е поднесено известување до надлежното обвинителство.

Охрид | пред 5 месеци

Малолетничка доживеала хорор: ja киднапирал поранешниот дечко, била жртва и на насилство

Петнаесет годишна малолетничка доживеала била киднапирана и физички малтретирана од нејзиниот поранешен дечко. Таа била внесена во возило, па претепана.„На 25.11.2025 во 13:00 часот во СВР Скопје, 37-годишна жена од Скопје пријави дека на 24.11.2025 околу 19:30 часот на подрачјето на Ѓорче Петров, нејзината 15-годишна ќерка со употреба на физичка сила била внесена во патничко возило „фолксваген голф“ со скопски регистарски ознаки, од страна на нејзиниот поранешен партнер И.Ј.(22), кој притоа физички ја нападнал и и упатувал закани”, информираа од полицијата.Надлежните преземаат мерки за расчистување на случајот, по што ќе биде поднесена соодветна пријава.

Скопје | пред 5 месеци

Српската опозиција се судри со „Чациленд“, полицијата интервенира, нереди пред српското собрание

Пред зградата на српското Собрание утрово повторно избувнаа тензии, откако полицијата ги спречи опозициските пратеници да влезат во парламентот. Дел од пратениците се обиделе да поминат низ импровизираниот камп „Чациленд“, повикувајќи се на вчерашното ветување на претседателката на парламентот Ана Брнабиќ дека ќе има непречен пристап до институцијата.Инцидентот избил во моментот кога опозициските пратеници Ѓорѓе Станковиќ и Богдан Радовановиќ се обиделе да го отстранат шаторот поставен на скалите. Лицата од кампот реагирале бурно, по што следеле турканици и вербални напади. Полицијата веднаш интервенирала за да ја смири ситуацијата.Слични расправии се случија и вчера, кога до судири дојде меѓу учесниците во протестот и пратениците од движењето Србија центар (СРЦЕ) предводени од Здравко Понош.Опозициските партии бараат од Брнабиќ да се премести оградата поставена околу шаторите, со образложение дека се нарушува нормалниот влез во парламентот. Српскиот претседател Александар Вучиќ најави дека наскоро ќе излезе со иницијатива во врска со кампот, додека Брнабиќ вети дека во рок од два дена пратениците ќе можат непречено да влегуваат.Кампот „Чациленд“ е присутен пред парламентот повеќе од половина година. Првично никнал како студентска вик-форма под мотото „само сакаме да учиме“, но со текот на времето значително се проширил. Независните медиуми во Србија известуваат дека во кампот сè почесто се појавуваат групи блиски до власта, вклучително и агресивни лица кои се позиционираат како противтежа на студентските протести што се заострија по трагичната смрт на 16 луѓе во Нови Сад.

Свет | пред 5 месеци

(ВИДЕО) Пекол во Хонгконг, горат облакодери, има и загинати

Според досегашните податоци во голем пожар кој зафати неколку станбени згради во Хонгконг, има најмалку четири загинати лица, а најмалку тројца други се згрижени во болници, од кои двајца се во критична состојба, соопшти владата.Снимките се страотни и регистрираат пламен и чад од кулите. Се верува дека се заробени неколку луѓе.Пожарот најверојатно се проширил низ скелињата од бамбус од надворешната страна на зградите, а службите за итни случаи се на местото на настанот.Противпожарната служба објави дека во 14:51 часот по локално време добила пријава дека избувнал пожар во зграда во населбата Ванг Фук Корт. Во 15:34 часот алармот е подигнат на ниво 4.Ванг Фук Корт е станбен комплекс има од осум блока, со околу 2.000 станбени единици. Неколку кули околу запалената кула имаат бамбусови скелиња на нивната фасада. На зградите се вршеле работи за реновирање. Снимките покажуваат дека и фасадните скелиња се зафатени од пламен на неколку ката, а запалените остатоци се уриваат на земјата. Дополнително, видливи се и пожари во некои станови.Засега не е познато како започнал пожарот, како и информации за тоа колку луѓе се наоѓаат во зградите.

Свет | пред 5 месеци

Напад во затворот „Идризово“ – осуденик претепан од тројца

Во затворот „Идризово“ тројца затвореници нападнале 61-годишен осуденик со тврд предмет.На 25.11.2025 во 20:30 часот во СВР Скопје од Казнено поправна установа Затвор Идризово е пријавено дека околу 18:30 часот во установата тројца осуденици физички го нападнале осуденикот И.И.(61) од с.Челопек, тетовско, а при тоа употребиле и тврд предмет. Се преземаат мерки за расчистување на случајот.

Скопје | пред 5 месеци

Ученици од ООУ „Димо Хаџи Димов“се пожалиле на стомачни болки, кујната е затворена: Инспектори на АХВ вршат вонреден надзор

Инспектори од Агенцијата за храна и ветеринарство утрово излегоа на терен во ООУ „Димо Хаџи Димов“, откако училиштето пријавило дека повеќе ученици се пожалиле на стомачни проблеми. Во контролата се вклучени и екипи од Државниот санитарен и здравствен инспекторат, Институтот за јавно здравје и Центарот за јавно здравје.Кујната што го снабдува училиштето со храна е привремено затворена додека траат проверките за да се утврди дали станува збор за можно труење.Од АХВ ја пренесуваат следната информација:„Согласно Националниот протокол за постапување при сомнеж за труење со храна, ќе се спроведе епидемиолошка анкета и земени ќе бидат мостри од инкриминирана храна, работни површини и прибор и машини за лабораториско тестирање“, информираат од АХВ.По завршувањето на сите анализи и контролни активности, институциите најавуваат дека јавноста ќе биде навремено информирана за резултатите и за мерките што ќе бидат преземени.

Скопје | пред 5 месеци

Помош пристигнува од Будимпешта: „Унгарија нема да дозволи Србија да остане без енергетски извори“, порача Сијарто

Унгарскиот министер за надворешни работи Петер Сијарто денеска допатува во Белград, каде што разговара со српските власти за начините на кои Унгарија може да ѝ помогне на Србија по прекинот на испораките на нафта од Хрватска. Тој ја соопшти целта на посетата во видео-порака објавена на неговиот профил на „Фејсбук“.„Србија е во тешка позиција. Ние, Унгарците, јасно, ќе им помогнеме на Србија и на српскиот народ и на српската економија, а деталите за оваа помош ќе ги разговараме денеска во Белград“, порача Сијарто во видеото.Посетата доаѓа само еден ден откако српскиот претседател Александар Вучиќ предупреди дека рафинеријата НИС – која е под контрола на руски „Газпром“ – може да ја прекине работата за четири дена доколку САД не ги ревидираат новите санкции. Застојот во производството би можел да создаде сериозни проблеми со снабдувањето со нафтени деривати во пресрет на зимата.Вашингтон минатиот месец воведе санкции за НИС како дел од мерките против компании поврзани со Русија поради војната во Украина. Како последица на тоа, Хрватска го стопираше транспортот на сурова нафта кон Србија, оставајќи ја земјата во исклучително незавидна позиција.Сијарто уште во април најави дека е во подготовка проект за нафтовод кој би ја поврзал Унгарија со Србија. Според неговата изјава, оваа инфраструктура би можела да профункционира до 2028 година и да ги задоволува речиси сите српски потреби за сурова нафта, пренесувајќи четири до пет милиони тони годишно.Односите меѓу двете земји последните години значително се продлабочија, а Војводина, Белград и Будимпешта интензивно соработуваат, паралелно продолжувајќи да одржуваат блиски врски со Москва. Сијарто и Вучиќ се меѓу европските лидери кои најотворено соработуваат со Русија.Според агенцијата Танјуг, по средбата на министрите во Белград, шефот на српската дипломатија Марко Ѓуриќ изјави дека темите на разговор вклучувале забрзување на изградбата на нови нафтоводи и гасоводи што треба да ја подигнат енергетската сигурност во Србија и Унгарија.„Јасно е дека во времето во кое живееме, не можеме да зависиме само од еден правец на снабдување... ако сакаме да создадеме добри економски услови, ова е услов без кој не може да се направи“, истакна Ѓуриќ.На заедничката прес-конференција, Сијарто повтори дека сите технички детали за унгарската поддршка ќе бидат финализирани во Белград и подвлече: Унгарија нема да дозволи Србија да остане без енергетски извори.

Свет | пред 5 месеци