Најнови вести

3 нед.

eZy-Watermark_26-08-2023_12-39-40-1670PM

СДСМ: Сè е договорено, Обвинителството се заплетка со притворот за Груби

На граѓаните им веќе јасно и знаат сè. Разоткриенo е секое делче од договореното сценарио и политичките дилови со кои се урна правата држава. Режирана претстава на границата. Со наочари, насмевка, лисици. Фалеше уште црвен килим за Груби, велат од опозициската партија СДСМ.„Смислено сценарио и пречек со медиумска поддршка на 40% од медиумите под контрола ВМРО преку Орбан.Потоа крешендо со одредување куќен притвор од обвинителството и сдуството под контрола на ВМРО-ОКГ.И на крај целосно разобличување.Обвинителството соопшти дека МВР на Тошковски и АНБ на Христовски дале проценка дека Груби „не бил безбеден“ во „Шутка“, па затоа предложиле куќен притвор.Излезе директорот на затворот Шутка, го демантираше Обвинителството. Јавно рече дека ниту МВР ниту АНБ не се обратиле и не побарале мислење.Нема подобра потврда од ова дека сè е договорено и дека јавноста само се лаже.Сè е договорено.Можеби ваквите сценарија им поминуваа со години наназад, но повеќе не поминуваат – разоткриени се“, се вели во соопштението.

Македонија | пред 3 седмици

3 нед.

Грчкото министерство за финансии предлага затвор и построги казни за нелегално коцкање

Грчкиот министер за финансии, Киријакос Пјеракакис, во четврток го претстави предлог-законот кој воведува построги казни, вклучително затворски казни и затворање на бизниси, како дел од напорите за справување со нелегалниот коцкарски пазар.Министерството има за цел да блокира пазар кој, според официјални податоци, годишно надминува 1,6 милијарди евра.Според предлог-законот, лицата кои организираат игри без лиценца би можеле да се соочат со затворски казни и парични глоби, додека оние кои учествуваат во коцкарски игри ќе се соочат со подолги казни затвор и уште поголеми глоби.Податоците на Грчката комисија за игри на среќа (EEEP) покажуваат дека во 2024 година речиси 800.000 лица се коцкале на нелиценцирани веб-страници и нелегални казина. EEEP составила црна листа на нелегални онлајн платформи која брои речиси 11.000 веб-страници.

Свет | пред 3 седмици

3 нед.

44954278_1480792018717983_2307963765280210944_n

Жичницата на Водно не работи поради силен ветер

Јавното сообраќајно претпријатие - ЈСП Скопје ги известува своите корисници дека денес (26.02.26), жичницата на Водно нема да биде во функција поради засилен ветер.„Јачината на ветерот ги надминува дозволените граници како објектот би функционирал непречено и безбедно.Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците“, велат од ЈСП.

Скопје | пред 3 седмици

3 нед.

Шпанија забранува продажба на енергетски пијалаци за малолетници

Министерот за социјални права и потрошувачка на Шпанија, Пабло Бустиндуј, најави дека земјата ќе ја забрани продажбата на енергетски пијалаци на лица помлади од 16 години, како и на лица под 18 години доколку станува збор за пијалаци што содржат повеќе од 32 милиграми кофеин на 100 милилитри.Како што пренесува ЕФЕ, Бустиндуј изјавил дека енергетските пијалаци „станале закана за здравјето на младите“, посочувајќи дека прекумерната консумација доведува до нарушувања на сонот, промени во однесувањето и кардиоваскуларни заболувања.Тој најави дека регулативата ќе биде донесена со најефикасниот правен инструмент за да стапи во сила во најкус можен рок, без да прецизира датум за почеток на примената.Според податоци на Шпанска агенција за безбедност на храна и исхрана (AESAN), девет од десет граѓани ја поддржуваат забраната, а поддршката кај младите на возраст од 18 до 35 години изнесува 88,3 проценти.Истражувањето покажува дека околу 25 проценти од испитаниците консумираат енергетски пијалаци, во просек двапати неделно, додека речиси половина од тие што ги пијат консумираат најмалку еден дневно. Дополнително, 47 проценти од нив редовно ги мешаат со алкохол.Новата регулатива ќе се надоврзе на веќе постојната забрана за продажба на енергетски пијалаци во училиштата низ Шпанија, воведена од Министерството за потрошувачка.Во извештај од 2021 година, AESAN предупреди дека прекумерниот внес на кофеин може да предизвика несакани ефекти, вклучително нарушувања на сонот, психолошки последици, промени во однесувањето и кардиоваскуларни проблеми.

Свет | пред 3 седмици

3 нед.

Попевиќ за Дачиќ: Успеавме да ја стабилизираме неговата состојба, прерано е за какви било прогнози

Потпретседателот на Владата на Србија и лидер на Социјалистичка партија на Србија, Ивица Дачиќ, вчера е хоспитализиран на Клиниката за пулмологија при Клинички центар на Србија поради тешка форма на воспаление на белите дробови.Помошник-директорот за пулмологија, Спасоје Попевиќ, изјави дека Дачиќ и натаму се наоѓа во тешка здравствена состојба и е приклучен на механичка вентилација, пренесува Блиц.рс„Борбата продолжува. Пациентот е на механичка вентилација и во овој момент успеавме да ја стабилизираме неговата состојба. Прерано е за какви било прогнози. Ситуацијата во моментов е постабилна отколку при вчерашното обраќање“, изјави Попевиќ, апелирајќи до медиумите за разбирање кон семејството и блиските на министерот.Претседателот на Србија, Александар Вучиќ, рано утринава го посетил Дачиќ во болницата.Од Клиниката најавија дека јавноста ќе биде редовно информирана за неговата здравствена состојба.

Свет | пред 3 седмици

3 нед.

Силен земјотрес од 5,1 степени ги погоди Курилските Острови

Курилските Острови на рускиот Далечен Исток денеска беа погодени од земјотрес со јачина од 5,1 степен според Рихтеровата скала, соопшти Европско-медитерански сеизмолошки центар.Епицентарот на земјотресот бил во отворено море, на длабочина од шест километри и на оддалеченост од 354 километри од Петропавловск-Камчатски.Засега нема извештаи за евентуални жртви и материјална штета.Не е издадено предупредување за опасност од цунами.

Свет | пред 3 седмици

3 нед.

Трамп жестоко го нападна Роберт Де Ниро: Болна и дементна личност

Доналд Трамп остро го коментираше Роберт Де Ниро во објава на социјалната мрежа Truth Social, во екот на нивниот долгогодишен јавен судир.Трамп го нарече оскаровецот „болна и дементна личност“, откако Де Ниро во неодамнешно интервју за подкастот „The Best People With Nicole Wallace“ се бореше со солзите, повикувајќи ги Американците да му се спротивстават на Трамп.„Oпседнатиот Роберт Де Ниро е уште една болна и дементна личност со, верувам, исклучително низок коефициент на интелигенција, која апсолутно нема поим што прави или зборува, а дел од тоа е сериозно криминално! Кога синоќа го гледав како се расплакува како дете, сфатив дека можеби е уште поболен од лудата Рози О'Донел, која моментално е во Ирска и се обидува да сфати како да се врати во нашите прекрасни Соединети Американски Држави. Единствената разлика меѓу Де Ниро и Рози е тоа што таа веројатно е малку попаметна од него, што и не е некаков успех. Добрата вест е дека Америка сега е поголема, подобра, побогата и посилна од кога било, и тоа целосно ги излудува“, напиша Трамп.Во нова објава Трамп порача дека Де Ниро треба да се качи на брод и да ја напушти земјата заедно со конгресменките Илхан Омар и Рашида Тлаиб, кои пред крајот на неговото обраќање за состојбата на нацијата ја напуштиле салата и му дофрлале во знак на негодување, пренесува Варајети.„Кога ги гледате Илхан Омар и Рашида Тлаиб со низок коефициент на интелигенција како синоќа неконтролирано врескаа за време на многу елегантното обраќање за состојбата на нацијата, толку важен и убав настан, со ококорени, крвави очи како луди лица, ментално нарушени и болни кои, искрено, изгледаат како да треба да бидат институционализирани. Кога луѓето можат така да се однесуваат, а знаеме дека се расипани и корумпирани политичарки, толку лоши за нашата земја, треба да ги испратиме назад од каде што дошле — што е можно побрзо. Тие можат само да ѝ нанесат штета на Соединетите Американски Држави, не можат да направат ништо за да ѝ помогнат“, напиша Трамп.Во разговор со Никол Волас, Де Ниро оцени дека Трамп „ја уништува“ Америка и додаде:„Тоа е болно, тоа е изопачено. Мораме да ја спасиме земјата. Луѓето мора да пружаат отпор, отпор, отпор, отпор, отпор. Тоа е единствениот начин. Не постои магично решение. Луѓето нема едноставно да исчезнат, дури и ако Трамп по некоја причина почине од болест или нешто слично. Делови од тоa движење и понатаму постојат, и тоа е застрашувачки. Граѓаните мора да го неутрализираат“, рече Де Ниро.

Свет | пред 3 седмици

3 нед.

Трамп издаде наредба: Да се стави крај на убивањето во Украина

Американскиот претседател Доналд Трамп му наредил на американскиот преговарачки тим за ставање крај на војната во Украина да се обиде да „го запре убивањето“, изјави денеска потпретседателот на САД, Џеј Ди Венс.Според него, САД водат „многу внимателни преговори“ и со Русите и со Украинците, пренесува Фокс њуз.„Очигледно е дека Русите имаат одредени црвени линии, Украинците имаат одредени црвени линии, а претседателот Трамп го задолжи целиот тим, почнувајќи од државниот секретар Марко Рубио па натаму, да се обиде да го запре убивањето. Тоа е многу тешко“, рече Венс.Тој призна дека завршувањето на војната во Украина е „многу потешко“ отколку што Трамп претходно верувал, додавајќи дека сепак смета оти е постигнат напредок.„Мислам дека напредуваме и со Русите и со Украинците и ќе продолжиме да работиме на тоа. На крајот, или ќе успееме или нема“, изјави Венс.Претседателот на Украина, Володимир Зеленски, претходно најави дека украинската економска делегација, предводена од секретарот на Советот за национална безбедност и одбрана Рустем Умеров, ќе отпатува во Женева на преговори со американската делегација.Целта на разговорите ќе биде не само дискусија за ставање крај на војната, туку и за економската соработка меѓу Украина и САД.Зеленски потоа разговарал со Трамп за прашањата што ќе бидат на дневен ред на билатералната средба на претставниците на двете земји во Женева.Шефот на кабинетот на Зеленски, Кирило Буданов, изјави дека следната рунда мировни преговори меѓу Украина и Русија, со посредство на САД, би можела да се одржи кон крајот на неделата.Тој истакна дека и следната размена на воени заробеници меѓу Русија и Украина би можела да се случи оваа недела и да биде пообемна од претходната, кога биле разменети 157 заробеници.Претходната рунда преговори се одржа во Женева на 17 и 18 февруари.

Свет | пред 3 седмици

3 нед.

КК Работнички: На играчите им се должат осум плати, тимот функционира во недостоинствени услови, без основна опрема

Најтрофејниот македонски клуб се соочува со финансиски колапс. Играчите и стручниот штаб јавно објавија дека не примиле плата осум месеци. Кошаркарите тврдат дека состојбата е алармантна. Велат дека ветувањата не се исполнети, а спортскиот директор не одговарал на повиците.Ние, играчите и стручниот штаб на кк Работнички, сме принудени јавно и недвосмислено да реагираме поради крајно неприфатливата и понижувачка состојба во која се наоѓа тимот, како и поради игнорантскиот однос на раководството и локалната власт кон луѓето кои секојдневно го бранат грбот на клубот.Со месеци наназад предупредуваме дека ситуацијата е алармантна, но место решенија, добиваме молк, празни ветувања и избегнување одговорност. Во овој момент на играчите им се должат осум плати, што претставува директен удар врз нашата егзистенција, нашите семејства и нашето достоинство како професионалци. Ова не е само финансиски проблем — ова е системско непочитување на луѓето кои го претставуваат клубот.Тимот функционира во недостоинствени услови, без основна опрема, без елементарна логистика и со постојана неизвесност околу најосновните организациски прашања. На патувања сме оставени сами на себе, без сигурен превоз, па често навивачите ги покриваат овие трошоци. Ова е срам за клуб со ваква историја и реноме.Дополнителен врв на непочитување е фактот што ниту играчите, ниту стручниот штаб не беа поканети на официјалното отворање на реновираната сала — нашата „куќа“. Овој чин јасно покажува колку малку се ценат луѓето кои секојдневно се борат за грбот и угледот на клубот.Јавно констатираме дека ветувањата дадени од градоначалникот не се исполнети, всушност, слободно можеме да кажеме дека тој неколку пати не излажа, а спортскиот директор со недели не одговара на телефонските повици и пораките, со што практично ја прекина секоја форма на комуникација со тимот. Ваквиот однос го сметаме за неодговорен и недозволив.Доколку во најкраток можен рок не се подмират заостанатите обврски и не се преземат конкретни и видливи чекори за стабилизација на клубот, јавно соопштуваме дека нема да ги играме следните натпревари. За оваа одлука целосната одговорност ќе ја сносат раководните структури и институциите кои дозволија клубот да дојде до оваа состојба.Ние не бараме привилегии — бараме основни услови за работа, почит и исполнување на договорените обврски. Секое понатамошно игнорирање ќе значи директно уништување на спортскиот интегритет на клубот и ќе ја информираме целокупната јавност и релевантните институции за сите наредни чекори.Во интерес на вистината, навивачите и македонската кошарка, бараме итна и транспарентна реакција. Работнички е поголем од сите поединци, но без луѓето кои играат и работат во него — клуб нема.Остануваме обединети, но решителни да се избориме за нашите права и достоинство“, се вели во објавата на социјалните мрежи.

Спорт | пред 3 седмици

3 нед.

Следната недела почнува реконструкција на аеродродмот во Охрид, инаку до скоро беше нелегален објект, вели Николоски

Следната недела започнуваме со прва реконструкција на охридскиот аеродром, прва од неговата изградба. За овие година и половина поминавме тежок процес, но успеавме да го легализираме аеродромот. Во меѓувреме работиме на Договор со Саудиска Арабија во делот на ависоообраќајот и очекувам да воспоставиме директна линија меѓу двете земји, вели во поткастот на ТВ Сител, вицепремиерот и министер за транспорт Александар Николоски.„Веќе поминавме протокол за Договор со Саудиска Арабија, очекуваме во следните месец дена да го преговараме, да го потпишеме и да имaме директен лет од Саудиска Арабија до Скопје од еден од тамошните аеродорми. Следната недела почнуваме со реконструкција на аеродродмот во Охрид, прва реконструкција од тој тип од неговото градење. Инаку до скоро беше нелегален објект, го имавме пред нас но на хартија го немаше. Успеваме да го легализираме, што е срамно за државата да еден од двата аеродроми да го немаш на хартија. Тоа беше тежок процес затоа што треба да впишете цела инфраструктура. Но тоа е завршено и следно е реконструкцијата што ќе донесе повеќе летови и патници и очекувам туристичкиот дел да се насочи таму, а бизнис делот да доаѓа во Скопје” истакна вицепремиерот Николоски.Тој вели дека за овие година и половина значително се развива ависообраќајот и го потенцира фактот што до сега се воспоставија 23 нови дестинации од домашните аеродроми што за Македoнија е огромно достигнување.

Македонија | пред 3 седмици

3 нед.

84-годишна битолчанка остана без 9.600 евра: Ја измамиле дека ќерка и треба да прави операција

На 25.02.2026 во 16:00 часот во СВР Битола, 84-годишна битолчанка пријавила дека била измамена од едно лице за сума од 9.600 евра.Според пријавеното, претходно лицето ѝ се јавило, се претставило како лекар и ѝ кажало дека нејзината ќерка се здобила со скршеници и било потребно да се направи итна операција за што требало да плати.Како што е пријавено, таа ги дала парите на едно лице кое дошло пред нејзината зграда, а откако подоцна се слушнала со нејзината ќерка сфатила дека е измамена.Се преземаат мерки за расчистување на случајот.

Македонија | пред 3 седмици

3 нед.

Швајцарија ќе исплати по 56.000 долари за жртвите од пожарот во Кранс-Монтана

Швајцарските власти најавија финансиска поддршка за повредените и за семејствата на загинатите во трагичниот пожар што изби на новогодишната ноќ во бар во ски-центарот Кранс-Монтана. Во несреќата животот го загубија 41 лице, а 115 беа повредени.Владата соопшти дека ќе исплати по 56.000 долари за секое лице што починало или било хоспитализирано, наведувајќи дека станува збор за гест на солидарност и поддршка кон погодените семејства.Дополнително, најавена е средба меѓу семејствата на жртвите, повредените, претставници на владата и осигурителните компании со цел да се постигне договор и да се избегнат долготрајни судски постапки. За таа намена се планирани вкупно 20 милиони долари.Покрај тоа, предвидено е префрлање на 8,5 милиони долари на кантоналните власти за покривање на вонредните трошоци поврзани со интервенцијата и последиците од несреќата.Според досегашните информации, пожарот избувнал кога таванот на барот се запалил од искри од прскалки. Меѓу жртвите има голем број тинејџери и странски државјани.

Свет | пред 3 седмици

3 нед.

СДСМ: Тендер коалицијата ВМРО-ОКГ/ЗНАМ против работниците

Пратениците на тендер коалицијата ВМРО-ОКГ/ЗНАМ застана против работниците, одбија зголемување на минималната плата на 600 евра и не гласаа за Законот на СДСМ. Се потврди она што го говори СДСМ цело време. За ВМРО-ОКГ/ЗНАМ важни се само криминалните тендери и луксузирањето а работниците и граѓаните се неважни, велат од опозициската СДСМ.„Има пари за нивните 161 тендер за една фирма, за 51 тендер за друга, има пари за 74 тендери за трета, има пари за 1,2 милиони евра за фирмата блиска до ЗНАМ преку Пошта.Нема пари за работниците, има само за луксузирање и криминални тендери.Владата на Мицкоски постојано се задолжува, пари обезбедуваат врз грбот на народот ама за криминални тендери а не сакаат да обезбедат пари за плати за работниците.Одбивањето на законот е директен удар врз животниот стандард на граѓаните и на над 200 илјади работници. Во услови кога синдикалната кошничка надминува 67.000 денари, кога храната, струјата и основните трошоци растат од месец во месец, ВМРО-ОКГ ги изневери работниците.СДСМ понуди реално и одржливо решение – со ребаланс на Буџетот и пренамена на пари од луксузи, како мебел, коли, авион, да се обезбедат пари за 600 евра плата, како што заслужуваат работниците.СДСМ нема да се откаже. Ќе продолжиме да се бориме за поголеми плати, за работниците, за граѓаните“, се вели во соопштението.

Македонија | пред 3 седмици

3 нед.

ВМРО-ДПМНЕ: Дали ексфункционерите на СДС се исплашени од исказите на Груби кои може да ги доведат пред органите на прогонот?

Соработката и партнерството на СДС со екс вицепремиерот Артан Груби излезе на површина. СДС со години молчеа и го толерираа милионскиот криминал на Груби се со цел да останат ден повеќе на власт и да не им се растури коалицијата со ДУИ, велат од ВМРО-ДПМНЕ.„Милионски криминали и злоупотреби се случувале во Државна лотарија под покровителство на СДС и ДУИ. По апсењето на Артан Груби, СДС се во целосна конфузија и нервоза пoради стравот од сведочењето на Груби и евентуалните искази што би можело да допрат и до поранешни високи функционери на СДС.Изјавата на потпретседателката на СДС, Јованка Тренчевска, дека одлуките на Владата биле колективни и дека доколку се утврди вина „сите треба да одговараат“, отвора сериозни прашања. Дали ова претставува индиректно признавање на одговорност? Дали станува збор за обид за релативизирање на индивидуалната вина?Дали СДС застанува во одбрана на Артан Груби и дали раководството на партијата е подготвено да понесе колективна одговорност за одлуките донесени во време на нивното владеење?Јавноста има право да знае. Дали СДС го брани Груби во врска со наводите за штета од над 8 милиони евра врз државниот буџет?Дали поранешните функционери се подготвени да застанат пред органите на прогонот и да ја докажат својата невиност?Зошто по отворањето на случајот се менуваат ставовите и реториката?Очекуваме надлежните институции да постапуваат професионално, транспарентно и без селективност. Одговорност мора да има, без разлика на функција, партиска припадност или политичко влијание.Граѓаните заслужуваат правда, отчетност и целосна транспарентност“, се вели во соопштението.

Македонија | пред 3 седмици

3 нед.

Албанскиот претседател со свечен прием во Чаир, потоа посета на чаршијата и споменикот на Скендербег

Претседателот на Република Албанија Бајрам Бегај денеска и утре ќе престојува во посета на земјава.Бегај денеска ќе има средба со градоначалникот на Чаир Изет Меџити, а утре ќе биде пречекан од претседателката Гордана Сиљановска – Давкова и ќе има средби со претставници на државниот врв.Од Општина Чаир соопштија дека градоначалникот Меџити, во духот на унапредување на институционалната соработка и консолидирање на одличните билатерални односи, денеска со свечен прием во Општината ќе го пречека албанскиот претседател Бегај, кој ќе престојува во официјална посета на нашата држава.По средбата, заедно со придружната делегација, ќе се упатат кон џамијата Мустафа Паша, а ќе ја посетат и Старата чаршија, каде што ќе положат цвеќе на споменикот на националниот херој Ѓeрѓ Кастриот – Скендербег, проследено со изведба на националната химна и културно-уметничка програма од Државниот ансамбл.

Македонија | пред 3 седмици

3 нед.

Расте бројот на жртви во Бразил: 46 загинати, 21 лице се води како исчезнато

Бројот на жртви во поплавите во бразилската сојузна држава Минас Жераис се искачи на 46, додека 21 лице се води како исчезнато, соопштија властите.Поплавите и свлечиштата ги погодија градовите Жуиз де Фора и Уба, кои се оддалечени околу 110 километри, ги принудија околу 3.600 луѓе да ги напуштат своите домови, пренесе Ројтерс.Иако дождовите престанаа во вторникот навечер, властите и волонтерите и натаму работат на помош за луѓето кои ги загубија своите домови. Градоначалничката на Жуиз де Фора, Маргарида Саломау, ги повика жителите од високоризичните подрачја да ги напуштат тие места и да побараат засолниште.Забрзана е и помошта од сојузната влада на Бразил, која испрати здравствени тимови и експерти за национална одбрана.Поплавите и свлечиштата во Бразил стануваат сè почеста појава за време на летната дождовна сезона, која трае од декември до март и носи интензивни врнежи и природни непогоди.Овој февруари, градот Жуиз де Фора забележа највисоко ниво на врнежи во својата историја, повеќе од двојно над вообичаените количини за овој месец.

Свет | пред 3 седмици

3 нед.

Филипче: Се појави бегалец кој што е на листа, мирно, смирено, со наочари, со насмевка, недостасуваше уште црвен килим

Со доаѓањето на Артан Груби се случи урнисување на правниот систем на државата, нагласи претседателот на Социјалдемократскиот сојуз на Македонија, д-р Венко Филипче, во „Тема на денот“, на телевизија Сител.Филипче посочи дека по начинот на кој беше спроведено е очигледно дека договор има.„Сите видоа што се случи на граничниот премин Блаце тој ден, тоа утро во државата се случи урнисување на правниот систем, се случи целосно губење на довербата на сите граѓани. Се појави бегалец кој што е на листа, луѓе кои ги бараат во државата, се појави елегантно, мирно, смирено, со наочари, со насмевка, му ставија лисици луѓе кои што претходно беа дојдени, полицајци, не полицајците кои што се, кои работат на граничниот премин, имаше камера која го снимаше сето тоа, единствено нешто што недостасуваше беше црвен килим“, рече Филипче.Тој посочи дека граѓаните веќе чувствуваат страв поради тоа што изгубија верба дека оваа власт може да испорача конкретни резултати за напредокот на државата.„Стравот е кај сите граѓани, дека оваа држава нема да ја биде. И стравот им е оправдан, затоа што видоа што и како се прават тие договори. Граѓаните не се ниту слепи, не се ниту глуви, не се ниту наивни. Се случи целосно губење на довербата на сите граѓани, на сите луѓе кои што живеат во оваа држава, дека ова власт може да испорача тоа што треба, нешто што треба – реформи, вистинска правда, и тоа се случи на очите на сите граѓани“, рече Филипче.Во интервјуто Филипче посочи дека никој повеќе не може да ги излаже граѓаните и покрај силната пропагандна машинерија на ВМРО.„40% од медиумите се контролирани од ВМРО-ДПМНЕ, тоа се Орбановите медиуми кои што шират дефетизам, кои што шират анти ЕУ пропаганда, се вклучија да го одбранат, а тоа едноставно не се брани. Такви политички договори во кои што судството и обвинителството испорачуваат тоа што треба во интерес на некакви непринципиелни политички договори, не му носи добро на никој“, рече Филипче.

Македонија | пред 3 седмици

3 нед.

Се навршија 22 години од смртта на Борис Трајковски

Денеска ќе биде одбележана 22-годишнината од смртта на поранешниот претседател на Република Македонија Борис Трајковски кој заедно со членови од неговиот Кабинет загина во авионска несреќа во близина на Мостар.Во авионска несреќа што се случи на 26-ти февруари 2004 година загина претседателот на Република Македонија Борис Трајковски и осумчлена македонска делегација која патуваше на Меѓународна конференција во Мостар.За несреќата која се случи во атарот на Матиќ Брдо кај селото Хусковиќи, во близина на Мостар, за причините за падот на „Кингерот“, за тоа дали се случила авионска несреќа или било „тероризам“, од тогаш досега беа изврешени две истраги и објавени два извештаја, на две комисии со кои раководеа Салко Бегиќ и Омер Кулиќ, а во кои учествуваа и македонски експерти.И во двата извештаја, кои се разликуваат, сепак, како причина за падот на „Кингерот“ се наведуват пилотски грешки и други индиректни системски пропусти.Во авионската несреќа покрај претседателот Борис Трајковски, животот го загубија портпаролот Димка Илкова Бошковиќ, советниците Ристо Блажевски и Анита Лозановска, претставникот на Министерството за внатрешни работи Миле Крстевски, телохранителите Аце Божиновски и Борис Велиновски, како и пилотот и копилотот на авионот.

Македонија | пред 3 седмици

3 нед.

Левица: Дури ни Груби првично не се пожалил на безбедносен ризик - ДПМНЕ преку АНБ и МВР без проценка го испратија дома

Фарсата на ДПМНЕ и Артан Груби оди дотаму што, првично, дури ни самиот Груби не пријавил дека се чувствува небезбедно. Директорот на истражниот затвор јавно соопшти дека нема поплаки, дека е извршен лекарски преглед и дека неговата безбедност е гарантирана. Само неколку часа подоцна, Министерството за внатрешни работи на чело со Панче Тошковски и Агенцијата за национална безбедност со Бојан Христовски, презентираат проценки без воопшто да направат каква било проценка, дека неговата безбедност не може да се гарантира, по што обвинителството го прифаќа тоа како клучен аргумент за замена на притворот со куќен притвор, велат од Левица.„Ова отвора сериозно прашање за кредибилитетот и мотивите зад ваквата „проценка“. Ако не постоела конкретна пријава, ако надлежните во затворот тврдат дека безбедноста е обезбедена, тогаш од каде произлегува драматичната промена на наративот во рок од неколку часа? Очигледно, станува збор за конструирано алиби за поблага мерка. Јавноста има право на јасен и аргументиран одговор, не на контрадикторни изјави, а сега и молк од МВР и АНБ.Но, дури и хипотетички да постои одреден безбедносен ризик, обезбедувањето сигурност во притворските установи е директна надлежност и обврска токму на државните институции. Ако тие проценуваат дека постои ризик, тогаш нивна должност е да го неутрализираат преку засилени мерки на обезбедување, изолација или посебен режим во рамки на затворот, а не магично да ја укинуваат мерка. Во спротивно, државата испраќа порака дека не е способна да го спроведе сопствениот систем на притвор, или дека не сака да го спроведе кога станува збор за високи функционери.Особено загрижува што станува збор за лице кое 14 месеци беше во бегство и за кое е распишана меѓународна потерница, осомничено за злоупотреби во милионски износи. По секоја правна логика, тоа е отежнителна околност. Наместо тоа, добиваме повластен третман заснован на флоскули од институции под раководство на ДПМНЕ. Прашањето што се наметнува е едноставно: дали истиот стандард би важел за обичен граѓанин? Колку притвореници без политичка тежина добиле куќен притвор затоа што државата не можела да им гарантира безбедност?Левица оценува дека ваквата одлука создава опасен преседан безбедносните служби да станат инструмент за релативизирање на притворот кога станува збор за политички елити. Безбедноста не смее да биде изговор за привилегија. Ако државата не може да обезбеди сигурност во сопствен затвор, тоа е пораз на институциите. Ако може, а сепак одлучува поинаку, тогаш станува збор за селективна правда. Во двата случаи, одговорноста директно посега по ДПМНЕ“, се вели во соопштението.

Македонија | пред 3 седмици

3 нед.

Вучиќ: Го посетив Дачиќ утрово и подобро е

Претседателот на Србија, Александар Вучиќ, изјави дека утрово е малку подобра состојбата на министерот за внатрешни работи, Ивица Дачиќ, кој вчера беше примен во болница со тешко воспаление на белите дробови и е во тешка здравствена состојба, интубиран и на респиратор.Вучиќ го посети Дачиќ утрово пред да замине за Казахстан, а на Инстаграм од авионот напиша дека лекарите велат дека на Дачиќ му е нешто подобро и оти верува во него.– Го посетив Ивица утрово и Дачиќ е подобро, тоа е добра вест, секако претпазливост е и понатаму неопходна и ништо не е извесно, но подобро е, на радост на неговото семејство и на сите луѓе кои го сакаат – рече Вучиќ во говорната порака објавена преку Инстаграм.Потпретседателот на Владата на Србија и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија при Клиничкиот центар на Србија поради тешко воспаление на белите дробови. Помошник-директорот за пулмологија, Спасоје Попевиќ, синоќа за Танјуг изјави дека ситуацијата е многу тешка и оти Дачиќ има тешка пневмонија и дека претстојните 72 часа ќе бидат клучни.– Моментално е на механичка вентилација – респиратор, го добива сето она што е потребно, сите лекови, терапијата. Со тој респиратор, кој е начин на лекување, ние купуваме време кое е потребно за тие лекови да делуваат и се бориме за неговиот живот – рече Попевиќ. Тој прецизираше дека министерот Дачиќ е хоспитализиран во 16:30 часот и додаде дека не може да дава никакви прогнози.

Свет | пред 3 седмици

3 нед.

Студено утро со минусни температури, 88 сантиметри снег на Попова Шапка

Утрово најниска минимална температура од минус 4 степени е измерена во Берово, додека минус 3 се регистрирани на Попова Шапка и минус 2 во Маврови Анови, Битола и Струмица. Минус 1 степен е измерен во Скопје-Петровец, Охрид, Тетово, Крива Паланка и Крушево.Нула степени се измерени во Демир Капија, Претор, Прилеп, Велес и Пожаране, додека 2 степени во Ѓуриште, Виница, Кавадарци и Гевгелија. Најтопло утрово со 3 степени било во Куманово, Штип и на Скопје-Зајчев Рид.Снежна покривка има само на Попова Шапка, каде се измерени 88 сантиметри снег.Времето денеска ќе биде сончево со мала до умерена локална облачност. Ќе дува слаб до умерен северен ветер, кој долж Повардарието повремено ќе засилува, особено во претпладневните часови. Максималната дневна температура ќе се движи во интервал од 9 до 16 степени.Во Скопје ќе преовладува сончево време со мала до умерена облачност и слаб до умерен ветер од северен правец. Максималната температура во главниот град ќе достигне до 14 степени.

Македонија | пред 3 седмици

3 нед.

49897048_790481834626792_8482295156714766336_n_790481831293459

Сончево со мала до умерена локална облачност

Времето денеска ќе биде сончево со мала до умерена локална облачност. Ќе дува слаб до умерен, а наместа вдолж Повардарјето повремено засилен ветер од северен правец, особено претпладне. Минималната температура ќе биде во интервал од -4 до 5, а максималната ќе достигне од 9 до 16 степени.Во Скопје ќе биде сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 0, а максималната ќе достигне до 14 степени.До крајот на оваа и во почетокот на следната седмица нашето подрачје ќе се наоѓа во поле на висок воздушен притисок. Времето ќе биде сончево со мала до умерена облачност, освен во сабота кога ќе има зголемено наоблачување. Од петок по одделни котлини ќе има услови за појава на утринска магла.

Македонија | пред 3 седмици

1 мес.

(ВО ЖИВО) Министерката Јаневска: Во Владата нема лица со купени дипломи

Со реформите во образованието и новиот Закон за високо образование, кој е во постапка на донесување, се работи на укинување на правните студии на приватните факултети како дел од реформските мерки, најави во „Претрес со Ландов”, министерката за образование и наука, Весна Јаневска.„Од нешто што е решение во предлог законот нема да отстапам, па макар да платам и политичка цена. Но од нешто мора да се отстапи и да има договор”, вели Јаневска.Во администрацијата има, но вели не е нејзина работа да испитува дали колеги министри или функционери имаат купени дипломи.„Не верувам дека има во Влада, ова е најдобрата Влада.Такви луѓе со купени дипломи не познавам, иако некои дипломи не вредат”, одговори министерката.За магистратурата на Филков за време на функцијата министер Јаневска не одговари конкретно.„Секој со својот интегритет”, вака одговари на прашањето дека менторката за магистраутрата му е професорката Ивана Шумановска-Спасовска која во 2023 година била во првите редови кога се основала партијата ЗНАМ од каде тој дојде како министер.Јаневска не одговори, бидејќи вели не знае колку чини купена диплома и тоа можат новинарите да го остражат.Универзитетот на Мерко се уште работи иако таму е пратена инспекција.За сите високо образовни институции каде што се работи незаконски, вели Јаневска, ќе има санкции.Следете во живо:

Скопје | пред 1 месец

1 мес.

(ВО ЖИВО) Јаневска: Апсолутно верувам дека нема договор меѓу ВМРО-ДПМНЕ и ДУИ за враќањето на Груби

Гостин во „Претрес со Ландов” е министерката за образование и наука Весна Јаневска.Јаневска говори за состојбите и реформите во образованието, купување дипломи, како и за политиката.За Артан Груби вели не може да биде добар пример за младите, не беше добро играњето фудбал во канцеларијата„Не можам да тврдам за чесноста на Груби, но некои постапки не ми се допаѓаа, имаше и афери за проневери. Добро е што е конечно во Македонија и важно беше приведен. За одредувањето домашен притвор, надлежните одлучиле дека така треба да биде. За прв момент е доволно што е вратен. Тоа е негов стил. Цело време така горделиво и моќно се однесува. Не сум го видела налутен тоа е дел од негов карактер. Апсолутно верувам дека нема дил меѓу ВМРО-ДПМНЕ и ДУИ за враќање на Груби”, вели Јаневска.Верува дека е тешко да си во бегство иако не знае зошто Груби се вратил во Македонија. Тоа се случи на 23 февруари, истиот ден кога пред 5 години по исчезнувањето неколку дена сам се врати и Сашо Мијалков.Дали на 23 февруари 2027 ќе се врати во Македонија и Никола Груевски?„Никола Груевски долго беше премиер и добри работи направи за Македонија. Ако било оценето дека животот му е во опасност можеби е добро што излегол од земјата. Ако не му е во опасност сега животот може и да се врати, иако не можам во негово име да предвидам дали на 23 февруари следната година Груевски ќе се врати во Македонија. Не застанав во одбрана на Груевски. Во еден период ни се разидоа патиштата, но во обид на фракција на една голема парртија”, вели Јаневска.Таа посочи дека и Љубчо Георгиевски има заслуги за Македонија, не се гледа со него и имаат разлики во ставовите.Бугарски пасош нема.Следете во живо:

Скопје | пред 1 месец

1 мес.

(🔴ВО ЖИВО) „Претрес“ на Јаневска: Штанцање на закони, купување дипломи, ниска култура, (не)писменост, политика

Ако дипломата не вреди, ако професорот не е почитуван, ако ученикот е преоптоварен, ако занаетчијата е потценет – што всушност реформираме во образованието?Во „Претрес“ вечерва зборуваме за купените дипломи, за приватните факултети и за „потписите“ што одлучуваат дали една диплома ќе вреди – или ќе остане безвредно парче хартија. Отвораме и прашање за функционерите кои магистрираат додека извршуваат министерска функција – дали образованието станува алатка за титули, наместо систем за знаење?Какви се успесите во образованието кога на улиците гледаме дека се нема ниту основна култура?Ќе слушнете за наставниците со ниски плати, за основците кои учат несоодветни содржини додека носат ранци од кои добиваат сколиоза, но и за занаетчиите кои со години се маргинализирани во систем што декларативно зборува за реформи.Во емисијата носиме и сведоштва на млади академски граѓани кои својата иднина ја пронашле надвор од државата.Реформа или привид? Знаење или титула? Гледајте во живо и поставувајте прашања:

Студио | пред 1 месец