Најнови вести

1 мес.

Објавена онлајн петиција против на изградбата на хидроцентралата на реката Блатешница

Граѓани отворија онлајн петиција со која се противат на изградбата на хидроцентралата на реката Блатешница. Сметаат дека овој проект претставува сериозна закана за природната средина, водоснабдувањето, локалната заедница и идните генерации. Според петицијата, водоводниот систем на Блатец директно зависи од реката Блатешница, а изградбата на хидроцентрала би можела да ја намали количината на вода што пристигнува во водоводот.„Ние, потписниците на оваа петиција, категорично се спротивставуваме на изградбата на хидроцентрала на реката Блатешница во селото Блатец. Овој проект претставува сериозна закана за природната средина, водоснабдувањето, локалната заедница и идните генерации.Зошто се спротивставуваме?1. Загрозување на природниот екосистемРеката Блатешница е редок природен ресурс и дом на разновиден растителен и животински свет. Интервенции од ваков тип би довеле до уништување на природните живеалишта, нарушување на биолошката рамнотежа и исчезнување на локални видови.2. Сериозна опасност за водоснабдувањето на селотоВодоводниот систем на Блатец директно зависи од реката Блатешница. Изградбата на хидроцентрала би можела да предизвика:- намалување на количината на вода што пристигнува во водоводот,- промена на квалитетот на водата,- ризик од пресушување на изворите во сушни периоди,- зголемени трошоци и нестабилност во снабдувањето со вода за домаќинствата.Загрозувањето на водата значи загрозување на здравјето, хигиената и основните услови за живот.3. Негативно влијание врз земјоделството и локалната економијаЗемјоделците во Блатец зависат од стабилен воден тек за наводнување. Намалувањето или пренасочувањето на водата ќе влијае врз приносите, квалитетот на земјоделското производство и економската стабилност на селото.4. Уништување на природниот пејзаж и културното наследствоБлатец има уникатен природен и културен идентитет. Хидроцентралата би го нарушила изгледот на регионот, би ја намалила туристичката привлечност и би го загрозила традиционалниот начин на живот.5. Недоволна транспарентност и јавна консултацијаЛокалната заедница има право да биде информирана и вклучена во процесите кои директно ја засегаат. Одлуки од ваков обем мора да се носат транспарентно и со почитување на интересите на жителите.Нашето барањеБараме од надлежните институции:- веднаш да го стопираат процесот за изградба на хидроцентралата,- да спроведат независна и целосна еколошка и хидролошка студија,- да ја гарантираат заштитата на водоснабдувањето,- да ја почитуваат волјата на локалното население,- да вложат во одржливи и еколошки прифатливи алтернативи.Нашата визијаРеката Блатешница треба да остане чиста, жива и достапна за сите – денес и утре. Водата е основно човеково право, а не ресурс за приватни интереси. Со потпишување на оваа петиција, ја браниме природата, нашето село и иднината на нашите деца“, стои во петицијата.

Македонија | пред 1 месец

1 мес.

Охрид СОС за водата во Струга: Децении игнорирање и непреземање мерки за трајно решавање на проблемот испливаа на површина

Во Општина Струга веќе две недели водата од градскиот водовод е небезбедна и забранета за пиење. Граѓаните и понатаму немаат дозвола да ја користат водата за пиење и подготовка на храна, откако лабораториските анализи покажаа сериозно влошување на нејзината чистота.Локалниот градоначалник Кура соопшти дека две компании кои вршеле ископувања кај изворите во село Шум, надвор од Струга, предизвикале загадување на водата. Тој бара итна санација на изворите и кривична одговорност за сите одговорни за штетата, со цел да се обезбеди безбедно снабдување на граѓаните.Од Охрид СОС велат дека замижувањето пред сериозните предизвици и континуираното маскирање на проблемот и непреземање конкретни активности со цел негово трајно решавање испливаа на површина.„Деценискиот сериозен проблем со водоснабдувањето во Општина Струга поради загадување и зголемена заматеност на водата од изворите кај село Шум, од каде градот се снабдува со питка вода кулминира деновиве. Замижувањето пред сериозните предизвици и континуираното маскирање на проблемот и непреземање конкретни активности со цел негово трајно решавање испливаа на површина. Анализите покажаа дека матноста на водата е значително над здравствено дозволените параметри, поради што водата е забранета за користење, и покрај тоа што последниве денови заматеноста делумно опаѓа.Изминативе денови медиумите се полни со информации дека локалните власти и надлежните инспекциски служби, вклучувајќи го и Основното јавно обвинителство – Струга, започнале истраги и теренски проверки за да ги утврдат причините за загадувањето, со цел да се најде одговорност и да се спречат понатамошни еколошки штети. Од никаква активност одеднаш зголемен интерес за проблемот и будење на одредени институции и сектори кои одамна требаше за ова да реагираат и да спречат ваков епилог.Теренските проследувања укажуваат на активности како експлоатација на минерални суровини и градежни интервенции во непосредна близина на изворите, неконтролирано урбанистичко ширење со потенцијал за инфилтрација на отпадни води, интензивна употреба на хемиски средства во земјоделството, но и користење на непосредната околина околу изворите како локација за депонирање огромни количини разновиден неселектиран отпад. Сите овие фактори можат да влијаат на квалитетот на подземните води што ги напојуваат овие извори.Оваа вонредна состојба дополнително ја поставува во фокус потребата за подобро управување со природните ресурси, систематско следење на ризиците и конкретни мерки за заштита на изворите што ги користат илјадници граѓани, бидејќи секое продолжено загадување директно го загрозува здравјето и секојдневниот живот на населението. Останува да видиме дали институциите ќе бидат на висина на своите ингеренции и конечно ќе го одбранат јавниот интерес, ставајќи крај на децениските практики кои имаат погубно влијание врз животната средина“, велат од Охрид СОС.

Македонија | пред 1 месец

1 мес.

Манасиевски: Ново сведоштво за политичкиот прогон врз ВМРО-ДПМНЕ, разрешен судија поради неусогласеност со СДС и ДУИ

Ново сведоштво за притисоците и уцените на власта предводена од СДС и ДУИ кон правосудството, како и ново сведоштво за политичкиот прогон кој се водеше кон поранешни функционери на ВМРО-ДПМНЕ, вели Валентин Манасиевски, член на ЦК на ВМРО-ДПМНЕ„Поранешниот судија на Врховниот суд, Ристо Катевеновски, во гостување на поткаст на една од социјалните мрежи, сведочи дека откако одбил да донесе мислење за одреден случај како тогашен судија, за кој според него немало никаква основа да се донесе позитивно мислење, утредента поради непостапувањето бил разрешен.Имено, станува збор за случајот во кој поранешната министерка за внатрешни работи, Гордана Јанкуловска за која според Катевеновски била осудена поради политички причини, а не правни последици.Катевеновски вели дека во 2019 година, го добил случајот од поранешното СЈО, за кој требал да даде мислење, но како што вели тој немало никаква правна можност, ниту пак некакво кривично дело за да даде позитивно мислење за случајот.Откако тој оставил време да се разговара за судскиот случај со колегите, затоа што не сакал да избрза со одлуката, на него не му останало многу време, туку веќе утредента Судскиот совет го разрешува Катевеновски.Тој за неговото разрешување ја посочува директно тогашната влада на СДС и ДУИ.Почитувани граѓани,Секојдневно се зголемува бројот на луѓе кои сведочат за притисоците кон правосудството во Македонија. По Лејла Кадриу, сега и поранешен Врховен судија отворено говори за начинот на кој СДС и ДУИ, на чело со Зоран Заев и Али Ахмети, раководеа со државата.Закани, уцени и притисоци. Ако си против нив - или те разрешуваат или те пикаат во затвор. Ова не смее да продолжи, реформите продолжуваат, а одговорност ќе има“, вели Манасиевски.

Македонија | пред 1 месец

1 мес.

Левица бара од Давкова да не го потпишува новиот закон за легализација на дивоградби

Претседателката Гордана Сиљановска - Давкова, како пратеник јасно потенцираше дека етички и правно е невозможно да се повикуваме на владеење на правото, а истовремено да носиме закони со кои се уредува „правниот статус“ на бесправно изградени објекти. Таа тогаш со право укажа дека не може да се утврди легитимитет на нешто што е изградено спротивно на законот и дека ваквите решенија претставуваат директен удар врз урбанистичкото планирање и правната сигурност, велат од Левица.„Вчера, Собранието повторно го продолжи рокот за легализација до 3 март 2031 година, наместо претходно утврдениот рок 3 март 2026 година. Со тоа, процесот што требаше да биде временски ограничена и исклучителна мерка, наместо 15 ќе трае 20 години. И ова веќе не е транзициска аномалија, туку системска политика на одложување на правдата и институционализирање на бесправноста.Секое ново пролонгирање испраќа јасна порака дека прекршувањето на законот на крајот ќе биде наградено со легализација, додека граѓаните што инвестирале време и средства за да градат прописно остануваат изиграни. Со ова се девалвира правниот поредок, се поткопува довербата во институциите и се стимулира нов бран дивоградби, затоа што очекувањето дека „ќе има нов рок“ станува рационална калкулација. Наместо да се воспостави ред и да се зајакнат инспекциските и урбанистичките механизми, државата повторно избира амнестија како модел на управување.Од аспект на владеење на правото, ова е преседан со сериозни последици. Законот што требаше да биде исклучок станува правило, а времената мерка се претвора во трајна практика. Правната сигурност подразбира предвидливост и доследност, а не постојано поместување на рокови под политички притисок. Урбанистичкото планирање не е административна формалност, туку инструмент за заштита на јавниот интерес, животната средина, безбедноста, инфраструктурата и квалитетот на живот. Со легализирање на бесправното, без јасна стратегија и краен рок што навистина ќе биде конечен, се релативизира самата идеја за законитост.Левица останува на ставот дека дивоградбите не смеат да бидат предмет на бесконечни амнестии, туку на системско решавање кое ќе направи јасна разлика меѓу социјалниот, неизбежниот случај и профитерската злоупотреба. Затоа ја повикуваме претседателката да остане доследна на сопствените јавно искажани принципи и да не го потпише овој закон“, додаваат од Левица.

Македонија | пред 1 месец

1 мес.

Детали од МВР: Ексхумација и ДНК-вештачења во истрага за серија убиства во кумановско

СВР Куманово поднесе кривична пријава до Основно јавно обвинителство Куманово против Т.Б. (25) од Куманово, поради основано сомнение дека сторил кривично дело убиство по член 123 став 2 точка 1 од Кривичниот законик.Според пријавата, во периодот од 27 јануари до 12 февруари 2026 година, во селото Челопек, општина Старо Нагоричане, осомничениот со умисла на свиреп и подмолен начин лишил од живот жена родена во 1947 година. Ја искористил околноста што таа живеела сама, била стара и немоќна, па додека спиела во својот дом физички ја нападнал и ѝ нанел повеќе тешки телесни повреди од кои починала.Со координирани активности на СВР Куманово, Одделот за криминалистичка полиција, обвинителството и екипи од Институт за судска медицина обезбедени се докази што укажуваат на можна поврзаност на овој настан со други слични случаи во кумановскиот регион.Поради сличностите во изборот на жртвите и начинот на извршување, се испитува дали станува збор за убиства извршени од ист сторител. За една од потенцијалните жртви е наредена ексхумација и обдукција, при што се подигнати траги и ДНК-материјал за вештачење.Осомничениот е лишен од слобода и му е одредена мерка притвор. Наредено е и психијатриско вештачење од тим форензички психијатри од Институтот за психијатрија во Скопје. Истрагата е во тек, а дел од доказните дејствија засега не се соопштуваат поради тајноста на постапката.

Македонија | пред 1 месец

1 мес.

Кузеска: Парите што ги планираа за нов авион Владата да ги пренамени за минимална плата од 600 евра

Време е да се укине луксузот на власта а работниците да добијат достоинствени плати, какви што заслужуваат. Бараме, парите што власта ги планираше за нов авион да се пренаменат за минимална плата од 600 евра за сите работници, вели Богданка Кузеска - портпаролка на СДСМ.„Нема повеќе оправдувања дека „нема пари“.Имало пари за нов авион, мебел, уредување кабинети, коли, нека направат ребаланс на Буџетот и да ги пренаменат парите за плати.Тешкото секојдневие, високите сметки и цените на храната ги доведоа работницичките семејства на работ, тие не можат да врзат крај со крај.Над 200 илјадници работници имаат плати под 30.000 денари а синдикалната месечна кочнишка е веќе 66 иллјади денари.Не стигаат платите за ништо, со минимална плата не можат да ги покријат основните трошоци, а нивниот труд останува потценет.Со носење на „економски работници“ цената на трудот владата дополнително ја намалува.Затоа работниците се приморани да протестираат на улиците. За достоинствени плати, за достоинвен живот, за корка леб.Додека Мицкоски се луксузузира на сметка на народот и си оди на море со владиниот авион, со часовници од 60 илјади евра.Уште им порачува на работниците дека платите им се добри, затоа што смета дека толку и работат.Доста е луксуз на грбот на народот, доста е расфрлање со милиони, авиони, мали или големи.Законот за минимална плата, поднесен од пратеничката група на СДСМ и коалицијата е дневен ред во Собранието.Прифатете го. Направете ребаланс, парите за нов авион пренаменете ги за поголеми плати.Без изговори. Без калкулации. Работниците да добијат плати какви што заслужуваат“, вели Кузеска.

Македонија | пред 1 месец

1 мес.

Постојат сомнежи дека 25-годишник извршил повеќе убиства: се продлабочува истрагата по убиството на жената во Челопек

Јавен обвинител од Основно јавно обвинителство Куманово донесе наредба за спроведување истражна постапка против 25-годишно лице осомничено за кривично дело убиство по член 123 став 2 точка 1 од Кривичниот законик.Според наводите, во периодот од 27 јануари до 12 февруари 2026 година, во селото Челопек, општина Старо Нагоричане, осомничениот со умисла на свиреп и подмолен начин лишил од живот жена родена во 1947 година. Тој ја искористил околноста што жртвата живеела сама, била стара и немоќна. Кога влегол во куќата, таа спиела, по што физички ја нападнал и ѝ нанел повеќе тешки телесни повреди, од кои починала.Со координирани дејствија на обвинителството, Министерството за внатрешни работи и екипи од Институт за судска медицина обезбедени се докази што укажуваат на можна поврзаност на овој настан со неколку други слични случаи во кумановскиот регион.„Заради сличности во однос на изборот на жртвата и суровиот начин на извршување на делото се испитува дали и во тие случаи станува збор за убиства извршени од истиот сторител. За една од потенцијалните жртви вчера беше наредена ексхумација и обдукција, од телото на починатата жена се подигнати траги и ДНК кои се вештачат. Истражните органи работат на сложени вештачења и анализи, како и други дејствија за обезбедување докази, кои во моментов не можат да бидат споделени со јавноста поради тајноста на постапката“, велат од Обвинителството.Осомничениот е лишен од слобода и му е определена мерка притвор. Наредено е и психијатриско вештачење од тим форензички психијатри од Институтот за психијатрија во Скопје. Истрагата е во тек, а дел од доказните дејствија засега не се соопштуваат поради тајноста на постапката.

Македонија | пред 1 месец

1 мес.

Украина предупредува: Пјонгјанг учи модерно хибридно војување од руската војна

Украинскиот претседател Володимир Зеленски изјави дека во моментов околу 10.000 севернокорејски војници се наоѓаат на територијата на Русија, оценувајќи го тоа како „екстремно опасен“ развој на настаните.Во интервју за јапонската новинска агенција Кјодо Њуз, Зеленски посочи дека станува збор за војници кои стекнуваат искуство во современо војување преку руските операции против Украина. Според него, тие учат како да се бранат од проектили и различни видови беспилотни летала, вклучително и ФПВ-дронови и дронови со оптички влакна.Тој предупреди дека стекнатото знаење најмалку ќе биде пренесено назад во Северна Кореја, што претставува долгорочен безбедносен ризик.Изјавата доаѓа во време кога западните разузнавачки служби укажуваат на продлабочена воена соработка меѓу Москва и Пјонгјанг, вклучително и испораки на оружје и муниција.Во однос на мировните преговори, Зеленски нагласи дека Украина е подготвена на „вистински компромиси“, но не по цена на независноста и суверенитетот.„Подготвени сме да разговараме за компромиси со Соединетите Американски Држави, но не и да прифаќаме руски ултиматуми“, изјави тој, додавајќи дека самото разговарање со, како што рече, агресорот претставува значаен компромис.Тој оцени дека руската позиција не нуди компромис, туку ултиматум, посочувајќи дека Украина е подготвена да разговара за запирање на воените дејствија врз основа на сегашните линии на фронтот, и покрај тоа што, како што рече, Русија окупира речиси 20 отсто од украинската територија.Во интервјуто, Зеленски се осврна и на односите со Јапонија, нагласувајќи дека потенцијалната одбранбена соработка меѓу двете земји би можела да биде „историска“. Тој посочи дека Јапонија располага со технологии и системи за противвоздушна одбрана способни да одговорат на балистички закани, додека Украина може да понуди знаење од областа на поморските дронови, кибер-безбедноста и управувањето со критична инфраструктура во услови на војна.Зеленски упати покана до јапонската премиерка да ја посети Украина, истакнувајќи дека е подготвен и за возвратна посета на Јапонија со цел продлабочување на билатералната соработка.

Свет | пред 1 месец

1 мес.

(Фото) Австрија парализирана, паднаа 20 санетиметри снег: Лавина затрупа автобус со патници

Во Виена, за време на ноќта паднаа 20 сантиметри снег, што предизвика колапс во сообраќајот, а сите градски служби се во состојба на целосна подготвеност поради големиот број интервенции.Најголеми проблеми се забележани на автопатиштата во источниот и јужниот дел на земјата. Стотици камиони останаа заглавени, а во Тирол лавина затрупа автобус со 11 патници. За среќа, никој не е повреден. Полицијата поради екстремните услови била принудена да го затвори виенскиот прстен во двата правци за време на ноќта, а чистењето сè уште трае.На автопатот А1 кај Сент Полтен се преврте камион полн со терет, што предизвика блокада со часови. Во сообраќајни несреќи низ целата земја се регистрирани повеќе од 30 интервенции на итната помош, а две лица се тешко повредени.Во јужна Австрија гранките под тежината на снегот паѓаат на далекуводи, поради што повеќе од 4.000 домаќинства останаа без струја, соопшти мрежата Netz NO.Исто така, и аеродромот во Виена е блокиран. Над 200 работници и 100 возила се обидуваат да исчистат три милиони квадратни метри површина.

Свет | пред 1 месец

1 мес.

Тепачка пред спортски објект во Кичево, едно лице повредено со метален предмет

Вчера во ОВР Кичево, полициски службеници ги лишија од слобода Р.М.(26) и Е.М.(19) од Кичево, по пријава дека пред спортски објект во населбата „Иванидол“ физички ги нападнале Р.Н.(24), Ј.Н.(22) и Б.М.(21), сите од Кичево.Инцидентот прераснал во физичка пресметка, при што Е.М. со метален предмет го удрил Б.М..По целосно документирање на настанот, против приведените ќе следува соодветна пријава.

Македонија | пред 1 месец

1 мес.

(Видео) Германија донира 600.000 евра опрема за МВР: Моторни возила, термовизиски камери, софтвери, специјални возила за воздухопловната единица

Министерот за внатрешни работи Панче Тошковски денеска во кругот на Министерството за внатрешни работи присуствуваше на церемонија на примопредавање на донација од Сојузна Република Германија, на која присуствуваше и амбасадорот на Германија во Република Северна Македонија, Н.Е. Петра Дрекслер, како и претставници од Канцеларијата за врски на Сојузната полиција на СР Германија.Донацијата, во вкупна вредност од околу 600.000 евра реализирана во претходниот период, опфаќа моторни возила, термовизиски камери, компјутерска опрема и софтвери, специјализирани уреди за проверка на документи, како и специјални возила за воздухопловната единица. Оваа опрема е наменета за унапредување на капацитетите на Министерството во делот на граничното управување, борбата против трговијата со луѓе и криумчарењето мигранти, криминалистичко-разузнавачката анализа и форензичките испитувања.Министерот Тошковски истакна дека донацијата претставува симбол на довербата и силното партнерство меѓу двете земји.„Оваа церемонија не е само формално примопредавање на опрема, туку јасна порака дека Германија стои рамо до рамо со Македонија во заедничката борба против организираниот криминал, во заштитата на нашите граници и во обезбедувањето на сигурноста на граѓаните. Поддршката што ја добиваме не се мери само во материјални средства, туку и во знаење, обуки и размена на искуства, што значи долгорочно зајакнување на капацитетите и професионализација на македонската полиција“, нагласи Тошковски.Тој изрази благодарност до Сојузната полиција на СР Германија и до Амбасадата на Германија во Скопје за континуираната поддршка, посочувајќи дека шесте реализирани обуки за македонските полициски службеници се доказ за стратешката и долгорочна соработка меѓу двете институции.Министерот потенцираше дека ваквата помош претставува значаен придонес во зајакнувањето на институционалните капацитети и унапредувањето на безбедноста, како и во остварувањето на заедничката визија за сигурна, стабилна и европска Македонија.„Со обезбедувањето на техничка опрема ја продолжуваме нашата долгогодишна доверлива полициска соработка. Зајакнувањето на капацитетите на Северна Македонија во делот на граничниот надзор, во борбата против трговијата со луѓе, илегалната миграција и прекуграничниот криминал е во наш заеднички европски интерес. Заедно работиме на јакнење на Европа – денес и во иднина.“, истакна амбасадорката Дрекслер.

Македонија | пред 1 месец

1 мес.

(Фото) Пет месеци по реконструкцијата патот кон Теферич повторно распука: Жителите предупредуваат на опасност

Пред пет месеци беше извршена реконструкција на патот кон Теферич, кој во мај 2025 година беше затворен за сообраќај од безбедносни причини, поради свлечиште. Реконструкцијата беше завршена во септември истата година, но сега повторно се појавија пукнатини на коловозот.Фотографии од оштетувањата се објавуваат на социјалните мрежи, придружени со апели до возачите да бидат внимателни при движењето по овој пат.Жителите алармираат дека ситуацијата е сериозна: „Тој пат итно треба да се затвори, откако ќе се случи нешто веќе ќе е доцна“, „Од сабајле во 7 часот е повлечен уште повеќе. Нагло се слекува“.

Скопје | пред 1 месец

1 мес.

Муцунски телефонски и честиташе на новата бугарска министерка за надворешни работи, иницирана билатерална средба

Министерот за надворешни работи и надворешна трговија, Тимчо Муцунски, утрово оствари телефонски разговор со новоименуваната министерка за надворешни работи на Република Бугарија, Надежда Нејнски. Министерот Муцунски упати искрени честитки по повод нејзиното именување и ѝ посака успех во извршувањето на функцијата. Во рамки на разговорот, тој нагласи дека односите меѓу двете земји треба да се градат врз принципите на добрососедство, пријателство и конструктивна соработка.Воедно, беше иницирана билатерална средба меѓу двајцата министри, која би се реализирала во наредниот период.

Македонија | пред 1 месец

1 мес.

Зголемени водостои на повеќе реки низ државата, се излеа Сива Река во близина на локалитетот Хераклеа

Центарот за управување со кризи информира дека поради врнежите од дожд и снег во изминатите 24 часа, на повеќе локации е забележано зголемување на водостоите на реките. Состојбата се следи континуирано, а надлежните служби постапуваат согласно потребите на терен.„Кумановски регионНа подрачјето на општините Куманово, Липково и Старо Нагоричане водостоите се зголемени, но засега нема опасност од излевање.Во Општина Кратово, поради повремени врнежи од дожд, зголемено е нивото на Кратовска Река и Крива Река, без излевање.Пелагониски регионБитола:Регистриран е одрон на магистралниот пат Е-65, за што е известено ЈП „Македонија пат“ – Битола.Забележано е излевање на Сива Река во близина на локалитетот Хераклеа, за што е известено ЈП „Нискоградба“ – Битола.Новаци:Нивото на Црна Река изнесува околу 280 см.Демир Хисар:Зголемен е водостојот на реката Црна, без значителни излевања.Охридско-кичевски регионКичево:Евидентирани се 250 евакуирани лица, односно 63 семејства, на кои им се обезбедува храна, вода и неопходна поддршка.Екипи на комуналните служби работат на расчистување и продлабочување на речното корито на Зајашка Река, како и на чистење на канализационата мрежа.ТППЕ врши испумпување на вода од подруми на повеќе улици по пријави од жители“, велат од ЦУК.

Македонија | пред 1 месец

1 мес.

Го измамиле дека има долг од 5 милиони денари, па со негови податоци подигнале кредит

46-годишник од гостиварско село пријавил дека неговите лични податоци биле злоупотребени.Пријавителот, кој работи во Швајцарија, бил известен при разговор со извршител во Гостивар дека се води постапка против него како сопственик на фирма за долг од 5.085.079 денари кон банка во стечај. Дополнително, биле барани заложени товарно возило „ман“ и работна машина багер.Пријавителот истакнал дека никогаш не поседувал фирма или механизација и се сомнева дека неговите податоци биле злоупотребени со фалсификувана документација при подигнување на кредит.Се преземаат мерки за расчистување и целосно документирање на случајот.

Македонија | пред 1 месец

1 мес.

policija-policajci-kontrola-vozaci-avtopat

Контрола во Тетово: Четворица возачи без лиценца вршеле јавен превоз

Вчера во 15:20 часот на бул.„Илинденска“ во Тетово, полициски службеници од Полициската станица за безбедност на патниот сообраќај Тетово извршиле контрола за санкционирање возачи кои со патнички моторни возила вршат јавен превоз на патници без лиценца.Контролирани се патничко возило „форд“ со тетовски регистарски таблички, управувано од Х.К.(60) од с.Пирок, тетовско, патничко моторно возило „форд“ со тетовски регистарски таблички, управувано од А.Б.(64) од с.Мала Речица, тетовско, патничко моторно возило „форд“ со тетовски регистарски таблички, управувано од М.М.(36) од с.Горно Палчиште, тетовско и патничко моторно возило „мерцедес“ со тетовски регистарски таблички, управувано од Ф.Б.(51) од с.Голема Речица, тетовско.Притоа, констатирано е дека немале лиценца за вршење јавен превоз и по документирање на случаите, против лицата ќе следуваат соодветни пријави.

Македонија | пред 1 месец

1 мес.

ВМРО-ДПМНЕ: Ристоска е навикната на подобноста од времето на СЈО, мора да знае дека ова се други времиња и потребни се лица со интегритет

Ристоска мора да е свесна дека има јасни критериуми за таа позиција и дека ако таа е навикната подобноста да е еден од нив, како што тоа беше во СЈО каде таа беше десна рака на Јанева, тоа овој пат не е случај. Ова се други времиња и потребни се интегритет, професионалност, одговорност, велат од ВМРО-ДПМНЕ како реакција на ставот на Ленче Ристоска„Дури и во Мамас како фирма примале лица со повисоки критериуми од критериумите кои ги практикувале при прием на кадри во СЈО. Чудно е од друга страна пак што ист човек во својата приватна фирма (Мамас) да прима луѓе по одредени критериуми, а кога бирал за државно обвинителство примал луѓе кои беспоговорно го слушаат и без никакви критериуми. Инаку мора да сме искрени, подобноста е најсилниот атрибут и особина на Ристовска и нејзиниот неизбор е токму сигнал дека тоа овде не е пресудно, туку далеку поразлични и побитни критериуми.И за крај порачуваме барем да биде реална и искрена, и додека говори јавно за подобност и критериуми, и глуми, барем да престане да лобира кај функционери на ВМРО-ДПМНЕ. Не е ова СДС и СЈО. Тоа време помина“, се вели во реакцијата.

Македонија | пред 1 месец

1 мес.

Белорусија остана надвор од Одборот за мир – не добиле визи за патување во САД, и покрај официјалната покана

Белоруски официјални лица не добиле визи за патување во САД на основачкиот состанок на Одборот за мир, и покрај официјалната покана.Белоруски официјални лица соопштиле на 19 февруари дека не успеале да добијат визи за патување во Соединетите Американски Држави на основачкиот состанок на Одборот за мир, и покрај официјалната покана да присуствуваат.„Визи за нашата делегација на состанокот на Одборот за мир не беа издадени, и покрај тоа што сите документи беа поднесени навреме и процедурите беа почитувани“, напишало Министерството за надворешни работи на Белорусија на социјалните мрежи.Министерот за надворешни работи Максим Риженков требало да присуствува, иако поканата била формално упатена до белорускиот лидер Александар Лукашенко.„Ако дури и основните формалности не се почитуваат, за каков ‘мир’ зборуваме?“, соопштило Министерството.Одборот за мир, кој го основа поранешниот претседател на САД Доналд Трамп, првично бил замислен како механизам одобрен од Обединетите нации, кој би го спроведувал планот за мир во Газа. Иницијативата подоцна била опишана како обид за проширување на мандатот на Советот.Се очекува Трамп да биде прв, а потенцијално и единствен, претседавач на Одборот.

Свет | пред 1 месец

1 мес.

(Видео) Силно невреме и циклонска плима ја зафатија Далмација – морето навлезе во Каштела, Сплит и Трогир

Силно невреме проследено со поројни дождови, грмотевици и олуен јужен ветер повторно го зафати далматинскиот брег. Под влијание на циклонот над Јадранското Море, регистрирана е силна циклонска плима која предизвика морето забрзано да се крева и да навлегува во крајбрежните населени места.Најкритична е состојбата во Каштела, Сплит и Трогир, каде нивото на морето е за околу 60 сантиметри над просекот. Најголемиот бран на невремето се случи во текот на ноќта, а особено погоден беше долно-каштеланскиот брег. Во Каштел Нови и кај плажата Габине водата веќе навлезе на патиштата и во пристаништата, принудувајќи ги жителите да поставуваат импровизирани брани од штици и вреќи со песок за да ги заштитат своите домови.Покрај Далмација, невремето остави последици и во Истра, каде наврнаа околу 20 литри дожд на квадратен метар. Силен јужен ветер со налети до 90 километри на час е регистриран во северниот дел на Јадранот, додека во Сплит ветерот предизвика целосен прекин на поморскиот сообраќај. Експертите смируваат дека иако атмосферскиот притисок е низок, не се очекуваат екстремни плими како во претходните недели, но предупредуваат на високи бранови на изложените делови од брегот и на островот Чиово.

Свет | пред 1 месец

1 мес.

СДСМ: Мицкоски сам одлучува дека Ленче Ристовска „не е во игра“, во живо, на телевизија

Промената на јавниот обвинител беше политичка цел на Мицкоски за воспоставување целосна контрола врз судството и обвинителството. Сега гo гледаме сценариото за изборот на нов јавен обвинител по мерка на Мицкоски, вели СДСМ.„Тој одлучува кој ќе биде назначен.Мицкоски ја елиминираше Ленче Ристовска –независната кандидатка за државен јавен обвинител.Иако Ристовска доби максимални 10 од 10 поени од Советот на јавни обвинители и позитивна оценка за својата професионалност и стручност.Мицкоски сам одлучува дека таа „не е во игра“, во живо, на телевизија.Независен јавен обвинител не му одговара на Мицкоски затоа што не може да го контролира.Професионалец со интегритет не му се вклопува во концептот.Медиумскиот октпод на Орбан во Македонија и неговите 40% медиуми што ги контролира веќе ја слават елиминацијата на Ристовска. Не се крие ништо.На кого веќе не му е јасно?Ставаат обвинител под нивна контрола, сопруга на градоначалник на ВМРО назначија за член на Судски совет, советник на Мицкоски во Уставниот суд. Владата ги знае судските одлуки за процеси кои се уште не се завршени а Мицкоски од собраниска говорница им дели задачи и им кажува што и како да работат.Следува целосно погребување на правдата и правната држава.Исто како во времето на Никола Груевски“, се вели во соопштението.

Македонија | пред 1 месец

1 мес.

ulica-partizanska-koli-avtomobili-semafori

Казни од „Сејф сити“ и ако останете заглавени на крстосница, а сте поминале на зелено светло

Казна од околу 45 евра ќе се изрекува за возачи кои, иако влегле на зелено светло, остануваат заглавени на сред крстосница поради сообраќаен метеж, во рамки на системот „Сејф Сити“. Ова го потврди министерот за внатрешни работи Панче Тошковски.Во вакви случаи прекршокот нема да се третира како поминување на црвено светло, туку како забавување или отежнување на движењето во рамки на крстосница, што е посебно дефиниран сообраќаен прекршок. Возачите ќе бидат должни однапред да направат проценка дали има услови безбедно да ја поминат крстосницата, дури и кога семафорот покажува зелено светло.Во тест-периодот биле евидентирани ситуации во кои камерите регистрирале поминување на црвено, иако возилото влегло на зелено светло. Надлежните информираат дека системот е прилагоден и дека ваквите случаи повеќе нема да се третираат како поминување на црвено, туку како таканаречено „угушување“ на крстосница.

Македонија | пред 1 месец

1 мес.

Притвор за лицето кое е осомничено за палење на автомобилот на Бака Прасe

Вишиот суд во Белград определил притвор до 30 дена за Зоран Р. (23), осомничен дека заедно со, засега, непознати лица, на 16 февруари на штета на Б. И. извршил кривични дела изнуда во обид и предизвикување општа опасност.Српското министерство за внатрешни работи претходно соопштило дека Зоран Р. е осомничен дека на 16 февруари во 3:26 часот во Белград, на улицата Херцеговачка, намерно предизвикал пожар на возило марка „мерцедес G 800 брабус“ во сопственост на Богдан Илиќ, познат како Бака Прасe.Притворот му е определен за да не влијае врз сведоците и да не го повтори кривичното дело во краток временски период, соопшти судот.На сослушувањето пред јавниот обвинител, осомничениот се бранел молчејќи, соопшти претходно Вишото јавно обвинителство во Белград.

Магазин | пред 1 месец

1 мес.

(Видео) Хорор во Солун: Пронајдени човечки остатоци завиткани во тепих, пластика и стара облека – сомнежи за сериски убиец

Грчката полиција во Солун отвори широка истрага за можен сериски убиец по бруталните убиства на две жени, случај што предизвика шок и страв во јавноста.Истрагата доби драматичен пресврт кога во зграда во населбата Менемени беа пронајдени човечки остатоци од 43-годишна жена, завиткани во тепих, пластика и стара облека. По ова откритие, полицијата ги уапси сопственикот на зградата (52) и неговиот соработник (50), кои се сметаат за клучни осомничени.Според грчките медиуми, единицата за организиран криминал во Северна Грција веќе повторно разгледува повеќе од 10 нерешени исчезнувања и убиства, најмногу во западниот дел на Солун, што дополнително ја подгрева теоријата за можен сериски убиец.Случајот се поврзува со убиствата на Вики Кутаки (43) и Марија Ангелакуди (47), а под лупа повторно е ставена и смртта на 27-годишната Деспина Георгиаду, која исчезна во 2022 година, а беше пронајдена мртва во 2023.Нејзиниот татко јавно изјави дека неговата ќерка била задушена на начин сличен на другите жртви, што дополнително ги засили сомнежите кај истражителите.Полицијата сега ги чека резултатите од лабораториските анализи на облеката и другите предмети пронајдени во зградата и на локациите поврзани со осомничените. Истражителите веруваат дека токму биолошките траги би можеле да откријат дали зад случајот стои поширока серија злосторства.Приватниот детектив Џорџ Цукалис проценува дека веројатноста овој случај да се поврзе со други исчезнувања е „над 90 проценти“.Според првичните наводи од истрагата, главниот осомничен првично признал дека заедно со свој пријател ја оттурнал жртвата и ѝ ја затворил устата додека таа била силувана, по што починала од задушување. Подоцна, тој го повлекол признанието.За второто убиство, наводно изјавил дека ја задавил Марија затоа што гласно зборувала на телефон. Телото, според истражните информации, со месеци било чувано во зградата пред да биде фрлено.Истражителите проверуваат и особено вознемирувачка можност, дека осомничениот користел киселина на база на хлор за побрзо распаѓање на телата. Оваа теорија би можела да објасни зошто дел од исчезнатите лица никогаш не биле пронајдени.Одбраната, пак, ги отфрла сите обвинувања. Адвокатот на 52-годишникот тврди дека неговиот клиент и сообвинетиот не се виновни и дека осомничениот не го разбрал документот што го потпишал поради ниското ниво на писменост.Истрагата продолжува, а грчката јавност со внимание ги следи новите откритија што би можеле да покажат дали Солун со години крие серија брутални убиства.

Свет | пред 1 месец

1 мес.

Ленче Ристоска реагира до Мицкоски: Ризикуваме да испратиме порака дека подобноста е поважна од компетентноста на новиот државен обвинител

Премиерот Христијан Мицкоски, вчера посочи дека од четирите кандидати за државан јавен обвинител за кои Советот на јавни обвинители даде позитивни мислење, на владината листа се три имиња, а меѓу нив не е и бившата обвинителка од СЈО, Ленче Ристоска.Во врска со изјавата на Претседателот на Владата дадена во вчерашното интервју, реагираше Ристоска која вели дека кога кандидат однапред се исклучува без анализа на неговата програма и професионален пат, тоа отвора прашања за природата на критериумите што се применуваат.“Кога кандидат однапред се исклучува без анализа на неговата програма и професионален пат, тоа отвора прашања за природата на критериумите што се применуваат. Уверена сум дека избор од вакво значење мора да биде заснован на квалитет, а не на подобност.Професионалците во системот мора да знаат дека нивниот труд и стручност се единствената валута што треба да одлучува. Во спротивно, ризикуваме да испратиме порака дека без разлика на компетентноста, подобноста е примарна — а тоа не е патот по кој треба да се движи едно демократско општество”, вели Ристоска.

Македонија | пред 1 месец

1 мес.

СДСМ: Само на Мицкоски и Сиљановска авионот им е „стар“ и „мал“ па мора нов – и тоа поголем.

Го покажаа своето вистинско лице. Маските паднаа, граѓаните го видоа нивниот „патриотизам“ на дело. За големите „патриоти“ на ВМРО мора да има и голем авион, вели СДСМ.„Многу држави, дури и членки на ЕУ, имаат постари авиони од македонскиот владин авион. Хрватскиот владин авион е 27 години, словенечкиот 23 години, црногорскиот 27 години а македонскиот 20 години.Во најбогатата земја во светот, САД просечната старост на флотата е 15,4 години (податоци од 19 февруари 2026 година).Само на Мицкоски и Сиљановска авионот им е „стар“ и „мал“ па мора нов – и тоа поголем.Тоа е нивниот „патриотизам“. За нив луксузирањето е пред сè, пред потребите на граѓаните, пред работниците, пред земјоделците.Не прават споредби со платите во регионот, а фактот е дека македонските работници имаат најниска минимална плата.Не прават споредби со животниот стандард на граѓанитеа актот е дека македонските граѓаните имаат најнизок квалитет на живот во Европа.Само во луксузирање, тендери и авиони им е паметот.Тоа е „патриотската“ матрицата на една корумпирана и криминална власт“, се вели во соопштението.

Македонија | пред 1 месец