Најнови вести

6 ден.

По години застој, мостот на „Љубљанска“ оди во финална фаза

По повеќегодишен застој, продолжува финалната фаза од изградбата на мостот што ќе ги поврзе улиците „Љубљанска“ и „Скупи“, најави градоначалникот на Кисела Вода, Орце Ѓорѓиевски.„Зборот е збор - мостот на „Љубљанска“ конечно ќе биде ставен во функција!“, објави Орце Ѓорѓиевски.Според него, проектот има значајно влијание врз сообраќајот во Скопје, особено за поврзување на северниот и западниот дел од градот.„Со неговото завршување, Скопје добива нова, современа и функционална сообраќајна врска меѓу северниот и западниот дел на градот, која ќе овозможи подобар пристап до Злокуќани, Бардовци и Индустриската зона, но и значително ќе ги растовари булеварите „Партизански одреди“ и „Илинденска“, изјави Орце Ѓорѓиевски.Како што посочи, проектот бил стопиран во минатото поради потреба од согласност од Конзерваторскиот центар за заштита на археолошкиот локалитет „Скупи“.„Проектот, во минатото беше стопиран поради неопходноста од обезбедување мислење и дозвола од Конзерваторскиот центар, со цел целосна заштита на локалитетот „Скупи“, изјави Орце Ѓорѓиевски.Тој информира дека дозволата е обезбедена и градежните активности продолжуваат со засилен интензитет.Во рамки на проектот е предвидено и ново сообраќајно решение за влезот во селото, преку кружен тек или адаптивна семафоризација.„Со ова решение, граѓаните ќе добијат побрз, побезбеден и поефикасен излез кон обиколницата, а сообраќајот во овој дел од градот ќе се одвива многу полесно и поорганизирано“, изјави Орце Ѓорѓиевски.Мостот се очекува да биде клучен инфраструктурен зафат кој ќе влијае на растоварување на сообраќајниот метеж и подобрување на поврзаноста во градот.

Скопје | пред 6 дена

6 ден.

Алармантно: Секојдневие со семејно насилство, повеќе лица приведени

МВР информира дека во последното деноноќие се евидентирани седум пријави за семејно насилство, при што четири лица се лишени од слобода.Во Скопје, на 28.04.2026 во 23:05 часот, на подрачјето на Аеродром, полициски службеници го лишија од слобода Ф.Е. (27), откако претходно бил пријавен дека физички ја нападнал својата 25-годишна партнерка.Истиот ден, на 29.04.2026 во 02:40 часот, на подрачјето на Чаир, беа приведени А.Д. (28) и М.Д. (59), по пријава дека во семејниот дом физички нападнале членови на семејството.Во друг случај, на 28.04.2026 во Гази Баба, 51-годишна жена пријавила дека била физички нападната од својот сопруг П.М. (62), додека 60-годишна жена пријавила закани и фрлање тврд предмет од страна на нејзиниот сопруг Н.П.Во Струга, на 28.04.2026, 38-годишна жена пријавила дека била физички нападната од поранешниот сопруг, при што е наведено и дека тој претходно ја следел и вознемирувал.Во Кичево, полициски службеници го лишија од слобода З.Р. (40), откако бил пријавен дека физички ја нападнал сопругата во семејниот дом, додека во Тетово е приведен Ф.А. (33) по пријава за семејно насилство врз неговата сопруга.Од МВР наведуваат дека се преземаат мерки за расчистување на сите случаи, по што ќе следуваат соодветни пријави.

Македонија | пред 6 дена

6 ден.

Злоупотреба на службена положба и фалсификување - штета од над 400 илјади денари

Од МВР информираат дека Секторот за внатрешни работи Штип поднесе кривична пријава против Н.Џ. (50), Ѓ.Ј. (57) и Е.Џ. (44), сите од Штип, поради сомнение за продолжени кривични дела „злоупотреба на службена положба и овластување“, „фалсификување или уништување деловни книги“ и „употреба на исправа со невистинита содржина“.Според пријавата, во периодот 2022–2024 година, пријавените, како сертифицирани асистенти за лица со попреченост, ангажирани преку Општинската организација на Црвениот крст Неготино, биле вклучени во реализација на услуга лична асистенција за корисници од Штип, Свети Николе и Кочани.Се наведува дека тие не ги извршувале услугите во целост, согласно плановите, но изготвувале месечни извештаи со невистинити податоци за реализираните часови, кои потоа биле доставувани до надлежните институции и фактурирани.Со ваквите дејствија, според МВР, биле остварени противправни имотни користи и е предизвикана вкупна штета од 415.013 денари на буџетот на Министерството за социјална политика, демографија и млади.

Македонија | пред 6 дена

6 ден.

Ед Ширан откри дека се опоравува од болест и ја избричи главата

Ед Ширан ги изненади своите обожаватели со значителна промена на изгледот, откако ја избричи главата и ја претстави новата фризура преку објава на социјалната мрежа Инстаграм. Пејачот, кој е препознатлив по својата црвенкаста коса, наведе дека со оваа промена сакал да означи нов почеток во својот живот.Во својата објава, Ширан истакна дека во моментов минува низ повеќе промени и нови животни фази, при што додаде дека му се допаѓа новиот изглед и дека размислува да го задржи подолг период.Тој, исто така, откри дека во изминатиот месец се соочувал со здравствен проблем, односно болест позната како херпес зостер. Пејачот наведе дека периодот бил тежок, но дека сега е во фаза на опоравување.Ширан моментално е на пауза од својата турнеја, која треба да продолжи по краток прекин и да трае до крајот на годината со настапи на повеќе светски дестинации. Тој порача дека со нетрпение чека да се врати на сцената.Ова не е првпат британскиот музичар да предизвика внимание со промена на изгледот. Претходно, тој значително ја намали телесната тежина и истакна дека промените во животниот стил се поврзани со семејството и желбата да биде поздрав и поактивен родител.

Магазин | пред 6 дена

6 ден.

СДСМ не се чувствува загрозена од Левица – Левица не претставува опасност за никого , вели СДСМ

СДСМ соопшти дека не ја смета Левица за политичка закана ниту за партијата, ниту за другите политички актери во земјата.Од партијата во соопштението истакнуваат дека во услови кога мнозинството граѓани ја поддржуваат евроатлантската ориентација на државата, анти-ЕУ и анти-НАТО позиции не можат да претставуваат реална политичка опасност.Според СДСМ, Левица е политички субјект кој останува во опозицискиот блок и чиј досег, како што наведуваат, се сведува на локални коалиции.Партијата во соопштението нагласува дека останува посветена на европската иднина на Македонија и отфрла, како што велат, политики базирани на пропаганда и антиевропски ставови.

Македонија | пред 6 дена

6 ден.

Сиљановска-Давкова по средбата со Пармелан: Да се концентрираме на реформските предизвици и да не ја губиме енергијата на ирационални прашања

Претседателката Гордана Сиљановска-Давкова по средбата со швајцарскиот претседател Ги Пармелан изјавила дека за државата ова е историски момент, бидејќи за прв пат швајцарски претседател престојува во официјална посета, стои во соопштението од Кабинетот на Претстедателот.Таа истакнала дека Швајцарија претставува важен пример за демократско уредување, партиципативна политичка култура и функционална локална самоуправа, од кој, како што рекла, може да се извлечат значајни искуства, стои во соопштението.Во соопштението велат дека Сиљановска-Давкова нагласила дека разговорите биле насочени кон унапредување на билатералните односи и соработката во рамки на меѓународните организации, особено ОБСЕ, Обединетите нации и Советот на Европа.Таа посочила дека мирот и безбедноста се клучни приоритети, додавајќи дека за малите држави мултилатерализмот претставува најдобар пат кон стабилност, стои во соопштението.Претседателката се заблагодарила за континуираната швајцарска поддршка во повеќе области, вклучително демократското управување, одржливиот развој и заштитата на животната средина, како и за помошта во работата на Парламентарниот институт во македонското Собрание, стои во соопштението.Таа ја поздравила и новата Програма за соработка 2025-2028 година, со која се предвидува поддршка за реформите поврзани со европската интеграција, стои во соопштението.Во соопштението се наведува дека во делот посветен на евроинтеграциите, Сиљановска-Давкова порачала дека земјата треба да се концентрира на реформските предизвици и да не ја троши енергијата на, како што рекла, ирационални прашања, нагласувајќи дека европската перспектива останува стратешка цел.

Македонија | пред 6 дена

6 ден.

Уапсени 14 возачи за безобѕирно управување возило

Во текот на изминатото деноноќие, на целата територија на државата, полициски службеници лишија од слобода 14 возачи поради безобѕирно управување возило, информираат од МВР.Од нив, девет лица управувале возило без возачка дозвола, тројца биле под дејство на алкохол, а двајца имале активна забрана за управување со возило.Во Скопје, Прилеп, Велес, Гевгелија, Валандово и Тетово се евидентирани случаи на возење без дозвола. Во Тетово, возачот претходно учествувал и во сообраќајна незгода со возилото што го управувал.Во Скопје, Охрид и Неготино се лишени од слобода возачи кои управувале под дејство на алкохол, при што возачот во Охрид предизвикал и сообраќајна незгода.Во Битола и Кичево се приведени возачи кои управувале возило со активна забрана.По целосно документирање на случаите ќе бидат поднесени соодветни пријави, соопшти МВР.Од Министерството апелираат до сите учесници во сообраќајот да ги почитуваат правилата и прописите и да не управуваат возила без дозвола, под дејство на алкохол или со изречена забрана.

Македонија | пред 6 дена

6 ден.

(Видео) Трамп се најде пред кралицата и кралот за време на ракувањето, ништо не им беше јасно

Свечениот прием на британскиот крал Чарлс и кралицата Камила во Белата куќа беше обележан со необичен момент кога американскиот претседател Доналд Трамп се најде во центарот на внимание поради однесување што предизвика протоколарни забелешки.За време на церемонијата на јужниот тревник од Белата куќа, по формалниот дел од пречекот и поздравувањето, Трамп започна да се ракува со американски функционери, меѓу кои и потпретседателот Џеј Ди Венс, но притоа се постави пред кралот и кралицата, менувајќи го предвидениот редослед на протоколарниот чин.Во тој момент, кралицата Камила накратко застана, додека кралот Чарлс ја подаде раката за да продолжи со поздравувањето, но редоследот беше прекинат од претседателот на САД.Според дипломатските правила, домаќинот треба да го следи движењето на гостите и да се усогласи со утврдениот протокол, а присутните забележале дека кралската двојка делувала изненадено од развојот на настаните.Кралот Чарлс е во официјална посета на САД, во чии рамки е предвидено и негово обраќање пред американскиот Конгрес, како и низа билатерални средби со државни претставници.

Свет | пред 6 дена

6 ден.

Лука Дончиќ сепак ќе мора да почека нова судска одлука

Словенечкиот кошаркар Лука Дончиќ се соочува со нов развој во приватниот живот, откако судската постапка поврзана со старателството над неговите две ќерки е одложена.Според пишувањето на „Дејли Мејл“, првично закажаното клучно судско рочиште за средината на мај е поместено за август. Дончиќ и неговата поранешна партнерка, Анамарија Голтес, се наоѓаат во постапка за утврдување на старателството.Ова одложување доаѓа во период кога Дончиќ е активен со својот клуб Лос Анџелес Лејкерс, кој се натпреварува во плејофот на НБА лигата против Хјустон Рокетс.Во јавноста претходно тој истакна дека најголем приоритет му се неговите ќерки и дека прави сè што може тие да бидат со него во САД во текот на сезоната.Во меѓувреме, останува неизвесно кога Дончиќ ќе се врати на теренот, откако е надвор од натпреварувачкиот ритам од почетокот на април и во меѓувреме бил подложен на третмани за опоравување.

Спорт | пред 6 дена

1 нед.

Гаши: Собранието ќе продолжи да поддржува политики за одржлив енергетски развој и инвестиции

Претседателот на Собранието на Република Северна Македонија, Африм Гаши, се обрати на настан по повод 20-годишнината од работењето на ЕВН Македонија, каде беше промовирана и „Белата книга“ за развојот и влијанието на компанијата во енергетскиот сектор.Гаши истакна дека две децении работа на ЕВН Македонија претставуваат значаен придонес во модернизацијата на услугите, унапредувањето на стандардите и развојот на поефикасен и поодржлив енергетски систем во земјата.Тој посочи дека „Белата книга“ претставува важен документ кој нуди анализа на состојбите и предизвиците во енергетиката, како и насоки за идниот развој на секторот.Гаши нагласи дека Собранието, преку својата законодавна и надзорна улога, останува посветено на создавање современа правна рамка што обезбедува правна сигурност, транспарентност и одржлив развој.Тој додаде дека институцијата ќе продолжи да поддржува политики насочени кон инвестиции, иновации и транзиција кон чисти извори на енергија, во согласност со европските стандарди.Настанот се одржа во Македонската филхармонија, во присуство на претставници на институции, академската заедница, бизнис секторот и меѓународни партнери.

Македонија | пред 1 седмица

1 нед.

СДСМ: Филков повторно лаже – СДСМ од лани бара закони, а ВМРО ги крие

СДСМ со соопштение реагира на изјавите на министерот за правда Игор Филков, оценувајќи дека тој повторно се обидува да ја префрли вината за состојбата со реформите во правосудството.Од партијата во соопштението прашуваат дали едно неучество на работна група може да се користи како аргумент за целосна блокада, посочувајќи дека уште од мај 2025 година постојано бараат информации за реформските закони, нивната изработка и објавување на ЕНЕР.СДСМ во соопштението тврди дека законите не се подготвени и не се доставени до јавноста и Собранието, обвинувајќи дека процесот се одложува и се држи во застој.Од таму додаваат дека средствата од Европската унија за правосудни реформи се доведени во прашање, но дека одговорноста за тоа ја лоцираат кај актуелната власт, а не кај опозицијата.СДСМ порачува дека не ги блокира реформите, туку бара нивно спроведување, додека, како што наведуваат, власта со одложувања и недостиг на транспарентност ја кочи реформската агенда, стои во соопштението.Партијата заклучува дека јавноста јасно гледа кој е одговорен за состојбата со реформите и европските процеси во државата, стои во соопштението.

Македонија | пред 1 седмица

1 нед.

Обид за напад врз домот на Фараж: Во поштенско сандаче поставена запалива направа

Британскиот политичар Најџел Фараж изјави дека бил цел на обид за напад со запалива направа поставена во поштенското сандаче на неговиот дом, при што нагласи дека по настанот биле преземени засилени мерки за негова лична безбедност.Фараж наведе дека инцидентот се случил на почетокот на минатата година и дека станува збор за обид за подметнување пожар. Според неговите зборови, во моментот на настанот не бил дома, а кога се вратил забележал оштетувања на влезот од објектот. Тој додаде дека огнот бил ограничен на влезниот дел и дека е можно извршителите да биле вознемирени за време на извршувањето на делото.Тој истакна дека полицијата спровела увид и истрага, но дека засега нема осомничени лица.Во интервјуто, Фараж зборувал и за својата безбедност, наведувајќи дека добил значајна финансиска поддршка од приватен донатор за обезбедување, откако претходно не успеал да добие државна заштита.Според неговите изјави, загриженост за безбедноста почувствувал и во претходни години, особено по инцидент во 2013 година, кога бил опкружен од група луѓе пред шкотскиот парламент.

Свет | пред 1 седмица

1 нед.

Лажна дојава за бомби во училишта во Скопје

Министерството за внатрешни работи информира дека на 29.04.2026 година на електронската адреса на МВР била примена порака со закана за наводно поставени експлозивни направи во повеќе училишта во Скопје.Веднаш по добиената пријава, полициски службеници презеле мерки и активности во објектите и нивната околина. По извршените проверки било утврдено дека станува збор за лажна дојава за поставени бомби.

Скопје | пред 1 седмица

1 нед.

(Видео) Зеленски објави видео од нападот од 1.500 км далечина во Русија: „Ова е нова фаза“

Украинскиот претседател Володимир Зеленски изјави дека Украина ќе продолжи да го зголемува дометот на напади врз руската територија, објавувајќи снимка од удар на цел на растојание поголемо од 1.500 километри.Според неговата објава, украинските безбедносни служби информирале за успешно изведен напад длабоко во Русија, што тој го опиша како нова фаза во користењето на украинското вооружување со цел ограничување на воените капацитети на Москва.Украинската служба за безбедност соопшти дека беспилотни летала погодиле нафтена пумпна станица во близина на градот Перм, додека претходно биле извршени напади врз рафинерии и инфраструктурни објекти поврзани со нафтениот сектор.Во последните недели Украина ги интензивира нападите врз енергетски објекти во Русија, насочувајќи се кон рафинерии, складишта и пристаништа, со цел да го намали финансирањето на воените операции. Според податоците на украинското Министерство за одбрана, дометот на нападите значително се зголемил од почетокот на конфликтот.Украинската страна тврди дека секој удар ја намалува способноста на руската воена индустрија и логистичките системи, додека Москва ваквите напади ги нарекува закана за инфраструктурата во заднината.

Свет | пред 1 седмица

1 нед.

Сопствениците на возила ќе добиваат верификациски код при регистрација

Министерството за внатрешни работи информира дека при регистрација на возило во станиците за технички преглед или во управните служби, сопствениците ќе добиваат верификациски код на мобилен телефон и електронска адреса.По оставање на контакт податоците на шалтер, сопственикот ќе добие СМС и електронска порака со код, со кој се потврдува дека наведениот број е негов личен контакт.Од МВР посочуваат дека измената се воведува со цел да се избегнат евентуални грешки при испраќање на санкциите од системот „Безбеден град“, кои и понатаму ќе се доставуваат преку СМС порака и електронска пошта до сторителот на прекршокот.

Македонија | пред 1 седмица

1 нед.

Напад со нож во Скопје, повреден 18-годишник пренесен на Клиника

Од МВР информираат дека на 28.04.2026 во 22:20 часот, во СВР Скопје, 18-годишниот А.Н. од Скопје пријавил дека на подрачјето на Бит Пазар бил нападнат со нож од лице идентификувано како М.Т.Во настанот А.Н. се здобил со повреди и бил пренесен во Комплекс клиники „Мајка Тереза“ за укажување лекарска помош.Од МВР информираат дека се преземаат мерки за целосно расчистување на случајот.

Македонија | пред 1 седмица

1 нед.

Прашања од СДСМ: Дали документите што ги објавува ВМРО-ОКГ се автентични или фалсификат

СДСМ со соопштение реагира со серија прашања до ВМРО-ОКГ во врска со, како што наведуваат, фотографии кои се појавиле и за кои се тврди дека се од визи од пасошот на претседателот на партијата, д-р Венко Филипче.Од партијата во соопштението прашуваат дали станува збор за автентични и оригинални документи или за фалсификат, посочувајќи дека доколку тврдењата за нивната автентичност се точни, тогаш ВМРО-ОКГ мора да одговори од каде ги добиле фотографиите од пасошот на Филипче, кој влегол во неговиот дом и кој ги направил фотографиите.СДСМ дополнително поставува прашање дали, како што наведуваат, податоците потекнуваат од систем на Обединетите Арапски Емирати и кој би можел да има пристап до таков вид информации, освен приватни безбедносни структури за кои тврдат дека се поврзуваат со странски служби.Во соопштението се наведува и дека, доколку документите се неавтентични, тогаш се работи за фабрикување афери, при што СДСМ повторно ја поврзува темата со активности на приватни истражувачки компании за кои тврди дека биле користени во политички контекст.Од партијата во соопштението посочуваат дека јавноста, како што велат, заслужува одговори и дека ќе инсистираат на разјаснување на случајот.

Македонија | пред 1 седмица

1 нед.

Поднесени кривични пријави за недозволена трговија со дрога во Куманово и Скопје

Од МВР информираат дека се поднесени повеќе кривични пријави за одделни случаеви за неовластено производство и пуштање во промет на наркотични дроги.Во првиот случај СВР Куманово поднесе кривична пријава против Џ.Џ. од с. Лопате, кумановско, поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. При преглед кај пријавениот била пронајдена и одземена марихуана.Во вториот случај во Скопје, во периодот 28/29.04.2026 година, полициски службеници од СВР Скопје на повеќе локации лишиле од слобода И.Е. (30), Ќ.Д. (20), Ш.Н. (20), Е.М. (31), С.Ф. (38), сите од Скопје, како и Д.Ј. (22) од с. Студеничани и И.М. (27) од с. Морани. Кај нив биле пронајдени бела грутчеста материја, марихуана и дробилка. По целосно документирање на случаите ќе следуваат соодветни поднесоци.Во третиот случај СВР Куманово поднесе кривична пријава и против А.М. од Куманово за исто кривично дело. Според пријавата, тој набавил хероин, а на 20.05.2025 година го продал на друго лице, по што дрогата била пронајдена и одземена.

Македонија | пред 1 седмица

1 нед.

Кривична пријава за кражба на дрва

Од МВР информираат дека ОВР Прилеп поднесе кривична пријава против А.Ќ. (37) од Прилеп, поради сомнение за сторено кривично дело „кражба“ на дрва.На 12.12.2025 година, полициски службеници на негов имот забележале нежигосани дабови дрва, како и патничко возило „лада“ без регистарски таблички. По известување, шумската полиција констатирала дека пријавениот не поседувал соодветна документација за дрвата, а возилото било користено за извршување на кривичното дело.

Македонија | пред 1 седмица

1 нед.

Поднесена пријава во Гостивар за објава со навредлива содржина на социјална мрежа и злоупотреба на лични податоци

МВР информира дека надворешната канцеларија за криминалистички работи Гостивар поднесе кривична пријава против М.М. (35) од гостиварско, поради сомнение за сторено кривично дело „злоупотреба на лични податоци“.Според пријавата, на 14.04.2026 година, на свој профил на социјална мрежа, таа објавила фотографии и текст со навредлива содржина насочена кон угледот и честа на сопругата на нејзиниот поранешен партнер и нејзиното семејство.

Македонија | пред 1 седмица

1 нед.

Раде Трајковски-Штекли осуден на осум години затвор за нарко активностите со кокаинот и марихуаната

Судот изрече затворски казни за обвинетите во случајот со организирана група за трговија со наркотични дроги, при што највисока казна од осум години доби Раде Трајковски-Штекли.„Раде Трајковски судот го осудува на казна затвор од 8 години. Обвинетиот Стефан Китанов судот го осудува на затвор од пет години. Александар Бучевски го осудува на пет години, Стојан Миланов го осудува на казна затвор од 3 години и 10 месеци, обвинетиот Филип Таневски го осудува на пет години затвор“, рече судијата Илија Трпков.Судијата посочи дека постапката се водела ефикасно и без одолговлекување.„Оваа постапка започна пред девет месеци и имаше континуиран тек, со цел ефикасно завршување на притворскиот предмет“, рече судијата Илија Трпков.Тој додаде дека имало обиди за опструкција, но судот не дозволил пролонгирање.„На почетокот на постапката имаше обиди за опструкција, но судот почитувајќи ги принципите на ЗКП, не дозволи постапката да се одолговлекува“, рече судијата Илија Трпков.Според судот, доказите јасно укажале на организирана криминална група.„Се утврди дека имало организирана група за продажба на кокаин и марихуана. Посебните истражни мерки покажаа дејствија на обвинетите“, рече судијата Илија Трпков.Дрогата, како што беше образложено, се чувала во специјално изнајмени станови, од каде се пакувала и дистрибуирала.„Раде Трајковски ги ангажирал Петар, Димитар и Стојан, за откако ќе ја земат дрогата, да ја мерат и пакуваат во помали пакувања и ја продавале на други лица“, рече судијата Илија Трпков.Парите од продажбата, според судот, завршувале кај Трајковски, кој давал насоки за ширење на мрежата на препродавачи.Судот како отежителни околности ги наведе степенот на опасност на делото, последиците врз здравјето на луѓето и фактот дека обвинетите веќе биле осудувани, а претходните казни не дале ефект.Случајот, според судот, претставува пример за организирано делување мотивирано од брза и лесна заработка, со сериозни последици за општеството.

Македонија | пред 1 седмица

1 нед.

Трамп ја заострува реториката: Опаметите се, го нема више доброто момче, расте цената на нафтата

Тензиите меѓу Техеран и Вашингтон повторно ескалираат, откако Иран ги обвини САД за „пиратерија“ и заплена на бродови, со најава за можен воен одговор од страна на Исламската револуционерна гарда (ИРГЦ).Во меѓувреме, Израелските одбранбени сили (ИДФ) и утрово гаѓаа цели на југот на Либан, тврдејќи дека мета се позиции на Хезболах. Техеран го повика Советот за безбедност на ОН да го принуди Тел Авив да ги запре нападите, предупредувајќи на можни сериозни последици од понатамошна ескалација.На светските пазари, неизвесноста веќе се чувствува – цената на нафтата порасна од 112 на 114 долари за барел, што дополнително ги засилува стравувањата од пошироки економски последици.Претседателот на САД, Доналд Трамп, ја заостри реториката, изјавувајќи дека Иран „не може да се среди“ и дека „подобро би било наскоро да се вразуми“ кога станува збор за нуклеарниот договор.„Не знаат како да потпишат ненуклеарен договор. Подобро би било наскоро да се вразумат“, напиша Трамп на својата социјална мрежа.Покрај пораката, тој објави и фотографија генерирана со вештачка интелигенција на која држи оружје, со експлозии во позадина и натпис „No more Mr. Nice Guy”( Го нема веќе доброто момче), дополнително подгревајќи ја веќе напнатата атмосфера на Блискиот Исток.

Свет | пред 1 седмица

1 нед.

803_dmitrij-peskov-shutterstockcom-id1974_f

Русија не планира излез од ОПЕК+, порача Кремљ

Портпаролот на Кремљ, Дмитриј Песков, изјави дека Русија нема намера да го напушти ОПЕК+, нагласувајќи дека форматот придонесува за стабилност на глобалните енергетски пазари.Песков посочи дека преку механизмот на ОПЕК+ се овозможува намалување на флуктуациите на цените на нафтата и поголема предвидливост на пазарите.Тој се осврна и на одлуката на Обединетите Арапски Емирати, оценувајќи ја како суверена, и нагласи дека Москва ја почитува, при што изрази очекување за продолжување на соработката и енергетскиот дијалог.Според официјалните информации, ОАЕ ја образложија својата одлука со желба за зголемување на производството на нафта, бидејќи повеќе нема да бидат ограничени од квотите во рамки на картелот.ОПЕК е меѓународна организација основана во 1960 година, која преку договори за производствени квоти влијае на светските цени на нафтата. Покрај земјите членки, постои и поширок формат ОПЕК+, во кој учествуваат и голем број дополнителни производители, меѓу кои и Русија.

Свет | пред 1 седмица

1 нед.

Нов бран лажни дојави за бомби во училишта во Сплит и Риека

Нов бран лажни дојави за поставени експлозивни направи утрово ги зафати училиштата во Сплит и Риека, при што образовните институции повторно беа евакуирани од безбедносни причини.Според информациите од полицијата, повеќе училишта примиле електронски пораки со закани за бомби, по што веднаш биле активирани стандардните безбедносни процедури. Учениците и вработените биле изведени од објектите, а специјализирани служби започнале проверки на терен.Дојавите траат веќе неколку дена, при што десетици образовни установи во различни делови на земјата биле цел на слични закани. Само во реонот на Риека, заканувачки пораки добиле околу дваесет средни училишта.Досегашните проверки покажале дека сите дојави биле лажни, но истрагата продолжува со цел да се откријат испраќачите. Според неофицијални информации, трагите водат кон сервери надвор од државата.Министерот за внатрешни работи Давор Божиновиќ изјави дека секоја пријава се третира сериозно и дека е засилена меѓународната соработка преку европски истражни механизми, со цел идентификација на одговорните лица.

Балкан | пред 1 седмица

1 нед.

Зад затворени врати: Мерц му се спротивстави на Трамп за Иран

Германскиот канцелар Фридрих Мерц изјави дека на американскиот претседател Доналд Трамп му го пренел својот став дека војната во Иран е погрешна, но дека истовремено се труди да одржи конструктивни односи со него.Во интервју за германскиот магазин „Шпигел“, Мерц нагласи дека намерно избегнува јавни расправи со американскиот претседател, бидејќи смета дека таквите дискусии не носат резултати во дипломатски контекст. Тој додаде дека одлучил своите несогласувања да ги изнесува во приватни разговори, зад затворени врати.Мерц истакна дека Европа мора да ја зајакне својата безбедносна и одбранбена способност, нагласувајќи дека дипломатското влијание е ефикасно само доколку е поткрепено со воена сила. Во таа насока, тој повика на поблиска соработка со Франција и другите европски партнери за заедничка заштита на континентот.Во своите изјави, германскиот канцелар се осврна и на претходни дипломатски ситуации, посочувајќи дека јавните конфликти во Овалната соба на Белата куќа често не носат позитивни резултати, алудирајќи на други меѓународни лидери.Мерц ја истакна важноста на балансиран пристап во односите со САД, комбинирајќи отворен дијалог со дипломатска воздржаност.

Свет | пред 1 седмица