Промени тема
За нас
Нова вест Админ
site logo skopje1
иран
Претрес во кочанската болница и противпожарна бригада - разговор со обвинетиот обезбедувач Захариев
Претрес во кочанската болница и противпожарна бригада - разговор со обвинетиот обезбедувач Захариев

Најнови вести

1 нед.
media-library51bbtg2c7kaa8ggtITP

Москва подготвена да ја замени Европа: „Ќе снабдуваме други пријателски земји“

Потпретседателот на руската влада, Александар Новак, изјави дека Русија е подготвена, наместо Европа, со гас да снабдува други пријателски земји кои се заинтересирани за долгорочни и конструктивни односи.Такви можности постојат, нашите компании денес го потврдија тоа, веќе водат преговори и во блиска иднина гасот ќе биде пренасочен кон други земји“, им изјави тој на новинарите, пренесува агенцијата РИА Новости.Претседателот на Русија, Владимир Путин, изјави дека за Русија би можело да биде корисно што поскоро да ги прекине испораките кон европските земји, бидејќи во Европа се планира постепено воведување ограничувања што би можеле да доведат до целосна забрана за купување енергенси од Русија.Наместо тоа, рускиот претседател најави дека ќе ѝ наложи на владата да разработи план за извоз кон перспективни трговски пазари. Притоа нагласи дека во тоа нема никаква политичка позадина.Кон крајот на 2024 година поранешниот премиер на Италија и поранешен претседател на Европската централна банка, Марио Драги, подготви извештај за претседателката на Европската комисија, Урсула фон дер Лајен.Според тој документ, енергетскиот пазар на Европската Унија се соочува со суштински проблеми и недостиг од природни ресурси, и покрај тврдењата дека руското гориво успешно е заменето.Така, цените на гасот во ЕУ се четири до пет пати повисоки отколку во Соединетите Американски Држави.Сепак, во средината на октомври Советот на Европската Унија одобри постепено укинување на испораките на руски гас, почнувајќи од 1 јануари 2026 година.За постојните договори е предвиден преоден период до 1 јануари 2028 година.Според проценката на шефот на Рускиот фонд за директни инвестиции, Кирил Дмитриев, Европа поради откажувањето од рускиот увоз изгубила повеќе од 1,3 билиони евра.

Свет | пред 1 седмица

1 нед.
media-library4tnm9iaectbgb2sYMha

Турција испраќа борбени авиони Ф-16 на Кипар

Турција испраќа шест борбени авиони Ф-16 на Кипар. Како што денес пренесува турската телевизија NTV, се очекува ловците Ф-16 да слетаат на аеродромот Ерџан, на северот на островот.Во тек се подготовки во објектите на аеродромот за сместување на персоналот кој ќе биде стациониран таму.Ашкин Мешели, вршител на должност директор на Одделот за цивилно воздухопловство, објави дека Турција утрово ќе испрати шест борбени авиони Ф-16 во ТРСК.Мешели изјави дека авионите се испраќаат од безбедносни причини и дека нивното пристигнување нема да влијае врз цивилните летови.Во најновото соопштение на Министерството за национална одбрана, исто така, е наведено дека, имајќи ги предвид неодамнешните случувања, се разгледува распоредување на борбени авиони Ф-16 на островот со цел да се обезбеди безбедноста, потсетува NTV и додава дека одлуката доаѓа по низа напади врз базата Акротири на јужен Кипар.

Свет | пред 1 седмица

1 нед.
pat-magla

АМСМ предупредува: Густа магла на делницата Лисец – Попова Шапка

Сообраќајот на државните патишта во земјава се одвива непречено, по наместа влажни коловози, информираат од АМСМ. Намалена видливост поради појава на магла од 20 до 30 метри има на патниот правец село Лисец – Попова Шапка.Интензитетот на сообраќај надвор од градските средини е умерен, а на граничните премини од македонска страна засега нема подолги задржувања за влез и излез од државата.Од АМСМ апелираат возачите да управуваат внимателно, да ја прилагодат брзината на движење и да ја почитуваат поставената сообраќајна сигнализација, особено на делниците низ котлините, речните долини и клисурите каде е можна појава на одрони.Воедно, потсетуваат дека до 15 март во сила е законската обврска за задолжително поседување зимска опрема во возилата.

Македонија | пред 1 седмица

1 нед.
eZy-Watermark_01-10-2023_05-26-08-1140PM

Променливо облачно со слаб локален дожд

Променливо облачно, во утринските и претпладневните часови во западните делови ќе има слаб локален дожд. Попладне облачноста ќе се намали. Ќе дува слаб до умерен ветер од југоисточен правец. Минималната температура ќе биде во интервал од 1 до 6, а максималната ќе достигне од 11 до 16 степени.Во Скопје, променливо облачно, претпадне во делови од котлината ќе има услови за слаб дожд. Ќе дува слаб до умерен ветер од југоисточен правец. Минималната температура ќе се спушти до 6, а максималната ќе достигне до 15 степени.Следува период на претежно стабилно време. Утрата ќе бидат постудени а преку денот ќе преовладува сончево и релативно топло со мала до умерена облачност.

Македонија | пред 1 седмица

1 нед.
873x400-1-16

Енергетски шок: Цената на нафтата скокна над 100 долари, се стравува од нов бран инфлација

Цената на суровата нафта надмина 100 долари за барел за првпат во последните четири години, откако војната со Иран сериозно го наруши глобалното снабдување со енергенси.Според светските медиуми, цената на нафтата во неделата вечерта ја проби оваа граница, која последен пат беше надмината за време на руската инвазија врз Украина.Пазарите се под силен притисок поради стравувањата дека конфликтот ќе предизвика нов инфлаторен бран, особено поради нарушувањето на транспортот низ Ормускиот теснец, низ кој поминува околу една четвртина од глобалното снабдување со нафта и гас.Американскиот секретар за енергетика Крис Рајт изјави дека прекините во поморскиот сообраќај веројатно ќе траат со недели. Тој посочи дека викендов само еден танкер поминал низ Ормускиот теснец, додека вообичаено низ него дневно минуваат десетици бродови.Францускиот претседател Емануел Макрон во неделата стана првиот западен лидер кој директно го повика иранскиот претседател да овозможи повторно отворање на поморската рута.Аналитичарите на инвестициската банка „Голдман Сакс“ предупредија дека цената на нафтата може да достигне и околу 150 долари за барел доколку кризата не се смири до крајот на месецот. Во екстремни сценарија, некои трговци со енергенси предупредуваат дека цената би можела да порасне и до 250 долари за барел.Порастот на цените на нафтата веќе создава притисок врз цените на горивата, при што во некои земји постои ризик полнењето на семеен автомобил повторно да надмине 100 фунти, што последен пат се случи по почетокот на војната во Украина.Во меѓувреме, иранските државни медиуми објавија дека за нов врховен лидер на земјата е избран Моџтаба Хамнеи, 56-годишниот син на покојниот ајатолах Али Хамнеи. Изборот на конзервативниот духовник, според анализите, сигнализира подготвеност на Техеран да ја продолжи конфронтацијата со Соединетите Американски Држави.

Свет | пред 1 седмица

1 нед.
media-libraryjhe6bolsp47ve1ATXnV

Нефтата поскапува, светот трепери: Војната со Иран може да предизвика глобален инфлаторен шок, предупредуваат економисти

Инфлаторен шок предизвикан од американско-израелските напади врз Иран би можел сериозно да го загрози кревкото закрепнување на светската економија, предупредуваат банкарите и економските аналитичари, пренесува „Гардијан“.Според нив, наглиот раст на цените на нафтата и природниот гас може да доведе до поскапувања на мало во многу земји и да ги принуди економистите да ги ревидираат прогнозите за глобалниот економски раст во текот на годинава.Извршната директорка на Меѓународниот монетарен фонд, Кристалина Георгиева, изјави дека зголемување на цените на енергенсите од 10 проценти кое би траело една година може да ја зголеми глобалната инфлација за 40 базични поени и да го намали економскиот раст за 0,1 до 0,2 проценти.„Светската економија се покажа извонредно отпорна. И покрај шоковите, растот и понатаму е околу 3,3 проценти“, изјави Георгиева.Економистите предупредуваат дека поголем проблем од самото поскапување на енергенсите може да биде дестабилизацијата на финансиските пазари, кои и онака се под притисок поради високите вреднувања на акциите во секторот на вештачката интелигенција и влијанието на американските царини.Британскиот економист Џим О’Нил, поранешен главен економист на „Голдман Сакс“, оцени дека конфликтот започнал во момент кога глобалната економија веќе се соочува со сериозни предизвици.„Оваа војна не започна во стабилно глобално опкружување“, изјави О’Нил, предупредувајќи дека геополитичките последици би можеле да доведат до ново прегрупирање на светските сојузи.Посебна загриженост предизвикува можноста за нарушување на испораките на нафта преку Ормускиот теснец, низ кој поминува околу 20 проценти од глобалното снабдување со нафта. Според анализите на „Блумберг економикс“, пад на понудата од само еден процент може да ја зголеми цената на нафтата за околу четири проценти.Тоа значи дека евентуално затворање на теснецот на неколку месеци би можело да ја зголеми цената на нафтата за околу 80 проценти, на приближно 108 долари за барел.Економските аналитичари предупредуваат дека Европа и Велика Британија би можеле да бидат особено погодени поради зависноста од увоз на енергенси. Според проценките на „Оксфорд економикс“, инфлацијата во еврозоната и во Велика Британија до крајот на годината може да биде за 0,5 до 0,6 процентни поени повисока од претходните прогнози.Истовремено, растот на цените на горивата веќе се чувствува во САД, каде што бензинот на бензинските пумпи во просек поскапел за 15 центи по галон во последните денови.Европската централна банка предупреди дека доколку конфликтот на Блискиот Исток се продлабочи и продолжи подолго време, тоа може да доведе до дополнително зголемување на инфлацијата и забавување на економскиот раст во Европа.

Свет | пред 1 седмица

1 нед.
media-library3fmlqqktbrd96SSXA5V

(Фото) Евакуираните жени ги чекаа со ружи: 151 македонски државјанин безбедно евакуиран од Обединетите Арапски Емирати

На Меѓународниот аеродром Скопје вечерва пристигнаа 151 патник, македонски државјани кои претходно престојувале во Обединетите Арапски Емирати и кои успешно биле евакуирани и вратени во земјата.Министерот за надворешни работи и надворешна трговија, Тимчо Муцунски, информираше дека процесот на евакуација бил целосно координиран од Министерството за надворешни работи и надворешна трговија, во соработка со другите надлежни институции.„Вечерва на Меѓународниот аеродром Скопје пристигнаа 151 патник, како дел од групата македонски државјани кои престојуваа во Обединетите Арапски Емирати и кои успешно и безбедно беа евакуирани и вратени во државата“, соопшти Муцунски.Тој додаде дека операцијата уште еднаш ја потврдува подготвеноста на институциите да реагираат брзо и координирано во услови на кризни ситуации.Според најавите од Министерството, во наредните денови се очекува да биде финализирана и евакуацијата на останатите македонски државјани кои се наоѓаат во погодените подрачја на Блискиот Исток.

Македонија | пред 1 седмица

1 нед.
media-library09vpv6t0cvspdoLnTnE

Иранските државни медиуми тврдат: Мојтаба Хамнеи прогласен за нов врховен водач по смртта на Али Хамнеи

Иранските државни медиуми објавија дека Мојтаба Хамнеи, син на поранешниот врховен водач Али Хамнеи, е именуван за негов наследник и нов врховен водач на Исламската Република.Али Хамнеи загина на самиот почеток на американско-израелските напади врз Иран. Државните медиуми наведуваат дека Мојтаба Хамнеи, 56-годишен клерик, ги преживеал воените удари.Врховниот водач во иранскиот политички систем ја има последната и решавачка улога во клучните државни прашања, вклучително и стратегиските безбедносни и надворешнополитички одлуки. За изборот на наследник, како што се наведува, одлучувал Советот на експерти — тело со 88 членови — по смртта на Али Хамнеи.Во периодот по неговата погибија, било формирано привремено тричлено државно водство, составено од претседателот Масуд Пезешкијан, претседателот на правосудството Голамхосеин Мохсени Еџеи и клерикот Алиреза Арафи, кој воедно се посочува како челник на паравоената организација Басиж.Државните медиуми нагласуваат дека Али Хамнеи во јавноста никогаш официјално не го именувал својот наследник, што го прави денешното соопштение особено чувствително и потенцијално пресудно за натамошната стабилност на иранскиот политички поредок во услови на воен притисок и регионална ескалација.

Свет | пред 1 седмица

2 нед.
236816881_327299032472860_31726440552678132_n

Над 270 контроли на бензински пумпи – кај дваесетина привремен недостиг од гориво

Пазарните инспектори утврдиле дека на дел од бензинските станици во државата имало привремен недостиг на гориво, но станувало збор за краткотрајни прекини во снабдувањето, кои траеле од еден до два часа.Контролите биле спроведени откако на социјалните мрежи се појавија информации дека на некои бензински станици не се точи гориво, по што Државниот пазарен инспекторат излезе на терен со вонредни проверки.Директорот на Државниот пазарен инспекторат, Стојкоски, за телевизија Сител изјави дека во изминатите три дена биле извршени повеќе од 270 контроли на бензински пумпи низ целата држава.При инспекциските надзори било утврдено дека кај дваесетина бензински станици имало привремен недостиг на гориво. Сепак, како што појасни Стојкоски, прекинот траел кратко – додека се дополнат резервоарите, по што точењето продолжувало без проблеми.Поради тоа, инспекторите не изрекле казни.Според директорот на Пазарниот инспекторат, причината за ваквата состојба е нагло зголемената побарувачка за гориво, која во одредени моменти била и до четири пати поголема од вообичаеното.

Македонија | пред 2 седмици

2 нед.
media-library7a6p6ihqqfokfxQdE20

Стармер разговараше со Трамп по критиките дека Британија не е лојален сојузник

Американскиот претседател Доналд Трамп и британскиот премиер Кир Стармер денеска телефонски разговарале за состојбата на Блискиот Исток, откако Трамп претходно упати остри критики кон Обединетото Кралство и неговото раководство, пренесе The Guardian.Според соопштението од Даунинг стрит, двајцата лидери размениле мислења за најновите случувања на Блискиот Исток и за воената соработка меѓу САД и Обединетото Кралство. Во разговорот било споменато и користењето на базите на Кралските воздухопловни сили во рамки на поддршката за колективна самоодбрана на партнерите во регионот.Стармер изразил искрено сочувство до Трамп и американскиот народ по смртта на шест американски војници за време на конфликтот со Иран.Телефонскиот разговор се случил еден ден откако Трамп го критикуваше Лондон затоа што веднаш не ги поддржал нападите на САД и Израел врз Иран. На социјалните мрежи тој ја опиша Британија како некогаш голем сојузник и го нападна британското раководство бидејќи дури подоцна почнало сериозно да размислува за испраќање носач на авиони на Блискиот Исток.Трамп му порачал на Стармер дека таква помош повеќе не им е потребна, додавајќи дека ќе го запомнат тоа и дека не им се потребни партнери кои се приклучуваат во војна откако таа веќе е добиена.Американскиот претседател во последните денови неколкупати јавно го критикуваше Стармер. Во вторникот, во Белата куќа, тој изјави дека не е задоволен од британскиот премиер.Стармер возврати дека на Обединетото Кралство му е потребна сериозност, а не политички игри. Во авторски текст за Sunday Mirror, тој наведе дека неговата влада е насочена кон заштита на безбедноста на земјата и на британските граѓани дома и во странство.Британскиот премиер претходно изјави и во парламентот дека не е подготвен да ја вклучи земјата во војна доколку не постои јасна правна основа и добро разработен, изводлив план.

Свет | пред 2 седмици

2 нед.
media-libraryft1tssuibt081VNWTPr

Иран предупредува: Ако продолжат нападите, ќе возвратиме со удари во регионот

Портпаролот на Иранската револуционерна гарда предупреди дека Иран ќе возврати со слични напади на Блискиот Исток доколку продолжат воздушните удари врз неговите енергетски постројки.Во соопштението се наведува дека „криминалните Соединети Американски Држави и посрнатиот ционистички режим од почетокот на агресијата врз Исламската Република Иран не постигнале ништо освен убивање невини деца, невооружени мажи и жени и цивили“.Се додава дека, покрај убиствата на цивили, напаѓачите отишле чекор понатаму и во нови, брутални напади гаѓале делови од енергетската инфраструктура и сервисни центри.Во соопштението се истакнува дека Иран досега се воздржувал од слични напади и се повикуваат владите на исламските земји итно да ги предупредат Соединетите Американски Држави и Израел со цел да се спречи понатамошно ширење на конфликтот во регионот.

Свет | пред 2 седмици

2 нед.
media-librarykrer228jvsqd9SycsWH

Шкотска би можела да им забрани на американските воени авиони слетување на аеродромот Прествик

Шкотскиот прв министер Џон Свини изјави дека би размислил за забрана на користењето на шкотскиот аеродром Прествик, кој е во државна сопственост, за американски воени авиони доколку тие учествуваат во воздушни напади врз Иран, пишува „Телеграф“.Свини рече дека од владата на Обединетото Кралство бара појаснување за улогата на американските авиони кои го користат аеродромот, додавајќи дека смета оти ударите се „спротивни на меѓународниот поредок заснован на правила“, кој треба да го насочува однесувањето на државите и да спречува конфликти.„Бараме појаснување од владата на Обединетото Кралство за целта на американските летови што пристигнуваат и заминуваат од Прествик, но немаме можност да ги провериме тие летови“, изјави Свини во емисијата на Би-Би-Си „Sunday With Laura Kuenssberg“. На прашањето дали би ги забранил американските воени летови што се користат во воздушни напади, одговори: „Да, тоа е опција што би ја разгледал, но за таква одлука ми се потребни информации.“Пред нападите врз Иран, на аеродромот јужно од Глазгов биле забележани авиони на американските воздухопловни сили. Според „Дејли мејл“, меѓу нив имало десет ловци Ф-35, два јуришни авиони А-10 „Тандерболт II“ и два транспортни авиони Ц-17А „Глоубмастер III“. Фотографиите на леталата поттикнаа шпекулации дека Прествик се користи како база за напади врз Иран, но британското Министерство за одбрана соопшти дека аеродромот не се користи за започнување напади.Претходно оваа недела британскиот премиер Кир Стармер ја поддржа американската „одбранбена“ акција на Блискиот Исток, откако првично не дал одобрување. По таа промена, четири американски бомбардери Б-1 „Лансер“ слетаа во базата РАФ Ферфорд во Глостершир.Аеродромот Прествик е во сопственост на шкотската влада од 2013 година. Иако најголем дел од летовите се товарни, во последните години се регистрирани и стотици воени летови. Откако започна војната, Свини се соочува со политички притисок да им забрани на САД да го користат аеродромот за напади врз Иран.На парламентарна седница на 6 март, Рос Грир, копретседател на Шкотската зелена партија, го обвини Свини дека „седи со скрстени раце“ поради молкот за користењето на аеродромот. „САД користат аеродром во сопственост на шкотската влада за водење нелегална војна, при што се убиваат стотици, ако не и илјадници невини луѓе“, рече Грир.Од друга страна, Мурдо Фрејзер, портпарол на шкотските конзервативци за економија, порача дека Свини треба да се занимава со прашања кои се во негова надлежност. Според него, Прествик и соработката со американската војска се од витално значење за шкотската економија.Портпарол на шкотската влада нагласи дека министрите не одлучуваат кои „клиенти“ ќе ги опслужува аеродромот и дека таквите одлуки ги носи владата на Обединетото Кралство. Од британското Министерство за одбрана соопштија дека Прествик е цивилен меѓународен аеродром во сопственост на шкотската влада и дека САД не го користат за започнување воени напади.Во соопштението се додава дека Обединетото Кралство им дозволило на САД да користат британски воени бази за специфични одбранбени мисии со цел уништување на иранските ракетни способности кои претставуваат закана за британските граѓани, базите и партнерите во регионот. Шкотската влада, пак, наведе дека не собира ниту поседува информации за целта на летовите што ги користат шкотските аеродроми.Министрите оваа недела побарале појаснување од владата на Обединетото Кралство дека ниту еден авион не поминал низ аеродромите во сопственост на шкотската влада како дел од офанзивни операции против Иран, по што ќе го информираат парламентот.

Свет | пред 2 седмици

2 нед.
media-libraryq8kd7cf4684mfd6mYkY

Зеленски: Помала поддршка поради Иран значи помалку противвоздушна одбрана за Украина

Украинскиот претседател Володимир Зеленски предупреди дека конфликтот на Блискиот Исток би можел да се продолжи, што би можело да доведе до тоа партнерите на Киев да посветуваат помалку внимание на Украина и да ја намалат испораката на системи за противвоздушна одбрана. Тој го изјави ова денеска на прес-конференција со премиерот на Холандија, Роб Јетен, во Киев, јавува Ukrainska Pravda.„Се надевам дека војната на Блискиот Исток нема долго да трае, не само затоа што се грижам за Украина, туку и затоа што секој загубен или уништен човечки живот е трагедија. Во меѓувреме, не гледаме напредок во мировните преговори. Ако трајниот мир или прекинот на огнот не се договори во првите денови на конфликтот, постои голем ризик од негово продолжување“, рече Зеленски.„Тоа дефинитивно ќе влијае на ситуацијата во Украина. Помал фокус значи помала поддршка. Помала поддршка значи помалку противвоздушна одбрана“, додаде тој.Зеленски исто така изјави дека Русија ѝ помага на иранската власт. „Русија ѝ пружа помош на иранскиот режим. Знаеме што е досега испорачано, иако точниот обем на таа помош не е целосно познат. Добра работа е што изгледа иранскиот режим не е во состојба да ѝ обезбеди на Русија ракети и друго оружје кое се користи во нападите врз Украина“, рече тој.Украинскиот претседател најави и дека експерти за пресретнување дронови следната недела ќе заминат на Блискиот Исток.

Свет | пред 2 седмици

2 нед.
media-libraryb8sjmkqor128fAeHOJG

Техеран предупредува: Отровен воздух ги загрозува граѓаните по нападите врз рафинериите

Иранското Министерство за надворешни работи предупреди дека нападите врз нафтената инфраструктура во земјата ослободуваат опасни и токсични материи во воздухот, што, според Техеран, претставува сериозна закана за здравјето на населението.Портпаролот на министерството Есмаил Багаеи изјави дека нападите врз нафтени складишта и рафинерии предизвикуваат големо загадување на воздухот.„Нападите врз нафтени складишта ослободуваат опасни и отровни материи во воздухот, што во големи размери ги загрозува животите на луѓето“, изјави Багаеи.Во текот на ноќта, според иранските медиуми, биле погодени неколку нафтени рафинерии во земјата. Меѓу целите било и нафтеното складиште Шахран, кое се наоѓа на северозападниот дел од иранската престолнина Техеран.Иранските државни медиуми јавија и за експлозии во градот Ком. Полуофицијалната новинска агенција Тасним објави дека американско-израелски напади погодиле две локации во овој град.Ком се наоѓа јужно од Техеран и важи за едно од најзначајните центри на шиитското верско образование во Иран. Градот веќе беше меѓу местата каде беа пријавени експлозии по почетокот на американско-израелските напади врз повеќе цели низ земјата.Засега нема официјални информации за евентуални жртви или за обемот на материјалната штета.

Свет | пред 2 седмици

2 нед.
media-libraryenah8pifcung8SUS8Ot

Трамп, Иран и Европа: војната ја враќа старата лекција дека сојузниците не се „опција“

По една година во која ја градел реториката врз притисок, закани и потценување на европските лидери, американскиот претседател Доналд Трамп, според напис на „Политико“, сега се соочува со непријатна вистина: во војна против Иран, Европа не е спореден актер, туку клучна алка – особено кога станува збор за бази, логистика и воена инфраструктура.Според текстот, првите денови од американско-израелската операција би биле „значително полесни“ доколку Лондон дозволел американските бомбардери да полетуваат од воздухопловни бази на територијата на Обединетото Кралство. Трамп, како што се наведува, јавно изразил незадоволство што британскиот премиер Кир Стармер одобрил само активности кои се квалификуваат како „одбранбени“ операции од објектите на Кралските воздухопловни сили.Слична линија, се додава, повлекол и шпанскиот премиер Педро Санчес, кој ја осудил операцијата на Блискиот Исток како кршење на законот и одбил да дозволи користење аеродроми под шпанска контрола за полетување на американски авиони. Во написот се наведува дека тоа предизвикало гнев во Вашингтон, а Трамп дополнително ја нападнал шпанската влада, опишувајќи ја како „непријателска“ и најавувајќи можни последици по трговските односи.Францускиот претседател Емануел Макрон, според „Политико“, предупредил дека војната е опасна, дека не е усогласена со меѓународното право и дека не може да добие поддршка. Таквиот фронт на воздржаност во Европа, се оценува, носи ризик од продлабочување на трансатлантскиот раздор и потсетува на траумата од 2003 година, кога војната во Ирак со години го нагризуваше довербата меѓу САД и дел од европските сојузници.Во исто време, Белата куќа, според написот, очекува европските сојузници да „соработуваат“ во мисијата, со образложение дека и Европа е директно изложена на заканата од Иран. Сепак, шпанската влада веднаш демантирала тврдења дека Мадрид се согласил на соработка, што дополнително ја нагласува тензијата и различните интерпретации на „поддршката“.Текстот наведува и дека не сите европски влади се подеднакво далеку од Вашингтон. Германија, на пример, била пофалена затоа што базата Рамштајн била ставена на располагање на американските сили, што во американската администрација се чита како доказ дека практичните, воено-логистички капацитети често се поважни од политичките симпатии.Во написот се појавува и оценка дека Вашингтон почнува повторно да ја учи лекцијата за границите на моќта без сојузници. Се наведува дека врвот на американската воена хиерархија предупредувал дека конфликтот со Иран носи поголеми ризици ако не постои поддршка од клучни партнери, додека европските влади, паралелно, распоредуваат сопствени капацитети кон регионот за да ги заштитат сопствените интереси – но со свест дека дури и „одбранбените“ мисии можат лесно да бидат вовлечени во ескалација.Заклучокот што провејува низ анализата е јасен: Европа се обидува да постави црвени линии за користење на својата територија и инфраструктура, а администрацијата во Вашингтон, соочена со оперативните потреби на фронтот, мора да признаe дека трансатлантската поддршка не се подразбира – и дека не се добива со ултиматуми.

Свет | пред 2 седмици

2 нед.
policija-policaec

Во еден ден се приведени 23 возачи, меѓу нив малолетник – фатени без дозвола, под дејство на алкохол и со активна забрана, велат од МВР

Полициските службеници во текот на вчерашниот ден на целата територија на државата лишиле од слобода вкупно 23 возачи, поради сериозни прекршоци во сообраќајот, соопшти МВР.Како што информираат од Министерството, 11 возачи биле приведени затоа што управувале возило без возачка дозвола, при што е евидентиран и еден малолетник. Девет лица биле лишени од слобода поради управување возило под дејство на алкохол, а едно лице било приведено затоа што возело и покрај изречена активна забрана за управување.Најголем број лишувања од слобода се реализирани на подрачјето на СВР Тетово (седум) и СВР Куманово (пет). По три возачи биле лишени од слобода на подрачјата на СВР Скопје и СВР Штип, по два во СВР Велес и СВР Битола, а еден на подрачјето на СВР Струмица.Од МВР наведуваат дека по целосно документирање на случаите ќе бидат поднесени соодветни кривични пријави.Воедно, Министерството упати апел до сите учесници во сообраќајот да ги почитуваат правилата и прописите, да не управуваат возило без положен возачки испит, да не возат доколку им е изречена забрана за управување и да не седнуваат зад волан под дејство на алкохол, со цел заеднички да се придонесе за побезбеден сообраќај.

Македонија | пред 2 седмици

2 нед.
Svajcarija

Неутралната Швајцарија се огласи: Американско-израелските напади врз Иран се кршење на меѓународното право

Швајцарскиот министер за одбрана Мартин Пфистер оцени дека нападите на Соединетите Американски Држави и Израел врз Иран претставуваат кршење на меѓународното право, пренесува Алџезира.Во интервју за швајцарскиот весник „Зонтагсцајтунг“, Пфистер изјави дека швајцарската влада смета дека нападот врз Иран ја прекршува забраната за употреба на сила, што е основен принцип на меѓународното право.„Федералниот совет смета дека нападот врз Иран претставува кршење на меѓународното право. Според нашето мислење, тоа е прекршување на забраната за употреба на сила“, изјави Пфистер, повикувајќи ги сите страни да ги прекинат борбите со цел да се заштити цивилното население.Тој појасни дека оценката се однесува на сите држави кои не ја почитуваат забраната за употреба на сила, вклучително и САД и Израел.„Американците и Израел го нападнаа Иран од воздух. Со тоа, како и Иран, го прекршија меѓународното право“, додаде швајцарскиот министер.Слични ставови изрази и германскиот вицеканцелар и министер за финансии Ларс Клингбајл, кој во изјава за германската медиумска мрежа РНД рече дека има „сериозни сомнежи“ дали оваа војна е легитимна според меѓународното право.Клингбајл предупреди и дека постои опасност светот да се движи кон систем во кој нема правила, туку важи само правото на посилниот.Шпанија, исто така, ги осуди американските и израелските напади врз Иран, оценувајќи ги како непромислени и незаконски.Според експерти со кои разговарала Алџезира, нападите најверојатно ја прекршуваат Повелбата на Обединетите нации, која ја забранува агресијата и употребата на сила без јасно правно оправдување.

Свет | пред 2 седмици

2 нед.
media-libraryfr3jcfd14t0e6D9BLDC

Иранскиот министер: Никој не знае кој ќе биде следниот врховен лидер

Иранскиот министер за надворешни работи Абас Аракчи изјави дека никој не знае кој ќе биде следниот врховен лидер, во услови на извештаи дека телото одговорно за изборот веќе избрало замена за ајатолах Али Хамнеи.Во емисијата на NBC „Meet The Press“ во неделата, Аракчи рече: „Се шират многу гласини, но мораме да почекаме Советот на експертите да се состане и да гласа за новиот врховен лидер.“Советот е тело составено од 88 високи клирици кои го бираат врховниот лидер на Иран, а членовите се избираат од иранските гласачи.Додека советот не се состане, на власт е привремено водство, а сите ирански институции продолжуваат да ја извршуваат својата работа. Некои набљудувачи сметаат дека новиот лидер не може да биде именуван додека советот не се состане лично.Аракчи беше прашан и за тврдењето на претседателот Доналд Трамп дека мора да има збор во изборот на новото иранско раководство. „Не дозволуваме никој да се меша во нашите внатрешни работи. Тоа е на иранскиот народ,“ рече тој. „Тоа е исклучиво работа на иранскиот народ.“Иран, исто така, не би прифатил барање на Трамп за безусловно предавање. Аракчи додаде дека Иран во јуни минатата година прифатил примирје, но овојпат е потребен траен крај на војната. „Никој не сака да ја продолжи оваа војна,“ рече тој, додавајќи дека Иран ќе продолжи да дејствува само во самоодбрана.Тој нагласи дека Иран не напаѓа соседи, туку американски објекти и инсталации во арапските земји на Персискиот залив.

Свет | пред 2 седмици

2 нед.
media-libraryssd7ekmc783idiTUlD3

Трамп: Новиот ирански лидер мора да добие одобрување од САД

Иран денеска објави дека избрал нов врховен лидер, а иако неговото име сè уште не е познато, американскиот претседател Доналд Трамп изјави дека новиот лидер „не ќе потрае долго“ ако претходно не добие негово одобрување, јавува ABC News. „Ќе мора да добие наше одобрување“, рече претседателот за ABC News. „Ако не го добие нашето согласување, нема долго да се задржи. Сакам да бидеме сигурни дека нема да мораме да се враќаме на ова на секои 10 години, кога нема да има претседател како мене кој е подготвен да го реши тоа.“Тој додаде: „Не сакам луѓето за пет години да мораат повторно да се враќаат и да ја прават истата работа, или уште полошо, да им дозволиме да набават нуклеарно оружје.“

Свет | пред 2 седмици

2 нед.
media-library3lp5aqc3s2v192BIUrY

Ирански шеф на дипломатијата до Трамп: Извинете се за убиствата и разорувањата

Иранскиот министер за надворешни работи Абас Арагчи изјави дека новиот врховен лидер на Иран ќе го избере иранскиот народ, а не американскиот претседател Доналд Трамп. Тој воедно побара Трамп да се извини за „убиствата и разорувањата“ кои, според него, Соединетите Американски Држави ги предизвикале во Иран и поширокиот регион, пренесува NBC.Арагчи реагираше на изјавата на Трамп од минатиот четврток, во која американскиот претседател посочил дека би требало да учествува во изборот на следниот врховен лидер на Иран.„Никому не му дозволуваме да се меша во нашите внатрешни работи. Исклучиво иранскиот народ ќе го избере својот нов лидер“, изјави Арагчи во емисијата „Meet the Press“.Тој додаде дека американскиот претседател треба да се извини за постапките на својата земја.„Тој треба да им се извини на луѓето во регионот и на иранскиот народ за убиствата и разорувањата што ни ги нанесе“, заклучи иранскиот министер.

Свет | пред 2 седмици

2 нед.
media-librarylbc8fiscfaqlcMv63FH

Што ако избие нуклеарна војна: Пет милијарди жртви, 10 години без храна, само две земји можат да преживеат

Растечките геополитички тензии повторно ја враќаат една од најмрачните теми на современиот свет: што навистина би значело нуклеарна војна – дури и ако се води меѓу ограничен број држави. Во анализите што се темелат на научни модели, клучната опасност не е само моменталното уништување од детонациите, туку долготрајниот удар врз климата и храната, кој би го променил секојдневието на планетата со години.Според такво сценарио, првите часови и денови би донеле масовни жртви во зоните на директните удари – градови и критична инфраструктура би биле избришани, а преживеаните би се соочиле со хаос, прекин на здравствени услуги и недостиг од вода и енергија. Но уште поголемата катастрофа, според научните процени, би настапила потоа, кога огромни количества чад и саѓи би се издигнале во атмосферата и би ја намалиле сончевата светлина.Токму таа фаза се опишува како „нуклеарна зима“ – период на затемнување и нагло ладење, кој би ја погодил глобалната земјоделска продукција. Со пад на приносите и прекин на синџирите на снабдување, светот би влегол во долга криза на храна, каде што гладот би станал главниот убиец, а социјалните системи би се распаѓале под притисок на недостиг и миграции.Во една од проценките што се цитираат во јавноста, се наведува дека бројот на жртви би можел да достигне до пет милијарди луѓе, зависно од размерот на конфликтот и количината на материјал исфрлен во атмосферата. Дел од населението би можело да ги преживее почетните удари, но би влегло во свет со драматично променети услови за живот, каде што земјоделството би било потиснато со години, а секоја држава би се борела да ги заштити преостанатите резерви.Во оваа логика на преживување, како најповолни се посочуваат држави кои се географски изолирани, имаат капацитет за производство на храна и се доволно далеку од главните цели. Во таквите процени, Австралија и Нов Зеланд се издвојуваат како места што би имале релативно поголеми шанси да одржат одредено ниво на земјоделско производство и функционирање, иако и таму условите би биле далеку од нормални.Експертски коментари што се пренесуваат во јавните дискусии предупредуваат дека дури и нај„сигурните“ региони не би биле поштедени од тешкотии: живот со ограничени залихи, можни прекини во снабдувањето, опасности од радијација, како и потреба од долготрајни мерки на заштита и приспособување. Овој тип сценарија, нагласуваат анализите, не служи за сензационализам, туку како потсетник дека вистинската цена на нуклеарниот конфликт не се мери само во детонации, туку во години изгубена стабилност и поколенија што би живееле во последиците.

Свет | пред 2 седмици

2 нед.
Liban

Најмалку 15 загинати во израелски воздушни напади во јужен Либан

Најмалку 15 лица загинаа утрово во серија израелски воздушни напади во јужниот дел на Либан, соопшти либанското Министерство за здравство.Безбедносни извори наведуваат дека жртвите се од градот Сир ал-Гарбија, во округот Набатија, каде што во нападот била погодена трикатна зграда. Според истите извори, израелските напади сè повеќе се насочуваат кон подрачјата јужно од реката Литани, каде што Израел смета дека меѓу цивилното население дејствуваат борци на Хезболах.Портпарол на израелската армија на арапски јазик објави порака на социјалната мрежа Икс во која се наведува дека „терористичките активности на Хезболах ги принудуваат одбранбените сили силно да дејствуваат против нив“. Во пораката повторно им е упатен повик на жителите, поради нивна безбедност, веднаш да ги напуштат своите домови и да се преселат северно од реката Литани.Нападите се случуваат во услови на зголемени регионални тензии по избувнувањето на конфликтот меѓу Израел и Соединетите Американски Држави од една страна и Иран од друга страна. Во судирите досега се вклучени повеќе регионални актери и држави.Либански безбедносни извори соопштија дека Израел досега наредил евакуација на повеќе од 80 села во јужен Либан, поради што десетици илјади жители ги напуштиле своите домови.Во меѓувреме, израелската армија во неделата извести дека двајца нејзини војници загинале во борбите во јужен Либан. Тоа се првите пријавени жртви во редовите на израелската војска од 2 март, односно од почетокот на офанзивата против проиранскиот Хезболах во соседната држава.

Свет | пред 2 седмици

2 нед.
media-library89lcaqvsrfbb1FNm12j

(Видео) Путин го прекина говорот поради кашлица, Кремљ се огласи по шпекулациите за неговото здравје

Во јавноста се појави кратка видеоснимка која повторно ги поттикна шпекулациите за здравствената состојба на рускиот претседател Владимир Путин. Видеото, чија автентичност сè уште не е независно потврдена, наводно го прикажува Путин за време на состанок како добива силен напад на кашлица. Снимката брзо се прошири на социјалните мрежи и повторно ги оживеа долгогодишните гласини за неговото здравје, објави британскиот весник The Telegraph.На видеото се гледа рускиот претседател како среде состанок се врти настрана од соговорниците, ја става раката пред устата и почнува да кашла. Иако видеото е кратко, многумина на социјалните мрежи коментираа дека Путин изгледа уморно и исцрпено, што беше доволно за повторно да се појават бројни коментари и претпоставки.Од Кремљ брзо реагираа на ширењето на снимката, отфрлајќи ги сите шпекулации и оценувајќи ги како „уште еден информативен напад од Западот“ со цел дестабилизација на Русија. Портпаролот на Кремљ, Дмитриј Песков, изјави за државните медиуми дека претседателот е „апсолутно здрав“ и дека редовно ги извршува сите свои должности.„Таквите снимки или се вешто монтирани или се извадени од контекст за да се создаде погрешен впечаток. Претседателот е добро, станува збор за последици од обична настинка“, изјави Песков.Здравјето на Владимир Путин со години е тема на меѓународно внимание. Во јавноста периодично се појавуваат непотврдени информации дека тој боледува од сериозни заболувања, меѓу кои и Паркинсонова болест, како и од различни форми на рак.Овие гласини најчесто се засилуваат кога Путин поретко се појавува во јавност или кога аналитичари забележуваат детали на снимките, како треперење на раката, необичен од или цврсто држење за масата за време на состаноци. Сепак, официјална Москва редовно и решително ги демантира ваквите тврдења.

Свет | пред 2 седмици

2 нед.
media-libraryvi6698p37bjn89jtAXE

Весна Бендевска: Црвениот аларм е вклучен - потребни се итни мерки против семејното насилство

По повод Меѓународниот ден на жената - 8 Март, Движењето ЗНАМ за НашаМакедонија организираше панел-дискусија под наслов „Жените ЗНААТ:Еднакви можности, силни жени, силно општество“, на која учествуваапратенички, советнички, директорки и други носителки на јавни функции одредовите на движењето.Настанот не беше симболична прослава, туку платформа за сериозна исодржинска дискусија за улогата на жените во креирањето политики,нивното активно учество во политичките процеси и нивниот придонес воносењето одлуки на централно и локално ниво.Во рамки на настанот се одржа панел-дискусија на тема „Улогата на женитево градењето на модерно и праведно општество“, при што беше истакнатодека вистинското одбележување на 8 Март денес подразбира отворање насуштински прашања и конкретни политики кои ќе обезбедат поголемазаштита, еднаквост и можности за жените.Потпретседателката на Движењето ЗНАМ, Весна Бендевска, во своетообраќање посочи дека годинешното одбележување на 8 Март се случува вовреме кога сериозно се зголемуваат случаите на семејно насилство, пришто во последните два месеци се регистрирани четири случаи на фемицид.„Во сериозни времиња, за сериозни проблеми, неопходен е сериозенпристап. Движењето ЗНАМ нема да остане нем набљудувач на речисисекојдневните случаи на семејно насилство. Црвениот аларм е веќе вклучени потребни се итни мерки и конкретни решенија“ - истакна Бендевска.Како партија која е дел од власта, Движењето ЗНАМ ќе предложи отворањејавна дебата за реорганизација на институционалниот систем со целдоследно спроведување на обврските што државата ги има преземено соратификацијата на Истанбулската конвенција. Целта е воспоставувањепоефикасен систем за превенција, спречување и заштита од семејнонасилство, со јасно дефинирани надлежности, конкретни проекти и прецизнирокови.Дополнително, Движењето ЗНАМ предлага основање државни регионални центриза згрижување на жртви на семејно насилство, кои ќе располагаат сосоодветни материјални, кадровски и финансиски ресурси. Со ваков модел бисе надминал постојниот недостиг на сместувачки капацитети - шелтерцентри, што во моментов претставува една од главните слабости насистемот за заштита на жртвите.Во таа насока, пратеничката група на Движењето ЗНАМ веќе утре ќе иницираодржување јавна расправа во Комисијата за социјална политика,демографија и млади, со учество на експертската јавност и граѓанскиотсектор. Целта е да се утврди дали се потребни итни измени и дополнувањана законите што го уредуваат системот за заштита од родово-базирано исемејно насилство, особено на Законот за спречување и заштита однасилство врз жените и семејното насилство.На крајот од настанот, од Движењето ЗНАМ го честитаа 8 Март на ситежени, нагласувајќи дека нивната програмска определба останува цврста -градење модерно и праведно општество во кое правата, достоинството ибезбедноста на секоја жена се гарантирани и неприкосновени.

Македонија | пред 2 седмици

2 нед.
brza-pomos-nokje-3

Пациентка почина во возило на Итна помош

На 7 март 2026 година во 12:50 часот во СВР Куманово било пријавено дека на место викано „Света Петка“ во општина Старо Нагоричане, во возило на Итната медицинска помош, починала пациентката М.Т. (78) од Крива Паланка.Жената била пренесувана кон Општата болница во Куманово.Лекар констатирал смрт, а по насоки на јавен обвинител телото било предадено на обдукција.

Македонија | пред 2 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања