Промени тема
Контакт
Нова вест Админ
site logo skopje1
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме

Најнови вести

1 нед.
media-libraryaso9h1af555u1wFRb0z

Мерц: ЕУ е подготвена постепено да ги ублажи санкциите кон Иран доколку се постигне сеопфатен договор

Лидерите на Европската Унија одржуваат самит на Кипар со претставници од Египет, Сирија и Либан, при што во фокусот се регионалните безбедносни и енергетски прашања.Германскиот канцелар Фридрих Мерц изјави пред своите колеги дека Европската Унија е подготвена постепено да ги ублажи санкциите кон Иран доколку се постигне сеопфатен договор. Како што пренесува Ројтерс, Мерц истакна дека тоа би претставувало придонес на ЕУ кон напредокот на преговорите и, како што рече, кон постигнување трајно примирје.Претседателот на Европскиот совет Антонио Кошта, според АФП, изјавил дека Ормускиот теснец мора „веднаш повторно да се отвори без ограничувања и без наплата“, нагласувајќи дека тоа е од „витално значење за целиот свет“.Во пресрет на состанокот, високата претставничка на ЕУ за надворешна политика Каја Калас предупреди дека светот би можел да се соочи со поопасен Иран доколку преговорите не резултираат со договор со сила како нуклеарниот спогодба од 2015 година, од кој Соединетите Американски Држави се повлекоа за време на првиот мандат на Доналд Трамп.

Свет | пред 1 седмица

1 нед.
media-librarylacsaq24tqi36JiUMlR

Иран ја осудува заплената на трговски брод: „Туска“ носел медицински материјали

Иранската мисија при Обединетите нации објави соопштение во кое ја осудува, како што наведува, „незаконската заплена“ на иранскиот трговски брод „Туска“ на 19 април, за време на американската поморска блокада околу Ормускиот теснец.Во објава на платформата Икс се наведува дека бродот превезувал „клучни потреби за дијализа и медицинска опрема“ и дека заплената претставува „грубо кршење на меѓународното право“.„Овој присилен и незаконски чин ги загрозува животите, ја поткопува слободата на пловидба и ги изложува ранливите пациенти на сериозен ризик“, се наведува во соопштението.„Одговорните мора да сносат последици“, додава иранската мисија при ОН.

Свет | пред 1 седмица

1 нед.
EU-1

Либан бара поддршка од Европската Унија

Либанскиот претседател Жозеф Аун ги засили дипломатските активности во Европа, барајќи поддршка за стабилизација на земјата и зацврстување на кревкото примирје.Аун одржал повеќе средби на Кипар, на маргините на неформалниот состанок меѓу Европската Унија и лидерите од Блискиот Исток и Северна Африка, организиран од кипарскиот премиер Никос Христодулидис.Во разговорот со францускиот претседател Емануел Макрон, Аун ги претставил напорите за ублажување на кризата во Либан и намалување на страдањата на цивилите, повикувајќи на прекин на израелските напади врз медицински лица, работници на Црвениот крст, цивилната заштита, новинари и врз цивили.Тој го претставил и ставот на Либан за периодот по примирјето и ѝ се заблагодарил на Франција за континуираната помош, изразувајќи надеж за дополнителна поддршка од Париз и од Европската Унија, јавува либанската Национална новинска агенција.Макрон ја потврдил поддршката за Либан, истакнувајќи дека Франција ќе продолжи со дипломатските контакти со цел зајакнување на примирјето и поддршка на преговорите.Аун се сретнал и со италијанската премиерка Џорџа Мелони, на која ѝ пренел информации за разговорите во Вашингтон и ја нагласил потребата од преговарачко решение, порачувајќи дека „опцијата војна не води кон никакво решение“.

Свет | пред 1 седмица

1 нед.
gaza44

Нов израелски напад во Газа: Најмалку тројца загинати

Пристигнуваат нови информации за нов израелски напад во Појасот Газа, извршен на ден што има големо верско и општествено значење за муслиманите, кога луѓето традиционално се собираат на молитва во џамии и на јавни простори.Бројот на загинатите се искачи на најмалку три лица, соопштија палестински здравствени претставници, пренесува Ројтерс.Според лекари и очевидци, нападот погодил густо населено подрачје во градот Газа, во близина на место каде што била распоредена полиција за обезбедување банка.Министерството за внатрешни работи во Газа соопшти дека цел на нападот била полициска патрола.Нападот, според извештаите, покажува дека борбите во Газа продолжуваат и покрај примирјето договорено минатиот октомври, кое, според палестински извори, Израел повеќепати го прекршил со речиси секојдневни напади низ енклавата.

Свет | пред 1 седмица

1 нед.
media-libraryoop8gvjbr0hf7v7qDXK

Американската Централна команда: Продолжува блокадата кон иранските пристаништа, пренасочени 34 бродови

Американската Централна команда (CENTCOM) соопшти дека продолжува блокадата на бродови кои влегуваат или излегуваат од иранските пристаништа, додавајќи дека американската војска пренасочила 34 бродови откако на 13 април започнала патроли во областа околу Ормускиот теснец.Според соопштението, операцијата е насочена кон контрола на поморскиот сообраќај во еден од најважните светски енергетски коридори, низ кој минува значителен дел од глобалниот извоз на нафта.Претходно, американскиот министер за одбрана Пит Хегсет изјави дека сите бродови поврзани со Иран, како и оние што пловат кон Иран или излегуваат од него, биле принудени да го сменат курсот и да се вратат.

Свет | пред 1 седмица

1 нед.
media-librarymg61q9o9hb2ocan4zKF

(Фото) Разбиeна мрежа за нелегален ботокс: уапсени 14 лица, има пријави за 19, а запленето е и лускузно “порше” - позната шемата

Министерството за внатрешни работи соопшти детали за обемната полициска акција спроведена на 23.04.2026 година, во која се сузбиени организирани криминални групи инволвирани во нелегален увоз и дистрибуција на медицински средства што се користат при естетски зафати.Акцијата е реализирана од Одделот за сузбивање на организиран и сериозен криминал, под раководство на јавен обвинител од ОЈО ГОКК. Во рамките на истата, врз основа на судски наредби од Основниот кривичен суд, извршени се претреси на повеќе локации во Скопје, Струмица и Битола.При акцијата лишени од слобода се 14 лица, меѓу кои доктори вработени во скопските клиники, сопственици на дерматолошки ординации, како и лица кои организирале транспорт и продажба на нелегално внесени медицински лекови и помагала, без одобрение од надлежен орган, без упатства и декларации.При претресите се пронајдени и одземени поголеми количини медицински препарати – филери, ботокс и хијалурон, како и 39.285 евра, 2.490 швајцарски франци и 26.000 денари. Одземено е и патничко возило „порше“, поголема количина парфеми со декларации, мобилни телефони и тревкаста материја.Денеска, 24.04.2026 година, Единицата за финансиски криминал при Секторот за криминалистички истраги поднесе кривична пријава до ОЈО ГОКК против 19 физички лица и шест правни лица.Дел од пријавените се товарат за кривични дела „повреда на права од индустриска сопственост и неовластена употреба на туѓа фирма“ и „злосторничко здружување“, додека други се гонат и за „примање поткуп“. Во пријавата се опфатени лица со иницијали Н.А. (43), С.К. (46), А.К. (41), М.Ѓ. (47), Ѓ.С. (32), С.М.С. (31), В.С. (49), како и В.А. (61), Р.Т.Ѓ. (53), Н.К. (42), А.К. (45), Д.Ф. (44), М.И.В. (38), А.Т. (27), С.Ф. (36), К.А. (53), О.Д. (65) и С.А. (40). Пријавен е и А.М. (38), кој се товари и за примање поткуп.Според истрагата, во текот на 2026 година, дел од осомничените формирале злосторничко здружување кое делувало на подрачјето на Скопје и околината, а подоцна се проширило и во Источна Македонија. Во мрежата биле вклучени и правни лица од Скопје и Битола.Со цел да стекнат противправна имотна корист од големи размери, тие набавувале фалсификувани медицински лекови и помагала, меѓу кои ботокс, од Србија, Кореја и Турција. Препаратите биле нелегално внесувани во државата, складирани, дистрибуирани и продавани, а дел од нив биле и аплицирани врз лица при естетски зафати.Иако биле свесни дека станува збор за лекови и медицински помагала кои не се увезени согласно законските прописи и немаат одобрение од МАЛМЕД, осомничените продолжиле со нивна употреба, со што, според МВР, предизвикале општа опасност по здравјето на граѓаните.Дополнително, пријавениот А.М., во својство на царински службеник, во два наврати примил поткуп за да овозможи нелегален влез на стоката без да биде извршена царинска контрола на две пратки со лекови.Истрагата продолжува, а надлежните институции најавуваат дополнителни мерки и постапки во зависност од доказите што ќе бидат обезбедени.

Македонија | пред 1 седмица

1 нед.
media-library4gnk4ldhm77mc92eTdv

Алиу на средба со црногорскиот министер за здравје: Унапредување на билатералната соработка, со посебен фокус на јавното здравје и усогласувањето со европските стандарди

Министерството за здравство соопшти дека министерот Азир Алиу денеска остварил официјална средба со делегација од Министерството за здравство на Црна Гора, предводена од министерот Војислав Шимун, на која била потврдена заедничката определба за унапредување на билатералната соработка во здравствениот сектор, со посебен фокус на европските интегративни процеси.На средбата, одржана во Министерството за здравство, било истакнато дека двете земји имаат традиционално добра и пријателска соработка, со подготвеност таа дополнително да се продлабочи во делот на здравствените системи. Биле разменети искуства за усогласување на националното законодавство со правото на Европската Унија, како и за динамиката и методологијата на пристапните преговори, при што посебен акцент бил ставен на поглавјето 28, кое се однесува на јавното здравје, стои во соопштението.Како што наведуваат во соопштението Алиу нагласил дека јавното здравје претставува еден од клучните сегменти во процесот на усогласување со европските стандарди, посочувајќи дека соработката со Црна Гора во рамки на здравствените системи е од особено значење.Било истакнато и заедничкото учество во Здравствената мрежа на Југоисточна Европа, со акцент на улогата на регионалните центри во Подгорица и Скопје во областа на незаразните болести и јавното здравство, стои во соопштението од Министерството.На средбата биле разгледани и можностите за размена на експерти и медицински кадар, зајакнување на јавното здравство, дигитализација на здравствениот систем, како и заедничко учество во регионални и европски програми, стои во соопштението.Црногорскиот министер Војислав Шимун го споделил искуството на неговата држава во пристапниот процес кон Европската Унија, со посебен осврт на поглавјето 28 и програмата EU4Health, истакнувајќи подготвеност за размена на добри практики, особено во делот на дигитализацијата и реформите во здравствениот систем, стои во соопштението.

Македонија | пред 1 седмица

1 нед.
media-librarylua98gnvbs5v1oHdTxY

Николоски: Силни инвестиции во Коридор 8 и Коридор 10

Вицепремиерот и министер за транспорт Александар Николоски денеска се обрати на 20. конференција на Јадранско-Јонската иницијатива, при што ги презентираше активностите и приоритетите на Министерството за транспорт во делот на инфраструктурните проекти.Во објава на својот фејсбук профил, Николоски наведе дека во рамки на конференцијата зборувал за инвестициите во стратешки проекти, меѓу кои ја истакнал изградбата на брзата железничка пруга на Коридорот 10, како и динамиката на реализација на автопатските делници.Тој посочи дека интензивно се работи на Коридорот 8, како и на поврзувањето на Прилеп и Битола преку Коридорот 10-д, нагласувајќи дека Македонија останува посветена на реализација на капитални инфраструктурни инвестиции.„Македонија е силно посветена на изградбата на стратешки инфраструктурни проекти и модерни транспортни коридори со кои ќе придонесеме за економски напредок на државата и регионот“, навел Николоски во објавата, додавајќи дека тоа е и клучна цел на Стратегијата за Јадранско-Јонскиот регион.Тој потенцира дека подобрата инфраструктура значи и посилна економија.

Македонија | пред 1 седмица

1 нед.
media-library4r2ei7icocg038e47y2

ВМРО-ДПМНЕ: Вчера Трајчулески вика излегуваме од Собрание, денес Филипче ретерира, Венко се враќа на нивната изборна идеја за укинување на техничката влада

Од ВМРО-ДПМНЕ со реакција на ставовите на СДСМ околу најавите за укинување на техничката влада, обвинувајќи ги социјалдемократите за недоследност и промена на позициите во јавните настапи.Вчера Трајчулески вика излегуваме од Собрание, денес Филипче ретерира, Венко се враќа на нивната изборна идеја за укинување на техничката влада, наведуваат од ВМРО-ДПМНЕ во соопштението.Од партијата во соопштението оценуваат дека, како што велат, Филипче „се фатил во сопствените лаги“ и дека се зголемува стравот од изборен пораз.„Вчера Митко Трајчулески од СДС се закани дека ќе излезат од Собрание ако се укине техничката влада, а денес Филипче ретерираше од овој нивен став. Тоа е за поздравување, бидејќи така СДС се враќа на нивниот прв став за укинување на техничката влада“, се наведува во соопштението на ВМРО-ДПМНЕ.Од ВМРО-ДПМНЕ во соопштението додаваат дека предлогот за укинување на техничката влада би се однесувал по наредните избори.„Противењето на ваквиот предлог покажува дека СДС признава дека стравува од два последователни порази и дека народот не ги гледа како сериозна опција“, стои во соопштението.

Македонија | пред 1 седмица

1 нед.
policija-policaec-3

Маж од Дихово приведен во Битола по омаловажување на полиција

Во Битола, полициски службеници лишиле од слобода 51-годишен маж од село Дихово, откако, според МВР, упатувал навреди и омаловажувања кон полициски службеници.На 23.04.2026 во 19:30 часот на улица „Генерал Васко Карангелевски“ во Битола, полициски службеници од СВР Битола го лишија од слобода С.Н.(51) од село Дихово, битолско, затоа што ги омаловажувал полициските службеници.По документирање на настанот ќе следува соодветен поднесок.

Македонија | пред 1 седмица

1 нед.
media-library4ochg4e5r0bib5PaCux

Инцидент во Новаци: оштетен дворен имот во село Добромири

Во полицијата во Новаци е пријавен инцидент во кој е оштетен имот во двор на жител од селото Добромири, информираат од Министерството за внатрешни работи. Се преземаат мерки за расчистување на случајот.На 23.04.2026 во 16:00 часот во ПО Новаци, А.Т.(50) од село Добромири, општина Новаци, пријавил дека Д.А. од истото село со употреба на остар предмет му оштетил предмети во дворот.Се преземаат мерки за целосно расчистување на настанот.

Македонија | пред 1 седмица

1 нед.
media-library9t124ribuaq1aXEZKVO

Сообраќајна несреќа во Битола: едно лице тешко повредено

Во сообраќајна несреќа што се случи на 23.04.2026 година во Битола, едно лице се здоби со тешки телесни повреди, а друго со полесни, информираат од СВР Битола. На местото на настанот бил извршен увид.На 23.04.2026 во 13:40 часот во СВР Битола е пријавено дека на улица „Карпош“ во Битола се случила сообраќајна несреќа помеѓу патничко возило „фолксваген пасат“ со битолски регистарски ознаки, управувано од М.Х.(43) од Битола и патничко возило „опел астра“ со битолски регистарски ознаки, управувано од М.И.(60) од село Будаково, општина Могила.Во несреќата со тешки телесни повреди се здобил возачот на „опел астра“, додека со телесни повреди се здобил возачот на „фолксваген пасат“. Повредите се констатирани во Клиничка болница Битола.Извршен е увид од увидна екипа на СВР Битола.

Македонија | пред 1 седмица

1 нед.
media-library8bcqe85dfp6j2maoUSO

Двајца возачи уапсени во Прилеп: еден пијан, друг без дозвола

Во текот на 23.04.2026 година, полициските службеници од повеќе подрачни единици на Министерството за внатрешни работи лишија од слобода двајца возачи во Прилеп и околината, поради управување возила под дејство на алкохол и без возачка дозвола. Во двата случаи се преземаат мерки за целосно документирање на настаните, по што ќе следуваат соодветни пријави.На 23.04.2026 во 12:10 часот полициски службеници од ОВР Прилеп на булевар „Гоце Делчев“ во Прилеп го лишија од слобода Т.Ј.(63) од Прилеп. При контрола на патниот сообраќај, било запрено патничко возило „форд“ со прилепски регистарски ознаки, управувано од Т.Ј., при што било констатирано дека возачот управувал под дејство на алкохол. Со алкотест му биле измерени 1,68 промили алкохол во крвта. Лицето е задржано во полициска станица, а по целосно документирање на случајот ќе следува соодветна пријава по член 297-а од Кривичниот законик – „безобѕирно управување со моторно возило“.Истовремено, на 23.04.2026 во 12:00 часот, на регионалниот пат Прилеп – Македонски Брод, во село Ропотово, полициски службеници од ПО Ропотово го лишија од слобода С.М.(38) од село Црнилиште, општина Долнени. При контрола на сообраќајот било запрено возило „голф“ без регистарски ознаки, управувано од С.М., при што било утврдено дека возачот нема возачка дозвола. Тој е задржан во полициска станица, а по целосно документирање на случајот ќе следува соодветна пријава по член 297-а од Кривичниот законик – „безобѕирно управување со моторно возило“.

Македонија | пред 1 седмица

1 нед.
media-libraryomve0170hsuh7Rurym6

Уапсено лице во Македонски Брод – превезувал бесправно исечено дрво

На 23.04.2026 година во 15:00 часот, полициски службеници од ОВР Македонски Брод, на местото викано „Барбарас“, го лишиле од слобода И.М. (68) од с. Дебреште, општина Дебреште.При контрола на патниот сообраќај, полициските службеници забележале возило „рено“ со скопски регистарски ознаки, управувано од И.М., во кое била затекната бесправно пресечена дрвна маса.По даден знак за запирање, возачот не ги почитувал наредбите на полицијата и продолжил да се движи со зголемена брзина, приближувајќи се кон службеното возило. Во тој момент, еден полициски службеник испукал предупредувачки истрел во воздух.И.М. бил приведен во Полициската станица Македонски Брод, а по целосно документирање на случајот ќе биде поднесена соодветна пријава.

Македонија | пред 1 седмица

1 нед.
media-libraryvo0qqe4h52a392pOjWG

Пријава за закани со остар предмет меѓу колеги

Полицијата информира дека е пријавен нов инцидент на работно место во битолскиот регион, при што се истражуваат наводи за закани со остар предмет меѓу две лица.На 23.04.2026 година во 12:15 часот во СВР Битола, Ј.Т. (34) од село Лавци, битолско, пријавил дека на плац во Битола, додека извршувал работни задачи, негов колега му се заканувал со остар предмет, информираат од полицијата.Од СВР Битола наведуваат дека се преземаат мерки за целосно расчистување на настанот и утврдување на околностите.

Македонија | пред 1 седмица

1 нед.
media-libraryja749la5i7lldsEnCIK

Стратешко партнерство за дигиталната иднина: Меморандум за соработка меѓу Министерството за дигитална трансформација и Британскиот совет

Министерството за дигитална трансформација и Британскиот совет потпишаа Меморандум за соработка, со кој се воспоставува стратешка рамка за повторно активирање на проектот „Училишта на 21 век“, информираат од Министерството.Со меморандумот се предвидуваат заеднички активности насочени кон унапредување на дигиталната трансформација, развој на дигитални вештини и модернизација на образовниот систем, стои во соопштението.Проектот опфаќа изработка на наставни материјали, практична работа на ученици со микро процесори, реализација на училишни проекти, како и содржини поврзани со сајбер безбедност и основи на вештачка интелигенција, како што информираат од Министерството.Како што се наведува, со ова партнерство се продолжува и проширува програмата „Училишта на 21 век“, преку која во претходниот период илјадници ученици и наставници се обучувале за кодирање, критичко размислување и решавање проблеми со примена на дигитални алатки, вклучително и micro:bit технологија.Во соопштението од Министерството се наведува дека во новата фаза од програмата се предвидува дополнително јакнење на капацитетите на наставниот кадар во областите на дигитална писменост, сајбер безбедност, вештачка интелигенција и иновативни образовни практики, како и поширока вклученост на ученици од различни возрасни групи.Посебен акцент се става на соработка со приватниот сектор, при што во реализацијата ќе биде вклучен и Македонски Телеком, а се најавува и трипартитен оперативен договор за имплементација на следната фаза од проектот, стои во соопштението.Меморандумот го потпишаа министерот за дигитална трансформација Стефан Андоновски и Клер Сирс, директорка за Западен Балкан и копотписник на документот. На настанот присуствуваа и амбасадорот на Обединетото Кралство Метју Лосон, како и претставници од Британскиот совет и амбасадата, стои во соопштението од Министерството.

Македонија | пред 1 седмица

1 нед.
media-libraryfsjiktkafo8n7WThDdx

Деветмина возеле без возачка дозвола – акција на МВР низ државата

Во текот на изминатото деноноќие, на територијата на целата држава, полициските службеници лишиле од слобода 11 возачи поради безобѕирно управување возило, информираат од Министерството за внатрешни работи.Од нив, девет лица управувале возила без возачка дозвола – тројца во Скопје, по двајца во Тетово и Струга, а по еден во Прилеп и Куманово.Дополнително, еден возач во Прилеп бил затекнат како управува возило под дејство на алкохол, додека еден возач во Скопје управувал возило и покрај изречена активна мерка забрана за управување.По целосно документирање на случаите, против сите ќе бидат поднесени соодветни кривични пријави.Од МВР апелираат до сите учесници во сообраќајот да ги почитуваат правилата и прописите, да не управуваат возила без положен возачки испит, под дејство на алкохол или со активни забрани за возење, со цел зголемување на безбедноста во сообраќајот.

Македонија | пред 1 седмица

1 нед.
media-libraryfopac3jqr80l5ltDa9i

Градоначалничката на Кисела Вода: Безбедноста не смее да се политизира

Градоначалничката на општина Кисела Вода, Бети Стаменкоска Трајкоска, се огласи по трагичниот настан што се случи на територија на општината, при што изрази длабоко жалење за загубата на човечки живот и сочувство до семејството на починатиот.Таа нагласи дека безбедноста на граѓаните и работниците е апсолутен приоритет и дека не смее да биде предмет на политички препукувања.„Во овој момент, надлежните институции постапуваат и се во тек проверки за утврдување на сите околности поврзани со настанот“, наведува Стаменкоска Трајкоска.Таа додава дека општината целосно соработува со надлежните институции и ќе постапи согласно сите утврдени наоди и препораки, истовремено нагласувајќи дека е отворена за институционална дискусија.Градоначалничката посочи дека јавноста ќе биде информирана транспарентно, веднаш штом бидат потврдени официјални информации.„Нашиот приоритет останува јасен – заштита на граѓаните, почитување на законите и одговорно постапување во интерес на јавноста“, стои во нејзината реакција.

Скопје | пред 1 седмица

1 нед.
media-libraryo1d2c154dp434d5eiLf

Хезболах: примирјето со Израел е „бесмислено“, тие продолжуваат да напаѓаат

Либанската вооружена група Хезболах соопшти дека примирјето со Израел, во кое посредуваа САД, е „бесмислено“, еден ден по неговото продолжување за уште три недели, обвинувајќи го Израел за продолжени напади на југот на Либан.Во изјава на претставникот на Хезболах, Али Фајад, се наведува дека прекинот на огнот нема реална вредност поради, како што тврди, континуираните непријателски дејствија, меѓу кои се атентати, гранатирања и уништување на населени места во јужните делови на земјата. Тој додаде дека групата го задржува правото на одговор на секоја агресија.Примирјето беше продолжено од страна на САД по разговори со претставници на Израел и Либан, при што првичниот договор требаше да истече во следните денови. Иако договорот доведе до намалување на интензитетот на судирите, на југот на Либан и понатаму се регистрира размена на оган.Според изјавите, Хезболах смета дека секое дејствување на израелските сили врз либанска територија претставува основа за пропорционален одговор, што дополнително ја одржува високата напнатост во регионот.

Свет | пред 1 седмица

1 нед.
media-libraryld6n5dnbs1kq1TZI382

Филипче: Мицкоски стави вето на пристапниот процес на Македонија во ЕУ

Претседателот на СДСМ, Венко Филипче, на денешната прес-конференција оцени дека Македонија стагнира на европскиот пат поради, како што рече, погрешните политики на владата, наведувајќи дека земјата е оставена без напредок во процесот на евроинтеграции.Филипче посочи дека земјите од регионот веќе прават чекори напред кон Европската Унија, додека Македонија, според него, останува заглавена.„Каде сме ние? Заглавени во лагите на премиерот, во неговите анти-европски политики…“, рече Филипче, додавајќи дека се создава лажна слика за напредок.Тој истакна дека, како што наведе, не се спроведуваат потребните реформи за почеток на преговорите со ЕУ и дека за тоа, според него, одговорноста ја носи премиерот Христијан Мицкоски.„Човекот кој што сега стави вето на пристапниот процес на Македонија во Европа, има име и презиме, се вика Христијан Мицкоски“, изјави Филипче.Во своето обраќање, тој порача дека граѓаните не заслужуваат државата да биде изолирана, додека другите земји од регионот напредуваат кон членство во ЕУ.„Регионот оди напред, нас повеќе никој не нè спомнува“, рече Филипче, додавајќи дека, според него, Македонија е изоставена од европските процеси.

Македонија | пред 1 седмица

1 нед.
media-library8dj04sgisio52NpdMMr

Ограничувања во авионскиот сообраќај: откажани летови кон Дубаи, Тел Авив и Бејрут

Европската агенција за безбедност на воздушниот сообраќај го продолжи важењето на информациските билтени за ризични зони во воздушниот простор над Блискиот Исток и Персискиот Залив до 1 мај, поради зголемената безбедносна нестабилност во регионот.Поради тековниот вооружен конфликт меѓу САД, Израел и Иран, голем број европски авиокомпании привремено ги прекинаа или значително ги намалија летовите кон овој дел од светот.Меѓу погодените превозници се групацијата „Луфтханза“, „Ер Франс-КЛМ“ и „Бритиш ервејс“, кои оперираат со повеќе подружници во Европа. Овие компании имаат привремено суспендирани линии кон повеќе клучни дестинации.Прекинати или ограничени се летови кон градови како Тел Авив, Дубаи, Ријад и Бејрут, а дел од ограничувањата се продолжени и до крајот на мај, па дури и до октомври, во зависност од безбедносната состојба.

Свет | пред 1 седмица

1 нед.
media-library0tufam702kgueNKE2lP

Хегсет: Ќе уништиме без двоумење – САД со остри пораки до Иран

Американскиот министер за одбрана Пит Хегсет изјави дека пловилата на кои Иран пукаше и кои беа запленети во последните денови во Ормутскиот теснец не се американски или израелски бродови, туку, како што рече, „случајни цивилни пловила“.Тој нагласи дека секој со брз брод, оружје и лоши намери може да предизвика инциденти во овој стратешки морски премин, додавајќи дека САД не брзаат со постигнување договор и дека имаат доволно време за реакција.Хегсет посочи дека Иран сè уште има можност да донесе „разумна одлука“ и да се откаже од нуклеарната програма на проверлив начин, со што би се избегнала натамошна ескалација на тензиите.Во меѓувреме, американскиот претседател Доналд Трамп, според неговите изјави, ѝ одобрил на морнарицата да уништи секој ирански брз чамец кој се обидува да поставува мини или да ја попречува пловидбата низ теснецот. Хегсет порача дека секој таков обид ќе биде пресретнат со сила, без двоумење и со целосно уништување на целите.

Свет | пред 1 седмица

1 нед.
netanjahu

Навремено откриен и третиран рак кај претседателот на Изарел, Нетанјаху

Израелскиот премиер Бенјамин Нетанјаху објави дека бил лекуван од рак на простата, при што резултатите од неговиот годишен медицински преглед покажале дека станува збор за рано откриена и мала малигна промена. Ова е првпат најдолговечниот премиер во историјата на Израел јавно да потврди дека му е дијагностициран рак.Според објавените информации, во декември 2024 година Нетанјаху бил подложен на хируршки зафат поради зголемена простата, при што тогаш биле направени и дополнителни анализи. Подоцна било утврдено присуство на мал тумор со големина помала од еден сантиметар, без знаци на ширење на болеста.Лекарите кои го следеле неговиот здравствен статус наведуваат дека сите дополнителни испитувања потврдиле отсуство на метастази. По дијагнозата, Нетанјаху започнал насочена терапија со зрачење, која, како што е наведено, неодамна била завршена.Нетанјаху изјави дека здравствената состојба е стабилизирана и дека третманот бил успешен, при што нагласи дека целосно закрепнал по медицинската интервенција. Тој додаде дека одлучил информацијата за болеста да биде објавена со задоцнување, за да не биде злоупотребена во политички контекст.

Свет | пред 1 седмица

1 нед.
media-libraryj5h4rsvppuup1UHKy1V

Сиљановска-Давкова: Парламентарниот дијалог има незаменлива улога за мирот

Од Претседателскиот кабинет информираат дека претседателката Гордана Сиљановска-Давкова се обратила на XX Конференција на претседатели и спикери на парламенти на земјите учеснички во Јадранско-јонската иницијатива, што се одржува во македонското Собрание, во својство на претседавач на иницијативата за периодот 2025–2026 година.Во обраќањето, како што соопштуваат од Кабинетот, таа истакнала дека парламентарната дипломатија има клучна улога во зачувувањето на мирот и стабилноста во регионот, особено во услови на засилени глобални предизвици и неизвесност.Сиљановска-Давкова укажала на важноста од поголема улога на парламентите во меѓународните односи, нагласувајќи дека тие не смеат да бидат исклучиво во доменот на извршната власт.Таа, како што се наведува во соопштението, изразила загриженост поради нарушената рамнотежа меѓу трите власти и ослабените контролни механизми врз извршната власт, што претставува предизвик за парламентарната демократија.Претседателката посочила дека парламентите, како институции со директен легитимитет од граѓаните, се „политички школи на демократијата“ во кои се негува дијалогот меѓу власта и опозицијата.Во соопштението се наведува и дека Сиљановска-Давкова повикала на подлабоки реформи на Обединетите нации и Европската унија, оценувајќи дека е потребно нивно прилагодување на современите безбедносни предизвици.Таа се осврнала и на процесот на проширување на Европската унија, истакнувајќи дека е време за преиспитување на пристапот кон Западен Балкан и надминување на поделбите во Европа.„Време е за политичко вдомување на Западниот Балкан во европското семејство“, порача Сиљановска-Давкова, според соопштението.На конференцијата, како што информираат од Претседателскиот кабинет, учествувале претставници од повеќе земји од регионот и Европската унија, со заеднички заклучок за потреба од засилена регионална соработка.

Македонија | пред 1 седмица

1 нед.
media-librarysgu4f97136un8Wd4a7X

Жител од Кисела Вода: „Патот почна да пропаѓа пред несреќата“

Скопјанецот Љупчо Петковски, кој живее во непосредна близина на местото каде што се случи несреќата во Кисела Вода, реагираше на трагичниот настан, укажувајќи дека уште пред несреќата имало видливи промени на теренот.„Јас живеам на 50 метра до местото каде што се случи несреќата. Во близина патот почна да пропаѓа точно во периодот кога почнаа да ја отвораат дупката за објектот. Дали е од механизацијата или земјиштето си давало знаци, не знам“, вели Петковски.Тој додава дека ваквите сигнали не смеат да се игнорираат и дека е неопходна детална истрага за околностите под кои се случила трагедијата.„Само знам дека треба ова да се истражи и треба сите да бидеме заштитени, а не човечките животи да чинат помалку од приватни интереси. Све у државава е ‘судбин’ и од ништо не учиме“, истакна тој.

Скопје | пред 1 седмица

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања