Најнови вести

2 нед.

Мицкоски: Ќе има нови мерки за нафтената криза

Претседателот на Владата, Христијан Мицкоски во интервју за „Тема на денот“ во Дневникот на Сител Телевизија говорејќи за нафтената криза истакна дека ќе има нови мерки при што посочи дека Владата се бори напорно за подобар живот на граѓаните, но во исто време се бори и со хаосот кој е наследен и долговите наследени од претходната влада. Премиерот Мицкоски во однос на тоа како тоа оваа влада и претходната се справувале со кризите, потенцираше дека двете кризи и оваа сега и таа 2022 година се почнати во ист месец, но тогаш инфлацијата била над 10%, додека сега е 4,5%-4,9%. „Второ излезе Меѓународниот монетарен фонд јасно кажа дека ние како држава сме трета во Европа според мерките коишто ги применивме визави процент од бруто домашниот производ. Тешко се живее, точно, никој не вели дека се живее лесно, тешко се живее и во Германија, еве сега се враќам од Австрија, тешко се живее и во Австрија, таму пак литар бензин и дизел се над 2 евра, па сега морале да ослободат околу 50 илјади барели од државните резерви да може да амортизираат цена, секаде тешко се живее. И тогаш стандардот во Германија, Франција, Италија, Австрија бил поголем од тој што бил во Македонија, но прашањето е дали таа разлика се намалила, ако ја мерите тогаш и сега, двојно се намалила.“, изјави премиерот Мицкоски. Во врска со споредбите за тоа колку гориво може да се купи со платите во тие држави и во земјава, премиерот посочи дека таа разлика споредено со тоа кога беше претходната влада драматично е намалена, а не е зголемена и тоа е успехот во мерките и во политиките на оваа влада. „Инаку, Германија, Франција, Италија, Австрија, Унгарија, Словенија повисок стандард имаат од Македонија, но тоа е политика децениска, можеби вековна. Ако некој очекувал ние за две години ќе вратиме годишно по 2,5 милијарди евра долгови на претходната влада, дека ќе враќаме солидарен данок кој е неуставно земен, ќе ги почитуваме сите колективни договори, и еве вчера излезе Државниот завод за статистика нето платата е за 7,5% поголема, дека ќе успееме да ја намалиме буџетската дупка дефицитот од 4,5 на 3,5%, дека шест квартали ќе имаме 3,5% раст на БДП.“, вели премиерот Мицкоски. Премиерот Мицкоски се осврна и на критиките, при што посочи дека критиката е позитивна и ги слуша граѓаните, бидејќи тие имаат право да критикуваат и треба да критикуваат затоа што навикнати се на политичари неработници, луѓе коишто се обременети со криминал и корупција, и е свесен дека немаат трпение, а власта е таа која треба да има трпение и да работи. „Ќе има дополнителни мерки иако ние досега прилично многу го изложивме буџетот и ќе треба да видиме, бидејќи еве втор месец завршува од кризата која е историски најголема според Светската енергетска агенција, оваа криза е поголема од онаа во 2022 година и двете кризи во седумдесеттите години заедно, а ние сме таму каде што сме и сега сметајте да имате по 30, 40 или 60% по литар поевтино гориво од соседите. Тоа е успех, дали е доволно, не е доволно, дали тешко се живее, да, но ќе се бориме да биде подобро.“, нагласи премиерот Мицкоски.

Македонија | пред 2 седмици

2 нед.

Полициска акција кај доктори од „8 септември”, Клиниката за дематологија и приватен сектор: се прават претреси, предметот е за нелегални медицински третмани

Вечерва се спроведува полициска акција поврзана со истрага за нелегални медицински третмани и употреба на нерегистрирани препарати, дознава неофицијално “Скопје1” од свои извори.Акцијата опфаќа лекари и лица од повеќе здравствени установи. Како што дознаваме, станува збор за Наташа К. и Арбен К., дерматолози кои работат во ГОБ „8 Септември“, Дејан Ф. од Клиниката за дерматологија, Магдалена И. – докторка во ГОБ „8 Септември“, како и Андреа Т. од приватен естетски центар.Според нашите информации, во тек се претреси на повеќе локации, меѓудругото, и домови на лицата опфатени во предметот.По завршување на дејствијата, надлежен јавен обвинител ќе одлучува дали ќе бидат побарани мерки од судот.Од институциите засега нема официјална потврда за акцијата, ниту детали за евентуалните кривични дела.

Македонија | пред 2 седмици

2 нед.

(Видео) Подводен свет од соништата: Ова се најдобрите европски дестинации за лов на богатство

Европа нуди низа фасцинантни дестинации за сите оние кои сакаат да ги спојат патувањата со авантура и истражување на скриено богатство.Од сончевите медитерански брегови до историските региони обележани со големи настани, потрагата по богатство овде добива сосема нова димензија – онаа што ги поврзува природните убавини со слоевите на богато минато.Подводните истражувања и откривањето богатства и бродоломи стануваат сè попопуларна туристичка атракција во многу делови од Европа. Љубителите на авантура и историја имаат можност да нурнат во скриени светови на мориња и езера, каде се наоѓаат остатоци од антички трговски бродови и потонати населби. Овие искуства го спојуваат адреналинот на нуркањето со истражувањето на минатото, нудејќи уникатен увид во поморската историја и тајните што со векови биле скриени под површината. Туристите сè почесто ги избираат овие дестинации бидејќи им овозможуваат на поинаков начин да ја доживеат културата, природата и наследството на одредени региони.СардинијаПосебно место меѓу овие дестинации зазема Сардинија – остров кој важи за една од највозбудливите локации за подводни истражувања во Европа. Со повеќе од 1.800 километри разгрането крајбрежје, Сардинија нуди богат подводен свет исполнет со древни бродоломи и скриени локалитети.Меѓу најимпресивните места за нуркање се пештерите Нерео, најголемиот подводен пештерски систем во Средоземното Море. Природната мрежа од тунели и сали крие голем потенцијал за откритија. Во овие води се наоѓаат и стари потонати бродови како „Исонцо“ од Втората светска војна, додека во поплитките делови може да се пронајде и скапоцениот црвен корал, познат како „црвено злато“.На копно, Сардинија изобилува со остатоци од бронзеното време, како и феникиски, римски и средновековни траги, додека потонатите делови од градови како Нора и Тарос нудат дополнителни можности за истражување и пронаоѓање ретки артефакти.Коста БраваЕдна од најинтересните дестинации е Коста Брава. Овој дел од шпанскиот брег е познат по драматичните карпи, скриените заливи и кристално чистото море. Под површината се крие вистински подводен музеј – бројни стари потонати бродови од различни историски епохи, од антички трговски пловила до понови бродови.Покрај тоа, ова подрачје било дел од важни римски трговски рути, а во негова близина може да се најдат остатоци од антички пристаништа и артефакти. Коста Брава е идеална за оние кои сакаат да комбинираат нуркање со истражување на историски локалитети.НормандијаСосема поинаква, но подеднакво возбудлива приказна нуди Нормандија во Франција. Овој регион е познат по настаните од Денот Д, но неговата вредност за „ловците на богатство“ оди многу подалеку од самите плажи на истоварување.Брегот и морското дно кријат остатоци од воена опрема, потонати бродови и различни историски предмети од Втората светска војна. За истражувачите и колекционерите, Нормандија претставува уникатно место каде историјата буквално може да се пронајде под песокот или во морските длабочини.ВисНа Јадранот особено се издвојува Вис – еден од најинтригантните острови за подводни истражувања. Поради неговата изолираност во минатото, подрачјето околу Вис останало исклучително богато со зачувани бродоломи.Тука се наоѓаат антички трговски бродови, но и воени бродови од поново време. Нуркачките локации околу островот нудат можност да се „прошета“ низ различни историски периоди на едно место. Посебно внимание привлекува Сината пештера на блискиот остров Бишево, која дополнително го збогатува авантуристичкото доживување.СицилијаУште една неизбежна дестинација е Сицилија – остров што претставува вистинска ризница на античкиот свет. Тука се испреплетуваат влијанијата на грчката, римската и феникиската цивилизација, а нивните траги се присутни и на копно и под вода.Подводната археологија овде е особено развиена. Нуркачите можат да истражуваат локалитети со зачувани амфори, остатоци од бродови и потонати структури од древни населби. Сицилија нуди ретка можност директно да се „нурне“ во историјата стара илјадници години.Без разлика дали ве привлекуваат римските трговски патишта, воената историја или античките цивилизации, овие европски дестинации покажуваат дека потрагата по богатство не е само хоби, туку вистинско патување низ времето.

Магазин | пред 2 седмици

2 нед.

ЕУ предупредува за пад на залихите на авионско гориво: Многу летови ќе бидат откажани, а авионските карти значително поскапи

Европската унија предупреди дека Европа се наоѓа во „многу сериозна криза“ бидејќи залихите од авионско гориво почнуваат да се намалуваат поради војната на Блискиот Исток, поради што граѓаните можеби ќе мора да ги променат плановите за летување.„За жал, многу е веројатно дека годишните одмори на многу луѓе ќе бидат погодени, било со откажување на летови или со многу скапи карти“, изјави за Sky News комесарот на ЕУ за енергетика Ден Јоргенсен.„Дури и ако направиме сè што можеме, ако нема авионско гориво, тогаш го нема“, додаде тој.Јоргенсен истакна дека ова пред сè е криза на цени, а не сè уште криза на снабдување, но за жал „не можеме да бидеме сигурни дека ќе спречиме криза на снабдување, особено кога станува збор за авионско гориво во иднина, ако кризата продолжи“.Меѓународната агенција за енергија предупреди дека големи проблеми во снабдувањето би можеле да се појават во следните пет до шест недели.Авиокомпаниите веќе преземаат мерки за да ја намалат побарувачката.„Луфтханза“, една од најголемите авио-групации во Европа, најави откажување на 20.000 летови во наредните месеци.Други компании ги зголемуваат цените на картите за долги летови за да ги покријат зголемените трошоци за гориво.„Ако утре би имале мир и ако Ормускиот теснец се отвори, мислам дека би можеле да избегнеме вакво сценарио, но морам да кажам дека дури и во најдобар случај кризата на цените ќе трае уште долго. Гасната инфраструктура е оштетена до таа мера што ќе бидат потребни години за обнова, што значи дека со месеци, а можеби и со години, ќе имаме многу повисоки цени од порано“, предупреди Јоргенсен.Шефот на италијанската Управа за цивилно воздухопловство Пјерлуиџи ди Пала исто така за Sky News изјави дека луѓето треба да размислат да летуваат во своите земји.„Во минатото цените на горивото достигнуваа и надминуваа 100 долари без значајни последици за авио-сообраќајот, но овојпат психолошкиот ефект има разорнo влијание врз патниците“, предупреди тој.„Најдобро е да се препорача одмор во близина, повторно откривајќи убави места во нашата земја. За оние што сепак сакаат да патуваат на далечни дестинации, добра идеја е да размислат за посебно осигурување кое може да обезбеди сигурност во вид на гарантиран поврат на средства во случај на доцнење или откажување на лет“, додаде ди Пала.Европската унија најави мерки за ублажување на ефектите од енергетската криза, вклучувајќи планови за забрзување на користењето обновливи извори на енергија и поттик за домаќинствата да инсталираат чисти извори на енергија како топлински пумпи и соларни панели.ЕУ исто така ги поттикнува државите членки да ги намалат даноците на електрична енергија со надеж дека тоа ќе мотивира повеќе луѓе да купуваат електрични возила.

Медиасет | пред 2 седмици

2 нед.

(Фото) Маж од Крагуевац украл 420.000 динари од пекара

Припадници на Министерството за внатрешни работи во Крагуевац, со ефикасна акција, расчистија тешка кражба и го уапсија М. М. (37) од Крагуевац, поради постоење основи на сомнение дека го извршил ова кривично дело.Се сомничи дека, во текот на ноќта помеѓу 22 и 23 април, провалил во просториите на една пекарница во Крагуевац и од вработена украл 420.000 динари, а потоа се оддалечил во непознат правец.Полицијата набрзо го пронашла осомничениот, како и целиот износ на пари кој ќе биде вратен на сопственикот, се наведува во соопштението на српското МВР.На М. М. му е одредено задржување до 48 часа, по што, ќе биде спроведен во Основното јавно обвинителство во Крагуевац.

Свет | пред 2 седмици

2 нед.

Македонец се претставувал како хирург во Србија и измамил граѓани за над 100.000 евра

Полицијата во Белград уапсила државјанин на Македонија А. К. (42), поради сомневање дека, лажно претставувајќи се како хирург, заедно со повеќе засега непознати лица, ја довел оштетената во заблуда дека за парична надокнада итно ќе оперира член на нејзиното семејство кој наводно доживеал несреќа.Со тоа, како што се наведува во соопштението на Српското МВР, извршил кривично дело измама.Полицијата го уапсила непосредно по примопредавањето на парите и кај него биле пронајдени 16.650 евра и 150.000 динари.Се сомнева дека А. К. и лицата за кои се трага, во период од ноември минатата година до сега, на ист начин извршиле повеќе измами на територијата на Белград и на тој начин противправно прибавиле повеќе од 100.000 евра.На осомничениот му е одредено задржување до 48 часа, по што ќе биде спроведен пред надлежното обвинителство со кривична пријава.

Македонија | пред 2 седмици

2 нед.

Иран: Американските бродови ќе бидат уништени во Ормускиот теснец

Шефот на иранското правосудство, Голам Хосеин Мохсени Еџеи, денес изјави дека глисери и беспилотни подводни летала (UUV) на Корпусот на Револуционерната гарда (IRGC) ги чекаат американските бродови кои навлегуваат во иранските територијални води, со цел целосно да бидат уништени.„Флотата дронови за координирани напади на IRGC, со своите брзи чамци и UUV, чека зад морските пештери на јужниот ирански остров Фарур американски воени бродови за да нанесат тешки последици врз агресорите“, изјави Мохсени Еџеи, пренесува Press TV.Тој додаде дека Американците „дури и не се осмелуваат да се приближат до Ормускиот теснец“ откако виделе што им се случило на нивните наводно ултранапредни разурнувачи USS Michael Murphy (DDG 112) и USS Frank E. Peterson (DDG 121).Шефот на правосудството нагласи дека трите брода кои навлегле во Ормускиот теснец биле предмет на правни мерки.Според иранскиот Press TV, поморските сили на IRGC наводно насочиле 16 крстосувачки ракети кон американски воени бродови откако тие не реагирале на предупредувањата да се повлечат од областа.Како што тврдат, американската страна потоа побарала одложување од 15 минути за да ја информира командата и да добие дополнителни инструкции, а размената траела најмалку еден час поради воздржаноста на иранските сили.Потоа, американските разурнувачи брзо се повлекле од подрачјето.Иранските медиуми претходно јавија дека нивните воени сили заплениле најмалку три брода во Ормускиот теснец, со образложение дека ги прекршиле правилата за пловидба.Иранските власти исто така навестија дека би можеле да ги ублажат ограничувањата во Ормус доколку САД ја укинат „незаконската блокада и санкциите против Иран“.Ова прашање стана една од главните пречки во дипломатските напори за нов круг преговори меѓу Техеран и Вашингтон, по неуспешниот состанок закажан за 12 април во Пакистан.

Свет | пред 2 седмици

2 нед.

По шпекулациите за пропаѓање, Тинекс: Имаме предизвици со ликвидноста

Трговскиот синџир Тинекс се огласи по информациите во јавноста за неговата финансиска состојба, признавајќи дека се соочува со предизвици во ликвидноста, но истовремено демантира дека има доцнење во исплатата на платите и најавува мерки за стабилизација.Во соопштението, компанијата наведува дека дел од објавените информации не ја прикажуваат целосната слика и потенцира дека комуникацијата со јавноста ќе биде транспарентна и одговорна.„Тинекс се соочува со предизвици во ликвидноста, кои произлегуваат од негативни финансиски резултати во претходниот период, настанати пред сè поради комерцијална политика која не ги дала очекуваните резултати. Ова е факт кој го признаваме отворено и одговорно“, стои во соопштението.Од компанијата нагласуваат дека сите плати на вработените се исплатени и дека тврдењата за доцнење се неточни.„Сите плати на вработените се исплатени. Информациите дека постои задоцнување со исплатата на плати се неточни“, посочуваат од Тинекс.Компанијата информира дека менаџментот активно работи на изнаоѓање конкретни решенија за надминување на состојбата, при што поддршка има од банките и клучните деловни партнери.„Најголемите банки и клучните добавувачи стојат цврсто зад нас – знак дека довербата во Тинекс и во неговиот потенцијал останува непоколеблива“, наведуваат од компанијата.Се додава дека преговорите се во тек и дека резултатите од тие активности ќе бидат видливи во наредниот период, со фокус на ревидирана комерцијална стратегија и оптимизација на трошоците.Во обраќањето до вработените, менаџментот истакнува дека тие се приоритет и дека нивните права ќе бидат заштитени, додека до добавувачите и партнерите упатува порака дека се работи на нормализација на обврските.До купувачите, пак, Тинекс порачува дека продавниците остануваат отворени и дека се преземаат активности за нивно целосно снабдување.Компанијата наведува дека повеќе од три децении гради доверба кај граѓаните и уверува дека ќе излезе посилна од актуелните предизвици.

Македонија | пред 2 седмици

2 нед.

(Видео) Анализа: Дали видеото за ирански напад на бродови е лажно?

BBC анализираше видео за кое се тврди дека прикажува припадници на Иранската револуционерна гарда (IRGC) како се приближуваат до два товарни брода во Ормускиот теснец, откако тие претходно пријавиле дека биле под оган.Во двеминутното видео се гледаат помали чамци со вооружени лица кои се приближуваат до бродовите „MSC Francesca“ и „Epaminondas“, кои претходно истиот ден пријавиле дека биле нападнати.Според анализата на BBC Verify, иако бродовите во Ормус се јасно идентификувани, дел од воздушните кадри најверојатно се снимени околу 15:00 часот по британско време (17:30 по иранско), што е неколку часа по првичниот напад. Тоа укажува дека дел од снимката можеби не е направен во моментот на самиот инцидент.Дополнителни сомнежи предизвикува фактот што отворот преку кој вооружените лица се качуваат на „MSC Francesca“ веќе бил отворен пред нивното пристигнување.Исто така, еден дел од снимката е направен од самиот брод и го прикажува нивното доаѓање, што сугерира дека некој веќе бил присутен на пловилото за да го сними настанот.На друг видео-запис се гледа чамец како се приближува до бродот „Epaminondas“, кој е во грчка сопственост.Сепак, не е јасно дали кадрите од внатрешноста на бродот се снимени токму на тој брод или на „MSC Francesca“.Грчките власти демантираа дека „Epaminondas“ е запленет, наведувајќи дека капетанот сè уште има контрола врз бродот.Податоците за движење на бродовите покажуваат дека „Epaminondas“ го напуштил подрачјето и се упатил кон северозапад, кон островот Кешм, по што го исклучил транспондерот. Сличен потег направила и „MSC Francesca“, чиј сигнал бил исклучен по неколку часа во зоната на напад.Анализата на снимката дополнително ја комплицира ситуацијата во еден од најчувствителните поморски премини во светот, оставајќи отворени прашања за тоа што точно се случило и во колкава мера прикажаниот настан е автентичен.

Свет | пред 2 седмици

2 нед.

Меркосур размислува за враќање на Венецуела во блокот

Меркосур би можел да ја разгледа можноста за враќање на Венецуела во тој јужноамерикански трговски блок, изјави денес потпретседателот на Бразил, Жералдо Алкмин.Според неговите зборови, Венецуела сега е „во поинаква ситуација“ од претходно, па затоа суспензијата на членството од 2017 година би можела да се преиспита, пренесува Блумберг.Венецуела беше суспендирана од Меркосур поради кршење на демократските правила и економските обврски, а нејзиното враќање бара согласност од сите членки – Бразил, Аргентина, Парагвај и Уругвај.Покрај Венецуела, и Колумбија размислува за полноправно членство во Меркосур, додека Боливија веќе е во процес на целосна интеграција во јужноамериканскиот блок.Венецуела започна да ги обновува врските со западните институции откако поранешниот претседател Николас Мадуро беше отстранет од власт во јануари.Меѓународниот монетарен фонд (ММФ) и Светската банка минатата недела соопштија дека повторно ја воспоставуваат соработката со Венецуела.Според Ројтерс, односите со Венецуела беа прекинати од 2019 година поради спорови околу признавање на власта, но сега се обновуваат со поддршка од дел од членовите на Фондот.Директорката на ММФ, Кристалина Георгиева, изјави дека Фондот соработува со владата на Венецуела под водство на привремената претседателка Делси Родригез.

Свет | пред 2 седмици

2 нед.

СДСМ: Болни лаги на ВМРО-ОКГ – од погребот на дедото на Димитријевиќ прават „таен состанок“!

ВМРО-ОКГ и нивните пропагандни медиуми во сопственост на Орбан целосно го изгубија чувството за морал и елементарна човечност, велат од опозициската СДСМ.„Манасиевски и криминалната група ВМРО тврдат дека генералниот секретар на СДСМ, Александар Саша Димитријевиќ, имал „тајни средби во Скопје“ со Бранко Ружиќ и Јован Ратковиќ.Да ли сте нормални? Кој е тој Јован Ратковиќ?Генералниот секретар на СДСМ не ги познава ниту Ружиќ, ниту Башановиќ, Ратковиќ.Уште првиот ден јасно ги демантираше вашите лаги, а вие продолжувате да лажете.Дури и вашиот „манекен“ Манасиевски изјави дека „Саша не демантирал“!Единствената вистина е дека Саша Димитријевиќ беше во Србија на погребот на својот дедо.Од човечка тага и семеен момент, ВМРО-ОКГ прави нова „афера“.Ова е веќе класичен пример на болна, безобразна и патолошка кампања која ја води ВМРО-ОКГ.Ова е дел од операцијата со Black Cube – приватниот „Мосад“ што Мицкоски и ВМРО го ангажираа за следење и фабрикување афери против опозицијата.Истата фирма, која кај Мицкоски дошла преку неговиот „брат“ Орбан, го правела истото на опозицијата во Унгарија и Словенија, за што пишуваа медиумите во Европа.ВМРО-ОКГ е во слободен пад.Паднаа за 150.000 гласови, во паника се и единственото што им останува е да фабрикуваат лажни афери дури и од погреби.СДСМ продолжува да работи за граѓаните. Нема да не запрете да ја изнесеме целата вистината.Ние се бориме за европска иднина на Македонија, а не за лудилото кое вие го произведувате.Манасиевски, доаѓа времето на вистината, правдата и одговорноста, а ти ќе живееш во Скопје со срам која засекогаш ќе го носиш“, се вели во соопштението.

Македонија | пред 2 седмици

2 нед.

Тензии на Балтикот: Москва обвинува за планови за блокада

Русија ги обвини европските земји дека за време на неодамнешните воени вежби предводени од Обединетото Кралство вежбаат сценарија за поморска блокада и можно заземање на регионот Калининград.Руската државна агенција РИА Новости ги пренесе изјавите на заменик-министерот за надворешни работи Александар Грушко, кој посочи дека вежбите на Заедничките експедициски сили (JEF) – коалиција на северноевропски држави – сè повеќе вклучуваат брзи операции на Арктикот, во северниот Атлантик и Балтичкото Море.Според Грушко, вежбите опфаќаат сценарија кои симулираат изолирање на Калининград – руска енклава меѓу Полска и Литванија.Тој додаде дека воената активност во регионот се интензивирала во последните години, додека европските сили ја зголемуваат својата оперативна подготвеност.Грушко се осврна и на НАТО-операцијата „Baltic Sentry“, започната по оштетувањето на енергетските и комуникациските кабли на дното на Балтичкото Море, тврдејќи дека нејзина цел е контрола на клучните поморски правци и ограничување на пратките поврзани со Русија.„НАТО намерно се движи кон поголема конфронтација во овој дел од Европа“, изјави тој.Инаку, Заедничките експедициски сили опфаќаат 10 земји: Обединетото Кралство, Данска, Финска, Естонија, Исланд, Летонија, Литванија, Холандија, Шведска и Норвешка. Коалицијата е основана во 2015 година и е наменета за брзи реакции во кризни ситуации, одвраќање закани и операции во Балтичкиот и арктичкиот регион.Рускиот претседател Владимир Путин претходно предупреди дека евентуална блокада на Калининград може да ескалира во поширок конфликт меѓу Русија и НАТО, нагласувајќи го стратешкото значење на Балтичкиот регион во услови на зголемени тензии.

Свет | пред 2 седмици

2 нед.

Киев потврди: Постојат барања за прекин на нападите врз Русија

Шефот на кабинетот на претседателот на Украина, Кирил Буданов, денеска потврди дека Украина добила барања од партнерите да ги прекине нападите врз руската нафтена инфраструктура.Тој на 18. Киевски безбедносен форум изјави дека тоа не е нешто ново и дека со вакви барања се соочува уште од 2023 година.„Ова е системска работа која се интензивира кога има масовна примена. Неодамна тоа се поврза со нафтената криза, предизвикана од настаните прво во Венецуела, а потоа и во Иран. Да, вакви барања постојат“, изјави тој, одговарајќи на прашање дали други држави побарале Украина да ги намали нападите врз руските рафинерии и пристанишна инфраструктура додека трае кризата во Ормускиот теснец.Коментирајќи ја одлуката на САД за издавање лиценца за снабдување и продажба на сурова нафта и нафтени деривати од руско потекло, Буданов посочи дека враќањето на санкциите за руската нафта ќе зависи од состојбата во Ормускиот теснец и на другите трговски рути преку кои се транспортира оваа суровина.Тој оцени дека клучната последица од нападите со дронови врз Русија не се само економските загуби, туку и долгорочниот удар врз имиџот на земјата, кој ја поткопува довербата во Русија како сигурен снабдувач.„Русија ќе претрпи удар по својот имиџ. Тоа е најважно, бидејќи санкциите за нафтата ќе завршат кога ќе заврши војната, но ударот врз имиџот ќе трае многу долго“, рече Буданов.Тој додаде дека се доведува во прашање Русија како доверлив снабдувач, односно како земја која може навремено да испорачува суровини до земјите корисници.„Постојат огромни проблеми со снабдувањето – и од север и од југ, преку Црното Море, па дури и преку Балтикот“, истакна Буданов.Тој нагласи дека желбата за мир е израз на здрав разум, а не слабост, додавајќи дека Украина нема да прифати губење на ниту еден дел од својата територија.

Свет | пред 2 седмици

2 нед.

Зелен хуман град: Ископувањето антимон не значи развој, туку загадување и ризик што трае со децении

Граѓанската иницијатива „Зелен хуман град“ предупредува на сериозните ризици од отворање нови рудници во земјава, посочувајќи дека ваквите проекти носат долгорочно загадување на почвата и водите, како и сериозни последици по здравјето на граѓаните. Преку конкретни примери од регионот и состојбите во Македонија, од граѓанската иницијатива апелираат институциите и јавноста да не дозволат нови „еколошки бомби“ и да се насочат кон одржливи решенија.„Во мај 2014, за време на големите поплави во Србија пукнала браната за јаловина на рудникот за антимон (Sb) „Столице“. Се ослободила огромна количина токсична јаловина, околу 100.000 м3 и се поплавиле десетици хектари земјиште. Имало загадување на околу 27 км речно корито на Костајничка и Коренита Река.Студиите во Србија покажувале огромно загадување на почвите и водите со арсен, антимон олово цинк и кадмиум. Многу загрижувачки е што јаловиштето на рудникот Столице било затворено (неактивно) и се сметало за „стабилно“, а јаловиштата во стариот рудник за антимон Крстов Дол во Македонија не се сметаат за безбедни, напротив и по 50 години неактивност, интензивно ги загадуваат почвата и водата во околината на Крива Паланка.Кога се ископува антимон заедно со други тешки метали завршува во реките и подземните води. Киселинскиот, рударски отпад може да загадува со години – дури и кога рудникот ќе се затвори како што и сега е случај кај нас. Антимонот се таложи во земјата од каде што влегува во растенијата и на крај завршува во храната што ја јадеме.Бројните заболувања што може да ги имаат луѓето од несанираниот рудник за антимон во МК ги опишавме во претходна објава. Македонија е мала земја и не може да си дозволи нови јаловишта или депонии со токсичен отпад како што се огромниот број на темпирани бомби: запуштени рудници и депониите со токсичен отпад на Југохром, Охис итн.Рудникот Крстов Дол се наоѓа на 2 км воздушна линија од с. Луке и 14 км воздушна линија од Крива Паланка. С. Луке патем, нема амбуланта, а најблискиот здравствен дом во Крива Паланка им е оддалечен околу 30 километри, што за тамошните жители кои се најмногу загрозени од рудникот претставува дополнителна потешкотија.Ископувањето антимон не значи развој, туку загадување и ризик што трае со децении за да може поединци да се богатат на сметка на здравјето на Македонците. Кај нас е воспоставена пракса некој да отвори рудник или загадувачка индустрија, да експлоатира колку може повеќе со миниум стандарди за поголем профит и на крај да прогласи стечај и да го остави несаниран рудникот / депонијата да ја уништува животната средина и здравјето на луѓето со децении!Да не дозволиме краткорочен профит на властите да ни ги уништи водата, почвата и здравјето на нас и на идните генерации. Само од рак во МК умирааат околу 4.000 луѓе годишно! Да инвестираме во решенија што не ја уништуваат средината – затоа што општество што си ја труе природата, си ја труе и иднината.Ги повикуваме жителите на Крива Паланка да се организираме и приклучиме на борбата против рудниците на смртта, заедно со струмичани, гевгеличани и прилепчани, кои веќе со години успешно ја бранат природата од канџите на криминалци и експлоататори“, велат од Зелен хуман град.

Македонија | пред 2 седмици

2 нед.

Обука во Идризово: Полицијата се подготвува за модерни воздухопловни операции

Во периодот од 20 до 24 Април во Центарот за обука - Идризово, припадниците на Одделот за воздухопловни единици при Министерството за внатрешни работи, во рамки на активностите од ЕУ Твининг Лајт проектот "Зајакнување на капацитетите на Министерството за внатрешни работи за спроведување на воздухопловни операции", присуствуваат на обука која се спроведува од страна на заменик-директорот на ENAC - Ente Nazionale per l'Aviazione Civile (Агенцијата за цивилно воздухопловство на Италија) г-дин Фабио Николаи, заедно со италијански воздухопловни експерти.„Твининг проектот официјално започна во Јануари 2026 година и ќе се реализира во период од 10 месеци со директна логистичка и административна поддршка на Eutalia и Delegation of the European Union to North Macedonia, кои имаат клучна улога во неговата успешна имплементација.Целта на проектот е зајакнување на оперативните капацитети на Одделот за воздухопловни единици во рамките на Министерството за внатрешни работи, со што извршувањето на воздухопловните операции ќе се издигне на ниво на европските и меѓународните стандарди, а истовремено ќе се зголемат безбедноста и ефикасноста на полициските активности.Одделот за воздухопловни единици има клучна улога во реализацијата на спасувачки мисии, справувањето со пожари, борбата против криминалот како и во поддршката на останатите полициски активности.Во таа насока, преку овој проект, Министерството за внатрешни работи ја потврдува својата посветеност кон унапредување на европските стандарди и практики, со крајна цел - зголемување на безбедноста на граѓаните“, информираат од МВР.

Македонија | пред 2 седмици

2 нед.

Сиљановска-Давкова го прогласи за отворено 38. издание на Саемот на книгата

Претседателката Гордана Сиљановска-Давкова го прогласи за отворено 38. издание на Саемот на книгата, којшто годинава под слоганот „Отвори прозорец кон нови светови“ се одржува од 23 до 29 април во арената „Борис Трајковски“ во Скопје.Во своето обраќање, Сиљановска-Давкова нагласи дека книгата претставува суштински носител на човечката мисла и култура, чија основна улога е да го пренесе духот од еден човек кон друг, од едно поколение кон следното и од една епоха кон вечноста.За претседателката, книгата е ризница во којашто не се чуваат злато и сребро, туку идеи, сознанија, визии и надежи. „Во неа разговараат мудрецот и детето, владетелот и сиромавиот, поетот и научникот, оној што сонувал и оној што страдал“, додаде таа.Според Сиљановска-Давкова, книгата не нѐ учи само да читаме редови, таа нѐ учи да ги читаме и разбираме времињата нагласувајќи ја нејзината тивка, но длабока и трајна моќ да влијае врз човекот и развојот на неговиот карактер.Таа оцени дека општествата кои негуваат култура на читање создаваат услови за поголем развој и напредок, го почитуваат достоинството на слободата на мислата и затоа кога библиотеките се живи, духовниот живот не згаснува.„Денешниов ден нè обврзува да ја сочуваме книгата од заборав, да го заштитиме авторското право како едно од највредните, но за жал, и најнезаштитените" - порача претседателката.Отворањето на Саемот на книгата, започна со сплет од народни песни, во изведба на хорот на детската градинка „Детска радост“.Покрај претседателката, на 38. Саем на книгата се обратија Зоран Љутков, министер за култура и туризам, Даниела Глигоровска, извршна директорка на Скопски саем, Бојан Саздов, претседател на Македонската асоцијација на издавачи, писателката Оливера Ќорвезировска и писателката од САД, Сара Пеканен.На саемот ќе се претстават повеќе од 65 издавачки куќи со над 130 наслови од домашни и странски автори.

Македонија | пред 2 седмици

2 нед.

Пет нови случаи на овча сипаница за две недели во Грција

Пет нови случаи на овча сипаница се регистрирани во Грција во втората половина на април, соопштија властите во четвртокот, додека вкупно 486.666 животни се уништени откако започнала епидемијата.Министерството за рурален развој соопшти дека од август 2024 година се регистрирани 2.152 случаи на овча или козја сипаница. Болеста го доведува во прашање иднината на традиционалното сточарство во Грција, а воедно ги загрозува и важните извозни количини на фета сирење, вредни околу една милијарда евра годишно.Министерството ја отфрли можноста за вакцинација, иако многу фармери тоа го бараат, и повтори дека единствено решение е строго почитување на биосигурносните мерки. Ограничувањата вклучуваат забрана за движење на стадата во погодените подрачја, дури и надвор од оградите за пасење.Во изминатите шест месеци, 98 лица биле уапсени поради кршење на правилата – повеќето од февруари наваму.

Свет | пред 2 седмици

2 нед.

Зоонеговател од скопската Зоолошка алармира: Ученици фрлале камења кон слоница, професорите седеле на кафе

Зоонегователот Виктор, кој работи во скопската Зоолошка градина, сподели непријатно искуство што, како што вели, го посведочил денеска, при што ученици од средното училиште „Лазар Танев“ фрлале камења кон слоницата, додека нивните професори седеле во кафе-објект.Во својата објава на социјалните мрежи, тој наведува дека ваквото однесување го разочарало и претставува сериозен проблем за односот кон животните кои се под грижа на Зоолошката градина.„Група ученици од средното угостителско ‘Лазар Танев’ фрлаа камења кон слоницата, додека нивните професори седеа на кафе во кафич. Не сакам да генерализирам — не се сите деца исти, ниту сите професори се неодговорни. Но, вакви поединци оставаат лоша слика и, уште полошо, нанесуваат стрес и штета на животни кои се под наша грижа“, напиша тој, додавајќи дека животните се чувствителни и интелигентни суштества.Тој направи и споредба со порано време, наведувајќи дека пред 25 до 30 години ваквото однесување би имало сериозни последици и од дома и од училиштето, бидејќи постоеле, како што вели, поголем ред, почит и одговорност.„Научете ги децата дека животните не се мета за забава, туку живи суштества што заслужуваат почит“, порача тој, додавајќи дека бил информиран оти директорот реагирал на настанот и изрази надеж дека ќе следуваат соодветни мерки.

Скопје | пред 2 седмици

2 нед.

Хезболах тврди дека собори израелски дрон и нападна собир на војници во јужен Либан

Хезболах соопшти дека соборил израелски дрон во местото Мајдал Зун во јужен Либан. Според изјавата на групата, истовремено биле извршени и напади врз собир на израелски војници во градот Тајбе, исто така во јужниот дел на Либан.Групата не изнесе дополнителни детали за начинот на соборување на дронот, ниту за последиците од наводниот напад врз воените позиции. Израелските власти засега не потврдиле вакви настани.

Свет | пред 2 седмици

2 нед.

Како американската блокада „пропушта“: За 9 дена Иран извезе 10,7 милиони барели нафта

Американската поморска блокада не го запрела извозот на иранска нафта, а танкерите натоварени со ирански барели и капацитетите за складирање и натаму обезбедуваат континуитет на испораките и производството во наредните недели, проценува компанијата за анализа на податоци Vortexa.Соединетите Американски Држави вовеле поморска блокада на Иран во Оманскиот Залив и Арапското Море по неуспешниот прв круг мировни преговори во Исламабад. Според извештајот на Vortexa, американските сили не ја спроведуваат блокадата директно во близина на иранските пристаништа ниту во рамки на Ормускиот теснец, туку пофлексибилно, во поширока зона околу 300 милји западно, меѓу пакистанско-иранската граница и најзападниот дел на Оман.Иран, пак, уште во раната фаза на американско-израелските напади ја презеде контролата врз Ормускиот теснец, забранувајќи транзит за бродови поврзани со Соединетите Американски Држави, Израел и нивните сојузници, додека бродовите од „пријателските“ земји го координираат преминот со иранската морнарица.Според податоците на Vortexa, од почетокот на блокадата на 13 април до 21 април, низ Ормускиот теснец и зоната под американска блокада поминале 34 танкери под санкции, односно поврзани со Иран, на пат од и кон иранските пристаништа. Од ова подрачје биле извезени околу 10,7 милиони барели иранска нафта.Во истиот период, дел од иранската нафта била префрлена преку шест танкери кои го исклучиле автоматскиот систем за идентификација, што укажува на обиди за прикривање на движењето, наведуваат од компанијата.Американската војска, според извештаи на Ројтерс, пресретнала најмалку три танкери под иранско знаме во азиски води, додека соопштено е и дека 29 пловила биле насочени да се вратат или да го променат курсот во рамки на блокадата.И покрај зголемените тензии, сообраќајот низ Ормускиот теснец останал релативно стабилен, речиси на ниво од периодот пред блокадата. Во просек, дневно минувале околу 4,5 бродови, што е слично со претходниот просек од околу четири дневно.Vortexa проценува дека американската блокада во следните два до три месеци нема значително да влијае врз иранските испораки на нафта. Се наведува дека околу 160 милиони барели иранска нафта веќе се наоѓаат во танкери, од кои околу 130 милиони барели се надвор од зоната на блокада, што е доволно за околу 2,5 месеци кинеска побарувачка.Исто така, капацитетите за складирање во Иран би можеле да го поддржат производството уште најмалку два месеци, иако се очекува производителите превентивно да го намалат темпото.Во меѓувреме, американскиот министер за финансии Скот Бесент соопштил дека санкциите врз иранската нафта се привремено суспендирани на 30 дена, на барање на земји кои се изложени на ризик од недостиг на нафта поради ситуацијата во Ормускиот теснец.

Свет | пред 2 седмици

2 нед.

Принцот Хари од Киев му порача на Путин: Запрете ја оваа војна

Принцот Хари денеска упати директен апел до рускиот претседател Владимир Путин да ја запре војната, осудувајќи ги, како што рече, систематските воени злосторства во украинскиот конфликт, за време на ненадејна посета на Киев.Хари одржа долг и емотивен говор на Киевскиот безбедносен форум, истакнувајќи дека не е таму како политичар, туку како војник кој ја разбира службата и како хуманитарец.Во редок јавен настап посветен на глобални прашања, најмладиот син на британскиот крал упати пораки и до САД, без директно да го спомене претседателот Доналд Трамп, повикувајќи го американското раководство да ги почитува своите меѓународни договорни обврски и својата трајна улога во глобалната безбедност.Обраќајќи му се на Путин, Хари порача дека ниту една држава нема корист од постојаното губење животи на кое сведочи светот.„Сè уште постои момент, токму сега, да се запре оваа војна, да се спречи понатамошното страдање и на Украинците и на Русите и да се избере поинаков пат“, изјави Хари.Тој ги осуди систематските воени злосторства и, како што рече, застрашувачкиот однос кон украинските деца.„На окупираните територии има сè повеќе документирани докази за систематски воени злосторства: намерни напади врз цивили, масовни убиства, мачење, сексуално насилство и присилна депортација на цели заедници“, рече Хари.Според него, присилното преместување деца од една национална група во друга, според меѓународното право, не е само воено злосторство, туку може да претставува и чин на геноцид кога се спроведува со намера за уништување на идентитетот на еден народ.„Тоа не е споредна штета, ниту хаос од војната што се прелева. Тоа е организирано, систематско, намерно и осмислено да трае долго по завршувањето на борбите“, порача тој.Хари нагласи и дека САД имаат единствена улога во овој конфликт, не само поради својата моќ, туку и затоа што биле дел од гаранциите за украинскиот суверенитет и граници кога Украина се откажала од нуклеарното оружје.„Ова е момент за американското раководство, момент за Америка, да покаже дека може да ги исполни своите меѓународни договорни обврски, не од милосрдие, туку поради својата трајна улога во глобалната безбедност и стратешката стабилност“, изјави Хари.Тој оцени дека конфликтот не е само војна за територија, туку и војна за вредности и суверенитет, при што ја пофали издржливоста на украинскиот народ.„Вака изгледа лидерство во современиот свет“, порача принцот Хари, осврнувајќи се и на огромните човечки жртви што ги предизвика војната.

Свет | пред 2 седмици

2 нед.

Американската имиграциска служба подготвува паметни очила за препознавање лица во реално време

Службеници на американската Имиграциска и царинска служба планираат да користат специјални очила за препознавање лица со цел во реално време да собираат податоци за граѓаните на САД, откри независниот новинар Кен Клипенштајн.Според финансиски документи до кои дошол новинарот, станува збор за развој на платформа за препознавање лица по примерот на комерцијално достапните паметни очила со вештачка интелигенција, како оние на компанијата Мета, кои претходно беа предмет на силни критики.Внатрешниот модел на Имиграциската и царинска служба треба да им овозможи на агентите да следат видеоснимки и да ги споредуваат со големи федерални бази на биометриски податоци за поединци, без оглед дали тие некогаш биле уапсени или обвинети за кривично дело.„Со проектот ќе се испорача иновативна опрема, како оперативни прототипови на паметни очила, за агентите на терен да имаат пристап до информации во реално време и можност за биометриска идентификација“, се наведува во буџетски документ на службата.Дополнителна загриженост предизвикуваат тврдењата на извори од Министерството за внатрешна безбедност, кои посочиле дека технологијата не е наменета исклучиво за спроведување на имиграциските закони.„Ова може да се претстави како обид за идентификација на нелегални странци на улиците, но реалноста е дека ваквиот пристап ги погодува сите Американци, а особено демонстрантите“, изјави анонимен адвокат од министерството.Откритието доаѓа неколку месеци по инцидент во државата Мејн, каде агент на службата признал дека со својот телефон скенирал лица на демонстранти. Според наводите, тој им рекол на лицата кои го документирале постапувањето на службениците дека располагаат со база на податоци во која ги водат како домашни терористи.Во октомври, порталот „404 Медија“ објави дека агенти на службата скенирале лица на луѓе за да го проверат нивното државјанство, при што целите на ваквиот надзор често биле избирани по случаен избор.Во меѓувреме, познато е и дека голем број апсења спроведени минатата година биле случајни, наместо насочени акции против познати криминалци, како што најавуваше администрацијата на Доналд Трамп.Аналитичарите предупредуваат дека системот кој првично бил воспоставен за откривање мигранти без документи сега постепено се насочува и кон сопствените граѓани. Паметните очила на службата, според критичарите, би можеле да претставуваат нова фаза на сеопфатен надзор кој подоцна тешко би можел да биде укинат.

Свет | пред 2 седмици

2 нед.

Алиу на економско-социјалниот совет: За секој денар од акциза од тутун, економијата троши приближно четири денари за справување со здравствените последици од пушењето

Министерот за здравство, Азир Алиу денеска се обрати на состанокот на Економско-социјалниот совет во Владата, на кој ги презентираше новините во предлог законот за заштита од пушење.Постојниот Закон е стар речиси 30 години и не одговара на денешната реалност, особено со појавата на нови производи, како што се електронските цигари и несогорливите тутунски производи, нејасните правила за угостителските објекти и слабата заштита на младите. Овој закон е дел и од нашите обврски кон Европската Унија, но уште поважно, тој е одговор на реалните проблеми што директно ги чувствуваат работниците, компаниите и семејствата. Суштината е дека тутунот не е само здравствен предизвик, туку и економски товар за нашата државата. Тутунот е одговорен за над 3.600 смртни случаи годишно, односно околу 13% од вкупниот број смртни случаи, со што Македонија е меѓу земјите со највисока смртност од пушење во Европа, со над 170 смртни случаи на 100 илјади жители, наспроти европскиот просек од 95 отсто, истакна министерот Алиу.Тој посочи дека освен здравствениот аспект - економскиот товар е речиси четирипати повисок од вкупните приходи што државата ги собира од акцизите на тутунските производи, односно за секој денар што влегува во Буџетот преку акцизи на тутун, економијата троши приближно четири денари за справување со здравствените последици.Работниците во угостителството се најизложената група на штетните последици од пушењето. Со овие законски решенија чистиот воздух на работното место станува право на секој работник. Воведуваме и принцип на пропорционална одговорност – работодавачот што ги презел сите мерки и го пријавил прекршувањето, нема да одговара за туѓо однесување. Во однос на грижите за вработените во угостителскиот сектор, научните сознанија од светски референтни истражувања покажуваат дека сеопфатните забрани имаат неутрален или позитивен ефект врз продажбата во угостителскиот сектор. Додека пак, истражување спроведено во нашата држава од декември 2025 година покажува дека само 14% од угостителите сметаат дека сегашната регулатива е целосно неефикасна, а околу 50% се подготвени да се приклучат на иницијативи за средини без чад. Нивните забелешки не се против забраната, туку против нејасните правила и нелојалната конкуренција. Тоа го решаваме со универзални правила за сите. Предвидени се и разумни преодни периоди – шест месеци за изложувањето во малопродажбата и една година за угостителските тераси, заклучи министерот Алиу.

Македонија | пред 2 седмици

2 нед.

ЈП „Водовод и канализација“ најави прекин на вода во Скопје

Во соопштение од ЈП „Водовод и канализација“ – Скопје се наведува дека на 24.04.2026 година (петок) ќе има прекин во водоснабдувањето поради изведување на водоводен приклучок.Од ЈП „Водовод и канализација“ – Скопје се наведува дека поради приклучок со ф-80 мм на улица Мавровска 15, без вода ќе останат корисниците од истата улица.Од ЈП „Водовод и канализација“ – Скопје се наведува дека прекинот на водоснабдувањето ќе започне од 09:00 часот и ќе трае до завршување на градежните активности на терен.

Македонија | пред 2 седмици

2 нед.

Утре дел од Скопје без струја

Во известување од ЕВН Македонија АД се наведува дека на 24.04.2026 година (петок) ќе има планирани прекини во снабдувањето со електрична енергија во повеќе делови од Скопје и околните населени места, поради најавени технички зафати.Во периодот од 08:30 до 11:30 часот без струја ќе останат корисниците од РТВ Предавател Водно, кулата АЕК на Водно, селото Горно Нерези, Етно село Нерези, Предавател Космофон, објектот Даре Џамбаз на Водно, Поштенскиот дом на Водно и селото Горни Крушопек во општина Карпош.Од 08:30 до 16:00 часот без електрична енергија ќе бидат дел од селото Морани и викенд-населбата Морани во општина Студеничани.Од 09:00 до 14:00 часот прекин ќе има за корисниците од улица 10 во селото Ржаничино во општина Петровец, како и за дел од улица Иван Аговски и улица Никола Тесла во општина Карпош.Од 09:00 до 14:30 часот без струја ќе бидат дел од селото Мирковци во општина Гази Баба.Од 11:00 до 14:00 часот прекин ќе има за дел од улиците 13 и 14 во селото Ржаничино во општина Петровец.

Македонија | пред 2 седмици