ЦЕНТАР

Герасимовски: Бесплатни стоматолошки прегледи за децата и пензионерите – континуирана грижа за здрави насмевки

По повод 20 март – Светскиот ден на оралното здравје, Општина Центар континуирано реализира бесплатни стоматолошки прегледи за деца од предучилишна и училишна возраст, како и за пензионерите, како дел од посветеноста на превенцијата и унапредувањето на оралното здравје.Во таа насока, беше одржан работен состанок со Проф. д-р Соња Апостолска, декан на Стоматолошкиот факултет при Универзитетот „Св. Кирил и Методиј“ – Скопје, на кој беше потпишан Меморандум за соработка. Со овој документ се зајакнува партнерството и се отвораат можности за реализација на нови заеднички проекти.На средбата присуствуваа и Проф. д-р Елизабета Ѓеоргиевска, раководител на Катедрата за детска и превентивна стоматологија, како и Проф. д-р Гордана Апостолска.Грижата за оралното здравје започнува од најрана возраст и претставува важен сегмент од целокупното здравје на граѓаните.Во рамки на Програмата за образование се спроведува проектот „Дејствувај за подобро орално здравје“, преку кој учениците од прво одделение од сите основни училишта во Центар се едуцираат за правилно четкање на забите и одржување на оралната хигиена.Во рамки на Програмата за социјална и здравствена заштита и заштита на деца се реализира проектот „Унапредување на оралното здравје кај деца од предучилишна и училишна возраст, граѓани од социјално загрозени семејства и корисници на пензија“, преку кој се обезбедуваат бесплатни стоматолошки прегледи и грижа за најранливите категории граѓани.Општина Центар останува посветена на унапредување на здравјето на граѓаните преку континуирани активности, едукација и силни партнерства со релевантни институции.

Скопје | пред 2 дена

Спортската сала „Работнички“ го доби името на легендарниот тренер Лазар Лечиќ

На иницијатива на градоначалникот на Општина Центар, Горан Герасимовски, спортската сала „Работнички“ го доби името на легендарниот тренер Лазар Лечиќ.Предлогот едногласно беше усвоен на денешната шеста седница на Советот на Општина Центар.Герасимовски им се заблагодари на советниците за поддршката салата да го носи името на човекот кој оставил длабока трага во македонската кошарка и во историјата на КК Работнички.„Салата, на мој предлог, се преименува во чест на големиот Лазар Лечиќ, кој е важен дел од историјата и на Работнички и на салата што од корен ја реконструиравме. Таа доби целосно нов лик и заслужува ново име што ќе го продолжи духот и традицијата на клубот. Денес можеме да се пофалиме дека имаме сала по ФИБА стандарди, подготвена за нови спортски успеси и нови генерации кои ќе ја продолжат славната кошаркарска приказна по која Работнички беше препознатлив во Македонија и пошироко“, порача Герасимовски.Лечиќ се смета за еден од творците на македонската професионална кошарка. Под негово водство, КК Работнички ги освои шампионските титули во 1963 и 1964 година и се пласираше во Првата сојузна лига. Својот кошаркарски подем го започнал во 1957 година токму во Работнички, а по неколку години преминал во тренерските води, каде оставил силен белег во развојот на кошарката во Македонија и пошироко. Под негово водство, клубот во 1975 година стигна до полуфиналето на европскиот FIBA Saporta Cup.

Скопје | пред 1 седмица

Општина Центар започна со пролетна дератизација, се третираат 2.000 шахти против глодари

Општина Центар ја започна редовната пролетна дератизација на целата територија, како дел од мерките за одржување на високо ниво на јавна хигиена и заштита на здравјето на жителите.Во рамки на акцијата, што ја спроведуваат стручни екипи, се третираат околу 2.000 шахти, каде што се поставуваат специјални мамци за контрола и уништување на глодари.Дератизацијата се спроведува два пати годишно, во пролет и во есен, како важна превентивна мерка за планско намалување на популацијата на штетници и заштита на јавното здравје.„Со превентивна и систематска дератизација придонесуваме кон сузбивање на штетните глодари кои можат да претставуваат здравствен и хигиенски ризик. Целта ни е зачувување на здрава и чиста животна средина“, порача градоначалникот  на Општина Центар Горан Герасимовски.Препаратот што се користи е селективен и сертифициран од овластен производител, специјално наменет за контрола на популацијата на глодари.

Скопје | пред 1 седмица

Герасимовски: Запознајте го срцето на Скопје со стручен водич, јавен повик за организирање тематски прошетки низ Центар

Општина Центар објави јавен повик за реализација на проектот „Тематски организирани прошетки со граѓаните за поблиско запознавање со културните обележја на Општина Центар“, во рамки на Програмата за култура за 2026 година.Градоначалникот Горан Герасимовски посочи дека целта на проектот е граѓаните да ја запознаат архитектурата, историјата и културното наследство во  срцето на градот.Центар има богата историја и многу културни обележја. Со овие  прошетки сакаме граѓаните да ги запознаеме со автентичните приказни што стојат зад  секое култно место во  нашата општина, а ги има навистина многу“,  порача  Герасимовски.Проектот предвидува организирање тематски обиколки со стручно лице низ старите центарски населби. Учесниците на јавниот повик треба да предложат програма со најмалку три организирани посети, со ангажман на водич, историчар на уметноста или кустос.Рокот за поднесување на пријавите е 5 дена од денот на објавувањето на повикот на општинската веб-страница.Пријавите со целокупната документација може да се достават по пошта или лично во Архивата на Општина Центар .Повеќе информации за јавниот повик се достапни на веб-страницата на Општина Центар:https://www.centar.gov.mk/za-gragjanite/povici/javni-povici

Скопје | пред 1 седмица

Герасимовски: Реконструкција на улицата ,,Светозар Марковиќ”, нов асфалт, тротоари и канализација

Градоначалникот на Општина Центар, Горан Герасимовски, изврши  увид во активностите за реконструкција на улицата „Светозар Марковиќ“ во населбата Ново Маало.Реконструкцијата на улицата опфаќа површина од 1.310 м² и должина од 210 метри. Во моментот на терен се поставува нов асфалт.Во Центар се реализираат конкретни проекти, со стандарди што граѓаните ги заслужуваат. Секоја уредена улица е чекор поблиску  кон поразвиена и побезбедна општина. Реконструкцијата на улицата ,,Светозар Марковиќ„  ќе овозможи полесно движење за граѓаните и безбеден сообраќај, воедно ќе придонесе за поуреден изглед на населбата“, посочи Герасимовски.Реконструкцијата предвидува проширување на улицата, нови рабници и тротоари, ново улично осветлување и поставување атмосферска и фекална канализација.Во Општина Центар активно се работи на подобрување на инфраструктурата. Во тек е  реконструкција на улицата „Мирослав Крлежа“ во Дебар Маало, а  наскоро ќе а започнат градежните работи за реконструирање на вториот дел од улицата „Ленинова“.

Скопје | пред 2 седмици

(Видео) Потресно сведоштво од скопско училиште: ученик извадил нож на час, Јаневска најави дефенитивен крај на ваквото однесување

Родители на деца кои учат во основното училиште „Киро Глигоров“ испратија порака до редакцијата на Скопје 1, во врска со детето кое со нож дошло на училиште. Според нив, службите четири години службите велат дека работат со детето, но ситуацијата се влошува.Детето четири години е агресивно, насилно и минатата година син ми кој е со посебни потреби со ножички. Бркаше девојче со ножички низ училницата, за сега да извади нож на час. Мајката потпишала дека пржела лепчиња и му го подготвувала ранецот во исто време и по грешка ставила нож во ранецот. Од директорката четири години добиваме уверување дека се работи со детето, но станува неиздржливо. Четири години работат со детето и само се влошува состојбата. Во истото училиште ученичка истепа наставнички, што беше објавено на медиуми. Во сите одделенија се бара вонредна родителска затоа што родителите веќе не чувствуваат дека децата им се безбедни во училиште. Се пика под тепих за да не се наруши угледот на училиштето. Без медиуми очигледно нема нипто да направиме. Родителите на детето праќаат инспекција на наставничката, директорката и врши притисок на наставничката, ние родителите на наставничката и ништо не решивме. Од службите велат дека работат со ученикот, видовме од шамари и плуканици, преку ножички до нож. Се работи за деструктивно дете кое лиже клупи, јаде пластелин, сунѓер, живее во свој свет. Родителите четири години добиваат насоки од службите да го однесат детето на проценка во МКФ и тоа четири години не е направено“, велат родителите.Во гостувањето во поткастот „Претрес со Ландов“, министерката за образование и наука Весна Јаневска, изјави дека е запознаена со случајот со детето од училиштето „Киро Глигоров“.Го знам случајот, мислам дека денес постапува Државен просветен инспекторат, не сум сигурна тие ќе ме информираат, ќе состават записник и ќе ми кажат. И јас сум ги слушнала овие муабети дека директорката ги заштитува родителите и тоа ќе треба ако овој записник покаже дека има нешто да се продлабочи и прошири, вели Јаневска.На прашањето дали може да ја смени директорката, министерката Јаневска одговори дека не може, бидејќи тоа е надлежност на градоначалникот Герасимовски. „Не сме разговарале, не знам дали е точно, но од тоа што се слуша е така. Службите можат да работат со детето, но функционална проценка на ова дете е неопходна, и ако е сè ова што го пишуваат родителите точно, тогаш ќе треба дел од часовите детето да ги помине во друга установа. Треба да има образовен асистент, очигледно детето нема, бидејќи не се спомнува овде. Како и да е овој случај ќе продолжиме да го истражуваме. Дефинитивно ќе мора да се реши“, вели Јаневска.Видете и други сведоштва:

Македонија | пред 3 седмици

Герасимовски: Инспекторите се на терен, санкции за сите што немаат одобрение за урбана опрема

Општина Центар ги повикува сите правни субјекти и сопственици на угостителски објекти  навремено да ја проверат и подготват целокупната документација за поставената урбана опрема на јавните површини.Инспекциската служба на Општина Центар, спроведува интензивни теренски контроли за утврдување дали терасите, настрешниците, шанковите, перголите, параваните, застаклените конструкции и другата урбана опрема се поставени со важечко одобрение и согласно издадената документација.За секоја утврдена неправилност, инспекторите согласно законските надлежности, ќе реагираат со  поведување прекршочни постапки и изрекување соодветни санкции.Градоначалникот на Општина Центар во повеќе наврати порача дека нема да има толеранција за бесправно узурпирање на јавниот простор.„Нашите инспекциски служби се на терен. Соодветни казни ќе има за сите што немаат одобрение за поставување урбана опрема“, рече Герасимовски.

Скопје | пред 3 седмици

Четири градилишта во Центар казнети со 1.300–1.800 евра за незаконско зафаќање јавни површини

Четири градилишта во Општина Центар се казнети поради незаконско зафаќање јавни површини со градежен шут и материјал што претставува опасност за движењето на пешаците и одвивањето на сообраќајот.Во рамки на редовните инспекциски контроли, општинските инспектори изготвија записници и издадоа прекршочни налози за градилишта на улиците „Златко Шнајдер“, „9 Мај“, „Дебарца“ и „Васил Стефановски“.Паричните санкции за овие прекршоци изнесуваат од 1.300 до 1.800 евра.Градоначалникот Горан Герасимовски порача дека надзорите продолжуваат со несмален интензитет.„Редовно ја следиме состојбата на сите активни градилишта во Општина Центар. Нулта толеранција ќе има за сите што ги прекршуваат законите и го нарушуваат јавниот простор“, рече Герасимовски.Инспекциските контроли на градилиштата продолжуваат како континуирана мерка за одржување на чист и функционален урбан простор.

Скопје | пред 1 месец

Трајкоска против новата зграда кај поранешна печатница: Знаете кога Брза Помош ќе стигне до Државна?! Никогаш

Граѓанската активистка Жанета Трајкоска преку објава на социјалните мрежи упати апел до советниците на Општина Центар, кои денеска заедно со градоначалникот Горан Герасимовски треба да одлучуваат за деталниот урбанистички план на просторот кај поранешната печатница „Нова Македонија“.„Ова се советниците на Општина Центар. Тие денеска заедно со градоначалникот Горан Герасимовски ќе одлучат дали ќе ја доумрат општината и дали ќе гласаат за огромното (уште едно) чудовиште кое треба да се гради според ДУП на местото на печатницата Нова Македонија.Погледнете убаво кој сe е дел од оваа приказна. Нема колективен или партиски пристап. Сите овие луѓе имаат име, презиме, слика и образ. Од СДСМ - Социјалдемократски сојуз на Македонија, преку ВМРО, Левица, ЗНАМ, Шанса за Центар Независни заедно - граѓанско политичка платформаОвие луѓе треба да гласаат за 25 ката бетонско чудовиште со 10 ката подземен паркинг (важно го нацртале ). Еве замислете уште тоа здание на пат кон Клиника. Знаете кога Брза Помош ќе стигне до Државна?! НиКоГаш!!!Да станеме сите верници и да се молиме дека нема да ми треба, вклучително и овие што денеска планираат да гласаат за!Да ги видиме кои се!Доста е од колективни партиски коруптивни одлуки на мали послушници со големи желби за моќ и парички. Секој глас има име и презиме, како што и секоја одлука која дошла до тука има одговорност во општина Центар“, посочува Трајкоска.

Коментари | пред 1 месец

Герасимовски: Финансиска помош за 125 граѓани со здравствени проблеми и тешка материјална положба, исплатата почнува месецов

Герасимовски: Финансиска помош за 125 граѓани со здравствени проблеми и тешка материјална положба, исплатата почнува месецовГрадоначалникот на Општина Центар, Горан Герасимовски, одобри финансиска поддршка за 125 граѓани кои се соочуваат со нарушена здравствена состојба или тешка материјална положба. Станува збор за баратели кои поднеле барања во периодот од јули 2025 година до 31 декември 2025 година, а исплатата ќе започне во текот на месецов.Еднократната финансиска помош е наменета за покривање на трошоци поврзани со лекување, нега и секојдневна поддршка. Висината на помошта се утврдува според индивидуалните потреби, а износите се движат од 3.000 до 25.000 денари.За остварување на правото на финансиска поддршка, потребно е доставување на документи со кои се докажува здравствената или финансиската состојба, како што се потврда за невработеност од Агенцијата за вработување, потврда од Управата за јавни приходи, медицинска документација или друг соодветен доказ.„Секој наш сограѓанин е важен. Заедно градиме општество на еднакви можности. Оваа финансиска помош е наменета за оние на кои им е најпотребна, за лекување, нега и поддршка во секојдневниот живот“, истакна Герасимовски.Мерката ќе продолжи и оваа година, со цел да се помогне на жителите на Општина Центар што се соочуваат со здравствени и материјални потешкотии.

Скопје | пред 1 месец

Герасимовски: Центар ангажира лични асистенти за учениците со посебни образовни потреби

Општина Центар објави јавен повик за ангажирање лични асистенти за ученици со посебни образовни потреби во рамки на проектот „Образование за сите“, за учебната 2025/2026 година.Право на пријавување имаат лица со најмалку завршено средно образование. Предност имаат кандидати со соодветно високо образование, претходно искуство во работа со деца со попреченост или лиценца за личен асистент, како и долгорочно невработени лица, млади до 29 години, лица над 50 години, самохрани родители и родители на деца со попреченост.„Ангажманот на личниот асистент подразбира директна поддршка на ученикот во текот на наставниот ден. Поддршката вклучува помош при следење на наставата, движење низ училиштето, комуникација со соучениците и наставниците и други активности во согласност со индивидуалните потреби на ученикот“, вели градоначалникот Горан Герасимовски.Избраните кандидати ќе бидат ангажирани како лични асистенти во основните училишта на територија на општината, со скратено работно време од 20 часа неделно, во период од четири месеци, почнувајќи од март 2026 година до крајот на актуелната учебна година.За ангажманот е предвиден паричен надоместок во висина од 15.000 денари (нето) месечно.Пријавувањето се врши во Архивата, барака 6, секој работен ден од 9 до 15 часот.Јавниот повик трае пет работни дена од денот на неговото објавување и е достапен на општинската веб-страницата и на огласните табли во основните училишта на територија на општината.

Скопје | пред 1 месец

(Фото) Иселени бездомници кои узурпирале напуштени објекти во Центар, постоел ризик од пожари и загрозување на здравјето

Инспекциските служби на Општина Центар започнаа интензивна акција за расчистување на два напуштени објекта на улиците „Тетовска“ бр. 20 во Ново Маало и „Владимир Полежиновски“ бр. 7, во близина на ТЦ „Буњаковец“, информираше градоначалникот Горан Герасимовски.Интервенцијата следува по барање на жителите од околните згради, кои укажале на страв од можни пожари, кражби и загрозување на јавното здравје. На локацијата во близина на гимназијата Раде Јовчевски – Корчагин, со асистенција на Министерство за внатрешни работи, биле иселени затекнатите лица, по што започнало расчистување на отпадот во и околу објектот.На втората локација, кај ТЦ „Буњаковец“, поради присуство на малолетни лица, во акцијата била вклучена и социјалната служба. По нивната интервенција, надлежните пристапиле кон целосно чистење на мини-депонијата што се формирала во и околу напуштениот објект.Од Општина Центар посочуваат дека и покрај континуираните интервенции на овие критични точки, нерешените имотно-правни односи често се користат како можност за повторно вселување и создавање нови ризици. Упатен е апел до сопствениците на објектите да покажат поголема одговорност, а до граѓаните – да продолжат со навремено пријавување на вакви појави со цел ефикасна реакција на службите.

Скопје | пред 1 месец

Општина Центар започна расчистување на напуштените објекти и иселување на бездомните лица

Инспекциските служби на Општина Центар започнаа со расчистување на два напуштени објекти на улиците „Тетовска“ бр. 20 во Ново Маало и „Владимир Полежиновски“ бр. 7, во близина на ТЦ Буњаковец.На првата локација, во близина на гимназијата „Раде Јовчевски – Корчагин“, со асистенција на Министерството за внатрешни работи, се иселени бездомните лица, затекнати во руинираниот објект, по што започна расчистување на сметот во и околу куќата.Интервенцијата е извршена по пријава и барање на жителите од околните згради, поради страв од пожари, кражби и загрозување на безбедноста и здравјето.На втората локација во Буњаковец, поради присуство на малолетни бездомни лица, во акцијата е вклучена и социјалната служба. По завршување на постапката, ќе се пристапи кон целосно расчистување на просторот кој е претворен во мини депонија.Ова не е првпат инспекциските служби на Општина Центар да интервенираат на овие локации по барање на жителите. И покрај претходните интервенции, бездомни лица повторно се вселуваат во напуштени објекти, користејќи го фактот дека станува збор за куќи сонерешени имотно-правни односи. Иако сопствениците се контактирани, поради недостиг на соодветна реакција, општината е принудена постојано да интервенира со цел заштита на јавната безбедност.Градоначалникот на Општина Центар Горан Герасимовски посочи дека ваквите објекти во кои се собираат бездомници и се создаваат диви депонии, не се само лоша слика за централното градско подрачје, туку и реална опасност за околината.„Ги повикувам сопствениците да бидат одговорни, а граѓаните навремено да пријавуваат, за да можеме навреме и ефикасно да реагираме“, порача Герасимовски.

Скопје | пред 1 месец

Герасимовски: Почна реконструкцијата на улицата Мирослав Крлежа, Дебар Маало добива уредена пешачка зона

Градоначалникот на Општина Центар, Горан Герасимовски, присуствуваше на почетокот на градежните активности за реконструкција и пренамена на улицата „Мирослав Крлежа“ во пешачка и резиденцијална зона.„Станува збор за проект што се реализира на барање и по мерка на жителите. Ова е зафат што долго време беше најавуван и ветуван, но денес конечно се реализира на терен. Овој дел од Дебар Маало, добива нов лик, уреден, безбеден и функционален јавен простор“, рече  градоначалникот Горан Герасимовски.Проектот има за цел уредување на јавниот простор  и воведување организиран резидентен паркинг. Реконструкцијата се изведува на вкупна површина од околу 6.000 квадратни метри, на потегот од „Партизански одреди“ до улицата „Никола Тримпаре“.Во рамки на зафатот се предвидува инсталирање ново улично осветлување, поставување клупи и канти за отпад, како и целосна реконструкција на коловозот и тротоарите со поставување гранитни и травертин плочи.На дел од улицата се поставува нова водоводна и атмосферска мрежа, додека фекалната канализација е веќе изведена, а каблите на ЕВН се спуштени под земја.Проектот е изработен во соработка со Архитектонскиот факултет и вклучува уредување на зелените површини,  замена на исушените  дрвја со нови садници и поставување ниско зеленило.Проектот се финансира со 70% средства од Светска банка, додека преостанатите 30% се покриени од буџетот на Општина Центар.

Скопје | пред 1 месец

Герасимовски: Темелна трансформација на потегот во Градски Ѕид – ново детско игралиште, фитнес зона и мини урбан парк

Општина Центар започна со подготвителни работи за партерно и хортикултурно уредување на потегот во Градски Ѕид, од Зелено пазарче до ул. „Македонија“.Во рамки на активностите, се отстранува дотраеното детско игралиште во делот зад објектот „Краш“. На истата локација ќе биде поставен нов проширен простор наменет за детска игра, со нови реквизити и подлога.Веднаш до него се планира и поставување модерна фитнес зона, опремена со справи за вежбање и рекреација.„Модернизацијата и уредувањето на овој простор беа дел од мојата програма. По барање на жителите, овој потег го уредуваме за да биде достоен за урбаното јадро и за нивните секојдневни потреби“, порача градоначалникот на Општина Центар, Горан Герасимовски.На целиот потег ќе се изврши целосно поплочување. Дотраените и искршени плочи се отстрануваат, се поставуваат нови рабници, како и нов кош на местото на постојниот. Предвидена е и изведба на хидроизолација над подземните гаражи, со цел решавање на проблемот со протекување.Со проектот е опфатено темелно хортикултурно уредување, поставување нови  клупи, светилки и уредени пешачки патеки. Просторот ќе добие функција на мини урбан парк.Овој дел од Градски Ѕид е исклучително фреквентен, а уредувањето ќе има директно позитивно влијание врз секојдневието на илјадници граѓани, создавајќи зелена и функционална зона што ќе го поврзува Зелено пазарче со деловниот и станбениот дел на општината.

Скопје | пред 1 месец

Герасимовски со ансамблот „Орце Николов“: Македонската традицијата е дел од нашата програма

По повод 80 години постоење на Ансамблот за народни игри и песни „Орце Николов“, градоначалникот на Општина Центар, Горан Герасимовски, се сретна со раководството на културно-уметничкото друштво.На средбата се разговараше за тековните културни активности во општината и можностите за понатамошна соработка меѓу Општина Центар и ансамблот.„Со Ансамблот имаме одлична соработка. Во рамки на програмата за култура, ансамблот доби и финансиска поддршка за проектот „80 години волшебен свет на фолклорот“, со што продолжуваме да вложуваме во негувањето на народната уметност“, порача градоначалникот Герасимовски.Тој нагласи дека локалната самоуправа е силен поддржувач на културата и народното творештво.„Во изминатиот период значително ги зголемивме вложувањата во културата, а за 2026 година буџетот за култура изнесува 26 милиони денари. Преку бројни манифестации овозможуваме културни содржини што ги обединуваат граѓаните од сите возрасти. Културата е и ќе остане наш приоритет“, рече Герасимовски.

Скопје | пред 1 месец

Субвенции за возачки испит за млади од Центар, повикот отворен

Општина Центар објави јавен повик за доделување субвенции за млади лица за полагање возачки испит Б-категорија во автошколи регистрирани на подрачјето на општината. Мерката е наменета за млади жители на локалната самоуправа, со цел финансиско олеснување и поттикнување на безбедно учество во сообраќајот.Право на субвенција имаат лица кои во текот на 2026 година ќе наполнат 18 и 19 години, односно родените во 2007 и 2008 година, како и оние кои во 2025 година наполниле 19 години, родени во 2006 година, под услов уплатата за полагање на возачкиот испит да ја извршиле во текот на 2025 година.Висината на субвенцијата изнесува 10.000 денари со вклучен данок на додадена вредност и може да се користи исклучиво за полагање возачки испит за Б-категорија.Градоначалникот Горан Герасимовски посочи дека со оваа мерка општината има за цел да ги мотивира младите навремено да го положат возачкиот испит и одговорно да се вклучат во сообраќајот. Според него, субвенцијата претставува и директно олеснување за семејните буџети, имајќи предвид дека процесот за добивање возачка дозвола е финансиски оптоварувачки, но неопходен чекор за секој млад човек.Барањата со целосна документација се поднесуваат во архивата на Општина Центар – Скопје, во барака број 6, секој работен ден од 9 до 15 часот.За дополнителни информации, граѓаните можат да се обратат на телефонскиот број 02/3203-600, како и на електронските адреси elif.idris@centar.gov.mk и anastazija.babulovska@centar.gov.mk.

Скопје | пред 1 месец

Герасимовски: Општина Центар го расчистува снегот, фрлени 15 тони сол, механизацијата е на терен

Службите на Општина Центар од утринава се на терен и интензивно работат на расчистување на снегот. Фрлени се 15 тони сол на коловозите, со приоритет на најкритичните точки. Механизацијата интервенира на пристапите кон Водно, каде што се расчистува снегот и се фрла сол.Паралелно се чистат тротоарите и пешачките патеки, како и просторот околу здравствените установи,  училиштата и градинките, за безбедно движење на граѓаните и учениците.Општина Центар ги повикува граѓаните да пријавуваат критични точки  со цел службите веднаш да интервенираат и да го расчистат теренот, на телефоните: 075 219 068, 076 313 381 и 075 476 768.„Нашите служби се постојано на терен. Имаме доволни залихи на сол, а механизацијата го расчистува снегот на местата кои се под наша надлежност“,  рече градоначалникот Горан Герасимовски.

Скопје | пред 2 месеци

Герасимовски: Светиот крст донесе благослов и желби за благосостојба на сите граѓани во Општина Центар

Денеска во просториите на Општина Центар се одржа срдечна средба со нашиот сограѓанин Дарко Митровиќ, кој вчера, на големиот христијански празник Богојавление – Водици, имаше чест и среќа да го извади светиот крст од водите на реката Вардар.Дарко дојде во посета на општината носејќи го со себе светиот крст, со што симболично го пренесе благословот до сите служби и граѓани. Оваа посета беше посветена на заедничките желби за здравје, среќа и општа благосостојба на сите кои живеат и работат во Центар.„Ми претставуваше искрено задоволство што лично му честитав на Дарко за неговиот подвиг. Тој денеска дојде со светиот крст како симбол на надеж и духовен мир, со искрена желба за среќа и просперитет на сите негови сограѓани. Општина Центар секогаш ќе ги негува традициите што нè обединуваат и носат позитивна енергија во нашето секојдневие“, изјави градоначалникот Герасимовски.Дарко беше најсреќниот меѓу 160-те учесници на централната манифестација кај мостот „Слобода“. Општина Центар уште еднаш му го честита овој голем успех и му посакува благословот да го следи него и неговото семејство во текот на целата година.

Скопје | пред 2 месеци

Провалил во Центар за дијализа и украл картички, со помошник подигнал 40.300 денари

Полицијата поднесе кривична пријава против две лица поради кражба и неовластена злоупотреба на банкарски платежни картички во Центарот за дијализа во Кочани, при што биле подигнати над 40 илјади денари.Како што соопшти Министерството за внатрешни работи, Одделението за внатрешни работи Кочани поднело кривична пријава против О.С.А. (42) од Штип поради сомнение дека сторил кривично дело „кражба“, како и две кривични дела „оштетување и неовластено навлегување во компјутерски систем“. Дополнително, кривична пријава е поднесена и против Д.Т. (39) од Кочани за продолжено кривично дело „помагање“ во врска со неовластеното навлегување во компјутерски систем.Според наводите од пријавата, на 4 октомври 2024 година, првопријавениот неовластено влегол во просториите на Центарот за дијализа во Кочани и од заклучен шкаф одзел паричник со пари, две банкарски платежни картички и лични документи кои им припаѓале на две вработени лица.Истата вечер, второпријавениот, со помош на украдените платежни картички, извршил повеќе трансакции и подигнал парични средства во вкупен износ од 40.300 денари, со што им овозможил корист за себе и за првопријавениот.Од Министерството за внатрешни работи информираат дека против лицата се преземени законски мерки и дека случајот е целосно документиран и процесуиран до надлежното јавно обвинителство.

Македонија | пред 2 месеци

Пронајден починат 25-годишник во напуштена куќа во Центар

На 12.12.2025 околу 00:20 часот во СВР Скопје е пријавено дека во напуштена куќа на подрачјето на Центар е пронајден починат Е.Р.(25) од Скопје.Лекар од Итната медицинска помош констатирал смрт без видливи траги на насилство. Извршен е увид од увидна екипа од СВР Скопје, а по наредба на јавен обвинител телото на починатиот е дадено за обдукција.

Скопје | пред 3 месеци

ЗК Пелагонија отвора Агро Еко Центар за обука во зелени и дигитални вештини

ЗК Пелагонија го најави отворањето на „Агро Еко Центар за Обука за Зелени Вештини“, место каде земјоделците, учениците и студентите ќе стекнуваат практични знаења за современи, дигитални и одржливи земјоделски практики. Во рамки на центарот, на 2 декември ќе биде пуштена првата „АгроЕкоСтаница за зелени вештини“, развиена во соработка со Стопанската комора. Преку оваа иницијатива, Пелагонија се позиционира како регион кој активно ги применува европските модернизациски стандарди во земјоделството.Центарот за обука на ЗК Пелагонија ќе отвори уникатна можност за идните, но и за постоечките земјоделци, ученици и студенти да учат од реални примери, да предвидуваат ризици, да применуваат современи технологии и да развиваат одржливи и иновативни земјоделски практики – создавајќи професионалци со зелени вештини подготвени за иновативно и одговорно управување со ресурсите.Првиот проект на „Агро Еко Центар за Обука за Зелени Вештини“ е реализиран во соработка со Стопанска комора на Северна Македонија Economic Chamber of North Macedonia, кадешто на 02 декември 2025 година ќе биде отворена првата „АгроЕкоСтаница за зелени вештини“ – технолошка иновација која претставува важен чекор кон воведување на паметни решенија во земјоделството и можност за континуирана практична обука за идните „Еколошки агротехничари“.АгроЕкоСтаница за зелени вештини ќе претставува современа платформа во склоп на центарот за обука што ќе овозможи развивање на компетенции за еколошко и рационално управување со земјоделските ресурси преку практична работа со современи дигитални алатки:Следење и анализа на состојбата на почвата, растенијата и климатските услови според податоците од сензорите на АгроЕкоСтаницата.Пристап до податоци во реално време и примена на еколошки мерки за заштита на културите и обновување на биолошкиот диверзитет кој ќе доведе до контролирана употреба на заштитни средства, минерални ѓубрива и рационално користење на вода за наводнување.Препознавање и превенција на ризици како суша, болести и штетници преку дигитални предупредувања.Поддршка за одржливи и ефикасни земјоделски практики.Основната цел на ЗК Пелагонија е да ја доближи најсовремената технологија до локалните земјоделци, ученици, студенти и сите заинтересирани, градејќи заедница која се развива преку знаење, иновации и практична примена.Со оваа иницијатива, Пелагонија продолжува да се позиционира како регион што го следи европскиот пат на модернизација и дигитализација во земјоделството.Полињата на ЗК Пелагонија стануваат отворена книга – реален простор каде идните агротехничари, студенти и земјоделци ќе учат, иновираат и применуваат зелени вештини во реални услови – пример за одржливо и модерно земјоделство, се вели во објавата на ФБ.

Македонија | пред 3 месеци

Во Центар автоматски систем ќе мери бучава на критични локации

Градоначалникот на Општина Центар, Горан Герасимовски, соопшти дека ќе ја мерат бучавата со паметен систем кој го инсталираат на повеќе локции.Започнавме со поставување на паметен систем на 30 критични локации, кои континуирано ги следи бучавата и алармира кога е над дозволеното. Досега се поставени 19 уреди во Дебар Маало, на Орце Николов, Мирослав Крлежа, Отон Жупанчиќ и Боемска 1 и 2.Следуваат нови локации: Ленинова, Капиштец, Буњаковец, Кеј 13 Ноември и Кале.Продололжуваме да воведуваме современи решенија за помирен и поудобен живот на граѓаните.

Скопје | пред 3 месеци

(Видео) Ова се првите празнични светилки во Скопје

Скопје добива празнична магија — општина Центар денеска целосно ја заврши новогодишната декорација, претворајќи ги плоштадите, улиците и парковите во светлосна зимска приказна што веќе го привлекува вниманието на минувачите.И Град Скопје се подготвува за украсување. Веќе е распишан тендер, по кој ќе се почне со реализација.

Скопје | пред 3 месеци

Нападнатo 12-годишнo дете центарот на Скопје, осомничениот го исекол со остар предмет

Полицијата трага по напаѓачот.На 11.11.2025 во 20:00 часот во СВР Скопје, Г.М.(39) од Скопје пријави дека околу 15:50 часот на подрачјето на Центар, неговиот 12-годишен син бил физички нападнат од Б.Љ., кој потоа со остар предмет му нанел расекотина и му го оштетил велосипедот. Малолетникот е пренесен во Комплексот клиники „Мајка Тереза“ за укажување на лекарска помош и се преземаат мерки за целосно расчистување на случајот.

Скопје | пред 4 месеци