КИНА

Зеленски побара од Трамп да ја отвори темата за Украина пред Си Џинпинг

Володимир Зеленски денеска го повика американскиот претседател Доналд Трамп да го отвори прашањето за завршување на руската инвазија врз Украина за време на средбата со кинескиот лидер Си Џинпинг.„Во постојан контакт сме со нашите американски партнери. Им благодариме и се надеваме дека прашањето за војната што Русија ја води против Украина ќе биде споменато кога претседателот на САД ќе биде во Кина“, изјави Зеленски на самитот на земјите од Централна Европа во Романија.Според „Ројтерс“, војната на Блискиот Исток дополнително ја оттурна украинската криза во втор план, а дипломатските напори за прекин на конфликтот остануваат во застој.Трамп вчера пристигна во Пекинг, што е прва посета на американски претседател на Кина во последната деценија.На самитот во Букурешт, Зеленски разговарал и за одбранбената соработка, особено во делот на дроновите, најавувајќи испраќање украински експерти во Латвија за помош во заштитата на воздушниот простор.

Свет | пред 3 седмици

Трамп во Кина ги поведе шефовите на најмоќните американски компании, објавен е списокот

Американскиот претседател Доналд Трамп на посетата на Кина е придружуван од директори на некои од најголемите американски компании, меѓу кои технолошки, финансиски, индустриски и земјоделски гиганти.Трамп денеска пристигна во Пекинг на средба со кинескиот претседател Си Џинпинг, а се очекува разговорите да бидат фокусирани на Иран, трговијата и вештачката интелигенција.Меѓу најпознатите имиња во делегацијата се Илон Маск, директор на Тесла и Спејс Икс, Тим Кук од Епл, како и Џенсен Хуанг од Нвидија.Со Трамп во Кина отпатувал и Кели Ортберг, директор на Боинг.Во делегацијата се и претставници на Блекрок, Блекстоун, Каргил, Сити, Голдман Сакс, Мета, Квалком, Виза и Мастеркард.Според американски официјален претставник, целта на посетата е, покрај политичките разговори, да се зајакнат и економските односи меѓу САД и Кина.

Свет | пред 3 седмици

САД и Кина заеднички против наплата за премин низ Ормутскиот теснец

САД и Кина зазедоа заеднички став дека ниту една држава не смее да наплаќа такси за премин низ меѓународни водни патишта како Ормутскиот Теснец.Според Стејт департментот, позицијата била усогласена за време на телефонски разговор во април меѓу американскиот државен секретар Марко Рубио и кинескиот министер за надворешни работи Ванг Ји.Вашингтон соопшти дека Рубио го отворил прашањето за можноста и кинеските бродови да бидат обврзани да плаќаат такси, со цел Пекинг да изврши дополнителен дипломатски притисок врз Иран.Од кинеската амбасада во Вашингтон порачаа дека безбедноста, стабилноста и непречениот поморски сообраќај низ регионот се во интерес на целата меѓународна заедница.Иранските власти претходно ја претставија идејата за наплата како „безбедносна такса“ за бродовите што минуваат низ теснецот, додека американската администрација предупреди дека компаниите што би прифатиле такви плаќања може да се соочат со санкции.Во меѓувреме, стотици комерцијални бродови остануваат заглавени во Персискиот Залив, а големите транспортни компании предупредуваат дека транзитот низ Ормутскиот Теснец и натаму е сериозно отежнат.И покрај согласноста околу ова прашање, односите меѓу Вашингтон и Пекинг остануваат обременети со несогласувања, вклучително и околу санкциите поврзани со иранската нафта и безбедноста на поморските рути.Во тој контекст се очекува претстојната средба меѓу Доналд Трамп и Си Џинпинг да покаже дали оваа координација може да прерасне во поширока соработка.

Свет | пред 3 седмици

Хегсет ќе го придружува Трамп на патувањето во Кина

Американскиот министер за одбрана, Пит Хегсет, потврди дека ќе го придружува американскиот претседател Доналд Трамп на претстојната посета на Кина.Посетата доаѓа во период на неизвесност околу примирјето со Иран и зголемени геополитички тензии.Запрашан за продажбата на оружје на Тајван, Хегсет изјави дека Трамп ќе ги донесе сите одлуки поврзани со тоа прашање.„Претседателот наскоро патува и јас ќе бидам со него, а тој ќе ги донесе сите одлуки поврзани со тоа“, рече Хегсет.Се очекува Трамп денеска да отпатува од Вашингтон за Пекинг.Во меѓувреме, иранскиот амбасадор во Кина изјави дека Пекинг може да одигра важна улога во намалувањето на тензиите меѓу САД и Иран.

Свет | пред 3 седмици

Доналд Трамп: Многу го почитувам кинескиот лидер

Американскиот претседател Доналд Трамп го пофали својот „одличен однос“ со кинескиот лидер Си Џинпинг во пресрет на нивната средба во Пекинг оваа недела.„Многу го почитувам, се надевам дека и тој ме почитува мене“, изјави Трамп.Говорејќи за своите планови поврзани со повторното отворање на Ормускиот Теснец, Трамп рече дека Си „би сакал тоа прашање да се реши“.Се очекува Доналд Трамп за време на посетата да се обиде да го убеди Си Џинпинг да го искористи влијанието на Кина врз Иран, за Техеран да прифати отстапки.Но, конфликтот меѓу САД, Израел и Иран, како и тензиите во Ормускиот Теснец, дополнително ги оптоварија односите меѓу Вашингтон и Пекинг и ја загрозија кинеската енергетска безбедност.

Свет | пред 3 седмици

Кина од утре ги зголемува цените на бензинот и дизелот

Кина од утре ќе ги зголеми малопродажните цени на бензинот и дизелот, во рамки на редовната ревизија на цените на горивата.Цената на бензинот ќе биде повисока за 320 јуани, односно околу 47 долари, по метрички тон, додека цената на дизелот ќе порасне за 310 јуани, или приближно 44 долари, по метрички тон.Овој потег следува откако Кина повторно почна да ги зголемува горните граници на цените на горивата. Во април, властите ги намалија за да го ублажат растот на цените на нафтата предизвикан од војната против Иран и затворањето на Ормутскиот теснец.

Свет | пред 4 седмици

Првпат нападнат кинески танкер во близина на Ормутскиот теснец

Танкер за превоз на нафтени деривати во кинеска сопственост бил нападнат во понеделникот во близина на Ормутскиот теснец, што претставува прв регистриран напад врз кинеско пловило од почетокот на конфликтот во Иран кон крајот на февруари.Поради ескалацијата на тензиите, сообраќајот низ овој клучен поморски премин, низ кој минува околу една петтина од светското снабдување со нафта и гас, речиси целосно е запрен, пренесуваат кинеските медиуми.Според извори од поморската безбедност, оштетениот брод најверојатно е танкерот за хемикалии и нафтени деривати „Џеј-Ви Иновејшн“, кој плови под знамето на Маршалските Острови.Инцидентот се случил во Заливот, во близина на брегот на Обединетите Арапски Емирати и недалеку од пристаништето Мина Сакр. Според медиумските извештаи, на палубата на бродот, кој ја носел ознаката „Кинески сопственик и екипаж“, избувнал пожар.Министерството за надворешни работи на Кина денеска го потврди нападот и изрази длабока загриженост.„На бродот има кинески државјани, но засега нема информации за жртви меѓу екипажот“, соопштило Министерството.Поради судирите меѓу САД и Иран, стотици бродови и околу 20.000 морнари останале блокирани во Заливот. Сообраќајот низ Ормутскиот теснец е речиси парализиран по серијата напади врз пловила во текот на неделата.Американскиот претседател Доналд Трамп во понеделникот најавил акција за помош на блокираните бродови, но планот бил прекинат веќе следниот ден. До прекинот дошло откако Иран одговорил со лансирање беспилотни летала и ракети кон повеќе пловила и соседни држави, особено кон Обединетите Арапски Емирати.Во екот на кризата, кинескиот министер за надворешни работи Ванг Ји се сретнал во Пекинг со својот ирански колега Абас Арагачи. Главна тема на разговорите било повторното отворање на теснецот, соопштило кинеското Министерство.Кина и натаму е клучен купувач на иранска нафта, која се наоѓа под американска блокада во Оманскиот Залив.Во меѓувреме, според неименувани извори и претставници, САД и Иран наводно се приближуваат кон ограничен и привремен договор за прекин на огнот. Таквиот договор би ги запрел борбените дејства, но би ги оставил нерешени најспорните прашања меѓу двете држави.

Свет | пред 4 седмици

Кина осуди поранешни министри за одбрана на смртна казна со одложување

Двајца поранешни кинески министри за одбрана, Веј Фенгхе и Ли Шангфу, се осудени поради обвиненија за корупција пред кинескиот воен суд на смртна казна со двегодишно одложување на извршувањето, по што е предвидено нивните казни да бидат преиначени во доживотен затвор.Веј и Ли биле поранешни членови на Централната воена комисија, како и некогашни државни советници, пренесува Синхуа.Според одлуките на судот, Веј е прогласен за виновен за примање мито, додека Ли е осуден за примање и давање мито.Доживотно им се одземени политичките права, а целиот нивен личен имот ќе биде конфискуван.Во судските одлуки се наведува дека, откако по истекот на двегодишното одложување нивната казна ќе биде преиначена во доживотен затвор во согласност со законот, нема да имаат право на дополнително ублажување на казната и на условен отпуст.Веј ја извршувал функцијата министер за одбрана од 2018 до 2023 година, а него го наследил Ли, само неколку месеци пред да исчезне од јавноста, пишува NBC News.И двајцата ги загубиле своите позиции во Комунистичката партија на Кина.Од доаѓањето на власт на претседателот на Кина Си Џинпинг во 2012 година, неговите кампањи против корупцијата доведоа до смена на милиони функционери, а одредени високи функционери осудени за корупција наводно починале во притвор, пишува порталот Politico.

Свет | пред 4 седмици

Најмалку 21 загинат во експлозија во фабрика за огномет во Кина

Најмалку 21 лице загина, а 61 се повредени во експлозија во фабрика за огномет во централна Кина, објавија државните медиуми.Несреќата се случила во градот Лиујанг, во покраината Хунан, познат како центар на индустријата за огномет во земјата.Кинескиот претседател Шји Џинпинг нареди итни мерки за пронаоѓање на исчезнатите и лекување на повредените, како и брза истрага за причините за експлозијата и утврдување одговорност.И покрај мерките за подобрување на безбедноста, вакви несреќи во фабриките за огномет во Кина продолжуваат да се случуваат. Во јуни 2025 година, во сличен инцидент во Хунан загинаа најмалку девет лица.

Свет | пред 1 месец

Трамп најавува депортации на илјадници Кинези, Пекинг го кочи процесот

Администрацијата на Доналд Трамп подготвува нови мерки против Кина, откако Пекинг го забавил прифаќањето на свои државјани кои нелегално престојуваат во САД.Според американски официјални извори, Кина во последните месеци ја намалила соработката околу враќањето на депортираните, иако претходно прифатила околу 3.000 лица во 2025 година. Вашингтон сега предупредува дека може да воведе построги визни ограничувања, зголемени гаранции за визи и одбивање на влез за кинески државјани.Прашањето се очекува да биде отворено и на најавената средба меѓу Трамп и Си Џинпинг во Пекинг на 14 и 15 мај, која има значење и за трговските односи меѓу двете сили.Американските власти проценуваат дека во САД има над 100.000 кинески државјани без регулиран статус, од кои повеќе од 30.000 имаат конечни налози за депортација. Дел од нив веќе се во притвор и чекаат враќање.Вашингтон тврди дека Пекинг не ги исполнува своите обврски, одбивајќи да издава патни документи и да дозволи организирани летови за депортација. Од друга страна, Кина порано изјавуваше дека станува збор за сложено меѓународно прашање што бара координација и време за проверка на идентитетите.Овој спор е дел од пошироките тензии меѓу двете земји, каде што имиграцијата, трговијата и безбедносните прашања сè почесто се користат како алатки за политички притисок.Во меѓувреме, администрацијата на Трамп продолжува со заострување на имиграциската политика, вклучувајќи засилени депортации и построги контроли за странските државјани.

Свет | пред 1 месец

Американски генерал: Кина гради армија за доминација, војната нема да започне како што се очекува

Генерал-потполковникот на американските маринци, Стивен Скленка, предупреди дека Соединетите Американски Држави мора итно да започнат со зајакнување на своите воени бази поради, како што ја оцени, растечката закана од Кина.Во обраќање на изложбата „Modern Day Marine 2026“ во Вашингтон, Скленка изјави дека Кина веќе претставува рамноправен противник на САД во речиси сите области на националната моќ и дека не е точно да се смета само како држава што се приближува до таа позиција. Тој нагласи дека потенцијален конфликт меѓу двете сили би бил значително посложен од другите регионални кризи, посочувајќи дека, во споредба со тоа, евентуален судир со Иран би изгледал како помал инцидент.Тој оцени дека американските воени бази повеќе не можат да се сметаат за безбедни административни локации, туку мора да се третираат како борбени формации од клучно значење за оперативната подготвеност. Според него, современите конфликти веќе покажуваат дека ваквите објекти се изложени на напади со ракети, беспилотни летала и други форми на удари.Скленка се повика и на неодамнешни искуства од конфликтни ситуации на Блискиот Исток, наведувајќи дека напади со дронови и балистички ракети покажале колку брзо може да се наруши безбедноста на воените капацитети и сојузниците во регионот. Тој предупреди дека идните закани нема да бидат само класични воени удари, туку и кибернетски напади, дезинформациски кампањи и употреба на автономни системи.Генералот истакна дека Кина располага со силна индустриска база и брза воена модернизација, при што, според неговите оценки, значително ја зголемува својата производна и воена моќ, вклучително и во бродоградбата, ракетните системи и нуклеарниот арсенал.Тој предупреди дека првите удари во евентуален голем конфликт најверојатно нема да бидат конвенционални, туку ќе започнат со кибернетски напади врз енергетски системи, дезинформации и напади со беспилотни системи, со цел да се создаде хаос и да се наруши одлучувањето.Според него, клучно е САД да ја зајакнат својата одбранбена инфраструктура и подготвеност, бидејќи, како што рече, способноста за мобилизација и распоредување на сили зависи директно од безбедноста на воените бази.

Свет | пред 1 месец

Кина ги укинува царините за Африка, со исклучок на една држава

Кина одлучи да ги укине царините за увоз од речиси сите африкански држави, со исклучок на Есватини, во рамки на проширен режим што ќе важи до 30 април 2028 година.Со оваа мерка, Пекинг овозможува бесцарински извоз за 53 африкански земји, продолжувајќи ја политиката што од декември 2024 година веќе се применуваше за 33 најмалку развиени држави на континентот.Кинеските власти го претставуваат потегот како еднострано отворање на пазарот и поддршка за африканскиот развој. Сепак, аналитичарите оценуваат дека царините не се главната пречка за извозот од Африка, туку структурни проблеми како недоволна индустриска развиеност и ограничена инфраструктура.Според експерти, мерката има и силна политичка димензија, бидејќи China се обидува да се прикаже како поотворен трговски партнер во споредба со United States, додека истовремено се зголемува трговската нерамнотежа во корист на Кина.Податоците покажуваат дека трговскиот дефицит на африканските земји со Кина значително пораснал, при што извозот од Африка главно се базира на суровини како нафта и руди, додека индустрискиот извоз останува ограничен.Експертите предупредуваат дека краткорочните ефекти од укинувањето на царините ќе бидат ограничени, а вистинскиот ефект ќе зависи од способноста на африканските економии да ја зголемат својата индустриска и извозна конкурентност.

Свет | пред 1 месец

Брисел под притисок од Пекинг: Трговски судир околу „Произведено во Европа“

Кина испрати сериозно предупредување до Европската Унија, најавувајќи можни контрамерки доколку Брисел продолжи со усвојување на новиот Закон за забрзување на индустријата, кој има за цел да ја зајакне домашната економија и да ја намали зависноста од странски пазари.Предлогот, кој го подготви Европската комисија, се фокусира на три клучни области – чисти технологии, автомобилската индустрија и енергетски интензивните гранки како производството на челик, алуминиум и цемент. Една од клучните одредби предвидува електричните возила што добиваат државна поддршка да бидат составени во Европската Унија, со најмалку 70 проценти компоненти произведени во земјите членки.Законот предвидува и засилен надзор врз странските инвестиции во стратешките сектори, особено за држави што имаат доминантна улога во глобалното производство. Иако не се споменува директно, јасно е дека мерките најмногу се однесуваат на Кина.Пекинг остро реагираше, оценувајќи дека ваквите правила претставуваат дискриминација и сериозно отстапување од принципите на Светската трговска организација. Кинеските власти порачаа дека, доколку законот биде усвоен во сегашната форма, ќе бидат принудени да преземат мерки за заштита на сопствените компании и интереси.Во исто време, Европската Унија воведува и нови царински правила за мали пратки, со што директно се зафаќа голем дел од увозот од Кина. Од јули 2026 година, сите пратки со вредност под 150 евра ќе подлежат на фиксна давачка, што претставува удар врз деловните модели на азиските интернет-продавници кои се потпираат на евтин и масовен извоз кон Европа.Аналитичарите предупредуваат дека Кина може да возврати со ограничување на пристапот до својот пазар, дополнителни регулаторни проверки или пренасочување на трговските политики, особено кон европските компании што имаат значително присуство во таа земја.Се отвораат неколку можни сценарија – од преговори и компромисни решенија, преку взаемни економски мерки, до слабеење на законот под притисок на дел од земјите членки. Во позадина, спорот го отсликува поширокиот судир за економско влијание, во време кога Европа се обидува да ја заштити својата индустрија, а Кина бара нови пазари за своите производствени капацитети.

Свет | пред 1 месец

ММФ предупредува: На Кина ѝ се заканува враќање на инфлацијата

Меѓународен монетарен фонд денеска предупреди дека Кина покажува први знаци на враќање на инфлацијата, по повеќегодишен период на дефлација, додека растот на цените на енергенсите предизвикан од глобални шокови повторно врши притисок врз економијата.Директорот за Азија и Пацифик при ММФ, Кришна Сринивасан, изјави за Блумберг дека одредени инфлаторни показатели во Кина веќе бележат раст, но сè уште не е јасно дали станува збор за траен тренд.Кина претходно долго време бележеше пад на производствените цени, но податоците за март покажаа прв раст по повеќе од три години, што укажува на можен крај на дефлаторните притисоци.Главен двигател на промените се растечките цени на енергенсите, кои се зголемија поради глобалните нарушувања на пазарот на нафта и гас.Периодот на дефлација во пракса значи дека потрошувачите го одложуваат купувањето очекувајќи пониски цени, што доведува до намалени приходи кај компаниите и притисок врз профитот, со што се забавува целокупната економија.Враќањето на блага инфлација во Кина не мора нужно да биде негативно, но проблемот е што таа произлегува од повисоки светски цени на енергенсите, а не од зајакната домашна потрошувачка, која и понатаму останува слаба.Повисоките цени на енергенсите истовремено можат да помогнат економијата да излезе од дефлација, но и да ги зголемат трошоците за производство и цените за потрошувачите.Кина се потпира на извоз на висока технологија и раст на побарувачката за производи поврзани со вештачка интелигенција за да ја ублажи слабата домашна потрошувачка.ММФ сепак предупредува дека без зајакнување на домашната побарувачка и стабилизација на пазарот на недвижности, закрепнувањето на кинеската економија нема да биде одржливо.

Свет | пред 1 месец

Кина го стопира влезот на Meta во кинескиот сектор за вештачка интелигенција

Кинеските власти ја блокираа планираната аквизиција со која американската компанија Meta требаше да го преземе AI стартапот Manus за околу 2 милијарди долари, што претставува ново заострување на глобалната конкуренција во областа на вештачката интелигенција.Одлуката ја донела Националната комисија за развој и реформи на Кина, која побарала двете страни да се откажат од трансакцијата. Стартапот Manus, кој развива напредни AI агенти за анализа на податоци и автоматизација на сложени задачи, бил сметан за стратешки важен.Meta претходно планираше со ова преземање да ги засили своите AI производи, вклучувајќи го Meta AI асистентот, но регулаторните ограничувања во Кина го стопираа процесот.Покрај ова, Пекинг најавува дополнително ограничување на странските инвестиции во чувствителни сектори како вештачка интелигенција, чипови и напредни технологии, како дел од пошироката технолошка и геополитичка конкуренција со САД.

Свет | пред 1 месец

Нафтената криза го забрзува преминот кон соларна енергија, Кина во предност

Војната во Иран предизвика сериозни потреси на глобалниот енергетски пазар, принудувајќи ги земјите зависни од нафта да бараат алтернативи, при што во преден план се наметнува Кина како водечки снабдувач на технологии за обновлива енергија.По нападите на САД и Израел, иранските сили го блокираа Ормутскиот теснец, што доведе до прекин на околу една петтина од глобалната испорака на нафта и природен гас. Овој потег предизвика силна нестабилност на цените и сериозни нарушувања во снабдувањето, особено во Азија.Во вакви услови, кинескиот извоз на соларна технологија, батерии и електрични возила достигна рекордни нивоа. Според анализите, во март биле извезени 68 гигавати соларна опрема, што е значително зголемување во однос на претходните рекорди, додека повеќе од 50 држави пријавиле историски највисок увоз на кинески соларни панели.Експертите оценуваат дека шоковите од цените на фосилните горива го забрзуваат преминот кон чиста енергија, при што соларната енергија станува клучен двигател на глобалната економија. Истовремено, извозот на батерии и електрични возила бележи силен раст, што дополнително ја зацврстува позицијата на Кина на светскиот пазар.Енергетската криза предизвика и промени во трговските односи, бидејќи земјите настојуваат да ја намалат зависноста од нестабилните извори на енергија. Во таа насока, инвестициите во обновливи извори се покажуваат како клучен механизам за заштита од идни шокови.Дополнително, зголемената употреба на електрични возила веќе придонесува за намалување на глобалната потрошувачка на нафта, додека растот на цените го поттикнува интересот за ваквите технологии.И покрај тоа што дел од растот на извозот се должи на краткорочни фактори, аналитичарите сметаат дека сегашната криза ја зацврстува долгорочната тенденција кон енергетска транзиција, при што обновливите извори сè повеќе се наметнуваат како стабилна и одржлива алтернатива.

Свет | пред 1 месец

Макрон предупредува: Европа мора да се разбуди – САД, Русија и Кина се против нас

Европа мора да ги засили напорите за заштита на сопствените интереси, бидејќи САД, Русија и Кина се сè поотворено поставени спротивно на европските позиции, предупреди францускиот претседател Емануел Макрон.Во разговор со грчкиот премиер Киријакос Мицотакис во Атина, Макрон оцени дека Европа се наоѓа во „единствен момент“ во кој трите големи сили настапуваат спротивставено кон европските интереси.„Не смееме да потцениме дека ова е момент во кој американскиот, рускиот и кинескиот претседател се против Европејците. Ова е вистински момент да се разбудиме“, изјави Макрон.Тој повика европските држави да покажат поголема самодоверба и да креираат сопствена стратегија, наместо да зависат од надворешни актери.Макрон истакна дека напнатостите со САД не се привремени и дека ќе продолжат и по мандатот на актуелниот претседател Доналд Трамп, оценувајќи дека станува збор за подлабок историски тренд.„Можеме да соработуваме со САД по одредени прашања, но ваквиот пристап ќе потрае“, нагласи тој.Францускиот претседател додаде дека Европа во минатото го гледала првиот мандат на Трамп како исклучок, но дека сега е јасно оти мора да се преземат конкретни чекори за зајакнување на европската позиција.Паралелно со политичките пораки, Франција и Грција најавија обновување на билатералниот безбедносен договор, кој предвидува меѓусебна одбрана и продлабочена соработка.Станува збор за ажурирање на договорот од 2021 година, со кој Грција се обврза на набавка на француски воени бродови во вредност од најмалку три милијарди евра, а новата верзија ќе биде продолжена за дополнителни пет години со можност за автоматско продолжување.Очекувањата се соработката да се прошири и во области како надворешна политика, цивилна заштита и економија, како дел од пошироките напори за зајакнување на европската автономија.

Свет | пред 1 месец

Пекинг ја користи кризата за зајакнување на глобалното влијание

Улогата на Кина како неофицијален посредник во најновиот конфликт на Блискиот Исток привлекува внимание ширум светот. Пекинг се обидува да се прикаже како одговорна глобална сила во момент кога потезите на САД ги нарушуваат долгогодишните сојузни односи.Во последните години, благодарение на активната дипломатија, Кина го зајакна своето меѓународно влијание. Иако традиционално се воздржува од директно вклучување во конфликти далеку од своите граници, таа сè повеќе се наметнува како значаен фактор во обидите за посредување во различни региони.Во тековниот конфликт поврзан со Иран, Кина нема формална улога на посредник, но, според анализите, сите страни признаваат дека има одредено влијание врз процесите за смирување на тензиите.Кинеските власти засега не ги потврдуваат деталите за својата улога, додека аналитичарите оценуваат дека Пекинг внимателно избегнува впечаток на дел од безбедносниот систем предводен од САД.Во исто време, Кина ја користи својата економска позиција, особено како најголем купувач на иранска нафта, за да влијае врз дипломатските процеси. Според анализите, Пекинг се обидува да комбинира економски поттик и политичко влијание во регионот.Кинеската дипломатија во последните години бележи и конкретни резултати, меѓу кои и посредувањето во обновувањето на односите меѓу Саудиска Арабија и Иран, што беше оценето како значаен геополитички успех.Аналитичарите заклучуваат дека Кина настапува прагматично и селективно, влегувајќи во процеси за посредување главно кога условите веќе се поволни за договор, но во исто време го користи секој ваков конфликт за да го зајакне својот глобален дипломатски профил.

Свет | пред 1 месец

Трамп вели дека САД пресретнале брод што носел кинески подарок за Иран. Реагира Пекинг

Пекинг ги отфрли тврдењата на американскиот претседател Доналд Трамп дека на иранскиот брод, кој бил пресретнат од американските сили, се наоѓал „поклон од Кина“. Кинеското Министерство за надворешни работи соопшти дека земјата ги исполнува своите меѓународни обврски и дека останува одговорна глобална сила, како што е наведено во официјалната реакција.Според изјавите на Трамп, иранскиот товарен брод пренесувал материјали кои тој ги опиша како „кинески подарок“, при што американските сили го заплениле бродот откако не се придржувал до наредбите во рамки на воспоставената блокада, како што пренесуваат меѓународните агенции.Американските власти соопштија дека бродот сè уште се наоѓа под нивна контрола, додека Пекинг категорично ги отфрла ваквите тврдења и нагласува дека не постои основа за такви обвинувања, како што е наведено во изјавата на кинескиот портпарол.Во исто време, тензиите меѓу Вашингтон и Техеран продолжуваат да се зголемуваат поради спорните мерки во регионот, вклучително и ограничувањата на клучни поморски рути, при што дипломатските разговори досега не резултираа со конечен договор, како што е наведено во извештаите.

Свет | пред 1 месец

Кина нуди помош за Африка поради последиците од војната со Иран

Кинескиот претседател Си Џинпинг најави дека Кина е подготвена да им помогне на африканските држави во справувањето со економските последици од војната меѓу САД и Израел со Иран.Изјавата ја даде за време на средбата во Пекинг со претседателот на Мозамбик, Даниел Чапе, што претставува прва посета на африкански лидер во Кина од почетокот на конфликтот.Си оцени дека последиците од војната веќе се чувствуваат во Африка, особено поради зависноста на многу земји од увоз на гориво, храна и ѓубрива, како и поради нарушувањата во трговијата преку Ормутскиот теснец.„Глобалниот југ, со Кина и Африка како негови претставници, отсекогаш бил сила на правдата во светот кој се соочува со немири. Подготвени сме заедно да се справиме со предизвиците, да го промовираме мирот и да работиме на развојот“, изјави Си.Средбата доаѓа во период на засилени дипломатски активности на Пекинг, пред очекуваната посета на американскиот претседател Доналд Трамп во мај.Во меѓувреме, Кина дополнително ги проширува економските врски со африканските држави преку воведување режим на нулта царина за увоз од 53 земји, мерка што стапува на сила од 1 мај.Во сенка на овие активности, се продлабочуваат и тензиите околу Тајван. Тајванскиот претседател Лаи Чинг-те беше принуден да откаже патување во Африка, откако неколку земји повлекле дозволи за прелет на неговиот авион, што од Тајпеј го оценија како резултат на притисок од Кина.Од Пекинг, пак, им се заблагодарија на овие држави за, како што наведоа, почитувањето на принципот „една Кина“.

Свет | пред 1 месец

Кина ги намали цените на горивата по падот на нафтата

Кина ги намали максималните малопродажни цени на бензинот и дизелот, првпат оваа година, по падот на глобалните цени на нафтата по ескалацијата на конфликтот со Иран.Кинеската Национална комисија за развој и реформи соопшти дека цената на бензинот се намалува за 555 јуани по тон, односно околу 72 евра, додека дизелот поевтинува за 530 јуани, или приближно 69 евра. Новите цени стапуваат на сила од 22 април 2026 година.По намалувањето, просечната цена на бензинот во Кина изнесува околу 9,56 јуани за литар, односно околу 1,24 евра, додека дизелот се продава за околу 8,59 јуани за литар, или приближно 1,11 евра. За возачите тоа значи заштеда од околу три евра при полнење резервоар од 50 литри.Претходно, цените на горивата во Кина бележеа раст во три наврати од март, како последица на порастот на цените на нафтата поради воените случувања на Блискиот Исток. Во одреден период, бензинот се доближи до психолошката граница од 10 јуани за литар, но државните мерки го ублажија дополнителниот раст.Падот на цените доаѓа и поради намалената побарувачка и зголемените залихи во рафинериите. Високите цени доведоа до помала потрошувачка, додека истовремено се создаде вишок гориво, што дополнително ги притисна цените надолу.Кинеските власти ги коригираат цените на горивата на секои десет работни дена, следејќи ги движењата на светските пазари.И покрај намалувањето, неизвесноста останува висока поради состојбите околу Ормутскиот теснец, клучна рута низ која поминува значаен дел од светската нафта. Аналитичарите предупредуваат дека нови тензии во регионот може повторно да предизвикаат раст на цените во текот на годинава.

Свет | пред 1 месец

Кина повикува на смирување по инцидентот во Ормутскиот теснец

Кина изрази загриженост по последниот инцидент во Ормутскиот теснец, каде што САД, според извештаи, пресретнале и заплениле товарен брод под иранско знаме. Пекинг упати повик сите страни да се воздржат од дејствија што би можеле дополнително да ја влошат веќе напнатата ситуација и да се придржуваат кон договорите за примирје.Портпаролот на кинеското Министерство за надворешни работи, Гуо Џиакун, изјави дека состојбата во теснецот е „чувствителна и сложена“ и нагласи потреба од одговорно однесување за да се обезбедат услови за непречен меѓународен поморски сообраќај.Од американска страна беше соопштено дека нивните сили отвориле оган врз ирански товарен брод и потоа го заплениле, откако наводно се обидел да ја пробие воспоставената блокада на иранските пристаништа. Иран, пак, тврди дека бродот доаѓал од Кина и најави одговор на, како што го нарече, „воено пиратство на американската морнарица“.

Свет | пред 1 месец

Кинеските астронаути остануваат во орбита уште еден месец

Кинеската посада на вселенската мисија Шенџоу-21 ќе остане во орбита уште еден месец, откако властите одлучија да го продолжат нивниот престој со цел дополнително тестирање на технологии за долгорочен лет.Леталото беше лансирано на 31 октомври со ракета Лонг Марч-2Ф од центарот Џиукван во северозападна Кина, а мисијата ја сочинуваат тројца астронаути – Жанг Хонгжанг, Ву Феи и командантот Жанг Лу.Тие веќе поминале повеќе од пет месеци во вселената и, според кинеските власти, се во добра физичка и работна состојба. Во текот на мисијата успешно реализирале повеќе задачи, меѓу кои поставување опрема за заштита од вселенски отпад и проверки на надворешни системи на леталото.Првично беше планирано враќање во април, по завршување на шестмесечниот престој, но сега мисијата се продолжува за околу еден месец. Во тој период астронаутите ќе продолжат со научни и технолошки експерименти, со фокус на одржливост на долгорочен престој во орбита.

Свет | пред 1 месец

(Видео) Кина блокира важна поморска област: И тоа додека САД се преокупирани со Иран

Сателитски снимки откриваат дека Кина го засилува своето присуство околу гребенот Скарборо во Јужното Кинеско Море, поставувајќи бродови и пловечки бариери на влезот во спорното подрачје.Според извештајот, на 10 и 11 април биле забележани неколку рибарски бродови, како и пловила за кои се претпоставува дека припаѓаат на кинеската крајбрежна стража или морнарица, додека нова бариера со должина од околу 352 метри била поставена на влезот во гребенот.Оваа зона е долгогодишен извор на тензии меѓу Кина и Филипини, при што двете држави имаат спротивставени територијални и економски претензии. Филипините испраќаат свои бродови за поддршка на рибарите, додека Кина одржува постојано присуство во областа.Иако меѓународен арбитражен суд во 2016 година пресуди во корист на Манила во однос на дел од спорните прашања, суверенитетот над гребенот не е конечно утврден, а Пекинг продолжува да го смета под своја контрола.

Свет | пред 1 месец

Трамп: Побарав од Кина да не испорачува оружје на Иран

Претседателот на Соединетите Американски Држави, Donald Trump, изјави дека побарал од кинескиот претседател Си Џинпинг да не испорачува оружје на Иран, додавајќи дека добил одговор дека Пекинг не го снабдува Техеран.Трамп наведе дека испратил писмо до кинескиот лидер со барање да се воздржи од вакви испораки, на што, како што рече, добил одговор дека Кина не испраќа оружје во Иран. Тој не прецизираше кога се случила размената на писмата.Трамп исто така потсети дека минатата недела се заканил со воведување итни царини од 50 проценти за земји кои би испорачувале оружје на Иран, во контекст на зголемените тензии во регионот.Во истиот разговор, американскиот претседател оцени дека промените на глобалниот пазар на нафта, поврзани со конфликтот со Иран и состојбата во Венецуела, нема да влијаат врз неговите планирани разговори со кинескиот лидер следниот месец.

Свет | пред 1 месец