КИНА

Кина одобри нов лек против лимфом, надеж за пациенти отпорни на терапија

Кинеската национална администрација за медицински производи одобри нов иновативен лек против рак – рокбрутиниб, кој е наменет за третман на пациенти со лимфом кај кои болеста станала отпорна на постојните терапии.Станува збор за таргетиран орален лек развиен од фармацевтската компанија „Лупенг Фармацевтикал“ од Гуангџоу, во јужната кинеска провинција Гуангдонг. Лекот делува така што се врзува за протеинот БТК, блокирајќи ги механизмите што им овозможуваат на канцерогените клетки да преживеат и да се размножуваат, со што предизвикува нивно уништување.Според резултатите од клиничкото испитување во втора фаза, во кое учествувале 100 пациенти со лимфом отпорен на други видови терапија, кај околу 64 проценти било забележано значително намалување на туморот. Кај 23 пациенти туморот целосно исчезнал на радиолошките снимки, додека кај приближно половина од пациентите кои реагирале на терапијата позитивниот ефект траел повеќе од 16,5 месеци.Од кинеската новинска агенција Синхуа наведуваат дека рокбрутиниб претставува нова можност за лекување на пациенти кои имаат ограничени терапевтски опции.Воедно, Кина во текот на 2025 година одобрила вкупно 76 иновативни лекови, што претставува рекордно достигнување за фармацевтскиот сектор во земјата.

Свет | пред 2 дена

Кина повика на почитување на примирјето меѓу САД и Иран: „Нова војна никому не му е во интерес“

Кина ги повика САД и Иран да го почитуваат примирјето и да избегнат нова ескалација на тензиите на Блискиот Исток, откако во последните денови повторно дојде до размена на напади меѓу двете земји.Портпаролката на кинеското Министерство за надворешни работи, Мао Нинг, изјави дека Пекинг е сериозно загрижен поради актуелната безбедносна состојба во регионот.Нејзината изјава следува откако Вашингтон соопшти дека американските сили извршиле напади врз иранскиот остров Кешм како одговор на, како што тврдат, ирански закани и напади во повеќе делови на Блискиот Исток. САД исто така соопштија дека заедно со сојузниците пресретнале повеќе ирански ракети и беспилотни летала.Во меѓувреме, властите во Кувајт објавија дека нивните системи за противвоздушна одбрана реагирале на проектили и дронови, кои ги оценија како непријателски.„Нова војна никому не му е во интерес“, порача Мао Нинг, повикувајќи ги сите страни да ја искористат можноста за мир и да продолжат со дипломатските напори.Таа нагласи дека е потребно почитување на обврските од примирјето, продолжување на преговорите и насочување кон политички и дипломатски решенија со цел што поскоро да се постигне траен прекин на огнот и да се создадат услови за враќање на стабилноста во регионот.И покрај примирјето, кое е во сила од 8 април, САД и Иран во последните денови повторно разменија воздушни напади, што дополнително ги зголеми стравувањата од ново ширење на конфликтот на Блискиот Исток.

Свет | пред 3 дена

Пекинг и Вашингтон бараат начин да ги намалат ризиците од инциденти

Претставници на вооружените сили на Кина и САД одржаа дводневни разговори на Хаваи посветени на воздушната и поморската безбедност, при што двете страни оцениле дека подобрата комуникација може да помогне во намалување на ризикот од недоразбирања и несакани инциденти.Според соопштението на кинеската морнарица, средбите биле одржани на 28 и 29 мај и биле оценети како „искрени и конструктивни“.Одделно, американската Индо-пацифичка команда соопшти дека разговорите биле насочени кон намалување на ризикот од небезбедни и непрофесионални инциденти меѓу воените сили на двете држави.Средбата следува по неодамнешниот самит меѓу Си Џинпинг и Доналд Трамп во Пекинг, на кој двајцата лидери се согласија да работат на воспоставување „конструктивни односи на стратешка стабилност“.Според аналитичарите, ваквиот пристап би можел да придонесе за поставување појасни правила и граници во односите меѓу двете најголеми светски сили.Професорот по меѓународни студии Ванг Донг од Универзитетот во Пекинг оцени дека договорениот стратешки пристап претставува чекор од реактивно управување со кризи кон долгорочна и поодржлива стабилност.Во меѓувреме, на безбедносниот форум Шангри-Ла во Сингапур, американскиот министер за одбрана Пит Хегсет предупреди на забрзаното јакнење на кинеските воени капацитети и ги повика азиските земји да ги зголемат инвестициите во одбраната.Сепак, Хегсет истакна дека односите меѓу Вашингтон и Пекинг се подобри отколку во изминатите години. Забележително е и тоа што во своето обраќање не го спомена Тајван, што дел од набљудувачите го толкуваат како знак за повнимателен и поумерен пристап на американската администрација кон едно од најчувствителните прашања во односите меѓу двете земји.Разговорите на Хаваи се сметаат за уште еден обид за намалување на тензиите и зајакнување на комуникацијата меѓу двете воени сили во Индо-Пацифичкиот регион.

Свет | пред 4 дена

Кина и ЕУ преговараат за новите ограничувања за увоз на челик

Кина преговара со Европска Унија во рамки на Светска трговска организација поради новите ограничувања на ЕУ за бесцаринскиот увоз на челик, изјави денеска портпаролот на кинеското Министерство за трговија, Хе Јадонг.Тој оцени дека новите мерки на Европската Унија ќе влијаат врз билатералната трговија со челик и врз стабилноста на глобалните синџири на снабдување, пренесе Reuters.„Кина се надева дека преку преговори ќе биде постигнато заемно корисно решение“, изјави Хе.Европската Унија воведе нови ограничувања за бесцаринскиот увоз на челик како дел од мерките за заштита на домашната индустрија, поради зголемениот притисок од поевтиниот увоз и намалената побарувачка на европскиот пазар.ЕУ уште во 2018 година воведе заштитни мерки за увоз на челик, откако САД, за време на администрацијата на претседателот Доналд Трамп, воведоа царини за челик и алуминиум, што доведе до пренасочување на вишоците челик кон европскиот пазар, наведува Европска комисија.Кина со години е меѓу најголемите светски производители и извозници на челик, а трговските тензии меѓу Пекинг и Брисел дополнително се засилија во последните години поради прашањата за индустриски субвенции и трговски бариери.

Свет | пред 1 седмица

Европската Унија: Сегашните трговски односи со Кина се неодржливи

Европската комисија оцени дека сегашните трговски и инвестициски односи меѓу Европската Унија и Кина се неодржливи и дека растечките економски и безбедносни предизвици бараат поусогласен одговор од страна на Унијата.Оценката беше соопштена по состанокот на Колегиумот на еврокомесари, посветен на односите со Кина.Во соопштението, Европската комисија ја повтори својата политика на „намалување на ризиците, а не раздвојување“ од Кина, нагласувајќи дека Пекинг останува важен партнер и дека соработката и дијалогот ќе продолжат.Сепак, од Брисел предупредуваат на постоење сѐ поголеми структурни тензии во односите меѓу двете страни.„Сегашната состојба на трговските и инвестициските односи не е одржлива. Како што економските и безбедносните интереси сѐ повеќе се испреплетуваат, двете димензии ќе бараат посилен и поусогласен одговор“, се наведува во соопштението на Комисијата.Оттаму додаваат дека заклучоците од состанокот ќе послужат како основа за натамошната работа во следните недели, во пресрет на дискусиите што се очекуваат на самитот на Г7 во Франција и на состанокот на Европскиот совет во јуни.Европската Унија во последните години се обидува да ја намали зависноста од кинеските синџири на снабдување во стратешките сектори, истовремено задржувајќи ги економските врски и дијалогот со Пекинг.

Свет | пред 1 седмица

„Ова е само почеток“: Кина договори набавка на 200 авиони „Боинг“

Кина годинава ќе ја финализира купопродажбата на 200 авиони „Боинг“, а овој договор претставува само почетна фаза од потенцијално многу поголем договор, изјави извршниот директор на американската компанија Кели Ортберг.Ортберг истакнал дека неодамнешната посета на Кина, на која присуствувал заедно со американскиот претседател Доналд Трамп, била многу успешна и овозможила повторно отворање на кинескиот пазар за теснотрупни авиони на „Боинг“, по речиси една деценија застој предизвикан од трговските тензии меѓу Вашингтон и Пекинг.„Тоа е добар почеток и верувам дека ќе следуваат дополнителни нарачки“, изјавил Ортберг.Според извор запознаен со преговорите, договорот за 200 авиони претставува нова зделка и не вклучува претходно ненарачани авиони, додека деталите за роковите за испорака сè уште не се потврдени.Се очекува авионите да бидат распределени меѓу трите најголеми кинески државни авиокомпании – „Ер Чајна“, „Чајна Истерн ерлајнс“ и „Чајна Саутерн ерлајнс“.

Свет | пред 1 седмица

Германија станува сè позависна од Кина за батерии, соларни панели и антибиотици

Германија станува сè позависна од Кина кога станува збор за стратешки важни производи како литиум-јонски батерии, соларни панели и антибиотици, предупредува нова студија.Според анализата на Фондација „Фридрих Науман“, околу две третини од директниот увоз на литиум-јонски батерии во Германија минатата година потекнувал од Кина, додека пред две години уделот бил под 50 проценти.Кај соларните панели зависноста дополнително се зголемила – од околу 89 на речиси 93 проценти, а кај антибиотиците уделот на кинескиот увоз пораснал од над 65 на околу 73 проценти.Авторот на студијата, Фредерик Шпор, предупредува дека Германија не успева да ја диверзифицира набавката во критичните области и станува уште поранлива.Анализата покажува дека Кина има доминантна улога и кај ретките метали неопходни за производство на електромотори, меѓу кои празеодимиум, неодимиум и самариум.Во меѓувреме, увозот од Кина продолжува да расте. Според податоците на Ројтерс и „Германија трејд енд инвест“, германскиот увоз од Кина во првиот квартал достигнал 43,5 милијарди евра, што е раст од 6,4 проценти на годишно ниво.Експертите предупредуваат дека агресивната кинеска извозна политика создава силен притисок врз германската автомобилска, машинска, хемиска и авиоиндустрија и носи ризик од деиндустријализација.Во такви услови, германската министерка за економија Катарина Рајхе денеска престојува во Кина, каде што треба да разговара за идната економска соработка и условите за фер конкуренција.Извршниот директор на Тисенкруп, Мигел Лопез, оцени дека кинеските компании треба повеќе да инвестираат и да произведуваат во Европа, додека германската машинска индустрија бара поцврст став на Берлин кон кинеските субвенции и трговски практики.

Свет | пред 1 седмица

Хуманоидните роботи во Кина добиваат матичен број

Кина започна национална програма со која на секој хуманоиден робот произведен во земјата ќе му биде доделен единствен дигитален идентификациски код.Практично, станува збор за матичен број за роботи кои можат да одржуваат рамнотежа и да одат или трчаат на две нозе.Иницијативата, наречена „Платформа за управување со целокупниот животен циклус на хуманоидни роботи“, беше најавена во петокот.Програмата ја предводи Комитет за стандардизација на хуманоидна роботика и отелотворена интелигенција, кој работи под надлежност на Министерство за индустрија и информатички технологии.Машинските кодови ќе бидат поделени на четири дела. Двоцифрен национален код ќе се користи за меѓународни испораки и продажба, четирицифрен код на производителот ќе ја идентификува компанијата што го произвела роботот, а потоа ќе следуваат шестцифрен код на моделот и седумнаесетцифрен сериски број за разликување на поединечните примероци.Целта е хуманоидните роботи да се следат од самиот процес на производство, низ целиот работен век, па сè до нивното рециклирање.Според истражување на IDC, глобалниот пазар на хуманоидни роботи минатата година забележал раст од дури 508 проценти, со околу 18.000 испорачани единици ширум светот, при што кинеските производители биле водечки двигател на растот.Кина веќе има повеќе од 100 производители на хуманоидни роботи, а повеќе од 28.000 роботи од околу 200 различни модели веќе добиле сопствен дигитален идентификациски број и пред официјалното јавно претставување на платформата.Според надлежните, системот е дизајниран за решавање на прашања поврзани со безбедноста, надзорот и управувањето, како и за воспоставување стандарди потребни за понатамошен развој на индустријата и нејзино проширување на глобалниот пазар.

Магазин | пред 1 седмица

Кина ги повика САД и Иран да го почитуваат примирјето

Кина ги повика САД и Иран да ги „почитуваат своите обврски“ во врска со сè покревкото примирје меѓу двете страни.Повикот доаѓа откако американската војска соопшти дека вчера извела напади „во самоодбрана“ на повеќе локации во јужен Иран. Од иранска страна, пак, беше порачано дека Техеран го задржува правото да одговори на секое прекршување на примирјето, кое е во сила од почетокот на април.Портпаролката на кинеското Министерство за надворешни работи, Мао Нинг, изјави дека сите засегнати страни треба да покажат воздржаност и да продолжат со дипломатските напори.„Ги повикуваме релевантните страни да ги почитуваат своите обврски поврзани со примирјето, споровите да ги решаваат по мирен пат и да продолжат да бараат решение преку дијалог и преговори, кои ќе ги земат предвид легитимните интереси на сите страни“, изјави Мао Нинг.

Свет | пред 1 седмица

ЕУ до компаниите: Намалете ја зависноста од кинеските добавувачи

Европска Унија ги предупреди европските компании да ја намалат зависноста од добавувачи од Кина поради растечките трговски тензии меѓу Брисел и Пекинг.Еврокомесарот за индустрија Стефан Сежурне порача компаниите да не се потпираат само на една земја за снабдување.„Не набавувајте ја целата стока од една држава“, изјави Сежурне по состанокот на министрите за трговија на 27-те земји членки во Брисел.Тој додаде дека глобалната геополитичка ситуација покажува оти синџирите на снабдување мора повеќе да се потпираат и на европско производство.Минатата година Кина го ограничи извозот на ретки метали и чипови, кои се клучни за зелените технологии, автомобилската и одбранбената индустрија во ЕУ.Според „Euronews“, Европска комисија веќе работи на предлог со кој производителите на автомобили би биле обврзани да набавуваат чипови од повеќе различни добавувачи.Односите меѓу Брисел и Пекинг дополнително се влошија откако ЕУ најави законски мерки за ограничување на кинескиот пристап до европскиот пазар, вклучително и можни ограничувања за кинеските телекомуникациски компании.Пекинг претходно се закани со контрамерки доколку ЕУ продолжи со ваквите политики.

Свет | пред 1 седмица

Кинескиот претседател му порача на Вучиќ: Кина и Србија треба да го продлабочат меѓусебното почитување

Кинескиот претседател Си Џинпинг за време на средбата со српскиот претседател Александар Вучиќ во Пекинг порача дека Кина и Србија треба дополнително да ја продлабочат меѓусебната доверба и да ја прошират соработката за зајакнување на стратешкото партнерство.Според кинеското Министерство за надворешни работи, Си изјавил дека двете земји треба да ја интензивираат размената, да ја зајакнат практичната соработка и меѓусебно да се поддржуваат на „заедничкиот пат кон просперитетна иднина“.Тој истакнал и дека кинескиот и српскиот народ низ историјата минувале низ тешки периоди што го обликувале нивниот „истраен и цврст карактер“.„Кина и Србија се посветени на зачувување на независноста и националното достоинство“, рекол Си Џинпинг.Средбата се одржа за време на првата официјална државна посета на Вучиќ на Кина, а двајцата лидери присуствуваа на потпишувањето на повеќе билатерални договори во областа на трговијата, инфраструктурата, технологијата и други сектори.Вучиќ при пристигнувањето во Кина изјавил дека станува збор за една од најважните посети во неговата политичка кариера и дека Србија очекува значајни економски придобивки од продлабочувањето на соработката со Пекинг.Кина во последните години стана еден од најголемите инвеститори во Србија преку проекти поврзани со иницијативата „Појас и пат“, вклучувајќи железничка инфраструктура, рударски проекти и индустриски развој.Трговската размена меѓу двете земји достигнала околу 9,37 милијарди долари, со што Кина стана втор најголем трговски партнер на Србија.

Свет | пред 1 седмица

Кина испрати 15.000 тони ориз во Куба среде економската криза

Кина испорача пратка од 15.000 тони ориз за Куба, додека Хавана продолжува да се соочува со економски тешкотии и недостиг на гориво, објавија кинеските државни медиуми.Кубанскиот претседател Мигел Дијаз-Канел Бермудез потврди дека пратката пристигнала и ги пофали блиските односи и соработката меѓу двете земји.Тој на социјалните мрежи оцени дека „благородниот“ гест на солидарност од Кина ќе им користи на милиони потрошувачи низ Куба, вклучително и на здравствениот и образовниот сектор.Пратката пристигнала во пристаништето во Хавана и претставува дел од поширок пакет помош што вкупно опфаќа 60.000 тони ориз. Останатите испораки се очекува да пристигнуваат постепено.Кинеските медиуми наведуваат дека амбасадорот Хуа Син присуствувал на церемонијата по повод примопредавањето на првата пратка во рамките на кинеската програма за итна помош за Куба.Тој изјави дека Кина ќе продолжи да ја зајакнува практичната соработка со Куба и да го поддржува кубанскиот суверенитет и националното достоинство.Куба се соочува со сериозна криза со гориво по американското нафтено ембарго, воведено на 30 јануари, што предизвика чести прекини на струјата и нестабилно снабдување со електрична енергија.Американскиот претседател Доналд Трамп во неколку наврати изјави дека Куба е „следна“ по воените операции против Иран и тврдеше дека островската држава „наскоро“ ќе се распадне.

Свет | пред 1 седмица

Кина лансираше вселенско летало со екипаж во вселената

Кина успешно ја лансираше вселенската леталка со човечки екипаж „Шенџоу-23“, што претставува нов чекор во проширувањето на кинеската вселенска програма и истражувањето на долготрајниот престој на луѓе во вселената.Леталката беше лансирана од Центарот за лансирање сателити Џиукван во северозападна Кина, објавија кинеските државни медиуми.Мисијата ја предводат астронаутите Жу Јангжу, Жанг Жијуан и Ли Џиајинг, а Жу Јангжу е командант на мисијата.Кинеските власти посочија дека еден од астронаутите е од Хонг Конг, со што стана првиот астронаут од таа полуавтономна област што учествува во кинеска вселенска мисија со човечки екипаж.Главната цел на мисијата е едногодишен експериментален престој во орбитата со еден член од екипажот, со цел да се проучат физичките и психолошките последици од долготрајното патување во вселената.Кинеските власти наведуваат дека резултатите ќе помогнат во развојот на здравствената заштита на астронаутите, системите за одржување живот и планирањето на идни мисии за истражување на длабоката вселена.Мисијата на вселенската станица „Тјангонг“ ќе спроведе и низа научни експерименти и технолошки тестирања, вклучувајќи ја и првата кинеска иницијатива за истражување на човечкото тело во вселената.Мисијата „Шенџоу-23“ доаѓа во период кога сегашниот екипаж на станицата „Тјангонг“ се подготвува за смена по повеќе од 200 дена поминати во орбитата.Кина последните години интензивно ја развива својата вселенска програма, а станицата „Тјангонг“ ја смета за клучна платформа за идни истражувања на Месечината и длабоката вселена.

Свет | пред 1 седмица

Кина ја коригира бројката: 82 жртви во најтешката рударска несреќа во последните 16 години

Кинеските власти ја ревидираа бројката на загинати во експлозијата на гас во рудник за јаглен во северната покраина Шанкси, при што наместо првично објавените 90, официјално се потврдени 82 жртви.Според државните медиуми, хаотичната состојба на местото на несреќата довела до неточни информации во првите часови по трагедијата. И покрај корекцијата, ова останува најсмртоносната рударска несреќа во Кина во последните повеќе од 16 години.Експлозијата се случила во петокот вечерта во рудник во округот Ќинјуан, кога под земја се наоѓале речиси 250 работници. Последните официјални информации велат дека 128 повредени рудари се во стабилна состојба.Причината за несреќата сè уште не е официјално утврдена, но првичната истрага покажала дека операторот на рудникот сторил „сериозни прекршувања на законот“. Засега не се објавени детали за какви пропусти станува збор, но неколку лица веќе се приведени.Спасувачката операција продолжила и во текот на саботата, речиси 20 часа по експлозијата.Еден од преживеаните рудари, Ванг Јонг, за кинеската државна телевизија изјавил дека прво забележал густ чад и почувствувал мирис на сулфур.„Им реков на луѓето да бегаат додека трчавме. Видов луѓе кои се гушеа од чадот и паѓаа на земја, а потоа и јас се онесвестив“, рекол тој.Според неговото сведоштво, се разбудил по околу еден час, ги разбудил другите рудари околу него и заедно успеале да излезат од рудникот.Кинескиот претседател Си Џинпинг нареди итна спасувачка операција и темелна истрага за причините за трагедијата.„Секоја регија и секое ниво на власт мора да извлече поука од оваа несреќа и решително да спречи вакви катастрофи“, порача Си, пренесе државната агенција Синхуа.Министерството за управување со вонредни состојби испратило 345 спасувачи од шест специјализирани тимови за да помогнат во операцијата.Кина и претходно се соочувала со тешки рударски трагедии. Во 2023 година, во уривање на рудник во Внатрешна Монголија загинаа 53 лица, додека експлозија во рудник во покраината Хејлунгџијанг во 2009 година однесе повеќе од 100 животи.

Свет | пред 1 седмица

(Видео) Сведоштво за експлозијата во кинескиот рудник: Гледав како луѓе се гушат во чадот и паѓаат на земја

Најмалку 90 лица загинаа во експлозија на гас во рудник за јаглен во градот Чангџи, во провинцијата Шанси на северот на Кина, јавуваат државните медиуми.Според извештаите на Кинеската централна телевизија, инцидентот се случил во рудник, а причината за експлозијата сè уште се истражува. Државната новинска агенција Ксинхуа соопшти дека одговорното лице од компанијата е ставено под законски надзор.Кинеската телевизија CCTV пренесува сведоштво на еден од повредените рудари, Ванг Јонг, кој опишал дека почувствувал силен мирис на сулфур и видел облак од чад.„Им кажав на луѓето да трчаат додека трчавме, гледав како луѓе се гушат во чадот и паѓаат на земја, а потоа и јас изгубив свест“, изјавил тој.Тој додал дека по некое време се освестил и заедно со други преживеани успеал да излезе од рудникот.Според CNN, ова е една од најтешките рударски несреќи во последната деценија.

Свет | пред 2 седмици

(Видео) Страшна трагедија во Кина: Најмалку 82 загинати во експлозија во рудник

Најмалку 82 лица загинаа во експлозија на гас во рудник за јаглен во градот Чангџи, во кинеската провинција Шанси, јави кинеската државна телевизија CCTV.Локалните власти соопштија дека одговорните лица од компанијата „Тонџоу“, која управува со рудникот, се приведени.Според последните информации, уште девет лица се водат како исчезнати, додека 201 рудар бил безбедно извлечен на површината до утринските часови по локално време.Спасувачката акција сè уште трае, а екипите продолжуваат со интензивна потрага и работа на местото на несреќата.Несреќата се случила во петокот во 21:43 часот по локално време во рудникот за јаглен „Лјушенју“ во округот Ќинјуан, каде во моментот на експлозијата под земја се наоѓале вкупно 247 работници.Кинеската новинска агенција Синхуа пренесе дека кинескиот претседател Си Џинпинг наредил итна спасувачка акција и темелна истрага за причините за трагедијата.Тој побарал да се вложат максимални напори за спасување на исчезнатите рудари, лекување на повредените и санирање на последиците од несреќата, како и утврдување на одговорност согласно законот.Си Џинпинг нагласил дека властите низ цела Кина мора да извлечат поука од оваа несреќа и да ги засилат мерките за безбедност со цел да се спречат слични трагедии.

Свет | пред 2 седмици

Британски експерти: Кина ја турка германската индустрија кон пропаст

Кина со субвенции, манипулации со девизниот курс и вештачки ниска домашна побарувачка ја поткопува германската индустрија, оценуваат британски експерти во извештај на Centre for European Reform.Како што пренесува германската агенција dpa, „бедата“ на германската индустрија во голема мера е последица на агресивната економска и трговска политика на Кина.Во извештајот се наведува дека Кина со агресивна извозна политика врши притисок врз водечките германски индустрии, но и врз средните претпријатија. Истовремено, германските производи сè помалку се купуваат на кинескиот пазар поради, како што тврдат експертите, манипулираниот девизен курс и потиснатата домашна побарувачка.Наместо да се спротивстават на притисокот од Кина, германските политичари, според анализата, во рамките на Европската Унија и Г7 често ги блокираат иницијативите што би можеле да ја заштитат сопствената економија.Според авторите на извештајот, Франција во многу случаи порешително ги брани интересите на германската индустрија отколку самата Германија.Експертите предупредуваат дека без посилна заштита од кинескиот извоз, кој е државно субвенциониран, Германија се соочува со ризик од деиндустријализација, затворање фабрики и губење стручни кадри.Како особено ранливи се посочуваат индустриските центри Штутгарт и Волфсбург, кои, според извештајот, би можеле да се соочат со социјални последици слични на оние што веќе биле забележани во делови од Соединетите Американски Држави, вклучително и пораст на разводи, зависности и самоубиства.Авторите оценуваат дека ни одлуката за напуштање на строгата политика на штедење и вложувањето милијарди евра во вооружување нема да биде доволна за спас на германската индустрија.„Берлин треба да настапува поофанзивно, а не дефанзивно, и да го поддржи Париз во напорите Меѓународниот монетарен фонд и Г7 да се занимаваат со потценетата кинеска валута и едностраниот трговски модел на Пекинг“, се наведува меѓу заклучоците на експертите.

Свет | пред 2 седмици

Русија и Кина застанаа зад Куба против САД

Русија и Кина порачаа дека ќе застанат зад Куба по одлуката на САД да подигнат обвинение против поранешниот кубански претседател Раул Кастро.Американските власти го обвинуваат 94-годишниот Кастро за заговор за убиство на американски државјани во случај од 1996 година, кога беа соборени два цивилни авиони управувани од противници на кубанската власт. Во инцидентот загинаа четири лица, од кои тројца биле американски државјани.Портпаролката на руското Министерство за надворешни работи, Марија Захарова, изјави дека Москва ќе продолжи активно да го поддржува „братскиот кубански народ“ и остро ги осуди, како што рече, обидите за заплашување, санкции и мешање во внатрешните работи на суверена држава.Од кинеското Министерство за надворешни работи, портпаролот Гуо Џиакун порача дека Пекинг се противи на „злоупотреба на правните средства“ и на едностраните санкции без основа во меѓународното право.„САД мора да престанат со санкциите и заканите кон Куба“, изјави Гуо, додавајќи дека Кина цврсто го поддржува кубанскиот суверенитет и се противи на странско мешање.Обвинението против Раул Кастро доаѓа во период на зголемени тензии меѓу Вашингтон и Хавана, додека американското ембарго против Куба е во сила уште од 1962 година.

Свет | пред 2 седмици

Гуангџоу можеби е најголемиот град во светот со дури 73 милиони жители

Иако надвор од Кина е релативно непознат, кинескиот град Гуангџоу, според некои проценки, би можел да биде најголемиот град во светот, со дури 73 милиони жители.Сепак, одговорот на прашањето кој е најголемиот град на планетата не е едноставен, бидејќи зависи од тоа дали се земаат предвид административните граници, урбаната зона или целата метрополитенска област.Гуангџоу, главен град на кинеската провинција Гуангдонг, се наоѓа во близина на делтата на Бисерната Река и со векови претставува едно од најважните трговски средишта во Кина. Во светот долго време бил познат под името Кантон, по кое е именувана и прочуената кантонска кујна.Градот е познат по традиционалниот „дим сам“, како и по кантонскиот дијалект, кој со децении имал силно влијание врз поп-културата на јужна Кина и Хонгконг.Гуангџоу денес е еден од најразвиените кинески мегаградови, со огромен број облакодери и еден од најголемите метро-системи во светот. Еден од неговите најпрепознатливи симболи е кулата „Кантон Тауер“, висока 604 метри.Во градот секоја година се одржува и прочуениот Кантонски саем, најголемиот кинески саем за увоз и извоз, кој постои уште од 1957 година и има огромно значење за светската трговија.Посебно место во културниот живот има комплексот „Чен Клан академија“, музеј на традиционална кинеска уметност познат по раскошната архитектура и резби.Гуангџоу е и дом на една од најстарите муслимански заедници во Кина. Таму уште во 7 век била изградена џамијата „Хуаишенг“, која се смета за една од најстарите во земјата.Градот денес претставува симбол на модерните мегаградови – огромни урбани целини во кои се поврзуваат милиони жители, индустрија, инфраструктура и економија. Според Обединетите нации, бројот на вакви мегаградови постојано расте, а до 2030 година се очекува во светот да има повеќе од 40 градови со над 10 милиони жители.

Магазин | пред 2 седмици

Кина го продолжи безвизниот режим за руските државјани до 2027 година

Кина го продолжи безвизниот режим за руските државјани до крајот на 2027 година, соопшти кинеското Министерство за надворешни работи.Според одлуката, граѓаните на Русија ќе можат да влегуваат во Кина без виза и да престојуваат во земјата до 30 дена.Мерката првично беше воведена во септември минатата година како едногодишен пробен режим и требаше да истече во септември оваа година.Од кинеското Министерство за надворешни работи соопштија дека продолжувањето на безвизниот режим е дел од напорите за дополнително олеснување на патувањата и зајакнување на соработката меѓу двете држави.

Свет | пред 2 седмици

Русија и Кина со заедничка изјава ги осудија американските воени интервенции

Русија и Кина објавија заедничка изјава за „продлабочување на добрососедските односи, пријателството и соработката“, во која индиректно ги критикуваат воените акции на САД во светот.Во документот, кој беше објавен по средбата меѓу рускиот претседател Владимир Путин и кинескиот претседател Си Џинпинг во Пекинг, се осудуваат „различни форми на воен авантуризам“, што според анализите се однесува на американските активности во Иран и Венецуела во изминатите месеци.Во изјавата се осудуваат „подмолни воени удари врз други држави, лицемерна употреба на преговори како параван за подготовка на такви напади, атентати врз лидери на суверени држави, дестабилизација на внатрешните политички состојби и поттикнување промени на режими“.Москва и Пекинг оценуваат дека таквите постапки „грубо ги прекршуваат целите и принципите на Повелбата на Обединетите нации, нормите на меѓународното право и меѓународните односи“ и му нанесуваат штета на светскиот поредок воспоставен по Втората светска војна.Со заедничката изјава, Русија и Кина дополнително се позиционираат како поддржувачи на нов мултиполарен меѓународен поредок, во време на растечки глобални тензии и несигурност околу улогата на САД на светската сцена.

Свет | пред 2 седмици

(Видео) Путин повторно се сретна со Кинезот кого го фотографираше како дете пред 26 годин

Рускиот претседател Владимир Путин повторно се сретна со кинескиот инженер Пенг Пај, кого првпат го запознал пред 26 години за време на неговата прва претседателска посета на Кина.По прегратката при средбата, Путин му порачал на Пенг дека може да ја посети Русија „во кое било време“, на што кинескиот инженер одговорил: „Сигурно ќе дојдам“.Нивната прва средба се случила во 2000 година во паркот Беихај во Пекинг, кога Пенг бил дете.Во претходно интервју, Пенг се присетил дека Путин тогаш го подигнал од оградата за да се фотографираат заедно.„Сакам да му кажам на претседателот Путин дека и денес е шармантен како тогаш, додека јас од дете станав полничок средовечен човек“, изјавил Пенг во видео објавено од кинеските државни медиуми.Тој додал дека никогаш не можел да замисли дека повторно ќе има можност да се сретне со рускиот претседател.„Пред да се разделиме, нежно ме бакна во челото. Тоа се сцени што и денес јасно ги паметам“, раскажал Пенг.Минатата година рускиот државен медиум „Раша тудеј“ на кинеската социјална мрежа „Веибо“ објави потрага по момчето од фотографијата од 2000 година.Објавата брзо стана вирална, а Пенг бил пронајден неколку дена подоцна.Во меѓувреме тој станал инженер и магистрирал на универзитет во Москва.За кинеските медиуми изјавил дека токму кратката средба со Путин делумно влијаела врз неговата одлука да студира во Русија.

Свет | пред 2 седмици

Москва и Пекинг ќе одржат нови заеднички воени вежби

Русија и Кина објавија заедничка изјава по билатералните разговори во Пекинг, во која најавија дополнително зајакнување на воената соработка меѓу двете земји.Во документот се наведува дека Москва и Пекинг ќе продолжат да го продлабочуваат пријателството меѓу своите вооружени сили и ќе ги прошират заедничките воени вежби.Во заедничката изјава се осврнуваат и на војната во Украина, при што се наведува дека за постигнување траен мир мора да се решат „основните причини“ за конфликтот.Москва во документот изразува благодарност, како што се наведува, за „објективниот и непристрасен“ став на Кина во однос на војната во Украина.

Свет | пред 2 седмици

Путин пристигна во Кина на разговори со Си Џинпинг

Рускиот претседател Владимир Путин денеска ја започна дводневната посета на Кина, каде што ќе разговара со кинескиот лидер Си Џинпинг за проширување на соработката и актуелните глобални прашања.Путин во Пекинг пристигна со делегација составена од министри, бизнис-лидери и високи државни функционери, меѓу кои и гувернерката на руската централна банка, Елвира Набиулина, како и челници на компаниите Газпром и Роснефт.Пред посетата, Путин изјави дека е задоволен што повторно ја посетува Кина и нагласи дека трговската размена меѓу двете земји надминала 200 милијарди долари.Разговорите меѓу Путин и Си се закажани за утре, а според Кремљ, ќе бидат потпишани околу 40 договори и заеднички декларации поврзани со индустријата, трговијата, транспортот и енергетиката.Меѓу темите ќе биде и проектот за гасоводот „Сила на Сибир 2“, кој треба да минува преку Монголија до Кина.Посетата на Путин доаѓа само неколку дена по посетата на американскиот претседател Доналд Трамп на Кина.

Свет | пред 2 седмици

Европски разузнавачки служби тврдат дека Кина тајно обучувала руски војници за војната во Украина

Кинеската армија кон крајот на минатата година тајно обучувала околу 200 руски војници на територијата на Кина, а дел од нив во меѓувреме се вратиле на боиштето во Украина, објави Ројтерс, повикувајќи се на сознанија од три европски разузнавачки агенции и документи во кои агенцијата имала увид.Иако Кина и Русија од почетокот на руската инвазија врз Украина во 2022 година одржаа повеќе заеднички воени вежби, Пекинг постојано тврди дека има неутрална позиција во конфликтот и дека настапува како мировен посредник.Еден разузнавачки функционер изјавил дека со обучувањето руски воен персонал на оперативно и тактичко ниво, кој потоа учествува во борбите во Украина, Кина станува многу подиректно вклучена во војната на европско тло отколку што досега било познато.Разузнавачките служби побарале да останат анонимни поради чувствителноста на информациите.Руското и кинеското Министерство за одбрана не одговориле на барањата на Ројтерс за коментар.Кинеското Министерство за надворешни работи соопшти дека Пекинг „доследно задржал објективен и непристрасен став“ во врска со украинската криза и дека се залага за мировни преговори.„Релевантните страни не треба намерно да поттикнуваат конфликти или да префрлаат вина“, соопшти кинеското министерство.Европските земји, кои Русија ја сметаат за сериозна безбедносна закана, внимателно ги следат сè поблиските врски меѓу Москва и Пекинг.Русија и Кина прогласија „стратешко партнерство без граници“ само неколку дена пред почетокот на инвазијата врз Украина во 2022 година и најавија засилена воена соработка.Додека Западот се обидуваше да ја изолира Русија, Кина ѝ обезбеди економска поддршка преку купување руска нафта, гас и јаглен.Кинескиот претседател Си Џинпинг оваа недела треба да го пречека рускиот претседател Владимир Путин во Пекинг, помалку од една недела по посетата на американскиот претседател Доналд Трамп.Според Ројтерс, тајната обука била главно насочена кон употреба на беспилотни летала.Во двојазичен руско-кинески договор, потпишан на 2 јули 2025 година во Пекинг, се наведува дека околу 200 руски војници ќе поминат обука во воени објекти во Пекинг и Нанџинг.Изворите потврдиле дека приближно толкав број руски војници навистина биле обучени во Кина.Договорот предвидувал и стотици кинески војници да поминат обука во Русија.Русите требало да бидат обучувани за беспилотни летала, електронско војување, воена авијација и оклопна пешадија.Во документот било наведено дека посетите не смеат да бидат медиумски покриени и дека трети страни не смеат да бидат информирани.Беспилотните летала се покажаа како едно од клучните оружја во војната во Украина.Двете страни користат дронови со долг дострел за напади врз цели на стотици километри, додека помалите ФПВ-дронови, вооружени со експлозив, доминираат на фронтот.Според разузнавачките агенции, Русија има големо борбено искуство од Украина, додека Кина располага со развиена индустрија за дронови и напредни методи за обука, вклучително и симулатори за летање.Значителен дел од руските војници кои биле обучувани во Кина биле високи воени инструктори, способни стекнатото знаење да го пренесат понатаму.Една од агенциите потврдила идентитет на неколку руски војници кои по обуката учествувале во операции со дронови во окупираните региони Крим и Запорожје.Воените чинови на тие лица се движеле од помлад водник до потполковник.Ројтерс наведува дека не можел независно да го потврди нивното учество во борбите.Во внатрешни руски воени извештаи до кои дошла агенцијата се опишуваат четири курсеви за обука на руски единици во Кина.Еден извештај од декември 2025 година опишува комбинирана борбена обука за околу 50 руски војници во филијала на Академијата за пешадија во Шиџијажуанг.Обуката вклучувала користење минофрлачи од 82 милиметри со помош на дронови за откривање цели.Друг извештај опишува обука за противвоздушна одбрана со користење електронски пушки за војување, уреди за фрлање мрежи и дронови за пресретнување непријателски летала.Трет документ се однесува на обука за беспилотни летала во Центарот за воена авијација во Јибин, каде што биле користени симулатори за летање и ФПВ-дронови.Четвртиот извештај опишува курс на Универзитетот за воено инженерство во Нанџинг, кој опфатил технологија на експлозиви, поставување и отстранување мини, како и неутрализирање неексплодирани убојни средства.Во извештајот имало и фотографии од руски војници во униформи кои ги обучуваат кинески инструктори, како и снимки од инженериска опрема и техники за пребарување минирани подрачја.

Свет | пред 2 седмици