НАФТА

Цените на горивата експлодираат во Америка, американскиот министер за енергетика: Размислуваме за укинување на данокот

Американскиот министер за енергетика Крис Рајт изјави дека администрацијата на претседателот Доналд Трамп разгледува можност за привремено укинување на федералниот данок на гориво, со цел да се намалат цените на бензинските пумпи.Како што пренесува Си-Ен-Ен, Рајт нагласил дека Белата куќа поддржува „сите мерки“ што можат да помогнат во намалување на цените за американските граѓани.„Оваа администрација стои зад секој потег што може да ги намали цените на бензинските пумпи и да им олесни на Американците“, изјавил Рајт во емисијата „Мит д прес“ на телевизијата Ен-Би-Си.Министерот тврди дека администрацијата не седела со скрстени раце додека цените растат.Според него, веќе биле преземени неколку мерки, меѓу кои користење на стратешките резерви на нафта за зголемување на понудата, прилагодување на правилата на Агенцијата за заштита на животната средина поврзани со летните мешавини на бензин и барање до рафинериите да ги скратат редовните ремонти за да нема застои во производството.Сепак, Рајт одбил да прогнозира кога би можело да дојде до позначително намалување на цените, иако се приближува сезоната на летни патувања, кога побарувачката традиционално расте.Како клучен услов за стабилизирање на пазарот, министерот ја посочил ситуацијата во Персискиот Залив.„Во моментот кога пловидбата низ Ормутскиот Теснец повторно ќе стане слободна, цените на енергенсите ќе почнат да паѓаат“, изјавил Рајт.Минатиот месец тој за Си-Ен-Ен изјави дека Американците веројатно нема да видат цена на гориво под три долари за галон пред 2027 година, дури и ако теснецот се отвори порано.Таквата проценка предизвика реакција од Доналд Трамп, кој оцени дека изјавата на Рајт е „целосно погрешна“.Додека министерот предупредува на геополитичките и логистичките ризици, Трамп продолжува да тврди дека цените на горивата ќе паднат многу побрзо доколку се постигне договор со Иран.Иран практично го затвори Ормутскиот теснец по израелско-американските напади во февруари годинава, што предизвика нови потреси на светскиот пазар на нафта.

Свет | пред 3 седмици

Преговорите меѓу САД и Иран без напредок, цените на нафтата растат

Барел сурова нафта од типот „Брент“ поскапе за околу четири проценти, откако повторно ослабнаа надежите за мирно решавање на кризата меѓу Иран и САД.Цената на нафтата сега се движи околу 105 долари за барел, што е највисоко ниво од средината на минатата недела.Иако за време на најжестоките тензии цената во одредени моменти надмина и 120 долари за барел, најновиот раст покажува дека пазарот и натаму е исклучително чувствителен на секоја негативна вест поврзана со преговорите.Аналитичарите предупредуваат дека високите цени на нафтата веќе со месеци директно влијаат врз секојдневниот живот на граѓаните, преку повисоки сметки за енергија, но и преку поскапување на основните производи поради растечките транспортни и производствени трошоци.Според експертите, цените би можеле дополнително да растат доколку не се најде трајно решение за кризата во Персискиот Залив, а дипломатските напори засега не даваат резултати.Најновиот бран поскапувања следуваше откако Иран го одби американскиот план за завршување на конфликтот.Американскиот претседател Доналд Трамп реагираше на својата социјална мрежа, оценувајќи дека иранскиот контрапредлог, испратен до Вашингтон, е „целосно неприфатлив“.Иако деталите од понудите не се јавно објавени, јасно е дека двете страни сè уште се далеку од компромис.Додека преговорите остануваат без напредок, светските пазари продолжуваат бурно да реагираат на секоја најава за можна ескалација на конфликтот.

Свет | пред 3 седмици

Танкери поврзани со руска нафта забележани во близина на Лефкада

Најмалку два танкери поврзани со транспорт на руски нафтени производи пловеле во Јонското Море во близина на Лефкада, објави „Kathimerini“.Оваа вест доаѓа по откривањето на украинскиот беспилотен површински брод Magura V3 (USV) кај брегот на Лефкада.Според извештаи, USV-то наводно било натоварено со активни експлозиви и дизајнирано да се судри со цел, можеби трговски брод или нафтен танкер.Танкерите кои пловат во Јонското Море не се на западни санкциски листи и затоа не се официјално класифицирани како дел од руската таканаречена „флота во сенка“, која се користи за транспорт на руска нафта со заобиколување на западните санкции.Сепак, според сигурни извори, двата брода се следат од западни агенции поради нивната наводна вмешаност во транспорт на руска нафта и природен гас.Првиот од двата танкера што пловат во областа наводно пренесува сурова нафта, плови под хрватско знаме и припаѓа на компанија со седиште во јадранскиот град Задар.Бродот тргнал од Трст во средата и се очекува да пристигне во пристаништето Пиреја во сабота. Според достапни информации, танкерот формално го променил сопственикот во 2025 година.Во мај истата година, украински медиуми наводно го вклучиле на листа од најмалку 200 танкери за кои се тврди дека извезле 15 милиони тони нафта и нафтени производи од руски пристаништа, опишувајќи ги рутите како „извози облеани со крв“.Вториот брод, кој наводно плови во близина на првиот танкер во последните 24 часа, е хемиски танкер под малтешко знаме и во сопственост на компанија со седиште во Сингапур.Според бази на податоци за следење на бродови, тој тргнал од Милaцо во Сицилија во среда и се очекува да пристигне во Каламата.„Бродот не е на листата на западни санкции, но во минатото транспортирал руски LPG“, изјавил сигурен извор за Kathimerini.Неофицијалната листа на пловила поврзани со руската флота во сенка се проценува дека вклучува до 1.500 танкери од различни типови. Многу од нив пловат со исклучен систем за автоматска идентификација (AIS), а некои се осомничени и за транспорт на иранска нафта, што ги става под зголемен надзор на западните разузнавачки и поморски служби.

Свет | пред 3 седмици

Цената на нафтата нагло порасна по нападот врз рафинеријата во Обединетите Арапски Емирати

Цените на нафтата бележат силни осцилации, откако референтната цена на суровата нафта „Брент“ нагло порасна по извештаите за напад со дронови во Обединетите Арапски Емирати.Цената на „Брент“ кратко по 18 часот надмина 115 долари за барел, што претставува раст од повеќе од 5 проценти во однос на почетокот на денот, по веста дека клучната нафтена лука во Фуџаира била цел на напад.Фуџаира се наоѓа на источниот брег на земјата, надвор од Ормускиот теснец, што ѝ дава стратешко значење за извоз на нафта.Нафтовод од нафтените полиња во Абу Даби води до Фуџаира, овозможувајќи одредени количини сурова нафта да се товараат на танкери и да се извезуваат на светските пазари дури и кога преминот низ теснецот е делумно блокиран.

Свет | пред 1 месец

Пад на цените на нафтата по најавата на Трамп за операција во Ормутскиот теснец

Цените на суровата нафта утрово бележат пад, откако американскиот претседател Доналд Трамп најави дека САД ќе им помогнат на бродовите да го напуштат Ормутскиот теснец, потег што веднаш беше одбиен од Иран.Американската референтна нафта (WTI) поевтини за 0,28 проценти и се тргуваше по 101,65 долари за барел, додека цената на Брент се намали за 0,06 проценти на 108,10 долари.Клучниот фактор за движењето на пазарот останува состојбата во Ормутскиот теснец, каде што стотици танкери и товарни бродови и натаму се блокирани поради воениот конфликт. Ограничените капацитети за складирање веќе ги принудуваат дел од производителите да го запрат производството.„Нафтениот пазар останува под притисок, со бродови кои стојат во место бидејќи едноставно нема простор за складирање“, изјави Стивен Инес од SPI Asset Management.Трамп најави дека операцијата „Проект Слобода“ ќе започне во понеделник на Блискиот Исток. Според Американското централно командување, во акцијата ќе бидат вклучени разарачи со наведувани проектили, повеќе од 100 авиони и околу 15.000 војници, но деталите за нивното распоредување засега не се објавени.На глобалните пазари, реакциите се мешани. Во Азија, хонгконшкиот индекс Ханг Сенг порасна за 1,4 проценти, додека австралискиот S&P/ASX 200 падна за 0,3 проценти. Јужнокорејскиот Коспи забележа силен раст од 3,8 проценти, а тајванскиот Тајекс скокна за 4,2 проценти.На Волстрит, S&P 500 порасна за 0,3 проценти и достигна нов рекорд, додека Насдак се зголеми за 0,9 проценти, поттикнат од растот на акциите на Apple, кои скокнаа за 3,3 проценти по подобри резултати од очекуваното.И покрај краткорочниот пад, неизвесноста околу цените на нафтата останува висока. Пред почетокот на конфликтот, Брент се движеше околу 70 долари за барел, додека сега значително повисоките цени продолжуваат да го оптоваруваат глобалното економско закрепнување.Движењата на нафтата и натаму ќе зависат од развојот на конфликтот со Иран и евентуалното повторно отворање на Ормутскиот теснец – клучна артерија за светската енергетска трговија.

Свет | пред 1 месец

Русија најавува раст на цените ако се намали извозот на нафта

Намалувањето на понудата на руска нафта на светскиот пазар ќе доведе до дополнително зголемување на цените, изјави портпаролот на Кремљ, Дмитриј Песков.Според него, состојбата на глобалниот енергетски пазар веќе е нарушена поради ограничувањата во клучните транспортни рути, при што понудата на нафта е значително намалена. Тој посочи дека секое дополнително намалување на руските количини би имало директно влијание врз цените, кои веќе надминуваат 120 долари за барел.Песков оцени дека ваквиот развој на настаните ќе има двоен ефект, бидејќи и покрај евентуално намалениот извоз, руските компании би можеле да остварат повисоки приходи поради повисоките цени на светскиот пазар.Изјавата доаѓа во период на зголемени тензии на глобалниот енергетски пазар и неизвесност околу снабдувањето, што дополнително ги зголемува стравувањата од нов ценовен шок.

Свет | пред 1 месец

Јапонија повторно увезува руска нафта

Јапонија ќе увезе сурова нафта произведена во Русија за прв пат по февруарските американско-израелски напади врз Иран, кои доведоа до фактичко нарушување на транспортните енергетски текови преку Ормускиот теснец.Нафтата потекнува од проектот „Сахалин-2“ на рускиот Далечен Исток, а испораката ја набави јапонската компанија „Тајо Оил“. Танкерот со нафта испловил кон крајот на април и се очекува да пристигне во јапонската префектура Ехиме.Потегот доаѓа во период кога Јапонија се обидува да ги диверзифицира изворите на енергија поради зголемени нарушувања на глобалниот пазар, и покрај високата зависност од увоз од Блискиот Исток.Проектот „Сахалин-2“ е предводен од рускиот енергетски гигант Gazprom, со учество на јапонските компании „Мицубиши Корпорејшн“ и „Мицуи енд Ко“.Според јапонските власти, оваа испорака не подлежи на санкциите што САД и европските земји ги воведоа кон Русија по почетокот на војната во Украина во 2022 година.

Свет | пред 1 месец

Нафтата вртоглаво порасна на 120 долари за барел

Нагло порасна цената на нафтата . Ова се случи откако се појавија извештаи дека САД се подготвуваат за продолжена блокада на Иран.Глобалната референтна цена на нафтата Брент надмина 120 долари за барел, ова највисоко ниво од средината на 2022 година.Ова е и нов максимум од почетокот на воената ескалација на Блискиот Исток, но и по најавите дека американскиот претседател Доналд Трамп разгледува продолжување на поморската блокада на иранските пристаништа, јави Си-ен-ен.Би-Би-Си пак дознава дека лидерите на енергетските компании, вклучувајќи го и извршниот директор на „Шеврон“, Мајк Вирт, се сретнале со американскиот претседател Доналд Трамп во Белата куќа во вторник. Темата на дискусија била како да се ублажат последиците од конфликтот за американските потрошувачи.Трговците со нафта очигледно го протолкувале состанокот како знак дека блокадата на Ормутскиот теснец, клучен за глобалното снабдување, ќе продолжи. Според функционер на Белата куќа, на состанокот се разговарало за домашното производство на енергија, напредокот во Венецуела, фјучерсите за нафта, природниот гас и превозот. Средбата била опишана како дел од редовните состаноци на претседателот со раководителите на енергетскиот сектор.

Свет | пред 1 месец

Нафтата повторно „експлодира“: Брент над 117 долари, пазарите се плашат од подолга блокада околу Ормускиот теснец

Цените на нафтата забележаа нов силен дневен скок, откако на пазарите се засилија стравувањата дека геополитичките тензии околу Ормускиот теснец може да ја нарушат глобалната испорака на сурова нафта. Брент-нафтата денеска ја надмина границата од 117 долари за барел, додека американската WTI исто така се искачи над 104 долари.Според берзанските податоци, во попладневното тргување цената на суровата нафта WTI порасна за 4,94% и достигна 104,774 долари за барел. Истовремено, Брент порасна за 5,13% на 117,001 долар за барел.Пазарната нервоза се поврзува со проценките дека клучниот коридор за транзит на нафта може да остане под притисок подолго време, доколку САД ја продолжат блокадата на иранските пристаништа. Инвеститорите ваквите сигнали ги вградуваат во цените како ризична премија, што често предизвикува нагли и синхронизирани скокови кај двата водечки референтни вида нафта.Во меѓувреме, во фокусот на пазарите се најдоа и изјавите на американскиот претседател Доналд Трамп, кои дополнително ја подгреаа реториката во односите со Техеран. Се најавува и стратегија за зголемување на притисокот врз иранската економија преку мерки што би го погодиле извозот на нафта.Како дополнителен сигнал за нестабилност во енергетската политика, аналитичарите ја следат и одлуката на Обединетите Арапски Емирати да го напуштат ОПЕК. Иако дел од проценките укажуваат дека тоа претставува удар врз влијанието на картелот, се оценува дека ефектите врз цените на енергенсите не мора да бидат долгорочни.

Свет | пред 1 месец

Обединетите Арапски Емирати ја напушта ОПЕК, ќе може да произведува нафта до 5 милиони барели дневно

Обединетите Арапски Емирати ќе ја напуштат ОПЕК на 1 мај, со што ќе се ослободат од ограничувањата за производство на нафта и ќе можат да го зголемат капацитетот до околу пет милиони барели дневно.Според информации од извори во организацијата и аналитичари, овој потег ќе има влијание врз глобалниот нафтен пазар, бидејќи ОПЕК и нејзините сојузници ќе имаат помала контрола врз понудата. Сепак, се очекува останатите членки да продолжат со координирана политика за регулирање на снабдувањето.ОАЕ, како четврти најголем производител во организацијата, ја напушта групата по речиси шест децении членство. Со тоа, Абу Даби ќе може самостојно да ја креира својата производствена политика, без обврските за квоти.Аналитичарите оценуваат дека овој чекор може да ги усложни напорите за балансирање на пазарот, особено во услови на геополитички тензии и нарушено снабдување со енергенси.Иако во моментов постојат ограничувања за зголемување на извозот поради состојбите во регионот, се очекува дека со стабилизирање на транспортните рути, ОАЕ ќе може постепено да го зголеми производството.Експертите посочуваат дека и покрај излегувањето на ОАЕ, ОПЕК+ веројатно ќе остане стабилна, со клучна улога на Саудиска Арабија во управувањето со пазарот на нафта.

Свет | пред 1 месец

Обединетите Арапски Емирати ја напуштаат Организацијата на земјите извознички на нафта

Обединетите Арапски Емирати објавија дека од 1 мај се повлекуваат од Организацијата на земјите извознички на нафта ОПЕК, како и од пошироката група ОПЕК+. Одлуката, според државната новинска агенција WAM, е донесена врз основа на националните интереси, долгорочната економска стратегија и актуелната геополитичка нестабилност.Во соопштението се наведува дека потегот е во согласност со стратешката визија на земјата за развој на енергетскиот сектор, кој вклучува засилени инвестиции во домашното производство на енергија и поголема диверзификација на економијата. Се истакнува дека Обединетите Арапски Емирати ќе продолжат да дејствуваат како одговорен и сигурен снабдувач на енергенси на светските пазари.Исто така се нагласува дека одлуката е поврзана со потребата земјата поактивно да одговори на барањата на глобалниот пазар, особено во услови на зголемена нестабилност на Блискиот Исток и нарушувања во синџирите на снабдување, поврзани со тензиите околу Персискиот Залив и Ормутскиот теснец.Повлекувањето на Обединетите Арапски Емирати претставува значаен удар за нафтениот картел, во кој клучна улога има Саудиска Арабија. Одлуката доаѓа во период на силни потреси на глобалниот енергетски пазар, дополнително засилени од воените и политичките тензии во регионот.Земјите членки на ОПЕК веќе подолг период се соочуваат со предизвици во транспортот на нафта преку Ормутскиот теснец, стратешки премин низ кој се пренесува значителен дел од светската нафта и течен природен гас. Овие потешкотии се поврзуваат со зголемени безбедносни ризици и инциденти во поморскиот сообраќај.Одлуката доаѓа и по критиките од страна на Абу Даби кон одредени регионални актери, дека не обезбедиле доволна заштита на енергетската инфраструктура во услови на зголемени напади и безбедносни закани.ОПЕК, основан во 1960 година, претставува една од највлијателните организации во светскиот енергетски систем, а неговите членки учествуваат со повеќе од една третина во глобалното производство на нафта.

Свет | пред 1 месец

Цените на нафтата се близу 105 долари

Цените на нафтата денеска на меѓународните пазари се задржаа близу 105 долари, балансирајќи меѓу најавите за нов круг преговори меѓу Иран и САД и проценките за продолжена нестабилност во транзитот низ Ормускиот теснец.На лондонскиот пазар барел нафта попладне се тргуваше по цена од 104,90 долари, речиси непроменета во однос на вчерашното затворање. На американскиот пазар цената изнесуваше 94,07 долари, што е пад од 1,78 долари.Неделата ја одбележаа тензии поврзани со блокадите околу Ормускиот теснец и иранските пристаништа. Иран претходно најави отворање на теснецот со услов бродовите да го координираат преминот со иранската морнарица, додека САД продолжија со блокадата на иранските пристаништа и покрај продолженото примирје.Во меѓувреме, беа регистрирани и пресретнувања на бродови од двете страни, што дополнително ја зголеми несигурноста на пазарите.Дипломатските активности сепак донесоа одреден оптимизам, откако беше најавено дека иранскиот министер за надворешни работи Абас Арагчи ќе отпатува во Исламабад, Мускат и Москва за консултации за регионалната ситуација. Пакистан и Оман претходно беа посредници во преговорите меѓу САД и Иран.Од Вашингтон беше соопштено дека американски изасланици би можеле наскоро да отпатуваат во Пакистан, додека потпретседателот Џеј Ди Венс засега останува во САД, но е подготвен за вклучување доколку разговорите напредуваат.Аналитичарите предупредуваат дека застојот во Ормускиот теснец создава сложени логистички проблеми и дека нормализацијата нема да се случи брзо, бидејќи протокот на бродови останува ограничен и оптоварен.Организацијата на земјите извознички на нафта (ОПЕК) соопшти дека цената на нејзината нафтена кошничка во четврток пораснала за 3,22 долари, достигнувајќи 106,28 долари за барел.

Свет | пред 1 месец

Цената на нафтата повторно над 100 долари по ескалацијата меѓу САД и Иран

Цената на нафтата на светските пазари повторно надмина 100 долари за барел, по новиот бран тензии меѓу САД и Иран и засилените ограничувања во Персискиот Залив.Кинеското Министерство за надворешни работи ја отфрли изјавата на американскиот претседател Доналд Трамп дека товарен брод под иранско знаме, пресретнат од американските сили, претставувал „кинески подарок“, оценувајќи ја како неоснована. Портпаролот Гуо Џиакун нагласи дека трговијата меѓу државите треба да се одвива непречено и во согласност со меѓународните правила.Во меѓувреме, САД воведоа поморска блокада на иранските пристаништа и повеќе од една недела ја засилуваат контролата врз пловидбата низ Ормутскиот теснец. Како одговор, Иран презеде мерки за ограничување на сообраќајот, вклучително и запленување на трговски бродови и закани за прекин на регионалната трговија во Заливот.Ормутскиот теснец останува еден од најважните светски поморски коридори, преку кој во мирновременски услови се транспортира околу една петтина од глобалната нафта и гас, што дополнително ја зголемува загриженоста за стабилноста на енергетските пазари.

Свет | пред 1 месец

Како американската блокада „пропушта“: За 9 дена Иран извезе 10,7 милиони барели нафта

Американската поморска блокада не го запрела извозот на иранска нафта, а танкерите натоварени со ирански барели и капацитетите за складирање и натаму обезбедуваат континуитет на испораките и производството во наредните недели, проценува компанијата за анализа на податоци Vortexa.Соединетите Американски Држави вовеле поморска блокада на Иран во Оманскиот Залив и Арапското Море по неуспешниот прв круг мировни преговори во Исламабад. Според извештајот на Vortexa, американските сили не ја спроведуваат блокадата директно во близина на иранските пристаништа ниту во рамки на Ормускиот теснец, туку пофлексибилно, во поширока зона околу 300 милји западно, меѓу пакистанско-иранската граница и најзападниот дел на Оман.Иран, пак, уште во раната фаза на американско-израелските напади ја презеде контролата врз Ормускиот теснец, забранувајќи транзит за бродови поврзани со Соединетите Американски Држави, Израел и нивните сојузници, додека бродовите од „пријателските“ земји го координираат преминот со иранската морнарица.Според податоците на Vortexa, од почетокот на блокадата на 13 април до 21 април, низ Ормускиот теснец и зоната под американска блокада поминале 34 танкери под санкции, односно поврзани со Иран, на пат од и кон иранските пристаништа. Од ова подрачје биле извезени околу 10,7 милиони барели иранска нафта.Во истиот период, дел од иранската нафта била префрлена преку шест танкери кои го исклучиле автоматскиот систем за идентификација, што укажува на обиди за прикривање на движењето, наведуваат од компанијата.Американската војска, според извештаи на Ројтерс, пресретнала најмалку три танкери под иранско знаме во азиски води, додека соопштено е и дека 29 пловила биле насочени да се вратат или да го променат курсот во рамки на блокадата.И покрај зголемените тензии, сообраќајот низ Ормускиот теснец останал релативно стабилен, речиси на ниво од периодот пред блокадата. Во просек, дневно минувале околу 4,5 бродови, што е слично со претходниот просек од околу четири дневно.Vortexa проценува дека американската блокада во следните два до три месеци нема значително да влијае врз иранските испораки на нафта. Се наведува дека околу 160 милиони барели иранска нафта веќе се наоѓаат во танкери, од кои околу 130 милиони барели се надвор од зоната на блокада, што е доволно за околу 2,5 месеци кинеска побарувачка.Исто така, капацитетите за складирање во Иран би можеле да го поддржат производството уште најмалку два месеци, иако се очекува производителите превентивно да го намалат темпото.Во меѓувреме, американскиот министер за финансии Скот Бесент соопштил дека санкциите врз иранската нафта се привремено суспендирани на 30 дена, на барање на земји кои се изложени на ризик од недостиг на нафта поради ситуацијата во Ормускиот теснец.

Свет | пред 1 месец

Брент над 105 долари: раст на цените на нафтата по закани за Ормутскиот теснец

Глобалниот пазар на нафта утрово забележа силен раст по нова ескалација на тензиите на Блискиот Исток, при што цените на двете главни референтни суровини значително се зголемија.Американската нафта од типот „Западен Тексас Интермедијар“ порасна за 4,06 проценти и достигна 96,73 долари за барел, додека „Брент“ од Северното Море се зголеми за 3,62 проценти, на 105,63 долари за барел.Како клучен фактор за наглиот раст се наведува изјавата на Иран дека нема повторно да го отвори Ормутскиот теснец сè додека трае американската морска блокада на неговите пристаништа. Овој теснец претставува една од најважните светски рути за транспорт на нафта, па секоја закана за негово затворање веднаш се одразува на пазарот.Иако по првичниот скок цените делумно се стабилизираа, трговците предупредуваат дека пазарот останува исклучително нестабилен и дека вредностите се менуваат од минута во минута.Аналитичарите посочуваат дека енергетскиот пазар е под силно влијание на геополитичките случувања, а неизвесноста околу можен договор или понатамошна ескалација дополнително ја зголемува волатилноста.Доколку тензиите продолжат, постојат предупредувања дека би можело да дојде до нов бран поскапувања на горивата на глобално ниво.Ситуацијата внимателно се следи, а понатамошниот развој на настаните ќе ја одреди насоката на движење на цените на енергетскиот пазар.

Свет | пред 1 месец

Цените на нафтата надминаа 101 долар поради тензии во Ормускиот теснец

Цените на нафтата денеска надминаа 101 долар, поттикнати од продолжената американска поморска блокада на Иран и иранското пресретнување на бродови во Ормускиот теснец, што доведе до очекувања дека испораките на енергенси од регионот на Персискиот Залив нема брзо да се вратат на светските пазари.На лондонскиот пазар, барел нафта попладнево се тргуваше по цена повисока за 2,87 долари во однос на вчерашното затворање, односно 101,35 долари. На американскиот пазар цената беше повисока за 3,46 долари и изнесуваше 93,13 долари.Пазарите денеска реагираа слабо на американското продолжување на примирјето со Иран. Претседателот Доналд Трамп не постави временско ограничување за прекин на конфликтот, но ја задржа поморската блокада на иранските пристаништа.Иран, поради американско-израелските напади, ја презел контролата врз теснецот и забранил транзит на бродови поврзани со САД, Израел и нивните сојузници.САД, пак, по неуспешниот прв круг преговори во Исламабад, воведоа поморска блокада на иранските пристаништа во Оманскиот Залив и Арапското Море, предупредувајќи дека Техеран со тоа го крши примирјето.Во текот на ноќта американската војска интервенирала на ирански контејнерски брод во Оманскиот Залив, додека Иран возвратил со заплена на два брода во Ормускиот теснец, кои биле задржани поради наводни прекршувања на поморските прописи.Американскиот министер за финансии Скот Бесент соопштил дека санкциите за руската и иранската нафта се суспендирани на уште 30 дена, на барање на земји кои се соочуваат со ризик од недостиг на нафта поради затворањето на Ормускиот теснец.Податоците на ОПЕК покажуваат дека цената на нафтената кошничка на земјите членки вчера паднала за 1,43 долари и изнесувала 96,31 долари по барел.

Свет | пред 1 месец

Казахстанската нафта се пренасочува – што значи тоа за Германија?

Заменик-претседателот на руската влада, Александар Новак, најави дека ќе биде променет правецот на испорака на казахстанската нафта преку нафтоводот „Дружба“ кон Германија поради технички проблеми, почнувајќи од 1 мај.Новак изјави дека казахстанската нафта ќе биде пренасочена кон други, подостапни логистички рути поради тековните технички можности, пренесе ТАСС.Тој додаде дека со прашањето за пренасочување на нафтените текови се занимаваат руското Министерство за енергетика и руската нафтена компанија „Трансњефт“.Министерот за енергетика на Казахстан, Ерлан Акенженов, претходно изјави дека Казахстан добил неофицијални информации за неможност за транспорт на гориво преку нафтоводот „Дружба“, најверојатно поради неодамнешните напади врз руската инфраструктура.Казахстанскиот национален оператор „Казтрансојл“ обезбедува транзит на нафта преку Русија преку системот на нафтоводи на „Трансњефт“.Казахстанската нафта потоа се транспортира преку Белорусија, преку системот „Гомелтрансњефт Дружба“, до точката за испорака „Адамова застава“, од каде понатаму се доставува до рафинерија во Германија.Овој транзит се одвива согласно релевантниот меѓувладин договор меѓу Казахстан и Русија од 7 јуни 2002 година.Во 2025 година, Казахстан ѝ испорача на Германија 2,1 милион тони нафта преку нафтоводот „Дружба“, а за оваа година беше планирано зголемување на 2,5 милиони тони.Германското Министерство за економија денеска соопшти дека е информирано оти од мај повеќе нема да пристигнува казахстанска сурова нафта во рафинеријата ПЦК во Шведт, една од најголемите во североисточниот дел на Германија.Според индустриски извори, Русија би можела да го запре транзитот на казахстанската нафта преку нафтоводот „Дружба“ од 1 мај, што директно би влијаело врз снабдувањето на рафинеријата, која делумно го снабдува и Берлин, пренесе Ројтерс.Надлежното министерство, кое го надгледува работењето на рафинеријата, наведе дека мнозинскиот сопственик „Росњефт“ информирал за можен прекин.Од германското министерство посочија дека „Росњефт“ ја проценува состојбата и ќе го прилагоди работењето за да ги исполни обврските кон регионот и да обезбеди континуитет во снабдувањето.

Свет | пред 1 месец

Русија го запира извозот на казахстанска нафта кон Германија

Русија ќе го запре извозот на казахстанска нафта за Германија преку нафтоводот „Дружба“ од 1 мај, повикувајќи се на извори запознаени со одлуката.Според три извори кои зборувале под услов на анонимност, новиот прилагоден распоред за извоз веќе им бил доставен на Казахстан и Германија. Потегот доаѓа во период на влошени политички и економски односи меѓу Москва и Берлин поради војната во Украина, која Германија ја поддржува.Руското Министерство за енергетика не одговорило на барањата за коментар.Германија во 2022 година ги стави локалните подружници на најголемиот руски нафтен производител „Роснефт“ под државен надзор, со што значително ги промени долгогодишните енергетски врски со Русија.Во 2025 година, извозот на казахстанска нафта за Германија преку „Дружба“ изнесувал околу 2,146 милиони метрички тони, односно приближно 43 илјади барели дневно, што претставува зголемување од 44 отсто во споредба со 2024 година.Казахстан ја снабдува Германија преку северниот крак на нафтоводот што поминува низ Полска, но испораките во повеќе наврати биле прекинувани поради напади со беспилотни летала врз делови од инфраструктурата на руска територија.Рафинеријата PCK во германскиот град Шведт, една од најголемите во земјата, делумно се снабдува со казахстанска сурова нафта преку овој систем, откако испораките на руска нафта беа прекинати по почетокот на конфликтот меѓу Москва и Киев во 2022 година.

Свет | пред 1 месец

САД ја одобри продажбата на руска нафта: Уште еден месец

Американската влада ја продолжи дозволата за купување санкционирана руска нафта натоварена на танкери за уште еден месец, според документ објавен на страницата на Министерството за финансии.Канцеларијата за контрола на странски средства (OFAC) при американското Министерство за финансии во петокот издаде нова дозвола со која руската нафта и нафтените деривати натоварени на танкери до 17 април може да се купуваат до 16 мај, се наведува во документот.Од дозволата се изземени трансакции со Иран, Куба и Северна Кореја.Вашингтон по третпат од почетокот на американско-израелскиот конфликт со Иран ги суспендира санкциите за руската нафта и нафтените деривати, настојувајќи да го ублажи растот на цените на светските пазари.Првата 30-дневна дозвола за купување руска нафта OFAC ја издаде за Индија на 5 март. Една недела подоцна, дозволата беше проширена и на остатокот од светот, исто така за 30 дена, со рок за завршување на купувањето до 11 април.Новата дозвола е издадена под притисок на азиските држави, пренесува Ројтерс, кои поради нарушувања во снабдувањето од Блискиот Исток побарале од Вашингтон да овозможи набавка од други извори.„Преговорите (со Иран) се забрзуваат, а Министерството за финансии истовремено води сметка нафтата да биде достапна за оние на кои им е потребна“, изјавил портпарол на министерството за Ројтерс.Само два дена претходно, министерот за финансии Скот Бесент изјавил дека Вашингтон нема да ја обнови дозволата за купување руска нафта, ниту да издаде нова дозвола за иранска нафта, која истече во неделата, потсетува Ројтерс.Продолжувањето на дозволата ќе опфати дополнителни 100 милиони барели руска нафта, според наводите на специјалниот пратеник на рускиот претседател Владимир Путин, Кирил Дмитриев, со што ќе се удвои количината на нафта што се тргува со американска дозвола.Во март, купувачите ширум светот примиле 4,4 милиони барели руска нафта дневно, наведува Меѓународната агенција за енергетика (IEA) во својот месечен извештај, што значи вкупно околу 132 милиони барели.Индија увезувала околу два милиони барели дневно, а Кина 1,8 милиони барели дневно, според извештајот за април. Така, на азиските пазари во март пристигнале околу 60 милиони барели во Индија и 54 милиони барели во Кина.Од танкерите, во март на индиско тло биле истоварени околу 22 милиони барели руска нафта, а во Кина околу 14 милиони барели, со што практично биле исчистени залихите што се натрупувале на море од октомври минатата година.

Свет | пред 1 месец

Цените на нафтата може нагло да пораснат

Цените на нафтата би можеле нагло да пораснат уште при следното отворање на берзите, откако Иран повторно го затвори или значително го ограничи сообраќајот низ Ормускиот теснец, предупредуваат аналитичарите.Според пазарните податоци, во петокот цената на нафтата падна за околу 10 отсто, откако Техеран најави дека ќе овозможи поминување на трговски бродови низ овој клучен поморски правец за извоз на нафта. Сепак, ситуацијата брзо се промени, бидејќи протокот повторно беше ограничен.Пазарниот стратег од консултантската компанија Primary Vision, Осама Ризви, оценува дека цените на нафтата наскоро повторно ќе се вратат на повисоки нивоа. Според него, пазарот реагира на нестабилноста и на неизвесноста околу снабдувањето.Иако Ормускиот теснец не е целосно затворен и Иран сè уште пропушта одреден број бродови, прометот е значително намален. Количините на нафта кои минуваат низ овој премин паднаа од околу 20 милиони барели дневно во 2025 година на само три до четири милиони барели дневно.Таквиот пад веќе предизвикува недостиг, особено на азиските пазари, што дополнително ги нарушува глобалните енергетски текови. Аналитичарите посочуваат дека токму овие недостизи и нестабилност имаат влијание и врз тековните преговори меѓу Иран и САД.

Свет | пред 1 месец

Иран го отвори Ормускиот теснец: нафтата падна на 88 долари

Светските енергетски пазари денеска нотираа дека цената на суровата нафта од типот „Брент“ падна на 88 долари за барел. Ова е значително намалување од речиси 12% во текот на денот.Ова следува откако Иран објави дека Ормускиот теснец повторно е отворен за комерцијален поморски сообраќај. Овој клучен енергетски коридор, низ кој поминува околу една петтина од глобалната трговија со нафта, изминатите денови беше под закана, што ја одржуваше цената на високo ниво.Ормускиот Теснец е појас што го поврзува Заливот со Арапското Море, преку кој обично се транспортира една петтина од светската нафта и течен природен гас.По објавата, како што пишува Би-би-си, глобалните пазари, исто така, се зголемија, при што главните американски берзански индекси пораснаа во раното тргување.Европските акции, пораснаа по објавување на веста.Овој вртоглав пад на цената е одличен сигнал за домашната економија. Доколку трендот се задржи до понеделник, кога Регулаторната комисија за енергетика прави нови пресметки, може да очекуваме значително поевтинување на горивата во Македонија.

Свет | пред 1 месец

Продолжена нафтената криза поради нестабилност на глобалниот пазар

Собранието на Република Македонија ја продолжи кризната состојба до 20 јули 2026 година, поради глобалните ризици во снабдувањето со нафта и енергетската нестабилност предизвикана од кризата на Блискиот Исток.Одлуката е донесена на денешната пленарна седница, а претходно беше поддржана и од Комисијата за одбрана и безбедност. Таа предвидува продолжување на кризната состојба на целата територија на државата, со примена што започнува на 21 април 2024 година, веднаш по објавувањето во „Службен весник“.Во образложението се наведува дека мерката е резултат на влошената меѓународна безбедносна и енергетска состојба, како и на нарушувањата во транспортот на сурова нафта, особено преку Ормускиот теснец.Со цел ублажување на последиците од кризата, Владата досега спроведе повеќе мерки, меѓу кои намалување на данокот на додадена вредност за енергентите и намалување на акцизите за дизел горивото и безоловниот бензин. Според надлежните, овие мерки се насочени кон зачувување на животниот стандард на граѓаните и обезбедување стабилно снабдување.Вицепремиерот и министер за транспорт Александар Николоски изјави дека во моментов во земјата нема застој во снабдувањето со гориво и дека цените се меѓу најниските во регионот.Тој истакна дека скопскиот и охридскиот аеродром редовно функционираат, а приштинскиот аеродром исто така се снабдува со гориво преку македонски добавувачи.„Успеавме кризата да ја амортизираме во рамките на можностите“, изјави Николоски, додавајќи дека има зголемена потрошувачка на керозин на двата домашни аеродроми.Тој информираше дека државата располага со резерви на керозин за 90 дена, над законски предвидените 60 дена, и дека резервите постојано се надополнуваат. Според него, нема откажани летови од скопскиот и охридскиот аеродром.Николоски овие информации ги изнесе пред средба со стопанственици од Пелагонискиот регион.

Македонија | пред 1 месец

Пред пратениците одлука за нафтената криза во државата

Пратениците денеска треба да одлучуваат за продолжување на кризна состојба поради можни нарушувања во снабдувањето со нафта и нафтени деривати, која според предлогот ќе трае до 20 јули.Одлуката, предложена од Владата и усвоена на последната владина седница, е единствена точка на дневниот ред на 99. собраниска седница закажана за 12 часот. Како причина се наведува ризикот од пореметувања во снабдувањето, што може да има влијание врз енергетската и економската стабилност на државата.Доколку биде изгласана, одлуката ќе стапи во сила од 21 април, по објавувањето во „Службен весник“.

Македонија | пред 1 месец

Цените на нафтата паднаа под 96 долари

Цените на нафтата денеска паднаа на меѓународните пазари под 96 долари по барел, откако инвеститорите беа смирени од сигналите за нова рунда преговори меѓу Иран и САД.На лондонскиот пазар барелот се тргуваше по цена пониска за 3,67 долари во однос на вчерашното затворање, односно 95,69 долари, додека на американскиот пазар цената изнесуваше 93,19 долари.Претходно, пазарите беа вознемирени поради најавата за американска поморска блокада на Ормускиот теснец, што ги зголеми стравувањата од нарушување на снабдувањето.Во меѓувреме, сигналите дека преговарачките тимови би можеле повторно да се состанат во Исламабад придонесоа за смирување на ситуацијата, иако тензиите во регионот сè уште остануваат високи.Податоците покажуваат и дека дел од танкерите продолжиле да пловат низ Ормускиот теснец, што дополнително влијае на стабилизацијата на пазарот, додека ОПЕК објави и раст на цената на својата нафтена кошничка.

Свет | пред 1 месец

Пад на цената на нафтата по надежи за мировни разговори

Цената на нафтата бележи благ пад и повторно се спушти под 100 долари за барел, во услови на зголемени очекувања за обновување на мировните преговори меѓу САД и Иран.Според податоците на меѓународните пазари, барел сурова нафта тип „Брент“ моментално се тргува околу 98,50 долари, откако претходно достигна над 103 долари поради најавите за американска блокада на клучната рута низ Ормушкиот теснец.Во текот на ноќта цената накратко падна и на 96,60 долари, што аналитичарите го поврзуваат со обновените надежи за дипломатско приближување и можен напредок во преговорите. Дополнителен фактор е и привременото одржување на двонеделното примирје.И покрај падот, цените на нафтата остануваат значително повисоки во однос на периодот пред ескалацијата на конфликтот, кога барел „Брент“ се движеше околу 72 долари, што и понатаму создава притисок врз трошоците за живот на глобално ниво.

Свет | пред 1 месец