СДСМ

СДСМ: Мицкоски и ВМРО се на погрешната страна на историјата – ПЕС го потврди тоа во Барселона

Од СДСМ во реакција на прашањата од ВМРО-ДПМНЕ за наводните разговори во Барселона, велат дека партијата и нејзиното раководство се „на погрешната страна на историјата“, повикувајќи се на, како што наведуваат, ставови изнесени во рамки на Партијата на европските социјалисти (ПЕС).Во соопштението се наведува дека на состаноците во Барселона се дискутирало за унгарската партија Фидес и нејзиното политичко влијание, при што, како што тврди СДСМ, учесниците изразиле став дека автократските режими поврзани со корупција имаат ограничена иднина.Од СДСМ посочуваат дека била истакната победа на политичката опција „Тиса“ во Унгарија, за која, како што наведуваат, дел од учесниците упатиле честитки, меѓу кои и домаќинот на настанот, шпанскиот премиер Педро Санчес.Во соопштението се додава дека разговорите не биле базирани на класична идеолошка поделба, туку на, како што велат, пошироки европски политички процеси и борба против корупцијата и автократски практики.СДСМ тврди дека на панелите било разговарано и за влијанието на медиумите поврзани со унгарската политика, како и за пошироки регионални политички врски, при што се изразувала загриженост за влијанијата во регионот.Од партијата наведуваат и дека нивната политичка позиција останува цврсто проевропска, нагласувајќи дека нивната определба е интеграција во Европската Унија и поддршка на европските вредности.Во завршницата на соопштението се оценува дека, како што велат од СДСМ, одредени политички и медиумски структури се соочуваат со промени и слабеење на влијанието.

Македонија | пред 1 месец

Како гласале Милошоски, Пандов, Мицевски, Јорданов другите функционери на ВМРО-ДПМНЕ во Бугарија?, прашуваат од СДСМ

СДСМ обвини дека дел од функционерите на ВМРО-ДПМНЕ поседуваат бугарски пасоши и учествувале на парламентарните избори во Бугарија, поставувајќи прашање за кого гласале и какви очекувања имаат од новата влада во Софија.„Додека го блокираат европскиот пат на Македонија и намерно создаваат конфликти со Бугарија, многу функционери од ВМРО-ОКГ си обезбедија бугарски пасоши - пасоши на ЕУ.Антонио Милошоски од Вазараждане, Софија.Никола Мицевски од Ќустендил.Сања Божиновска од Софија.Стефан Андоновски од Ќустендил.Марија Андоновска од Благоевград.Бојан Стојановски од Благоевград.Иван Јорданов од Ќустендил.Игор Здравковски од Ќустендил.Марија Петрушевска од Средец.Александар Пандов од Средец.Петар Богојески од Обориште.Вицепремиери, министри, пратеници, градоначалници, директори, функционери на ВМРО-ОКГ. Па да ги прашаме за кого вчера гласаа овие чувари на македонскиот идентитет, Бугари и што очекуваат од новата влада која ќе ја предводи Радев“, стои во соопштението.

Македонија | пред 1 месец

СДСМ: Граѓаните скапо ги плаќаат бајките на Мицкоски за 3 та економија во Европа

Од СДСМ реагираат дека граѓаните, како што велат, „ја плаќаат цената на бајките“ за економските најави на премиерот Христијан Мицкоски за третата економија во Европа.Во соопштението се наведува дека граѓаните секојдневно се соочуваат со поскапо живеење, при што при пазарење и плаќање сметки, според СДСМ, најдобро ја чувствуваат реалната економска состојба.Од партијата посочуваат дека, според податоци на Државниот завод за статистика, има значителен раст на цените на основните прехранбени производи, меѓу кои зеленчукот, овошјето, месото, јајцата и зејтинот, додека платите, како што тврдат, не бележат раст.СДСМ наведува и дека економските показатели покажуваат пад на инвестициите и отпуштања на работници, како и долгови по основ на поврат на ДДВ кон компаниите.Во реакцијата се оценува дека не се преземени доволно мерки за заштита на стандардот на граѓаните, и се повикува на итни чекори за намалување на цените на храната и поддршка на ранливите категории.

Македонија | пред 1 месец

Филипче: Ако Мицкоски знаел за кривичната тогаш е кривична одговорност, доколку не знаел политичка

„Ако Мицкоски знаел за кривичната тогаш е кривична одговорност, доколку не знаел политичка“, рече претседателот на СДСМ, Венко Филипче, одговарајќи на новинарско прашање.„Слушав и не ми се веруваше што кажува сега премиерот. Човекот којшто отворено се закануваше и од собраниската говорница кажуваше кој како ќе биде гонет, се закануваше со органите на власта, којшто е независна власт, судска власт. Човекот чијшто портпарол на влада и уредниците на Орбановите медиуми знаат што пишува во пријавите и каков ќе биде исходот од одредени судски процеси, наеднаш не чувствува ништо. Чудни амплитуди во чувствата постепено се зголемуваат и наеднаш исчезнуваат“, рече Филипче.„Прво, премиерот треба да знае, сакам да му порачам, доколку знаел што се случува со пријавата, тогаш има кривична одговорност. Доколку не знаел, има политичка одговорност затоа што се заканува и се заканува и тоа е нешто што не смее да го прави. Тоа е манир на автократски режим. Ама тоа не нè изненадува. Тоа е така изминатите две години по ред. Тоа е неговиот манир на владеење да се заканува, да го дели општеството, да креира непријатели внатрешни и надворешни, да подгрева меѓуетнички тензии, да не држи настрана од Европа. Зошто? За да може да крадат. Ете, тоа го прави ВМРО-ДПМНЕ, ништо друго“, рече претседателот на СДСМ, Венко Филипче.

Македонија | пред 1 месец

Филипче до Мицкоски: Нема да отстапиме пред заканите, никој не ти се плаши

Претседателот на СДСМ, д-р Венко Филипче, на денешната прес-конференција му порача на премиерот Мицкоски дека СДСМ нема да отстапи пред заканите и притисоците од власта, и нагласи дека борбата против автократските и корумпирани политики ќе продолжи.„Сакам да му порачам на премиерот дека СДСМ нема да отстапи пред заканите и притисоците за прогон.Никој не му се плаши. Креира и нарачува процеси, убеден дека така ќе внесе страв и ќе ја сопре нашата борба со овој автократски режим и овој корумпиран режим којшто тој го води. Се лаже, нема повлекување, ние нема да запреме“, рече Филипче.На прес-конференцијата, Филипче предупреди дека СДСМ се соочува со отворени закани, што не е својствено за демократските општества.„Опозицијата добива отворени закани. И ова го нема во ниту една развиена земја во Европа. Ова што премиерот го прави едноставно го нема во ниту една демократска земја во светот. Отворени закани со обвиненија, најави за прогон на политички противници и нивни семејства. Тоа е злоупотреба на службената должност, на премиерот.И користење на контролирано обвинителство и судство како орудие за пропаганда и заплашување. Тоа, почитувани граѓани, не е демократија. Ова што се случува, како и што предупредувавме, во изминатите две години, е една класична автократија“, рече Филипче.Тој додаде дека ваквите политики на Мицкоски ја оддалечуваат државата од европскиот пат.„Ова не е земја која што беше до пред две години. Ова не е проевропската Македонија. Ова е проруска земја која што ја води рускиот прокси играч Христијан Мицкоски. Ова не е демократија“, рече Филипче.

Македонија | пред 1 месец

Филипче: Мицкоски нема капацитет да води држава – од една страна бајки, од друга навреди

„Мицкоски нема капацитет да води држава, од една страна бајки, од друга навреди“, рече претседателот на СДСМ, Венко Филипче, на денешната прес-конференција.„Само нашиот премиер не реагираше и сè уште раскажува бајки дека сме трета економија во Европа. Мицкоски живее во свој паралелен свет. Нема капацитет да води држава. Заинтересиран е само за себе и своите блиски, а сè останато го плаќаат граѓаните. Се однесува како уредник на жолт печат – од една страна бајки, од друга навреди. Секој што мисли поинаку го навредува“, обвини Филипче.Претседателот на СДСМ појасни дека, како резултат на тоа, граѓаните ги плаќаат бајките и неспособноста на премиерот Мицкоски со празни џебови и празни фрижидери.„Економијата не е статистика, тоа е секојдневниот живот на граѓаните. Цените на основните производи се зголемени – леб, брашно, шеќер, сол, месо, млечни производи, овошје и зеленчук. Некои производи се поскапени и до 300%.“, додаде Филипче.Дополнително, тој се осврна и на заканите од Мицкоски, при што нагласи дека отворени најави за прогон на политички противници и нивните семејства претставуваат злоупотреба на институциите.„Тоа не е демократија – тоа е автократија. Дали е нормално премиерот да најавува гонење врз основа на ’чувство‘? Дали е нормално обвинителството да се користи за политички пресметки? Таквите режими во Европа паѓаат. Граѓаните не сакаат корупција, лажни ветувања и лош стандард. Сакаат нормален живот и европска иднина“, посочи Филипче.Филипче порача дека СДСМ нема да отстапи пред, како што рече, заканите, додавајќи дека „нема повлекување“ и дека „ерата на популизам и лаги завршува, а граѓаните веќе знаат“.

Македонија | пред 1 месец

Филипче: Граѓаните сакаат промени и нормален живот и тоа ќе се случи

Претседателот на СДСМ, д-р Венко Филипче, на денешната прес- конференција порача дека веќе граѓаните јасно ја препознаваат реалната состојба во државата и дека сакаат промени и нормален живот. Филипче посочи дека времето на манипулации и прикривање на вистината завршува и дека граѓаните се подготвени за промени.„Готово е со тоа. Граѓаните не се ни слепи, не се ни глуви. Нема повеќе мачкање очи. Народот сака промени и тие ќе се случат. Ние немаме време за губење“, рече Филипче.Тој додаде дека граѓаните не сакаат криминал, корупција и лош животен стандард, туку бараат достоинствен живот, стабилност  и функционална држава.„Никој повеќе не сака криминал, не сака корупција, не сака лажни приказни, не сака лош животен стандард.Никој не сака влошување на меѓуетничките односи. Никој не сака влошување на релациите и односите со соседите. Луѓето сакаат нормален живот, сакаат Европа. Сакаат децата тука да им продолжат да живеат, ама нормално, пристојно, со добри примања“, рече Филипче.Воедно, Филипче нагласи дека периодот на популизам и поделби завршува, и дека граѓаните веќе носат поинакви одлуки.„Ерата на популизам, лаги и делење на народот полека но сигурно завршува. На следните избори премиерот нема да може да клечи и да моли за власт и да дели лажни ветувања, затоа што граѓаните веќе го прочитаа“, рече Филипче.

Македонија | пред 1 месец

Филипче: Дали граѓаните чувствуваат дека сме трета економија во Европа?

Стандардот на граѓаните се влошува од ден во ден, само премиерот Мицкоски сè уште раскажува бајки дека сме трета економија во Европа, нагласи претседателот на СДСМ, д-р Венко Филипче, на денешната прес-конференција. Филипче посочи дека трошоците за живот, цените на основните производи секојдневно растат, а граѓаните последниве две години живеат многу потешко од претходно.„Дали граѓаните чувствуваат дека сме ние трета економија во Европа? Дали тоа го чувствуваат кога ќе влезат во продавница? Дали чувствуваат кога ќе ги плаќаат сметките за струја и за гориво? Дали фрижидерите дома чувствуваат дека сме ние трета економија во Европа? Дали се зголемени паричниците или се намалени? Има ли повеќе пари кај граѓаните и кај семејствата? Дали живеат подобро? Одговорот е не. Одговорот е дека граѓаните живеат многу полошо од пред две години, кога на власт дојде Христијан Мицковски и оваа тендер коалиција“, рече Филипче.Тој додаде дека сите земји во регионот веќе преземаа мерки за да ги заштитат граѓаните од ценовните шокови, само Мицкоски не реагира и живее во паралелен свет.„Зборуваме за економија што тоне. За тежок секојдневен живот на граѓаните, за цени во продавниците кои што веќе пораснаа без никаква контрола, за најниски плати во Европа, за најнизок стандард во Европа и за млади коишто заминуваат од земјава. И додека цела Европа, во мај, значи допрва, очекува уште посилен удар од оваа криза и носи мерки за да се справи со тоа што не очекува, а тоа е и понатаму забавување на растот и раст на инфлацијата и ризик од рецесија, Мицкоски живее во својот паралелен свет на бајки“, рече Филипче.

Македонија | пред 1 месец

Филипче: Цените се зголемија, стандардот на граѓаните се влошува

Претседателот на СДСМ, д-р Венко Филипче, предупреди дека економската состојба во земјата сериозно се влошува, а товарот од кризата директно го чувствуваат граѓаните - цените на храната континуирано растат, животниот стандард влошува.„Стандардот на граѓаните се влошува од ден на ден. Цените на основните производи се зголемени, лебот, брашното, шеќер, сол, месо, млечни производи, овошје, зеленчук, сѐ е поскапено, од пет до триста проценти за некои продукти“, рече Филипче.Тој додаде дека додека Европа се подготвува за уште посилен удар од кризата, премиерот Мицкоски живее во паралелен свет.„И додека цела Европа, во мај, значи допрва, очекува уште посилен удар од оваа криза и носат мерки за да се справат со тоа што не очекува, а тоа е и понатаму забавување на растот и раст на инфлацијата и ризик од рецесија, Мицкоски живее во својот паралелен свет на бајки. Едноставно, нема капацитет да води држава, заинтересиран е само за себе и своите блиски луѓе, а сè останато го плаќаат граѓаните“, рече Филипче.Притоа, Филипче посочи дека граѓаните скапо ги плаќаат промашените политики на власта - живеат во услови на економска нестабилност и ниски приходи.„Зборуваме за економија што тоне. За тежок секојдневен живот на граѓаните, за цени во продавниците кои што веќе пораснаа без никаква контрола, за најниски плати во Европа, за најнизок стандард во Европа и за млади коишто заминуваат од земјава.Граѓаните скапо ги плаќаат грешките на премиерот и оваа влада. За разлика од нас, сите други земји, како во регионот, така и во Европската Унија, преземаа соодветни мерки. Воведоа мерки да ги заштитат граѓаните и да ја успорат инфлацијата и растот нацените на енергијата“, рече Филипче.

Македонија | пред 1 месец

Филипче: Инвестициите намалени за 60%, над 1.500 отпуштени работници, економски дебакл на Мицкоски

„Странските инвестиции се намалени за 60%, компаниите затвораат и отпуштаат работници, само во изминатата година и пол се отпуштени 1500 работници. Буџетскиот дефицит расте, а државата должи 160 милиони евра за поврат на ДДВ кон компаниите. Компаниите не можат да ги планираат своите средства, а се доцни со исплата на плати, обвини претседателот на СДСМ, Венко Филипче, на денешната прес-конференција.Филипче укажа на фактот дека граѓаните живеат многу полошо од пред две години, кога на власт дојде Христијан Мицкоски и коалицијата, а тоа го потврдуваат и бројките.„Цените на основните производи се зголемени – леб, брашно, шеќер, сол, месо, млечни производи, овошје и зеленчук. Некои производи се поскапени и до 300%. Додека Европа очекува уште посилен удар од кризата и носи мерки за справување со инфлацијата и ризикот од рецесија, Мицкоски живее во свој паралелен свет. Нема капацитет да води држава. Заинтересиран е само за себе и своите блиски, а сè останато го плаќаат граѓаните, рече Филипче.Филипче посочи дека граѓаните скапо ги плаќаат промашените политики на власта ,  живеат во услови на економска нестабилност и ниски приходи.„Граѓаните ги плаќаат бајките и неспособноста на Мицкоски со празни џебови и празни фрижидери. Што имаме денес? Зборуваме за економија што тоне, за тежок секојдневен живот на граѓаните, за цени во продавниците кои веќе пораснаа без никаква контрола, за најниски плати во Европа, за најнизок стандард во Европа и за млади кои заминуваат од земјава.“, истакна претседателот на СДСМ, Венко Филипче.

Македонија | пред 1 месец

Филипче: Граѓаните живеат полошо со доаѓањето на Мицкоски

„Граѓаните живеат многу полошо од пред две години, кога на власт дојде Христијан Мицкоски и оваа коалиција“, обвини претседателот на СДСМ, Венко Филипче на денешната прес-конференција.Филипче посочи дека граѓаните ги плаќаат бајките и неспособноста на Мицкоски со празни џебови и празни фрижидери.„Зборуваме за економија што тоне, за тежок секојдневен живот на граѓаните, за цени во продавниците кои веќе пораснаа без никаква контрола, за најниски плати воЕвропа, за најнизок стандард во Европа и за млади кои заминуваат од земјава“, рече Филипче.Претседателот на СДСМ нагласи дека граѓаните тонат во сиромаштија, цените на сè во државата веќе се зголемија, а граѓаните ги плаќаат грешките на премиерот и оваа Влада.„Дали граѓаните го чувствуваат тоа кога влегуваат во продавница, кога ги плаќаат сметките за струја и гориво? Дали паричниците се полни или празни? Дали луѓето живеат подобро? Одговорот е – не. Цените на основните производи се зголемени – леб, брашно, шеќер, сол, месо, млечни производи, овошје и зеленчук. Некои производи се поскапени и до 300%. Стандардот на граѓаните се влошува од ден на ден, посочи Филипче.Во однос на економските показатели, Филипче истакна дека странските инвестиции се намалени за 60%, компаниите затвораат и отпуштаат работници, а во изминатата година и пол се отпуштени 1500 работници, додавајќи дека буџетскиот дефицит расте, а државата должи 160 милиони евра за поврат на ДДВ кон компаниите.

Македонија | пред 1 месец

Филипче: Одлуката на Владата за враќање на ДДВ-то за дизелот е нов удар врз граѓаните

Одлуката на Владата за враќање на ДДВ-то за дизелот на 18% е нов удар врз граѓаните, нагласи претседателот на СДСМ, д-р Венко Филипче, на денешната прес-конференција. Филипче посочи дека власта од почетокот на кризата на Блискиот Исток не презема никакви директни мерки, што сега скапо ги чини граѓаните.„Баравме и предупредувавме дека се потребни конкретни мерки за помош на граѓаните, уште пред скоро два месеци кога започна кризата на Блискиот Исток. Премиерот и владата не презедоа буквално ништо. Дури сега и се укинува таа парцијална мерка којашто ја донесоа, повторно ДДВ-то е вратено на 18% за дизелот“, рече Филипче.Тој додаде дека граѓаните се со соочени со ценовни шокови и ниски плати со кои едвај се преживува. Филипче потсети дека СДСМ уште на почетокот на кризата предложи конкретни мерки за заштита на стандардот на граѓаните, но власта ги одби.„Уште на самиот почеток на кризата предложивме пакет на мерки. Намалување на ДДВ-то на горивата на 5%, на основните прехранбени продукти ДДВ-то да се намали на 0%. Да се намалат акцизите за 4 денари. На тој начин горивата реално ќе поефтинеа и преполување на цената за патарините. Со сите тие мерки ако се воведоа така во пакет, граѓаните навистина ќе имаа бенефит. ќе се почувствуваше на семејниот буџет, затоа што горивата немаше да пораснат. За жал, премиерот и неговата тендер коалиција сите наши предлог закони ги одбија“, рече Филипче.

Македонија | пред 1 месец

Филипче: СДСМ бара замрзнување на цените и посебни мерки за ранливите категории

Претседателот на СДСМ, Венко Филипче, на прес-конференција порача дека СДСМ бара итни и конкретни мерки за заштита на животниот стандард на граѓаните, со посебен фокус на најранливите категории.„Ние продолжуваме да бараме да се замрзнат цените на основните прехранбени производи, да се интервенира во ДДВ-то и да се донесат посебни мерки за помош на одредени загрозени категории на граѓани – социјални случаи, студенти, пензионери, работници со ниски примања, семејства со повеќе деца, земјоделци, затоа што ние не ветуваме бајки, знаеме како се менаџира криза и затоа нудиме решение“, истакна Филипче.Претседателот на СДСМ остро ја критикуваше Владата за целосно отсуство на навремена реакција и погрешни политики.„Граѓаните скапо ги плаќаат бајките и неспособноста на премиерот Мицкоски. Ги плаќаат со празни џебови и со празни фрижидери. Баравме и предупредувавме дека се потребни конкретни мерки за помош на граѓаните. Уште пред скоро два месеци, кога започна кризата на Блискиот Исток, премиерот и Владата не презедоа буквално ништо. Зборуваме за економија што тоне, за тежок секојдневен живот на граѓаните, за цени во продавниците кои веќе пораснаа без никаква контрола, за најниски плати во Европа, за најнизок стандард и за млади кои заминуваат од земјава.“ рече Филипче.Тој изнесе и конкретни показатели за економскиот пад:„Странските инвестиции се намалени за 60%. Компании затвораат и отпуштаат работници. Во изминатите година и пол се отпуштени 1.500 работници. Државата должи 160 милиони евра за поврат на ДДВ кон компаниите.“Дополнително, Филипче нагласи дека цените на основните производи драматично растат.„Лебот, брашното, шеќерот, солта, месото, млечните производи, овошјето и зеленчукот – сè е поскапено од 5 до 300%. Стандардот на граѓаните се влошува од ден на ден.“ додаде тој.Филипче заклучи дека Владата нема капацитет да се справи со кризата и дека граѓаните живеат полошо.„Мицкоски живее во свој паралелен свет на бајки. Нема капацитет да води држава. Заинтересиран е само за себе и своите блиски луѓе, а сè останато го плаќаат граѓаните. Мицкоски сè уште раскажува бајки дека сме трета економија во Европа. Дали граѓаните го чувствуваат тоа кога ќе влезат во продавница, кога ги плаќаат сметките? Одговорот е – не. Граѓаните живеат многу полошо.“ рече претседателот на СДСМ, Венко Филипче.

Македонија | пред 1 месец

Филипче: Граѓаните скапо плаќаат за бајките на Мицкоски, со празни џебови и празни фрижидери

Претседателот на СДСМ, Венко Филипче, на денешната прес-конференција  рече дека граѓани директно ги чувствуваат последиците од бајките на Мицкоски.„Граѓаните скапо ги плаќаат бајките и неспособноста на премиерот Мицкоски. Ги плаќаат со празни џебови и со празни фрижидери“, истакна Филипче.Тој нагласи дека СДСМ навремено предупредуваше и нудеше конкретни решенија за справување со кризата, но Владата не презела ништо.„Баравме и предупредувавме дека се потребни конкретни мерки за помош на граѓаните. Уште пред скоро два месеци, кога започна кризата на Блискиот Исток, премиерот и Владата не презедоа буквално ништо. СДСМ понуди решенија, намалување на ДДВ-то на горивата на 5%, на основните прехранбени производи ДДВ-то да се намали на 0%, намалување на акцизите за 4 денари и преполовување на цената на патарините. Со овие мерки граѓаните навистина ќе имаа бенефит и ќе се почувствуваше на семејниот буџет. “, рече Филипче.Тој обвини дека Владата ги одбила овие предлози, а потоа делумно и задоцнето вовела мерки кои сега повторно ги укинува.„За жал, премиерот и неговата тендер-коалиција сите наши предлог-закони ги одбија. Дел од мерките ги воведоа делумно, а сега и тие се прекинуваат. Предоцна е, затоа што цените на сè во државата веќе се зголемија.“ рече претседателот Филипче.Тој потенцираше дека реалноста ги демантира тврдењата на Владата.„Мицкоски сè уште раскажува бајки дека сме трета економија во Европа. Дали граѓаните го чувствуваат тоа кога ќе влезат во продавница? Дали го чувствуваат кога ги плаќаат сметките? Одговорот е – не. Граѓаните живеат многу полошо. Странските инвестиции се намалени за 60%. Компании затвораат и отпуштаат работници. Во изминатите година и пол се отпуштени 1.500 работници. Дупката во буџетот расте, а државата должи 160 милиони евра за поврат на ДДВ кон компаниите.“ рече Филипче.Дополнително, Филипче нагласи дека цените на основните производи се драстично зголемени:„Лебот, брашното, шеќерот, солта, месото, млечните производи, овошјето и зеленчукот – сè е поскапено од 5 до 300%. Стандардот на граѓаните се влошува од ден на ден. Зборуваме за економија што тоне, за тежок секојдневен живот на граѓаните, за цени во продавниците кои веќе пораснаа без никаква контрола, за најниски плати во Европа, за најнизок стандард и за млади кои заминуваат од земјава.“ потенцираше претседателот Филипче.Дополнително, Филипче уште еднаш посочи дека СДСМ бара и таргетирана поддршка за најранливите категории граѓани.„Продолжуваме да бараме да се замрзнат цените на основните прехранбени производи, да се интервенира во ДДВ-то и да се донесат посебни мерки за помош на одредени загрозени категории на граѓани – социјални случаи, студенти, пензионери, работници со ниски примања, семејства со повеќе деца и земјоделци.“ рече претседателот на СДСМ, Венко Филипче.

Македонија | пред 1 месец

Мицкоски тврди дека градоначалникот на СДСМ е против референдум за рудникот Луке, а СДСМ бара да се спроведе

Премиерот Христијан Мицкоски изјави дека барањето на СДСМ за одржување референдум за рудникот со антимон во кривопаланечкото село Луке е легитимно и уставно загарантирано право, но посочи дека постојат различни ставови и во самата опозициска партија.„Правото да побара секој референдум е уставно загарантирано и ние не можеме да спориме, она што мене ме зачудува е фактот дека градоначалникот на Крива Паланка Сашко Митовски од СДСМ има спротивно мислење од овој став на раководството на СДСМ. Јас и денес комуницирав со него, неговиот став е сосема спротивен“, рече Мицкоски.Тој нагласи дека проектот е дел од стратешко партнерство со САД и дека ќе ги исполни сите неопходни стандарди.„Овој проект е дел од стратешкото партнерство со САД, финансиран делумно од САД, мора да ги исполнува условите и за тоа лично гарантирам, а гарантираат и инвеститорите. Градоначалникот мисли дека овој проект е стратешки за државата и локалното население, посебно имајќи го предвид економскиот бенефит за тој крај кој е типично рударски“, изјави премиерот.Претходно, СДСМ побара одржување локален референдум, оценувајќи дека станува збор за прашање од јавен интерес што директно се однесува на здравјето на граѓаните и иднината на локалната заедница. Од партијата предупредуваат на потенцијални еколошки ризици и бараат целосна транспарентност, јавни расправи и исполнување на повеќе услови, меѓу кои решавање на постојните еколошки жаришта, независен мониторинг и финансиски гаранции од инвеститорот.СДСМ нагласува дека без исполнување на овие услови не треба да се реализира проектот, додека Владата уверува дека ќе бидат запазени сите стандарди и дека станува збор за инвестиција од стратешко значење.

Настани | пред 1 месец

(Видео) „Немаат кредибилитет да бараат оставки“, премиерот го брани министерот за земјоделие од интерпелацијата на СДСМ

Премиерот Христијан Мицкоски оцени дека интерпелацијата поднесена од СДСМ за министерот за земјоделство Цветан Трипуновски е неоснована и безпредметна, посочувајќи дека аргументите на опозицијата не држат.„Сметам дека интерпелацијата не е основана имајќи ги предвид наводите кои се таму изнесени. Имајќи ги предвид политиките на СДСМ кон земјоделците, неисплатените плати во Национални шуми, неисплатените субвенции, долгови, тие имаат најмалку право да зборуваат за оставка или интерпелација“, изјави Мицкоски.Тој додаде дека интерпелацијата е легитимен демократски инструмент, но изрази уверување дека министерот Трипуновски ќе ги презентира своите аргументи и ќе одговори на обвинувањата.„Во демократијата има и такви инструменти, уверен сум дека министерот ќе ги презентира своите аргументи, ама мојот став е дека апсолутно е безпредметна оваа интерпелација“, рече премиерот.Претходно, СДСМ поднесе интерпелација за работата на министерот Трипуновски, обвинувајќи го за, како што наведуваат, „системска корупција, злоупотреба на службената положба и катастрофални политики“ кои, според нив, го довеле земјоделството до колапс.Од партијата посочуваат дека се крателе субвенции, се укинале програми и биле суспендирани европски фондови, при што илјадници земјоделци останале без поддршка. Дополнително, наведуваат и случаи на корупција кај најблиските соработници на министерот, како и сериозни проблеми со функционирањето на институциите во ресорот.Интерпелацијата е поднесена во Собранието и се очекува да биде предмет на расправа во наредниот период.

Настани | пред 1 месец

(Видео) Мицкоски одговори на тврдењата од СДСМ дека странски разузнавачи ги следат и им фабрикуваат афери

Премиерот Христијан Мицкоски ги отфрли обвинувањата на СДСМ дека Владата ангажирала странска приватна разузнавачка компанија за следење на опозицијата и фабрикување афери, оценувајќи дека станува збор за неосновани тврдења.„Што се однесува до некакви компании за да го следат раководството на СДСМ, мислам дека таков тип на однесување од наша страна не постои, ниту е дел од мојот карактер, ниту имам намера да се занимавам со такви естрадни политики. Јас сум фокусиран на развојот на државата и подобри услови за живот на граѓаните, имајќи ги предвид тешките времиња во кои живееме“, изјави Мицкоски.Претходно, СДСМ обвини дека премиерот и ВМРО-ДПМНЕ ангажирале израелска приватна разузнавачка компанија „Блек кјуб“, која, според партијата, била користена за следење на опозицијата и собирање информации со цел дискредитација.Од СДСМ тврдат дека претставници на компанијата веќе биле во Скопје и одржале состаноци со лица блиски до власта, како и со бизнисмен кој, според нив, требало да го финансира ангажманот. Партијата оценува дека ваквите активности претставуваат дел од, како што велат, „автократски модел“ на владеење.Од Владата, пак, негираат вакви активности и порачуваат дека нивниот фокус останува на економските политики и справувањето со предизвиците со кои се соочуваат граѓаните.

Македонија | пред 1 месец

СДСМ упорно го бара Груевски назад

По поразот на Виктор Орбан, СДСМ упорно го бара Никола Груевски назад во Македонија, за да ја одлежи казната која му е изречена и да одговара за обвиненијата кои му се поднсени. Во новото соопштение, тие ја обвинита Владата предводена од Христијан Мицкоски дека намерно го одолговлекува процесот за екстрадиција на поранешниот премиер Никола Груевски од Унгарија, оценувајќи дека досега не е испратено официјално барање.Од партијата велат дека институциите неефикасно постапуваат, посочувајќи дека документите, иако се подготвуваат меѓу МВР, Јавното обвинителство, Кривичниот суд и Министерството за правда, „сѐ уште патуваат“, иако станува збор за институции лоцирани на мала оддалеченост.СДСМ прави споредба со Полска, тврдејќи дека таму институциите експресно реагирале и испратиле барања за екстрадиција на свои поранешни функционери од Унгарија, иако, како што наведуваат, тие веќе имале добиено азил.„Ова е доказ дека Мицкоски нема намера да го врати Груевски пред лицето на правдата, туку свесно одолговлекува и му купува време“, велат од СДСМ.Од партијата додаваат дека премиерот изнесувал неточни информации во врска со случајот и бараат Владата итно да постапи и да испрати официјално барање за екстрадиција на Груевски.

Македонија | пред 1 месец

ВМРО-ДПМНЕ со напад: Филипче „слави“ победа на сестринска партија на ВМРО

ВМРО-ДПМНЕ ја обвини опозициската СДСМ дека се наоѓа во сериозен политички пад, оценувајќи дека лидерот Венко Филипче „слави туѓи изборни победи“ наместо да се соочи со состојбата во сопствената партија.Од партијата посочуваат дека на парламентарните избори во 2024 година СДС освоила 18 пратеници, што го оценуваат како најслаб резултат во нејзината историја, додека на локалните избори минатата година поддршката се свела на околу 130 илјади гласови.„Ако трендот продолжи со ист интензитет, следните избори може да ја донесат бројката под 100 илјади. Катастрофата веќе се случува кај СДС. А Филипче слави“, велат од ВМРО-ДПМНЕ.Според нив, лидерот на СДСМ „одлучил да прослави победа на политичка партија во друга земја како да е негова лична победа“, иако, како што додаваат, станува збор за сестринска партија на ВМРО-ДПМНЕ, додека „сестринската партија на СДС на истите избори доживеала дебакл“.„Постои реален свет, и наспроти тоа постои Филипче како Алиса во земјата на чудата“, наведуваат од партијата, додавајќи дека СДСМ не ја препознава сопствената политичка позиција и не прави самокорекција.Од ВМРО-ДПМНЕ оценуваат дека наместо да се фокусира на домашните проблеми и причините за падот на довербата, СДСМ се занимава со, како што велат, „туѓи изборни процеси кои немаат никаква врска со нив“.

Македонија | пред 1 месец

СДСМ бара референдум за рудникот во Луке: „Граѓаните да одлучат“

СДСМ побара од Владата да организира локален референдум за најавениот рудник со антимон во кривопаланечкото село Луке, оценувајќи дека станува збор за прашање од јавен интерес кое директно ги засега здравјето на граѓаните и иднината на локалните заедници.Од партијата истакнуваат дека за ваков проект е неопходна поширока јавна дебата и активно учество на граѓаните во процесот на донесување одлуки.„Ова не е техничко прашање, туку прашање за здравје и за иднина. Граѓаните мора да бидат прашани и тие да одлучат“, наведуваат од СДСМ.Во реакцијата се посочува и на нерешениот проблем со еколошкото жариште Лојане, за кое велат дека со децении останува без решение, додека во исто време се најавуваат нови рударски активности.„Ако државата не може да го реши Лојане, тогаш нема кредибилитет да отвора нови рудници“, додаваат од партијата.СДСМ нагласува дека не се против инвестиции, но предупредува дека тие не смеат да се реализираат по цена на здравјето на граѓаните и животната средина.Партијата постави и седум клучни услови кои, според нив, мора да бидат исполнети пред да се размислува за реализација на проектот. Меѓу нив се итно решавање на постојните еколошки жаришта, целосна транспарентност на договорите и студиите, воспоставување затворен еколошки систем без загадување, обезбедување финансиска гаранција од инвеститорот, независен мониторинг со јавни податоци, директен бенефит за локалната заедница и континуирана здравствена заштита за населението.„Доколку овие услови не се исполнат, подобро е да нема рудник“, порачуваат од СДСМ.

Македонија | пред 1 месец

Тренчевска: Цените растат, наместо за народот власта работи за богатите

Потпретседателката на СДСМ, Јована Тренчевска, во дебатната емисија „Бизнис 21“ посочи дека најновите податоци за инфлацијата потврдуваат континуиран раст на цените на основните прехранбени производи и сериозно влошување на животниот стандард на граѓаните, обвинувајќи ја Владата дека не презема соодветни мерки за помош на граѓаните.„Тоа што го зборувавме, излезе дека е така. Според последните извештаи од Парламентарниот институт, инфлацијата особено кај храната бележи раст и таа спирала за која зборувавме, за постојано покачување на цените на основните прехранбени производи, се случи и се случува. Кај месото е 12,8%, кај лебот и житата 3,7%, кај овошјето 12,8%, кај млекото, сирењето и јајцата 8,1%, кај маслата и мастите 6,9%, кај кондиторските производи 10%. Тоа покажува дека Владата не презема никакви мерки за да го заштити животниот стандард на граѓаните. Тие анализи кои се направени, со кои излегоа пред некој ден да кажат дека маржите самите трговци ги намалиле, затоа нема притисок врз животниот стандард на граѓаните, навистина се небулоза. И очигледно власта живее во некој друг свет во кој не е обичниот граѓанин, сите ние останатите, кои секојдневно се соочуваме со повисоки цени во маркетите, односно со послаба куповна моќ на граѓаните“, истакна Тренчевска.Таа посочи дека граѓаните беа оставени без поддршка во пресрет на Велигден, нагласувајќи дека цените на основните производи се значително зголемени, при што јагнешкото месо достигнало цена од 700 денари, маслото 100 денари, а табла јајца 309 денари, во услови кога минималната плата од 26.000 денари не овозможува достоинствен животен стандард.Тренчевска рече дека двете мерки кои ги донела Владата во овие 50 дена не донеле никаков резултат, ниту пак им помогнале на граѓаните.„И сега, два месеци скоро, граѓаните се соочуваат со инфлација, со намалување на животниот стандард, со намалување на куповната моќ. Она што можеле да го купат за 1.000 денари претходно, сега им се потребни 1.500 денари, можеби и повеќе, кога станува збор за храна, за основните прехранбени производи. Освен две мерки на Владата, кои не дадоа резултат, затоа што и пред две недели мисијата на ММФ беше во Собранието, ги слушнавме нивните забелешки и многу јасно и децидно рекоа: намалување на ДДВ и намалување на акцизата, да, се вредни, меѓутоа се мерки кои им помагаат и на богатите. Не се мерки кои го заштитуваат животниот стандард на ранливите категории на граѓани. И затоа препорачаа Владата, а не само кај нас, секаде каде што мисијата препорачува, да оди со таргетирани мерки со кои ќе ги допре најранливите граѓани во државата“, посочи Тренчевска.Таа потсети дека во 2022 година во времето на СДСМ, бил донесен пакет антикризни мерки вреден 409 милиони евра, нагласувајќи дека тие дале конкретни резултати во намалувањето на цените на горивата и храната, како и преку директна поддршка за граѓаните.Тренчевска нагласи дека секоја одговорна влада во вакви кризни услови мора да се грижи за граѓаните кои се најпогодени, додавајќи дека СДСМ предложил конкретни мерки, меѓу кои намалување на ДДВ на дериватите на 5% и на храната на 0%, намалување на патарините.„ВМРО не носи мери во интерес на народот. Најверојатно газдата на ДПМНЕ, тоа се коморите, не им дозволуваат, затоа што тие ги донеле на власт, не им дозволуваат да се намали маржата и да се намали ДДВ-то на основните прехранбени производи. Како што ќе им кажат коморите, така Владата постапува“, обвини Тренчевска.

Македонија | пред 1 месец

СДСМ: Мицкоски да им се извини на културните работници за навредите

Членката на Извршниот одбор на СДСМ, Наташа Петровиќ, побара премиерот Христијан Мицкоски јавно да им се извини на уметниците и културните работници за, како што рече, навредливите изјави упатени кон нив.Според неа, состојбата во културата е хаотична, а последните изјави на премиерот дополнително ја влошуваат ситуацијата.„Мицкоски ги навреди и дискредитираше луѓето кои ја создаваат културната вредност на државата, нарекувајќи ги ‘вулгарни и агресивни’“, изјави Петровиќ.Таа оцени дека ваквите ставови се обид за замолчување на културните работници, кои, како што посочи, бараат почитување на Колективниот договор и подобрување на платите.Петровиќ нагласи дека Колективниот договор е легитимен и институционално потврден, додавајќи дека проблемот не е во правната рамка, туку во, како што рече, недостигот на политичка волја.Дополнително, таа посочи на, како што го нарече, лицемерие кај дел од носителите на функции, вклучително и министерот за култура Зоран Љутков, кој, според неа, во минатото го поддржувал истиот договор.„Културата не е трошок, таа е темел на идентитетот. Без достоинствени уметници нема држава, нема нација, нема иднина“, изјави Петровиќ.Од СДСМ порачаа дека ќе продолжат да ги поддржуваат културните работници и нивните барања, нагласувајќи дека ова е борба за достоинство и права.

Македонија | пред 1 месец

СДСМ поднесе интерпелација за Трипуновски – обвинувања за корупција и колапс во земјоделството

СДСМ поднесе интерпелација за работата на министерот за земјоделство Цветан Трипуновски, обвинувајќи го за, како што велат, корупција, скандали и штетни политики кои го довеле секторот до колапс.Пратеникот Љупчо Николовски на прес-конференција изјави дека во изминатите две години земјоделците се соочуваат со намалена поддршка, укинати мерки и притисоци, наместо развојни политики.„Трипуновски го доведе земјоделството до колапс – од незнаење, неспособност и со закани и притисоци“, рече Николовски.Според него, намалени се субвенциите за повеќе земјоделски гранки, а дел од програмите и мерките се укинати или суспендирани. Тој посочи дека за првпат со ребаланс бил намален буџетот за земјоделство.Како клучен аргумент за интерпелацијата, Николовски ја наведе корупцијата, тврдејќи дека блиски соработници на министерот биле фатени со мито од 50.000 и 100.000 евра.„Ова не се изолирани случаи, туку доказ за системска корупција“, истакна тој.Дополнително, СДСМ обвинува за, како што велат, „мега-скандал“ со европските фондови, поради кој биле суспендирани 128 милиони евра од ИПАРД програмата, што директно ги погодило земјоделците.Николовски посочи и дека се намалени субвенциите за тутун, сточарство и други култури, додека, според него, зголемен е лимитот за субвенции за големите компании, на штета на малите производители.Од СДСМ тврдат дека се укинати и важни мерки како авансната исплата на субвенции и програмите за мали производители, како и дека нема напредок во капиталните проекти и наводнувањето.„Земјоделците се оставени сами, цените се под производствените трошоци, а резултатот е катастрофален“, рече Николовски.Тој најави дека СДСМ ќе бара политичка, а потоа и кривична одговорност, додавајќи дека интерпелацијата има цел да се изнесат сите факти и аргументи во Собранието.

Македонија | пред 1 месец

Кузеска: Граѓаните осиромашуваат, Владата доцни со мерките

СДСМ ја обвини Владата за, како што велат, „економски дебакл“, оценувајќи дека граѓаните секојдневно се соочуваат со раст на цените и пад на животниот стандард, без конкретни мерки од страна на премиерот Христијан Мицкоски.Портпаролката на партијата, Богданка Кузеска, посочи дека поминале 60 дена од почетокот на кризата на Блискиот Исток, а, според неа, Владата не презела чекори за заштита на стандардот на граѓаните.„Помина и Велигден, иако Мицкоски најавуваше нови мерки по празниците, повторно излажа – наместо мерки, продолжија поскапувањата“, рече Кузеска.Таа наведе дека според последните податоци на Државниот завод за статистика, зеленчукот поскапел за над 38 проценти, овошјето за над 10 проценти, а продажните цени во земјоделството за 23 проценти. Дополнително, според СДСМ, веќе два месеци се зголемени и цените на месото, маслото, јајцата и другите основни производи.„Ова не се обични бројки, туку секојдневие со празни фрижидери и празни џебови“, додаде Кузеска.Од СДСМ велат дека предложиле конкретни мерки – намалување на ДДВ за храна на нула проценти, намалување на акцизите, намалување на ДДВ за горивата на 5 проценти и намалување на патарините, оценувајќи дека Владата сега ги најавува истите мерки, но „доцна и половично“.Кузеска истакна дека додека во други европски земји се носат пакети за поддршка, во Македонија, според неа, Владата се задржува на анализи и најави без конкретна реализација.Во однос на економските показатели, СДСМ тврди дека странските инвестиции паднале од 1,2 милијарди евра на 467,5 милиони евра, а долгот за поврат на ДДВ кон компаниите достигнал 180 милиони евра. Дополнително, како што наведуваат, десетици фабрики се затворени, а над 1.500 работници останале без работа.„Реалноста е дека народот осиромашува. Потребни се итни мерки за намалување на цените и поддршка на граѓаните и економијата“, порача Кузеска.

Македонија | пред 1 месец

Мицкоски му купува време на Груевски, намерно се одложува барањето за враќање, вели СДСМ

СДСМ обвини дека премиерот Христијан Мицкоски изнесува неточни информации за случајот со поранешни полски функционери и, како што велат, намерно одолговлекува со барањето за екстрадиција на Никола Груевски.Од партијата тврдат дека Мицкоски „повторно излажал“ кога изјавил дека полските функционери не добиле азил во Унгарија, посочувајќи дека, според нив, и поранешниот полски министер за правда и неговиот заменик Романовски добиле политички азил – едниот во 2026, а другиот во декември 2024 година.„Очигледно Мицкоски свесно лаже за да го прикрие непостапувањето на неговата Влада“, наведуваат од СДСМ.Во реакцијата се прави споредба со Полска, за која СДСМ тврди дека веднаш покренала постапки за враќање на лицата, додека во Македонија, како што велат, институциите не преземаат конкретни чекори.„Во Македонија гледаме спротивна слика. Владата не прави ништо и нема поднесено барање за екстрадиција на Никола Груевски“, се додава во соопштението.СДСМ оценува дека со ваквиот пристап, Мицкоски „му купува време“ на Груевски за да избегне соочување со правдата, изнесувајќи и тврдења дека тој разгледува други опции за престој, меѓу кои Русија и Белорусија.Од партијата заклучуваат дека „доаѓа времето на вистината, правдата и одговорноста“.

Македонија | пред 1 месец