ТРАМП

Трамп: Бродови пловат кон Америка за да натоварат „најдобра нафта“

Американскиот претседател Доналд Трамп повтори дека поморската блокада на иранските пристаништа стапила на сила.Тој изјави дека САД нема да дозволат една земја да го „уценува или изнудува светот“, додавајќи дека токму тоа, според него, го прави Иран.Трамп нагласи дека САД нема да прифатат таква ситуација и дека веќе има движење на бродови кон Америка со цел снабдување со нафта.Тој исто така посочи дека постои можност конфликтот да биде решен брзо, додавајќи дека „многу е можно сè да се реши и пред тоа“.

Свет | пред 1 месец

Трамп: Блокадата е активна, Иран бара договор

Американскиот претседател Доналд Трамп изјави во Белата куќа дека Иран „многу сака да постигне договор“, но повтори дека Техеран нема да добие нуклеарно оружје.Тој нагласи дека Вашингтон е подготвен за договор, но само доколку се исполнат американските услови, додавајќи дека „ако не прифатат, нема договор“.Трамп истакна дека Иран „се обидува да го уценува светот“, во контекст на американската поморска блокада која стапи во сила во последните часови.Тој додаде дека САД не зависат од Ормускиот теснец бидејќи имаат сопствени извори на нафта и гас, како и дека веќе се водат контакти меѓу двете страни за можен договор.Според неговите изјави, одредени ирански претставници веќе контактирале со Вашингтон во обид да се продолжат преговорите.

Свет | пред 1 месец

Трамп избриша AI слика од себе како Исус Христос: „Прикажан сум како лекар, а не како Исус“

Американскиот претседател Доналд Трамп избриша објава на социјалната мрежа Truth Social во која беше прикажан во лик налик на Исус Христос, по низа критики од јавноста.На спорната слика тој беше прикажан со раце од кои излегува светлина, поставени над човек во болнички кревет, што предизвика контроверзии и негативни реакции од различни политички табори.Трамп подоцна изјави дека намерата била да се прикаже како лекар кој „ги лекува луѓето“, а не како религиозна фигура, обвинувајќи ги медиумите дека погрешно ја интерпретирале објавата.Според BBC, од Белата куќа засега нема официјален коментар за повлекувањето на објавата.Контроверзата се случи кратко по критиките што Трамп ги упати кон папата Лав XIV, со што дополнително се продлабочија јавните несогласувања меѓу нив околу прашања поврзани со меѓународната политика и конфликтот во Иран.

Свет | пред 1 месец

Трамп тврди дека иранската морнарица е „целосно уништена“

Американскиот претседател Доналд Трамп изјави дека иранската морнарица е „целосно уништена“, додавајќи дека САД ќе ги уништат и помалите бродови доколку се приближат до американската блокада на иранскиот брег.Во објава на својата платформа Truth Social, Трамп наведе дека „иранската морнарица лежи на дното на морето“ и дека се уништени 158 бродови, додека помалите брзи нападни бродови засега не биле цел на ударите.Тој предупреди дека секој ирански брод што ќе се приближи до зоната на блокада ќе биде веднаш уништен, додавајќи дека САД ќе применат ист систем како и при операции против шверц на дрога на море.Според медиумските извештаи, американската поморска блокада веќе стапила во сила и го опфаќа целиот ирански брег, како и поморскиот сообраќај во Оманскиот Залив и Арапското Море, без оглед на знамето на бродовите.Тензиите дополнително растат околу Ормускиот теснец, клучна светска нафтена рута низ која поминува околу една петтина од глобалната нафта, при што аналитичарите предупредуваат на можност од понатамошна ескалација во директен поморски судир.

Свет | пред 1 месец

Поразот на Виктор Орбан е голем удар за Трамп и американската десница

Поразот на унгарскиот премиер Виктор Орбан на изборите предизвика реакции во САД, објави Associated Press, пред сè поради долгогодишната поддршка што му ја даваше претседателот Доналд Трамп и дел од американската десница. Орбан важеше за една од клучните фигури на глобалниот конзервативен блок, препознатлив по антимигрантската политика и начинот на кој ја консолидираше власта во изминатите 16 години.Трамп отворено го поддржа неговиот реизбор, испраќајќи го дури и потпретседателот Џеј Ди Венс во Будимпешта во пресрет на гласањето, и покрај актуелниот конфликт со Иран.Аналитичарите оценуваат дека поразот на Орбан покажува дека глобалното незадоволство од власта ги надминува идеолошките поделби и ја ограничува способноста на светските лидери да влијаат врз изборите во други земји. Професорот од Харвард Стивен Левицки посочи дека опозицијата може да победи дури и во нерамноправни услови, нагласувајќи дека и демократиите и автократиите се соочуваат со сериозни предизвици.Падот на Орбан има и директни геополитички импликации, бидејќи тој беше еден од најблиските европски сојузници на рускиот претседател Владимир Путин и често ја блокираше помошта на Европската унија за Украина во војната што трае од 2022 година.Реакциите во САД беа поделени. Дел од републиканците ја критикуваа администрацијата за мешање во изборите во други демократии, додека претставници на конзервативниот табор признаа дека гласачите во Унгарија посакале промена, особено поради економските проблеми и влијанието на меѓународните кризи.Орбан, кој започна како антикомунистички активист, ја зацврсти својата власт по враќањето на функцијата во 2010 година преку уставни и институционални промени, што Европската унија ги оцени како оддалечување од демократските стандарди. Сепак, неговиот пораз се смета за доказ дека и долгогодишни лидери со силна контрола врз системот можат да бидат сменети преку избори.Според аналитичарите, исходот од изборите во Унгарија може да има пошироки импликации и за американската политика, особено во контекст на претстојните изборни циклуси и дебатите за демократските институции.

Свет | пред 1 месец

Папата: Не се плашам од Трамп

Американскиот претседател Доналд Трамп упати остри критики кон папата Лав XIV, нарекувајќи го „слаб“ во однос на криминалот и „ужасен“ во водењето на надворешната политика, по неговите забелешки за американските миграциски и надворешнополитички потези. Трамп своите обвинувања ги објави на социјалната мрежа Truth Social, каде што реагираше на претходните критики на папата упатени кон неговата администрација.Папата Лав XIV претходно ја осуди реториката на Трамп во врска со Иран, оценувајќи ја како неприфатлива, и повика на поголемо внимание кон односот кон мигрантите во САД. По нападите, тој порача дека нема да престане јавно да се изјаснува против војната и дека не се плаши од политички притисоци.Во својата реакција, папата истакна дека неговата улога не е политичка, туку духовна, и дека како поглавар на Католичката црква има обврска да ја пренесува порака за мир. Тој нагласи дека не може да ја толкува надворешната политика од перспектива на државните лидери, но дека ќе продолжи да повикува на дијалог и воздржаност.Трамп, пак, дополнително го обвини папата дека е политички пристрасен, тврдејќи дека неговите ставови се блиски до левичарски политички кругови и дека со своите изјави ѝ штети на Католичката црква. Тој повторно ја нагласи својата политика кон Иран и безбедноста на САД, тврдејќи дека неговите одлуки имаат цел да го намалат криминалот и да ја зајакнат американската економија.Судирот меѓу американскиот претседател и поглаварот на Католичката црква предизвика силни реакции во јавноста, отворајќи нова линија на политичко-верски тензии меѓу Вашингтон и Ватикан.

Свет | пред 1 месец

Скарамучи: Орбан бил дел од „фанатичната група“ на Трамп

Поранешниот директор за комуникации на Белата куќа, Ентони Скарамучи, изјави дека Виктор Орбан, кој по 16 години на власт ги загуби парламентарните избори, припаѓал на „фанатичната група“ околу американскиот претседател Доналд Трамп.Скарамучи оцени дека Трамп би можел да го обвини американскиот потпретседател Џеј Ди Венс за изборниот пораз на Орбан. Венс, потсетено е, минатата недела престојуваше во Будимпешта каде учествувал во кампањата за реизбор на Орбан.Тој изјави дека Трамп го гледал Орбан како дел од своето „политичко семејство“ и додаде дека постои можност американскиот претседател да го смета Венс за одговорен, поради неговото учество во кампањата.

Свет | пред 1 месец

(Видео) Трамп ја прекина изјавата кога беше прашан за Орбан

Реакции на резултатите од изборите во Унгарија пристигнуваат од целиот свет, од министри до шефови на држави.Новинарите го прашаа американскиот претседател Доналд Трамп за поразот на унгарскиот премиер Виктор Орбан, но тој реагираше неочекувано.На снимките што се шират на платформата X се гледа како Трамп, веднаш штом новинарите почнале да го прашуваат за Орбан, ја прекинал изјавата и се повлекол без коментар. Долгогодишниот унгарски националистички лидер Виктор Орбан го призна поразот по 16 години власт.

Свет | пред 1 месец

Трамп ѝ се закани на Кина со царини од 50 проценти ако му помогне на Иран

Американскиот претседател Доналд Трамп ѝ се закани на Кина со царини до 50 проценти на стоката, доколку Пекинг воено му помогне на Иран во конфликтот на Блискиот Исток.„Ако бидат фатени во тоа, ќе се соочат со царини до 50 проценти, што е огромно“, изјави Трамп за Fox News.Тој најави и посета на Пекинг на 14 и 15 мај, каде што треба да се сретне со кинескиот претседател Си Џинпинг, откако самитот претходно беше одложен поради војната во Блискиот Исток.Во меѓувреме, CNN објави дека американските разузнавачки служби укажуваат оти Кина се подготвува да испорача нови системи за противвоздушна одбрана на Иран во наредните недели, со можност испораките да се одвиваат преку трети земји за да се сокрие нивното потекло.

Свет | пред 1 месец

Трамп најави блокада на Орумскиот теснец

По неуспешните преговори меѓу САД и Иран во Исламабад, американскиот претседател Доналд Трамп најави блокада на Ормускиот теснец и упати остри обвинувања кон Техеран поради нуклеарната програма.Во објава на социјалната мрежа Truth Social, Трамп наведе дека разговорите завршиле без договор за клучното прашање – нуклеарната програма на Иран. Тој најави дека американската морнарица ќе започне со процес на блокада на сите бродови што се обидуваат да влезат или да излезат од теснецот.Трамп истакна дека наредил пресретнување на бродови кои плаќаат такси на Иран и најави отстранување на мини од поморскиот премин, предупредувајќи на силен одговор доколку дојде до напади.Во втора објава, тој го обвини Иран дека не го исполнил ветувањето за отворање на теснецот, додавајќи дека и покрај долготрајните разговори, Техеран останал цврст во својата позиција.Трамп ја повтори и својата долгогодишна порака дека Иран не смее да поседува нуклеарно оружје, нагласувајќи дека блокадата наскоро ќе започне и дека во неа ќе се вклучат и други земји.

Свет | пред 1 месец

Тензиите растат по пропаднатите преговори: Трамп со пораки за Иран и критики кон Европа

По пропаднатите преговори меѓу САД и Иран во Исламабад, американскиот претседател Доналд Трамп се огласи со индиректни, но силни пораки на својата платформа Truth Social.Иако не ги коментираше директно неуспешните разговори, Трамп сподели текст во кој се анализира можноста за поморска блокада како средство за притисок врз Техеран. Во написот, објавен на Just the News од новинарот Џон Соломон, се наведува дека Вашингтон би можел да ја неутрализира иранската контрола врз Ормутскиот теснец преку блокада.Овој тесен поморски коридор е клучна точка за глобалната енергетска безбедност, што секоја ескалација ја прави директна закана за светската економија.Паралелно, Трамп сподели и дел од свој претходен говор во Обединети нации, во кој остро ја критикува Европа. Тој предупредува на, како што ги нарекува, „две кризи“ – енергетиката и имиграцијата – оценувајќи дека тие ја туркаат Европа кон сериозна дестабилизација.„Ги сакам Европа и европските народи, но мразам да гледам како се уништуваат“, наведува Трамп, обвинувајќи ги европските лидери за прекумерна политичка коректност и недостиг на контрола.Објавите доаѓаат во момент на високи геополитички тензии и по неуспехот на дипломатските напори, што дополнително го отвора прашањето дали следува нова фаза на притисок – дипломатски или воен – во односите меѓу Вашингтон и Техеран.

Свет | пред 1 месец

Генерал од Холандија: Изјавите на Трамп за НАТО „не се мудри“

Јавното доведување во прашање на посветеноста кон НАТО и острите изјави за сојузниците од страна на американскиот претседател Доналд Трамп не придонесуваат за способноста на Алијансата да го одврати Владимир Путин, предупреди командантот на холандските вооружени сили, Оно Ајхелсхајм.Тој ваквите настапи ги оцени како „не мудри“, реагирајќи на неодамнешните изјави на Трамп дека размислува за повлекување од Алијансата, која ја нарече „тигар од хартија“.И покрај ваквата реторика, Ајхелсхајм изрази уверување дека Соединетите Американски Држави би застанале во одбрана на која било членка на НАТО доколку тоа биде побарано. Тој нагласи дека воената соработка, вклучително и со американскиот генерал Дан Кејн, останува непроменета.„Доколку побараме помош, тие ќе ја дадат“, изјави холандскиот генерал, додавајќи дека на воено ниво нема промени во однесувањето на САД.Сепак, тој предупреди дека ваквите јавни пораки не ѝ одат во прилог на Алијансата. „Нашето најсилно средство за одвраќање е сојуз кој изгледа како сојуз“, посочи Ајхелсхајм.Во меѓувреме, тој истакна дека европските држави мора да преземат поголема одговорност за сопствената одбрана. Според него, заканата од Русија е најизразена токму за Европа.„Ова е наш континент и ова е пред сè наша закана“, нагласи тој, додавајќи дека разбира дел од реториката на Трамп, но дека не е мудро да се испраќаат пораки за можно непочитување на клучниот принцип на Алијансата – заедничката одбрана.Членките на НАТО веќе се согласија постепено да ги зголемат трошоците за одбрана, но ќе бидат потребни години за Европа да изгради капацитети што би ја намалиле зависноста од американската воена моќ.Според проценките на Ајхелсхајм, на европските сојузници ќе им требаат од пет до десет години за да достигнат ниво на способности споредливо со американското, при што би можеле да обезбедуваат околу 60 до 70 проценти од воената моќ за одбрана на Европа.

Свет | пред 1 месец

Трамп: Ги следам цените на ѓубривата среде конфликтот со Иран

Американскиот претседател Доналд Трамп изјави дека внимателно ги следи цените на ѓубривата во контекст на војната со Иран, предупредувајќи дека САД нема да толерираат „вештачко надувување на цените“.Во објава на Truth Social, Трамп порача дека американската администрација ќе реагира против, како што ги нарече, монополи во индустријата за ѓубрива.Темата добива тежина поради ситуацијата со Ормутски теснец – клучен поморски коридор преку кој се транспортира околу една третина од светските количини на ѓубрива, вклучувајќи уреа, амонијак, калиум и фосфати.Според податоци на Обединети нации и Светска трговска организација, од почетокот на конфликтот е забележан значителен пад на испораките на овие производи низ теснецот, што создава дополнителен притисок врз глобалните пазари.Анализите покажуваат дека нарушувањето на транспортот преку Ормутскиот теснец директно се одразува врз цените на храната и земјоделското производство ширум светот.

Свет | пред 1 месец

Трамп: Танкерите доаѓаат по „најдобрата нафта во светот“

Американскиот претседател Доналд Трамп изјави дека голем број празни нафтени танкери се движат кон САД за да се наполнат со, како што рече, „најдобрата и најслатка нафта и гас во светот“.Во објава на социјалната мрежа Truth Social, Трамп нагласи дека САД располагаат со поголеми резерви од следните две најголеми нафтени економии заедно, при што квалитетот, според него, е повисок.Изјавата доаѓа во период на силни осцилации на глобалниот нафтен пазар, предизвикани од конфликтот меѓу САД, Израел и Иран, како и од ситуацијата со Ормутски теснец – клучен поморски коридор за транспорт на енергенси.Цената на нафтата „брент“ неделава достигна над 111 долари за барел, по што падна под 92 долари по најавата за условно двонеделно примирје и можност за повторно отворање на теснецот.И покрај падот, цените остануваат значително повисоки од периодот пред ескалацијата на конфликтот кон крајот на февруари, кога барел се тргуваше околу 70 долари.Затворањето на Ормутскиот теснец, преку кој минува околу петтина од светската нафта, предизвика дополнителен притисок врз цените на горивата и храната на глобално ниво.

Свет | пред 1 месец

Тајни разговори за Иран: Нетанјаху вршел притисок врз Вашингтон

Поранешниот американски државен секретар Џон Кери изјави дека израелскиот премиер Бенјамин Нетанјаху со години вршел притисок врз американските администрации да извршат воен напад врз Иран, но дека сите претседатели пред Доналд Трамп го одбиле тоа барање.Во интервју, Кери посочи дека лично учествувал во повеќе разговори со Нетанјаху, кој директно го изнел предлогот и пред Барак Обама.„Претседателот Обама одби. Претседателот Џо Бајден одби. Претседателот Џорџ Буш одби. Единствениот што очигледно се согласи беше Трамп“, изјави Кери.Според неговите наводи, Нетанјаху презентирал и конкретен план во четири точки, кој вклучувал ликвидација на раководството, поттикнување на промена на режимот и уништување на воените капацитети на Иран.Кери оцени дека ваквите предлози биле тема на разговори на највисоко ниво, со учество на високи американски функционери, каде биле разгледувани различни сценарија и последици.Овие тврдења повторно го отвораат прашањето за долгогодишните тензии меѓу Израел и Иран, но и за улогата на САД во можните воени сценарија на Блискиот Исток.

Свет | пред 1 месец

Трамп без пари за Газа: само три земји уплатиле средства

Планот на Доналд Трамп за обнова на Газа се соочува со сериозни финансиски проблеми, откако од ветените 17 милијарди долари досега се обезбедени помалку од една милијарда, пренесува Ројтерс повикувајќи се на извори.Според информациите, само три земји – Обединети Арапски Емирати, Мароко и Соединети Американски Држави – навистина уплатиле средства, иако вкупно десет држави претходно дале ветувања.Средствата беа најавени на конференција во Вашингтон, каде беше претставен план за реконструкција на разурнатиот Појас Газа, кој предвидува и воспоставување на ново тело – Национален одбор за управување со Газа (NCAG), поддржан од САД.Сепак, поради недостиг на пари и безбедносни ризици, ова тело сè уште не може да започне со работа на терен.Еден од изворите наведува дека војната со Иран дополнително ја влошила ситуацијата и ги забавила напорите за финансирање.„Во моментов нема достапни средства“, изјавил палестински претставник запознаен со процесот.Од Одборот за мир ги негираат проблемите, тврдејќи дека станува збор за оперативна структура која обезбедува средства по потреба и дека сите барања досега биле исполнети.И покрај тоа, проценките покажуваат дека за целосна обнова на Газа ќе бидат потребни околу 70 милијарди долари, што значи дека сегашниот јаз меѓу ветеното и реално обезбеденото финансирање останува огромен.

Свет | пред 1 месец

Трамп му ја довери најтешката задача на Ванс

Американскиот претседател Доналд Трамп му ја довери на потпретседателот Џеј Ди Ванс една од најтешките дипломатски мисии досега – да ги предводи преговорите со Иран во обид за ставање крај на воениот конфликт кој го потресе Блискиот Исток и глобалната економија.Во свој препознатлив стил, Трамп на шега ја опиша ситуацијата за време на велигденски ручек во Белата куќа.„Ако не се постигне договор, ќе ја префрлам вината на Џеј Ди Ванс“, изјави Доналд Трамп.„А ако се постигне, јас ќе ја преземам целата заслуга“, изјави Доналд Трамп.Ванс ја предводи американската делегација во Исламабад, каде што се водат разговори со иранските претставници, во обид да се постигне траен договор по шестнеделниот конфликт.Според дипломатски извори, задачата на Ванс е исклучително сложена, бидејќи треба да усогласи спротивставени интереси – од ставовите на администрацијата во Вашингтон, преку позициите на Техеран, до очекувањата на европските сојузници.„Ванс мора да влезе во просторијата и да постигне нешто“, изјави европски дипломат.Дополнителен предизвик е и непредвидливиот пристап на Трамп во преговорите, кој во изминатиот период испраќаше спротивставени пораки и поставуваше кратки рокови за постигнување договор.Ванс, кој претходно се залагаше за повоздржана надворешна политика и беше критичен кон американските воени интервенции, сега се наоѓа во позиција да води разговори за еден од најчувствителните конфликти.„Ако Иран е подготвен да преговара во добра вера, ние сме подготвени да подадеме рака“, изјави Џеј Ди Ванс.Преговорите ги следат и американските сојузници, кои очекуваат конкретни резултати, но и сигнал за тоа како Ванс би ја водел надворешната политика во иднина.Во фокусот на разговорите се прашања како нуклеарната програма на Иран и повторното отворање на Ормутскиот теснец, но аналитичарите предупредуваат дека успехот не е загарантиран.Во дипломатските кругови веќе се отвора и прашањето дали Ванс ќе успее да обезбеди договор кој ќе го задоволи Трамп, или ќе стане жртва на политичката динамика доколку преговорите не донесат резултат.

Свет | пред 1 месец

Трамп најави брзо отворање на Ормутскиот теснец

Американскиот претседател Доналд Трамп најави дека Ормутскиот теснец ќе биде повторно отворен „прилично брзо“, со или без помош од Иран, додека блокадата на овој клучен поморски правец продолжува да го нарушува глобалното снабдување со енергенси.Изјавата доаѓа во пресрет на најавените мировни преговори меѓу американски и ирански претставници во Пакистан, каде се очекува да се бара решение за кризата.„Нема да биде лесно“, изјави Доналд Трамп.„Би го кажал ова: ќе го отвориме прилично брзо“, изјави Доналд Трамп.Тој порача дека Вашингтон нема да дозволи Иран да воведе наплата за премин низ теснецот, што Техеран го најави како можност.„Ако се обидат, нема да го дозволиме тоа“, изјави Доналд Трамп.Американскиот претседател нагласи дека клучен услов за каков било договор е Иран да не поседува нуклеарно оружје.„Без нуклеарно оружје, тоа е 99 проценти од сè“, изјави Доналд Трамп.И покрај привременото примирје, поморскиот сообраќај низ Ормутскиот теснец останува речиси целосно блокиран. Во последните денови низ него минуваат минимален број бродови, што значително отстапува од претходниот просек.Според податоците, повеќе од 600 пловила, меѓу кои и над 300 танкери, се задржани во Персискиот Залив поради неизвесноста и безбедносните ризици.Во меѓувреме, во Исламабад треба да започнат преговори меѓу двете страни, со цел да се постигне трајно решение, иако засега постојат разлики во ставовите околу условите за договор.

Свет | пред 1 месец

„Ќе биде најубавиот“: Трамп со нов монументален проект

Администрацијата на американскиот претседател Доналд Трамп ги објави плановите за изградба на голем споменик во Вашингтон, проект со кој, како што наведува, сака да остави траен белег во главниот град на САД.„Воодушевен сум што можам да објавам дека мојата администрација денес официјално ги достави презентацијата и плановите до Националната комисија за ликовни уметности за она што ќе биде најдобриот и најубавиот споменик во светот“, изјави Доналд Трамп.Според најавите, споменикот ќе биде висок 76 метри и се очекува да стане најголем објект од ваков тип во светот.„Ќе биде прекрасен додаток за Вашингтон, во кој сите Американци ќе можат да уживаат со децении“, изјави Доналд Трамп.Планот предвидува на објектот да бидат поставени три златни статуи, како и натписи со златни букви „Една нација под Бог“ и „Слобода и правда за сите“.Проектот е инспириран од Триумфалната капија во Париз и е дел од серијата иницијативи на Трамп насочени кон редефинирање на изгледот на американската престолнина.Покрај овој проект, претходно беше изградена и голема сала за свечености во Белата куќа, а беше донесена и одлука за преименување на Кенеди центарот, како и за изработка на златна монета со ликот на актуелниот претседател.

Свет | пред 1 месец

Трамп бесен на две членки на НАТО: Цената за ова може да биде голема

Одлуките на повеќе европски земји да го ограничат пристапот на САД до воени бази за време на конфликтот во Иран отворија длабоки поделби во рамките на НАТО, пренесува „Financial Times“.Според дипломатски извори, спорот ескалира по состанокот меѓу американскиот претседател Доналд Трамп и генералниот секретар на НАТО Јенс Столтенберг во Вашингтон, каде што бил изразен гнев поради одлуките на одредени европски сојузници.Шпанија, Италија, Обединетото Кралство и Франција беа меѓу земјите што во различен обем го ограничиле користењето на своите бази и воздушен простор за американски воени операции, иако дел од одлуките подоцна биле ревидирани.Американската страна, според извештаите, реагирала со критики и предупредувања дека ваквите потези може да влијаат врз идната посветеност на САД кон европската безбедност.Во рамките на дискусиите, дел од европските дипломати предупредуваат дека ваквите несогласувања ја поткопуваат стратегиската доверба во алијансата и може да ја доведат во прашање американската воена присутност во Европа.Канцеларот на Германија, Фридрих Мерц, повика на смирување на тензиите и истакна дека НАТО останува клучен гарант за европската безбедност.Според дипломатски извори, спорот околу пристапот до базите дополнително го ослабува аргументот дека американското воено присуство во Европа е во заеднички интерес, што предизвикува загриженост за долгорочната стабилност на алијансата.

Свет | пред 1 месец

„Најјак ресет на светот“: Трамп ја вознемири јавноста со нова порака

Американскиот претседател Доналд Трамп објави нова порака на социјалните мрежи во пресрет на најавените мировни преговори меѓу САД и Иран во Пакистан, што предизвика бројни толкувања во јавноста.Во својата објава, Трамп напиша „НАЈЈАК РЕСЕТ НА СВЕТОТ!!!“, без дополнително објаснување, оставајќи простор за различни интерпретации за неговата порака и можните политички импликации.Објавата доаѓа во период на засилени меѓународни тензии и дипломатски активности поврзани со кризата околу Иран, а аналитичарите сметаат дека ваквите пораки дополнително ја зголемуваат неизвесноста пред преговорите.Засега не е јасно што точно сакал да порача американскиот претседател, а одговори на тоа се очекуваат во наредните денови.

Свет | пред 1 месец

Стармер: „Доста ми е од Трамп“

Британскиот премиер Кир Стармер изјави дека му е „доста“ од Доналд Трамп.За време на посетата на земјите од Заливот, Стармер остро се спротивстави и на израелските напади врз Либан, порачувајќи дека тие „не смеат да се случуваат“.Тој недвосмислено ги осуди израелските воени акции, велејќи: „Ова мора да престане, тоа е мој цврст став, и затоа прашањето не е техничко – дали се работи за прекршување на договорот или не“.Иако напомена дека „не сите ги знаеме сите детали од примирјето“, додаде: „Но, да бидам сосема јасен – тие не се во право“.САД и Израел, од друга страна, тврдат дека договорот за прекин на огнот со Иран не го опфаќа Либан, додека Иран го тврди спротивното.Индекс потсетува дека во средата попладне Израел извршил изненаден напад врз централниот дел на Бејрут, при што за само 10 минути биле погодени 100 цели, во рамки на, како што наведоа, кампања за искоренување на силите на Хезболах поддржани од Иран.Според локалните власти, убиени се околу 112 лица.Израелскиот премиер Бенјамин Нетанјаху изјави дека привременото примирје со Иран нема да го вклучи Хезболах и дека Израел ќе продолжи да „удира со полна сила“.Иран се закани со повторно започнување на војната доколку Израел продолжи со бомбардирањето на Либан, а во знак на протест го запре и поминувањето на нафтени танкери низ Ормускиот теснец.

Свет | пред 1 месец

НАТО и САД во преговори за Гренланд

Генералниот секретар на НАТО, Марк Руте, изјави дека се водат разговори со САД, Данска и Гренланд за иднината на островот, нагласувајќи дека Алијансата е усогласена со претседателот Доналд Трамп околу безбедноста на Арктикот.По средбата со Трамп во Белата куќа, Руте истакна дека разговорите се фокусирани на идниот статус на Гренланд и ограничување на влијанието на Русија и Кина во регионот. Според него, постои сериозен ризик од зголемено присуство на овие сили на Арктикот, поради што НАТО мора да ја засили својата улога.Во таа насока, беше спомената и иницијативата „Арктички стражар“, чија цел е подобра координација меѓу сојузниците и зајакнување на одбраната во регионот.Изјавите доаѓаат во момент кога Ларс Локе Расмусен порача дека Трамп не се откажува од амбициите поврзани со Гренланд. Американскиот претседател повторно ги критикуваше сојузниците во НАТО и најави можни потези поврзани со островот, кој е под суверенитет на Данска.Трамп во повеќе наврати претходно се закануваше со анексија на Гренланд, што предизвика силни реакции од европските сојузници.

Свет | пред 1 месец

Трамп: Разговарав со Нетанјаху, ситуацијата ќе се смири

Американскиот претседател Доналд Трамп изјави дека е „многу оптимистичен“ за постигнување мировен договор со Иран, додека дипломатска делегација предводена од Џеј Ди Венс се подготвува за клучни преговори во Пакистан.Целта на разговорите е да се стави крај на конфликтот што трае речиси шест недели, но оптимизмот го засенува кревкото примирје. Во меѓувреме, Израел продолжува со напади врз Либан, а сообраќајот низ Ормускиот теснец останува минимален.Трамп во телефонско интервју изјави дека иранските лидери „зборуваат многу поинаку зад затворени врати“, оценувајќи дека се „порационални“ во директни разговори отколку во јавноста. Тој додаде дека Техеран е под притисок да прифати договор, предупредувајќи дека во спротивно последиците ќе бидат сериозни.Сепак, прекинот на огнот веќе покажува знаци на нестабилност. Израелските сили продолжуваат со операции во јужен Либан, каде што делува групата Хезболах, поддржана од Иран.Во обид да се зачува процесот, Трамп телефонски разговарал со израелскиот премиер Бенјамин Нетанјаху, барајќи намалување на нападите. Според него, Израел веќе презема чекори кон деескалација.Дополнително, Трамп најави двонеделна пауза во бомбардирањата, откако претходно предупреди дека глобалната безбедност може да биде сериозно загрозена доколку Иран не го отвори Ормускиот теснец. Сепак, остануваат несогласувања околу условите – САД и Израел сметаат дека Либан не е дел од договорот, додека Иран тврди спротивно.

Свет | пред 1 месец

Трамп ја диктира динамиката: Постои реална шанса за договор со Иран

Геополитичкиот аналитичар Денис Авдагиќ оцени дека клучната улога во преговорите на Блискиот Исток ја имаат САД и нивниот претседател Доналд Трамп, нагласувајќи дека и покрај тензиите, постои простор за постигнување договор со Иран.Говорејќи за односите меѓу Израел и Либан под влијание на Вашингтон, Авдагиќ истакна дека ситуацијата е очекувана и дека Израел не делува целосно самостојно, туку мора да се прилагоди на политиките што доаѓаат од САД. Според него, токму Трамп ја креира динамиката на преговорите.Тој оцени дека самото постоење на примирје, без оглед на неговата стабилност, претставува напредок во однос на можноста за нова ескалација. Воедно посочи дека постојат сигнали за подготвеност од страна на Иран за сериозни разговори и можни отстапки поврзани со нуклеарната програма.Авдагиќ потсети дека договор со Иран веќе бил постигнат во минатото, за време на администрацијата на Барак Обама, но подоцна бил поништен во првиот мандат на Трамп.Според него, тврдата реторика од Техеран околу збогатувањето ураниум е дел од пошироката комуникациска стратегија, која се прилагодува на стилот на американската администрација.Како главни пречки во евентуалните договори, Авдагиќ ги издвојува иранската балистичка ракетна програма и улогата на шиитската група Хезболах, за кои смета дека Техеран тешко ќе се согласи да се откаже.Во случај на неуспех на преговорите, тој предупреди на непредвидливоста на Трамп, нагласувајќи дека американскиот претседател е подготвен на потези какви што не биле видени со децении.Во поширокиот контекст, Авдагиќ оцени дека Европа сè повеќе ги разбира новите геополитички околности и дека фокусот треба да остане на дијалог и дипломатија, наместо на страв од ескалација.

Свет | пред 1 месец