ХРВАТСКА

По оштетувањето на нафтоводот „Дружба“: ЕК не гледа закана за снабдувањето со нафта

Откако хрватскиот министер за економија Анте Шушњар објави дека Хрватска е подготвена да им помогне на Унгарија и Словачка во снабдувањето со нафта, се огласи и Европската комисија.„Во моментов не гледаме закана за безбедноста на снабдувањето на земјите членки“, порача Европската комисија откако Будимпешта побара руската сурова нафта кон Унгарија и Словачка итно да се пренасочи преку хрватскиот систем, односно Јадранскиот нафтовод.Исто така, Брисел потсети дека Јадранскиот нафтовод е дел од регионалната стратегија за диверзификација во рамки на REPower планот и дека неговите капацитети неодамна биле тестирани, со што имплицитно ги отфрли претходните унгарски тврдења дека алтернативниот пат за снабдување со нафта не е технички доволен и дека Хрватска е „непостојан партнер“.Ана Кајза Итконен, портпаролка на Европската комисија за енергетика, изјави дека размената на пораки меѓу Будимпешта и Загреб уследила по делумното уништување на нафтоводот „Дружба“, кој руската сурова нафта преку Украина ја доставувал во Словачка и Унгарија.Според нејзините зборови, дел од нафтоводот бил погоден во напад со дрон, а испораките се запрени од 27 јануари.„Сето тоа го имаме многу јасно на радар бидејќи приоритет ни е безбедноста на снабдувањето на земјите членки, но во моментов не гледаме закана по снабдувањето, бидејќи земјите членки, според европското законодавство, мора да имаат задолжителни стратешки резерви доволни за најмалку 90 дена“, изјави Итконен.Потврди дека Комисијата е во постојан контакт не само со Унгарија и Словачка, туку и со хрватските власти.За политичките изјави разменети меѓу владите на Хрватска и Унгарија Комисијата засега нема коментар бидејќи „разговорите се во тек“.

Свет | пред 1 месец

Нови детали за трагедијата на автопатот А3 во Хрватска: две лица загинаа, две се повредени

Добиени се нови детали за тешката сообраќајна несреќа на автопатот А3 Брегана-Загреб-Липовац кај Новска, кога група странски државјани се обидела да ја премине коловозот. Две лица загинаа, а две се повредени, при што полицијата спроведува истрага за сите околности и идентитетот на загинатите.Еден од преживеаните мажи беше отпуштен од болница со полесни повреди и е под надзор на полицијата, додека жената, поради тешки повреди, беше пренесена во Загреб во Клиника за трауматологија. „По обработката и стабилизацијата на состојбата, пациентката е пренесена на понатамошно лекување во Клиниката за трауматологија во придружба на анестезиолог. Другото лице, помлад маж, има полесни повреди и беше предаден на полицијата на понатамошно постапување“, изјави Славица Коњевиќ Пернар од Општата болница Нова Градишка, пренесува Nova TV.Од Клиниката за трауматологија потврдија дека жената е при свест, но нејзиниот идентитет сè уште не е познат. „Пациентката пристигна ноќеска со повреди на карлицата и фрактура на левата потколеница, што ќе бара операција. Доби и удар во главата, но е при свест и комуникативна. Сè уште не знаеме кој е нејзиниот идентитет, знаеме само дека е странска државјанка“, појасни Ненад Сомун од Клиниката за трауматологија.Несреќата се случи пред 22 часот на делницата Брегана-Загреб-Липовац, недалеку од Новска. „Според утврденото до сега, три мажи и една жена ја преминувале коловозот кога на нив налетале два патнички возила. Двајца мажи загинале на местото на несреќата, додека жената и третиот маж биле пренесени во болницата во Нова Градишка“, потврди Маја Филиповиќ од Полицијата на Сисачко-мославинска жупанија.Истражителите собираат траги и снимки од надзорни камери и спроведуваат разговори за да ги расветлат сите детали што довеле до трагедијата.Во едно од возилата што налетало на пешаците била државјанка на Косово, која поради стресот побарала медицинска помош. „Нема телесни повреди, но доживеа акутна реакција на стрес. По укажаната помош, беше отпуштена во придружба на сопругот“, изјави Коњевиќ Пернар.Покрај полицијата, на реконструкција на целосниот настан работи и надлежното Државно обвинителство. Се утврдува идентитетот на загинатите, нивниот статус во Хрватска и крајната дестинација. Граѓаните се шокирани од настанот. „На автопат, па тоа е катастрофа, сите знаеме дека таму се вози брзо. Без разлика за кого станува збор, катастрофа е, повторно некој изгуби родител, брат или сестра“, рече еден жител. „И оние што возеле, и тие се под голем стрес, тоа е голем стрес за нив“, додаде една жителка.

Свет | пред 1 месец

Пешаци што претрчувале на автопат во Хрватска најверојатно биле мигранти, двајца загинаа

Синоќа околу 21.45 часот, на автопатот А3 Брегана–Загреб–Липовац, во близина на Новска, се случи тешка сообраќајна несреќа во која загинаа две лица, а уште две се здобија со тешки повреди. Според информациите, идентитетот на сите инволвирани сè уште се утврдува, а постои сомневање дека станува збор за мигранти.Несреќата се случила на јужната коловозна лента на автопатот, кај местото Рајиќ, кога три машки и едно женско лице, во својство на пешаци, претрчувале преку коловозот. Во нив удриле два автомобили, соопшти полицијата.На местото на настанот починале двајца од пешаците, додека еден маж и една жена се пренесени во Општата болница во Нова Градишка, каде што им биле констатирани тешки телесни повреди. Еден сопатник од едно од возилата се здобил со полесни повреди.По наредба на надлежните органи, телата на загинатите се пренесени во Општата болница во Сисак, каде ќе биде извршена обдукција.Увидот на местото на несреќата го водела заменичка на жупанискиот државен обвинител во Жупаниското државно обвинителство во Сисак, во соработка со полициски службеници од Полициската управа Сисачко-мославачка.

Свет | пред 1 месец

(Фото) Скандал во Хрватска: Докторка од итна помош снимена како шмрка кокаин

Хрватските медиуми објавија шокантна приказна за докторка од Итна помош, за која прво добиле информација, а потоа и фотографии на кои се гледа како шмрка кокаин, пишува порталот Dnevnik.hr.Потврда на оваа приказна пристигнала од неколку извори. Станува збор за докторка која минатата година предизвикала хаос на поранешното работно место, кога повикала колеги во Итна помош за интервенција која се покажала дека не постои. За тоа никогаш не одговарала.Нејзиниот надреден сега ќе спроведе истрага за информациите дека користи кокаин.Пораките и фотографиите на кои се гледа дека докторката користи кокаин, порталот Provereno ги добил почетокот на февруари.Пријава дека 36-годишната докторка од Итна помош работи под влијание на опијати добиле и нејзините надредени во Заводот за Итна медицина на Загребската жупанија. Кога Provereno се обидел да стапи во контакт со неа, таа побарала годишен одмор, а тестирања од страна на специјалисти за медицина на трудот сè уште не ѝ биле направени.„Денес таа е на двонеделен годишен одмор, меѓутоа кога ќе се врати, односно пред почетокот на продолжување на работата, таа ќе биде упатена на вонреден лекарски преглед“, кој треба да ја утврди нејзината способност за работа, објаснува директорот на жупанискиот Завод за Итна медицина, Даворин Гајник.Сликите можете да ги погледнете тука.

Свет | пред 1 месец

22-годишник преку апликација за превоз испраќал марихуана во Вараждин

Загрепската и вареждинската полиција привеле 22-годишник осомничен за препродажба на дрога, кој пратка со марихуана се обидел да достави во Вараждин користејќи мобилна апликација за превоз.Младиот човек бил уапсен откако полицијата при рутинска контрола кај возач пронашла ранец со речиси половина килограм марихуана, а со претрес на неговите простории во Нов Загреб била пронајдена дополнителна количина дрога, ваги и пари, соопшти Полициската управа Загреб.Според сомнежите на полицијата, 22-годишникот претходно договорил продажба на дрога на подрачјето на Вараждин. Во вторникот, на 2 февруари, преку мобилна апликација за превоз резервирал возило и возач со задача да го пренесе ранецот во Вараждин. Меѓутоа, истиот ден попладне, полицајците при редовна контрола на една бензинска пумпа го забележале возачот. При преглед на ранецот што го превезувал биле пронајдени 457,1 грам марихуана.Истрагата продолжила и следниот ден, кога бил извршен претрес на семејната куќа, стопанските објекти и другите простории што осомничениот ги користи на подрачјето на Нов Загреб. При тоа полицијата пронашла уште 85 грама марихуана. Покрај дрогата, биле запленети и две дигитални ваги за прецизно мерење со траги од дрога, како и пари за кои се сомнева дека потекнуваат од препродажба.Сомнеж за организирана препродажбаПолицијата се сомнева дека 22-годишникот набавувал поголеми количини марихуана со цел понатамошна препродажба. Дрогата, како што се сомнева, ја криел, мерел и подготвувал за продажба во простории на подрачјето на Нов Загреб. По завршеното криминалистичко истражување, осомничениот со кривична пријава за неовластено производство и трговија со дроги е предаден на притворски надзорник.

Свет | пред 2 месеци

(Видео) Силно невреме во Далмација: Поплавени куќи и деловни простории долж хрватското крајбрежје

Оркански јужен ветер и ненадејна плима ја претворија вечерта по централна Далмација во борба со морето кое ги надмина своите граници. Бреговите беа под вода, а брановите без двоумење влегуваа во куќите и деловните простории по должината на брегот.Најизразен беше во Трогир и сите седум Каштели, додека морето покри делови од брегот во сплитските Бачвица и Фирула. Слични сцени беа забележани и во Врањиќ, Омиш, Хвар, Водице и на Корчула, објавува Слободна Далмација. Податоците од автоматската станица DHMZ на Марјан покажаа јужни ветрови со сила на ураган посилни од 130 км/ч. Мареографите во централна Далмација го измерија нивото на морето повеќе од 70 сантиметри над нормалното, а врвната плима беше забележана помеѓу 18 и 21 часот.Бурата беше особено силна во Каштелa. Проследена со бурен јужен ветер, ја зафати пошироката област околу 20 часот, со силни југоисточни ветрови со налети од околу 60 километри на час.Пожарникарите добија десетици пријавиПожарникарите добија околу 50 пријави во текот на вечерта. Морето поплави куќи, улици и згради покрај брегот во сите седум Каштели.„Граѓаните постојано ни се јавуваат и пријавуваат поплавување на згради на брегот во сите седум Каштели. Нивото на морето се искачи, има плима, силен јужен ветер. Не сме од голема помош додека не се смири времето. Ова се куќи, ресторани и други згради на самиот брег. Во последниот час и половина имавме околу педесет вакви пријави“, рече Дарко Маретиќ, началник на противпожарната служба на градот Каштелa.Тој додаде дека пожарникарите пумпале вода од зградите подалеку од брегот, додека по должината на самиот брег тоа не е можно додека морето не се повлече. На терен имало две возила со десет пожарникари, а на граѓаните им било советувано да постават вреќи со песок или импровизирани брани на портите за да се обидат да го спречат влегувањето на морето.

Свет | пред 2 месеци

Трилатерален состанок на т.н. Косово, Албанија и Хрватска: Почнува забрзано вооружување

На основа на Заедничката тристранска декларација, која во 2025 година ја потпишаа министрите за одбрана на Косово, Албанија и Хрватска, се одржа состанок на ниво на директори за одбранбена политика и вооружување.Состанокот се одржа во Хрватска, се наведува во соопштението на Министерството за одбрана на Косово.„Делегацијата на Република Косово ја предводеше директорот за одбранбена политика Фарук Гечи, а разменети беа мислења за можностите за унапредување на заедничката соработка во областа на одбранбените капацитети, соработката помеѓу одбранбените индустрии на потписничките земји, како и понатамошните чекори за спроведување на Декларацијата“, се наведува во соопштението.Декларацијата одредува четири главни области на понатамошна соработка, кои вклучуваат: промоција на соработка во областа на одбранбените капацитети и одбранбената индустрија, зголемување на интероперабилноста преку образование, обука и заеднички вежби, справување со хибридни закани и јакнење на отпорноста, како и обезбедување континуирана и целосна поддршка на евроатлантските интеграции.

Свет | пред 2 месеци

Владата на Хрватска ќе го организира дочекот на ракометарите во Загреб

Министерот за туризам, Тончи Главина, потврди дека Владата на Република Хрватска, на телефонска седница, донела одлука да ја преземе организацијата на дочекот на ракометарите кои освоија бронзен медал на Европското првенство.Дочекот ќе се одржи денеска во 18 часот на Плоштадот Бана Јосип Јелачиќ, а на прашањето дали на настанот ќе настапи Марко Перковиќ Томпсон, Главина кратко одговори:„Ќе ги исполниме сите желби на ракометарите.“Министерот упати и остра порака кон Градот Загреб:„Градот Загреб рече ‘не’ на спортот, ракометарите, народот и прославата на нашите врвни спортски успеси. За нас тоа е неприфатливо и многу сме тажни поради тоа. Владата го сака спортот и вели ‘да’ на спортот, ‘да’ на ракометарите, народот и хрватските патриотски песни. Донесовме одлука и Владата, заедно со Хрватскиот ракометен сојуз, ќе организира дочек на ракометарите денеска во 18 часот на Плоштадот Бана Јосип Јелачиќ. Ги повикуваме сите сограѓани да се приклучат и да бидат дел од убавата атмосфера“, рече Главина.Владата потоа испрати и официјално соопштение со кое е потврдено одржувањето на дочекот:„Имајќи предвид дека хрватската ракометна репрезентација освои бронзен медал на Европското првенство во ракомет, што се одржа во Данска, Шведска и Норвешка, што претставува уште еден извонреден успех на оваа генерација ракометари, Владата на Република Хрватска смета дека е потребно да се организира соодветен дочек во Загреб. Во согласност со тоа, на утринската телефонска седница Владата донесе Заклучок за преземање на организацијата на дочекот за бронзените ракометари, во соработка со Хрватскиот ракометен сојуз. Дочекот ќе се одржи в понеделник, 2 февруари 2026 година, со почеток во 18:00 часот, на Плоштадот Бана Јосип Јелачиќ во Загреб. Ги повикуваме сите навивачи и граѓани да дојдат на централниот градски плоштад на главниот град на Хрватска, да ги поздрават хрватските ракометари и заедно со нив да го прослават нивниот голем успех.“

Свет | пред 2 месеци

Хрватска одлучи радиоактивниот отпад од „Кршко“ да го складира крај границата со БиХ: Сараево најавува тужба

Хрватска, по четири децении барање локација, донесе одлука својот дел од радиоактивниот отпад од нуклеарната електрана „Кршко“ да го складира на Трговска Гора, во непосредна близина на границата со Босна и Херцеговина. Станува збор за околу 1.200 кубни метри отпад што Хрватска треба да го преземе до 2028 година.Законот за складирање радиоактивен отпад е усвоен по итна постапка, иако Студијата за влијание врз животната средина сè уште не е завршена.Одлуката на Загреб предизвика обединет отпор во Република Српска и Федерацијата БиХ. Претставници на институциите, граѓани и еколошки организации оценуваат дека локацијата е неприфатлива и спротивна на европските конвенции.Координаторот на експертскиот и правниот тим за случајот Трговска Гора, Борислав Боиќ, изјави дека Босна и Херцеговина ќе покрене меѓународен спор доколку Хрватска продолжи со реализацијата на проектот.Еколошките организации укажуваат дека Босна и Херцеговина немала никаква корист од работата на нуклеарната електрана „Кршко“, а сега се соочува со потенцијални последици. Според нив, радиоактивниот и институционалниот отпад се лоцира на простор кој е директно поврзан со територијата на БиХ.Во општината Двор, каде што касарната Черкезовац е планирана како локација за складиште, живеат помалку од три илјади жители, од кои околу 70 проценти се Срби. Мештаните велат дека нивниот глас не бил земен предвид, а одлуката ја оценуваат како политичка.Локацијата Черкезовац е оддалечена воздушно околу два километри од Нови Град и Националниот парк Уна, што предизвикува загриженост за животната средина и туризмот. Локалните власти сметаат дека сè уште има простор проектот да не се реализира еднострано.Босна и Херцеговина ангажирала правен тим од Франција и случајот го подигнала на меѓународно ниво. Во мај, во Женева, пред Секретаријатот на ЕСПОО конвенцијата ќе се соочат аргументите на Хрватска и БиХ за и против изградбата на складиштето за радиоактивен отпад.

Свет | пред 2 месеци

Пијан и дрогиран возач во Хрватска бегал од полицијата со нерегистриран автомобил, доби казна од 3.500 евра

Во Копривница, во ноќта меѓу вторник и среда, беше запрен 25-годишен возач со повеќе сообраќајни прекршоци, кој пијан и дрогиран бегал од полицијата во нерегистриран и технички неисправен автомобил.Возачот е уапсен и истиот ден казнет на суд, соопшти Полициската управа на Копривничко-крижевачката област.Инцидентот се случил на 28 јануари околу 1:58 часот на Колодовска улица во Копривница. Полициска патрола забележала патничко возило кое минало раскрсница додека на семафорот за неговата насока било светло црвено. Полицајците со светлосни и звучни сигнали се обиделе да го запрат возилото, но возачот ги игнорирал наредбите и продолжил да вози.Кога полицијата конечно успеала да го запре автомобилот, било утврдено дека со возилото управува 25-годишник со претходни прекршоци. Тој имал 0,82 промили алкохол во крвта и возел нерегистриран и технички неисправен автомобил.Извршено е и претходно тестирање за дрога, кое покажало позитивен резултат. Сепак, 25-годишникот одбил стручен медицински преглед, како и земање крв и урина за понатамошна анализа.Возачот е уапсен и истиот ден со обвинение доведен пред надлежен прекршочен суд. Судот му изрекол парична казна од 3.459,82 евра. Дополнително, му е изречена и заштитна мерка забрана за управување со моторни возила Б-категорија во траење од три месеци.

Свет | пред 2 месеци

Две бебиња во инкубатор итно пренесени од Дубровник до Сплит

Пилотите на Хрватското воено воздухопловство во ноќта меѓу 26ти и 27ми јануари итно превезоа две новороденчиња во инкубатор од Општата болница во Дубровник до Клиничкиот болнички центар во Сплит за продолжување на медицинската нега, соопшти Министерството за одбрана на Република Хрватска.Летечката посада на 395. ескадрила транспортни хеликоптери од 93. крило на ХВЗ, составена од четворица членови, барањето за итен медицински транспорт го добила во 22:05 часот. Половина час подоцна, во 22:35, хеликоптерот Ми-171Ш полетал од касарната „Кнез Трпимир“ во Дивулје кон Дубровник.По пристигнувањето, пилотите ги превзеле малите пациенти во инкубатор заедно со медицинскиот тим и во 00:05 часот полетале кон Сплит. На хелидромот на КБЦ Сплит слетале во 1:05 часот, по што бебињата биле предадени на понатамошна нега. Целата акција, која вклучувала три летови, траела два часа и 25 минути, по што посадата се вратила во базата.Капетанот на хеликоптерот, натпоручник Анте Франиќ, по успешно завршената мисија изрази гордост: „Задачата ја извршивме брзо и како тим сме горди што придонесовме за навремена медицинска нега за нашите мали пациенти“.Министерството за одбрана истакнува дека оваа хеликоптерска акција ја потврди висока спремност и обученост на ХВЗ за дејствување во секое време.

Свет | пред 2 месеци

Покана од Трамп пристигна и во Хрватска: Пленковиќ повикан во „Одборот за мир“

Хрватскиот премиер Андреј Пленковиќ добил покана од американскиот претседател Доналд Трамп да се приклучи на т.н. „Одбор за мир“, потврдија од хрватската Влада за порталот tportal.„Ќе ја проучиме поканата“, изјавиле од Владата.Поканите на Трамп досега им биле упатени на рускиот претседател Владимир Путин, францускиот претседател Емануел Макрон, израелскиот премиер Бенјамин Нетанјаху, словенечкиот премиер Роберт Голоб, а денеска беше соопштено дека покана добила и Народна Република Кина.Според анализите на хрватските медиуми, „Одборот за мир“ првично е замислен како тело за управување со Појасот Газа, но постојат проценки дека Трамп настојува да создаде нова глобална структура која би била алтернатива на Обединетите нации.

Свет | пред 2 месеци

Возот в снег, патници заглавени со часови без храна и вода во Книн, Хрватска

Снежното невреме го блокира железничкиот сообраќај кон Далмација, патници се заглавени заглавени во Книн.Силното снежно невреме и техничките дефекти го парализираа железничкиот сообраќај кон Далмација, оставајќи десетици патници заглавени на железничката станица во Книн без организиран алтернативен превоз.Патниците од возот на релација Загреб – Сплит, кој тргнал во раните попладневни часови, од синоќа се принудени да чекаат во Книн, каде што композицијата е запрена околу 21 часот. Според сведочењата, причина за застојот е дефект на локомотивата непосредно пред пристигнувањето во градот.Огорчените патници велат дека со часови биле оставени без храна, пијалаци и каква било официјална информација за тоа што ќе се случува понатаму. Во градот не функционира ниту јавен превоз, што дополнително ја отежнува ситуацијата.Иако утрото пристигнал воз од правец на Сплит, патниците не биле префрлени, со образложение дека патувањето било ризично поради тешките временски услови. Најголемиот проблем, како што наведуваат, е отсуството на каков било алтернативен превоз – нема автобуси, ниту организирана замена за продолжување на патувањето.Додека снежното невреме продолжува да создава проблеми низ целата земја, патниците апелираат надлежните институции итно да реагираат и да обезбедат основни услови и јасни информации за оние кои се веќе часови заглавени на пат.

Свет | пред 2 месеци

(Видео) Хаос во Хрватска, силен снег, замрзнат дожд ураганска бура, затворени патишта

Силниот снег и ветер предизвикаа вистински хаос во сообраќајот во Хрватска. Поради опасност од движење затворени се делови од автопатот А1 и Јадранската магистрала.Само за патничките возила е обезбеден обиколен патен правец преку Карин – Обровац – Грачац. За останатите категории возила има целосна забрана и нема алтернативни патишта.Од утрово снег паѓа во централна Хрватска, Лика, Горски Котар и Славонија. На поголемиот дел од патиштата се вози во зимски услови, а на сила е забрана за сообраќај за камиони со приколки, со полуприколки и возила без задолжителна зимска опрема.Снегот предизвика огромни проблеми во Загреб.Од невремето неколку трамваи излегоа од шините, што доведе до прекини во сообраќајот.Голем проблем освен снегот прави и замрзнатиот дожд и ураганска бура на брегот, поради што е издаден црвен временски аларм.Се очекува екстремно студена недела, со температури што ќе паднат до -10 степени. Метеоролозите очекуваат дополнителни снежни врнежи денеска, како и повеќе од 50 сантиметри снег.

Свет | пред 2 месеци

Избувна пожар во стан во Загреб

Во Загреб денес околу 11:30 избувнал пожар, потврди Јавната противпожарна единица на Загреб.Пожарникарите примиле пријава во 11:32 часот. Пожарот го зафатил дневниот престој на станот, а опожарената површина изнесува околу пет квадрати. Во пожарот изгореле маса и плакар.Според информациите од пожарникарите, станарите успеале да ја задушат огнената стихија пред нивниот пристигнување. Една личност побарала итна медицинска помош поради вдишување чад, а полицијата повикала брза помош.Пожарникарите го изгаснале пожарот, го прегледале просторот и опожарените делови од станот ги изнеле надвор. Интервенцијата завршила без потреба од понатамошни активности.Неофицијално, причината за пожарот била свеќа.

Свет | пред 3 месеци

Скандал во Хрватска: Детски психијатар обвинет дека со години злоупотребувал малолетни пациентки, ги допирал и им давал лекови

Хрватската јавност е потресена од случајот со 46-годишен детски психијатар од Клиничкиот болнички центар во Осиек, кој е уапсен и обвинет за серија тешки кривични дела поврзани со злоупотреба на малолетни пациенти и овозможување употреба на дрога. По завршувањето на кривичната истрага, осомничениот бил приведен и предаден на надзорникот на притворот, соопшти полицијата.Според полициските информации, лекарот се сомничи дека во периодот од 2016 до 2019 година ја злоупотребувал својата службена позиција во болничкиот центар, при што извршил непристојни дејствија врз четири малолетни девојчиња кои биле негови пациенти. Во обвинувањата се наведува дека им се обраќал на несоодветен начин, ги допирал по телото и им давал лекови за консумирање.Истрагата утврдила и дека од 2018 до 2023 година, истиот лекар овозможувал употреба на дрога и кај две возрасни лица – 35-годишна жена и 35-годишен маж, негови познаници. Жртвите во меѓувреме дале искази или изразиле подготвеност да сведочат, по што обвинителството оценило дека се обезбедени доволно докази за кривично гонење, поради што случајот дури сега е процесуиран.Врз основа на судска наредба, полицијата извршила претрес во домот, канцеларијата и возилата на осомничениот. При претресот биле пронајдени и одземени два компјутера, мобилен телефон и значителна количина дрога, меѓу која 33 кесички марихуана со вкупна тежина од 213,9 грама, 12 таблети MDMA, хашиш, дополнителни пакувања MDMA во грутки, амфетамин, како и шприц со 0,5 милилитри непозната содржина.По завршувањето на истрагата, против здравствениот работник е поднесена кривична пријава за „повреда на правата на детето“, „непристојни дејствија“, „овозможување на употреба на дрога“ и „нелегално производство и трговија со дрога“, по што бил уапсен и задржан во притвор.Од Клиничкиот болнички центар во Осиек соопштија дека осомничениот лекар е суспендиран од работа. Раководството информира дека болницата целосно соработува со надлежните институции и дека веднаш по добивањето на официјалното известување постапиле согласно Законот за здравствена заштита, донесувајќи одлука за негово отстранување од работното место. Поради тековната постапка и заштита на правата на пациентите, од болницата велат дека не можат да изнесуваат дополнителни детали.Случајот го осуди и Министерството за здравство, оценувајќи ги делата како исклучително сериозни, морално и општествено неприфатливи и спротивни на законските, професионалните и етичките стандарди на здравствената професија. Оттаму нагласија дека злоупотребата на позицијата на здравствен работник, особено на штета на деца и малолетници, претставува грубо нарушување на довербата во здравствениот систем.Министерството соопшти дека е во постојан контакт со раководството на здравствената установа и дека е инициран внатрешен надзор. По завршувањето на постапката и утврдувањето на сите факти, најавија дека ќе се разгледаат дополнителни мерки со цел спречување на слични случаи и зачувување на довербата на граѓаните во здравствениот систем.

Свет | пред 3 месеци

Латвиец фатен како шверцува мигранти кај Делнице – превезуваните успеале да побегнат

Во поширокото подрачје на Делнице во саботата бил спречен обид за криумчарење странски државјани, а возачот, државјанин на Латвија, е уапсен и кривично пријавен. Мигрантите кои ги превезувал успеале да побегнат пред пристигнувањето на полицијата, соопшти приморско-горанската полиција.Акција на разденувањеПолицајците од Делнице спровеле криминалистичка истрага откако во саботата, на 6 декември, во раните утрински часови затекле патничко возило со странски регистарски таблички. Возилото го управувал осомничениот Латвиец, но странските државјани што ги превезувал успеале пред доаѓањето на полициската патрола да се оддалечат во непознат правец.Криумчарел од користољубиеИстрагата утврдила дека осомничениот, од користољубие и за претходно договорен паричен надомест, превезувал странски државјани до нивната крајна дестинација. Според полицијата, тие лица претходно на незаконски начин влегле на територијата на Република Хрватска.По завршувањето на криминалистичката истрага, осомничениот Латвиец е предаден на притворски надзорник, а против него е поднесена кривична пријава за сомнение за сторено кривично дело – незаконито влезење, движење и престој во Република Хрватска.

Свет | пред 3 месеци

Семејна трагедија и потера во Хрватска: Маж пукал во две жени, полицијата трага по сторителот

Една жена загина, а друга се бори за живот по пукањето што синоќа се случи во ромската населба Ситнице во Мурско Средишќе, Хрватска. Нападот, според полицијата, бил извршен со огнено оружје, а напаѓачот сè уште е во бегство.Портпаролот на Полицијата на Меѓимурската жупанија, Радован Гачал, изјави дека инцидентот се случил околу 21 часот. Обете жртви со тешки повреди биле пренесени во Жупаниската болница во Чаковец, каде што една од нив подоцна им подлегнала на повредите. Втората жена се наоѓа во критична состојба и лекарите се борат за нејзиниот живот.Според првичните, неофицијални информации од жителите, осомничениот прво пукал кон својата вонбрачна сопруга во семејната куќа, а потоа и кон нејзината сестра на улица.Полицијата соопшти дека интензивно трага по сторителот и дека сите расположливи ресурси се ангажирани во потрагата. Засега не е извршено приведување, а истрагата продолжува.Семејството, пријателите и познаниците на трагично загинатата жена се простуваат од неа преку социјалните мрежи, додека јавноста со загриженост ја следи состојбата на втората жртва.

Свет | пред 4 месеци

Повредените деца во експлозија во Нови Винодолски не се во критична состојба

Три деца се повредени во експлозија на непозната направа на отворен простор во областа на Нови Винодолски во Хрватска.Повредените деца се пренесени во Клиничкиот болнички центар Риека, но не се во критична состојба.Истрагата е во тек, а причината и околностите на настанот ќе бидат утврдени.Засега официјално не е познато дали станува збор за пиротехнички средства или за остатоци од експлозиви.Градоначалникот на Нови Винодолски, Томислав Цвитковиќ, за „Нови лист“ изјави дека не ги знае деталите за несреќата, дека полицијата не објавува што се случило.„Она што го знам е дека децата се примени во детската болница, тие се на детска хирургија, но за среќа сè помина добро со оглед на тоа како можеше да биде“, рече Цвитковиќ.

Свет | пред 4 месеци

Пожар во напуштена зграда во Липик, се сомневаат на малолетници

Густ црн чад денеска препладне ги вознемири жителите на Липик, откако избувна пожар во напуштена зграда на поранешна робна куќа во самото срце на градот.Граѓаните веднаш повикаа пожарникари, а брзата интервенција на припадниците на DVD Липик спречи ширење на огнот.Иако густиот чад создаваше впечаток дека станува збор за голем пожар, огнот брзо беше ставен под контрола.Главниот командант на Пожарникарската заедница на подрачјето Пакрац-Липик, Томислав Стокиќ, ја објасни причината за густиот чад. „Се чинеше дека пожарот е поголем отколку што всушност беше поради густиот црно чад што излегуваше од зградата. Во подрумот на зградата гореше пластика, а поради воздушниот притисок, чадот не се искачуваше горе туку се ширеше, па во еден момент целиот центар беше во чад“, објасни Стокиќ.Откако пожарникарите го обезбедија местото на настанот, полицијата започна увид за да го утврди точниот причинител на пожарот.Според неофицијални информации, постои сомнеж дека пожарот го предизвикале малолетници.Наводно, неколку млади лица влегле во подрумот на напуштената зграда и запалиле оган. Кога пламенот почнал да се шири, побегнале од местото на настанот. За среќа, никој не е повреден, а брзата реакција на пожарникарите спречи поголема материјална штета.

Свет | пред 4 месеци

Голем пожар во Риека: Огнот проголта станови, пронајдено тело

Големиот пожар што ноќеска избувна на поткровјето од зграда на улицата Занонова во Риека, за жал заврши трагично. На местото на настанот е пронајдено тело на засега непозната личност, а пожарникарите и понатаму се борат со огнената стихија што зафати неколку станови.Полицијата од Приморско-Горанската управа го потврдила пронаоѓањето на телото. Увид ќе може да се изврши дури откако пожарот целосно ќе биде изгаснат. Над зградата и понатаму се издига густ чад, а екипите на терен работат на локализирање на пожариштето.Драматична ноќна интервенцијаОперативниот центар на противпожарната служба дојавата за пожар ја примил околу два часот по полноќ, по што веднаш биле испратени едно интервентно возило и автоцистерна. Командирот на смена брзо проценил дека е потребна дополнителна помош, па на местото биле упатени уште две автоскали и едно дополнително интервентно возило.Како што објасни командирот на смената на Јавната противпожарна единица Риека, Дино Шкамо, при пристигнувањето на пожарникарите огнот веќе бил силно разгориен. Гаснењето се одвивало истовремено од внатрешноста на зградата и однадвор.Гаснењето ќе трае цел денБорбата со огнот ја отежнувала големата количина лесно запалив материјал во становите, а спуштените тавани овозможиле пожарот брзо да се прошири.Според неофицијални информации, станува збор за станови што се издавале. Пожарникарите проценуваат дека локализирањето ќе трае поголем дел од денот, бидејќи ќе мора да се отвори целиот покрив за да се отстранат сите жаришта.

Свет | пред 4 месеци

Кумановец под истрага во Хрватска за силување на девојка од Венецуела

Хрватското обвинителство во Шибеник поднесе обвинителен предлог против 28-годишен маж од Куманово, кој се сомничи дека извршил низа тешки кривични дејствија над жена од Венецуела што престојувала во Задар и се занимавала со сексуална работа. Осомничениот е во притвор додека трае постапката, пишува Zadarski.hr.Паралелно со тоа, обвинителството покрена постапка и против 34-годишен жител на Задар, за кој тврдат дека учествувал во грабеж поврзан со истиот случај. За него се бара изрекување мерка присилно лекување, бидејќи според вештачење, делото го сторил во состојба на неурачунливост.Според обвинителниот акт, во периодот од мај до јуни 2025 година, кумановецот првпат стапил во контакт со Венецуелката и платил за сексуален однос. Подоцна, како што се тврди, повеќе пати се појавувал во становите што таа ги изнајмувала во Задар, инсистирајќи да продолжат со интимни средби.Кога таа одбила и му ставила до знаење дека не сака да продолжи, тој ѝ се заканил дека ќе повика луѓе што би ѝ наштетиле и дека ќе ја пријави во полиција поради нејзината работа, а со тоа ја довел во состојба на силен страв.Под влијание на тие закани, според обвинителството, осомничениот имал сексуален однос со неа двапати без нејзина согласност – еднаш во стан во Задар и еднаш во Сплит.Обвинителството ги смета наводите за доволни за покренување судска постапка, а двајцата осомничени остануваат во притвор додека трае судот.

Свет | пред 4 месеци

Невреме преврте кампер кај мостот на Крк, Италијанка пренесена во болница

Страшно невреме денес преврте кампер на паркиралиште во близина на Крчкиот мост, при што беше повредена и во Риечката болница пренесена државјанка на Италија, соопштија од Полициската управа Приморско-горанска.Чекале на паркинг, а ветерот им го превртел камперотОд полицијата информираат дека две италијански државјани се наоѓале во камперот паркиран на крчката страна и чекале ветерот да се смири за да можат да го продолжат патувањето.Силните удари на бурата го превртеле камперот, при што жената била повредена, а мажот – исто така италијански државјанин – не е повреден, наведуваат од полицијата. На целиот Кварнер и во Риека денес дува олујна бура, па од градската фирма „Риека промет“ предупредија дека, поради силниот ветер, е активиран црвен метеоаларм за Риека.Од „Риека промет“ дополнително соопштија дека бурата во Риека урива сообраќајни знаци и дури фрлила адвентски шатор на коловозот, но дека сето тоа веднаш се отстранува и се санира.

Свет | пред 4 месеци

(Видео) Снегот го парализираше регионот: Во Сплит заглавени абтомобили, застои во сообраќајот во Сараево

Силни снежни врнежи предизвикаа проблеми во регионот, во Босна и Херцеговина и Хрватска, дојде до застои и проблеми во сообраќајот.Во Сараево снегот предизвикал тешкотии во движењето на возилата, застои и зголемен ризик од сообраќајни незгоди, соопштија од зимската служба на КЈКП „РАД“.Во општина Нови Град, тротоарите и локалните улици се чистеле рачно. Цел ден се очекува облачно време со снег и дожд во поголемиот дел од Босна, а дожд во Херцеговина.Метеоролозите предупредуваат дека врнежите ќе продолжат и наредните денови, со повремени разведрувања и нови циклони. Граѓаните се повикуваат на претпазливост додека патиштата се расчистуваат.Во Бања Лука, зимските служби исто така се на терен.Снег паѓа низ цела Хрватска, а кај Сплит и Клиса сообраќајот е отежнат и повеќе автомобили се заглавениСнег паѓа и во Лика, Горски Котар, централна и северозападна Хрватска, Славонија и Далматинска Загора.Хрватскиот автоклуб (HAK) предупреди дека повеќето патишта се влажни или покриени со снег и се лизгави. Најголема снежна покривка утрово е измерена на Завижан, 32 сантиметри.

Свет | пред 4 месеци

Пожарот во „Вјесник“ бил дело на TikTok- предизвик

Хрватската полиција поднесе кривична пријава против две лица на 18 години кои се сомничат дека го предизвикале големиот пожар во напуштената зграда на „Вјесник“ во Загреб.Се товарат за „тешки кривични дела против јавната безбедност“, а во врска со кривичното дело „загрозување на животот и имотот со општо опасно дејствие или средство.0Досуден им е еден месец притвор поради ризик од повторуваање на делото.Тие изјавија дека влегле во зградата каде што било скршено стаклото. Се снимале себеси околу зградата и, како што рекле, влегувањето и престојот во зградата било дел од предизвикот на TikTok.Првиот осомничен ја дал својата одбрана за време на испрашувањето, додека вториот осомничен се брани со молчење. Клучните сведоци биле испрашувани преку видео врска.Сведоците рекле дека се дружеле околу „Вјесник” од 17 часот во понеделник. Пиеле и пушеле, а двајцата осомничени им се придружиле кратко пред 22 часот. Тие исто така рекоа дека слушнале двајца обезбедувачи како играат пинг-понг.Тие исто така признале дека гаселе опушоци од цигари насекаде во зградата.

Свет | пред 4 месеци