Тренчевска: Кошничките на владата се манипулација со граѓаните, цените веќе се покачени

Прашањето се цените ќе се реши само ако се укине ДДВ на храната и само ако се зголемат платите, ако се зголеми минималната плата, истакна пратеничката на СДСМ Јована Тренчевска, во емисијата „24 Анализа“, на телевизија 24.Тренчевска нагласи дека цените се вивнаа нагоре, инфлацијата во номеври се покачи на 4,3%, а кошничките на владата не даваат резултати, туку се манипулација со граѓаните и манипулација со цените.-Трговците ги покачија цените на зејтинот, млечните производи, месото, јајцата за 30%, па сега намалени за 10% не ја достигнуваат цената пред да се покачат, рече Тренчевска, додавајќи дека со на овој начин власта покажува грижа само за трговците а граѓаните ги остава сами.Власта вели дека со новогодишната кошничка граѓаните ќе бидат среќни, а трпезите полни. Дали со 22.500 денари тоа е возможно? Ако навистина се грижите за граѓаните требаше да го прифатите законот предложен од СДСМ за минимална плата од 27.000 денари, а во март да зборуваме за 30.000 денари, нагласи пратеничката на СДСМ Јована Тренчевска, во емисијата „24 Анализа“, на телевизија 24.

Македонија | пред 1 година

Мицкоски: Се манипулира со темата Балансер, ЕУ констатира дека Балансерот е злоупотребен од минатата власт и работиме на ново решение

Претседателот на Владата Христијан Мицкоски во гостување во емисијата „Клик Плус“ на ТВ 21 говорејќи околу укинувањето на балансерот истакна дека на оваа тема се манипулира дека истиот беше проблем на ВМРО-ДПМНЕ, а реалноста е дека во извештајот на ЕУ се констатира дека истиот е злоупотребен и треба да се замени со нешто функционално.„Проблемот е во скрининг извештајот на ЕУ. Таа констатира дека балансерот е злоупотребен, дека му поминала таканаречената употребна вредност и дека треба да се замени со нешто коешто ќе има. Ние не стоиме и не чекаме, туку работат групи да направат закон за правична застапеност кој што ќе биде уставен и за бргу ќе се најде пред пратениците во Парламентот.“, истакна Мицкоски и додаде:„Немојте да мислите дека ние сакаме да бидеме влада којашто ќе јава на полето на фрустрацијата што ќе се креира кај граѓаните.“Тој исто така додаде дека оваа Влада со рамноправната распределба на 250 милиони евра на општините без истите да се двојат врз основа на етничка или политичка припадност како што правела минатата власт, на најдиректен начин покажа дека нејзин приоритет се сите граѓани кои живеат на територија на целата држава.„Нема изјава во којашто не сум кажал дека мој интерес е скоро 26 илјади километри квадратни територија на цела држава и тоа го поткрепувам со дела. Еве како прв човек на Владата тие 250 милиони евра коишто треба да одат кон општините одат под ист критериум и во Штип и во Тетово и во Карбинци и во Боговиње, и во Радовиш и Струмица, и во Гостивар и Кичево. И одиме чекор понатаму, не само што не ги двоиме етнички општините и проектите, туку им велиме на градоначалниците, господа градоначалници направете проекти, како вие ќе ги направите така ние ќе ви ги финансираме.“, подвлече Мицкоски и додаде:„Не правевме разлика дали се тоа ДУИ, градоначалници коишто доаѓаат од ВРЕДИ или ВМРО-ДПМНЕ или СДСМ. Сите добија. Сите коишто дадоа проекти, добија проекти коишто ги финансира оваа држава и ние тоа го покажавме на директен начин.“

Македонија | пред 1 година

Тренчевска: Тошковски вчера ја прекрши пресумпцијата на невиност, се враќаат старите методи на ВМРО-ДПМНЕ

„Изјавата на министерот за внатрешни работи е некоректна затоа што постои пресумпција на невиност и не може да се спомнуваат лица, за кои надлежниот орган, ЈО сè уште не оформил предмет, односно нема доволно докази за било каква вмешаност во овој случај. Ниту за поранешниот премиер, ниту за поранешниот генерален секретар не е покренат степен на сомневање,“ изјави пратеничката на СДСМ, Јована Тренчевска во гостувањето на ТВ 24.Со вакви изјави и постапки, како што посочи Тренчевска, власта се обидува да врати стари методи на политички прогон:„Ова наведува на тоа дека се прави политички прогон од страна на власта. Сè уште не се избришани сеќавањата и сликите кај сите граѓани во државата, како беше во времето на ВМРО-ДПМНЕ, кога беше на власт, каков политички прогон се правеше на лица, за дел од кои понатаму се покажа дека ЈО не ни собра доволно докази за да бидат обвинети.“ - рече Тренчевска.СДСМ јасно стои на ставот дека секој кој прекршил закон треба да одговара, но институциите треба да делуваат непристрасно и врз основа на докази, а не под диктат на владејачките партии.Тренчевска остро реагираше и на изборот на лица во правосудството откако ВМРО-ДПМНЕ ја презема власта и обивни за силна партизација на судството.„Кој член го избравте во совет на ЈО? Другарчето на вицепремиерот Меџити. Кого избравте за член на Судски совет? Жена на градоначалник од редовите на ВМРО-ДПМНЕ. Изгледа тефтерчето на Гордана повторно ви работи,“ нагласи Тренчевска.СДСМ повикува на одговорност и професионално работење на институциите, без политички притисоци и обиди за селективна правда.

Македонија | пред 1 година

Николоски: Со нов Правилник ќе го зголемиме квалитетот и кванитетот на велосипедските патеки, за следната година ќе предвидеме и субвенции за купување на нови велосипеди

Заменик-претседателот на Владата и министер за транспорт Александар Николоски, заедно со стручните служби од секторот за урбанизам и патен сообраќај, остварија работна средба со претставници на граѓанското здружение „Биди Зелен“.Тема на средбата беше иницијативата на граѓанското здружение во однос на креирање на нови прописи со кои се уредува планирање и проектирање на велосипедска инфраструктура во населено место и надвор од него. На средбата беше потврден фактот од недостаток на инфраструктура за велосипеди како услов за безбеден сообраќај од една страна, но и како еден од главните фактори за намалување на аерозагадувањето.Вицепремиерот и министер за транспорт Николоски ја поздрави оваа иницијатива и истакна дека министерството е подготвено со заедничка соработка со граѓанските здруженија да се креираат нови нормативи и стандарди како во иднина квалитетно би се планирала и би се реализирала вело-инфраструктурата.Исто така, министерот Николоски ја истакна подготвеноста на Министерството во следната буџетска година да се предвидат и средства за субвенции за купување на нови велосипеди со цел да се намали користење автомобили и да се влијае врз намалување на аерозагадувањето како мерка за заштита на животната средина.Министерот испрати и апел до сите општини, во рамките на финансиската поддршка за општините од 250 милиони евра планирана за следната година, општините да аплицираат за проекти за изградба на велосипедски патеки со цел да се подигне квалитетот на вело-инфраструктурата на општинско ниво и да се поттикне користење велосипеди во урбаните средини.Во следниот период, стручните служби од министерството и претставници од граѓанското здружение „Биди Зелен“, заеднички ќе работат на креирање на нови прописи за планирање, проектирање, изградба и одржување на велосипедска мрежа.

Македонија | пред 1 година

Нема фотографија

Нов мобилен оператор влегува на македонскиот пазар, доаѓа од Будимпешта

Групацијата 4iG, преку својата подружница ОНЕ Македонија Телекомуникации, официјално достави писмо за намери до Агенцијата за електронски комуникации (АЕК), каде го изразува својот интерес за обезбедување на достапни радиофреквенции како дел од планот за влез на телекомуникацискиот пазар како нов оператор во Северна Македонија.„Среќни сме што и официјално го започнавме влезот на телекомуникацискиот пазар во Северна Македонија“, рече Пал Заранди, директор за мобилни и 5G стратегии во Групацијата 4iG. „Го препознавме потенцијалот на пазарот и уверени сме дека нашето искуство во соседните земји, како што се Албанија и Црна Гора, нè позиционира во насока да даваме најсовремени услуги за клиентите и бизнисите овде. Секогаш кога ќе одлучиме да влеземе на нов пазар, од клучно значење е да имаме и поддршка од регулаторната средина и подобро да ги разбереме локалните услови“, додаде Заранди. „Ангажиравме домашни и меѓународни експерти за да направат сеопфатна анализа на пазарот во Северна Македонија и сигурни сме дека нашиот пристап ќе донесе додадена вредност во секторот.”4iG, една од најистакнатите унгарски ИКТ и телекомуникациски компании, вработува над 8 000 висококвалификувани професионалци и опслужува над 10 милиони конекции во регионите каде што е присутна. Групацијата е позната по својот иновативен пристап и сигурни решенија. Како компанија е посветена на воведување напредни технологии како што се 5G, IoT и инфраструктура управувана од вештачка интелигенција, што ќе го отвори патот Северна Македонија да стане земја со подобра мрежа и поголема компетитивност.

Македонија | пред 1 година

Нови две деца со последици од „супермен трендот“ во Скопје: имаат скршеници на подлактици и пршлени

Трендот „Супермен“ добива нови жртви од Скопје. Изминатите денови се повредени 15-годишно девојче и 13-гпдишно девојче. Двете се со скршеници.Во универзитетската клиника „Св. Наум Охридски“ констатирале дека 13-годишната пациентка имала скршеници на двете подлактици. Другото девојче, кое има 15-години, има скршеница на два слабински пршлени.Изминатиот период „Скопје1“ пишуваше и за други случаи на повредени деца, а објавивме и видеа од кои се гледа како тој тренд се практицира во училишните дворови во Скопје.

Македонија | пред 1 година

СДС и ДУИ се борат за контрола на судството, Груби кој е на црна листа земал мито за да влијае врз судски процеси, вели ВМР0-ДПМНЕ

„СДС и ДУИ го партизираа судството, функционерите на СДС и ДУИ ги злоупотребувале функциите од позиција на политичка моќ поради сопствени лукративни причини“, велат од ВМР0-ДПМНЕ и додаваат:Борбата на СДС и ДУИ е борба за контрола на судството, за заштита на крупниот капитал кој што го стекнале на криминален начин.Корупцијата, партизацијата, непотизмот, кронизмот како и протекционизмот цветаа во време на СДС и ДУИ, додека довербата во судскиот систем беше 2 %, а владеење на правото и правдата за СДС и ДУИ ниту како поим не постои.Доказ за тоа е Артан Груби, тоа го кажува објаснувањето на Американскиот Стејт департмент за неговото ставањето на црната листа. Груби влијаел врз судски процес и за тоа земал мито.Груби ја користел позицијата на вицепремиер и висок функционер на ДУИ, за лично да се богати од мито и корупција.Таквото делување е синоним за начинот на работа на СДС и ДУИ. Делувањето на СДС и ДУИ и нивната борба за власт под превезот за демократија, владеење на правото и правдата е всушност борба на СДС и ДУИ за заштита на нивните функционери од криминалните активности и заштита на крупниот криминал стекнат на коруптивен и криминален начин.СДС и ДУИ се разоткриени, за таквото делување одговорност мора да има.Времето на „како до сега’’ заврши.Време е за сериозна борба против криминалот и корупцијата.Време е за системски решенија за трансформација на судските органи во независни, транспарентни и одговорни субјекти.Време е за демократија, владеење на правото и правдата во Македонија.

Македонија | пред 1 година

Сè поголеми закани доаѓаат од Русија: „Ќе го зајакнеме балистичкиот арсенал со нови ракети и тестирања“

Русија го зајакнува својот балистички арсенал со нови стратешки ракетни системи, планира да лансира ракета со максимален дострел и може да го зголеми бројот на тестови како одговор на растечките надворешни закани, изјави висок руски командант во понеделникот вечерта.Во јасното предупредување дека Русија ќе одговори доколку почувствува дека нејзината безбедност е загрозена, командантот на руските стратешки ракетни сили, Сергеј Каракаев, рече дека се планирани пробни лансирања на ракети со максимален дострел како дел од новиот систем за тестирање.„Што се однесува до дострелот, нема место до кое нашите ракети не можат да стигнат“, изјави Каракаев за весникот Краснаја звезда, а пренесува агенцијата РИА.Тој додаде дека Русија би можела да го зголеми интензитетот на напредните ракетни тестирања доколку надворешните закани продолжат да растат.Тој, исто така, за прв пат јавно потврди дека Русија развива нов интерконтинентален балистички ракетен систем Осина и дека вклучувањето на Осина во борбените операции е приоритет.Каракаев, без да даде детали, откри дека Русија е при крај со развојот на ракетен систем сличен на Орешник, нова суперсонична балистичка ракета со среден дострел.Русија ја нападна Украина во Орешник во ноември, како одговор на украинското истрелување американски и британски ракети кон Русија.Каракаев посочува дека новата програма за развој на оружје ќе разгледа неколку опции за развој на стратешко офанзивно оружје и ќе ги земе предвид сличните потези на САД по истекот на договорот за ограничување на нуклеарното оружје СТАРТ меѓу двете земји во 2026 година.Руските медиуми во октомври објавија дека Русија нема да потпише замена за СТАРТ.Каракаев вели дека Русија, по истекот на СТАРТ, не исклучува зголемување на бројот на боеви глави на распоредените ракети, како одговор на слични потези на САД.Тој исто така посочува дека и Москва и Вашингтон ќе продолжат да се предупредуваат 24 часа пред планираното пробно лансирање на интерконтинентални балистички ракети и лансирање балистички ракети од подморници.

Свет | пред 1 година

Во Скопје сонце и температури до 10 степени, а ноќеска најладно било во Берово со -6 степени

МИНИМАЛНИ ТЕМПЕРАТУРИ (во °С)-6 Берово, -4 Тетово, -3 Скопје-Петровец, Битола, -2 Маврови Анови, Охрид, Прилеп, Демир Капија, Струмица, Крушево, Дебар, Велес, -1 Крива Паланка, Претор, Штип, Куманово, Кавадарци, 0 Скопје-Зајчев Рид, Виница, 2 Попова Шапка, 6 Гевгелија.ВИСИНА НА СНЕЖНА ПОКРИВКА во 07 часот (во сm)40 Попова Шапка, 26 Маврови Анови, 3 Крушево.ВРЕМЕТО ВО ТЕКОТ НА НОЌТА И ИЗУТРИНАВАВедро, утрово е сончево со мала локална облачност. По одделни котлини има појава на слаба магла. Дува слаб до умерен ветер од северен правец.ВРЕМЕТО ДЕНЕСКАНаутро по одделни котлини со појава на слаба магла. Преку денот сончево со мала локална облачност. Ќе дува слаб ветер од северозападен правец. Максималната температура ќе достигне од 8 до 15 степени.Во Скопје сончево со мала облачност и претежно тивко. Максималната температура ќе достигне до 10 степени.

Македонија | пред 1 година

Судијата го отфрли обидот на Трамп да издејствува отфрлање на пресудата за поткуп, казната е одложена на неодредено време

Пресудата против Доналд Трамп за фалсификување информации за прикривање сексуален скандал сè уште стои, рече судијата Хуан Мерчан во понеделникот, отфрлајќи го аргументот на новоизбраниот американски претседател дека неодамнешната одлука на Врховниот суд ја поништи таа пресуда, покажа судската пријава.Адвокатите на Трамп тврдеа дека постоењето на случајот за време на неговото претседателствување ќе се меша во неговата способност да владее. Тој првично требаше да биде осуден на 26 ноември, но Мерчан ја одложи на неодредено време откако Трамп ја победи демократската противкандидатка Камала Харис на изборите на 5 ноември.Така, во судската одлука се наведува дека „јасно личните дејствија на Трамп за фалсификување деловни документи не претставуваат опасност од навлегување во авторитетот и функцијата на извршната власт“.Адвокатот на Трамп не одговори веднаш на барањето за коментар.Канцеларијата на окружниот обвинител на Менхетен, Алвин Брег, која го гонеше случајот, рече дека има помалку мерки отколку поништување на пресудата на поротата што може да ја олесни загриженоста на Трамп дека кривичното дело ќе му пречи на неговото претседателствување.Случајот произлезе од исплата на 130.000 долари од поранешниот адвокат на Трамп, Мајкл Коен, на актерката од филмови за возрасни Сторми Даниелс. Таа сума и беше платена пред изборите во 2016 година за да не зборува за сексуален контакт со Трамп, за кој рече дека го имала една деценија порано, а кој тоа го негира.Поротата на Менхетен во мај го прогласи Трамп за виновен по 34 точки од обвинението за фалсификување деловни книги за да ги прикрие плаќањата. Тоа беше првпат кој било американски претседател, минат или сегашен, да биде осуден или обвинет за кривично дело.Трамп се изјасни за невин и рече дека тоа е обид на обвинителот Брег, кој е демократ, да ја попречи својата кампања во 2024 година.

Свет | пред 1 година

Андоновски го посети новиот Центар за услуги во општина Јегуновце

Денеска, министерот за Дигитална трансформација, Стефан Андоновски, заедно со Градоначалникот на Општина Јегуновце, Димитар Костадиноски, ја посетија новата канцеларија за административни услуги за која пред неколку месеци беше потпишан и Меморандум за соработка помеѓу двете институции."Денес во Општина Јегуновце го посетивме новиот Центар за услуги - наменет за жителите на Јегуновце и сите околни населени места. Со новиот Центар, околу 10.000 жители на Јегуновце и околината ќе имаат можност брзо и ефикасно да ги завршат своите административни потреби на едно место, без непотребни чекања и губење време. Овде ќе бидат достапни услуги од различни институции како Агенцијата за вработување, МВР, Фонд за здравство, Централен регистар, Управата за јавни приходи, и многу други.", истакна Андоновски.Во контекст на чекорите кои оваа Влада ги презема во насока на подобри, поефикасни и подостапни услуги за сите граѓани посочи дека ова е еден од начините кој ќе им овозможи на грѓаните побрз пристап до административните услуги, без да одат од една до друга институција."Нашата цел не е само да отвораме нови објекти, туку истите да ги доближиме до граѓаните. Тоа ќе овозможи поедноставен и побрз пристап до сите административни услуги. Идејата е во иднина преку платформата за интероперабилност и дигитализацијата на регистрите, прифаќањето на електронските документи од институциите - граѓаните да можат да завршат се што им е потребно на едно место, без да трчаат од институција до институција."Тој додаде дека во минатото се отварале и центри кои не го дале посакуваниот ефект, и тоа го покажува и ревизорскиот извештај на Државниот завод за ревизија. Но, и дека со подобра организација и соодветно лоцирање на ваквите центри граѓаните ќе имаат корист од истите."Минатото покажа дека центри како овие не беа секогаш ефикасни. Но, со подобра организација, соодветно лоцирање на центрите и обуки за службениците, ќе им помогнеме на граѓаните и за услугите на шалтер, и за користење на електронскиот портал. Со отворањето на оваа канцеларија во Јегуновце, граѓаните добиваат побрз и поедноставен пристап до услуги, се намалуваат бирократските процедури и административните трошоци и времето поминато во патување во Тетово или Скопје. Ова е само почеток. Ветуваме дека ќе продолжиме да работиме неуморно за секој граѓанин, во секое село и секој град. Целта е јасна, администрација што навистина работи за граѓаните, со ефикасност, транспарентност и достапност.", заклучи министерот Андоновски

Свет | пред 1 година

Нема фотографија

Обид за шверц на опрема за рударење на крипто средства, суплементи, парфеми од светки марки

Спречени обиди за криумчарење компјутерска опрема за рударење на крипто средства, суплементи, парфеми од познати трговски марки, известува Царинската управа и додава:- Специјализирана компјутерска опрема наменета за рударење на крипто средства е запленета по извршена контрола на автомобил на влез во државата на граничниот премин Блаце.- Спречен обид за криумчарење на 8,26 килограми (19 кутии од по 60 кесички) Unicity Balance суплементи во вредност од 228 илјади денари, што Службата за мобилни скенери ги пронајде во кабина на камион управуван од македонски државјанин, пријавен за влез во државата на граничниот премин Табановце.- 173 парфеми со потпис на познатите трговски марки Том Форд, Версаче, Армани и други се пронајдени во шест картонски кутии сместени на горниот кревет во кабината на камион со македонски регистарски таблички, управуван од македонски државјанин, пријавен за влез во државата на граничниот премин Дојран.- Царински службеници на влез во државата на граничен премин Дојран спречија обид за криумчарење на ладилник за товарно возило. Непријавениот ладилник е откриен во просторот за палети на камион со бугарски регистарски таблички, управуван од македонски државјанин.- Разни производи, меѓу коишто се фрижидер, стоматолошка столица, кафемат се откриени од страна на мобилните царински тимови при контрола на стока пријавена за увозно царинење во царинската испостава Тетово.- Царински службеници на граничниот премин Меџитлија спречија обид за криумчарење на машина и опрема за водоводни цевки. Истите се откриени при контрола на автомобил со грчки регистарски таблички со кој управувал македонски државјанин.- Машина за потреби во текстилна индустрија, откриена од страна на мобилните царински тимови, пронајдена на креветот во кабината на камион со македонски регистарски таблички, управуван од македонски државјанин, пријавен за влез во државата на граничниот премин Табановце автопат.- 160 пара облека од брендовите Бос и Левис, но и 930 парчиња нашивни надворешни текстилни етикети со ознака на брендот DSQ2 се пронајдени во преграда за алат и под креветот во кабината на камион управуван од албански државјанин, пријавен за излез од државата на граничниот премин Блаце.- Службата за мобилни скенери, при контрола на два камиони управувани од македонски државјани, на влез во државата на граничниот премин Табановце откри непријавени 50 килограми боја и повеќе кутии со средства за полирање возила.- На влез во државата на граничен премин Табановце мобилен тим при контрола на автобус откри 26 белгиски канаринци и 4 вреќи со храна за птици. Истите без соодветни дозволи и документи македонски државјанин што патувал со автобусот сакал нелегално да ги внесе во државата.- Спречено криумчарење на 28 штеки цигари на граничните премини Дојран и Богородица. При тоа 10 штеки цигари без акцизни маркички се пронајдени во прегради во кабината на камион управуван од македонски државјанин, пријавен за влез во државата на граничниот премин Дојран. Останатите 18 штеки цигари без акцизни маркички се пронајдени во внатрешноста на бандажот на резервно тркало на камион управуван од македонски државјанин на влез во државата на граничниот премин Богородица.

Свет | пред 1 година

(Видео) Руски генерал убиен во Москва! Тој е шеф на силите за нуклеарна, биолошка и хемиска одбрана

Висок генерал на руската армија загина во експлозија во станбена област во Москва. Станува збор за генерал Игор Кирилов, началник на Силите за нуклеарна, биолошка и хемиска одбрана, јавува Би-Би-Си.Кирилов бил командант на силите за нуклеарна, биолошка и хемиска одбрана, а загинал кога излегувал од блокот на станбени згради. Експлозивната направа била активирана, пишува Би-Би-Си, во скутер/ромобил, а загинал и помошникот на Кирилов.https://twitter.com/jaanikamerilo/status/1868888219473022997?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7Фотографиите објавени на руските канали Телеграм го покажуваат уништениот влез на зградата покриен со урнатини и две тела кои лежат во крвавиот снег.https://twitter.com/mila__alien/status/1868894248575365594?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7Кирилов е убиен пред станбена зграда на Рјазански проспект, 7 километри југоисточно од Кремљ.

Свет | пред 1 година

Разорен земјотрес со јачина од 7,4 степени според Рихтеровата скала го погоди Вануату: „Ова го немало досега“

Земјотрес со јачина од 7,4 степени според Рихтеровата скала го погоди во вторникот главниот град на Вануату, Порт Вила, при што беа оштетени згради и автомобили, а најмалку едно лице загина.https://twitter.com/AZ_Intel_/status/1868892606195023959?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7Државната телевизија на Вануату VBTC прикажа снимка од возила згмечени под урнати згради на улица полна со трговци. Телевизијата објави дека се стравува дека има луѓе заробени во урнатините.Полицијата соопшти дека најмалку едно лице загинало, а повредените се пренесени во болница.https://twitter.com/Bubblebathgirl/status/1868875981815267827?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7

Свет | пред 1 година

Сириска организација: „Во близина на Дамаск е пронајдена масовна гробница со тела на 100.000 луѓе“

Шефот на американска организација за заштита на сириските интереси изјави во понеделникот дека масовна гробница надвор од Дамаск содржи тела на најмалку 100.000 луѓе убиени од поранешната влада на соборениот претседател Башар ал Асад, пренесува британската агенција Ројтерс.Муаз Мустафа изјави за Ројтерс во телефонско интервју од Дамаск дека локацијата во Ал Кутаџфа, 40 километри северно од главниот град на Сирија, е една од петте масовни гробници што ги идентификувал со текот на годините.„Сто илјади е најконзервативната проценка“ за бројот на тела закопани на местото, рече Мустафа, шеф на сириската оперативна група за итни случаи.Мустафа рече дека е сигурен дека има повеќе масовни гробници од тие пет локации, а меѓу жртвите покрај сириските жртви има и Американци, Британци и други странци.Ројтерс не можеше да ги потврди наводите на Мустафа.Се проценува дека стотици илјади Сиријци се убиени од 2011 година, кога задушувањето на протестите против неговото владеење од страна на Асад се претвори во граѓанска војна.Асад и неговиот татко Хафез, кој му претходеше како претседател и почина во 2000 година, се обвинети од Сиријците, групите за човекови права и другите влади за широко распространети убиства, вклучително и масовни егзекуции без судење во озлогласениот затворски систем во земјата.Асад постојано негираше дека неговата влада ги прекршила човековите права и ги опиша неговите критичари како екстремисти.Мустафа пристигна во Сирија откако Асад одлета во Русија, а неговата влада падна пред молскавична офанзива на бунтовниците што стави крај на повеќе од 50-годишното автократско владеење на неговото семејство.Тој рече дека разузнавачкиот огранок на сириските воздухопловни сили е „задолжен за телата кои биле од воените болници, каде што биле собирани откако луѓето биле мачени до смрт, испратени до различни разузнавачки станици, а потоа ќе бидат испратени до локацијата на масовната гробница. "Телата, исто така, беа пренесени до местата на масовните гробници од страна на градската погребна канцеларија во Дамаск, чиј персонал помогна да се истоварат од фрижидерите, рече тој.„Можевме да разговараме со луѓето кои работеа на овие масовни гробници кои самите побегнаа од Сирија или на кои ние им помогнавме да побегнат“, рече Мустафа.Неговата група разговараше со возачите на булдожери кои беа принудени да ги копаат гробовите и „многупати по наредба ги кршеа телата за да ги турнат внатре и потоа да ги покријат со земја“, рече тој.Мустафа изрази загриженост дека гробниците не се обезбедени и рече дека тие треба да се сочуваат за да се заштитат доказите за истраги.

Свет | пред 1 година

Мицкоски открива: Екс директорот на „Лотарија“ подолго време е надвор од државата, а Груби заедно со уште едно лице со дипломатски таблици оди за Косово

Претседателот на Владата Христијан Мицкоски во вечерашното интервју во емисијата „Клик Плус“ на ТВ 21 открива дека екс директорот на „Лотарија на Македонија“ како и поранешниот потпретседател на Владата Артан Груби кои се дел од поголема истрага којашто се води за злоупотреби во Државната Лотарија не се достапни на органите на прогонот, но според информациите со кои располага тој, екс директорот на „Лотарија“ подолго време не е во државата, додека Груби со уште едно лице стопанственик, во возило со дипломатски таблици ја има напуштено Македонија преку граничниот премин со Косово.Вие ме прашувате за поранешниот потпретседател на Владата и директорот на „Лотарија на Македонија“, но не се сами тие таму, тоа е поширока група на осомничени за кои што постои основано сомнение дека сториле кривични дела.Мојата последна информација е дека подолго време поранешниот прв човек на „Лотарија на Македонија“ не се наоѓа на територијата на нашава земја, а дека поранешниот потпретседател на Владата, заедно со уште едно лице стопанственик во возило со дипломатски таблици ја напуштил Македонија, и последно се упатил кон нашиот северен сосед Косово. Тоа е последното со кое јас располагам како информација, вели премиерот Мицкоски.На прашањето дека кружат информации дека Груби не е во Косово, туку во Тирана, претседателот на Владата Мицкоски рече:„Јас кажав како ја напуштил државата, на кој граничен премин, и каде се упатил. Но, од таму понатаму како патува, не би можел да кажам.“

Македонија | пред 1 година

Обид за апсење на Васко Ковачевски? Полицијата не го најде

Поранешниот директор на ЕСМ, Васко Ковачевски, е еден од десетината осомничени во денешната акција на МВР, која се спроведува во координација со Обвинителството за гонење на организиран криминал и корупција, според извори од истрагата.Акцијата се спроведува рано утринава. Но тој не бил најден дома.Од МВР не споделуваат детали, но за „Скопје1“ велат дека е точно дека има акција.„Во тек е полициска акција во координација со ОЈО ГОКК. По завршувањето на истата соодветно ќе ја известиме јавноста“, велат од МВР.За скандалите во РЕК Битола, често говореше ВМРО-ДПМНЕ од опозиција, а кога дојдоа на власт, рекоа дека ќе расчистат со скандалите. Претреси има во домови и канцеларии на лица кои се поврзувале со спроведувањето на тендерите и челниците на комбинатот.Скандалите за кои досега се зборуваше беа за злоупотреби на службена положба, финансиски манипулации, и пренасочување на средства кон блиски компании, што ја компанијата но и државата оштетување со милионски цифри.

Македонија | пред 1 година

Детали од истражната постапка за проневера во “Државна лотарија”, предложени мерки за обезбедување

Јавен обвинител од Основното јавно обвинителство Скопје денеска донесе Наредба за спроведување истражна постапка против две лица за кои постои основано сомнение дека како соизвршители сториле кривично дело – Проневера во службата од член 354 од Кривичниот законик. За уште четири лица е поведена постапка за кривично дело – Злоупотреба на службена положба и овластување од член 353 од Кривичниот законик.Постапувајќи по поднесени кривични пријави од Министерството за внатрешни работи и од Управата за финансиска полиција, беа преземени повеќе дејствија и oд прибраните докази произлегува основано сомнение дека двајцата соизвршители, како одговорни лица во АД Друштво за приредување игри на среќа “Државна лотарија” на РСМ, во текот на 2023 година, преку вршење на своите посебни овластувања и должности, заедно учествувале во дејствија на извршување на штета на акционерското друштво со намера да прибават противправна имотна корист за друг која се проценува на значителен износ од 501.319.119 денари од буџетот на акционерското друштво.Првоосомничениот, претседател на Управниот одбор – Генерален директор на “Државна лотарија” на 09.05.2023 година електронски до Владата на РСМ во својство на Собрание на акционери на друштвото доставил информација за потребата од преземање активности за самостојно приредување електронски игри на среќа, при што било предложено да се спроведе постапка за набавка на ВЛТ терминали и нивно имплементирање. Проценетата вредност на таквата набавка изнесувала 42% од сметководствената вредност на друштвото определена со последните финансиски извештаи, односно станува збор за голема зделка за која согласно Закон е предвидена постапка за одобрување од Управниот и Надзорниот одбор на “Државна лотарија”, а не од Собранието на акционери. Предлогот бил даден иако осомничениот знаел дека набавката е беспредметна и непотребна, бидејќи АД “Државна лотарија” согласно Законот за игри на среќа нема право самостојно да приредува електронски игри на среќа на територијата на државава, бидејќи уште во 2013 година тоа право го има вложено во Државната видеолотарија – “Касинос Аустрија” ДОО Скопје како непаричен влог во вредност од 6.244.898 евра за што “Државната лотарија” се стекнала со удел од 51% во основната главнина на друштвото формирано со “Касинос Аустрија“.Второосомничениот, иако исто така знаел дека барањето за конкретната јавна набавка е противзаконско и дека “Државната лотарија” нема право самостојно да приредува електронски игри на среќа на територијата на државава, на 06.06.2023 година како вицепремиер претседавал со седница на Влада во својство на Собрание на акционерското друштво и покрај тоа што бил свесен дека акционерското собрание нема надлежност да одлучува за конкретната зделка.На седницата била усвоена информацијата и “Државната лотарија” била задолжена да ги преземе активностите за да започне самостојно да приредува електронски игри на среќа и да ги набави потребните видеолотариски терминали. Потоа првоосомничениот ги донел потребните одлуки, биле спроведени јавни набавки и се склучиле договори со кои е преземена обврска во вкупен износ од 501.319.119 денари за набавка на видеолотариски терминали кои согласно закон воопшто не смееле да се употребат за приредување електронски игри на среќа. И покрај набавката, тие никогаш не биле ниту ставени во употреба.Надлежниот јавен обвинител до судијата на претходна постапка од Основниот кривичен суд Скопје ќе достави предлог за определување мерка притвор за двајцата осомничени, со цел притворската мерка да започне да се спроведува веднаш по нивното пронаоѓање и лишување од слобода.Останатите четворица се осомничени во својство на претседател и членови на комисија за два одделни јавни повици и за нив постои сомнение дека ги злоупотребиле посебните овластувања и должности и спровеле јавни повици за пренесување на право за приредување на електронски и интернет игри на среќа, иако знаеле дека таква постапка во конкретните случаи не смее да биде спроведена, бидејќи не биле исполнети законски услови. По спроведените постапки изготвиле извештаи со кои констатирале дека четири понудувачи ги исполнуваат условите за склучување на Договори за заедничко вложување, иако наведените понудувачи не ги исполнувале законските услови односно не биле приредувачи на игри на среќа. За четворицата осомничени од комисијата во “Државната лотарија”, надлежниот јавен обвинител до Судот ќе поднесе предлог за определување мерки на претпазливост.

Македонија | пред 1 година

Падна владата во Германија

Германија ќе оди на вонредни парламентарни избори на 23 февруари откако парламентот денеска очекувано ѝ изгласа недоверба на владата. Барањето беше поднесено од самиот канцелар Олаф Шолц минатата недела откако неговата влада го изгуби мнозинството во парламентот по смената на министерот за финансии Кристијан Линднер и излегувањето на партијата Слободни демократи од владејачката коалиција.„Предвремени избори се можност за гласачите да изберат нов курс за Германија. Тоа ќе биде избор помеѓу иднина со поголеми инвестиции од една и кратења од друга страна, што го ветија конзервативците“, кажа Шолц.Тој сметаше дека распишување предвремени избори е најдобрата шанса за подобрување на политичката позиција на неговата Социјалдемократска партија, иако таа во анкетите се наоѓа дури и зад крајната десница.

Свет | пред 1 година

Седуммесечно бебе почина на Детската клиника

Бебе на возраст од 7 месеци минатата вечер починало на Клиниката за детски болести, потврди директорот Реџеп Мемеди. Бебето според директорот имало оштетување на повеќе органи по што дошло до влошување на состојбата и смртен исход.„Лекарите вложиле напори да го спасат но не успеале. Се трудиме да имаме што помалку смртни случаи ама не секогаш нашето знаење ни помага да одбегнеме морталитет“, вели Мемеди.Ова е петто дете што почина за само неколку месеци на оваа Клиника. Остануваат дилемите, дали седуммесечното бебе било навреме хоспитализирано на клиниката и дали претходно добивало соодветна лекарска нега. Според сè уште непотврдени информации, лекарите најпрво одбиле да го хоспитализираат, односно го примиле два дена подоцна. Министертвото за здравство најави вонредна инспекциска контрола на клиниката.

Македонија | пред 1 година

Горивата со зголемени цени од полноќ

Со одлуката денеска на Регулаторната комисија за енергетика, водни услуги и услуги за управување со комунален отпад (РКЕ), малопродажните цени на ЕУРОСУПЕР БС-95 и на ЕУРОДИЗЕЛ (Д-Е V) од ноќеска на полноќ се зголемуваат за половина, а на ЕУРОСУПЕР БС-98 за еден денар за литар.Новата малопродажната цена на ЕУРОСУПЕР БС-95 изнесува 76,50 ден/литар, на ЕУРОСУПЕР БС-98 ќе изнесува 79,00 ден/литар, додека малопродажната цена на ЕУРОДИЗЕЛ (Д-Е V) изнесува 70,50 ден/лит.Одлуката ќе се применува од 00:01 часот на 17.12.2024 година.

Македонија | пред 1 година

Тошковски: Истрага за осуммина во Лотарија, меѓу кои и поранешен премиер и вицепремиер

„Против поранешен премиер, вицепремиер, директор на правно лице и генерален секретар поднесени се кривични пријави за сторени повеќе кривични дела што довеле до поголема штета на буџетот“, информира денеска министерот за внатрешни работи Панче Тошковски.Ова министерот го кажа на денешната прес-конференција на која изнесе повеќе детали во врска со трите акции кои изминативе два дена полицијата ги спроведе на повеќе локации во Скопје, но и во други градови во земјава.Министерот за внатрешни работи, Панче Тошковски на прес-конференција го повика Груби „ако е чист како солза“ да се врати во земјата, ветувајќи му правда и лична безбедност, а дека постапката ќе биде согласно законите.„Десет минути пред да пристигне полицијата тој добил информација и побегнал. Тоа е катастрофално и за тоа мора некој да одговара“, рече Тошковски.Конкретно, иако тоа не го кажа експлицитно на прес-конференцијата, поранешниот премиер, вицепремиер, директор на фирма и генерален секретар се однесуваат на случајот со Државната лотарија.Во врска со овој случај, освен за овие лица пријави има и за уште четири други, за кои Тошковски рече дека се државни службеници што работат во рамки на едно од правните лица.Според министерот, во конкретната акција, полициските службеници денеска наутро, постапувале по наредба на Основно јавно обвинителство при што биле извршени претреси на повеќе локации.

Македонија | пред 1 година

ОЈО Скопје со истрага за проневера во АД „Државна лотарија“

Јавен обвинител од Основното јавно обвинителство Скопје денеска донесе Наредба за спроведување истражна постапка против две лица за кои постои основано сомнение дека како соизвршители сториле кривично дело – Проневера во службата од член 354 став 3 во врска со став 1 од Кривичниот законик. За уште четири лица е поведена постапка за кривично дело – Злоупотреба на службена положба и овластување од член 353 став 5 во врска со став 4 и став 1 од Кривичниот законик.Врз основа на кривични пријави од Министерството за внатрешни работи и од Управата за финансиска полиција, беше спроведена предистражна постапка во рамките на која беа преземени повеќе дејствија, а утрово, врз основа на соодветни судски наредби, беа извршени претреси на девет локации во Скопје и во кумановско со цел обезбедување докази за потребите на постапката. Претресите ги вршеа припадници на Министерството за внатрешни работи, под раководство на надлежни јавни обвинители.Од прибраните докази произлегува основано сомнение дека двајцата соизвршители, како одговорни лица во АД Друштво за приредување игри на среќа “Државна лотарија” на РСМ, во текот на 2023 година, преку вршење на своите посебни овластувања и должности, заедно учествувале во дејствија на извршување на штета на акционерското друштво со намера да прибават противправна имотна корист за друг која се проценува на значителен износ од 501.319.119 денари од буџетот на акционерското друштво.Првоосомничениот делото го сторил во својство на претседател на Управниот одбор – Генерален директор на “Државна лотарија”, додека второосомничениот презел дејствија во својство на одговорно лице – претседавач со седница на Влада одржана во својство на собрание на Акционерско друштво за приредување игри на среќа Државна лотарија на Република Северна Македонија. Останатите четворица осомничени биле претседател и членови на комисија за два одделни јавни повици, за кои постои сомнение дека ги злоупотребиле посебните овластувања и должности и ги спровеле јавните повици иако знаеле дека таква постапка во конкретните случаи не смее да биде спроведена, бидејќи не биле исполнети законски услови.

Македонија | пред 1 година

Под истрага 18 членови на групата „Беланоца – Барон“

Неколкумесечната предистражна постапка што ја спроведуваше јавен обвинител со Истражниот центар од Основното јавно обвинителство за гонење на организиран криминал и корупција и МВР, вчеравечер резултираше со акција во која е разбиена криминална група, а која беше спроведена заедно со полициски службеници од МВР на подрачјето на општините Чаир, Арачиново, Шуто Оризари, Бутел и Студеничани. По барање на јавниот обвинител, а врз основа на Наредба на судија на претходна постапка од Основниот кривичен суд Скопје до утринава извршени се претреси на 30 локации и притоа се пронајдени поголем износ на пари, злато, огнено оружје и други предмети, а од слобода се лишени четири лица, додека едно лице само се пријавило во полициска станица. Единиците на МВР и армијата на РСМ се уште постапуваат на неколку локации во насока на пронаоѓање на доказен материјал и предмети што ќе помогнат во расветлување на случајот.Предметниот јавен обвинител денеска донесе Наредба за спроведување на истражна постапка против 18 лица за кои постои основано сомневање дека 14 лица како нарачатели, помагачи или директни извршители сториле кривични дела Убиство, од нив 12 лица се осомничени и за кривично дело Злосторничко здружување, додека петмина и за кривично дело Тешки дела против општата сигурност. Останатите четири лица се товарат за кривично дело Изнуда.Според описот во диспозитивот на наредбата, првоосомничениот кој во моментов е на издржување на казна затвор, заедно со уште четири лица од кои две се во притвор, едно лице e лишено од слобода, a едно лице e починато, создале група со цел извршување на кривично дело убиство. Припадници на групата станале останатите осомничени, други неидентификувани лица и сега починати лица. Организаторите на криминалната група подготвувале планови и носеле одлуки кој, каде, кога и на каков начин ќе биде ликвидиран. Притоа, одлуките ги спроведувале лично или преку други припадници на групата плаќајќи од 10.000 до 250.000 евра за убиство. Па така, во име на поддршка на радикалното движење во РСМ или заради безобзирна одмазда кон лица од спротивставена криминална група во периодот од 2020 до 2024 година во шест кривично правни настани лишиле од живот осум лица, три лица биле тешко повредени, а на три лица животот им бил во опасност.Прибраниот доказен материјал упатува и на кривично правен настан од 2016 година кога првоосомничениот заедно со уште две лица извршиле убиство во с. Сингелиќ.Оваа група од почетокот на 2023 година до октомври 2024 година дејствувајќи според поделени улоги со намера да прибават значителна имотна корист во повеќе наврати извршила и кривично дело Изнуда. Искористувајќи исти прилики дел од членовите на групата преземале повеќе дејствија и на особено насилен начин и сериозна закана, како и со опожарување на повеќе објекти на територија на Град Скопје изнудувале парични средства на месечно ниво, но барале и исплата на поголеми парични износи еднократно.Од прибраниот доказен материјал произлезе дека еден од организаторите на групата кој е на издржување на казна затвор во период од јуни 2022 година до април 2023 година со умисла поттикнал на извршување на кривично дело Тешки дела против општата сигурност, бидејќи од страна на полициски службеници бил оневозможен да извршува кривични дела поврзани со лихварство и продажба на дрога во затворот. Па така, во три наврати поттикнал лица кои опожариле три возила на полициски службеници предизвикувајќи штета од поголеми размери.Надлежниот јавен обвинител ценејќи дека се исполнети условите за четворицата лишени од слобода до судијата на претходна постапка при Основниот кривичен суд Скопје ќе поднесе предлог за определување на мерката притвор, додека тројца од осомничените се на издржување на затворска казна, а две лица се во притвор за кривични дела од други кривично правни настани. Лицето кое само се пријави во полициска станица е со претходно определени мерки за кривично правен настан за кој се сомничи. За двајца осомничени се распишани меѓународни потерници од претходно, а шестмина се недостапни на органите на прогонот, од кои еден е недостапен од претходно.

Македонија | пред 1 година

Четири лица приведени за планирање терористички напади

Четири лица се приведени, поради планирање терористички напади низ Македонија врз цивилни цели и јавни објекти, како дел од акцијата која МВР ја спороведе на територијата на Гостивар и Струга. Определен им е притвор од 30 дена.Притоворот им е одреден поради сериозноста на делото, можност за повторување на истото и опасност од бегство, информират од Кривичниот суд. Повеќе детали околку оваа акција, но и акцијата во која беа разбиени криминални групи во Арачиново и Чаир попладнево на прес конференција се очекува да обелодени министерот за внатрешни Панче Тошковски.

Македонија | пред 1 година