ВМРО-ДПМНЕ: Кога Венко на нареден прес ќе ја менува Богданка, да одговори зошто би го рушеле преку Шилегов

Околу внатрешните проблеми на СДС, кланот Дубаи, Венко и Заев, ВМРО-ДПМНЕ нема да се меша, велат од владејачката ВМРО-ДПМНЕ„Но, бидејќи СДС и Венко по секоја цена сакаат со сила да го вмешаат ВМРО-ДПМНЕ би поставиле неколку логични прашања:Прво, Венко на наредната прес-конференција кога ќе ја заменува портпаролката Богданка Кузевска треба да одговори како Шилегов е на ВМРО ДПМНЕ, а Филипче беше советник на министер од ВМРО ДПМНЕ.Второ, како за кус период сите кои не мислат како Филипче, за Филипче станаа ВМРО-ДПМНЕ преку ноќ?Трето, зошто воопшто ВМРО-ДПМНЕ би го рушела Филипче, преку Шилегов, кој СДС како најголем конкурент на ВМРО-ДПМНЕ ја направи трета партија во земјава, а петта во Скопје?Четврто, дали има некој поистакнат член на СДС, освен Жерновски од ЛДП, кој денес не бара оставка на Венко Филипче?Додека Филипче се кара за темата кој бил повеќе на ВМРО-ДПМНЕ, добро е да одговори на овие прашања. Се друго е бегање од реалноста и од сопствената одговорност“, се вели во соопштението.

Македонија | пред 3 месеци

(ВИДЕО) Разорно невреме: Загинати, поплави и хаос низ Грција

Силното невреме што ја зафати Грција и однесе два човечки животи се придвижува кон Егејските острови, каде што се најавени олујни ветрови. Северните Егејски острови се ставени во состојба на зголемена подготвеност, а метеоролозите предупредуваат на ветрови до 10 степени според Бофоровата скала и опасни бранови.Во средата, 53-годишен припадник на крајбрежната стража загина во источен Пелопонез, додека во атинското предградие Глифада жена се удави откако ја однеле поројните води. Поплави и силен ветер предизвикаа затворање улици, евакуации на домови, прекини во сообраќајот и електричната енергија, како и суспензија на траектните линии.Во делови од земјата училиштата беа затворени, а надлежните служби остануваат во состојба на готовност. Во поголемиот дел од копното се очекува постепено подобрување на временските услови, додека во планинските предели и понатаму ќе има снег.

Свет | пред 3 месеци

(ВИДЕО) Инцидент во Давос додека Трамп беше во зградата на Светскиот економски форум

Во Конгресниот центар на Светскиот економски форум во Давос се случил помал инцидент во моментот кога американскиот претседател Доналд Трамп се наоѓал во зградата, објави швајцарската новинска агенција Кејстоун-СДА.Портпарол на кантоналната полиција на Граубинден изјавил дека до синоќа не било точно утврдено каде избувнал пожарот поради кој се активирал алармот, пренесува Анадолија.Како што е соопштено, Трамп бил во објектот во време на инцидентот, каде претходно одржал говор.Полицијата информира дека нема пријавени повредени лица, а на терен биле распоредени пожарникари, полициски екипи и возила на брзата помош, поради високите безбедносни мерки што го следеа настанот.

Свет | пред 3 месеци

Попова Шапка под најдебела снежна покривка – измерени 33 сантиметри снег

Најмногу снег утрово е измерен на Попова Шапка, каде снежната покривка достигнува 33 сантиметри, покажуваат податоците до 7 часот. По Попова Шапка, највисока снежна покривка е регистрирана во Маврови Анови со 15 сантиметри, во Битола 13, Ѓуриште 8 и Крушево 7 сантиметри.Во Тетово и Штип има по 5 сантиметри снег, додека во Берово, Претор и Струмица се измерени по 2 сантиметри. Во Виница и Крива Паланка снежната покривка изнесува 1 сантиметар.Температурите утрово се најниски на Попова Шапка со -4 степени и во Крушево со -3, додека во Маврови Анови, Берово, Тетово и Крива Паланка се измерени -2 степени. Во поголем дел од земјата температурите се околу нулата, а највисоки се во Гевгелија, Демир Капија и Охрид.Времето денеска ќе биде претежно облачно во претпладневните часови, со појава на магла во котлините, а попладне се очекува намалување на облачноста. Ќе дува слаб до умерен ветер од променлив правец, а максималните дневни температури ќе се движат од 2 до 7 степени. Во Скопје ќе има променлива облачност со сончеви периоди и максимална температура до 4 степени.

Македонија | пред 3 месеци

Трамп се повлече од воведување царини за Европа

Американскиот претседател Доналд Трамп најави дека се откажува од воведување дополнителни царини за европските земји, по разговорите во НАТО за „идниот договор“ поврзан со Гренланд.„Врз основа на многу продуктивниот состанок што го имав со генералниот секретар на НАТО, Марк Руте, формиравме рамка за иден договор во врска со Гренланд и, всушност, со целиот арктички регион. Ова решение, доколку се спроведе, ќе биде одлично за Соединетите Американски Држави и за сите земји членки на НАТО“, напиша Трамп на социјалната мрежа Truth Social.Тој додаде дека, врз основа на ова разбирање, нема да ги воведе царините кои требаше да стапат на сила на 1 февруари.„Се водат дополнителни разговори поврзани со таканаречената ‘Златна купола’ и Гренланд. Повеќе информации ќе има како што ќе напредуваат преговорите“, наведе Трамп.Според него, за преговорите ќе бидат задолжени потпретседателот Џеј Ди Венс, државниот секретар Марко Рубио, специјалниот пратеник Стив Виткоф и други претставници по потреба, кои директно ќе му одговараат нему.

Свет | пред 3 месеци

Администрацијата на Трамп бара начин за соборување на комунистичкиот режим во Куба

Администрацијата на американскиот претседател Доналд Трамп бара луѓе внатре во кубанската влада кои би можеле да помогнат во постигнување договор за соборување на комунистичкиот режим во таа земја до крајот на годинава, пренесува „Волстрит џурнал“, повикувајќи се на извори запознаени со состојбите.Според истите извори, Трамповата администрација е охрабрена од соборувањето на претседателот на Венецуела, Николас Мадуро, и смета дека постои можност слично сценарио да се примени и во Куба.На почетокот на јануари, Стејт департментот ја прогласи западната хемисфера за зона од посебен интерес за Вашингтон, а претходно претседателот Трамп се повика и на почитување на Монроовата доктрина, со која американскиот континент се дефинира како област затворена за мешање на други светски сили.Изворите наведуваат дека американската администрација проценила оти кубанската економија е блиску до колапс и дека владата во Хавана никогаш не била поранлива, особено по губењето на својот клучен сојузник – Венецуела.Иако, засега, не постои конкретен план за завршување на владеењето на комунистичката власт која управува со островот речиси седум децении, високи американски претставници за „Волстрит џурнал“ изјавиле дека апсењето на Мадуро во рамки на воената интервенција на САД и последователните отстапки од неговите сојузници се гледаат како јасен сигнал и предупредување за Куба.

Свет | пред 3 месеци

Слаб снег на Струмица–Крушево и Ѓавато, сите патишта се проодни

Сите државни патишта низ Македонија се проодни и безбедни за сообраќај, информираат надлежните институции. Сообраќајот се одвива непречено, но поради врнежите од снег се апелира до возачите да управуваат внимателно и да ја прилагодат брзината според условите на патот.Екипите на ЈП „Македонија пат“ се целосно ангажирани и во текот на целиот ден се на терен, со потребната механизација и работна сила, каде што континуирано се врши расчистување на снегот. Во координација со ЈП за државни патишта и Министерството за транспорт се спроведуваат заеднички активности со цел да се обезбеди безбедно и непречено одвивање на сообраќајот.Од надлежните се упатува апел до возачите задолжително да користат зимска опрема, да ја почитуваат поставената сообраќајна сигнализација и редовно да се информираат за состојбата на патиштата преку официјалните информативни центри.Слаб снег во моментов провејува на патните правци Струмица–Крушево и Ѓавато, но истиот не се задржува на коловозот. Координираните активности на институциите ќе продолжат и во наредниот период, со цел да се одржи безбедноста во сообраќајот.

Македонија | пред 3 месеци

Драма на аеродром во Русија: Авион со 335 патници излета од пистата при полетување

Авион на релација Магадан–Москва со 335 патници денеска излета од пистата при полетување поради технички дефект, соопшти Далекоисточното транспортно обвинителство на Русија.Како што се наведува во соопштението, во инцидентот нема повредени, пренесува РИА Новости.„Денес, авион кој на пистата забрзуваше и се подготвуваше за полетување на линијата Магадан–Москва, излета од пистата поради технички дефект. Во авионот имало 335 патници. Ниту еден член на екипажот, ниту патник не е повреден“, стои во соопштението објавено на Телеграм.Поради инцидентот, аеродромот во Магадан е привремено затворен, а летот за Москва е презакажан за утре. Канцеларијата на транспортниот обвинител во Магадан започна инспекција за почитување на законите за безбедност и за функционирањето на воздушниот сообраќај.

Свет | пред 3 месеци

Шилегов бара оставка од раководството на СДСМ: Резултатите се катастрофални

Поранешниот градоначалник на Скопје и истакнат член на СДСМ, Петре Шилегов, гостувајќи во емисијата „Топ тема“ на Телма, јавно побара оставка од актуелното партиско раководство, оценувајќи дека резултатите од неговото работење се, како што рече, катастрофални и ја довеле партијата во длабока криза.„Да ја сведете поддршката на партијата на околу сто илјади гласови и само 15 пратеници, да станете петта партија во Скопје и трета на државно ниво – ако тоа не е катастрофа, што е?“, изјави Шилегов.Тој најави дека незадоволството во партијата не доаѓа само од него, туку и од поширока група членови и функционери, меѓу кои и актуелни пратеници, кои, според него, немаат никаква комуникација со раководството.„Кога дел од пратениците ќе излезат од партијата, можеби и половина од пратеничката група, и кога дел од општинските раководства ќе ви ги затворат вратите, тогаш ќе сфатите дека мора да си заминете“, порача Шилегов.Тој потсети дека бил отстранет од потпретседателската функција за време на т.н. операција „Метла“, а подоцна, како што рече, не бил свикан ниту конгресот што го барале бројни активни членови по локалните избори. Шилегов ја оспори и легитимноста на конгресот што го најави актуелниот лидер Венко Филипче, посочувајќи на апатија, пасивизација на членството и изолација на партијата.

Македонија | пред 3 месеци

Денес облачно со сончеви периоди, претпладне локални врнежи од дожд и снег

Денес променливо облачно со сончеви периоди. Претпладне ќе има локални врнежи од дожд и снег, а на повисоките места и на планините од снег. Попладне облачноста ќе се намалува. Ќе дува слаб јужен ветер.Минималната температура ќе биде во интервал од -4 до 0, а максималната ќедостигне од 2 до 7 степени.Во Скопје, променливо облачно со сончеви периоди. Минималната температура ќесе спушти до -2, а максималната ќе достигне до 4 степени.До сабота времето ќе биде променливо облачно со пораст на дневната температура. По одделни котлини ќе има појава на магла. Од сабота кон крајот на денот се очекуваат локални врнежи од дожд, а на планините од снег. Пообилни врнежи ќе има во недела во попладневните и ноќните часови, кога на повисоките места ќе преминуваат во снег.

Македонија | пред 3 месеци

(Видео) Героски: Со Заев имав комплицирана врска, тој не е човек со кој можеш да се скараш

Груевски е најлошото нешто што и се случило на Македонија, оцени во „Претрес со Ландов“, новинарот Бранко Героски.„Јас бев најнапаѓаната личност после Шеќеринска во времето на Груевски, но Груевски не побарал од Велија Рамковски да ме сменат од уредник. Дури и во времето на Заев немаше директна навреда или закана врз новинари”, рече Героски.Потврди дека разговарале со Заев за преземање на МИА, но според него, Заев од седница на Влада му се јавил дека разговараат за МИА, дека има кандидати а Драган Антоновски немал работа.„Со Заев имав комплицирана врска. Заев едно време беше надеж. Бранко Црвенковски го донесе во СДСМ, а јас го затекнав. Од Заев побарав да ми купи стапчиња за риба. Заев не е човек со кој можеш да се скараш, а сум го советувал бесплатно. Во прва прилика кога ќе дојде во Скопје, ќе испиеме кафе”, рече Героски.За кажаното за СДСМ, вели, немам зошто да се извинам.„Со мајмуни шах не играј, ќе ти ги растурат или украдат фигурите”, рече Героски.

Скопје | пред 3 месеци

(Видео) Героски: Не ги тужам СДСМ, влегувам во битка со оваа секта

Скоте, мртов коњ, секта, овие зборови напишани за СДСМ за Героски не се навреда. За неговото пишување има 10 претставки до од СДСМ.„Битките ги водам според однесувањето на противникот.Дваесет соопштенија на СДСМ ми се посветени мене, а сега и на Ивона Талевска. Не ги тужам СДСМ, туку влегувам во битка со оваа секта. Ова што е сега СДСМ не наликува на партија. Тоа вечерва го кажа и Петре Шилегов. Јон Фрчковски нема никогаш да го тужам, може да каже што сака”, вели Героски.Ние новинарите, нагласи, не сме секта, сите сме поединци.

Скопје | пред 3 месеци

(Видео) Героски во Претрес со Ландов: Во животот сум заработил еден милион евра

Колку тежи Бранко Героски, на ова прашање во „Претрес со Ландов”, тој одговори: „Сум заработил во мојот живот еден милион евра. Се сам сум заработил”.Тој посочи дека весникот Дневник беше успешна приказна. Основачи со него биле Миле Јовановски, Александар Дамовски а како коосновач е Владимир Милчин .Дневник, вели, беше продаден кога беше во најдобра кондиција.„Дневник имаше 100.000 читатели. Тоа беше огромна енергија.Срѓан Керим врска немаше со тој бизнис, не верувам ни дека сега има врска. Ќе го паметиме по шишето со парите”, вели Героски.За себе вели дека бил чесен, пример за албанското прашање.„Пишував дека албанците беа обесправени”, објасни Героски.

Скопје | пред 3 месеци

Што најмногу влијае врз намалувањето на капацитетот на батериите кај електричните автомобили?

Начинот на полнење на современите електрични автомобили има значајно влијание врз стареењето на батериите. Ова го покажува најновата анализа на експертите за телематика од Geotab, кои со години ги следеле податоците за батерии на повеќе од 22.700 електрични возила од 21 различна марка.И покрај сè почестата употреба на брзо полнење, батериите остануваат функционални значително подолго отколку што повеќето оператори на возни паркови претпоставуваат во своите планови за замена. Затоа, интензивната употреба и понатаму се смета за економски оправдана.Просечната годишна деградација на батериите во 2025 година изнесувала 2,3 проценти, во споредба со 1,8 проценти во 2024 година. Според Geotab, овој пораст главно се должи на зголемената употреба на моќни брзи полначи со еднонасочна струја (DC).Споредбата на различни профили на полнење јасно го покажува ефектот: возилата што најчесто се полнат со моќност поголема од 100 kW во просек губат околу 3 проценти од капацитетот годишно. Наспроти тоа, кај возилата што претежно се полнат наизменично (AC) или со пониска моќност, деградацијата е околу 1,5 проценти годишно.„Состојбата на батериите кај електричните возила останува добра, дури и кога тие се полнат побрзо и се користат поинтензивно“, вели Шарлот Арги, виша менаџерка за одржлива мобилност во Geotab.Студијата покажува и дека, дури и при високи стапки на DC-полнење, современите батерии најчесто траат подолго од животниот век што го предвидуваат возните паркови.Интересно е што и топлата клима ја забрзува деградацијата, но само за околу 0,4 проценти годишно во споредба со умерените климатски региони.

Магазин | пред 3 месеци

Ќе поскапат ли iPhone уредите во 2026 година поради недостиг на меморија?

Глобалниот раст на индустријата за вештачка интелигенција создава сериозен притисок врз пазарот на мемориски чипови, што доведува до недостиг на RAM-меморија и раст на цените, предупредуваат аналитичарите.Големите производители на меморија сѐ поголем дел од капацитетите ги насочуваат кон AI-сервери, кои носат значително поголем профит, додека производството на меморија за потрошувачка електроника стагнира.Поради тоа, во текот на 2026 година се очекува поскапување на компјутерите и паметните телефони. Производителите на компјутери со Windows веќе најавуваат зголемување на цените од 15 до 20 проценти, а од Samsung не ја исклучуваат можноста за поскапување на нивните телефони, пренесува „Cult of Mac“.Кога станува збор за Apple, ситуацијата е понеизвесна. Благодарение на високите профитни маржи и долгорочните договори со добавувачите, компанијата има повеќе простор да го апсорбира растот на трошоците без да ги зголеми цените.Apple во последните години не ги зголемуваше почетните цени на iPhone моделите, и покрај инфлацијата и зголемените производствени трошоци.Иако не е исклучено iPhone и Mac уредите да поскапат во 2026 година, аналитичарите оценуваат дека Apple е во далеку поповолна позиција од поголемиот дел производители на Android телефони и PC уреди, кај кои зголемувањето на цените речиси е неизбежно.

Магазин | пред 3 месеци

(Видео) Героски: Со Мицкоски имам добра, но ретка комуникација, не мислам дека лаже

Јас бев горд член на Комунистичката партија, вели во „Претрес со Ландов”, новинарот Бранко Героски, но посочува дека бил премногу пргав да биде во партија. Тој едно време работел и во Комунист кој му бил сериозна школа исто како и Остен.Одговарајќи на прашањето од гледачи дали Мицкоски лаже, Героски одговори:„Со Мицкоски имам добра но ретка комуникација, не мислам дека лаже”.

Скопје | пред 3 месеци

(Видео) Героски: Суетен сум, но не лажам и не сум лицемерен

Новинарот и уредник на Плусинфо, Бранко Героски е гостин во „Претрес со Ландов”.За неколку дена официјално по повеќе од 40 години работа, заминува во пензија, но вели, ќе разочарал некои бидејќи нема намера да се „отштека” од тоа што најмногу го сака, а тоа е новинарството.„Сум се борел за важни работи во овие четири децении. Мојата генерација беше инсајдер во политиката. Не мора да сум политички активен за да се занимавам со политика”, вели Героски.Не се согласува дека има лицемерие во она што го работи.„Една работа е што никој не ми замерува, дека лажам или дека сум лицемерен. Дневник под притисок од Ватс на Срѓан Керим го напуштив. Истата приказна ми се случи во Шпиц кај Велија Рамковски. Јас му станав товар да се приближи на Груевски. Исто беше и со Слободен печат. Да,суетен сум.Мојот услов да правам весник, а тоа најдобро го правам беше да работам независно. Заев скриено беше сопственик на половина весник. Заев, Роберт Поповски, Владе Милчин, Живковиќ и јас седнавме на маса и ги договаравме весникот. Акции не барав, барав автономија”, вели Героски.

Скопје | пред 3 месеци

(🔴Во живо) Претрес на Бранко Героски: Моќта, новинарството и линијата што се преминува

Во новото издание на поткастот „Претрес“, гостин е Бранко Героски – еден од најконтроверзните и највлијателни новинари во поновата македонска медиумска историја. Разговорот не нуди комфор, ниту носталгија, туку директна и жестока конфронтација со минатото, сегашноста и улогата на новинарството во политички и бизнис контексти.Од почетоците во печатените медиуми, преку обвинувањата за блискост со центри на моќ, па сè до аферите, судирите со поранешни сојузници и актуелните конфликти со дел од новинарската заедница, „Претрес“ отвора прашања кои со години се туркаат под тепих. Се зборува за односите со политичките елити, за границата меѓу новинарство и активизам, за етиката, огласувачите, личните напади, јазикот во јавната комуникација и за тоа дали борбата против „заробеното новинарство“ завршува со станување дел од истиот систем.Посебен фокус е ставен и на најактуелните судири поврзани со трагедијата во Кочани, јавниот интерес, улогата на истражувачкото новинарство и прашањето кој и зошто одлучува за тоа што смее, а што не смее да се објави. Разговорот ја отвора и темата за одговорноста на влијателните новинари, нивната моќ и цената што ја плаќа јавноста кога медиумите се претвораат во арена за лични и политички војни.Ова не е интервју за допаѓање. Ова е „Претрес“ – без заобиколување и без калкулации.СЛЕДЕТЕ ВО ЖИВО:

Студио | пред 3 месеци

Поради спор околу патенти: Паметните часовници би можеле да останат без важна функција

Технолошката компанија UnaliWear поднесе тужба против Apple, Google, Samsung и Garmin, тврдејќи дека технологијата за препознавање пад кај нивните уреди е незаконски копирана и дека ги нарушува патентите на оваа компанија.Според наводите во тужбата, функцијата што им овозможува на паметните часовници да препознаат пад на корисникот и автоматски да повикаат итна помош, претставува заштитено интелектуално сопствеништво на UnaliWear. Компанијата е специјализирана за носиви уреди наменети за постари лица, а нивниот систем RealFall, како што тврдат, попрецизно разликува вистински падови од вообичаени движења.Случајот веќе е предмет на разгледување од страна на Американската комисија за меѓународна трговија, а се очекува производителите на паметни часовници да ги достават своите одговори до крајот на јануари. Доколку UnaliWear ја добие постапката, може да побара ограничена забрана за увоз на овие уреди во САД, што би можело сериозно да ја погоди продажбата на популарните модели на пазарот.Иако ваква забрана би била значителен удар за технолошките гиганти, експертите сметаат дека поверојатно е компаниите да бидат принудени да ја лиценцираат технологијата или да развијат алтернативни решенија за да избегнат прекршување на патентите. Сличен чекор Apple веќе презел во минатото, кога морал да измени одредени функции на своите часовници поради спор со медицинската компанија Masimo.

Магазин | пред 3 месеци

Протест поради загадувањето: Судир на аргументи меѓу граѓаните и „ТИТАН Усје“

Граѓанската иницијатива „Стоп за Усје“ повторно излезе на улица со порака да се стават независни мерни станици кои ќе утврдат колку загадува Цементарница. Со транспаренти „Жолт картон за Усје и МЖСПП“, „Ваши тајни деловни за наши бели гробови“ и „Скопје во одбрана на живот“, демонстрантите побараа итни мерки за заштита на здравјето и животната средина.Говорниците нагласија дека загадувањето не е само еколошки, туку и сериозен здравствен проблем, особено за децата, и порачаа дека протестите и блокадите ќе продолжат сè додека нивните барања не бидат исполнети.Претходно:

Скопје | пред 3 месеци

Стојаноски: Со новиот Кривичен законик секој во државава ќе мора да ги почитува законите, а правдата ќе важи за сите

„Пред оваа акција каде што беше уапсен и фатен судија во Апелациониот суд со 350.000 евра во ѕидот на неговата семејна куќа, исто така беше уапсен и врховен судија со 10.000 евра поткуп, што значи дека таа метастаза во македонското правосудство постои, 35 години граѓаните ја гледале, а она коешто сега охрабрува е што конечно институциите покажуваат знаци на отпорност кон ваквиот систем и сакаат да го исушат ова политичко обвинителско судско мочуриште кое едноставно го нагризуваше нашиот систем“, истакна Бојан Стојаноски, пратеник од редовите на ВМРО-ДПМНЕ на телевизија Њузмакс Балканс во емисијата „Став на регионот“.Стојаноски исто така истакна дека ќе бидат усвоени 5 закони кои ќе ги заострат критериумите за изборот на судии, обвинители и членови на судскиот Совет со цел да се спречат ваквите појави.“Овој месец ќе бидат усвоени пет закони коишто ќе треба да ја дефинираат обвинителската и судската служба и каде што ќе треба да ги заострат критериумите за избор дали на судии, дали на обвинители, дали на членови на судски Совет, за да може да го спречиме производството на вакви кадри коишто потоа ќе ја срамат целата држава, тие луѓе да не можат да се доближат до институциите а камоли да седат таму и даваат пресуди“, рече Стојаноски и додаде:„Колку човечки судбини се уништени од еден ваков корумпиран судија којшто досега успешно се криел од системот. Нешто за коешто нашата партија со години укажува дека тоа е присутно, се надевам дека ќе има уште акции и во наредните години од преостатокот од нашиот мандат, ќе успееме да санкционираме многу вакви криминалци коишто се заштитени и коишто сеуште егзистираат во тој дел од општеството“.На крај Стојаноски посочи дека со новиот Кривичен законик се предвидени заострени казни со цел да се покаже дека секој во државата треба да ги почитува законите, а правдата важи за сите.„Оваа е порака дека другите судии коишто можеби помислуваат на вакви дејанија, дека криминалот е неисплатлив, ние сега создаваме решенија коишто ќе бидат системски, од коишто некој утре ќе може да ги гони функционерите од оваа власт, одговорни политичари така размислуваат. Во Кривичниот законик којшто ќе го изгласаме во петок се заострени сите казни, ние одлучивме како пратеници согласно уставните надлежности да предложиме повисоки законски казни, затоа што еднаш засекогаш мора да покажеме дека секој во оваа држава треба да знае дека треба да работи по закон, и нема недопирливи, правдата треба да ги стигне сите“, дециден е Стојаноски.

Македонија | пред 3 месеци

Полициски сили влегоа во Филозофскиот факултет во Нови сад по барање на деканот

Српската полиција денеска попладне влезе во зградата на Филозофскиот факултет во Нови Сад по барање на деканот Миливој Алановиќ, додека студентите ја блокираа институцијата поради отпуштањето на професорката Јелена Клеут.„Разговаравме со студентите, разговараме со полицијата, полицијата разговара со студентите“, изјави Алановиќ, додавајќи дека блокадата мора да заврши или ќе биде принуден да преземе мерки за продолжување на работата на факултетот. Продеканот Дејан Пајиќ ги повика студентите да се откажат од блокадата, истакнувајќи дека од нив зависи „дали ќе ги видиме сцените од 5 септември“, кога полицијата бурно реагираше на протестот на студентите.Студентите чекаа до 14 часот на одговор од деканот, од кого побараа институцијата да ја поддржи нивната професорка и да се обиде да ја врати на работа. Откако добија одговор дека факултетот не може да стори повеќе, студентите донесоа душеци подготвени за подолг престој во зградата. Професорката Клеут е присутна во зградата со студентите и ги охрабрува да продолжат да го бранат универзитетот.Митингот во поддршка на професорката, која денеска беше официјално отпуштена, започна во 12 часот со пораката „Ако Клеут не предава, никој нема“. Според официјалното решение, нејзиниот работен однос по Комуникологија завршил на 20 јануари поради истекот на рокот на кој бил заснован.Во текот на август и септември 2025 година, полицијата речиси еден месец беше присутна на Филозофскиот факултет поради претходни протести и блокади од страна на студентите.

Свет | пред 3 месеци

Нема фотографија

Европските претставници за говорот на Трамп: Сега го сака Исланд, сигурни сме

Дипломати и високите претставници во Брисел денеска го следеа говорот на Доналд Трамп преку пренос на компјутери и телевизија. Настапот на Светскиот економски форум во Давос се одржа во време на незапаметени трансатлантски тензии, но по повеќе од еден час говор, многумина признаа дека неговите намери им останале нејасни.Говорот се случи еден ден пред состанокот на лидерите на Европската унија, на кој ќе се дискутираше одговорот на заканите за нови царини доколку Данска не ѝ ја предаде контролата над Гренланд на САД. „Ниту една нација или група на нации не е во позиција да обезбеди Гренланд освен Соединетите Американски Држави“, рече Трамп, но додаде: „Не морам да употребувам сила, не сакам да употребувам сила, нема да употребам сила.“ Иако со тоа првпат исклучи воена интервенција, неговите изјави не ги умирија сите.Еден анонимен дипломат од ЕУ изјави дека луѓето „самите можат да проценат“ и додаде дека се чини Трамп сè уште упорно се залага за добивање на Гренланд. Друг дипломат потенцираше дека состанокот на лидерите на ЕУ останува итен и дека е важно лидерите да дадат заеднички одговор по турбулентниот викенд.Поранешната германска министерка за надворешни работи, Аналена Бербок, на социјалните мрежи напиша: „Ако повторно се почне со доведување во прашање на границите на државите и обиди тие да се менуваат со сила, закани или присила, ќе се вратиме во мрачни времиња.“Трамп во својот говор повеќе пати ги мешаше Гренланд и Исланд, нарекувајќи го Гренланд „голем, прекрасен дел лед, тешко е да се нарече копно“, а Исланд го спомна најмалку четири пати. Еден од изасланиците на ЕУ со насмевка рече: „Па, сега сака Исланд, а не Гренланд, така што сме сигурни.“ Претходно, американската администрација беше предмет на шеги поради изјавата на Трамповиот кандидат за амбасадор на Исланд, Били Лонг, кој тврдел дека Исланд треба да стане 52-та американска држава.Дел од загрижените европски претставници се насмеаја и на Трамповите коментари за францускиот претседател Емануел Макрон: „Убави сончеви очила, но што се, по ѓаволите, случи?“

Свет | пред 3 месеци

Кина гледа можност на Гренланд, но не на начин на кој Трамп мисли

Американските планови на Доналд Трамп за потенцијално приближување или контрола на Гренланд предизвикуваат сериозни реакции во меѓународната заедница и можат да ја разеднат НАТО алијансата. Шефицата на европската дипломатија, Кaja Калас, предупредува дека Кина и Русија „сигурно имаат причини за задоволство“ поради овие потези, додека самиот Трамп истакнува дека неговите акции се мотивирани од потребата да се спротивстави на „китаиската закана“.Од Пекинг, пак, се гледа дека нестабилноста во американската политика отвора нови можности за Кина. Професорот Ванг Вен од Универзитетот Ренмин вели дека голем дел од Кинезите ова го сметаат за уште една демонстрација на агресивно и хегемонистичко однесување на САД, а „окупацијата на Гренланд би значела пропаст на НАТО, што би ги радувало Кинезите“.Во последните години, американските власти со загриженост ја следат растечката присутност на Кина и Русија во Арктикот. Претходниот државен секретар Мајк Помпео предупредуваше дека влијанието на Пекинг може да создаде „ново Јужно кинеско море“ на Северниот пол и ветуваше засилување на американското присуство.Кинеските компании, сепак, тешко успеваа да се утврдат на Гренланд поради отпорот од САД и Данска. Во 2018 година, Данска, под американски притисок, блокираше кинеска понуда за проширување на мрежата на аеродроми, а претходно беше оневозможена и куповина на напуштена морска база.Кина, во својот официјален документ од 2018 година, се прогласува за „држава блиску до Арктикот“ и најавува изградба на „Поларен пат на свилата“, со цел развој на арктичките поморски рути како дел од иницијативата Пojaс и пат. Првиот чекор во таа насока се случи во октомври со патување на кинески контејнерски брод преку Северниот морски пат, што го скрати времето за транспорт до Европа за половина.Сепак, сојузот со Русија е клучен за овој проект, а воената и политичка криза во Украина го зголеми европското сомневање кон Кина. Инвестициите на кинески компании во рударските проекти на Гренланд се ограничени, особено по забраната за експлоатација на ураниум во 2021 година.И покрај тоа, Пекинг внимателно ги следи потезите на Трамп, кој со нарушувањето на глобалните сојузи создава ризици за сопствените интереси на Кина, но истовремено нуди можности за преиспитување на арктичката стратегија.

Свет | пред 3 месеци

Мурковски: Зборува за Гренланд како да е недвижен имот

Американската републиканска сенаторка Лиза Мурковски јавно го критикуваше предлогот на претседателот Доналд Трамп САД да преземат контрола над Гренланд, оценувајќи го како навреда за тамошниот народ. Мурковски истакна дека во изјавите на Трамп не се признавало постоењето на локалното население и дека судбината на оваа данска автономна територија треба да ја одредуваат неговите жители.„Познавам Гренландци и имам пријатели таму. Денес длабоко размислував за нив. Во Трамповите зборови нема никакво признавање дека на Гренланд живеат луѓе“, изјави Мурковски за CNN. Таа додаде дека иако се согласува дека територијата е стратешки важна, опишувањето на Гренланд како „комад мраз“ го омаловажува животот на автохтоните заедници што таму живеат.Сенаторката истакна дека европските лидери се загрижени поради можните намери на Трамп, особено откако тој закани со воведување на царини кон некои американски сојузници доколку не ја поддржат неговата стратегија за Гренланд.

Свет | пред 3 месеци