(Видео) Хаос на Евзони: 150 трактори ја блокираат границата

Земјоделците од северниот дел на Грција денеска повторно го блокираа граничниот премин Евзони, оставајќи ги патниците и товарните возила во комлетен сообраќаен застој Во целосен хаос е влезот и излезот кон Македонија.До сега нема информација до кога ќе трае блокадата.Блокадите повторно се случуваат без најава.Тракторите и земјоделските возила се веќе паркирани точно на граничниот премин, а земјоделските комисии одлучуваат кога и колку долго ќе ги затвораат патните правци.Грчките земјоделци со денови протестираат против зголемените трошоци, ниските откупни цени и недоволната помош од државата, а блокадите се очекува да продолжат и во наредните денови.Блокада нема само на Евзони каде има 150 трактори.Земјоделците се обидоа да стигнат и до преминот Промахонас кон Бугарија, каде ја заобиколија полициската блокада.Во регионот Тесалија има повеќе блокади на автопатот Солун–Атина, особено во регионот на Лариса и Кардица.Земјоделските здруженија најавуваат проширување на акциите и поставување дополнителни блокади на клучни сообраќајни точки низ државата.

Македонија | пред 5 месеци

Во Центар автоматски систем ќе мери бучава на критични локации

Градоначалникот на Општина Центар, Горан Герасимовски, соопшти дека ќе ја мерат бучавата со паметен систем кој го инсталираат на повеќе локции.Започнавме со поставување на паметен систем на 30 критични локации, кои континуирано ги следи бучавата и алармира кога е над дозволеното. Досега се поставени 19 уреди во Дебар Маало, на Орце Николов, Мирослав Крлежа, Отон Жупанчиќ и Боемска 1 и 2.Следуваат нови локации: Ленинова, Капиштец, Буњаковец, Кеј 13 Ноември и Кале.Продололжуваме да воведуваме современи решенија за помирен и поудобен живот на граѓаните.

Скопје | пред 5 месеци

(Видео) СДСМ:Исти криминални шеми, иста банда, Обвинителството да постапи за скандалот од 9 милиони евра

СДСМ бара Јавното обвинителство да постапи за големиот корупциски скандал со тендери од речиси 9 милиони евра, доделени на фирма со само двајца вработени, изјави Богданка Кузеска, портпаролка на СДСМ.,,Јавно и детално, пред граѓаните, со факти и докази веќе ја презентиравме целата корупциска шема. Сите докази се јавно достапни, објавени, проверливи и повеќе од доволни за старт на истрага. Поднесовме и пријава до Државната комисија за спречување на коруцпија. Јавното обвинителство не смее да молчи туку да делува. Крадењето на народот преку корупциски шеми за пумпање на парите мора да запре и да следува одговорност.Власта на големо спроведува грабеж преку шема за испумпување на народните пари. Ова се истите шеми на Никола Груевски и Сашо Мијалков, со кои се испумпаа 2 милијарди евра пари на граѓаните. Мицкоски само го продолжува тоа што го научил од неговите учители“, рече Кузеска.

Македонија | пред 5 месеци

Десет осигурителни компании формирале картел и ги кренале цените на полисите за автомобилска одговорност

Десет осигурителни компании се казнети со 17.266.930. Тие формирале картел и се договориле да ја зголемат цената за автомобилска одговорност што секој сопственик на моторно возило задолжително мора да ја плати при регистрирање на возилото.„Комисијата за заштита на конкуренцијата донесе решение со кое утврди постоење на усогласено однесување или картел помеѓу десет осигурителни компании: „Евроинс осигурување“, „Триглав осигурување“, „Македонија Скопје – Vienna Insurance Group“, „Сава осигурување“, „Еуролинк“, „Граце“, „Уника“, „Осигурителна полиса“, „Халк осигурување“ и „Кроација осигурување“ на пазарот на осигурување од автомобилска одговорност кое секој сопственик на моторно возило задолжително мора да го плати при регистрирање на возилото“, се наведува во соопштението.Во постапката, според Комисијата, било утврдено дека осигурителните компании во периодот 01.03.2024 – 07.05.2024 година, разменувале чувствителни информации, координирале активности и во исклучително краток рок донеле идентични или меѓусебно усогласени одлуки за зголемување на делот на премијата за вршење дејност – т.н. режиски додаток.Таквото однесување, смета Комисијата, претставува ограничување на конкуренцијата „по своја цел“, односно најтешка форма на повреда согласно член 7 од Законот за заштита на конкуренцијата.„Размената на информации и паралелното донесување на ценовни одлуки ја заменува независната деловна политика со координирано колективно дејствување на пазарот, што е строго забрането. Врз основа на утврдените факти, Комисијата изрече прекршочни санкции – глоби во вкупен износ од 17.266.930 денари“, соопшти Комисијата.

Македонија | пред 5 месеци

ФОТО Ракун влегол во продавница за алкохол во САД, се опил и се онесвестил во тоалетот

Еден необичен „провалник“ предизвикал вистински хаос во продавница за алкохолни пијалаци во Ешланд, Вирџинија. Во саботата рано наутро, откако паднал низ таванската плоча, скршил неколку шишиња виски и направил голем неред, а потоа бил пронајден онесвестен во тоалетот. Но не станувало збор за човек, туку за ракун кој, според сè, „претерaл“ со дегустацијата, пренесува Си-Ен-Ен.Вработен во продавницата, кој во саботата наутро дошол на работа, затекнал сцена како од филм: скршени шишиња, разлеан алкохол и падната таванска плоча. Главниот „осомничен“ мирно спиел на подот во тоалетот. На местото била повикана локалната служба за контрола на животни, интервенирала службеничката Саманта Мартин.„Лично многу ги сакам ракуните“, изјави Мартин. „Тие се навистина забавни суштества. Паднал низ една од плочите на таванот и тргнал во свој ноќен провод, пиејќи што ќе стигнел.“Таа призна дека ситуацијата добро ја насмеала додека го носела пијаниот ракун во прифатилиште за да се отрезни.Службата за заштита на животни во округот Хановер подоцна потврди дека ракунот успешно се отрезнил и е подготвен да се врати во природата. „По неколку часа сон и без знаци на повреди (освен можеби мамурлак), безбедно беше пуштен назад во дивината — со надеж дека научил дека провалата и влегувањето не се решение,“ соопштија од службата.

Свет | пред 5 месеци

(Фото) Утринска драма во Јурумлери, полицијата приведе момчиња фатени со пиштол скриен во автомобил

Денеска (03.12.2025) околу 08:00 часот, полициски службеници од Единицата за интервентна полиција при СВР Скопје, вршејќи мотопатролна дејност на ул. „1“ во село Јурумлери, сопреле патничко моторно возило „Сеат“ со скопски регистарски ознаки, управувано од М.А.(21), во кое како сопатник се превезувал 16-годишен малолетник , двајцата од Скопје.При извршените проверки, во возилото бил пронајден пиштол „Екол“ и рамка со шест куршуми. Лицата се лишени од слобода. По целосно документирање на случајот ќе следува соодветен поднесок

Скопје | пред 5 месеци

(Видео) МВР со детали за апсењето во кривопаланечко: Три лица завршиле со лисици во станица!

МВР соопшти дека три лица се лишени од слобода кои попречувале полициски службеници и вработени во АХВ при извршување службени дејствија.Вчера (02.12.2025) околу 16:00 часот во село Трново, кривопаланечко, кај место викано „Самоков“, полициски службеници од Полициската станица Крива Паланка ги лишија од слобода Г.Ѓ.(57), А.Ѓ.(30) и А.Ѓ.(22), сите од с.Жидилово, кривопаланечкo.Тројцата агресивно се однесувале и ги попречувале полициските службеници при вршење службени дејствија кои давале асистенција на вработени во Агенцијата за храна и ветеринарство. Исто така, тие ги попречувале вработените во АХВ кои биле ангажирани за собирање на крупен добиток, а упатувале и закани кон неколку соселани.За настанот е известен јавен обвинител и по негово целосно документирање против лицата ќе биде поднесена соодветна пријава, информираат од МВР.

Македонија | пред 5 месеци

За камиони со калливи гуми глоба од 1.300: Општина Аеродром ја казни и фирмата и управителот

Општина Аеродром изрече вкупна парична казна од 1.300 евра на една градежна фирма поради непочитување на Законот за јавна чистота. На правното лице му е изречена глоба од 1.000 евра, а на управителот дополнителни 300 евра.Казната следи по инспекциска контрола на локација кај Полициската станица Аеродром во Ново Лисиче, каде што било утврдено дека од блиското градилиште во сообраќај се приклучувале камиони со нечисти гуми. Според општинските служби, со тоа се предизвикувало ширење нечистотија и се нарушувала животната средина, што е спротивно на законските правила.Од Општината нагласуваат дека нема да толерираат вакво однесување и дека секое непочитување на обврските за одржување на јавната хигиена ќе биде санкционирано.Во следниот период, Аеродром најавува поинтензивни контроли на сите активни градилишта. Инспекторите ќе проверуваат дали инвеститорите ги спроведуваат мерките за заштита на животната средина, дали ги одржуваат градилиштата чисти и дали избегнуваат зафаќање на јавни површини при изведба на работите.Општината апелира до фирмите и граѓаните да ги почитуваат прописите, со порака дека само со дисциплина и одговорност може да се обезбеди чиста и безбедна урбана заедница.

Скопје | пред 5 месеци

СДСМ со сатирична офанзива: „Гответе со Мицкоски“ – рецепт за политичка лага

СДСМ со јавна објава излезе во жестока сатирична офанзива против ВМРО-ДПМНЕ, објавувајќи текст под наслов „Гответе со Мицкоски – рецепт за лага од кујната на ВМРО-ДПМНЕ“.Во политичкиот памфлет, напишан во форма на кулинарски водич, СДСМ ја исмева владејачката партија откако ВМРО-ДПМНЕ ги поврзуваа со наводни злоупотреби на ИПАРД-фондовите. СДСМ ги напрекува ВМРО-ДПМНЕ „долго готвена каша од лаги“.Во саркастичниот текст се „мери и меша“ цел политички список: Зоран Заев, Венко Филипче, „прстофат поранешен министер“ и неколку роднини – како алегорија за тоа како, според СДСМ, ВМРО-ДПМНЕ ја конструира својата реторика.„Заев мора долго да се динста, и пет години откако е во политичка пензија. Венко, како свеж, се меша со претходно маринирани лаги“, стои во текстот, кој преку иронија го критикува наративот за семејни врски, корупција и злоупотреби.Памфлетот завршува со „тајната состојка“ – потсетување дека ИПАРД е европски фонд со исклучително строги правила, дека средствата се исплаќаат како рефундација и дека секој прекршок е под европска контрола. СДСМ саркастично додава дека вистинскиот проблем е кај „директорот, панкерот и кумовските врски на Мицкоски“.Во соопштението, опозициската партија посочува дека ВМРО-ДПМНЕ „има многу добри готвачи, учени од најдобриот шеф Груевски“, воведувајќи нов бран политичка иронија. Памфлетот завршува со порака: „ВМРО-ДПМНЕ лаже – а народот знае: кој лаже, тој и краде.“Сатиричниот настап на СДСМ е дел од заострената реторика меѓу двете најголеми партии, во период кога политичката партија е под силни турбуленции и активни внатрепартиски процеси.

Македонија | пред 5 месеци

Комунална хигиена: Илјадници кубици нелегален отпад исчистени од скопските улици

Во текот на ноември 2025 година, Еко-патролата на ЈП „Комунална хигиена“-Скопје спроведе вкупно 179 едукативни разговори со стопански субјекти и со граѓани кои биле затекнати при неправилно одлагање отпад. Патролерите ги информирале како правилно да го селектираат и одлагаат комуналниот отпад и отпадот од пакувања, во согласност со законските обврски и со цел подигање на јавната свест за заштита на животната средина и јавното здравје.Паралелно со едукативните активности, екипите на претпријатието во истиот период подигнаа и транспортираа 1500 кубни метри непрописно одложен отпад – мешан комунален, кабаст и градежен. Интервенциите биле извршени речиси во сите скопски општини, како и на локациите познати како „црни точки“, каде што е забележано континуирано фрлање отпад на јавни и сообраќајни површини.Од ЈП „Комунална хигиена“-Скопје појаснуваат дека во наведениот извештај не се вклучени количините отпад собрани во рамки на масовната акција за чистење на градот, што се одвиваше од 6 до 9 ноември.

Скопје | пред 5 месеци

Корупциски потрес во европската дипломатија: истрагата стигнува до највисоките редови на ЕУ

Брисел е потресен од сериозен корупциски скандал во кој се вмешани две од најпознатите фигури на европската дипломатија. Поранешната шефица за надворешна политика на ЕУ, Федерика Могерини, и високиот дипломат Стефано Санинио се меѓу тројцата формално обвинети за измама, корупција во јавни набавки, судир на интереси и оддавање службена тајна, соопшти Европското јавно обвинителство (ЕППО).Тројцата биле приведени во вторникот во рамки на истрага поврзана со сомнежи дека престижниот „College of Europe“ во Бриж – во кој Могерини е ректорка – однапред добивал информации за тендерот за Европската дипломатска академија, деветмесечна програма што ја организира Европската служба за надворешно дејствување (EEAS). По приведувањето, сите се пуштени да се бранат од слобода, откако ЕППО оценил дека нема ризик од бегство.Покрај Могерини и Санинио, осомничен е и уште еден висок службеник на Европската комисија. Според ЕППО, претреси биле извршени во просториите на EEAS и College of Europe со цел да се утврди дали институцијата била унапред запознаена со критериумите на тендерот и дали добила неправедна предност пред останатите конкуренти.Могерини беше потпретседателка на Европската комисија и висока претставничка за надворешна политика од 2014 до 2019 година, додека Санинио е еден од најискусните дипломати на ЕУ и до неодамна беше генерален секретар на EEAS. Нивното приведување предизвика неверување во дипломaтските кругови, каде двајцата долго време важеле за клучни фигури со беспрекорна кариера.Скандалот ја погоди Европската унија во чувствителен момент. Политико оценува дека ова е најголемиот предизвик со кој се соочува претседателката на Европската комисија Урсула фон дер Лаен, една година по почетокот на вториот мандат. Таа веќе е под притисок поради обвинувања за недоволна транспарентност, а оваа истрага – која временски се поклопува со почетокот на нејзиниот прв мандат – дополнително го зголемува политичкиот ризик.Критичарите веднаш го искористија случајот за да побараат ново гласање за недоверба кон фон дер Лаен – четврто по ред. Додека истрагата продолжува, ЕК инсистира дека сите осомничени се невини додека судот не докаже спротивно, но Брисел веќе ја чувствува тежината на најголемиот корупциски потрес во европската дипломатија последниве години.

Свет | пред 5 месеци

ЕУ сака да стопира влез на кинеска роба преку Тему и Шеин

Европа се соочува со невидена навалица од мали пратки од Кина – дури 12 милиони пакети дневно, најчесто со облека, козметика и играчки купени преку платформите Shein и Temu, покажуваат податоците на Европскиот економски и социјален комитет (ЕГСО). Минатата година во ЕУ влегле 4,6 милијарди такви пратки, а оваа бројката може да ја надмине границата од 6 милијарди.ЕГСО предупредува дека ваквата динамика претставува директна закана за европската трговија, работните места и здравјето на потрошувачите. „На удар сме од цунами,“ изјави Емили Прузет од француската работодавачка асоцијација MEDEF, додавајќи дека европските институции едноставно не успеваат да го следат темпото на кинеските платформи.Европските трговци тврдат дека Shein и Temu имаат нереално ниски цени поради тоа што не ги применуваат европските индустриски, еколошки и здравствени стандарди. Производите што се продаваат преку нивните апликации често избегнуваат тестирања задолжителни во ЕУ, а компаниите немаат обврска да ја рециклираат вратената стока.Финската федерација на трговци наведува дека многу артикли се до 40% поевтини од оние во продавниците во земјата. Но, поевтиното носи сопствени ризици: финските инспектори утврдиле дека 90% од тестираниот увоз од платформите не ги исполнува европските стандарди, а половина од тие производи биле опасни.Слични алармантни резултати доаѓаат и од Франција, каде при инспекција на 200.000 пакети од Shein, дури 80% не биле во согласност со стандардите на ЕУ.Покрај здравствените и безбедносните ризици, голем проблем е и фактот што на мали пратки до 150 евра не се плаќа царина, што резултира со милионски загуби за европските земји. Во Финска бројот на вакви пратки пораснал од еден милион на 50 милиони за само три години.Европските институции предупредуваат дека системот не може да го контролира огромниот прилив на милионски индивидуални пратки, бидејќи увозник е самиот потрошувач, а не компанија. За разлика од големите контејнери, кои се тестираат на граничните премини, малите пакети практично се непрегледливи.Сепак, Европската комисија најавува дека ќе воведе построги контроли и дека ослободувањето од царина за пакети до 150 евра ќе биде укинато, што би требало да ја намали навалата на евтин увоз и да ги заштити европските потрошувачи и трговци.Европските власти бараат решението да почне уште во Кина – со проверка на стоката пред да се испрати кон европскиот пазар. Останува да се види дали Пекинг ќе биде подготвен на такви компромиси.

Свет | пред 5 месеци

„Тему не праи толку пари колку што ќе направи МВР“

Инфлуенсерката и критичарка позната под псевдонимот Ина Многуфина со само неколку статуси успеа да го долови расположението на јавноста по стартот на проектот „Безбеден град“. Низ комбинација од иронија и сурова реалност, таа ја опиша колективната „паника“ што ја зафати државата, но и хаосот во сообраќајните навики што системот само ја оголи.Првиот нејзин статус, објавен уште пред стартот на тест-периодот, стана хит:„Се исфенирав за утре да не се брукам на Сејф сити камерите.“Со едно единствено хумористично вметнување, Многуфина го погоди стравот на возачите дека повеќе никој не може да помине незабележано.Вчера реагираше на бројката од 110.000 регистрирани прекршоци за само 24 часа:„110.000 за 24 часа на неколку улици во Скопје и автопат. Ние ќе си купиме море за една година“.Иронично, но во суштина – пресликано од реалноста која покажува колку длабоко се вкоренети сообраќајните прекршоци.Со уште поостар сарказам, инфлуенсерката го спореди профитот што го очекува МВР со популарната онлајн платформа Тему: „Тему не праи толку пари колку што ќе направи МВР“.Коментар што многумина директно го споделија како политичко-економска анализа замотана во две реченици.А најголем интерес предизвика статусот кој ги отвори прашањата околу системот и начинот на добивање казни: „Убаво ова со Сејф сити, ама каде да провериме кој тел и мејл ми се во МВР за казни? На регистрација ништо не ме прашуваат. Да не се изненадам за 5 месеци од казни со камати, па да треба бубрег да оставам.“Ина Многуфина успеа во нешто што ретко кому му успева: да ја претвори општествената нервоза во хумористична критика без да ја ублажи суштината на потенцијалните проблеми. Нeјзините статуси за „Безбеден град“ не се само шеги – тие се огледало на реалноста која јавноста ја препознава.

Коментари | пред 5 месеци

Унгарски министер: Украина воено ја загуби војната

Унгарскиот министер за одбрана Кристоф Салаи-Бобровницки изјави дека, според ставот на неговата влада, Украина „воено го загубила“ војната со Русија. Изјавата ја пренесе Ukrainska Pravda, повикувајќи се на унгарската агенција Telex.hu.Министерот оцени дека додека трае „отворена вооружена конфронтација во соседството“, опасноста од намерна или случајна ескалација е „многу висока“ и претставува ризик и за Унгарија. Тој повтори дека решението мора да биде дипломатско, а не воено.Салаи-Бобровницки тврдеше дека американските напори за постигнување мир ги „поткопуваат европските лидери“, обвинувајќи ги дека сакаат да го продолжат конфликтот. „Унгарија и понатаму стои на страната на мирот“, рече тој.Повторувајќи ги тезите што Будапешта ги изнесува со месеци, министерот наведе дека секој ден „околу илјада украински борци се отстрануваат од бојното поле“, од кои една четвртина загинуваат. Тој спомена и дека украинската инфраструктура и земјоделство се во тешка состојба и, како што рече, тоа има „директни негативни последици и врз Унгарија“.Според него, украинската армија наводно функционира со околу 40% од капацитетот, додека руските сили со 70%, па затоа „Украина од воен аспект го има загубено овој конфликт“.На 28 ноември во Москва, унгарскиот премиер Виктор Орбан се сретна со Владимир Путин, повикувајќи на брз прекин на војната, но истовремено изрази надеж за стабилни енергетски договори со Русија. Орбан и повтори на Москва својата теза дека Украина би требало да добие статус на „тампон-зона“ по завршувањето на конфликтот.

Свет | пред 5 месеци

Висок функционер на НАТО: Путин блефира!

Висок функционер на НАТО, зборувајќи неофицијално со новинарите во пресрет на состанокот на министрите на Алијансата, изјави дека Владимир Путин „блефира“ кога зборува за подготвеност за војна против Европа. Според него, Русија и натаму има значителни воени капацитети, особено со искуството стекнато во Украина, но тоа не значи дека Кремљ има реална намера или сила за поширока конфронтација.„Путин може да тврди дека е подготвен за војна. Но кога тој нешто ќе каже – често не е така. Не верувам дека Владимир Путин е подготвен за судир со Европа“, изјави функционерот, пренесува European Pravda.Тој додаде дека Русија можеби произведува доволно оружје и располага со економска основа за продолжени воени операции, но смета дека Москва е свесна за една клучна работа – дека НАТО ќе возврати силно и обединето.„Дури и да има капацитет да почне војна, Русија нема капацитет да победи. А најважно е што Путин знае дека НАТО е исклучително обединет во одбраната на своите сојузници“, нагласи функционерот.Главниот секретар на НАТО, Марк Руте, веќе најави дека Алијансата ќе биде вклучена во разговорите за евентуални елементи од мировниот договор меѓу Украина и Русија, особено во деловите кои се однесуваат на НАТО и безбедносните гаранции.

Свет | пред 5 месеци

TikTok преплавен со лажни АИ-видеа: милијарди прегледи за дезинформации и сексуализиран материјал

TikTok се соочува со нов бран на злоупотреби по откритието дека стотици профили масовно објавуваат содржини создадени со вештачка интелигенција, меѓу кои и антиимигрантски видеа, лажни вести и сексуализирани снимки. Според ново истражување на париската организација AI Forensics, само во еден месец овие профили објавиле повеќе од 43.000 видеа и собрале неверојатни 4,5 милијарди прегледи.Истражувањето идентификувало 354 профили кои речиси во целост се потпираат на АИ. Некои објавувале и до 70 видеа дневно, што упатува на автоматизација со цел да се „измами“ алгоритамот и да се произведе вирусен ефект. Повеќето од овие профили се активирани во текот на 2025 година.Голем дел од најактивните канали објавувале сексуализирани видеа со АИ-креирани женски ликови, стереотипно прикажани со провокативна облека и нагласени физички атрибути. Во дел од материјалите биле сексуализирани и ликови што изгледале малолетно. Истовремено, расте бројот на видеа со манипулативни имигрантски наративи и лажни вести, дел од нив визуелно стилизирани како прилози од Sky News или ABC. По пријавите, TikTok дел од нив ги избришал.AI Forensics предупредува дека повеќе од половина од содржината не била означена како АИ-генерирана, а само околу 2% носеле официјална TikTok-ознака – што ја зголемува опасноста од дезинформации и злоупотреби. Неколку десетици профили биле избришани дури по месеци активност, што укажува дека многумина успеваат да ја избегнат модерацијата.Од TikTok тврдат дека извештајот е „неоснован“ и дека се издвоени како пример за проблем кој ја погодува целата индустрија. Од компанијата велат дека редовно отстрануваат штетна АИ-содржина, блокираат создавање на стотици милиони бот-профили и инвестираат во подобрување на системите за означување. Според нивните податоци, платформата веќе регистрирала најмалку 1,3 милијарди АИ-генерирани објави.Сепак, истражувачите предупредуваат дека ваквите видеа можат да влијаат врз јавната перцепција, политичкиот дискурс и безбедноста на ранливи групи, што отвора сериозни прашања за иднината на регулирањето на АИ во социјалните мрежи.

Свет | пред 5 месеци

Израел се дели: да служат ли Хасидите во војска?

Израел се соочува со сериозна политичка и општествена криза поради најавените промени во регрутацијата на ултраортодоксните Евреи (Хареди), кои со децении уживаат изземање од задолжителната воена служба. По повеќе од две години војна, јавноста драстично го смени ставот: расте притисокот и од световните и од дел од религиозните Евреи оваа заедница конечно да биде опфатена со регрутацијата.Законот што се разгледува во Кнесетот ја укинува долгогодишната привилегија што му овозможуваше на околу 60.000 Хареди мажи да не служат во војска под изговор „целодневно верско образование“. Иако изминатата година биле испратени околу 24.000 повици за регрутација, одѕивот бил минимален – едвај 1.200 лица. Прашањето излезе на улиците: низ Ерусалим се одржаа масовни протести, а забележани се и напади врз Хареди политичари.Ултраортодоксната заедница смета дека од нив се бара да изберат меѓу верата и државата. „Нашата војска е изучувањето на Тората“, велат нивните водачи, уверени дека молитвата ја штити земјата исто колку и оружјето. Но, во остатокот од Израел расте чувството дека товарот не е праведно распределен, особено по огромниот број загуби во текот на конфликтот.Премиерот Бенјамин Нетанјаху е под силен политички притисок. Хареди-партиите се столб на неговата коалиција и инсистираат изземањето да продолжи. Законот што го предложи предвидува регрутација на само 10.000 студенти во две години – бројка што критичарите ја сметаат премала и козметичка. Опозицијата го нарече законот „срамота“ и „предавство“, а дури и дел од неговите сојузници предупредуваат дека со ова се загрозува иднината на државата.Прашањето сега го дели Израел по најдлабоката линија: дали еднаквоста пред државата важи за сите, или верската традиција има предност? Се работи за конфликт што ги погодува темелите на националниот идентитет – дали Израел е пред сè модерна држава со обврски за сите, или земја која над сè го штити својот религиозен континуитет.

Свет | пред 5 месеци

Зеленски отворено: Се плашам

Украинскиот претседател Володимир Зеленски јавно призна дека стравува оти САД би можеле да го изгубат интересот за организирање мировен договор меѓу Киев и Москва, пренесува „Скај њуз“. На заедничка прес-конференција со ирскиот премиер Михаел Мартин во Даблин, Зеленски изрази умерен оптимизам за текот на преговорите, но и сериозна загриженост дали Вашингтон ќе остане целосно ангажиран.Тој посочи дека е охрабрен од засилената дипломатска активност на американската администрација и напорите да се најде пат кон прекин на конфликтот. „Имаше мал оптимизам во моите зборови поради брзината на разговорите и интересот од американска страна. Тоа покажа дека Америка не се повлекува од дијалогот, и тоа е добро“, рече Зеленски.Но, на директно прашање дали се плаши дека САД би можеле да се изморaт од процесот, тој одговори искрено: „Да, се плашам. Ако некој од нашите сојузници се измори...“ Притоа додаде дека целта на Русија е „да го извлече американскиот интерес од оваа ситуација“.Зеленски најави дека очекува повратни информации од американските претставници по средбата на специјалниот пратеник Стив Виткоф и Џеред Кушнер со рускиот претседател Владимир Путин во Москва. Тој истакна дека е подготвен повторно да се сретне со претседателот Доналд Трамп, но дека средбата зависи од резултатите на разговорите во руската престолнина.Од американска страна се очекува да биде презентирана изменета верзија на планот од 28 точки за прекин на војната – документ што претходно предизвика жестоки критики поради наводната наклонетост кон руските позиции. Украина останува цврста во ставот дека нема да прифати никакви територијални отстапки и дека секој мировен договор мора да гарантира целосен суверенитет и безбедност на државата. Дел од украинските функционери стравуваат дека предложените безбедносни гаранции нема да бидат доволно силни, особено ако не наликуваат на заштитата што ја нуди членот 5 од НАТО.Русија, пак, инсистира дека дополнителни гаранции не се потребни, а Путин изјави дека нема намера да продолжи со непријателствата – но истовремено испрати заканувачка порака до Европа.„Ако Европа сака да започне војна со нас, ние сме подготвени веднаш“, изјави тој, додавајќи дека Москва ја смета ЕУ за оддалечена од преговорите поради прекинатите односи и санкциите.Путин обвини дека европските лидери намерно поставуваат „неприфатливи услови“ за да го прикажат Кремљ како пречка за американските дипломатски напори. Украинската страна, пак, предупредува дека Русија токму преку воени притисоци и пропагандни изјави се обидува да ја засили својата преговарачка позиција во пресрет на новите дипломатски рунди.Ситуацијата останува исклучително неизвесна, а изјавата на Зеленски дека „се плаши“ од можен американски замор дополнително ја нагласува ранливоста на процесот кој би требало да ја одреди иднината на украинско-рускиот конфликт.

Свет | пред 5 месеци

ВМРО-ДПМНЕ обвинува за нерегуларности околу грант од 1,4 милиони евра за „Мамас“ и бара истрага од ЈО

ВМРО-ДПМНЕ денеска излезе со соопштение во кое упатува серија обвинувања за, како што наведуваат, можни злоупотреби во доделувањето на грантови и постапките во аграрниот сектор во периодот на владеење на СДСМ. Според опозициската партија, компанијата „Тргопродукт“ – позната по брендот „Мамас“ и во сопственост на семејството Заеви – во 2022 година добила грант од 1,4 милиони евра преку ИПАРД-програмата, што тогаш претставувало втор најголем доделен грант во рамки на оваа програма.Партијата тврди дека грантот следел по, како што наведуваат, „отпишување на жито вредно 800.000 евра“ во претходниот период. Од ВМРО-ДПМНЕ го поврзуваат тогашниот премиер Зоран Заев, министерот за здравство Венко Филипче и министерот за земјоделство Љупчо Николовски со, според нив, „взаемни услуги“ и „криминални шеми“.Опозицијата бара Јавното обвинителство да отвори постапка и да ги испита, како што наведуваат, сите околности поврзани со доделувањето на средствата и евентуални злоупотреби. „ЈО треба да постапи и да ги истражи случаите“, стои во соопштението.Во него, ВМРО-ДПМНЕ дополнително наведува дека Николовски и Филипче се дел од „коруптивна структура“ и дека, според нив, СДСМ не може да се профилира како конструктивна опозиција без „расчистување со компромитирани кадри“.Надлежните институции засега не реагирале на тврдењата, а никој од споменатите не се огласи со став.

Македонија | пред 5 месеци

Напнатата реторика на Балканот – Вучиќ предупредува на „ескалација без преседан“

Српскиот претседател Александар Вучиќ оцени дека напредокот на руските сили на украинското бојно поле создава растечка нервоза во рамки на НАТО. Според него, сите „кои реално ја следат ситуацијата“ мора да признаат дека руските сили бележат успех на неколку клучни фронтовски линии – кај Покровск, Красни Лиман, Купјанск, Вовчанск, Хуљајполе, Северск и Константиновка.„Кога ќе се погледне развојот на ситуацијата, станува јасно дека расте тензичноста. Прашање е само како долгорочно ќе изгледаат работите“, изјави Вучиќ.Српскиот претседател тврди дека потенцијалните планови на НАТО за таканаречени превентивни удари врз Русија претставуваат „сериозна закана“, иако од Алијансата не постојат официјални најави за такво сценарио.„Кога ја спомнав оваа можност, ми рекоа да не преувеличувам. За жал, ова е реалност во која живееме“, рече Вучиќ.Овие негови тврдења доаѓаат по изјавата на адмирал Џузепе Каво Драгонe, претседател на Воениот комитет на НАТО, кој зборуваше за потребата од поагресивен одговор на хибридните напади од Русија. Драгонe посочи дека „превентивен удар“ во теорија би можел да се смета за одбранбена акција, иако таков пристап е надвор од вообичаената доктрина на Алијансата.Вучиќ предупреди дека Москва би можела жестоко да одговори доколку навистина дојде до превентивни удари од НАТО.„Не би ме изненадило Русија да реагира многу пожестоко отколку во Украина, вклучително и со употреба на тактичко нуклеарно оружје“, изјави тој, додавајќи дека Москва досега наводно покажувала воздржаност.Вучиќ нагласи дека не сака да се меша во, како што го нарече, „братоубиствениот конфликт“ меѓу Русија и Украина, но повтори дека опасноста од ескалација е реална и загрижувачка.Со оваа реторика, српскиот претседател повторно го позиционира Белград како актер кој внимателно го следи развојот на глобалната безбедносна криза, но и како лидер што честопати испраќа алармантни пораки за можни геополитички потреси.

Балкан | пред 5 месеци

Могерини стана најголемиот проблем за Фон дер Лајен – истрагата за измама отвори нова криза

Урсула фон дер Лајен се најде пред најтешкиот тест од преземањето на нејзиниот втор мандат на чело на Европската комисија: случај за наводна измама што вклучува две високи фигури од Брисел ѝ се заканува да се претвори во институционален земјотрес со потенцијал да ја разниша довербата во ЕУ.Само година по реизборот, Фон дер Лајен веќе беше под притисок поради критики за недоволна транспарентност и напнати односи со надворешнополитичкото крило на Унијата. Сега, новата истрага отвора прашање дали ќе успее да се дистанцира од скандал чии корени водат до нејзините први години во ексекутивата.Канцеларијата на Европскиот јавен обвинител во вторникот објави дека поранешната прва дипломатка на ЕУ, Федерика Могерини, и високиот европски службеник Стефано Санино се приведени како дел од истрага за спорен тендер од 2021–2022 година за основање дипломатска академија на Колеџот на Европа, каде Могерини моментално е ректор.Обвинителството соопшти дека постојат „силни сомнежи“ дека постапката за јавни набавки не била спроведена фер и дека, доколку се потврдат фактите, случајот може да имплицира измама, корупција, судир на интереси и нарушување на службената тајна.Овој развој веднаш го активираше најостриот политички фронт против Фон дер Лајен. Критичарите искористија момент за да бараат ново гласање за недоверба. „Кредибилитетот на нашите институции е во прашање,“ предупреди Манон Обри, копретседателка на групата Левица во Европскиот парламент.Ако обвинувањата се потврдат, би станало збор за најголемиот скандал во Брисел по масовната оставка на Комисијата на Жак Сантер во 1999 година, пишува Политико.Могерини, која ја предводеше Европската служба за надворешни работи од 2014 до 2019 година, и Санино, кој беше нејзин генерален секретар од 2021 до оваа година, сега се во фокусот на истрагата.Санино, кој неодамна премина на висока позиција во Комисијата на Фон дер Лајен, веќе беше под лупа поради начинот на кој се одвиваше неговиот премин од ЕЕАС кон Комисијата.Скандалот доаѓа во момент кога Европската унија се обидува да демонстрира стабилност и единство, а истрагата – и политичката бучава што ја придружува – ризикува да го втурне Брисел во криза со непредвидливи последици.

Свет | пред 5 месеци

Поради здравствени проблеми, премиерот Мицкоски денес нема да се појави на македонско–српскиот бизнис форум

Премиерот Христијан Мицкоски утрово ја откажа својата агенда и нема да присуствува ниту да се обрати на големиот македонско–српски бизнис форум што во текот на денот ќе се одржи во хотелот „Александар палас“ во Скопје. Владиниот портпарол соопшти дека причината е здравствена, но не се посочуваат дополнителни детали.И покрај отсуството на премиерот, настанот ќе се одвива според предвидената програма. На форумот ќе учествуваат над 200 компании од двете држави, со повеќе од 300 претставници од приватниот сектор, со цел да се отворат нови економски канали и да се забрза соработката.Пред почетокот на форумот, во зградата на Владата ќе биде потпишан Меморандум за разбирање меѓу Северна Македонија и Србија. Документот ќе го стават потписите заменик-претседателот на македонската Влада и министер за односи меѓу заедниците, Иван Стоилковиќ, и српската заменик-претседателка на Владата и министерка за економија, Адријана Месаровиќ.Стоилковиќ и Месаровиќ вчера ги посетија „Пекабеско“ и винаријата „Камник“, каде што во изјави за медиумите посочија дека потенцијалот за продлабочување на економските врски е значително поголем од досегашните резултати. Особено е нагласен просторот за раст во прехранбената индустрија и плановите за зголемување на билатералната размена.Иако годинава е забележано зголемување на трговската размена меѓу двете земји, функционерите на двете влади се согласни дека реалните можности се многу пошироки и дека само дел од нив е искористен.

Македонија | пред 5 месеци

Кичевски за „распадот“ на СДСМ го обвинува Филипче: „Коцкарот кога губи, посегнува и по последното што го поседува, а тоа е неговиот дом“

Внатрепартиските тензии во СДСМ добија нова димензија откако поранешниот висок функционер Васко Кичевски јавно го обвини лидерот Венко Филипче дека со последните политички потези ја влече партијата во опасна зона.Според него, начинот на кој се води СДСМ не наликува на демократска организација и личи на управување мотивирано од личен опстанок, а не од интересот на членството. Кичевски смета дека Филипче се наоѓа во улога на човек кој очајнички се обидува да се одржи на позицијата и при тоа ги префрла вините за неуспесите на сите други околу себе.„Коцкарот кога губи, посегнува и по последното што го поседува, а тоа е неговиот дом,“ предупредува тој, алудирајќи дека Филипче ја става партијата на коцка само за да се зачува лично. Во неговата анализа, лидерот на СДСМ е соочен со две можни патеки, но ниту една не носи стабилност. Првата е да се обиде да постигне договор со различните струи во партијата, но тогаш, како што вели Кичевски, Извршниот одбор би останал суштински ист и „диригентската палка, се разбира, нема да биде кај Венко“.Втората опција е Филипче да формира автономен Извршен одбор составен според негови мерки и без влијание на внатрешните групации, но тогаш ризикува да остане без кворум во Централниот одбор, што практично би ја блокирало способноста на партијата да носи одлуки. Кичевски дополнително укажува дека последните чекори на раководството само го разголиле суштинскиот проблем: отсуство на демократски механизми и концентрација на моќ без контрола. „Потегот што го повлече Венко уште еднаш покажува дека СДСМ е султан-партија и нема никаква врска со демократска партија,“ вели тој, инсистирајќи дека моделот на функционирање мора да се промени од темел. Како излез, Кичевски смета дека измената на Статутот е неопходна и итна, бидејќи само со сериозна реформа партијата може да го врати демократискиот капацитет и да спречи понатамошно продлабочување на кризата што, според него, веќе станува егзистенцијална.

Македонија | пред 5 месеци

Москва и Вашингтон без напредок, мировната формула за Украина засега нема успех

Мисијата на американските пратеници во Москва заврши без договор. Посетата на Стив Виткоф, главниот преговарач на Доналд Трамп, и Џаред Кушнер, што требаше да внесе брзина во мировните разговори за Украина, само ја истакна длабоката дистанца меѓу двете страни. Пет часа разговори со Владимир Путин не беа доволни за да се затвори ниту едно од спорните прашања.Според Кремљ, средбата била „работна и отворена“, но американскиот предлог – веќе преработуван неколку пати на барање на Киев и европските држави – сè уште содржи точки што Русија ги смета за недозволиви. Американската делегација не даде ниту една изјава по напуштањето на Москва.Неколку часа пред средбата, Путин испрати најостра порака до европските лидери во последните месеци. Тој ги обвини дека живеат „под илузија“ дека Русија може да биде стратешки поразена и повтори дека Москва „не планира војна со Европа“, но дека ќе реагира ако европските држави „ја отворат таа врата“.Овие пораки го засилија впечатокот дека Кремљ сака поголема дистанца од европските модификации на американскиот план, кои Киев ги турка како услов за прифатлив договор.Русија и Украина остануваат најдалеку токму таму каде што е тешко да се најде компромис: контрола на териториите и идните безбедносни гаранции. Москва инсистира Киев да се откаже од дел од својата територија, а Украина бара гаранции што би ја спречиле нова руска офанзива – вклучително и гаранции што Кремљ ги смета за провокација.Европските партнери, пак, имаат свои, често различни позиции за тоа што е прифатлив мир, па мировниот документ се менуваше неколку пати во само неколку недели. Кремљ призна дека има делови што можат да бидат основа за договор, но високите руски претставници велат дека компромис „сè уште не е видлив“.

Свет | пред 5 месеци

Шок промени во СДСМ: Извршниот одбор колективно си поднесе оставка

На денешната седница на Извршниот одбор на СДСМ, по предлог на претседателот д-р Венко Филипче, целото раководство колективно поднесе оставка. Од функциите се повлекоа заменик-претседателката, потпретседателите, генералниот секретар, организациските секретари, како и сите членови на Извршниот одбор.Оставките се доставени до Централниот одбор и до претседателот Филипче, кој го води процесот на длабоки внатрепартиски реформи.Според соопштението, овој чекор се оценува како „одговорен и морален“, со кој раководството отвора простор за „нова сила, нова енергија и ново поглавје“ на СДСМ.Партијата најавува период на кадровско освежување, реорганизација и мобилизација, со вклучување на нови лица во највисоките структури.На една од следните седници на Централниот одбор, претседателот Филипче ќе предложи нов состав на органите на партијата. Од СДСМ уверуваат дека на сите функции ќе бидат избрани „најкомпетентните личности“.Со ова, СДСМ започнува најголема реконструкција на раководството во последната деценија – процес кој треба да ја одреди идната стратегија и позиција на партијата на политичката сцена.

Македонија | пред 5 месеци