Мајка пријавила дека нејзината ќерка била нападната од поранешниот сопруг додека престојувала кај него.На 30.11.2025 во 22:30 часот во СВР Скопје, 36-годишна жена од скопско, пријави дека, додека нивната малолетна ќерка престојувала кај нејзиниот поранешен сопруг Д.И.(39), била физички нападната од него. Се преземаат мерки за расчистување на случајот.
Скопје | пред 5 месеци
Гинекологот Венци Чалков од Гевгелија, еден од обвинетите во случајот за смртта на родилката Маја Кадиева и нејзиното бебе, почина само неколку дена откако Врховниот суд ја објави конечната пресуда со која му изрече 10 месеци ефективна затворска казна. Неговата смрт дополнително го обележува случајот што повеќе од десет години се влечеше низ македонскиот судски систем.Трагедијата се случи на 22 октомври 2015 година во Општата болница во Гевгелија. Во истата постапка беа опфатени и вториот гинеколог Дончо Москов, како и анестезиолозите Зоран Јовановски и Томе Ванчев. Јовановски почина уште во фазата на истрага, додека Ванчев го загуби животот пред две години, па со смртта на Чалков тројца од четворицата обвинети веќе не се меѓу живите.Обвинетите се товареа за кривичното дело „Тешки дела против здравјето на луѓето“ (член 217 став 4 КЗ), за кое е пропишана казна од шест месеци до пет години затвор.Судската сага имаше повеќе пресврти: Основниот суд Велес во два наврати ги ослободуваше гинеколозите, а Ванчев беше единствениот што доби ефективна казна. Апелација ги потврдуваше одлуките, сѐ додека пролетта годинава Врховниот суд не наложи повторно одлучување.По враќањето на предметот, Апелација Скопје им изрече условни казни на двајцата гинеколози. Но, во трката со застарувањето, Врховниот суд на јавна седница одржана на 6 октомври интервенираше уште еднаш. На 22 октомври – последниот ден од рокот – беше донесена конечната верзија на пресудата.Со неа, условната казна на Чалков беше преиначена во 10 месеци затвор, додека за Москов остана претходната алтернативна санкција – шест месеци затвор што ќе се активираат само доколку во следните две години направи ново кривично дело.
Македонија | пред 5 месеци
Дизел горивото од ноќеска на полноќ поевтинува за еден денар по литар, а цената на бензините останува иста, одлучи денеска РКЕ. Со одлуката се врши намалување на малопродажните цени на нафтените деривати во просек за 1,1 отсто.Новата малопродажна цена на ЕУРОДИЗЕЛ БС (Д-Е V) ќе биде 69,5 денари за литар, а на Екстра лесното масло за горење (ЕЛ-1) 66,5 денари. ЕУРОСУПЕР БС – 95 и понатаму ќе се продава за 75, а ЕУРОСУПЕР БС – 98 за 77 денари за литар.Со одлуката на РКЕ за 0,902 денари за килограм се намалува и малопродажната цена на Мазутот М-1 НС и ќе изнесува 33,963 денари.Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,220 отсто, кај дизелот за 3,302, кај екстра лесното масло за 2,323 и кај мазутот за 4,403 отсто. Курсот на денарот во однос на доларот по кој беа формирани цените со претходната пресметка е понизок за 0,0096 отсто.
Македонија | пред 5 месеци
По инцидентот во Кичево, кога полицијата ја прекина нејзината вечер и ја приведе заедно со членовите на бендот, пејачката Џејла Рамовиќ се огласи со своја верзија на настаните. Таа нагласува дека имала целосна документација за настапот и дека прекинот се случил поради пропусти на организаторот, а не поради неуредност од нејзина страна. Рамовиќ потврди дека веќе во петок ќе настапи во Скопје и дека инцидентот нема да ја одвои од македонската публика.„Сакам да нагласам дека од моја страна и од страна на мојот бенд, сите потребни документи и дозволи за настапот во Кичево беа правилно подготвени и доставени до организаторот, со целосната постапка што редовно ја следиме кога доаѓаме во Македонија“, вели Рамовиќ.Таа објаснува дека организаторот ја уверил дека сите дополнителни дозволи се обезбедени и дека сè е во согласност со договорот.„И покрај ова, настапот беше прекинат неколку минути пред крајот, наводно поради недостаток на работни дозволи, иако нашата документација беше целосно во ред. Жал ми е за непријатностите што ги доживеаја сите што дојдоа на мојот настап. Ситуацијата се појави од причини на кои не можев да влијаам на никаков начин, ниту пак е вина на мојот тим и мене“, додава таа.Рамовиќ им порача на своите обожаватели дека овој инцидент нема да ја промени нејзината поврзаност со македонската сцена.„Македонија е земја што многу ја сакам и секогаш сакам да се враќам. Исто ќе биде и сега, бидејќи веќе се дружиме во петок во Скопје“, истакна пејачката.
Македонија | пред 5 месеци
На 30.11.2025 во 00.10 часот, полициски службеници од СВР Штип - ОВР Свети Николе, во содејство со инспектори од Дирекција за заштита и спасување, Државен пазарен инспекторат, Управа за јавни приходи, Државен трудов инспекторат и Центар за социјални работи, извршија контрола во угостителски објект во Свети Николе.При контролата, во угостителскиот објект се затекнати 26 малолетни лица после 24:00 часот, од кои 14 беа под дејство на алкохол.По целосно расчистување и документирање на случајот, ќе следуваат соодветни пријави против одговорните лица. Воедно, од другите ангажирани инспекциски служби утврдени се низа прекршоци за кои ќе бидат поднесени соодветни поднесоци.
Македонија | пред 5 месеци
Групи пензионери од различни делови на државата денеска се собраа пред Уставниот суд во Скопје, изразувајќи го својот став дека моделот на линеарно зголемување на пензиите мора да се задржи. Според нив, токму овој принцип обезбедува поголема правичност за оние со најниски примања.Пред присутните се обрати Зоран Трајков, претседател на иницијативниот одбор што ја организира акцијата.„Нашата борба е за сите идни пензионери, за корка леб и лекови. Не го збориме ова против власта. Ова го збориме за Македонија еднаш да биде обединета. Доста е со поделби. Не за џабе викаат ситиот не му верува на гладниот. Нашиот глас допрва ќе биде чуен“, изјави Трајков.Тој додаде дека протестите нема да запрат тука и најави дека следната нивна локација ќе биде Канцеларијата на Европската Унија на 10 декември.Трајков потсети дека досега пензиите најчесто се зголемувале процентуално, што значело покачувања од 600 до 700 денари – сума што, како што рече, не обезбедува ни основни потреби. Според него, јазот меѓу најниската и највисоката пензија порано бил сооднос 1:4, а денес достигнал 1:7, што, како што предупреди, ќе продолжи да се продлабочува доколку не се задржи линеарниот модел.Пензионерите порачаа дека ќе продолжат со своите активности сè додека, како што велат, не се обезбеди фер и одржлива формула за зголемување на пензиите.
Македонија | пред 5 месеци
Серија силни невремиња и монсунски поројни дождови предизвикаа разорни поплави во Индонезија, Шри Ланка, Тајланд и Малезија, при што во последните неколку дена загинаа повеќе од 1.000 луѓе, а стотици сè уште се водат како исчезнати. Во најпогодените региони и денес траат операциите за пребарување и спасување.Индонезија: Над 500 мртви и повеќе од 500 исчезнати на СуматраИндонезија е најтешко погодена. Во регионот Суматра, бројот на загинати од поплавите достигна 502 лица, а над 500 луѓе не се пронајдени, соопшти Националната агенција за управување со катастрофи. Илјадници семејства останаа без дом бидејќи водата уништи цели населби.Претседателот Прабово Субианто отпатува во Северна Суматра и истакна дека владата веднаш ќе испрати хуманитарна, медицинска и логистичка помош. На терен се ангажирани авиони, хеликоптери и три воени брода, бидејќи делови од патната мрежа се непроодни поради кал и лизгање на земјиштето.Поплавите раселија најмалку 290.700 луѓе во провинциите Северна Суматра, Западна Суматра и Ачех, пренесува АП.Прабово, кој е под притисок да прогласи вонредна состојба, порача дека државата мора поефикасно да се подготвува за климатските промени, а локалните власти да преземат поголема улога во спречување на ризиците.Ова е најсмртоносната природна катастрофа во Индонезија по земјотресот и цунамито на Сулавеси во 2018 година, кога загинаа повеќе од 2.000 луѓе.Шри Ланка: 334 загинати, воен хеликоптер се урна за време на спасувачка мисијаВо Шри Ланка, циклонот Дитва предизвика масовни поплави и лизгање на земјиште. Според Националната агенција за катастрофи, загинале најмалку 334 лица, а стотици исчезнати и понатаму се бараат.Откако дождовите престанаа во неделата, започна најголемата спасувачка акција во последните години. Армијата користи хеликоптери за евакуација на луѓе заглавени во поплавени области. Еден хеликоптер се урнал северно од Коломбо додека превезувал екипи за спасување.Претседателката Анура Кумара Дисанајаке прогласи вонредна состојба и најави целосна реконструкција на погодените подрачја, оценувајќи ја катастрофата како „најтешка во историјата на земјата“ по цунамито во 2004 година.Тајланд: 176 загинати и 3,8 милиони погодени од поплавитеЈужен Тајланд се соочува со една од најтешките поплави во изминатата деценија. Загинаа најмалку 176 луѓе, а властите соопштија дека 3,8 милиони жители и повеќе од 1,4 милиони домаќинства се погодени во 12 јужни провинции.Премиерот Анутин Чарвиракул најави план за обнова, но јавноста остро ја критикува владината реакција. Двајца локални службеници веќе се суспендирани поради пропусти во управувањето со кризата.Малезија: Поплавени делови од Перлис, две жртвиВо северна Малезија, поројните дождови поплавија значителен дел од државата Перлис. Потврдена е смртта на две лица, а локалните власти предупредуваат дека можно е состојбата да се влошува бидејќи монсунската сезона продолжува.Монсун што не запираГолем дел од Азија моментално е во срцето на монсунската сезона, која редовно носи обилни дождови, ненадејни поплави и лизгање на земјиштето. Овогодинешните невремиња, сепак, се меѓу најразорните во последните години.
Свет | пред 5 месеци
СДСМ денеска изнесе нови информации поврзани со фирмата што за шест месеци добила државни тендери во вредност од речиси 9 милиони евра. На прес-конференцијата, портпаролката Богданка Кузеска посочи дека вториот вработен во компанијата – Глигор Поцев – во минатото бил дел од Управата за безбедност и контраразузнавање и бил сведок во предметот „Тврдина–Таргет“ кој се однесува на уништување на опремата за масовно прислушување во времето на Сашо Мијалков.Кузеска рече дека последниот договор што фирмата го добила од Владата е рамковна спогодба за софтверски лиценци за виртуелна платформа и дека тоа отвора сериозни прашања за изборот на кадри и компании во процесите на државни набавки.Од СДСМ сметаат дека е „загрижувачки“ што лице поврзано со разузнавачките структури од тој период, како и со предметот за уништување на системот за прислушување, денес повторно се појавува во фирма која добива договори од повеќе милиони евра.Партијата обвинува дека случајот е дел од, како што велат, „истиот модел на доделување сомнителни тендери“ што го поврзуваат со практиките од времето на претходната власт. Кузеска изјави дека „методите се исти, а целта секогаш е иста – корист за поединци и структури блиски до власта“.СДСМ бара истрага, вклучување на институциите и утврдување на одговорност за начинот на кој е доделен тендерот, нагласувајќи дека „овие дела не застаруваат“.Од Владата засега нема реакција на наводите.
Македонија | пред 5 месеци
Самостојниот синдикат на вработените во Клинички центар „Мајка Тереза“ реагира дека јавниот здравствен систем е сериозно ослабен поради тенденцијата приватните болници да преземаат дефицитарен кадар, што, како што велат, создава дополнителен притисок врз установите во кои државата вложува години преку образование и обука.Од синдикатот истакнуваат дека ваквата пракса го нарушува функционирањето на јавните клиники, ја намалува нивната стабилност и го компромитира квалитетот на услугите за пациентите. Затоа бараат институциите да воведат механизми кои ќе спречат „откупување“ на стручни здравствени работници од приватниот сектор.Паралелно, ССКЦ посочува дека Владата планира темелна реформа на здравствената мрежа – обединување на клиничките центри со регионалните болници, модернизација на инфраструктурата и создавање пофункционален модел на здравствена заштита. Синдикатот смета дека секое кадровско решение мора да се носи врз основа на реалните потреби, систематизацијата и долгорочната стратегија за развој, и тоа по интеграцијата на клиниките од кампусот „Мајка Тереза“.Сериозна загриженост предизвикува и фактот што со години не е потпишан анекс-договорот за Заедничките служби при Клинички центар „Мајка Тереза“. Според синдикатот, анексот е неопходен за подобрување на правната сигурност, мотивацијата и статусот на вработените.Тие предупредуваат дека пролонгирањето се одвива без јасни објаснувања, што создава неизвесност, демотивација и го нарушува професионалниот интегритет на работниците кои секојдневно го одржуваат системот.Синдикатот ги повикува Министерството за здравство, Министерството за финансии и Генералниот секретаријат на Владата итно да дадат согласност за потпишување на анексот со цел да се обезбеди стабилност, правна заштита и финансиска сигурност на вработените.ССКЦ додава дека останува отворен за дијалог, но доколку институциите продолжат да го игнорираат проблемот, ќе ги активира сите законски механизми на синдикално дејствување.
Македонија | пред 5 месеци
Градот Скопје го започна процесот на креирање на буџетот за 2026 година, а градоначалникот Орце Ѓорѓиевски апелира до граѓаните да се приклучат и да ги споделат своите предлози и идеи.Сите граѓани што сакаат да учествуваат во креирањето на буџетот можат да ги испратат своите предлози на e-адресата: gradskibudzet2026@skopje.gov.mk.„Годинава го отвораме процесот на планирање на буџетот за 2026 година заедно со вас, жителите на Скопје, невладиниот сектор, бизнис заедницата и сите кои сакаат да придонесат за подобро, поуредено и пофункционално Скопје. Вашите потреби, ставови и идеи ќе бидат основата врз која ќе го градиме овој важен документ. Работејќи во постојана комуникација со граѓаните, веќе собравме голем број конструктивни предлози. Но процесот е отворен и затоа ве повикувам сите партнерски да се вклучите во создавањето на буџетот кој ќе го забрза повторното заживување на нашиот град“, вели Ѓорѓиевски.Градот информира дека во подготовката на новиот буџет ќе влезат приоритетни капитални инвестиции – дел од инфраструктурата, заштитата на животната средина, спортските содржини и културните проекти. Целта е, велат од градската администрација, со плански инвестиции да се подобри секојдневниот живот на скопјани и да се подигне општиот квалитет на урбаното живеење.„Ова е моментот кога секој може да влијае со конкретна идеја, предлог или забелешка. Верувам дека токму со ова отворено партнерство ќе создадеме стабилна основа за долгорочен развој и силно, достоинствено Скопје“, додава градоначалникот.
Скопје | пред 5 месеци
Сопственикот на „Дурмо турс“, Дурмиш Белули, осуден на 10 години затвор за трагедијата кај Ласкарци, повторно побара одложување на издржувањето на казната, со образложение дека денеска треба да биде подложен на операција. Тој денеска требаше да се јави во затворот „Идризово“.Од Кривичниот суд во Гостивар потврдуваат дека Белули поднел барање за одлагање на казната, приложувајќи болничка документација и упат за операција.„Во барањето е наведено дека од 28 ноември е хоспитализиран и дека за денеска има закажано операција. Судот ќе изврши проверка во болницата за да утврди дали наводите се точни“, информираат од судот.Пресудата за обвинетите во случајот Ласкарци е правосилна од мај. И Белули и Ремзи Мифтари – шеф на возниот парк на компанијата – претходно побараа одложување поради операција на кила. Мифтари во меѓувреме исчезна и полицијата не успеа да го пронајде за спроведување во затвор.За разлика од нив, останатите осудени веќе се во „Идризово“:– возачот Маноил Трифуновски (14 години),– Јане Бобаровски (5 години),– тројцата вработени во техничкиот центар (по 7 години).Несреќата кај Ласкарци се случи во 2019 година, кога автобус на „Дурмо турс“ излетa од автопатот поради делумно неисправни сопирачки. Загинаа 14 патници, а повеќе од 50 беа повредени.Според обвинението, автобусите биле технички прегледувани во станица што формално имала различен правен субјект, но ист сопственик – Белули.
Македонија | пред 5 месеци
Популарната босанска пејачка Џејла Рамовиќ била задржана од полицијата во Кичево за време на акциската контрола, откако инспекторите утврдиле дека настапува без соодветни документи за работа.Контролата била спроведена во ноќта меѓу 29 и 30 ноември во повеќе угостителски објекти покрај магистралниот пат Кичево–Охрид, при што екипите на ОВР Кичево и Регионалниот центар за гранични работи – Запад влегле и во локалот каде што имала настап Рамовиќ.Во просторијата биле затекнати 23-годишната пејачка и членовите на нејзиниот бенд: К.Џ. (27), Е.П. (25), Ф.Ј. (28) и И.К. (24), сите државјани на Босна и Херцеговина.Според полициските службеници, групата изведувала музичка дејност без обезбедена работна дозвола, што претставува прекршок согласно Законот за странци.Случајот веќе е доставен до Основниот суд во Кичево, каде против Рамовиќ и бендот е поднесена прекршочна пријава.БиХ пејачката Џејла Рамовиќ приведена во полициска акција во Кичево – настапувала без работна дозвола.Минатата недела поради сосема иста причина беше приведен и српскиот пејач Аца Лукас кој настапуваше во кавадарци.„Утврдено е дека лицето А.В. (57) од Република Србија настапувало без потребна дозвола. За сторениот прекршок до Основниот суд Кавадарци е поднесено барање за поведување прекршочна постапка, по член 217 став 1 точка 2 од Законот за странци. Лицето е спроведено во Основен суд Кавадарци по скратена постапка, каде му е изречена парична казна“, беше наведено во соопштението на МВР.
Балкан | пред 5 месеци
Маж починал од последиците на сообраќајна несреќа што се случила во швајцарската станбена област Шлирен, Цирих, пишува Blue news.Патник во автомобил – 39-годишен државјанин на Северна Македонија – се здобил со животно-загрозувачки повреди во несреќата што се случила во неделата наутро. Возачот, кој првично избегал од местото, подоцна сам се пријавил во полиција. Друг патник е сè уште во бегство.Кантоналната полиција на Цирих соопшти дека несреќата се случила во саботата околу 23:30 часот. Возач управувал автомобил со повеќе од 500 коњски сили, движејќи се од Енгштрингершрасе кон Грабенштарсе. Во еден момент, возачот изгубил контрола и излетал од патот.Возилото удрило во улично светло, закачило дрво и со предниот дел се забило во фасада од куќа. Повредениот Македонец бил итно пренесен во болница од Итната служба на Лиматал, но подоцна им подлегнал на повредите.Возачот – исто така 39-годишен државјанин на Северна Македонија – и уште една засега непозната патничка избегале од местото на несреќата без да му укажат помош.Полицијата: возачот возел со многу поголема брзинаПолицијата и обвинителството Цирих–Зил отворија истрага. Според траговите, возачот се движел со значително поголема брзина од дозволените 30 км/ч.Кратко пред пладне, возачот сам се пријавил во полиција. Истрагата за непознатата патничка продолжува.
Македонија | пред 5 месеци
Министерството за внатрешни работи информира дека во координирана акциска контрола во Кичево е поднесена прекршочна пријава против група државјани на Босна и Херцеговина кои изведувале музички настап без да поседуваат соодветни работни дозволи.Контролата била спроведена во ноќта меѓу 29 и 30 ноември 2025 година од страна на Одделението за внатрешни работи Кичево и Регионалниот центар за гранични работи – Запад, во соработка со Државниот пазарен инспекторат и Државниот трудов инспекторат, согласно претходно изготвен план за засилени проверки во угостителските објекти.Во еден угостителски објект лоциран на магистралниот пат Кичево – Охрид биле затекнати пејачката Џ.Р. (23) и членовите на музички состав К.Џ. (27), Е.П. (25), Ф.Ј. (28) и И.К. (24), сите државјани на Босна и Херцеговина. При контролата било утврдено дека тие вршеле работа без претходно обезбедена работна дозвола, што претставува прекршок по член 23 став 3 од Законот за странци.Според член 217 став 1 точка 2 од истиот закон, против нив е поднесена прекршочна пријава до Основниот суд Кичево.
Македонија | пред 5 месеци
Властите во Хонг Конг денес продолжуваат со пребарување на преостанатите облакодери уништени во големиот пожар во кој загинаа најмалку 146 лица, а стотици жители останаа без дом и сега се приспособуваат на живот во привремени сместувања.Полицијата ја заврши претрагата на четири од седумте згради што беа зафатени од најсмртоносниот пожар во градот во изминатите повеќе од 75 години. Телата на загинатите биле пронајдени по скалиte и на покривите, каде што биле заробени додека се обидувале да избегаат од огнената стихија.Во текот на неделава ќе се одржат бденија и во Токио и во Лондон. Властите соопштија дека околу 40 лица сè уште се водат како исчезнати.Причината за пожарот сè уште непознатаПожарот, кој избувна минатата среда и брзо се прошири по надворешните делови на становите кои биле во реновирање, сè уште се истражува.Во услови на растечки револт кај јавноста поради пропуштени предупредувања за опасност од пожар и индиции за небезбедни градежни практики, Пекинг предупреди дека ќе се спротивстави на сите протести.Најмалку едно лице поврзано со петиција со која се бара независна истрага било приведено, наведуваат извори запознаени со случајот.Во изгорените згради живееле над 4.000 луѓеПреостанатите згради што треба да се пребараат се „најтешките“, изјави високата полициска службеничка Ејми Лам, додавајќи дека последниот дел од потрагата може да трае со недели.Голем број полициски екипи утринава пристигнаа на местото за да продолжат со пребарувањето на изгорените згради во кои живееле повеќе од 4.000 лица.Повеќе од 1.100 луѓе се преместени од евакуациските центри во привремени сместувачки капацитети, а дополнителни 680 лица се сместени во младински домови и хотели, соопштиле властите.Бидејќи многу жители ги оставиле своите лични предмети додека бегале од пожарот, властите им доделија итна помош во висина од 1.284 долари по домаќинство и обезбедија поддршка за издавање нови лични документи, пасоши...Во рамки на истрагата уапсени 11 лицаВо текот на истрагата уапсени се 11 лица под сомнение за корупција и употреба на небезбедни материјали при реновирањето.Зградата била обвиена со зелена заштитна мрежа и бамбусови скелиња, а била прекриена и со пена-изолација. Противпожарните аларми во комплексот исто така не функционирале правилно, соопштиле властите.Жителите на населбата Ванг Фук минатата година добиле уверување од властите дека ризикот од пожар е „релативно низок“, иако претходно поднеле претставки за можни опасности, соопшти градското Министерство за труд.Портпарол на министерството додаде дека жителите во септември 2024 година повторно изразиле загриженост за потенцијалната запалливост на заштитните мрежи поставени околу скелите.Притворени активисти кои бараат независна истрагаВо саботата полицијата го привела 24-годишниот Мајлс Кван, член на групата што ја покренала петицијата за независна истрага за корупција и за засилен надзор на градежните работи, потврдија две лица запознаени со случајот.Уште две лица се уапсени под сомнение за поттикнување немири, објави „Саут Чајна Морнинг Пост“.Кинескиот Канцеларија за национална безбедност предупреди дека поединци не смеат да ја користат трагедијата за да го „вратат Хонг Конг во хаосот“ од 2019 година, истакнувајќи:„Без разлика на методите што ќе ги користите – ќе сносите одговорност и ќе бидете строго казнети.“
Свет | пред 5 месеци
Од ВМРО-ДПМНЕ денеска со остра реакција обвинија дека пораката „сѐ е под контрола“, која ја користеа поранешниот премиер Зоран Заев и поранешниот министер за здравство Венко Филипче, била алузија не на јавниот интерес, туку на контролата врз тендерските постапки.„СДС може колку сака да говори за реформи и европски вредности, но нивното седумгодишно владеење е запаметено само по тендери – тендери како политика, тендери како идеологија, а можеби и како лична легенда“, велат од партијата.Според ВМРО-ДПМНЕ, Филипче денес се обидува да ја изгради улогата на „морален коректив“ во опозиција, но, како што тврдат, „матрицата е иста“.„Прво создади хаос, па создади уште поголем хаос за да го прикриеш првиот; обвини некој трет и на крај изигрувај жртва“, се наведува во партиското соопштение.Најостриот дел од обвиненијата е насочен кон периодот 2019–2021 година, кој од партијата го нарекуваат „златна ера на тендерските шеми“. ВМРО-ДПМНЕ обвинува дека од стоковите резерви биле отпишани 2.000 тони јачмен и пченица, во вредност од околу 800.000 евра, иако пченицата била во употреблива состојба.„За ова бил направен записник кој го негирал фактичкото состојба и бил усвоен на владина седница, во период кога Филипче е дел од владиниот состав. Потоа се склучиле два тендери за набавка на 20.000 тони житарици од соседна држава за да се пополнат дупките во залихите“, соопштува ВМРО-ДПМНЕ.Партцијата додава дека тогашната влада на Заев, заедно со Филипче и Николовски, ги уверувала граѓаните дека „сѐ е под контрола“, но – според опозицијата – тоа значело само дека „внимателно си ги контролираат тендерите“.Во контекст на тековните најави за реформи во СДСМ, од ВМРО-ДПМНЕ прашуваат:„Како може СДС да се реформира кога самиот лидер е дел од истите шеми за кои избегнува да зборува? Наместо да се оградат, СДСМ го промовира Филипче како ново лице на опозицијата. Партијата ќе продолжи да тоне – затоа што човек кој не ја заштити државата додека беше на власт, не може да дели совети сега, од опозиција.“
Македонија | пред 5 месеци
На крајот од осумдесеттите години светот се соочуваше со една од најтешките здравствени кризи во поновата историја. СИДА, која за краток период од слабо разјаснет синдром прерасна во глобална епидемија, одземаше стотици илјади животи, додека предрасудите и стравот дополнително ги попречуваа напорите на лекарите и научниците. Во такви околности, на 1 декември 1988 година беше одбележан првиот Светски ден за борба против СИДА – настан што претставува пресвртница во јавниот пристап кон болеста.Иницијативата произлезе од Светската здравствена организација, односно од Глобалната програма за СИДА со која тогаш раководеше Џонатан Ман. Целта беше јасна: еднаш годишно целата светска јавност да се насочи кон истата тема, да се намали стигмата што ги следеше заболени и да се поттикнат владите да ја признаат сериозноста на епидемијата.Како датум беше избран почетокот на декември, период што не беше исполнет со други големи политички или здравствени кампањи, што овозможи поголема видливост.Првото одбележување имаше силен фокус на децата и младите, со цел да се покаже дека епидемијата не ги погодува само возрасните. Во многу земји се организираа телевизиски кампањи, јавни трибини, школски работилници и хуманитарни акции.Иако веќе се знаеше дека ХИВ не се пренесува со случаен контакт, стравот беше толку длабоко вкоренет што секој обид за отворен јавен разговор претставуваше значаен исчекор. Симболот на црвената лентичка, кој денес е неразделен дел од овој ден, се појави неколку години подоцна, но 1988 година го постави темелот на глобалната традиција во која секој 1 декември се зборува за превенција, рано тестирање и достапност на терапија.Светскиот ден за борба против СИДА многу брзо прерасна во најпрепознатливата меѓународна кампања посветена на една болест, вклучувајќи здравствени институции, културни установи, политичари и граѓани ширум светот.Одбележувањето доби и силна политичка димензија. Земјите преку јавни настапи и национални програми мораа да покажат колку се подготвени да се соочат со епидемија која бараше огромен здравствен, економски и општествен ангажман. Многу влади, кои дотогаш ја избегнуваа темата, почнаа да инвестираат во истражувања, едукација и програми за лекување. Тој пресврт се смета за едно од најзначајните достигнувања поттикнати токму од првиот Светски ден за борба против СИДА.Повеќе од три децении подоцна, 1 декември останува симбол на солидарност и потсетник дека борбата сè уште трае. Иако антиретровирусната терапија ја претвори СИДА од смртоносна во хронична болест, стигмата и нееднаквиот пристап до лекување сè уште претставуваат сериозен предизвик.
Свет | пред 5 месеци
САД му понудиле на венецуелскиот претседател Николас Мадуро можност да ја напушти земјата и да замине во Русија или во друга држава, изјави американскиот сенатор Марквејн Малин во интервју дадено во петок навечер.Малин, републиканец од Оклахома, истакна дека ваквата опција му била ставена на маса на Мадуро во услови на нагло влошени односи меѓу Вашингтон и Каракас.Масовно американско воено присуство во КарибитеПонудата за егзил доаѓа паралелно со одлуката на американскиот претседател Доналд Трамп да распореди значителни воени капацитети во близина на Венецуела.Трамп испрати ударна група предводена од најголемиот носач на авиони во светот и го прогласи венецуелскиот воздушен простор за „целосно затворен“ за американските сили, наведувајќи дека операцијата има за цел пресекување на, како што тврди, масовната трговија со дрога што стигнува во САДКаракас: „Изговор за промена на режимот и контрола врз нафтата“Мадуро категорично ги отфрли американските обвиненија за нарко-трафикинг, обвинувајќи го Вашингтон дека сака преку воени и политички притисоци да го собори и да воспостави власт по своја мерка.Според него, вистинската цел е преземање на венецуелските нафтени ресурси.Социјалистичкиот лидер е на чело на државата од смртта на Уго Чавез, а неговото реизбирање во 2024 година беше проследено со жестоки протести, притворања и обвинувања за изборни неправилности.Американски сенатори бараат смена на власта во КаракасМалин тврди дека „венецуелскиот народ сака промена и ново раководство“, а сенаторот Линдзи Греам отиде чекор подалеку, отворено повикувајќи на крај на режимот на Мадуро.Греам го опиша венецуелскиот лидер како „нелегитимен“ и „човек кој повеќе од десет години управува со нарко-терористичка држава“.Тој нагласи дека поддршката на Трамп за конечно затворање на „венецуелското лудило“ ќе спаси животи и ќе му даде „нова шанса“ на народот.Над 80 загинати во американски удари – ОН предупредуваатОд почетокот на септември, американските сили нападнале повеќе од 20 бротчиња и поголеми пловила во Карибското Море и во делови од Пацификот под сомнение дека се користат за транспорт на дрога.Во акциите загинале 83 лица, а американските институции досега не презентирале докази дека уништените пловила биле поврзани со нарко-картели.Обединетите нации оценија дека операциите може да претставуваат „вонсудски егзекуции“.Тајни контакти меѓу Трамп и Мадуро„Њујорк тајмс“ неодамна објави дека Трамп и Мадуро во последните недели одржале телефонски разговор за потенцијална средба во САД.Синоќа Трамп потврди дека разговор навистина имало, но не откри ништо за содржината или можните следни чекори.
Свет | пред 5 месеци
СДСМ обвини дека Владата на Христијан Мицкоски цел ден не дала никакво образложение за информациите што партијата ги објави за, како што тврди, спорни тендерски постапки вредни речиси 9 милиони евра доделени на фирма со двајца вработени, формирана минатата година.Според социјалдемократите, институциите игнорирале повеќе прашања поврзани со критериумите, законитоста и причините поради кои токму оваа компанија била избрана како најповолен понудувач.Од СДСМ велат дека молкот на Владата отвора сомнежи за можни неправилности и дека јавноста има право да знае како се трошат буџетските средства. Во партиското соопштение се наведува дека одговори стигнале единствено од ВМРО-ДПМНЕ, што СДСМ го толкува како индиректна потврда дека, како што велат, „партиските структури имаат увид во процесите што треба да бидат исклучиво институционални“.Социјалдемократите тврдат дека станува збор за „организирана шема за испумпување на јавни пари“ преку повторливо доделување тендери на ограничен број компании, поврзувајќи го случајот со поранешни големи афери од периодот на владеењето на Никола Груевски.Од партијата најавуваат дека ќе продолжат да објавуваат документи и докази кои, според нив, укажуваат на злоупотреби, и бараат вклучување на сите надлежни органи – Јавното обвинителство, Државната комисија за спречување на корупцијата и другите институции – за независна истрага.До затворањето на текстот, од Владата немаше официјален коментар на овие обвинувања.
Македонија | пред 5 месеци
Безживотно тело, вчера (30 ноември) е пронајдено во водите на реката Вардар кај велешкото село Уланци. По дојава од граѓани, екипите на Територијалната противпожарна единица Велес излегле на терен и со едно возило и двајца пожарникари-спасители го извлекле телото од реката. Случајот веднаш е предаден на надлежните служби.Основното јавно обвинителство Велес потврди дека е издадена наредба за обдукција со цел утврдување на идентитетот на починатото лице и причината за смртта. Надлежната обвинителка Цветанка Богоевска изјави дека се преземени првичните истражни дејства и дека истрагата продолжува за да се разјаснат сите околности поврзани со настанот.Овој дел од реката Вардар во минатото бил место на повеќе трагични случаи. Во јули 2025 година, по шестдневна потрага, беше пронајдено телото на 16-годишната Теодора Б., која исчезна во водите на реката кај Уланци. Претходно, во јануари 2018 година, во истиот предел беше пронајдено и телото на 77-годишен маж со иницијали А.Н.
Македонија | пред 5 месеци
Рафинеријата на „Нафтена индустрија на Србија“ (НИС) во Панчево од утре, 2 декември, ќе мора да го запре производството, откако САД не ја обновија потребната лиценца, предупреди српскиот претседател Александар Вучиќ во изјава дадена синоќа.Вучиќ порача дека граѓаните треба да останат спокојни, уверувајќи дека државата има механизми, резерви и финансиски капацитет да ги надмине последиците од стопирањето на рафинеријата. Сепак, тој призна дека Србија влегува во „тежок период“ и дека ќе мора „на различни начини да менаџира“ додека трае застојот.„Не ја разбирам логиката на Американците“Според претседателот, Белград на Вашингтон му доставил гаранции дека сопственичката структура на НИС – каде мнозински удел имаат руски компании под американски санкции – ќе биде променета во рокот што го поставиле САД.Но, вели тој, и покрај дадените уверувања, лиценцата не била продолжена.„Отворено ви кажувам – не ми е јасно што прават Американците. Ни рекоа дека санкциите се активни веќе осум-девет месеци, но од нас бараа да го промениме сопствеништвото и ние прифативме. Дадовме гаранции и повторно не добивме ништо“, изјави Вучиќ во вклучување за ТВ Информер.Тој додаде дека не верува оти од вечерните разговори со американски претставници ќе произлезе некакво решение.Србија без можност да влијае на Русите како мнозински сопственициВучиќ потсети дека Србија поседува малцински удел и дека правно не може да донесува одлуки во име на руските партнери.Според него, единственото право што државата го имала било правото на првенствено откупување, но Белград се откажал од него за Русите слободно да одлучуваат доколку мораат да продаваат под притисок од санкциите.Без сигнал од Вашингтон, Русите не брзаатПретседателот оцени дека од американска страна не се очекува официјално образложение, а дека руските компании „не брзаат“, бидејќи им е важно што подолго да го задржат својот капитал.Вучиќ посочи дека Србија е ставена во сложена геополитичка матрица:„Секој ќе нè влече на своја страна. Ќе бараат да бираме кампус. А ние само сакаме да ја чуваме земјата“, рече тој.Гасниот договор со Русија истекува — следуваат нови преговориДополнително, Србија има важечки договор за испорака на гас со Русија до 1 јануари. Вучиќ најави обиди за нови преговори, но нагласи дека државата е подготвена да бара алтернативи ако продолжувањето не биде возможно.Односите со САД под притисок: царини, барања и „нејасни услови“Вучиќ коментираше и за американските царини од 35 проценти на увозот од Србија, оценувајќи дека условите што Белград ги добил за нивно укинување се „екстремно тешки“, дури и „потешки од обврските за ЕУ-процесот“ — вклучувајќи барања поврзани со руско и кинеско присуство во Србија.Тој притоа истакна дека вкупната трговија со САД е мала, па економскиот удар ќе биде ограничен, освен кај производството на автомобилски гуми, но увери дека „ќе се најде решение“.„Ќе ги решиме проблемите – граѓаните да останат мирни“И покрај сите предизвици, Вучиќ повтори дека државата има подготвени сценарија за справување со последиците од стопирањето на НИС и дека не очекува недостиг на нафтени деривати.„Нè чека сериозна борба, но ќе ги обезбедиме потребите на земјата. Граѓаните нема за што да се грижат“, порача тој.
Свет | пред 5 месеци
Во ексклузивниот приватен клуб „Шел Беј“ на југот на Флорида, во сопственост на Стив Виткоф, претставници на Вашингтон и Киев одржаа тајна средба за време на која беа послужени украински борш (традиционално руско-украинско јадење) и холупци – дипломатски гест што се толкува како сигнал дека САД се обидуваат да ја придвижат Украинa кон компромис во мировните разговори со Русија. Извор со непосреден увид во средбата, на која присуствувале државниот секретар Марко Рубио, специјалниот пратеник Стив Виткоф и зетот на Доналд Трамп, Џеред Кушнер, за СиЕнЕн изјавил дека станува збор за „исчекор напред“ и „надградба“ на првата рунда преговори што минатата недела се одржа во Женева. Но, и покрај напредокот, изворот предупредува дека многу чувствителни точки остануваат отворени и дека преговорите се далеку од финална фаза.Една од најконтроверзните точки е уставната определба на Украина за членство во НАТО, што Москва го бара како откажување, а Киев тврдo го одбива. Според изворот, преговарачите разгледувале можност Украина формално да не се откаже од евроатлантскиот курс, но де факто да биде блокиран патот кон НАТО преку двострани или повеќестрани договори меѓу Русија и одделни членки на Алијансата. Такво решение би било исклучително непопуларно во повеќе европски земји, а конечната одлука би ја имал претседателот Зеленски. Разговорите, сепак, покажуваат дека се бараат „креативни модели“ кои би ја заобиколиле украинската црвена линија, а истовремено би создадале простор за дипломатски напредок.Уште потешка точка е барањето на Кремљ, Украина да се откаже од делови од Донбас – територии што Русија ги анектираше, но не ги контролира целосно. Американскиот предлог предвидувал тие области да станат руска демилитаризирана зона без право на стационирање руски воени сили, но тоа решение Киев го смета за сериозно слабеење на сопствената одбрана. Изворот потврдува дека преговорите се движат и во врска со ова прашање, но не открива детали: „Ако стане јавно, може да се уништи можниот договор.“Додека Вашингтон и Киев бараат компромисни формули, најголемиот предизвик допрва следи – дали Москва ќе прифати нешто што отстапува од нејзините максималистички позиции. Кремљ досега не покажал подготвеност да се откаже од целта Украина да биде политички и стратешки подредена. Затоа, дипломатите предупредуваат дека иако се отвораат можности за украински чекори кон компромис, вистинскиот тест ќе биде руската реакција. Средбата во Флорида, иако обвиена со дискретност и симболика, го потврдува единственото нешто околу кое сите страни се согласни: мировниот договор нема да биде можен без болни одлуки.
Свет | пред 5 месеци
Поради силна снежна бура и проблеми со авионски софтвер, низ Соединетите Американски Држави вчера биле пријавени 1.815 доцнења на пристигнувања и поаѓања, како и 490 откажани летови, соопшти компанијата „Флајт Авеар“, која во реално време обезбедува податоци за движењето на авионите.Најголеми пореметувања се забележани на аеродромите во Чикаго, Њујорк, Бостон, Минеаполис и Детроит, пренесе „Си-Би-Ес“.Авионските компании дополнително се соочија со проблеми за време на викендот откако Федералната управа за воздухопловство на САД (FAA) наложи илјадници авиони од типот „Ербас А320“ ширум светот да извршат неопходно софтверско ажурирање.
Свет | пред 5 месеци
Руската Федерална служба за безбедност (ФСБ) соопшти дека спречила наводен обид за атентат врз висок офицер на Министерството за одбрана на Русија на Крим, за кој тврди дека бил планиран по налог на украинската воено-разузнавачка служба (ГУР).Според официјалното соопштение, ГУР наводно регрутирала државјанин на Украина, кому му биле дадени инструкции да постави експлозивна направа во приватниот автомобил на рускиот офицер и потоа да ја активира. ФСБ наведе дека лицето било уапсено пред да го изврши нападот, пренесува руската агенција „РИА Новости“.Во соопштението дополнително се тврди дека украинските разузнавачки структури интензивно бараат потенцијални извршители за, како што наведуваат, „терористички и диверзантски акции“, користејќи интернет-канали, социјални мрежи и платформите Телеграм и ВатсАп, со цел нанесување штета на Русија.Наводите на ФСБ не може независно да се потврдат, а украинските служби засега не се огласиле за случајот.
Свет | пред 5 месеци
Најмалку четири лица, меѓу кои и тројца малолетници, се убиени во масовна пукотница за време на семејно славење во градот Стоктон, Калифорнија. Загинатите се на возраст од осум, девет, 14 и 21 година, а уште единаесет лица се повредени, соопштија локалните власти.Нападот се случил вчера, непосредно пред 18 часот по локално време, во семеен ресторан во округот Сан Хоакин. Осомничениот напаѓач сè уште е во бегство, а полицијата стравува дека се работи за „целен напад“. Од канцеларијата на шерифот упатија повик до граѓаните да достават какви било информации, снимки или сведоштва што би можеле да ја забрзаат истрагата.Портпаролката Хедер Брент изјави дека станува збор за „незамислива трагедија“.„Истрагата е активна и непрекинато се води. Првичните сознанија упатуваат дека нападот можеби бил целен, но испитуваме повеќе можни мотиви“, додаде таа.Според заменик-градоначалникот Џејсон Ли, трагедијата се случила за време на детска роденденска прослава. „Роденден никогаш не смее да биде место на страв и крвопролевање“, порача тој.Градоначалничката на Стоктон, Кристина Фугаци, ја осуди пукотницата, нарекувајќи ја „целосно неприфатлива“.„Семејствата треба да го прославуваат животот заедно – а не да стојат покрај болнички кревети, молејќи се нивните најблиски да преживеат“, рече таа.Калифорнија има некои од најстрогите закони за огнено оружје во САД, но тие во последните години се предмет на правни спорови и укинувања. Во 2021 година федерален судија ја поништи забраната за оружје, а во 2022 година Врховниот суд донесе одлука која ги прошири правата за носење оружје, со што беа доведени во прашање и калифорниските прописи.Трагедијата во Стоктон повторно ја отвори дебатата за безбедноста, регулацијата на оружјето и политичките пречки што го забавуваат воспоставувањето поефикасен систем на контрола.
Свет | пред 5 месеци
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
