(Видео) Никола Груевски ја вжешти атмосферата во Собранието

Кавга, паузи за смирување на атмосферата, навреди. Причина за ваквата состојба кои ги разменија Миле Талески од СДСМ и министерот за правда Игор Филков е поранешниот премиер Нккола ГруевскиТалевски на седницата за пратенички прашања, праша дали Министерството за правда поднело ново барање до Унгарија за екстрадици на поранешниот премиер и бегалец Никола Груевски. Според него имало индиции дека ВМРО-ДПМНЕ подготвува терен за враќање на експремиерот во државата.Филков им одговори на СДСМ дека Груевски има политички азил, се занимаваат со циркус, а не со реална работа.,,Мора да престанете да ја замајувате македонската јавност со ваков шарлатански пристап. Што уште треба да направите за народот да ви ја прати пораката и на следните избори. Значи, да се соземете, да бидете сериозни затоа што не е добро тоа за вас ниту како опозиција ниту за државата да се занимавате со циркус а не со реална работа. Тоа граѓаните ви го кажаа и на последните избори а убеден сум дека и следниот пат кога и да бидат парламентарните избори ќе ве пратат во историјата”, рече Филков.Талески врати дека власта признала дека нема поднесено барање за екстрадиција на Никола Груевски.„Добивме од мизерен човек мизерен одговор. Очигледно марионетството на ЗНАМ и полтронството коешто се однесува во нивното партиципирање во Владата конкретно го гледаме во овој конечен пример. Со оглед на тоа дека министерот потврди дека Министерството за правда нема поднесено барање за екстрадиција на бегалецот Никола Груевски, барам, овој мизерен одговор од мизерниот министер да го поднесе писмено.Зошто Министерството за правда до овој момент нема поднесено барање до Унгарија за екстрадиција наНикола Груевски? “ рече пратеникот Миле Талески.

Македонија | пред 5 месеци

Општина Охрид доби престижна награда на меѓународниот саем за туризам во Нови Сад

Општина Охрид доби престижна награда на 56-тиот Меѓународен саем за туризам кој од денес до сабота се одржува во Нови Сад, Србија. Наградата се доделува за перспективна и јасна визија за развојот на градот Охрид како актрактивна туристичка понуда. Ова признание претставува значајна потврда за континуираните напори на општината во унапредувањето и промовирањето на туристичките потенцијали на градот.На промотивниот штанд на Општина Охрид, посетителите имаат можност да дознаат повеќе информации за туристичките знаменитости на градот, сместувачките капацитети, туристичките настани, руралниот туризам и автентичната гастрономска понуда.На Меѓународниот саем за туризам во Нови Сад, учествуваат повеќе од 250 излагачи од Србија, Северна Македонија, Црна Гора, Романија, Унгарија, Босна и Херцеговина, Бугарија, Грција, Словенија и Русија. Оваа година, Република Македонија е земја-партнер на настанот.На саемот се претставуваат туристички агенции, институции, туроператори, национални паркови, хотели, винарии, мали производители на храна и бројни други субјекти.

ОО | пред 5 месеци

Инспектори влегоа во 9 училишта во Карпош: АХВ ја проверува безбедноста на ученичките оброци

Инспекциски тимови од Агенцијата за храна и ветеринарство (АХВ) денес, спроведуваат вонредни инспекциски контроли во кујните на 9 основни училишта во Општина Карпош со кои стопансисува истиот оператор со храна во чија сопственост е и централниот магазин кој се наоѓа во основното училиште “Димо Хаџи Димов” во Скопје и од каде се набавуваат репроматеријали за подготовка на храна.Во рамки на превентивните вонредните контроли во овие училишта, каде нема деца кои појавиле симптоми на труење со храна, се земаат мостри од храна и од работните површини за лабараториско тестирање.АХВ ги чека резултатите од тестирањата на земените примероци храна и од работните површини во рамки на вчерашната вонредна инспекциска контрола која заедно ја спроведоа инспектори за храна на Агенцијата за храна и ветеринарство, Државниот здравствен и санитеран инспекторат и Ценатрот и Институтот за јавно здравје.

Скопје | пред 5 месеци

Мицкоски тврди: Од декември помали пензии, Уставен веќе одлучил да го укине линеарното зголемување

Уставен суд веќе донел одлука за укинување на законската одредба за линеарно зголемување на пензиите и веќе од наредниот месец најголемиот број од пензионерите ќе добиваат помали пензии, ова на собраниска говорница го изјави премиерот Христијан Мицкоски.Мицкоски рече дека наводно, Уставниот суд ќе ја укине и одредбата за платите на судиите и обвинителите, со што нивните примања енормно ќе се зголемат.Што се однесува до линеарнот зголемување на пензиите, Мицкоски рече дека одлуката веќе била донесена и потпишана, и ја нападна уставната судијка Добрила Кацарска, иако не го спомена нејзинот име, но таа пред Уставниот суд ја иницираше постапка за оцена на уставноста на последните законски измени со кои пензионерите добија по илјада денари линеарно зголемување во септемри, а исто толку треба и во март идната година. Мицкоски „таа судијка“ ја нарече „пример на неправдата“.„Последните информации се дека веќе одлуката е донесена и потпишана од нејзина страна и дека пензионерите веќе нема да добиваат линеарно зголемување на пензиите, туку согласно процентите утврдени по законот. И тоа само за информација значеше дека 70 проценти од пензионерите ќе добиваат помала пензија од следниот месец, поради оваа иницијатива на оваа судијка која е дел од Уставниот суд“, рече тој.Мицкоски истакна дека ваквата одлука не е фер, бидејќи Уставниот суд ја укинува одлуката, а нема да се зачуди доколку истата судијка во Уставниот суд донесе одлука за одмрзнување на платите на судиите и обвинителите.„Од аспект на фискален товар, помалку пари ќе даде Буџетот, но од аспект дали е тоа фер, не е фер затоа што во време на транзиција кога малкумина олигарски го приватизираа и разграбаа македонското стопанство или поголем дел го уништија, најголем дел од овие пензионери со ниски примања, 8.000, 9.000, 10.000 или 12.000 денари се резултат на тој процес во времето на транзицијата. И затоа тие добиваат така ниски пензии.Целта на линеарното зголемување беше да се намали ХДИндексот, а да се зголеми стандардот на пензионерите и на тој начин да се намали степенот на сиромаштија“, нагласи Мицкоски и додаде:„Замислете истовремено најверојатно следната одлука којашто ќе дојде од истиот суд е да ги одмрзнеме платите на судиите и обвинителите. Значи на пензионерите им се укинува правото, но затоа пак на овие обвинители и судии бидејќи се незадоволни со 2.500, 3000, 4.000 евра ќе треба да им се одмрзнат платите, а пензионерите со 10.000, 12.000 денари коишто треба да добијат 1000 денари зголемување сега овој месец, тие се побогати од овие малкумина судии и обвинители коишто ја контаминираат оваа професија“.Според премиерот Мицкоски, ваквата одлука е неправда за пензионерите.„Со ова ќе се нанесе неправда на пензионерите“, дециден е Мицкоски.

Македонија | пред 5 месеци

Почина Ленче Софрониевска, правник, судија и поранешен министер во првата Влада

Почина Ленче Софрониевска, една од основоположниците на современиот судски систем во МакедонијаНа 77-годишна возраст, почина Ленче Софрониевска, истакнат правник и судија, која има значаен придонес за развојот на современиот судски систем во Македонија по стекнувањето независност на државата.Правосудната кариера ја започнува во Општинскиот суд Скопје 2, кога била избрана за најмлад судија во тогашната СР Македонија. Во претходниот систем, таа била претседател на Судот на здружен труд и член на Претседателството на ЦК СКМ. По прогласувањето на независноста на Македонија, Софрониевска била советник во првата Влада на Република Македонија и генерален секретар на Владата.Таа работела како судија и претседател на Апелациониот суд во Скопје, како и член и претседател на Републичкиот судски совет на Република Македонија. До пензионирањето, Софрониевска работеше како адвокат.

Македонија | пред 5 месеци

(Видео) По претставка на родителите на загинатите во дискотеката „Пулс”, Апасиев закажа Анкетна комисија на 9 декември

Пратеникот на Левица и претседател на Постојаната анкетна комисија за заштита на човековите слободи и права, Димитар Апасиев, на прес-конференција соопшти дека закажува редовна седница по поднесената претставка од Здружението „16 Март“ – здружението на родителите на загинатите деца од Кочани. Седницата ќе се одржи на 9 декември 2025 година, со цел да не се преклопи со судските рочишта и поради симболичната поврзаност со 10 декември – Светскиот ден на човековите слободи и права.На седницата се поканети сите членови и заменици на Комисијата, претседателот и потпретседателите на Собранието, координаторите на пратеничките групи, премиерот, министерот за внатрешни работи, претседателот на државата, како и подносителите на претставката, кои ќе имаат право на обраќање.Апасиев нагласи дека ова не е ниту надзорна, ниту јавна расправа, туку редовна седница што Комисијата ја одржува кога постапува по претставки на граѓани, пракса која и претходно постоела во парламентот. Тој потсети дека постоеле три неуспешни обиди оваа точка да се стави на дневен ред, поради што е поведена и управна постапка против претседателот на Собранието.Во однос на паралелните иницијативи за анкетни комисии од власта и опозицијата, Апасиев смета дека тие се ад хок тела со ограничен рок и квази-истражни функции, додека постојаната Комисија има континуитет и редовни обврски.

Македонија | пред 5 месеци

Тренчевска:Со ВМРО-ДПМНЕ дупката во ПИОМ е 1 милијарда евра, одржливоста на пензиите е загрозена

Пратеничката од Социјалдемократаскиот сојуз на Македонија, Јованка Тренчевска, тврди дека дупката во Фондот за ПИОМ е над 1 милјарда евра, односно толку пари државата ќе префрла за да можат да се сервисираат секој месец пензиите. Како што кажа Тренчевска, одржливоста на Фондот за ПИОМ е веќе сериозно нарушна, ставката од која се трансферираат средствата од министерството кон фондот за исплата на пензиите е 100% реализирана, односно нема пари на таа сметка.Таа прашува како ќе бидат исплатени пензиите на 1 декември и од каде ќе се најдат средства за префлрлање до Фондот, кога во буџетот нема средства.,, ВМРО-ДПМНЕ ја уби надежта на лицата со попреченост дека ќе имаат повеќе приход во семејството. Си поигравте и со нив предизборно, ветувајќи им зголемување на надоместокот. Завршија изборите, тие ви поверуваа, а вие ги изневеривте”, вели Тренчевска.

Македонија | пред 5 месеци

Пронајдена дрога, воздушна пушка и пиротехнички средства: СВР Струмица приведе пет лица

На 26.11.2025 во 14:50 часот во Гевгелија, полициски службеници од СВР Струмица- ОВР Гевгелија го лишија од слобода Ј.Ќ.(34) од Гевгелија. При претрес на неговиот дом, извршен со судска наредба, полициски службеници пронајдоа марихуана, предмети со остатоци од марихуана и повеќе предмети за кои постои сомнение дека биле користени за импровизирана лабораторија за одгледување на марихуана.На 26.11.2025 во 10:40 часот во село Негорци, гевгелиско, полициски службеници од СВР Струмица- ОВР Гевгелија го лишија од слобода З.С.(58), кој престојува во село Давидово, гевгелиско. Врз основа на судска наредба извршен е претрес во неговиот дом, при што се пронајдени две пакувања со марихуана, една воздушна пушка калибар 5.5 мм, за која немал соодветна потврда од надлежен орган за поседување на истата и 42 парчиња пиротехнички средства.Исто така на 26.11.2025, во 20:15 часот во село Раклиш, радовишко, полициски службеници од СВР Струмица- ОВР Радовиш ги лишија од слобода Д.М.(24) од Струмица, К.Ц.(23) од Струмица и Д.М.(44) од село Раклиш. При преглед на лицата, кај Д.М. (24) од Струмица биле пронајдени пакување со жолта прашкаста материја и пакување со марихуана.По документирање на случаите ќе бидат поднесени соодветни пријави.

Македонија | пред 5 месеци

Со шприц насилно сакал да и стави непозната течност во устата на сопругата и ја повредил со остар предмет

Вчера во струмичко село, полициски службеници од СВР Струмица лишија од слобода 48-годишен жител на селото.Според пријавеното, тој истиот ден со остар предмет и нанел повреди на телото на неговата сопруга, а претходно се обидел насилно со шприц да и стави непозната течност во устата.Лицето е задржано во Полициската станица Струмица и за настанот е запознаен јавен обвинител од Основното јавно обвинителство Струмица, по чии насоки се преземаат мерки за целосно документирање на случајот, по што против лицето ќе биде поднесена кривична пријава.

Македонија | пред 5 месеци

Алармантно: Се обрушува и лизга земјиште на Водно

По иницијатива на Општина Центар, во Центарот за управување со кризи денес се одржа итен координативен состанок на кој присуствуваа директорот на ЦУК, Мухамед Али, градоначалникот на Општина Центар, Горан Герасимовски и претставници од сите надлежни институции и служби.Состанокот беше свикан поради појавеното обрушување на земјиште на Водно, во близина на улиците Белградска и Партеније Зографски.Разгледана е состојбата на терен, ризиците по околните објекти и потребата од итно преземање мерки за стабилизирање на критичната зона. Договорено е заедничко координирано дејствување, засилен надзор и изработка на ургентен план со цел спречување на понатамошно лизгање на земјиштето.Заклучоците од овој состанок ќе бидат официјално проследени до Владата на Република Северна Македонија за натамошно постапување.

Скопје | пред 5 месеци

Општинскиот совет за превенција на детско престапништво реализираше работилници за средношколците

Општинскиот совет за превенција на детско престапништво на Општина Охрид деновиве реализираше две едукативни работилници на тема „Да се ставиме во туѓи чевли“ во ОЕМУЦ „Св. Наум Охридски“. Работилниците, на кои учествуваа ученици од втора година, беа насочени кон развивање емпатија, меѓусебна почит и ненасилно однесување.Активностите ги спроведоа стручните лица од училиштето, а преку интерактивни задачи учениците се запознаа со значењето на прифаќањето на различностите и позитивната комуникација. Целта беше подигнување на свеста и поттикнување создавање безбедна и прифатлива училишна средина.Работилниците претставуваат дел од континуираните активности на Општинскиот совет за превенција на детско престапништво во насока на поттикнување позитивни навики и развивање на здрави односи меѓу младите.

ОО | пред 5 месеци

Грција ја одби екстрадицијата на Ацо Боцевски – Циганот: Случајот по 28 години падна поради застареност

Судот во Солун донесе одлука дека Ацо Боцевски, познат и како Циганот, нема да биде предаден на македонските власти, иако беше баран со европска потерница за убиство извршено пред речиси три децении. Грчката новинска агенција АНА-МПА објави дека предметот е застарен според тамошното законодавство, а поради тоа судиите ја укинале и мерката притвор.Боцевски, кој сега има 60 години, беше уапсен во мај годинава во Катерини, по долгогодишно бегство. Тој беше осуден во Македонија на 15 години затвор за убиство на 37-годишен маж во ноември 1997 година, но пред издржувањето на казната успеал да избега во Грција.Според документите доставени пред солунскиот суд, убистваото се случило така што Боцевски намерно предизвикал сообраќајна несреќа, а кога жртвата излегла од автомобилот за да ја провери штетата, тој пукал кон него и го усмртил. Една година подоцна била донесена правосилната пресуда со која добил 15 години затвор.Во својата изјава пред судот, Боцевски посочил дека по три месеци поминати во притвор бил пуштен на слобода, а потоа заминал за Грција со важечки пасош. Тврдел и дека во тој период работел во обезбедувањето на тогашниот претседател Киро Глигоров и дека постоеле политички причини поради кои, како што рекол, бил на мета. Денес, според неговото сведочење, во регионот Пиерија води мал приватен бизнис со соби за издавање.Судскиот совет оцени дека казната изречена пред повеќе од 20 години е застарена според грчките закони, поради што барањето за екстрадиција од Северна Македонија е одбиено.

Македонија | пред 5 месеци

Падна „Нетфликс“ веднаш по објавувањето на последната сезона: Ова е серијата што ја чекаше целиот свет

Премиерата на петтата и последна сезона од хит-серијата „Stranger Things“ предизвика глобална еуфорија, но и краткотраен колапс на платформата „Нетфликс“.Наместо непречено да ги гледаат новите епизоди, голем број корисници добија порака за грешка веднаш штом се обидоа да ја пуштат содржината.Само неколку минути по објавувањето на првите четири епизоди, платформата беше преоптоварена од огромниот број гледачи, пренесува Daily Mail.Наместо очекуваниот вовед во финалето на серијата, корисниците ја добиваа пораката:„Имаме проблем со вашето барање...“Иако прекинот траеше околу три минути, тоа беше доволно социјалните мрежи да се наполнат со коментари од разочарани обожаватели, како:„Го чекав цел ден, а ‘Нетфликс’ паѓа!“ и „Сервис вреден милијарди, а серверите се уриваат кога ќе излезе голема серија.“„Stranger Things“ се појави во 2016 година и многу брзо стана еден од најгледаните оригинални наслови на „Нетфликс“.Финалната сезона, очекувано, создаде огромен притисок врз платформата и доведе до краток, но бурен прекин.

Магазин | пред 5 месеци

(Видео) Почнува судењето за ликвидацијата на Турчинот во Штип

Под засилено присуство на полицијата, денес во Основниот суд во Штип стартува судењето за убиството на турскиот државјанин кое се случи на 8 мај во едно од локалните кафулиња. На обвинителна клупа седнаа пет лица.Главен осомничен е 21-годишниот Турчин Карим Кара, кој според обвинението го испукал смртоносниот куршум. Тој се товари за тешко убиство, како и за недозволено поседување оружје и експлозив.Покрај него, уште четворица лица се обвинети дека му помогнале во подготовката и извршувањето на злосторството, па се товарат за помагање при убиство.Судијката Јулијана Недкова, искусен кривичар ќе го води процесот кој се очекува да привлече големо внимание поради тежината на делото.Убиството се случи во мај годинава кога во СВР Штип беше пријавено пукање во угостителски објект на градскиот плоштад во Штип.

Македонија | пред 5 месеци

Скоро две години без одговори за смртта на 27-годишниот Александар Михаиловски кој отиде да работи, а загина во Чешка

Дваесет и седумгодишниот Александар Михаиловски од Ранковце, вработен како монтер во компанијата „ЕЛНОС БЛ“, загина на 13 март 2024 година додека извршувал работни задачи на далновод во Чешка. Неговото семејство тврди дека трагедијата е последица на тешки пропусти во безбедноста при работа и негрижа од страна на претпоставените, а дека институциите речиси две години не презеле ништо.Семејството достави документација до „Скопје1“, меѓу која и спроводница од македонската амбасада во Прага, записник од Министерството за труд и социјална политика и сведочење на колега кој бил со Александар во моментот на несреќата.Братот на загинатиот, Слаѓан Михаиловски, вели дека институциите ја одолговлекуваат постапката и стравува дека случајот се остава да застари.„Мојот брат работеше во фирмата повеќе од четири години, уредно пријавен и осигуран. Работеше легално во Чешка со виза обезбедена од компанијата. Несреќата се случи поради човечка грешка и негрижата на претпоставениот – не ги обезбедил мерките за безбедност. Има докази и сведоци. Поднесовме кривична пријава, но речиси две години никој ништо не презема“, вели тој.Што се случило на 13 март 2024 година?Според спроводницата на Амбасадата на Република Северна Македонија во Прага, Александар загинал како последица на „паѓање од висина“.Записникот од Министерството за труд наведува дека несреќата се случила во местото Ревниче, Република Чешка, за време на работни задачи кои ги извршувал како монтер на далновод. При изведување работи на столб од далновод, дошло до пукање на столбот и уривање на корпата во која се наоѓал.Во изјавата дадена под материјална и кривична одговорност, колегата на Александар, Слаѓан Јовчиќ – детално ја опишува трагедијата:„Столбот почна да се руши и паѓаше кон корпата. Сето се случи многу брзо. Кога се свртев, видов дека столбот е паднат, а корпата откината и фрлена на другата страна. Александар беше паднат и веднаш забележавме дека е починат на самото место“, стои во изјавата на Јовчиќ заверена на нотар.Обвиненија за пропусти: неисправна опрема, неправилни мерки, необучени работнициВо барањето испратено до Основното јавно обвинителство Скопје и Крива Паланка, адвокатите на семејството наведуваат серија сериозни пропусти:– корпата била поставена на крај од кран, на неиспитан и неодобрен начин– не биле спроведени задолжителни мерки за безбедност и здравје при работа– немало стручно лице што требало да ја надгледува работата– не биле обезбедени превентивни мерки– работниците не биле соодветно обучени– работните средства не биле проверени за исправност и безбедност„Смртта на Александар настапила како директна последица на пропуштени мерки од страна на работодавачот“, се наведува во поднесокот доставен до обвинителството од страна на семејството.Семејството: „Стравуваме дека намерно се чека да застари случајот“Слаѓан Михаиловски за „Скопје1“ сведочи:„Не е можно дваесет и три месеци да нема никакво движење. Секојпат кога одам во Обвинителството, велат дека е ‘во постапка’. Стравуваме дека се чека да поминат три години за делото да застари. Така никој нема да одговара за смртта на мојот брат.“Семејството бара итно продолжување на постапката, кривична одговорност за фирмата и претпоставениот, како и целосно утврдување на причините што довеле до смртта на младиот работник.„Скопје1“ побара став и од Обвинителството, дали води предмет, во која фаза е, но и дали може да застари. Оттаму очекуваме одговори.

Македонија | пред 5 месеци

Кумановец под истрага во Хрватска за силување на девојка од Венецуела

Хрватското обвинителство во Шибеник поднесе обвинителен предлог против 28-годишен маж од Куманово, кој се сомничи дека извршил низа тешки кривични дејствија над жена од Венецуела што престојувала во Задар и се занимавала со сексуална работа. Осомничениот е во притвор додека трае постапката, пишува Zadarski.hr.Паралелно со тоа, обвинителството покрена постапка и против 34-годишен жител на Задар, за кој тврдат дека учествувал во грабеж поврзан со истиот случај. За него се бара изрекување мерка присилно лекување, бидејќи според вештачење, делото го сторил во состојба на неурачунливост.Според обвинителниот акт, во периодот од мај до јуни 2025 година, кумановецот првпат стапил во контакт со Венецуелката и платил за сексуален однос. Подоцна, како што се тврди, повеќе пати се појавувал во становите што таа ги изнајмувала во Задар, инсистирајќи да продолжат со интимни средби.Кога таа одбила и му ставила до знаење дека не сака да продолжи, тој ѝ се заканил дека ќе повика луѓе што би ѝ наштетиле и дека ќе ја пријави во полиција поради нејзината работа, а со тоа ја довел во состојба на силен страв.Под влијание на тие закани, според обвинителството, осомничениот имал сексуален однос со неа двапати без нејзина согласност – еднаш во стан во Задар и еднаш во Сплит.Обвинителството ги смета наводите за доволни за покренување судска постапка, а двајцата осомничени остануваат во притвор додека трае судот.

Свет | пред 5 месеци

Шест години без Горан Стефановски – драматургот што ја напиша македонската болка

Денес се навршуваат шест години од смртта на Горан Стефановски (1952–2018), еден од највлијателните и најценети македонски драмски автори, чија работа ја надмина домашната сцена и остави длабока трага низ целиот регион. Стефановски почина на 27 ноември 2018 година во Велика Британија, по кратко, но тешко боледување, на 66-годишна возраст.Автор на антологиските „Диво месо“, „Тетовирани души“, „Дупло дно“, „Лет во место“ и десетици други драмски текстови, Стефановски создаде сопствен драматуршки универзум во кој преку судбината на едно семејство ја расправаше судбината на македонскиот народ – неговите кршливости, болки, социјални неправди и вечната борба за подобро утре. Неговите драми и денес се играат на сцените низ Европа, а критиката едногласно го смета за еден од најмоќните драматурзи на поранешна Југославија.Роден во Битола во 1952 година, Стефановски дипломирал на Филозофскиот факултет во Скопје, а драматургија студирал во Белград. Работел во Телевизија Скопје, бил асистент на Филолошки факултет, професор на Факултетот за драмски уметности, член на ПЕН центарот, на Друштвото на писатели на Македонија и од 2004 година – академик на МАНУ.Во неговиот драмски свет постојат три вида ликови – оние што предаваат, оние што се двоумат и оние што се бунат. Од „луѓе-нелуѓе“ како Киро од „Лет во место“, до револуционерни, донкихотовски ликови како Андреја од „Диво месо“ или Цибра од „Тетовирани души“, Стефановски создаваше карактери што ја читаат историјата од внатре, од позиција на човек кој се бори со себеси и со времето во кое живее.Токму неговата способност да го спои личното со општото, интимното со политичкото, ја направи неговата работа вечна и неопходна за разбирање на македонскиот општествен и културен развој.Стефановски зад себе остави импресивен опус – драми, телевизиски текстови, радио-драми, либрета – повеќе од четири децении творештво. Добитник е на „Стале Попов“, „11 Октомври“, двапати на „Стериина награда“ и дури шестпати на „Војдан Чернодрински“.Шест години по неговото заминување, делата на Стефановски остануваат меѓу најиграните, најчитаните и најпроникливите сведоштва за македонската душа. И денес, како и тогаш, неговите зборови звучат како предупредување, како огледало и како надеж: дека иднината доаѓа тешко, минатото тешко си оди – а ние сè уште се обидуваме да ја глумиме сегашноста.

Македонија | пред 5 месеци

Се прават плановите за минирање на „Вјесник“, симболот на Загреб ќе се урива со стотици килограми експлозив

Уривањето на поранешниот облакодер „Вјесник“ влегува во завршна фаза на подготовка, но конечниот датум сè уште не е утврден. Најизвесно е дека зградата ќе биде срамнета со земја со контролирано минирање, метод кој, според прелиминарните процени, бара стотици килограми експлозив.Професорот Марио Добриловиќ од Факултетот за рударство, геологија и нафта, кој деновиве ја анализирал локацијата, потврди дека целата операција се очекува за неколку недели. Тој објаснува дека пред почетокот мора да биде изработен детален проект, по што надлежните институции ќе ја донесат конечната одлука за техниката на уривање.Иако формалната одлука недостасува, Добриловиќ смета дека врз основа на состојбата на терен, минирањето е најбезбедната и технички најсоодветната опција.Според него, експлозивот што ќе се користи се мери во стотици килограми, а не во тони, и целиот процес на рушење трае само десетина секунди, најмногу половина минута.Во однос на безбедноста, професорот нагласува дека ќе се преземат сите неопходни мерки за да се елиминира ризикот за граѓаните. Прописите предвидуваат воспоставување безбедносен коридор околу објектот – зоната што и сега се користи за регулирање на сообраќајот. Министерството за внатрешни работи ќе ги дефинира упатствата за жителите во околните згради.Како можни мерки се разгледуваат краткотрајно напуштање на домовите кои се најблиску до облакодерот или, како алтернатива, затворање на ролетни и отворање на прозорци за да се намали притисокот од ударниот бран и прашината.Во периодот на изведба, сообраќајот околу комплексот ќе биде целосно запрен од половина до еден час, а пристапот на луѓе ќе биде строго ограничен.Техничкиот дел од постапката подразбира дупчење низа мински отвори во клучните носечки делови во приземјето. Добриловиќ појаснува дека не се минира целата конструкција, туку само критичните елементи што ќе ја нарушат статиката, по што гравитацијата – „господинот Њутн“, како што вели тој – го довршува рушењето.Самото полнење со експлозив трае околу еден ден, а прецизното распоредување на полнежите овозможува зградата да се сруши точно во предвидениот простор.Засега нема проценка колку ќе чини целата операција.Во однос на околните објекти, делови од комплексот ќе претрпат оштетувања, особено на западната страна, но некои објекти – како Прес-центарот и печатницата – ќе останат зачувани. Професорот ги опишува овие неминовни оштетувања како „колатерални последици“ на процесот.

Свет | пред 5 месеци

Тешка несреќа во Србија: Четири лица загинаа во судир меѓу комбе и градежен валјак

Во тешката сообраќајна несреќа што се случи рано утрово, околу 6:20 часот, на патот меѓу Ириг и Рума во Србија, според првичните информации, загинаа четири лица, а три се повредени. До трагедијата дошло кога патничко комбе од засега неутврдени причини удрило во градежен валјак, пренесува „Телеграф“.Сцените од местото на настанот се морничави. Од силниот удар, комбето буквално се подвлекло под машината и останало целосно згмечено. На терен веднаш биле испратени повеќе екипи на итната помош, пожарникари и полиција.Акција за спасување и увидПожарникарите вложиле големи напори за да ги извлечат загинатите и повредените од уништеното возило. Според неофицијални информации, три лица биле извадени без знаци на живот. Сите повредени веднаш биле пренесени во болница.Полицијата врши увид за да го утврди точниот причинител што довел до оваа тешка несреќа.Сообраќајот е во прекинСообраќајот на овој дел од патот е целосно запрен за сите возила. На возачите им се препорачува до понатамошно известување да користат алтернативни правци.

Свет | пред 5 месеци

(ВИДЕО) Ванс им одржа говор на војниците: Кој ја сака мисирката? Пилешкото секогаш е добро

Американскиот потпретседател Џеј Ди Ванс вчера одржа неочекуван говор, префрлувајќи се од темата за трагичната престрелка во Вашингтон Д.С. на расправа за вкусот на мисирката за Денот на благодарноста. Додека главниот град беше во хаос по нападот во кој загинаа двајца припадници на Националната гарда, Ванс им се обрати на војниците од воена база во Кентаки, а неговиот настап предизвика згрозување во јавноста, пренесува „Ајриш стар“.Ванс вчера попладне ги посети војниците во базата Форт Кембел во Кентаки за да им упати порака по повод Денот на благодарноста. По краткото спомнување на инцидентот во главниот град, следуваше неочекуван пресврт.„Кој навистина ја сака, бидете искрени со себе – кој навистина ја сака мисирката?“ ги праша Ванс присутните. Откако одекна аплауз, продолжи: „Сите лажете, сите што ги кренавте рацете. Мисирката всушност не е толку вкусна. Пилешкото секогаш е добро“, изјави тој.Зошто Американците за Денот на благодарноста јадат мисирка?Традиционалното послужување мисирка на Денот на благодарноста во САД се поврзува со првите доселеници во Нова Англија и нивните прослави по жетвата во 17. век, иако историските записи не потврдуваат дека мисирка навистина била послужена во 1621 година, на славниот „прв Ден на благодарноста“.Сепак, мисирката била домашна и лесно достапна дивa птица која можела да нахрани поголема група луѓе, па природно станала симбол на есенската американска гозба. Во 19. век, особено благодарение на популарните описи во книги и списанија, како и на влијанието на Абрахам Линколн, кој во 1863 година го прогласи Денот на благодарноста за национален празник, мисирката се зацврсти како централeн елемент на традицијата.Така постепено прерасна во културен симбол на семејната заедничка вечера, благосостојбата и ритуалот на собирање, што и денес е дел од американскиот идентитет.Ванс сепак се огласи и за нападотВо истиот говор, Ванс ги повика „сите кои се верници“ да се молат за двајцата припадници на Националната гарда, додавајќи дека многу околности од нападот, вклучувајќи го мотивот на напаѓачот, сè уште не се познати. „Мислам дека ова е тажен потсетник дека војниците – било да се активни, во резерва или во Националната гарда – се мечот и штитот на Соединетите Американски Држави“, рече Ванс.За време на престрелката, ниту претседателот Доналд Трамп не беше во главниот град. Тој се наоѓаше на својот голф-терен во Вест Палм Бич, а речиси еден час по првите информации за нападот објави статус на социјалната мрежа Truth Social кој не беше поврзан со инцидентот, што укажува дека сè уште не бил информиран за трагедијата.Подоцна сепак се огласи. „Животното што ги застрела двајцата припадници на Националната гарда – при што двајцата се критично повредени и сега се во две различни болници – исто така е тешко рането, но без оглед на тоа, ќе плати многу висока цена“, порача тој.Ванс беше нападнат онлајн„Бог да ја благослови нашата Голема Национална гарда и сите наши воени и полициски сили. Тие навистина се Големи Луѓе. Јас, како претседател на Соединетите Американски Држави, и сите поврзани со Кабинетот на Претседателот, сме со вас!“, додаде Трамп.Необичниот говор на Ванс и целата ситуација предизвикаа лавина гневни реакции на социјалните мрежи. „Акцијата за активирање на Националната гарда штотуку доведе до смрт на двајца војници кои воопшто не требаше да бидат во Вашингтон. Ова е толку трагично“, напиша еден корисник под видеото од говорот.„Славите како да не се случило ништо“„Немаше никаква добра причина тие да бидат испратени на улиците на Вашингтон. Умреа поради перформативен потег“, додаде друг. Јавноста ја критикуваше и објавата на профилот на Ванс на мрежата X, каде беше споделен пренос во живо од разговорот на музичарот Кид Рок со војската.„Двајца припадници на Гарда загинаа, а вие само го славите Денот на благодарноста како да не се случило ништо. Ох, кратко спомнување на молитвите, а потоа веднаш назад кон славењето“, коментираше еден корисник. „Проклетиот Кид Рок… за бога, каква група неозбилни луѓе… навистина??“, порача друг.

Свет | пред 5 месеци

Илиевска реагира: Насилници се наградуваат во екот на кампањата против насилство врз жени

Габриела Илиевска, која беше кандидат за градоначалник на Битола остро реагира што, во екот на кампањата „16 дена активизам против насилство врз жени“, лице кое, како што тврди, јавно ја „прогласило за умрена“ добило функција во управен одбор на јавно претпријатие. Таа оцени дека ваквата одлука го обезвреднува активизмот и испраќа понижувачка порака до сите жени кои зборуваат за насилството.Во сред кампањата „16 дена активизам против насилство врз жени“, истиот човек што јавно ме „прогласи за умрена“ – што симболично е најбруталниот обид за бришење на една жена – денес од градоначалникот добива награда:Позиција во Управен одбор на јавно претпријатие.Вака ли изгледа борбата против насилство? Ова не е борба. Ова е легитимирање на насилниците, исмевање на вредностите што наводно ги браните и шамар за секоја жена која се осмелила да зборува.Не ми зборувајте за активизам додека ги унапредувате оние што го практикуваат насилството. Не ми продавајте кампањи, спотови и хаштагови додека од другата страна на масата седат луѓе кои ја газат основната човечка достоинственост. Ако ова ви е „борбата“, тогаш жртвите повторно сте ги оставиле сами.

Македонија | пред 5 месеци

Трамп: Нападот врз Националната гарда е „чин на терор“

Американскиот претседател Доналд Трамп го оцени вчерашниот вооружен напад врз двајца припадници на Националната гарда во центарот на Вашингтон како „чин на терор“, „чин на зло“ и „злосторство против целата нација“. Двајцата војници беа застрелани од непосредна близина во заседа, само неколку улици од Белата куќа, во близина на метро-станицата Farragut West. Напаѓачот – 29-годишниот афганистански државјанин Рахманулах Лаканвал – бил совладан од трети припадник на Гардермата и префрлен во болница.Полицијата соопшти дека војниците се во критична состојба, а мотивот сè уште не е познат. Според Министерството за внатрешна безбедност, Лаканвал дошол во САД во 2021 година по падот на Авганистан, како дел од хуманитарната програма за преселување на Авганистанци кои соработувале со американската армија. Минатата година поднел барање за азил, кое било одобрено во април 2025 година.Трамп во видео-обраќање повторно ја обвини администрацијата на Џо Бајден за „дозволување опасни странци да влезат во Америка“, тврдејќи дека Лаканвал бил „доставен со авион во 2021 година“ и дека неговиот статус бил продолжен „според закон потпишан од Бајден“. Трамп порача дека „секој Авганистанец кој под Бајден влегол во земјата мора повторно да биде испитан“ и дека САД мора да ги отстранат сите странци „кои не придонесуваат за државата“.Инцидентот се случува во период кога повеќе од 2.000 припадници на Националната гарда се распоредени во Вашингтон по наредба на Трамп, кој тврди дека во градот има „експлозија на криминал“, иако официјалните статистики не го потврдуваат тоа. Распоредувањето е предмет на правна битка – федерален судија го прогласи за незаконско и нареди повлекување, но одлуката е суспендирана на три недели по жалба на администрацијата. По нападот, Трамп побара дополнителни 500 војници да бидат испратени во главниот град.Американската агенција за државјанство и имиграција доцна синоќа соопшти дека ги запира сите имиграциски постапки поврзани со авганистански државјани, додека трае истрагата за нападот.

Свет | пред 5 месеци

Трагедија во Кина: Воз усмрти 11 работници, двајца повредени

Во југозападниот кинески град Кунминг се случи најтешката железничка несреќа во Кина во изминатата деценија: воз налета на група железнички работници и усмрти единаесетмина, а двајца ги повреди. Инцидентот се случил на заоблен дел од шините на станицата Луојанг Таун, каде што возот изведувал тестирање на опрема за детекција на земјотреси.Истрагата е во тек, а локалните власти соопштија дека железничкиот сообраќај на станицата продолжил без прекин. Кинеската железничка мрежа, најголема во светот со повеќе од 160.000 километри, е позната по својата ефикасност, но инцидентот повторно предизвика загриженост околу безбедносните стандарди.Кина и претходно се соочувала со трагични несреќи: во 2011 година во провинцијата Жеџијанг загинаа 40 лица, а повеќе од 200 беа повредени при судир на брзи возови, додека во 2021 година деветмина работници загинаа кога воз удри во екипа на пругата Ланжу–Синџијанг во провинцијата Гансу.

Свет | пред 5 месеци

Левица предлага формирање градско енергетско претпријатие – очекуваат поддршка од мнозинството во Советот

Советничката група на Левица во Советот на Град Скопје поднесе иницијатива за формирање ново градско енергетско претпријатие под името „Енергија Скопје“ ДООЕЛ. Предлогот, како што наведуваат, има за цел Градот да ја намали зависноста од купување скапа електрична енергија и да развие сопствено производство од обновливи извори.Според иницијаторите, Град Скопје и јавните претпријатија моментално плаќаат значителни суми за струја, средства кои, според нив, би можеле да се насочат кон приоритети како комунални услуги, инфраструктура и јавен превоз.Формирањето на градско претпријатие, велат тие, би овозможило дел од електричната енергија да се произведува локално, институциите да се снабдуваат по пониски цени, а евентуалниот вишок да се продава на пазарот, со што би се создал дополнителен приход за градскиот буџет.Во иницијативата се посочува дека Скопје располага со голем број кровни површини, објекти и локации што би можеле да се искористат за поставување фотоволтаични централи и системи за складирање енергија, со што би се развил долгорочен и одржлив енергетски концепт.Од Левица очекуваат предлогот да биде разгледан и поддржан од мнозинството во Советот, предводено од ВМРО–ДПМНЕ, доколку – како што велат – јавниот интерес е приоритет. Одбивањето на иницијативата, според нив, би значело пропуштена можност за намалување на трошоците и за поголема енергетска независност на градот.Советот на Град Скопје во наредниот период треба да одлучи дали предлогот ќе биде ставен на разгледување и дали ќе добие зелено светло за понатамошни постапки.

Скопје | пред 5 месеци

Хороскопски знаци кои постојано се уморни

Уморот стана дел од секојдневието за многу луѓе, без оглед на начинот на живот или количината сон. Според астролозите, неколку хороскопски знаци особено се поврзуваат со хронично чувство на исцрпеност – било поради начинот на кој го доживуваат светот, количината ментална активност или внатрешниот притисок што самите си го создаваат.ДевицаДевиците постојано анализираат, размислуваат и се грижат за секој детал, а токму оваа ментална хиперактивност најчесто ги исцрпува. Тие се наоѓаат во состојба на речиси непрекината ментална будност, што доведува до замор дури и кога физички не се претерано активни.ЈарецЈарците се исклучително амбициозни и не сакаат да губат време. Постојано тежнеат кон цели, обврски и личен напредок, но притоа често ги надминуваат сопствените граници. Оваа постојана потреба да бидат продуктивни создава хроничен замор што ги следи како сенка.РибиРибите лесно емоционално се исцрпуваат затоа што длабоко ја проживуваат секоја ситуација. Тие ги впиваат туѓите чувства, грижи и проблеми, што ги прави исклучително ранливи на емоционален замор. Често се случува Рибите да се чувствуваат исцедени по само неколку часа социјална интеракција – дури и ако тоа не е видливо однадвор.БикБиковите ја сакаат стабилноста, рутината и удобноста, но секоја промена може ментално да ги умори. Иако често се опишуваат како силни и издржливи, тие брзо се исцрпуваат кога треба да се справат со емотивни или стресни ситуации што го нарушуваат нивниот мир.

Магазин | пред 5 месеци