(Видео) Се урна „Боинг 747“ во Хонг Конг, има загинати

На најголемиот каргоаеродром во светот, Хонг Конг, раноутринава се урнал товарен авион од Дубаи во моментот кога се обидувал да слета. Авионот, практично од пистата излетал во морето.Сите членови на екипажот се живи, но според наводите на локалните медиуми две лица загинале.Станува збор за двајца службеници за безбедност на аеродромот, на возраст од 30 и 41 година. Товарниот авион го турнал нивниот патролен автомобил во морето.„Членовите на екипажот беа спасени и немаше товар во авионот“, се вели во соопштението на Емиратите.

Свет | пред 6 месеци

Стигна првото барање за оставка од Филипче

Од ВМРО-ДПМНЕ со реакција по резултатите од локалните избори, оценувајќи дека опозициската СДСМ доживеала, како што велат, „историски дебакл“.„Филипче е целосно декласиран и треба да си поднесе оставка. Го изгуби бастионот Струмица, а во Скопје не успеа ниту да влезе во втор круг,“ стои во реакцијата.Од партијата посочуваат дека СДСМ во главниот град завршила на четвртото место, зад ВМРО-ДПМНЕ, Левица и ВЛЕН, а дека Струмица, која со години важеше за бастион на социјалдемократите, овој пат била освоена од нивниот кандидат уште во првиот круг.„СДСМ предводена од Венко Филипче ја направи партијата трета сила на локално ниво, а во некои општини дури и четврта,“ наведуваат од ВМРО-ДПМНЕ, спомнувајќи општини како Битола, Карпош, Кисела Вода, Куманово и Кочани.Во реакцијата се додава дека резултатите се доказ за, како што велат, „целосната безидејност и немањето конкретни проекти“, поради што, според нив, „единствениот чесен потег што Филипче може да го направи е да си поднесе оставка“.

Македонија | пред 6 месеци

Максим Димитриевски влегува во втор круг во Куманово, има огромна предност пред независниот Горан Стојковски

Во Куманово ќе има втор круг од локалните избори, откако актуелниот градоначалник и кандидат на ЗНАМ, Максим Димитриевски, не успеа да освои доволен број гласови за победа уште во првиот круг.Според податоците објавени на веб-страницата на Државната изборна комисија, Димитриевски добил 37,89 отсто од гласовите, односно 16.183 гласа. На второ место е независниот кандидат Горан Стојковски со 13,92 проценти или 5.946 гласа.Трет по број на освоени гласови е Селвер Ајдини од ДУИ со 5.905 гласа, а веднаш зад него е кандидатот на СДСМ, Мартин Костовски, со 5.793 гласа. Според досега обработените 98,80 проценти од гласачките ливчиња, овие резултати се сметаат за речиси конечни.Димитриевски синоќа изјави дека води убедливо во однос на сите останати шест кандидати и дека ЗНАМ, со поддршка од ВМРО-ДПМНЕ, има добиено најголем број гласови. Тој додаде дека во вториот круг очекува конечна победа, бидејќи, како што рече, граѓаните го препознаваат континуитетот и сакаат Куманово да продолжи да се развива во истиот правец.

Македонија | пред 6 месеци

СДСМ со прва реакција по првите резултати: ВМРО-ДПМНЕ загуби фантастични 140.000, разликата меѓу СДСМ и ВМРО-ДПМНЕ значително намалена

„По преброени 99% од гласовите, се потврдува он што СДСМ го говореше, а тоа дека оваа власт на чело со ВМРО-ДПМНЕ и ЗНАМ на овие избори ќе изгуби огромен број на гласови“, велат од СДСМ и додаваат:Споредбените анализи со изборните резултати од минатата година покажуваат дека ВМРО–ДПМНЕ и ЗНАМ имаат изгубено по речиси една третина од гласовите. Падот на ВМРО-ДПМНЕ е фантастични 135.000 или 30,8% од гласовите, а ЗНАМ паѓа од 56.200 на 38.034 гласови, односно е најголем губитник и има изгубено 33% од гласовите.За разлика од нив СДСМ има изгубено само 18% од гласовите што, ако се земе предвид пониската излезеност речиси да нема загуба. Левица, која вчера триумфалистички излажа дека станувала лидер на опозицијата има изгубено ист процент на гласови како СДСМ, со мало подобрување на резултатот на на ниво на градот Скопје. Левица сумарно има 2,2 пати помалку гласови од СДСМ со што е јасно дека ваквите еуфорични лаги на Апасиев немаат допирна точка со реалноста.СДСМ се надеваше на подобар резултат, но фактот што е значително намалена разликата помеѓу СДСМ и ВМРО-ДПМНЕ, фактот што ЗНАМ, нивниот привезок партија, има драматичен пад, укажува на тоа дека довербата во власта значително опаѓа. СДСМ останува втора најсилна партија.Според анализите, СДСМ има стабилизација и раст на процентот на освоени гласови во најголем дел од општините што е позитивен тренд, но и помал број општини каде има благ пад, за што ќе се направи соодветна анализа и преземат чекори за подобрување на резултат.

Македонија | пред 6 месеци

Обид за убиство во Скопје: маж си го претепал братот и легнал да спие

Основното јавно обвинителство – Скопје поведе истрага против лице осомничено дека се обидело да изврши убиство на својот брат во семејниот дом во село Марино.Како што соопшти Обвинителството, настанот се случил на 18 октомври, кога осомничениот физички го нападнал братот, удирајќи го со дрвена ногарка по главата и телото. Од ударите, оштетениот почнал да крвари и изгубил свест, по што осомничениот – наместо да повика помош – си легнал да спие.Следното утро, кога го забележал брат му како лежи во крв, не реагирал веднаш, туку повикал итна медицинска помош дури по речиси три часа.Јавниот обвинител предложил на осомничениот да му биде определен притвор, имајќи ги предвид околностите и тежината на делото.Според Обвинителството, случајот се води како обид за убиство по член 123 став 2 точка 2 во врска со член 19 од Кривичниот законик.

Скопје | пред 6 месеци

Мицкоски слави: „20 години чекавме на оваа победа во Струмица“

„Убедливо победивме во првиот круг во Струмица. 20 години чекавме за овој дел“, изјави лидерот на ВМРО-ДПМНЕ, Христијан Мицкоски, по објавувањето на првичните резултати од локалните избори.Според целосно обработените 100 проценти од избирачките места, кандидатот на ВМРО-ДПМНЕ, Јанков, доби 15.071 глас, додека кандидатот на СДСМ, Даскаловски, освои 9.732 гласа. Останатите кандидати имаат троцифрен број гласови.Мицкоски ја оцени победата во Струмица како „историска “, потсетувајќи дека ова е прва победа на неговата партија во овој град по две децении.

Македонија | пред 6 месеци

Скопјани избраа градоначалници во 6 општини, втор круг ќе има во Аеродром, Центар, Карпош и Шуто Оризари

Според податоците што ги објави ДИК на својата веб-страница, во речиси сите скопски општини обработени се 100 отсто од избирачките места, а кај четири општини недостасуваат податоците уште од неколку места.Скопјани избараа градоначалници во првиот круг во шест општини:Бутел, Гази Баба, Ѓорче Петров, Кисела Вода, Сарај, Чаир, додека втор круг на 2.ноември ќе има во Аеродром, Центар, Карпош и Шуто Оризари.После првиот круг во Општина Аеродром, каде се обработени 99,90 отсто од избирачките места, води канидатот на ВМРО-ДПМНЕ и актуелен в.д. градоначалник Дејан Митески со 49,09 отсто од гласовите на скопјани или 16 225 гласа. Зад него е д-р Александар Трајановски од СДСМ кој има 20,79 отсто или 6 872 гласа, во Карпош актуелниот градоначалник Стевчо Јакимовски заостанува зад кандидатот на ВМРО, Сотир Лукровски за околу 1.500 гласови.Во Центар води актуелниот градоначалник од СДСМ, Горан Герасимовски пред Лабудовиќ од ЗНАМ со околу 3.000 гласови.

Скопје | пред 6 месеци

Втор круг во четири скопски општини и за градоначалник на Град Скопје

По првиот круг од локалните избори, граѓаните во повеќе општини избраа градоначалници уште во првиот круг, додека во дел од општините трката продолжува на 2 ноември, кога ќе се одржи вториот круг од изборите.Според податоците на Државната изборна комисија, во шест скопски општини веќе се избрани градоначалници — Бутел, Гази Баба, Ѓорче Петров, Кисела Вода, Сарај и Чаир. Во останатите четири – Аеродром, Центар, Карпош и Шуто Оризари, граѓаните повторно ќе треба да излеат на гласање.Во Аеродром, најмногу гласови во првиот круг освои актуелниот в.д. градоначалник Дејан Митески со 49,09%, пред Александар Трајановски со 20,79%. Двајцата одат во втор круг.Во Центар, актуелниот градоначалник Горан Герасимовски освои 38,21% од гласовите, додека Мирослав Лабудовиќ доби 25,53%. И тие двајца ќе се соочат повторно во вториот круг.Во Карпош, во водство е Сотир Лукровски со 34,51% пред Стевчо Јакимовски, кој има 29,40%.Во Шуто Оризари, вториот круг ќе го одлучи победникот меѓу актуелниот градоначалник Курто Дудуш (36,57%) и Ерџан Демир (20,69%).Втор круг ќе има и за градоначалник на Град Скопје, каде што ќе се натпреваруваат Орце Ѓорѓиевски и Амар Мециновиќ. Ѓорѓиевски освои 39,43% од гласовите или 91.582 гласа, а Мециновиќ 13,20% или 30.659 гласа.

Скопје | пред 6 месеци

Бујар Османи го призна поразот, Изет Меџити ќе го предводи Чаир

Кандидатот за градоначалник на општина Чаир, Бујар Османи, по завршувањето на изборниот ден, упати јавна изјава во која им се заблагодари на своите соработници, активисти и поддржувачи за нивниот ангажман во текот на кампањата, оценувајќи дека изборниот ден поминал успешно и мирно.„Денешниот изборен ден беше успешен, без поголеми забелешки, и тоа е нешто што треба да се истакне. Сакам да изразам благодарност до сите соработници, активисти, пријатели од партијата и коалицијата, како и до форумите на жени и млади. Чест ми беше да работиме со посветеност и пожртвуваност на визијата за Чаир, но и да создадеме многу нови пријателства,“ напиша Османи.Тој нагласи дека, иако кампањата не била целосно фер и законска, резултатот го прифаќа со почит кон волјата на граѓаните.„Во политиката, последниот збор секогаш им припаѓа на граѓаните. Доволно сум долго во оваа сфера за да ги разберам и почитувам пораките што тие ги испраќаат. Иако кампањата не беше фер во секој аспект, нема да се жалам – чесноста и вредностите имаат смисла само ако ги зачуваш и во вакви ситуации,“ порача Османи.Тој му честита на својот противкандидат и на коалицијата што стои зад него, посакувајќи им успех во следниот четиригодишен мандат.„Им честитам на победниците во Чаир и им посакувам успех во управувањето со општината,“ додаде Османи, истакнувајќи дека дополнително ќе се произнесе за своите следни политички чекори.

Македонија | пред 6 месеци

Мицкоски со порака до ДУИ веднаш по првиот круг од изборите

Лидерот на ВМРО-ДПМНЕ, Христијан Мицкоски, по убедливата победа на партијата на локалните избори, на кои неговите кандидати освоија градоначалнички места во 32 општини уште во првиот круг, изјави дека исходот бил очекуван и дека тој претставува пораз на старите политички модели.„Темата за предвремени парламентарни избори веќе сум ја одговарал неколку пати. Кога ги давав тие одговори, знаев дека ќе се случи ова што се случи – знаев дека политиката од пред четири или пет децении ќе биде поразена, и бев во право,“ рече Мицкоски.Тој додаде дека резултатите се „јасна порака“ за ДУИ и нејзиниот лидер Али Ахмети, кои, според него, доживеале сериозно разочарување.„Многупати кажував дека ДУИ и Али Ахмети ќе бидат непријатно изненадени денеска – и очигледно се непријатно изненадени. Кога Ахмети се удираше во гради дека менувал премиери, реков: полека, почекај, ќе бидеш непријатно изненаден од резултатот. Ова е тој ден,“ изјави лидерот на ВМРО-ДПМНЕ.Мицкоски оцени дека овие избори означуваат пораз на политиките на етноцентризам, национализам и вештачки теми, кои, како што рече, „немаат никаква врска со секојдневните проблеми на граѓаните“.„На овие избори победи разумот, победи политиката што се занимава со реални проблеми, а не со орли и зајци. Сега се отвора прашањето за реформи во опозицијата. Јас не посакувам послушна опозиција, но очекувам далеку поконцентрирана и покапацитетна од оваа која зборува за небитни теми,“ додаде Мицкоски.

Македонија | пред 6 месеци

Познати резултатите по првиот круг: градоначалници избрани во 44 општини, три без доволен одѕив

На локалните избори одржани вчера, градоначалници се избрани уште во првиот круг во 44 општини, покажуваат првичните неофицијални резултати на Државната изборна комисија (ДИК). Најголем дел од нив се кандидати на владејачката ВМРО-ДПМНЕ, која освои градоначалнички места во 32 општини.Според обработени 99,94 проценти од гласовите од 3.472 избирачки места, партијата ќе има градоначалници во Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Градско, Делчево, Демир Хисар, Зелениково, Илинден, Јегуновце, Кавадарци, Карбинци, Кисела Вода, Кратово, Новаци, Ново Село, Охрид, Петровец, Пехчево, Прилеп, Радовиш, Ресен, Свети Николе, Сопиште, Струмица и Штип.Во Старо Нагоричане, кандидатот на истата партија има точно 50 проценти од гласовите, што е граничен резултат за победа во првиот круг.Од останатите политички субјекти, СДСМ победи во три општини – Богданци, Крива Паланка и Кривогаштани, додека коалицијата ВЛЕН освои пет градоначалнички места – во Арачиново, Желино, Сарај, Чаир и Теарце.Коалицијата „Национална алијанса за интеграција“ (НАИ), предводена од ДУИ, според податоците на ДИК, доби четири општини – Гостивар, Липково, Пласница и Чашка.Изборите не успеаја во три општини – Центар Жупа, Врапчиште и Маврово Ростуше, бидејќи не излегла најмалку една третина од запишаните избирачи, што е законскиот минимум за да се смета дека изборите се валидни.

Македонија | пред 6 месеци

Апасиев: Левица влегува во 10 нови совети – станавме втора партија во Скопје и повеќе општини

Лидерот на Левица, Димитар Апасиев, по првиот изборен круг изјави дека партијата постигнала историски резултат на локално ниво, освојувајќи над 70 советнички места низ државата.„Од 48 советници, според нашата аналитика, сега имаме над 70 советници на ниво на држава. За првпат влегуваме во советите на општините Тетово, Виница, Берово, Лозово, Пробиштип, Ранковце, Струмица, Радовиш, Кривогаштани и Ресен,“ рече Апасиев.Тој додаде дека Левица, покрај главниот град, станала втора најсилна политичка сила во повеќе скопски општини.„Покрај главниот град Скопје, втора партија сме во Аеродром, Карпош, Кисела Вода, Гази Баба, Бутел, Чаир и Велес. Тоа значи дека нашата визија за пасокизација на СДС се оствари – од вечерва Левица е вистински лидер на опозицијата,“ изјави Апасиев.

Македонија | пред 6 месеци

(Видео) Со паролите за Груевски, го бодреа Амар во Левица откако влезе во втор круг

Распеана атмосфера имаше вчера во штабот на Левица, откако Амар Мециновиќ се пласираше во вториот круг. Присутните во знак на поддршка го поддржаа кандидатот со паролата „Никој ништо не ти може Амаре“, истата од 2016 година, кога за Груевски извикуваа „Никој ништо не ти може Никола“.Потоа, се скандираше „Цело Скопје, гласа Амаре“. Од партиската говорница, Мециновиќ се заблагодари на поддршката и најави дека во идниот период повторно ќе се посветат на кампањата и подобри резултати во вториот круг.

Македонија | пред 6 месеци

И во Кочани ќе има втор круг, граѓаните ќе гласаат за д-р Грозданов и Венко Крстевски

Граѓаните на Кочани не избраа градоначалник во прв круг. На 2.ноември ќе гласаат за независниот кандидат Венко Крстевски или за д-р Владко Грозданов, исто така независен кандидат, поддржан од од ВМРО-ДПМНЕ.Според 80, 47 отсто од преброените гласови, Крстевски има 23.67 отсто или 2.704 гласови, а Грозданов со 39.95 отсто или 4.564 гласови.Вториот круг од Локалните избори ќе се одржи на втори ноември.

Македонија | пред 6 месеци

Ѓорѓиевски и Мециновиќ во втор круг за Скопје – Шукова надвор од трката

Кандидатот на опозициската ВМРО-ДПМНЕ, Орце Ѓорѓиевски, и пратеникот на Левица, Амар Мециновиќ, ќе се соочат во вториот круг од изборите за градоначалник на Град Скопје, кој ќе се одржи на 2 ноември.Кандидатката на владејачката партија Каја Шукова не успеа да влезе во трката за вториот круг и, според првичните официјални податоци, заврши четврта меѓу 16 кандидати кои се натпреваруваа за првиот човек на главниот град.Според 100 проценти обработени избирачки места, објавени од Државната изборна комисија (ДИК) утрово во 7 часот, Ѓорѓиевски освои 39,43 проценти од гласовите или 91.582 гласа, додека Мециновиќ има 13,20 проценти, односно 30.659 гласа.На трето место е кандидатот на коалицијата ВЛЕН, Башким Бакиу, со освоени 12 проценти или 27.864 гласа, а Шукова е четврта со 26.714 гласа или 11,50 проценти.Со 652 гласа помалку, односно 26.062 гласа, Скендер Реџепи од коалицијата „Национална алијанса за интеграција“ (НАИ), предводена од ДУИ, го зазеде петтото место, што претставува 11,22 проценти од гласовите.Во изборот за Совет на Град Скопје, најмногу гласови освои коалицијата предводена од ВМРО-ДПМНЕ со 35,15 проценти, следат Левица со 11,83 проценти, ВЛЕН со 11,77 проценти, коалицијата предводена од ДУИ со 11,64 проценти, додека СДСМ и коалицијата освоија 10,56 проценти.Податоците се конечни на ниво на обработка, но неофицијални до потврда од ДИК.

Македонија | пред 6 месеци

Орце Ѓорѓиевски и Аамар Мециновиќ одат во втор круг, Каја Шукова е на четвртата позиција по освоени гласови

Според 99 отсто oд обработени гласови од Државната изборна комисија, во вториот круг на локалните избори, за градоначалник на Скопје, влегуваат Орце Ѓорѓиевски од ВМРО-ДПМНЕ и Амар Мециновиќ од Левица.Ѓорѓиевски со 99 отсто обработени гласови имаше освоено  39,43 отсто или 91.582 од гласовите на скопјани, додека Мециновиќ – 13,20 отсто или 30.659 гласа.Третото место го освои кандидатот на коалицијата Вреди, Башким Бакиу за кого гласаа 27.864 избирачи, додека кандидатката на СДСМ, Каја Шукова го освои четвртото место во градоначалничката трка за Скопје, со само 26.714 гласа.Според обработените податоци, ВМРО-ДПМНЕ и коалицијата што ја предводи се во убедливо водство во 54 општини низ државата, додека коалицијата Вреди води во девет, СДСМ во седум, а коалицијата НАИ предводена од ДУИ во пет општини. Демократската партија на Турците има предност во една општина.Вториот круг на локалните избори ќе се одржи на 2 ноември.

Скопје | пред 6 месеци

Филипче: СДСМ победи во 3 општини во прв круг, води во десетина и влегуваме во втор круг во дваесетина општини

Претседателот на Социјалдемократскиот сојуз на Македонија, д-р Венко Филипче на вчерашната прес-конференција изјаи дека СДСМ во првиот круг од локалните избори победи во 3 општини, води во десетина и во вториот круг влегува во дваесетина општини.Во продолжение е интегралната изјава на претседателот Филипче:„Најпрво, сакам да упатам честитки за добро организираниот изборен ден. Денот помина мирно. Имаме некои одредени забелешки за изборниот процес. Тие забелешки се дадени до соодветните институции — ОБСЕ и Државната изборна комисија, односно ќе бидат поднесени во текот на утрешниот ден. Им честитам на сите градоначалници кои што победија во првиот круг. Од досега пристигнатите резултати, СДСМ во првиот круг победи во три општини, тоа се Крива Паланка, Кривогаштани и Богданци. Понатаму, од преброените близу 70% од гласовите, водиме во уште 9 општини, тоа се Центар, Пробиштип, Чучер Сандево, Чешиново, Валандово, Конче, Крушево, Лозово и Росоман. И таму ќе има втор изборен круг. Дополнително, во уште неколку општини каде што сме на второ место , а тоа се Неготино, Македонска Каменица, Ранковце, Дојран, Демир Капија, Зрновци, и очекуваме податоци уште од неколку места. Апелирам до граѓаните да излезат масовно на гласање во вториот круг. Важно избраните градоначалници да имаат легитимитет од што поголем број на граѓани.Овој резултат мислам дека не е тој којшто го посакувавме сите, меѓутоа би рекол дека, имајќи ги предвид околностите, не е лош резултат, посебно што, не насекаде, меѓутоа во еден добар дел од општините, навистина имаме зголемување на бројот на гласови кога ги споредуваме со ланската година.И тоа е еден доказ на таа консолидација којашто започна изминатите месеци, изминатата година во партијата, процес којшто, секако, зема време и процес на којшто интензивно ќе работиме во следниот период“, рече претседателот на СДСМ, Венко Филипче.

Македонија | пред 6 месеци

(Во живо) „Претрес“ со Ландов - Изборно студио

Вечерва граѓаните се собираат пред седиштето на ВМРО-ДПМНЕ, откако лидерот на партијата Христијан Мицкоски прогласи победа на градоначалниците од нивните редови во повеќе од 30 општини и тоа уште во првиот круг.Атмосферата ја пренесуваме во живо.Владее еуфорија, поставена е и бина, а доѓаат граѓаните од повеќе скопски општини.Ќе присуствуваат и градоначалниците кои веќе победија

Скопје | пред 6 месеци

„ВМРО-ДПМНЕ има градночалници во повеќе од 30 општини уште во првиот круг, во Струмица победивме по цели 20 години“, рече Мицкоски

Лидерот на ВМРО-ДПМНЕ, Христијан Мицкоски, вечерва прогласи победа на партијата во повеќе од 30 општини уште во првиот круг. Истовремено, тој најави и победа на Орце Ѓорѓиевски во Скопје, бидејќи, како што рече има убедливо водство.„Ветивме победа, имаме победа! Македонија избра луѓе кои веруваат во работа, а не во зборови. Оваа убедлива победа не е крајот, туку ова е почеток на новата македонска енергија. Во овие недели покжавме дека политиката може да има поинакво лице, без навереди, без омраза, со достоинство. Граѓаните го препознаа тоа, и вечерва со убедливо мнозинство ја потврдија својата доверба не поради нас, туку поради себе. Поради своите семејства, поради својата иднина, поради Македонија. Секој човек кој излезе и гласаше за продолжување на промените, гласаше дека може подобро, тоа е нашата обврска и довербата не е награда, туку задача која почнува утре наутро. Затоа оваа победа не е само наша, туку во сите кои веруваат дека општините мора да одат напред. Да бидам искрен, патот не е лесен, но Македонија има сила и волја. Пред нас се уште две недели на одлука, на која треба да ја заокружиме промената. Тезата дека имало нерегуларности е плитка, а сето тоа е алиби да се оправда слабиот резултат на опозицијата.Имаме победа во над 30 општини уште во првиот круг. Имаме победи и во општини каде што СДСМ имаше свои градоначалници, како што е Струмица. Дваесет години чекавме на овој ден. Имаме победа во Делчево, Берово, убедлива победа имаме во Битола, во Прилеп, во Штип, Кавадарци, Гевгелија, Свети Николе, Охрид, Кисела Вода, Ѓорче Петров, Велес, Радовиш и така натаму.Орце има огромно водство во Скопје, и таму извесен победник е Орце во вториот круг“, изјави Мицкоски.

Македонија | пред 6 месеци

Ана Чупевска од СДСМ ги смета локалните избори за успех: Во „Претрес“ вели дека СДСМ оди во нагорен тренд

По досегашните пребројани гласови, кои според податоците на ДИК, покажуваат дека ВМРО-ДПМНЕ убедливо води во 55 општини, Ана Чупевска од СДСМ вечерва во „Претрес“ вели дека СДСМ има нагорен тренд и ги смета локалните избори за успех.Очекува влегување на партијата во втор круг во Скопје, иако во моментов нивната кандидатка Каја Шукова е на третата позиција, зад кандидатот на ВМРО-ДПМНЕ, Орце Ѓорѓиевски и зад кандидатот на Левица, Мециновиќ.

Македонија | пред 6 месеци

(Видео) Огномет во Чаир, Меџити слави победа во Чаир, убедливо води пред Бујар Османи на ДУИ

Кандидатот за градоначалник за Чаир од ВЛЕН, Изет Меџити, вечерва слави победа. Според неофицијалните резултати, Меџити убедливо води пред кандидатот од ДУИ, Бујар Османи, и најавува победа уште во првиот изборен круг.-На ДУИ и Ахмети, кои се залагаа за легитимитет, им честитам за победата во Пласница, додека во другите општини убедливо води Вреди. Во Чаир сме тука да ја прославиме победата на Вреди уште во првиот круг. Тие посакуваа да се мериме во Чаир и Тетово, и таму убедлива победа ќе издвојува Вреди. Очекувам уште во првиот круг ќе имаме 4-5 општини и ќе водиме во повеќето албански општини на нивото на државата. Сакам да напоменам дека нема цензус во Врапчиште, додека во Гостивар е на граница да нема цензус. Денес, со срце полно со гордост и благодарност, сакам гласно и јасно да кажам — вечерва Албанците победија, а една политичка класа се пензионира. Честитки за победата, честитки за пензионирањето на политичките противници. Вечерва му се обраќам на мојот политички противник, Али Ахмети, со целосно почитување и јасност — ова е моментот кога мора да поднесете оставка. Гласот на Албанците ве испрати во политичка пензија – порача Меџити.

Скопје | пред 6 месеци

Јанчев во Кавадарци прогласи победа

Митко Јанчев победи со 7:1 во однос на кандидатот на СДСМ, соопшти неговиот изборен штаб. Велат дека со убедливо водство од утре го продолжува неговиот успешен градоначалнички мандат.-Изборниот штаб на Митко Јанчев прогласи победа во Кавадарци со резултат три наспроти еден. Вечерва победата ќе ја прослават на градскиот плоштад.

Македонија | пред 6 месеци

Мисајловски: Орце Ѓорѓиевски води со шест пати повеќе гласови за Скопје, Каја Шукова е трета

Владо Мисајловски од ВМРО-ДПМНЕ рече дека очекува владејачката партија да издвојува голема победа во првиот круг локални избори.Тој потенцираше дека на праг на победа е и Орце Ѓорѓиевски во Скопје.„ВМРО-ДПМНЕ е на прагот на огромна победа, разликата е 3:1, има општини каде разликата е 6:1, 7:1, 10:1, а во некои општини СДСМ е трета партија.-Се одбраа градоначалници во Кисела Вода, Охрид, Радовиш, Берово, Ѓорче Петров, Гази Баба, Пехчево, Делчево, Прилеп, Битола, Гевгелија, Сопиште, Штип, Велес, Бутел, Аеродром, Јегуновце, Вевчани и на многу други места. Гласовите се пребројуваат, а резултатите укажуваат на водство. На прагот сме на убедлива победа во Струмица. Орце води убедливо во Скопје, 5:1, во некои општини и 6:1. Имаме водство и во Центар“, вели Мисајловски.

Скопје | пред 6 месеци

Стевчо Јакимовски оди во втор круг за Карпош

Стевчо Јакимовски, лидерот на партијата Граѓанска опција за Македонија-ГРОМ, вечерва објави дека продолжува во вториот круг на локалните избори.Рече дека кандидатот на ВМРО-ДПМНЕ, Сотир Лукровски, води за 266 гласа, од 40 отсто од преброените гласови.

Скопје | пред 6 месеци

СДСМ: Водиме во седум општини, но имаше бројни изборни нерегуларности

Генералниот секретар на СДСМ, Александар Саша Димитријевиќ, на прес-конференција оцени дека изборниот ден поминал генерално мирно, но биле констатирани сериозни прекршувања на изборниот процес во повеќе општини низ државата.„Имаме злоупотреба на избирачкиот список, обиди за изборен поткуп, директни закани и уцени, како и кршење на изборниот молк преку агитација и нерегуларности при самото гласање“, рече Димитријевиќ.Тој наведе конкретни случаи — во Лозово бил спречен обид за поткуп документиран од МВР, а слични обиди се регистрирани и во други места. Во Куманово и Ѓорче Петров имало случаи каде еден гласач добил повеќе ливчиња, а во Ѓорче пет ливчиња му биле дадени од претседателка на избирачко место на нејзиниот сопруг. Во Студеничани членови на избирачки одбори истовремено биле и кандидати на советнички листи на ВМРО-ДПМНЕ.СДСМ пријавил и притисоци и закани кон активисти во Прилеп и Крива Паланка, како и користење на општински објекти за партиски цели во Неготино. Во Богданци, според Димитријевиќ, раководител на ОВР Гевгелија со службено возило на ЈП „Национални шуми“ агитирал за ДПМНЕ.Покрај тоа, биле забележани случаи на починати лица во избирачкиот список, злоупотреби на полициски службеници во изборни активности, како и поставување роднини на кандидати во општински изборни комисии. Агитација во време на изборен молк, според него, била забележана и во Охрид, Крива Паланка и Прилеп, а во Градско кандидат на ВМРО-ДПМНЕ упатувал закани кон членови на одбори.Димитријевиќ додаде дека имало и случаи на попречување на работа на новинарски екипи во Карпош, Охрид и Тетово и побара итна реакција од ДИК, Јавното обвинителство и МВР за да се обезбеди одговорност и фер изборен процес.„Правниот тим на СДСМ подготвува пријави до надлежните институции“, рече тој.Според досегашните резултати, СДСМ води и очекува победа во седум општини: Центар, Крива Паланка, Пробиштип, Чучер Сандево, Чешиново-Облешево, Кривогаштани и Богданци. Тесна трка се води во Неготино, Валандово, Македонска Каменица и Ранковце, а во Дојран и Лозово се очекува втор круг.„Во секоја општинска организација имаме подобар резултат од лани и подобри резултати од минатите парламентарни избори“, истакна генералниот секретар на СДСМ.

Македонија | пред 6 месеци