Најнови вести

3 нед.

Цените на дизелот и екстра лесното масло пораснаа за 2 денари, бензините остануваат исти

Од ноќеска на полноќ, цените на дизелот и на Екстра лесното масло за домаќинство ќе се зголемат за два денари, додека цените на бензините остануваат исти, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).Од 28.2.2026 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС – 95 73,50 (денари/литар)Моторен бензин ЕУРОСУПЕР БС – 98 75,50 (денари/литар)Дизел гориво ЕУРОДИЗЕЛ БС (Д-Е V) 71,00 (денари/литар)Масло за горење Екстра лесно 1 (ЕЛ-1) 70,00 (денари/литар)Мазут М-1 НС 34,520 (денари/килограм)Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 2,00 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат.

Македонија | пред 3 седмици

3 нед.

(Видео) Сообраќаен колапс во Скопје – возачи чекаат по 30 минути за да се поместат од место

Скопје денеска се соочува со сериозни застои во сообраќајот поради посетата на претседателот на Албанија Бајрам Бегај.Возачите на социјалните мрежи реагираат наведувајќи дека се заглавени по половина час на различни точки низ градот.„Браво успеавте да го блокирате цело Скопје, толку…“, „Што е со градов Тито да не доаѓа?? Тотален хаос..“ се само дел од бројните коментари.На 26, 27 и 28.02.2026 година (четврток, петок и сабота), во официјална посета на Република Северна Македонија ќе престојува г-дин Бајрам Бегај, претседател на Република Албанија. Поради посетата, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на градот Скопје – информираат од МВР.СВР Скопје апелира до сите учесници во сообраќајот да ги почитуваат наредбите и упатствата што ќе ги даваат униформираните полициски службеници, со цел непречено и безбедно одвивање на сообраќајот.

Скопје | пред 3 седмици

3 нед.

Народна банка: Макроекономските движења се во рамките на проекциите

Советот на Народната банка, на редовната седница одржана во февруари 2026 година, ги разгледа најновите макроекономски показатели и Извештајот за управувањето и инвестирањето на девизните резерви во четвртиот квартал на 2025 година.„Според Информацијата за најновите макроекономски показатели, и натаму преовладуваат оцените за стабилен светски економски раст за периодот 2025 – 2027 година, но ризиците се надолни и главно произлегуваат од трговските и од геополитичките тензии. Во домашната економија, најновите показатели главно се во согласност со проекциите. Во третиот квартал од 2025 година, реалниот раст на БДП изнесува 3,8% и е малку над очекувањата, а расположливите високофреквентни податоци упатуваат на раст и во текот на четвртиот квартал. Просечната стапка на инфлација, во 2025 година, изнесува 4,1% и е близу до проекциите. Во јануари 2026 година, девизните резерви забележаа раст и се на ниво коешто, согласно прифатените меѓународни стандарди, е соодветно за одржување на стабилноста на девизниот курс. Податоците од монетарниот сектор покажуваат годишен раст на депозитите од 10% и на кредитите од 13%, во декември 2025 година, што е умерено над проекциите за крајот на годината.Според Извештајот за управувањето и инвестирањето на девизните резерви, во четвртиот квартал од 2025 година, девизните резерви се зголемија и на крајот на декември достигнаа 4.925 милиони евра. Во согласност со инвестициската поставеност, околу 74,2% од девизните резерви се вложени во должнички хартии од вредност, главно во државни обврзници издадени од земји членки на еврозоната, по што следуваат монетарното злато (16,5%) и депозитите и паричните средства (9,3%). Сигурноста и ликвидноста во управувањето со девизните резерви се обезбедуваа преку пласмани во финансиски инструменти со висок кредитен рејтинг коишто овозможуваат брза достапност до ликвидни средства, а условите на меѓународните финансиски пазари и внимателниот и врамнотежен пристап кон инвестирањето придонесоа за поволни финансиски остварувања во 2025 година.На седницата на Советот беа разгледани и други точки поврзани со редовното работење на Народната банка“, се вели во соопштението.

Македонија | пред 3 седмици

3 нед.

Пронајдена марихуана кај затвореник во Битола

СВР Битола поднесе кривична пријава против А.Е.(38) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.Според информациите, на 03.09.2025 година, затворски службеници во Казнено-поправната установа Затвор Битола извршиле преглед над пријавениот, при што била пронајдена и одземена марихуана.По целосно документирање на случајот, против него е поднесена соодветна кривична пријава.

Македонија | пред 3 седмици

3 нед.

Вработен во казино од благајната си земал 332.330 денари

ОВР Кочани поднесе кривична пријава против В.С.(43) од Кочани поради постоење основи на сомнение за сторено кривично дело „затајување“.Според пријавата, на 01.07.2025 година, пријавениот како вработен во подружница на казино во Кочани, од благајната одзел и присвоил 332.330 денари.По документирање на случајот, против него е поднесена соодветна кривична пријава.

Македонија | пред 3 седмици

3 нед.

Маж фатен при нелегален ископ на тампон кај Гостивар

Надворешната канцеларија за криминалистички работи Гостивар поднесе кривична пријава против С.В.(44) од с.Здуње, гостиварско, поради постоење основи на сомнение за сторено кривично дело „незаконска експлоатација на минерални суровини“.Според информациите, на 23.09.2025 на магистралниот пат Гостивар–Маврово, на местото викано „Краста“, полициски службеници го затекнале пријавениот заедно со уште едно лице од Гостивар при ископ на тампон со градежна машина – багер, без согласност од концесионерот.По документирање на случајот, против него е поднесена соодветна кривична пријава.

Македонија | пред 3 седмици

3 нед.

Кумановец измамен за 43.750 евра, купувал криптовалути

На 26.02.2026 во 20:00 часот во СВР Велес, 48-годишен жител на Куманово пријавил дека бил измамен за сума од 43.750 евра.Според пријавеното, тој на социјална мрежа објавил оглас за откупување криптовалута, а потоа преку друга социјална мрежа стапил во контакт со лице со кое се договориле парите да ги уплати во крипто менувачница во Велес, по што да му бидат префрлени крипто средства.Пријавителот ги предал парите на вработено лице во менувачницата, по што му било кажано дека средствата се испратени на наведената адреса. Меѓутоа, тој не ги примил договорените крипто средства, а лицето со кое комуницирал го избришало разговорот, како и го блокирало неговиот телефонски број и бројот на менувачницата. Тогаш сфатил дека станува збор за измама.За случајот е известен јавен обвинител и се преземаат мерки за целосно расчистување на настанот.

Македонија | пред 3 седмици

3 нед.

Изградил куќа без одобрение во Рача, инспекторатот наложи уривање

СВР Охрид поднесе кривична пријава против М.В.(74) од Охрид поради постоење основи на сомнение за сторено кривично дело „бесправно градење“.Според пријавата, тој како инвеститор, на катастарска парцела во населбата Рача, без правосилно одобрение за градење издадено од Секторот за урбанизам и управување со градежно земјиште при Општина Охрид, изградил објект за домување.Од страна на овластен градежен инспектор е донесено решение за отстранување на градбата.

Македонија | пред 3 седмици

3 нед.

Роднина допирал и бакнувал деветгодишно девојче, мајката пријавила во полиција

Деветгодишно девојче било допирано и бакнувано од роднина во семејниот дом. Случајот во полиција го пријавила мајката.- На 26.02.2026 во 18:30 часот во СВР Скопје, 39-годишна жена од скопско пријави дека на 19.02.2026 во семејниот дом, нивен роднина ја допирал и бакнувал нејзината деветгодишна ќерка, соопштија до полицијата во дневниот билтен.Се преземаат мерки за расчистување на случајот.

Скопје | пред 3 седмици

3 нед.

Тројца малолетници се обиделе да ограбат 19-годишник во автобус во Центар

На 26.02.2026 во 19:30 часот во СВР Скопје, Л.М.П.(19) од Скопје пријавил дека околу 17:10 часот, додека се превезувал во автобус на подрачјето на Центар, две машки и едно женско лице, најверојатно малолетници, со употреба на сила се обиделе да му ја одземат чантата.Полицијата презема мерки за расчистување на случајот.

Скопје | пред 3 седмици

3 нед.

Расправија за паркинг во Центар заврши со физички напад

На 26.02.2026 во 21:45 часот во СВР Скопје, К.Г.(40) од Охрид, со престој во Скопје, пријавил дека претходниот ден на подрачјето на Центар бил физички нападнат од едно лице по недоразбирање околу паркинг место.Полицијата презема мерки за расчистување на случајот.

Скопје | пред 3 седмици

3 нед.

Силјановска за пораката на Вајц: Ние сме рекордери во уставни измени, потребни се гаранции дека нема да има нови барања

Претседателката Гордана Силјановска Давкова на днешната прес-конференција ја искоментира изјавата на господинот Вајц во која што порачува дека Македонија треба да го искористи овој позитивен момент за зачленување во Европската Унија и да ги донесе уставните измениДа, го чув господинот Вајц, но јас исто така имам меморија. Многу пати сум чула за вакви моменти што треба да се искористат. Навистина, моментот и сега постои, бидејќи е врзан и за членството на Украина и на Молдавија, се разбира, јас во системот на поделба на власта не се осудувам да давам совети дали и кога треба да се усвојат уставните измени, јасен е Уставот, дека пратениците ги претставуваат граѓаните и гласаат по сопствено уверување. Освен тоа, ќе го повторам она што и повеќе пати сум го кажала, ние сме рекордери во уставни измени, исто така и овој пат повторно се бара уставна измена, се разбира дека нашиот став е за неопходноста, од нужноста, од гаранции, дека нема повторно да се појави нов многу погоден момент и уште едно барање за уставни измени. Ништо не би имала против уставни измени, доколку навистина се работи за одредби врзани за копехагенските критериуми или ако сакате во случајов за надминување на дискриминација или за гарантирање на малцински права. Македонскиот устав влегува во категоријата на устави кои се силни гаранции на малцинските права, што не е случај со многу други устави, па и со, можеби, најголемиот број устави на земји што се членки на Европската Унија“, вели Силјановска.

Македонија | пред 3 седмици

3 нед.

Општина Илинден продолжува со чистење на речните корита

Општина Илинден продолжува со засилени активности за чистење и редовно одржување на каналската мрежа и речните корита на својата територија, со цел зголемување на проточноста и намалување на ризикот од поплави.„Во изминатиот период беше реализирано чистење на коритото на Сува Река, на потегот од вливот на „Бучинско езеро“ до излезот од населеното место Бучинци, во должина од 850 метри. Дополнително, извршено е чистење на сисавецот на главниот канал „Млака“, на потегот од пречистителната станица во населеното место Илинден до вливот во главниот канал, во должина од 800 метри.Градоначалникот на Општина Илинден, Александар Георгиевски изврши увид на каналот „Шамак“, во н.м Кадино каде во моментов се спроведува чистење во вкупна должина од 1.200 метри. Како што истакна градоначалникот Георгиевски, по обилните врнежи овој канал беше утврден како критична точка, а неговото расчистување е од особено значење за безбедноста на жителите од овој дел на општината.Имајќи предвид дека каналската мрежа на Општина Илинден е под нивото на реката Вардар, одводнувањето се реализира со пумпни уреди преку кои се испумпуваат до 2.800 литри вода во секунда, што дополнително ја потенцира потребата од редовно и навремено одржување на системот. Благодарение на континуираното чистење и одржување на каналите и речните корита, изминатиот период со обилни врнежи беше надминат без потешкотии и несакани последици.Согласно Годишната програма на Општината, Годишната програма на Водостопанство и Акциониот план за чистење на каналската мрежа, во текот на 2026 година предвидено е чистење на вкупно 24.250 метри канали и речни корита на територијата на сите населени места во Општина Илинден.Општина Илинден и годинава ја презема обврската за покривање на водниот надомест за редовно одржување, чистење и нивелирање на отворените канали, со што јасно ја демонстрира својата континуирана заложба за подобрување на инфраструктурата и обезбедување побезбедна, почиста и поквалитетна животна средина за сите граѓани“, велат од Општина Илинден.

Скопје | пред 3 седмици

3 нед.

Засилени контроли на АХВ во Липково, поради појава на сипаници кај овците и козите

Денеска, во просториите на Министерството за земјоделство, шумарство и водостопанство, министерот Цветан Трипуновски, заедно со директорот на Агенцијата за храна и ветеринарство, Оливер Миланов остварија средба со одгледувачите на овци. На средбата се разговараше за актуелната епидемиолошка состојба со болеста сипаници кај овците и козите во о. Липково, Кумановско. Со цел да се спречат нови жаришта на територијата на државата, неопходно е одгледувачите на овци да се придржуваат кон пропишаните контролни и заштитни мерки за спречување на ширењето на болеста, донесено од страна на Агенцијата и движењето на животните да биде со издаден ветеринарно - здравствен сертификат од надлежното ветеринарно друштво. Доколку сточарите забележат некои симптоми или нагли промени кај животните, вклучително и зголемена смртност, да ги известат ветеринарните друштва и Агенцијата за храна и ветеринарство. Надлежните институции спроведуваат контролни и заштитни мерки во заштитната зона во радиус од 3 километри и во зоната под надзор во радиус од 10 километри околу одгледувалиштата каде што е потврдена болеста, со цел навремено информирање на сточарите за појавата и ширењето на болеста. Дополнително, на средбата беше истакнато дека извозот на јагнешко месо, производи од јагнешко месо и производи од млеко добиено од овчо млеко кои биле подложни на пастеризација не е доведен во прашање, движењето на животните од одгледувалиштата кон кланичните капацитети не е забрането, додека во сила остануваат рестрикциите за движење на живи животни и за работа на добиточните пазари. Во зависност од развојот на епидемиолошката состојба на терен се очекува кон средината на идниот месец да бидат донесени нови заштитни и контролни мерки за справување со болеста.

Македонија | пред 3 седмици

3 нед.

Со туѓ Голф удрил во маркет и избегал, вработена со телесни повреди

На 26.02.2026 во 22:40 часот во СВР Тетово, Ќ.И.(78) од с.Стримница пријави дека одземено е патничко возило „фолксваген голф“ со тетовски регистарски ознаки, кое го користел со дозвола од сопственикот и било оставено паркирано со клуч на бравата.Лицето кое го одзело возилото, се движело кон с.Палатица кога предизвикало сообраќајна незгода и удрило во објект на маркет, по што го напуштило местото. Во несреќата, со телесни повреди се здобила Л.К.(23) од Палатица, вработена во маркетот, а предизвикана е и материјална штета на објектот.Возилото е одземено и сместено во кругот на СВР Тетово по наредба на јавен обвинител, а полицијата презема мерки за пронаоѓање на лицето и целосно расчистување на случајот.

Македонија | пред 3 седмици

3 нед.

(Видео) Потресно сведоштво од скопско училиште: ученик извадил нож на час, Јаневска најави дефенитивен крај на ваквото однесување

Родители на деца кои учат во основното училиште „Киро Глигоров“ испратија порака до редакцијата на Скопје 1, во врска со детето кое со нож дошло на училиште. Според нив, службите четири години службите велат дека работат со детето, но ситуацијата се влошува.Детето четири години е агресивно, насилно и минатата година син ми кој е со посебни потреби со ножички. Бркаше девојче со ножички низ училницата, за сега да извади нож на час. Мајката потпишала дека пржела лепчиња и му го подготвувала ранецот во исто време и по грешка ставила нож во ранецот. Од директорката четири години добиваме уверување дека се работи со детето, но станува неиздржливо. Четири години работат со детето и само се влошува состојбата. Во истото училиште ученичка истепа наставнички, што беше објавено на медиуми. Во сите одделенија се бара вонредна родителска затоа што родителите веќе не чувствуваат дека децата им се безбедни во училиште. Се пика под тепих за да не се наруши угледот на училиштето. Без медиуми очигледно нема нипто да направиме. Родителите на детето праќаат инспекција на наставничката, директорката и врши притисок на наставничката, ние родителите на наставничката и ништо не решивме. Од службите велат дека работат со ученикот, видовме од шамари и плуканици, преку ножички до нож. Се работи за деструктивно дете кое лиже клупи, јаде пластелин, сунѓер, живее во свој свет. Родителите четири години добиваат насоки од службите да го однесат детето на проценка во МКФ и тоа четири години не е направено“, велат родителите.Во гостувањето во поткастот „Претрес со Ландов“, министерката за образование и наука Весна Јаневска, изјави дека е запознаена со случајот со детето од училиштето „Киро Глигоров“.Го знам случајот, мислам дека денес постапува Државен просветен инспекторат, не сум сигурна тие ќе ме информираат, ќе состават записник и ќе ми кажат. И јас сум ги слушнала овие муабети дека директорката ги заштитува родителите и тоа ќе треба ако овој записник покаже дека има нешто да се продлабочи и прошири, вели Јаневска.На прашањето дали може да ја смени директорката, министерката Јаневска одговори дека не може, бидејќи тоа е надлежност на градоначалникот Герасимовски. „Не сме разговарале, не знам дали е точно, но од тоа што се слуша е така. Службите можат да работат со детето, но функционална проценка на ова дете е неопходна, и ако е сè ова што го пишуваат родителите точно, тогаш ќе треба дел од часовите детето да ги помине во друга установа. Треба да има образовен асистент, очигледно детето нема, бидејќи не се спомнува овде. Како и да е овој случај ќе продолжиме да го истражуваме. Дефинитивно ќе мора да се реши“, вели Јаневска.Видете и други сведоштва:

Македонија | пред 3 седмици

3 нед.

ООУ „Владо Тасевски ќе добие современо спортско игралиште

Во тек се градежните активности за целосна реконструкција на постојното спортско игралиште во училишниот двор на ООУ „Владо Тасевски“, во урбаната заедница „Кузман Јосифовски-Питу“ (во населбата Козле).Реконструкцијата ќе опфати вградување на нов тампон, асфалт и рабници. Зафатнината на игралиштето изнесува 600 метри квадратни, а изведувач на работите е фирмата ДПГТТУ „Филип Инженеринг“ ДООЕЛ. Вредноста на проектот е 1.842.452 денари.Во зависност од временските услови, се очекува спортското игралиште да биде пуштено во употреба кон крајот на март или почетокот на месец април.Ова училишно спортско игралиште, долги години беше во незавидна состојба и со реконструкцијата, учениците од основното училиште „Владо Тасевски“ ќе можат да ги извршуваат своите физички активности на квалитетено надворешно спортско игралиште, но и помладите генерации од населбата Козле ќе добијат современ спортски терен на кој ќе може да спортуваат и да се рекреираат.Општина Карпош и во иднина ќе вложува финансиски средства во реконструкција, ревитализација и осовремување на спортските игралишта во рамките на училишните дворови во основните општински училишта, се со цел, учениците и младите да имаат модерни, квалитетни и функционални спортски терени кои ќе ги користат за спорт и спортски активности“, информираат од општина Карпош.

Скопје | пред 3 седмици

3 нед.

Апасиев: Породилно за мајките нема исплатено цел февруари, а вие слободно раѓајте бебиња

Пратеникот Димитар Апасиев утрово на социјалните мрежи сподели информација дека нема исплатено породилно за месец февруари.Породилно за мајките нема исплатено цел февруари! Дали сме банкрот, дали се неспособни, дали и двете? – тоа да си ја прашате министерката.Иначе, Породилно нема. А вие слободно раѓајте бебиња. – напиша Апасиев.

Коментари | пред 3 седмици

3 нед.

Кузеска: Српска или руска странски служби за Груби кажале, па ова е веќе циркус

Сè што досега кажа Мицкоски и ВМРО-ОКГ се покажа дека е голема лага. Тетарот и режираното сцанарио со Груби веќе стана циркус. Обвинителството под контрола на Мицкоски го правдаше скандалозното одредување куќен притвор за Груби со безбедносна проценка дадена од МВР и АНБ, вели Богданка Кузеска – портпаролка на СДСМ.„Не бил безбеден и затоа морале да одредат куќен притвор.Истиот ден, директорот на затворот Шутка, инаку кадар на ВМРО-ОКГ, го демнатираше обвинителството. Според него ниту АНБ ниту МВР не дошле и не направиле проценка.Мицкоски вчера, јавно, на телевизија рече дека тоа биле класифицирани информации, доверливи и не може да се соопшти.Имал чувство.Сега излегуваат информации дека „странски служби“ јавиле и тоа уште пред една година и дека безбедносна проценка воопшто не била направена од АНБ и МВР.Само не кажаа која, дали српска или руска странска служба?Ако нема проценка од АНБ и МВР како Обвинителството донело одлука за куќен притвор?Ако нема проценка од АНБ и МВР како Мицкоски вели дека „тоа било класифицирано“.Или неговите лаги почна да ги третира како класифицрани?Циркус.Нема посилна потврда од ова дека сè е договорено и смислено.Се измислуваат нови лаги, се прави дефокус за да се покрие сценариото, дилот којшто го направиле.Претстава на граница, доаѓање со наочари, со насмевка, само уште црвен килим недостасуваше.Пречек со камери, со медиумска поддршка на 40% од медиумите под контрола на ВМРО преку Орбан.Одредувањето куќен притвор од обвинителство и судство по контрола на ВМРО ОКГ.Има, па нема безбедносна проценка. Дале проценка АНБ и МВР па не дале.Сега странски служби. Недостастуваат уште „жолтите комбиња“ и сликата да била комплетна. Циркус Медрано како што велеше Гордана Јанкуловска.Ова почитувани го разобличува целото режирано сценарио, целокупниот театар.Мицкоски прво разрешува и поставува нови обвинители на телевизија, во живо во емисија, а сега повторно во емисија најавува што ќе зборува Груби и што ќе прави обвинителството.Кому веќе не му е јасно дека Мицкоски, покрај тоа што ги уредува 40% од медиумите што преку Орбан ги има под контрола, управува и со обвинителството?Сè е договорено.Граѓаните не се глуви и не се слепи, гледаат и знаат се.Имаме чувство Мицкоски“, вели Кузеска.

Македонија | пред 3 седмици

3 нед.

(Видео) Спречен обид за шверц на никотински производи вредни 1,2 милиони денари

Секторот за контрола и истраги откри и спречи обид за криумчарење на 4.800 пакувања со никотински ќесички со вредност од 1,2 милиони денари.„Против сторителот ќе биде поднесена кривична пријава заради сторено кривично дело „криумчарење“, казниво по Кривичниот законик.Осомничениот е застанат за контрола од страна на мобилен царински тим, во внатрешноста на државата, веднаш по влезот во државата преку граничен премин Табановце, при што се пронајдени 4.752 пакувања со никотински ќесички со никотин и 48 пакувања никотински ќесички – снус кои содржат никотин и тутун.Стоката и возилото се запленети, а осомничениот е приведен на сослушување од страна на инспекторите за истраги.Во предистражната постапка е утврдено дека стоката требало да биде предадена на лице за кое Царинската управа минатата година поднесе кривична пријава за прикривање стоки кои се предмет на криумчарење – цигари без акцизни маркички и царинска измама.По целосно завршување на истрагата, против осомничениот ќе биде поднесена кривична пријава до надлежното јавно обвинителство за сторено кривично дело криумчарење“, велат од Царинската управа.

Македонија | пред 3 седмици

3 нед.

Уапсена лихварка од Струмица: Дала 2.700 евра, а барала да и вратат 15.000 евра

На 26.02.2026 во 12:00 часот во Струмица, полициски службеници од СВР Струмица ја лишија од слобода Ј.Т.(53) од Струмица. Според пријавеното, таа во јуни 2025 година на жител на струмичко село му дала пари во износ од 2.700 евра, за кои сега барала да му врати несразмерен износ од 15.000 евра.Имено, вчера оштетениот остварил средба со Ј.Т. на која требало да ѝ плати 100 евра, сума која ја определила како месечна камата за основниот лихварски долг. Во моментот кога ѝ ја дал банкнотата од 100 евра, која била претходно обележана, Ј.Т. е лишена од слобода. Притоа, бил извршен преглед кај неа и биле пронајдени обележаната банкнота од 100 евра, тетратка и листови хартија на кои ги нотирала износите на парични средства кои ги давала на лица и износите кои како камата требало да ѝ бидат вратени.Подоцна, со судска наредба, бил извршен претрес во нејзиниот дом, при што се пронајдени и одземени пари (денари и евра), нотарски акти, како и тетратки и листови на кои ги евидирала дадени износи на пари, од кои е утврдено дека Ј.Т. досега во повеќе наврати давала пари на лица, а тие требало да ѝ вратат несразмерен износ со кој таа се стекнувала со противправна имотна корист.Ј.Т. е задржана во Полициската станица Струмица и за случајот е запознаен јавен обвинител од Основното јавно обвинителство Струмица. По целосно документирање на случајот, против неа ќе биде поднесена кривична пријава поради постоење основано сомневање дека сторила кривично дело „лихварство“ по член 260 од Кривичниот законик.

Македонија | пред 3 седмици

3 нед.

Петрушевски: СДС молчи на пратенички прашања за Груби, хистеријата и стравот од одговорност ги направи заложници на криминалот

СДС молчи на пратенички прашања за Груби, хистеријата и стравот од одговорност ги направи заложници на криминалот, вели Бране Петрушевски, пратеник на ВМРО-ДПМНЕ„Ниту едно пратеничко прашање од страна на СДС кон членовите на Владата за Артан Груби. А толку беа гласни изминативе три дена со измислување на 10-тина тези, за кои народот секако не им поверува.Но вистината, почитувани, полека но сигурно излегува на површина.Стравот од можните искази на Артан Груби за криминалите на поранешната власт на СДС и ДУИ очигледно го притисна паник тастерот во Бихаќка.Дури и потпретседателката на СДС, Јованка Тренчевска, отиде чекор понатаму, посочувајќи дека за еден од случаите во кои се сомничи Груби за сторен криминал, кривични пријави треба да добијат и неговите колеги од тогашната влада.Толку многу ли знае Груби што некои поранешни функционери би биле подготвени да се жртвуваат? Дали паник тастерот во СДС го притисна кланот Заеви? Дали стравот кај Вице и Зоран Заев навистина толку е голем, па затоа СДС со Филипче на чело застана во одбрана? Затоа ли Спасовски, Филипче и Зечевиќ делуваат видно вознемирени?За криминалот, на крајот, има само еден одговор, а тоа е правдата“, вели Петрушевски

Македонија | пред 3 седмици

3 нед.

(Видео) Угината крава втор ден стои на пат близу училиште во Крива Паланка, до вчера ја чувала и полиција

Јулијана Ѓорѓиевска, ќерка на сопственикот на кравите во Крива Паланка, во изјава за „Скопје1“ тврди дека една од нивните крави, удрена на 25-ти, веќе трет ден лежи угината на пат во центарот на селото, на само неколку десетици метри од основно училиште.Според неа, локацијата е фреквентна и секојдневно таму се движат деца – за време на одморите, по завршување на наставата и до блиската продавница.„Постои реална опасност децата да дојдат во контакт со мршата, која може да претставува здравствен ризик. Станува збор за угинато животно кое со денови е изложено на отворено“, вели Ѓорѓиевска.Таа додава дека до вчера вечер полицијата ја обезбедувала локацијата, но утринава немало присутни службени лица.„Доколку на тоа место беше жива крава врзана – дали ќе останеше таму три дена? Немаше. Затоа што живо животно носи профит. Но кога нема профит – нема ни итност“, наведува таа.Ѓорѓиевска бара итно отстранување на мршата, дезинфекција на просторот и утврдување на надлежноста и одговорноста за состојбата во центар на населено место.„Ова не е прашање на сопственост. Ова е прашање на здравје и безбедност на деца. Ова е прашање на институционална одговорност“, порача таа, повикувајќи ги надлежните институции да постапат веднаш.

Македонија | пред 3 седмици

3 нед.

Опозицијата реагира: Имаме чувство дека српски служби пробуваат да го ослабнат СДСМ

Имаме чувство дека странски служби работат за различни цели., велат од опозициската СДСМ.„Излезе информација дека странски служби дале информација за Груби дека е во опасност.Беше 14 месеци, како што вели ВМРО (изгледа имале информации, а никој не го барал), на Косово и во Албанија – без никаква опасност.А сега е во опасност во затворот Шутка, покрај сите мерки за обезбедување.Посигурен е дома. Тоа сигурно – храната стигнува од ресторани, а и на телевизија има интересни содржини. Како во хотел.Она што не го кажа Мицкоски е од која странска служба ја добиле информацијата, бидејќи како што се гледа од изјавите за медиумите од МВР и АНБ, никој ја нема таа информација.Дали информацијата му стигнала од српска или од руска служба? Може ли тоа да ни го каже, или и тоа е тајна?Исто така, покрај ова што наводно го прават странските служби во земја членка на НАТО, имаме чувство дека истите тие служби се занимаваат и со членови на СДСМ.По бројните обиди за слабеење на СДСМ одвнатре, кои што не успеаа, истиот модел продолжува.Така, имаме чувство дека поединечни членови продолжуваат контакти со служби, одат во амбасади, одат на ручеци – како што одамна прават некои т.н. новинари кои се во служба на водење антиевропска кампања со цел јакнење на руското влијание во Македонија“, се вели во соопштението.

Македонија | пред 3 седмици

3 нед.

Деца без проблем купуваат цигари низ маркетите

Министерот за здравство Азир Алиу на денешната прес конференција изјави дека со поддршка од Светската здравствена организација, е извршено истражување, во кое биле избрани 75 училишта и биле опфатени 4.670 ученици.„Истражувањето е дел од глобалниот систем на надзор на тутунот и претставува национално репрезентативно истражување кое по четврти пат се спроведува во училиштата во нашата држава. Податоците од истражувањето покажуваат дека 13,6% од учениците на возраст од 13 до 15 години моментално користат некаков тутунски производ и тоа е највисоката преваленца досега регистрирана во нашата држава. Вкупно 10% од нив користат електронски цигари, што е повеќе од двојно зголемување во споредба со 2016 година. Дополнително загрижувачки се податоците дека дури 57% од младите биле изложени на тутунски чад во домот. Додека 55,4% биле изложени на чад во затворени јавни простори. Во однос на достапноста на Тутунските производи, ова истражување покажува дека 73,2% од младите пушачи не биле спречени да купат цигари поради нивната возраст. Она што е важно за нас како креатори на здравствените политики е дека огромен дел од испитаниците, ученици, ја поддржуваат мерката за забрана за пушење во затворени јавни простори, вкупно 86,9% од испитаниците ја поддржуваат оваа мерка.Министерот изјави дека целта на новиот предлог-закон е денормализација на пушењето, а тоа ќе се постигне преку 4 столба на овој закон.„Прво, целосна заштита од пасивно пушење, без чад и без аеросол во затворени и работни простори, заштита важи заштитата важи и за аеросоли од електронските цигари, чија безбедност при пасивна изложеност не е докажана. Втор столб, намалување на привлечноста, забрануваме продажба на производи што содржат карактеристични ароми кои создаваат препознатлив вкус или сензорен ефект различен од природниот тутунски профил. Овошни, слатки, ментол и други вкусови кои ја маскираат штетноста и го олеснуваат првото пробување. Повеќе овие нема да бидат дозволени за продажба. Трето, ограничување на маркетингот и изложувањето, ќе се стави крај на таргетирањето на младите преку социјалните мрежи, преку инфлуенсери, игри и дигитални други платформи. Тутунските и никотинските производи повеќе нема да бидат јавно изложени, туку во затворени ормани. Четвртиот столб е ограничување на достапноста и засилената контрола на продажба на малолетници. Со здравјето на младите нема компромис. А јавниот интерес ќе биде посилен од секој комерцијален притисок, вели Алиу.

Македонија | пред 3 седмици