Најнови вести

3 нед.

Опозицијата реагира: Имаме чувство дека српски служби пробуваат да го ослабнат СДСМ

Имаме чувство дека странски служби работат за различни цели., велат од опозициската СДСМ.„Излезе информација дека странски служби дале информација за Груби дека е во опасност.Беше 14 месеци, како што вели ВМРО (изгледа имале информации, а никој не го барал), на Косово и во Албанија – без никаква опасност.А сега е во опасност во затворот Шутка, покрај сите мерки за обезбедување.Посигурен е дома. Тоа сигурно – храната стигнува од ресторани, а и на телевизија има интересни содржини. Како во хотел.Она што не го кажа Мицкоски е од која странска служба ја добиле информацијата, бидејќи како што се гледа од изјавите за медиумите од МВР и АНБ, никој ја нема таа информација.Дали информацијата му стигнала од српска или од руска служба? Може ли тоа да ни го каже, или и тоа е тајна?Исто така, покрај ова што наводно го прават странските служби во земја членка на НАТО, имаме чувство дека истите тие служби се занимаваат и со членови на СДСМ.По бројните обиди за слабеење на СДСМ одвнатре, кои што не успеаа, истиот модел продолжува.Така, имаме чувство дека поединечни членови продолжуваат контакти со служби, одат во амбасади, одат на ручеци – како што одамна прават некои т.н. новинари кои се во служба на водење антиевропска кампања со цел јакнење на руското влијание во Македонија“, се вели во соопштението.

Македонија | пред 3 седмици

3 нед.

Деца без проблем купуваат цигари низ маркетите

Министерот за здравство Азир Алиу на денешната прес конференција изјави дека со поддршка од Светската здравствена организација, е извршено истражување, во кое биле избрани 75 училишта и биле опфатени 4.670 ученици.„Истражувањето е дел од глобалниот систем на надзор на тутунот и претставува национално репрезентативно истражување кое по четврти пат се спроведува во училиштата во нашата држава. Податоците од истражувањето покажуваат дека 13,6% од учениците на возраст од 13 до 15 години моментално користат некаков тутунски производ и тоа е највисоката преваленца досега регистрирана во нашата држава. Вкупно 10% од нив користат електронски цигари, што е повеќе од двојно зголемување во споредба со 2016 година. Дополнително загрижувачки се податоците дека дури 57% од младите биле изложени на тутунски чад во домот. Додека 55,4% биле изложени на чад во затворени јавни простори. Во однос на достапноста на Тутунските производи, ова истражување покажува дека 73,2% од младите пушачи не биле спречени да купат цигари поради нивната возраст. Она што е важно за нас како креатори на здравствените политики е дека огромен дел од испитаниците, ученици, ја поддржуваат мерката за забрана за пушење во затворени јавни простори, вкупно 86,9% од испитаниците ја поддржуваат оваа мерка.Министерот изјави дека целта на новиот предлог-закон е денормализација на пушењето, а тоа ќе се постигне преку 4 столба на овој закон.„Прво, целосна заштита од пасивно пушење, без чад и без аеросол во затворени и работни простори, заштита важи заштитата важи и за аеросоли од електронските цигари, чија безбедност при пасивна изложеност не е докажана. Втор столб, намалување на привлечноста, забрануваме продажба на производи што содржат карактеристични ароми кои создаваат препознатлив вкус или сензорен ефект различен од природниот тутунски профил. Овошни, слатки, ментол и други вкусови кои ја маскираат штетноста и го олеснуваат првото пробување. Повеќе овие нема да бидат дозволени за продажба. Трето, ограничување на маркетингот и изложувањето, ќе се стави крај на таргетирањето на младите преку социјалните мрежи, преку инфлуенсери, игри и дигитални други платформи. Тутунските и никотинските производи повеќе нема да бидат јавно изложени, туку во затворени ормани. Четвртиот столб е ограничување на достапноста и засилената контрола на продажба на малолетници. Со здравјето на младите нема компромис. А јавниот интерес ќе биде посилен од секој комерцијален притисок, вели Алиу.

Македонија | пред 3 седмици

3 нед.

Мексиканскиот Конгрес го одобри скратувањето на работната недела од 48 на 40 часа

Мексиканскиот Конгрес го одобри законот со кој работната недела во земјата постепено ќе се скрати од сегашните 48 на 40 часа, со планирано намалување по два часа годишно до 2030 година.Реформата, која ќе влијае на околу 13,4 милиони работници, помина во Претставничкиот дом со поддршка на 469 пратеници, додека никој не гласаше против, пренесува Ројтерс.Опозициските пратеници изразија загриженост дека законот не оди доволно далеку во корист на работниците, но по повеќе од десет часа дебата се приклучија на владејачкото мнозинство и го поддржаа законот.Претседателката на Мексико, Клаудија Шајнбаум, го внесе предлог-законот во законодавниот процес во декември 2025 година, по повеќегодишни преговори помеѓу законодавците и приватниот сектор.Целта на законот е подобрување на работните услови и продуктивноста преку постепено намалување на работното време.Реформата претходно оваа година доби општа поддршка во Сенатот, каде владејачката партија Морена има значајно мнозинство.Синдикатите ја критикуваа иницијативата, тврдејќи дека намалувањето по два часа годишно не е доволно и дека не ги решава клучните прашања за работничките права и плати.Аналитичарите сметаат дека реформите во Мексико ќе се соочат и со потенцијални предизвици при примена, особено во приватниот сектор, но напоменуваат дека законот претставува значаен чекор кон модернизација на работното законодавство и подобрување на стандардите за милиони мексикански работници, пренесуваат медиумите.

Свет | пред 3 седмици

3 нед.

272221174_1123584345105622_1125979458684620033_n

Градоначалникот, ако сакаше до сега ќе го решеше проблемот со кравите, вели АХВ по драматичната акција во Крива Паланка

Агенцијата за храна и ветеринарство (АХВ) најостро реагира на изјавата на Градоначалникот на Општина Крива Паланка, Сашко Митовски, дека локалната самоуправа нема никаква законска надлежност да постапува во справувањето со проблемот со говедата кои лутаат низ градот Крива Паланка и нанесуваат штета и на земјоделските поседи и во околните села.„Го потсетуваме Митовски дека неодговорно е кон сопствените граѓани и жители на паленечките села тој да се иззема од одговорност која ја има во овој случај, бидејќи согласно Законот за јавна чистота, член 14 став 1 точка 11, контролата на одржувањето на јавните површини односно чување и напасување на крупен добиток (вклучително и на говеда) на јавни површини ја има токму Општината. Ако сакаше, Митовски и досега можеше да го реши проблемот, сам или со помош од некои поранешни функционери, негови сограѓани, кои беа во врвот на претходната Влада.Говедата ниту се размножија во толку голем број за година и половина, ниту може инстантно да се соберат, во услови кога со Агенцијата не соработува Општината која е подеднакво одговорна за решавање на проблемот. Како одговорна институција, во интерес на граѓаните на Крива Паланка и околните села, го повикуваме Митовски конечно да почне да го почитува законот и да соработува со Агенцијата, за трајно решение на реалниот проблем со кој се соочуваат жителите од овој крај.Агенцијата за храна и ветеринарство и во наредниот период ќе продолжи со активности за собирање на животните во интерес на граѓаните на Општина Крива Паланка“, велат од АХВ.

Македонија | пред 3 седмици

3 нед.

(Видео) Јаневска во конфликт со новинар откако и кажа да си носи преведувач на албански: Во Македонија има еден службен јазик!

Во текот на изјавите пред јавната дебата за предлог Законот за високо образование во Тетово, министерката за образование и наука Весна Јаневска повторно се објаснуваше околу употребата на јазиците. На новинарско прашање дали мисли дека е подобро наредниот пат кога ќе дојде во Тетово да си земе преведувач на албански јазик, Јаневска одговори дека во Македонија има еден службен јазик и не треба да има преведувач.Во Македонија има еден службен јазик и уште еден што го зборуваат заедниците. Јас се наоѓам во Тетово каде што се зборува албанскиот јазик, но не треба да имам преведувач, вие треба да го знаете и македонскиот јазик, јас малку подразбирам, сум кажала неколку пати, но за да не згрешам во преводот замолувам да ми се преведе , и мислам дека ако сакаме да живееме во нашата заедничка земја, јас тоа илјада и еднаш сум го повторила, ова е наша заедничка земја ние во оваа земја треба да се почитуваме, да си ги почитуваме различностите, по можност да сиги знаеме јазиците, но доколку не можеме да се разбереме, треба да си помогнеме едни на други, за тоа да биде така“, изјави Јаневска.По изјавата, новинар и порача следниот пат да си земе преведувач.Друг пат кога ќе доаѓаш во Тетово треба да си земеш преведувач“, рече еден од новинарите

Настани | пред 3 седмици

3 нед.

Томба се враќа дома, собрани потребните средства

Никола Николовски познат како Томба, кој веќе пет месеци се лекува во болница во Малта поради мозочно крварење, предизвикано од руптура на крвен сад, се враќа дома.По апелите за помош, Томба да се врати во Македонија и да продолжи со рехабилитацијата, обезбедени се финансиски средства благодарение на хуманите граѓани.Пред почеток на викендот, сакаме да споделиме убави вести, Томба се враќа дома! Потребните средства за транспортот на Николче – Томба се целосно собрани, по сите канали! Вашата солидарност, донации и споделувања направија нешто големо – му овозможивте да се врати во Македонија, каде што ќе ја продолжи рехабилитацијата со поддршка од семејството и пријателите. Кога сме заедно – можеме сè. Ви благодариме на сите што бевте дел од оваа мисија, објавија од ECrowd.

Македонија | пред 3 седмици

3 нед.

Николоски: Државната статистика потврди голем раст на превезнена стока во товарниот сообраќај

Вкупнато количество на превезена стока во товарниот патен превоз во четвртиот кварат од 2025 година е за 66, 7 проценти зголемена во споредба со истиот период 2024 година, покажуваат податоците на Државниот завод за статистика.Државната статистика забележува и зголемување на карго превозот преку авиосообраќајот и тоа за 23, 7 проценти во четвриот квартал од 2025 година во споредба со истиот период 2024 година. Единствено се забележува намалување на железничкиот превоз за 13,4 проценти и тоа се должи на започнатите инфраструктурни проекти на железничката мрежа долж Коридор 10.Во истиот пресметковен период во патничкиот транспорт превезени се вкупно 925 илјади патници, додека во воздухопловниот превоз регистрирани се 889 153 патници што покажува засилен раст како резултат на политиките за финансиска подршка што ги спроведува Министерството за транспорт за воведување на нови авиолинии. Најмногу од патниците во делот на авиосообраќајот се превезени преку редовни авиолинии, а раст се забележува и кај чартер летовите.Единствено намалување во четвриот квартал од 2025 година има во железнички превоз на патници и тоа според статистиката превезени се 34 илјади патници.

Македонија | пред 3 седмици

3 нед.

Општина Ѓорче Петров ќе ги субвенционира дел од трошоците за полагање возачки испит

Градоначалникот на Општина Ѓорче Петров денеска објави дека советот донел одлука да субвенционите дел од трошоците за полагање на возачки испит. Според информациите, оваа одлука ќе ги опфати младите лица на возраст од 18 до 25 години.„Советот на Општина Ѓорче Петров донесе одлука со која директно инвестира во младите.Обезбедуваме субвенција од 10.000 денари за дел од трошоците за полагање возачки испит - Б категорија, за млади лица од 18 до 25 години.Ова не е само финансиска поддршка.Ова е вложување во нивната самостојност, мобилност и сигурна иднина.Исполнуваме ветувањеДаваме конкретна помошСоздаваме можностиВо време кога секој трошок е значаен, Општината застанува рамо до рамо со младите.Продолжуваме со политики што носат реална поддршка и вистинска грижа.Ѓорче Петров инвестира во својата иднина - во младите“, се вели во објавата на градоначалникот.

Скопје | пред 3 седмици

3 нед.

Уапсени три лица во Прилеп и Битола за управување возило без возачка дозвола

На 26.02.2026, полициски службеници од СВР Битола и ОВР Прилеп лишија од слобода три лица поради управување возило без возачка дозвола.Во Битола, на патот Прилеп-Ресен кај „Тунелот“, Н.М.(20) од Битола бил сопрен додека управувал патничко возило „пежо“ со битолски регистарски ознаки, без да поседува важечка возачка дозвола.Во Прилеп, С.Р. и В.Ѓ.(18), управувале патнички возила „фолксваген голф“ и „фиат“ со прилепски регистарски ознаки, исто така без возачки дозволи, на ул.„Дојранска“ и ул.„Браќа Миладиновци“.По целосно документирање на случаите, против сите три лица ќе бидат поднесени соодветни кривични пријави.

Македонија | пред 3 седмици

3 нед.

Откриено целото име и презиме на најмладата жртва на серискиот убиец – мислеле дека починала од алкохол

Семејството Мартиновски пред еден месец ја погребало својата 35-годишна ќерка. Мислеле дека смртта настанала поради алкохол. Обдукцијата по наредената ексхумација, покажа дека станува збор за насилна смрт. Жената пријавувала во полицијата дека осомничениот ја следи. Случајот со убиствата во Старо Нагоричане продолжува да ја вознемирува јавноста.Џабе и правда да има и се да има и богатство да ми нудат и не знам што да ми нудат, јас го изгубив моето дете, по најскапата цена“-раскажува таткото на 35-годишната Марија, откако обдукцијата, по наредбата на обвинителството за ексхумација, покажа дека станува збор за насилна смрт.Пред нешто повеќе од еден месец ја погребале својата ќерка, мислејќи дека смртта е предизвикана од алкохол. За трагедијата дознале од соседите. Живеела кај роднини во Старо Нагоричане. Се познавала со осомничениот и раскажувала дека ја следи.Таа пријави дојдоа им рече на полицајците дека и досаѓа. Тие биле но тој не бил дома и не зедоа мерки овие полицајци од тогаш и ете сега трагедија. Кажавме на комшиките околу неа да одат да проверат дали спие или работи некаде, комшиките отишле да видат, вратите биле отворени, не заклучени викале по неа, но не се јавувала. Под јамболија ја нашле, покриена била. Кога отидовме беше полиција, потоа други доктори што проверуваат. Половина била покриена, полугола“, раскажува нејзиниот татко.Кобната вечер неколку минути пред полноќ се јавила кај семејството. Некој чукал на вратите, рекла ќе се скрие. И кај неа и кај првата повозрасна жена од Челопек, судска медицина потврди дека станува збор за насилна смрт.Се подготвува писмениот извештај и очекувам во најбрз можен рок најдоцна до понеделник обвинителството да го има наодот од обдукцијата и од ДНК анализите“, истакна директорот на судска медицина, Станков.Обвинителството и останатите институции продолжуваат со истрагата. Се проверуваат неколку случаи.Осомничениот е во 30 дневен притвор сместен во казнено поправната установа Затвор Куманово. Му бил извршен лекарски преглед и е во добра здравствена состојба.

Македонија | пред 3 седмици

3 нед.

(Видео) „Децата во Кочани ги убија наши неодговорни луѓе, од алчност, корупција и незнаење“, Џамбазов со емотивен говор за „Пулс“

Со силни зборови и емотивен настап, Игор Џамбазов ја коментираше трагедијата во дискотеката „Пулс“, прашувајќи јавно: „Кој ги уби тие деца?“„Наши неодговорни луѓе. Луѓе-нелуѓе. Тоа е новиот фашизам, луѓе. Нахранет со алчност, корупција и незнаење“, рече Џамбазов, оценувајќи дека трагедијата е симбол на системска негрижа и морален пад.Во својот говор тој потсети дека пред три години на истата сцена рецитирал стихови од поетот Славко Јаневски, алудирајќи на песната „Крвава бајка“, инспирирана од масакрот во Крагуевац во 1941 година.„Тиквешко негде в некое село, кај слана тивко венеше цвете, убија дете. Кому му ги рецитирав овие стихови? Ја научи ли некој оваа поезија?“, праша тој, повлекувајќи паралела меѓу историските злосторства и современата трагедија.Џамбазов го спомена и масакрот во Крагуевац од 21 октомври 1941 година, кога беа стрелани ученици и наставници, потсетувајќи на зборовите на наставникот кој рекол: „Пукајте, јас и сега држам час“.„Како кај нас не се најде некој да го каже тоа, да ги заштитеше овие деца?“, праша Џамбазов, додека зад него на видеобим стоеше испишан насловот „Македонска крвава бајка“.Неговиот говор повторно ја отвори болната тема за одговорноста за трагедијата во „Пулс“ и за тоа дали општеството научило нешто од сопствените трагедии.

Настани | пред 3 седмици

3 нед.

Германија без јавен превоз: 100.000 работници на дводневен штрајк

Автобусите, трамваите и возовите низ цела Германија денеска наутро престанаа да сообраќаат откако локалните транспортни работници се одзваа на повикот на синдикатот за јавен сектор Верди да организира дводневен штрајк.Синдикатот се надева дека ќе стекне влијание во преговорите кои се однесуваат на работните услови, особено работното време и работа во смени, додатоци за ноќна и викенд работа и плати. Конкретните барања се разликуваат од сојузна држава до сојузна држава.Преговорите за колективниот договор за плати се однесуваат на околу 150 компании за автобуски, трамвајски и локални железнички услуги со околу 100.000 вработени во сојузни држави низ Германија, вклучувајќи ги градовите Берлин и Хамбург. Некои локални превозници веќе најавија воведување на посебни возни редови.Штрајкот претставува втора акција на национално ниво во тековниот круг на колективни преговори. За време на претходниот штрајк на 2 февруари, локалниот јавен превоз во голем дел од Германија речиси целосно запре.

Свет | пред 3 седмици

3 нед.

Изминатата недела нови 1.113 случаи на грип

Во периодот од 16 до 22 февруари во земјава се пријавени 1.113 случаи на грип и заболувања слични на грип, што претставува намалување од 3,2 отсто во однос на претходната недела, пишува во најновиот извештај на Институтот за јавно здравје (ИЈЗ).Во однос на возрасната дистрибуција, 621 лица биле на возраст од 15 до 64 години, 185 биле деца на возраст од пет до 14 години, 164 – деца на возраст до четири години, а 143 биле лица на возраст над 65 години. Највисока инциденца била регистрирана кај децата на возраст до четири години.Заболените лица се пријавени од 21 ЦЈЗ/ПЕ: Скопје – 669, Струмица – 81, Прилеп – 61, Тетово – 50 Гевгелија и Охрид – 37, а во Битола, Куманово, Дебар, Струга, Кичево, Штип, Кавадарци, Неготино, Пробиштип, Гостивар, Радовиш,Свети Николе, Велес, Кратово, Македонски Брод, бројот на заболени е помал од триесет. Во Крушево, Валандово, Крива Паланка, Демир Хисар, Берово, Кочани, Ресен, Виница, Делчево и Пехчево, нема пријавени заболени лица од грип и заболувања слични на грип, се додава во извештајот на ИЈЗ.Во сезоната 2025/2026, вкупниот број случаи на грип – заболувања слични на грипот изнесува 14.984, според извештајот на Институтот.Заклучно со осмата недела, во земјава биле вакцинирани вкупно 79.118 лица со бесплатна или комерцијална вакцина.

Македонија | пред 3 седмици

3 нед.

Жена од Хрватска ја ажурирала апликација за мобилно банкарство и останала без 3.500 евра

Хрватската полиција примила кривична пријава од 44-годишна жена на која ѝ биле повлечени пари од сметката откако, според упатствата од СМС-порака, ја ажурирала банкарската апликација, објави Индекс.хр.Според наводите на полицијата, оштетената на 24 февруари, на својот мобилен уред примила СМС-порака за која верувала дека ја испратила нејзината банка. Непознато лице ја довело во заблуда барајќи преку линк да ја ажурира апликацијата за мобилно банкарство и да внесе ПИН-код, што таа и го сторила. Набргу потоа од нејзината сметка биле исплатени пари без нејзино одобрение.Полицијата спроведува криминалистичка истрага со цел да ги утврди сите околности на настанот и да го пронајде сторителот.Од полицијата ги предупредуваат граѓаните дека банките никогаш преку СМС, електронска пошта или социјални мрежи не бараат внесување лични податоци, ПИН-код, CVV број од картичка, лозинки или еднократни кодови за автентикација преку линкови. На граѓаните им се советува да не отвораат сомнителни линкови и да не внесуваат податоци на страници до кои пристапиле преку пораки од непознати или сомнителни испраќачи.Посебна претпазливост е потребна кај пораки што создаваат чувство на итност, како оние што предупредуваат на блокада на сметка или истекување на апликацијата. Во случај на сомнеж, граѓаните се повикуваат да се обратат до својата банка преку официјалните контакти и да активираат дополнителни безбедносни опции, како биометриска заштита и известувања за трансакции.

Свет | пред 3 седмици

3 нед.

Од 1 март засилена автентикација при извршување онлајн плаќања

Народната банка ја информира јавноста дека од 1 март 2026 година стапува во сила законската обврска за банките за вршење засилена автентикација на клиентите при извршувањето онлајн плаќања со платежни картички. Засилената автентикација има за цел да обезбеди заштита на паричните средства на граѓаните и на компаниите кај банките преку дополнителни сигурносни проверки на идентитетот на лицето при извршувањето на плаќањата без физичко присуство.„Имајќи предвид дека граѓаните и компаниите имаат сѐ поголема потреба за извршување секојдневни онлајн купопродажби, а со тоа и плаќања преку интернет, заради нивната брзина и практичност, се зголемува и потребата од повисоко ниво на безбедност. Дигиталните напади и обидите за злоупотреба на податоците од картичките стануваат сѐ почести, па затоа се воведува дополнителна проверка на идентитетот на лицето кое го врши плаќањето.Засилената автентикација му овозможува на клиентот на банката, при плаќање на интернет, покрај внесувањето на податоците од картичката, да даде дополнителна потврда за трансакцијата преку официјална апликација на банката, којашто се инсталира на мобилен телефон и му овозможува безбедно да ги следи своите сметки и да одобрува плаќања. Наместо досегашната потврда со СМС-код, клиентот ќе добие известување преку мобилната банкарска апликација и ќе треба да ја одобри трансакцијата. Потврдата се врши со ПИН за апликацијата, отпечаток од прст или препознавање на лице. Без оваа потврда, плаќањето нема да може да се изврши, дури и ако некој ги има податоците од картичката.Засилената автентикација како законска обврска за давателите на платежни услуги произлегува од Законот за платежни услуги и платни системи. Таа се воведува постепено во земјава и веќе е во примена при извршувањето онлајн увид во платежните сметки од страна на клиентите, како и при извршувањето плаќања со платежни картички на физичките продажни места или со платни налози преку електронското или мобилното банкарство. Со примената на засилената автентикација и при извршувањето на плаќањата преку интернет, од 1 март 2026 година, се заокружува процесот на усогласување со правилата и стандардите што се применуваат во Европската Унија за безбедно извршување онлајн плаќања.Со оваа промена се зајакнува довербата во дигиталните плаќања и се унапредува заштитата на корисниците“, се вели во соопштението.

Македонија | пред 3 седмици

3 нед.

Пoлска планира забрана социјални мрежи за деца под 15 години

Полска планира да воведе закон со кој на децата помлади од 15 години ќе им се забрани користење на социјалните мрежи, а платформите ќе бидат одговорни за проверка на возраста на корисниците, најави министерката за образование Барбара Новацка, пишува Reuters.Владејачката Граѓанска коалиција денеска ќе го претстави нацрт-законот кој предвидува казни за платформите кои ќе останат достапни за помлади корисници. Новацка додала дека законот би можел да стапи на сила на почетокот на 2027 година.„Го гледаме влијанието врз менталното здравје на децата и младите, како и падот на нивните интелектуални способности“, изјавила Новацка, напоменувајќи дека се уште се расправа за висината на казните за компаниите.Неколку европски влади, вклучувајќи Данска, Грција, Франција, Шпанија и Велика Британија, разгледуваат слични ограничувања поради тврдења дека социјалните мрежи се штетни или создаваат зависност кај малолетниците. Британската влада во јануари објави дека разгледува ограничувања за заштита на децата на интернет, откако Австралија во декември воведе слични закони.

Свет | пред 3 седмици

3 нед.

ВМРО-ДПМНЕ: Дали Вице Заев, Оливер Спасовски и Венко Филипче се плашат од тоа што ќе каже Артан?

СДС наместо да застане на страната на правдата и одговорноста, продолжува да го релативизира и штити криминалот на Артан Груби. Наместо да се дистанцираат, СДС на чело со Филипче координирано го бранат Груби. СДС го штитат Груби повеќе дури и од што го штитат менторот Заев и Филипче, велат од ВМРО-ДПМНЕ.„СДС се толку многу исплашени и бегаат од темата за Артан Груби што на собраниска седница за пратенички прашања ниту поставија прашање, ниту пак името му го спомнаа.СДС се толку вознемирени и нервозни од апсењето на Артан Груби поради стравот од сведочењето на Груби и неговите изјави кои може да повлечат и поранешни високи функционери на СДС.Тренчевска со сите сили се потруди да ја колективизира одговорноста за одлуките на тогашната влада на СДС и ДУИ.Потпретседателката на СДС Јована Тренчевска истакна дека одлуката на тогашната влада, каде се сомничи за криминал Артан Груби, била колективна, и според неа не било фер само Груби да добие кривична, туку требало да добијат и другите министри кои присуствувале на седницата, односно цела тогашна влада.Дали со ова СДС се подготвени да жртвуваат одредени нивни функционери се со цел да го заштитат Груби? Што знае Груби па цела СДС се плаши за да не посведочи за одредени криминали?Дали Вице Заев, Оливер Спасовски и Венко Филипче се плашат од тоа што ќе каже Артан?СДС знаеше за криминалот во Државна лотарија и молчеше за спас на коалицијата со ДУИ.Граѓаните очекуваат правда, никој не смее да биде над законите. Заврши времето на политичка заштита на поединци, време е за транспарентност и владеење на правото.Одговорност мора да има за секој за кој ќе се утврди вина“, се вели во соопштението.

Македонија | пред 3 седмици

3 нед.

СДСМ: Кои критериуми ги исполнил Адамовиќ за да биде назначен за почесен конзул на Македонија во Србија?

Нервозните реакции на Христијан Мицкоски во Собрание се силна потврда дека се плаши од откривањето на вистината за неговите релации со Адамовиќ, велат од СДСМ.„Мицкоски покажа голема нервоза а немаше одговори на прашањата од претседателот Филипче.Кој е Душан Адамовиќ?Кои критериуми ги исполнил за да биде назначен за почесен конзул на Македонија во Србија?Неговите ставови дека „Српска Македонија“ била окупирана?Неговото криминално минато, бројните афери со кои се поврзува?Успешноста на неговото позиционирање високо на функции во СНС, сестринската партија на ВМРО-ОКГ?Или контактите и врските во Русија?Дали се ова исполнетите критериуми за Адамовиќ да биде избран?Очигледно е дека именуваниот Душан Адамовиќ не ги исполнува клучните критериуми за да биде поставен за почесен конзул.Па како тогаш е избран? Мицкоски треба да излезе пред граѓаните и да одговори.Бидејќи во вторник во Македонија доаѓа генералниот секретар на НАТО, Марк Руте, што ќе кажат Мицкоски и Стољкоивиќ за Адамовиќ кој се фали со своите контакти во Москва?Соодветно ли е тоа за земја членка на НАТО“, се вели во соопштението.

Македонија | пред 3 седмици

3 нед.

Крмов до Мицкоски: Ќе ја раскинете ли нелегалната концесија за Блатешница по 13 продолжени рокови

Пратеникот Борислав Крмов од Левица на седница на пратенички прашања ја повика Владата да ја раскине концесијата за изградба на мала хидроцентрала на реката Блатешница во село Блатец, обвинувајќи за незаконско пролонгирање на роковите и игнорирање на волјата на локалното население кое како што рече „веќе една деценија со своите тела, со един вид жив штит, си ја бранат реката и правото на незагадена природа и вода“.Крмов истакна дека концесијата за изградба на хидроцентралата во 2012 година е доделена на фирмата „Енерџилукс ДООЕЛ Штип", основана само два месеца претходно, а е всушност ќерка фирма на текстилната фабрика „Виза Фешн“ од Штипа. Тој истакна и дека договорот предвидувал започнување со комерцијална работа во рок од три години од ефективниот датум, а тоа е 23.12.1212 година.Имаме ситуација во која концесионерот не ја исполнил обврската да започне со производство во предвидениот рок, а наместо раскинување на договорот, рокот е продолжуван дури тринаесет пати“, рече Крмов и додаде дека во меѓувреме, односно во 2020 година, ситуацијата се менува и од штипска фирма таа станува кочанска фирма во сопственост на „Атом Сантех“ ДОО Кочани.Тој се повика на член 33 од договорот, според кој Владата може да ја раскине концесијата доколку инвеститорот не ги исполни обврските. Исто така нагласи дека Владата може еднаш да го пролонгира рокот и доколку и тогаш не се отпочне со производство Владата треба еднострано да ја раскине концесијата. Во овој случај, како што истакна пратеникот и покрај повеќекратните пролонгирања, договорот не е раскинат. Крмов посочи и на извештај од 2014 година во кој, како што рече, било минимизирано влијанието на хидроцентралата врз водоснабдувањето на селото.Помеѓу зафатот на централата и машинската зграда се наоѓа зафатот за водоснабдување на селото Блатец. Треба да веруваме дека изградбата нема да влијае врз водата што ја користат над илјада жители“, рече Крмов, додавајќи дека не биле земени предвид ниту системите за наводнување, малите акумулации и локалните стопански капацитети.Крмов посочи дека жителите на Блатец со години организираат деноноиќни блокади за да ја спречат изградбата и се единствените кои во целиот процес се исклучени и укажа дека Владата на седница од март 2025 година само за 20 минути разгледата шест договори за концесија на мали хидроцентрал и на сите им бил продолжен рокот, меѓу кои и на хидроцентралата на Блатешница.Не гледам друг начин инвеститорот да започне со работа освен на сила. Се надевам дека нема со сила да ги рушите барикадите“, рече Крмов.Во обраќањето тој се повика и на природното право на локалното население. „Тие луѓе со генерации живеат таму и пијат вода од таа река. Тие се најповиканите кога се носат одлуки што директно влијаат вр нивниот живот, а не профитот да биде пред сѐ, нагласи пратеникот.На крај упати директно прашање до премиерот: „Дали ќе се одважите конечно да застанете на страна на жителите на Блатец и ќе ја поништите концесијата за малата хидроцентрала, особено ако и овој тринаесети рок биде прекршен на 7 март годинава?“

Македонија | пред 3 седмици

3 нед.

Орбан бара мисија на ЕУ за нафтоводот „Дружба“, најавува можност за деблокада на средствата за Украина

Унгарскиот премиер Виктор Орбан побара од ЕУ испраќање „мисија за утврдување факти“ за да се процени штетата на нафтоводот „Дружба“ и навести дека тоа би можело да помогне во деблокирање на новото финансирање на ЕУ за Украина, се наведува во писмо до Антонио Кошта.Унгарија ја поддржува идејата за мисија за утврдување факти со учество на експерти делегирани од Унгарија и Словачка за проверка на статусот на гасоводот ‘Дружба’“, наведе Орбан во писмото.Орбан рече дека е свесен за политичките тешкотии предизвикани од одложувањето на огромниот кредит на ЕУ за Украина.Мојата иницијатива исто така има за цел да ја олесни временската рамка за решавање на ова прашање“, се наведува во писмото.Унгарија оваа недела блокираше нови санкции кон Русија и кредит за Украина, како одговор на прекинот на протокот на нафта преку нафтоводот „Дружба“.Украина тврди дека нафтоводот сè уште не е поправен по оштетувањата во руските напади кон крајот на јануари.Нафтоводот „Дружба“ е еден од најголемите системи за транспорт на руска сурова нафта кон земјите од Централна Европа и претставува важен правец за снабдување на Унгарија.Унгарскиот премиер го обвини претседателот на Украина, Володимир Зеленски, дека и понатаму не ги обновува испораките на нафта преку нафтоводот „Дружба“, со што ја загрозува енергетската безбедност на Унгарија.Испораките на нафта мора веднаш да продолжат! Знаеме дека нафтоводот е оперативен. Знаеме дека испораките на нафта за Унгарија не се обновени поради политичка одлука на претседателот Зеленски“, напиша Орбан на мрежата Икс.Тој додаде дека Зеленски „по Брисел тврди дека нафтоводот не може повторно да се стави во функција“.Унгарскиот премиер наведе дека очекува Украина да ги исполни своите обврски кон Европската унија и нејзините членки и повторно да ги обнови испораките.Поради актуелната ситуација, Орбан рече дека денеска ќе одржи консултации со премиерот на Словачка, Роберт Фицо.

Свет | пред 3 седмици

3 нед.

СДСМ: Сега странски служби јавиле, имаме чувство дека театарот со Груби стана циркус

Театарот со Груби стана циркус. Имаме чувство Мицкоски. Прво граѓаните ја видоа режираната претстава на граница, доаѓањето со наочари, со насмевка, каде недостасуваше уште црвен килим за Груби, велат од СДСМ.„Потоа смисленото сценарио и пречек со камери, со медиумска поддршка на 40% од медиумите под контрола на ВМРО преку Орбан.Па одредувањето куќен притвор од обвинителство и судство по контрола на ВМРО ОКГ.Обвинителството прво велеше дека АНБ на Христовски и МВР на Тошковски дале безбедносна проценка дека Груби не е безбеден и затоа морале да одредат куќен притвор.Излезе директорот на Затворот и демантираше, рече дека ниту АНБ ниту МВР не дошле и не направвиле проценка.Вчера Мицкоски изјави дека тоа биле класифицирани информации, доверливи и не може да се соопшти. Имал чувство.Сега излегуваат информации дека наводно „странски служби“ јавиле уште пред една година и дека безбедносна проценка воопшто не била направена од АНБ и МВР.Циркус. Само не кажаа која, дали српска или руска странска служба?Веќе не знаат што да излажат. Само нешто се измисллува за да се покрие сценариото.Исто како во времето на Никола Груевски. Какви странски служби, какви проценки, нема посилна потврда од ова дека сè е договорено“, се вели во соопштението.

Македонија | пред 3 седмици

3 нед.

Гордана Сиљановска-Давкова со највисоки почести ќе го пречека Бајрам Бегај

Претседателката на Македонија, Гордана Сиљановска-Давкова со највисоки државни и воени почести денеска ќе го пречека претседателот на Албанија Бајрам Бегај.Како што известува Кабинетот на претседателката, по пречекот ќе следува тет-а-тет средба, а потоа пленарен состанок на македонската и албанската делегација.Претседателите Сиљановска-Давкова и Бегај ќе имаат заедничка прес-конференција.Во рамки на официјалната посета, претседателот на Република Албанија ќе положи венец на гробот на Гоце Делчев во црквата „Св. Спас“ во Скопје, информира Кабинетот на претседателката Сиљановска-Давкова.Во рамки на официјалната посета, албанскиот претседател ќе има средба со претседателот на Собранието Африм Гаши, а по потпишувањето во книгата на впечатоци, тој ќе се обрати пред пратениците.

Македонија | пред 3 седмици

3 нед.

Докторот на Дачиќ: На интензивна нега е, состојбата е непроменета, но стабилна

Доктор Спасоје Попевиќ утрово изјави дека здравствената состојба на министерот за внатрешни работи на Србија, Ивица Дачиќ, е непроменета, но стабилна.Неговата состојба е непроменета, засега е стабилна. Продолжуваат мерките на интензивно лекување, ноќта ја помина мирно. Нови информации ќе добиете во 17 часот, секако, доколку има какви било вонредни информации ќе бидете навремено известени“, изјави помошник-директорот на Клиниката за пулмологија при Универзитетскиот клинички центар на Србија, Спасоје Попевиќ, во обраќање до јавноста.Според информациите од болницата, Дачиќ бил хоспитализиран поради тешка пневмонија и во моментов се наоѓа на респираторна поддршка, под постојан лекарски надзор.Лекарите посочуваат дека министерот има и дијабетес, како и други придружни заболувања, што дополнително ја усложнува клиничката слика. Поради недоволен ефект од терапијата и наглото влошување на состојбата, било неопходно приклучување на механичка вентилација.Според српските медиуми, состојбата на Дачиќ нагло се влошила во последните денови, а на болничко лекување бил примен откако на комеморација покажал отежнато дишење, што го забележал и претседателот на Србија, Александар Вучиќ.

Свет | пред 3 седмици

3 нед.

Затворена патеката на Матка поради опасност од уривање карпи

Општина Сарај официјално објави дека движењето по патеката во Матка е целосно забрането поради сериозна опасност од уривање карпи.Општината ги информира жителите, локалните и странските туристи, како и сите здруженија кои планираат активности во оваа област, дека врз основа на одлуката на Дирекцијата за заштита и спасување (57-2071-1 од 19.02.2026 година), движењето по патеката Матка треба да се внимава поради ризик од одрон на камења.Исто така, ве информираме дека Дирекцијата за заштита и спасување постави и знаци што означуваат одрон на камења во опасни подрачја.Забраната стапува на сила веднаш и ќе трае до понатамошно известување.Ги молиме сите граѓани и посетители да ја почитуваат одлуката за сопствена безбедност. Во спротивно, во случај на несреќа поради непочитување на правилата, одговорноста останува на оштетениот“, велат од Општина Сарај

Скопје | пред 3 седмици

3 нед.

Берово најстудено утрово со -6 степени, 86 сантиметри снег на Попова Шапка

Утрово најниска температура од минус 6 степени е измерена во Берово, додека минус 4 степени се регистрирани во Крива Паланка. Минус 3 степени се измерени во Скопје-Петровец, Битола, Прилеп, Демир Капија, Маврови Анови и на Попова Шапка.Со минус 2 степени утрото го дочекаа Тетово, Куманово, Велес и Штип, додека минус 1 степен е измерен на Скопје-Зајчев Рид, во Охрид, Претор, Кавадарци, Струмица и Крушево. Нула степени се измерени во Виница, а најтопло со 3 степени било во Гевгелија.Снежна покривка има на Попова Шапка, каде што се измерени 86 сантиметри снег.Времето денеска ќе биде сончево со мала до умерена локална облачност. Претпладне по одделни котлини ќе има појава на слаба магла, а ќе дува слаб ветер претежно од југоисточен правец. Максималната дневна температура ќе се движи од 10 до 16 степени.Во Скопје ќе преовладува сончево време со мала облачност и слаб променлив ветер, а температурата ќе достигне до 14 степени.

Македонија | пред 3 седмици