ИРАН

Иран: Ормускиот теснец останува затворен сѐ додека не се надомести воената штета

Ормускиот теснец повторно ќе биде отворен за транзит дури кога дел од приходите од сообраќајот ќе се искористат за компензација на штетите од војната, соопшти кабинетот на иранскиот претседател.Мехди Табатабаи, заменик задолжен за комуникации и информации во претседателскиот кабинет, изјави дека отворањето на Ормускиот Теснец е условено со надоместување на „целокупната штета предизвикана од наметнатата војна“.Тој упати остри критики кон американскиот претседател Доналд Трамп, оценувајќи дека „прибегнува кон навреди и бесмислици од очај и гнев“, обвинувајќи го дека започнал војна од големи размери во регионот и продолжува да се фали со тоа.Регионот е во состојба на висока готовност откако САД и Израел на 28 февруари започнаа заедничка офанзива врз Иран, при што досега загинаа повеќе од 1.400 луѓе, вклучително и тогашниот врховен лидер Али Хамнеи.Техеран возврати со напади со беспилотни летала и ракети врз Израел, како и врз Јордан, Ирак и земјите од Персискиот Залив каде се распоредени американски сили, а воедно го ограничи движењето на бродовите низ Ормускиот Теснец.

Свет | пред 2 седмици

Оман и Иран преговараат за повторно отворање на Ормускиот теснец

Се појавуваат нови детали за можните решенија за повторно отворање на Ормускиот теснец, за кои веќе две недели преговараат Оман и Иран. Овој клучен поморски пат, кој Иран практично го затвори како одговор на американско-израелските напади, се наоѓа во територијалните води на двете држави.Извор од Оман за Си-Ен-Ен изјави дека разговорите се насочени кон воспоставување „протокол за безбеден премин“, кој би овозможил непречен комерцијален бродски сообраќај.Според предложениот модел, танкерите за нафта и гас што минуваат низ тесниот пловен пат, кој фактички е блокиран од нападите минатиот месец, би требало да се регистрираат кај иранските власти и да пловат под знаме на држава што не се смета за непријателска. Во пракса, ова би значело признавање на иранската контрола врз оваа стратешка рута.Предлозите се дел од напорите на Оман, земја богата со енергенси и долгогодишен посредник меѓу Вашингтон и Техеран, да спречи поширока ескалација на конфликтот.Сепак, истиот извор оценува дека ваквиот договор би бил тешко остварлив во услови на војна и нагласува дека „најдобро решение останува итен прекин на огнот како прв чекор кон целосно завршување на конфликтот“.Воедно, заканите на американскиот претседател Доналд Трамп дека ќе ги засили нападите врз Иран по истекот на новиот 48-часовен рок беа оценети како „алармантни“.„Ескалацијата носи ризик од несогледливи страдања во многу делови од светот“, изјави изворот.

Свет | пред 2 седмици

Трамп: Американските сили го спасиле пилотот на Ф-15 во Иран

Американскиот претседател Доналд Трамп соопшти дека американските сили го спасиле членот на екипажот на борбениот авион F-15, кој бил тешко повреден по соборувањето над Иран.Трамп на својот профил на Truth Social напиша дека пилотот бил пронајден „длабоко во планините на Иран“, додека иранските сили биле многу блиску. „Иранската армија го бараше интензивно, во голем број, и беше близу“, истакна тој. Дополни дека станува збор за висок офицер и дека операцијата за спасување била исклучително ризична.„Овие акции ретко се изведуваат поради опасноста за луѓето и опремата“, посочи Трамп, нагласувајќи ја храброста на американските сили. „Тоа е неверојатен показател на храброст и способност на сите вклучени.“Според достапните информации, станува збор за една од најризичните операции за спасување во актуелниот конфликт, при што американските сили дејствувале длабоко на територијата на Иран.Набргу потоа, Трамп повторно упати закани кон Иран, истакнувајќи дека „вторник ќе биде Ден на електрани и Ден на мостови, сè во едно, во Иран. Не ќе биде ништо слично на тоа. Отворете го проклетиот теснец или ќе живеете во пекол – само гледајте“. Во пораката тој додаде и „слава на Алах“.Трамп претходно се закануваше со напади на иранската енергетска инфраструктура доколку Техеран не го отвори Ормускиот теснец.

Свет | пред 2 седмици

Иран со најдолг национален прекин на интернетот

Иран се соочува со најдолг целосен прекин на интернетот на ниво на целата држава што некогаш е забележан, објави организацијата NetBlocks, пренесува CNN. „Иранскиот прекин на интернетот сега е најдолг национален прекин некогаш забележан во која било земја. Трае веќе 37 дена, односно 864 часа, со што ги надминува сите слични случаи по интензитет“, наведува NetBlocks.NetBlocks истакнува дека Иран е првиот пример на земја која била поврзана со глобалниот интернет, а потоа практично се исклучила и преминала на затворена национална мрежа. За разлика од тоа, земји како Северна Кореја никогаш не биле целосно поврзани, туку долго време се изолирани.Иранските власти речиси целосно го блокирале пристапот до интернетот по почетокот на нападите на САД и Израел, со што дополнително го ограничиле протокот на информации од земјата.Прекинот доаѓа во време на интензивни воени операции и обиди за контрола на наративот во Иран, додека истовремено се водат борби на теренот и операции како спасување на американски пилоти длабоко во иранска територија.Ова не е првпат Иран да прибегнува кон исклучување на интернетот – слични мерки беа воведени и на почетокот на годината за време на големите протести против владата, кога властите се обидоа да спречат ширење на информации и организирање демонстрации.

Свет | пред 2 седмици

Најмалку пет цивили загинаа во напади во југозападен Иран

Најмалку пет цивили се убиени, а осум се повредени во напади во југозападниот дел на Иран, изјави локален функционер, пренесува Би-Би-Си.Гувернерот на округот Бојер-Ахмад, Абас Бехешти, соопшти дека жртвите настрадале во нападите врз областа Кух Сиах, во покраината Кохгилује и Бојер-Ахмад.Тој додаде дека во текот на ноќта со дронови биле нападнати и областите Какан и Везг во истата покраина.„Во нападот врз Какан се убиени две лица, а во нападот врз Везг три“, изјави Бехешти, според државната агенција ИРНА.

Свет | пред 2 седмици

(Видео) Ирански медиуми: Американците не спасиле пилот од соборениот Ф-15

Иранските државни медиуми ги негираа изјавите на американскиот претседател Доналд Трамп дека е спасен вториот член од екипажот на соборениот борбен авион F-15, пренесува Си-ен-ен. Трамп претходно објави дека пилотот бил извлечен во голема операција со десетици вооружени авиони, додавајќи дека е повреден, но надвор од животна опасност.Иранската новинска агенција Тасним, повикувајќи се на воени извори, тврди дека спасувачката мисија пропаднала и дека иранските сили уништиле повеќе американски летала во јужната покраина Исфахан. Според нив, погодени биле два хеликоптера „Блек хок“ и еден транспортен авион „Ц-130“, кои биле запалени.Иранските медиуми објавија и снимки на кои наводно се гледаат остатоци од уништените летала. Од друга страна, Би-би-си објави дека американските сили самите уништиле два транспортни авиони за време на операцијата, бидејќи не можеле да полетаат и не сакале да паднат во рацете на Иран.Од Тасним обвинуваат дека Трамп се обидува да прикрие неуспех на мисијата, тврдејќи дека со објавата за спасување на пилотот сака да го ублажи впечатокот од, како што велат, тешкиот пораз.Ситуацијата ја коментираше и претседателот на иранскиот парламент Мохамад Багер Галибаф, кој порача дека „ако САД остварат уште три вакви победи, ќе бидат целосно уништени“.Според американски извори, пак, двата члена на екипажот биле спасени во одделни операции на специјалните сили длабоко на иранска територија, при што се воделе интензивни борби и била спроведена сложена воена координација, додека Иран изнесува сосема спротивна верзија на настаните.

Свет | пред 2 седмици

Американците спасиле член од екипаж на F-15 над Иран по 24 часа потрага

Американските специјални сили спасиле втор член од екипажот на соборен борбен авион F-15 над Иран, потврдија американски официјални лица за медиумите.Станува збор за офицер за вооружување кој, по катапултирањето, бил повреден, но успеал да се движи и повеќе од 24 часа да избегнува заробување во планински предел во југозападен Иран.Операцијата се одвивала во трка со Исламска револуционерна гарда, чии сили исто така трагаа по исчезнатиот член од екипажот.Според информациите, двата члена на екипажот биле спасени во одвоени операции. Пилотот бил извлечен неколку часа по уривањето, додека вториот бил пронајден дури по повеќечасовна потрага.Во спасувачката акција учествувале елитни единици, вклучително и припадници на Navy SEALs, со силна воздушна поддршка и интензивна огнена заштита за извлекување од теренот.Клучна улога имала и CIA, која спровела операција на дезинформации, пласирајќи податоци дека пилотот веќе е пронајден, со цел да ги оттурне иранските сили од вистинската локација.По лоцирањето, информациите биле споделени со Пентагон и Белата куќа, по што Доналд Трамп издал наредба за итна спасувачка операција.Во меѓувреме, американските сили извршиле напади врз ирански позиции за да спречат приближување до зоната на извлекување.Инцидентот дополнително ја засилува ескалацијата меѓу САД и Иран, особено по информациите дека покрај овој авион бил соборен и јуришен авион А-10, како и погоден хеликоптер Black Hawk. И покрај тоа, Трамп изјави дека успешното спасување без жртви покажува дека САД има „целосна воздушна надмоќ“.

Свет | пред 2 седмици

(Видео) „Не бомбардирајте – разговарајте“: Илјадници Изреалци излегоа на улиците на Тел Авив, полицијата го растури собирот

Во центарот на Тел Авив вчера вечерта се одржа масовен протест против воените операции и ширењето на фронтовите на Блискиот Исток, на кој учесниците со извици бараа прекин на бомбардирањата и отворање простор за дипломатско решение. „Не бомбардирајте! Разговарајте!“, скандираа демонстрантите собрани во метрополата.На протестот се појавија транспаренти со остри политички пораки, меѓу кои и натпис со кој премиерот Бенјамин Нетанјаху се посочува како „најголема закана за опстанокот на Израел“. Атмосферата, според сведоштва од терен, во еден момент се заострила поради полициската интервенција.По почетокот на собирот, демонстрантите биле потиснати, а дел од нив се вратиле на местото на протестот или седнале на земја, по што собирот бил растурен.Еден од организаторите, Алон-Ли Грин, ко-директор на здружението „Standing Together“, изјавил дека полицијата се обидува да ги замолчи, но оти присуството на улица е „должност“ во време кога, како што навел, продолжуваат судирите и во други жаришта, вклучително и Газа, Либан и Западниот Брег.

Свет | пред 2 седмици

Трамп објави итна вест: „Испративме авиони со најсмртоносното оружје во светот“

Американскиот претседател Доналд Трамп изјави дека американските сили рано утрово успеале да го пронајдат и спасат и вториот член на екипажот на авионот кој беше соборен во петок длабоко на територијата на Иран, за кого рече дека се здобил со повреди, но дека е „жив и здрав“.Трамп во објава на социјалната мрежа Трут Соушал наведе дека „во текот на изминатите неколку часа, војската на Соединетите Американски Држави извела една од најсмелите операции за потрага и спасување во историјата на САД“, за еден од американските „неверојатни офицери, кој исто така е многу почитуван полковник“.„Овој храбар воин беше зад непријателските линии во опасните планини на Иран, каде што беше гонет од нашите непријатели, кои му се приближуваа од час во час, но никогаш не беше навистина сам бидејќи неговиот врховен командант, секретарот за одбрана, началникот на Здружениот генералштаб и неговите соборци ја следеа неговата локација 24 часа на ден и вредно го планираа неговото спасување“, истакна Трамп.Американскиот претседател рече дека, по негова наредба, војската на САД „испратила десетици авиони, вооружени со најсмртоносното оружје во светот, за да го извлечат“.„Се здоби со повреди, но ќе биде добро. Оваа чудесна операција за потрага и спасување следеше паралелно со успешно спасување на уште еден храбар пилот, вчера, што не го потврдивме, бидејќи не сакавме да ја загрозиме нашата друга спасувачка операција. Ова е првпат во воената историја два американски пилоти да бидат спасени, одделно, длабоко на непријателска територија“, истакна Трамп.Тој порача дека американската војска „никогаш нема да остави“ ниту еден американски пилот зад непријателските линии.„Фактот што успеавме да ги изведеме двете операции, без ниту еден загинат или дури ранет Американец, уште еднаш докажува дека постигнавме огромна воздушна доминација и супериорност над иранското небо. Навистина ја имаме најдобрата, најпрофесионалната и најсмртоносната војска во историјата на светот“, рече Трамп, кој во пораката исто така им го честиташе Велигден на протестантите и католиците.Повеќе американски официјални лица изјавија за Си-Би-Ес дека американскиот член на екипажот на авионот кој беше соборен над југозападниот дел на Иран е спасен рано утрово по локално време.Одговорноста за нападот врз американскиот авион, во кој имало два члена на екипажот, ја презеде Иранскиот корпус на гардата на исламската револуција (ИРГЦ).Пилотот на Ф-15Е безбедно се катапултирал и бил спасен од два воени хеликоптери, претходно изјавија американски официјални лица, додека вториот член на екипажот, офицер за системи за вооружување, до утрово се водел како исчезнат.За време на спасувачките акции во петокот, американски хеликоптер кој превезувал еден спасен пилот бил погоден со оган од лесно оружје, при што биле ранети членови на екипажот, но хеликоптерот безбедно слетал.

Свет | пред 2 седмици

Ирански командант: Ќе се отворат вратите на пеколот за САД и Израел

Командантот на Хатам ал-Анбија, главната иранска команда за противвоздушна одбрана, Али Абдолахи, се закани дека за САД и Израел „ќе се отворат вратите на пеколот“ доколку конфликтот дополнително ескалира. Неговите изјави доаѓаат откако американскиот претседател Доналд Трамп му даде на Иран рок од 48 часа да постигне договор или да го отвори Oрмускиот теснец, заканувајќи се дека во спротивно „доаѓа пекол“.Абдолахи го нарече Трамп „агресивен и воено-хушкашки претседател“, а неговите закани за напади врз инфраструктурата ги опиша како „очаен, вознемирен, неурамнотежен и глуп потег“. Додаде дека, доколку САД ја нападнат иранската инфраструктура, Техеран ќе возврати со напади врз инфраструктурата што ја користат американската војска и Израел „без никакви ограничувања“.

Свет | пред 2 седмици

Ескалација на реториката: Иран со жесток одговор на заканите на Трамп

Иранскиот воен врв испрати нови закани кон САД и Израел, најавувајќи жесток одговор доколку дојде до дополнителна ескалација на конфликтот.Командантот Али Абдолахи изјави дека „ќе се отворат вратите на пеколот“ за САД и Израел доколку продолжат нападите, реагирајќи на ултиматумот што го постави американскиот претседател Доналд Трамп.Според него, заканите од Вашингтон се „агресивни и воено-провокативни“, а можните напади врз инфраструктурата ги оцени како „очајнички и неразумни“.„Доколку САД ја нападнат иранската инфраструктура, Техеран ќе возврати со напади врз инфраструктурата што ја користат американската војска и Израел – без никакви ограничувања“, изјави Абдолахи.Заканите доаѓаат откако Трамп му даде рок од 48 часа на Иран да постигне договор или да го отвори Ормутскиот теснец, предупредувајќи дека во спротивно „доаѓа пекол“.Со ова, реториката меѓу двете страни дополнително се заострува, додека конфликтот влегува во нова, потенцијално поопасна фаза.

Свет | пред 2 седмици

(Видео) Најмалку петмина загинати во израелски напади врз петрохемиски постројки во Иран

Најмалку пет лица загинаа во израелските напади врз петрохемиски постројки на југозападот на Иран, објавија денеска иранските медиуми.Израелската војска претходно соопшти дека во саботата ја нападнала Специјалната петрохемиска економска зона Махшар на југозападот на Иран.Израелскиот премиер Бенјамин Нетанјаху наведе дека тој комплекс „се користел за производство на материјали за експлозив, балистички ракети и дополнително оружје“.На социјалните мрежи се појавија фотографии кои ги прикажуваат последиците од воздушните напади врз петрохемиското постројување на југозападот на Иран, на кои се гледаат густи облаци чад од пожарите, пренесе Скај њуз.Пожар во рафинеријата за нафта Ситра во Бахреин

Свет | пред 2 седмици

(Видео) Трамп објави видео од напад во Техеран: „Убиени многу ирански воени лидери“

Американскиот претседател Доналд Трамп објави видео на својата социјална мрежа Truth Social за кое тврди дека прикажува „огромен напад“ во Техеран.Во објавата, Трамп наведе дека во нападот биле убиени „многу ирански воени лидери кои лошо и непромислено ја воделе ситуацијата“.Автентичноста на видеото засега не е независно потврдена.Тврдењата на американскиот претседател доаѓаат во време на засилени напади врз ирански воени и политички цели, при што претходно веќе беа пријавени загуби во врвот на безбедносниот и воениот апарат на Иран.Во меѓувреме, конфликтот меѓу САД, Израел и Иран дополнително се заострува, а двете страни изнесуваат спротивставени информации за штетите и бројот на жртви од најновите напади.

Свет | пред 2 седмици

(Видео) Трамп објави шокантна снимка: „Огромен напад на Техеран – убивме многу ирански лидери“

Американскиот претседател Доналд Трамп објави на својата социјална мрежа Трут Соушал снимка која прикажува „огромен напад на Техеран“.Тој во описот на снимката наведе дека во нападот биле убиени „многу ирански воени лидери кои ги воделе лошо и непромислено“.Тврдењата на Трамп доаѓаат во екот на интензивните напади врз ирански воени и политички цели, во кои претходно веќе биле убиени високи функционери, вклучително и врвот на воениот и безбедносниот апарат.Судирот меѓу САД, Израел и Иран дополнително се заострува, додека двете страни изнесуваат спротивставени тврдења за размерите на штетата и бројот на загинати во најновите напади.

Свет | пред 2 седмици

(Видео) Израел уништува клучни ирански петрохемиски комплекси

Израел изврши серија напади врз ирански петрохемиски објекти, потврди премиерот Бенјамин Нетанјаху. Нападите следуваа по извештаите од иранските власти дека повеќе петрохемиски компании во југозападната покраина Хузестан биле погодени во саботата.Нетанјаху истакна дека Израел продолжува со „сламањето на терористичкиот режим во Техеран“ и дека претходно уништил околу седумдесет проценти од иранските капацитети за производство на челик. Со новите напади биле погодени и петрохемиски комплекси кои, според него, Иран ги користи за финансирање тероризам против Израел и целиот свет.Израелската војска соопшти дека во нападите биле уништени инфраструктурни објекти за производство на материјали за експлозиви, балистички проектили и друго оружје, што значително ќе ја намали способноста на режимот да произведува оружје насочено кон Израел.Иранската агенција Мехр објави дека пожарот предизвикан од нападот е целосно ставен под контрола и изгаснат. Според CNN, Израел во рамките на воената кампања сѐ почесто таргетира индустриски објекти во Иран, вклучувајќи челичарници, цементарници и петрохемиски комплекси.

Свет | пред 3 седмици

Израел подготвува напади врз ирански енергетски објекти

Израел се подготвува за можни напади врз ирански енергетски постројки, но ја чека конечната одлука од Вашингтон, изјавил висок израелски одбранбен претставник, пренесува Ројтерс. Според него, доколку се даде зелено светло, нападите би можеле да започнат веќе следната недела.Овие најави доаѓаат откако американскиот претседател Доналд Трамп му постави ултиматум од 48 часа на Иран, дополнително заострувајќи ја ситуацијата и отворајќи прашање дали Соединетите Американски Држави ќе поддржат нова израелска воена акција.Во последните обраќања, Трамп се закани со напади врз клучната иранска енергетска инфраструктура доколку Техеран не ги прифати условите на Вашингтон, меѓу кои и отворање на Ормускиот теснец. Тој спомена и можни напади врз електрани и мостови, нагласувајќи дека Иран ќе биде погоден „исклучително силно“ доколку не попушти.Во меѓувреме, расте притисокот врз Вашингтон да донесе одлука дали ќе ја прошири воената кампања против Иран или ќе се обиде да избегне понатамошна ескалација.Конфликтот, кој трае од крајот на февруари, веќе сериозно ги наруши глобалните енергетски пазари и доведе до нагло зголемување на цените на нафтата, додека Ормускиот теснец останува една од клучните точки на тензија.

Свет | пред 3 седмици

(Фото) Објавени фотографии од американски хеликоптер погоден од Иран во Кувајт

Транспортен хеликоптер на американската војска од типот Чинук беше тешко оштетен во изминатите денови во кампот Буеринг во Кувајт, во напад за кој се верува дека е извршен со иранско беспилотно летало со експлозив. Во инцидентот нема жртви.Фотографии од кампот прикажуваат сериозно уништена пилотска кабина, како и видливи оштетувања на предниот ротор и неговите лопатки. Обемот на штетата укажува дека хеликоптерот бил директно погоден или дека експлозијата се случила во негова непосредна близина, при што се онеспособени клучните делови за летање. Според достапните информации, леталото најверојатно не може да се поправи.Предниот дел од трупот претрпе големи оштетувања од експлозијата, додека системот на предниот ротор покажува јасни знаци на уништување. Во вакви случаи, кога се оштетени и структурата на пилотската кабина и роторскиот систем, обновата на леталото обично не е исплатлива.Хеликоптерот Чинук е еден од главните тешки транспортни хеликоптери на американската војска и се користи за превоз на војници, опрема, муниција и залихи на бојното поле. Оштетувањата на пилотската кабина и роторот се особено сериозни, бидејќи токму таму се наоѓаат системите за управување и другите клучни компоненти за безбедно функционирање.Кампот Буеринг останува важен воен центар на Соединетите Американски Држави во Кувајт, од кој се координира распоредувањето на сили и логистичките операции во регионот. Нападот врз ваков хеликоптер ја нагласува ранливоста на скапите летала на напади со беспилотни летала за еднократна употреба.Овие летала, кои често се значително поевтини од целите што ги напаѓаат, сѐ почесто се користат за удари врз воени бази, авиони и инфраструктура. Дури и еден успешен напад може да предизвика големи оперативни последици ако онеспособи клучно транспортно средство. Отсуството на повредени укажува дека во моментот на нападот веројатно немало екипаж во хеликоптерот.

Свет | пред 3 седмици

(Видео) Иранци напаѓаат американски хеликоптери

На социјалните мрежи се појави снимка која, според анализа на Би-Би-Си, прикажува ирански сили како пукаат врз американски хеликоптери за време на потрагата по исчезнат пилот. Би-Би-Си потврди дека снимката е автентична и на неа се гледаат најмалку три вооружени лица кои пукаат кон најмалку два хеликоптера Блек Хок. Снимката е лоцирана во иранската покраина Кохгилује и Бојер-Ахмад, а координатите на местото на настанот се 30.7885166, 50.700937.Хеликоптерите на снимката одговараат на оние што претходно биле забележани во соседната покраина Хузестан, каде што учествувале во операција за пребарување и спасување. Би-Би-Си наведува дека снимката била проверена за да се утврди нејзината актуелност и автентичност и дека нема знаци на манипулација.Претходно, иранска огнена моќ срушила американски двосед Ф-15Е, потврдиле официјални лица од двете земји. Двајца американски официјални лица изјавиле дека пилотот се катапултирал од борбениот авион А-10 Вортхог кој се срушил во Кувајт по ирански удар.Два хеликоптера Блек Хок, кои учествувале во потрагата по исчезнатиот пилот од Ф-15Е, биле погодени од иранска огнена моќ, но успеале да ја напуштат иранската воздушна територија. Состојбата и повредите на екипажот сè уште не се познати, а статусот и локацијата на исчезнатиот член од екипажот на Ф-15Е не се соопштени.Корпусот на Исламската револуционерна гарда соопшти дека пребарува област во близина на местото каде што се срушил авион, додека регионалниот гувернер ветил награда за секој што ќе зароби или убие „сили на непријателот“.

Свет | пред 3 седмици

Доналд Трамп упати нова закана кон Иран: Остануваат уште 48 часа пред да стигне пеколот

Американскиот претседател Доналд Трамп објави на социјалната мрежа Truth Social нова закана кон Иран, со порака дека Техеран има уште 48 часа пред, како што наведе, „да стигне пеколот“. „Се сеќавате кога на Иран му дадов десет дена да постигне договор или да се отвори Ормускиот теснец? Времето истекува – уште 48 часа пред да им стигне пеколот. Слава на Бога“, напиша Трамп.Во изминатите денови, Трамп повеќепати јавно поставуваше рокови кон Иран, заканувајќи се со ескалација ако не се отвори Ормускиот теснец и не се постигне поширок договор. Претседателот претходно даде рок од десет дена, а потоа и ултиматум од 48 часа, со закани за напади на иранската енергетска инфраструктура.Истовремено, тој повеќепати истакна дека Соединетите Американски Држави би можеле дополнително да ги засилат воените операции ако Иран не попушти, вклучувајќи и удари врз клучни економски цели.Аналитичарите предупредуваат дека честите промени на роковите и заканите дополнително ја зголемуваат неизвесноста на теренот, додека конфликтот влегува во петтата недела без јасно политичко решение.

Свет | пред 3 седмици

Иран демантира апсење на вториот американски пилот

Подединица на иранската Револуционерна гарда во јужната провинција Кохгилује и Бојерахмад, како и гувернерот на провинцијата, ги отфрлија тврдењата дека е уапсен вториот американски пилот на авион Ф-15.Гувернерот исто така ги демантираше информациите дека првиот пилот бил спасен од САД, нарекувајќи ги тие тврдења „непријателска тактика“.Истовремено, ирански државни медиуми ги повикаа граѓаните да „заробат пилот жив“ и понудија награди од околу 60.000 евра.

Свет | пред 3 седмици

Иран одобри транзит на хуманитарна и основна стока низ Ормускиот теснец

Иран денеска одобри транзит на бродови кои превезуваат хуманитарна и основна стока низ Ормускиот теснец, соопшти полуслужбената агенција Тасним, повикувајќи се на допис од Канцеларијата за развој на трговијата при Министерството за земјоделство.Со поддршка на владата и вооружените сили, директивата дозволува бродовите да минуваат со основни намирници и сточна храна, следејќи одредени протоколи.По одобрувањето, индустриските здруженија ги известија своите членки да продолжат со испраќање товарни бродови кон јужните ирански пристаништа, откако беа укинати претходните ограничувања.

Свет | пред 3 седмици

Нападнати петрохемиски комплекси во Иран, има повредени

Заменик-гувернерот за безбедност на иранската покраина Хузестан соопшти дека денеска бил нападнат петрохемискиот комплекс Махшахр, како и комплексот Бандар Имам.Валиолах Хајати изјави дека цел на нападите биле овие индустриски капацитети, обвинувајќи ги САД и Израел за нападите.Иранските медиуми јавуваат дека во инцидентите се повредени пет лица.Двата објекта се дел од иранската петрохемиска индустрија и произведуваат деривати на нафта и гас. Тие се наоѓаат на југот од земјата, покрај Персискиот Залив.Од Организацијата за специјална економска зона за петрохемија информираа дека работниците се евакуирани и дека потенцијалните загадувачи „не претставуваат опасност за околните градови“.Од Израелските одбранбени сили за Би-Би-Си изјавиле дека „не можат да ја коментираат ситуацијата“.

Свет | пред 3 седмици

Американски специјални сили влегле во Иран

Американски специјални сили влегле во Иран во петок навечер за да спасат член на екипажот на соборениот борбен авион.Иран собори американски F-15 над својот воздушен простор, што е прв ловец уништен од почетокот на војната.Извештаите наведуваат дека двајца членови на екипажот се катапултирале, што предизвикало трка меѓу Иран и САД за пронаоѓање на заробените американски пилоти.Една личност е спасена во операција во која учествувале два американски воени хеликоптери и авиони за полнење гориво на ниска височина, кои биле мета на лесна артилерија.Двата хеликоптера биле погодени од ирански оган, а еден оставал трага од чад додека се враќал на ирачка територија, но безбедно слетале, изјавиле официјални лица.Присуството на преостанатиот американски пилот не било познато во петок навечер, бидејќи иранските медиуми емитувале снимки од локална милиција која се движи во операцијата за пребарување.Била понудена награда од 60.000 долари за негово фаќање, додека Иран прогласил „победа“ со соборувањето на американскиот авион.Подсетуваме, доцна во петок се појавиле и извештаи за пад на американскиот авион A-10 Vartog, авион за блиска воздушна поддршка, во близина на Ормускиот теснец. Американските официјални лица изјавиле дека пилотот е спасен.Американскиот претседател Доналд Трамп одбил да каже што би сторил доколку исчезнатиот пилот бил повреден.Во интервју за „The Independent“, Трамп изјавил: „Па, не можам тоа да го коментирам бидејќи – се надеваме дека тоа нема да се случи.“

Свет | пред 3 седмици

Иран постави услови за крај на војната

Иран како еден од условите за завршување на конфликтот со САД и Израел го постави почитувањето на неговото право на цивилна употреба на нуклеарна енергија, изјавил дипломатски извор од Исламската Република, пренесува руската државна новинска агенција RIA Novosti.„Меѓу условите за завршување на војната е траен мир во нашиот регион, а не само прекин на огнот, со кој веќе имаме горки искуства. Механизмот за постигнување на траен мир вклучува осуда на агресорот, воена отштета за материјална штета, укинување на сите санкции и почитување на правото на Иран за мирна употреба на нуклеарна енергија“, рекол изворот.Условите на Иран според изворот:Траен мир, а не само примирјеОсуда на агресоротВоена отштетаУкинување на санкцииЦивилна употреба на нуклеарна енергијаИстиот извор наведува дека од почетокот на конфликтот не било водено директно преговарање меѓу Техеран и Вашингтон, иако САД наводно тоа го бараат.Крајот на март, американскиот претседател Доналд Трамп изјави дека двете страни почнале разговори за решавање на конфликтот.Сепак, иранското Министерство за надворешни работи демантира дека постои директен дијалог, но потврди дека Техеран преку посредници примал пораки за желбата на Вашингтон да започне преговори.Според извештајот на телевизијата Press TV, Иран поставил пет услови за прекин на конфликтот, кои вклучуваат гаранции дека војната нема да се повтори, како и меѓународно признавање на контролата на Техеран над Ормускиот теснец.Истовремено, САД префрлаат сè повеќе воени сили на Блискиот Исток. Трамп се закани дека во наредните две до три недели ќе изврши силни удари врз Иран, додека министерот за одбрана Пит Хегсет изјави дека Вашингтон не ја исклучува ни можноста за копнена операција.

Свет | пред 3 седмици

Ракетите на Иран повторно подготвени за напад

Иранските оперативци успешно ги обновуваат подземните ракетни бункери и силоси погодени од американските и израелските напади, враќајќи ги во оперативна состојба само неколку часа по ударот, изјавиле американски разузнавачки извори, објави „Њујорк Тајмс“.Како што е наведено, Иран исто така го задржал значителниот дел од своите ракети и мобилни лансери, што му овозможува продолжување на нападите кон Израел и други земји во регионот.Пентагон и Белата куќа тврдат дека постигнале „значително намалување“ на иранските капацитети, вклучувајќи оштетување на производни погони и намалување на бројот на ракетни и дронски напади, но американските разузнавачки агенции предупредуваат дека Иран сè уште располага со значителен арсенал.„Да, тие ќе продолжат да испалуваат некои ракети, но ние ќе ги собориме“, изјави американскиот министер за одбрана Пит Хегсет, додавајќи дека стапката на лансирање на ракети и дронови нагло опаднала од почетокот на конфликтот.И покрај тоа што американските и израелските удари уништиле дел од инфраструктурата, Иран користи подземни бункери, пештери и силоси за да ги заштити преостанатите лансери.Според извештаите, Иран дневно испраќа десетици ракети и дронови кон Израел, додека внатрешните поделби во иранската влада го отежнуваат масовното лансирање.Надлежните наведуваат дека бројот на преостанатите лансери не е прецизно познат, но Иран го задржува капацитетот да продолжи со воен притисок и потенцијално да ги прошири нападите ако конфликтот продолжи.

Свет | пред 3 седмици