САД

Хронологија на неуспешни обиди: Разговорите САД–Иран без резултат

Целата измината недела беше обележана со неизвесност околу можноста за одржување нова рунда мировни преговори меѓу САД и Иран во Исламабад, но засега без конкретен исход.Пакистан, кој ја има улогата на посредник, веќе шест дена презема безбедносни мерки и затвора патишта во пресрет на евентуални разговори, иако сè уште нема потврда дека тие ќе се одржат.Хронологијата на настаните покажува континуирани обиди, но и застој во процесот.На 11 април, високи американски и ирански претставници се сретнаа во Пакистан, каде разговорите траеја повеќе од 21 час. Иако двете страни тврдеа дека има напредок, средбата заврши без договор.На 19 април, американскиот претседател Доналд Трамп најави ново враќање на американските претставници во Пакистан, но тоа не се реализираше бидејќи Иран не донесе одлука за учество.Два дена подоцна, на 21 април, Трамп прифати да го продолжи примирјето на неопределено време за да се остави простор за дипломатско решение.На 24 април, Белата куќа соопшти дека специјалните пратеници Стив Виткоф и Џаред Кушнер ќе отпатуваат во Исламабад за нови разговори.Во меѓувреме, иранскиот министер за надворешни работи, Абас Арагчи, пристигна во Пакистан како дел од поширока регионална турнеја, но иранските власти јасно ставија до знаење дека нема да има директни преговори со САД.Портпаролот на иранското Министерство за надворешни работи, Есмаил Бакаеј, изјави дека се планирани само средби со пакистански претставници, додека државните медиуми претходно објавија дека разговорите со Америка не се на дневен ред.Ваквата позиција значи дека евентуалната комуникација ќе се одвива исклучиво преку посредници, што дополнително ги намалува шансите за брз пробив и постигнување договор.

Свет | пред 1 месец

Ескалација во Ормутскиот теснец: Американски разурнувач пресретнал брод

Американската војска соопшти дека пресретнала брод под иранско знаме во близина на Ормутскиот теснец, во рамки на блокадата што ја воведе администрацијата на претседателот Доналд Трамп.Американската централна команда (ЦЕНТКОМ) објави фотографија на социјалните мрежи, на која се гледа американски разурнувач како, според нивните тврдења, пресретнува брод во стратешки важниот поморски коридор.Инцидентот доаѓа во услови на зголемени тензии, откако САД воведоа блокада на иранските пристаништа, како одговор на потегот на Техеран практично да го затвори Ормутскиот теснец – клучна рута низ која минуваат околу 20 проценти од светската нафта.Според информациите, Иран од почетокот на конфликтот пред осум недели блокирал речиси сите бродови, освен оние под своја контрола.Од Техеран порачаа дека нема да го отворат пловниот пат сè додека САД не ја укинат блокадата, што дополнително ја комплицира ситуацијата и го зголемува ризикот од нови инциденти во регионот.

Свет | пред 1 месец

Преговорите САД–Иран неизвесни: Техеран одбива директни разговори

Преговорите меѓу САД и Иран, кои требаше да се одржат во вторник, се откажани, откако Техеран, револтиран од американската блокада на своите пристаништа, соопшти дека не е подготвен да продолжи со разговорите.По барање на Пакистан, американскиот претседател Доналд Трамп го продолжи двонеделното примирје, со цел да му даде дополнително време на Иран да изнесе сопствен план за завршување на конфликтот. Портпаролката на Белата куќа, Каролин Левит, изјави дека во меѓувреме имало повторна комуникација со Техеран и дека во последните денови е забележан „одреден напредок“.Американските претставници Стив Виткоф и Џаред Кушнер се очекува да отпатуваат кон Пакистан, каде што треба да се обидат да ги придвижат разговорите. Сепак, не е јасно дали ќе има конкретни резултати.Иранскиот министер за надворешни работи, Абас Арагчи, по пристигнувањето во Исламабад јасно порача дека неговата посета е исклучиво за билатерални разговори со Пакистан и дека нема да учествува во директни преговори со САД.Тоа значи дека секоја евентуална комуникација ќе се одвива преку пакистански посредници, што значително ги намалува шансите за брз напредок и постигнување договор.Иако Трамп изјави дека не брза со постигнување конечен договор, растот на цените на горивата и падот на неговата популарност создаваат дополнителен притисок за дипломатско решение.

Свет | пред 1 месец

Белата куќа: Се гледа напредок од иранска страна, Техеран сака директни разговори

Портпаролката на Белата куќа, Каролин Левит, изјави дека Соединетите Американски Држави во изминатите неколку дена „секако виделе напредок“ од иранска страна.Таа додаде дека Иранците „сакаат да разговараат“ директно, на состаноци во живо.Левит исто така оцени дека примирјето меѓу Израел и Либан претставува уште една „победа за светот“, изразувајќи надеж дека ќе дојде ден кога САД ќе можат да бидат домаќини на лидерите на двете земји.

Свет | пред 1 месец

Бела куќа: Иран побара директни преговори

Се појавуваат нови информации дека американскиот претседател Доналд Трамп испраќа американски изасланици во Пакистан за нов круг разговори со Иран. Белата куќа за „Фокс њуз“ потврди дека Иран побарал нови директни состаноци.Потпретседателот Џеј Ди Венс ќе остане во САД во состојба на готовност за евентуално вклучување во преговорите, изјави портпаролката на Белата куќа, Каролин Левит, пренесува „Фокс“.Според американски претставници за Ројтерс, специјалниот изасланик Стив Виткоф и зетот на Трамп, Џаред Кушнер, патуваат кон Исламабад. Претходно, CNN објави дека Венс, кој ја предводеше американската делегација во претходната рунда разговори, овој пат нема да патува.Иранските државни медиуми соопштија дека министерот за надворешни работи, Абас Арагчи, исто така патува во Пакистан, а во рамки на турнејата ќе ги посети и Мускат и Москва.Според иранските извори, целта на посетата се билатерални консултации, разговори за регионалните случувања и актуелната ситуација поврзана со, како што ја опишуваат, војната што ја водат Соединетите Американски Држави и Израел против Иран.

Свет | пред 1 месец

Папата Лав XIV: САД и Иран да се вратат на преговори

Папата Лав XIV ги повика Соединетите Американски Држави и Иран да се вратат на преговарачка маса со цел да се заврши конфликтот. Тој порача дека прашањето не е дали треба да се промени иранскиот режим, туку „како да се промовираат вредностите во кои веруваме без смрт на толку многу невини луѓе“.„Како пастир не можам да бидам за војна“, изјави тој за новинарите во авионот, додавајќи дека сите треба да се стремат кон решенија што произлегуваат од култура на мир, а не од омраза и поделби.На прашање за неодамнешните егзекуции во Иран, папата Лав рече дека ги осудува „сите неправедни постапки“, меѓу кои ја вброи и смртната казна.„Го осудувам одземањето на човечки животи. Ја осудувам смртната казна. Верувам дека човечкиот живот мора да се почитува и дека сите луѓе, од зачнувањето до природната смрт, треба да бидат почитувани и заштитени“, порача папата.

Свет | пред 1 месец

ЕУ и САД потпишаа договор за критични минерали и зајакнување на синџирите на снабдување

Европската Унија и Соединетите Американски Држави денеска во Вашингтон потпишаа меморандум за разбирање и договорија акциски план за критични минерали.Меморандумот за разбирање го потпишаа европскиот комесар за трговија Марош Шефчович и американскиот државен секретар Марко Рубио. Дополнително, Шефчович и американскиот трговски претставник Џејмисон Грир се договорија за акциски план за зајакнување на отпорноста на синџирите на снабдување со критични минерали, кој отвора можност за мултилатерална трговска иницијатива со глобални партнери.Според Европската комисија, договорот го формализира стратешкото партнерство меѓу ЕУ и САД за развој на сигурни и одржливи синџири на снабдување, опфаќајќи целосен ланец на вредност — од истражување и ископување, преку преработка и рафинирање, до рециклирање. Предвидена е и соработка во областа на иновации, инвестиции и геолошко мапирање, како и мерки од страната на понудата и побарувачката.Шефчович изјави дека е охрабрувачки што соработката добива конкретна форма, но нагласи дека клучниот тест ќе биде имплементацијата. „Визијата е тука, сега вистинскиот тест е имплементацијата, претворајќи ги заедничките амбиции во конкретни проекти. Тоа ќе го дефинира нашиот успех“, истакна тој, додавајќи дека критичните минерали се од суштинско значење за индустриите на иднината.

Свет | пред 1 месец

Американската Централна команда: Продолжува блокадата кон иранските пристаништа, пренасочени 34 бродови

Американската Централна команда (CENTCOM) соопшти дека продолжува блокадата на бродови кои влегуваат или излегуваат од иранските пристаништа, додавајќи дека американската војска пренасочила 34 бродови откако на 13 април започнала патроли во областа околу Ормускиот теснец.Според соопштението, операцијата е насочена кон контрола на поморскиот сообраќај во еден од најважните светски енергетски коридори, низ кој минува значителен дел од глобалниот извоз на нафта.Претходно, американскиот министер за одбрана Пит Хегсет изјави дека сите бродови поврзани со Иран, како и оние што пловат кон Иран или излегуваат од него, биле принудени да го сменат курсот и да се вратат.

Свет | пред 1 месец

Хегсет: Ќе уништиме без двоумење – САД со остри пораки до Иран

Американскиот министер за одбрана Пит Хегсет изјави дека пловилата на кои Иран пукаше и кои беа запленети во последните денови во Ормутскиот теснец не се американски или израелски бродови, туку, како што рече, „случајни цивилни пловила“.Тој нагласи дека секој со брз брод, оружје и лоши намери може да предизвика инциденти во овој стратешки морски премин, додавајќи дека САД не брзаат со постигнување договор и дека имаат доволно време за реакција.Хегсет посочи дека Иран сè уште има можност да донесе „разумна одлука“ и да се откаже од нуклеарната програма на проверлив начин, со што би се избегнала натамошна ескалација на тензиите.Во меѓувреме, американскиот претседател Доналд Трамп, според неговите изјави, ѝ одобрил на морнарицата да уништи секој ирански брз чамец кој се обидува да поставува мини или да ја попречува пловидбата низ теснецот. Хегсет порача дека секој таков обид ќе биде пресретнат со сила, без двоумење и со целосно уништување на целите.

Свет | пред 1 месец

Цената на нафтата повторно над 100 долари по ескалацијата меѓу САД и Иран

Цената на нафтата на светските пазари повторно надмина 100 долари за барел, по новиот бран тензии меѓу САД и Иран и засилените ограничувања во Персискиот Залив.Кинеското Министерство за надворешни работи ја отфрли изјавата на американскиот претседател Доналд Трамп дека товарен брод под иранско знаме, пресретнат од американските сили, претставувал „кинески подарок“, оценувајќи ја како неоснована. Портпаролот Гуо Џиакун нагласи дека трговијата меѓу државите треба да се одвива непречено и во согласност со меѓународните правила.Во меѓувреме, САД воведоа поморска блокада на иранските пристаништа и повеќе од една недела ја засилуваат контролата врз пловидбата низ Ормутскиот теснец. Како одговор, Иран презеде мерки за ограничување на сообраќајот, вклучително и запленување на трговски бродови и закани за прекин на регионалната трговија во Заливот.Ормутскиот теснец останува еден од најважните светски поморски коридори, преку кој во мирновременски услови се транспортира околу една петтина од глобалната нафта и гас, што дополнително ја зголемува загриженоста за стабилноста на енергетските пазари.

Свет | пред 1 месец

Техеран се заканува со одмазда ‘око за око’ во случај на напад врз нафтените постројки

Иранскиот потпретседател, Есмаил Сакаб Есфахани, упати предупредување до САД дека Техеран ќе одговори со мерка „око за око“ доколку бидат нападнати ирански нафтени постројки, во услови на засилени тензии и меѓусебни закани меѓу двете држави.Во изјава пренесена од иранската агенција Мехр, Есфахани наведе дека секој евентуален напад врз иранска нафтена инфраструктура ќе предизвика директен одговор, при што како можни цели ги посочи нафтените постројки во земјите од кои би бил извршен нападот. Тој додаде дека Иран е подготвен за сите сценарија поврзани со енергетската безбедност и дека снабдувањето нема да биде загрозено.Тој исто така реагираше на изјавите на американскиот претседател Доналд Трамп, оценувајќи дека заканите нема да влијаат врз иранското раководство и дека Техеран ќе одговори на секој притисок со соодветни мерки. Според неговите тврдења, иранскиот преговарачки тим има силна позиција во тековните дипломатски процеси.Во меѓувреме, Трамп во повеќе наврати изјавуваше дека САД разгледуваат можни воени дејствија против иранската нафтена и енергетска инфраструктура, што дополнително ја зголемува загриженоста за можна ескалација на конфликтот и влијанието врз светскиот пазар на нафта.

Свет | пред 1 месец

Папата: Конфликтите да се решаваат без воена сила, потребен е нов дијалог

Поглаварот на Римокатоличката црква, папата Лав XIV, упати повик до САД и Иран да се вратат на преговарачката маса и да се воздржат од понатамошна ескалација на тензиите.За време на повратниот лет од турнејата во Африка, папата истакна дека е неопходно создавање нова „култура на мир“, која ќе овозможи решавање на конфликтите без употреба на воена сила.„Еден ден Иран вели ‘да’, САД велат ‘не’ и обратно. Не знаеме до каде ќе стигне тоа… Би сакал да ги охрабрам сите да најдат решенија што произлегуваат од култура на мир, а не од омраза и поделби“, изјави папата.Тој во разговор со новинарите во авионот ги осуди убиствата на демонстранти во Иран, како и егзекуциите што се спроведуваат во таа земја.Папата Лав XIV, како прв папа од САД, неодамна беше критикуван од американскиот претседател Доналд Трамп, кој оцени дека не реагира доволно остро на случувањата поврзани со Иран.Поглаварот на Католичката црква нагласи дека нема намера да влегува во конфронтација со американскиот претседател, но истовремено порача дека не сака да биде заплашуван од Белата куќа.Тој откри и дека со себе носи фотографија од момче од Либан кое било убиено при израелски напад врз проиранското движење Хезболах. Момчето претходно го поздравило папата за време на неговата посета на Либан минатата година.

Свет | пред 1 месец

САД нудат 10 милиони долари за водач на проиранска милиција

Соединетите Американски Држави понудија награда до 10 милиони долари за информации што би довеле до идентификација или апсење на водачот на ирачката милиција Катаиб Сајид ал-Шухада, група која има поддршка од Иран. Американскиот Стејт департмент, преку програмата „Награди за правда“, го идентификуваше како Хашим Финијан Рахим ал-Сараџи и ја означи организацијата како терористичка, објави.Во објава на социјалните мрежи се наведува дека припадници на оваа милиција биле вмешани во напади врз ирачки цивили, како и врз американски дипломатски претставништва, воени бази и персонал во Ирак и Сирија.Овој чекор доаѓа во услови на засилени напади од мрежа на проирански вооружени групи низ Блискиот Исток, насочени кон американски, израелски и сојузнички цели. Во рамки на овој поширок и често прикриен конфликт, Ирак се наметнува како едно од клучните жаришта.Овие милиции главно се регрутираат од шиитската заедница во Ирак и, според американските проценки, дејствуваат под влијание и координација на повисоки структури на иранската Револуционерна гарда.

Свет | пред 1 месец

ФБИ истражува серија мистериозни смртни случаи и исчезнувања на научници во САД

ФБИ отвори истрага по серијата мистериозни смртни случаи и исчезнувања на најмалку десет научници во Соединетите Американски Држави, кои биле поврзани со чувствителни државни проекти.Станува збор за експерти од областа на нуклеарната енергија, вселенските технологии и одбранбениот сектор. Според достапните информации, дел од нив биле убиени пред своите домови, додека други исчезнале под неразјаснети околности. Меѓу случаите што ја вознемирија јавноста се убиство на нуклеарен физичар и професор од Massachusetts Institute of Technology во Масачусетс, исчезнување на пензиониран генерал од воздухопловството во Ново Мексико, како и исчезнување на воздухопловен инженер во Лос Анџелес за време на планинарење.Поради сериозноста на случаите, покрај федералните истражители, се вклучиле и службите за национална безбедност. Засега нема официјални информации дали станува збор за поврзани инциденти или за изолирани случаи.За случувањата се огласи и американскиот претседател Доналд Трамп, кој изјави дека според него, смртните случаи и исчезнувањата може да се случајност.

Свет | пред 1 месец

Трамп: Нема да користиме нуклеарно оружје против Иран

Американскиот претседател Доналд Трамп изјави дека САД нема да употребат нуклеарно оружје против Иран, нагласувајќи дека таквото оружје „никогаш не треба да се дозволи да биде употребено“. Тој одговори на новинарски прашања во Белата куќа, осврнувајќи се на можен конфликт со Техеран.Трамп изјави дека, според него, американската војска веќе има доволна конвенционална моќ и дека не постои потреба од нуклеарно оружје. Посочи дека иранските воени капацитети се значително ослабени и дека евентуално ново вооружување би можело брзо да биде неутрализирано.Говорејќи за можен мировен договор со Иран, тој истакна дека не брза со постигнување спогодба, туку дека му е поважен квалитетен и долгорочен договор. Според него, постои можност за брз договор, но тој сака решение кое ќе има трајни ефекти.Во својата изјава, Трамп се осврна и на пошироката закана од нуклеарно оружје, предупредувајќи дека евентуален нуклеарен судир би имал катастрофални последици, особено за европските градови.

Свет | пред 1 месец

Иран: Американските бродови ќе бидат уништени во Ормускиот теснец

Шефот на иранското правосудство, Голам Хосеин Мохсени Еџеи, денес изјави дека глисери и беспилотни подводни летала (UUV) на Корпусот на Револуционерната гарда (IRGC) ги чекаат американските бродови кои навлегуваат во иранските територијални води, со цел целосно да бидат уништени.„Флотата дронови за координирани напади на IRGC, со своите брзи чамци и UUV, чека зад морските пештери на јужниот ирански остров Фарур американски воени бродови за да нанесат тешки последици врз агресорите“, изјави Мохсени Еџеи, пренесува Press TV.Тој додаде дека Американците „дури и не се осмелуваат да се приближат до Ормускиот теснец“ откако виделе што им се случило на нивните наводно ултранапредни разурнувачи USS Michael Murphy (DDG 112) и USS Frank E. Peterson (DDG 121).Шефот на правосудството нагласи дека трите брода кои навлегле во Ормускиот теснец биле предмет на правни мерки.Според иранскиот Press TV, поморските сили на IRGC наводно насочиле 16 крстосувачки ракети кон американски воени бродови откако тие не реагирале на предупредувањата да се повлечат од областа.Како што тврдат, американската страна потоа побарала одложување од 15 минути за да ја информира командата и да добие дополнителни инструкции, а размената траела најмалку еден час поради воздржаноста на иранските сили.Потоа, американските разурнувачи брзо се повлекле од подрачјето.Иранските медиуми претходно јавија дека нивните воени сили заплениле најмалку три брода во Ормускиот теснец, со образложение дека ги прекршиле правилата за пловидба.Иранските власти исто така навестија дека би можеле да ги ублажат ограничувањата во Ормус доколку САД ја укинат „незаконската блокада и санкциите против Иран“.Ова прашање стана една од главните пречки во дипломатските напори за нов круг преговори меѓу Техеран и Вашингтон, по неуспешниот состанок закажан за 12 април во Пакистан.

Свет | пред 1 месец

Американската имиграциска служба подготвува паметни очила за препознавање лица во реално време

Службеници на американската Имиграциска и царинска служба планираат да користат специјални очила за препознавање лица со цел во реално време да собираат податоци за граѓаните на САД, откри независниот новинар Кен Клипенштајн.Според финансиски документи до кои дошол новинарот, станува збор за развој на платформа за препознавање лица по примерот на комерцијално достапните паметни очила со вештачка интелигенција, како оние на компанијата Мета, кои претходно беа предмет на силни критики.Внатрешниот модел на Имиграциската и царинска служба треба да им овозможи на агентите да следат видеоснимки и да ги споредуваат со големи федерални бази на биометриски податоци за поединци, без оглед дали тие некогаш биле уапсени или обвинети за кривично дело.„Со проектот ќе се испорача иновативна опрема, како оперативни прототипови на паметни очила, за агентите на терен да имаат пристап до информации во реално време и можност за биометриска идентификација“, се наведува во буџетски документ на службата.Дополнителна загриженост предизвикуваат тврдењата на извори од Министерството за внатрешна безбедност, кои посочиле дека технологијата не е наменета исклучиво за спроведување на имиграциските закони.„Ова може да се претстави како обид за идентификација на нелегални странци на улиците, но реалноста е дека ваквиот пристап ги погодува сите Американци, а особено демонстрантите“, изјави анонимен адвокат од министерството.Откритието доаѓа неколку месеци по инцидент во државата Мејн, каде агент на службата признал дека со својот телефон скенирал лица на демонстранти. Според наводите, тој им рекол на лицата кои го документирале постапувањето на службениците дека располагаат со база на податоци во која ги водат како домашни терористи.Во октомври, порталот „404 Медија“ објави дека агенти на службата скенирале лица на луѓе за да го проверат нивното државјанство, при што целите на ваквиот надзор често биле избирани по случаен избор.Во меѓувреме, познато е и дека голем број апсења спроведени минатата година биле случајни, наместо насочени акции против познати криминалци, како што најавуваше администрацијата на Доналд Трамп.Аналитичарите предупредуваат дека системот кој првично бил воспоставен за откривање мигранти без документи сега постепено се насочува и кон сопствените граѓани. Паметните очила на службата, според критичарите, би можеле да претставуваат нова фаза на сеопфатен надзор кој подоцна тешко би можел да биде укинат.

Свет | пред 1 месец

САД посегнува по украински систем за одбрана од дронови во близина на Иран

Американската војска во изминатиот период тајно инсталирала украинска технологија за борба против беспилотни летала во клучна воздушна база во Саудиска Арабија, лоцирана во близина на регионот кон Иран, со цел да се засили заштитата од сè почести напади со дронови, јавуваат извори запознаени со случувањата.Според истите извори, станува збор за украинската платформа „Sky Map“, која е интегрирана во американските системи за рано откривање и следење на воздушни закани во базата „Принц Султан“.Украински воени експерти биле испратени на терен за обука на американскиот персонал за користење на системот, кој овозможува прикажување на податоци од радари и сензори на една заедничка мапа, со цел побрза реакција при приближување на беспилотни летала.Технологијата е развиена од украински инженери поврзани со воените структури на Украина и се потпира на широка мрежа сензори што детектираат движење и звук на дронови, вклучително и типови што се користат во регионалните конфликти. Во базата, покрај овој систем, се тестираат и дополнителни средства за пресретнување на беспилотни летала, но првичните тестирања, според истите извори, покажале технички проблеми и инциденти при употребата.Воената база во Саудиска Арабија веќе подолг период е изложена на напади со беспилотни летала поврзани со регионалните судири, што дополнително ја зголемило потребата од нови решенија за противвоздушна одбрана. Иако американските власти не ја потврдиле директно оваа соработка, аналитичарите оценуваат дека интегрирањето на украински системи претставува значаен сигнал за нивото на развој на украинската противдронска технологија, стекнато во услови на интензивен конфликт.Во меѓувреме, дел од американските институции и индустриски партнери продолжуваат да работат на сопствени системи за одбрана од дронови, но засега без единствено решение што би ги елиминирало сите ризици. Според проценките на експертите, комбинирањето на различни технологии станува сè поважен пристап во услови на зголемени хибридни закани.

Свет | пред 1 месец

Дали САД блефира во конфликтот со Иран

Петтиот ден од конфликтот со Иран, на 4 март, портпаролката на Белата куќа Каролин Левит испрати остри пораки до противниците на САД, нагласувајќи дека американскиот претседател Доналд Трамп „не блефира“ и дека црвените линии ќе бидат спроведени без двоумење.Сепак, како што анализира Си-Ен-Ен, во текот на последните недели се забележуваат повеќе случаи во кои поставените рокови кон Иран биле поместувани или одложувани без јасни докази дека Техеран ги исполнил барањата.Во првиот период Трамп поставил краток рок за отворање на Ормутскиот Теснец, кој подоцна бил продолжен, при што како причина биле наведени дипломатски разговори, иако иранската страна дел од тие тврдења ги демантирала.Во следните недели, според истата анализа, се повторува образец на нови рокови, одложувања и услови, како и закани за воени дејства доколку не се постигне договор, при што дел од најавите биле дополнително изменети или ублажени.Според Си-Ен-Ен, ваквиот пристап создава впечаток на неконзистентна стратегија, при што клучен фактор за проценка на реалната сила на заканите станува и самото однесување на Иран, кој исто така ги следи и реагира на политичките сигнали од Вашингтон.

Свет | пред 1 месец

Пекинг ја користи кризата за зајакнување на глобалното влијание

Улогата на Кина како неофицијален посредник во најновиот конфликт на Блискиот Исток привлекува внимание ширум светот. Пекинг се обидува да се прикаже како одговорна глобална сила во момент кога потезите на САД ги нарушуваат долгогодишните сојузни односи.Во последните години, благодарение на активната дипломатија, Кина го зајакна своето меѓународно влијание. Иако традиционално се воздржува од директно вклучување во конфликти далеку од своите граници, таа сè повеќе се наметнува како значаен фактор во обидите за посредување во различни региони.Во тековниот конфликт поврзан со Иран, Кина нема формална улога на посредник, но, според анализите, сите страни признаваат дека има одредено влијание врз процесите за смирување на тензиите.Кинеските власти засега не ги потврдуваат деталите за својата улога, додека аналитичарите оценуваат дека Пекинг внимателно избегнува впечаток на дел од безбедносниот систем предводен од САД.Во исто време, Кина ја користи својата економска позиција, особено како најголем купувач на иранска нафта, за да влијае врз дипломатските процеси. Според анализите, Пекинг се обидува да комбинира економски поттик и политичко влијание во регионот.Кинеската дипломатија во последните години бележи и конкретни резултати, меѓу кои и посредувањето во обновувањето на односите меѓу Саудиска Арабија и Иран, што беше оценето како значаен геополитички успех.Аналитичарите заклучуваат дека Кина настапува прагматично и селективно, влегувајќи во процеси за посредување главно кога условите веќе се поволни за договор, но во исто време го користи секој ваков конфликт за да го зајакне својот глобален дипломатски профил.

Свет | пред 1 месец

Пакистан и САД разговараат за нова рунда преговори меѓу Иран и Америка

Пакистанскиот министер за внатрешни работи Мохсин Наки и американската амбасадорка Натали Бејкер разговараа за најновите регионални случувања и за дипломатските напори за одржување на втора рунда преговори меѓу Иран и САД во Исламабад.Пакистанското Министерство за внатрешни работи објави на платформата X дека Наки ја поздравил иницијативата на претседателот Доналд Трамп за продолжување на примирјето со Иран, нагласувајќи ја потребата дипломатските канали да останат отворени за постигнување трајно решение.Тој изразил надеж за позитивен напредок од иранска страна, додавајќи дека пакистанскиот премиер Шехбаз Шариф и фелдмаршалот Асим Мунир вложуваат максимални напори на сите нивоа за изнаоѓање решение за прашањето.

Свет | пред 1 месец

Иран ги обвинува САД и Израел за последиците од војната

Соединетите Американски Држави и Израел ја сносат одговорноста за последиците од војната како „агресори“, изјави иранскиот министер за надворешни работи Абас Арагчи на средба во Техеран со специјален пратеник од Јужна Кореја, соопшти иранското Министерство за надворешни работи.На средбата со пратеникот Чанг Бјунг-ха било разговарано за актуелната состојба во регионот, како и за прашања поврзани со поморската безбедност и билатералните односи меѓу двете земји, се наведува во соопштението.

Свет | пред 1 месец

Канадскиот премиер: САД не ни диктираат услови во трговските преговори

Канадскиот премиер Марк Карни изјави дека Вашингтон не поставува услови во тековните трговски преговори, отфрлајќи ги тврдењата дека Канада мора да прави отстапки за да обезбеди место на преговарачката маса. Карни нагласи дека двете страни работат на решавање на „трговските тензии“ пред обновените преговори за договорот меѓу Канада, САД и Мексико (CUSMA), пишува Anadolu.„Не станува збор за тоа САД да ни диктираат услови“, изјави Карни пред новинарите во Отава. „Пред нас се преговори и можеме да постигнеме заемно корисен исход. Тоа ќе потрае, и ќе си земеме онолку време колку што е потребно“, додаде тој.Карни наведе дека двете земји ги утврдиле спорните точки пред очекуваните разговори за CUSMA, истакнувајќи дека такви прашања постојат и од двете страни.„Јасно ни е што Американците сметаат за спорни точки. И ние имаме свои. Добро сме подготвени“, рече тој.Тој истакна и дека Канада веќе доставила „одредени контрапредлози“ со кои американската страна е запознаена.„Доаѓа време кога навистина ќе треба да се зафатиме со работа“, порача Карни.Од друга страна, канадските медиуми наведуваат дека администрацијата на Доналд Трамп бара низа отстапки од Отава уште пред да започнат формалните преговори. Поранешниот премиер на Квебек, Жан Шаре изјави дека Трамп сака „повеќе отстапки уште пред да седнеме на преговарачка маса“.Канадски извори тврдат дека Отава веќе двапати понудила отстапки на Вашингтон, без да добие ништо за возврат.

Свет | пред 1 месец

Иран сепак ќе настапи на Светското првенство во САД

Портпаролот на иранската влада потврди „целосна подготвеност“ на машката фудбалска репрезентација за учество на претстојното Светско првенство во САД, јавува иранската државна телевизија.Иранскиот министер за спорт, Ахмад Донијамали, претходно изјави дека репрезентацијата ќе патува на турнирот под услов да ѝ биде гарантирана безбедноста. Претседателот на ФИФА, Џани Инфантино, исто така порача дека Иран „сигурно“ ќе настапи.Во групната фаза Иран треба да игра против Белгија, Египет и Нов Зеланд.Претходно, ирански претставници изразуваа сомнеж околу учеството, бидејќи сите натпревари од групата треба да се играат во САД. Предлогот дел од натпреварите да се преместат во Мексико бил одбиен.Американскиот претседател Доналд Трамп изјави дека иранските фудбалери се добредојдени, но додаде дека присуството на навивачи можеби не е соодветно „поради нивната сопствена безбедност“.

Спорт | пред 1 месец

Трамп поставува рок за Иран: Примирјето нема да трае бесконечно

Американскиот претседател Доналд Трамп изјави дека примирјето со Иран ќе биде продолжено „сè додека не биде поднесен нивниот предлог и додека не завршат преговорите, на овој или оној начин“.Два извора запознаени со внатрешните дискусии изјавиле за CNN дека Трамп планира да му даде на Иран ограничен временски рок за изработка на единствен предлог.Според нив, американската администрација не сака неограничено да го продолжува примирјето и е внимателна во однос на можноста Иран дополнително да ги одолговлекува преговорите.Изворите додаваат дека и самиот претседател бил воздржан во однос на продолжување на примирјето по денешниот рок.Соединетите Американски Држави сметаат дека ситуацијата во Иран е слична како по 12-дневната војна. Сепак, сегашниот период има суштинска разлика, а тоа е иранската контрола врз Ормускиот теснец.„Добри вести“ за втората рунда разговори меѓу САД и Иран би можеле да пристигнат веќе во петок, изјавиле претседателот Трамп и пакистански извори за весникот „The Post“ во средата.Извори од Исламабад ги пофалиле позитивните напори во посредувањето со Техеран, отворајќи можност за нови мировни разговори во следните „36 до 72 часа“. На прашање од „The Post“ за овој можен напредок, Трамп во СМС порака одговорил: „Можно е! Претседателот ДЈТ.“Доколку Америка сака да ја одржи сенката на војната, треба да знае дека Ормускиот теснец ќе остане целосно затворен, пренесува Tasnim.

Свет | пред 1 месец