САД

Трамп: Првата светска војна траеше 4 години, 3 месеци и 14 дена, Втората светска војна 6 години, нема да ме брзаат

Американскиот претседател Доналд Трамп вели дека не е под притисок да склучи договор со Иран и ги обвини демократите дека ја поткопуваат американската позиција. Во објава на неговата социјална мрежа Truth Social, Трамп ги отфрли медиумските написи за притисок и тврди дека проблемот со Иран ќе го реши „правилно“, поправајќи го „хаосот“ што, како што вели, го оставиле неговите претходници.„Демократите прават сè што можат за да ја оштетат многу силната позиција во која се наоѓаме во однос на Иран. Иако Првата светска војна траеше 4 години, 3 месеци и 14 дена, Втората светска војна 6 години и 1 ден, Корејската војна 3 години, 1 месец и 2 дена, Виетнамската војна 19 години, 5 месеци и 29 дена, а Ирак 8 години, 8 месеци и 28 дена, тие сакаат да кажат дека сум ветил пораз на Иран за 6 недели, а всушност, од воен аспект, тоа беше многу побрзо од тоа, но нема да дозволам да ги брзаат Соединетите Американски Држави во склучување договор кој не е толку добар колку што може да биде.Читам во лажните вести дека сум под „притисок“ да постигнам договор. ТОА НЕ Е ВИСТИНА! Не сум под никаков притисок, иако сè ќе се случи релативно брзо. Времето не е мој непријател, единственото важно е конечно, по 47 години, да го решиме ХАОСОТ што другите претседатели го дозволија бидејќи немаа храброст или визија да го направат она што требало во врска со Иран.Ова се спроведува совршено, во размер како Венецуела, само како поголема и посложена операција. Резултатот ќе биде ист. Во мојот прв мандат ја изградив најсилната армија што нашата земја некогаш ја имала, вклучувајќи го и формирањето на Вселенските сили. Во мојот втор мандат правилно и разумно ја користам нашата армија за да ги решам проблемите што ни ги оставија други, со многу помалку разбирање или способност“, напиша Трамп.

Свет | пред 1 месец

(Видео) Ужас во Пенсилванија: Мајка и шест деца загинаа во експлозија

Мајка и шест деца на возраст од три до 11 години загинаа во експлозија која предизвикала пожар во семејна куќа во Мил Хол, во американската сојузна држава Пенсилванија, пренесе денес АП.Причината за експлозијата сè уште е предмет на истрага, а како една од можностите се наведува истекување на пропан, иако надворешните резервоари за тој гас не експлодирале.Пожарникарите кои ја гаснеле куќата изјавиле дека при пристигнување на местото на настанот не било возможно да се спасат заробените во пламенот.Исто така, тие навеле дека жртвите биле пронајдени дури по гаснењето на пожарот и претресот на куќата.

Свет | пред 1 месец

САД ја одобри продажбата на руска нафта: Уште еден месец

Американската влада ја продолжи дозволата за купување санкционирана руска нафта натоварена на танкери за уште еден месец, според документ објавен на страницата на Министерството за финансии.Канцеларијата за контрола на странски средства (OFAC) при американското Министерство за финансии во петокот издаде нова дозвола со која руската нафта и нафтените деривати натоварени на танкери до 17 април може да се купуваат до 16 мај, се наведува во документот.Од дозволата се изземени трансакции со Иран, Куба и Северна Кореја.Вашингтон по третпат од почетокот на американско-израелскиот конфликт со Иран ги суспендира санкциите за руската нафта и нафтените деривати, настојувајќи да го ублажи растот на цените на светските пазари.Првата 30-дневна дозвола за купување руска нафта OFAC ја издаде за Индија на 5 март. Една недела подоцна, дозволата беше проширена и на остатокот од светот, исто така за 30 дена, со рок за завршување на купувањето до 11 април.Новата дозвола е издадена под притисок на азиските држави, пренесува Ројтерс, кои поради нарушувања во снабдувањето од Блискиот Исток побарале од Вашингтон да овозможи набавка од други извори.„Преговорите (со Иран) се забрзуваат, а Министерството за финансии истовремено води сметка нафтата да биде достапна за оние на кои им е потребна“, изјавил портпарол на министерството за Ројтерс.Само два дена претходно, министерот за финансии Скот Бесент изјавил дека Вашингтон нема да ја обнови дозволата за купување руска нафта, ниту да издаде нова дозвола за иранска нафта, која истече во неделата, потсетува Ројтерс.Продолжувањето на дозволата ќе опфати дополнителни 100 милиони барели руска нафта, според наводите на специјалниот пратеник на рускиот претседател Владимир Путин, Кирил Дмитриев, со што ќе се удвои количината на нафта што се тргува со американска дозвола.Во март, купувачите ширум светот примиле 4,4 милиони барели руска нафта дневно, наведува Меѓународната агенција за енергетика (IEA) во својот месечен извештај, што значи вкупно околу 132 милиони барели.Индија увезувала околу два милиони барели дневно, а Кина 1,8 милиони барели дневно, според извештајот за април. Така, на азиските пазари во март пристигнале околу 60 милиони барели во Индија и 54 милиони барели во Кина.Од танкерите, во март на индиско тло биле истоварени околу 22 милиони барели руска нафта, а во Кина околу 14 милиони барели, со што практично биле исчистени залихите што се натрупувале на море од октомври минатата година.

Свет | пред 1 месец

(Видео) Масакр во Луизијана: Маж уби осум деца – ги застрела сопругата и уште една жена

Маж од американската сојузна држава Луизијана застрелал седум од своите деца и уште едно дете во напад врз сопственото семејство, додека бил во процес на разделба со сопругата, која исто така била застрелана и тешко повредена, изјавил роднина.Насилството што се одвивало рано наутро во неделата во две куќи во Шривпорт претставува едно од најсмртоносните масовни пукања во САД во последните години, пишува АП.Напаѓачот, идентификуван како Шамар Елкинс, починал по бегство и полициска потера која завршила со тоа што полицајците отвориле оган кон него.Според официјалните информации, убиените деца – три момчиња и пет девојчиња – биле на возраст од 3 до 11 години. Едно лице скокнало од покривот на куќата и се очекува да преживее.„Не знам што да кажам, срцето ми е скршено“, изјавил началникот на полицијата во Шривпорт, Вејн Смит. „Не можам ни да замислам како може да се случи вакво нешто.“Елкинс и неговата сопруга, идентификувана од семејството како Шаника Елкинс, биле во процес на разделба и требало да се појават на суд во понеделник, изјавила Кристал Браун, роднина на една од повредените жени. Таа додала дека двојката се расправала околу разделбата непосредно пред пукањето.Полицијата соопшти дека пукањето започнало пред зори, кога напаѓачот застрелал жена во куќа јужно од центарот на градот. Потоа се упатил кон друга куќа на неколку улици подалеку, каде почнал да пука врз децата. Меѓу убиените бил и негов внук.Сосетка, која живее две куќи подалеку, изјавила дека нејзината безбедносна камера го снимила осомничениот како бега, заедно со звукот од истрели.Подоцна, кога излегла надвор, видела тело на дете на покривот од куќата.Според локални власти, некои од децата се обиделе да избегаат преку задниот дел од куќата.Полицијата соопшти дека нема информации за претходни пријави за семејно насилство поврзани со напаѓачот.Елкинс служел во Националната гарда на Луизијана од 2013 до 2020 година, без распоредувања, и немал обемно криминално досие. Во 2019 година бил осуден условно поради незаконска употреба на оружје.

Свет | пред 1 месец

Потпретседателот Венс на пат кон Исламабад со американска делегација

Американскиот потпретседател Џеј Ди Венс, заедно со американска делегација, во наредните часови треба да пристигне во Пакистан, каде ќе се водат разговори поврзани со ситуацијата во Иран, изјави претседателот Доналд Трамп во интервју за New York Post.Трамп додаде дека и самиот би бил подготвен да се сретне со иранските лидери доколку се постигне напредок во разговорите.Од иранска страна, висок функционер изјави дека Техеран позитивно ја разгледува можноста за учество во потенцијални мировни преговори со САД, но конечна одлука сè уште не е донесена. Според него, Пакистан игра важна посредничка улога во обидите да се намалат тензиите и да се обезбеди учество на Иран.Извор вклучен во разговорите посочи дека двонеделното примирје истекува на 22 април во 20 часот според источноамериканско време.Во меѓувреме, односите меѓу САД и Иран остануваат напнати, особено околу Ормускиот теснец, клучен морски премин. Иран ја засили контролата врз сообраќајот во теснецот, додека САД ја продолжуваат блокадата на иранските пристаништа. Двете страни меѓусебно се обвинуваат за прекршување на примирјето.Иранскиот претседател Масуд Пезешкијан повика да се искористат сите можности за намалување на тензиите со Вашингтон, но нагласи дека претпазливоста и недовербата кон САД остануваат „непобитна неопходност“, пренесе државната агенција IRNA.

Свет | пред 1 месец

Признаа: Израел го вовлече САД во војна со Иран

Израелскиот министер за земјоделство Ави Дихтер изјавил дека Израел успеал да ја вовлече американската администрација во војната со Иран, што предизвика нов бран политички реакции.Според извештаи, Дихтер изјавил дека израелското раководство, вклучително и премиерот Бенјамин Нетанјаху, имало клучна улога во приближувањето на САД кон директно учество во конфликтот. Во истите наводи се истакнува дека американското учество било пресудно за текот на војната, при што се наведува дека „без Америка ова не би било можно“.Од друга страна, поранешната американска потпретседателка Камала Харис остро го критикувала конфликтот, наведувајќи дека станува збор за „војна што американскиот народ не ја сака“ и обвинувајќи ја американската администрација за политички мотивирани потези.Изјавите доаѓаат во услови на зголемени тензии и меѓусебни обвинувања околу улогата на САД и Израел во ескалацијата на конфликтот со Иран.

Свет | пред 1 месец

Три танкери сепак поминаа низ Ормутскиот теснец

Додека Иран и САД сè уште не постигнуваат договор за пловидба низ Персискиот Залив, три танкери денеска сепак успеале да поминат низ Ормутскиот теснец, повикувајќи се на податоци од платформата за следење на пловидбата Кплер.Според информациите, еден танкер со нафтени деривати испловил од Персискиот Залив, додека во спротивен правец поминале танкер за течен природен гас и уште еден брод што превезува хемикалии.Иран повремено дозволува премин на бродови со наплата, додека американската страна ги блокира пловилата што влегуваат или излегуваат од иранските пристаништа.И покрај овие ограничени движења, вкупниот поморски сообраќај останува речиси во застој, откако Иран по краткото отворање во петокот повторно го затвори теснецот, покажуваат податоците од системите за следење на пловидбата во реално време.

Свет | пред 1 месец

Ормутскиот теснец речиси празен трет ден по ред, трговскиот сообраќај во застој

Ормутскиот теснец трет ден по ред останува речиси без поморски сообраќај, додека Иран и САД не успеваат да постигнат договор за безбедно движење на бродовите низ Персискиот Залив. Според последните податоци, во текот на изминатите часови во Заливот влегле само неколку пловила, меѓу кои два танкера што пловеле без товар.Еден натоварен танкер во раните утрински часови го напуштил Заливот преку теснецот. Станува збор за брод што го управува турска компанија, а кој претходно испловил од ирачко пристаниште. Во минатото, истиот брод бил предмет на санкции од страна на Обединетото Кралство и Европската Унија поради транспорт на руска нафта.Во саботата, кога иранската Револуционерна гарда објави дека теснецот повторно е затворен, најмалку 13 бродови го смениле курсот и се вратиле назад, покажуваат податоци од поморски аналитички компании. Дополнително, еден контејнерски брод бил погоден со истрели, додека уште два пријавиле дека биле цел на напад.Поради зголемените ризици, во неделата не е регистриран ниту еден танкер што го преминал теснецот, иако експертите предупредуваат дека дел од пловилата не ја објавуваат својата точна локација. Советодавни компании за поморски сообраќај им препорачуваат на бродовите да се откажат од планираните рути низ Ормутскиот теснец и да се вратат на почетните позиции доколку добијат закани преку радио врска.Во меѓувреме, повеќе трговски бродови пријавиле дека добиле наредба од иранските поморски сили да не продолжуваат со пловидбата, што дополнително ја зголемува неизвесноста околу безбедноста на една од најважните светски поморски рути.

Свет | пред 1 месец

САД ја продолжи дозволата за купување руска нафта за уште еден месец

Американската влада ја продолжи дозволата за купување руска нафта и нафтени деривати за уште еден месец, покажува документ објавен од Министерството за финансии на САД. Новата одлука е донесена преку Канцеларија за контрола на странски средства (OFAC), кој дозволува купување на руска нафта натоварена на танкери до 17 април, со рок за реализација до 16 мај.Од дозволата се иземени трансакции со Иран, Куба и Северна Кореја. Ова е третпат од почетокот на конфликтот на Блискиот Исток САД привремено да ги олеснат санкциите за руската нафта, со цел да се ублажи растот на цените на глобалните пазари.Претходно, Канцеларија за контрола на странски средства издаде првична 30-дневна дозвола за Индија на 5 март, а една недела подоцна и за останатиот дел од светот, со рок до 11 април. Новото продолжување, според извештаи, доаѓа под притисок од азиските земји кои се соочуваат со нарушено снабдување поради кризата на Блискиот Исток.И покрај тоа што само неколку дена претходно министерот за финансии Скот Бесент најави дека нема да има продолжување на дозволата, Вашингтон сепак ја ревидираше одлуката. Според руски претставници, ова продолжување може да опфати дополнителни околу 100 милиони барели нафта.Податоците на Меѓународна агенција за енергија покажуваат дека во март глобално биле испорачани околу 4,4 милиони барели руска нафта дневно, при што најголеми увозници биле Индија и Кина. Овие бројки укажуваат дека побарувачката за руската нафта останува висока и покрај санкциите и геополитичките тензии.

Свет | пред 1 месец

Пакистан предупредува: Американската блокада го попречува мировниот процес

Пакистанскиот началник на армијата Асима Мунир, кој има значајна улога во посредувањето меѓу САД и Иран, му порачал на американскиот претседател Доналд Трамп дека поморската блокада на иранските пристаништа претставува сериозна пречка за напредок во мировните разговори.Според безбедносни извори од Пакистан, Мунир ова го истакнал во телефонски разговор со Трамп, при што американскиот претседател одговорил дека ќе го разгледа изнесениот став. Пакистан, кој одржува добри односи со двете страни, има клучна улога како посредник во актуелните дипломатски напори.Разговорот доаѓа во период на зголемени тензии, откако Иран го одби американскиот предлог за нова рунда преговори, додека паралелно продолжуваат несогласувањата околу блокадите и контролата врз Ормутскиот теснец – една од најважните светски рути за транспорт на нафта.Аналитичарите оценуваат дека ваквите пораки од посредниците укажуваат на потреба од намалување на притисокот на теренот, со цел да се создадат услови за обновување на дипломатскиот процес.

Свет | пред 1 месец

Кина повикува на смирување по инцидентот во Ормутскиот теснец

Кина изрази загриженост по последниот инцидент во Ормутскиот теснец, каде што САД, според извештаи, пресретнале и заплениле товарен брод под иранско знаме. Пекинг упати повик сите страни да се воздржат од дејствија што би можеле дополнително да ја влошат веќе напнатата ситуација и да се придржуваат кон договорите за примирје.Портпаролот на кинеското Министерство за надворешни работи, Гуо Џиакун, изјави дека состојбата во теснецот е „чувствителна и сложена“ и нагласи потреба од одговорно однесување за да се обезбедат услови за непречен меѓународен поморски сообраќај.Од американска страна беше соопштено дека нивните сили отвориле оган врз ирански товарен брод и потоа го заплениле, откако наводно се обидел да ја пробие воспоставената блокада на иранските пристаништа. Иран, пак, тврди дека бродот доаѓал од Кина и најави одговор на, како што го нарече, „воено пиратство на американската морнарица“.

Свет | пред 1 месец

Иранскиот претседател: Дипломатија со САД, но со апсолутна недоверба

Иранскиот претседател Масуд Пезешкијан изјави дека треба да се искористат сите разумни дипломатски канали за намалување на тензиите со САД, но истовремено нагласи дека претпазливоста и недовербата во односите со Вашингтон се „апсолутно неопходни“. Изјавата, пренесена од државната новинска агенција IRNA, доаѓа во период на неизвесност околу продолжувањето на привременото примирје меѓу двете земји.Според меѓународни извештаи, во наредните денови се очекуваат нови дипломатски активности, при што американски претставници треба да пристигнат во Исламабад на разговори поврзани со Иран. Техеран засега не соопштил дали ќе учествува во нова рунда преговори, а иранските државни медиуми наведуваат дека нема јасни планови за продолжување на дијалогот, наведувајќи „претерани и неразумни“ барања од американска страна.Во фокусот на тензичните односи останува Ормутскиот теснец, каде што Иран засили контрола врз поморскиот сообраќај, додека САД продолжуваат со ограничувања и блокади на ирански бродови. Двете страни се обвинуваат меѓусебно за кршење на примирјето, а неодамнешни инциденти дополнително ја влошија ситуацијата во овој клучен светски поморски коридор.Пезешкијан оцени дека американските потези покажуваат тенденција за „повторување на старите обрасци и поткопување на дипломатијата“, нагласувајќи дека Иран останува отворен за дијалог, но само под услови што гарантираат рамноправен пристап и почитување на неговите интереси.

Свет | пред 1 месец

Ирански амбасадор: Она што Трамп не го постигна со војна, нема да го постигне ни со преговори

Иранскиот амбасадор во Русија, Казем Џалали, изјави дека нападите на САД и Израел врз Иран не ги постигнале своите цели и дека Вашингтон нема да добие повеќе ниту на преговарачка маса, пренесува рускиот весник Ведомости.Џалали наведе дека, според него, првичните цели на западните држави биле дури и промена на режимот во Иран, но подоцна барањата се свеле на отворање на Ормушкиот теснец, што, како што тврди, исто така не е постигнато.Тој оцени дека најавите за поморска блокада се неуспешни и дека Иран има „челична волја“ да продолжи со своите активности, нагласувајќи дека војната, според него, ја зајакнала иранската решителност наместо да ја ослаби.Амбасадорот додаде дека САД првично се согласиле со ирански план од десет точки, но подоцна се повлекле, и порача дека она што не е постигнато со воени средства нема да може да се постигне ниту преку преговори.

Свет | пред 1 месец

Иран објави список на цели ако војната продолжи: „Ќе ги укинеме сите ограничувања“

Иранската полуслужбена агенција Новинска агенција Тасним, која е блиска до Корпусот на Исламската револуционерна гарда, објави серија пораки во кои се обвинуваат САД дека истовремено зборуваат за преговори, но се подготвуваат за продолжување на конфликтот.Во објави на социјалната мрежа X (Twitter), се наведува дека Иран е подготвен веднаш по почеток на, како што го нарекуваат, обновен судир, да започне „незаборавни, пеколни удари“ против САД и Израел. Дополнително се наведува дека во случај на ескалација ќе бидат укинати сите досегашни ограничувања во однесувањето на иранските сили.Во истите пораки се споменуваат и можни цели како Баб ел-Мандеб, постројки на саудискиот Сауди Арамко, пристаништето Јанбу во Саудиска Арабија и градот Фуџаира во Обединетите Арапски Емирати.Агенцијата истакнува дека во оваа фаза Иран смета дека војната е поверојатна од продолжување на преговорите, додека нејзините пораки често ја одразуваат поострата реторика на иранскиот безбедносен апарат.

Свет | пред 1 месец

Иран тврди: Извршен напад со дронови врз американски воени бродови

Иранската полуслужбена агенција Tasnim News Agency објави дека Иран лансирал дронови кон американски воени бродови во Омански залив, кратко по американската заплена на ирански товарен брод.Според истите наводи, засега нема информации за причинета штета.Иранското воено командување Khatam al-Anbiya Central Headquarters ја нарече американската операција прекршување на примирјето и порача дека ќе одговори на, како што го опишуваат, „чин на вооружено пиратство“ на американската морнарица.

Свет | пред 1 месец

Цените на нафтата растат по заплената на ирански брод од страна на САД

Цените на нафтата пораснаа на почетокот на тргувањето во Азија, откако американскиот претседател Доналд Трамп објави дека САД пресретнале и заплениле товарен брод под иранско знаме.Растот на цените следува по најавите од Иран за можно затворање на Ормутскиот теснец за комерцијални бродови, со предупредување дека секое пловило што ќе се приближи може да биде цел на напади.Цената на суровата нафта тип брент се зголеми за 4,74 проценти и достигна околу 87 евра за барел, додека американската WTI нафта порасна за 5,6 проценти, на приближно 82 евра. Пазарите на енергенси веќе неколку недели се соочуваат со силни осцилации по ескалацијата на тензиите меѓу САД, Израел и Иран.Ормутскиот теснец има клучно значење за глобалната енергетска стабилност, бидејќи низ него поминува околу една петтина од светската нафта и течен гас, што го прави секое нарушување на сообраќајот директен ризик за цените на светските пазари.

Свет | пред 1 месец

Трамп испраќа делегација во Пакистан, Иран одбива преговори под блокада

Американскиот претседател Доналд Трамп најави дека САД испраќаат нова делегација во Исламабад за нова рунда преговори со Иран, но Техеран однапред сигнализира дека нема намера да учествува додека трае американската блокада.Според Белата куќа, делегацијата ќе ја предводи потпретседателот Џ.Д. Венс, а во неа ќе бидат вклучени и советниците Стив Виткоф и Џаред Кушнер, кои учествуваа и во претходните разговори.Иако американските претставници треба да пристигнат во текот на денот, иранската страна засега не го потврдува учеството. Државните медиуми во Иран наведуваат дека нивни претставници нема да седнат на преговарачка маса сè додека се применуваат мерките на економска и поморска блокада.Последната рунда разговори траеше околу 21 час, но заврши без конкретен договор. Главните несогласувања остануваат околу иранската нуклеарна програма, што и натаму претставува клучна пречка за постигнување компромис меѓу двете страни.

Свет | пред 1 месец

(Видео) Инцидент во Вирџинија: Падобран со американско знаме удри во видео-бим

Падобран вчера удрил во видео-бим на стадионот „Лејн“ непосредно пред почетокот на натпревар во американски фудбал на Универзитетот Вирџинија Тек, предизвикувајќи одложување на натпреварот.Од универзитетот првично информираа дека лицето е спасено и се наоѓа во стабилна состојба, а подоцна соопштија дека благодарение на брзата реакција на службите, падобранецот безбедно бил симнат на земја без повреди.„Наш главен фокус е неговата состојба и благосостојба. Им благодариме на сите итни служби, организатори и медицински тимови за брзата и професионална реакција“, соопштија од Вирџинија Тек.На видеоснимките од инцидентот се гледа како падобранот се закачил на врвот од семафорот, заглавен меѓу буквите од натписот „Virginia Tech“, по што следела координирана акција за негово извлекување.

Свет | пред 1 месец

До кога траат примирјата на Блискиот Исток?

Во услови на зголемени тензии на Блискиот Исток, на сила се два привремени договори за прекин на огнот, со јасно дефинирани рокови.Примирјето меѓу САД и Иран започна на 8 април и е договорено да трае 14 дена, односно до 22 април.Паралелно, примирјето меѓу Израел и Либан стапи во сила на 16 април и има времетраење од 10 дена, што значи дека истекува на 26 април.Овие договори се временски ограничени и оставаат простор за понатамошни дипломатски разговори, но нивното продолжување ќе зависи од развојот на ситуацијата на терен и текот на преговорите.

Свет | пред 1 месец

Камала Харис со жестоки обвинувања за Трамп: Влезе во војна во која го вовлече Биби Нетанјаху, војна што нашиот народ не ја сака

Поранешната потпретседателка на САД, Камала Харис, го обвини претседателот Доналд Трамп дека бил „вовлечен“ во војна со Иран поради одлуките на израелскиот премиер Бенјамин Нетанјаху.„Влезе во војна во која го вовлече Биби Нетанјаху, да бидеме јасни – војна што американскиот народ не ја сака и со која ги доведе во опасност американските војници“, изјави Харис за време на говор во Детроит.Таа дополнително обвини дека воената операција „Епски бес“ била искористена како „слаб обид за одвлекување внимание“ од аферата со документите поврзани со Џефри Епштајн.Харис ја оцени администрацијата на Трамп како „најкорумпирана, најбезчувствителна и најнекомпетентна во историјата на САД“, додавајќи дека претседателот се обидува да се прикаже како силен преку употреба на воена моќ.„Овој претседател е првиот од Втората светска војна наваму кој ја напушти одговорноста да ги негува и штити сојузништвата и пријателствата на САД“, истакна таа.Според Харис, ваквата политика довела до тоа САД да станат „непостојан и непоуздан партнер“ на меѓународната сцена, со намалено влијание во клучните глобални прашања.Во својот говор, таа се осврна и на домашни теми, најавувајќи дека Демократската партија ќе победи на претстојните избори за Конгресот во ноември.

Свет | пред 1 месец

САД отвораат пат за нови терапии, Трамп нареди забрзано истражување на психоделични лекови

Американскиот претседател Доналд Трамп потпиша извршна уредба со која се забрзува процесот на одобрување и истражување на психоделични супстанци, меѓу кои и ибогаин, како потенцијален третман за посттрауматско стресно нарушување (ПТСН).„Оваа уредба ќе обезбеди луѓето кои страдаат од тешки симптоми конечно да добијат шанса да си ги вратат животите и да живеат посреќно“, изјави Трамп во Белата куќа, додавајќи дека одлуката значително ќе го забрза пристапот до нови терапии.На настанот присуствуваа и подкастерот Џо Роган и американскиот воен ветеран Маркус Латрел, кој ја поздрави иницијативата.„Ќе спасите многу животи. Мене ова целосно ми го промени животот“, му порача Латрел на Трамп.Ибогаинот, супстанца добиена од растение во Западна Африка, во поголеми дози може да предизвика халуцинации и е поврзан со одредени здравствени ризици, вклучително и срцеви компликации. Сепак, дел од ветераните сведочат за позитивни ефекти по третмани во странство.Уредбата предвидува забрзување на научните истражувања, но не значи автоматска легализација или широка клиничка примена на овие супстанци.Интересот за вакви терапии расте, особено кај ветерани кои се соочуваат со тешки форми на депресија и анксиозност. Според податоците на американското Министерство за ветерани, во 2023 година дури 6.398 ветерани извршиле самоубиство.Трамп посочи дека првичните резултати кај некои пациенти покажале значително намалување на симптомите, нагласувајќи дека доколку се потврдат ефектите, тоа би можело да има големо влијание врз третманот на менталните нарушувања.

Свет | пред 1 месец

(Видео) Лукашенко: САД се вистинската диктатура, не демократија

Белорускиот претседател Александар Лукашенко упати остри критики кон САД, тврдејќи дека американската политика не е водена од демократија и човекови права, туку од интереси и сила.Во разговор со новинарот Рик Санчез, Лукашенко реагираше на перцепцијата дека Белорусија е диктатура, а САД пример за демократија.„Зборувате за некаков вид демократија, за човекови права… Сето тоа се празни приказни. Вашата политика во Венецуела, заканите кон Куба, војната на Блискиот Исток и други работи покажуваат дека сте вистинската диктатура. Вие не сте демократи“, изјави Лукашенко.Како пример ги посочи воените операции, меѓу кои и нападот врз училиште за девојчиња во Иран, при што, според неговите тврдења, загинале деца и наставници.„Ако се залагате за човекови права, тогаш дозволете им на луѓето да го остварат своето основно право – правото на живот. Луѓето сакаа да живеат, особено децата. Вие ги уништивте“, рече тој.Лукашенко оцени дека американската политика е водена од економски интереси, особено поврзани со нафта и гас, додавајќи дека тие интереси се спроведуваат и со воени средства.„Станува збор за нафта и гас. Подготвени сте да бомбардирате и уништувате без оглед на човековите права. Тоа е суштината на диктатурата“, изјави белорускиот претседател.Тој додаде дека, според него, вистинска демократија нема ниту во самите САД и порача дека Вашингтон треба да „учи демократија од Белорусија“.„Ќе мора да научите демократија од нас. Ние имаме сто пати повеќе демократија од вас“, заклучи Лукашенко.

Македонија | пред 1 месец

Трамп го пофали Израел: „Голем сојузник кој знае како да победи“

Американскиот претседател Доналд Трамп го пофали Израел, нарекувајќи го „голем сојузник“, истовремено упатувајќи критики кон други, неименувани држави.Во објава на платформата „Трут соушал“, Трамп го опиша Израел како „храбар, одважен, лојален и паметен“ сојузник, додавајќи дека јасно се разликува од „други кои во момент на конфликт и притисок го покажале своето вистинско лице“.Тој порача дека Израел „жестоко војува“ и „знае како да победи“, без притоа директно да посочи конкретни држави, но во изминатиот период повеќепати критикуваше традиционални американски сојузници.Во една од последните објави, Трамп ја прозва Шпанија, оценувајќи дека нејзините „финансиски показатели се апсолутно ужасни“, во контекст на критиките од шпанскиот премиер Педро Санчез за војната со Иран.Претходно, американскиот претседател упати остри забелешки и кон британската војска, како и кон премиерот Кир Стармер, за кого изјави дека „не е Винстон Черчил“.

Свет | пред 1 месец

Иран: Далеку сме од конечен договор со САД

Главниот ирански преговарач и претседател на парламентот, Мохамад Багер Галибаф, изјави дека во преговорите со САД е постигнат одреден напредок, но дека двете страни сè уште се далеку од конечен договор.„Во некои прашања во преговорите се постигнати заклучоци, а во други не. Сè уште сме далеку од конечен договор“, изјави Галибаф.Тој нагласи дека разговорите се водат преку посредници и дека постојат значајни разлики меѓу двете страни.Говорејќи за иранската државна телевизија, Галибаф оцени дека Иран бил успешен на бојното поле, додавајќи дека САД не успеале да остварат ниту една од своите воени цели.Воедно, тој повтори дека Иран има контрола врз Ормутскиот теснец, кој останува клучна точка во актуелните геополитички тензии.

Свет | пред 1 месец

Американски функционер: Ако наскоро нема напредок, војната би можела да продолжи

Американскиот претседател Доналд Трамп денеска одржа состанок во Ситуациската соба на Белата куќа за да разговара за новата криза околу Ормускиот теснец и текот на преговорите со Иран, потврдија двајца американски претставници.Ситуацијата со Иран се наоѓа во критична фаза, бидејќи примирјето истекува за три дена, а сè уште не е утврден датум за нова средба меѓу американските и иранските преговарачи.Иранската најава за повторно затворање на теснецот, како и серијата напади врз бродови во овој важен морски пат, следуваше помалку од 24 часа откако Трамп изјави дека договор за запирање на војната може да биде постигнат „во рок од ден или два“.Еден висок американски функционер предупреди дека, доколку наскоро не се постигне напредок, војната би можела повторно да продолжи во наредните денови.На состанокот во Белата куќа присуствувале потпретседателот Џеј Ди Венс, државниот секретар Марко Рубио, министерот за одбрана Пит Хегсет, министерот за финансии Скот Бесент, шефицата на кабинетот Сузи Вајлс, специјалниот пратеник Стив Виткоф, директорот на ЦИА Џон Ретклиф и претседателот на Здружениот штаб Ден Кејн.

Свет | пред 1 месец