СДСМ

Опозицијата со споредба: Хрватска, Словенија и Црна Гора имаат постари владини авиони

СДСМ реагираше на изјавите на претседателката Гордана Сиљановска-Давкова во врска со староста на владиниот авион, наведувајќи дека леталото не е најстаро во регионот и дека споредбите покажуваат поинаква слика.Од партијата посочуваат дека македонскиот владин авион е стар околу 20 години, додека владиниот авион на Хрватска е стар 27 години, словенечкиот 23 години, а црногорскиот исто така 27 години. Сите овие земји, наведуваат од СДСМ, редовно ги користат своите летала за службени патувања.Во реакцијата се наведува и пример од Соединетите Американски Држави, каде што, според достапни податоци, просечната старост на флотата на „Јунајтед ерлајнс“ изнесува 15,4 години, при што дел од авионите се стари и до 35 години и секојдневно извршуваат комерцијални летови.СДСМ оценува дека отворањето на темата за набавка на нов и поголем авион е несоодветно во услови кога, според нив, минималната плата во земјата е меѓу најниските во регионот и Европа. Според партијата, фокусот треба да биде ставен на економската состојба на граѓаните, а не на прашања поврзани со луксуз и комфор на функционерите.

Свет | пред 3 месеци

СДСМ: Наместо за авиони, Сиљановска да зборува за најниските плати во Европа

СДСМ со реакција ја критикуваше претседателката Гордана Сиљановска-Давкова по нејзините изјави во врска со користењето на владиниот авион, оценувајќи дека наместо за летала, треба да се зборува за економската состојба на граѓаните.Од СДСМ наведуваат дека претседателката досега најмногу го користела владиниот авион и дека не соопштува колку тоа ги чини граѓаните. Според партијата, наместо да се отвора прашањето за набавка на поголем или поудобен авион, фокусот треба да биде ставен на ниските плати, поскапувањата и животниот стандард.Опозициската партија тврди дека минималната плата во државата е најниска во регионот и меѓу најниските во Европа, посочувајќи дека предлогот за минимална плата од 600 евра не наидува на поддршка од власта. Во реакцијата се наведува и дека летовите со владиниот авион можат да чинат и до 40 илјади евра, што, според СДСМ, е значително повеќе од комерцијален лет во економска класа.СДСМ поставува и прашање дали претседателката разговарала со своите колеги од регионот за економската состојба на македонските работници и нивниот животен стандард. Според партијата, во јавноста се отвораат теми за луксуз и авиони, додека прашањата за платите и социјалната сигурност остануваат во втор план.Од СДСМ порачуваат дека приоритет треба да бидат граѓаните и нивниот стандард, а не, како што наведуваат, луксузот на функционерите.

Македонија | пред 3 месеци

Кога нема одговор за скандалите – веднаш Заев и нова измислена афера, вели СДСМ за власта

СДСМ со реакција обвини дека, како што наведуваат, кога нема одговор за актуелните скандали, владејачката партија веднаш отвора нови, според нив, измислени афери и лажни вести со цел дефокус на јавноста.Од партијата посочуваат дека повторното споменување на Зоран Заев, кој веќе пет години не е активен во политиката, претставува обид за пренасочување на вниманието од актуелните прашања. Според СДСМ, во јавниот дискурс се користи идентична реторика, со квалификации за „панична и хистерична реакција“, што, како што велат, укажува на недостаток на аргументи.Во соопштението се наведува дека, кога нема одговор за наводите во странските медиуми во врска со мигрантите, се отвора нова афера, кога се поставува прашањето за состојбата во буџетот и тендерските постапки, се пласираат други теми, а истото се случува и во контекст на случаите поврзани со модуларната болница, канабис-индустријата и други актуелни настани.СДСМ оценува дека во изминатите два месеца во јавноста биле пласирани повеќе различни наративи, кои според нив имаат за цел да создадат конфузија и да го прикријат одговорот на суштинските прашања поврзани со управувањето со државата.Од партијата додаваат дека, како што наведуваат, вистината не може да се надмине со лаги и медиумски конструкции и порачаа дека правдата ќе победи.

Македонија | пред 3 месеци

СДСМ: Ако авионот бил користен согласно процедурите, бараме Владата да го докаже тоа и да го објави списокот на патници

Владата на Мицкоски, во обид да го оправда неговото луксузирање со владиниот авион на Јадранско море соопшти јавно дека наводно „авионот бил користен исклучиво во согласност со прописите и актите за негово користење“, и дека „секое користење е евидентирано, документирано“, велат од СДСМ.„Ако навистина авионот бил користен согласно процедурите, бараме Владата да го докаже тоа.Бараме Владата да го објави списокот на патници, кој бил заедно со Мицкоски во владинот авион“, се вели во соопштението.

Македонија | пред 3 месеци

СДСМ: Сега кога не се купува нов авион има пари за минимална плата од 600 евра

Законот за минимална плата поднесен од пратеничката група на СДСМ и коалицијата е на дневен ред во Собранието, вели СДСМ.„Овој закон е реален и конкретен одговор на барањата на синдикатите и на работниците – 600 евра минимална плата за достоинствен живот.Сега кога не се купува нов авион има пари за минимална плата од 600 евра.Дополнително, пратеничката група на СДСМ веќе предложи конкретни буџетски ставки од кои може да се обезбедат средства за зголемување на минималната плата.Тоа значи – пари има, потребна е само политичка волја.Нема повеќе оправдување дека нема пари.Сите пратеници да дадат поддршка на Законот и да гласаат за 600 евра минимална плата.Без изговори. Без калкулации.Време е да се укине луксузот на власта, а работниците да добијат плати какви што заслужуваат“, се вели во соопштението.

Македонија | пред 3 месеци

СДСМ: Мицкоски со авионот се плаши за својот живот, а не за животите на своето семејство?!

Мицкоски со авионот се плаши за својот живот, а не за животите на своето семејство?!Мицкоски вчера јавно изјави дека кога лета со владиниот авион, наводно се плаши за својот живот и дека „се моли на Бога да останат живи“ кога лета, вели СДСМ.„Ако тоа е вистина, тогаш се поставува суштинско прашање:Како можел тогаш во таков авион да го стави своето семејство и да ги ризикува нивните животи заради приватен одмор?Освен што злоупотребил државни ресурси за приватни потреби, го ставил ли и семејството во ризик?Ако навистина смета дека авионот е ризичен, тогаш постојат редовни комерцијални линии со економска класа. Не бизнис класа со карти од 4.000 евра, може да патува со економска класа, затоа што нашата економија не е за бизнис класа.Наместо утре граѓаните да му бидат криви, бидејќи тие го плаќаат овој авион.Прво Мицкоски нѐ расплака со тажната приказна, сега нѐ загрижи.Се плаши за својот живот, а не за животите на своето семејство?!Ако толку неодговорно се однесува кон сопственото семејство, како ли се однесува кога е во прашање државата“, се вели во соопштението.

Македонија | пред 3 месеци

Николоски: Филипче се однесува како бомбаш самоубиец во обид да го заштити столчето во СДС, да не манипулира, за превозниците решение има во дијалогот со Европската Комисија

Заменик претседателот на Владата на Република Македонија, Александар Николоски во одговор на новинарско прашање во Прилеп, каде што присуствуваше на отчет 100 дена од новото раководство на локалната самоуправа во Прилеп, истакна дека Филипче води една црна и гнасна кампања против него и Македонија, со што сака да ја уништи и СДС и нашите стратешки пријатели.„Не сум изненаден, гледаме еден нихилизам, една црна кампања, гнасна кампања која доаѓа од СДС, јас сум свесен дека и Венко Филипче е свесен дека му се ниша позицијата во СДС, ја има практично киднапирано партијата за цели што само тој ги разбира и буквално се однесува како бомбаш самоубиец, сакајќи да се заштити себе и сопствената позиција во партијата и уништува се околу себе'', појасни Николоски.Вицепремиерот Николоски истакна дека лагите и обвинувањата од страна на Филипче се гол популизам, затоа што во исто време создава токсична атмосфера во општеството којашто не е добра за Македонија.„Најголем проблем е што овој начин на комуникација создава една токсична атмосфера во општеството, создава една атмосфера којашто не е добра и нешто што нејќе Македонија да го види. Во исто време не кара и со стратешките пријатели, знаете дека цела кампања водеше против Велика Британија со којашто потпишавме стратешки договор и со којашто имаме стратешко партнерство“, нагласи Николоски.Во однос на обвинувањата од Филипче во делот за превозниците, Николоски е дециден дека овој наследен проблем се решава со дијалог со ЕУ.„Пред неколку недели превозниците од Македонија и целиот регион со право ги блокираа граничните премини коишто одат кон Шенген зоната со барање да ЕК започне дијалог за решавање на проблемот за престој за професионалните возачи во рамките на Шенген зоната. Нивното основно барање беше да се започне дијалог. Планот нивни беше да блокада трае 7 дена, да на четвртиот ден излезе претседателката на ЕК и каже дека таков дијалог ќе се случи и презентираше документ којшто се вика Нова визна стратегија на ЕУ со којшто документ возачите се признати како професионалци, тоа беше едно од основните барања и во рамки на овој дијалог којшто се води во моментот треба да се донесат конечните решенија. Никој никаде а камо ли во систем како ЕУ; дека за две недели сите работи ќе бидат решени, туку тоа што јас го кажав дека ќе започне овој дијалог и дека новата визна стратегија е начинот и патеката по којшто ќе се оди“, истакна Николоски.

Македонија | пред 3 месеци

СДСМ: Очигледно за Мицкоски патувањето на море со авион е „хумано“

Многу тажната приказна на премиерот Мицкоски ја доведе до солзи половина Македонија. Авион морало да се купи за да служи во хуманитарни цели. Очигледно за него лично патувањето на море со авион е „хумано“, велат од СДСМ.„Бидејќи морето има лековити дејства, сигурно со нов авион и нови часовници од 60 илјади евра ќе му бидат потребни.Често народот вели дека и парите може да бидат лековити.Хумано не е исто што и хуманитарно.Би било хумано да се зголемат платите на работниците на 600 евра. Затоа што луѓето едвај врзвуваат крај со крај,  не можат да ги платат сметките и да обезбедат храната за своите семејства.А ако се плаши да лета со владиниот авион, како што вели, постојат и комерцијални летови. Е сега не мора со бизнис класа како што е навикнат и со карти од 4.000 евра, може да патува и со економска класа, затоа што нашата економија не е за бизнис класа.Тука „бизнис“ главно прави тендер-коалицијата ВМРО-ЗНАМ.Сега кога Мицкоски призна дека го водел семејството на море на трошок на граѓаните, нека каже и кај кого беше на Јадранско море! За на граѓаните да им биде сè јасно.Овие жалопојки на Мицкоски тешко се слушаат. Морало кај Орбан, читај Груевски, морало кај сестринската партија по copy-paste инструкции за кампања.Дури толку ги применува инструкциите што почна да вметнува латински изрази како Вучиќ во своите изјави. Човек не знае дали го слуша Вучиќ или Мицкоски.Шкодата не му одговара, да, знаеме – подобар е мерцедес. Сигурни сме дека Груевски може и модел да му каже кој е најдобар.Срцепарателните приказни го понесоа дотаму што кажа дека ако загине, СДСМ ќе биде виновен.Почнува да звучи како неговата сестринска партија со која негуваат односи – таму секоја недела најавуваат дека нешто ќе му се случи на Вучиќ.Вистинска филмска сцена, солзите се тука. Само нема одговор за 5-те тони дрога преку граница и зошто не се укине луксузот на власта па работниците да добијат плати какви што заслужуваат“, се вели во соопштението.

Македонија | пред 3 месеци

СДСМ прашува: Кој бил во владиниот авион заедно со Мицкоски?

Луксузирањето на Мицкоски врз грбот на граѓаните и летањето со владин авион на Јадранско море го покажа вистинското лице на премиерот и на неговата расипничка власт, велат од опозициската СДСМ.„До толку се опиени од моќта и аздисаното грабање пари преку приватни бизниси и криминални тендери.Додека граѓаните едвај врзуваат крај со крај, додека владата одбива 600 евра минимална плата, им кратат 40 милиони евра на земјоделците, 5 милиони евра во спортот, премиерот ужива со парите на народот, со владин авион на море.Со часовници од 60 илјади евра, и со владин авион, Мицкоски покажа дека е ист како Никола Груевски кој се луксузираше со очила од 60 илјади евра и мерцедес од 600 илјади евра.Додека недостасуваат милијарди во буџетот, додека храната, струјата и греењето се поскапени, Владата планира нови стотици милиони евра за авион – за нови туристички патувања на премиерот и министрите.Ова е врв на аздисаност и ароганција на една корумпирана и криминална власт.Мицкоски нека не се крие, нека излезе пред граѓаните и нека одговори:Колку ги чинеше граѓаните неговото лукзусно летање со авион?Кој бил со него во владинот авион“, се вели во соопштението.

Македонија | пред 3 месеци

СДСМ бара одговор: Колку чинело летот на Мицкоски до Јадран и кој патувал со него?

СДСМ јавно го повика премиерот Христијан Мицкоски да одговори колку средства од буџетот чинело неговото патување со владин авион до Јадранското Море и со кого бил на тоа патување.Од партијата тврдат дека користењето на владин авион за, како што наведуваат, приватно луксузирање претставува „вистинското лице на власта“, оценувајќи дека додека граѓаните се соочуваат со економски притисоци, извршната власт демонстрира непримерен однос кон јавните пари.СДСМ наведува дека во исто време Владата одбива зголемување на минималната плата на 600 евра, кратела средства за земјоделците во висина од 40 милиони евра, како и пет милиони евра во спортот, додека, според нив, се користат буџетски средства за луксузни патувања.Во соопштението се прави паралела и со поранешниот премиер Никола Груевски, со тврдења за претходни набавки на луксузни предмети, како и со наводи дека дел од членовите на Владата патувале со владин авион во Будимпешта.Партијата дополнително реагира и на информациите за можноста за набавка на нов владин авион, оценувајќи дека станува збор за непотребен трошок во услови на буџетски дефицит. Според СДСМ, ваквите приоритети се спротивни на реалните потреби на граѓаните, кои се соочуваат со зголемени трошоци за живот.„Нека не се крие Мицкоски, да излезе пред граѓаните и да каже колку чинело неговото возење со авион до море и кој бил со него“, порачаа од СДСМ, барајќи транспарентност и отчетност за трошењето на јавните средства.

Македонија | пред 3 месеци

СДСМ: 17 дена нема одговор за најголемиот нарко-скандал: како 5 тони дрога поминале преку граница

Трета недела веќе, 17 дена нема одговор како 5 тони дрога, вредна 40 милиони евра поминале преку македонската граница во Србија, вели СДСМ.„Сите молчат за најголемиот нарко скандал во регионот, сите се прават дека ништо не знаат.Мицкоски се прави дека не знае, Тошковски, Николовски, Тарчуловски, Томовски, цела Влада не знае.На 65 илјади камери, скренери, контроли, полиција, царина, и никој ништо да не знае?Молкот не е случаен, молкот е потврда дека скандалот со 5 тони дрога води во врвот на власта и дека некој де обидува да го заташка.Не поминува дефокусот ниту лицитациите на Мицкоски за наводно запленета нелегална марихуана од 25, 40 или 100 тони.Ако се произвела марихуана на површина од речиси 40 фудбалски стадиони, наводно нелегално, крива е повторно владата. Одговорност мора да има и за МВР и за Здравство и за Земјоделие и за инспекторати, за сите што требало да контролираат, а не контролирале, за сите што требале да спречат, а не спречиле.СДСМ нема да дозволи најголемиот нарко скандал да се заташка. Сите ќе одговараат“, се вели во соопштението.

Македонија | пред 3 месеци

Премиерот на море со авион а за работниците нема пари за 600 евра плата, вели СДСМ

Премиерот ужива во луксузот на грбот на народот. Дури и на Јадранско море, на капење оди со владиниот авион, вели СДСМ„Додека нема пари за работниците, нема пари за зголемување на минималната плата на 600 евра, додека се кратат 40 милиони евра за земјоделците.Исто како Никола Груевски, тој купуваше мерцедес од 600 илјади евра и носеше очила од 60 илјади евра а Мицкоски има часовници од 60 илјади евра и сака да купи нов авион, за нови туристички прошетки.Додека Мицкоски лета, работниците тонат.Граѓаните едвај врзвуваат крај со крај, се борат со скапотијата и ниските плати а премиерот Мицкоски се луксузира во свет на привилегии, ароганција и расипништво.Колку ги чинело граѓаните ова луксузирање на премиерот со владиниот авион“, се вели во соопштението.

Македонија | пред 3 месеци

СДСМ: Кратењето 40 милиони евра субвенции за земјоделците Трипуновски го претставува како „реформа“

Владата на Мицкоски ги намали субвенциите на земјоделците за огромни 40 милиони евра. Денеска Трипуновски сака ова кратење на субвенциите за 2026 година да го престави како некаква „мала реформа“, велат од СДСМ.„Во 2024 година за субвенции се исплатија 140 милиони евра, сега во буџетот се предвидени само 100 милиони евра.Кај тутунот, субвенцијата за прва класа е намалена од 100 на 80 денари по килограм, што претставува директен удар врз тутунопроизводителите.Со зголемувањето на минималните површини за лозарство, овоштарство и поледелските култури, неколку илјади земјоделци за прв пат од 2004 година наваму ќе останат без денар субвенции.Дали за „реформа“ Трипуновски и владата на Мицкоски го сметаат елиминирањето на илјадници земјоделски семејства од системот на државна поддршка?Што е следно, дека и најголемиот криминален скандал со ИПАРД Програмата ќе го прогласат за „реформа“?Владата на ВМРО-ДПМНЕ ги остави земјоделците и без европска помош и со намалени субвенции.Оваа влада не ги крати парите за тендери туку ги кратат субвенциите од кои живеат земјоделците.161 тендер за една фирма, 51 тендер за втора, 74 тендери за трета, 1,2 милиони евра за фирма блиска до ЗНАМ преку пошта, 9 милиони евта за фирма со двајца вработени.Не се крати тука ништо, како колачи се делат тендери.Нема пари за субвенции, нема пари за минимална плата од 600 евра, има пари само за криминални тендери, нов авион и за луксузирањата на Мицкоски и неговите министри“, се вели во соопштението.

Македонија | пред 3 месеци

Филипче: Законот за високо образование е катастрофално лош, бараме да се повлече

Темата на денешната прес-конференција е Законот за високо образование, кој што од страна на партиската комисија беше детално анализиран и сакам да ги изнесам во јавноста нашите согледувања. Тука се вклопени секако и се забелешките согласно увидот на голем број универзитетски професори надвор од нашата партиска структура и може да кажам дека буквално сите без исклучок ги имаат овие забелешки кои што денеска ќе ги презентирам, вели лидерот на СДСМ, Венко Филипче.„Имено сметаме дека предложените измени на Законот за високо образование се катастрофално лоши и наместо унапредување на квалитетот тие воведуваат владина контрола врз универзитетите, образовен една форма тоталитаризам, создаваат дискриминација кај младите ја рушат автономијата на универзитетите и отвораат врата за партизација и креираат системски и социјални неправди. Со една реченица класична вмровска работа на партизација и контрола на секој еден од секторите во државата. Прашање е дали ваква форма на закон може да се поправи со амандманска расправа и затоа дозволите ми е една по една да ги образложам овие забелешки. Прво во однос на владината контрола на универзитетите и рушење на автономијата. Со овие предложени измени брутално се централизира моќта кај министерот односно кај владата и со тоа се нарушува автономијата на универзитетите. Преку членовите од 198, 199 201 министерот станува најмоќна фигура во високото образование, со можност да укинува одлуки на универзитетски органи. Наместо координатор, министерот станува наредбодавец и една форма на апсолутен владетел. Членот 13 наместо да ја штити институционалната независност отвара механизам за директна контрола од извршната власт. Ова е спротивно на европските стандарди и принципите на институционална автономија. Универзитетите не смеат да бидат продолжена рака на владата. Второ дискриминација на младите и партизација на кадарот. Тоа што законот го нуди на некој начин е гробница за младите асистенти,додека внимавајте создава привилегии за веќе пензионирани професори. Член 175 практично создава неправичен систем кој ги деградира младите кадри, а им овозможува продолжено влијание на веќе пензионирани професори. Додека младите наставници и асистенти се соочуваат со рестрикции, автоматски исклучување и несигурност, пензионирани професори добиваат право да предаваат и да користат институционални ресурси. И ова создава сериозен генерациски дисбаланс, го блокира природниот процес на академска обнова и практично го поттикнува одливот на млади кадри од државата. Наместо систем што ги охрабрува младите добиваме закон што нив ги оттурнува. Со една реченица ќе се протеруваат од државава најдобрите умови.Понатаму трето, практично се нуди закон во којшто науката станува луксуз само за богатите. Зошто? Поради тоа што се наметнуваат строги критериуми за публикации со инпакт фактор, без државата да обезбеди стабилно финансирање на науката, фондови за објавување, истражувачка инфраструктура и институционална поддршка притоа квалитетот се сведува само на бројки. Се поистоветуваат хуманистичките и биолошките науки. Додека хуманистичките науки се занимаваат со системот во државата и тука се прават истражувањата во нашите околности во нашите системи, истражувајќи ги тие работи ние немаме доволен број на национални списанија којшто нудат голем импакт индекс. И тука е несоодветно тоа поистоветување со биолошките науки. Понатаму член 123, 161, практично тоа се часописи со инпакт фактор во кој што објавувањето чини над 2.000 евра. Наместо да се понуди систем во кој што државата ќе инвестира во механизми и инструменти кои што на научно истражувачките работници, наставници на факултетите, младите кадри ќе им овозможи зголемен квалитет на истражување, наеднаш се наметнуваат критериуми коишто е невозможно во овој систем да се имплементираат. И тоа е практично дискриминирачки и социјално неправедно. Понатаму скандалозно би кажал се воведува сопственичка дискриминација и монопол на јавните универзитети над приватните што е спротивно и на Уставот и на европската практика. Член 132 став 10, се забранува приватните универзитети образуваат кадри во клучни области медицина, право, архитектура иако овие факултети со децении наназад некои нив имаат валидни акредитации добиени од државата. Станува збор за факултети кои што вработуваат професори, друг наставен научен кадар, кои што едуцираат студенти. Во овој момент има на раководни функции во државата луѓе кои што имаат дипломи од тие универзитети. Се поставува прашањето зошто се сака така брутално на тие универзитети односно факултети дај ми се одземат акредитациите и да се затворот. Зошто не е јавен интерес приватен факултет и зошто се поистоветува интересот со сопственоста. Јавен интерес е да се има факултет, а нема врска дали сопственоста притоа е приватна или државна. Битно е да е јавен интересот. Понатаму  дополнително студентите се лишуваат од дополнителен избор. Следно, сметам дека практично има една форма на академски терор престанок на звање и губење на работа по автоматизам. Се воведува казнено дисциплинарен модел каде професорите живеат практично во постојан страв од губење на работата. Член 164 предвидува по внимавајте, автоматизам, доколку не се исполнат дел од условите за реизбор, наставникот го губи звањето и работниот однос по сила на закон без заштитни и механизми од законот за работни односи. И ова е една форма академска гилотина, што сѐ сака да се направи, да се наметне страв, кадар кој ќе молчи и кој ќе биде послушан. Следно удар врз интердисциплинарноста и доживотното учење. Членовите 116-122-123 се ограничува упис на магистерски, докторски студии само на исто или сродно подрачје според статистички кодови, со што се убива можноста за промена на кариерата. И додека светот се спојува се формираат нови струки, тие еволуираат оваа власт ги сече врските помеѓу науките и со тоа се губи можноста луѓето да се доквалификуваат. Следно докторските студии стануваат привилегија. Барањата за докторски студии се поставени без реална проценка на времето и на трошоците. Докторатот практично останува скап премногу и недостапен и тоа ќе доведе до една неминовност младите повторно да заминуваат да ги прават тие научно истражувачки активности и истражување во странство. Член 124 став 1 се поставуваат апсурдни кумулативни услови, 50 меѓународни проекти, 500 научни публикации за 5 години, кои ги исполнуваат само неколку универзитети. И ова не е за квалитет туку за вештачко стеснување на кругот на оние кои смеат да произведуваат знаење принудувајќи ги младите да одат во странство. Последна точка којашто сметам дека треба да се спомене е една форма на дискриминација. Вонредните студии да се забранат е практично социјално неправедна и родово дискриминаторска пракса, затоа што се ограничува пристапот со оваа забрана до образование на вработени лица, возрасни студенти, лица со семејни обврски. Сметам дека ова ќе има сериозен ефект во родовиот контекст, бидејќи непропорционално и погодува и жените во образовниот сектор. Член 27 став 6 забрана на вонредни студии за наставнички професии директно се погодуваат жените кои треба да ги усогласат семејните обврски со професионалниот развој. Затоа во име на Социјалдемократскиот сојуз на Македонија, во мое лично име, во име на огромен број на професори кои што интервенираа, кои што не контактираа во изминатиот период, верувам во име на буквално сите приватни универзитети а гледаме дека веќе и поединечно имаат реакции, прво апелирам овој закон вака да не се поднесува со Собрание. Доколку се поднесе и доколку оваа власт опстои така како што тоа го прави во секој еден сектор и тврдоглаво влезе во брутална партизација, елиминација на автономијата на универзитетите, кратење на можностите на младите, промовирање на некои нивни стари пензионирани веќе професори за дополнителна партиска контрола, немање ефикасни и ефективни предлог механизми како да се развие системот, да може да се развива научни истражувачката работа па тогаш да стигнеме после 5-10 или 15 години да може да се продуцираат такви трудови, тогаш ако се поднесува во оваа форма во Собранието ќе иницираме јавна расправа за да може целокупната стручна јавност да земе збор, да се слушне нивниот глас за да овој закон никако не помине во оваа форма туку да се модифицира“, вели Филипче.

Македонија | пред 3 месеци

СДСМ: Се случува она што го најави СДСМ, се формира нова сателит партија на ВМРО- „Српска Демократска лига“

Она што СДСМ го најави пред граѓаните уште пред еден месец се потврдува. Се формира ново „движење“, уште една сателит-партија во режија на ВМРО, „Српска Демократска лига“, велат од опозициската СДСМ.„Проектот ЗНАМ, кој беше креиран како алатка за одземање гласови од СДСМ веќе е целосно маргинализиран и се дели.Нивната улога сега е сведена само на гласање закони по налог на ВМРО и давање легитимитет на тендерската коалиција и криминалните зделки со тендери.Сега, откако ЗНАМ ја исцрпи својата употребна вредност, ВМРО оди чекор понатаму, прави нова сателит партија.По copy-paste моделот преземен од Вучиќ и СНС, нивната сестринска партија, со цел создавање контролирана опозиција и дополнително збунување на гласачите.Станува збор за т.н. „Српска демократска лига“, директна копија на Српската лига, со изразен проруски наратив и отворена поддршка на политики кои не се во интерес на европската иднина на Македонија.Во ова сценарио се споменува и Саша Богдановиќ како можен претседател, поради неговите директни релации со структури блиски до СНС, со задача да ја игра улогата како ЗНАМ. Паралелно со работаа на Стоилковиќ кој ги координра активностите во име СНС и БИА.СДСМ располага со информации дека имало повеќе обиди за врбување на членови на СДСМ за приклучување кон ова ново движење но без успех.Разговори се водат и со поединци кои се уценуваат или се обидуваат да бидат купени со финансиска поддршка обезбедена од ВМРО.Целта е јасна: раздробување на гласовите и слабеење на единствената вистинска опозиција – СДСМ.Затоа се постојаните напади врз СДСМ. Затоа не престануваат црните кампањи. Затоа се обидите за внатрешно разнебитување.Нема одговор за 5 тони дрога но затоа има дефокус и нова сателит – партија.Но, СДСМ нема да дозволи сценарија на контролирана опозиција и политички инженеринг по туѓи модели“, се вели во соопштението.

Македонија | пред 3 месеци

СДСМ: Поминале 5 тони дрога преку граница а дома дозволиле 40 фудбалски стадиони марихуана, кој е крив?

16 дена јавноста чека одговор како 5 тони дрога ја поминале македонската граница и завршиле во Србија. Нема одговор кој од власта ќе одговара за најголемиот нарко скандал, вели СДСМ.„Наместо одговори, гледаме дефокус, лицитирање со бројки за запленета наводно нелегално произведена марихуана во Македонија и обиди за заташкување  на скандалот.Премиерот Мицкоски лицитира со 25, 40, па и 100 тони запленета марихуана, наводно нелегално произведена.Ако навистина станува збор за нелегално производство од такви размери, тоа отвора уште посериозно прашање за одговорноста која мора да се прошири на повеќе институции токму во власта.Како се произвела марихуана на површина од речиси 40 фудбалски стадиони, наводно нелегално, а институциите не знаеле, не провериле, не контролирале?Одговорност мора да има и за МВР и за Здравство и за Земјоделие и за инспекторати, за сите што требало да контролираат, а не контролирале. За тие што требало да спречат, а не спречиле.Наместо дефокус и бегање од одговорноост власта да одговори:Како 5 тони дрога ја поминале границата и кој дозволил во државата да никнат 40 фудбалски стадиони марихуана?СДСМ нема да дозволи овој скандал да се заташка. Одговорност мора да има – за сите“, се вели во соопштението,

Македонија | пред 3 месеци

СДСМ: Власта дели тендери како колачи – 74 тендери само за една фирма за две години

Додека владата на Мицкоски нема пари за минимална плата од 600 евра, додека кратат 40 милиони евра субвенции за земјоделците, има за нов авион, лукзус, мебел, возила, и згора на се, дели тендери како колачи, велат од СДСМ.„Кога се носат часовници од 65 илјади евра, нема време за работниците и граѓаните има само за приватен бизнис.Едни исти фирми, блиски до власта, добиваат огромен број тендери, со милионски милонски суми за краток период. 74 тендери во вредност од 17,6 милиони евра за само две години добила фирмата „Ленди Груп“ ДООЕЛ Скопје.Наглиот раст на договорите започнува во 2024 година и продолжува во 2025 година. Само минатата година се склучени 59 договори, најголем дел со општини раководени од ВМРО-ОКГ.Симптоматично е што вредноста на договорите речиси целосно се поклопува со проценетата вредност на тендерите –што е класичен индикатор, сериозен сомнеж за наместени јавни набавки.161 тендер за семејната фирма на Томовски. 51 тендер за друга фирма преку општини. Сега 74 тендери за трета фирма блиска до власта.За сите овие скандали повеќе од 54 дена молчат Обвинителството, ДКСК, Финансиската полиција.На сите треба да им биде јасно дека одговорност ќе има.Антикорупцискиот тим на СДСМ продолжува да ги разоткрива шемите со криминални тендери.Одговорност ќе има.Работата не е завршена“, се вели во соопштението.

Македонија | пред 3 месеци

Модуларната болница во Тетово е симбол на импровизациите на СДС, вели Манасиевски

Трагедијата во модуларната болница во Тетово, во која животот го загубија 14 лица, повторно е во фокусот на политичките обвинувања, откако членот на Централниот комитет на ВМРО-ДПМНЕ, Валентин Манасиевски, изнесе сериозни критики на сметка на поранешната власт на СДСМ и тогашниот министер за здравство Венко Филипче.Манасиевски изјави дека несреќата претставува „најцрн симбол“ на начинот на кој, според него, се управувало со здравствениот систем, обвинувајќи за импровизации, законски измени по итна постапка и занемарување на безбедносните стандарди. Тој посочи дека во периодот на пандемијата бил изменет Законот за градење, при што модуларните болници биле ставени во категоријата „урбана опрема“, со што, како што наведе, биле заобиколени редовните процедури и контроли, а одобрението за поставување го издавало Министерството за здравство.Според Манасиевски, јавните тврдења на поранешната обвинителка Лејла Кадриу упатуваат на сериозни пропусти при изградбата, меѓу кои поставување панели со пур пена наместо со камена волна, како и отсуство на елаборат за електрична енергија и соодветна разводна табла. Тој оцени дека станува збор за безбедносни отстапки што, според нивните наводи, имале фатални последици.Дополнително, Манасиевски тврди дека постоела можност ковид-пациентите да бидат сместени во постојните капацитети на болницата, но наместо тоа бил реализиран проект вреден милиони евра. Тој праша каде завршиле средствата од обезбедените 30 милиони евра, наведувајќи дека за изградбата биле потрошени околу 300.000 евра.Во својата изјава, тој посочи и дека поранешната обвинителка Кадриу била суспендирана откако побарала градежно вештачење, што, според него, отвора сомнеж за притисоци и партизација на правосудниот систем.Од ВМРО-ДПМНЕ бараат целосна истрага и утврдување на одговорност, оценувајќи дека граѓаните заслужуваат правда и транспарентност во врска со случајот што ја потресе јавноста.

Македонија | пред 3 месеци

Нападите врз предметите на СЈО се операција за рехабилитација на Груевски, вели Цветеновски

Членката на Извршниот одбор на СДСМ, Симона Цветеновски, обвини дека нападите врз предметите на поранешното Специјално јавно обвинителство се дел од, како што рече, политичка операција за враќање на Никола Груевски и уривање на правниот поредок во државата.Според неа, додека институциите не реагираат на, како што наведе, криминалните тендери поврзани со власта, во јавноста се води кампања за дискредитација на предметите на СЈО и на пресудите што произлегле од нив.„Клучниот чекор во оваа операција е систематскиот напад врз Специјалното јавно обвинителство и врз пресудите што произлегоа од неговата работа. Целта е јасна – релативизирање на пресудите и подготовка на терен за нивно поништување“, истакнува Цветеновски.Таа тврди дека на тој начин се прави обид да се избрише одговорноста за криминалот на поранешната власт и, како што рече, бегалецот од правдата Никола Груевски да се претстави како жртва.Во својата изјава, Цветеновски посочува и на, според неа, проблематични кадровски решенија во правосудството, наведувајќи дека се носат одлуки спротивни на европските препораки и дека се врши целосна контрола врз судството и обвинителството.„Сè со една цел – да се обезбеди безбеден терен за враќање на ‘газдата’“, наведува таа, оценувајќи дека станува збор за директен напад врз владеењето на правото и европската перспектива на државата.

Македонија | пред 3 месеци

Димитријевиќ: ВМРО-ДПМНЕ прави дефокус, нема одговор за 5 тони дрога

Генералниот секретар на СДСМ, Александар Саша Димитријевиќ, обвини дека ВМРО-ДПМНЕ свесно ја пренасочува јавноста од, како што рече, најсериозните прашања поврзани со петте тони дрога што поминале преку државната граница.Тој оцени дека за власта „нема ништо свето“ и дека, според него, се злоупотребуваат и човечки трагедии со цел да се прикријат суштинските теми.„Немаме одговор како поминаа пет тони дрога преку граница. Немаме одговор на скандалите што ги отвораме, поврзани со фирми блиски до ДПМНЕ, кои, според нашите наводи, водат директно до кабинетот на Мицкоски и до високото раководство на партијата“, изјави Димитријевиќ.Тој додаде дека, наместо институционален одговор и расчистување на сомнежите, јавноста секојдневно е сведок на, како што рече, „класичен дефокус“ од страна на власта.Според СДСМ, отсуството на конкретни одговори за начинот на кој голема количина дрога ја поминала границата отвора сериозни дилеми за одговорноста на институциите. Димитријевиќ порача дека партијата ќе продолжи јавно да ги поставува прашањата сè додека, како што истакна, не се добијат јасни и недвосмислени одговори.

Македонија | пред 3 месеци

(Видео) 74 тендери вредни 17 милиони евра за една фирма, институциите молчат 53 дена, вели Димитријевиќ

Генералниот секретар на СДСМ, Александар Саша Димитријевиќ, денеска изнесе нови обвинувања за, како што рече, сомнителни јавни набавки, тврдејќи дека една фирма во период од две години добила 74 тендери во вкупна вредност од 17,6 милиони евра.Според Димитријевиќ, поминале 53 дена од објавувањето на претходните наводи од страна на Антикорупцискиот тим на СДСМ, а, како што истакна, „нема ниту една институционална реакција“. Тој обвини дека Јавното обвинителство, Државната комисија за спречување на корупцијата и Финансиската полиција не постапиле по досегашните информации.„Нема пари за повисоки плати, се кратат субвенциите за земјоделците за 40 милиони евра, а зад грбот на народот едни исти фирми добиваат милионски тендери“, изјави Димитријевиќ, додавајќи дека, според нивните податоци, фирмата „Ленди Груп“ ДООЕЛ Скопје за две години склучила 74 договори со институции.Тој наведе дека наглиот раст на склучени договори започнал во 2024 година и продолжил во 2025 година, при што само во текот на минатата година биле склучени 59 договори, најголем дел со општини раководени од ВМРО-ДПМНЕ.Дополнително, според него, вредноста на склучените договори во голем број случаи се поклопувала со проценетата вредност на тендерите, што, како што рече, претставува „основен индикатор за наместени јавни набавки“.Димитријевиќ во изјавата посочи и на други случаи за кои СДСМ претходно алармираше, наведувајќи дека една семејна фирма добила 161 тендер, друга 51, а сега трета фирма 74 договори. Тој ја обвини власта дека „си дели тендери како колачи“ и дека јавните средства се користат за, како што рече, партиски и бизнис интереси.Од СДСМ најавија дека Антикорупцискиот тим ќе продолжи со објавување на, како што велат, нови податоци и документи, додавајќи дека ќе бараат институционална одговорност.

Настани | пред 3 месеци

СДСМ: ВМРО-ОКГ ги злоупотребува жртвите од модуларната болница за црна кампања

СДСМ со остра реакција ја обвини ВМРО-ДПМНЕ дека ги злоупотребува загинатите во пожарот во модуларната болница во Тетово за политичка пресметка и дефокус од, како што наведуваат, најголемиот нарко-скандал во државата.Од партијата тврдат дека власта нема одговор на прашањата како пет тони дрога ја преминале границата и кој ќе понесе одговорност, па наместо тоа, според нив, се пласираат „лажни вести, црни кампањи и јавен линч“.Во реакцијата се наведува дека ВМРО-ДПМНЕ прво го користела доктор Жан, претставник на здравствена установа, за, како што тврдат од СДСМ, „измислена афера“ со цел напад врз претседателот на партијата Венко Филипче.„Сега и 14-те загинати во несреќата во модуларната болница ги злоупотребуваат за своја црна кампања и дефокус од криминалот со дрогата од пет тони“, се наведува во реакцијата.Од СДСМ оценуваат дека е недозволиво трагедијата во која животот го загубија 14 лица да се користи за политички цели и апелираат на одговорност и почит кон семејствата на настраданите. „Шокантно е колку немаат срам и човечност, па си поигруваат со чувствата на семејствата“, стои во соопштението.

Македонија | пред 3 месеци

СДСМ го осуди однесувањето на Вучиќ кон Шекеринска: Тоа е пример за шовинистички политички речник

СДСМ го осуди однесувањето на претседателот на Србија, Александар Вучиќ, кон Радмила Шекеринска, заменик-генерален секретар на НАТО, на маргините на Минхенската безбедносна конференција 2026 година, оценувајќи дека станува збор за навредлив и понижувачки настап.Од партијата наведуваат дека Вучиќ, во својата изјава, ја споменал Шекеринска на начин што, според СДСМ, го потенцирал нејзиниот пол со понижувачка конотација, поврзувајќи ја со прашања за сецесија и со Косово. Во реакцијата се посочува дека ваквиот пристап претставува навреда наместо аргументирана политичка расправа.СДСМ оценува дека ваквиот речник е дел од политички стил што, како што наведуваат, се темели на дискредитација и лични напади. Според нив, ваквиот однос кон жени на високи функции придонесува за негативна политичка клима и ја поткопува родовата рамноправност.Партијата изразува целосна поддршка за Радмила Шекеринска, истакнувајќи дека таа нема поврзаност со обвинувањата за сецесионизам и дека нејзиниот ангажман во НАТО, според СДСМ, е доказ за нејзината професионалност и меѓународен кредибилитет.Во реакцијата се наведува дека СДСМ останува посветен на политиките за родова еднаквост и на унапредување на улогата на жените во јавниот и политичкиот живот. Партијата нагласува дека нападите врз жени во политиката не смеат да се нормализираат и дека јавната дебата мора да се води со аргументи, а не со лични квалификации.

Македонија | пред 3 месеци

Кој дозволил одгледување марихуана на површина од 40 фудбалски стадиони?, прашува СДСМ

СДСМ обвини дека власта молчи за, како што го нарекува, „најголемиот нарко-скандал во регионот“, прашувајќи како пет тони дрога ја поминале македонската граница и кој ќе понесе одговорност. Од партијата посочуваат дека изминале 15 дена без конкретни одговори од институциите.Во реакцијата се наведува дека премиерот Христијан Мицкоски, министерот за внатрешни работи Панче Тошковски, како и други функционери, не дале објаснување за случајот, туку, според СДСМ, се впуштиле во медиумска кампања со тврдења за наводно запленети 100 тони нелегално произведена марихуана.СДСМ оценува дека доколку навистина станува збор за таква количина, тоа би значело дека институциите целосно потфрлиле. Според нив, за производство на 100 тони марихуана е потребна површина од над 30 хектари, што го споредуваат со повеќе од 40 фудбалски стадиони. Оттука прашуваат кој дозволил толкава површина да се користи за одгледување и зошто не биле извршени теренски контроли.Од опозициската партија посочуваат дека Министерството за внатрешни работи, Министерството за здравство, Министерството за земјоделство и надлежните инспекциски служби, според нив, две години не презеле соодветни мерки. Дополнително, се поставуваат прашања за улогата на безбедносните служби и за тоа како толкава количина дрога била транспортирана, складирана и пакувана без да биде забележана.СДСМ прашува и како пет тони дрога ја поминале границата покрај, како што наведуваат, илјадници камери од системот „Сејф сити“, скенери и контроли од полицијата и царината.Од партијата порачуваат дека нема да дозволат случајот да биде заташкан и најавуваат дека ќе продолжат да бараат одговорност, оценувајќи дека одговорноста, како што велат, се наоѓа во врвот на власта.

Македонија | пред 3 месеци

Опозицијата обвинува: Намалени субвенции, зголемени сомнежи за тендери

СДСМ обвини дека Владата предводена од Христијан Мицкоски им одзела 40 милиони евра на земјоделците, намалувајќи ги субвенциите од 140 на 100 милиони евра. Според партијата, станува збор за директен удар врз илјадници земјоделски семејства кои егзистираат од производството на храна и го одржуваат домашното стопанство.Од СДСМ оценуваат дека во услови на зголемени производствени трошоци, високи цени на нафтата, ѓубривата и механизацијата, кратењето на субвенциите претставува сериозен товар за земјоделците. Тие наведуваат дека наместо поддршка за секторот, Владата, како што велат, ги намалува средствата токму таму каде што последиците ќе бидат најсилно почувствувани.„40 милиони евра помалку за земјоделците значат 40 милиони евра повеќе за милионски тендери за фирми блиски до власта“, наведуваат од СДСМ, додавајќи дека јавните набавки се спроведуваат нетранспарентно и со однапред договорени услови.Опозициската партија ја спомена и суспензијата на ИПАРД програмата, тврдејќи дека европските средства биле загрозени поради неправилности, за што ја обвинува актуелната власт.Според СДСМ, приоритет на Владата не се земјоделците и работниците, туку тендерите и распределбата на јавните средства. Оттаму порачуваат дека ќе продолжат со критиките и ќе бараат одговорност за, како што велат, штетните политики во земјоделството.

Македонија | пред 3 месеци