ВМРО-ДПМНЕ

ВМРО-ДПМНЕ бара истрага за релацијата Заев–Филипче во случајот со 30 тони марихуана

Пратеникот на ВМРО-ДПМНЕ, Бране Петрушевски, тврди дека фотографија на која, според него, се гледа Венко Филипче во друштво на сопственикот на фирмата „ЦБД Медплант“, Тони Котев, упатува на директна вмешаност на Филипче во шверц со нелегална марихуана.Петрушевски посочува дека телевизискиот настап на Филипче, во кој ја негирал поврзаноста со поранешниот функционер на СДСМ и сопственик на компанијата, претставува, како што наведува, обид за манипулација на јавноста. Според него, фотографијата на која двајцата стојат заедно укажува на блиско познанство и соработка.Тој прашува зошто СДСМ и Филипче, како што вели, се вознемирени по заплената на 30 тони марихуана и дали зад тоа стои страв од евентуална инволвираност во наркотрговија. Дополнително, отвора прашања за измените на Правилникот за одгледување канабис од 2023 година и дали тие, според него, биле направени со цел олеснување на незаконски активности.Петрушевски ги повикува надлежните институции, особено Јавното обвинителство, да ја истражат поврзаноста меѓу Зоран Заев и Венко Филипче во случајот со запленетата марихуана, нагласувајќи дека јавноста има право на одговори и еднаква примена на законот за сите.

Македонија | пред 3 месеци

Ковачки најави генерален реизбор во ВМРО-ДПМНЕ: Отворен повик до членството

Генералниот секретар на ВМРО-ДПМНЕ, Драган Ковачки, информира дека на првата седница на Извршниот комитет е донесена одлука за генерален реизбор на претседатели на 76 општински комитети, како и на претседателите на Унијата на ветерани, Унијата на жени и Унијата на млади сили.Во обраќање до членството, Ковачки посочи дека партијата е „жива структура“ која континуирано се развива и е отворена за нови идеи и енергија. Според него, реизборот претставува можност за илјадници членови и активисти кои имаат визија, знаење и желба да придонесат во развојот на организацијата и во креирањето политики.Тој повика на вклучување на лица со интегритет, кои ќе го обединуваат членството и ќе работат одговорно и посветено. На јавниот повик можат да се пријават сите членови на партијата најдоцна до 19 февруари, а повикот е објавен на официјалната интернет-страница на ВМРО-ДПМНЕ.„Вратите се отворени за секој кој сака да биде дел од тимот кој победува“, порача Ковачки, повикувајќи на активно учество во организациските процеси и во донесувањето одлуки во партијата.

Македонија | пред 3 месеци

ВМРО-ДПМНЕ: Македонија на чекор до историски трговски договор со САД

ВМРО-ДПМНЕ соопшти дека Владата ја зацврстува меѓународната позиција на државата преку заедничка изјава и рамка за договор за реципрочна, фер и балансирана трговија со Соединети Американски Држави.Од партијата наведуваат дека Македонија е на чекор до потпишување, како што го оценуваат, историски трговски договор со својот стратешки партнер. Посочуваат дека Белата куќа објавила заедничка изјава со која двете држави се согласиле да работат на договор што ќе ги зајакне билатералните економски односи и ќе обезбеди проширен пристап на извозниците до пазарите.Според ВМРО-ДПМНЕ, договорот ќе ги продлабочи трговските врски, ќе ги поддржи заедничките стратешки интереси и ќе поттикне економски раст, со тарифи кои не би биле повисоки од 15 проценти, а за одредени производи и нула проценти.Партијата оценува дека станува збор за значајна дипломатска придобивка и потврда за стратешкото партнерство со САД, што, како што наведуваат, претставува сигнал за стабилност, доверба и подобрени економски перспективи за државата.

Македонија | пред 3 месеци

ВМРО-ДПМНЕ со обвинувања: Филипче фотографиран со сопственик на фирма поврзана со запленета дрога

ВМРО-ДПМНЕ обвини дека поранешниот министер за здравство Венко Филипче бил во блиски односи со Тони Котев, кого го посочуваат како сопственик на фирма поврзана со случајот со запленети над 30 тони дрога.Од партијата наведуваат дека Филипче претходно изјавил дека не ги познава лицата поврзани со фирмата „ЦБД Медплант“, како и дека нема никаква врска со Котев, но тврдат дека фотографии објавени во јавноста покажуваат дека тие се познавале.ВМРО-ДПМНЕ обвинува дека случајот отвора сомнежи за можна политичка поврзаност со поранешниот премиер Зоран Заев и, како што велат, „кланот Заеви“. Поставуваат прашања дали во 2023 година бил променет правилникот за одгледување канабис со цел некој да оствари финансиска корист.Партијата побара од Јавно обвинителство на Република Северна Македонија да ја истражи евентуалната поврзаност на Филипче и Заев со случајот на запленета дрога, нагласувајќи дека очекуваат целосно расчистување на сите сомнежи.Од СДСМ и од посочените лица засега нема реакција на обвинувањата.

Македонија | пред 3 месеци

ВМРО-ДПМНЕ: Лејла Кадриу била суспендирана за да не заврши половина влада во затвор

ВМРО-ДПМНЕ обвини дека поранешната обвинителка Лејла Кадриу била суспендирана во време на владеењето на СДСМ, со цел, како што наведуваат, да не се отвори простор за кривична одговорност на високи владини функционери во врска со пожарот во модуларната болница во Тетово.Од партијата тврдат дека ексминистерот за здравство Венко Филипче и поранешниот премиер Зоран Заев носеле одлуки со кои ги заобиколувале процедурите при поставувањето на модуларните болници. Според нив, објектите биле третирани како урбана опрема по итна постапка, со што биле олеснети процедурите и одобрувањето било концентрирано во Министерството за здравство.ВМРО-ДПМНЕ се повикува на наводи од Кадриу дека биле користени несоодветни материјали и дека немало соодветен елаборат за електрична инсталација, што, според неа, придонело за трагичниот исход во кој загинаа 14 лица. Дополнително, се отвораат прашања за висината и намената на средствата за изградба на модуларните болници.Партијата наведува дека клучен момент за суспензијата на Кадриу бил нејзиниот предлог за градежно вештачење, по што, според нив, била отстранета од предметот. Тврдат дека доколку истрагата продолжела без притисоци, одговорноста можела да допре до највисоките владини структури.Од ВМРО-ДПМНЕ бараат темелна, независна и непристрасна истрага, целосно расчистување на сите сомнежи и утврдување институционална одговорност за трагедијата што ја потресе државата.

Македонија | пред 3 месеци

Петрушевски: Договорот со САД за реципрочна трговија ја подобрува економијата на државата и ја унапредува нашата меѓународна позиција

„Многу голем успех на нашата Влада и дипломатија пред се. После оној стратешки договор што го потпишавме со Обединетото Кралство, ова е втор сериозен договор на повидок којшто огромен бенефит ќе има и Македонија како држава затоа што ја позиционира на една сериозна мапа во светот, но и во самата заедничка изјава со Белата куќа пишува дека најстратешкиот партнер на САД во Балканот и во овој регион е Македонија, што многу значи за потенцијалните инвеститори, економската клима за државата, но и за меѓународната позиција на Македонија“, истакна Бране Петрушевски, пратеник од редовите на ВМРО-ДПМНЕ во гостување во емисијата „За или против“ на Алфа телевизија.Пратеникот Петрушевски се осврна на договорот со САД за реципрочна трговија кој ќе обезбеди тарифи не повисоки од 15%, а за одредени производи и индустрии и до 0%. Тој додаде дека продлабочувањето на стратешкото партнерство со САД ќе отвори нови економски перспективи за Македонија.„Овој договор предвидува сериозни бенефиции пред се она коешто е најбитно за граѓаните дека имаме двојна добивка, односно производите коишто Америка ќе ги извезува во Македонија ќе бидат поевтини затоа што ќе нема царини и граѓаните ќе имаат поевтини производи“, рече пратеникот Петрушевски.Петрушевски нагласи дека Владата има визија за подобрување на економијата на државата и ја унапредува нашата меѓународна позиција.„Да резимираме, зборуваме дека како една малечка балканска земја успеваме да потпишеме сериозен договор со најсилната економија во светот, и тоа во меѓународни рамки значи многу за Македонија“, заклучи Петрушевски.

Македонија | пред 3 месеци

ВМРО-ДПМНЕ: Зошто Заев и Филипче дозволиле одгледување на канабис на отворено спротивно на закон, кои им биле мотивите и колку профитирале?

Во 2023 година, Владата предводена од СДС извршила измени на Правилникот за одгледување канабис за медицински цели, кои се косат со важечкиот закон што ја регулира оваа област, велат од ВМРО-ДПМНЕ.„Со измените во член 2 од Правилникот е предвидено канабисот да може да се одгледува и на отворен простор (површина или земјиште), иако во законот и во претходната верзија на правилникот беше утврдено дека одгледувањето за медицински цели се врши исклучиво во затворен простор.СДС и Заев со ваквиот подзаконски акт овозможиле производство на канабис на нива, што отвора сериозни дилеми во однос на исполнувањето на ГМП стандардите. Доколку не се исполнети овие норми, финалниот производ, маслото од канабис не би можел да биде соодветно лиценциран ниту пласиран во промет за потребите на пациентите.Владата на СДС на чело со Заев и Филипче свесно и намерно го сменила правилникот.Владата на СДС намерно го сменила правилникот со оглед на тоа дека претходните политики и јавни заложби на СДС, Зоран Заев и Венко Филипче, беа проширување и легализација на пазарот на канабис.Во 2020 СДС на чело со Заев и Филипче имаа иницијатива за поширока легализација на марихуаната, како и на значителното зголемување на бројот на издадени лиценци за медицински канабис, особено во струмичкиот регион.Сомнежите и индициите за злоупотреба на производството на канабис и криминалот со дрогата дополнително се зголемија по заплената на голема количина марихуана од компанија во Ново Село, поврзувана со лице блиски на СДС и Заеви.Зошто Заев и Филипче дозволиле одгледување на канабис на отворено спротивно на Закон, кои им биле мотивите и колку профитирале?Дали измените на правилникот се донесени по конкретна насока од Заев, и дали со нив се отворил простор за можни злоупотреби и незаконска трговија?Потребни се ред, одговорност и темелна институционална истрага. Надлежните органи треба целосно да ги испитаат сите наводи и сомнежи“, се вели во соопштението.

Македонија | пред 3 месеци

ВМРО-ДПМНЕ: Филипче ја составил документацијата за модуларната болница во Тетово без елаборат за електрична енергија, кој ќе сноси одговорност?

Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во Тетово, каде живи изгореа 14 луѓе, велат од политичката партија ВМРО-ДПМНЕ.„За ова говоревме минатата година во  „Афера – Провизии кои чинат животи’’ каде посочивме на низа пропусти и недоследности, но продолжената рака на СДС Коцевски, цврсто ги чуваше кривичните пријави и докази за Филипче во фиока.Според сведоштвото на Кадриу, вечерта на несреќата таа била повикана да се вклучи во истрагата, а подоцна ѝ се приклучиле и претставници од обвинителство меѓу кои тогашниот ДЈО Јовевски кој дошол со двајца свои обвинители.Улогата на ДЈО Јовевски и останатите била процесот да го држат под нивен надзор и контрола.Според Кадриу, околу 30 милиони евра биле обезбедени за изградба на овие објекти. Светската банка тогаш одобрила средства за изградба на модуларни болници на територија на Македонија.Венко Филипче бил министер кога се изработувала техничката спецификација за модуларните болници. Градбата на модуларната болница, била направена од панели рециклирани со пурпена, кои тогаш не чинеле повеќе од 5-6 евра. Додека пак, оние подобрите и поквалитетните, како на пример панели со камена волна кои не горат до 40 минути, чинеле околу 17 евра. Во превод, според Кадриу, овие модуларни болници чинеле околу 300.000 евра, сите, а биле обезбедени за оваа намена 30 милиони евра.Во чиј џеб завршиле парите?Дополнително за објектот во Тетово, не бил изработен соодветен елаборат за електрична енергија, што дополнително влијаело на безбедноста.Зошто немало соодветен елаборат за електрична енергија?Зошто не се користеле квалитетни материјали?Зошто се искористени минимум од дозволените средства?Филипче одбил алтернативни предлози за згрижување на ковид-пациенти во рамки на постојните болнички капацитети.Филипче ја одбил понудата на тогашниот медицински директор, кој понудил сместување на КОВИД пациенти, на двата спрата во тетовската болница кои стоеле така празни. Филипче тоа го одбил, поради тоа што овие модуларни болници морале да бидат изградени.Вистинските виновници за модуларната болница во Тетово мора да одговараат пред законите“, се вели во соопштението.

Македонија | пред 3 месеци

ВМРО-ДПМНЕ: СЈО работело под политички диктат на Заев неговите адвокати интервенирале во предметот „Пуч“

СЈО наместо како независна институција делувало како партиски штаб на СДС. Зоран Заев и луѓе блиски до него давале насоки и директиви кој предмет ќе биде одработуван, каде ќе биде распореден и кој треба да биде обвинет, вели ВМРО-ДПМНЕ.„Поранешната обвинителка од СЈО, Лејла Кадриу тврди дека четворица адвокати на Заев вршеле притисок врз обвинители за предметот „Пуч“.Во СЈО дошле 4 адвокати на Зоран Заев, да ги убедуваат обвинителите да се пуштат лица од притвор за предметот „Пуч’’. Биле убедувани да дадат позитивно мислење за да може предметот да се преземе од ОЈО ГОКК, за да може предметот да биде работен од СЈО.Истиот овој предмет, потоа бил донесен во СЈО, спакуван во кутии и заштитна фолија. Овој предмет требало да го работат Ленче Ристоска и Лиле Стефановска. Предметот бил оставен да фаќа прашина, а обвинителките не оделе на рочиште, што според обвинителката Кадриу, тој предмет и денес ако се најде, се уште би бил со заштитна фолија, ниту отворен, ниту разгледан.Кадриу тврди дека предметот бил префрлан и чуван без суштинска постапка, што отвора сомнежи за неговото реално процесирање.Кадриу посочува и дека најмалку уште два предмети, меѓу кои случаите поврзани со Гордана Јанкуловска и „Нешковски“, биле политички мотивирани и користени за постигнување одредени политички цели.Поради сериозноста на изнесените тврдења, неопходно е Јавното обвинителство темелно и непристрасно да ги истражи сите наводи, со цел вистината да излезе на виделина и да се утврди евентуална одговорност.Само преку транспарентна и независна постапка може да се врати довербата на граѓаните во институциите и владеењето на правото“, се вели во соопштението.

Македонија | пред 3 месеци

ВМРО-ДПМНЕ: Заев и Венко не само што се инволвирани во трговијата со дрога, очигледно претерано ја конзумираат

Ако подетално се погледнат прес-конференциите и заклучоците на СДС, ќе се дојде до сознание дека не само што нивни структури се поврзани со трговијата на марихуана туку се активни конзументи на истата, велат од ВМРО-ДПМНЕ како реакција на прес-конференцијата на Богданка Кузеска.„Дното во политиката е пробиено кога лица, кои на никаков начин не се поврзани со производство и трговија на дрога, Богданка Кузевска по насока на Зоран Заев излегува на прес и обвинува невини лица.Ова покажува дека СДС или свесно дефокусира, и се нервозни поради фактот што лица од партијата и нивни екс функционери се сопственици на фабриките каде е најдена дрога, и на овој начин сакаат да ги дефокусираат трагите или лупаат глупости и водат лични пресметки помеѓу десетици крила внатре во партијата.Очекуваме утре по овој принцип да не обвинат и за земјотресот во Скопје и за ланскиот снег.Помината е секоја граница и пробиено е секое дно. Затоа СДС е на дното“, се вели во соопштението.

Македонија | пред 3 месеци

ВМРО-ДПМНЕ до Трендафилов: Ако смета дека му е загрозена приватноста, нека пријави во надлежните институции

Фијаското на протестите на ССМ и Трендафилов пред Собранието, како и обелоденување на партиската позадина која стои зад протестите, се причина за огромната нервоза на Слободан Трендафилов, кој сака да се претстави како жртва на политички прогон, вели ВМРО-ДПМНЕ.„Трендафилов користејќи ја ситуацијата на жртва, призна дека има 57.000 денари плата, како и дека користи службено возило.Човекот кој лицемерно се „бори“ за зголемување на минималната плата за 200 евра и останатите плати за 100 евра, призна дека зема околу 1000 евра плата, или 2,5 минимални плати, а нашите сознанија говорат и дека добива дополнителни финансиски средства во форма на бонуси и додатоци.Доколку Трендафилов смета дека му е загрозена приватноста, нека пријави во надлежните институции.Дополнително, го советуваме Трендафилов, помалку да ги слуша советите од Филипче, а повеќе да се интересира за интересите на работниците.ВМРО-ДПМНЕ и натаму ќе работи на зголемување на платите во сите сектори“, се вели во соопштението.

Македонија | пред 3 месеци

ВМРО-ДПМНЕ: За шверц на дрога нека го прашаат Зоран Заев и Зоран Верушевски

Наместо да пишуваат глупости и за дрогата да го обвинуваат ВМРО-ДПМНЕ, очекуваме Томовски да биде крив и за вчерашниот земјотрес, нека се позанимаваат со вистинските одговори за дрогата, велат од ВМРО-ДПМНЕ како реакција на соопштението на СДСМ.„Како адресата на запленета марихуана се фирми блиски до Заев?За шверц на дрога нека го прашаат Зоран Заев и Зоран Верушевски?Тие двајца ќе образложат детално“, се вели во реакцијата.

Македонија | пред 3 месеци

ВМРО-ДПМНЕ: Македонија стана балкански нарко-центар под Заев и Филипче

Македонија во време на владеењето на СДС, Зоран Заев и Венко Филипче наместо строго контролирано производство на канабис за медицински цели, беше претворена во балкански нарко центар за шверц на марихуана на црниот пазар, вели ВМРО-ДПМНЕ.„Последната заплена од околу 40 тони марихуана јасно покажува дека таканаречениот „медицински канабис“ бил само параван за организиран криминал и нелегална трговија со дрога. Овие количини се запленети од компании со лиценци за производство на канабис за медицински цели, токму оние лиценци кои беа издавани во време на Заев и Филипче.Околу 70 проценти, односно околу 30 тони од запленетата марихуана, потекнуваат од фирмата „ЦБД Медплант“ од Ново Село, компанија која во јавноста се поврзува со лица блиски до СДС, Зоран Заев и Венко Филипче. Основач на фирмата е Христијан Котев, син на Тони Котев М’гчев, поранешен претседател на општинскиот одбор на СДС во Ново Село и човек близок до Заев.Лиценците за производство на канабис во тоа време не се издавале според јасни и строги критериуми, туку според партиска и лична блискост со СДС, Заев и Филипче.Паничните реакции на Заев и Филипче по откривањето на случајот, дополнително ја потврдуваат нивната вмешаност.Нервозата кај Заев паничните јавувања, објавите на социјалните мрежи и сомнителните движења на Филипче даваат дополнителен сомнеж. Сето тоа личи на гасење пожар а не на однесување на луѓе кои имаат чист образ.Сите овие индиции укажуваат на сериозна поврзаност меѓу поранешната власт и криминалот со марихуана.Јавното обвинителство темелно, целосно и неселективно да го истражи случајот. Како се издавале лиценците, кој стои зад компаниите, каде завршувала произведената марихуана и кој ја штител нелегалната трговија. Кој и колку профитирал?Законот мора да важи за сите подеднакво. Јавноста очекува одговори, а институциите мора да покажат дека никој не е над законот. Законот мора да важи и за Заев и за Филипче и за нивните соработници. Одговорност мора да има“, се вели во соопштението.

Македонија | пред 3 месеци

ВМРО-ДПМНЕ: СДС, Заев и Спасовски преку Јанева ја контролирале работата на СЈО

СДС, Заев и Спасовски, преку Катица Јанева, контролирале кои предмети СЈО ќе ги обработува, кој обвинител ќе ги води и кои лица ќе бидат опфатени. Обвинители како Ленче Ристоска, Гаврил Бубевски, Фатиме Фетаи и Лиле Стефановска ги обработувале овие предмети, додека Јанева имала улога на координатор, бидејќи немала експертиза во материјата, вели ВМРО-ДПМНЕ„СЈО работело под директна насока на Зоран Заев и СДС.Советник на министерот за внатрешни работи, Спасовски, за време на техничката влада пред околу 10 години, во канцелариите на СЈО му рекол на обвинителот Кадриу дека треба да се прошири опфатот на лица во одреден предмет. По нејзиното одбивање, тој заминал да се жали на друго место, а Кадриу подоцна била отстранета од работа.Заев и Спасовски преку Катица Јанева ја управувале работата во СЈО. Спасовски преку неговиот советник давал насоки за избор на предмети и кој обвинител кој предмет ќе го работи, кои лица треба да се опфатат и кој да одговара.Катица Јанева била само координатор додека предметите ги работеле и Ленче Ристоска, Гаврил Бубевски, Фатиме Фетаи и Лиле Стефановска.Кривичните пријави биле доставувани на лист и незаконски пренесувани од ЈО во СЈО по политичка желба на СДС. Поранешната обвинителка Лејла Кадриу како што сведочи била отргната од СЈО бидејќи не сакала да учествува во криминалот на Јанева поради што и била избркана од работа.Прислушуваните разговори „бомбите“ првично не можеле да бидат доказ, но со само една одлука на апелационен судија биле прифатени во судските постапки.Постоеле координирани врски меѓу СЈО, обвинителството и судството за да се прифаќаат предмети по насока на СДС, Зоран Заев и Оливер Спасовски. Судии кои не соработувале биле изложени на притисоци и закани.Секој што не бил „ тимски играч“  со Јанева и СЈО бил под притисок, а еден поранешен судија и претседател на суд бил осуден.СЈО на Катица Јанева и Заев се најголемиот срам за правосудниот и обвинителски систем во државата кој дополнително ја поткопа недовербата во институциите.ЈО да го испита целиот случај и одговорноста кај инволвираните“, се вели во соопштението.

Македонија | пред 3 месеци

ВМРО-ДПМНЕ: Јанева добивала насоки а Ленче Ристоска и Гаврил Бубевски ги извршувале наредбите на Заев

Ленче Ристоска и Гаврил Бубевски во времето на СЈО  се однесувале како авторитети а денес се претставуваат како жртви, додека Кaтица Јанева предметите ги распоредувала по насока на Зоран Заев и СДС, вели ВМРО-ДПМНЕ„Според сведочењето на поранешната обвинителка во СЈО Лејла Кадриу на почетокот на работата на СЈО биле избрани само  7 од предвидените 12 обвинители, а останатите 5 биле приклучени за многу кратко време  исклучиво само и само да се обезбеди присуство на Гаврил Бубевски.Сите чекале амин од Зоран Заев за да се оформи тимот да дојде и Гаврил Бубевски за да започнат со работа.СЈО било користено исклучиво за да се задоволат интересите на СДС, Заев и врхушката околу него.Кадриу посочува дека постоел договор меѓу Катица Јанева и Заев, каде истакнува настан од 30 декември 2015 година, кога на вработените им било кажано да не доаѓаат на работа и да ги искористат празниците. Таа била една од ретките кои сепак дошле, и сведочи дека токму тој ден во просториите на СЈО биле присутни Заев, Шекеринска и други лица, кои доставувале материјали што, според неа, незаконски ги примиле Ристоска, Бубевски, Фатиме Фетаи и Лиле Стефановска.Ленче Ристоска отворено покажувала воодушевување и симпатии од присуството на Зоран Заев и Шекеринска во СЈО па се поставува прашањето дали тој пристап на Ристовска е пристрасно водење на обвинителството.За Гаврил Бубевски, Кадриу вели дека самиот се фалел оти ништо не можело да помине во СЈО без негова согласност, дека користел повеќе телефони и преку нив добивал насоки за распределба на предметите, што, според неа, укажува на директно влијание од надворешни, партиски структури врз работата на СЈО.Ристоска, Бубевски, Фетаи и Стефановска, ''бомбите'' и материјалите од Заев ги преземале без никаков записник, што е спротивно на законите и отвора дополнителен сомнеж за веродостојноста на истите.Според овие сведоштва, Ристоска, Бубевски, Фетаи и Стефановска  наместо да се претставуваат како жртви треба да превземат одговорност и да се извинат за своите постапки.Не смее да се дозволи партиски послушници и маши да ги водат правосудските органи.Правда и одговорност мора да има“, се вели во соопштението.

Македонија | пред 3 месеци

Нов Извршен комитет, нови огласи и именувања во ВМРО-ДПМНЕ

Христијан Мицкоски, премиер и претседател на ВМРО-ДПМНЕ, информира дека вечерва се одржала првата редовна седница на новиот состав на Извршниот комитет на партијата, на која биле донесени повеќе одлуки во насока на кадровско освежување и внатрепартиска консолидација.Како што соопшти Мицкоски, Извршниот комитет одлучил да се распишат огласи за избор на нови претседатели на Унијата на млади сили, Унијата на жени и Унијата на ветерани, како и да се спроведе генерален избор на претседатели на сите општински комитети на ВМРО-ДПМНЕ. Одлуката, според него, е дел од процесот на отворање на партијата и слушање на гласот на членството.На седницата биле донесени и кадровски решенија за повеќе партиски комисии. За претседател на Комисијата за здравство е избран Сашо Клековски, за претседател на Кадровата комисија Благоја Ташаминов, за Комисијата за безбедност и одбрана Панче Тошковски, додека за претседател на Комисијата за туризам е именуван Аккан Махмут.Во рамки на истата седница, Извршниот комитет донел одлука за избор на Златко Перински за претседател на Градскиот комитет на ВМРО-ДПМНЕ во Скопје.Мицкоски порача дека промените се резултат на заложбата партијата да се развива, да се обновува и да гради структури кои ќе одговорат на очекувањата на членството и граѓаните, нагласувајќи дека ВМРО-ДПМНЕ продолжува со процесот на внатрешно јакнење како предуслов за, како што рече, „вистински избор за заедничка иднина“.

Македонија | пред 3 месеци

СЈО наместо институција за спроведување на закон, главно било собиралиште на раководството на СДС, обвинува ВМРО-ДПМНЕ

Ништо ново на политичката сцена кога е СДС во прашање, само информации за трошење пари на граѓаните, расипништво, непочитување на законите и Уставот, вели ВМРО-ДПМНЕ.„Што е деновиве актуелно од расипништвото на СДС на кое сведочеа деновиве граѓаните?Згаснатото СЈО работеше на раб на законот, најчести гости биле Зоран Заев, Радмила Шекеринска, советници на Оливер Спасовски, главна обвинителска двојка биле Ленче Ристоска и Гаврил Бубевски, буџетот се трошел за кафиња, лешници, за договори на роднини и пријатели на обвинителите од СЈО, како и на лица од СДС.Овие информации во јавноста ги пренесе, Лејла Кадриу поранешна обвинителка од згаснатото СЈО, актуелен адвокат која пак пред СЈО работела во јавното обвинителство во Тетово.Деталите говорат за тоа дека СЈО непотребно трошело милиони евра на граѓаните. За само два месеци во 2015 година биле потрошени милион евра, а за што очигледно треба да се отвори истрага.Оттука главната обвинителка на СЈО, Катица Јанева која по згаснувањето на СЈО заврши со пресуда 7 години затвор за земање мито, а минатата година доби условен отпуст со обврска да се јавува во Кривичниот суд Скопје до завршување на казната, за себе велела дека е девојка од милион долари.Главни во СЈО, според сведоштвото на Кадриу, биле Ленче Ристоска, претендент за државен јавен обвинител, и Гаврил Бубевски кој сакаше уште еден мандат во скопското јавно обвинителство.Ристоска и Бубевски во СЈО биле познати како лица кои не го почитуваат законот. Двајцата се радувале на присуството на Заев и Шекеринска во СЈО и примале од нив предмети не правејќи никаков записник. Во превод во овие предмети можел секој да земе документ и да додаде нов во секое време.Или кратко кажано, Ристоска и Бубевски само глумат професионалци.Политичкото влијание освен по присуството на лица од раководството на СДС, се гледало и преку присуство на нивни советници. Оттука СЈО наместо институција за спроведување на закон, главно било собиралиште на раководството на СДС.Не само диктати во СЈО, имало обиди и за контрола врз судството кој да биде обвинет, колку лица да бидат во обвинение и кои. А според сведоштвото на Кадриу, на Владимир Панчевски тогашниот претседател на Кривичниот суд во Скопје му креирале лажен предмет.Сега на чело на СДС е другарот на Заев, Венко Филипче кој самиот вели дека е во контакт со учителот.Дали ова СДС со Филипче ја има истата стратегија непочитување на закон и Устав, влијание врз правосудство, кражба на пари на граѓаните како што командуваше Заев?Едно е јасно, ВМРО-ДПМНЕ ќе стави крај на ваквата пракса“, се вели во соопштението.

Македонија | пред 3 месеци

Петрушевски: Заев и Филипче вмешани и во последниот случај со заплена на марихуана, дали Заев се интересирал во државни институции и за запленетата марихуана во Србија?

Пратеникот на ВМРО-ДПМНЕ, Бране Петрушевски, денеска изнесе сериозни обвинувања на сметка на поранешниот премиер Зоран Заев и поранешниот министер за здравство Венко Филипче, поврзувајќи ги со, како што рече, низа скандали и сомнежи за криминал поврзани со производство и трговија со марихуана.Петрушевски изјави дека, според ВМРО-ДПМНЕ, името на Зоран Заев се појавува во речиси сите случаи во кои постои сомнеж за криминал, заедно со Венко Филипче, кого го нарече негов близок соработник. Тој оцени дека јавните настапи на Заев се, како што рече, „изблик на нервоза“ поради наводи дека лица блиски до него биле фатени „на лице место“.Пратеникот тврди дека Заев не ја говори вистината кога вели дека не гради во Дубаи и дека постојат јавни сведоштва според кои и тој и Филипче поседуваат т.н. златна виза. Според Петрушевски, Филипче претходно објаснувал дека визата ја добил како лекар, а постави прашање врз која основа Заев ја добил истата.Во обраќањето, Петрушевски истакна дека, според ВМРО-ДПМНЕ, владата предводена од Заев била основоположник на бизнисот со марихуана во Македонија. Тој тврдеше дека околу 70 проценти од запленетата дрога ѝ припаѓа на фирма поврзана со кадар на СДСМ, односно со лице блиско до Заев, додавајќи дека само во текот на вчерашниот ден во струмичкиот регион биле запленети околу 30 тони дрога.Како што наведе, станува збор за фирмата „ЦБД Медплант“, која, според неговите зборови, е поврзана со Тони Котев, познат како М’гчев, поранешен претседател на општинската организација на СДСМ во Ново Село, при што формалната сопственост била на неговиот син, Христијан Котев. Петрушевски додаде дека Котев бил познат и по бизнис-релации со Вице Заев.Тој изјави дека, според документи со кои, како што тврди, располага ВМРО-ДПМНЕ, фирмата на Котев во период пократок од шест месеци во 2025 година испорачала 19 тони марихуана до скопска фабрика, каде што подоцна започнала полициска акција. Дополнително посочи дека дозволата за работа фирмата ја добила во 2020 година, кога премиер бил Заев, а министер за здравство Филипче.Петрушевски повтори дека ВМРО-ДПМНЕ и тогаш укажувала оти лиценците за одгледување марихуана за медицински цели се доделувале на лица блиски до Заев, а не врз основа на исполнување на законските услови, наведувајќи и други примери на фирми кои добиле дозволи во истиот период.Од ВМРО-ДПМНЕ упатија апел до Јавното обвинителство да ја испита поврзаноста на Заев и Филипче со фирмата во која била запленета марихуаната, како и да се утврди зошто, според нивните тврдења, Заев лично се интересирал и контактирал со државни институции во врска со случајот со петте тони марихуана запленети во Србија.Петрушевски порача дека борбата против криминалот, според ВМРО-ДПМНЕ, е јасна и дека, како што рече, ќе дојде крајот на „наркокартелот на Заеви“.

Македонија | пред 3 месеци

СДСМ: ВМРО-ДПМНЕ е заробена партија

Социјалдемократскиот сојуз на Македонија денеска остро ја критикуваше ВМРО-ДПМНЕ, оценувајќи дека партијата функционира како „заробен систем“ управуван од еден човек – лидерот Христијан Мицкоски.Според СДСМ, со последните одлуки Мицкоски ги отстранил сите потпретседатели и целосно ја укинал внатрепартиската рамнотежа, воспоставувајќи авторитарен модел на раководење во кој, како што тврдат, сите одлуки зависат исклучиво од него. Како дел од тие промени, од функциите биле тргнати Тимчо Муцунски, Александар Николовски, Владо Мисајловски и Гордана Кочовска.Во партиското соопштение се наведува дека наместо реформи, ВМРО-ДПМНЕ се трансформирала во „приватна фирма“, каде што приоритет имаат тесни интереси и приватни зделки, особено преку јавни набавки. СДСМ дополнително обвини дека ваквиот модел овозможува и непречено функционирање на незаконски активности, вклучително и шверц на дрога преку границите.Социјалдемократите тврдат дека на местото на отстранетите функционери се поставени најблиските соработници на Мицкоски, при што еден од нив бил задолжен за организација и контрола на тендерите, а друг за контакти и соработка со безбедносните служби.„Станува збор за затворен систем на контрола, моќ и бизнис-зделки, во кој партијата е целосно заробена“, се наведува во реакцијата на СДСМ.

Македонија | пред 3 месеци

ВМРО-ДПМНЕ до Заев: Го браниш својот криминал кој се запленува во форма на дрога во родната Струмица

ВМРО-ДПМНЕ реагираше на јавниот статус на поранешниот премиер Зоран Заев, обвинувајќи дека тој, како што наведуваат, се јавил во одбрана на криминал поврзан со големите заплени на дрога во струмичкиот регион. Од партијата тврдат дека последните денови јавноста сведочи на конфискација на значителни количини дрога која, според нивните наводи, потекнува од фирми и лица блиски до Заев и неговото политичко опкружување.„Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана на својот криминал кој изминативе денови се запленува во форма на дрога од неговата му родна Струмица.Негови први пријатели на кои им даваше тој заедно со Венко Филипче лиценци за одгледување на марихуана за медицински цели, гледаме деновиве дека тие за тоа не го користеле канабисот туку за нелегална продажба на нелегален продукт - дрога.Над 20 тони дрога беа изнесени само од фирмата “ЦБД Медплант” во сопственост на Христијан Котев, син на Тони Котев, претседател на ОО Ново Село во времето на Заев. Заев и Венко им дадоа лиценци на овие луѓе, а гледаме како заврши истото.Заев е таткото на бизнисот со Канабис. Оттука нека каже дали неговото семејство и нему блиски луѓе се влезени во тој бизнис? Зошто јавно лаже?Дополнително, за тоа дека градел облакодери во Дубаи има сведоштва од негови познаници и соработници кои јавно тоа го кажуваат. Заев треба јавно да каже врз кој основ и како стигнал до златна виза во Дубаи?Заев е исплашен до толку од одговорност што по се изгледа, почнува да станува клаустрофобичен?Заев се потврди дека ја води СДС, а Венко е парадерот. Одговорност и правда ќе има!“, велат од ВМРО-ДПМНЕ.

Македонија | пред 3 месеци

Над две третини од запленетата дрога во Струмица поврзани со фирми блиски до СДС и Заев, тврди ВМРО-ДПМНЕ

ВМРО-ДПМНЕ денеска изнесе сериозни обвинувања во врска со големата заплена на дрога во струмичкиот регион, оценувајќи дека случајот по своите размери и начинот на функционирање потсетува на најмрачните периоди од светската криминална историја. Според партијата, над две третини од вкупно 27 тони запленета марихуана се поврзуваат со фирма блиска до СДС и до поранешниот премиер Зоран Заев.„Струмица како Колумбија, над 2/3 од 27 тони запленета дрога е од фирма блиска на СДС и Зоран ЗаевСкандалот со запленетата дрога во Струмица, потсетува на најмрачните периоди од светката криминална историја.Над две третини од вкупно 27 тони дрога се поврзуваат со фирма која директно води до кадри и блиски соработници на СДС и кланот Заеви.Станува збор за фирмата „ЦБД Медплант“, формално заведена на името на Христијан Котев, а фактички контролирана од неговиот татко Тони Котев -М’гчев, поранешен претседател на ОО Ново Село на СДС и човек со длабоки бизнис-врски со Вице Заев и Гидан Колев. Според наводите, во период од 30 јуни до ноември 2025 година, оваа фирма има „испорачано“ дури 19 тони марихуана кон скопска фабрика.Лиценцата за одгледување марихуана за медицински цели на овие фирми во 2020 годинија ја дава владата на Зоран Заев и Филипче. Тогаш, владата на Заев и Филипче доделила лиценци на 2 фирми, „Еко Енерџи-Космос” од Ново Село и „Лајтинг Лукс” од Струмица, во сопственост на синот на Боро Малборо и Христијан Котев гореспоменатиот.Медицинската марухуана била параван за организиран криминал во огромни размери.ВМРО-ДПМНЕ уште тогаш предупредуваше дека лиценците не се делат по закон туку по семејна и партиска блискост со Заеви.Владата на СДС делела лиценци на фирми поврзани со Зоран и Вице Заев, а резултат на тоа денес е тони дрога и сериозни безбедносни последици за државата.Која е улогата на Зоран и Вице Заев во овој случај?Зошто Заев лично се јавувал на телефони во Царинската управа и се интересирал за овој случај?Колкав процент од овој скандал профитирале кланот Заеви?Она што со години функционирало во Струмица очигледно било нарко картел со политичка заштита од СДС и Заев, по начинот на делување и однесување овој скандал потсетува на најмрачните периоди од светката криминална историја, но секој картел без разлика колку долго е заштитуван, на крај паѓа.ЈО итно да отвори целосна истрага“, велат од ВМРО-ДПМНЕ.

Македонија | пред 3 месеци

Ковачки: Го поседувам највисокиот национален безбедносен сертификат државна тајна, како и највисокиот НАТО сертификат

Новиот генерален секретар на ВМРО-ДПМНЕ и актуелен пратеник во македонското Собрание, Драган Ковачки, вечерва гостуваше во Тема на денот на Сител телевизија при што одговори на лиферуваните лаги и манипулации со клевети изнесени во јавноста од страна на опозициската СДС, која тој ја оцени како полу распадната партија и воедно со јавноста сподели и прикажа дека го поседува највисокиот национален безбедносен сертификат – државна тајна, кој патем е издаден во времето на СДС и ДУИ.„Во делот на НАТО сертификатот она што го цело време потенцираат, јас го носам домашниот односно националниот безбедносен сертификат, ова е безбедносен сертификат државна тајна, којшто е издаден во време на СДС и на ДУИ, не е издаден во време на ВМРО-ДПМНЕ. Значи ова е највисокиот степен што постои во државата”, појасни Ковачки.Генералниот секретар на ВМРО-ДПМНЕ, Ковачки во продолжението обзнани дека го поседува и највисокиот НАТО сертификат, како и фактот дека е предводник на македонската делегација на седниците на НАТО парламентарното собрание и дека учествува на затворени седници на истото.„Поседувам и највисок НАТО сертификат значи учествувам и на затворени седници на НАТО парламентарното собрание каде што ја предводам македонската делегација. Така да, сите овие лаги и прават штета не само на партијата, туку и прават штета и на Македонија и мислам дека треба да престанат со вакви ад хоминем напади затоа што ако сакаат да бидат државотворна и одговорна партија мора да почнат да се занимаваат малку со креирање на политики коишто одговараат на нивното портфолио“, беше дециден Ковачки.

Македонија | пред 3 месеци

(Видео) Над 2/3 од 27 тони запленета дрога е од фирма на кадар на СДС, соработник на Зоран Заев, тврди Петрушевски

Пратеникот на ВМРО-ДПМНЕ, Бране Петрушевски, денеска изнесе тврдења дека над две третини од вкупно 27 тони запленета марихуана се поврзани со фирма која, како што рече, е во сопственост и под контрола на лица блиски до СДС и поранешниот премиер Зоран Заев.Според Петрушевски, фирмата „ЦБД Медплант“ формално е запишана на име на Христијан Котев, но реалната сопственост, како што наведе, ја има неговиот татко Тони Котев, познат како М’гчев, поранешен претседател на општинската организација на СДС во Ново Село. Тој, според изнесените обвинувања, бил во блиски бизнис-релации со Вице Заев и со Гидан Колев.Петрушевски изјави дека во периодот од 30 јуни 2025 година до ноември истата година, според документацијата, од оваа фирма биле испорачани 19 тони марихуана кон скопска фабрика, како легално евидентирана количина. Дополнително, како што рече, утрово од струмичката локација биле изнесени уште 21 тон дрога, што, според него, го потврдува обемот на нелегалните активности.Тој потсети дека станува збор за фирма која во 2020 година добила дозвола за одгледување медицински канабис од тогашната влада предводена од Зоран Заев, со министер за здравство Венко Филипче. Петрушевски нагласи дека уште тогаш ВМРО-ДПМНЕ укажувала дека лиценците за медицински канабис се доделуваат исклучиво по партиска и лична блискост со врвот на СДС.Како примери, тој ги наведе фирмите „Еко Енерџи-Космос“ од Ново Село и „Лајтинг Лукс“ од Струмица, за кои рече дека биле меѓу првите добитници на вакви дозволи и дека се поврзани со лица блиски до тогашната власт.ВМРО-ДПМНЕ, преку Петрушевски, побара Јавното обвинителство темелно да го истражи случајот и да даде одговори за можната вмешаност на лица од поранешниот владејачки врв. Тој јавно праша зошто, како што тврди, Зоран Заев лично се јавувал во Царинската управа и се интересирал за случајот, каква била улогата на Вице Заев и дали поранешниот премиер имал финансиски интерес од оваа шема.„Струмичкиот нарко-картел се однесувал како во времето на Пабло Ескобар во Колумбија, но како и на секој картел, и на овој му доаѓа крајот“, изјави Петрушевски, додавајќи дека, според него, вистината конечно излегува на виделина и дека одговорност мора да има.

Македонија | пред 3 месеци

Петрушевски: Обвинувањата на СДС за Извршниот комитет се панична пропаганда без факти

Пратеникот на ВМРО-ДПМНЕ, Бране Петрушевски, ги оцени обвинувањата на СДСМ за новиот состав на Извршниот комитет на партијата како класичен пример на панична и неаргументирана пропаганда.Одговарајќи на прашањето за тврдењата на СДСМ дека претседателот на ВМРО-ДПМНЕ, Христијан Мицкоски, во Извршниот комитет ги поставил своите најблиски со цел апсолутна контрола врз партијата, Петрушевски истакна дека станува збор за конструкции без никаква фактичка основа.Тој нагласи дека Драган Ковачки поседува валиден НАТО-сертификат, со што, како што рече, целосно се демантираат тврдењата и лагите дека бил одбиен од НАТО или дека не ги исполнувал потребните безбедносни критериуми. Според Петрушевски, сè друго претставува злонамерна интерпретација и манипулација за дневнополитички цели.Петрушевски посочи дека ВМРО-ДПМНЕ спроведува внатрепартиски реформи во согласност со партискиот Статут, со јасна цел партијата да биде поефикасна, поодговорна и европски ориентирана. Тој додаде дека обвинувањата за наводна контрола врз институциите и медиумите се неосновани и доаѓаат од политички структури кои, според него, со години ја злоупотребувале државата и сега се соочуваат со страв од одговорност.ВМРО-ДПМНЕ, како што истакна пратеникот, останува цврсто посветена на политики што значат интеграција на Македонија во Европската унија, стабилно партнерство во НАТО и заштита на државните и националните интереси.„Лагите нема да ја покријат вистината“, порача Петрушевски, додавајќи дека јавноста препознава кој работи одговорно, а кој се служи со манипулации.

Македонија | пред 3 месеци

По укинувањето на потпретседателските места, и Мисајловски-Кендо со Димитриеска-Кочовска влегуваат во Извршниот комитет

По укинувањето на потпретседателските функции во ВМРО-ДПМНЕ, двајцата дотогашни носители на овие позиции, Владо Мисајловски-Кендо и Гордана Димитриеска-Кочовска, се именувани за членови на Извршниот комитет на партијата.Владо Мисајловски-Кендо во својата изјава посочи дека со чувство на чест и одговорност продолжува да работи со посветеност за подобра иднина на државата, изразувајќи благодарност до претседателот Христијан Мицкоски за довербата. Тој нагласи дека служењето на идејата и на татковината претставува чест, потенцирајќи дека заедничката работа продолжува.И Гордана Димитриеска-Кочовска се заблагодари за повторното именување во Извршниот комитет, оценувајќи дека довербата е основа за секој успех. Таа истакна дека ќе продолжи да придонесува со својот труд, знаење и кредибилитет за остварување на заедничката цел – Македонија да стане подобро место за живеење за сите граѓани. Димитриеска-Кочовска порача дека периодот што следи е време на силни и мудри одлуки и цврсти чекори кон нови победи, од кои партијата нема намера да се откаже.Со оваа кадровска промена, ВМРО-ДПМНЕ ја заокружува новата организациска поставеност во врвот на партијата, со акцент на континуитетот во работата и вклучувањето на досегашните функционери во клучните партиски тела.

Македонија | пред 3 месеци