ВМРО-ДПМНЕ

СДСМ: Контролирано судство, повеќе од 80 дена без одговор за криминалните тендери

СДСМ обвини дека правосудниот систем во државата се става под директна политичка контрола на премиерот Христијан Мицкоски и ВМРО-ДПМНЕ, оценувајќи дека со последните кадровски одлуки се нарушува независноста на институциите.Од партијата тврдат дека смената на јавниот обвинител била направена со цел, како што наведуваат, да се постави обвинител близок до власта. Според СДСМ, независната кандидатка Ристовска, која добила максимални оценки од Советот на јавни обвинители, била елиминирана, а изборот бил направен по политичка одлука.Во соопштението се наведува и дека лица поврзани со владејачката партија добиваат позиции во правосудните институции, посочувајќи дека сопруга на градоначалник од ВМРО-ДПМНЕ е назначена за член на Судскиот совет, додека, како што тврдат, владини претставници однапред знаеле судски одлуки за незавршени предмети.СДСМ обвинува и за, како што велат, кампања за дискредитација на предметите на поранешното Специјално јавно обвинителство, со цел да се избегне одговорност за функционери блиски до власта.Партијата посочува дека институциите не реагираат на наводи за неправилности во јавни набавки, наведувајќи дека повеќе од 80 дена нема постапување по пријавите доставени до Државната комисија за спречување на корупцијата, ниту реакција од обвинителството и финансиската полиција.Во соопштението се споменуваат и повеќе тендери, меѓу кои 161 тендер за фирма поврзана со семејството Томовски, 51 тендер за „Пирамид Билдинг“, 74 за „Ленди Груп“, како и договори во вредност од милиони евра доделени на компании со мал број вработени.СДСМ оценува дека, според нив, станува збор за повторување на практики од минатото и побара институционална одговорност.

Македонија | пред 3 месеци

ВМРО-ДПМНЕ: СДС и ДУИ наложувале, а Судски совет експресно, за само еден ден, разрешувале судии неподобни за тогашната власт, како Катевеновски од Врховен

ВМРО-ДПМНЕ обвини дека поранешната власт предводена од СДС и ДУИ целосно го ставила судството под политичка контрола, тврдејќи дека изборот и разрешувањето на судии и обвинители се вршеле под партиски притисоци.Од партијата наведуваат дека, според нив, по насока на тогашното раководство на СДС и поранешниот премиер Зоран Заев се избирале „подобни и послушни“ судии и обвинители, додека судии кои не биле под политичка контрола биле разрешувани во кратки рокови.Како пример го посочуваат поранешниот судија на Врховниот суд, Ристо Катевеновски, кој во телевизиско гостување изјавил дека бил разрешен откако одбил да даде позитивно мислење во судски предмет, за кој, како што тврди, постоеле барања од тогашната власт и коалициските партнери СДС и ДУИ.Според неговите наводи, по изјавата дадена на судско рочиште, на кое посочил дека е потребна дополнителна консултација со колегите во случај поврзан со поранешната министерка за внатрешни работи Гордана Јанкуловска, Судскиот совет свикал итна седница и наредниот ден донел одлука за негово разрешување.Катевеновски, како што пренесуваат од ВМРО-ДПМНЕ, оценил дека разрешувањето не било случајно и дека стоеле политички одлуки на тогашните власти, односно на СДС и ДУИ.Од партијата тврдат дека ваквите сведоштва, според нив, ја потврдуваат тезата дека судството и обвинителството биле под целосна политичка контрола и дека од партиските центри се одлучувало за судски постапки и одговорност.ВМРО-ДПМНЕ оценува дека случајот претставува доказ за партизација на институциите во изминатиот период и повика на утврдување одговорност.

Македонија | пред 3 месеци

СДСМ: Власта да покаже конструктивност заради работниците, да го поддржи Законот за 600 евра плата

СДСМ ја повика власта да го поддржи предлог-законот за минимална плата од 600 евра, оценувајќи дека граѓаните се соочуваат со раст на цените и сè потежок животен стандард, додека, како што наведуваат, државните функционери продолжуваат со непродуктивни трошоци.Од партијата соопштија дека синдикалната потрошувачка кошничка веќе надминува 67.000 денари, поради што, според нив, работниците се принудени да излегуваат на протести и да бараат повисоки плати и достоинствен живот.СДСМ посочува дека нивниот закон за минимална плата од 600 евра е ставен на дневен ред во Собранието и ја повика власта да покаже конструктивност и да го поддржи решението во интерес на работниците.Според партијата, средствата за зголемување на минималната плата може да се обезбедат преку ребаланс на буџетот и пренамена на средства кои, како што тврдат, се трошат за авион, мебел, нови службени возила, кабинети, патувања, репрезентации и тендери.„Доста е луксуз на власта, време е парите да се насочат кон работниците“, наведуваат од СДСМ во соопштението.

Македонија | пред 3 месеци

СДСМ: Наместо ЕУ интеграција, Христијан Мицкоски и ВМРО-OKГ нудат само изолација

СДСМ денеска ја обвини опозицијата ВМРО-ДПМНЕ дека наместо реформи, ја води земјата кон изолација со секојдневен анти-ЕУ наратив. Од партијата нагласуваат дека опозицијата го блокира европскиот пат, измислува нови конфликти со соседите и не спроведува неопходни реформи за членство во Европската Унија.„После две години владеење на Мицкоски, реформите стојат, а европската перспектива на земјата е загрозена. Наместо независно правосудство, слобода на медиуми и борба против корупција, гледаме контрола врз институциите, задушување на медиумите и секојдневни црни кампањи“, велат од СДСМ.Партијата потсетува дека со државнички политики, СДСМ ја внесе земјата во НАТО, го одблокираше закочениот пат кон ЕУ и обезбеди признавање на македонскиот јазик. „Европската Унија не врши булинг, таа бара исполнување на реформите, а ВМРО-ДПМНЕ сака да остане во изолација за да контролира институции и да избегнува одговорност“, нагласуваат од партијата.Според СДСМ, неодамнешната европска перспектива за членство до 2027 година за земјите од Западен Балкан покажува дека Црна Гора и Албанија напредуваат, додека Македонија заостанува поради политика на изолација и сопствена саботажа од страна на ВМРО-ДПМНЕ.

Македонија | пред 3 месеци

(Видео) Според ВМРО-ДПМНЕ, сведоштвото на Катевеновски потврдува политички притисоци во правосудството

Членот на Централниот комитет на ВМРО-ДПМНЕ, Валентин Манасиевски, изјави дека за време на владеењето на СДС и ДУИ судии биле разрешувани во рок од еден ден под партиски притисоци.Тој се повика на сведоштвото на поранешниот судија на Врховниот суд, Ристо Катевеновски, кој тврди дека бил разрешен откако одбил да даде позитивно мислење во судски предмет поврзан со поранешната министерка за внатрешни работи Гордана Јанкуловска.Според наводите што ги изнесе Манасиевски, Катевеновски на судско рочиште посочил дека нема да даде позитивно мислење во конкретниот предмет и дека ќе разговара со своите колеги за понатамошното постапување. Само еден ден подоцна, како што тврди, Судскиот совет свикал итна седница и донел одлука за негово разрешување.Манасиевски истакна дека, според сведоштвото на Катевеновски, разрешувањето било резултат на притисоци од тогашните владејачки партии СДС и ДУИ, односно од нивните лидери Зоран Заев и Али Ахмети.Од ВМРО-ДПМНЕ оценуваат дека ваквите наводи претставуваат доказ за селективна правда и политичко влијание врз правосудниот систем во тој период. Според партијата, сведоштвата потврдуваат дека институциите биле партизирани и дека постоеле притисоци врз судии и обвинители.Манасиевски порача дека, како што рече, вакви практики повеќе нема да бидат дозволени и дека е неопходно утврдување одговорност за сите случаи на евентуални политички притисоци врз правосудството.

Македонија | пред 3 месеци

ВМРО-ДПМНЕ обвинува за политички прогон и монтирани случаи во време на СДС и ДУИ

ВМРО-ДПМНЕ обвини за политички прогон на поранешни функционери и за, како што наведува, злоупотреба на институциите во периодот на владеење на СДСМ и ДУИ.Од партијата тврдат дека тој период бил одбележан со политички монтирани случаи, кои, според нив, се спроведувале преку обвинителството и судството, наместо врз основа на правото. Во соопштението се наведува дека одлуки се носеле по политичка нарачка, а оние што одбивале да постапуваат на таков начин биле разрешувани.Како пример се посочува поранешниот судија на Врховниот суд, Ристо Катевеновски, кој во интервју изјави дека бил разрешен откако одбил да даде позитивно мислење за предмет поврзан со поранешната министерка за внатрешни работи, Гордана Јанкуловска. Според неговите тврдења, не постоела правна основа за поинакво постапување, а разрешувањето следувало по неговото одбивање.Од ВМРО-ДПМНЕ оценуваат дека овие наводи ја доведуваат во прашање независноста на судството во тој период и упатуваат на системски притисоци врз носителите на правосудни функции.Партијата бара сеопфатен и суштински реформски процес во правосудството, со цел враќање на довербата на граѓаните, обезбедување владеење на правото и гарантирање еднаквост пред законите, нагласувајќи дека, како што велат, одговорност мора да има.

Македонија | пред 3 месеци

ВМРО-ДПМНЕ: Ристоска е навикната на подобноста од времето на СЈО, мора да знае дека ова се други времиња и потребни се лица со интегритет

Ристоска мора да е свесна дека има јасни критериуми за таа позиција и дека ако таа е навикната подобноста да е еден од нив, како што тоа беше во СЈО каде таа беше десна рака на Јанева, тоа овој пат не е случај. Ова се други времиња и потребни се интегритет, професионалност, одговорност, велат од ВМРО-ДПМНЕ како реакција на ставот на Ленче Ристоска„Дури и во Мамас како фирма примале лица со повисоки критериуми од критериумите кои ги практикувале при прием на кадри во СЈО. Чудно е од друга страна пак што ист човек во својата приватна фирма (Мамас) да прима луѓе по одредени критериуми, а кога бирал за државно обвинителство примал луѓе кои беспоговорно го слушаат и без никакви критериуми. Инаку мора да сме искрени, подобноста е најсилниот атрибут и особина на Ристовска и нејзиниот неизбор е токму сигнал дека тоа овде не е пресудно, туку далеку поразлични и побитни критериуми.И за крај порачуваме барем да биде реална и искрена, и додека говори јавно за подобност и критериуми, и глуми, барем да престане да лобира кај функционери на ВМРО-ДПМНЕ. Не е ова СДС и СЈО. Тоа време помина“, се вели во реакцијата.

Македонија | пред 3 месеци

ВМРО-ДПМНЕ: Наместо празните ветувања од СДС, работниците добија реално повисоки плати

ВМРО-ДПМНЕ останува цврсто посветена на заштитата на работниците и унапредувањето на животниот стандард на сите граѓани. Приоритет на Владата предводена од ВМРО-ДПМНЕ е обезбедување стабилна економија во која трудот се вреднува, платите растат, а институциите функционираат одговорно и транспарентно. Со политики насочени кон реален економски раст, создавање нови работни места и почитување на колективните договори, се поставуваат темелите за долгорочна финансиска сигурност, вели ВМРО-ДПМНЕ.„Со ВМРО-ДПМНЕ на чело на државата, платите бележат реален пораст, а мерките што се спроведуваат се насочени кон подобрување на куповната моќ и стабилизирање на економските текови. Наместо празни ветувања, се реализираат конкретни политики што носат резултати.Додека ВМРО-ДПМНЕ беше во опозиција, застанавме на страната на работниците затоа што постоеја сериозни проблеми како доцнење на платите, непочитување на колективните договори и обиди минималната плата да се отстрани од формулата за пресметка.Таквата промена ќе го прекинеше линеарниот раст и ќе ја ослабеше заштитата на илјадници вработени.Заедно со синдикатите поднесовме повеќе од 40 амандмани и го спречивме тој процес. Со тоа обезбедивме минималната плата да остане дел од системот, што овозможува со нејзиниот раст да растат и останатите примања.Денес разликата е очигледна. По две години управување со државата, не зборуваме за барања, туку за реализирани обврски.Во општините платите се зголемени во просек за околу 5.000 денари.Во основното и средното образование зголемувањата се движат од 46% до 60% во период од четири години.Во високото образование платите се повисоки за најмалку 14%.Во здравството растот изнесува меѓу 40% и 50% во рамки на еден мандат.Полициските службеници добија покачување од 10%, социјалните работници 20%, а околу 11.000 административни, судски и обвинителски службеници имаат обезбедено раст од 40% до 2028 година. Колективните договори се почитуваат, а исплатата на платите е редовна. Инфлацијата е стабилизирана во однос на претходните двоцифрени стапки. Ова се системски и одржливи решенија, а не ад-хок мерки. На овој начин ја спроведуваме обврската кон работниците. Отворени сме за разговор за минималната плата, но одлуките мора да се носат институционално, преку Економско-социјалниот совет и со пристап што обезбедува економска стабилност. Работниците заслужуваат стабилност, сигурни договори и политики што даваат конкретни резултати“, се вели во соопштението.

Македонија | пред 3 месеци

Мицкоски: Мекото ткиво на македонскиот идентитет се вика СДСМ, Венко ми викаше дека нема проблем со промена на Уставот

„Секој оној кој што не и мисли добро на Македонија и граѓаните ќе бара меко ткиво и тоа го наоѓа во опозицијата во моментот. Тоа го наоѓа во опозицијата, ги слушаме изјавите на челниците на опозицијата во Македонија, кои што никогаш до сега не извлекоа поука од погрешните политики што ги правеа и партијата ја доведоа на тоа ниво, на кое што ја доведоа. Нормално, тоа беше искомбинирано со многу криминал, неработење, неиспорака“, вели Христијан Мицкоски, претседател на Владата во вечерашното интервју во емисијата Само интервју на ТВ Канал 5. Премиерот Мицкоски се потсети на средбата со тогашниот претседател на СДСМ, Димитар Ковачевски каде што имал лидерска средба на која како што рече буквално го молел да не го прифати делот за историската комисија и условот за промена на Уставот да бидат дел од преговарачката рамка. „Јас не бев како сегашната опозиција, јас тогаш барав лидерска средба за да се изгради национален консензус. Дури се сеќавам како денес да беше таа моја последна средба со тогашниот претседател на Владата Ковачевски во Клубот на пратеници, кога го молев буквално да не го прифаќа ова. Дури му реков се што е на маса ќе прифатиме заедно, само немој делот со историската комисија и условот промена на Уставот да влезе во преговарачката рамка. Се друго ќе прифатиме, еве заедно ќе излеземе од овој состанок и подготвени сме ние како ВМРО-ДПМНЕ да прифатиме“, нагласи Мицкоски. Премиерот Мицкоски истакна дека со СДСМ имаат различни позиции и не можат да постигнат договор за национален консензус, бидејќи на средбата во Владата, лидерот на СДСМ Венко Филипче го информирал дека тој да може уште утре би го променил Уставот, потенцирајќи дека мекото ткиво кој што го има македонскиот идентитет се вика СДСМ. „Јас со претседателот на СДСМ имав една средба во Владата кога дојде, кога ја отворивме таа тема и тој јасно кажува дека има различни позиции и дека тој би го сменил Уставот кога би можел уште утре, за него тоа не е никаков проблем. И кога имаме такви различни позиции, јас не гледам како ние би можеле да најдеме консензус. Но, тоа е тоа меко ткиво кој што го има македонскиот идентитет се вика СДСМ. И ние треба да сме мудри и трпеливи, тие ќе измислуваат, напаѓаат со лаги, ние треба да сме концентрирани и јас да знаеме каде одиме“, дециден е Мицкоски.

Македонија | пред 3 месеци

ВМРО-ДПМНЕ: Семејството на Мицкоски никогаш не го користело владиниот авион

Го поздравуваме интересот на СДС во однос на темата со владиниот авион, бидејќи самата тема покрај ситно политичките поени кои сака да ги добие СДС што секако ги занемаруваме, отвора и други значајни аспекти, вели ВМРО-ДПМНЕ.„Треба СДС пред да влезе во материјална и теснограда расправа за владиниот авион да биде свесна дека ние сме држава врз која има еден нерасветлен атентат врз претседател, и уште еден инцидент на трагично загинат претседател на држава и тоа со владино летало. Актуелното владино летало од кое СДС и Венко Филипче правват евтин сензационализам е старо 20 години, купено 2005тата година и од 2017та до сега се потрошени околу 4 милиони евра за поправки. Воедно индикативно и би можело да се оцени за крајно лицемерно е поведението на лидерот на СДС Венко Филипче кој зад затворени врати го поддржа купувањето на новиот владин авион, а во јавноста се противи поради ситен партиски интерес и гол популизам. Кој Венко се противи, тој кој во 4 ѕида вели купете авион, или тој кој пред микрофони вели не купувајте авион, дадете пари за минимална плата? Ова се вика дефиниција за лицемерие. СДС шири лажни вести. Дополнително, семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС, и тие на тој начин самите се издаваат дека Зоран Заев летал со целото семејство во Амстердам на одмор и дека најчеста дестинација на авионот била Ниш во времето на владите на СДС. А кога сме кај парите за минимална плата еве неколку дополнителни предлози за СДС. Тие може да се обезбедат од крадените пари од кои Венко Филипче купи хациенди на Водно, може од парите од провизиите од кинеските вакцини Стабри кои ги договораше Венко Филипче, или пак од парите со кои Заев гради згради во Дубаи, или пак од парите кои Вице Заев ги украде од РЕК и префрли на бугарска фирма“, се вели во соопштението.

Македонија | пред 3 месеци

Митева до Жерновски: Не сте воопшто информиран за случувањата со владиниот авион, се е согласно правилникот, нема ниту една злоупотреба

Во емисијата „Само вистина“ на Канал 5 телевизија гостуваше Марија Митева, член на ИК на ВМРО-ДПМНЕ, која дебатираше на многу актуелни теми меѓу кои и за пласирањето невистинити и манипулации од страна на СДС за користењето на владиниот авион, потенцирајќи дека користењето било согласно правилникот за работа на Владата и дека нема злоупотреба на државниот воздухоплов. Притоа нагласувајќи дека Владата се залага за политики кои обезбедуваат стабилност, предвидливост и економски напредок.„СДС се служат со манипулации со невистинити во јавноста, со расфрлање на пердуви кои што не носат апсолутно ништо. Ако ја изгледал прес-конференцијата ќе знаел кои се причините, зошто и како е користен владиниот авион, дека истиот е согласно правилник за работа на Владата. Така да тоа се сите многу големи невистини кои постојано ги слушаме од СДС, можеме да ги видиме на дневните прес-конференции, но јавноста е доволно мудра за да заклучи зошто Владата носи определени политики, се залага за една политика која што значи предвидливост, стабилност за државата, економски напредок и ќе продолжиме во таа насока, а се надевам дека опозицијата вистински ќе се реформира. Апсолутно можам да кажам дека нема ниту една злоупотреба на користење на државниот воздухоплов“, рече Митева.Митева во емисијата упати остра критика до Андреј Жерновски за молкот од страна на опозицијата, во однос на случајот со запленетата марихуана, нагласувајќи дека токму одговорите за тоа кој е сопственикот и која е фирмата треба да се дадат од нивна страна.„Одговори многу даваме, но некако од вашата страна го слушаме молкот, до каде водат тие 5, не 7, туку 40 тони марихуана, кој е сопственикот, која е фирмата, чиј претседател на општински одбор бил и така натаму, одговорите некако треба да дојдат од другата страна затоа што кога ќе се отворат многу прашања кои што во минатото ја создале таа матна вода, а вие некако денес во таа матна вода пробувате да ловите, не успева таа тактика, мора да бидеме концизни и конкретни кога ги кажуваме работите, има факти, има институции, има податоци коишто со текот на времето се повеќе и повеќе излегуваат на површина“, вели Митева.

Македонија | пред 3 месеци

Николоски: Филипче се однесува како бомбаш самоубиец во обид да го заштити столчето во СДС, да не манипулира, за превозниците решение има во дијалогот со Европската Комисија

Заменик претседателот на Владата на Република Македонија, Александар Николоски во одговор на новинарско прашање во Прилеп, каде што присуствуваше на отчет 100 дена од новото раководство на локалната самоуправа во Прилеп, истакна дека Филипче води една црна и гнасна кампања против него и Македонија, со што сака да ја уништи и СДС и нашите стратешки пријатели.„Не сум изненаден, гледаме еден нихилизам, една црна кампања, гнасна кампања која доаѓа од СДС, јас сум свесен дека и Венко Филипче е свесен дека му се ниша позицијата во СДС, ја има практично киднапирано партијата за цели што само тој ги разбира и буквално се однесува како бомбаш самоубиец, сакајќи да се заштити себе и сопствената позиција во партијата и уништува се околу себе'', појасни Николоски.Вицепремиерот Николоски истакна дека лагите и обвинувањата од страна на Филипче се гол популизам, затоа што во исто време создава токсична атмосфера во општеството којашто не е добра за Македонија.„Најголем проблем е што овој начин на комуникација создава една токсична атмосфера во општеството, создава една атмосфера којашто не е добра и нешто што нејќе Македонија да го види. Во исто време не кара и со стратешките пријатели, знаете дека цела кампања водеше против Велика Британија со којашто потпишавме стратешки договор и со којашто имаме стратешко партнерство“, нагласи Николоски.Во однос на обвинувањата од Филипче во делот за превозниците, Николоски е дециден дека овој наследен проблем се решава со дијалог со ЕУ.„Пред неколку недели превозниците од Македонија и целиот регион со право ги блокираа граничните премини коишто одат кон Шенген зоната со барање да ЕК започне дијалог за решавање на проблемот за престој за професионалните возачи во рамките на Шенген зоната. Нивното основно барање беше да се започне дијалог. Планот нивни беше да блокада трае 7 дена, да на четвртиот ден излезе претседателката на ЕК и каже дека таков дијалог ќе се случи и презентираше документ којшто се вика Нова визна стратегија на ЕУ со којшто документ возачите се признати како професионалци, тоа беше едно од основните барања и во рамки на овој дијалог којшто се води во моментот треба да се донесат конечните решенија. Никој никаде а камо ли во систем како ЕУ; дека за две недели сите работи ќе бидат решени, туку тоа што јас го кажав дека ќе започне овој дијалог и дека новата визна стратегија е начинот и патеката по којшто ќе се оди“, истакна Николоски.

Македонија | пред 3 месеци

ВМРО-ДПМНЕ тврди дека со амандмани го заштитила линеарниот раст на платите

Пратеникот на ВМРО-ДПМНЕ, Бојан Стојаноски, обвини дека во јануари 2024 година тогашната влада на СДСМ и ДУИ поднела пакет законски измени со кои, како што рече, суштински се менувала методологијата за пресметка на платите во јавниот сектор.Стојаноски тврди дека со предложените измени минималната плата требало да биде исфрлена од формулата за пресметка на платите на административните службеници, иако, според него, тоа било дел од колективниот договор потпишан меѓу владата и Сојуз на синдикатите на Македонија. Тој оцени дека таквиот пристап би значел прекин на линеарниот раст на платите и слабеење на заштитниот механизам за работниците, бидејќи секое идно зголемување на минималната плата немало автоматски да се одразува врз останатите примања во јавниот сектор.Според него, дел од измените не биле објавени на ЕНЕР и немало суштинска јавна расправа ниту вистински социјален дијалог во рамки на Економско-социјалниот совет. Стојаноски наведе дека тогашното раководство на ССМ дошло во Собранието и дека, заедно со тогашната опозициска ВМРО-ДПМНЕ, биле поднесени над 40 амандмани со кои, како што тврди, било спречено донесувањето на предложеното решение.Тој посочи дека еден од клучните амандмани бил предлог минималната плата да остане дел од формулата за пресметка, со што би се овозможило линеарно зголемување и на другите плати. „Токму затоа денес платите растат секогаш кога расте минималната плата. Тоа е факт“, изјави Стојаноски.Пратеникот постави прашање зошто, како што рече, се премолчува случувањето од 2024 година и зошто актуелното синдикално раководство не го споменува заедничкото дејствување во Собранието. Според него, разликата меѓу тогашната и сегашната состојба е во тоа што, како опозиција, ВМРО-ДПМНЕ спречувала штетни решенија, а како власт обезбедува системски раст на платите.„Работниците заслужуваат стабилност, предвидливост и целосна вистина, а не селективна меморија и дневнополитички интерпретации“, порача Стојаноски.

Македонија | пред 3 месеци

ВМРО-ДПМНЕ: 11.000 вработени се опфатени со историски договор за покачување на платите за 40% до 2028 година

ВМРО-ДПМНЕ на страната на работникот. Во опозиција со давање јавна и недвосмислена поддршка на синдикатите за барањата за зголемување на платите, додека од позиција на власт со договори за конкретно покачување на платите., велат од ВМРО-ДПМНЕ„Како што ВМРО-ДПМНЕ ги поддржуваше синдикатите и работниците во опозиција кога протестираа во 2020 и 2024, така и сега, преку дијалог и разговори прави се во рамките на можностите платите да растат.Разликата е во тоа што ССМ од тогашната влада на СДС, во услови на двоцифрена инфлација, бараше линеарно покачување на платите во јавниот сектор од 2.806, а Владата на ВМРО-ДПМНЕ ги зголеми за многу повеќе.Со преземањето на власта, средбите со синдикатите се интензивираа и како резултат на тоа се спречија штетните политиките од претходната власт, се потпишаа колективни договори и се покачија платите секаде каде државата е работодавач.Во период од околу две години, од преземањето на власта до денес, се потпишаа колективни договори во образование и здравство, каде што платите на сите вработени во основно и средно образование докрај на мандатот од 46% до 60%, вработените во високото образование добија покачување од најмалку 14%, додека здравствените работници ќе добијат од 40 до 50% повисоки плати.За 10% се зголемија платите на полициските службеници, социјалните работници добија 20% повисоки плати, додека преку посебни колективни договори, вработените во Генералниот секретаријат и СОЗР добија 30% зголемување.Околу 11.000 вработени во администрацијата, судовите и обвинителствата се опфатени со историски договор кој гарантира системско покачување на платите за 40% до 2028 година.Освен на централно ниво, ВМРО-ДПМНЕ покажа како се грижи за работниците и нивниот стандард и на локално ниво, така во општините раководени од градоначалниците на ВМРО-ДПМНЕ, во просек, платите на сите вработени се зголемени за околу 5.000 денари.Во целост се испочитувани сите колективни договори кои претходната власт ги игнорираше во одбраната, културата и други институции и нема доцнење на плати како во времето на СДС и ДУИ, кога вработените со месеци беа без приходи.Сите овие зголемувања на платите се многу поголеми од тоа зголемување што тогаш го бараше ССМ, а уште поважно до крајот на мандатот ќе го надмине целосно барањето коешто сега го има Слободан Трендафилов.Од друга страна, согласно закон во март годинава ќе се зголеми и минималната плата, а секое друго зголемување мора да се договара институционално, во Економско-социјалниот совет, меѓу работодавачите и синдикатите и Владата како посредник.Низ дијалог да се дојде до одржливо решение, прифатливо за сите вклучени страни, како за работодавачите, работниците, за буџетот и стопанството во целост.Ултиматумите и блокадите на СДС не му служат на работникот, туку само на Трендафилов и малкумината околу него кои градат кариери и профитираат на грбот и маката на обичниот работник.Владата ќе продолжи со својата заложбата и креирање политики за поголем економски раст кој ќе овозможи уште поголем раст на платите, повисок животен стандард и квалитет на живот на граѓаните“, се вели во соопштението.

Македонија | пред 3 месеци

Петрушевски: ССМ бара исполнување на барања кои не биле испорачани 7 години од страна на СДС

На телевизија Канал 5 во емисијата „Само Вистина“ вечерва гостуваше пратеникот од редовите на ВМРО-ДПМНЕ, Бране Петрушевски кој на самиот почеток истакна дека ССМ за една година од Владата бара исполнување на барањата кои во изминатите седум години, за време на владеењето на СДС не биле испорачани.„За една година се бара нешто коешто не било испорачано изминатите 7 години, имале доволно време СДС да ги зголемуваат платите, да ја зголемуваат минималната плата, за да сега синдикатите бидат помалку незадоволни. Кога СДС беше на власт и кога ја зголеми минималната платата на 18.000, со законска измена во договор помеѓу работниците и работодавачите, ја зголеми само минималната плата но не и другите плати, тогаш ССМ на нивно барање иницираше амандман којшто ние го поднесовме за зголемување на сите плати, тогаш ние од ССМ добивме пофални зборови“, рече Петрушевски.Петрушевски објасни дека со доаѓањето на власт, Владата ги исполнила барањата на ССМ, со зголемувањето на платите во јавниот сектор, на здравствените работници, полициските службеници, социјалните работници, како и зголемувањето на платите за 11.000 вработени во администрацијата.„Таа обврска којашто сме ја презеле ние како тогашна опозиција за разлика од другите опозициски партии, ние штом дојдовме на власт ги испорачавме тие барања на ССМ. Линеарното зголемување на вработените во јавниот сектор го направивме секаде, ги зголемивме платите во образованието со колективен договор каде што зголемувањето ќе биде од 40 до 60% во рок од 4 години, ги зголемивме платите во високото образование за 14%, здравствените работници исто така ќе добијат од 40 до 50% повисоки плати, полициските службеници добија 10% зголемување, социјалните работници добија 20% поголеми плати, вработените во СОЗР 30%, последниот договор со УПОЗ и САДУ околу 11 илјади вработени во администрација добиваат 40% поголеми плати“, објасни Петрушевски и додаде:„Испочитувани се сите колективни договори коишто претходната власт ги потпиша на заминување и не ги почитуваше, во одбраната, во културата и сите други институции. Ние ги зголемуваме платите многу повеќе од она коешто тогаш беше барање на Трендафилов кога беше СДС на власт, сега одеднаш бара 12 илјади и прави протести и блокади каде што претходно не ги правеше. Дијалог се води на институционално ниво, затоа постои социо-економскиот совет каде што треба да седнат работниците и работодавачите, да се усогласат, да ги истакнат аргументите синдикатите кои се нивните барања“.

Македонија | пред 3 месеци

ВМРО-ДПМНЕ: Загрижени сме за ПР-от на СДС, знаат ли дека СНС и Вучиќ се во друга држава политичари?

ПР-от на СДС предводен од Башановиќ, изгледа заборава дека СДС е партија во Македонија, а не во Србија. Башновиќ е во лоши односи со Вучиќ - човек кој направи повеќе за Македонија, отколку Заев кога беше премиер, вели ВМРО-ДПМНЕ.„Но, ни се отвора нова загатка, а таа е за поврзаноста на Башановиќ, Заев и Гашиќ. Кружат информации во кулоарите на нарко бизнисот во Србија дека оваа тројка и те како има поврзаност со запленетата дрога од 5 тони. Дополнително, ако потсетиме дека човекот кој ја одгледувал дрогата во случајот “Јовањица” е близок до Гашич, а во Македонија бил соработник во фирми на братучедите на Заев, (Трајче) чиј возач го уапси ДЕА за 200 килограми дрога кога сакаше да ги пренесе низ граница.Вучиќ освен со Башановиќ, по се изгледа не е во добри односи и со Гашиќ, по она што се случи во Коњух каде беа запленети 5 тони дрога на член на СНС, близок до Гашиќ, Вучиќ изгледа не е во добри односи и со Заев, па оттаму и нападите на СДС против Вучиќ.Клопчето се одмотува, поврзаноста на Заев и Филипче со дрогата во Србија и Македонија по се изгледа ќе излезе на површина“, се вели во соопштението,

Македонија | пред 3 месеци

ВМРО-ДПМНЕ: Складирањето на 30 тони дрога барало четири до пет години, фирмата на Котев работела противзаконски уште за време на власта на Филипче и Заев

СДС, Венко Филипче и Зоран Заев, биле и се синоним на криминал и корупција. Нема пора во општеството да не се копне и од таму да не излезат криминалите на Заев и Филипче, вели ВМРО-ДПМНЕ.„Но, со последните сомнежи и индиции за нелегално производство и трговија со марихуана, дуото Филипче и Заев, се надградиле со вмешаноста во наркопазарот.Филипче гордо сликан поранешниот функционер на СДС, човек близок до Заев, Тони Котев, вистински сопственик на фирмата ЦБД Медплант за медицинска марихуана, која од своите почетоци работи со пропусти.Наспроти тврдењата на Филипче дека додека тој бил министер се било во ред и дека фирмата работела прописно, информациите кои стигнаа до нас го говорат спротивното. Односно, за да се складираат 30 тони дрога, колку што беа запленети, треба да помине процес од околу четири до пет години, а тоа значи дека фирмата на Котев противзаконски работела уште од времето кога Филипче и Заев беа власт.ЦБД Медплант, исто така, лиценца за медицински канабис доби токму од Заев и Филипче во 2020 година, во период кога сакаа да ја легализираат марихуаната и со тоа државата да ја направеле светска туристичка дестинација и на голема врата ја промовираа продажбата на цвет од канабис.За потоа, во 2023 година по нивна насока да се смени подзаконски акт, односно Правилникот за одгледување марихуана.Дали поради сето ова, денес Заев и Филипче се преправаат дека не го познаваат лицето Тони Котев, со кој до вчера, додека им течел бизнисот, гордо, рамо до рамо се сликаа.Се плашат ли Филипче и Заев од целосно расчистување на случајот и дали се точни нашите информации дека двајцата имаат удел во бизнисот со марихуана, па толку голема им е паниката?Затоа ли патувањето на Филипче кон Грција и јавувањата на Заев кон поединци во царина, се случуваат во тој период и дали случајно и поранешен висок функционер е вмешан во овој нарко бизнис на Филипче и Заев?Наспроти негирањето и дефокусот од СДС, едно е сигурно, како поминува времето, сè се расчистува и индициите за криминалот со марихуаната водат до Филипче и Заев.Одговорност мора да има, затоа Јавното обвинителство целосно да го истражи и расветли случајот“, се вели во соопштението.

Македонија | пред 3 месеци

ВМРО-ДПМНЕ: Очекуваме ЈО темелно и целосно да го расветли случајот со модуларната болница во Тетово

Сведоштвата на поранешната обвинителка Лејла Кадриу отвораат сериозни прашања за причините и одговорноста за трагичниот настан во модуларната болница во Тетово, вели ВМРО-ДПМНЕ.„Филипче ја составил, потпишал и одобрил техничката спецификација, но доколку постапувал согласно закон и доколку не го интересирале провизии, трагедијата можела да биде спречена.Модуларната болница во Тетово била изградена без исполнување на минимум стандарди. Наместо овие објекти да служеле за безбедност на граѓаните, истите не биле во согласност со пропишаните стандарди за изградба на објекти од областа на здравството.Зошто законите не се почитувале и се импровизирало при нивното спроведување?Зошто не биле доследно применети Законот за градење и Законот за здравствена дејност?Зошто профитот бил ставен пред јавното добро?Филипче и СДС наместо безбедноста на граѓаните ги интересирале провизии, анекси и тендери.Во време на Филипче се вршеле набавки на вакцини од фирма која продава манго и ананас. Дополнително, се делеле физиолошки раствори наместо хемотерапија на Онкологија.Пожарот во модуларната болница во Тетово исто така се случил поради низа пропусти при изградбата на објектот.Очекуваме Јавното обвинителство темелно и целосно да го расветли случајот со модуларната болница во Тетово“, се вели во соопштението.

Македонија | пред 3 месеци

Ковачки: Македонија е лојален и доверлив партнер на НАТО, продолжуваме со зајакнување на одбраната и колективната безбедност

„Како повеќепартиска делегација деновиве сме во посета на седиштето на НАТО во Брисел, каде изразуваме парламентарна поддршка за политичката кохезија во Алијансата“, изјави Ковачки.Тој истакна дека за време на посетата било нагласено оти Македонија останува лојален и доверлив партнер на НАТО, со јасна определба за натамошно зајакнување на соработката и исполнување на преземените обврски.Ковачки посочи дека државата ќе продолжи со реализација на одлуките донесени на Самитот во Хаг, со цел зголемување на одбранбените капацитети и јакнење на одвраќањето, како од аспект на колективната, така и од аспект на кооперативната безбедност.Во фокусот, според него, остануваат и управувањето со кризи, како и борбата против тероризмот, како дел од пошироките напори за зачувување на стабилноста во евроатлантскиот простор.„Продолжуваме со посетата и со давањето поддршка на одлуките на Алијансата“, нагласи Ковачки.

Македонија | пред 3 месеци

ВМРО-ДПМНЕ: Фирмата „ЦБД Медплант“, од која беа запленети 30 тони марихуана, е директно поврзана со луѓе блиски до СДС и Заев

Поврзаноста на Филипче и Заев со бизнисот со марихуана e прашање на сериозни индиции кои бараат итна истрага, велат од ВМРО-ДПМНЕ.„Фирмата „ЦБД Медплант“ од Ново Село, од која беа запленети 30 тони марихуана, е директно поврзана со луѓе блиски до СДС и Заев. Постојат фотографии кои го прикажуваат Филипче во друштво со сопственикот, Тони Котев.Од вкупно околу 40 тони запленета марихуана, дури околу 30 тони се поврзуваат со оваа фирма или 70%.Во 2020 година фирмата добила лиценца, а истата година, Заев и Филипче јавно ја отворија темата за поширока легализација на канабисот, вклучително и за лична употреба. Оти таквата иницијатива не доби поддршка, следеше интензивно издавање лиценци за медицински канабис, при што значителен број од нив завршија кај лица поврзани со структурите на власта.Измените на Правилникот за одгледување на канабис што ги овозможиле во 2023 година, кои се спротивно на закон и се однесуваат на одгледување на канабис на отворено и производство кое не ги исполнува ГМП стандардите, отвораат сериозни прашања за законитоста на процесот.Каква е легитимноста на цел бизнис ако производот не може да се лиценцира или продава како кој не ги исполнува ГМП стандардите за медицинска употреба?Ова е момент за институционална одговорност. Јавното обвинителство и надлежните органи мораат итно да истражат и за лиценците и како биле доделувани истите и за измените на подзаконските акти и да ја истражат можната поврзаност на функционери од минатата власт во земјава.Граѓаните заслужуваат транспарентност и правда и ова не е прашање што може да се одложи“, се вели во соопштението.

Македонија | пред 3 месеци

ВМРО-ДПМНЕ: Зошто Филипче ја составил, потпишал и одобрил техничката спецификација за модуларната болница во Тетово без соодветен елаборат за електрична енергија?

Филипче ја составил техничката спецификација за модуларната болница во Тетово без соодветен елаборат за електрична енергија, и без целосно почитување на безбедносните стандарди, вели ВМРО-ДПМНЕ.„Дополнително, Светска банка одобрила 30 милиони евра за изградба на модуларните болници, додека реалната цена по која биле изградени објектите била значително пониска и изнесувала околу 300.000 евра. Јавноста има право да знае каде завршиле парите и зошто профитот бил поважен од безбедноста на граѓаните.Во здравството не смеело да се дозволуваат калкулации и импровизации за остварување на личен профит.Според јавно изнесените тврдења на поранешната обвинителка Лејла Кадриу, во обвинението биле опфатени само медицинскиот и економскиот директор на тетовската болница. Филипче бил надлежен за техничката документација. Се поставува прашањето зошто бил заштитен од правосудните органи.Граѓаните имаат право да знаат зошто била дозволена изградба на болница со минимални стандарди и дали профитот бил ставен пред безбедноста.Очекуваме Јавното обвинителство, согласно законите и доказите, целосно, темелно и неселективно да го расветли случајот со модуларната болница во Тетово“, се вели во соопштението.

Македонија | пред 3 месеци

(Видео) Петрушевски: Да се истражи поврзаноста на Филипче и Заев со фирмата од која беа запленети 30 тони дрога

Пратеникот на ВМРО-ДПМНЕ, Бране Петрушевски, обвини дека на виделина излегла поврзаноста на поранешниот министер за здравство Венко Филипче и поранешниот премиер Зоран Заев со бизнисот со марихуана, по заплената на 30 тони дрога од фирмата „ЦБД Медплант“ ДОО од село Борисово, во сопственост на Тони Котев.Според Петрушевски, компанијата добила одобрение за одгледување марихуана за медицински цели во 2020 година, во период кога Филипче бил министер за здравство и кога, како што посочи, лично ги одобрувал лиценците за оваа дејност.„Во тој период Филипче е министер за здравство и тој лично ги одобрува лиценците за одгледување на марихуана, што значи дека не само што се знае и соработувал со Тони Котев, туку и му помогнал да го почне и работи овој бизнис“, изјави Петрушевски.Тој додаде дека Филипче и Заев активно се залагале за проширување на употребата на канабисот, вклучително и за лична употреба, како и за извоз на цвет од канабис. Според него, во 2023 година била изменета регулативата за одгледување канабис, што, како што тврди, отвора сомнежи за можни политички и бизнис-интереси.„Зошто во 2023 година беше променет Правилникот за одгледување канабис? Дали за да им врви бизнисот на Заев и Филипче?“, праша Петрушевски, повикувајќи го Јавното обвинителство да ја испита целокупната поврзаност на поранешните функционери со случајот.

Македонија | пред 3 месеци

ВМРО-ДПМНЕ: Наместо спинови, СДС да одговори за релацијата со фирмата од која се запленети 30 тони марихуана

ВМРО-ДПМНЕ обвини дека наместо, како што наведува, „спин и манипулација“, Венко Филипче и СДС треба да одговорат за поврзаноста со сопственикот на фирмата „ЦБД Медплант“, од која, според партијата, потекнувале околу 30 тони од вкупно 40 тони запленета марихуана.Во соопштението се посочува фотографија на која, според ВМРО-ДПМНЕ, Филипче е во друштво на Тони Котев, сопственик на фирмата поврзана со случајот. Од партијата тврдат дека јавноста заслужува објаснување за оваа релација, како и за, како што наведуваат, наводните партиски врски на основачите на компанијата.ВМРО-ДПМНЕ ги обвинува Филипче и поранешниот премиер Зоран Заев дека во 2020 година иницирале легализација на марихуаната, а по неуспехот, според нив, се пристапило кон масовно издавање лиценци за медицински канабис. Во тој контекст, како што тврдат, струмичкиот регион станал „жариште“ на производство.Партијата се повикува и на измените на Правилникот за одгледување канабис од 2023 година, со кои била овозможена можноста за одгледување на отворено, оценувајќи дека таквата одредба е во колизија со законските решенија и со стандардите за добра производствена пракса. Според нив, доколку производот не ги исполнува тие стандарди, тој не може да се користи како легален медицински производ.ВМРО-ДПМНЕ прашува каде завршувала марихуаната која, како што наведуваат, не можела да се пласира како легален медицински производ и дали во случајот станува збор за лични или партиски интереси. Партијата го повика Јавното обвинителство, како што наведува, итно и темелно да ја испита целосната релација меѓу Заев, Филипче и фирмата „ЦБД Медплант“, како и сите околности поврзани со запленетите 30 тони марихуана, истакнувајќи дека јавноста има право на целосна транспарентност и еднаквост пред законот.

Македонија | пред 3 месеци

ВМРО-ДПМНЕ: Филипче ја изработил спецификацијата за модуларните без електро-елаборат

ВМРО-ДПМНЕ обвини дека поранешниот министер за здравство Венко Филипче ја изработил техничката спецификација за модуларните болници без соодветен елаборат за електрична енергија и без целосно почитување на безбедносните стандарди, оценувајќи дека со тоа била загрозена безбедноста на пациентите и медицинскиот персонал.Партијата се повикува на, како што наведува, сведоштва на поранешната обвинителка Лејла Кадриу, за кои тврди дека „ја отвораат вистината“ за модуларната болница во Тетово, каде во пожар загинаа 14 лица. Според ВМРО-ДПМНЕ, наводите укажуваат на низа пропусти во процесот на изградба, а причинско-последичната врска со трагедијата, како што тврдат, води кон „лошо инсталирана електрична енергија“.Во соопштението се отвора и прашањето за финансирањето. ВМРО-ДПМНЕ наведува дека проектот бил финансиран со средства обезбедени преку Светска банка и посочува на тврдење дека модуларните болници чинеле околу 300.000 евра, додека за таа намена биле обезбедени 30 милиони евра. „Каде завршиле останатите пари?“, прашуваат од партијата, додавајќи дека јавноста заслужува одговори за расходувањето на средствата.ВМРО-ДПМНЕ поставува и низа прашања поврзани со документацијата и контролата, меѓу кои и зошто е составена техничката спецификација без електро-елаборат, зошто не биле почитувани безбедносните стандарди и што би покажало градежно вештачење доколку тогаш било извршено, по барање на обвинителката Кадриу.Од партијата бараат темелна истрага и целосно расчистување на сомнежите поврзани со случајот, нагласувајќи дека мора да има одговорност за пропустите што доведоа до трагедијата со 14 жртви. „Законите мора подеднакво да важат за сите. Време е правдата да излезе од фиока“, порачаа од ВМРО-ДПМНЕ.

Македонија | пред 3 месеци

ВМРО-ДПМНЕ: Кадриу сведочи дека била суспендирана за да не заврши „пола Влада во затвор“

Членот на Централниот комитет на ВМРО-ДПМНЕ, Валентин Манасиевски, изјави дека поранешната обвинителка во СЈО, Лејла Кадриу, била суспендирана поради истрагата за пожарот во модуларната болница во Тетово, при што, како што тврди, „пола Влада ќе завршела во затвор“.Манасиевски посочи дека пред поставувањето на модуларните болници бил изменет Законот за градење по итна постапка, со што овие објекти биле третирани како урбана опрема, а одобрението за нивно поставување го издавало Министерството за здравство. Според него, со ваквите измени биле заобиколени построги стандарди за градба.Тој обвини дека наместо панели со камена волна, биле користени панели со пур-пена, како и дека немало соодветен елаборат за електрична инсталација и разводна табла, што, според неговите тврдења, довело до експлозијата и пожарот во кој животот го загубија 14 лица.Манасиевски наведе и дека според изјавите на Кадриу, од предвидените 30 милиони евра за модуларните болници, за конкретниот објект биле потрошени околу 300.000 евра, поставувајќи прашање каде завршиле останатите средства.Дополнително, тој тврдеше дека модуларната болница била поставена над резервоар на бензинска пумпа, што, како што рече, можело да предизвика уште поголема трагедија.Според Манасиевски, суспензијата на обвинителката следела откако таа побарала градежно вештачење. Тој ја обвини тогашната власт за притисоци врз обвинители и судии, оценувајќи дека случајот отвора сериозни прашања за одговорноста и функционирањето на институциите во тој период.

Македонија | пред 3 месеци