ВМРО-ДПМНЕ

И Муцунски именуван во Извршниот комитет на ВМРО-ДПМНЕ по укинувањето на потпретседателската функција

По укинувањето на потпретседателската функција во ВМРО-ДПМНЕ, Тимчо Муцунски е именуван за член на Извршниот комитет на партијата. Тој преку јавно обраќање изразува благодарност за укажаната доверба и порачува дека ќе продолжи со истата посветеност во партиското дејствување.Муцунски му се заблагодарува на претседателот на ВМРО-ДПМНЕ, Христијан Мицкоски, на членовите на Централниот комитет, како и на целокупното членство на партијата, оценувајќи дека членството во Извршниот комитет претставува и чест и сериозна одговорност.Тој посочува дека во изминатиот период, како потпретседател на партијата, активно и целосно се вложувал во нејзината работа, нагласувајќи дека ВМРО-ДПМНЕ поминува низ значаен политички циклус, во кој од опозициска партија прераснува во владејачка сила, и на локално и на централно ниво.Муцунски истакнува дека и во наредниот период ќе продолжи да придонесува во реализацијата на програмските цели и политиките на партијата, изразувајќи уверување дека новата организациска поставеност ќе донесе дополнителна енергија и внатрешна кохезија.Според него, силна и стабилна партија претставува клучен предуслов за силна и стабилна држава, а новиот состав на Извршниот комитет треба да придонесе кон поефикасно политичко делување и спроведување на политиките во интерес на граѓаните и заштитата на националните интереси.

Македонија | пред 3 месеци

ВМРО-ДПМНЕ обвинува: Гласаа против „Безбеден град“, а сега бараат казни за прекршителите

ВМРО-ДПМНЕ го обвини СДСМ и неговиот лидер Венко Филипче за лицемерие и двојни аршини, посочувајќи дека во Собранието гласале против законите кои овозможуваат имплементација на проектот „Безбеден град“, а истовремено јавно се залагаат за казнување на оние што управуваат нерегистрирани возила и возат без возачка дозвола.Од ВМРО-ДПМНЕ велат дека со ваквиот однос СДС уште еднаш покажува дека ништо не се сменило во нивното политичко дејствување и дека контрадикторноста во ставовите е очигледна. Според партијата, „Безбеден град“ е системско решение кое овозможува дигитална контрола, транспарентно санкционирање и зголемување на безбедноста во сообраќајот, а токму против такво решение СДС гласал во законодавниот дом.Во реакцијата се наведува дека изминатиот период јавноста била сведок на насилни протести, при што лица поврзани со СДС јавно се заканувале и дивееле по градовите, барајќи да продолжат да возат без возачки дозволи. ВМРО-ДПМНЕ нагласува дека ваквиот начин на изразување незадоволство е неприфатлив и не претставува демократски чин.Партијата потсетува дека најгласен противник на „Безбеден град“ бил координаторот на пратеничката група на СДС, Оливер Спасовски, кој како поранешен министер за внатрешни работи, според нив, не реализирал ниту еден проект што системски и дигитално ја унапредува сообраќајната безбедност.„Во периодот на владеење на СДС не беше имплементирано ниту едно вакво решение, а сега кога конечно се воведува систем што носи ред, безбедност и еднаквост пред законот, тие гласаат против и лицемерно тврдат дека се против возење без возачка и со нерегистрирани возила“, се наведува во соопштението.Од ВМРО-ДПМНЕ порачуваат дека проектот „Безбеден град“ ја надминува партиската агенда, бидејќи претставува суштинско решение за заштита на животите на граѓаните и за воспоставување ред и законитост во сообраќајот. Според нив, секој што се залага за безбедност и еднаква примена на законите, безрезервно треба да го поддржи овој проект, а спротивното го оценуваат како политичка калкулација на сметка на безбедноста на граѓаните.

Македонија | пред 3 месеци

ВМРО-ДПМНЕ ги обвини за лицемерие Филипче и СДСМ: Гласаа против Безбеден град а сега бараат казни за тие со нерегистрирани возила и без возачка

СДС и Венко Филипче се со двојни аршини, ништо не се менува, се останува исто, реагираат од ВМРО-ДПМНЕ.,,Тоа се потврди и овој пат со проектот ’Безбеден град’. Прво во Собрание гласаат против закони кои овозможуваат негова имплементација и со кој проект се овозможува и гарантира сообраќајната безбедност, а од друга страна велат дека тие што возат без возачка дозвола треба да се казнат.Изминатиов период јавноста беше сведок како активисти на СДС кои работеле за Оливер Спасовски, дивееја по македонските градови за да продолжат за возат без возачки дозволи, и јавно се закануваа со тепање и убивање на полициски службеници.Ваквиот насилен начин на протестирање не е демократски чин на изразување незадоволство и истиот за нас, како ВМРО-ДПМНЕ, е неприфатлив и остро го осудуваме.А од друга страна, СДС и Венко Филипче во Собранието гласаа против овој проект кој ја гарантира безбедноста на учесниците во сообраќајот, ги открива прекршителите на законите и прописите и ги детектира сите оние кои возат без возачки дозволи и со нерегистрирани возила.Човекот кој најгласно се спротистави на „Безбеден град“ е координатор на пратеничката група на СДС, Оливер Спасовски кој додека беше министер за внатрешни работи не направи ништо да ја зголеми безбедноста на граѓаните во сообраќајот.Затоа сега, кога конечно се воведува системот кој носи ред и безбедност во сообраќајот, а еднаквост пред законот СДС и Филипче гласаат против, за од друга страна лицемерно да тврдат дека се против возење на нерегистрирани возила и без возачка дозвола.Овде се гледа контрадикторноста, лицемерието и двојните аршини на СДС и Филипче.Но, на СДС, Венко Филипче и Оливер Спасовски треба да им е јасно дека проектот „Безбеден град“ ја надминува нивната партиска агенда, затоа што тој е системско решение за заштита на животите на граѓаните.И секој кој сака ред, поредок, безбедност и законите да важат еднакво за сите, безрезервно го поддржува овој проект, сè останато е политичка калкулација на сметка на животот и безбедноста на граѓаните“, стои во соопштението од ВМРО-ДПМНЕ.

Македонија | пред 3 месеци

Реформи во ВМРО: Наместо нови лица – стара банда, велат од СДСМ

СДСМ со сооштение реагира на одлуката на лидерот на ВМРО-ДПМНЕ Христијан Мицкоски за реформи во партиските структури.,,Христијан Мицкоски ги отстрани сите потпретседатели во ВМРО, по примерот на Вучиќ, апсолутно да владее и со партијата, како што сака да владее со Македонија. Ги постави своите најблиски другари. Томовски - за организациски секретар, со цел да ги „организира“ односно контролира тендерите. Како оние 161 тендер за семејната фирма на Томовски. Тука е и човекот на Сашо Мијалков од службите, очигледно за контакти со руските служби - Драган Ковачки.Човекот кого НАТО го одби, кој не исполнува услови за сертификат, сега е првиот човек за Мицкоски во партијата. ВМРО се враќа во времето кога службите беа главни во партијата додека се спроведува грабеж.Медиумите се под целосна контрола преку Орбан, со преземање на телекомуникациите и енергетиката.Го презеде МВР, Обвинителството и судовите. Вели дека во мај–јуни ќе има реконструкција на владата за да постави уште некои свои луѓе кои му требаат.Уздите ги стави во свои раце и продолжува со ограбувањето на државата во својот најтесен круг на пријатели. Буџетот одамна е во канџите. Може да започне забрзување на процесот на целосна изолација од ЕУ. Тоа се „реформите“ во ВМРО, наместо нови лица – стара банда”, велат од СДСМ.

Македонија | пред 3 месеци

Николоски од потпретседател станува член на Извршен: Ќе ги донесеме промените, пред нас е напорна работа

Александар Николоски соопшти дека новиот состав на Извршниот комитет на ВМРО-ДПМНЕ е формиран со јасна цел – победа на следните парламентарни, претседателски и локални избори и спроведување суштински промени во државата.Во својата изјава, Николоски истакна дека ВМРО-ДПМНЕ останува партија што победува и ја менува Македонија, нагласувајќи дека новиот Извршен комитет ќе биде двигател на тие процеси.Тој му се заблагодари на претседателот на партијата, Христијан Мицкоски, за укажаната доверба и чест, посочувајќи дека нивната соработка и пријателство значат заедничка, напорна и деноноќна работа насочена кон реални промени и подобар живот за граѓаните.Николоски порача дека во периодот што следи фокусот ќе биде ставен на одговорно работење, јасна визија и силна организација, со цел ВМРО-ДПМНЕ да ја зацврсти својата политичка позиција и да ја реализира програмата за развој и напредок на Македонија.

Македонија | пред 3 месеци

Томовски и Пецаков со поддршка за новиот Извршен комитет на ВМРО-ДПМНЕ

По изборот на новиот Извршен комитет на ВМРО-ДПМНЕ, пристигнуваат реакции и јавни честитки од партиски функционери и носители на јавни функции, кои упатуваат пораки за единство, одговорност и засилена работа во периодот што следи.Ивица Томовски упати честитки за изборот на новиот состав на Извршниот комитет, како и за изборот на новиот генерален секретар Драган Ковачки. Тој истакнува дека новото раководство ја има неговата целосна поддршка и почит, со порака дека заедничката цел е изградба на силна ВМРО-ДПМНЕ, што, според него, значи и напредна и силна Македонија. Томовски нагласува дека партијата треба да продолжи одговорно и со конкретни решенија за проблемите со кои се соочуваат граѓаните.Со јавна изјава се огласи и Кирил Пецаков, кој посочува дека изборот за член на новиот Извршен комитет за него претставува голема чест, но и уште поголема одговорност. Тој нагласува дека довербата што ја добива од претседателот на партијата и од Централниот комитет е потврда за досегашната работа, но и обврска за уште посилно темпо во иднина. Пецаков порачува дека мисијата на новиот состав е јасна – професионализам, чесност и неуморна работа во интерес на подобра иднина за сите граѓани, упатувајќи благодарност за поддршката и повик за заедничко продолжување на политичката борба за Македонија.

Македонија | пред 3 месеци

Нови лица во врвот на ВМРО-ДПМНЕ: Ковачки генерален секретар, Томовски организациски секретар

Лидерот на ВМРО-ДПМНЕ Христијан Мицкоски, денес на прес конференција информираше за новиот состав на Извршниот комитет на партијата.„Денес заседавашее ЦК на ВМРО-ДПМНЕ на кој беа донесени важни одлуки за понатамошното јакнење и модернизација на партијата. ЦК донесе одлука за избор на нов Извршен комитет. Нашата цел е создавање силна, ефикасна и обединета структура која ќе даде конткретни и одговорни решенија за граѓаните.Најавувам дека во наредниот период ќе имаме избор на претседатели на партиските Општински комитети како и избор на нови раководства на Унијата на жени, Унијата на млади сили и Унијата на ветерани. Составот на ИК е следен: Генерален секретар е пратеникот Драган Ковачки. Членови на ИК се: Александар Николовски - министер за транспорт, Владо Мисајловски - миистер за одбрана, Гордана Димитриеска Кочоска - министерка за финансии, Тимчо Муцунски - министер надворшни работи, Никола Мицевски - координатор на пратеничката група, Луке Галевски - дел од кабинетот на владата и шеф на центарот за комуникации, Антонио Милошоски - потпретседател на Собрание, Дафина Стојаноска - пратеничка, Рашела Мизрахи, Влатко Ѓорчев, Кирил Пецаков - градоначалник на Општина Охрид, Марија Андоновска - директор на ИЈЗ, Ели Панова - пратеничка, Игор Јанушев,Марија Митева, Благоја Ташеминов, Орце Ѓорѓиевски - градоначалник на Град Скопје, Онер Јакуповски, Драгана Бојковска, Синиша Стојановски, Стефан Андоновски, Филип Поповски и Бобан Николовски. На овие ќе им се приклучат новите претседатели на Унијата на жени, Унијата на млади сили и Унијата на ветерани.Огранизационен секретар Ивица Томовски, а за шеф на мојот кабинет продолжува Владимир Неловски“, изјави Мицкоски

Македонија | пред 3 месеци

ВМРО-ДПМНЕ: Мирчевски направил низа злоупотреби во СОЗР за време на владеењето на СДС

 Пеце Мирчевски ексдиректор на СОЗР направил низа злоупотреби во СОЗР за време на владеењето на СДС. Пеце Мирчевски е синоним за начинот на владеење на функционерите од СДС, криминал, аздисаност и личен профит, вели ВМРО-ДПМНЕ.„Секојдневно на површина излегуваат докази за криминалното владеење на СДС, Филипче и нивните партиски функционери.Државниот завод за ревизија извршил ревизија каде што утврдил дека се направени низа пропусти и злоупотреби за време на СДС и нивниот ексдиректор на СОЗР Пеце Мирчевски.Низа системски слабости од нефункционални финансиски контроли во бифеата, преку проблематични вработувања, до несоодветно управување со државниот имот, откриле државните ревизори во работењето на Службата за општи и заеднички работи за време на владеењето на СДС и Пеце Мирчевски.Ексдиректорот на СОЗР, Пеце Мирчевски, ја пренатрупал службата со партиски кадри без соодветно образование и сертификати.Во 2024 година биле исплатени 3.274 илјади денари за 21 привремено ангажирано лице, од кои дел извршувале редовни работни задачи, вклучително и раководни функции. Ревизорите укажуваат дека овие позиции законски бараат високи стручни квалификации и сертификати, а предупредуваат и дека големиот број привремени ангажмани, честата кадровска флуктуација и недоволното вложување во обука претставуваат ризик за континуитетот и квалитетот на услугите.Мирчевски е синоним за недомаќинско работење, аздисаност и празнење на државните сметки.Миречевски има низа пропусти и скандали позади себе. ЈО исто така имаше отворено предмет за поранешниот директор на СОЗР кадар на СДС, Пеце Мирчевски, кој добил автомобил од фирма добитник на тендери.СДС е партија каде нејзините функционери додека биле на власт, наместо за државата и интересите на граѓаните, работеле исклучиво за личен профит и профит на блиски лица до врхушката на СДС“, се вели во соопштението.

Македонија | пред 3 месеци

Петрушевски: Лицата кои повикуваа на тепање и убивање на протестите против „Безбеден град’’, активно вклучени во кампањата на СДС и Спасовски

Лицата кои деновиве повикаа на тепање и убивање на полициски службеници, поради желбата да возат без возачки дозволи, поради проектот „Безбеден град’’, биле активно вклучени во кампањата на Оливер Спасовски, што може да се види на фотографијата на екранот, вели Бране Петрушевски, пратеник на ВМРО-ДПМНЕ „Лицата кои јавно се спротивставија на проектот „Безбеден град’’, во изминатите денови излегоа на протести, кои беа насочени против мерки кои имаат за цел да спречат возење без возачка дозвола, без регистрација и без одговорност.СДС и Спасовски, да потсетиме за јавноста, гласаа против имплементација на проектот „Безбеден град’’ во Собранието.Замислете, ексминистер за внатрешни работи, кој не направил буквално ништо во насока на подобрување на сообраќајната безбедност, гласаше против.Јавно ги прашуваме СДС и Оливер Спасовски, дали ќе се дистанцираат и оградат од овие протести и од лицата кои повикуваа на јавен линч, и дали сметаат дека е прифатливо да се протестира против сообраќаен ред, закон и безбедност?СДС и Оливер Спасовски мора да дадат одговори на јавноста затоа што, за време на протестите беа забележани закани со насилство и убиство, и ова е повеќе од алармантно.Почитувани,Ваквото однесување е недозволиво во демократско општество и затоа ги повикуваме сите надлежни институции да постапат без селекција и без двојни аршини, строго согласно закон, и да обезбедат одговорност за сите кои испраќаат закани за насилство.СДС и Оливер Спасовски повторно се обидуваат да направат саботажа на се што е добро и е од интерес за граѓаните. Целта на ,,Безбеден град“ е да се зголеми безбедноста на граѓаните во сообраќајот. Секој оној кој се залага за безбедност и ред во сообраќајот го поддржува овој проект“, додава Петрушевски.

Македонија | пред 3 месеци

ВМРО-ДПМНЕ: Луѓето што се закануваа дека ќе тепаат и убиваат сликани со Спасовски, протестираат ли по насока на СДС?

Луѓето што вчера протестираа против проектот “Безбеден град”, сликани за време на кампања заедно со поранешниот министер за внатрешни работи, поранешен премиер и сегашен пратеник на СДС, Оливер Спасовски, велат од ВМРО-ДПМНЕ.„СДС уште од почнување на тест перидот на проектот “Безбеден град” беа против имплементација на истиот, поради нивни причини кои не заслужуваат ниту коментар.Но, она коешто е сомнително е како баш овие кои протестираат за да возат без возачки, имаат слика во кампања на СДС и нивниот носител на ИЕ 2 Оливер Спасовски.СДС да одговори дали стои зад оние кои вчера бараа да возат без возачка дозвола и без регистрација на возилата? Дали ова е начинот на кој СДС ќе посегне да му наштети на проектот “Безбеден град”?Дополнително, ги повикуваме надлежните институции да ги санкционираат оние кои се закануваа со убиство и правдата да биде задоволена“, се вели во соопштението.

Македонија | пред 3 месеци

Четири функционери на пат да останат без функциите во ВМРО-ДПМНЕ оти Мицкоски планира да ги укине потпретседателските позиции

Претседателот на ВМРО-ДПМНЕ, Христијан Мицкоски планира укинување на потпретседателските места во партијата, а пак генерален секретар, неофицијално, ќе остане Ѓорѓија Сајковски кој и досега ја обавува оваа функција, дознава „Скопје1“.Ова се промените во владејачката партија кои се очекува во петок да се најдат пред Централниот комитет. Мицкоски и на прес-конференција кажа дека седницата на ова партиско тело е веќе закажана.Освен Сајковски, желба да бидат во трката, но и да бидат избрани за секретарската функција има и Ивица Томовски, кој е директор на Службата за општи и заеднички работи.Според партискиот статут, претседателот Мицкоски номинира кандидати за потпретседатели и генерален секретар на партијата, како и предлага нивно разрешување.Укинувањето на потпретседателските функции ќе значи дека Александар Николоски, Владо Мисајловски, Тимчо Муцунски, Гордана Димитровска Кочовска ќе останат без нивните позиции.Засега овие информации не се потврдени од партијата, ниту коментирани во јавноста.

Македонија | пред 3 месеци

ВМРО-ДПМНЕ се закани со тужба: Ако СДС има докази за некаква вмешаност на поединци од власта во случајот со 5 тони дрога нека ги достави до ЈО

СДС веќе ја претера. Навикнати сме на лаги, манипулации, шпекулации и ширење на невистини од нивна страна, но ова веќе ја прели чашат, вели ВМРО-ДПМНЕ„Ги повикуваме доколку имаат било какви докази за некаква вмешаност на поединци од власта во случајот со 5 тони дрога веднаш да ги достават до ЈО, во спротивно ќе добијат тужба.На СДС најлесно им е да растураат пердуви во јавноста, и потоа да немаат никаква одговорност.Провери ли СДС во фабриката за марихуана кај Заев? Зошто имало камиони без таблици во таа фабрика? Зошто Заев лично ѕвонел на телефони во царинската управа и се интересирал за случајот со марихуана? Каква е улогата на Вице во целиот случај?СДС мора да разбере дека ако они крадеа, ние не крадеме. Ако тие даваа пасоши на криминалци, ние не даваме. Ако тие договараа тендери во 4 очи и добиваа автомобили за истото, ние не правиме така. СДС е синоним за криминал, корупција и неспособност, ВМРО-ДПМНЕ е синоним за чесност, работа и дела“, се вели во соопштението.

Македонија | пред 3 месеци

ВМРО-ДПМНЕ: Се откри театарот на Трендафилов нарачан од СДС и Левица

Излезе на површина несериозноста, неодговорноста и поигрувањето на Слободан Трендафилов со чувствата и иднината на работниците. Откако се постигна договор и се закажа средба меѓу Владата и гранковиот синдикат УПОЗ за зголемување на платите на административните службеници и до 40%, претседателот на ССМ се јави на социјалните мрежи, велат од политичката партија ВМРО-ДПМНЕ.„Во стил на инфлуенсер, Трендафилов објави статус со фотографија како седи сам во празните простории на синдикатот, при што пишува дека чекал да дојде претставник на Владата за да се потпише договор за зголемување на платите.Ова е само уште една потврда на тезите дека барањата на Слободан Трендафилов не се барања од и за работниците, туку се барања со политичка заднина и дека зад оваа раководство на ССМ стојат СДС и Левица.Ваквото однесување на Трендафилов, не е ништо друго освен обичен театар за широката маса, во која тој изигрува жртва, а виновна е владата. На него никогаш не му било до зголемување на платите на работниците, туку целта единствено му било да се наштети на Владата предводена од ВМРО-ДПМНЕ, што е иста политичка агенда со таа на СДС и Левица.Оттука се јавува потреба да се постави прашањето, дали СДС и Левица му ги пишуваат барањата на ССМ и Трендафилов?Изминатиот период Владата предводена од ВМРО-ДПМНЕ потпиша нови колективни договори и ги зголеми платите во образование, здравство, полиција, одбрана, социјала и другите сектори, но за тоа Трендафилов ништо не кажа.Исто како што збор не изусти за ценовните шокови во време на власт на СДС и ДУИ, кога инфлацијата рушеше двоцифрени рекорди, кога сметките за струја се зголемија за над 50% и молчеше кога во неколку државни институции со месеци немаше плати.Исто така, потсетуваме дека во изминатите години на власт на СДС, се потпишаа колективни договори во разни државни институции и сектори, без одобрение од министерството за финансии. Тоа значи, СДС и ССМ си потпишале договори без претходно одобрени средства, што е спротивно на условите за потпишување на колективен договор и уште едно изигрување на работниците за политички цели.Со овие политички игри и лицемерие Трендафилов и ССМ покажуваат дека не се борат за работниците, туку соработуваат и работат во корист на СДС и Левица против власта предводена од ВМРО-ДПМНЕ.За разлика од нив, Владата е посветена на изнаоѓање одржливи економски решенија во разговор со сите засегнати страни, за подобрување на економската состојба и подобрување на стандардот на граѓаните“, се вели во соопштението.

Македонија | пред 3 месеци

ВМРО-ДПМНЕ: Трендафилов по насока на СДС и Левица одбива зголемување на платите до 40%

Вистинското лице на претседателот на ССМ, Слободан Трендафилов излегува на површина. Тој е во служба на СДС и Левица и одработува за нивни интереси, наместо, согласно неговата позиција, да ги штити правата на работниците, велат од ВМРО-ДПМНЕ.„Трендафилов е избраник на СДС, кој преку Јованка Тренчевска беше поставен за претседател на ССМ и ден денес продолжува да ги извршува насоките делегирани од партија.Затоа, по насока на СДС и на Левица, Трендафилов го одбива покачувањето на платите на административните службеници за 40%.Само за да му се оддолжи на СДС затоа што го поставија на претседателското столче во ССМ, Трендафилов заедно со неговите другари ја продолжија послушноста која синдикатот ја има историски кон оваа партија.Како на дугме, кога СДС е опозиција и му треба тема за политички поени, ССМ се активира и бара повисоки плати, а кога СДС е власт и кога инфлацијата е двоцифрена, платите стагнираат, а вработените по институции со месеци немаат плата, Трендафилов никаде го нема да се побуни за тешкиот живот на работниците и на сите граѓани.Сега, без никаква економска анализа со 4% инфлација, Трендафилов бара за само една година минималната плата да се зголеми за 50%. Додека пак во време на СДСМ, за седум години власт минималната плата не се зголеми за толку, односно 50%, иако имавме енормно покачување на цените по марките, двоцифрена инфлација и зголемени сметки за струја до плафон.Тогаш никаде ги немаше ССМ и Трендафилов да се пожалат дека, со тие плати и со така високите цени, во време на власт на СДС македонските граѓани тешко живеат и одвај врзуваат крај со крај.За разлика од нив, ВМРО-ДПМНЕ е партија која мисли за иднината и доброто на работниците и на сите граѓани, затоа и бара и нуди разумни, реално издржливи и економски оправдани решенија.Да нема негативни ефекти како економска криза, зголемување инфлација, дупки во буџетите, единствено решение коешто моментално може да се примени е зголемување на минималната и на другите плати во април годинава за околу 14% кое до 2028 година ќе стигне до 40%. Во денари, тоа претставува зголемување од над 10 илјади денари на платите во администрацијата за само две години.Затоа, упатуваме повик до Трендафилов барем еднаш да го стави во предност интересот на граѓаните и работници, да ја остави политиката на страна и да го прифати предлогот на Владата за работниците да добијат повисоки плати“, се вели во соопштението.

Македонија | пред 3 месеци

За дрогата прашајте го Заев, Филипче има директна комуникација со него, вели ВМРО-ДПМНЕ за СДСМ

ВМРО-ДПМНЕ реагираше на соопштението на СДСМ поврзано со заплената на дрога во Србија, оценувајќи дека обидите на опозициската партија да отвори прашања за овој случај се лицемерни и насочени кон дефокусирање на јавноста.Од владејачката партија посочуваат дека СДСМ, наместо да поставува прашања кон институциите, одговорите треба да ги побара кај, како што наведуваат, „познатиот сопственик на фабрика за марихуана“ и поранешен премиер Зоран Заев. Во реакцијата се додава дека не е важно дали Заев се наоѓа во Струмица или, како што тврдат од ВМРО-ДПМНЕ, престојува во Дубаи.„СДС прашуваат како поминала дрогата. Одговорите на овие прашања нека ги постават кај Зоран Заев“, наведуваат од ВМРО-ДПМНЕ, потенцирајќи дека токму во периодот на владеење на СДСМ биле донесени одлуки и законски решенија поврзани со одгледувањето и производството на канабис.Во реакцијата, од ВМРО-ДПМНЕ дополнително тврдат дека постои директна поврзаност меѓу Заев и актуелното раководство на СДСМ, посочувајќи дека Венко Филипче, како што велат, има директен контакт со поранешниот премиер.Партијата нагласува дека СДСМ нема кредибилитет да зборува за борба против криминал и дрога, обвинувајќи ја опозицијата дека токму во нивно време биле создадени, како што велат, услови за ширење на канабис-индустријата и за сомнителни бизниси поврзани со неа.Од ВМРО-ДПМНЕ порачуваат дека институциите ќе постапуваат согласно закон и дека, според нив, јавноста треба да добие одговори од оние кои, како што тврдат, се директно поврзани со ваквите појави.

Македонија | пред 3 месеци

СДСМ обвинува: Повлекувањето на Кедев е дел од сценарио за заташкување на здравствен скандал

Членката на Извршниот одбор на СДСМ, Симона Цветановски, оцени дека повлекувањето на д-р Сашко Кедев од Здравствениот совет при Министерството за здравство претставува сериозен скандал и отвора сомнежи за организирано заташкување на случајот со наводни непотребни кардиохируршки операции.Според Цветановски, повлекувањето на Кедев не е случајно ниту временски, ниту суштински. Таа посочи дека оставката е примена во Министерството за здравство на 23 јануари, а како причина Кедев навел незадоволство од „започнатите контролни процеси“. Дел од медиумите, пак, пренесоа дека меѓу клучните забелешки е и работата на комисијата која требало да ги продолжи проверките за случаите на сомнителни и непотребни операции на срце.Цветановски нагласи дека датумот 23 јануари е особено индикативен, бидејќи доаѓа само два дена по отворањето предмет од страна на Обвинителството, на 21 јануари, наводно „по допрен глас“, по јавните настапи на Жан Митрев, во кои изнесе обвинувања и клевети кон претседателот на СДСМ, Венко Филипче.„Министерот за здравство ја крие оставката на Кедев и за медиумите тврди дека таа не е пристигната, иако документот е примено уште на 23 јануари“, изјави Цветановски.Таа потсети дека токму Кедев во ноември 2025 година јавно го објави, како што рече, најголемиот скандал во македонското здравство, поврзан со сомнежи за непотребни операции. И покрај тоа, два и пол месеци не следувале конкретни постапки, немало кривични пријави, ниту биле објавени имињата на инволвираните лекари и приватни здравствени установи.„Два и пол месеци поминаа во молк и заташкување. Потоа Жан Митрев излегува со клевети на национална телевизија, Обвинителството експресно отвора предмет, а само два дена подоцна се повлекува Кедев. Дали ова е случајност? Ништо не е случајно“, порача Цветановски.Таа го поврза случајот и со, како што рече, односот на премиерот Христијан Мицкоски кон правосудството, прашувајќи дали ова е „чувството за правда“ што тој го демонстрира преку јавни настапи и говори во Собранието.Клучното прашање, според СДСМ, е дали јавните обвинувања на Митрев биле насочени кон тоа да се изврши притисок за повлекување на Кедев и да се сопре истрагата за наводните злоупотреби во здравството.„Дали ова е цената што граѓаните треба да ја платат за да се заштити еден човек од одговорност? Зошто д-р Жан Митрев толку долго молчеше и сам не се пријави во Обвинителството? Дали се чекаше време за прикривање траги?“, праша Цветановски.Таа порача дека за ваков скандал никој нема право да молчи или да калкулира и дека, како што истакна, „одговорност ќе има – за сите, без исклучок“.

Македонија | пред 3 месеци

Манасиевски: Трендафилов јавно призна дека СДС и Левица стојат зад протестите на ССМ

Членот на Централниот комитет на ВМРО-ДПМНЕ Валентин Манасиевски изјави дека претседателот на Сојузот на синдикати на Македонија, Слободан Трендафилов, јавно признал дека зад протестите на ССМ стојат политичките партии СДС и Левица.Манасиевски посочи дека во телевизиско гостување, на Трендафилов му се „измакнала изјава“ во која рекол дека „сите се здружиле против оваа влада“, што, според ВМРО-ДПМНЕ, претставува директен доказ за политичка позадина на синдикалните активности.„Ова е првпат Трендафилов јавно да признае вакво нешто. Со таа изјава се потврдува дека протестите на ССМ не се автентична борба за работнички права, туку дел од политичка агенда на СДС и Левица“, рече Манасиевски.Тој обвини дека раководството на ССМ, по насока на овие партии, ќе направи сè за да не се прифати новиот колективен договор, со кој, како што наведе, минималното зголемување на платите во јавната администрација од април годинава би изнесувало 3.580 денари, а просечното зголемување над 6.000 денари, односно повеќе од 100 евра.Манасиевски потсети дека понудата за зголемување на платите до 40 проценти не е нова и дека постои уште од минатата година, но, според него, токму поради политичка соработка со СДС и Левица, ССМ одбива да ја прифати.„Кога СДС ја испразни државната каса и ја остави државата во длабок минус, Трендафилов и ССМ молчеа. Тогаш не бараа повисоки плати, што дополнително покажува дека нивното делување е политички мотивирано“, истакна Манасиевски.Тој нагласи дека ВМРО-ДПМНЕ не ветувала чуда, туку работа и конкретни резултати, потсетувајќи на зголемувањата на платите во образованието, здравството, полицијата, одбраната и социјалната сфера. Според него, истата политика ќе продолжи и во јавната администрација, како и со поддршка на приватниот сектор за зголемување на платите.„Никој не тврди дека состојбата е идеална, но вистината мора да се каже. ВМРО-ДПМНЕ ќе направи сè што е во нејзина моќ за да го подобри животниот стандард на граѓаните“, порача Манасиевски.

Македонија | пред 3 месеци

ССМ и СДС се едно исто, синдикатот молчеше кога работниците со месеци беа без плата, вели ВМРО-ДПМНЕ

ВМРО-ДПМНЕ денеска соопшти дека Сојузот на синдикати на Македонија и СДС, како што наведуваат, дејствуваат како „едно исто“, обвинувајќи го синдикалното раководство дека не се грижи за реалните интереси на работниците, туку служи за дневнополитички цели на опозициската партија.Според ВМРО-ДПМНЕ, барањата за минимална плата од 600 евра и за покачување на платите, кои доаѓаат од ССМ, не претставуваат искрена борба за подобар животен стандард, туку политичка агенда. Како аргумент, од партијата посочуваат дека актуелното раководство на ССМ, предводено од Слободан Трендафилов, одбило предлог на Владата за системско зголемување на платите, со кое, според нив, до крајот на мандатот минималната плата би достигнала 600 евра, а платите на останатите вработени би се зголемиле и до 40 проценти.Во соопштението се наведува дека одбивањето на овој предлог е мотивирано од потребата ССМ и СДС да задржат тема за дневна политика, која, како што тврдат од ВМРО-ДПМНЕ, не носи конкретна корист за работниците. Дополнително, од партијата го критикуваат и предлог-законот на СДС за минимална плата од 600 евра, оценувајќи го како популистички и неподготвен, без јасно образложение за изворите на финансирање и начинот на негова реализација.ВМРО-ДПМНЕ потсетува дека пред две години, кога ја презела власта од СДС, затекнала, како што наведуваат, уништена економија, буџетски дефицити и институции со сериозни финансиски проблеми. Како пример ги посочуваат Македонски железници, Македонски шуми и „Македонија пат“, каде, според нив, вработените со месеци не добивале плата. Во тој период, велат од партијата, ССМ и неговото раководство не реагирале, што, според нив, дополнително ја потврдува поврзаноста меѓу ССМ и СДС.Од ВМРО-ДПМНЕ ги повикуваат ССМ и неговото раководство да го прифатат и потпишат новиот колективен договор, со кој, како што тврдат, во април 2026 година вработените би добиле покачување од околу 15 проценти, при што најниското зголемување би изнесувало 3.580 денари. Според партијата, со ваква динамика и системско решение, минималната плата во јавниот сектор би достигнала 600 евра до 2028 година.Во заклучокот од соопштението, ВМРО-ДПМНЕ нагласува дека не ветува „чуда“, туку, како што велат, искрен, чесен и системски пристап за постепено подобрување на животниот стандард на граѓаните.

Македонија | пред 3 месеци

Лицемерието на СДС се гледа и во ССМ – бараат повисоки плати, а кога ќе ги добијат ги одбиваат, Манасиевски

Членот на Централниот комитет на ВМРО-ДПМНЕ, Валентин Манасиевски, обвини дека лицемерието на СДСМ се пресликува и преку Сојузот на синдикати на Македонија, посочувајќи дека тие јавно бараат повисоки плати, но кога им се нуди конкретно и остварливо решение, истото го одбиваат.Манасиевски оцени дека СДСМ и Венко Филипче излегле со предлог за минимална плата од 600 евра, но без јасен и подготвен законски модел, без техничка подготвеност и без одговор на прашањето од каде ќе се обезбедат средствата. Според него, на дополнителните прашања, одговорот бил дека „ќе биде“, што, како што рече, не е сериозен пристап кон економската политика и кон работниците.Тој посочи дека и ССМ, предводен од Слободан Трендафилов, излегол со исто барање за минимална плата од 600 евра и зголемување на платите, но кога Владата понудила тие барања да бидат исполнети до крајот на мандатот, синдикатот одбил да го прифати предлогот. Според Манасиевски, причината за тоа е политичка зависност, а не заштита на интересите на работниците.Тој нагласи дека Владата и ВМРО-ДПМНЕ не ветуваат нереални решенија, туку настапуваат со, како што рече, искрен, чесен и достоинствен пристап кон подобрување на животниот стандард. Манасиевски потсети дека пред околу две години државата била затекната со уништена економија, сериозни буџетски дупки, исцрпени институции и систем на работ на финансиски колапс, како последица на, според него, лошите економски политики на претходната власт.Во тој период, додаде Манасиевски, ССМ и неговото раководство молчеле и не реагирале на состојбата во која се наоѓале работниците и јавните финансии. Затоа, тој повторно ги повика синдикалните претставници да го прифатат предлогот на Владата и да го потпишат новиот колективен договор.Според предложената динамика, како што информира Манасиевски, работниците во април 2026 година би добиле зголемување на платите од околу 15 проценти, односно најмалку 3.580 денари, а со ова темпо јавниот сектор би достигнал минимална плата од 600 евра до 2028 година, што, според него, е реален и одржлив модел за подобрување на животниот стандард.

Македонија | пред 3 месеци

ВМРО-ДПМНЕ: ССМ одбива 40 отсто повисоки плати по партиска директива

ВМРО-ДПМНЕ ја обвини Сојуз на синдикатите на Македонија дека, наместо да ги застапува интересите на работниците, дејствува по партиски директиви на СДСМ и Левица, одбивајќи, како што наведуваат, историско зголемување на платите во јавниот сектор.Од владејачката партија тврдат дека раководството на ССМ, предводено од Слободан Трендафилов, Трпе Деаноски и Иван Пешевски, го одбило предлогот на Владата за зголемување на платите за 40 отсто, односно за повеќе од 10.000 денари до 2028 година, и тоа не поради интересите на работниците, туку поради одбивање да се потпише нов колективен договор.Според ВМРО-ДПМНЕ, предложениот договор предвидува раст на платите согласно Законот за минимална плата, дополнет со уште осум проценти годишно, со што вкупното зголемување би достигнало најмалку 40 проценти во наредните три години.„ССМ бара зголемување од 6.000 денари, добива над 10.000 и го одбива. Бара минимална плата од 600 евра, ја добива и повторно ја одбива“, се наведува во реакцијата, при што од партијата оценуваат дека ваквото однесување е резултат на политичка сервилност, а не на синдикална принципиелност.Од ВМРО-ДПМНЕ дополнително тврдат дека новиот колективен договор би овозможил минималната плата на административните службеници да достигне 600 евра во рок од две години, додека, како што наведуваат, дел од синдикалните лидери примаат месечни плати повисоки од 80.000 денари, како и дополнителни надоместоци кои, според нив, во една година надминале еден милион денари.Во соопштението се упатува повик до раководството на ССМ да престане, како што се наведува, со политичко дејствување и да го прифати предлогот на Владата за постепено зголемување на платите и за обезбедување минимална плата од 600 евра за административните службеници до 2028 година.

Македонија | пред 3 месеци

Николоски: Деталите за престој на превозниците во ЕУ по средбата во Брисел ќе ги прецизирам заедно нив

Александар Николоски, потпретседател на ВМРО-ДПМНЕ, во своето гостување во Тема на денот на телевизија Сител, се осврна на темата за блокадите од страна на транспортерите кои беа актуелни изминативе денови, за што истакна дека е задоволен од тоа што ЕУ ја забрза постапката и го објави документот порано од планираното. Тој додаде дека по состанокот во Брисел ќе следи заедничка средба за разгледување на предлозите, и целта е да се понудат најдобрите решенија за транспортерите, кои се клучен двигател на македонската економија.,,Се работи за документ од 19 страни, којшто целосно ги опфаќа новите правила на Шенген зоната и таму има еден клучен збор, баш во овој дел којшто го издвоив на мојата објава, каде што возачите на камиони односно транспортерите се прифаќаат како професионалци, со останатите категории коишто се наведени тука, како сппортисти уметнции итн, Што е првпат да ЕУ на тој начин го реши проблемот. Во суштина тоа беше и еден од начините да се излезе од проблемот, затоа што транспортерите кога ги почнаа протестите бараа да се почне дијалог со којшто ќе се реши проблемот, се понудија 3 решенија и ова е едно од трите решенија“, рече Николоски.Тој додаде дека во вторник ќе се одржи состанок кој, како што вели, една година не беше закажуван, а првично бил договорен за 6 февруари, но вчера терминот бил поместен за во вторник.,,Сакам да им честитам на сите оние храбри луѓе кои што излегоа на протестите овие денови, кои што покажаа дека проблемот е навистина сериозен. Да честитам на одлучноста, на храброста, јас ја имав честа и да ги посетам и да ги поддржам. Излегов заедно со нив, и мислам дека покажаа дека навистина е голем проблемот и дека мора сериозно да му се пристапи, и тоа што беа единствени и истрајни никој не успеа да ги скрши, даде резултат“, вели Николоски.Тој истакна дека самиот дал целосна поддршка, но дадоа и премиерот, и Владата, со цел решавање на проблемот. Николоски истакна дека процесот се води во целосна координација со превозниците.,,Во целосна координација со превозниците. Денеска имав средба со претседателката и потпретседателката на најголемото здружение на превозници, на Макамтранс, се договоривме во вторник, по завршувањето на состанокот со Брисел, да повторно се сретнеме и да заеднички ги разгледаме предлозите кои што ќе дојдат од таму, и мојот одговор ќе го работам заедно со нив, односно во координација со нив“, истакна Николоски и додаде:,,Сакам да понудам најдобри можни решенија кои што ќе одговараат на нашите транспортери.  Тие се едни од основните двигатели на македонската економија, цели градови во Македонија живеат од транспортот. Мора да даваме целосна поддршка на овој сектор“.

Македонија | пред 3 месеци

СДСМ: Затворањето на постмониторингот не е успех на Мицкоски ниту на неговата анти ЕУ кампања

СДСМ истакнува дека во периодот од 2017 до 2024 година, преку спроведување на реформски мерки, земјата бележела значителен напредок во областите на владеење на правото, слободата на изразување и граѓанските слободи. Анализата на меѓународните индекси, како што се „Freedom in the World“, „Rule of Law Index“ и „Human Rights Index“, покажува јасно подобрување на политичките права и заштитата на слободите на здружување и изразување.Според Freedom House, резултатите се зголемиле од 4/3 во 2017 година на стабилни 67–68/100 во 2023 година. Истиот тренд се потврдува и од World Justice Project, кој забележал подобрување на рангот на земјата, како и од V-Dem Human Rights Index, кој се зголемил од 0.78 на околу 0.82.Медиумските слободи, исто така, доживеале значителен напредок, со ранг на Reporters Without Borders од 111. место во 2017 година на импресивно 36. место во 2024 година. Сепак, според СДСМ, повторното доаѓање на ВМРО на власт во мај 2024 година веќе покажува знаци на влошување, со пад на индексите за медиумите на 42. место во 2025 година и критики за притисок врз новинарите и корупција.Парламентарното укинување на комисијата за постмониторинг дијалог од страна на Советот на Европа, според СДСМ, не претставува успех на актуелната власт, туку е последица на реформите спроведени во претходниот период. И покрај ова, надзорот над човековите права и демократијата ќе продолжи преку периодични извештаи и механизми на Советот на Европа и ЕУ.СДСМ апелира до граѓаните да се спротивстават на секое назадување и да ги поддржат демократските вредности, нагласувајќи дека само заедно може да се обезбеди подобра иднина за Македонија.

Македонија | пред 3 месеци

ВМРО-ДПМНЕ: Предлог законот на СДС за 600 евра минимална плата е доказ дека ако не ја крадеа државата додека беа на власт, работниците денес ќе имаа и повисока минимална плата

ВМРО-ДПМНЕ денеска реагираше на најавениот Предлог-закон на СДСМ за зголемување на минималната плата на 600 евра, оценувајќи дека документот е нецелосен и без јасен финансиски план. Од партијата посочуваат дека иако СДСМ навела дека за мерката се потребни околу 7,5 милијарди денари, односно приближно 110 милиони евра, не е објаснето од каде би се обезбедиле тие средства.Според ВМРО-ДПМНЕ, позитивен аспект на предлогот е тоа што, како што наведуваат, се признава дека минималната плата можела да биде зголемена и за време на владеењето на СДСМ, но дека тоа не било направено. Во партиското соопштение се тврди дека наместо тоа, биле направени злоупотреби на државни средства, меѓу кои и околу 170 милиони евра за набавка на канцероген мазут, што, според нив, довело до загадување на воздухот и штета по здравјето на граѓаните.Од ВМРО-ДПМНЕ додаваат дека доколку тие средства биле рационално користени, работниците денес ќе имале значително повисока минимална плата, дури и над 600 евра. Во реакцијата се обвинуваат СДСМ и ДУИ за, како што наведуваат, систематско злоупотребување на државните пари и ставање на личните интереси пред интересите на граѓаните.

Македонија | пред 3 месеци

Христова: Со регионалните центри за услуги граѓаните ќе добијат брзи и ефикасни административни услуги

На денешната собраниска седница за пратенички прашања свое обраќање имаше пратеничката од редовите на ВМРО-ДПМНЕ, Даниела Христова и упати прашања до министерката за финансии, Гордана Димитриеска Кочоска и министерот за дигитална трансформација, Стефан Андоновски.Првото пратеничко прашање кое го постави Христова беше упатено до министерот за дигитална трансформација, и се однесуваше за регионалните центри за услуги, односно таа праша дали се планира отворање на вакви центри за услуги во сите градови низ државата  и кои конкретни услуги ги нудат овие центри.„Министерството за дигитална трансформација е релативно ново, но за периодот откако е формирано постигна високи резултати и воспостави стандарди кои навистина недостигаа во Македонија. Брзата реализација на стратешките активности, подобрување на ефикасноста и транспарентноста во работењето, се доказ дека вистински реформи се можни кога се има визија и одговорност кон граѓаните, а оваа Влада го поседува токму тоа. Министерството за дигитална трансформација постои краток период, но постигна многу. Воведе нови дигитални услуги достапни за сите граѓани, ги скрати административните процедури и времето на чекање, работи на зајакнување на сајбер безбедноста и заштита на податоците, а исто  така воспостави механизми на координација меѓу институциите итн. Она што мене ме интересира а и многу голем број на граѓани се новоотворените центри за услуги во неколку градови во државата, за коишто јас лично сметам дека се одлична новина, но и дека е потребна поголема промоција, за што голем број граѓани не се запознаени и се уште не знаат дека со посетата на еден ваков центар ќе добијат брзи, ефикасни и транспарентни административни услуги, сето тоа на едно место. За нив тоа значи повеќе време, помалку бирократија, а повеќе функционалност и доверба. Дали планирате вакви центри за услуги во сите градови во Република Македонија и дали може да не запознаете конкретно какви услуги нудат овие центри?“, праша Христова.Христова се осврна на наследената тешка финансиска состојба од претходната власт и истакна дека со доаѓањето на ВМРО-ДПМНЕ е извршена консолидација на буџетот и е забележан економски раст над очекувањата на меѓународните институции. Во таа насока, второто прашање беше упатено до  министерката за финансии и праша за тоа што може да се очекува на финансиски план во тековната 2026 година.„Како пратеници кога го започнавме нашиот мандат, од првите моменти, беше соочувањето со финансиската состојба во нашата држава, односно каква државна каса наследивме од претходната ненародна влада, која имаше многу други приоритети, само не интересите на граѓаните. Со доаѓањето на ВМРО-ДПМНЕ на власт наследивме испразнет буџет, уште во месец јули, а пари во истиот требаше да има до месец декември. Со голема посветеност и труд успеавме да се консолидираме и да бележиме неколку квартали раст на БДП, дури и над 3%, т.е. дури подобро и од проекциите на меѓународните институции. А тоа е јасен сигнал дека владините политики функционираат и даваат резултати. Со консолидиран буџет, со фокус на раст и инвестиции, успеавте да ја стабилизирате економијата. Моето прашање е што може да очекуваме на финансиски план во тековната 2026 година?“, праша Христова.

Македонија | пред 4 месеци

Томовски: Во план е заедно со Град Скопје да ја модернизараме жичницата до Водно

Директорот на владината Служба за општи и заеднички работи, Ивица Томовски, во емисијата „За или против“ на телевизија Алфа се осврна на идејата за обновување, а воедно и модернизација на жичницата до Водно.  Тој истакна дека наместо претходно планираната траса од црквата Свети Јован кон Средно Водно,  се предлага поврзување од болницата Козле до Средно Водно, бидејќи како што вели, оваа локација нуди поширок простор каде што може да се обезбеди монтажен паркинг, што би им овозможило на граѓаните безбедно да ги остават своите возила и да продолжат понатаму.„Доколку сакате вие да го паркирате возилото и да бидете сигурни дека има паркинг, за разлика од претходната локација“, вели Томовски.Тој најави дека во текот на утрешниот ден ќе се одржи состанок со градоначалникот на Град Скопје, Орце Ѓорѓиевски, на кој ќе се разговара за двете теми, трасата и начинот на финансирање на проектот.„Во текот на утрешниот ден имаме состанок на двете теми, со градоначалникот на Град Скопје, Орце Ѓорѓиевски , ќе ги разговараме двете теми, пвоторно ќе бараме начин на финансирање и средства од каде можат да се обезбедат тие средства“, додаде Томовски.

Македонија | пред 4 месеци