Јавен увид за национална стратегија за управување со тиња и извештај за стратегиска оцена

Ве информираме дека согласно обврските дадени во член 65 од Законот за животна средина и донесената Одлука за спроведување на стратегиска оцена на животната средина (11-7663/1 од 10.12.2024 год), Управата за животна средина при МЖСПП, подготви нацрт извештај за стратегиска оцена на животна средина (СОЖС) за планскиот документ нацрт Национална стратегија за управување со тиња (НСУТ) за период 2024 – 2034.Нацрт СОЖС и НСУТ се достапни за јавен увид на интернет страната на МЖСПП и во прилог на оваа порака во текот на периодот за јавен увид (24.02.2024 – 24.03.2025).Во текот на перидот за јавен увид, предвидени е јавна презентација и расправа воОхрид, 12.03.2025, во 12.00 – 14.00 часот, во малата салаВе покануваме да ги погледнете двата документи и да ги доставите Вашите мислења, и воедно да земете учество на некоја од јавните презентации.Сите коментари може да се достават на следниот начин:електронски на следните адреси: a.mazneva@moepp.gov.mk и m.mihajlov@maneko.com.mk,по пошта на следната адреса: Плоштад Пресвета Богородица бр. 3, Скопје, (со назнака до Сектор отпад).

ОО | пред 1 година

Дигитализирана „Едицијата охридско книжевно наследство“

Општина Охрид преку Програмата за култура во делот на Издавачка дејност го реализира проектот Охридско книжижевно наследство. Приредувачи на проектот се проф.д-р Димитар Пандев и Славе Ѓорѓо Димоски, а главен и одговорен уредник е Митре Велјаноски.Едицијата: „Охридско книжевно наследство“ започна во 2018-тата година и опфаќа 11 книги.Во рамките на оваа едиција се книгите:„Дојди во Охрид“(Антологија на песни за Охрид), 2018 г,„Антологија на ловорот“, 2020 г.„Книга за Чинго“, 2021 г.,Охридски раскажувачи, 2022 година,Книга за светите браќа Кирил и Методиј, 2022 г.Книга за светите бража Климент и Наум Охридски, 2022 г.„Охридскиот XIX век“, 2023 г.,„Охридски поети“, 2023,Охридските писатели за деца и младинци, 20254 г,„Охридските драмски писатели“, 2024 г,„Охридските писатели во книжевната критика“, 2025Во текот на 2025 година ќе бидат издадени книги Охридски фолклористи, Охридска историографија и Охридска книжевна школа. Целта на проектот е да се соберат на едно место сите охридски духовници, преродбеници, револуционери и други општествени дејци кои оставиле свој траг во целокупната охридска меморија.Должност на Општина Охрид е да го чуваме македонскиот јазик, македонските великани и да го зачуваме споменот на сите кои пред нас го трасирале патот на македонската култура и општество.Со Дигиталната форма, оваа едиција станува подостапна за научната јавност, како и на помладата генерација која работи или ќе работи на истражувања поврзани со познатите охридски имиња.Преку дигиталната верзија на оваа едиција Општина Охрид како издавач овозможува истата да стане подостапна за целокупната јавност, читајќи, прелистувајќи , превземајќи содржини за сите читатели.

ОО | пред 1 година

Охрид презентиран на Меѓународниот саем за туризам во Белград

Богатото културно наследство и уникатните природни потецијали на Охрид како автентична туристичка дестинација се презентираат на 46. Меѓународен саем за туризам во Белград, Србија кој се одржува од 20-ти до 23-ти февруари.Општина Охрид заедно со претставниците на Агенцијата за промоција и поддршка на туризмот, претставниците на ХОТАМ и останатите туристички чинители, ја претстави својата богата туристичка понуда, привлекувајќи големо внимание од туристички оператори, агенции, медиуми и посетители.Градоначалникот, Кирил Пецаков оствари средба со Весна Видовиќ, заменик градоначалник на градот Белград, на која се разговараше за продлабочување на соработката во областа на туризмот и заедничките иницијативи за привлекување повеќе туристи. Исто така, беше остварена средба и со амбасадорот на Република Македонија во Србија, Никола Тупанчески, кој го посети штандот на Општина Охрид.Во рамки на програмата за туристичка промоција на Охрид, вчеравечер во познат белградски ресторан беше организирана „Охридска вечер“ на која беа остварени средби со голем број туристички работници од Србија и регионот.Слоганот на овогодинашното издание на Меѓународниот саем за туризам во Белград е „Една мапа, безброј светови“. На саемот зедоа учество околу 400 излагачи, меѓу кои водечки туристички агенции, хотели, воздухопловни компании, туристички центри и меѓународни тур-оператори.

ОО | пред 1 година

Свежо цвеќе во чест на Андон Дуков

Делегација Локалната самоуправа, предводена од претседателот на Советот на Општина Охрид, Перчо Божиновски денеска положи свежо цвеќе пред спомен обележјето на Андон Дуков, по повод годишнината од неговата смрт.Свежо цвеќе положија и претставници на Сојузот на борци од Охрид и Дебарца и граѓани.Андон Дуков бил резбар од првата генерација на современи македонски уметници, воедно и сликар и борец во НОБ. Тој бил роден во Охрид на 20-ти јануари 1909 година. Во родниот град завршил копаничарско училиште, а во Белград студирал на Уметничката академија. Работел како учител по цртање во гимназијата во Врање.Во 1941 година, по капитулацијата на Кралството Југославија, се вратил во Охрид каде се вклучил во борбата против бугарската окупација. На 27-ми ноември 1941 година е осуден во отсуство на 12 и пол години затвор. Според историските податоци, починал од измрзнување во февруари или март 1944 година на планината Кожуф.

ОО | пред 1 година

Јавен повик за промовирање на туристичко-угостителски услуги: хотели, апартмани и други сместувачки капацитети, ресторани и винарии

Ве известуваме дека општина Охрид креираше нова веб-страница – www.visitohrid.com.mk посветена на промовирање на туризмот и угостителството во нашиот регион. Како дел од оваа иницијатива, ги покануваме сите сопственици на хотели, апартмани, приватни сместувачки капацитети, ресторани и винарии да се регистрираат и да ги презентираат своите бизниси пред пошироката публика.Зошто да се придружите?Со регистрирање на вашиот бизнис на нашата нова платформа, ќе имате корист од:Зголемена видливост и онлајн присуство, директна врска со потенцијални гости и клиенти, подобрени можности за маркетинг преку насочени промоции, учество во настани за вмрежување и соработка.Кој може да аплицира?Овој повик е отворен за сите бизниси поврзани со угостителството и туризмот, вклучувајќи, но не ограничувајќи се на:Хотели, мотели и хостелиАпартмани, куќи за гости и приватни сместувањаРесторани, традиционални меани и кафулињаВинарии и места за дегустација на вино.Ве молиме доставете ги следните информации:Име на вашите капацитети (објект) и опис,Локација и детали за контакт,Фотографии и други промотивни материјали,Достапни услуги и специјални понуди.Краен рок за пријавување 15.03.2025.За повеќе информации и за поднесување на вашата регистрација, ве молиме контактирајте не на:Мејл: maja.ivanchich@ohrid.gov.mk

ОО | пред 1 година

Прогласени најдобрите од спортот во општина Охрид за 𝟤𝟢𝟤𝟦 година

Во рамки на манифестацијата „Најдобрите од спортот“, Општина Охрид ги додели наградите и признанијата за најуспешните спортисти во индивидуален и во клупски спорт за 2024 година. На пригодната свеченост која се одржа вечерва во Големата сала на Општина Охрид пред присутните се обрати градоначалникот, Кирил Пецаков.–Спортот е многу повеќе од медали и трофеи. Спортот е борба со себеси и со своите потенцијали, вистинско училиште за животот, каде што се учат најважните лекции за дисциплина и истрајност.Почитувани спортисти, тренери, спортски работници, ценети гостиНавистина ми претставува голема чест и задоволство што четврта година по ред сме собрани тука за да ги прославиме оние кои љубовта кон спортот ја претвораат во резултат, а желбите во победа. Горди на нивните големи успеси, вечерва ги славиме најдобрите спортисти на Охрид за 2024 година, кои се симбол на непоколебливиот дух и храброст. Од срце им честитам за големите успеси и верувам дека нивните имиња ќе остават неизбришливи траги во охридската спортска историја.Драги спортисти, знам дека е неописливо чувството на спортскиот успех, кога срцето забрзано чука, а звукот на аплаузот ве носи на највисокиот врв од среќата. Но што и да постигнете секогаш вреднувајте ја поддршката што ја добивате од вашите тренери, клубови и најважно од се, од вашите семејства. Тие се секогаш тука за вас, за да ве охрабрат кон вистинскиот пат.Како верна публика и ваши големи поддржувачи, Општина Охрид во континуитет продолжува да вложува во спортот, да ги поддржува младите таленти, да создава услови за уште поголеми достигнувања. Токму во таа насока и оваа година од општинскиот буџет издвоивме над 70 милиони денари, кои ќе бидат наменети за развој на спортот.Почитувани,Еден од најдобрите атлетичари на сите времиња Усеин Болт рекол „Нема граници. Колку повеќе сонувате, толку подалеку ќе стигнете.“ Нека оваа мисла биде инспирација за сите вас – и за оние што денеска ќе добијат награди, и за сите оние кои сонуваат, еден ден да бидат на нивно место.Уште еднаш во мое лично име и во името на охриѓани, упатувам срдечни честитки до најдобрите, нека спортскиот дух ве води кон нови успеси и постигнувања. Продолжете да тренирате и да победувате! Да сме здрави и живи и да честитаме за уште поголеми спортски резултати во 2025 година, истакна Пецаков во своето обраќање.За своите значајни успеси на бројни домашни и меѓународни натпревари во таеквон-до, за спортист на годината беше прогласен Давид Крстески од Таеквон-до клубот „Хва Ранг ИТФ“ од Лескоец, Охрид.За Охридска спортска легенда -за посебни заслуги во спортот беше прогласена Соња Думбалоска Делова (професор,тренер,спортски работник).За спортски подвиг на годината признание му беше доделено на Љупчо Танески – како прв Охриѓанец на возраст над 50 години кој учествувал и го завршил тешкиот IRONMAN 70.3 во Белград, Србија.За Спортска екипа на годината беше прогласен Градски Ракометен Клуб„Охрид“.За тренер на годината беше прогласена Александра Џамтоска (ракомет) од Градски Ракометен Клуб„Охрид“.Признание за Јубилеј од 45 години му беше доделено на „Илинденски Пливачки Маратон“ – Клуб за спортови на вода „Охридски Бранови 2008“.За Охридска спортска надеж во инивидуален спорт, во машка категорија, признание му беше доделено на атлетичатот Дамјан Митревски (карате) од Карате Клуб „Кун-Су-То“ – Охрид.За Охридска спортска надеж во индивидуален спорт, во женска категорија беше прогласена Анастасија Смилевска (карате) од Карате Клуб„Кун-Су-То“ – Охрид.За Спортист странец кој настапува во екипа од Охрид, признание му беше доделено на Рудолф Звонимир Шафранко (ракомет) од Градски Ракометен Клуб „Охрид“.За најдобар спортист од Охрид кој настапува во клуб надвор од територијата на Општина Охрид беше награден Мартин Ѓоргиевски (фудбал) од Фудбалски Клуб „Брера“ – Струмица.За најдобра спортистка од Охрид која настапува во клуб надвор од територијата на Општина Охрид, беше прогласена Теодора Колческа (пливање) од Пливачки Клуб „Младост“ – Скопје.Признание за спортист со најдобар остварен резултат во водените спортови му беше доделено на Атанасиј Фанкоски (спортски риболов).

ОО | пред 1 година

ООУ „Григор Прличев“ го одбележа својот патронен празник

Со богата свечена приредба која се одржа вчеравечер, ООУ „Григор Прличев“ го одбележа својот патронен празник.Пред бројната публика, на сцената на Центарот за култура „Григор Прличев“ беа изведени бројни музички композиции подготвени од оркестарот и хорот на училиштето. Исто така, публиката имаше можност да ги слушне првонаградните литературни творби на училишниот конкурс посветен на патронот и да ја проследи монодрамата „Јас, Деспина Каваја“.Во рамки на свечената програма беше изведен мјузиклот „Шеќерна приказна“, како и неколку танцувачки точки, на кои настапија учениците од одделенска и предметна настава, подготвени од страна на нивните наставници.На свеченоста во името на Локалната самоуправа присуствуваше Претседателот на Советот на Општина Охрид, Перчо Божиновски.

ОО | пред 1 година

Венец и визита во чест на охридскиот Хомер

По традиција во рамки на одбележувањето на годишнината од смртта на Григор Прличев беа положени лавров венец и свежо цвеќе пред спомен – бистата на Прличев во паркот пред НУ Библиотеката „Григор Прличев“. Пригодно обраќање имаше Претседателот на Друштвото на писатели на Македонија, Живко Грозданоски по што во библиотеката со богата културна програма се одржа Прличевата визита.Годинешните свечености во чест на Прличев завршуваат вечерва со свечената приредба по повод Патрониот празник на ООУ Григор Прличев што ќе се одржи во Центарот за култура. Почетокот на приредбата е закажан за 19:00 часот.

ОО | пред 1 година

Две и пол години нема правда за смртно-прегазената Теодора од Тетово: судскиот процес заплеткан, семејството се сомнева во даден поткуп

Ева Ристовска, сестра на Теодора Ристовска која пред две и пол години го загуби животот во сообраќајна несреќа, алармира дека ќе се борат за правдата, за која посочува дека им е одземена. Теодора загина на 22-години. Таа беше прегазена на улицата „Видое Смилески-Бато“ во Тетово.„Според обдукцискиот наод, мојата сестра се здобила со тешки телесни повреди, а нејзината смрт настанала како резултат на крварење во черепната празнина, што довело до нарушување на витално важен орган и фатален исход. Ова беше признато од страна на судот, а обвинетиот беше осуден на 3 години и 6 месеци затвор од Основниот суд во Тетово. Иако ниедна казна не може да ја надомести загубата на Теодора, барем сметавме дека оваа пресуда беше праведна. По првичната долга пауза помеѓу првото и второто рочиште Судот почна побрзо да ги закажува рочиштата, спротивставувајќи се на обидите на одбраната да ја одолговлекува постапката. Обвинетиот од почеток тврдеше дека не се чувствува виновен, а неговата одбрана најави вештачење за да ја докаже неговата невиност. Но, откако судот ги изведе сите докази, одбраната го повлече барањето за вештачење и се изјасни дека обвинетиот го признава делото“, вели Ристовска, сестра на загинатата Теодора.Таа додава дека од тука започнува неправдата што денес не остава без одговори.„ДАТУМИ НА СУДСКИТЕ РОЧИШТА И НЕОБЈАСНИВОТО ОДОЛГОВЛЕКУВАЊЕ НА ПРОЦЕСОТ• Прво рочиште: 07 јули 2023• Второ рочиште: 08 ноември 2023 (по 4 месеци пауза!)• Трето рочиште: 10 ноември 2023• Четврто рочиште: 27 ноември 2023• Објава на пресудата: 30 ноември 2023Судскиот процес се одвиваше со големи временски празнини, особено помеѓу првото и второто рочиште, што укажува на сериозни одолговлекувања во судската постапка“, додава Ристовска.Обвинетиот се жалел до Апелациониот суд во Гостивар, па така било побарано мислење од Вишото јавно обвинителство.„Вишото јавно обвинителство во почетокот поднесе писмен предлог до Апелациониот суд со кој бараше жалбата на обвинетиот да биде одбиена како неоснована. Но, пред самото судење во Апелациониот суд, обвинителството го смени својот став и наместо да се залага за одржување на првичната казна, предложи делумно уважување на жалбата на обвинетиот и изрекување на поблага казна.Како резултат на ова, Апелациониот суд ја намали казната од 3 години и 6 месеци на 2 години затвор, повикувајќи се на олеснителни околности“, додава сестрата на загинатата Теодора.Тие бараат одговор: „Зошто Вишото јавно обвинителство го смени својот став и наместо да бара потврда на првостепената пресуда, предложи намалување на казната? Зошто ние, како семејство, не бевме известени за судењето во Апелациониот суд? Зошто обвинителството воопшто не поднесе жалба за висината на казната, туку само обвинетиот имаше право на жалба? Дали во текот на процесот имало обид за поткуп?“.Според нив, обвинетиот не отслужил ниту еден ден од казната.„Обвинетиот до ден-денес не отслужил ниту еден ден од казната, иако несреќата се случи пред речиси три години. Тој поднесе барање за преиспитување на пресудата пред Врховниот суд на Северна Македонија, кој одлучи да ги укине пресудите на Основниот и Апелациониот суд и предметот го врати на повторно судење. За оваа одлука ние, како семејство, не бевме известени од ниту една институција – дознавме преку медиумите“, додава Ристовска.Тие бараат правда и транспарентност во процесот.„По речиси три години правна борба, а со тоа и пролонгирање и нанесување на дополнителна болка на нашето семејство, повторно сме вратени на почеток. Се прашуваме – уште колку треба да чекаме? Уште колку треба да се бориме за нешто што е очигледно? Затоа, јавно ги повикувам сите медиуми да присуствуваат на следното рочиште на 4 март 2025 година во 10:00 часот во Основен суд Тетово за да ни помогнат да се избориме со неправдата“, вели Ристовска.Таа испрати и имиња на сите судии и обвинители кои биле вклучени во судскиот процес:Основен суд Тетово
Судија Верка КостоскаОбвинител Ханифе АметиАплеационен суд
Советод судии Шефајет Хајдари – претседател, Даут Рустеми и Емине МуратиВиш Јавен Обвинител – Вјолца ЕлмазиВрховен судЦветанка ПериќЏемали Саити,Африм Фидани,Мирјана Лазарова ТрајковскаНа крајот посочува:„Само со јавен притисок можеме да смениме нешто во оваа неправедна Македонија“.

Македонија | пред 1 година

Свеченост во спомен куќата на Прличев

По традиција во рамки на „Прличевите беседи“ и годинава се одржа свеченост во родната куќа на Прличев, којашто пред 20 години беше реновирана и повторно отворена за посетителите. На настанот беа претставени и наградени најдобрите творби по распишаниот литературен конкурс на ООУ „Григор Прличев“ од ученичките Катја Крстаноска и Нина Кузманоска.Пред присутните се обрати градоначалникот, Кирил Пецаков:– Со поглед кон иднината поносни на минатото и културните епохи во кои го втемеливме културниот идентитет денес ги продолжуваме чествувањата за еден од најмаркантните ликови во Македонската книжевност и литератиура, просветител, преродбеник, книжевник и литератутрен деец, Григор Прличев. Горди и поносни на Вториот Хомер, на охриѓанецот Григор кој со поемата „Сердарот“ во некогашна Атина не вознесе до небесите и го стави нашиот културен жиг, денес сме тука во неговата родна куќа за да се радуваме на неговите современици, млади поетски таленти во кои живее современиот Прличев. Младите поетси Нина Кузманоска и Катја Крстаноска кои се првонаградени во двете категории по распишаниот литературен Конкурс на ООУ „Григор Прличев“, а по повод патрониот празник, се потврда дека се Прличеви деца и негови следбеници. На двете девојченца им посакувам успешна иднина со надеж дека нивните вредни раце ќе создадат дела налик слични и вредни на „Сердарот“ и „Скендербег“. И да јас верувам дека ќе го сторат тоа и тие и младите поети на кои ќе им се воахитуваме на наредните наши средби затоа што тие и сите ние во себе ги носиме гените на големиот Григор Прлилчев, на скромниот човек кој пред 165 години со грандиозната поема „Сердарот“ ги замолкна злите јазици на сите намерници кои во стара Грција го негираа постоењето на Македонија и се што е Македонско. Григор сам по себе е едно време, една културна епоха, затоа што докажа дека духовното, а не материјалното е вистинското богатство, дека темнината не може да се изгони со темнина, туку само со светлина, како што омразата не може да се отстрани со омраза, туку само со љубов. Денес 165 години по неговото упокојување жив е духот на пожартвуваната прличева мајка која скромно и чесно го изгледала својот син, а неговиот дедо на четири годишна возрас го научил да пишува и чита зошто „Умот кој еднаш бил просветлен, не може повторно да стане мрачен“. Ете уште тогаш во старо време нашиот духовен водач Прличев знаел дека слбоден е само оној што е образован зошто „Сѐ што ќе научите станува ваше богатство, богатство што не може да ви биде одземено, без разлика дали ќе учите во зградата наречена училиште или ќе учите од животниот учител. Учењето нови работи е безвременско задоволство и бесценето богатство.“ 195 години по раѓањето на Прличев тука во неговиот дом јавно се заветуваме дека нема да скршниме од неговиот пат. Ако тој, скромниот охриѓанец со острината на своето перо и големината на напишаната реч, ги наведна главите на „пците гладни“ на богатите, а празни глави, тогаш и ние можеме да направиме скромни, а големи дела. Никогаш да не дозволиме или допуштиме некој да го коментира нашиот свет македонски јазик, нашето писмо и реч затоа што тие се втемелени во нашиот генетски код и се основа на македонскиот идентитет. За овие свети работи не смее да се зборува или преговара, тие се нашето постоење од времто на Климента, Миладиновци, Прличев, Шапкарев, Рацин и многу други културни дејци. Тие се нашата СВЕТОСТ- потенцира Пецаков.На средбата беше промовиран најновиот труд„Охридските писатели во книжевната критика“ од проф.д-р Димитар Пандев и Славе Ѓорѓо -Димоски. Промотор беше Бранко Цветкоски, а уредник на книгата е Митре Велјаноски.

ОО | пред 1 година

Цвеќе во чест на Прличев

Во рамки на чествувањата посветени на Григор Прличев утрово беше положено цвеќе пред неговата спомен биста во дворот на ООУ „Григор Прличев“ по што се одржа Панихида на неговиот гроб во близина на црквата Св. Богородица – Перивлепта.

ОО | пред 1 година

Соопштение до туристичките водичи и туристичките придружници на територијата на општина Охрид

Според член 3 став 2 од Законот за туристичка дејност на Република С. Македонија сите физички лица кои вршат туристичка дејност, а во случајов, туристички водичи и туристички придружници, имаат законска обврска да се регистрираат во регистарот кој го води градоначалникот на општината во која се водат според адреса на живеење.Општина Охрид ги повикува сите погоре споменати даватели на туристички услуги (туристички водич и туристички придружник), да се регистрираат доколку не го сториле тоа претходно и да ја ажурираат својата регистрација доколку во меѓувреме ги обновиле своите легитимации или имаат промени од предходната регистрација.Рокот за регистрирање и ажурирање ќе биде до 15.03.2025 година.Вашата регистрација или ажурирање можете да ги извршите секој работен ден во Сектор за ТЛЕР одделение за Туризам при општина Охрид.

ОО | пред 1 година

Охрид празнува во чест на Прличев

Со свеченост псветена на лауреатот на наградата „Григор Прличев“ денеска во центарот за култура започна традиционалната манифестација „Прличеви беседи“.Андреј Ал Асади со поемата „Никогаш пред ил потем“ објавена под шифра „Хидаспес“ е добитник на високото признание Повелба за 2024 година.На свеченоста во име на градоначалникот Кирил Пецаков се обрати Заменик градоначалникот на Охрид, Ана Крстеска:– Исклучително горди и поносни како Прличеви поколенија по кој знае кој пат се собравме да ја одбележиме годишнината од смртта на најголемиот македонски книжевник и преродбеник кој со величенствените „Сердарот“ и „Скендербег“ стана народен трибун за национална самосвест и културно самоидентификување. Сам по себе охриѓанецот Григор беше едно „големо време“ во кое се постави максимата дека „само со просветение се добива спасение“.Со своите величествени поетски творби оваа најмаркантна фигура во македонската книжевност и литература не направи толку големи во светски рамки што и најубавиот израз или збор станаа сувишни и мали за неговиот величествен лик.Оваа средба посветена на големиот Григор Прличев кој за поемата „Сердарот“ во стара Атина пред очите на светската јавност беше окитен со Ловоров венец е само можност јавно да ветиме дека продолжуваме по патот што тој ни го осветли жестоко спротиставувајќи се на сите оние кои во тие бурни времиња сакаа да и наштетат на Македонија. Следбениците и современиците на Прличев велат дека тој е најгоростасна преродбеничка фигура, со дело кое се рангира на врвот на светската литература. Нашата култура ќе беше посиромашна без „Сердарот“ и „Скендербег“, но и без досегашните и идните поеми на учесниците на конкурсот за најдобра поема „Григор Прличев“Дипломираниот економист младиот, а сериозен по поетска реч Андреј Ал-Асади, е добитник на Повелбата за најдобра поема за 2024 година. Комисијата за доделување на наградата “Григор Прличев” едногласно одлучи да ја прогласи неговата поема “Никогаш пред ил’ потем” под шифра “Хидаспес”, за најдобра.На годинешниот лауреат на наградата „Григор Прличев“ му го честитам ова високо признание и му посакам многу творечка енергија и нови книжевни рожби.Ал-Асади е добитник и на многу други меѓународни награди и признанија за напишаната поетска реч, а негови песни се преведени на англиски, арапски, српски, хрватски, босански, грчки и на италијански јазик. Наградата е достоинствен и високовреднуван дел од современата македонска книжевност.Прифаќајќи го сето она што Прличев ни го оставил како свет завет денес ја продолжуваме неговата мисија докажувајќи дека со знаење невозможното станува возможно, а недостапното достапно. Секое време носи нов Прличев и нова поема со суштински пораки за современиот Свет. На таков начин сите ние докажуваме дека чекориме по Прличевите стапки создавајќи посреќна сегашност и иднина за Охрид и Македонија кои се негови „….и љубов и судба и болка и очај и неопходност и тага и лулка и гроб…..“Оваа средба е можност гласно да ветиме дека ќе ја продолжиме Прличевата традиција и секој на свој начин ќе придонесуваме за подобра иднина на својот народ и на Македонија, подвлече Крстеска.На настанот се обрати и претставник од центарот за култура, а беше претставена и артистички изведена и поемата по што следеше и обраќање на лауреатот Ал-Асади.Свеченостите за Прличевите беседи се во организација на Општина Охрид, Националните установи, Центар за култура и Библиотека „Григор Прличев“, Охридскиот Завод и музеј и Друштво на писатели на Македонија.Претходно во Центарот за култура беше отворена изложбата на ликовни дела во сопственост на институцијата, а настапи и нивниот хор.Чествувањата посветени на Прличев продолжуваат утре.

ОО | пред 1 година

Известување за изменет возен ред

Поради градежните активности кои се изведуваат на локалниот пат од село Долно Лакочереј кон село Горно Лакочереј, ги известуваме граѓаните дека општинскиот линиски превоз на патници на линијата Охрид – Горно Лакочереј – Охрид од ден 05.02.2025 година (среда) ќе се одржува со изменет возен ред.Во периодот од 08:00 – 16:00 часот, автобусите нема да сообраќаат до Горно Лакочереј и истите ќе сообраќаат само до училиштето во Долно Лакочереј. Во останатиот период од денот автобусите на наведената релација ќе сообраќаат согласно постојниот возен ред.

ОО | пред 1 година

Зеленски утре ќе се сретне со британскиот премиер

Британскиот премиер Кир Стармер и украинскиот претседател Володимир Зеленски ќе се сретнат попладнево во Даунинг стрит, потврди портпаролот на британската влада.Стармер утре ќе биде домаќин на европските лидери на состанокот во Лондон, каде што ќе разговараат за планирањето на идниот мировен договор за Украина и неговото спроведување.Премиерот Стармер смета дека таков договор ќе мора да ги вклучи и САД.Сепак, надежите за единство меѓу Европа и САД за иднината на Украина се разнишани по силниот судир меѓу Доналд Трамп и Володимир Зеленски во Белата куќа.

Свет | пред 1 година

Преглед на неделни активности на ,,Паркови и зеленило"

Преглед на неделни активности на „Паркови и зеленило“.Чистење на обраснато зеленило и косење кај пешачка патека до Горица и патот кој води од патеката до населба РачаЧистење на дива вегетација кај поранешната касарнаТековно одржување на градското зеленило во градски парк, ул. „Булевар Туристичка“ и парковските содржини кај сообраќајната клучка-Петља, чистење на дрворед на ул. „Македонски Просветители" и ул. „Булевар Туристичка“Генерално чистење на тротоарите од ниска вегетација на ул.,,Никола Карев"

ОО | пред 1 година

Расчистување на диви депонии во Трпејца

По иницијатива на Ј.П. „Охридски Комуналец" заедничка акција со Национален Парк Галичица и волонтери за расчистување на диви депонии во Трпејца.Во координирана заедничка акција со Н.П.Галичица и волонтери - месно население и членови од Здружението на љубители и подржувачи на Н.П. Галичица, денес се расчистија мапираните диви депонии на три локации во с.ТрпејцаСо вонреден ангажман на сите учесници во оваа акција беа подигнати 22 м3 отпад, каде најзастапен беше кабаст отпадСе надеваме дека на овој начин ќе влијаеме во подигнувањето на јавната еко-култура за зачувување на природно богатство, а како експлицитен пример е рибарското село Трпејца кое со својата местоположба, сместено во подножјето на планината Галичица, покрај брегот на Охридското Езеро, никого не остава рамнодушен.

ОО | пред 1 година

Зеленски: Украина е подготвена да потпише договор за минерали, но со американски гаранции

Украинскиот претседател Володимир Зеленски изјави дека Украина е „подготвена да потпише договор за минерали“, но сепак инсистира на американските безбедносни гаранции.„Примирјето без безбедносни гаранции е опасно за Украина“, рече тој.Зеленски истакна дека американскиот претседател Доналд Трамп сака да стави крај на војната, но додаде: „Никој не сака мир повеќе од нас“.„Примирјето со Путин не би функционирало. Тој го прекршил примирјето 25 пати во последните десет години. Единственото вистинско решение е вистински мир“, рече Зеленски.Украинскиот претседател истакна дека не може да го промени ставот на неговата земја кон Русија.„Русите не убиваат. Русија е непријател, а тоа е реалноста со која се соочуваме. Украина сака мир, но тој мора да биде праведен и траен. За да го постигнеме ова, мора да бидеме силни на преговарачката маса“, заклучи тој.

Свет | пред 1 година

Ќе се доделуваат садови за отпад од пластика и хартија за домаќинства од улиците ,,Крали Марко" и ,,8-ми Март"

Нови улици на кои ќе се доделуваат канти за селектирање отпад со што се продолжува реализацијата на проектот за селектирање на отпадот, со проширување на опфатот на покриеност на услугата. Кантите се донацијата на Министерството за животна средина и просторно планирање и тоа жолти садови за депонирање отпад од пластика и сини садови за депонирање отпад од хартија.Ј.П.„Охридски Комуналец” во соработка со Општина Охрид ќе започне со доделување на садови за отпад од пластика и хартија за домаќинства од улиците ,,Крали Марко" и ,,8-ми Март" во периодот 19.02.2025 год. (среда) - 22.02.2025 год.(сабота) од 10.00 часот до 12.00 часотНАПОМЕНА: Доколку при доделувањето на садовите за отпад од пластика и хартија, корисниците од горенаведените улици не се затекнат во своите домови, должни се до крај на месец февруари 2025 год. да ги подигнат од Р.Е.Механизација ул.,,АСНОМ” бб (работни денови 08:00 часот -13:00 часот и да донесат лична карта и сметка од Ј.П.„Охридски Комуналец” )

ОО | пред 1 година

Активности на Паркови и зеленило Охрид

Од активностите на Паркови и зеленило:Отстранување на ниска вегетација од тротоарите по ул. „Сирма Војвода" и „Никола Карев", плевење во градски парк, чистење и плевење на дрворед на улиците „Булевар Туристичка", „Димитар Влахов" и „Македонски Просветители".На повеќе локации во градот, по претходно добиени решенија од Општина Охрид, се отстранија дрвја и гранки кај кои не постоеше можност за санирање заради надмината физиолошка и биолошка возраст, потоа заради физички оштетувања и заболени дрва

ОО | пред 1 година

Охридски комуналец: Мапирани 5 диви депонии, подигнати 22 м3 кабаст и зелен отпад и градежен шут

Мапирани 5 (пет) диви депонии на следните локации: ул.,,Гоце Делчев", населби Воска и Даљан и локалитет Лабино.„Подигнати се 22 м3 кабаст и зелен отпад и градежен шут.Повторно упатуваме апел да не се деградираат јавните површини од страна на поединци, зошто овие слики се секојдневие за сите останати граѓани“, велат од Охридски комуналец.

ОО | пред 1 година

Известување до жителите од улиците „Будва“, „Винковачка“, „Прилепска“ и „Железничка“ во Охрид

Ј.П.„Охридски Комуналец” ги известува жителите од улиците: „Будва“, „Винковачка“, „Прилепска“ и „Железничка“ дека во деновите 12.02.2025 год (среда) и 15.02.2025 год.(сабота) ќе врши доделување на садови за отпад од пластика и хартија, за корисниците кои до овој момент не ги подигнале садовите.Ј.П.„Охридски Комуналец” во месец декември 2024 год. започна со дистрибуција на 120 литарски садови за депонирање на селектиран отпад и тоа 600 садови (жолти) за депонирање отпад од пластика и 600 садови (сини) за депонирање отпад од хартија за домаќинства од улиците: ,,Будва”, ,,Винковачка”, ,,Прилепска” и ул.,,Железничка”НАПОМЕНА: Доколку при доделувањето на садовите за отпад од пластика и хартија, корисниците од горенаведените улици не се затекнат во своите домови, должни се да ги подигнат од Р.Е.Механизација ул.,,АСНОМ” бб (работни денови 08:00 часот -13:00 часот и да донесат лична карта и сметка од Ј.П.„Охридски Комуналец”)

ОО | пред 1 година

Ј. П. Охридски Комуналец вклучен во чествувањата на Григор Прличев

Ј. П. Охридски Комуналец вклучен во чествувањата на Григор Прличев.„И нашето претпријатие активно се вклучува во чествувањето на ликот и делото на Григор Прличев со цел достојно да му одадеме почит на нашиот ловороносец.Согласно богатата програма каде на повеќе локации ќе се одбележат бројни настани и активности, нашите екипи на терен со активности за одржување на јавната хигиена“.

ОО | пред 1 година

Зеленски: И покрај тешкиот дијалог, ние остануваме стратешки партнери со Америка

Украинскиот претседател Володимир Зеленски рече дека помошта на САД е „витално важна“ за опстанокот на Украина и дека сака јавно да го признае тоа.„И покрај тешкиот дијалог, ние остануваме стратешки партнери. Но мораме да бидеме искрени и директни еден со друг за вистински да ги разбереме нашите заеднички цели“, напиша Зеленски во објавата на X.Тој додаде дека Украина е многу благодарна на САД за сета нивна поддршка, особено за време на трите години од целосната руска инвазија, и изрази благодарност до претседателот Доналд Трамп.„Сакам САД да застанат уште поцврсто на наша страна“, рече Зеленски.

Свет | пред 1 година

(Обновено) Автобус на ЈСП удрил пешак: има тешки повреди

Полицијата извести дека автобус на ЈСП удрил пешак во Скопје, кој што завршил со тешки повреди.„На 28.02.2025 во 10.10 часот во СВР Скопје било пријавено дека на крстосницата од бул.„Крсте Мисирков“ и ул.„Петре Ѓорѓиев“ во Скопје автобус на ЈСП, управуван од Б.А.(50), удрил во пешакот Н.С.(70), двајцата од Скопје. Во несреќата со тешки телесни повреди се здобил пешакот, констатирани во Градската општа болница „Св.Наум Охридски“. Извршен бил увид од увидна екипа од СВР Скопје“, велат од МВР.Од ЈСП на „Фејсбук“ велат дека пешакот се удрил во автобусот.„Пешакот поминал после неколку метра од пешачкиот премин и гледајќи во телефон се удрил странично во возилото додека стоел автобусот во лентата за постојки за автобуси. Можете да се обратите во МВР и да добиете информации од направениот записник од извршниот увид од увидна екипа од СВР Скопје за точните информации, а не во случајов да се шират дезинформации“, велат од ЈСП.Информацијата дека биле удрени двајца пешаци, е превид од наша страна. Станува збор за едно лице кое настрадало.

Скопје | пред 1 година