Половина од прекршувањата на кодексот на новинари се за неточно информирање, велат од СЕММ

До Советот за етика во медиумите на Македонија (СЕММ) во текот на 2025 година беа поднесени 244 жалби за медиумски содржини, што е рекорден број претставки за една година.Од нив, 96 се разгледани од Комисијата за жалби и се донесени 47 одлуки (за членови на СЕММ) и 43 мислења (за медиуми што не се членови на СЕММ).„За 145 претставки е оценето дека немаат основа за разледување поради поминат рок, непознат жалител или, пак, се однесуваат на странски медиуми за што Комисијата за жалби при СЕММ нема надлежност. Најголем број од жалбите без основа за разгледување (преку 130) се однесуваа за медиумското известување за трагедијата во Кочани, главно за странски портали и телевизии. Сите стигнаа во интервал од само неколку часа, на 21 март 2025 година, што претставува уникатен случај во досегашната работа на медиумското саморегулаторно тело“, соопшти СЕММ.Од разгледаните претставки, прекршување на Кодексот на новинари е утврдено во 58 жалби, додека во 32 жалби е утврдено дека нема прекршувања на професионалните и етички новинарски стандарди. Шест жалби се решени по пат на медијација или со т.н „пријателско решение“ меѓу жалителот и медиумот.Најчестите подносители на жалби, со основа за да бидат разгледани, (36), се во групата „политичари, носители на јавни функции и јавни институции“. 25 жалби се поднесени од граѓани, 22 – од организации и здруженија од граѓанскиот сектор, 6 – од медиуми или новинари, 6 – од политички партии, додека жалители од други категории имаат поднесено уште 4 жалби.И во 2025, како и во претходните години, жалителите главно се поплакуваа на содржини објавени на интернет порталите – дури 78 од разгледаните 96 жалби. На печатените изданија и нивното веб-издание се однесуваат 11 жалби, на веб-страниците на телевизиите – 6 жалби и една жалба е за телевизиска содржина.Најчесто прекршувано правило од Кодексот на новинари на Македонија и во 2025 година според статистиката на СЕММ е Членот 1 кој од новинарот бара да објавува точни и проверени информации, со застапеност на втората страна. Потоа, според честотата на прекршување следува Членот 3 – кој вели дека „новинарот ќе настојува да објави исправка, демант или одговор кога ќе биде утврдена неточност на информацијата“. На третото место според бројот на прекршувања е Членот 10 од Кодексот – кој од новинарот бара да не создава ниту преарботува говор на омраза или дискриминација по која било основа.„Прегледот на статистичките бројки и трендови укажува на тоа дека расте довербата во медиумската саморегулација, односно дека се повеќе индивидуалци и организации ја користат алатката за поднесување жалба – како сопствен придонес за поквалитетни медиумски содржини и одговорно новинарство“, велат од Советот.

Македонија | пред 2 месеци

(Видео) Независни за Карпош бараат мерки: Кучињата од Кичево и Албанија да се вратат назад под итно!

Независни за Карпош бараат итно да се преземат конкретни чекори во решавање на проблемот со бездомните кучиња и глутниците кои се формираат во Карпош, а кој, како што велат, ескалира од ден за ден.„Бараме ИТНО формирање на кризен штаб во општина Карпош, сочинет од вработени во општината, претставници од Град Скопје и по можност од другите општини во градот, лица од МВР, АХВ, Лајка и по потреба ветеринари кои работат на територија на општината.Кучињата кои се идентификувани од други општини (како пример Кичево) или држави (Албанија), да се вратат назад под итно и да се идентификуваат чинителите со помош на МВР и камерите на сејф сити и соодветно санкционираат.Да се проверат камерите за веќе пријавените денови и локации кога е јавено дека е истоварена група бездомни кучиња во Карпош и да се даде извештај што е направено по ова.Постојани патроли да има на сите влезови / излези од општина Карпош кои ќе проверуваат возила во кои може да се транспортира група на кучиња и да ги проверуваат.Измена на закони, подзаконски акти, ако е потребно за да се реши овој проблем, кој е врзан со другите општини на ниво на цела држава.Карпош не може да се справи со нови и нови глутници на бездомни кучиња на своја територија.Лајка не може да постигне со заловување на истите, потребна е помош, а и нивниот дел е да ги вратат назад каде ги нашле, што не го решава проблемот воопшто.Бројот на бездомните кучиња само во делот околу Сити Мол и кејот е над 30тина, според сведоштва на жители и постојано расте.Во последниот месец имаше неколку напади на луѓе, покрај Сити Мол и на кеј, а прашање на време е кога ќе се случат нови, како што е и вчерашното давење мачки на улица Невеска во Карпош 4.Родителите со право се загрижени за своите деца, после чести напади од глутници на кучиња. Општината не смее да дозволи граѓаните да живеат во страв и/или да преземат мерки на своја рака, кои би го загрозиле животот на животните и луѓето, а што е реално многу веројатно со оправданата паника која расте меѓу жителите.Општина Карпош, како општина со голем број пријавени напади, е должна да преземе ИТНИ и КОНКРЕТНИ активности за да го реши овој проблем. Неприфатливо е постапување како до сега.Барањето е испратено до градоначалникот и очекуваме овојпат навистина брза и координирана реакција“, стои во објавата.

Скопје | пред 2 месеци

Наместо прометот да го стави во сеф, си го земал за себе: Менаџер од Чаир присвоил речиси 2,8 милиони денари

Основното јавно обвинителство Скопје поведе постапка против едно лице за продолжено кривично дело – Затајување согласно член 239 став 5 во врска со став 3 и став 1 од Кривичниот законик.Осомничениот 35-годишник ја злоупотребил својата службена положба – менаџер на продавница во трговски центар во Чаир, како и дадената доверба и пристапот до касите и сефот, па во периодот од 18.12.2025 година до 04.02.2026 година, во повеќе наврати одземал парични средства што му биле доверени. Парите од дневниот промет не ги депонирал во сеф ниту ги предавал на овластено лице за собирање и транспорт на прометот. На овој начин осомничениот незаконски присвоил 2.783.867 денари и ја оштетил компанијата во која работел.Бидејќи откако бил откриен тој веднаш бил отстранет од работното место, јавниот обвинител предложи и дополнителни мерки на претпазливост во текот на постапката – забрана за напуштање на живеалиште, обврска да се јавува во судот и привремено одземање на пасошот.Притоа, обвинителството го имаше предвид ризикот од бегство како и фактот дека осомничениот се уште ги крие и не ги враќа противправно одземените пари на правното лице.

Македонија | пред 2 месеци

За една недела „Сејф сити“ регистрираше 4.490 прекршоци, најголем дел за брзо возење

Во периодот од 09.02.2026 до 15.02.2026, системот „Безбеден град“ регистрирал вкупно 4.490 прекршоци на подрачјата на градовите и коридорите каде се поставени камери. Ова претставува намалување од 10% во споредба со првата седмица во февруари, кога беа констатирани 4.991 прекршок.Од вкупниот број, најголемиот дел – 4.297 прекршоци – се за управување со возило со брзина поголема од дозволената. Дополнително, 33 возачи минале на затворен сигнал (црвено светло), а 160 се за управување со возило со измината важност на сообраќајната дозвола.Исто така, изречени се 148 мерки „забрана за управување со возило“, што е намалување од 48,6% во однос на минатата седмица. Од нив, 33 се за минување на црвено, а 115 за брзо возење – од кои 99 за над 80 км/ч во населено место, 12 за над 10 км/ч сопствено ограничување и четири за над 170 км/ч во ненаселено место.Апелираме до сите учесници во сообраќајот да ги почитуваат правилата и прописи и заеднички да придонесеме за побезбедни патишта.

Македонија | пред 2 месеци

Клинчарова за обид за провала во центарот на Скопје: „20 минути чекав полиција, а итноста се губеше во процедури“

Новинарката Вики Клинчарова сподели сведоштво за обид за провала во нејзиниот стан во централното подрачје на Скопје, во раните утрински часови, кога нејзината ќерка била сама дома.Според нејзината објава, во 02:09 часот ќерката ѝ се јавила и со шепотење ѝ кажала дека на влезната врата се слушаат звуци и дека некој се обидува да влезе во станот. Клинчарова веднаш се јавила на бројот за итни случаи 112, давајќи точна адреса и објаснување дека станува збор за итна ситуација. Наместо итна интервенција, како што наведува, следеле низа прашања и повторувања на административни податоци – адреса, имиња, телефонски броеви и дополнителни детали.„Случка од синоќа, односно од раните утрински часови... Ќерка ми беше сама дома, а станот ни е на високо приземје, во централно подрачје во Скопје. Во 02.09 минути ми се јавува и со шепотење ми кажува дека на влезната врата се слушаат звуци и очигледно дека некој се обидува да провали внатре. Го земам другиот телефон, и ѕвонам на месенџер за да бидеме постојано на линија, во исто време ѕвонам на бројот за итни случаи 112. Се јавува операторот, му давам точна адреса, му кажувам што се случува, дека е итно и веднаш да прати полиција, ама... првин административни процедури! Не знам колку пати му ја кажав адресата, па име мое, па мој број, па име на ќерка ми, па нејзин број, па пак адреса, па од каде бил влезот, па каде поточно била зградата... При крај на трпение му се развикав веднаш да прати полиција на адресата оти е преитно, а после да ме бара и да растегаме администрација... Повикот траеше една минута и 47 секунди!Во 02.13 ми ѕвони пак, пратил полиција, па да завршиме со административни детали... Ни сама не знам веќе што и како му кажав во тие моменти на избезуменост...Во меѓувреме, тропањето продолжува, јас ги бројам секундите и чекам полицијата да ми јави дека пристигнала на местото. Ако некој се нашол во таква беспомошна ситуација, знае какво е чувството. Тропањето си трае, минутите – години...Во еден момент, куче започнува силно да лае. Упорно, страшно лаење се слуша пред влезната врата, мислиш дека ќе раскине човек. И тропањето престанува, најверојатно ,,провалникот во обид” се исплаши и побегна...Во 02.30, значи точно по 20 минути од пријава ми ѕвонат од полиција, стигнале, бараат број од ќерка ми. Дваесет минути пат, не до населба надвор од градот, туку во срцето на Скопје, кога нема сообраќаен метеж...Пет-шест полицајци, професионални, претрес во цела зграда, во подруми, околу зграда, останаа цела ноќ да патролираат, ветија патроли и во нареден период.Е сега, по овој настан, кога јас би била одлучувачки фактор во земјава, што би направила?-Прво, под итно обука на вработените во 112, оти број за итни случаи значи итност од која зависат животи, административните растегања можат да чекаат! Тој кој им правел правилници на вработените, никогаш пенкало да не земе во рака и да си бара работа според интелектуален капацитет.-Враќање на маалски полицајци во цела земја! Нема место за изговор дека нема доволно кадар, се полни сега буџет со глоби од несовесни возачи, може да си дозволи државата нови вработувања.-Белото огромно куче- херој, кое и откако дошле полицајците се уште стоело пред влезна врата некое време, ако го најдам, ќе си го земам. Каде три, таму и четири кучиња можам да чувам.-Еден закон, сите станари, без оглед дали е зграда или куќа, редовно да ги хранат маалските кучиња и да се грижат за нивна благосостојба. Таква е нивната природа, да бидат покрај луѓе, да чуваат. Нахранети кучиња кои никој не ги малтретира и задева, многу ретко се случило да нападнат. Едно парче леб да им дадете, тие знаат и памтат. Ете, и куче од улица знае кога нешто не е во ред и реагира.Што повеќе да кажам... Ми се враќа во мислите една реченица, која своевремено една естрадна менаџерка од Србија знаеше да ми ја каже: Клинчарова, код вас никад ништа нормално...“, стои во објавата.

Коментари | пред 2 месеци

Маж ја претепал сопругата со која се разведува

На 15.02.2026 во 16:00 часот во СВР Скопје, 41-годишна жена од скопско пријавила дека претходниот ден околу 21:00 часот во семејниот дом била физички нападната од нејзиниот сопруг Т.А., со кого се наоѓа во бракоразводна постапка.Според пријавата, нападот се случил по расправија во домот.По целосно документирање на случајот, против осомничениот ќе следува соодветен поднесок.

Скопје | пред 2 месеци

Филипче: Немам никаква поврзаност со било која фирма за марихуана во државата

Претседателот на СДСМ, д-р Венко Филипче, во одговор на новинарско прашање, ги отфрли обвинувањата од ВМРО-ДПМНЕ, за наводна поврзаност со фирми за марихуана. Филипче нагласи дека станува збор за координиран обид за дефокус од вистинскиот скандал со шверц на 5 тони дрога.„Тоа е апсолутно само една форма на дефокус. Јас немам никаква поврзаност со било која фирма за марихуана во државата. Повторно е тоа еден обид за дефокус и да се избегне одговорот на вистинското прашање, како пет тони марихуана 4-5 шлепери поминале преку граница и завршиле во Србија. Тоа е главното прашање. Како поминале на царинска контрола на граница? Тоа се прашањата, се друго е еден голем дефокус нешто што практично го гледаме изминатиот период цело време“, рече Филипче.Притоа Филипче нагласи дека и тој лично, како и партијата, се мета на организирана медиумска хајка и лажни обвинувања од страна на ВМРО-ДПМНЕ.„Оваа сегашна власт, ВМРО-ДПМНЕ контролира една голема мрежа на медиуми тие се во целосна координација, не само сега изминатите повеќе од 10 години. со медиумската мрежа којашто е контролирана од луѓе на унгарскиот премиер Орбан. Еве како излезе, прво Жан Митрев, некое смешно обвинување како јас сум влијаел на судски процеси, па Дубаи, па Харис Џиновиќ, па авиони, ме поистоветија со убиец на деца, па дека сум се дрогирал, што уште нема да измислат“, рече Филипче.Филипче нагласи дека ВМРО-ДПМНЕ споменувајќи ја модуларната болница во Тетово, покажува недостиг на емпатија кон семејствата на жртвите и ја користи трагедијата како дел од медиумска хајка.„Модуларната болница ја спомнуваат во Тетово. Дали мислат на оние луѓе семејства коишто ги изгубија таму членовите на семејствата? Дали на тие луѓе помислуваат? Но  не ме чуди овој систем на медиумска хајка којшто го водат поради тоа што овој систем на медиумска хајка и лажни вести, лажна кампања е воден од луѓе кои додека седат во собранието им се потсмеваат на родителите на децата што загинаа во Кочани“, рече Филипче.

Македонија | пред 2 месеци

Албански возач прегази 75-годишен пешак

На 16.02.2026 во 06:30 часот, ОВР Струга пријави фатална сообраќајна несреќа на магистралниот пат Подмоље-Струга. Товарно возило „Ман“, управувано од А.А. (52) од Република Албанија, удрило во пешакот У.Д. (75) од село Ливада, струшко, кој од здобиените повреди починал на местото на несреќата.Лекар од Итна медицинска помош Струга констатирал смрт, а увид на местото извршила екипа на ОВР Струга.Според информациите, претходно во 06:05 часот е пријавено дека У.Д. се оддалечил од домот на свој роднина во село Мислешево и дека имал здравствени проблеми.Се преземаат мерки за расветлување на настанот и утврдување на сите околности околу несреќата.

Македонија | пред 2 месеци

Жена насилно внесена во автомобил на Бит Пазар и претепана од поранешен партнер

На 15.02.2026 во 23:05 часот во СВР Скопје, 27-годишна жена пријавила дека околу 21:00 часот на подрачјето на Бит Пазар во Скопје, со употреба на физичка сила била насилно ставена во патничко возило.Според пријавата, по насилното внесување во возилото таа била физички нападната од нејзиниот поранешен партнер Е.М. (33).По целосно документирање на случајот, против осомничениот ќе следува соодветен поднесок.

Скопје | пред 2 месеци

Пробиен последниот тунел во изградбата на пругата Бељаковце- Крива Паланка, вели Ивановски

Директорот на ЈП Железници Инфраструктура, Синиша Ивановски на својот фејсбук профил објави дека е пробиен и последниот тунел од вкупно 15-те, во делот на изградбата на пругата Бељаковце- Крива Паланка.“Бележиме прогрес.Изутринава го пробивме и последниот тунел од вкупно 15те од вториот дел од градбата на пругата кон Бугарија ( Бељаковце - Крива Паланка).Пробивањето на тунелите се смета за една и од поспецифичните градежни активности. А на овој проект оваа позиција е веќе завршена.И натаму моменталниот прогрес од страна на изведувачот не е според очекувањата но можам да соопштам дека најспецифичните сегменти од проектот полека се надминуваат и очекувам месеци на посериозна оперативна активност и видлив прогрес.Коридорот 8 е од стратешко значење за Македонија и за НАТО и како таков сериозно се работи на неговата изградба и поврзување на Јадранско Море со Црно Море”- објави Ивановски,

Македонија | пред 2 месеци

Две жени од Грција краделе козметички производи во трговски центар во Аеродром

На 15.02.2026 во 19:00 часот во Скопје, полициски службеници од СВР Скопје ги лишија од слобода 46-годишната Е.П. и 26-годишната Г.Г., двете од Република Грција. Тие се сомничат дека на 14.02.2026 во периодот од 18:15 до 18:35 часот од продажно место во Трговски центар на подрачјето на општина Аердором одзеле повеќе козметички производи.По целосно документирање на случјот, против двете ќе биде поднесена соодветна пријава.

Скопје | пред 2 месеци

Вонредна состојба во Полошкиот регион: Поплави и свлечишта во Тетово и Желино

Центарот за управување со кризи информира за поплавите на територијата на државата до 13:30 часот.„Тетово и Полошки регионКако последица од обилните врнежи од дожд во северозападниот регион, подрачјата што ги покриваат РЦУК Тетово и РЦУК Гостивар бележат поголем број интервенции поради поплави и свлечишта.Во Тетово:Пријавен е паднат потпорен ѕид врз семејна куќа на улица 146. На терен се излезени Кризниот штаб на Општина Тетово, полициска екипа од ПС Тетово и општинските инспекциски служби.Евидентирано е свлечиште на патот кон Попова Шапка, на околу 150 метри од жичарата. Одронот претставува ризик за околните станбени објекти.Големо свлечиште е регистрирано на улица 195, на патниот правец од с. Џепчиште кон с. Џермо. Патот е непрооден за цело маало.Свлечиште е пријавено и на улица „Прохор Пчински“.Во село Вејце пријавено е свлечиште над куќа со веќе постоечки оштетувања од земјотресот.Во Општина Желино, реката Вардар се излеа во село Стримница, при што се поплавени пет куќи. Поради конфигурацијата на теренот, пристапот за интервенција е отежнат.Во Општина Теарце пријавени се поплавени подрумски простории во село Теарце. Известени се надлежните институции.Во Општина Јегуновце поплавен е локалниот пат од село Сиричино кон село Јегуновце. Општината испрати механизација и се очекува нормализирање на сообраќајот.Во Гостивар состојбата се стабилизира по престанокот на врнежите. Реките во селата Лакавица, Беловиште, Мало Турчане и Балиндол се повлечени во своите корита.Во село Форино, по излевањето на реката Вардар, водата е повлечена од улиците. Поплавени се околу 200 куќи. Во тек е испумпување на водата со ангажирање на служби и локално население.Кумановски регионНа подрачјето на Куманово, како и во Општина Липково и Општина Старо Нагоричане, во моментов нема опасност од излевање на реките – водостојот е намален и водата е повлечена во коритата.Од вчерашните врнежи:Во село Опае (Општина Липково) поплавено е земјоделско земјиште по излевање на Слупчанска Река.Дел од земјоделските површини се поплавени и во село Оризаре.Во село Доброшане, кај мостот кон село Шупли Камен, имало насобран отпад и локално излевање на обработливо земјиште. Во моментов нема опасност.Во населба Бедиње е однесен дрвен мост од надојдената река. Известени се надлежните служби.Кичевски регионВо Кичево врнежите престанаа и нивото на реките е намалено. Состојбата во градската болница е нормализирана. Евакуирани се 250 лица (62 семејства), на кои им се доставува храна, вода и неопходни средства.Екипите на ЈП „Комуналец“ и ТППЕ вршат испумпување на водата од подрумите на улиците: Прилепска, Пиринска, Први Мај и 29 Ноември, како и кај домовите покрај реките Треска и Зајашка. Поплавени се и земјоделски површини покрај речните корита во општината.Скопски регионВо Скопје е пријавена надојдена вода кај мостот во Јурумлери (граница меѓу општините Аеродром и Гази Баба), како и минимално излевање на реката Вардар кај село Пакошево – Ново Село, во Општина Зелениково. Засега нема други пријави“, информираат од ЦУК.

Македонија | пред 2 месеци

Со пиштол на вработена во МВР, се заканувал во кафеана во Трубарево - уапсени две лица

На 15.02.2026 во 22:20 часот на улицата „Благоја Стефковски“ во Скопје, полициски службеници од Единицата за интервентна полиција при СВР Скопје го лишиле од слобода А.С. (35) од Скопје.При преглед во возило „бмв“ со скопски регистарски ознаки, во кое се превезувал со уште едно лице, кај него бил пронајден и одземен пиштол.Според информациите, А.С. се сомничи дека истиот ден околу 22:00 часот во угостителски објект во населбата Скопско Поле, Трубарево, по претходно недоразбирање, заедно со уште едно лице физички ги нападнале И.Ј. (31) од село Марино и Б.А. (32) од населба Илинден. При нападот, А.С. му упатил закани со пиштол на И.С., при што оружјето било сопственост на А.М. (30) од село Стајковци, вработена во МВР, која била со нив.По преземени мерки, на 16.02.2026 во 02:05 часот на подрачјето на Гази Баба, полициски службеници ја лишиле од слобода и А.М.Двете лица се задржани во полициска станица и по целосно расчистување на случајот против нив ќе следува соодветна пријава.

Скопје | пред 2 месеци

Татко и син нападнале 14-годишно момче

На 14.02.2026 во 23:30 часот во СВР Скопје, Ќ.К. (39) од скопско пријавил дека истиот ден околу 20:30 часот во село во општина Сарај, по претходна расправија со друг малолетник, неговиот 14-годишен син бил физички нападнат.Според пријавата, малолетникот бил нападнат од врсникот со кој претходно се расправал, како и од неговиот татко Ф.Х., двајцата од истото село.По целосно документирање на случајот ќе следува соодветен поднесок.

Скопје | пред 2 месеци

Скопјанец прво физички, па со нож ги нападнал мајка му и сопругата

На 15.02.2026 во 22:00 часот во Скопје, полициски службеници од СВР Скопје го лишија од слобода Е.Е. (34) од Скопје, постапувајќи по претходна пријава дека околу 16:00 часот во семејниот дом физички ги нападнал неговата 58-годишна мајка и неговата 30-годишна сопруга.Според пријавата, при нападот тој употребил и остар предмет.По целосно документирање на случајот, против него ќе следува соодветен поднесок.

Скопје | пред 2 месеци

(Видео) Над 195 килограми дрога, 230.000 евра и 39.000 лекови запленети од Царинската управа во 2025

Мобилните царински тимови во текот на 2025 година оствариле 271 случај на заплени, при што во 39 случаи запленети се 5.500 штеки цигари и 27,5 килограми тутун за наргиле, во четири случаи запленети се 195,5 килограми дрога, во 14 случаи запленети се 230 илјади евра, а запленети се и над 39 илјади парчиња лекови. Воедно, постигнат е значителен напредок за заштита на правата од интелектуална сопственост, при што во 39 случаи запленети се над 112 илјади парчиња производи со потпис на познати трговски марки, велат од Царинската управа.„Извршени се над осум илјади прегледи на возила при што спречени се 28 кривични дела, како и прекршочни дела во кои утврдените избегнати давачки изнесуваат осум милиони денари.Постапувано е и по 30 барања за асистенција, при што во последен случај со помош на царинско куче од К9 единицата пронајдени се 10 килограми кокаин.Мобилните царински тимови учествуваа и во три поголеми меѓународни акции – Shield VI, Stop IV, и ARMSTRONG XI. Станува збор за меѓународни акции чија цел е спречување на нелегална трговија со фалсификувани лекови и анаболици и заштита на правата на интелектуална сопственост преку спречување нелегална трговија со фалсификувани стоки, како и спречување на обиди за тероризам“, се додава во соопштението.

Македонија | пред 2 месеци

ВРЕДИ до ДУИ: Првото нешто што треба да го направи овој „СПАК“ е да побара екстрадиција на Артан Груби

ДУИ во Чаир помпезно го најавува формирањето на „локален СПАК“ (Албанско специјалното обвинителство против организиран криминал и корупција), како да ја „откриле Америка“. Но, прашањето што веднаш се поставува е дали овој СПАК ќе го истражи и сопственото раководство или е само уште еден театар за измама на граѓаните, се вели во денешното соопштение на коалицијата Вреди.Според коалицијата Вреди, корупцијата има познати лица како што се Фатон Ахмети, поради сомневања за злоупотреба на средства во Фондот за здравствдно осигурување (ФЗО), Арбер Адеми, како министер за образование со отворени случаи за злоупотреба, Бујар Османи, за случајот „Пациент“ и „многу други кои денес седат во раководството на ДУИ како недопирливи“, се наведува во соопштението на Вреди.Вреди, се потенцира во соопштението, го поздравува овој „СПАК“ на ДУИ и сугерира дека, ако е навистина за акција, а не за спектакл, треба да ги започне истрагите токму со овие имиња.„Првото нешто што треба да го направи е да воспостави комуникација со СПАК на Албанија и да побара екстрадиција на Артан Груби, симбол на ароганција и злоупотреба на моќ. Ако овој ‘СПАК’ е сериозен, нека се обиде да ги истражи сопствените недопирливи. Само тогаш граѓаните ќе веруваат дека транспарентноста не е фасада, туку реалност. Дотогаш, ова останува потсмев, „”СПАК за фејсбук’, а не за правда“, велат од коалицијата Вреди.

Македонија | пред 2 месеци

Филипче: Законот за високо образование е катастрофално лош, бараме да се повлече

Темата на денешната прес-конференција е Законот за високо образование, кој што од страна на партиската комисија беше детално анализиран и сакам да ги изнесам во јавноста нашите согледувања. Тука се вклопени секако и се забелешките согласно увидот на голем број универзитетски професори надвор од нашата партиска структура и може да кажам дека буквално сите без исклучок ги имаат овие забелешки кои што денеска ќе ги презентирам, вели лидерот на СДСМ, Венко Филипче.„Имено сметаме дека предложените измени на Законот за високо образование се катастрофално лоши и наместо унапредување на квалитетот тие воведуваат владина контрола врз универзитетите, образовен една форма тоталитаризам, создаваат дискриминација кај младите ја рушат автономијата на универзитетите и отвораат врата за партизација и креираат системски и социјални неправди. Со една реченица класична вмровска работа на партизација и контрола на секој еден од секторите во државата. Прашање е дали ваква форма на закон може да се поправи со амандманска расправа и затоа дозволите ми е една по една да ги образложам овие забелешки. Прво во однос на владината контрола на универзитетите и рушење на автономијата. Со овие предложени измени брутално се централизира моќта кај министерот односно кај владата и со тоа се нарушува автономијата на универзитетите. Преку членовите од 198, 199 201 министерот станува најмоќна фигура во високото образование, со можност да укинува одлуки на универзитетски органи. Наместо координатор, министерот станува наредбодавец и една форма на апсолутен владетел. Членот 13 наместо да ја штити институционалната независност отвара механизам за директна контрола од извршната власт. Ова е спротивно на европските стандарди и принципите на институционална автономија. Универзитетите не смеат да бидат продолжена рака на владата. Второ дискриминација на младите и партизација на кадарот. Тоа што законот го нуди на некој начин е гробница за младите асистенти,додека внимавајте создава привилегии за веќе пензионирани професори. Член 175 практично создава неправичен систем кој ги деградира младите кадри, а им овозможува продолжено влијание на веќе пензионирани професори. Додека младите наставници и асистенти се соочуваат со рестрикции, автоматски исклучување и несигурност, пензионирани професори добиваат право да предаваат и да користат институционални ресурси. И ова создава сериозен генерациски дисбаланс, го блокира природниот процес на академска обнова и практично го поттикнува одливот на млади кадри од државата. Наместо систем што ги охрабрува младите добиваме закон што нив ги оттурнува. Со една реченица ќе се протеруваат од државава најдобрите умови.Понатаму трето, практично се нуди закон во којшто науката станува луксуз само за богатите. Зошто? Поради тоа што се наметнуваат строги критериуми за публикации со инпакт фактор, без државата да обезбеди стабилно финансирање на науката, фондови за објавување, истражувачка инфраструктура и институционална поддршка притоа квалитетот се сведува само на бројки. Се поистоветуваат хуманистичките и биолошките науки. Додека хуманистичките науки се занимаваат со системот во државата и тука се прават истражувањата во нашите околности во нашите системи, истражувајќи ги тие работи ние немаме доволен број на национални списанија којшто нудат голем импакт индекс. И тука е несоодветно тоа поистоветување со биолошките науки. Понатаму член 123, 161, практично тоа се часописи со инпакт фактор во кој што објавувањето чини над 2.000 евра. Наместо да се понуди систем во кој што државата ќе инвестира во механизми и инструменти кои што на научно истражувачките работници, наставници на факултетите, младите кадри ќе им овозможи зголемен квалитет на истражување, наеднаш се наметнуваат критериуми коишто е невозможно во овој систем да се имплементираат. И тоа е практично дискриминирачки и социјално неправедно. Понатаму скандалозно би кажал се воведува сопственичка дискриминација и монопол на јавните универзитети над приватните што е спротивно и на Уставот и на европската практика. Член 132 став 10, се забранува приватните универзитети образуваат кадри во клучни области медицина, право, архитектура иако овие факултети со децении наназад некои нив имаат валидни акредитации добиени од државата. Станува збор за факултети кои што вработуваат професори, друг наставен научен кадар, кои што едуцираат студенти. Во овој момент има на раководни функции во државата луѓе кои што имаат дипломи од тие универзитети. Се поставува прашањето зошто се сака така брутално на тие универзитети односно факултети дај ми се одземат акредитациите и да се затворот. Зошто не е јавен интерес приватен факултет и зошто се поистоветува интересот со сопственоста. Јавен интерес е да се има факултет, а нема врска дали сопственоста притоа е приватна или државна. Битно е да е јавен интересот. Понатаму  дополнително студентите се лишуваат од дополнителен избор. Следно, сметам дека практично има една форма на академски терор престанок на звање и губење на работа по автоматизам. Се воведува казнено дисциплинарен модел каде професорите живеат практично во постојан страв од губење на работата. Член 164 предвидува по внимавајте, автоматизам, доколку не се исполнат дел од условите за реизбор, наставникот го губи звањето и работниот однос по сила на закон без заштитни и механизми од законот за работни односи. И ова е една форма академска гилотина, што сѐ сака да се направи, да се наметне страв, кадар кој ќе молчи и кој ќе биде послушан. Следно удар врз интердисциплинарноста и доживотното учење. Членовите 116-122-123 се ограничува упис на магистерски, докторски студии само на исто или сродно подрачје според статистички кодови, со што се убива можноста за промена на кариерата. И додека светот се спојува се формираат нови струки, тие еволуираат оваа власт ги сече врските помеѓу науките и со тоа се губи можноста луѓето да се доквалификуваат. Следно докторските студии стануваат привилегија. Барањата за докторски студии се поставени без реална проценка на времето и на трошоците. Докторатот практично останува скап премногу и недостапен и тоа ќе доведе до една неминовност младите повторно да заминуваат да ги прават тие научно истражувачки активности и истражување во странство. Член 124 став 1 се поставуваат апсурдни кумулативни услови, 50 меѓународни проекти, 500 научни публикации за 5 години, кои ги исполнуваат само неколку универзитети. И ова не е за квалитет туку за вештачко стеснување на кругот на оние кои смеат да произведуваат знаење принудувајќи ги младите да одат во странство. Последна точка којашто сметам дека треба да се спомене е една форма на дискриминација. Вонредните студии да се забранат е практично социјално неправедна и родово дискриминаторска пракса, затоа што се ограничува пристапот со оваа забрана до образование на вработени лица, возрасни студенти, лица со семејни обврски. Сметам дека ова ќе има сериозен ефект во родовиот контекст, бидејќи непропорционално и погодува и жените во образовниот сектор. Член 27 став 6 забрана на вонредни студии за наставнички професии директно се погодуваат жените кои треба да ги усогласат семејните обврски со професионалниот развој. Затоа во име на Социјалдемократскиот сојуз на Македонија, во мое лично име, во име на огромен број на професори кои што интервенираа, кои што не контактираа во изминатиот период, верувам во име на буквално сите приватни универзитети а гледаме дека веќе и поединечно имаат реакции, прво апелирам овој закон вака да не се поднесува со Собрание. Доколку се поднесе и доколку оваа власт опстои така како што тоа го прави во секој еден сектор и тврдоглаво влезе во брутална партизација, елиминација на автономијата на универзитетите, кратење на можностите на младите, промовирање на некои нивни стари пензионирани веќе професори за дополнителна партиска контрола, немање ефикасни и ефективни предлог механизми како да се развие системот, да може да се развива научни истражувачката работа па тогаш да стигнеме после 5-10 или 15 години да може да се продуцираат такви трудови, тогаш ако се поднесува во оваа форма во Собранието ќе иницираме јавна расправа за да може целокупната стручна јавност да земе збор, да се слушне нивниот глас за да овој закон никако не помине во оваа форма туку да се модифицира“, вели Филипче.

Македонија | пред 2 месеци

Манасиевски: Трагедијата во модуларната болница во Тетово, можела да биде спречена ако Филипче бил чесен

Трагедијата во модуларната болница во Тетово, во која згаснаа 14 животи, можела да биде спречена ако Филипче бил чесен и доколку не го интересирале провизии, анекси и тендери, вели Валентин Манасиевски, член на ЦК на ВМРО-ДПМНЕ„Трагедијата би била спречена доколку Филипче имал подготвено елаборат за електрична енергија, но и доколку техничката спецификација била како што треба, а истата ја прави одговорното лице назначено токму од Венко Филипче, по негова насока, каде што подоцна се констатира, дека не е во согласност со ниту еден стандард за изградба на објекти од областа на здравството. Не се почитувале Законот за градење и Законот за здравствена дејност. Дополнително, не се почитувале ниту минималните технички стандарди за заштита од пожари и експлозии.Филипче и Заев си го сменија и Законот за градење за модуларните болници да ги стават во категоријата урбана опрема и на овој начин да ги заобиколат контролите. Згора на се биле потрошени 300.000 евра од вкупно 30 милиони. Или, 1% од 100%. Каде отишле останатите 99% од парите нема одговор.Да потсетиме, за оваа трагедија осудени беа периферни ликови, а Филипче кој е единствениот потписник на модуларните болници не е повикан ниту на информативен разговор од надлежните органи.Истовремено, во време на Филипче сведочевме на обиди за набавки на вакцини од фирма која продава манго и ананас, сведочевме на давање физиолошки раствори наместо хемотерапија на Онкологија. Сведочевме и на милионски тендери во здравството, за кои до денес нема јасни одговори, кој профитирал и каде завршиле парите на граѓаните?Почитувани граѓани, Филипче е симбол на систем во кој политиката е над законот, а партиските интереси пред животите на граѓаните. Оние што треба да го гонат - шуруваат со него. Ова говори за потчинетоста на мала група судии и обвинители кон Филипче и неговиот ментор Заев.Ние нема да дозволиме вистината да се заташка. Ќе бараме целосна истрага и одговорност за секој што придонел за оваа трагедија и за сите сомнителни зделки во здравството“, додава тој.

Македонија | пред 2 месеци

Починато новороденче донесено во тетовската болница

Вчера (15.02.2026) во 11:00 часот во СВР Тетово било пријавено дека во Ургентниот центар Тетово е донесено бебе без знаци на живот.Веднаш било постапено и е констатирано дека се работи за пет неделно бебе на И.А.(37) од Тетово. Преглед на местото на настанот изврши екипа на СВР Тетово и лекар од судска медицина, при што не се пронајдени траги на насилство.По наредба на јавен обвинител, телото е предадено на обдукција, а истрагата за целосно расчистување на случајот е во тек.

Македонија | пред 2 месеци

Петрушевски: Се расплеткува нарко мрежата блиска до Заев и Филипче, епилогот води кон нивна инволвираност

Фирмата ЦБД Медплант во вистинска сопственост на Тони Котев, поранешен функционер на СДС и близок човек на Заев и Филипче, уште од почетокот работела со пропусти, вели Бране Петрушевски, пратеник на ВМРО-ДПМНЕ„Иако Филипче тврдеше дека во негово време се било во ред, нашите информации велат друго. Имено, за да се складираат 30 тони дрога треба да помине процес од околу 4-5 години, што значи дека фирмата на Котев, работела незаконски од времето на Филипче и Заев. Денес, Заев и Филипче бегаат од името Тони Котев како од ѓаволот, се прават дека не го знаат а до вчера се сликаа со него.Фирмата ЦБД Медплант, да потсетиме доби лиценца во 2020 година, токму од Заев и Филипче. Во тоа време и Филипче и Заев, сакаа да ја направат Македонија туристичка дестинација за користење на марихуана и ја промовираа продажбата на цвет од канабис. Затоа, по нивна насока во 2023 година е сменет подзаконски акт во правилникот за одгледување на марихуана.Затоа ли е паниката на Заев и Филипче толку голема? Дали се точни нашите информации дека овие двајца имаат удел во бизнисот со канабис и се фатени во тесно? Затоа ли повиците на Заев кон поединци во царина и патувањето на Филипче кон Грција се случуваат во тој период? Дали случајно има и плус висок поранешен функционер вмешан во нарко бизнисот на Заев и Филипче?Клопчето се одмотува, крајот се гледа. ЈО да го истражи случајот до крај. Одговорност мора да има“, додава тој.

Македонија | пред 2 месеци

Андоновски: Македонија прави системски чекори за употреба на ВИ во јавната администрација

Денеска, во Собранието на Република Македонија, се одржа јавна расправа по конечниот извештај на Државниот завод за ревизија за извршената ревизија на успешност на тема „Можност за употреба на вештачка интелигенција во јавниот сектор“, на која се обрати и министерот за дигитална трансформација, Стефан АндоновскиВо обраќањето, министерот посочи дека констатираните наоди се третираат со целосна сериозност и ќе бидат искористени како основа за понатамошни институционални унапредувања. Во извештајот се констатира дека во анализираниот период јавниот сектор немал воспоставена целосна стратешка, законска и инфраструктурна рамка за системска примена на ВИ.„Овие наоди се сериозни и ги третираме како основа за институционално подобрување. Но важно е да се нагласи дека од периодот опфатен со ревизијата до денес се преземени конкретни чекори“, истакна Андоновски.Министерот нагласи: „Во доменот на вештачката интелигенција, стратегиите и законите се неопходна рамка – но тие сами по себе не создаваат капацитет. Технологијата се развива побрзо од секој нормативен документ. Ако останеме само на стратегии, ќе заостанеме. Затоа паралелно работиме на конкретна имплементација.“Во продолжение, министерот ги презентираше активностите што веќе се спроведуваат за воспоставување системска рамка за вештачка интелигенција во јавниот сектор:Национална ИКТ стратегија 2025–2030 како хоризонтална дигитална рамка, со позиционирање на ВИ како стратешка технолошка оска и предвиден акциски план за ВИ во јавната администрација.Национална стратегија за вештачка интелигенција во подготовка, преку работна група под координација на Министерството, со вклученост на академската заедница, приватниот сектор и Агенцијата за заштита на лични податоци, усогласена со европската регулаторна рамка.data.gov.mk со AI — интеграција на AI асистент за пребарување на природен јазик и генерирање структурирани одговори од објавените сетови, со цел зголемена практична употребливост на отворените податоци.ВЕЗИЛКА — иницијатива за развој на GPU капацитети и основа за развој на модели на македонски јазик, како инфраструктурен предуслов за ВИ, со поврзување со европскиот AI/HPC екосистем.Заштита на лични податоци и етичка рамка — планиран механизам за проценка на ризик (AI impact assessment), етички принципи, транспарентност и засилена институционална координација.Осврнувајќи се на суштинското прашање од ревизијата — дали јавниот сектор е подготвен за ВИ — министерот истакна дека во анализираниот период подготвеноста не била целосна, но дека денес системски се воспоставува рамка и се оди кон оперативна примена.„Вештачката интелигенција нема да биде административен проект. Ќе биде технолошка трансформација во служба на граѓаните“, порача Андоновски.

Македонија | пред 2 месеци

(Видео) Маж бегаше од глутница кучиња која повторно се појави во Карпош 4, жителите стравуваат за безбедноста

Глутница бездомни кучиња повторно се движи низ населбата Карпош 4, и тоа во реонот кај Скопје Сити Мол, Тафталиџе 1 и Тафталиџе 2, како и во близина на мостот „Влајко“. Ова следува откако претходно, по поплаки од жителите, интервенираше ЈП Лајка со заловување на кучиња од овој дел на општината.Жителите изразуваат загриженост, особено поради снимка на која се гледа како дел од кучињата се движат кон минувач на пешачката патека спроти трговскиот центар и лаат, по што тој со трчање бега. Дополнителен ризик, според нив, претставува фактот што во овој реон често се шетаат граѓани со своите домашни миленици, при што постои страв од можен напад.Се појавија и сомневања дека кучињата повторно се донесени од друга локација, иако за тоа засега нема официјална потврда од надлежните институции.Од Општина Карпош е побарано формирање кризен штаб и преземање конкретни мерки за трајно решавање на проблемот. Барањето го иницираше советничката група „Независни за Карпош“. Во текот на денешниот ден се очекува повторна интервенција на ЈП „Лајка“ на терен.

Скопје | пред 2 месеци

Трипуновски: Нема кратење на субвенциите, средствата ќе одат кај вистинските земјоделци

На владина седница е усвоена новата Програма за директни плаќања за 2026 година, информира министерот за земјоделство, шумарство и водостопанство, Цветан Трипуновски.„Како новина, односно како мала реформа, направено е минимално зголемување на површините што се услов за користење на субвенциите, со цел да ја зголемиме домашната продукција на храна“, истакна министерот Трипуновски.Тој нагласи дека сериозен акцент ќе биде ставен на теренските контроли што ќе ги спроведуваат надлежните институции, со цел средствата да завршуваат кај вистинските земјоделци.„Минатата година беше потпишан Меморандум за соработка, со кој инспекторите од Државниот инспекторат за земјоделство се ставени на располагање на Платежната агенција, за да се спречи одлевање на државни средства кај лица кои досега користеле субвенции, а не обработувале земјоделска површина“, појасни Трипуновски.Според него, дел од производството земјоделците ќе треба да го докажат преку предавање во преработувачки или откупувачки центри.„Сето ова се става во законска рамка за да се следи нивото на производство и на тој начин да се потврди дека површините навистина се обработуваат“, додаде министерот.Трипуновски ги отфрли обвинувањата од опозицијата, посочувајќи дека нема кратење на субвенциите, туку воведување дополнителни услови поврзани со реалното производство.„Реформите што ги спроведуваме имаат цел да постават јасен правец на движење во наредниот период. Субвенциите треба да бидат насочени кон луѓето што навистина работат и произведуваат. Ова е чекор кон зголемување на домашното производство“, истакна министерот.

Македонија | пред 2 месеци

Насилен напад во Прилеп: Жена турната од велосипед и ограбена

На 15.02.2026 во 15:15 часот, С.Д. (59) од Прилеп пријавила во СВР Битола дека додека управувала велосипед во близина на место викано „Маркови Кули“ во Прилеп, едно лице ја турнало од велосипедот, додека друго лице физички ја нападнало и ѝ ја одзело чантата во која имало пари.Полицијата презема мерки за расчистување на случајот и за пронаоѓање на сторителите.

Македонија | пред 2 месеци