(🔴ВО ЖИВО) Претрес на Јовановски: како им пресудија на 27 април, проституцијата и силувањата во затвор, УЧК во 2001, кризите

Човекот што бил поротник-судија во предметите за 27 април, рамо до рамо со Кацарска, a денес е директор на најголемиот затвор во државата – Идризово. Вечерва, Зоран Јовановски зборува јавно за судењето, за (не)правдата), одговара на прашања од осудените...Во „Идризово“ зборуваме за „силувањата“ и проституцијата, Диво Насеље и вклучувањето во живо на косовски телевизии... но и за првпат, за најдениот параглајдер на кровот од затвореното одделение, ексклузивно!Јовановски – човек што минал низ најжешките години на безбедносниот систем. Ќе прашуваме за посебната единица“ и немирите, преку 2001 и кризите, до граничната полиција, „Сејф сити“ пред 15 години, криминалните групи, судските процеси и тоа што се случува „внатре“ кога институциите молчат.Ќе отвори теми за кои ретко кој зборува јавно: операции на терен, одлуки во секунди, пропусти што чинеле животи, притисоци, молк, и како изгледа државата кога се води „од сенка“.СЛЕДЕТЕ ВО ЖИВО:

Студио | пред 2 месеци

По вторпат разрешена судијката Савовска Димитровска која се закануваше на „Скопје1“, а со нејзе заминува и судијката Георгиева

Со девет гласа „за“, Судски совет на Република Македонија по втор пат ги разреши судијките Наташа Савовска Димитровска и Роза Георгиева од Апелационен суд Скопје, кои постапувале во предметот „Телеком–Фокуснет“, додека третата судијка, Јетмире Ајдини, е санкционирана со парична казна. Оваа одлука е конечна и нема право на жалба.Одлуката е донесена попладнево, едногласно, и е идентична со претходната, иако по првото разрешување Савовска Димитровска поднесе жалба до Врховен суд на Република Македонија, која беше уважена, со јасни напатствија предметот повторно да биде разгледан од Судскиот совет.Случајот „Телеком–Фокуснет“ трае повеќе од две децении и произлегува од тужбата на интернет-провајдерот Фокуснет од Штип против телекомуникациската компанија Телеком. Апелациониот суд донесе пресуда со која Телеком беше задолжен да исплати отштета од околу четири милиони евра. По повторното разгледување, Судскиот совет утврди сериозни прекршувања и недоследности во постапувањето на Апелација.Судијката Јетмире Ајдини, по чии укажувања за незаконско постапување беше отворена постапката, на членовите на Судскиот совет им посочила и дека постојат два записника од исто рочиште, при што еден од нив, според нејзините наводи, бил лажен. Таа беше казнета парично.Паралелно со дисциплинската постапка, Основно јавно обвинителство отвори предистражна постапка за можни неправилности при донесувањето на пресудата, со што дополнително се отвори прашањето за интегритетот и одговорноста во судството.Минатата недела,, сега разрешната судијка Савовска Димитровска преку адвокат упати закани до главниот уредник на „Скопје1“, најавувајќи кривична пријава. На ова реагираше Здружение на новинари на Македонија, кое поднесе претставка и до Адвокатската комора. Со оглед дека судијката во меѓувреме е разрешена, за нејзиното однесување повеќе не е надлежен Судскиот совет.Во истата недела, Наташа Савовска Димитровска јавно негираше дека сторила законски прекршувања и им порача на членовите на Судскиот совет да не подлегнуваат на притисоци, нагласувајќи дека одлуките ги донела според сопственото судиско убедување.

Македонија | пред 2 месеци

Го чекал Трамп на голф-терен за да го убие, осуден на доживотен затвор

Рајан Рут е осуден на доживотен затвор поради обид за атентат врз американскиот претседател Доналд Трамп во голф-клубот „Трамп Интернешнл“ во Вест Палм Бич, Флорида, во септември 2024 година. Пресудата ја изрече судијката Ајлин Кенон, која оцени дека сторените кривични дела „недвосмислено ја оправдуваат доживотната казна затвор“.Според наводите на судот, агент на Тајната служба забележал цевка од пушка што излегувала од грмушка во близина на теренот и отворил оган кон осомничениот, по што Рут избегал, но бил уапсен недалеку од местото на настанот. Судијката во образложението истакна дека Рут со месеци преземал конкретни чекори за да изврши атентат врз истакнат претседателски кандидат, покажал подготвеност да убие секого што би му застанал на пат и не изразил жалење или каење.Рут се изјаснил дека не е виновен и се бранел сам на судењето, кое започнало на 8 септември. По потекло е од Северна Каролина, а живеел на Хаваи пред апсењето, тој во текот на постапката се однесувал непредвидливо, вклучително и повици до Трамп за партија голф, како и спомнување на Адолф Хитлер и рускиот претседател Владимир Путин. По изрекувањето на пресудата од поротата, Рут се обидел да се прободе во вратот со хемиско пенкало, по што обезбедувањето брзо го извело од судницата.Иако не се верува дека имал директна линија на видик кон Трамп, федералните агенти соопштија дека на местото каде што се криел била пронајдена полуавтоматска пушка со оптички нишан и продолжен шаржер. Поротата била информирана и дека Рут оставил список со локации каде што Трамп најверојатно би се појавил, како и порака до пријател во која настанот го опишал како „обид за атентат“.Во завршниот збор Рут зборувал во трето лице и отворал низа неповрзани теми, меѓу кои историјата на САД, војната меѓу Русија и Украина и намерата да купи брод, поради што судијката повеќепати го прекинувала и на крај ја отстранила поротата од судницата.Инцидентот на Флорида бил втор обид за атентат врз Трамп во 2024 година, по пукањето на предизборен собир во јули во Батлер, Пенсилванија, при што едно лице загина, а повеќе беа повредени, вклучително и Трамп. Напаѓачот, 20-годишниот Томас Крукс, бил убиен на местото на настанот.

Свет | пред 2 месеци

Телото на руски бизнисмен пронајдено на плажа на Кипар

Кипарските власти соопштија дека телото пронајдено минатиот месец на плажа на југот од земјата е идентификувано како на поранешниот извршен директор на најголемата руска компанија за производство на калиум, Владислав Баумгертнер. Идентификацијата е потврдена со ДНК анализа, а истрагата за околностите и причината за смртта сè уште е во тек.Полицијата на британската воена база информира дека Баумгертнер, на возраст од 53 години, исчезнал од својот дом во крајбрежниот град Лимасол на 7 јануари, а неговото тело било пронајдено една недела подоцна на плажата Авдиму. Семејството е известено за исходот од идентификацијата. Плажата Авдиму се наоѓа во рамки на една од двете британски воени бази што Обединетото Кралство ги задржа по стекнувањето на независноста на Кипар во 1960 година, кои имаат сопствена полиција и судски систем.Баумгертнер беше извршен директор на „Уралкали“ кога во септември 2013 година беше ставен во куќен притвор од белоруските власти, по ескалација на спорот меѓу компанијата и нејзиниот белоруски трговски партнер. Два месеца подоцна беше ослободен и предаден на Русија, каде обвинителството отвори кривична истрага поради сомневања за злоупотреба на службената положба.Тогашните аналитичари оценуваа дека апсењето било одмазда за одлуката на „Уралкали“ да се повлече од заедничкото трговско претпријатие со белоруската државна компанија „Белоруска поташ корпорација“, преку кое се извезуваше калиум – клучна состојка за производство на ѓубрива. Заедничкото претпријатие во тој период контролираше околу една четвртина од светскиот пазар.„Уралкали“ се повлече од договорот обвинувајќи ги властите во Минск дека ѝ дозволиле на државната компанија самостојно да извезува калиум, што доведе до нарушување на договорените правила. Повлекувањето ја остави белоруската компанија речиси без квалификуван кадар и предизвика стравувања од ценовна војна на пазарот. Белорускиот претседател Александар Лукашенко тврдеше дека постапките на „Уралкали“ и на Баумгертнер нанеле сериозна штета на белоруската економија.Во последните неколку години Баумгертнер живеел на Кипар. Според достапните информации, престојувал во стан над својот деловен простор во Лимасол, град во кој живее значајна руска заедница.

Свет | пред 2 месеци

ССМ бара 80 отсто пониски функционерски плати: ако нема закон, следуваат 10.000 потписи

Со барање за намалување на функционерските плати за 80 проценти, Сојуз на синдикати на Македонија денеска во Собранието поднесе иницијатива со која директно ги повикува пратениците сами да поднесат законски измени.Од ССМ порачаа дека доколку пратениците не ја преземат оваа обврска, синдикатот ќе ја искористи законската можност и ќе собере 10.000 потписи од работниците, со што ќе добие право самостојно да поднесе измени на Законот.Според ССМ, кога веќе нема поддршка за Законот за раст на минималната плата, пратениците треба да покажат солидарност со работниците и да си ги намалат платите за 78 проценти – износ идентичен на зголемувањето што го добија во април 2023 година.До ова дојде откако Владата не ги прифати нивните барања за зголемување на платите.

Македонија | пред 2 месеци

71 ракета и 450 дронови: Русија ѝ нанесе една од најтешките енергетски штети на Украина

71 ракета и 450 дронови беа лансирани во најновиот масовен руски напад врз украинската енергетска инфраструктура, при што загинаа најмалку четири лица, а 32 беа повредени, соопштија украинските власти, оценувајќи дека станува збор за една од најтешките штети од почетокот на војната во полн обем.Украинскиот министер за енергетика Денис Шмихал соопшти дека се оштетени производствени капацитети, како и преносни и дистрибутивни мрежи во повеќе региони. Според него, состојбата е исклучително комплицирана, поради што енергетските компании воведуваат итни исклучувања на струјата, а дополнителни генератори се распределуваат во критичните подрачја.Шмихал информира дека сериозни оштетувања претрпела и киевската термоелектрана „Дарница“, која обезбедува греење за голем дел од населението во главниот град, нагласувајќи дека нападите врз цивилната енергетска инфраструктура претставуваат воено злосторство.Украинското Министерство за надворешни работи соопшти дека со овој напад Русија ги прекршила обврските од енергетското примирје и дека не покажува реални знаци на деескалација, и покрај јавните изјави од американскиот претседател.Извршниот директор на најголемата приватна енергетска компанија во Украина, ДТЕК, Максим Тимченко изјави дека електраните претрпеле „страшна штета, една од најлошите што досега сме ја виделе“, нагласувајќи дека ова е деветти масовен напад врз нивните капацитети од октомври 2025 година. Тој предупреди дека илјадници семејства во Киев се соочуваат со температури до минус 25 степени и недели без греење.И покрај екстремните услови, од ДТЕК соопштија дека нивните екипи успеале да ја вратат струјата за околу 100.000 домаќинства во Киев и дека санацијата продолжува непрекинато, дење и ноќе.Нападите продолжија и во текот на ноќта, кога руските сили лансираа уште 105 дронови, од кои украинската противвоздушна одбрана пресретна 88. Државната компанија „Укренерго“ информира дека повторно е гаѓана енергетската инфраструктура во повеќе области, оставајќи делови од Сумската, Донецката, Днепропетровската, Херсонската и Запорошката област без електрична енергија.Претседателот Володимир Зеленски соопшти дека ситуацијата во моментов е најтешка во Киевската, Харкивската, Сумската, Полтавската, Днепарската и Черкаската област, наведувајќи дека во Киев работат над 200 тимови за поправки и дека повеќе од 1.100 станбени згради се без греење.Украинската служба за безбедност порано соопшти дека собраните докази укажуваат оти нападите врз енергетската инфраструктура се дел од систематска политика насочена кон цивилното население, што претставува злосторство против човештвото.Овие напади се случуваат паралелно со почетокот на нова рунда трипартитни разговори меѓу Русија, Украина и Соединетите Американски Држави во Абу Даби, насочени кон пронаоѓање решение за прекин на војната.

Свет | пред 2 месеци

Од 1,8 на 1,2 милиони до 2070: Сиљановска-Давкова предупредува на демографски колапс

1,8 милиони денес, 1,2 милиони во 2070 година – загуба од 33 отсто од населението. Со овие алармантни бројки претседателката Гордана Сиљановска-Давкова денеска се обрати на Светскиот самит на владите во Дубаи, каде што беше главен говорник на сесија посветена на демографските промени.Таа посочи дека Македонија, заедно со поширокиот регион, се соочува со троен демографски притисок: ниска стапка на наталитет, висока емиграција и забрзано стареење на населението. Според проекциите што ги презентираше, доколку трендовите продолжат, земјата во следните децении би можела да изгуби речиси една третина од сегашното население.Оваа демографска тријада, нагласи Сиљановска-Давкова, директно го намалува бројот на работоспособни граѓани и истовремено го зголемува товарот врз здравствениот, социјалниот и пензискиот систем. Таквиот притисок, како што истакна, е особено тежок за мала и отворена економија каква што е македонската.Претседателката повика на длабоки институционални реформи, со посебен акцент на судството и јавната администрација, како и на забрзана дигитализација на јавните услуги, кои треба да ја зголемат ефикасноста и довербата во институциите.Во своето обраќање таа ја потенцираше и улогата на младите, нагласувајќи дека тие мора да ја добијат заслужената позиција како двигатели на дигиталната и економската трансформација, но и како активни учесници во креирањето на јавните политики.Особено место во говорот ѝ беше дадено и на дијаспората, која, според Сиљановска-Давкова, претставува значаен мотор на интелект, иновации и инвестиции и треба системски да биде вклучена во развојните процеси на државата.На крајот, таа повика на изградба на демографски отпорно општество – општество во кое луѓето ќе имаат причини да останат, да живеат и да формираат семејства, нагласувајќи дека демографијата не е само статистика, туку прашање на иднината на државата.

Македонија | пред 2 месеци

Вучиќ повторно кон премиерската фотелја, се отвора прашањето за промена на Уставот на Србија

Сè појасно се наѕира дека српскиот претседател Александар Вучиќ повторно има амбиција да се врати на премиерската функција, додека неговата Српска напредна странка се соочува со сериозен проблем – нема јасен кандидат кој со сигурност би победил на идните претседателски избори. Токму поради тоа, во јавноста сè погласно се зборува за можноста власта да побара излез преку промена на Уставот, со што би се сменил начинот на избор на претседателот на државата.Како „пробен балон“ во јавниот простор се појавува предлогот на Војислав Шешељ, кој отворено сугерира дека претседателот на Србија не треба да се избира на непосредни избори, туку во Народното собрание. Таквата идеја, според аналитичарите и дел од опозицијата, совршено се вклопува во интересите на владејачката структура, имајќи предвид дека СНС располага со двотретинско мнозинство потребно за уставни измени.Во изминатиот период во јавноста се споменуваат повеќе можни наследници на Вучиќ – од Томислав Николиќ, преку Ана Брнабиќ, до Милош Вучевиќ – но ниту едно од тие имиња не гарантира изборна победа. Дополнителен проблем за СНС претставуваат истражувањата на јавното мислење, кои покажуваат пад на рејтингот на партијата. Во таков контекст, загубата на претседателската функција би била сериозен удар за власта, што ја прави идејата за уставна интервенција политички привлечна.Шешељ јавно изјавува дека изборот на претседател во Собранието е „подемократски“, бидејќи овозможува и негово разрешување, за разлика од директниот избор од граѓаните. Истовремено, тој потврдува дека неговата Српска радикална странка останува во коалиција со СНС и дека не планира самостојни политички маневри.Од опозицијата реагираат остро. Потпретседателот на Странката на слободата и правдата, Бoрко Стефановиќ, оценува дека Шешељ јавно го изговара она што Вучиќ го мисли, нагласувајќи дека меѓу двајцата постои долготрајна политичка и идеолошка симбиоза. Според него, ваквиот предлог оди кон дополнително слабеење на врската меѓу граѓаните и институцијата претседател, и кон зајакнување на авторитарен модел на владеење, во кој центарот на моќта се концентрира во рацете на еден човек.Стефановиќ предупредува дека не би било изненадување доколку иницијативата за уставни измени навистина стигне до Народното собрание, бидејќи процедурата тоа го дозволува. Според српскиот Устав, иницијатива за измена можат да поднесат најмалку една третина од пратениците, претседателот на државата, Владата или најмалку 150.000 избирачи. За започнување и усвојување на измените потребно е двотретинско мнозинство, кое владејачката коалиција моментално го има.Српскиот Устав последен пат беше изменет во 2022 година, по референдум за усогласување на судскиот систем со европските стандарди. Дали сега следи нова, далеку поконтроверзна уставна интервенција, која би го променила начинот на избор на претседателот, останува отворено прашање, но сигналите што доаѓаат од врвот на власта и од нејзините најгласни сојузници сè повеќе упатуваат токму во таа насока.

Свет | пред 2 месеци

Истекува последниот нуклеарен договор меѓу САД и Русија, расте стравот од нова трка во вооружување

Последниот важечки нуклеарен договор меѓу Русија и Соединетите Американски Држави истекува за неколку часа, со што светот се соочува со можност двете најголеми нуклеарни сили првпат по повеќе од половина век да останат без какви било формални ограничувања за своите нуклеарни арсенали. Развојот ја зголемува загриженоста од нова глобална трка во вооружување, во која сè поважна улога има и Кина.Станува збор за договорот „Нов СТАРТ“, потпишан во Прага во 2010 година, кој ги ограничува бројот на распоредени нуклеарни боеви глави и носачи и предвидува механизми за проверка и транспарентност. Ако во последен момент не биде постигнат нов договор или привремено продолжување, Вашингтон и Москва остануваат без обврзувачка рамка за контрола на стратешкото нуклеарно оружје.Од Кремљ порачуваат дека Москва ќе постапува „внимателно и одговорно“. Советникот на рускиот претседател изјавува дека Владимир Путин за ова прашање разговара со кинескиот претседател Си Џинпинг, при што Русија изразува подготвеност за разговори за стратешка стабилност. Истовремено, од Москва наведуваат дека досега нема официјален одговор од американска страна на предлогот ограничувањата да продолжат и по истекот на договорот.Апел упатува и поглаварот на Римокатоличката црква, папата Лав XIV, кој повикува двете страни да не дозволат престанок на важноста на договорот. Тој порачува дека е неопходно логиката на страв и недоверба да се замени со заедничка етика насочена кон општото добро.Експертите за контрола на вооружувањето предупредуваат дека без договорот, и Русија и САД добиваат слобода да распоредат стотици дополнителни нуклеарни боеви глави на своите ракети и тешки бомбардери. Во екстремно сценарио, тоа би можело речиси да ја удвои сегашната големина на нивните распоредени арсенали. Дополнително, исчезнуваат механизмите за проверка, што ја намалува довербата и ја отежнува проценката на намерите на другата страна.Иако вкупниот број нуклеарни боеви глави во светот е значително намален во однос на врвот од Студената војна, кога во 1986 година изнесувал над 70.000, денес тој број е околу 12.000. Сепак, и Русија и САД активно ги модернизираат своите нуклеарни сили, додека Кина во последната деценија повеќе од двојно го зголемува својот арсенал.Американскиот претседател Доналд Трамп испраќа спротивставени пораки. Тој изјавува дека доколку договорот истече, може да се постигне „подобар договор“, а претходно јавно се залага Кина да биде вклучена во идните рамки за контрола на вооружувањето, оценувајќи дека големите сили веќе располагаат со доволно оружје за повеќекратно уништување на светот.Дел од аналитичарите сметаат дека високата цена на нуклеарното оружје може да ја ограничи непосредната трка во вооружување, но истовремено предупредуваат дека отсуството на договор отвора опасен простор за недоверба, погрешни проценки и ескалација. Во такви околности, истекот на Новиот СТАРТ не се смета само за формален крај на еден договор, туку за потенцијална пресвртница во глобалната безбедносна архитектура.

Свет | пред 2 месеци

Тобакото до ЗОО-Скопје се издава 117 евра месечно, а Скопје на пат да плаќа над милион евра оти почнала со рушење на галија два дена пред истек на концесија

Градоначалникот на Град Скопје, Орце Ѓорѓиевски, изјавува дека е неопходно раскинување на низа штетни договори склучени во минатото, но предупредува дека секое погрешно и непромислено постапување носи сериозни финансиски последици за градот.Одговарајќи на советничко прашање за договорите што приватни компании ги имаат со Град Скопје и со јавните претпријатија, Ѓорѓиевски посочува дека веќе е влезено во процес на решавање на дел од тие случаи, но дека наследените состојби создаваат дополнителни проблеми. Како пример ја наведува првата галија во Вардар, за која вели дека пред претходното раководство на Градот (кога градоначалник беше Петре Шилегов) започнало постапка за нејзино отстранување само два дена пред истекот на концесијата, со влегување во градежни активности за рушење на објектот.Според него, ваквото постапување резултирало со судски спор кој на прв степен е добиен од концесионерот, а како последица Град Скопје ќе треба да плати над 70 милиони денари отштета.„Секое нерационално постапување носи последици“, нагласува Ѓорѓиевски, посочувајќи дека цената на ваквите одлуки ја плаќаат граѓаните.Градоначалникот додава дека во моментов се бараат алтернативни решенија за справување со небулозни договори и кирии, кои суштински се штетни за градот. Како пример ја наведува киријата за објектот кој е тобако кај Зоолошката градина, кој, според него, се издава за 7.200 денари месечно.„Ќе правиме реална проценка. Според мене, таму киријата треба да биде најмалку 2.000 евра. Не е виновен тој што плаќа, туку тој што дозволил така да се користи просторот“, истакнува Ѓорѓиевски, додавајќи дека ваквата пракса е дел од наследената состојба со која актуелното раководство мора да се соочи.Тој порачува дека целта е да се воспостави ред, одговорно управување и заштита на јавниот интерес, но и дека решавањето на штетните договори мора да се прави внимателно, за Град Скопје да не се соочи со уште поголеми финансиски штети.

Скопје | пред 2 месеци

Четири функционери на пат да останат без функциите во ВМРО-ДПМНЕ оти Мицкоски планира да ги укине потпретседателските позиции

Претседателот на ВМРО-ДПМНЕ, Христијан Мицкоски планира укинување на потпретседателските места во партијата, а пак генерален секретар, неофицијално, ќе остане Ѓорѓија Сајковски кој и досега ја обавува оваа функција, дознава „Скопје1“.Ова се промените во владејачката партија кои се очекува во петок да се најдат пред Централниот комитет. Мицкоски и на прес-конференција кажа дека седницата на ова партиско тело е веќе закажана.Освен Сајковски, желба да бидат во трката, но и да бидат избрани за секретарската функција има и Ивица Томовски, кој е директор на Службата за општи и заеднички работи.Според партискиот статут, претседателот Мицкоски номинира кандидати за потпретседатели и генерален секретар на партијата, како и предлага нивно разрешување.Укинувањето на потпретседателските функции ќе значи дека Александар Николоски, Владо Мисајловски, Тимчо Муцунски, Гордана Димитровска Кочовска ќе останат без нивните позиции.Засега овие информации не се потврдени од партијата, ниту коментирани во јавноста.

Македонија | пред 2 месеци

Град Скопје ќе ги прошири капацитетите на ЈП ,,Лајка": Проблемот со бездомните кучиња ќе биде решен

Ако во минатото ЈП ,,Лајка" беше креирана за брзи партиски вработувања, од моето преземање на функцијата градоначалник на Скопје, таа авантура заврши. Предолго време проблемот со бездомните кучиња се туркаше под тепих, а последиците ги чувствуваа и скопјани и самите животни, оставени без заштита, без услови и без вистинска грижа, вели градоначалникот Орце Ѓорѓиевски.„Започнуваме нов пристап, со визија и конкретни инвестиции.Во мојата програма е ставен огромен фокус за ова прашање и сакам да информирам дека за ЈП „Лајка“ се обезбедени 30 милиони денари за сериозно проширување на капацитетите и создавање современи, хумани услови за згрижување на бездомните кучиња.Ова е суштинска промена што конечно ќе донесе резултати.Оправдани се и забелешките на граѓаните.Со години гледавме како проблемот се зголемува, наместо да се решава.Токму затоа денес сериозно, одговорно и посветено пристапуваме кон негово трајно надминување.Истовремено, нема да дозволиме Скопје да биде депонија за туѓи проблеми.Прашањето за носење бездомни кучиња од други градови веќе е отворено и со надлежните институции.Со воведувањето на системот „Сејф Сити“, сите кои несовесно ги носат животните во главниот град ќе бидат откриени и санкционирани.Ред мора да има - и заради безбедноста на граѓаните, но и заради заштитата на самите животни.Апелирам до скопјани да бидат наш партнер во оваа борба.Секоја појава да се пријавува бидејќи само со заедничка акција можеме да воведеме ред и да изградиме систем што функционира. Многу брзо од денес започнуваме конкретна постапка за проширување на капацитетите на „Лајка“, со што ќе обезбедиме простор, грижа и достоинствен третман за бездомните кучиња.Тие се живи суштества кои заслужуваат заштита, храна, ветеринарна грижа и шанса за подобар живот.И затоа ве уверувам дека проблемот со бездомните кучиња ќе биде решен.Не со празни ветувања, туку со работа, инвестиции, ред и вистинска грижа“, вели Ѓорѓиевски.

Скопје | пред 2 месеци

„Лајка“ добива нови капацитети и современи услови

Градоначалникот на Град Скопје, Орце Ѓорѓиевски, најавува проширување на капацитетите на ЈП Лајка, оценувајќи дека конечно започнува хумано, одговорно и системско решавање на проблемот со бездомните кучиња во главниот град.Ѓорѓиевски посочува дека во минатото „Лајка“ била користена за партиски вработувања, додека суштинскиот проблем со бездомните животни со години бил игнориран. Според него, последиците од таквиот пристап ги чувствуваат и граѓаните и самите животни, кои остануваат без соодветна заштита, услови и грижа.Тој информира дека во рамки на програмата на Градот се обезбедени 30 милиони денари за сериозно проширување на капацитетите на претпријатието и за создавање современи и хумани услови за згрижување на бездомните кучиња. Како што нагласува, ова претставува суштинска промена која треба да донесе видливи и трајни резултати.Градоначалникот признава дека забелешките на граѓаните се оправдани, нагласувајќи дека проблемот со години се зголемува наместо да се решава. Токму затоа, според него, сега се пристапува сериозно, одговорно и со јасна визија за негово надминување.Истовремено, Ѓорѓиевски порачува дека нема да се дозволи Скопје да стане депонија за бездомни кучиња од други градови. Прашањето за нивно носење во главниот град, како што вели, веќе е отворено со надлежните институции, а со воведувањето на системот „Безбеден град“ ќе се откриваат и санкционираат сите кои несовесно ги префрлаат животните во Скопје.Тој апелира до граѓаните активно да соработуваат и да пријавуваат вакви појави, истакнувајќи дека само со заедничка акција може да се воспостави ред и функционален систем. Според најавите, во наредниот период започнува конкретна постапка за проширување на капацитетите на „Лајка“, со што ќе се обезбедат простор, ветеринарна грижа и достоинствен третман за бездомните кучиња.„Тие се живи суштества кои заслужуваат заштита и шанса за подобар живот“, порачува Ѓорѓиевски, нагласувајќи дека проблемот со бездомните кучиња ќе се решава со работа, инвестиции, ред и вистинска грижа, а не со празни ветувања.

Скопје | пред 2 месеци

Возеле и покрај забрана: одземени три возила во Ресен и Кичево

На 3 февруари 2026 година, при засилени сообраќајни контроли во Ресен и Кичево, полициските службеници затекнале тројца возачи како управуваат возила и покрај изречена забрана за управување со моторно возило од Б категорија.Во 12:45 часот, на улицата „Корчуланска“ во Ресен, полициски службеници од ОВР Ресен запреле патничко возило „мицубиши“ со битолски регистарски ознаки, управувано од Љ.С. (49) од Битола. При контролата било утврдено дека возачот управувал со возилото иако имал активна забрана за управување.Претходно, во 10:50 часот, на булеварот „Ослободување“ во Кичево, полициски службеници од ОВР Кичево сопреле патничко возило „фиат“ со скопски регистарски ознаки, управувано од Ѓ.Г. (26) од селото Белчишта, општина Дебрца, кај кого исто така била констатирана изречена забрана за управување со моторно возило.Истата служба, во 11:30 часот на улицата „11 Септември“ во Кичево, запрела патничко возило „сеат леон“ со прилепски регистарски ознаки, управувано од А.М. (42) од селото Лазоровци, кичевско. При проверките било утврдено дека возачот имал изречени две мерки забрана за управување со моторно возило од Б категорија.По насоки од јавен обвинител, возилата се одземени, а по целосно документирање на настаните ќе бидат поднесени соодветни пријави.

Македонија | пред 2 месеци

Цаневска: Колку и кога ќе стигнат автобусите за ЈСП, Ѓоргиевски: Владата ќе набави 100, но не можам да кажам дали ќе стигнат до крај на годинава

Јавниот превоз беше една од темите на советнички прашања во Советот на Град Скопје.„Во ноември 2025 ветивте дека во март 2026 се очекува, во координација со Владата, да пристигнат 80 нови автобуси. Целосно ќе го нормализираме градскиот транспорт. Но ова тешко дека ќе се реализира, бидејќи и да биде успешен тендерот овојпат, потребни се неколку месеци за да се заврши процедурата.Вчера најавивте дека Владата за Град Скопје ќе набави 100 нови електрични автобуси. И она што создаде конфузија дали станува за збор за оние 80 автобуси за кои пропадна тендерот летоска или станува збор за нова набавка на уште 100 автобуси? Колку нови автобуси ќе има и дали се знае кога”, праша координаторката на советничката група на СДСМ и Коалицијата, Катерина Цаневска Арсовска.„Требаше да имаме автобуси во март, но тендерот пропадна. Јас не се плашам да се извинам ако згрешам со проценките. Сега, наместо 80 ќе бидат набавени 100. Најголем дел од нив ќе стигнат годинава. Со кредитот за БРТ покрај возила за овој превоз ќе бидат набавени и 30 автобуси, за што набрзо ќе се распише тендер”, вети градоначалникот Орце Ѓорѓиевски.

Скопје | пред 2 месеци

Преживеаните мигранти даваат детали за смртоносниот инцидент кај Хиос

Грчките власти се фокусираат на сведоштва од преживеаните мигранти додека ја истражуваат смртоносната несреќа кај островот Хиос во вторникот навечер, при што животот го загубија 15 лица, по судирот помеѓу патролен брод на граничната стража и брз чамец кој превезувал мигранти.Според граничната стража и други извори запознаени со истрагата, инцидентот не бил снимен на видео. Иако на патролниот брод имало инсталирано камера, екипажот не ја активирал во моментот на настанот.Властите исто така испитуваат дали операторот на чамецот за криумчарење мигранти бил Мароканец, кој е меѓу преживеаните. Спасените мигранти – сите Авганистанци, освен Мароканецот кој се истражува како клучен осомничен – рекле на граничната стража дека операторот на чамецот зборувал арапски. Сепак, тој сè уште не е формално идентификуван, бидејќи преживеаните рекле дека имал качулка и неговите црти на лицето не биле јасно видливи.Преживеаните биле сослушани неформално од граничната стража, а некои се верува дека дале и формални изјави. Според информациите од истрагата, некои мигранти рекле дека патролниот брод им насочил светилка пред чамецот за криумчарење да се судри со него.Други изјавиле дека не виделе што се случило и се нашле во вода по судирот.Штабот на граничната стража соопшти дека чамецот наглo свртел десно и удрил во десната страна на патролниот брод.Во врска со недостатокот на видео-снимки, извори од граничната стража рекле дека дури и ако камерата на бродот била активирана, веројатно не би го забележала инцидентот, бидејќи камерите се наменети за снимање на долги растојанија, а не за блиски средби.

Свет | пред 2 месеци

Од денеска нов јавен портал со листа на закажани хируршки интервенции

Министерот за здравство, Азир Алиу, денеска на прес конференција го промовираше новиот модул за електронска евиденција за елективни хируршки интервенции во јавните здравствени установи, со кој на јавен портал е достапна листата на закажани елективни хируршки интервенции.-     Првпат воспоставуваме ред и јасен протокол на транспарентен начин да се води електронска евиденција на закажаните интервенции. Целта е секој пациент да ја добие услугата по принцип „прв дојден, прв услужен“. Порталот овозможува пребарување и приказ на податоци преку повеќе комбинирани параметри за да биде корисен и за граѓаните и за креаторите на политики. Корисниците на јавниот портал можат да пребаруваат по: специјалност на лекар, хируршка интервенција, јавна здравствена установа, лекар специјалист, број на пациенти кои чекаат, посочува министерот Алиу.Тој наведе и дека во моментот евиденцијата за елективни хируршки интервенции се води во системот Мој термин преку издавање упат со тип „болнички упат за операција“, но утврдени се недоследности, меѓу кои дека упатите не се издаваат веднаш при утврдување на потребата за операција, туку пред самата интервенција, дел од установите и лекарите користат друг тип упат (конзервативен третман) за евиденција на пациенти на листата, а лекарите листите ги водат во хартиена форма, додека листите на чекање не се редовно прочистувани и тоа создава неточна перцепција за времето на чекање и реалните потреби.-     До јавните здравствени установи кои вршат хируршки интервенции веќе се испратени поединечни известувања со податоци од спроведената анализа. На установите поединечно им е посочено дали и колку се разликува бројот на извршени интервенции, со бројот на реализирани упати за операција во системот Мој термин. Со оваа новина ја унапредуваме транспарентноста, овозможуваме реално мерење на времето на чекање, а со тоа и подобро планирање и распределба на ресурси, како и примена на европските практики во оваа област, заклучи министерот.

Македонија | пред 2 месеци

ССМ со иницијатива: Намалување на функционерските плати за 80%

Сојузот на синдикати на Македонија поднесе иницијатива за намалување на функционерските плати за 80%.„Член 11 од Законот за плата и другите надоместоци на пратениците во Собранието на Република Македонија и другите избрани и именувани лица во Републиката се менува и гласи:„Основица за пресметување на платата на пратениците во Собранието на Република Македонија и другите избрани и именувани лица во Републиката е минималната плата во Републиката, според податоците на Државниот завод за статистика.“Дополнително, коефициентите за утврдување на надоместокот на плата и на плата утврдени во Закон за плата и другите надоместоци на пратениците во Собранието на Република Македонија и другите избрани и именувани лица во Републиката се намалуваат за 40%.Ова значи за 80% намалување на функционерските плати.Врз основа на Уставното право, оваа законска иницијатива Сојузот на синдикатите на Македонија ја темели на принципите на еднаквост, недискриминација и правна сигурност за сите граѓани содржани во Уставот како највисок акт во државата, како и во меѓународните трудови стандарди, Европската социјална повелба, Универзалната декларација за човековите права и други меѓународни документи.За да бидат граѓаните на Македонија еднакви пред националните закони, како и за да бидат еднакви според и пред меѓународните акти и принципи, потребно е појдовната основа за градење на платите на сите работници и граѓани во нашата држава да биде еднаква. Во конкретниот случај треба да се поаѓа од висината на минималната плата како основица за пресметување на сите плати, затоа што анализите на Владата и анализите на Работодавачите, за разлика од анализите на ССМ, покажале дека вредноста на минималната плата е доволна за да ги задоволи елементарните потребите на граѓаните, па оттука и имајќи го предвид горенаведеното ССМ се залага и инсистира на еднаков третман на сите плати во државата и смета дека е потребно да се измени горенаведениот член 11 и основицата за пресметка предвиден во Законот за плата и другите надоместоци на пратениците во Собранието на Република Македонија и другите избрани и именувани лица во Републиката.ССМ заедно со Владата на државата во 2023-та година потпишаа и предвидоа во Општ колективен договор за јавен сектор во кој се поаѓаше од просечната плата како основица за градење на платите на вработените во јавниот сектор, поаѓајќи токму од законското решение за платите на функционерите, избраните и именуваните лица, но Владата како потписник на истиот и спротивно на Закон и без оправдани причини не го почитува Општиот колективен договор за јавниот сектор и не ги уреди платите на вработените на овој начин, а дополнително бара и укинување на ваквото право на работниците“, велат од ССМ.

Македонија | пред 2 месеци

Над 2 милиони евра се платени на некој што имплементирал нефункционален систем во ЈСП, рече Ѓорѓиевски

Градоначалникот на Град Скопје, Орце Ѓорѓиевски, на седница на Град Скопје изјави дека над два милиони евра се исплатени на субјект кој имплементирал нефункционален систем во Јавно сообраќајно претпријатие Скопје, нагласувајќи дека токму поради тоа претпријатието со години трпи сериозни финансиски загуби.Според Ѓорѓиевски, најголем дел од загубите во ЈСП настануваат поради ненаплата на билети, што директно произлегува од нефункционалниот систем кој, како што вели, мора целосно да се замени. Тој посочува дека во моментов состојбите во претпријатието постепено се нормализираат и дека се работи на воспоставување поефикасно и одржливо функционирање.Во текот на расправата, градоначалникот е прашан од советничка како е можно Ленин Јовановски да биде ангажиран како надворешен консултант во ЈСП, а советничката на Левица го нарече „кралот на приватните привозници“. На тоа, Ѓорѓиевски одговара дека не му е познато за кого станува збор и дека нема сознанија дека таква одлука е донесена од страна на директорот на претпријатието.

Скопје | пред 2 месеци

По години чекање, Скопје за еден месец ќе почне со изградба на Луна паркот: се бара и враќање на парите за старите реквизити

Градоначалникот на Град Скопје, Орце Ѓорѓиевски, информира дека тендерската постапка за изградба на Луна паркот влегува во финална фаза и дека неговите очекувања се во рок од 30 до 40 дена да започнат градежните активности на терен.Според Ѓорѓиевски, станува збор за проект кој со години е меѓу најбараните од граѓаните, а кој конечно треба да добие реализација. Тој нагласува дека изградбата на Луна паркот ќе претставува значаен чекор во збогатувањето на јавните содржини и простори за деца и семејства во главниот град.Паралелно со подготовките за новиот проект, градоначалникот посочува дека сериозен правен тим работи и на расчистување на состојбите околу претходната набавка на реквизити за Луна паркот. Како што вели, уште во минатото комисии утврдиле дека квалитетот на набавените реквизити бил незадоволителен, но институционална реакција тогаш изостанала.„Верувам дека ќе има правна разрешница, со цел да се вратат парите на Градот за реквизитите набавени во минатото, а кои ниту едно дете ги нема видено во Градот“, истакнува Ѓорѓиевски, додавајќи дека одговорноста за ваквите пропусти мора да биде утврдена.Со најавата за почеток на градежните работи и со отворањето на правните постапки, градските власти порачуваат дека Луна паркот не само што ќе стане реалност по долгогодишни најави, туку и дека ќе се направи обид да се исправат претходните неправилности и да се заштитат интересите на граѓаните и на буџетот на Град Скопје.

Скопје | пред 2 месеци

ЕБОР го откочи БРТ: Скопје оди кон набавка на 130 автобуси, наместо најавените 80 - дел ќе стигнеле и до крајот на годината

Градоначалникот на Град Скопје, Орце Ѓорѓиевски, изјавува дека наместо првично најавените 80, за Скопје ќе бидат набавени вкупно 130 нови автобуси. Тој информира дека утрово пристигнува писмо од ЕБОР со кое конечно се откочува проектот за брзиот автобуски превоз БРТ и неговата изградба.„Наместо 80 автобуси, ќе бидат набавени 100 автобуси. Од ЕБОР утринава стигна писмо со кое конечно се откочува проектот со БРТ и изградба на истиот“, вели Ѓорѓиевски, додавајќи дека обврска на Градот е да формира проектна единица и да изврши измена на планот за јавни набавки.Покрај 100-те автобуси кои ќе ги обезбеди Влада на Република Македонија за Скопје, градоначалникот најавува дека преку БРТ-проектот ќе се обезбедат уште најмалку 30 автобуси за градот. „За брзо ќе ја започнеме постапката за тоа. Сега ќе бидат 130 автобуси, иако сум ветувал 80 автобуси“, посочува тој.Според информациите со кои располага, набавката најверојатно ќе се реализира по моделот влада со влада, што, како што вели, ќе ја забрза испораката. Во однос на роковите, Ѓорѓиевски нагласува дека најголемиот дел од автобусите треба да бидат испорачани во текот на оваа година, но не може да гарантира дека сите 100 од првата набавка ќе пристигнат до крајот на годината.„Во најголем дел автобусите ќе треба да бидат испорачани оваа година. Но дали сите 100 ќе стигнат оваа година, не можам да гарантирам – не го правам јас тоа“, изјавува градоначалникот, додавајќи дека динамиката ќе зависи од постапките и од партнерите вклучени во набавката.Со оваа најава, како што оценува Ѓорѓиевски, јавниот превоз во Скопје влегува во фаза на значително засилување, при што се комбинираат директна владина поддршка и долгорочно решение преку БРТ-системот.

Скопје | пред 2 месеци

Пушењето водечка причина за рак на белите дробови: Во 2024 година починале 860 лица

По повод Светскиот ден за борба против ракот, Министерството за здравство и Институтот за јавно здравје потсетуваат дека пушењето претставува ризик фактор за малигни заболувања, а посебно за рак на белите дробови.Според податоците на Институтот за јавно здравје водечка причина за смрт во државава во 2023 и 2024 година се малигните неоплазми на бронхиите и белите дробови.- Употребата на тутун е водечка причина за рак кој може да се спречи. Статистичките податоци покажуваат дека вкупниот број на починати лица од малигни неоплазми на бронхиите и белите дробови во 2024 година изнесува 860, од кои бројот на мажи е поголем, во однос на бројот на жени. Откажувањето од пушење значително го продолжува животниот век и квалитетот на животот, и токму на Светскиот ден за борба против ракот, уште еднаш апелираме на важноста од донесување на новиот предлог-закон за заштита од пушењето, со цел заштита на здравјето на сите граѓани, појаснува министерот за здравство, Азир Алиу.Покрај употребата на тутун, други ризик фактори за малигни заболувања се и прекумерна дебелина, употреба на алкохол, недоволна физичка активност, неправилна исхрана.Според податоците од Институтот за јавно здравје, вкупниот број починати лица од малигни неоплазми во 2024 година изнесува 3.958, од кои 2.325 се мажи, а 1.633 се жени. Во истата година, бројот на починати од неоплазми на возраст над 65 години е речиси двојно поголем од бројот на починати до 64-годишна возраст.

Македонија | пред 2 месеци

Полицијата со официјална информација за протестите на Ромите: Нема инциденти на вчерашните јавни собири

Од Министерство за внатрешни работи за Скопје1 информираат дека во текот на вчерашниот ден се одржуваат јавни собири на граѓани на повеќе локации низ државата, при што ниту еден од нив не резултира со нарушување на јавниот ред и мир.Според информациите од МВР, собири се одржуваат на патниот правец Ресен–Прилеп, како и во Струмица, Прилеп, Ресен, Штип и Кочани. Од Министерството наведуваат дека сите јавни собири се одвиваат и завршуваат мирно, без инциденти и без потреба од интервенција за воспоставување ред.Во соопштението се додава дека МВР, во координација со Јавното обвинителство, презема соодветни мерки и активности за понатамошно постапување, во рамки на своите законски надлежности. Од институцијата нагласуваат дека состојбата постојано се следи и дека приоритет останува зачувувањето на безбедноста на граѓаните и јавниот ред.

Македонија | пред 2 месеци

Уапсени осум лица кои имале дрога, меѓу нив и двајца малолетници

Во текот на 3 и 4 февруари 2026 година, на повеќе локации во Скопје, полициски службеници од СВР Скопје лишиле од слобода осум лица поради поседување наркотични средства.Приведени се А.Л. (24), А.А. (32), А.А. (38), Д.И. (18), А.М. (35), 17-годишно момче и 16-годишна девојка, сите од Скопје, како и А.К. (45) од селото Морани, општина Студеничани. При полициските контроли кај нив била пронајдена и одземена прашкаста материја и марихуана.По целосно документирање на случаите, против лицата ќе бидат поднесени соодветни поднесоци.

Македонија | пред 2 месеци

Измамена фирма од Велес: Уплатиле 21 илјада евра за фалсификувана електронска фактура

Фирма од Велес измамена за над 21 илјада евра преку фалсификувана електронска фактураНа 3 февруари 2026 година во 07:15 часот, во СВР Велес, 60-годишна жена од Велес пријавила финансиска измама во фирмата каде што е вработена, при што биле оштетени за вкупен износ од 21.111 евра.Според пријавеното, фирмата извршила уплата на средства по фактура кон деловен партнер, но откако на службената електронска адреса добиле известување дека уплатата не е реализирана, стапиле во контакт со банката и со деловните партнери. По извршените проверки било утврдено дека фактурата била пресретната и фалсификувана, а парите биле префрлени на друга сметка.Од полицијата информираат дека се преземаат мерки и активности за целосно расчистување и документирање на случајот.

Македонија | пред 2 месеци