Досега доделени 42.606 студентски ваучери – рокот истекува на 20 декември

Министерството за дигитална трансформација потсетува дека преостануваат само уште десет дена за студентите да аплицираат за ваучери за електронски уреди.Досега се доделени 42.606 ваучери, од кои 27.426 се веќе искористени.Во рамките на владиниот проект што се спроведува заеднички со Генералниот секретаријат и Министерството за образование и наука, предвидени се вкупно 55.000 ваучери за студентите на додипломски студии запишани во учебната 2025/26 година.Рокот за аплицирање е 20 декември 2025 година, додека ваучерите можат да се искористат најдоцна до 31 декември 2025 година.

Македонија | пред 4 месеци

СДСМ со ново предупредување: По Албанија и Косово, Македонија е следна дестинација во мигрантските планови на западните земји

СДСМ и денеска отвори прашањето за мигрантските договори за кои, според опозициската партија, деновиве известуваат повеќе европски и светски медиуми. Утринава од партијата посочија дека информациите за „центри за враќање на мигранти“ се развиваат забрзано во регионот и дека Македонија, како што тврдат, може да биде следната дестинација.Според СДСМ, најновите анализи на меѓународните медиуми покажуваат дека неколку балкански држави веќе влегле во договори со западни земји. Косово, како што наведуваат, станало прва земја што прифати одбиени мигранти од Британија, додека Албанија се согласи на изградба на прифатни центри за мигранти од Италија.Во партиското соопштение се наведува и примерот на „Дојче веле“, кое пред пет дена информираше дека група од 40 мигранти била префрлена со воен брод во албанските центри, каде што – според германскиот медиум – ќе останат сè додека не бидат депортирани.СДСМ тврди дека, паралелно со овие случувања, британски медиуми објавиле дека Владата предводена од Христијан Мицкоски разговара за можно прифаќање мигранти од Британија во Македонија. Според тие објави, кои опозицијата ги цитира, наводно било спомнато финансирање од околу 20.000 фунти по мигрант, нивно вклучување на пазарот на труд – особено во градежништвото – како и можност за подолгорочно населување.Опозициската партија обвинува дека „ова е вистината“ и поставува прашање кој ја кажува реалната слика: светските медиуми или Владата. Според СДСМ, властите „ја кријат информацијата“, додека земјата се соочува со недостиг од средства во буџетот од околу една милијарда евра и, како што тврдат, со намера да се земе нов кредит до 6 милијарди евра „во замена за прифаќање мигранти“.„Граѓаните се против ваквите политики и велат НЕ за мигранти, НЕ за загрозување на безбедноста,“ наведуваат од СДСМ.

Македонија | пред 4 месеци

По доминантната победа, борецот Славески удри по системот: „Не сум за копуци во одела“

Македонскиот борец Горјан Гого Славески, кој пред само неколку дена го запиша својот седми триумф во БКФЦ, се огласи со објава на социјалните мрежи, упатувајќи критика кон институциите, но и охрабрување за младите спортисти. Тој соопшти дека не бил поддржан од државата за да ги постигне успесите кои ги има.„Сега за некој ден обавезно ќе звонат. Обавезнооо се срамежливи се од агенција (за спорт, која сега е министерство), бидете трпеливи“, напиша Славески, додавајќи „како и да е ,јас сум за моите луѓе, не за копуци во одела без било каков значаен успех,во спорт или општо во животот, како човек“.Тој откри дека добил голем број пораки од млади, перспективни спортисти и им порача да не очекуваат ништо од институциите.„Продолжете да си го следите сонот и верувајте во себе“, напиша Славески.Неговиот коментар следи по сензационалната победа над Џа Фар Форт, која ја извојува со технички нокаут за само една минута и 34 секунди во првата рунда. Интензитетот на неговите удари го натера судијата четири пати да ја прекине борбата пред конечно да процени дека противникот не може да продолжи.Со оваа победа, Славески го подобри својот професионален биланс на седум победи и еден пораз и уште еднаш ја потврди репутацијата на еден од најдоминантните борци во БКФЦ. Како поранешен шампион, Славески испраќа јасен сигнал дека е подготвен повторно да атакува на титулата.

Македонија | пред 4 месеци

Наместо да плаќате за мигранти, намалете ја брзината на 26 км/ч, казнувајте и ќе имате вишок во буџетот, напиша Макрадули

Поранешниот пратеник и ексзаменик-министер за животна средина, Јани Макрадули, остро ја критикуваше Владата за економските политики и актуелните дискусии околу можниот договор со Велика Британија за вдомување мигранти.„Денешната Влада, како да пишува римејк на Печалбари од Антон Панов, потврдувајќи ја тезата: ‘сѐ за тие пусти пари’“, напиша Макрадули, алудирајќи дека економската состојба е драматична, иако, како што вели, на прес-конференциите се прикажува поинаква слика.Тој посочи дека за унгарската милијарда „сѐ уште нема отчет“, а веќе се бара нова еврообврзница. Според него, домашното задолжување се префрлува на ЕСМ, а како „решение“ се појавил и проектот „мигрант за пари“.„За 20.000 фунти може да вдомите мигрант. Не успеав да видам која бројка од Програмата 1198 е ова“, иронично напиша Макрадули.Во продолжение додаде дека 20.000 фунти би биле еквивалент на околу 2.000 прекршоци за возење со 51 километар на час.„Нека размисли власта – наместо да наплаќа за мигранти, нека ја намали брзината за казна на 25/26 километри на час, па ќе има и вишок у буџетот ненаситен“, заклучи саркастично Макрадули.Премиерот беше дециден дека државата нема проблем со финансии, а ниту дека ќе се примаат мигранти за пари.

Коментари | пред 4 месеци

Русија предупредува: Прекинот на нуклеарните договори ја загрозува глобалната безбедност

Секретарот на Советот за безбедност на Руската Федерација, Сергеј Шојгу, изјави дека Москва очекува официјален одговор од Вашингтон во врска со предлозите на рускиот претседател Владимир Путин за продолжување или ревидирање на Договорот за стратешко намалување на нуклеарното вооружување (СТАРТ).„Нè делат помалку од 100 дена до истекот на договорот СТАРТ. Предлозите што ги изнесе нашиот претседател се на нивната маса и ние, секако, го чекаме одговорот. Тие предлози нудат можност конечно да се запре овој деструктивен тренд што трае“, изјави Шојгу, пренесе Интерфакс.Тој предупреди дека повлекувањето од договорите за ракети со среден и краток дострел има сериозни последици врз глобалната безбедност, додавајќи дека неопходно е да се врати дијалогот за стратешка стабилност.

Свет | пред 4 месеци

Историска инвестиција на Мајкрософт во Канада: фокус на сајбербезбедност и АИ

Мајкрософт ќе инвестира 7,5 милијарди канадски долари (5,4 милијарди американски долари) во проширување на своите дата-центри во Канада, најави претседателот на компанијата, Бред Смит, за време на посетата на Отава. Станува збор за најголемата инвестиција на Мајкрософт во историјата на канадското подружништво, со план да се реализира во следните две години.Инвестицијата доаѓа во период кога канадската влада инсистира на зајакнување на дигиталниот суверенитет и заштита на податоците од кибернапади и странски влади.„Го започнуваме новиот петточковен план за промоција и заштита на дигиталниот суверенитет на Канада“, соопшти компанијата, додавајќи дека инвестира и во обуки за работната сила со цел развој на вештини потребни во ерата на вештачката интелигенција.Загриженост во Канада предизвикува и можноста американската влада, под водство на претседателот Доналд Трамп, да има пристап до чувствителни податоци преку американските технолошки компании. И Владата и канадскиот бизнис-сектор се особено внимателни околу потенцијалното мешање во дигиталната инфраструктура.Претседателот на Мајкрософт, Бред Смит, изјави дека „дигиталниот суверенитет“ станал глобално прашање од прв ред.„Во Канада гледаме две различни динамики – промена во дијалогот со Соединетите Американски Држави и зголемен интерес од актери ширум светот насочен кон Канада“, рече тој.Канадското Министерство за јавна безбедност веќе предупреди дека странското влијание претставува една од најголемите стратегиски закани за националната безбедност. Владата потенцира дека за да ги искористи бенефитите од дигиталната економија, државата мора да биде способна да ја заштити својата инфраструктура и чувствителните податоци од сајбернапади што можат да го нарушат економскиот раст и квалитетот на живот.

Свет | пред 4 месеци

(Видео) Дванаесет загинати во пожар во станбена зграда во кинескиот град Шантау

Дванаесет лица загинаа во пожар што избувнал во четирикатна станбена зграда во јужнокинескиот град Шантау, соопшти државната новинска агенција „Синхуа“. Пожарот избувнал вчера околу 21:20 часот по локално време и бил целосно изгаснат четириесетина минути подоцна.Причините за пожарот засега не се познати, а истрагата е во тек. Трагедијата се случува во период кога вниманието на кинеската јавност сè уште е насочено кон најсмртоносниот пожар во последните децении во Хонг Конг, во кој до вторник загинаа 160 лица. Настанот предизвика повици од државниот врв за сериозно справување со безбедносните ризици во стамбената индустрија.Кина минатиот месец најави и сеопфатни инспекции на противпожарните стандарди кај висококатниците низ целата земја, поради низа трагични инциденти.Пожарот во Шантау е само последниот во низата слични несреќи. Во април, во дом за стари лица во провинцијата Хебеј загинаа 20 лица, а неколку недели подоцна, во пожар во ресторан на североистокот на земјата загинаа 22 лица.

Свет | пред 4 месеци

Свети Јаков Персиец: Денот посветен на маченикот што се врати кон верата по горко покајание

Православната црква денес го празнува Светиот маченик Јаков Персиец, христијанин роден во персискиот град Елапа (или Вилат), кој поради својата мудрост и способност станал омилен и возвишен во дворот на царот Издигерд. Поласкан од царската наклонетост, Јаков се откажал од Христовата вера и им принесувал жртви на персиските идоли.Кога за неговото отстапништво слушнале неговата мајка и жена, му напишале длабоко прекорно писмо, во кое го оплакувале како „душевно мртов“, но и го молеле да се покае и да се врати кон Господ. Овие зборови силно го потресле. Јаков се покајал и храбро ја исповедал верата пред царот.Издигерд го осудил на најтешка смрт: да биде исечен дел по дел. Џелатите најпрво му ги отсекле прстите на рацете, потоа на нозете, па рацете, нозете, рамената и на крај – главата. Во текот на страшното мачење, Јаков непрестајно Му благодарел на Бога, а од неговите рани, според преданието, излегувал благоухан мирис.Маченички пострадал околу 400 година. Главата му се чува во Рим, а дел од моштите во Португалија, каде што се празнува и на 22 мај.

Македонија | пред 4 месеци

Орбан бара милијарди, Трамп вели – „Ништо не сум ветил“

Американскиот претседател Доналд Трамп негира дека ветил финансиска помош од 20 милијарди долари за Унгарија, спротивно на изјавите на унгарскиот премиер Виктор Орбан.„Не, не му ветив, но тој ја побара“, изјави Трамп за Политико во интервју објавено во вторник.Орбан претходно тврдеше дека САД ќе обезбедат „финансиски штит“ за Унгарија во случај на „шпекулативен или политички напад“, алудирајќи на средствата што Европската Унија ги задржува поради загриженост за владеењето на правото. Во интервју за унгарската АТВ, тој прецизираше дека Будимпешта очекува помош од 10 до 20 милијарди долари или евра.Минатиот месец, Трамп дозволи Унгарија да продолжи со увозот на руска енергија и покрај американските санкции воведени поради инвазијата врз Украина. Во разговорот за Политико, тој наведе дека ситуацијата на Унгарија е специфична затоа што земјата нема излез на море и не може да увезува енергенси по морски пат.

Свет | пред 4 месеци

Во Идризово продолжува судењето за „Пулс“: Ваљон Сараќини и Крешник Бектеши ќе дадат воведни зборови

Судењето за трагедијата во дискотеката „Пулс“ од Кочани продолжува денеска во Идризово, во атмосфера на засилени безбедносни мерки и силен интерес од јавноста. Процесот се води за најтешката цивилна катастрофа во поновата историја на државата, во која загинаа 63 лица, а повеќе од 200 беа повредени.На претходното рочиште дел од обвинетите ја оспорија обвинителната постапка, тврдејќи дека е нецелосна и дека нема прецизни докази кои индивидуално ги поврзуваат со трагедијата.Досега воведни говори дадоа обвинителството и одбраните на првообвинетиот Дејан Јованов, сопственикот на „ММММ Кафе“ Митко Стојанов, обезбедувачот Стојанчо Димитриев и сопственикот на објектот Гроздан Милковски. Повеќето од нив ја отфрлија одговорноста и го доведоа под прашање целиот обвинителен акт.Следни ќе бидат поранешните министри Ваљон Сараќини и Крешник Бектеши, потоа службениците од Министерството за економија, како и пазарните инспектори Миле Ампов, Блашка Евтимова, Весна Кузмановска и Емил Митев.Воведно обраќање допрва треба да даде и Александар Нацев, сопственик на агенцијата за обезбедување „Рубикон“, чииот предмет беше споен со процесот непосредно пред почетокот на судењето.Обвинителството, составено од тим од 15 јавни обвинители, најави дека низ доказите ќе покаже дека „Пулс“ бил смртоносна стапица уште од првиот ден – производ на систематска негрижа, нелегална градба, пропуштени контроли и институционални пропусти кои довеле до катастрофа.На обвинителната клупа се 37 лица – сопственици, управители, инспектори, градоначалници, обезбедувачи и државни службеници.

Македонија | пред 4 месеци

Вучиќ во Белград: ЕУ да нè прими сите заедно, инаку проблемите остануваат

Српскиот претседател Александар Вучиќ изјави дека Европската Унија може да ги реши геополитичките предизвици на Западен Балкан само доколку ги прифати сите земји од регионот истовремено, без селективен пристап. Тој зборуваше на панел-дискусијата „Европска конкурентност во фрагментирана геополитичка средина“ во рамки на форумот „BELTALKS“.„Ако прифатите еден, двајца или тројца од нас, што ќе правиме со останатите? Како ќе ги решиме сите отворени прашања?“ рече Вучиќ, нагласувајќи дека прашањето се однесува и на иднината на регионот и на иднината на Европа.Тој најави дека утре во Брисел ќе се сретне со претседателката на Европската комисија Урсула фон дер Лајен и со претседателот на Европскиот совет Антонио Кошта, каде што ќе ја претстави својата иницијатива за заеднички прием на сите држави од Западен Балкан. Според него, таков пристап би донел стабилност и позитивна перспектива за целиот регион.Осврнувајќи се на кризата со Нафтената индустрија на Србија (НИС), Вучиќ ги наведе трите можни решенија, посочувајќи го 15 јануари како краен рок. Првото сценарио, кое го оцени како малку веројатно, е укинување или суспензија на американските санкции. Втората опција е продажба на мнозинскиот пакет акции од страна на руските сопственици, а третата – интервенција на државата како последно средство.Тој додаде дека Србија мора да внимава да не го загрози финансискиот систем и инвестицискиот рејтинг, истакнувајќи дека земјата, според економските проекции, во следните пет години ќе биде меѓу најуспешните во Европа. Во излагањето предупреди и на ризик од голем глобален конфликт во наредната година и пол, наведувајќи дека, и покрај бројните критики од регионот, досега не одговорил на нив.Црногорскиот премиер Милојко Спајиќ изјави дека делумно го поддржува предлогот на Вучиќ Западен Балкан заеднички да влезе во Европската Унија, додавајќи дека Црна Гора веќе „ќе чека“ таму од 2028 година. „ЕУ треба да биде крајната дестинација за целиот регион, но ние ќе ве чекаме и ве охрабруваме да побрзате“, напиша Спајиќ на социјалната мрежа X.

Македонија | пред 4 месеци

Најстудено во Берово со -1, преку ден до 16 степени: какво ќе е времето денеска

Во Македонија ноќеска преовладуваше релативно ладно и ведро време со мала облачност. Претежно е тивко, без позначаен ветер. Најниската температура е измерена во Берово, каде се спушти на –1 степен.Според метеоролошката карта, речиси на целата територија е забележано релативно ладно време, а на повеќе локации има појава на слана и мраз.Управата за хидрометеоролошки работи (УХМР) за денеска најавува сончево и релативно топло време со мала до умерена локална облачност. Наутро ќе има зголемена облачност, која постепено ќе се намалува во текот на денот. Ќе дува слаб северозападен ветер.Минималните температури ќе изнесуваат од –3 до 4 степени Целзиусови, а максималните ќе достигнат од 11 до 16 степени.Во Скопје се очекува сончево време со мала до умерена облачност. Претпладне во делови од котлината ќе има услови за слаба магла. Температурите во Скопскиот Регион ќе се движат од 1 до 13 степени.Според најавите од УХМР, следува период на стабилно и релативно топло време со утринска зголемена облачност, која во текот на денот ќе се намалува.

Македонија | пред 4 месеци

Пукање на кампус: еден мртов, еден тешко повреден во Франкфорт

Една личност загина, а друга е тешко повредена во пукање на Државниот универзитет во Кентаки, соопштија локалните власти во Франкфорт.Двете жртви се студенти на универзитетот, но осомничениот напаѓач не е, јави CBS.Пукањето се случило пред студентскиот дом Јанг Хол, на јужната страна од кампусот.Осомничениот е уапсен и идентификуван како Џејкоб Ли Бард од Евантсвил, Индијана.

Свет | пред 4 месеци

Хрватска сатирична приказна го измами претседателот на руската Државна дума: случајот заврши пред Путин

Претседателот на руската Државна дума, Вјачеслав Володин, на состанок со претседателот Владимир Путин пренел измислена приказна од хрватски сатиричен портал, уверувајќи дека станува збор за реален корупциски скандал во Европската унија, објави „Медуза“.Володин, говорејќи за потребата од законски надзор врз вештачката интелигенција, посочил дека технологијата носи „предизвици и проблеми“. За да ја поткрепи тезата, тој навел случај за наводна корумпирана „министерка за вештачка интелигенција“, не знаејќи дека таа вест потекнува од хрватскиот сатиричен портал NewsBar.Според измислената приказна, министерката во Албанија која е „компјутер“ по име Диела за време на обуката анализирала податоци од јавни набавки и заклучила дека примањето мито на Балканот е „нормална бирократска работа“.Министерката“ потоа наводно примила 14 биткоини за да одобри проект за автопат, а на суд требало да ја брани ChatGPT, додека нејзините обврски привремено ги презел „стар модел калкулатор Casio“.Всушност, приказната е целосно сатирична. NewsBar ја објавил само неколку дена претходно, а повеќе големи руски канали на „Телеграм“ ја пренеле како реална информација, по што, најверојатно, стигнала и до Володин.Во реалноста, Албанија – која не е членка на ЕУ – во септември назначи прототип-AI алатка наречена Диела, интегрирана во системот за јавни набавки како антикорупциска мерка, но таа не е министерка ниту е дел од корупциски скандал.Некои руски канали подоцна ги избришале објавите или додале појаснување дека станува збор за сатира.Ова не е првпат хрватски сатиричен текст да заврши во руските медиуми како „вистинска вест“. Во октомври 2025 година широко циркулираше приказна за наводна змија што угризала Хрват и угинала поради труење со алкохол – исто така измислена сторија на NewsBar од 2020 година.

Свет | пред 4 месеци

Папата го критикуваше Трамп по изјавата за Европа

Папата Лав пред новинарите, по средбата со украинскиот претседател Володимир Зеленски, изјави дека Европа мора да ја има централната улога во напорите за запирање на војната во Украина. Тој предупреди дека ниту еден мировен план што ја занемарува европската улога не може да биде реалистичен.„Војната е во Европа“, нагласи Папата, додавајќи дека европските земји мора да бидат составен дел од безбедносните гаранции. Тој истакна дека не сите ја разбираат важноста на тоа, но дека Европа мора да биде дел од секој процес на договарање мир по речиси четиригодишниот конфликт.Неговите коментари беа протолкувани како критика кон американскиот претседател Доналд Трамп, чија администрација во почетокот го исклучуваше европското учество во поставувањето на основните рамки за мировни преговори со Москва.На прашање за планот на Трамп, Папата рече дека не сака да го коментира, наведувајќи дека не го прочитал целиот документ. Сепак, нагласи дека она што го видел претставува значително отстапување од долгорочното вистинско сојузништво помеѓу Европа и САД.Папата Лав предупреди и дека некои од неодамнешните американски изјави можат да ги ослабат врските со Европа.„Мислам дека се обидуваат да го разделат она што, според мене, треба да остане многу важно сојузништво – денес и во иднина“, изјави тој.На прашање дали планира да ја посети Украина, Папата одговори дека се надева на тоа, но дека не знае кога би можело да се реализира. „Можеби ќе се оствари“, рече тој.Во меѓувреме, изјави на американски функционери дополнително ги разнишале уверувањата за стабилноста на поствоеното сојузништво меѓу Европа и Вашингтон. Новиот документ за Национална безбедносна стратегија на САД наведува дека Европа мора да го промени својот курс или ризикува да биде „избришана“.„Слаби се“, рече Трамп за европските лидери во изјава за Politico.„Сакаат да бидат политички коректни. Не знаат што да прават“, додаде тој.

Свет | пред 4 месеци

Сите помлади од 16 години останаа без социјални медиуми во Австралија

Австралија денес стана првата држава во светот што целосно го забрани користењето на социјални мрежи за лица под 16 години. Одлуката стапи во сила на сите популарни платформи, меѓу кои Инстаграм, Фејсбук, ТикТок, Јутјуб, Икс и Снепчет. Премиерот Ентони Албанезе изјави дека е „горд што е премиер на Австралија“, додека владата оваа мерка ја оправдува со заштита на младите од штетни содржини. Критичарите, пак, предупредуваат на ризик од изолација и префрлање на децата во неформални и нерегулирани интернет-простори.Дел од тинејџерите утрово ги затекнаа деактивирани профили, додека други веднаш пронајдоа начини да ја заобиколат забраната. Мислењата се поделени. Четиринаесетгодишната Моли од Брисбејн смета дека мерката „не е добро осмислена“ и дека ќе создаде повеќе проблеми. Нејзината врсничка Софија, пак, верува дека забраната може да има позитивен ефект и да поттикне повеќе дружење во живо, иако ја изненадил моментот кога била автоматски одјавена.Петнаесетгодишниот Тајсон е убеден дека „првите што се сакаат да се исклучат од мрежите ќе бидат и првите што ќе најдат начин да ја прескокнат забраната“. За Бриана (15), која живее на фарма оддалечена 30 километри од нејзината најдобра пријателка, социјалните мрежи се единствен начин да одржи контакт за време на празници.И реакциите кај родителите се спротивни. Дени Елачи, основач на организацијата Heads Up, ја поддржува забраната, велејќи дека родителите „не можат сами да се борат против технолошките корпорации вредни билиони долари“. Кели Халидоун, мајка на две деца, ја смета мерката за „сурова“, особено затоа што се воведува во пресрет на училишните распусти и празниците. Според неа, забраната „им ја одзема автономијата и гласот на илјадници малолетници“.Стручната јавност е поделена. Психологот д-р Рејчел Мурија предупредува дека, иако социјалните мрежи можат да создадат проблеми со спиењето и телесната слика, за дел од младите – како лицата со попреченост – тие се клучна алка за поврзување. Клиничкиот психијатар д-р Кристијан Хајм, напротив, смета дека забраната може „буквално да спасува животи“.По стапувањето во сила на законот, незадоволни тинејџери го преплавија ТикТок профилот на премиерот Албанезе со коментари во кои тврдат дека и понатаму можат да пристапат до апликациите. Министерката за комуникации Аника Велс предупреди дека „дупките во законот нема да останат отворени долго“ и дека платформите ќе мора редовно да вршат проверки.Во меѓувреме, нагло се зголеми преземањето на помалку познати апликации како Lemon8 и Yope, но регулаторите потсетуваат дека законот важи за сите социјални мрежи. И платформата Икс на Илон Маск соопшти дека ќе ја почитува забраната.Новата регулатива се однесува на сите лица под 16 години кои подолг период престојуваат во Австралија. Тинејџерите кои само ја посетуваат државата нема да имаат проблеми со пристапот, но оние со привремени визи може да бидат предмет на проверка на возраста или автоматска деактивација, доколку платформите утврдат дека се во Австралија подолго време.

Свет | пред 4 месеци

Нема фотографија

Ескалација на азискиот конфликт: Трамп тврди дека може „со еден повик“ да го запре судирот

Американскиот претседател Доналд Трамп најави дека лично ќе се вклучи во смирување на жестоките судири меѓу Тајланд и Камбоџа, кои влегоа во трет ден. Трамп, кој во јули веќе посредуваше во воспоставување примирје меѓу двете држави, изјави дека денес или утре ќе оствари телефонски повик за да се сопре најновата ескалација, пренесува Ројтерс.Настапувајќи на митинг во Пенсилванија, Трамп наведе низа конфликти за кои тврди дека помогнал во нивно запирање, меѓу кои и оние меѓу Пакистан и Индија, како и Израел и Иран. Потоа се осврна на повторните борби во Југоисточна Азија.„Мразам да го кажам ова, Камбоџа–Тајланд, започна денес и утре ќе мора да направам телефонски повик“, рече Трамп. „Кој друг може да каже дека ќе се јави и ќе запре војна меѓу две многу моќни земји, Тајланд и Камбоџа?“По јулските судири, во кои загинаа најмалку 48 лица, Трамп разговараше со лидерите на двете земји и беше клучен во воспоставувањето на тогашното кревко примирје.Додека се очекува неговата нова интервенција, ставовите на Тајланд и Камбоџа околу преговорите се спротивставени. Тајландскиот министер за надворешни работи изјави дека нема услови за преговори и дека ситуацијата не е соодветна за посредништво на трета страна. Од друга страна, главниот советник на камбоџанскиот премиер Хун Манет порача дека Камбоџа е „подготвена да разговара во секое време“.Во јули Трамп го искористи влијанието преку трговските преговори за да посредува во примирјето, но тајландскиот министер Сихасак Фуанкеткео предупреди дека заканите со царини не треба да се користат како средство за притисок.Ситуацијата повторно експлодираше откако Тајланд минатиот месец ги суспендираше мерките за деескалација договорени на октомврискиот самит во присуство на Трамп. Причина беше тежок инцидент со тајландски војник, погоден од нагазна мина за која Бангкок тврди дека била новопоставена од Камбоџа, што Пном Пен негира.Двете држави евакуираа стотици илјади луѓе од пограничните подрачја. Камбоџа соопшти дека од понеделник загинале девет цивили, а 20 се тешко повредени. Тајланд објави дека има четири загинати војници и 68 ранети.Тајландската армија изјави дека целта е „да се осакати“ воената способност на Камбоџа на долг рок, додека камбоџанското Министерство за одбрана возврати дека нивните сили немале избор освен да преземат одбранбени дејства, обвинувајќи ја тајландската страна за „несеќено и брутално гаѓање на цивилни области“, што Бангкок го демантира.

Свет | пред 4 месеци

Петрушевски: Идеолошката профилација на ВМРО-ДПМНЕ е насочена кон борба против илегалната миграција, а не либерализација на мигранти

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во дебатната емисија „Топ Тема“ на телевизија Телма, кој посочи дека согласно идеолошката профилација на ВМРО-ДПМНЕ, партијата е насочена кон борба против илегалната миграција, а не либерализација на мигранти нешто коешто е својствено за одредени политички партии како и тоа дека Владата предводена од ВМРО-ДПМНЕ нема никаква намера да прифати никакви илегални мигранти, ниту пак ќе се градат било какви шатори, кампови или хабови во делот на илегалните мигранти.„Од она коешто значи идеолошка профилација на ВМРО-ДПМНЕ, ние како политичка партија апсолутно сме за борба против илегалната миграција, а не за либерализација на мигрантите, нешто што било својствено за одредени политички партии. Ние апсолутно немаме никаква намера да прифативме никакви илегални мигранти, апсолутно лага е дека ќе се градат било какви шатори, кампови, хабови во делот на илегалните мигранти. Она коешто ќе го направиме е да, борба со илегалната миграција, нешто за коешто и британскиот амбасадор во соопштението напомена, нешто за коешто е разговарано и во Договорот за стратешко партнерство со Велика Британија, којшто е јавен, којшто е дебатиран во Собрание, каде што апсолутно ништо од ова не е наведено“, појасни Петрушевски.Пратеникот Петрушевски се осврна и на новиот проект Safe Country, со кој ќе се зајакне делот на граничното управување по пат на обезбедување на целата гранична линија на Македонија со соодветни технички камери и помагала, а во насока на спречување на илегална миграција како и нелегална трговија и шверц.„Ќе го зајакнеме делот на граничното управување, денеска најави премиерот еден нов проект налик на ова коешто го имаме сега како Safe City, ќе имаме Safe Country каде што целата гранична линија на Република Македонија ќе биде обезбедена со соодветни технички камери и помагала, така што покрај спречување на илегалната миграција ќе се спречува шверц, нелегална трговија. За ваквите чекори коишто ги прави оваа Влада во делот на спречување на илегална миграција добиваме пофалби од членки на ЕУ во континуитет и во таа насока ќе продолжиме да работиме заедно со нашите стратешки партнери“, рече Петрушевски.На крај Петрушевски, уште еднаш се повтори и нагласи дека едно е борбата против илегална миграција, за коешто впрочем Владата е за соработка со стратешките партнери, а илегалните мигранти се нешто за сосема друго и оваа Влада нема намера ниту да разговара, ниту пак да прифати што впрочем денес истото го истакна и премиерот Мицкоски.„Ќе повторам, да не ја замајуваме јавноста, едно е борба против илегална миграција, за коешто сме за соработка со нашите стратешки партнери, сосема друго е илегални мигранти нешто за коешто апсолутно оваа Влада нема никаква намера ниту да разговара, ниту да прифати. И тоа денеска многу јасно го објасни премиерот“, рече Петрушевски.

Македонија | пред 4 месеци

Ангелова: Буџетот за 2026 година претставува стратегија, визија и одговорност кон граѓаните, економијата и институциите

На денешната седница во Собранието се обрати пратеничката од редовите на ВМРО-ДПМНЕ, Емилија Ангелова која истакна дека Предлог-буџетот за 2026 година претставува стратегија, визија и одговорност кон граѓаните, економијата и институциите.„Буџетот не е само финансиски план, ниту табела со бројки, тој претставува стратегија, визија и одговорност кон граѓаните, економијата и кон институциите. Буџетот за 2026 година е документ што многу јасно ја одразува разликата помеѓу оваа Влада и сите влади пред неа. Овој Буџет е јасна политичка порака, дека државата конечно се движи во вистинска насока, дека економијата расте, дека институциите работат дисциплинирано и дека секој денар е ставен во функција на развој, инвестиции и подобар животен стандард. Овој Буџет е еден од најреалните и најодговорно планираните во последната деценија. Тој е јасна порака дека државата се движи напред и дека Владата предводена од ВМРО-ДПМНЕ управува дисциплинирано и државнички“, рече Ангелова.Ангелова посочи дека во 2026 година треба да се вратат 1,2 милијарди евра долгови создадени од претходните влади.„Во 2026 година треба да се вратат 1,2 милијарди евра долгови создадени од претходните влади, ние можевме да одиме во популизам, да оставиме хаос, да расфрламе средства но избравме дисциплина, државност и рационално планирање. Вкупните приходи во 2026 година се планирани на 374, 9 милијарди денари, со реален и конзервативен пристап. Расходите се 414,2 милијарди денари насочени кон функционирањето на јавните услуги, капитални инвестиции и социјална поддршка. Буџетскиот дефицит е 3,5% од БДП што е значително намалување во однос на приходите години и во согласност со фискалните правила и препораките на меѓународните финансиски институции“, посочи Ангелова.

Македонија | пред 4 месеци

Станковиќ: Буџетот за 2026 година е реален и има мерки за самовработување и сузбивање на сивата економија

На денешната собраниска седница се обрати пратеникот од Коалицијата предводена од ВМРО-ДПМНЕ, Малиша Станковиќ кој истакна дека буџетот е изготвен врз основа на реални економски  показатели и дека проекциите на приходната страна се остварливи.Станковиќ посочи дека  растот на планираните приходи е резултат на подобрена наплата на царини и концесии како и на позитивните трендови кај активните мерки за вработување.„Првата работа околу буџетот кога го анализираме и гледаме  треба да ја видиме  приходната страна, значи се предвидува еден буџет од 374,9 милијарди денари и е за 6% поголем од средствата кои предвидела државата да ги собере во буџетот во  2025 година. Сметам дека овие средства се реални да се соберат, земајќи ја во предвид 2025 година, каде што имавме сериозно зголемување на наплатата на царини, концесии, пред неколку дена се случи една позитивна вест а тоа е видовме каков е интересот на граѓаните за сите оние мерки кои ги предвидува Владата  за самовработување, 6045 апликанти тоа значи дека во наредната 2026 година по основ на вработување можеме да очекуваме поголеми приливи, тоа ни дава за право дека овие средства кои ги предвидува Владата на Република Македонија се остварливи“, рече Станковиќ.Тој нагласи дека Владата активно работи на сузбивање на сивата економија, истакнувајќи дека се спроведуваат активности со цел да се намали загубата на јавни приходи и да се зголеми финансиската дисциплина.„Втората работа, веќе се работи сериозно на намалување на  сивата економија, огромни средства од 600 до 700 милиони евра на годишно ниво се одлеваат на сивата економија. Мораме да ја сузбиеме сивата економија и оваа Влада прави сериозни напори за сузбивање на сивата економија. Првата работа воведувањето на е-фактурата е една од тие мерки којашто ни овозможува да ја контролираме сивата економија во државата. Второ институциите почнуваат да даваат резултати“, вели Станковиќ.

Македонија | пред 4 месеци

Лефков: За утврдување каде потфрлил системот, потребно e да заврши судската постапка за Кочани

На телевизија Канал 5 во емисијата „Само Вистина“ вечерва гостуваше пратеникот и член на ИК на ВМРО-ДПМНЕ, Миле Лефков кој дискутираше за поднесувањето на предлогот за разрешување на државниот обвинител Љупчо Коцевски, од страна на Владата.„Овде станува збор за еден процес којшто започна уште на почетокот на годината, Собранието не ги усвои извештаите на Советот на јавни обвинители и на судскиот Совет којшто наместо да даваат препораки како да се надмине ситуацијата со недовербата во судството и нефункционалното јавно обвинителство, тие навидум само оперираа со едноставни бројки. ДКСК имаше еден куп инцијативи, околу 50тина од коишто ниту еден не заврши како обвинителен акт, што значи дека за целата состојба во јавното обвинителство, за нејзината нефункционалност треба да биде одговорен, и тоа според законот токму јавниот обвинител. Владата имаше седница на којашто достави предлог до Собранието за разрешување на јавниот обвинител, иако ова беше одложено поради случувањата и во Кочани и поради изборите. Разрешувањето на јавниот обвинител нема да влијае на обвинителниот тим, една судска постапка за Кочани и две предистраги. Обврска за чување на угледот на јавното обвинителство според Законот за јавни обвинители паѓа на јавниот обвинител“, истакна Лефков.Лефков се осврна и на темата за денешната Анкетна комисија во Собранието за трагедијата во Кочани и истакна дека за утврдување каде потфрлил системот е потребно да се заврши судската постапка, и дека процесната правда е единствен начин да се дојде до правдата.„Нејзиниот претседател Апасиев имаше изјава на 64-тата седница од Собрание, во којашто велеше дека обвинителниот акт е килаво поставен и треба да падне, и дека министри и службеници кои земале мито не треба да бидат одговорни. Водејќи се од овие начела ние баравме изземање на претседавачот, затоа што тоа значеше дека Комисијата може да продолжи со работа, иако има спречување односно има друга постапка. Ние денеска присуствуваме на седницата и со гласање за дневниот ред констатиравме дека поднесувањето на оваа претставка е исправно и усогласено, меѓутоа за да утврдиме каде се потфрлил системот потребно е да се заврши судската постапка. Процесната правда е единствениот начин да дојдеме до правда и единствената надеж за нас како општество. Се надевам дека претседателот ќе се изземе барем за заклучоците, ќе се осврнеме на системските недостатоци и ќе се осврнеме на оние системски подобрувања коишто можеме да ги направиме“, рече Лефков и додаде:„И постојаната Aнкетна комисија и Aнкетната комисија што ќе се случува за сите трагедии, ќе имаат една цел, а тоа е да се утврдат оние системски слабости. Видовте како и покрај аргументите, имаше проблеми со заседувањето затоа што нејзиниот претседавач веќе одбрал страна и се настрои против обвинителниот акт. Видовме како тука е претседателката на државата, премиерот на државата, сите колеги пратеници, застанавме сите заедно кога станува збор за утврдување на една ваква одговорност“.

Македонија | пред 4 месеци

Попов: Стратегијата Македонија 2030 содржи шест столба со добро таргетирани политики кои се од клучно значење за државата

Во вечерашната емисија „За или против“ на Алфа телевизија гостуваше пратеникот и  претседател на УМС на ВМРО-ДПМНЕ, Сергеј Попов кој во однос на 18-от Конгрес на ВМРО-ДПМНЕ кој се одржа во саботата во Кавадарци, истакна дека е донесена Стратегијата Македонија 2030 како важен документ за државата кој содржи шест столба со добро таргетирани политики кои одговараат на потребите на граѓаните.“ВМРО-ДПМНЕ на своите конгреси не избира само претседател туку носи и многу важни документи како за партијата со тоа и за државата, и на овој Конгрес беше донесе таков своевиден документ односно стратегија каде ја гледаме државата во периодот што следи. Тој документ се базира на шест столба, под број еден, државната безбедност и како истата ја замислуваме, економската конкурентност, правната држава, демографија и семејните политики, евроинтеграцијата и шестиот столб е образованието. Овој е многу важен документ како за партијата така и за државата бидејќи ВМРО-ДПМНЕ  во овој период ја предводи Владата на Република Македонија  и мислам дека е многу важно на овој Конгрес кој го имавме во ова време да донесеме еден ваков програмски документ на партијата и на некој начин да ги прилагодиме или приспособиме нашите политики  на новото време во кое живееме“, рече Попов.Претседателот на УМС Попов, истакна дека првиот стожер на стратегијата не случајно е државната безбедност, затоа што токму тоа е клучно за да постојат функционални институции отпорни на дигитални напади, со јасни протоколи за препознавање на дезинформации и спречување на истите.„Кога зборуваме во нашата стратегија за безбедноста, не зборуваме само за силна Армија во однос на воена опрема, туку зборуваме како да имаме функционални и силни институции кои би биле отпорни пред се на дигитални напади, на сајбер напади и затоа ние во оваа наша стратегија многу зборуваме за национален модел на одбрана од овој тип на напади, формирање на национален центар за координиран одговор во делот на овие напади, создавање на институции кои ќе имаат јасни протоколи во делот на тоа како да се постапува при иден можен ваков напад од дигитален карактер и пред се како да се бориме кога зборуваме за безбедност против дезинформациите.Во оваа стратегија се предвидува дека Македонија до 2030 година треба да стане земја којашто би имале некој национален центар или национален план за да го препознаваме ова ширење на дезинформации и имаме начин ако против истото да се бориме“, вели Попов.

Македонија | пред 4 месеци

(Видео) „Срам ми е што сум дел од оваа држава“ – потреснен говор на мајката на загинатата Надица во Собранието

Габриела Наунова, мајка на загинатата Надица Наунова, остро им се обрати на пратениците за време на Анкетната комисија во Собранието, обвинувајќи ги за манипулации, незаинтересираност и децениски системски пропусти.„Прво сакавте да манипулирате со нас родителите, тоа беше срамно од ваша страна. И од државата... Девет месеци никој од вас не се појави во Кочани да подаде рака на нас, да ни изрази сочувство, особено само писменото обраќање... Кај некој отидовме и лично да се видиме и не ни оставија убав впечаток“, рече Наунова.Таа нагласи дека борбата за вистинска правда не е само за нивните деца, туку и за сите други.„Велам ние бараме вистинска правда за нашите деца, но и за вашите деца... Дали сте се запрашале некогаш дали треба да го смениме системот од корен? Да, треба. Ние како обични граѓани стоиме пред вас, не само родители. 35 години гледаме дека системот не функционира.“Во своето излагање Наунова остро го критикуваше односот на институциите и предупреди на последиците од трајната неефикасност.„Ако не го смениме системот, нашите деца ќе се иселат како и ние. Срам ми е што сум дел од оваа држава. Дозволуваме секој ден да гледаме убиства, дозволуваме секој ден да гинат млади личности. Да се иселуваат... а од што? Не е од нас! Од вас е!“, им порача таа на пратениците.

Македонија | пред 4 месеци

Јамалов: Буџетот за 2026 година е Буџет на развој, солидарност и иднина, со јасна насока кон европскиот економски модел на развој

На денешната Седница 73. во Собранието, се обрати пратеникот од ВМРО-ДПМНЕ, Александар Јамалов пришто истакна дека Буџетот за 2026 година не е само бројка туку одраз на визија, стратегија и одговорност кон граѓаните и идните генерации и напомена дека истиот е насочен кон стабилност, раст и развој. Јамалов посочи дека целта на Буџетот за 2026 година е да се задржи стабилноста на јавните финансии, да се забрза економскиот раст и да се подобри животниот стандард на граѓаните на Македонија.„Со реален раст на БДП од над 3,8%, со намалување на инфлацијата и одржливо ниво на јавен долг, државата покажува дека води стабилна и одговорна фискална политика. Особено важно е што капиталните инвестиции понатаму остануваат еден од најсилните столбови на овој Буџет. Се инвестира во модерни патишта, железничка инфраструктура, енергетска ефикасност и регионален развој“, појасни Јамалов.При што пратеникот Јамалов посочи дека ваквите проекти не се само бројки на хартија туку истите значат подобра поврзаност, нови работни места и посилна економија, а секоја денарска алокација има конкретна цел која е насочена кон создавање на вредност и поттикнување на продуктивноста на стопанството.„Буџетот е и Буџет на граѓанинот, во него се предвидени средства за подобро здравство, квалитетно образование, поддршка за младите и за зголемена социјална сигурност. Просечната плата расте, а новите мерки за поддршка на бизнис секторот и иновациите отвараат можност за вработување и поголема конкурентност на македонската економија“, вели Јамалов.Пратеникот Јамалов укажа дека во Буџетот за 2026 година посебно внимание е посветено на земјоделството, локалниот развој и рамномерната распределба на средствата, со што секоја општина и секој регион ќе имаат можност да учествуваат и придонесуваат во заедничкиот развој на државата.На крај Јамалов заклучи дека вака концепираниот Буџет за 2026 година уште еднаш ја потврдува определбата на Владата за фискална дисциплина, отчетност и транспарентност, стабилни јавни финансии и јасна насока кон европскиот економски модел на развој.„Овој Буџет ја потврдува определбата на Владата за фискална дисциплина, отчетност и транспарентност, средствата се насочуваат таму кадешто ќе дадат најголем ефект, во економија, во инфраструктура и во човечкиот капитал. Со ваков пристап, Република Македонија влегува во 2026 година со силна основа, со стабилни јавни финансии и со јасна насока кон европскиот економски модел на развој“.

Македонија | пред 4 месеци

(Видео) Си седите на телефони, си шушкате, замачкувате очи“ - Павловска од „Кој е следен“ разочарана од пратениците на анкетката за „Пулс“

Анастасија Павловска од граѓанската иницијатива „Кој е следен?“ остро реагираше на однесувањето на дел од пратениците за време на седницата на Анкетната комисија, опишувајќи го како понижувачко и целосно непочитувачко кон родителите на жртвите од трагедијата во Кочани.„Оваа страна покажа нула заинтересираност за целата дискусија која се одвиваше. Ве гледам, си седите на вашите мобилни телефони, си шушкате меѓусебно. Кога се прибраа членовите на медиумите, а голем дел си заминаа – како мислите дека мене, како млад човек во државава, каква слика ми создава? Дека вие ќе можете да соработувате и вистински да се изборите за правда за овие луѓе што собрале храброст да дојдат да се обратат?“, рече Павловска.Таа праша дали навистина некој очекува по вакво однесување младите да стекнат доверба во институциите:„Дали сметате дека јас по денеска ќе излезам од тука и ќе речам: ‘Да, соработуваат пратеничките групи, гледаме дека покажаа емпатија и дека им е важно што имаат да кажат овие родители’? Не. Мене ова ми личи дека е само некоја процедура, само да се замачкаат очите дека ‘еве, конечно ви дадовме Анкетна комисија’. Навистина е многу разочарувачки.“Павловска истакна дека внимателно ги следела емоциите на пратениците, особено во моментите кога зборуваа двете мајки од Кочани, и додаде дека однесувањето е „засрамувачко“.На крајот, упати директен повик:„Ве молам, пишете им на сите ваши колеги да се вратат назад во оваа сала!“

Македонија | пред 4 месеци