(Видео) Супорт Кочани: Ни се закануваат бидејќи ја говориме вистината

Гости во Претрес со Ландов, кој вечерва се емитува во живо од Кочани се родители на починати, преживеани и со хероите на градот.Од Супорт Кочани укажуваат на проблемите со кои се соочуваат, на несоодветниот однос на новата директорка на болницата која дури и врти глава од нив, иако има и пожртвувани медицински лица.Политичарите велат политика тераат.„Ние имаме дури и закани бидејќи многу сме зборувале, а ние ја говориме вистината”, велат од Супорт Кочани.Во вториот дел од Претрес за нивната болка и трагедијата ќе говорат Розета Блажева, сестра на загинатиот Јорданчо Џамов и Светлана Стојанова, мајка на загинатиот Андреј Стојанов.

Македонија | пред 6 месеци

(Видео) Хероите од Кочани: Сѐ се сведува на пропаганда и политизирање

Претрес со Ландов, вечерва во живо од Кочани.За трагедијата и состојбата отворено говорат родители на загинатите, преживеани и хероите што не молчат. Во Кочани и по седум месеци кога во пожарот во дискотеката Пулс загинаа 63 лица, има болка и револт.Во првиот дел од Претрес говорат Ана Вучева, една од преживените од пеколот. Таа е дел од маркетинг тимот на „Супорт Кочани”, Иван Ивановски, иницијатор за основање на „Супорт Кочани” и Дарко Стоилов, претседател на здружението.Не сакаат да кажат кој им задал нож во грбот, имаат проблеми, но секогаш одат напред за решавање на проблемите.„На Кочани не му требаат ветувања и големи пари, туку добро образование, здравство и настани. Најверојатно не не разбираат. Се сведува се на пропаганда и политизирање”, вели Иван.Ана сака да има позитивна енергија и дружба во центарот. И дава надеж дека ќе почне процесот за да се добие правда.Од повредените дел се добро, но има повредени со ампутирани делови, со тешки изгореници и ќе им требаат трансплантации и помагала.Дарко говори за девојка која била сместена во Систина и на која и требале средства за трансплантација, бидејќи треба да се набави од странство.

Македонија | пред 6 месеци

Митески: Аеродром самоиницијативно работи на собирање на отпадот, дополнително ги зајакнуваме нашите комунални служби

На телевизија Телма во емисијата „Топ Тема“ вечерва гостуваше кандидатот за градоначалник за општина „Аеродром“ Дејан Митески, кој на почетокот истакна дел од приоритетните проекти на изборната програма и посочи дека за прв пат Аеродром ќе добие нов културен дом.„Ние како сериозна политчка партија излеговме со сериозна програма, којашто ја презентиравме пред граѓаните, програма којашто опфаќа многу проекти, од сите населени места, од Долно Лисиче до Мичурин. Она што би сакал да го истакнам како најбитни проекти од програмата, тоа е за прв пат Аеродром ќе добие нов културен дом, театар, кино, место кадешто ќе можат да ужваат во културата сите генерации во Аеродром, рече Митески и додаде:„Проект за топлификација на Лисиче, нешто што ќе го намали загадувањето и ќе го подобри квалитетот на живот на сите граѓани, тоа е проект којшто ќе се реализира заедно со поддршката од Владата на Република Македонија. Зелена офанзива, којашто опфаќа низа на проекти што значат подобрување на парковите и ќе воведеме една обврска којашто многу ќе помогне за замена на дрвната маса, а тоа е проект за секој инвеститор во иднина што ќе гради, да донира садници на јавна површина, не како досега што било обврска во рамки на сопствената парцела, проект за враќање на парите кон граѓаните го насловивме како твој денар-твој проект, кадешто граѓаните преку директно учество ќе можат да одлучуваат со данокот што го плаќаат, кои проекти ќе можат да ги реализираат, нови детски градинки во Долно Лисиче, Острово и во Мичурин и нова детска градинка во Лисиче“.Во врска со актуелната тема деновиве за зголеменото количество на отпад во Скопје, чија надлежност е на Град Скопје, Митески истакна дека како општина самоиницијативно се работи и дневно се депонира повеќе од 10 тони отпад.„Во однос на зајакнување на инспекциските служби и третирање на отпадот, сликата жалосна е во цело Скопје, и за жал тоа е нешто што е работа на градот Скопје, како општина постојано работиме, ја работиме и нивната работа, дневно депонираме повеќе од 10 тони отпад во Дрисла. Пред да влеземе со инспекции и да ги казнуваме граѓаните ние мораме да им создадеме услови каде да го одлагаат отпадот. За прв пат како општина воведовме редовни акции коишто траат два месеци на пролет и на есен за одлагање на кабаст отпад,  понудивме услуга преку нашето јавно претпријатие да може на повик, граѓаните дојдат и го депонираат отпадот за симболичен надоместок, за прв пат лиценциравме јавно комунално претпријатие коешто може да одвезува и да транспортира неопасен отпад“, рече Митески.

Македонија | пред 6 месеци

Герасимовски: И во вториот мандат, политиката ќе биде целосно тргната на страна

Актуелниот градоначалник на Општина Центар и кандидат за втор мандат Горан Герасимовски во изјава за МРТ верува дека центарци и во вториот круг ќе го одберат концептот „За Центар што го сакаме“.„Се надевам дека сите оние коишто веруваат во нашиот концепт дека и во вториот круг ќе го дадат својот глас за заедно да ја водиме општината и во наредните четири години. Покажавме различност, немавме мнозинство во советот. Претседател на советот беше од друга политичка партија. Но, и сега имаме интересен состав на советнички групи од повеќе политички партии и верувам дека ќе го прифатат истиот концепт којшто го имавме изминатите години. Продолжуваме да работиме во интерес на граѓаните. Сите советнички групи и политиката ќе биде целосно тргната на страна во Општина Центар“, рече Герасимовски.Тој, потенцираше дека има одлична програма, којашто е пишувана заедно со граѓаните, за разлика од некои против кандидати кои ги имаат копирано проектите од програмата.„Ние самите проекти ги пишуваме со граѓаните четири години наназад. Нашите буџетски форуми кои ги предлагаме ќе ги направиме во текот на следната недела. Ги слушаме граѓаните. Верувам дека граѓаните ќе го препознаат концептот, во првиот круг го препознаа, верувам дека и во вториот круг ќе го препознаат и ќе ни ја дадат целосната доверба. Ги повикувам сите оние жители, сите оние центарци коишто во првиот круг дадоа глас на одредени политички партии и независни кандидати да ни се приклучат во концептот „За Центар што го сакаме“ за заедно да ја направиме општината поубаво место за живеење на сите“, порача Герасимовски.Во однос на сметот во Скопје, Герасимовски изјави дека општината испратила допис до ЗЕЛС за свикување на итна седница за да се најде решение за катастрофалниот проблем со кој се соочуваат центарци, но и сите жители на Град Скопје.„Дури ја повикувам и Владата да се вклучи во решение на овој огромен проблем со кој се соочуваат центарци. Нашите служби се на терен, во две смени. Имаме дополнителна механизација, но не може да се постигне поради тоа што јавното комунално претпријатие неколку дена не излегува на терен за да си ги заврши своите обврски и имаме преполни контејнери на територија на цела општина, на цел град, имаме кучиња скитници кои го разнесуваат ѓубрето. Нема да дозволиме да се шират зарази низ Општина Центар. Ќе направиме сѐ самиот проблем да се санира што побрзо“, истакна Герасимовски.

Македонија | пред 6 месеци

Мециновиќ: Изборот во Скопје е избор за демократија, не за функција

Првата прес-конференција по почетокот на вториот изборен круг, кандидатот за градоначалник на Скопје од Левица, Амар Мециновиќ, ја започна со отворање на темата што, според него, ја засенува секоја друга, нерамноправниот третман во медиумскиот простор и во вториот изборен круг затоа што АВМУ не дозволи политичко рекламирање на Левица.„Институциите кои се под политичка контрола направија преседан без преседан во македонската демократија,“ рече Мециновиќ, нагласувајќи дека само еден кандидат, оној на власта, ќе има пристап до платено рекламирање, билборди и медиумска промоција.„Тоа не е само неправда кон мене, тоа е удар врз демократијата. Ова ќе биде забележано во сите извештаи за состојбата во земјава“, додаде тој.Мециновиќ нагласи дека ќе продолжи со позитивна и проактивна кампања, иако околностите, како што рече, не се рамноправни. „Овој втор круг не е натпревар меѓу двајца кандидати, туку избор меѓу старото и новото, меѓу статус-квото што го изеде градот и визијата за едно поинакво Скопје“, истакна тој.Според Мециновиќ, апсолутната власт што во моментов ја имаат ВМРО-ДПМНЕ, ВЛЕН и ЗНАМ, ја довела државата во состојба на „сè поочигледна авторитарност“. Победата, вели, нема да биде негова лична победа, туку чин на отпор и демократизација на општеството.„Јас не сум најпаметен, ниту најдобар од сите скопјани“, рече тој. „Но знам дека скопјани заслужуваат град каде што нивниот глас нешто значи. Локалната политика е нашето секојдневие: улиците, воздухот, јавниот превоз, зеленилото. Тие работи не смеат да зависат од партиски договори“.Мециновиќ подвлече дека нема намера да води деструктивна политика и дека ќе соработува со сите советнички групи во Советот. Потсети дека проблемите во претходниот мандат произлегле токму од партиски суети и лични конфликти. „Не ме интересира да се натпреварувам во суета. Сакам градот да функционира. Ќе соработувам со сите, затоа што Скопје мора да заживее“, истакна.Кандидатот на Левица испрати и порака до сите граѓани кои се разочарани од политиката и кои во првиот круг останале дома. „Ги повикувам сите здраворазумни Скопјани, без разлика од која партија доаѓаат, да се охрабрат и да гласаат за промена. Овојпат изборот е реален, старите партии веќе не се најголеми фактори“, порача тој.Тој ги поздрави и независните листи што успеале да влезат во Советот на градот, оценувајќи дека секој советнички мандат што нема да го добијат „старите партии поврзани со бизнис интересите“ е, како што рече, „добредојдена промена“.На крајот, Мециновиќ одговори и на новинарско прашање за поканата за телевизиски дуел со Орце Ѓорѓиевски. „Подготвен сум на дебата, но покрај вашата покана го повикувам Ѓорѓиевски на јавен дуел, под отворено небо, пред граѓаните и сите медиуми. Таму нека нè слушне народот и нека избере која опција му се допаѓа“. Со оваа прес-конференција, Мециновиќ го постави тонот на втората рунда од кампањата: помалку конфронтација, повеќе визија. „Нема повеќе вие направивте, ние направивме. Сега има само еден избор, статус-кво или промена која ќе ја градиме заедно“, порача тој.

Македонија | пред 6 месеци

Лукровски: Карпош ќе се развива плански, ќе се формира „Карпош план“

„Со моето избирање за градоначалник ќе престане бетонизацијата во Карпош“, истакна Сотир Лукровски, кандидат за градоначалник на општина Карпош од редовите на ВМРО-ДПМНЕ, во вечерашната емисија „За или против“ на Алфа телевизија.Лукровски истакна дека ќе се формира ЈП „Карпош план“, кое ќе биде под целосна контрола на Општината и на граѓаните, се со цел Карпош да биде граден плански во интерес на граѓаните.„Карпош план ми е најголема заложба, „Карпош план“ ќе донесе мир на граѓаните. Да биде гарант на нашите заложби Карпош граден плански, Карпош граден таму каде што треба. Таму каде што има простор за зеленило, каде што има простор за градинки, каде што има простор за училишта, за паркинзи, не во Карпош 4, не во Карпош 3, не згради во Влае, домување да, меѓутоа не згради. Карпош план може да функционира, не само во делот донесување ДУП-ови итн., значи ќе ни помогне во легализацијата, имаме проблем со легализациите, по 15 години луѓе чекаат за легализации, се менуваат генерации, значи стареат луѓе со проблемот на легализацијата. Така што верувам и ќе направиме моќен Карпош план“, заклучи Лукровски.

Македонија | пред 6 месеци

Лукровски: Со моето избирање за градоначалник ќе престане целата бетонизација и урбаното дивеење во Карпош

На телевизија Алфа во емисијата „За или против“ вечерва гостуваше кандидатот за градоначалник за општина Карпош, Сотир Лукровски кој на самиот почеток на емисијата дискутираше за неговиот противкандидат за општина Карпош и објасни дека во Карпош има два фронта, едниот е фронтот на потрошени играчи, непринципиелни коалиции, и луѓе кои сите овие години ги распродаде парковите во Карпош, и фронт-опција која ќе ја врати довербата во граѓаните.„Водам со 1530 мислам гласови пред човекот кој во четири мандата бил градоначалник на општина Карпош, тоа зборува дека луѓето препознаваат во мене човек кој ќе внесе една новина, кој ќе донесе еден нов концепт, нови практики. Во Карпош имаме два фронта, фронт на потрошени играчи, фронт на непринципиелни коалиции, фронт кои не му мислат добро на граѓанинот, кој сите овие години ги распродаде парковите на Карпош, и имаме од другата страна една опција, која е во моментов добитничка, кон која јас верувам дека ќе се приклучат сите граѓани, и ќе направиме една опција која ќе ја врати довербата во граѓаните“, истакна Лукровски.Лукровски објасни дека работата на сегашниот градоначалник не се чувствува во ниеден сегмент, и дека со неговото доаѓање ќе престане бетонизацијата и урбаното дивеење во Карпош.„Господинот Јакимовски, е четири мандата, ова што е во последниве четири години, ние не ја чувствуваме работата на општината, на општинските тела, на комуналните служби, во било кој сегмент да допрете. Сотир нема да им донесе згради во парковите на соседите. Со моето избирање за градоначалник ќе престане целата бетонизација и урбаното дивеење во Карпош. Колку партии, колку функции, колку сојузи има направено за да остане на власт, 30 и повеќе години е човекот на државна функција. Бројките зборуваат, сите граѓани кои му мислат добро на Карпош, ќе ја дадат поддршката за оваа опција“, дециден е Лукровски.

Македонија | пред 6 месеци

Голема акција во Прилеп: Над 20 лица уапсени, меѓу нив и поранешни директори и високи функционери во здравството

Во координирана акција на Финансиската полиција и Основното јавно обвинителство Прилеп, утринава се уапсени повеќе од 20 лица, меѓу кои, според информации на Скопје1, има поранешни директори и лица на раководни позиции во прилепската болница.Од Обвинителството за Скопје1 потврдуваат дека акцијата се спроведува по нивни наредби и насоки, и дека во моментов се преземаат истражни дејствија поврзани со злоупотреби во работењето на јавната здравствена установа во Прилеп.„По наредби и насоки на Основното јавно обвинителство Прилеп постапува Управата за финансиска полиција. Се преземаат дејствија во врска со постапка за наводи против повеќе лица за злоупотреби во работата на прилепската болница. Дејствијата се преземаат во моментов, а повеќе детали ќе бидат соопштени во текот на утрешниот ден,“ велат од Обвинителството.Според првични информации, предметот се однесува на финансиски малверзации, фиктивни набавки и злоупотреби со јавни пари, а истрагата се проширува и кон други институции кои имале договори со болницата.Ова е една од најголемите акции во последните години во здравствениот сектор во Прилеп, а јавноста очекува Обвинителството утре да објави детали за уапсените и за можните кривични дела што им се ставаат на товар.

Македонија | пред 6 месеци

Меџити: „Градежните активности во Стар Чаир се доказ за почетокот на нова ера на развој“

Новоизбраниот градоначалник на Општина Чаир од коалицијата ВЛЕН, Изет Меџити, најави нов циклус на инфраструктурни инвестиции, нагласувајќи дека градежните активности во Стар Чаир се одвиваат со силен интензитет и според највисоки стандарди.„Со голем интензитет и целосна посветеност продолжува изградбата на улиците во Стар Чаир. Секојдневно се работи по план и со одговорност, за Чаир да го добие развојот што го заслужува. Уредна и достојна општина за нашите граѓани!“, изјави Меџити.Градоначалникот посочи дека со овие активности се исполнуваат ветувањата дадени во изборната кампања, со што Чаир се поставува на патот кон урбана трансформација и одржлив развој.„Ова е само почеток на новата ера за Чаир – општина на транспарентност, визија и работа на терен. Граѓаните веќе ги гледаат првите резултати од посветено владеење“, порача Меџити.Според него, тековните инфраструктурни проекти се само дел од пошироката стратегија за модернизација на општината, која ќе вклучува нови улици, подобрена улична инфраструктура, јавна хигиена и уредување на јавните простори.

Скопје | пред 6 месеци

Поранешен шпион на КГБ: Путине, не оди во Будимпешта. Британците подготвуваат атентат

Владимир Путин доби драматично предупредување за наводна „британска завера за атентат“ што му се подготвува доколку отпатува во Унгарија на состанок со Доналд Трамп. Предупредувањето доаѓа од Андреј Безруков, полковник на руската надворешна разузнавачка служба (СВР) и поранешен таен агент кој со години дејствувал во САД.Итен апел: ‘Не одете во Будимпешта’Безруков упати директен апел до рускиот претседател: „Не одете во Будимпешта.“ Тој повика очекуваниот состанок со Трамп итно да се премести во Дубаи за да се избегне, како што тврди, „апсолутно предавничка операција“ која ја подготвуваат Британците.„Имам многу, многу сериозни грижи околу Будимпешта“, изјави Безруков, чиј таен идентитет беше разоткриен во 2010 година, кога ФБИ ја приведе руската шпионка Ана Чапман. И двајцата беа дел од голема размена на шпиони истата година, што вклучуваше размена на десет руски агенти за четири лица кои во Русија издржуваа казна за шпионажа за Западот.Зошто токму Британците?Според Безруков, „целиот менталитет“ на Британците „е структуриран на таков начин што, ако Путин не постои, тогаш нема проблеми... Прво, Русија ќе се распадне“, изјави тој во гостување на руската државна телевизија.Тој додаде дека владејачката класа во Лондон „разбира дека Британија наскоро може да престане да постои“. „Во суштина, елитата во неа, која беше многу, многу организирана банда, сега ја губи својата моќ, не затоа што лошо работи, туку затоа што самата земја драстично се менува, се растопува“, рече тој.„И за нив нападот врз нас, вклучително и апсолутно предавничката операција која би можела да се изведе по повод овој состанок во Будимпешта, е одлука“, продолжи тој, без да понуди никакви докази за своите тврдења. „И тие ќе го сторат тоа. Ќе ризикуваат сè, затоа што сега ризикуваат сè. Затоа силно би советувал против (патувањето на Путин во Будимпешта).“Кој е Андреј Безруков?Водечкиот ТВ-пропагандист на Кремљ, Владимир Соловјов, го праша како тогаш да се избегне ризикот од атентат. „Постои прекрасна земја која се вика Обединети Арапски Емирати [која би можела да биде домаќин на разговорите меѓу Трамп и Путин]“, одговори Безруков. На тоа Соловјов забележа дека Путин „е толку храбар“ што веројатно сепак ќе го преземе ризикот да патува во Будимпешта.„Понекогаш тоа не е добро... Врховниот командант (Путин) ја претставува државата, а тука интересите на државата се поважни од храброста на една личност...“, заклучи Безруков.Андреј Безруков (65) е поранешен шпион на КГБ и СВР кој со децении работел како „спијач“ во САД под псевдонимот Доналд Хауард Хитфилд, заедно со сопругата и колешка агентка Елена Вавилова, позната како Трејси Ен Фоли.Двојката одгледала два сина, Тимоти и Александер, кои немале поим дека нивните родители се шпиони. Денес, Безруков е професор на Московскиот државен институт за меѓународни односи (МГИМО) и советник на државниот нафтен гигант Росњефт.Унгарија и налогот за апсењеПатувањето во Будимпешта би било првото патување на Путин во некоја земја од Европската унија од почетокот на инвазијата на Украина во февруари 2022 година. Унгарија ја уверила Москва дека нема да постапи по налогот за апсење што го издаде Меѓународниот кривичен суд (МКС) за Путин. Налогот се однесува на наводна незаконска депортација на украински деца во Русија, што се смета за воен злостор.

Свет | пред 6 месеци

ОКТА со поддршка на Црвениот крст во борба против гладот, 16 години со заедничка цел

посветеност кон општествено одговорното делување преку поддршка на кампањата на Црвениот крст на Град Скопје „Помислете на нас“. По повод обележувањето на 16 октомври, Светскиот ден на борба против гладот, иницијативата има цел да ја подигне свеста за важноста на борбата против оваа негативна појава, како и да обезбеди директна помош за социјално ранливите категории граѓани.Во рамки на кампањата која ќе се одвива од 16 до 22 октомври оваа година, компанијата обезбедува финансиски средства за подготовка на пакети со прехранбени производи, кои ќе бидат дистрибуирани до семејствата и лицата кои се соочуваат со социјални и економски предизвици.„Поддршката на кампањата ‚Помислете на нас’, за нас во ОКТА претставува не само финансиска помош, туку и конкретен израз на солидарност и грижа за оние на кои таа поддршка им е најпотребна. Секој пакет кој ќе стигне до граѓаните кои се во социјален ризик е потсетник дека заедно можеме да направиме вистинска разлика и да изградиме општество во кое солидарноста е вредност што сите ја споделуваме“, изјави Антонио Велковски, претседател на организацијата на Црвен крст при ОКТА.Кампањата „Помислете на нас“ е дел од традиционалното обележување на Светскиот ден на храната, иницијатива што има цел да ги потенцира напорите за намалување на гладот и сиромаштијата на локално и глобално ниво.Компанијата преку оваа иницијатива и долгорочната соработка со Црвениот крст, ја покажува својата одговорност и посветеност кон заедницата и го потврдува својот статус на доверлив партнер на Црвениот крст, активно придонесувајќи кон хуманитарни активности, со фокус на директна поддршка, кои овозможуваат повисок квалитет на живот на најранливите членови на заедницата.

Македонија | пред 6 месеци

Стојкоски: „На башибозукот му се ближи крајот – одговорност ќе има“

Градоначалникот на Општина Ѓорче Петров, Александар Стојкоски, објави дека екипите на Комунален пункт се постојано на терен за да се справат со последиците од, како што вели, „нефункционирањето на Градот и на ЈП Комунална хигиена – Скопје“.Стојкоски ја поздрави акцијата на Министерството за внатрешни работи и инспекциските органи, кои по наредба на Владата започнаа вонреден инспекциски надзор во Град Скопје и во Комунална хигиена, поради сериозните проблеми со несобирање на отпадот.„Екипите на Комунален пункт се постојано на терен да се изборат со нефункционирањето на градот и Комунална Хигиена Скопје. Ја поздравувам акцијата на МВР и надлежните инспекторати и како општина сме ставени целосно на располагање за обезбедување на потребната документација и документи. На овој башибозук му се ближи крајот и одговорност ќе има!“, напиша Стојкоски на социјалните мрежи.Изјавата на Стојкоски доаѓа во момент кога ситуацијата со отпадот во Скопје е оценета како алармантна, а Владата донесе одлука за итна интервенција на државно ниво со цел заштита на јавното здравје и воспоставување ред во комуналните служби.

Скопје | пред 6 месеци

(Фото) Сред Белград уништен мурал на легендата Новак Ѓоковиќ

Мурал, посветен на легендарниот тенисер Новак Ѓоковиќ, во центарот на Белград, е прекриен со црна боја. Делото на уметникот и активист Андреј Јосифовски, беше инспириран од поддршката на Ѓоковиќ за студентите кои протестираат, познатото „пумпање“ на Новак за време на овогодинешниот Вимблдон.На муралот е Ѓоковиќ во момент на карактеристична гестикулација и енергија со натпис: „ПУМПАЈ, ПУМПАЈ, зошто застана?”.„Замислете го тој голем патриот во портокалова јакна со капа, кој се прикрадува ноќе, потоа стои пред Новак (ЕЈ НОВАК!), го гледа во очи и му фрла боја по лицето и телото. Не грижи се, брате мој, одмаздата ќе следи, но без маска, среде ден, онака како што го правиме тоа“, напиша Јосифовски со фотографија од оштетениот мурал.По отворената поддршка за студентите, Ѓоковиќ се најде на удар од дел од јавноста о власта а турнирот „Србија Опен“ мораше да се премести од Белград во Атина.

Спорт | пред 6 месеци

Министерството за здравство: Нема долг кон „Комунална хигиена“, тврдењата за 5 милиони евра се неточни

Министерството за здравство со реакција ги демантираше тврдењата на ЈП „Комунална хигиена – Скопје“ дека институцијата ѝ должи повеќе од пет милиони евра и дека токму овој неплатен долг е причина за доцнењето на платите на вработените во претпријатието.„Министерството за здравство, како правен субјект, нема никаква обврска или долг кон ЈП Комунална хигиена – Скопје. Тврдењата за неплатен долг од 5 милиони евра се неточни и целта им е да се нанесе штета на угледот на Министерството или да се амнестира некој од сопствените обврски,“ стои во соопштението.Од Министерството апелираат јавноста и медиумите да внимаваат на точноста на информациите и да не се шират дезинформации што можат да создадат забуна или недоверба во институциите.„Министерството за здравство продолжува да работи согласно законските обврски и со принцип на транспарентност во сите свои активности,“ додаваат од институцијата.Реакцијата следува по обвинувањата на ЈП „Комунална хигиена – Скопје“, кое претходно тврдеше дека токму долгот од Министерството за здравство сериозно ја нарушува ликвидноста на претпријатието и индиректно предизвикува доцнење на платите.

Скопје | пред 6 месеци

Град Скопје до Мицкоски откако им најавија проверки: Политички прогон сакаш да правиш, несреќо

Град Скопје реагираше откако Владата побара од МВР да влезе во Град Скопје и Комнунална хигиена по купот смет по улиците на главниот град. Во реакцијата, пратена преку официјалните канали на Градот, се вели дека Мицкоски „почнал да се однесува како семоќен“ и дека наместо да се заканува, треба да преземе одговорност за „криминалната структура во Комунална хигиена“.„Мицковски, несреќо, на кого се закануваш? Те велича Орце Самка Ѓорѓиевски дека си господ и си почнал да веруваш дека си семоќен? Политички прогон сакаш да правиш, несреќо,“ стои во реакцијата.Од Град Скопје посочуваат дека за отпадот низ градот е одговорна токму структурата на ВМРО-ДПМНЕ во ЈП „Комунална хигиена – Скопје“, предводена од Јулијана Спировска, претседателка на Управниот одбор, која, како што наведуваат, е „правосилно осуден криминалец за две кривични дела“.„За ѓубрето низ Скопје се одговорни твоите градоначалници, кои сред избори повикаа граѓаните да фрлаат кабаст отпад, а немаат ни ресурси, ни механизација да го собираат. За тоа се мачат вработените во КХС кои се веќе на крај со силите,“ се додава во соопштението.Градот го обвинува и Министерството за здравство, кое, според нив, му должи милионски суми на Комунална хигиена, и прашува дали Мицкоски ќе влезе „со полиција“ и таму.„По корумпирана и по плитка власт од твојава не постоела, ниту ќе постои. Уствари, заборавив — Северна, бидејќи и името дека ќе го вратиш, лажеше, како и за сè друго што лажеш денес,“ завршува соопштението на Град Скопје.Ова е уште една во серијата јавни размени на остри обвинувања меѓу Градот и Владата поради алармантната состојба со отпадот во Скопје, за која Владата веќе најави вонреден инспекциски надзор во ЈП „Комунална хигиена“ и Град Скопје.

Скопје | пред 6 месеци

Нови 30 дена притвор за онкологот Нино Васев

Основниот кривичен суд одлучи да му го продолжи притворот на поранешниот директор на Клиниката за онкологија, Нино Васев, за уште 30 дена.Неговиот адвокат Боби Спирковски најави жалба до Апелациониот суд. Според него, притворот е неоправдан а обвинението се темели на „вештачки конструирани“ дела.Спирковски нагласи дека одбраната приложила нови докази кои, според него, покажуваат дека нема штета ниту основ за тешки обвиненија, и дека Апелација треба да одлучи без притисоци, исклучиво според закон и факти.Како што кажа Спирковски, Обвинителството во две реченици навело оти бара притвор затоа што се сомнева дека од куќен притвор Васев може да избега надвор од државата само со лична карта.„Ве молам, фактот е дека може и без лична карта да избега преку некаков див граничен премин и дека, и ако тоа не го направи, дека може да се скрие некаде на територијата на Македонија. Па тоа не се правни аргументи, тоа се аргументи за лаици кои што не познаваат право. Тие аргументи претходно Апелација ги усвои и одреди притвор. Тие аргументи не се аргументи, се надевам дека пак се враќаме на тоа дека решаваа под огромен притисок и без да водат сметка за правните аргументи. Се надевам дека сега е време тоа да се поправи“, изјави Спирковски.Инаку на денешното рочиште како сведоци на Обвинителството, искази дадоа поранешни членови на Управниот одбор на Клиниката за радиотерапија и онкологија кои на овие позиции биле додека обвинетите Васев и Нухи биле директори.Тие одговараа на прашања поврзани со финансиското работење на Клиниката, а еден од нив не можеше да се сети на детали.Друг сведок, член на Управниот одбор од 2018 до 2024 година, рече дека Васев на седниците на Управниот одбор во 2019 година, презентирал дека имаат дозволно средства и дека Клиниката успешно ќе ја заврши годината, но кога дошла директорката Виолета Клисаровска, на Управниот одбор му било кажано дека Клиниката има финансиски проблеми.Управниот одбор одлуките ги носел со гласање на седниците, а за усвојувањето на годишните завршни сметки, кажа оти не се сеќава како гласала, но, дека биле донесени.

Македонија | пред 6 месеци

Кривична пријава против пироман од Скопје, со запаливо средство опожарил патничко возило во Скопје, одреден притвор

СВР Скопје – Одделението за криминалистички работи Кисела Вода поднесе кривична пријава против Ж.И.(37) од Скопје поради постоење основи на сомнение за сторено кривично дело „предизвикување општа опасност“. Имено, по преземени мерки и активности дојдено е до сознание дека на 16.10.2025 на ул.„Народни херои“ во Скопје со запаливо средство предизвикал пожар во патничко возило „мерцедес“ со скопски регистарски ознаки, сопственост на Д.Н.(38) од Скопје и предизвикал материјална штета од 200.000 денари.„На 20.10.2025 тој е пронајден и лишен од слобода и во службен разговор го признал делото, по што по насоки од јавен обвинител поднесена е пријавата по брза постапка, а од основен кривичен суд одредена му е мерка притвор во траење од осум дена", велат од МВР.

Македонија | пред 6 месеци

МВР влегува во Град Скопје и „Комунална хигиена“ поради алармантната состојба со отпадот

Владата на денешната седница донесе одлука со која го задолжи Министерството за внатрешни работи (МВР), во координација со повеќе инспекциски и здравствени институции, веднаш да спроведе вонреден инспекциски надзор во Град Скопје и во ЈП „Комунална хигиена – Скопје“, поради сериозните проблеми со собирањето и транспортирањето на комуналниот отпад.Според владините заклучоци, Државниот комунален инспекторат (ДКИ), Државниот инспекторат за животна средина (ДИЖС), Државниот санитарен и здравствен инспекторат (ДСЗИ) и Институтот за јавно здравје (ИЈЗ) се задолжени, во соработка со МВР, веднаш да почнат координиран надзор на целата територија на главниот град. Целта е да се утврди реалната состојба со отпадот и да се преземат итни мерки за заштита на јавното здравје и животната средина.Паралелно, МВР е задолжено — во соработка со градските и државните инспекции — да ги испита постапките на Град Скопје и на ЈП „Комунална хигиена“, како и улогата на градоначалникот Данела Арсовска во ситуацијата со несобирање на отпадот. Според МВР, несобраниот отпад претставува директна опасност по здравјето на граѓаните.„Состојбата е алармантна и, иако надлежноста е на Град Скопје, поради континуираното непостапување ги повикуваме институциите веднаш да дејствуваат по заклучоците на Владата“, наведуваат од Министерството за внатрешни работи.Со оваа одлука, Владата практично воведува државен надзор над градската хигиена, откако со денови улиците на Скопје се преплавени со отпад, а јавното претпријатие и градските власти меѓусебно си ја префрлаат одговорноста за кризата.

Скопје | пред 6 месеци

КХС: Платите се исплаќаат, долгот на Министерството за здравство од 5 милиони евра ја нарушува ликвидноста

ЈП „Комунална хигиена – Скопје“ (КХС) соопшти дека платите на вработените се исплаќаат редовно, со неколкудневно доцнење, и дека компанијата останува посветена навремено да ја сервисира оваа обврска. Од претпријатието предупредија дека долгот на Министерството за здравство кон КХС, кој надминува 5 милиони евра, со децении ја оптоварува ликвидноста и е директна причина за повремени одложувања.Од КХС тврдат дека има обиди за организирање протести поради петдневно задоцнување на платите, што го оценуваат како политички мотивирано. Како пример наведуваат повеќе јавни комунални претпријатија во други општини каде, според КХС, платите каснат со месеци без синдикални реакции од ист интензитет.„Доколку Министерството го подмири долгот во целост, можеме да гарантираме дека платите нема да доцнат ниту еден ден,“ порачаа од претпријатието, апелирајќи за итна исплата на средствата.

Скопје | пред 6 месеци

Трагедија кај Гостивар: 69-годишен маж загина во сообраќајна несреќа

Во тешка сообраќајна несреќа што се случила вчера утрото на регионалниот пат Гостивар – Србиново, животот го загубил 69-годишниот Т.Ф. од селото Беловиште, соопшти Министерството за внатрешни работи.Несреќата се случила на влезот кон селото Лакавица, кога патничко возило марка „Даеву Ланчија“ со гостиварски регистарски ознаки, управувано од починатиот, излетало од коловозот.Од здобиените повреди, возачот починал на местото на настанот, а смртта ја констатирал лекар од Итната медицинска помош.На местото на несреќата увид извршила екипа на ОВР Гостивар, во координација со јавен обвинител, кој издал наредба телото на починатиот да биде предадено на обдукција со цел утврдување на точната причина за смртта.Полицијата работи на расветлување на околностите под кои се случила несреќата.

Македонија | пред 6 месеци

Скопје потона во ѓубре, Герасимовски бара итна седница на ЗЕЛС

Во Скопје е хаос со (не) хигиената. Полни контејнери, смет расфрлен околу нив, кабаст отпад, смрдеа и опасност од зарази.На секој чекор, во сите општини се формираат мини депонии.Кандидатот за градоначалник на Центар, Горан Герасимовски преку објава на својот фејсбук профил информира дека денеска испратил допис до Управниот одбор на ЗЕЛС со барање за одржување итна седница, на која, како што посочува, ќе побара да се најде решение за проблемот со сметот на територија на Центар и на Градот Скопје.,,Утрово пуштив допис до Управниот одбор на ЗЕЛС, се слушнав и со директорката на ЗЕЛС, побарав итна седница на ЗЕЛС кадешто ќе се побара решение на овој проблем. Изминатите пет дена комуналното претпријатие воопшто не се појавува на улиците во Општина Центар и се соочуваме со огромни проблеми, а набрзо не дај боже и зарази”, пишува Герасимовски.Побарал и дополнителна механизација од неговите колеги градоначалници од другите општини во државата, за да може општината сама да го расчисти сметот, откако, како што посочува, ЈП „Комунална хигиена“ и Град Скопје веќе пет дена не го собира сметот од улиците.

Скопје | пред 6 месеци

Повикуваме на масовна излезност во втор круг, ВМРО-ДПМНЕ освои 550 советнички места, вели Мисајловски

„ВМРО-ДПМНЕ покрај огромниот успех на избрани 33 градоначалници уште во првиот круг, има огромен успех на советничките листи со 550 избрани советници во советите на општините и градот Скопје“, вели Владо Мисајловски, потпретседател на ВМРО-ДПМНЕ  и додава:550 советнички места за ВМРО-ДПМНЕ наспроти 232 за СДС, 153 за ДУИ, 66 за Левица се доказ дека ВМРО-ДПМНЕ е повеќе од апсолутен победник на овие избори и дека граѓаните јасно покажаа во кој правец сакаат да се движи државата.На овие избори ВМРО-ДПМНЕ освои 12.000 гласови повеќе на советничките листи во однос на локалните избори во 2021 година, а во исто време СДС изгубиле 111.000 гласови на советничките листи во споредба со 2021 година.ВМРО-ДПМНЕ е партија со најмногу советници во 59 општини и градот Скопје, од кои во најголем дел има апсолутно мнозинство во советите.Граѓаните покажаа дека политиките на работа, посветеност и одговорност се политики кои ги преферираат, и политики кои сакаат да продолжат.Граѓаните избраа раст и развој, одговорност и посветеност и чесна работа. Граѓаните избраа вистински луѓе на вистински места.Воедно ги повикувам граѓаните да ја заокружиме оваа огромна победа во вториот круг од локалните избори во општините каде што има втор круг. Да излезат масовно и да ги поддржат кандидатите на ВМРО-ДПМНЕ со заокружување на бројот 9.

Македонија | пред 6 месеци

Многу кеш, сефови, имот, станови, камиони, милиони: кој е Борче Марковски – човекот зад „Марковски компани“

Името на Борче Марковски, сопственик на „Марковски компани“ од Битола, повторно е во центарот на јавноста откако Основното јавно обвинителство Битола побара и доби замрзнување на негов имот во Србија, вклучувајќи 10 товарни и приклучни возила и сеф во белградска банка, како дел од истрагата за злоупотреби при јавни набавки во РЕК Битола.Борче Марковски повеќе од две децении важеше за еден од најуспешните градежни претприемачи во земјава. Основаната во 2002 година фирма „Марковски компани“ бележеше континуиран раст, со приходи над 2,7 милијарди денари годишно, повеќе од 300 вработени и висока бонитетна оценка AA+. Компанијата изведуваше градежни и земјени работи, соработувајќи со РЕК Битола, АД ЕСМ и други јавни претпријатија, а имаше и активности надвор од државата.Во 2016 година, Марковски беше именуван за почесен конзул на Белорусија во Северна Македонија, што дополнително го зацврсти неговиот углед во деловните кругови.Случајот што го стави под лупа на обвинителството започна по апсењето на Марковски од страна на Финансиската полиција, поради сомневање за местење тендер вреден околу 100 милиони денари во РЕК Битола.Обвинителството тврди дека се работи за злоупотреби при јавни набавки и договарање на услови за фаворизирање на одредени компании.Првично, Битолскиот суд му одреди куќен притвор, но по жалба на ОЈО, Апелациониот суд го замени со затворски притвор, бидејќи постоеше ризик од бегство — Марковски поседува имот и фирми во странство.Истражување на Радио Слободна Европа откри дека Марковски бил сопственик на две компании во Србија, меѓу кои и „Markovski Company“, регистрирана во Белград во 2009 година, и „Хаза изградба“, активна фирма која добивала тендери од државното претпријатие Србија шуми.Дополнително, Марковски поседувал и фирма во Македонија – „Фајкон СБ“ од Битола, каде што содружник му бил српскиот државјанин Саша Савковиќ.Случајот доби и политичка димензија. Од ВМРО-ДПМНЕ остро реагираа, обвинувајќи дека „Марковски компани“ била дел од систем за испумпување пари од државните претпријатија РЕК и ЕСМ за потребите на „владејачката мафија“.„Од денес почнуваме со разобличување на криминалот на Марковски компани – очигледното испумпување на пари од државата и грабежот што го правеле СДС,“ наведоа од партијата.Тие посочија дека на еден тендер, наместо поевтина понуда од 100 денари по гигаџул, била прифатена понуда од 129,7 денари, што претставува 30% повисока цена и „профит од 14 милиони евра“.„Овие 14 милиони евра треба да каже каде завршиле – дали во сметки на Заеви во Бугарија и Дубаи,“ изјавија од ВМРО-ДПМНЕ, додавајќи дека судството покажува селективност, бидејќи „газдата на Марковски компани наместо во затвор, прво доби куќен притвор“.По барање на македонското обвинителство, српските органи издадоа наредби за замрзнување на возилата и банкарскиот сеф во Белград, а во Македонија беа блокирани сметки со околу 30 милиони денари, како и три стана во Скопје, градежна парцела и неколку возила, за кои постои сомнение дека претставуваат незаконски стекнат имот.Истрагата продолжува, а Марковски останува во притвор до завршување на сите доказни постапки.

Македонија | пред 6 месеци

Од 2017 до 2025: Драстичен пораст на неважечките гласачки ливчиња

Во последните осум години, бројот на неважечки гласачки ливчиња на локалните избори во Македонија бележи видлив пораст, при што последниот изборен циклус го потврди трендот на растечка изборна недисциплина или протестно гласање.Во 2017 година, во првиот круг од локалните избори за градоначалници биле регистрирани 45.551 неважечки ливчиња. Четири години подоцна, на изборите во 2021 година, бројот на неважечки ливчиња за градоначалници се намалил на 19.127, но кај советничките листи бил забележан повисок број — 37.959 неважечки ливчиња.На локалните избори одржани во неделата, бројките повторно пораснаа, достигнувајќи највисоко ниво досега. Според првичните податоци, кај изборите за градоначалници се евидентирани 53.724 неважечки ливчиња, додека кај советничките листи нивниот број се искачи на 50.143.Овие податоци покажуваат дека, и покрај дигитализацијата на изборниот процес и построгите контроли при гласањето, значителен дел од гласачите и понатаму погрешно го пополнуваат ливчето или намерно го прават неважечко, што ја отвора дебатата за потребата од подобра едукација на избирачите и анализа на можните причини за ваквото однесување.

Македонија | пред 6 месеци

(Фото) Полицајци спречија самоубиство во Куманово – спасено 34-годишно лице од „Искрин мост“

Полициски службеници од СВР Куманово, во соработка со екипа на Територијалната противпожарна единица, денеска спречија обид за самоубиство во Куманово.Според информациите на Министерството за внатрешни работи, настанот се случил утрово (21 октомври 2025) околу 10:40 часот, кога во полицијата била пријавена интервенција за лице кое се обидувало да скокне од „Искрин мост“ во градот.„По преземени мерки, полициските службеници успеале да го убедат 34-годишниот кумановец да се откаже од намерата,“ соопштуваат од МВР.По успешната интервенција, лицето било пренесено во Општата болница Куманово, каде му е укажана лекарска помош.

Македонија | пред 6 месеци