Апел до граѓаните за почитување на законските обврски за чистење на оџаците

Денеска во просториите на Општина Охрид се одржа состанок посветен на спроведувањето на законските обврски за редовно чистење на оџаците во индивидуални и колективни станбени објекти.На состанокот присуствуваа претставници од Одделението за животна средина, Одделението за заштита и спасување и  управување со кризи,  Инспекторатот при Општина Охрид, како и претставници на Територијалната противпожарна единица, Дирекцијата за заштита и спасување и Центарот за управување со кризи од Охрид. Поканети беа претставници на агенциите кои управуваат со станбени згради и претставници на месните и урбаните заедници.Присутните разговараа за значењето на редовното чистење на оџаците како законска обврска, но и како клучна мерка за заштита на животната средина преку спречување на дополнително загадување на воздухот. Беше истакната и важноста на оваа активност како превентивна мерка за заштита од пожари, особено во зимскиот период кога ризикот од настанување на пожари поради неисчистени оџаци е значително зголемен.Општина Охрид ги повикува сите граѓани и управувачи на станбени објекти да постапат согласно законските обврски и навремено да преземат мерки за чистење на оџаците, со цел зголемување на безбедноста и заштита на животната средина.

ОО | пред 7 месеци

Полициска акција против мрежа за трговија со дрога во Скопје – претреси во Ѓорче, Хром и Нерези

Неофицијално, во тек е голема полициска акција на територијата на Скопје, насочена кон разбивање на организирана мрежа за трговија со дрога, дознава „Скопје1“.Според информации од извори блиски до истрагата, инспектори од Одделот за сузбивање на организиран и сериозен криминал при БЈБ – МВР извршиле упади на повеќе локации во населбите Ѓорче Петров, Хром и Нерези, со цел апсење на лица осомничени за продажба и дистрибуција на кокаин.Првичните сознанија укажуваат дека се работи за нова група која делувала во поширокото подрачје на главниот град, со воспоставена структура за снабдување и препродажба на наркотици.Од Министерството за внатрешни работи потврдија дека акцијата е во тек и се спроведува во координација со обвинител од Основното јавно обвинителство за гонење на организиран криминал и корупција (ОЈО ГОКК).„Во координација со предметниот обвинител, единици од МВР вршат претреси на повеќе локации низ Скопје. Со оглед дека акцијата сè уште трае, повеќе информации ќе бидат споделени во текот на утрешниот ден,“ соопштија од МВР.Според засега непотврдени информации, приведени се неколку лица, а од локациите биле запленети и помали количини наркотични супстанции, мобилни телефони и пари.

Скопје | пред 7 месеци

Свикана 63-та свечена седница на Советот на Општина Охрид

Ве известуваме дека на ден  09.10.2025 година  (четврток) со почеток во  09.00 часот ќе се одржи 63-та свечена седница на Советот на општина Охрид.СОВЕТ НА ОПШТИНА ОХРИДПретседателПерчо БожиновскиБр. 08-13782/106.10.2025 година

ОО | пред 7 месеци

Сведок: „Сопругата ми примаше експериментална терапија по предлог на директорот Васев – прво почувствува подобрување, потоа како да не пие ништо“

Со сослушување на сведок предложен од Обвинителството, денеска продолжи судскиот процес против поранешниот директор на Клиниката за онкологија, Никола Васев, обвинет за несовесно лекување пациенти заедно со уште двајца онколози.Пред судот сведочеше Александар Гаќев, сопруг на почината пациентка, кој изјави дека по препорака на Васев неговата сопруга примала терапија според експериментална програма.„Терапијата прво делуваше, потоа рече дека ништо не чувствува“„Експерименталната терапија започна во 2022 година и траеше околу шест месеци. На почетокот се чувствуваше подобро, но потоа кажуваше дека терапијата ѝ е чудна, дека не ја чувствува. ѝ беше речено дека нема да ѝ падне косата и навистина не ѝ падна. Потоа велеше дека е како да не пие ништо,“ рече сведокот Гаќев, одговарајќи на прашања на обвинителството.Тој појасни дека лекувањето најпрво започнало кај докторката Мери Пешевска, но подоцна преминало кај директорот Васев, каде што неговата сопруга била лекувана околу половина година.„Сестрата ја закачи со прстен – раната се отвори и се прошири“Гаќев опиша дека по извесен период на градите на сопругата ѝ се појавила рана, за која Васев предложил да биде преврзана. При едно од преврзувањата, медицинска сестра случајно ја закачила со прстенот, по што раната се отворила и се проширила.„Имам фотографии од самата рана. Таа потоа беше пуштена на домашно лекување и за две недели почина,“ сведочеше тој пред судот.Одбраната: „Вештачењата се неточни и нецелосни“По рочиштето, адвокатот Боби Спирковски, бранител на првообвинетиот Васев, изјави дека вештачењата изработени од словенските и српските експерти се неточни, бидејќи не била доставена целокупната медицинска документација.„Не се сомневаме во стручноста на лекарите од Белград и Марибор, но нивните наоди се непрецизни. Добиле само истории на болестите, без информации за тежината и висината на пациентите – а тоа е ‘абецеда’ во онкологијата,“ изјави Спирковски, додавајќи дека без тие податоци не може точно да се одреди дозата на терапијата.Постапката ја води судијката Снежана Марковска, а застапник на обвинението е јавната обвинителка Ана Гоговска Јакимовска од ОЈО Скопје.

Македонија | пред 7 месеци

Дојава за бомба кај седиштето на ВМРО-ДПМНЕ евакуираше вработени од институциите, по проверките се утврдило дека е лажна паника

Дојава за бомба ги испразни зградите околу плоштадот „ВМРО“ каде е и седиштето на ВМРО-ДПМНЕ, но и Министерството за труд и социјална политика, како и Јавното претпријатие за државни патишта (ЈПДП).Ова се случило попладнево, откако во МВР било пријавено дека на плоштадот бил оставен куфер, откако две лица го разгледувале просторот. Пријавата дошла од обезбедувањето на ЈПДП, кој лицата ги забележал на видео надзорот.По направените проверки, било утврдено дека нема никаква опасност, ниту поставен експлозив. Вработените се вратени во институциите.

Македонија | пред 7 месеци

Словачката амбасадорка Хрицова во посета на Општина Охрид

Градоначалникот на Охрид, Кирил Пецаков денеска во својот кабинет  ја прими новоименуваната амбасадорка на Република Словачка во државава,  Ивета Хрицова.Соговорниците ги разгледуваа можностите за  потпишување Меморандум за соработка  помеѓу  Охрид и Нитра,градовите од Македонија и Словачка  кои  ги обединува наследството на Светите браќа Кирил и Методиј, а имаат и приближно ист број на жители и изобилие од културни знаменитости. Се разговараше и за учество на словачки уметници и словачка ноќ на најпрестижната културна манифестација кај нас, фестивалот Охридско Лето. Беа разменети мислења и за актуелните политиччки случувања во земјава и регионов.Словачка е силен и искрен поддржувач на евроинтеграцискиот пат на  Македонија. Македонската амбасада во  словачкиот град Братислава  е отворена во  2021 година и е  важен придонес за унапредување на билатералното партнерство помеѓу двете држави.

ОО | пред 7 месеци

Семејството на Сипковски до овој момент нема потврда дека тој е загинатиот во експлозијата во Белград

Семејството на Мартин Сипковски, за кого српските медиуми пренесоа дека е момчето кое по грешка активирало експлозив наменет за егзекуција на лице поврзано со организиран криминал, нема никаква потврда или известување дека усмртеното лице е навистина момчето од Македонија.Според извори на „Скопје1“, тие барале информации од Министерството за надворешни работи, како и од белградската Судска медицина. Од МНР немале добиено никаква официјална информација преку дипломатските канали. Од Судска медицина, според нашиот извор, лицето на кое се праело обдукција се води се уште како непознато (НН) лице. Настанот се случи пред осум дена во вечерните часови, но според нашите извори, не е точно дека до овој момент е утврден идентитетот на Сипковски. Побаравме став и од МНР.„Се уште немаме официјална информација. Ќе информираме штом добиеме“, велат оттаму.Ова е спротивно на тврдењето на српските медиуми, меѓу кои „Телеграф“ кои пишуваат дека идентитетот на Сипковски е потврден со ДНК траги, преку размена на податоци помеѓу македонската и српската полиција.За Сипковски пак, до пред овој настан, во јавноста се пишувало само за неговите успеси. Тој бил ракометар, но и модел. По настанот, се дозна дека бил во куќен притвор, кој го издржувал околу една година и никогаш не го прекршил. Сѐ до 25 септември кога полицијата не го нашла дома. Пет дена потоа, се случува експлозијата во Белград. Тој е осуден за обид за убиство, кое го негирал, а и пред второстепениот суд докажува дека сведоците лажеле, сето тоа, според неофицијални информации, преку различните искази кои ги дале пред институциите. Наводно, сведоци кои го посочуваат дека тој го извршил обидот за убиство се недостапни за органите на прогонот.Белградските истражни органи соопштија дека го привеле Филип В. (26), кој е осомничен дека на 30 септември незаконски набавил и пренел експлозивна материја — пентрит — и, според сомневањата, му ја предал на Сипковски. По приведувањето тој бил сослушан во Више јавно обвинителство во Белград; против него е поднесено обвинение за недозволена набавка, држење и промет на оружје и експлозивни материјали, а обвинителството побарало да му се определи притвор поради опасност од бегање и ризик од повторување на кривично дело. Засега не е познато што сти во исказот на Филип В.

Свет | пред 7 месеци

Тешка сообраќајка кај Кочани, едно лице загина, а петмина се повредени

Едно лице загина, а уште петмина се повредени во тешка сообраќајна несреќа што се случила на експресниот пат Штип–Кочани, во близина на селото Горни Подлог. Во судирот меѓу автомобил „рено“ со регистарски ознаки од Македонски Брод и „фолксваген поло“ со бугарски таблички животот го загубил 33-годишен патник од Љуботен, а повеќемина повредени се пренесени во скопските клиники.На 07.10.2025 во 09:18 часот во ОВР Кочани е пријавено дека на експресниот пат Штип- Кочани, во близина на с.Горни Подлог, кочанско, се случила сообраќајна несреќа помеѓу патничко возило „рено“ со регистарски ознаки од Македонски Брод, управувано од Х.М.(32) од с.Трубарево, скопско и патничко возило „фолксваген поло“ со бугарски национални ознаки, управувано од 22-годишната И.М. од Кочани.Во несреќата со повреди се здобиле двајцата возачи и Б.Д.(33) од с.Љуботен, скопско, Д.З.(36) од с.Трубарево и И.М.(21) од с.Трубарево, сопатници во возилото „рено“, и по укажаната помош во болницата во Кочани, 22-годишната И.М. е пренесена во приватна болница во Скопје, додека останатите се пренесени  во Комплексот клиники „Мајка Тереза" во Скопје. Од здобиените повреди Б.Д. починал, а кај Х.М. се констатирани тешки телесни повреди. Додека, кај останатите се констатирани телесни повреди. По наредба на јавен обвинител телото на починатиот е дадено на обдукција. Увид извршила екипа од СВР Штип– ОВР Кочани.

Македонија | пред 7 месеци

Небезбедна храна и валкани кујни во неколку градинки и училишта, што открија инспекторите на АХВ

Дваесет и четири килограми небезбедна храна од три детски градинки биле уништени, откако инспектори од Агенцијата за храна и ветеринарство констатирале дека таа не била соодветно чувана. Директорите се казнети парично, а освен во градинките, поради погрешно декларирање, уништени се и други 59 килограми храна во едно училиште.„Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во градинките на територија на цела држава. Спроведени беа 91 контрола во градинки и 23 вонредни надзори во училишта. За утврдени недоследности, издадени се 9 решенија со наредби за нивно отстранување. Во две градинки, хигиената не била задоволителна во кујните, а една градинка немала спроведено задолжителен здравствен преглед на вработениот персонал во кујните“, се наведува во соопштението од АХВ.Оттаму информираат дека парични казни изречени се за три градинки, и поради несоодветно чување, уништени се 24 килограми храна.„Од спроведените контроли во училиштата, незадоволителни услови констатирани се само во една училишна кујна. Отстапки во однос на добрата производствена и добра хигиенска пракса утврдени се во две кујни. Поради погрешно декларирање, уништени се 59 килограми храна. Инспекциските служби на АХВ за утврдените недоследности со контролите во училишните кујни изрекоа 1 парична казна и донесоа 5 решенија за нивно отстранување“, се додава во соопштението.

Македонија | пред 7 месеци

На Макрон, господарот на часовниците, сега му истекува времето: Што е следно за Франција?

По осум години на власт, позицијата на претседателот Емануел Макрон е под зголемен притисок, бидејќи политичката криза во Франција се продлабочува.Макрон, кој претходно се нарекуваше себеси „maître des horloges“, господар на часовникот, повеќе нема контрола врз времето како порано, објавува Би-Би-Си.По трет пат за една година, неговиот премиер поднесе оставка, а анкетите покажуваат дека речиси три четвртини од гласачите веруваат дека претседателот треба да го стори истото.Доколу денес би се одржале претседателски избори во Франција, кандидатите на екстремната десница би имале голема предност во првиот круг, особено на Националниот сојуз, Марин Ле Пен, покажува најновото истражување на компанијата Толуна Харис Интерактив.Долгогодишниот сојузник Едуар Филип, кој беше прв премиер на Макрон од 2017 до 2020 година, го повика да назначи технички премиер и да распише претседателски избори на „уреден начин“.Но, Макрон е многу посклоен кон распуштање на парламентот отколку кон оставка.Како Макрон стигна до тука?Премиерот Себастијан Лекорну ја објави својата оставка во понеделникот, по само 26 дена на функцијата. Неколку часа подоцна, тој објави дека го прифатил барањето на Макрон да остане уште 48 часа за да одржи финални разговори со политичките партии „заради стабилноста на земјата“.Сè се врти околу францускиот долгГлавниот предизвик со кој се соочија Лекорну и неговите двајца претходници беше како да се справат со огромниот национален долг на Франција и да ги надминат идеолошките поделби меѓу центристичките партии што би можеле да ја формираат владата.На почетокот на оваа година, јавниот долг изнесуваше 3,4 трилиони евра, или речиси 114 проценти од БДП, трет најголем во еврозоната по Грција и Италија. Се предвидува дека буџетскиот дефицит на Франција ќе достигне 5,4 проценти од БДП оваа година.Мишел Барние и Франсоа Бајру издржаа само три и девет месеци, соодветно, пред да бидат соборени со гласања за доверба, бидејќи се обидуваа да се справат со дефицитот со буџети за штедење.Лекорни дури и не успеа да го презентира буџетскиот план. Критиките се слеваа од сите страни штом го претстави својот кабинет во неделата попладне, а до понеделник наутро одлучи дека неговата позиција е неодржлива.Сите партии ги имаат предвид следните претседателски избори во 2027 година, а се подготвуваат и за можноста за предвремени парламентарни избори во случај Макрон повторно да го распушти парламентот.Кои се клучните фигури во оваа криза?Лидерите кои со месеци повикуваат на оставка од Макрон се од крајната десница и радикалната левица.Марин Ле Пен и нејзиниот млад сопартиец во крајно десничарското Национално собрание, Жордан Бардела, се подготвени за избори и ја одбија поканата на Лекорну за разговор.Жан-Лук Меланшон од радикалната левица „Франција Непобедлива“ (LFI) водеше кампања за импичмент на Макрон, иако тоа изгледа малку веројатно. Тој е поддржан од Зелените.Оливие Форе и неговите социјалисти беа сојузници на радикалната левица за време на последните избори, но разговараа со Лекорну под услов тој да формира левичарска влада.Потоа е Габриел Атал, кој ја предводи центристичката партија Ренесанса на Макрон, но рече дека повеќе не ги разбира одлуките на претседателот.А од централнодесничарскиот е Бруно Ретаило, чии републиканци беа дел од таканаречената „сокле комуна“ (заедничка платформа) со центристите.Дали Макрон стигна до крајот на патот?Откако неговиот трет премиер за една година ја објави својата оставка, Макрон отиде на долга прошетка покрај реката Сена, со мобилниот телефон на увото.Дали тоа беше игра за камерите? Можеби, но беше симболично за осамената природа на неговата позиција, бидејќи се соочува со некои од најтешките избори на неговото претседателствување, а некои од неговите поранешни сојузници се чини дека го напуштаат.Претседателот е свесен за политичките предизвици што претстојат веќе некое време и не е од оние што се откажуваат без борба или уште еден обид да ја стабилизираат Франција. Чувството дека времето истекува за господарот на часовниците незапирливо се шири меѓу јавноста.Четири опции за Макрон и ниту една од нив не изгледа добро1. Ако Лекорну успее да ги убеди центристичките партии да формираат некаков вид влада, тогаш Макрон ќе може да назначи нов премиер, кој и да е тој. Лекорну навести дека не сака да ја прифати работата, иако тоа не е дефинитивно не. Знаците не се добри. Кога поднесе оставка во понеделник, Лекорни рече:„Бев подготвен за компромис, но сите партии сакаа другата страна да ги усвои нивните програми во целост“.Франција мора да донесе некаков буџет за 2026 година за да се ослободи од својот национален долг, а фракциите го знаат тоа.2. Доколку Лекорну не успее да го стори тоа, Елисејската палата посочи дека Макрон ќе „преземе одговорност“. Тоа веројатно би значело нови парламентарни избори, што би значело лоши вести за неговите центристички сојузници и социјалистите, но особено би било од корист за крајно десничарскиот Национален собир на Марин Ле Пен. Изборите би требало да се одржат најдоцна 40 дена по распуштањето на парламентот - што би значело гласање во ноември.3. Претседателството на Макрон завршува за 18 месеци, но тој се соочува со растечки повици да се повлече. Тој постојано ги отфрлаше предвремените претседателски избори, но тоа не е исклучено. Поранешниот министер на Макрон, Бенџамин Хадад, тврди дека неговата оставка нема да има смисла бидејќи следниот претседател ќе се соочи со истиот проблем.4. Дури и без договор за влада, партиите би можеле да ги остават настрана своите разлики во парламентот и да постигнат компромис за ограничен буџет. Но, француската политика не е позната по својата култура на компромис.

Свет | пред 7 месеци

Од бизнисот во Унгарија, експремиерот Никоа Груевски си исплатил дивиденда од 5.000 евра

Поранешниот премиер Никола Груевски се чини дека далеку од дома се пронајде во улогата на бизнисмен, бидејќи сè уште дава консалтинг услуги на Унгарците, а неговата фирма бележи заработувачка, пишува денеска Фокус.Компанијата I.C.I.C. Kft. екс премиерот ја регистрираше летото во 2021 година, на 14 јули, во селото Пецел, на 20-тина километри од Будимпешта. Седиштето е во напуштена куќа на улицата Бошкаи број 9, а тој е наведен како единствен сопственик и извршен директор.Фирмата на Груевски е активна веќе четири години, и иако врти милиони, но само како унгарски форинти, сепак неговата заработувачка пресметана во евра се брои во неколку илјади. Но, важно е дека добивката, иако не тече, сепак „капнува“ секоја година, бидејќи досега не пријавил загуби.Според поднесениот годишен извештај за минатата година, тој остварил продажба од 4,1 милиони форинти (10.500 евра), за разлика од 2023, кога имал 9.700 евра. По одбивањето на трошоците и даноците, 6.860 евра му останале како чиста добивка, од кои нешто над 5.000 евра ги подигнал како дивиденда.Извештајот, исто така, открива дека осудениот бегалец е прогласен за кредитоспособен, бидејќи во билансот на состојба се појавил и долг од 2,5 милиони форинти или околу 6.500 евра.Главниот фокус на компанијата е бизнис-консалтинг, но, исто така, е лиценцирана и за трговија на големо со порцелан и производи за чистење, трговија на големо со храна, пијалаци и тутун, управување со средства, рекламирање, односи со јавност и комуникација.За Груевски сè уште нема информација, дали, освен компанијата, поседува имот во Будимпешта. И понатаму е тајна адресата на која живее, бидејќи како лична адреса во Унгарија, тој при формирањето на компанијата ги навел податоците на неговиот адвокат во Будимпешта.

Македонија | пред 7 месеци

Билал Касами се гордее со синот: Младиот фудбалер ќе игра за албанската репрезентација против Ирска

Актуелниот градоначалник на Тетово и кандидат за нов мандат од коалицијата Вреди, Билал Касами, преку објава на социјалната мрежа Фејсбук сподели радосна вест поврзана со неговото семејство.„На врвот на кампањата, најубавата вест која неизмерно ме воодушеви дојде од Тирана. Мојот син, Љавдрим, доби покана од албанската фудбалска репрезентација У19 за два пријателски натпревари против Ирска. Ви благодарам!“, напиша Касами.Со ова, тој изрази гордост за успехот на својот син, кој добил шанса да го облече дресот на младинската репрезентација на Албанија.

Македонија | пред 7 месеци

(Фото) Почнува нова ера во извршувањето на казните: поставена првата алка за домашен затвор

Во Велес започна примената на електронски надзор како форма на извршување на казна куќен затвор, откако 79-годишен велешанец денеска прв во земјава доби електронска алка на глуждот. Тој е осуден на три месеци куќен затвор, а надзорот ќе го вршат службеници од Секторот за пробација при Управата за извршување на санкции.„Денеска, во општина Чашка, овластени службеници ја поставија првата опрема за електронски надзор со што започна извршувањето на првата изречена пресуда куќен затвор“, соопштија од Управата.Осудениот не смее да го напушта своето живеалиште во период од три месеци, освен за најмногу два часа дневно, колку што му е дозволено движење на отворено.Во случај на непочитување на упатствата или нарушување на ограничувањата, пробациските службеници ќе го известат судот, кој може да ја преиначи мерката во затворска казна.Од Управата за извршување на санкции потенцираат дека електронскиот надзор е поекономичен и похуман облик на санкција, особено кога се работи за постари лица или случаи со полесна казна.Со ова, Македонија и официјално ја воведе модерната европска практика на „куќен затвор со електронска алка“, која овозможува поефикасно спроведување на казните, без неопходност сторителите да бидат физички сместени во затвор.

Македонија | пред 7 месеци

Починатиот Минов беше носител на советничка листа, ОИК чека насоки за промени во гласачките ливчиња

Поранешниот градоначалник на Кавадарци, Панчо Минов, кој почина денеска, беше носител на советничката листа за Локалните избори 2025 на независни избирачи.Од Општинската изборна комисија Кавадарци информираат дека добиле информација дека Минов починал за што ќе ја известат Државната изборна комисија.– Има законски пропишана постапка, во случај на смрт на еден од кандидатите, особено носител на советничка листа. Мислам дека сѐ уште не се отпечатени ливчињата. Натаму, ќе ни кажат што, како да постапиме. Ваков случај првпат сега имаме – рече Емилија Петровска, претседател на ОИК.

Македонија | пред 7 месеци

„Би сакала Обвинителство да нема милост, оваа приказна се развива во ужас“: Ина Многуфина за ужасот во домовите за стари лица во Скопје

Познатата инфлуенсерка Ина Многуфина, реагираше на вознимирувачката вест за малтретирањето на стари лица во два дома во Скопје.„Ова со домовите ќе се развива во приказна на ужас ама треба да дознаеме што се случува. Буквално оние језиви приказни од серии ни се случувале тука кај нас и би сакала обвинителство да нема милост. Во два дома, еден во Бутел и еден во Капиштец каде семејствата на старите и немоќни лица плаќале високи сметки, луѓето добивале храна со изминат рок, спиеле на троседи или две лица спиеле на единечен кревет, заедно мажи и жени, биле заклучувани во посебни простории, а на дел од нив им давале терапија со лекови кои не биле препишани од лекар“, вели Ина во нејзината објава на Фејсбук.Истрагата е во тек, газдариците во притвор, а Ина, како што вели, се надева дека нема да „игра“ условна тука.„Тоа што мене ми е чудно и малце језивко е како ние имаме толку психопатишта на толку малку луѓе? Кој малтретира немоќни луѓе, само тие што се со одреден дизордер. Вие можете да малтретирате немоќен човек? Не можете, не ви иде природно, ви иде да му помогнете ваљда. Кај нас треба психијатри да поминуваат по дома да не проверуваат, ова веќе е лудо. Не знам ова дали го праеле само за пари, ќе си покаже истрагата ама мислам за вакви работи да ти текнат треба да си малку нетокму. Јас да имам некој во тие домови па не знам, 4 пара чевли ќе излижат од што ќе ги шетам по судски ходници“, напиша Ина во објавата.

Коментари | пред 7 месеци

СДСМ: „На улиците се пука како да сме Див Запад“: Партијата бара одговорност од министерот Панче Тошковски

СДСМ во денешното соопштение остро го критикуваше министерот Панче Тошковски и побара одговорност поради, како што велат, „колапсот на безбедносниот систем“ и растот на вооружените инциденти во земјата. Во реакцијата партијата го обвинува министертвото за партизација на полицијата.Министерот Панче Тошковски без око да му трепне јавно соопшти дека не чувствува никаква одговороност за колапсот на безбедносниот систем и фактот што на улиците се пука како да сме Див Запад.Последиците од партизацијата на полицијата и претоварењето во партиски сервис на ДПМНЕ скапо ги чини граѓаните.До кога мисли Тошковски да се криe зад политички реторики додека улиците стануваат небезбедни за граѓаните?Не е само последното пукање во Куманово, непрекинатиот раст на вооружените и насилни инциденти во различни градови е сигнал за целосно системско потфрлање на безбедниот апарат, нема ниту превенција ниту соодветна реакција.За тоа мора да има одговорност.Уште колку луѓе треба да настрадаат за Панче Тошковски да почувствува одговорност и да поднесе оставка?

Македонија | пред 7 месеци

(Видео) „Барбара“ пустоши на Балканот: Критична е состојбата во Романија

Циклонот „Барбара“, откако премина преку Грција и Бугарија, донесе силни врнежи и потешкотии во секојдневниот живот на граѓаните во повеќе делови од Романија. Во пет окрузи и во главниот град Букурешт е прогласен црвен аларм за дожд: за наредните 24 часа се прогнозираат над 200 литри по квадратен метар – количина што одговара на тримесечен просек.Најтешка е состојбата во градот Констанца, каде бурното невреме од синоќа и утрово го парализира јавниот превоз, поплави улици и објекти, ја заглави канализацијата и урна дрвја. Наставата беше откажана, а екипите интервенираа цела ноќ и продолжија и утрото, соопшти градската администрација, нагласувајќи дека теренот се следи непрекинато за навремена реакција.Градоначалникот Вергил Кичак посочи дека проблемот го влошува недоволно развиената одводна мрежа – не ги покрива сите квартови – па на повеќе сообраќајници се формираат големи водени езера.Иако октомври ретко носи екстреми, „Барбара“ ја менува статистиката. Метеоролозите предупредуваат дека количеството може да го надмине максимумот од 77 литри на метар квадратен, регистриран на 2 октомври 2005 година. Овојпат се очекуваат и до 90 литри за едно деноноќие. На планините ќе заврне лапавица и снег, а снежната покривка може да надмине 30 сантиметри.Во двете земји се на сила предупредувања за продолжени обилни врнежи. Во Бугарија 51 населено место остана без струја; надлежните ги надгледуваат мостовите и критичната инфраструктура и апелираат граѓаните да избегнуваат патувања и да ги следат насоките.Иако Македонија не е директно на патеката на циклонот, метеоролозите најавуваат локални поројни дождови и силен ветер, особено на исток и во планинските области. Најголема количина дожд досега е измерена во Демир Капија – девет литри на квадратен метар. Според последните прогнози, врнежите ќе стивнат вечерва, а од утре времето ќе се стабилизира со постепен пораст на температурите.

Свет | пред 7 месеци

Двајца скопјани се осомничени за предизвикување пожар на две товарни и едно патничко возило

На 08.10.2025 во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје на општина Аеродром во Скопје биле опожарени товарно возило „ивеко“ со скопски регистарски ознаки и товарно возило „рено“ со скопски регистарски ознаки, двете сопственост на правно лице од Скопје и  патничко возило „опел“ со прилепски регистарски ознаки, сопственост на Е.С. од Прилеп.Во 02:50 часот пожарот бил изгаснат од екипа на Бригадата за противпожарна заштита Скопје, а по преземени мерки и активности на полициски службеници од Полициската станица Аеродром и Единицата за интервентна полиција при СВР Скопје, поради сомнение дека го предизвикале пожарот, на бул.„АСНОМ“ од слобода се лишени Ф.Ц.(23) и И.Ц.(24), двајцата од Скопје.Тие се задржани во полициска станица за понатамошна постапка.

Скопје | пред 7 месеци

Ужас во два домa за стари лица во Скопје: сопственички тепале, заклучувале и хранеле штитеници со расипана храна

Основното јавно обвинителство Скопје отвори истрага против две жени – сопственички и управителки на приватни домови за стари лица во Бутел и Центар, осомничени за злоупотреба на службената положба и малтретирање при вршење на службата. Обвинителството соопшти дека постои основано сомнение дека тие постапувале спротивно на Законот за социјална заштита, притоа физички и психички ги злоставувале штитениците и незаконски прибирале пари.Двете осомничени, според Обвинителството, свесно ги прекршиле дозволите за работа и во своите домови сместиле повеќе луѓе отколку што е дозволено – 27 наместо 21 лице во објектот во Бутел, и 33 наместо 17 лица во домот во Центар.Во установите немало доволно стручни кадри, дел од вработените немале никакви документи за работа, а корисниците спиеле на троседи, па дури и по двајца во еден кревет. Женски и машки лица биле сместувани заедно, без никакви услови за приватност и достоинство.„Храната која им била служена имала истечен рок, а од местото се земени мостри за вештачење. Некои лица биле заклучувани во посебни простории, а други примале терапија со лекови што не биле препишани од лекар,“ соопшти Обвинителството.Во текот на изминатите два дена, по наредба на јавен обвинител, сите згрижени лица биле прегледани од стручни тимови на Институтот за судска медицина, а установите се веднаш затворени.Од 2022 година до денес, двата домa незаконски остварувале имотна корист од вкупно 2.232.000 денари месечно, иако не исполнувале ниту еден законски услов за лиценцирана социјална установа.Не воделе евиденција за корисниците, немале досиеја со медицинска документација, ниту записи за хигиена и оброци, а сепак од семејствата наплаќале значителни износи за „услуга“ што не постоела.По спроведените претреси и обезбедени докази, јавниот обвинител побара од Основниот кривичен суд во Скопје мерка притвор за двете осомничени, поради опасност од бегство и влијание врз сведоци.„Судијата на претходна постапка го прифати предлогот, и на двете им е определен притвор,“ информираат од Обвинителството.Двете жени се товарат за нехуман, суров, деградирачки и понижувачки третман врз стари лица, кои нивните семејства ги довериле на грижа во приватни домови — грижа што, како што покажа истрагата, се претворила во тортура.

Скопје | пред 7 месеци

Почина Панчо Минов, еден од најпознатите македонски политичари

Поранешниот градоначалник на Кавадарци и пратеник во македонското Собрание, Панчо Минов починал денеска, на 67-годишна возраст.Минов во два мандати беше градоначалник на општина Кавадарци од 2000 до 2009 година.Поранешниот министер за внатрешни работи, Оливер Спасовски изрази жалење за смртта на Панчо Минов.-Со тага ја примив веста за смртта на Панчо Минов, поранешен градоначалник на Кавадарци, пратеник и уважен човек.Ќе го паметиме по неговата посветеност и човечност. Сочувство до семејството и сите негови пријатели.Нека Господ му подари вечен мир, а на неговите најблиски утеха и сила, напиша Спасовски.

Македонија | пред 7 месеци

Почнува пријавувањето за бесплатна вакцинација против сезонски грип

Министерството за здравство информира дека од денес почнува пријавувањето за бесплатна вакцинација против сезонски грип на ризичните групи население, кои може да се пријават со пополнување на апликацијата vakcinacija.mk на следниот линк: https://vakcinacija.mk/mk/registration-flu  или преку својот матичен лекар.Со бесплатната вакцинација се опфатени ризичните категории население: повозрасни лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, како и лицата сместени во установи за социјална заштита на стари лица и вработените во овие установи.- Интересот на граѓаните за бесплатната вакцинација против сезонски грип секоја година е сѐ поголем, што покажува зголемена свесност за значењето за заштита од грип, и уште еднаш ја потврдува важноста и потребата од оваа превентивна мерка. Ги повикувам граѓаните, а посебно лицата од ризичните категории навреме да го заштитат своето здравје. Министерството годинава набави историски најголем број вакцини против сезонски грип - 80.000 дози четиривалентна вакцина од реномираниот производител „Абот“ од Холандија, истакна министерот за здравство, Азир Алиу.

Македонија | пред 7 месеци

ДУИ им порачува на граѓаните да останат смирени: Бараат МВР да ги уапси напаѓачите на Шаини

„Загрижени сме од вооружениот напад врз нашиот кандидат и носител на листа во општина Липково, кој беше застрелан од маскирани лица и повреден. За среќа, неговиот живот е надвор од опасност и тој ја добива потребната медицинска помош“, соопштија од ДУИ за вчерашниот вооружен инцидент во центарот на Куманово.Остро го осудуваат, како што велат, овој варварски чин на насилство и бараат Министерството за внатрешни работи и Јавното обвинителство веднаш да реагираат, со целосна транспарентност и решителност, за да ги идентификуваат, уапсат и изведат пред лицето на правдата сторителите на овој напад.-Ги повикуваме сите наши поддржувачи, симпатизери и граѓаните да останат смирени, да не потпаѓаат жртва на провокации и да ја покажат разумноста што отсекогаш го карактеризирала нашето движење. Во солидарност со повреденото лице и за да ја нагласиме сериозноста на настанот, нашата партија одлучува да ги прекине денешните активности, додека институциите преземат конкретни чекори за враќање на јавната доверба и безбедноста на терен, стои во партиското соопштение.Носителот на советничката листа на ДУИ во Општина Липково, Зекирија Шаини беше ранет во оружен инцидент којшто се случи вчера попладнето во центарот на Куманово. Д-р Шаини е надвор од животна опасност, но има прострелни рани на рацете и нозете.ОЈО информираше дека на расчистување на случајот работат двајца обвинители. Се прибираат траги и материјални докази, кои ќе бидат предмет на вештачење. По напаѓачот се трага. Според првичните индиции, според ОЈО не се работи за политички мотиви зад инцидент, но сите околности се проверуваат.

Македонија | пред 7 месеци

Филипче: Кога нема резултати власта посегнува по црни кампањи, никако да разберат дека се прочитани

Претседателот на СДСМ, Венко Филипче, вечерва од Валандово каде продолжува изборниот караван со граѓанската трибина „Се бориме за нашиот дом“, порача дека неспособноста и безидејноста на владата е прочитана и затоа власта посегнува по црни кампањи.„ВМРО-ДПМНЕ не испорача резултати туку се сликаше со проектите кои останаа недовршени од СДСМ. Без резултати власта прибегнува кон лаги и спинови“, рече Филипче.„Кога се нема резултати, кога неспособноста се гледа, се прибегнува кон спинови, лаги и црни кампањи. Секој ден ја гледаме црната кампања против опозицијата и измислени афери што им се распаднаа, беа хибридни напади, дронови, сега стикови. Никако да разберат дека се прочитани и граѓаните веќе не им веруваат“, рече Филипче.„Но, ниту јас, ниту СДСМ нема да влеземе во калта во која тие се чувствуваат комотно“, потенцирше тој.„Ќе продолжиме да ја разобличуваме лажната и лицемерна власт, но уште повеќе ќе зборуваме за реалните проблеми на луѓето. Тоа е нашата борба, за поголеми плати на работниците, за 500 евра минимална плата, за поголеми пензии, за земјоделците, за докторите, за наставниците младите, за Европа.“, рече Претседателот на СДСМ, Венко Филипче, вечерва во Валандово.

Македонија | пред 7 месеци

(Видео) Човек кој ја разбираше тагата, но и радоста - сеќавањата за легендарниот Халид Бешлиќ

Веста за смртта на легендарниот пејач Халид Бешлиќ, кој почина денес, 7 октомври, во Сараево по кратко и тешко боледување, ги обедини луѓето низ целиот регион. Неговата музика, но и неговата човечност, го направија човек што не припаѓаше само на една земја или генерација – туку на сите што некогаш почувствувале љубов, болка, носталгија и живот во неговите стихови.Иако потекнуваше од светот на народната музика, Халид беше омилен и меѓу рокери, панкери и кафански душевни луѓе. Неговите песни ги знаеја и оние што никогаш не би признале дека ги слушаат. „Романија“, „Миљацка“, „Први пољубац“ – тоа не беа само хитови, туку животни приказни што се пеат со иста сила веќе половина век.Еден новинар што го интервјуирал пред неколку години во мотелот „Бешлиќ“ во Семизовац сведочи дека Халид не се однесувал како ѕвезда, туку како обичен човек со големо срце. Го пречекал со својот другар од основно училиште, со кого и по сите години сè уште се дружел. „Со Халид не одите на разговор со естрадна ѕвезда, туку на гости кај човек од народот,“ запишал новинарот по средбата.Во тој разговор, Халид зборувал за своите почетоци, за љубовта кон Бања Лука – градот во кој, како што рекол, го имал „првиот банеж“ по земјотресот во 1969 година. Со насмевка се присетил на детските игранки и првата симпатија од ученичкиот дом на Грбавица.„Бев во детски дом кога беше земјотресот во Бања Лука. Тогаш дојдоа многу девојки од Бања Лука, и таму се случи првата љубов, првиот банеж... тоа се убави спомени,“ рекол тогаш Халид.Разговорот ги однел и до неговата тешка сообраќајна несреќа во 2009 година, по која речиси престанал да вози и да пие. Со ведрина зборувал за животот, за пријателите што ги загубил – Тома Здравковиќ, Џеј, Кемал Мондено, Сафет Исовиќ – и за оние со кои делел маса и песна. Особено го издвоил Даворин Поповиќ од „Индекси“, за кого рекол дека му бил омилен „партнер за кафански разговори“.„Во времето кога јас почнував, кафаната беше институција, а музиката – мост меѓу луѓето,“ зборувал Халид. „Подоцна настана хиерархија – пејачите станаа богови, а луѓето публика. Јас останав оној што сум бил – човек од масата.“На крајот од интервјуто, со својата позната топлина рекол:„Кога ќе дојдете во Сараево, јавете се, да се видиме.“Иако тоа звучело како празна реченица, сите што го познавале знаеле дека Халид секогаш мислел искрено.Денес, кога тој повеќе не е меѓу нас, остануваат неговите песни – едноставни, искрени, човечки. Останува споменот на човек што ја разбираше и тагата и радоста, и кој со секоја нота ја обединуваше Југославија повеќе од било која политика.Халид Бешлиќ денес не пее во сала, туку на некоја небесна сцена, каде што повторно ќе ги сретне своите стари пријатели. А овде долу, неговите песни и понатаму ќе живеат – како сведоштво дека едноставноста е најголемата човечка височина.

Свет | пред 7 месеци

Тошковски со жесток одговор до СДСМ: „Очајот не се прикрива со зборот ‘оставка’“

Министерот за внатрешни работи, Панче Тошковски, остро реагираше на, како што вели, „очајните и политички мотивирани напади“ од СДСМ, обвинувајќи ја партијата дека преку постојани барања за негова оставка се обидува да го прикрие сопствениот неуспех и стравот од одговорност.„Осум години уништување на државата и страв од одговорност за истото не се бришат со папагалско повторување на зборот ‘оставка’“, вели Тошковски во својата изјава, додавајќи дека СДСМ секојдневно фабрикува кризи и спинови, обидувајќи се од секоја тема да направи политички напад.Тој потенцира дека повеќе од една година центарот за прес на СДСМ не прави ништо друго освен да бара негова оставка, без аргументи и без конкретни докази за било каква одговорност.„Секој ден истата реченица, иста интонација. Без разлика дали темата е безбедност, животна средина или парно греење – одговорот е ‘оставка’. Не би ме изненадило ако утре СДСМ ме обвини и за недостиг на сончеви зраци во Скопје“, саркастично коментира министерот.Тошковски ги обвини социјалдемократите дека ја користат секоја трагедија, па дури и денешниот вооружен инцидент во Куманово, за политички поени.„Пред да заврши увидот, пред да има првични наоди, тие веќе бараат оставка. Секој трагичен настан за нив е средство за политичка пресметка“, изјави тој.Во изјавата, Тошковски посочи дека СДСМ е вознемирен од резултатите на МВР, посебно од постапките против корумпирани функционери и расчистувањето на криминални групи.„Толку ли ви смета што покренавме кривични постапки против судии, обвинители и поранешни директори? Што расчистивме 14 криминални банди и уапсивме членови на терористички ќелии? Очигледно не ви пречи начинот на кој работам, туку резултатите“, нагласи министерот.Тој потсети дека за една година на функцијата преживеал две интерпелации — од Левица и од ДУИ, и оцени дека СДСМ може да се приклучи со трета, за да ја „заокружи коалицијата на очајот“.„Нема да поднесам оставка. Додека тие се занимаваат со спинови и конструкции, јас ќе продолжам да решавам проблеми и да расчистувам со нередот што го оставија. За нив политиката е шоу, за нас е одговорност“, завршува Тошковски.Министерот порача дека граѓаните ќе ја дадат последната оценка на претстојните локални избори, кога, како што рече, „зборовите ќе се судрат со делата“.

Македонија | пред 7 месеци