Најнови вести

1 мес.

european-brown-bear-1477814960720-620x350

Маж од кичевско ќе добие 300.000 денари откако бил нападнат од мечка

Маж од кичевско ќе добие 300.000 денари надомест за физички болки и страв, откако минатата година бил нападнат од мечка. Инцидентот се случил во август 2022 година, кога човекот пеш се враќал од нива кон својот дом и без никаква провокација бил гризнат од мечката. При нападот тој се здобил со повреди на десната страна од челото и слепоочницата, како и нагмечувања на дланките и натколеницата.По инцидентот, мажот бил хоспитализиран во болницата во Прилеп, каде што му биле хируршки санирани повредите и примил вакцина против беснило. Поради психолошките последици од нападот, побарал и психијатриска помош, а според медицинските наоди, болките со силен интензитет траеле околу десет дена, особено во пределот на главата и дланките.Основниот суд во Кичево првично му досудил 350.000 денари за нематеријална штета, но по жалба случајот бил разгледан од Апелациониот суд во Гостивар, кој ја намалил отштетата на 300.000 денари. Со конечната одлука, на оштетениот му се доделени 100.000 денари за физички болки, 100.000 денари за претрпен страв, 50.000 денари за намалена општа животна активност и 50.000 денари за душевни болки поради нагрденост.Во жалбата, тужителот побарал повисок износ, наведувајќи дека институциите не презеле доволно мерки за заштита од вакви напади, но Апелациониот суд оценил дека првично досудената сума била превисока и ја намалил отштетата.

Македонија | пред 1 месец

1 мес.

Украина ги отфрли тврдењата за набавка на нуклеарно оружје

Украина ги отфрли „апсурдните“ тврдења на Русија дека Киев се обидува да набави нуклеарно оружје со помош на Велика Британија и Франција.Портпаролот на Министерството за надворешни работи на Украина, Георгиј Тихи, за Reuters изјави дека „руските официјални лица, познати по импресивен низ лаги, повторно се обидуваат да создадат стара глупост за ‘валкана бомба’“. Тој додаде: „Да бидеме јасни – Украина многупати ги демантираше овие апсурдни руски тврдења и сега официјално ги негираме. Го повикуваме меѓународното сојузништво да ги отфрли и осуди руските валкани информативни напади.“Претходно, руската Служба за надворешна разузнавачка активност (SVR), без да достави докази, ги обвини Велика Британија и Франција дека се подготвуваат тајно да ја снабдат Украина со делови за нуклеарно оружје и со технологија. Двете држави, Велика Британија и Франција, како нуклеарни сили, засега не одговориле на обвинувањето.

Свет | пред 1 месец

1 мес.

Хоспитализиран поранешниот норвешки премиер, пишува дека се обидел да си го одземе животот поради Епстин

Поранешниот норвешки премиер Торбјорн Јагланд (75) е примен во болница, потврди неговиот адвокат Андерс Бросвет, наведувајќи дека хоспитализацијата е последица на силен стрес по откритијата за неговите врски со осудениот сексуален престапник Џефри Епстин, објави норвешкиот медиум VG.Адвокатот ги демантираше медиумските тврдења, меѓу кои и написите на порталите Ињетер и Финансависен, дека Јагланд се обидел да си го одземе животот. Уредникот на Ињетер, Хелге Лурас, изјави дека нивниот новинар добил поинакви информации, додека уредникот на Финансависен, Штајнар Грини, одби подетален коментар.На крајот на јануари беше откриено дека Јагланд имал значително пообемни контакти со Епстин отколку што претходно тврдеше. Нивната комуникација опфаќала размена на бројни пораки и повеќе средби во периодот од 2011 до 2019 година, кога Јагланд беше генерален секретар на Совет на Европа и претседател на Норвешкиот нобелов комитет, кој ја доделува Нобеловата награда за мир.Против него е покрената истрага за тешка корупција, а норвешката служба за борба против економски и еколошки криминал Økokrim на 12 февруари извршила претрес во неговиот дом, викендичка и планинска куќа. Истражителите се сомневаат дека Јагланд примал мито од Епстин во форма на подароци или услуги додека бил на чело на Советот на Европа, но засега не е прецизирано што требало да возврати.Според наводите, нивниот однос вклучувал престои на Јагланд во луксузните станови на Епстин во Париз и Њујорк, како и посета на Епстин на резиденцијата на Јагланд во Стразбур. Јагланд од него побарал и финансиска помош за купување стан во Осло. Претходно тој ја опиша врската како дел од „вообичаени дипломатски активности“, но подоцна призна дека направил лоша проценка и дека никогаш не би стапил во контакт со Епстин доколку ги знаел денешните информации за него.Преку својот адвокат, Јагланд порача дека сака да придонесе за целосно расветлување на случајот. Покрај него, Økokrim за тешка корупција ги обвини и брачниот пар Терје Ред-Ларсен и Мона Јул поради контакти со Епстин, а сите тројца ја негираат вината.

Свет | пред 1 месец

1 мес.

СДСМ: Има за авион и луксуз, нема за 600 евра минимална плата

Социјалдемократски сојуз на Македонија обвини дека власта одбила зголемување на минималната плата на 600 евра, и покрај тоа што, како што наведуваат, има средства за „луксузирање, мебел и авион“.Предлогот за изменување и дополнување на Законот за минималната плата, поднесен од пратениците на СДСМ, денеска не беше прифатен на собраниската Комисија за економски прашања. Според опозицијата, за законот дебатирале само нивни пратеници, додека владејачкото мнозинство го одбило и предлогот за јавна расправа, како и разговор меѓу синдикатите, работодавачите и Владата.„Одбија решение за работниците. Одбија 600 евра минимална плата. Има пари за луксузирање на власта, за мебел, чанти, авион, ама нема за поголеми плати за работниците“, велат од СДСМ.Од партијата тврдат дека средствата за набавка на авион не се повлечени и дека нема најави за ребаланс на Буџетот, што, според нив, покажува дека власта нема намера да се откаже од таа набавка.Во реакцијата се наведува и дека, како што велат, се води координирана медиумска кампања со наратив дека „потребен е авион“, додека, според СДСМ, главната тема – зголемување на платите – се оттурнува во втор план.„Има за авион. Има за мебел. Нема за плати. Дефокус не го полни фрижидерот“, порачуваат од опозициската партија, додавајќи дека работниците не смеат да останат без решение.СДСМ апелира законските измени да бидат прифатени „заради работниците“, оценувајќи дека, како што велат, „доста беше од игри“.

Македонија | пред 1 месец

1 мес.

Угостителите добија „битка“: одложена примената на дел од законот за заштита од пушење

Министерство за здравство прифати одложување на примената на дел од новиот закон за заштита од пушење, со што, како што беше појаснето, им се остава простор на сопствениците на угостителските објекти инфраструктурно да се прилагодат на законските барања.Министерот за здравство, Азир Алиу, на денешната прес-конференција во Владата изјави дека одложувањето се однесува на примената на одредбите за пушење на отворени тераси од три страни, кои во пракса во моментов се затворени.„Процесот за забелешки за тој закон е веќе завршен. Работните групи имаа консултации со стручни лица и со сите засегнати страни во државата. Исто така, јас и премиерот имавме состаноци со производители, потрошувачи, компании, ресторани и кафулиња. Имаше забелешки што беа логични и можеа да бидат прифатени, но и такви што не беа прифатени. Прифатено беше одложувањето на примената на законот за тераси од три страни, бидејќи им треба време за инфраструктурно да се приспособат“, изјави Алиу.Во однос на електронските цигари, министерот најави дека тие ќе бидат забранети за користење во затворени простории. Дополнително, ќе биде ограничена и нивната продажба.„Барањето кое половично е прифатено беше продажбата на електронските цигари со вкус. Има вкусови што се директно наменети за младата популација. Целта на законот е заштита на населението со фокус на младите. Ќе бидат забранети сите вкусови што се благи и атрактивни за младите, а ќе дозволиме да се продаваат само електронски цигари со неутрален вкус и со вкус на тутун“, истакна министерот.Според него, државата е меѓу водечките во Европа по користење на нетрадиционални, таканаречени модерни електронски цигари, поради што законските измени имаат за цел дополнително да ја зајакнат заштитата на младите и јавното здравје.

Македонија | пред 1 месец

1 мес.

Со завршено четврто одделение сакал да извади возачка, па фалсификувал диплома

Возачки испит во земјава може да се полага со завршено основно образование, а токму овој услов бил причина 49-годишен прилепчанец да фалсификува свидетелство за завршена осмолетка за да може да се пријави во авто-школа.Од Министерство за внатрешни работи информираат дека ОВР Прилеп поднела кривична пријава против Н.А.(49) од Прилеп поради постоење основи на сомнение за сторено кривично дело „фалсификување на исправа“.„Во септември 2025 година, пријавениот направил лажна исправа – свидетелство на негово име издадено од основно училиште за завршено осмо одделение, кое имал намера да го употреби за пријавување во авто-школа за полагање на возачки испит, иако имал завршено четврто одделение“, соопштуваат од полицијата.Случајот доаѓа во период кога засилени се контролите во сообраќајот, особено по ставањето во функција на системот „Безбеден град“, кој предвидува построги санкции за возење без возачка дозвола и за други сообраќајни прекршоци.Во изминатиот период, по одземање на возила од лица кои управувале без положен возачки испит, во Битола и во други градови беа организирани протести. Дел од демонстрантите, припадници на ромската заедница, бараа можност да управуваат возила и без положен испит, повикувајќи се на фактот дека некои од нив се неписмени.Надлежните, пак, остануваат на ставот дека условите за стекнување возачка дозвола се законски пропишани и еднакво важат за сите граѓани.

Македонија | пред 1 месец

1 мес.

Навивање за Наполи заврши со нож: сопруга го прободе мажот поради фудбалска расправија

Навивањето за Наполи заврши драматично за четириесетгодишен навивач од Неапол, кој бил примен во болница откако неговата сопруга го прободела со нож за време на расправија предизвикана од фудбалски натпревар.Инцидентот се случил во неделата попладне во населбата Каподимонте во Неапол, додека брачниот пар го следел мечот од Серија А меѓу Аталанта и Наполи, кој тимот од Бергамо го доби со 2:1. Натпреварот уште од почетокот предизвикал нервоза кај домаќинот, особено по контроверзната ВАР-одлука со која бил поништен претходно досуден пенал за Наполи.Револтиран од случувањата на теренот, навивачот гласно негодувал и упатувал пцовки кон судијата и играта на својот тим. Според наводите на полицијата, неговата сопруга погрешно ги протолкувала повиците, верувајќи дека навредите се упатени кон неа.Недоразбирањето брзо прераснало во сериозна расправија. Жената го обвинила сопругот дека ја навредува, а откако тој одбил да ја напушти просторијата, ситуацијата ескалирала.Најпрво фрлила ножици кон него, кои не го погодиле. Потоа земала кујнски нож и го прободела во левата страна од телото. И покрај шокот и крварењето, повредениот успеал да се јави на бројот 112 и да повика итна помош.Според истрагата, жената продолжила да фрла ножеви, при што еден од нив се забил во ѕидот на станот.Припадници на карабинерите од станицата Каподимонте пристигнале на местото и затекнале хаотична сцена. Триесет и петгодишната жена била уапсена и се товари за семејно насилство, нанесување тешки телесни повреди и незаконска употреба на ладно оружје.Повредениот навивач бил пренесен во болницата „Оспедале дел Маре“ во Неапол, каде лекарите констатирале дека не е животно загрозен. Медицинскиот персонал посочил дека брзата реакција на итните служби била клучна за да се избегнат потешки последици.Случајот уште еднаш отвора прашање колку емоциите поврзани со спортот можат да излезат од контрола кога фрустрацијата и недоразбирањето ќе се претворат во насилство.

Свет | пред 1 месец

1 мес.

УНИЦЕФ започна нова хуманитарната кампања за гладните деца во Судан, Јемен и Газа

Канцеларијата на УНИЦЕФ за Хрватска започна нова хуманитарна кампања со цел да им помогне на децата погодени од глад во Судан, Јемен и Газа, предупредувајќи дека бројот на деца изложени на глад, сиромаштија и насилство постојано расте. Според проценките, рекорден број деца ќе имаат потреба од хуманитарна помош во 2026 година.УНИЦЕФ истакнува дека милиони деца ширум светот страдаат од тешка, опасна по живот неисхранетост, која предизвикува една од пет смртни случаи кај деца под петгодишна возраст, што ја прави една од најголемите закани за нивниот опстанок.Долготрајните вооружени конфликти и екстремните временски услови дополнително го ограничуваат пристапот до храна и основни услуги, и покрај напорите на семејствата да го заштитат здравјето на своите деца. Особено критична е ситуацијата во Судан, каде продолжува заборавената криза со милиони раселени деца и нивните семејства, во Јемен, каде милиони деца и жени се соочуваат со хроничен недостиг на храна, и во Газа, каде гладот беше официјално потврден за прв пат во август 2025 година.Во овие кризни региони речиси осум милиони деца страдаат од катастрофални нивоа на неисхранетост. Во Газа, поради уништената инфраструктура и ограничениот пристап до хуманитарна помош, се забележани и смртни случаи предизвикани од глад. Тимовите на УНИЦЕФ на терен секојдневно се соочуваат со растечките потреби за здравствена заштита, чиста вода и терапевтска храна, но ситуацијата се влошува и бара поголема меѓународна поддршка од кога било досега.УНИЦЕФ ги повика граѓаните да се обединат во солидарност за да обезбедат многу потребната терапевтска храна, истакнувајќи дека нивните програми обезбедуваат 80 проценти од специјално развиената терапевтска храна за спасување животи, терапија што за само неколку дена може да значи разлика меѓу живот и смрт.Неисхранетоста сериозно го загрозува опстанокот, растот и развојот на децата, предизвикувана не само од недостиг на храна, туку и од несоодветна исхрана, болести, ограничен пристап до вода за пиење и недостиг на здравствени услуги.

Свет | пред 1 месец

1 мес.

Пролетта носи промени и нови почетоци за сите хороскопски знаци

Пролетта во астрологијата секогаш претставува момент на будење, но оваа година тоа чувство доаѓа погласно, поискрено и со помалку трпение за сè што нè задушува. Влегувањето на Сонцето во Овен носи нова енергија, а астролошките транзити ги нагласуваат темите на личниот раст, односите и конкретните одлуки. Еве што им носи пролетта на хороскопските знаци.ОвенЗа Овните ова е сезона во вистинска смисла на зборот. Пролетта ве турка напред без многу прашања – време е да застанете зад себе, да започнете нешто ново или конечно да направите пресек што долго го одложувате. Енергијата расте, но предизвик ќе биде да не изгорите прерано. Ако забавите доволно за да се слушнете себеси, резултатите можат да бидат импресивни.БикБиковите влегуваат во пролетта побавно, но подлабоко. Фокусот се префрла на внатрешниот мир, односите и чувството на сигурност. Многумина ќе сфатат дека стабилноста не доаѓа од навика, туку од свесен избор. Крајот на пролетта носи повеќе самодоверба и конкретни поместувања, особено во работата и финансиите.БлизнациЗа Близнаците ова е општествено и ментално многу активно раздобје. Идеите се множат, контактите се шират, а можностите доаѓаат преку разговори и нови познанства. Пролетта ви дава шанса да се видите во нова улога, но бара и фокус. Помалку расфрланост, повеќе јасни цели – тоа е клучот.РакРаковите пролетта ќе ја почувствуваат како емоционален ресет. На површина излегуваат прашања поврзани со домот, семејството и личните граници. Иако периодот може да делува чувствително, токму сега се зајакнувате одвнатре. Искреноста кон себе носи олеснување и можност за нов почеток во приватниот живот.ЛавНа Лавовите пролетта им носи потреба за поширок поглед кон светот. Патувања, учење, нови проекти или промена на перспектива стануваат важни теми. Ова е време да излезете од рутината и повторно да откриете што ве инспирира. Љубовта и креативноста цветаат кога ќе престанете да се докажувате и ќе почнете да уживате.ДевицаЗа Девиците пролетта отвора теми на доверба, интимност и длабоки промени. Можеби нема да имате чувство на целосна контрола, но токму таму се крие можноста за раст. Финансиите, заедничките ресурси и емоционалните врски бараат искрен пристап. Кога ќе го пуштите перфекционизмот, работите природно си доаѓаат на место.ВагаКај Вагите пролетта силно ги нагласува односите. Партнерствата, љубовни или деловни, доаѓаат во фокус и бараат рамнотежа, но и јасни граници. Ова е период на одлуки – повеќе нема бескрајно двоумење. Кога ќе кажете што навистина ви е потребно, односите или се продлабочуваат или природно завршуваат.ШкорпијаШкорпиите ја дочекуваат пролетта со промени во секојдневието. Работата, здравјето и рутината стануваат клучни теми. Време е да се ослободите од навиките што ве исцрпуваат и да воведете структура што ве поддржува. Малите промени сега носат голем долгорочен ефект.СтрелецПролетта им ја враќа радоста на Стрелците. Љубовта, креативноста и чувството на игра повторно доаѓаат во прв план. Ова е сезона во која се потсетувате кои сте кога не сте оптоварени со туѓи очекувања. Флертот, инспирацијата и новите хобија можат неочекувано да прераснат во нешто посериозно.ЈарецЈарците во пролетта се свртуваат кон приватниот живот. Домот, семејството и емоционалната сигурност стануваат поважни од надворешните достигнувања. Иако сте навикнати постојано да туркате напред, ова е време за забавување и поставување здрави темели. Кога ќе се стабилизирате одвнатре, сè друго оди полесно.ВодолијаЗа Водолиите пролетта носи ментална јасност и потреба за изразување. Разговорите, пишувањето, учењето и кратките патувања можат да отворат нови врати. Ова е идеален период за споделување идеи, но и за слушање на другите. Вистинските можности доаѓаат преку размена, а не преку изолација.РибaРибите ја започнуваат пролетта со фокус на вредностите, парите и самопочитта. Главното прашање е колку се цените себеси и сопствениот труд. Креативноста може да стане извор на стабилност, но само ако верувате дека го заслужувате тоа. Пролетта ве учи дека и на соништата им е потребна структура за да опстанат.

Магазин | пред 1 месец

1 мес.

Американската војска се качи на ирански танкер среде Индискиот Океан

Американските воени сили пресретнаа нафтен танкер под санкции во Индискиот Океан, откако го следеле уште од водите на Карибите, соопшти Пентагон, наведувајќи дека станува збор за трета ваква операција.Американското Министерство за одбрана објави на социјалната мрежа Икс дека во текот на ноќта без отпор се качиле на бродот „Берта“, тврдејќи дека танкерот за сурова нафта се обидувал да врши трговија и покрај санкциите поврзани со Иран. Бродот, кој плови под знамето на Куковите Острови, е поврзан со компанијата Шангај Легендари Шип Менaџмент Компани Лимитед и е под санкции воведени во јануари 2020 година, според податоците на Канцеларија за контрола на странски средства при американското Министерство за финансии.Според системот за следење пловила, последната пријавена позиција на танкерот била на 24 февруари, кога пловел во Индискиот Океан во близина на Малдивите.Од Пентагон соопштија дека американските сили извршиле поморско запирање и качување на бродот во зоната на одговорност на Индо-пацифичка команда на САД, нагласувајќи дека танкерот се обидувал да ја избегне изолацијата на санкционирани бродови воспоставена од американскиот претседател Доналд Трамп.„Го следевме од Карибите до Индискиот Океан, по што беше запрен“, наведоа од Пентагон, додавајќи дека сите три санкционирани бродови што биле предмет на вакви операции веќе се пресретнати, без да откријат дополнителни детали.Претходно овој месец, американските сили се качија и на танкерот „Акила II“, додека во јануари САД запленија уште еден танкер за сурова нафта – „Маринера“, поврзан со Венецуела, што укажува на засилени активности за спроведување на санкциите на море.

Свет | пред 1 месец

1 мес.

Зеленски бара точен датум за пристапување на Украина во ЕУ

Украинскиот претседател Володимир Зеленски, во обраќање пред Европски парламент, побара од Европската Унија да одреди јасен датум за пристапување на Украина, предупредувајќи дека без таква одлука Русија ќе може со години да го блокира европскиот пат на земјата.Говорејќи преку видеоврска на вонредната пленарна седница одржана по повод четвртата годишнина од почетокот на руската инвазија, Зеленски истакна дека конкретен рок за членство е клучен за иднината на Украина. Според него, без датум и безбедносни гаранции, рускиот претседател Владимир Путин ќе продолжи да бара начини да ја попречува интеграцијата на Украина и да создава поделби во Европа.Тој повика и на заострување на санкциите против Русија, целосно прекинување на европската зависност од руската енергија, затворање на руските банки во Европа, спречување на заобиколување на санкциите и санкционирање на таканаречената руска „сенка флота“, како и забрана за влез на лица обвинети за воени злосторства.Претседателката на Европскиот парламент Роберта Мецола при отворањето на седницата изјави дека безбедноста на Украина е истовремено и безбедност на Европа, додавајќи дека слободата на Украина значи и слобода за европскиот континент.По обраќањето на украинскиот претседател, европратениците усвоија резолуција со која повторно остро ја осудија руската агресија врз Украина. Во документот се бара Русија веднаш да ги прекине воените дејства, да се повлече од сите меѓународно признати украински територии и да ги ослободи притворените и депортираните цивили, вклучително и децата.Резолуцијата нагласува дека иднината на Украина е во Европската Унија и препорачува забрзување на интеграцијата во единствениот европски пазар, како и институционални реформи во ЕУ со цел подготовка за идното проширување. Европратениците повикаа и на поголема воена, политичка и дипломатска поддршка за Киев.Дополнително, се осудува депортацијата на украински деца во Русија и се поддржуваат меѓународните напори за нивно враќање, како и проширување на санкциите против руски институции и функционери поврзани со воени злосторства, построга контрола против избегнување санкции и ставање на групата Вагнер и нејзините наследници на листата на терористички организации.

Свет | пред 1 месец

1 мес.

По пет децении Работнички доби нов дом: Свечено отворена обновената сала во Градски парк

Градоначалникот на Општина Центар, Горан Герасимовски, свечено ја отвори целосно реконструираната сала „Работнички“ во Градски парк, еден од најстарите спортски објекти во државата.Во рамки на свеченоста се одигра ревијален натпревар меѓу младинскиот состав на КК „Работнички“ и шампионите од Лига Центар од ООУ „Кочо Рацин“, проследен со настапи на хип-хоп групи и богата спортска програма.На отворањето, покрај бројните гости и советниците на Општина Центар, присуствуваа и ветераните на КК „Работнички“, Огнен Герасимовски, Драган Радосављевиќ, Рики Ѓорчевски, Стерули Андоновски, Томе Димишковски, Миро Крстевски, Тихо Матевски, и Перо Антиќ, на кои им беше доделено признанието „Феникс“, симболот на Општина Центар, птицата што се раѓа од пепел, како знак на обнова, истрајност и нов почеток.„Се што правам како градоначалник, го работам со најдобра верба и мисла за нашите центарци. Со упорност, со скромност, со многу енергија и љубов, создадовме уште една победа, која им припаѓа на сите во Центар, без исклучок и поделби. И оваа сала е резултат на нашиот пристап, дека заедно можеме да направиме се. Без политика, без делби, напротив, обединети и сложни во успесите и резултатите“, рече Герасимовски.Обраќајќи им се на младите центарци кои ги исполнија трибините, Герасимовски порача дека салата е наменета токму за нив, за генерациите што допрва ќе создаваат нови спортски успеси и ќе го носат духот на „Работнички“.,,Драги ученици, новата сала е секогаш отворена за вас. За спорт, за натпревар, за другарување, за споделување на вистински вредности во животот. Од срце ве поканувам да ја користите, да бидете присутни, да бидете здрави и конкурентни, да создавате резултати, да се радувате на своите и заедничките успеси! Во оваа сала ќе ги гледаме нашите нови шампиони, ќе ја пишуваме новата историја", порача Герасимовски.Салата е реконструирана според стандардите на ФИБА, со целосно обновен паркет, нова фасада, современо ЛЕД-осветлување, енергетски ефикасен систем за греење, ладење и вентилација, нови соблекувални, санитарни јазли и нови столчиња на трибините.Со обновата на објектот во Градски парк, најтрофејниот клуб доби дом достоен за своето име и традиција, место каде што ќе се редат нови победи и ќе се гради иднината на спортот во Центар.

Скопје | пред 1 месец

1 мес.

Општина Кичево: Поплавите се последица на неодговорно фрлање шут во речното корито

Општина Кичево информира дека причината за последните поплави е неодговорно одлагање шут и градежен материјал во и во непосредна близина на речното корито, со што се попречува нормалниот проток на водата.„Ги молиме граѓаните за разбирање и солидарност. Сѐ додека овој потег целосно не се исчисти, постои реална опасност од повторни поплави при нови врнежи.Воедно, апелираме на разум и повторуваме дека никаков опасен материјал, ниту комунален отпад, не се одлага во копот на рудникот „Осломеј“. Се отстранува и транспортира исклучиво материјалот што се вади покрај самото речно корито (наноси, шут и градежен материјал), со цел превенција и заштита на населението“, велат од Општина Кичево.

Македонија | пред 1 месец

1 мес.

(Фото) Камион се преврте на обиколница пред клучката за Косово

Товарно моторно возило се преврте на скопската обиколница пред клучката за Косово, во правец кон граничниот премин Блаце, информираат очевидци од местото на настанот.Според првичните информации, камионот од засега непознати причини ја изгубил контролата и завршил надвор од коловозната лента.Во моментов нема официјални информации дали во несреќата има повредени лица, ниту каква е материјалната штета.

Скопје | пред 1 месец

1 мес.

Алиу: Секторот за одгледување канабис за медицински цели мора да функционира строго законски, транспарентно, без „сиви зони“

Министерот за здравство, Азир Алиу денеска одржа прес конференција, со цел да информира за акцијата која е во тек кај компаниите што поседуваат одобрение за одгледување канабис за медицински цели, која доби и дополнителна институционална тежина по денешната седница на Владата.- Денес упатуваме порака дека државата повеќе нема да гледа настрана таму каде што има сомнеж за злоупотреба на дозволи, пропусти во институционалниот надзор и ризик за јавниот интерес. Секторот за одгледување канабис за медицински цели мора да функционира строго законски, транспарентно, без „сиви зони“, без привилегирани и без заштитени, истакна министерот Алиу.Тој нагласи дека засилени вонредни контроли ќе се извршат кај сите правни субјекти, односно вкупно ќе бидат опфатени 43 правни лица. Контролите се спроведуваат во соработка со МВР, МАЛМЕД, Инспекторат за земјоделство, ДСЗИ и други надлежни институции.- Досега се извршени 13 контроли кај лиценцирани правни субјекти, при што кај 6 од нив се утврдени неправилности во постапувањето, согласно законот за контрола на опојни дроги и психотропни супстанци. Поради тоа, Владата на денешната седница донесе одлуки за одземање на одобрението за одгледување канабис за медицински цели кај овие 6 правни субјекти, појасни Алиу.Инаку, одлуките на Владата за засноваат на наодите од спроведени контроли и со кои се констатирани следните состојби:-Несоодветно складирање на сув цвет, при што тој бил затекнат отворен, без соодветно запечатување и без складирање во пропишани картонски кутии.-Недоставени известувања до комисијата за извршено производство, берба и купопродажба на сув цвет-Недоставена севкупна документација и договори, поврзани со продажба и трансфер на сувиот цвет-Утврдено несовпаѓање меѓу евидентираните и фактички затекнатите количества на сув цвет во сеф-соба.-Недоставено известување во рок од три дена за настанати промени, согласно обврските, утврдени со Законот за контрола на опојни дроги и психотропни супстанци.Дополнително, министерот Алиу порака дека целта на овие вонредни контроли е обезбедување доследна примена на законските прописи, унапредување на надзорот на производството и прометот, како и обезбедување транспарентно и законско функционирање на секторот за производство на канабис за медицински цели.- Овој процес на контрола на производителите на канабис за медицински цели, откри и низа системски слабости, но и назнаки за интенционални празнини во регулативата, што можат да се користат за злоупотреби. Затоа, по завршувањето на контролите кај сите 43 правни лица и по целосното утврдување на сите аномалии, ќе пристапиме кон подготовка на нова и поцврста законска регулатива за одгледување канабис за медицински цели. Како Влада одлучни да не дозволиме било каква идна можност за манипулации и злоупотреби, заклучи Алиу.

Македонија | пред 1 месец

1 мес.

По проценката на АНБ, Груби не е безбеден ниту дома, ама обвинителот сепак го прати во куќен притвор

Ниту АНБ, ниту МВР не изготвиле безбедносна проценка со која посочиле дека Артан Груби ќе биде небезбеден само доколку заврши во ефективен притвор во истражниот затвор „Скопје“ во Шутка, неофицијално дознава „Скопје1“. Известувањето на кое вчера се повика обвинителот кога бараше куќен притвор, се однесува на општа безбедносна проценка, што би значело дека Груби не е безбеден никаде, па ниту дома.Сознанијата пак, дека има ризик по безбедноста на Груби не се тазе. Дел од нив оперативно се добиени пред една година и по истите е постапено. Затоа и му било доделено обезбедување кое поранешниот вицепремиер го имаше сѐ додека не замина од Македонија, по што беше баран со потерница. Според засега непотврдени информации, дел од лицата кои токмеле план за да му наштетат, се и затвореници. Но останува отворено прашањето, во кои затворски установи издржуваат притвори или затворски казни. Бидејќи, пракса е доколку еден затвор е небезбеден за издржување на мерка или казна, притворениот или осудениот да биде префрлен во друга установа.„Скопје1“ побара детали и од МВР за тоа што стои во известувањата до Обвинителството, но оттаму без детали за овие сознанија.„Министерството за внатрешни работи, согласно своите законските надлежности ги сподели со Јавното обвинителство сите информации и сознанија со кои располагаше, а кои се однесуваат на конкретното лице, вклучително и информациите од Агенцијата за национална безбедност. Во понатамошната постапка, одлуките за барање и определување на мерките ги носат исклучиво надлежното обвинителство и судот“, велат од МВР.За безбедноста во затворска установа, гарантира управата. Вчера, директорот на затворот во Шутка, Бобан Утковски, посочи дека безбедноста на Груби е гарантирана, додавајќи дека се почитуваат сите прописи и правила.„Скопје1“ постави прашања до обвинителот, како дошол до заклучок дека во било кое притворско одделение не може да се гарантира безбедноста на Груби – но не добивме одговор. Наспроти ова, стигна соопштение.„По проценка на надлежните органи – МВР и АНБ постојат сериозни информации дека во притворското одделение не може да се гарантира личната безбедност на овој осомничен“, стои во кусото објаснување од соопштението.Прашавме и зошто Обвинителството се повикува на известувањето од МВР при предлогот за куќен притвор, кога истото укажува дека Груби не е сигурен ниту дома. Не добивме одговор.Молк и на прашањето дали на овој начин, Обвинителството индиректно ја префрла вината од своите редови кај извршната власт.Во исто времен, Груби издржува куќен притвор, кој доколку седне на обвинителна клупа и биде осуден, ќе му се засмета во изречената казна. Во спротивно, ќе биде ослободен, а државата ќе плаќа оштета.

Македонија | пред 1 месец

1 мес.

Филков најави вонреден надзор во затворите: Недозволиво е да се тврди дека не може да се гарантира безбедност на притворено лице

На прес-конференција Министерот за правда, Игор Филков изјави дека ќе побара да се изврши вонреден надзор во затвор Скопје и во останатите затвори во Македонија. Според него недозволиво да се тврди дека не може да се гарантира безбедност на притворено лице и тоа да биде аргумент за поблага мерка.„Институционалната контрола мора да функционира. Никој не смее да биде изземен од одговорност. Утрово побарав и објаснување од директорот на затвор Скопје, преку управата за извршување на санкции, бев информиран дека од текот на вчерашниот ден биле обезбедени сите услови за спроведување на мерката притвор во надлежната институција.Недозволиво е да се тврди дека не може да се гарантира безбедност на притворено лице и тоа да стане аргумент за поблага мерка. Како министер за правда, дополнително ќе побарам да се изврши вонреден надзор во затвор Скопје, како и во останатите затвори низ Македонија во однос на безбедносната состојба. И дозволете да констатирам нешто што граѓаните одамна го чувствуваат. Залудно носиме закони ако не се спроведуваат. Залудно менуваме регулативи ако тие важат селективно. Залудно зборуваме за реформи ако практиката ја урива довербата.Ова не е прашање на политика, ова е прашање на принцип. Нема никогаш да молчам кога принципот на еднаквост пред законот ќе биде доведен во прашање“, вели Филков.

Македонија | пред 1 месец

1 мес.

Тренчевска: Пратениците да гласаат за 600 евра минималец, трудот на работникот мора да се вреднува

Воведувањето и зголемувањето на минималната плата е една од клучните економско-социјални политики насочени кон заштита на животниот стандард на граѓаните и секоја влада која сака да го заштити стандардот на работниците треба да ја зголеми минималната плата согласно инфлацијата и куповната моќ на граѓаните, нагласи пратеничката на СДСМ, Јована Тренчевска на денешната собраниска Комисија за економски прашања, труд и енергетска политика, на која на невен ред е Предлог на законoт за изменување и дополнување на Законот за минимална плата во Република Северна Македонија, поднесен од пратенчката група на СДСМ и коалицијата.Во образложувањето на предлог-измените, Тренчевска ги повика сите пратеници да го поддржат зголемувањето на минималната плата на 600 евра, за да се почитува трудот на работниците и да се овозможи секое семејство кое живее со минимална плата да има достоинсвен живот.Тренчевска посочи дека барањето за 600 евра минимална плата е оправдано. Инфлацијата и трошоците за живот континуирано растат, а мерките кои што владата ги презема не дадоа никаков ефект.„Имаме годишна инфлација од 4,1%, а кај храната таа инфлација е многу повисока, односно над 5%. Оваа инфлација многу повеќе ја чувствуваат оние граѓани и работници кои имаат ниски примања. Сите оние мерки кои божем ги преземаше владата за да се органичи растот на цените не дадоа никаков ефект. Куповната моќ на граѓаните од месец во месец, од ден во ден, сè повеќе паѓа. Во февруари годинава, само за еден месец синдикалната кошничка се зголемила за околу илјада денари, а во однос на февруари 2025 година, таа се зголемила за 3.609 денари, а во споредба со 2022 година за повеќе од 30.000 денари. Денес ни требаат скоро три минимална плати за да може да се исполни она што е предвидено како основни производи за живот во синдикалната кошничка“, рече Тренчевска.Во образложението Тренчевска нагласи дека ја улогата на владата во Економско-социјалниот совет како трипартитно тело не треба да се сведе на посредник.„Таа секогаш треба да биде во заштита на работникот, а не да смета дека е само посредник или модератор на Економско-социјалниот совет. Напротив, Владата е дел од советот, партнер и учесник којшто директно преговара и соработува и со работниците и со работодавачите, а не ги остава работодавачите сами да одлучуваат дали им одговара да се покачи минималната плата на барање на работниците, затоа што тоа никогаш нема да го видиме“, рече Тренчевска.Таа потсети дека во 2022 и 2023 година, кога се зголеми минималната плата, владата на СДСМ не ја префрли целата тежина врз работодавачите, ги субвенционираше придонесите, за компаниите да ги зголемат платите а истовремено да не им се наруши ликвидноста. „Преку субвенционирање на придонесите се обезбеди поддршка за околу 130 илјади граѓани кои зимаа повисоки плати во компаниите. А за сите оние кои беа на минимална плата, Владата обезбеди поддршка на разликата помеѓу претходната минимална плата и онаам минимална плата што беше утврдена во 2022–2023 година. Тоа значи дека компаниите не беа оставени сами на себе, туку и тука се гледа улогата на Владата, да може да ги поддржи и барањата на работниците, но и барањата на работодавачите“, рече Тренчевска.

Македонија | пред 1 месец

1 мес.

Уапсени 15 возачи без возачка дозвола, со активна забрана и под дејство на алкохол

Во текот на вчерашниот ден, полициски службеници на целата територија на државата лишија од слобода 15 возачи, од кои 10 за возење без возачка дозвола, тројца со забрана за управување возило од Б категорија, еден под дејство на алкохол, додека еден возач управувал возило без возачка дозвола и под дејство на алкохол.Двајца возачи во Скопје и по еден возач во Пробиштип, општина Старо Нагоричане, Куманово, Радовиш, Гевгелија, Гостивар, Тетово и Битола управувале возило без возачка дозвола. По еден возач во Скопје, Велес и Гостивар управувале возило иако имале мерка забрана за управување моторно возило од Б категорија, а едно лице во Штип управувало возило под дејство на алкохол. Додека, едно лице во Кавадарци управувало возило без возачка дозвола и под дејство на алкохол. Лицата се приведени во полициска станица, а по целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 1 месец

1 мес.

Филков јавно ги повика Судскиот совет и Советот на јавните обвинители да утврдат дали има основ за одговорност кај судијата и јавниот обвинител за одлуката за куќен притвор

Министерот за правда Игор Филков на прес-конференција упати пораки во врска со одлуката за замена на мерката притвор со куќен притвор во случај поврзан со истрага за проневера од над осум милиони евра.Во своето обраќање, министерот потенцираше дека Министерството за правда нема да биде нем сведок кога довербата на граѓаните во правниот систем е разнишана, ниту ќе стои на страна кога јавноста со право бара одговори.„Досега, почитувајќи го принципот на поделба на власта, не сум коментирал конкретни судски и обвинителски одлуки. Тоа е темел на правната држава. Но кога одлуките отвораат сериозни дилеми и ја доведуваат во прашање еднаквоста пред законот, должност ми е да побарам отчетност“, истакна Филков.Тој нагласи дека станува збор за лице кое 14 месеци било во бегство, за кое бил утврден ризик од бегство – ризик што се остварил – и дека јавноста има право да знае врз основа на кои конкретни факти и правни аргументи е донесена одлуката за поблага мерка.Министерот јавно ги повика сите инволвирани во постапката да дадат детално и транспарентно образложение за своите одлуки, потенцирајќи дека одговорноста мора да биде лоцирана со име и презиме.„Јавно ги повикувам сите актери во постапката да дадат објаснување:Јавниот обвинител Даниел Коцев,– да објасни, врз основа на кои конкретни факти и правни аргументи е дадено позитивно мислење за замена на притворот?Раководителот на обвинителството Анел Фидоски, –дали стои зад оваа одлука и дали смета дека ова е порака за еднаква примена на законот?Судијата на претходна постапка при Основниот кривичен суд Скопје, Марин Станевски, – кои околности го надминале ризикот од бегство кај лице кое веќе 14 месеци беше недостапно?” изјави министерот за правда Игор Филков.Тој информираше дека побарал објаснување и од надлежните институции во однос на условите во притворските установи и најави вонреден надзор во казнено-поправните установи со цел утврдување на безбедносната состојба.„Залудно носиме закони ако не се спроведуваат. Залудно зборуваме за реформи ако практиката ја руши довербата. Ова не е прашање на политика, туку на принцип“, порача Филков.

Македонија | пред 1 месец

1 мес.

Клуч на врата за шест фабрики за производство на марихуана

Шест лиценци за производство на марихуана се одземени со одлука на Владата, дознава Скопје1. Одлуката е донесена на денешната седница која сè уште е во тек.Според неофицијални информации една од одземените лиценци е од фабрика од која претходно беше запленета марихуана во рамки на акцијата во која беа одземени 40 тона.Одлуката на Владата е донесена по проверките кои ги направило Министерството за здравство. Министерот доби овластување да провери дали се почитувани законските прописи за одгледување на марихуаната, но и нејзиниот квалитет.Засега нема официјално соопштение од Владата, а се очекуваат детали по завршување на седницата.Ова е листата на фирмите за кои е предложено одземање на лиценците од страна на комисијата при Министерството за здравство.Alphafarm – констатиран кусок на сув цвет,необезбедено физичко обезбедување и видеонадзорGreen Life – констатиран кусок на сув цвет и несоодветно пакување на сувиот цвет во сеф-соба.CBD Medplant – кусок на сув цвет во сеф-соба и недоставување целосна документација до Комисијата за купопродажба (доставено е само известување за транспорт).Life Plant – недостиг на видео надзор во внатрешните простории, необезбедено физичко обезбедување согласно законските услови и недоставување документација за купопродажба на сув цвет.Ata Farm – непостоење соодветен стручен кадар и необезбедено физичко обезбедување и видеонадзор.Kanabinoids – неисполнување на законските услови, недостиг на кадар, обезбедување и видеонадзор, како и констатирани несоодветни активности во дворот на правното лице (продажба на возила).

Македонија | пред 1 месец

1 мес.

Гостиварец измамен при тргување со криптовалути преку социјална мрежа

На 20.02.2026 година во 13:30 часот, во ОВР Гостивар, 65-годишник од гостиварско пријавил дека бил измамен преку социјална мрежа за сума од 22.000 денари.Според пријавата, тој се договорил за тргување со криптовалути преку профил на социјалната мрежа Е.К., при што во банка уплатил околу 12.000 денари на име М.К. Потоа бил известен дека заработил поголема сума и за подигање на парите треба да уплати уште 10.000 денари, што го и направил. Кога добивал дополнителни барања за уплата, се посомневал дека е измамен и случајот го пријавил во полиција.Се преземаат мерки за расчистување и документирање на настанот.

Македонија | пред 1 месец

1 мес.

Исчезна 17-годишна девојка од Струмица - последно баба и ја испратила на автобуска во Прилеп

Во Прилеп, на 23.02.2026 година, 64-годишната М.Л. пријавила исчезнување на својата 17-годишна внука од Струмица.Според пријавата, младата девојка престојувала неколку дена кај бабата во Прилеп, но не се вратила во семејниот дом во Струмица и покрај тоа што претходно била испратена до автобуска станица.Полицијата презема мерки за пронаоѓање на лицето и се повикуваат граѓаните, доколку имаат информации, да соработуваат со надлежните органи.

Македонија | пред 1 месец

1 мес.

Насилно влегле во Центар за социјални работи и се обиделе да нападнат вработена

На 23.02.2026 година во Тетово, полициски службеници од СВР Тетово лишиле од слобода две лица, Б.З.(44) од с.Горно Седларце и Н.Б.(39) од с.Калиште, поради насилно влегување во канцеларија на Центарот за социјални работи.Пријавените агресивно се однесувале кон вработената З.Е.(45) од Тетово и се обиделе физички да ја нападнат. По целосно документирање на случајот, против нив ќе биде поднесена соодветна кривична пријава.

Македонија | пред 1 месец

1 мес.

0-02-0a-63c9dd5042c9b6bbd8f76a230541ac2bacdcebaa601449b99df801636dae2655_21c623694a9

Лажеле дека учествувале во сообраќајка за паричен надомест – кривична пријава во Тетово

СВР Тетово поднесе кривична пријава против седум лица од различни места во државата, поради постоење основи на сомнение за сторено кривично дело „измама“, како и против едно лице за „помагање“ во врска со истото дело.Според пријавата, на 03.06.2025 година, по сообраќајна незгода помеѓу две возила, првите двајца пријавени со намера да се стекнат со противправна имотна корист лажно навеле дека и другите пет лица биле учесници во незгодата, иако тие не учествувале.Седмопријавениот, пак, ги советувал пријавените како да постапат, вклучително и да се упатат во Клиничка болница Тетово, со цел да добијат паричен надомест.По целосно документирање на случајот, против осомничените ќе следува соодветна пријава.

Македонија | пред 1 месец