Промени тема
Контакт
Нова вест Админ
site logo skopje1
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме

Најнови вести

2 нед.
media-libraryvpjsjucbguem8sOwC7i

(Видео) Расправија помеѓу планинари и велосипедист на Водно заврши со викање полиција

Жестока расправија помеѓу рекреативен планинар и велосипедист избила на Водно. Ова доаѓа откако на патеката каде во главно граѓани се движат пешки, младо момче се спуштало со велосипед. Ова за еден од планинарите претставувало загрозување на животот на тие што пешачат, па по расправија, повикаа и полиција.Велосипедистот пак, кој го објави видеото, рече дека нема никаков знак дека патеката е само за пешаци, а потоа посочи дека возел со прилагодена брзина за да запре.Но планинарот инститираше дека тој треба да се врати назад со велосипедот бидејќи патеката не е наменета за велосипедисти, за што според него, има и соодветен знак. Планинарот кажа дека негова роднина била тешко повредена во ваква ситуација. Дополнително, на стазата имаше и деца.Видео од целата случка објавено од велосипедистот:

Скопје | пред 2 седмици

2 нед.
media-libraryh1k8etib1km0cvvbAJH

(Видео) Тешка сообраќајка во „Ѓорче Петров“: Судир на пет возила, младиот возач во тешка состојба

Тешка сообраќајна несреќа со учество на пет возила се случи синоќа на улицата „Ѓорче Петров“ во Скопје, при што едно лице се здобило со тешки телесни повреди, а повеќе други се повредени.Од Министерството за внатрешни работи информираат дека несреќата била пријавена вчера во 21:20 часот, а во неа учествувале две патнички возила „бмв“, „фолксваген туран“, „фолксваген артеон“ и „мерцедес“, сите со скопски регистарски ознаки.Тешко повреден е 19-годишниот возач Л.Ј. од село Кондово, кој управувал едно од возилата „бмв“. Со телесни повреди се здобиле и двајца негови сопатници, како и шест лица од другото „бмв“ и возачот на „мерцедесот“, Б.Р. (28) од село Глумово.Повредените се пренесени во Ургентниот центар при комплекс клиники „Мајка Тереза“ и во Градската општа болница „8 Септември“, каде им била укажана медицинска помош.За несреќата е известен јавен обвинител, а увид на местото извршила увидна екипа на СВР Скопје.

Скопје | пред 2 седмици

2 нед.
media-libraryeajdf2kqgpndeEl5is8

Блерим Беџети доби кривична па вели: Но нека им биде јасно: јас не запирам, не се повлекувам

Поранешниот градоначалник на Сарај, Блерим Беџети, реагираше откако полицијата поднесе кривична пријава против него и уште едно лице, оценувајќи дека станува збор за политички притисок, а не за правна постапка.„Вчера Мицкоски имал ‘чувство’ дека ќе има кривични пријави. Денес Министерството за внатрешни работи го реализира тоа ‘чувство’. Случајност? Не. Ова е чист политички притисок“, изјави Беџети.Тој посочи дека кога, како што вели, кривичните пријави се најавуваат од политиката, а потоа се реализираат од институциите, тоа отвора сериозни дилеми за функционирањето на државата.„Но нека им биде јасно: јас не запирам. Не се уценувам. Не се повлекувам. Ова се обиди да се замолчи политичкиот глас кој не прифаќа да се потчини“, додаде Беџети, нагласувајќи дека, според него, ваквите постапки само ја зајакнуваат неговата убеденост.Претходно, Министерството за внатрешни работи соопшти дека поднело кривична пријава против Б.Б. (49) и З.Д. (61) од Скопје, поради основано сомнение за сторено кривично дело „злоупотреба на службената положба и овластување“.Според МВР, З.Д. како овластено службено лице во Град Скопје овозможил правен субјект од Сарај да стекне противправна имотна корист од 3.224.064 денари, иако немал надлежност да издава решение за режим на сообраќај.Воедно, Беџети како градоначалник на Општина Сарај, во два наврати донел решенија за режим на сообраќај и нивни измени без соодветен надзор и спротивно на урбанистичкиот план, со што, според полицијата, му овозможил на истиот субјект противправна корист од 42.851.205 денари.И покрај обвинувањата, Беџети порача дека „вистината не запира, само доцни, но доаѓа и победува“.

Македонија | пред 2 седмици

2 нед.
media-library9tfq59g49bjieXHlOZO

Нова електрична Mercedes C-класа: премиера на 20 април, повеќе простор и „ѕвездено небо“ во кабината

Mercedes-Benz најави дека на 20 април 2026 година ќе ја претстави целосно новата електрична C-класа – модел што треба да донесе голем пресврт во еден од најважните сегменти за брендот. По децении во кои C-класата беше репер меѓу премиум лимузините од средна големина, новата генерација во целосно електрична изведба се позиционира со понагласен фокус на динамика на возење, дигитални решенија и порафинирана внатрешност.Автомобилот е развиен на наменска електрична платформа, а од компанијата посочуваат дека при обликувањето значајна улога имале и повратните информации од купувачите – особено во делот на просторноста, удобноста и можностите за персонализација. Благодарение на новата архитектура и стандардниот панорамски стаклен покрив, кабината треба да понуди забележливо повеќе простор од претходните генерации, со потивка и поотворена атмосфера што комбинира луксузни материјали и дигитални функции.Во однос на материјалите, најавено е дека купувачите ќе можат да избираат меѓу решенија со природни влакна со отворени пори, како и опции со брезово дрво. Како посебна новина се истакнува и достапниот вегански пакет за ентериер, со кој електричната C-класа станува вториот електричен модел на Mercedes со кабина сертифицирана од Веганското друштво.Пакетот опфаќа површини на седиштата, облогата на покривот, столбовите и теписите. Кај опремата, опционалните луксузни предни седишта носат масажа, вентилација и интеграција со Burmester 4D опкружувачки звучен систем.На технолошки план, Mercedes ја најавува најновата генерација на MBUX Hyperscreen и Superscreen, со голем дисплеј-елемент што визуелно ја поврзува централната конзола со инструмент-таблата. Персонализацијата дополнително се засилува со десет теми за амбиентално осветлување, а панорамскиот покрив Sky Control може да создаде ефект на „ѕвездено небо“ со 162 осветлени ѕвезди.Се нагласува и значително подобрена термичка ефикасност: новиот систем за климатизација може да ја загрее кабината двојно побрзо во споредба со моделите со мотори со внатрешно согорување, при тоа трошејќи приближно двојно помалку енергија благодарение на топлинска пумпа. Повеќе детали за погонските изведби и перформансите се очекуваат на самата премиера, закажана за 20 април.

Свет | пред 2 седмици

2 нед.
1859697970631dded139433465581695_690x460

Стравот од геополитика го „лади“ Крит: резервациите стагнираат, туристите бараат „помирни“ брегови

Иако Грција и оваа сезона останува меѓу најпосакуваните летни дестинации, за островот Крит се бележи неочекуван застој на резервациите. Додека други летувалишта на Медитеранот пријавуваат видлив раст, интересот за најголемиот грчки остров според туристичките агенции и тур-оператори е почувствително послаб во споредба со изминатите години.Клучната причина, според оценките на луѓе од браншата, не е поврзана со понудата на островот, туку со променетата перцепција за безбедност во регионот. Во услови на војна на Блискиот Исток, дел од европските туристи стануваат посензитивни на геополитички ризици и ја преиспитуваат дури и одлуката за дестинации што на прв поглед изгледаат далеку од жариштата.Како дополнителен фактор се посочува присуството на голема американска воена база во заливот Суда, во близина на Ханија. Токму тоа, според тур-операторите, кај дел од патниците создава чувство на претпазливост и ги тера да одложат или да пренасочат резервации кон други места.Сепак, Медитеранот во целина не губи на привлечност. Напротив, се забележува дека туристите сè почесто избираат пократки и поедноставни патувања, а меѓу „добитниците“ од ваквата распределба на интересот се спомнуваат Италија, Шпанија и Португалија.Посебно се издвојува и растечката популарност на Бугарија, која се наметнува како поевтина и лесно достапна алтернатива за летен одмор. Комбинацијата од поумерени цени, подобра поврзаност и „ново откриени“ крајбрежни одморалишта ја турка земјата повисоко на листите на патници што сакаат сигурност и јасна пресметка на трошоците.За туристичката индустрија, сигналот е јасен: во 2026 година не одлучуваат само сонцето и плажите, туку и чувството на безбедност – кое понекогаш може да ја промени сликата на цела сезона, дури и на еден од најпознатите острови во Европа.

Магазин | пред 2 седмици

2 нед.
grcija

Грција под нов удар: инфлацијата скокна, горивата поскапеа двоцифрено, а транспортот и гардеробата „летнаа“ нагоре

Последиците од тензиите и прекините во снабдувачките и енергетските текови на Блискиот Исток веќе се прелеваат врз грчката економија, покажуваат најновите податоци на државната статистика. Според објавените бројки, инфлацијата забрзала со месечен раст од 2,6%, додека на годишно ниво достигнала 3,9%.Најсилниот притисок е забележан кај енергенсите и горивата, каде што цените се движат со двоцифрени стапки. Во однос на претходниот месец, дизел-горивото поскапело за 24,1%, бензинот за 11,4%, а останатите горива за 19,8% – тренд што директно се пренесува и во трошоците за превоз, испораки и секојдневна мобилност.Ударот најјасно се гледа токму во транспортниот сегмент: инфлацијата кај транспортот е измерена на 7,3% на месечно ниво. Дополнителен товар за патниците е поскапувањето на авионските билети, кои пораснале за 26,2% во споредба со претходниот месец.Кај храната растот продолжил, но посмирено – со 0,2% месечно. Притоа, најизразени се поскапувањата кај јогуртот (3%), како и кај овошјето и зеленчукот (2,2%). Од друга страна, дел од производите забележале намалување: тестенините се поевтиниле за 3,5%, свежата или замрзната риба за 3,3%, јадливите масла за 1,6%, а говедското месо за 0,5%.Изненадувачки силен скок има и кај гардеробата и обувките – месечен раст од 21,9%. Овој нагорен пресврт се поврзува со „враќање“ на цените по завршувањето на зимските распродажби, што дополнително ја разгорува сликата за поскапен живот во пролетните месеци.Комбинацијата од поскапи горива, поскап транспорт и зголемени трошоци за основни категории, како храна и облека, создава ризик за нов бран притисоци врз семејните буџети, особено во период кога дел од трошоците се прелеваат од енергетиката кон поширок спектар услуги и стоки.

Свет | пред 2 седмици

2 нед.
media-library44bb0i9mmhap7tnTUHU

Роботски кучиња почнаа да ги чуваат насадите со пченка на Хаваи

Роботски кучиња, кои веќе се користат како чувари на критични објекти како што се податочни центри, границата меѓу САД и Мексико, па дури и имотот Мар-а-Лаго на Доналд Трамп, сега добиваат нова улога во земјоделството. Во Соединетите Американски Држави, големи агроиндустриски компании како Бајер почнаа да ги користат за надзор на вредни насади, конкретно пченка со висока пазарна вредност, пишува „Фјучеризам“.Според стручниот магазин „Фенс Пост“, Бајер ги користи роботските кучиња на технолошката компанија Асајлон како дополнување на човечките патроли на фарма за пченка на Хаваи, која се протега на околу 8.000 хектари. Нивната задача е 24-часовен надзор и заштита на насадите од вандализам, шумски пожари, диви животни и други закани.Роботските единици се опремени со термални камери и електро-оптички сензори слични на оние што се користат кај воени беспилотни летала. Секое роботско куче е поврзано со безбедносен оперативен центар на Бајер на Хаваи и со контролен центар на Асајлон, што значи дека секој обид за кражба на пченка би бил тешко изводлив.Иако ваквото ниво на обезбедување делува претерано, се наведува дека насадите на Бајер на Хаваи сочинуваат значаен дел од меѓународниот извоз на семенска пченка, со вредност од милиони долари на глобалниот пазар.Во поширок контекст, текстот укажува и на глобалната криза со храна, при што се споменуваат зголемени цени на ѓубрива и енергенси, како и растечка несигурност во снабдувањето со храна за милијарди луѓе ширум светот. Во таа насока се цитира и предупредување од Организацијата за храна и земјоделство на Обединетите нации за системски шок врз глобалните агро-прехранбени системи.На крајот се наведува дека, додека милиони луѓе се соочуваат со глад, дел од највредните земјоделски култури веќе се заштитуваат со помош на роботска технологија.

Свет | пред 2 седмици

2 нед.
media-libraryl980ocllcbiqaNCVygE

НЛО-досијеа на САД излегуваат во јавност - постојат ли вонземјани?

Американскиот претседател Доналд Трамп изјави дека неговата администрација пронашла „многу интересни документи“ поврзани со неидентификувани летачки објекти (НЛО), најавувајќи дека дел од материјалите наскоро ќе бидат објавени.„Пронајдовме многу интересни документи и првите објавувања ќе започнат многу, многу брзо“, рече Трамп на настан организиран од конзервативната група „Тарнинг поинт САД“.Тој потсети дека во февруари наредил на американските институции да започнат со декласификација на владини досиеја поврзани со НЛО, неидентификувани воздушни феномени и можен вонземски живот, повикувајќи се на големиот јавен интерес за темата.Во контекст на оваа одлука, Трамп го спомена и поранешниот претседател Барак Обама, кој во едно интервју зборуваше за можноста за постоење вонземски живот. Подоцна, Обама појасни дека не видел докази за контакт со вонземјани за време на својот мандат, иако смета дека статистички е можно живот да постои и на други места во универзумот.И самиот Трамп изјави дека нема видено докази за постоење вонземјани и дека останува скептичен.Во меѓувреме, Пентагон во изминатите години спроведуваше истраги за НЛО-феномени, при што во извештаи од 2022 и 2024 година беше наведено дека нема докази кои укажуваат на посета или присуство на вонземска технологија на Земјата.Според американските власти, најголем дел од пријавените случаи се должат на погрешно идентификувани објекти или природни појави.

Свет | пред 2 седмици

2 нед.
media-librarylacsaq24tqi36JiUMlR

Трамп: САД ќе го земат иранскиот ураниум – со договор или со сила

Американскиот претседател Доналд Трамп изјави дека САД „на овој или оној начин“ ќе дојдат до иранските резерви на високо обогатен ураниум, предупредувајќи дека тоа може да се случи и на „многу понепријателски начин“ доколку пропаднат преговорите.Трамп претходно тврдеше дека Иран во разговорите со Вашингтон „прифатил сè“, вклучително и отстранување на обогатениот ураниум од земјата и негов транспорт во САД.„Ќе отидеме таму и ќе го преземеме заедно со нив. Ќе го земеме заедно, затоа што дотогаш ќе имаме договор“, изјави Трамп во интервју, додавајќи дека во таков случај нема да има потреба од воен судир.Тој нагласи дека за ваков потег нема да бидат потребни американски војници на терен.На митинг во Аризона, Трамп повторно ја повтори оваа позиција, користејќи го терминот „нуклеарна прашина“ за да го опише високо обогатениот ураниум – израз кој не е стандарден во нуклеарната индустрија.Од друга страна, Техеран остро ги отфрли овие тврдења. Висок ирански функционер ги нарече изјавите „алтернативни факти“ и негираше дека Иран прифатил да ги предаде своите нуклеарни резерви.Според него, барањето за извоз на ураниум во САД е „неприфатливо“, а Иран нема намера да се откаже од правото на збогатување, кое го смета за дел од меѓународно признатите права.Прашањето за нуклеарната програма останува една од клучните точки на спор меѓу двете земји, со ризик од нова ескалација доколку преговорите не донесат резултат.

Свет | пред 2 седмици

2 нед.
Screenshot-2025-01-21-at-14.36.31

Трамп повторно ја отвори темата за вонземјани: Има интересни докази

Доналд Трамп изјави дека неговата администрација пронашла „многу интересни“ документи поврзани со неидентификувани летечки објекти и најави дека првите објавувања наскоро ќе започнат.Трамп, говорејќи пред поддржувачи на настан организиран од Тарнинг Поинт УСА, рече дека јавноста наскоро ќе може да види дали овие феномени навистина постојат.Во февруари тој наложи американските агенции да започнат со објавување владини досиеја за неидентификувани летечки објекти, неидентификувани воздушни феномени и можен вонземски живот, повикувајќи се на силниот јавен интерес.Трамп исто така го спомена Барак Обама, кој претходно во подкаст изјави дека вонземјаните се „реални“, но подоцна појасни дека нема видено докази за контакт со нив за време на неговиот мандат.Во меѓувреме, Пентагон во извештај од 2024 година наведе дека американските истраги од крајот на Втората светска војна не пронашле докази за вонземска технологија, а повеќето пријавени случаи биле погрешно идентификувани објекти или природни појави.

Свет | пред 2 седмици

2 нед.
media-library345jp31ofpbidHYuLh7

СДСМ тврди дека приватна разузнавачка компанија работи против нив по наредба на Мицкоски

СДСМ обвини дека премиерот Христијан Мицкоски и ВМРО-ДПМНЕ ангажирале странска приватна разузнавачка компанија за следење на опозицијата и фабрикување афери.Според партијата, станува збор за израелската компанија „Блек кјуб“, која ја опишуваат како „приватен Мосад“ и која, како што наведуваат, е позната по активности како собирање информации, следење и спроведување операции насочени кон политички противници.Од СДСМ тврдат дека оваа компанија веќе престојувала во Скопје, каде одржала состаноци во еден хотел, на кои присуствувале лица блиски до ВМРО-ДПМНЕ, како и бизнисмен кој наводно требало да го финансира ангажманот.„Целта е јасна – да се следи опозицијата, да се собираат информации и да се фабрикуваат афери за дискредитација на СДСМ“, наведуваат од партијата.Во соопштението се додава дека ваквите активности се дел од „автократски модел“, при што, како што велат, се користат приватни разузнавачки структури кога политичките механизми не даваат резултат.СДСМ тврди дека ваквите чекори се случуваат во период кога, според нив, власта се соочува со пад на поддршката и финансиски проблеми во медиумската сфера.Од партијата порачуваат дека нема да се откажат од политичката борба и дека ќе продолжат да инсистираат на, како што велат, „вистината, независното правосудство и европскиот пат на државата“.

Македонија | пред 2 седмици

2 нед.
media-libraryif1oq0r658kfdHOMwCP

Закани, преговори и мисии: Ормускиот теснец во фокусот на светот

Тензиите околу Ормускиот теснец остануваат високи, додека светските сили испраќаат спротивставени пораки за решавање на кризата што директно го засега глобалниот енергетски пазар и безбедноста на поморскиот сообраќај.Американскиот претседател Доналд Трамп изјави дека ситуацијата „изгледа прилично добро“ и најави нов круг преговори со Иран веќе за време на викендот. Сепак, тој нагласи дека американската поморска блокада на иранските пристаништа ќе остане во сила сè додека не се постигне конечен договор.„Имаме добри вести, но сè уште не можам да ги споделам“, изјави Трамп, потенцирајќи дека притисокот врз Техеран нема да се намали пред да се затвори целата преговарачка рамка.Од другата страна, претседателот на иранскиот парламент, Мохамад Багер Галибаф, ги отфрли тврдењата на Вашингтон и предупреди дека доколку блокадата продолжи, Ормускиот теснец „нема да остане отворен“, што би значело сериозен удар врз глобалната трговија со нафта.Паралелно, европските сили се обидуваат да спречат ескалација. Францускиот претседател Емануел Макрон и британскиот премиер Кир Стармер предводеа виртуелен самит со околу 40 држави, со цел да се координира меѓународен одговор за одржување на слободната пловидба.Стармер најави дека Велика Британија и Франција ќе предводат меѓународна мисија за заштита на поморските рути во регионот, која, според него, ќе има исклучиво одбранбен карактер и ќе започне веднаш штом условите тоа ќе го дозволат.Во меѓувреме, Кина испрати сигнал дека поддржува отворање на теснецот. Според Трамп, кинескиот претседател Си Џинпинг е задоволен од напорите за стабилизација, а двајцата лидери најавиле и средба во мај, која би можела да има пошироко геополитичко значење.Ормускиот теснец, низ кој поминува значителен дел од светската нафта, останува клучна точка на глобална нестабилност, каде секоја одлука може да има далекусежни последици врз економијата и безбедноста.

Свет | пред 2 седмици

2 нед.
1669028980_2874109_rumen-radev_ls

Бугарија утре на осми избори за пет години – крај или нова криза?

Бугарија утре ќе излезе на осми парламентарни избори во последните пет години, во обид да стави крај на хроничната политичка нестабилност која ја потресува земјата.Според последните анкети, во водство е новата партија „Напредна Бугарија“, предводена од поранешниот претседател Румен Радев, кој поднесе оставка пред истекот на мандатот за да влезе во трката за власт. Неговата партија ужива поддршка од околу 33 проценти, што го прави клучен фактор во идниот парламент, кој се очекува повторно да биде фрагментиран.Изборите доаѓаат по пет години политичка криза во која ниту една влада не успеа да го заврши целиот мандат. Земјата постојано функционираше со технички влади, нестабилни коалиции и краткотрајни политички сојузи, кои често се распаѓаа поради скандали.Паралелно, довербата кај граѓаните значително опадна, а излезноста на изборите е во континуиран пад.И покрај институционалната нестабилност, Бугарија во истиот период направи значајни чекори кон Европската унија, вклучително и влез во Шенген-зоната и усвојување на еврото, често и без функционална влада или усвоен буџет.Последниот политички колапс беше предизвикан од масовни протести кон крајот на 2025 година, најголеми во последните децении, кои започнаа поради спорен буџет, но прераснаа во поширок бунт против политичкиот систем.Во фокусот на јавниот гнев беа лидерот на ГЕРБ и поранешен премиер Бојко Борисов, како и контроверзниот бизнисмен и политичар Дељан Пеевски, кој е под санкции од САД и Обединетото Кралство поради корупција.Во меѓувреме, националистичката партија „Преродба“ продолжува да ја зголемува поддршката, додека традиционалните политички блокови се обидуваат да се прегрупираат.Подемот на Радев отвори и споредби со унгарскиот премиер Виктор Орбан, особено поради неговите ставови против воената помош за Украина и критиките кон Европската унија.Иако неговата партија води, аналитичарите не очекуваат апсолутно мнозинство, што значи дека Бугарија повторно може да влезе во период на сложени коалициски преговори и потенцијална нова политичка неизвесност.Исходот од изборите ќе има значење не само за внатрешната политика, туку и за Европската унија, која внимателно ја следи состојбата поради ризикот од дополнителна нестабилност во регионот.

Свет | пред 2 седмици

2 нед.
media-libraryrhfnvbj6ievfeNpGhYp

Трамп му се закани на Иран: Без договор – нови бомбардирања

Американскиот претседател Доналд Трамп изјави дека би можел да го прекине примирјето со Иран доколку до среда не се постигне долгорочен договор за ставање крај на војната, притоа директно најавувајќи можност за нови воени напади.„Можеби нема да го продолжам примирјето, но блокадата ќе остане“, рече Трамп во изјава за новинарите во авионот „Ер Форс Уан“, на враќање кон Вашингтон од Феникс, Аризона.Тој додаде дека САД се подготвени повторно да интервенираат воено доколку нема договор со Техеран.„Значи, имате блокада и, за жал, ќе мораме повторно да почнеме да фрламе бомби“, изјави Трамп.Изјавата доаѓа во момент на кревко примирје и зголемени тензии во регионот, при што американската страна веќе спроведува поморска блокада на иранските пристаништа, како дел од притисокот врз Техеран да прифати договор.Иран засега нема официјална реакција на најновите закани од Вашингтон.

Свет | пред 2 седмици

2 нед.
struja-4

ЕВН најави петчасовен прекин на струја во Сопиште

Според известување од ЕВН Македонија АД, денес (сабота, 18.04.2026) без електрична енергија ќе останат корисниците во селата Јаболце, Нова Брезница, Елово, Црн Врв, Осинчани, Малчиште, Дражилово и Патишка Река, во Општина Сопиште.Прекинот во снабдувањето со струја е најавен во периодот од 09:00 до 14:00 часот.

Македонија | пред 2 седмици

2 нед.
eZy-Watermark_01-10-2023_05-24-23-2450PM

Сончево со засилен северен ветер, можен локален дожд на југоистокот

Според утринските податоци на Управа за хидрометеоролошки работи (УХМР), најстудено утрово било на Попова Шапка со 2 степени, додека 3 степени се измерени во Маврови Анови и Лазарополе. Во Скопје се измерени 14 степени.Во изминатите 24 часа најмногу дожд наврнало во Крива Паланка, каде се измерени 2 литри на метар квадратен, а 1 литар во Струмица.Денеска времето ќе биде променливо облачно со сончеви периоди. Во источните делови ќе има повремен локален дожд, а во југоисточните услови за краткотраен дожд и ретки грмежи. Ќе дува умерен, а долж Повардарието повремено засилен северен ветер.Максималната дневна температура ќе биде од 17 до 25 степени. Во Скопје се очекува променливо облачно време со сончеви периоди и умерен до засилен северен ветер, со температура до 23 степени.

Македонија | пред 2 седмици

3 нед.
media-libraryl42sn4hv0m480pNUZbd

Иран повторно му се закани на САД

Иран повторно им се закани на САД поради продолжувањето на блокадата на Ормускиот теснец, предупредувајќи дека ќе преземе соодветни мерки доколку ситуацијата продолжи.Техеран претходно соопшти дека блокадата ќе ја смета за „кршење на примирјето“, откако американскиот претседател Доналд Трамп изјави дека ограничувањата ќе останат на сила сѐ додека не се постигне конечен договор.Портпаролот на иранското Министерство за надворешни работи, Есмаил Багаеи, за државните медиуми изјави дека Иран ќе реагира доколку блокадата продолжи. Тој нагласи дека „ако другата страна одлучи да ги прекрши своите обврски и поморската блокада продолжи, Исламската Република Иран ќе преземе неопходни мерки“, додавајќи дека во тоа „нема никакво сомневање“.Багаеи исто така оцени дека САД изнесуваат „контрадикторни ставови“ во врска со ситуацијата околу Ормускиот теснец.

Свет | пред 3 седмици

3 нед.
brod

Прв крузер помина низ Ормускиот теснец од почетокот на војната

Крузерот „Celestyal Discovery“ стана првиот патнички брод што го поминал Ормускиот теснец од почетокот на конфликтот, во услови на постепено стабилизирање на поморскиот сообраќај во регионот.Бродот, кој плови под малтешко знаме, денес исплови од Дубаи, каде што беше закотвен 47 дена, а неговата крајна дестинација е Оман. Според информациите, крузерот се движи без патници, објави Euronews.Преминот низ теснецот се случил неколку часа откако Иран и САД соопштиле дека стратешкиот пловен пат повторно ќе биде целосно отворен за комерцијален сообраќај до крајот на примирјето. Ормускиот теснец, кој во текот на конфликтот беше речиси затворен, е еден од најважните морски коридори во светот.Според податоците на сервисот MarineTraffic, пристигнувањето на бродот во Оман се очекува во текот на утрешниот ден. Ситуацијата останува во развој и ќе биде дополнително ажурирана со нови информации.

Свет | пред 3 седмици

3 нед.
media-library0ste2oguq4gtdQTACnD

(Видео) Зеленски се сретна со шведскиот крал

Украинскиот претседател Володимир Зеленски се сретна со шведскиот крал Карл XVI Густав, со кого разговараше за воената поддршка за Украина и за зајакнување на одбранбената соработка меѓу двете земји.На средбата, како што соопшти Зеленски, биле разгледани можности за зајакнување на украинските воздухопловни сили, вклучително и потенцијалното воведување на борбени авиони „Грипен“ од Шведска. Разговорите опфатиле и продолжување на хуманитарната и енергетската помош за Украина.Зеленски нагласи дека посебен акцент бил ставен на долгорочна одбранбена соработка, со цел зајакнување на безбедносните капацитети и на Украина и на Шведска. Тој додаде дека Киев е подготвен да ги сподели своите искуства и технологии во одбранбениот сектор.Шведскиот крал Карл XVI Густав во меѓувреме престојува во официјална посета на Лавов. Шведска неодамна ја потврди својата поддршка за формирање на специјален суд за злосторството на агресија против Украина, како и испорака на напредни системи за противвоздушна одбрана „Тридон Мк2“.

Свет | пред 3 седмици

3 нед.
Bitcoin-Gold

Биткоинот расте кон 80.000 долари по отворањето на Ормускиот теснец

Цената на биткоинот порасна за околу 5 проценти и достигна 77.700 долари, приближувајќи се кон нивото од 80.000 долари, откако Иран објави дека Ормускиот теснец е повторно целосно отворен за комерцијален сообраќај во текот на примирјето. Оваа вест ги намали тензиите околу клучната енергетска рута и ги поттикна инвеститорите на поголем ризик.Растот продолжи и на неделно ниво, при што биткоинот зајакна речиси 7 проценти од падот под 70.000 долари на почетокот на февруари, достигнувајќи највисоко ниво во последните месеци.Силниот скок предизвика и масовни ликвидации на крипто-пазарите, при што за само еден час беа затворени позиции во вредност од околу 243 милиони долари. Најголем дел од загубите ги претрпеа трејдери кои се обложувале на пад на цената.Според податоците, вкупните ликвидации во последните 24 часа надминале 720 милиони долари.Пазарите реагираа и на падот на цената на нафтата од над 11 проценти, поради намалување на геополитичката неизвесност. Аналитичарите оценуваат дека стабилизирањето на Ормускиот теснец ја намалува инфлациската опасност и ја зголемува привлечноста на ризичните инвестиции како криптовалутите.

Свет | пред 3 седмици

3 нед.
media-libraryl980ocllcbiqaNCVygE

Трамп најави: Ќе го пренесеме иранскиот ураниум во САД

Американскиот претседател Доналд Трамп изјави дека САД ќе соработуваат со Иран во процес на собирање и пренесување на неговиот збогатен ураниум назад во САД.Во телефонски разговор, Трамп рече дека операцијата ќе се спроведува „заедно со Иран“, опишувајќи го процесот како постепен и технички, при што ќе се користат тешки машини за извлекување на материјалот.Тој додаде дека таканаречената „нуклеарна прашина“, како што ја нарече, ќе биде собрана „многу брзо“, мислејќи на остатоците по претходни напади врз ирански нуклеарни постројки.Паралелно, Трамп повтори дека САД постигнуваат поширок договор со Техеран, според кој Иран се обврзува да не го затвора Ормускиот теснец, додека Вашингтон би имал контрола врз иранскиот нуклеарен материјал.Тој исто така нагласи дека договорот не се однесува на Либан, но дека САД одделно ќе се занимаваат со прашањето на Хезболах, додавајќи дека на Израел му е забрането понатамошно бомбардирање на таа земја.

Свет | пред 3 седмици

3 нед.
media-library06n17o41rd039MbAVnX

Иран го отвори Ормускиот теснец: нафтата падна на 88 долари

Светските енергетски пазари денеска нотираа дека цената на суровата нафта од типот „Брент“ падна на 88 долари за барел. Ова е значително намалување од речиси 12% во текот на денот.Ова следува откако Иран објави дека Ормускиот теснец повторно е отворен за комерцијален поморски сообраќај. Овој клучен енергетски коридор, низ кој поминува околу една петтина од глобалната трговија со нафта, изминатите денови беше под закана, што ја одржуваше цената на високo ниво.Ормускиот Теснец е појас што го поврзува Заливот со Арапското Море, преку кој обично се транспортира една петтина од светската нафта и течен природен гас.По објавата, како што пишува Би-би-си, глобалните пазари, исто така, се зголемија, при што главните американски берзански индекси пораснаа во раното тргување.Европските акции, пораснаа по објавување на веста.Овој вртоглав пад на цената е одличен сигнал за домашната економија. Доколку трендот се задржи до понеделник, кога Регулаторната комисија за енергетика прави нови пресметки, може да очекуваме значително поевтинување на горивата во Македонија.

Свет | пред 3 седмици

3 нед.
netanjahu

Нетанјаху: „Работата уште не е завршена“

зраелскиот премиер Бенјамин Нетанјаху изјави дека Израел сè уште не ја завршил својата воена мисија против Хезболах, и дека целта за целосно распуштање на либанското шиитско движење нема да биде постигната во скоро време.Во видео-порака, Нетанјаху оцени дека израелските операции во Либан донеле „значајни резултати“, наведувајќи дека се елиминирани две главни закани – инфилтрација на борци и голем арсенал ракети насочени кон израелските градови.Тој тврди дека околу 90 проценти од ракетниот арсенал на Хезболах е уништен, додавајќи дека групата денес е „само сенка“ од својата поранешна сила.Нетанјаху нагласи дека, и покрај постигнатото, „работата не е завршена“ и дека Израел ќе продолжи со целта за разоружување и распуштање на Хезболах преку „трпение и дипломатија“.Истовремено, тој откри дека за првпат по 43 години се водат директни разговори меѓу Израел и Либан, оценувајќи дека тоа може да отвори пат кон можен мировен договор, иако предупреди дека процесот е сè уште на почеток.Паралелно со неговите изјави, американскиот претседател Доналд Трамп објави дека на Израел му е забрането понатамошно бомбардирање на Либан, откако стапи на сила десетдневно примирје меѓу двете страни.

Свет | пред 3 седмици

3 нед.
media-librarym2b3h3d0upkj4pa7x7w

Папата пред 120.000 верници во Камерун повика на солидарност и промени

Околу 120.000 верници присуствувале на миса на папата Лав XIV во Дуала, Камерун, според податоците на Ватикан, што е значително помалку од проценките на камерунската влада, која очекувала околу еден милион луѓе.Мисата се одржала на стадионот Јапома во економскиот центар на земјата, каде верниците со часови чекале на високи температури да го дочекаат поглаварот на Католичката црква. Многумина носеле облека со негов лик и извикувале „Viva il Papa“ при неговото пристигнување со папамобил.Во својата проповед на француски јазик, папата ги повикал граѓаните да бидат „носители на иднината“ и да ги отфрлат сите форми на насилство и злоупотреби. Тој исто така упати остри пораки против корупцијата и експлоатацијата, повикувајќи на прекин на злоупотребите на африканскиот континент.За време на посетата, папата испрати и пораки за единство во Камерун, земја која се соочува со внатрешни конфликти, нагласувајќи дека светот го држат заедно солидарните луѓе, а не „неколку тирани“.По Камерун, папата Лав XIV ја продолжува својата турнеја низ Африка со посети на Ангола и Екваторијална Гвинеја.

Свет | пред 3 седмици

3 нед.
media-libraryec3ph4d3rgjqfYKpDh2

Петрушевски: Навидум мала, но за мене голема победа против Зоран Заев

Пратеникот на ВМРО-ДПМНЕ, Бране Петрушевски, соопшти дека Основен суд Струмица се прогласил за месно ненадлежен по тужбата што против него ја поднел Зоран Заев.Петрушевски одлуката ја оцени како „голема победа“ и упати критики кон Заев, тврдејќи дека со поднесувањето на тужбата се направил обид за влијание врз постапката.Тој додаде дека ваквиот потег, според него, немал за цел само правна разрешница, туку и обид да биде замолчен во јавноста.Засега нема официјална реакција од Заев во однос на наводите на Петрушевски.

Македонија | пред 3 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања