ЉУПЧО КОЦЕВСКИ

Советот за в.д обвинител ќе одлучува в понеделник, денешниот избор е одложен

Советот на јавни обвинители денеска не донесе одлука за назначување вршител на должноста државен јавен обвинител и расправата ја презакажа за понеделник. Ова следи по неотповикливата оставка на Љупчо Коцевски, поднесена пред два дена.Според член 25, став 3 од Законот за јавното обвинителство, времениот државен јавен обвинител мора да биде избран од редот на обвинителите во Јавното обвинителство на Република Северна Македонија. Лицето што ќе биде определено ќе ја води институцијата додека Собранието не избере нов носител на функцијата, но најдолго шест месеци.Законот јасно утврдува дека кога обвинителот престанал да ја извршува функцијата – било поради истек на мандат, оставка или разрешување – Советот со мнозинство гласови назначува обвинител кој привремено ќе ја извршува должноста.Во највисокото јавнообвинителско тело моментално членуваат десет обвинители: Анита Тополова-Исајловска, Исмаил Дарлишта, Соња Симовска, Ферат Елези, Џелал Бајрами, Елвин Вели, Лиле Стефанова, Наум Паноски, Валентина Стојановска и Златко Биковски. Некој од нив, согласно законските одредби, ќе ја преземе функцијата до избор на нов државен јавен обвинител.Постапката во Собранието сè уште не е започната. За да се отвори процесот, потребно е да се распише оглас за кандидати кои ги исполнуваат условите за раководење со обвинителството задолжено за гонење кривични дела.

Македонија | пред 3 месеци

Од забава за добредојде со државни пари до тивка оставка: Како замина Љупчо Коцевски од Обвинителството

Љупчо Коцевски ја заврши функцијата државен јавен обвинител без проштална средба, без забава и без формално појавување на работа. За разлика од неговото доаѓање на функцијата, кое беше одбележано со организиран настан и кетеринг, заминувањето помина тивко, без храна и пијалоци за колегите.Од Јавното обвинителство, на прашањето дали Коцевски организирал каква било проштална средба, кусо одговорија: „Не почастил“.Според информации од Обвинителството, Коцевски денеска воопшто не се појавил на работното место. Само еден ден претходно, тој јавно изјави дека ќе си замине порано од работа, наведувајќи дека е преморен и дека со денови останувал до доцна во својот кабинет. Дали просторијата ја испразнил и формално ја предал функцијата – засега нема официјална потврда.Неговото заминување дојде ненадејно. Вчера, пред Собранието формално да ја започне постапката за негово разрешување, Коцевски поднесе оставка, со што, практично, ги претекна пратениците и ја затвори процедурата.За разлика од ваквиот крај, почетокот на мандатот на Коцевски беше одбележан со свечен прием во куполата на Јавното обвинителство. Тој тогаш организираше забава за добредојде, на која беа поканети обвинители, претставници на стручната јавност, невладини организации и државни институции.Како што тогаш информираше Обвинителството, за кетеринг биле потрошени околу 80.000 денари. Дел од сумата бил платен од буџетот на Обвинителството, а дел лично од Коцевски. Според доставената документација, од јавни средства биле платени 39.102 денари, додека преостанатите 40.698 денари, како и трошоците за пијалаци, ги подмирил лично Коцевски.На настанот присуствувале над 100 гости, меѓу кои и поранешни и пензионирани обвинители, како и неговиот претходник Љубомир Јовески. Меѓу поканетите била и Вилма Русковска, иако таа претходно беше разрешена поради дисциплински повреди, во постапка со која претседаваше токму Коцевски.Од Обвинителството тогаш изјавија дека не располагаат со официјална листа на гости и дека станувало збор за „неформална средба“.Две години подоцна, истиот обвинител заминува, без настан и без симболичен гест кон институцијата што ја водеше. Од забава за добредојде со над сто гости, до заминување без проштална честенка – мандатот на Љупчо Коцевски заврши тивко, но со силен јавен одек.

Македонија | пред 3 месеци

ВМРО-ДПМНЕ: Дали Коцевски тактизираше со оставката за да се заташкаат над 40 предмети за висока корупција за функционери од СДС и ДУИ?

ВМРО-ДПМНЕ денеска реагираше на оставката на јавниот обвинител Љупчо Коцевски, оценувајќи дека тој „тактизирал“ со поднесувањето за да избегне расправа за неговото работење и, како што наведуваат од партијата, да го одложи отворањето на прашањата за состојбите во обвинителството. Според партијата, со самата оставка Коцевски индиректно ги признал проблемите во институцијата, која, како што наведуваат, под негово водство го загубила легитимитетот.Во соопштението се наведува дека обвинителството во изминатите речиси две години, додека Коцевски беше на негово чело, не спровело ниту една реформа, туку, според партијата, функционирало како заштитен механизам за криминалите на функционери од СДС и ДУИ. Од ВМРО-ДПМНЕ сметаат дека неговото „доцнење“ со оставката е уште една потврда за длабоките структурни проблеми и за обид да се задржи статус квото во обвинителството.Од партијата потсетуваат дека Коцевски е првиот јавен обвинител на кого Собранието му изгласало недоверба и дека, како што стои во соопштението, тоа не го спречило да „тактизира“ за, како што тврдат, „да извлече ден плус“ во корист на функционери од СДС и ДУИ.Во реакцијата се поставуваат и прашања дали со оставката се „купувало време“ за, како што велат, неговите „наредбодавци“, како и дали е точно дека група обвинители, предводени од Коцевски, заташкувале над 40 предмети за висока корупција поврзани со функционери од двете партии.ВМРО-ДПМНЕ оцени дека со заминувањето на Коцевски завршува „темниот период“ во кој, според нив, обвинителството било користено како партиски инструмент. Од партијата додаваат дека оставката претставува системски, а не персонален чин и испраќа порака дека „никој не е недопирлив“.Партијата порачува дека ова не е крај, туку почеток на „неселективна и навремена правда“. Од ВМРО-ДПМНЕ најавуваат дека ќе продолжат да инсистираат на независно, професионално и департизирано обвинителство, како и на реформи во правосудниот систем со цел, како што наведуваат, враќање на довербата на граѓаните и воспоставување владеење на правото.

Македонија | пред 3 месеци

СДСМ по оставката на Коцевски: „Мицкоски и ДПМНЕ го преземаат Обвинителството и судството“!

По оставката на Јавниот обвинител Љупчо Коцевски, СДСМ ја обвини власта за, како што наведуваат, организиран обид за целосна партизација на правосудниот систем.Од СДСМ тврдат дека притисокот за заминување на Коцевски е дел од пошироко сценарио на ВМРО-ДПМНЕ и премиерот Христијан Мицкоски за преземање контрола врз Јавното обвинителство и судството. Според партијата, станува збор за координиран процес кој вклучува поставување обвинители и судии лојални на власта, со што, како што велат, се загрозува независноста на правдата.Во соопштението се посочува и на кадровски решенија кои, според СДСМ, укажуваат на директно политичко влијание, меѓу кои и назначувања во Судскиот совет и Советот на јавни обвинители. Опозицијата оценува дека ваквите чекори потсетуваат на практиките од времето на поранешниот премиер Никола Груевски, а прави и споредба со актуелните процеси во Србија, каде, како што наведуваат, истовремено се водат расправи за уставни и судски реформи.СДСМ дополнително тврди дека настаните во правосудството се одвиваат синхронизирано и со јасна политичка цел, во момент кога, како што наведуваат, власта се соочува со сериозни обвинувања за корупција. Во таа насока, од партијата потсетуваат дека нивниот Антикорупциски тим во изминатиот период објавува информации за наводни злоупотреби и сомнителни тендери, за кои, според нив, нема институционална реакција.СДСМ тврди дека во земјата се воспоставува, како што го нарекуваат, „режим 2.0“, со политички прогон, злоупотреба на институциите и медиумски манипулации.

Македонија | пред 3 месеци

Бегаше од медиуми, стоеше зад премиерот, куп афери: Владата му „сплете” свилен гајтан на државниот обвинител Љупчо Коцевски

Спикерот Африм Гаши експресно на предлог и барање на Владата ја стави точката за разрешување на државниот обвинител Љупчо Коцевски на дневен ред на Собранието и пратениците на денешната седница ќе започнат со изнесување на аргументи за и против.Владата уште во февруари се подготви да го разреши државниот обвинител Љупчо Коцевски.Коцевски, според Владата, не ги задоволи критериумите за ефикасно обвинителство, направи процедурални пропусти и затоа на брза лента ја започна постапката за негово разрешување.Одредени експерти не беа убедени во законитоста на постапката бидејќи сметаат дека не се исполнети ниту еден од условите за предвремено разрешување на Коцевски, не е член на политичка партија и не е јасен критериумот по кој се оценило дека направил тежок прекршок. На ист став беа и колегите на Коцевски од Советот на јавни обвинители, кои се изјаснија против предлогот и ставот на Владата.Коцевски ,,ќари” уште неколку месеци и остана да го води ЈОРМ поради трагедијата во Кочани, за да нема застој и да има брза и ефикасна постапка. Коцевски, со сите сили се обиде да ја убеди јавноста дека работи посветено, професионално и без политички притисок за да има брза разрешница на случајот, па дури назначи и 15 обвинители да работат на случајот. Поапси се и инсистираше на притвор на се што има каква било поврзаност со трагедијата, па и да се работи за дејство од пред 13 години.Коцевски ќе остане запаметен како единствен обвинител, кој на настан стои позади премиерот, во јавноста имаше информации дека неговата ќерка давала на новинари информации за работата на обвинителството, иако ова упорно го демантираше.Се раскара со поранешниот шеф на Вишото јавно обвинителство Мустафа Хајрулахи за бонусите на СЈО. Хајрулахи не чекаше да го разрешат и побрза да си даде оставка, но Коцевски не успеа да се израдува и набрзо доби предновогодишна „честитка” oд Владата со барање за негово заминување.Обвинителите се жалат дека имале слаба комуникација со нивниот шеф и ретки се тие кои можеле да бидат примени кај него, се жалеа и учесниците во сообраајот, бидејќи Коцевски многу сакаше сите да знаат дека тој минува, поради флешерите од неговиот службен автомобил. Заради безбедност или чалам, верно беше чуван од неговото обезбедување.Во јавноста могу милуваше да се фали дека транспарентноста во Обвинителството започнала со него. Да, тој беше љубител на настапи но во медиуми кои тој ги бираше.Скопје 1 и Претрес имаат преписки со Коцевски и неговиот ПР со покани и барање за интервју и емисија со него. Но, сите, можеби дваесетина покани, не се одважи и не почувствува почит еднакво кон сите медиуми и гледачи да можат да го чујат и да добијат одговори на нивните прашања.Претрес ја остава отворена поканата за гостување на Љупчо Коцевски.

Македонија | пред 3 месеци

Денеска пред пратениците разрешувањето на Коцевски и резолуцијата за миграциите

Денеска во Собранието се отвора една од поконфликтните точки на актуелната политичка агенда – на 76. седница пратениците ќе расправаат за предлогот за разрешување на Јавниот обвинител на Република Северна Македонија, Љупчо Коцевски, како и за резолуцијата поднесена од ВМРО-ДПМНЕ, ВРЕДИ и ЗНАМ, со која се осудуваат, како што се наведува, манипулациите на опозицијата и се потврдуваат политиките против нелегалната миграција.Иницијативата за разрешување доаѓа од Владата, која во образложението наведува низа сериозни забелешки за работата на Коцевски. Според извршната власт, тој направил тешки професионални пропусти во раководењето со Јавното обвинителство, постапувал спротивно на законските обврски и со своите дејствија го нарушил угледот на институцијата.Во предлогот се посочува и дека Коцевски неовластено изнесувал информации и податоци поврзани со судски предмети, со што, според Владата, ја прекршил законската обврска за заштита на тајноста на постапките. Дополнително, му се става на товар дека не постапувал во согласност со уставните и законските надлежности, како и со меѓународните договори што државата ги има ратификувано.Покрај разрешувањето на Јавниот обвинител, пратениците ќе се изјаснуваат и за резолуцијата за миграциските политики, со која владејачките партии бараат јасна политичка осуда на, како што наведуваат, обидите на опозицијата за манипулирање со прашањето за мигрантите.Седницата се очекува да отвори жестока расправа, со оглед на чувствителноста на темите и нивната директна поврзаност со правосудството и безбедносните политики на државата.

Македонија | пред 3 месеци

Коцевски „ситно брои”, утре на дневен ред предлогот на Владата за негово разрешување

Утре пред пратениците е предлогот на Владата за разрешување на Државниот обвинител Љупчо Коцевски.„Поради направени крупни професионални грешки при раководењето со Јавното обвинителство, што доведува до нарушување на ефикасноста и функционалноста на ЈО. Неовластено изнесување информации, податоци за судски предмети, со што ја повредил обврската за тајноста на постапката согласно закон. Нарушување на угледот на Јавното обвинителство и неговиот личен углед, не постапувајќи согласно обврските предвидени со Уставот, законите и меѓународните договори ратификувани во согласност со Уставот“, изјави на 9 декември владината портпаролка Марија Митева појаснувајќи ги причините за одлуката на Владата да го смени Коцевски по неполни 2 години мандат.Постапката беше на пауза поради изборните дејства, а претходно трагедијата во Кочани беше причина Владата да му даде шанса на Коцевски за да не се попречува истрагата.,,Нов државен обвинител ќе биде избран во законските рокови”, рече спикерот на денешниот брифинг со новинарите, но не посочи точен датум.По разрешувањето, на државен обвинител со ЈОРМ раководи в.д. државен обвинител од редовите на обвинителите од Републичкото обвинителство.Одлуката за разрешување на државниот обвинител се носи со 61 пратенички глас.

Македонија | пред 3 месеци

Коцевски предупредува: „Едно вештачење за мазут чини 1.500 евра, а обвинителството останува без пари и во 2026“

Републичкиот јавен обвинител Љупчо Коцевски им порача на пратениците дека предлог-буџетот за 2026 година повторно го става обвинителството во ситуација да работи без елементарни услови, иако трошоците за сложени истраги драматично растат.Говорејќи од собраниската говорница, Коцевски потсети дека токму оваа година се отворени низа предмети поврзани со еколошки криминал кои бараат специјализирани анализи, а најскапиот пример е постапката за увезениот мазут за ТЕЦ „Неготино“. За тој случај, обвинителството се сомнева во квалитетот на горивото, а секое поединечно вештачење — кое мора да се изврши во странство — чини 1.500 евра. За целата постапка, потребно е да се испитаат стотици примероци.Според Коцевски, проблемот не е само финансиски. Обвинителството веќе работи на граница на можностите: бројот на вработени во службата е едвај една третина од потребниот, а во следните три и пол години нема да биде примен нов јавен обвинител.Тој нагласи дека Македонија заостанува и зад земјите од соседството, каде обвинителствата функционираат со дигитализирани системи и целосно опремени канцеларии. И покрај барањата, во буџетот за 2026 повторно не се обезбедени средства за модернизација на системот за управување со предмети, иако тој требаше да биде поддржан преку ИПА-фондовите. Планираната државна сума за опрема за сите обвинителства во земјата изнесува помалку од 30 илјади евра.Коцевски потсети и на резултатите. Истрагата за пожарот во дискотеката „Пулс“ во Кочани била завршена за кратко време, а обвинителството обезбедило целосна документација. Во судска фаза веќе се и други комплексни предмети, меѓу кои „Онкологија“, случајот „Адитив“ и неколку групи обвинети за трговија со дрога и тешки кривични дела.Според државниот обвинител, сите овие процеси покажуваат дека вложувањето во обвинителството не е трошок, туку предуслов за ефикасна правда.

Македонија | пред 4 месеци

И понатаму неизвесно за обвинителот Коцевски: „Почекајте, ќе видите“ – порача Мицкоски

Смената на државниот јавен обвинител Љупчо Коцевски веќе подолго време е во фокусот на јавноста, но и денеска премиерот Христијан Мицкоски не даде конкретен одговор за тоа дали ќе има разрешување. На новинарско прашање што ќе се случува со Коцевски, премиерот кусо одговори:„Почекајте, ќе видите.“Говорејќи за реформите во судството и обвинителството, Мицкоски изјави дека е подготвен да ја донира својата плата на судиите и обвинителите – но само под услов тие навистина да судат согласно закон. Тој нагласи дека не може да се согласи со зголемувања на плати во систем што, како што рече, нема никаква доверба меѓу граѓаните.Премиерот потсети дека државата се соочува со тешка економска состојба и дека следната година ќе треба да врати долг од две милијарди евра – износ кој, според него, претставува една третина од вкупниот буџет од шест милијарди.„Од тие пари треба да се исплатат пензии, плати, социјални трансфери и комунални обврски, а во исто време мора да вратиме над две милијарди евра. Некој неодговорно ја задолжил државата и идните генерации“, изјави Мицкоски, алудирајќи на претходната влада.Во однос на судските реформи, тој посочи дека ако сето тоа се сведува само на зголемување на платите во судството и обвинителството – тогаш таква реформа нема да ја направи. „Не можеме да одвојуваме повеќе средства за независно финансирање на судството и обвинителството отколку што тоа го прават најразвиените земји во ЕУ“, додаде тој.Премиерот истакна дека суштински промени нема, иронично забележувајќи дека единствените реформи се „за повисоки плати“, а не за вистински системски подобрувања. Како пример ја посочи измената на Кривичниот законик што, според него, била направена под притисок на Уставниот суд и овозможила политички амнестии.„Претходната влада го измени законикот и овозможи политичка амнестија за многумина. Сега, кога ние ќе поведеме постапка против некој од нив, тие ќе се повикуваат на тој закон донесен шверцерски, под европско знаме“, изјави Мицкоски, додавајќи дека дел од меѓународните извештаи тогаш „срамежливо премолчале“ за ваквите случувања.Во продолжение, премиерот се осврна и на европскиот пат на земјата, потсетувајќи на ветувањата дека промената на името ќе ја приближи Македонија до ЕУ. „Нè убедуваа дека сме ‘фронтранери’ и дека за три-четири години ќе станеме членка на Унијата. Тоа време одамна помина, а ние сè уште сме таму каде што бевме пред 25 години,“ рече Мицкоски, додавајќи дека Македонија не треба да прифаќа нови условувања што, според него, ја загрозуваат националната идентитетска позиција.

Македонија | пред 4 месеци

ВМРО-ДПМНЕ бара ЈО и Коцевски да одговорат дали дискотеката „Пулс“ платила казна од 40.000 евра

ВМРО-ДПМНЕ бара одговори од ЈО и Коцевски за случајот со дискотеката „Пулс“ВМРО-ДПМНЕ денеска побара од Јавното обвинителство и министерот Љупчо Коцевски да одговорат дали дискотеката „Пулс“ платила казна од 40.000 евра или, како што се тврди во телефонска комуникација објавена во јавноста, поранешниот министер Оливер Спасовски интервенирал за да се избегне плаќањето.„ЈО и Коцевски да не молчат и да кажат на јавноста дали дискотеката ‘Пулс’ платила казна или Спасовски интервенирал за да се избегне плаќање. Доколку казната не е платена, Спасовски итно треба да биде повикан на одговорност и целата постапка да се истражи до крај“, стои во соопштението на владејачката партија.Од ВМРО-ДПМНЕ велат дека е потребно да се стави крај на „калкулациите и заштитата на моќниците блиски до СДС“, нагласувајќи дека политичките влијанија во судството мора да престанат.„Дали Спасовски ја спасил ‘Пулс’ од казна и која е неговата улога во аферата? До кога ќе молчи ЈО и Коцевски? Дали Љупчо Коцевски има задача да ги штити функционерите од СДС?“, прашуваат од партијата, додавајќи дека одговорност мора да има за сите инволвирани во случајот.„Овој случај не смее дополнително да ја поткопа довербата во институциите и судството. Секој сомнеж мора да биде расчистен, а секој кој е вмешан треба да се санкционира. Време е за владеење на правото и правдата“, се наведува во соопштението од ВМРО-ДПМНЕ.

Македонија | пред 5 месеци

По дописот за случајот ‘Пулс’: Комората обвинува за притисок врз адвокатите, а на судењето гледаат како тест за прсвосудниот систем

Адвокатската комора на Република Македонија реагираше остро на дописот на јавниот обвинител Љупчо Коцевски во врска со предметот за пожарот во дискотеката „Пулс“ во Кочани. Во своето соопштение, Комората порача дека тврдењата на обвинителството се неосновани, неточни и претставуваат мешање во независноста на адвокатската професија.Од Комората наведуваат дека адвокатите биле целосно запознаени со обвинението и доказниот материјал, спротивно на тврдењата на обвинителот дека даваат коментари „без да ја знаат содржината на обвинението“. Според нив, со поднесувањето на обвинението тоа станало достапно за јавноста, а со тоа и за сите правни застапници.Во однос на наводите дека адвокатите го нарушиле угледот на судот, Комората нагласува дека ниту еден адвокат не постапувал спротивно на Кодексот за професионална етика. „Адвокатите имаат уставно и законско право на слобода на изразување, да даваат правни мислења и критички осврти во предмети од јавен интерес,“ се наведува во реакцијата. Тие додаваат дека досега нема забелешки од ниту еден суд дека бил нарушен неговиот углед, и оттука не е јасно зошто Јавното обвинителство се впушта во проценки кои не се во негова надлежност.Комората потсетува дека досега повеќе експерти и правни аналитичари укажале дека, со оглед на бројот на обвинети и оштетени лица, процесот реално ќе трае подолго. Затоа, реакцијата на обвинителството на ваквите забелешки ја сметаат за неразбирлива.„До сега не е утврдено дека ниту еден адвокат на кој било начин ја одолговлекувал или оневозможувал постапката. Напротив, истрагата во целост ја водеше Јавното обвинителство,“ се наведува во соопштението. Од таму потсетуваат дека токму обвинителството во изминатиот период јавно изнесувало детали за обвинетите и нивните дејствија, пред обвинителниот акт формално да стапи на сила.Комората потсетува дека во случајот има повеќе од 60 загинати и над 200 оштетени лица, а адвокатите настапуваат и како бранители на обвинетите и како полномошници на оштетените, што, како што велат, ја исклучува можноста за намерно одолговлекување на постапката.„Судот вложи максимални напори за обезбедување услови за почеток на процесот, и тоа го цениме,“ стои во реакцијата.Во завршницата, Адвокатската комора порача дека обвинителството не е суд, туку странка во постапката, и дека со вакви дописи се повредува независноста на адвокатите и се создава впечаток дека се врши притисок врз одбраната.„Ова судење ќе биде тест за ефикасноста и правичноста на целиот правосуден систем. Сите страни мора да постапуваат професионално и со взаемна почит, водејќи се од принципите на владеењето на правото,“ завршува соопштението на Адвокатската комора.

Македонија | пред 5 месеци

„Ова е најлошиот, најнепрофесионалниот обвинител во историјата на оваа тажна земја“: Дукоски му се обрати на Љупчо Коцевски

Адвокатот Сашо Дуковски на социјалните мрежи директно му се обрати на првиот човек на Основното јавно обвинителство Љупчо Коцевски, за кого рече дека не е компетентен да биде прв обвинител.„Ова е најлошиот,односно, најнепрофесионалниот републички обвинител во историјата на оваа тажна земја!!!Љупчо Коцевски!!!!Лејдис енд џентлмен!Тврдам!Не сум ангажиран во предметот за Кочани така да, немам било што лично!Реагирам како еснаф, бидејќи сум повеќе од длабоко уверен дека нашата еснафска организација, адвокатската комора на Македонија, ќе реагира, ултра млако или воопшто нема да реагира, на нападите кон еден адвокат-бранител и други бранители, во предметот Кочани!!!!Сетете се само на предметот 27-ми Април кога не казни “истакнатиот правник“, Кацарска и како реагираше нашиот еснаф!!!А треба, но за тоа во друга прилика!!!Да се обидеш да тресеш глупости и да бараш бранител да не реагира на нешто што смета дека е, и е, негова должност во врска со клиентот и постапката е едноставно ПРАВНО НЕПИСМЕНО!!!!Неколку пати излегуваше со правни небулози во врска со предметот Кочани, изнесуваше “детали“ од истрагата и постапката и тогаш беше, се океј а?Сега ти смета кога бранител, адвокат ќе реагира законски за својот клиент и целата постапка, нели, м?Па ќе реагираш со некави глупави барања и слично, до адвокатската комора!Па еве, да прашам:Си слушнал некогаш за уставно загарантираното право на став и мислење, стручен став и мислење, особено во оваа фаза на постапката по обвинение стапено на правна сила, м? Не си слушнал, тврдам!Си слушнал некогаш што е функцијата на бранител во постапката, иако си бил адвокат, м?Си слушнал дека обвинителството на кое ти си прв човек (многу лошо) е само една од странките во постапката и ништо повеќе, м? Сигурно не!Си слушнал за право на искажување на свој професионален став и стручно мислење, или секогаш си мислиш дека вие како обвинители сте нешто повеќе од обични странки во постапката, мислам, како што сте си навикнати до сега и ти со ова тоа се обидуваш повторно да го промовираш? Срам да ти е како правник, голема срамота!Мислиш ли дека само со подигање на обвинение си ја завршил работата како странка во постапката, м, иако ти ни едно дејствие не си превземал туку имаше тим од обвинители и секогаш истапуваше и читаше, само како неписмен портпарол читајќи подготвени соопштенија?До кога мислиш да ја толерираш праксата да ако бранителите бараат присаство на сослушување на некој важен сведок или вештачење во истрагата, тоа да го игнорираш а тука ќе пишуваш глупи соопштенија и барања?Дали во животот си напишал обвинение и си застапувал, твое напишано обвинение пред суд, м?Никој од адвокатите ниту ти се плаши ниту имаш било какво право да пишуваш вакви глупости, какви пишуваш до адвокатската комора.Кога сакаш, приватно или јавно може да продискутираме за ова, но ти, никогаш тоа нема да го направиш затоа што немаш појма за што пишувам, правно!Ова е мое исклучиво професионално мислење за највисок јавен обвинител во земјава, функција која сега ја вршиш, против тебе немам ништо лично како човек, но ТИ не може да си прв човек на обвинителство. Едноставно,не си компетентен за тоа.И на крај, уште две работи:-Мислиш ли нешто да направиш како прв човек на обвинителството за предметот за модуларната болница во Тетово, м, обвинителе? Многу ме интересира.-Дали ќе продолжиш да изразуваш став, како изразуваш, негативен за обвинетите од 27-ми Април и барањата за исправање на таа неправда.До кога ќе чекаш се полиција да ти даде на тацна а ти со прст да не мрдаш...,м?Без почит!“,напиша Дуковски.

Македонија | пред 5 месеци

Коцевски жестоко кон Адвокатската комора: „Местото за соочување на доказите за „Пулс“ е судницата, а не медиумите“

Јавното обвинителство на Република Северна Македонија попладнево остро реагираше на јавните настапи на дел од адвокатите кои го коментирале обвинението за пожарот во кочанската дискотека „Пулс“. Оттаму коментираат дека со нивните изјави го нарушуваат угледот на судот и институциите.Во писмо испратено до Адвокатската комора на Република Северна Македонија, јавниот обвинител Љупчо Коцевски посочува дека дел од адвокатите јавно изнесуваат неосновани проценки за текот и траењето на судската постапка, без да бидат запознаени со доказите и обвинението. Таквото однесување, како што се наведува, е спротивно на Кодексот за професионална етика на адвокатите, според кој тие се должни да го чуваат угледот на судовите и правосудните органи.Изнесувањето на неосновани проценки за долгото траење на судската постапка наштетува на угледот на Судот и претставува обид истиот да се прикаже како спор и неефикасен, иако судењето воопшто не е започнато“, се вели во реакцијата.Обвинителството наведува дека дел од адвокатите се претставуваат како независни експерти, а притоа не откриваат дека се бранители на обвинетите, со што, според институцијата, ја доведуваат јавноста во заблуда. Како пример за неетички јавен настап, во писмото е посочено учеството на адвокатката Сузана Јошевска Атанасовска во емисијата „Студио 10“ на ТВ 24, каде што, според Обвинителството, изнесла невистини дека не ѝ бил доставен целосниот доказен материјал.Наведените пораки се дел од доказен материјал што е интегрално доставен во Судот и до сите бранители, стои во дописот.Коцевски нагласува дека доказниот материјал во предметот „Кочани“ е обемен и резултат на макотрпна работа на обвинителите, особено потенцирајќи дека местото за соочување на доказите е судницата, а не медиумите.Пред нас е тежок, но исклучително важен процес со кој треба да испорачаме правда за жртвите во кочанската трагедија. Адвокатите имаат професионална одговорност да придонесат за ефикасно и правично судење, наведува Коцевски, барајќи од Адвокатската комора да апелира за почитување на етичките стандарди.Обвинителството истакнува дека тимот кој го застапува обвинението за пожарот во „Пулс“ има целосна поддршка од институцијата и дека нема да дозволи ниту едно рочиште да се одложи по вина на јавен обвинител.„Поднесениот обвинителен акт е потврден од Судот и е стапен на правна сила. Наскоро ќе следуваат одлуки и во други постапки поврзани со овој тежок настан“, се вели на крајот во реакцијата на Јавното обвинителство.

Македонија | пред 5 месеци

Одложено судењето за Онкологија – одбраната на Васев бара предметот да го преземе обвинителот Коцевски

Судењето за случајот со Клиниката за онкологија, во кој првообвинет е поранешниот директо Нино Васев, е одложено за 8 октомври. Причината е барањето на неговата одбрана државниот јавен обвинител Љупчо Коцевски да го преземе предметот или да го делегира на друго обвинителство.Судијката Снежана Марковска информираше дека поради поднесениот предлог за преземање на кривичното гонење, за кој треба да одлучи јавниот обвинител на РСМ, не се исполнети услови за водење на постапката, па главната расправа е одложена.Адвокатот Боби Спиркоски, кој сега е нов бранител на Васев заедно со адвокатот Дељо Кадиев, достави до судот официјално барање за делегирање на надлежноста од ОЈО Скопје кон државниот јавен обвинител. Претходно, адвокатите Мартин Митровски и Никола Ставрев го повлекоа полномошното.Јавната обвинителка Ана Гоговска Јакимовска побара одложување на рочиштето, истакнувајќи дека не може да се произнесе по барањето на одбраната и дека тоа мора да се проследи на надлежна адреса.Денешното рочиште требаше да продолжи со сослушување на сведоци предложени од обвинителството, кои беа повикани во Основниот кривичен суд во Скопје.Обвинетите се поранешниот директор на Онкологија Никола Васев и онколозите Симонида Црвенкова и Драган Јакимовски. Тие се товарат за „несовесно лекување“ и продолжени „тешки дела против здравјето на луѓето“, бидејќи кај 29 пациенти биле администрирани неподобни терапии со неправилни дози и без соодветна здравствена проценка.Во постапката учествуваше и онкологот Мери Пешевска, која призна вина и доби две години условна казна затвор.Покрај ова обвинение, против Васев и поранешниот економски директор на Клиниката се води уште една постапка за злоупотреба на службената положба и проневера, со која, според обвинението, на државниот буџет му е нанесена штета од над 2,2 милијарди денари.

Македонија | пред 5 месеци

Не е завршена постапката за Кочани, се води предистрага за УЈП и други институции поврзани со „Пулс“, уверува државниот обвинител Коцевски

Oбвинителство води предистрага за вработени во Управата за јавни приходи (УЈП), но и во други институции за десетина кривични дела во врска со пожарот во дискотека „Пулс“ во Кочани, изјави државниот јавен обвинител Љупчо Коцевски.Одговарајќи на новинарски прашања пред денешната седница на Советот на јавни обвинители, Коцевски рече дека со завршување на обвинението не значи дека завршила и постапката за Кочани и дека податоци што беа изнесени од страна на Истражувачката репортерска лабораторија не се ништо ново и дека сите овие пораки се испратени до одбраната и судот.-Јавното обвинителство уште од почетокот постапуваше по поднесена кривична пријава. Меѓутоа Јавното обвинителство водеше и предистражна постапка и во однос на сите останати други институции, што значи дека во моментот на подигање на обвинение, немаше докази во однос на инспектори во УЈП, меѓутоа предистражната постапка беше отворена веднаш и таа сè уште трае, со тоа што со завршување на обвинението не значи дека заврши и постапката за Кочани изјави Коцевски.Во однос на другиот предмет за пожарот во „Пулс“ што го води Основното јавно обвинителство за гонење организиран криминал и корупција (ОЈО ГОКК) против 13 полициски службеници и за кој сè уште нема обвинение, Коцевски рече дека тоа е така затоа што на предметот работи само еден јавен обвинител, но и дека се запазени сите рокови.-По другиот предмет постапува само еден јавен обвинител. Причината зошто е така, е затоа што сè уште немаме доволно јавни обвинители, односно сè уште имаме 70 јавни обвинители помалку. Наредните три и пол години така ќе биде и од тие причини, со оглед дека е еден јавен обвинител, постапката се води подолго време, меѓутоа таа ќе заврши наскоро, рече Коцевски.Истражувачката репортерска лабораторија во неделата објави документарен филм со наслов „Нашиот морален компромис“, во кој беа објавени нови снимки и сведоштва на родители на загинати и лица кои биле во објектот, како и разговори преку апликации меѓу сопствениците на дискотеката и инспектори на УЈП.

Македонија | пред 5 месеци

ВМРО-ДПМНЕ: Обвинителството го чува во фиока „Рекет 2“ и ги штити функционерите на СДС и ДУИ

Владејачката ВМРО-ДПМНЕ обвинува дека судско-обвинителскиот систем продолжува да го прикрива криминалот на СДС и ДУИ, а Основното јавно обвинителство намерно го чува предметот „Рекет 2“ во фиока.„Судството со доверба на ниво на статистичка грешка од два отсто продолжува да тоне, а Љупчо Коцевски на чело на ОЈО верно им служи на оние кои го изгласаа – СДС и ДУИ,“ се наведува во партиското соопштение.Според информациите, постои предмет „Рекет 2“ за кој обвинителството отворило предистражна постапка, но целиот процес бил стопиран. Во него биле опфатени поранешната претседателка на СЈО Катица Јанева и уште тројца обвинители, кои се обиделе да рекетираат познат бизнисмен.„Македонската јавност заслужува да знае дали овој случај се држи во фиока затоа што се кријат и се штитат лица од СДС и ДУИ. Заслужува да знае дали Коцевски е на чело на ЈО за да го гони криминалот или за да ги штити своите наредбодавци,“ велат од ВМРО-ДПМНЕ.Во соопштението се додава дека изминатата година не е поведена ниту една постапка за поранешни функционери на СДС и ДУИ, а ЈО мора да ги оправда платите кои ги добива од граѓаните и да почне да истражува криминални дејствија, наместо да ги чува предметите во фиока.

Македонија | пред 6 месеци

Петрушевски: Дали Љупчо Коцевски бил обвинител одговорен да го следи издавањето на ПИ мерките

Пратеникот на ВМРО-ДПМНЕ, Бране Петрушевски, соопшти дека СДС, Зоран Заев и Венко Филипче ги злоупотребувале Агенцијата за национална безбедност (АНБ) и Агенцијата за разузнавање (АР) и дека биле прислушкувани претседателот Христијан Мицкоски, новинари и бизнисмени. Според него, во периодот 2019–2024 службите наместо за државата работеле за СДС со цел политички прогон и хајка против ВМРО-ДПМНЕ и претседателот Мицкоски, замолчување на новинари и уцена на бизнисмени.„Ова е скандал од невидени размери... 7 години потоа вистината е поинаква, грда, но и болна,“ рече Петрушевски, додавајќи дека „СДС како тогашна власт ја следела опозицијата, ВМРО-ДПМНЕ,“ со „белешки, инструирани и фабрикувани случаи“ и „употреба на државен апарат за политичка елиминација“.Тој наведе дека, според сознанијата, Мицкоски бил ставен на оперативна обработка „неосновано и со една единствена цел – политичка елиминација“ од службите „кои ги воделе кадри на СДС“. Петрушевски посочи: „АНБ на Виктор Димовски и Заре Милошески, како и АР на Еролд Муслиу го следеле претседателот Христијан Мицкоски, неговото движење, неговата комуникација и неговото делување.“„Следењето на политички противник, заради негова политичка елиминација со помош на државни ресурси е крајно тоталитаристички чин и метод...“ изјави тој, додавајќи дека со тоа биле загрозени слободата на движење, говор и политичко организирање на Мицкоски. Според Петрушевски, ваквите сознанија „во многу подетална форма, поткрепена со факти“ ги има и Јавното обвинителство.Прашања што, според Петрушевски, мора да добијат одговор„Кој бил одговорен да го следи издавањето на ПИМ мерките од 2019-та до 2024-та година? Дали е всушност сегашниот јавен обвинител Љупчо Коцевски? Ако тоа е така, станува сосема јасно зошто СДС и ДУИ не гласаа за негово разрешување. Дополнително, денес Венко Филипче е опкружен со истите луѓе кои прислушкувале и злоупотребувале државен систем. Истите тие се дел од понудата на СДС.“„Кому и зошто му служеле прислушкуваните материјали? Во која европска држава се следи лидер на најсилна партија и новинари и медиуми? Дали со добиените информации се тргувало со влијание и се уценувале бизнисмени?“Петрушевски порача: „Бараме ЈО итно, и недвосмислено да отвори случај и да бара одговорност од Виктор Димовски, Заре Милошески и Еролд Муслиу и нивните политички наредбодавци во врвот на СДС. Тоа што во Македонија било пракса 5 години... мора да биде казнето и никогаш да не се повтори.“

Македонија | пред 6 месеци

ВМРО-ДПМНЕ бара оставка од Коцевски: „Обвинителот е дискредитиран и без легитимитет“

ВМРО-ДПМНЕ повторно го повика државниот јавен обвинител Љубомир Коцевски да поднесе оставка, оценувајќи дека е целосно делегитимиран и дискредитиран како личност што треба да ја брани правдата.Во партиското соопштение се наведува дека Коцевски ја изгубил довербата од јавноста, бидејќи, како што се посочува, не отвора предмети, не гони криминал и држи истраги „во фиока“. Оттаму додаваат дека довербата на граѓаните во правосудството е падната под 2 проценти, токму поради неговото однесување.„Коцевски е делегитимиран и од Собранието. Со негласањето на интерпелацијата од страна на СДС се докажа меѓусебната заштита помеѓу тие што го поставија – од Струмица и Мала Речица – и потребата од негово останување на функцијата за да ги заштити од одговорност функционерите на СДС и ДУИ“, наведуваат од ВМРО-ДПМНЕ.Од партијата прашуваат „со што се задолжил Коцевски кај СДС и ДУИ“ за да останува на функцијата и покрај делегитимирањето, како и „дали му значат повеќе личните интереси од правдата и владеењето на правото“.„Импресивно е како Коцевски балансира помеѓу улогата обвинител и верен потрчко на Заев и Филипче. Очигледно правдата е на одмор, а срамот кај Коцевски е отсутен“, се наведува во соопштението.Според ВМРО-ДПМНЕ, државниот јавен обвинител не постапува ниту по предмети со јавни докази за криминал и корупција, поради што, велат, треба да ја прими пораката од народот и од парламентот и да се повлече.„На Македонија ѝ се потребни реформи и целосна трансформација на правосудниот систем“, порачуваат од партијата.

Македонија | пред 7 месеци

По интерпелацијата – пркос од Коцевски: „Не поднесувам оставка, имаме цврсти докази за најголемите случаи „Онкологија“, „Пулс“ и „Крмзов“

Случаите „Онкологија“, „Пулс“ и „Крмзов“ се меѓу приоритетите на обвинителството и, според државниот јавен обвинител Љупчо Коцевски, за нив веќе има силни и конкретни докази. Иако Собранието вчера му изгласа недоверба преку интерпелација, Коцевски останува на ставот дека нема да се занимава со политика и дека неговиот фокус е насочен исклучиво кон правдата.„Политиката ја оставам на политичарите и ќе употребам еден тежок збор, а тоа е пркос, пркос кон предметите за кои во моментов ве уверувам дека имаме многу цврсти докази да ги добиеме на суд: „Онкологија“ – случај за кој и лично чувствувам обврска да го докажеме, потоа случајот со струмичкиот бизнисмен Крмзов – докажуваме криминал тежок 90 милиони евра, потоа убиствата причинети од криминалните пресметки и секако случајот за кој се обврзав пред семејствата дека ќе има правна завршница, а тоа е пожарот во дискотеката „Пулс“. Ние како обвинителство обезбедивме илјада докази за два ипол месеци срочени во обвинение за сторено кривично дело „Тешки дела против општата сигурност“, сега зависи од судот за колку време случајот ќе има судска разрешница“, изјави Коцевски во интервју за весникот Вечер.Тој додава дека во овој момент не размислува за оставка.

Македонија | пред 7 месеци

Обвинител без доверба: Дали по „последната будала“, Коцевски ќе биде првиот што не разбира кога е време да се оди?

Откако Собранието со мнозинство гласови изгласа интерпелација за државниот јавен обвинител Љупчо Коцевски, тишината што следеше од неговиот кабинет одекнува погласно од било каква одбрана. Без јавен став, без најави дали ќе си замине или ќе се држи за функцијата како последен бастион на самобендисаност, Коцевски продолжува да молчи.Интерпелацијата е јасен политички и институционален сигнал – на човекот што го избраа преку ноќ, сега не му веруваат. Но дали и самиот ќе разбере што значи тоа?Од Јавното обвинителство – молк. „Скопје1“ побара официјален одговор: дали државниот обвинител ќе си замине по поразот во институцијата која му ја даде функцијата? Одговор нема.На социјалните мрежи, реакциите беа брзи. Адвокати, универзитетски професори и граѓани го критикуваа Коцевски и целокупниот систем што дозволува партиска и нетранспарентна распределба на клучни правосудни функции.Професорот Гордан Калајџиев кратко илустрираше: „Последната будала“ – цитирајќи ја изјавата на покојниот државен обвинител Александар Прчевски, кој уште во 2006 година предвиде што ќе значи оваа функција во држава каде власта го користи обвинителството како продолжена рака.А токму тоа се потврди. Собранието донесе и заклучок дека наводите во интерпелацијата се основани. Истиот ќе биде доставен до Владата и до самиот Коцевски – за кого оставката би била морален, но и логичен чин.Но дали е тоа доволно? И што доколку одлучи да остане, игнорирајќи ја пораката од оние што го донесоа – дека ја загубил довербата?Тогаш Владата може да ја продолжи постапката за разрешување, која ја запре во моментот кога се случи трагедијата во Кочани. До нив, Советот на јавни обвинители достави мислење со кое сметаат дека Коцевски треба да остане на фукцијата, а тие со нивни став можат да го достават до Собранието, каде пратениците можат да гласаат одново за јавниот обвинител да си замине.

Македонија | пред 7 месеци

Собранието изгласа недоверба на јавниот обвинител Љупчо Коцевски, сега тој е на потег!

Собранието денес изгласа недоверба на државниот јавен обвинител Љупчо Коцевски, откако беше разгледана интерпелацијата поднесена од партијата Левица, која доби поддршка и од пратениците на ВМРО-ДПМНЕ.Со оваа одлука, одлуката за следните чекори останува на самиот обвинител – дали ќе поднесе оставка или ќе продолжи да ја извршува функцијата.Од СДСМ порачаа дека судската власт мора да остане независна и дека јавноста заслужува професионално и непристрасно обвинителство.Со оглед на тоа што најголемата владејачка партија ја поддржа интерпелацијата, се очекува Владата да поднесе и официјален предлог за разрешување на Коцевски – иницијатива што првично беше најавена уште пред трагичниот настан во Кочани.Според член 87 од Законот за јавно обвинителство, функцијата на јавниот обвинител може да престане по сопствено барање, поради губење државјанство, трајна неспособност за вршење на функцијата, пензионирање, избор на друга јавна функција или правосилна судска пресуда со најмалку шест месеци затвор.Дополнително, член 88 од истиот закон предвидува можност Владата, со претходно мислење од Советот на јавни обвинители, да поднесе предлог за разрешување, а Советот може и самостојно да иницира постапка. Во истиот член се наведува дека мандатот на јавниот обвинител може предвремено да заврши и во случај на тешка дисциплинска повреда или членување во политичка партија.

Македонија | пред 7 месеци

„Шансата е потрошена“ - пратеникот Стојаноски за интерпелацијата на Коцевски

Веќе стигнуваат првите реакции на социјалните мрежи во однос на пишувањата за интерпелацијата за првиот човек на обвинителството. Пратеникот во македонскиот парламент од редовите на владејачката ВМРО-ДПМНЕ, Бојан Стојаноски, објавувајќи пост на ФБ, цени дека јавниот обввинител, Љупчо Коцевски си ја потрошил шансата.Време е за правдата да ги стигне тие кои што се огрешиле пред законот.Последниот бедем на одбраната на криминалот на СДСМ и ДУИ заминува во историјата.Правда ќе има !

Коментари | пред 7 месеци

„Свилен гајтан“ за Коцевски, ВМРО-ДПМНЕ ќе ја поддржи интерпелацијата за разрешување на јавниот обвинител

Координаторот на пратеничката група на ВМРО-ДПМНЕ, Никола Мицевски, ја расчисти дилемата и објави дека ВМРО-ДПМНЕ ќе ја поддржи интерпелацијата за работата на државниот јавен обвинител Љупчо Коцевски. Ова е и покрај тоа што иницијативата е од партијата Левица и во неа стои дека ги поштедил кадрите на оваа партија од истрагата за Кочани.„На државата и треба независен, функционален и храбар обвинител кој нема да молчи пред очигледен криминал, нема да трепери пред политички притисок и нема да се претвори во соучесник на тие што ја поткопаа државата”, Мицевски.Според него поддршката што ја добил Коцевски не ја оправдал и место реформа покажал сервилност кон власта што била поразена од народот.СДСМ веќе објавија дека нема да гласаат за неа, а Коцевски со јавно писмо пред една недела им порача дека е интерпелацијата е неуставна и е упад во правосудниот систем и неговата независност.

Македонија | пред 7 месеци

Државниот обвинител Коцевски,, на тапет” пред пратениците

Собранието денеска во рамки на 64. седница се очекува да ја констатира оставката на претседателката на Државната комисија за спречување на корупцијата, а на дневен ред на седницата е и интерпелацијата за работата на Републичкиот Јавен обвинител, Љупчо Коцевски, поднесена од опозициската Левица.За разрешување на Коцевски се потребни 61 пратенички глас. Освен 6 пратеници од Левица, извесно е и дека за разрешување на Коцевски ќе гласа и ЗНАМ.Интерпелацијата ја поднесе Левица поради, како што наведуваат селективност во истрагата за пожарот во Кочани, политичко влијание во работата на Обвинителството, функционален хаос во Вишото јавно обвинителство Скопје и непостапување по службена должност за дивоградбите во Скопје.ДУИ нема се уште соопштено како ќе гласа, а и ВРЕДИ. Според СДСМ, нема да гласаат за интерпелацијата.Христијан Мицкоски претходно изјави дека не го менува ставот ниту тој како човек ниту, пак, го менува ставот партијата ВМРО-ДПМНЕ. Мицкоски уште во март, по пожарот во Кочани, рече дека ќе им даде шанса и на Коцевски и на другите обвинители да работат и да сработат имајќи ја предвид чувствителноста на ситуацијата.„Јавноста ќе види утре.Ние како политичка партија и јас како човек не ги менувам ставовите преку ноќ”, рече вчера Мицкоски.Коцевски негира дека има постигнат договор со премиерот Христијан Мицкоски во врска со неговото евентуално разрешување.

Македонија | пред 7 месеци

Љупчо Коцевски: Интерпелацијата е политички атак врз независноста на Обвинителството

Јавниот обвинител Љупчо Коцевски писмено одговори на интерпелацијата поднесена од шестмина пратеници на партијата Левица, обвинувајќи ги за политичка злоупотреба и неразбирање на функцијата што ја извршува.„Интерпелацијата е правно неоснована, политички мотивирана и претставува опасен преседан на мешање во самостојноста на обвинителската власт“, оценува Јавниот обвинител Љупчо Коцевски во својот официјален одговор доставен до Собранието.Интерпелацијата, поднесена од пратениците Димитар Апасиев, Борислав Крмов, Реџеп Исмаил, Јована Мојсоска, Амар Мециновиќ и Сашко Јанчев, содржи четири клучни точки на обвинување: селективна истрага за трагедијата во Кочани, политички договор со премиерот Христијан Мицкоски, хаос во Вишото обвинителство Скопје и непостапување за урбаната мафија во Скопје.Во однос на трагедијата во дискотеката „Пулс“ во Кочани, во која загинаа 62 млади лица, Коцевски нагласува дека Јавното обвинителство не работи селективно и дека истрагите ги опфаќаат сопствениците, обезбедувањето, одговорни лица во повеќе институции, па дури и високи полициски службеници.„Не постои ‘чопоративно’ обвинение – секој осомничен одговара за свои дејствија“, вели Коцевски, додавајќи дека се чувствува горд на обвинителскиот тим кој за кратко време прибрал голем број докази. Тој тврди дека родителите на жртвите биле детално информирани и дека довербата во обвинителството се зацврстува.На наводите дека е постигнат политички договор со премиерот Мицкоски за негово останување на функција во замена за селективност, Коцевски одговара со категорично негирање.„Никогаш немало обид за политичко влијание врз мене. Иницијативата за мое разрешување беше исто толку неоснована како и оваа интерпелација“, наведува тој, истакнувајќи дека и Советот на јавни обвинители дал негативно мислење за негово разрешување, а Европската комисија во последниот извештај посочила на недостатоци во иницијативата.За состојбите во Вишото обвинителство Скопје, Коцевски признава дека имало сериозни проблеми, но дека токму тој презел одговорност.„Поведов дисциплински постапки против шефот и уште еден обвинител. Дисциплинската комисија едногласно утврди тешки повреди. Ќе молчев ли додека се повлекуваат жалби и се нанесува штета на буџетот?“ – прашува обвинителот.Во последната точка, која се однесува на наводно непостапување за бесправната градба во Скопје, Коцевски одговара дека веќе се оформени предмети и во ОЈО Скопје и во Обвинителството за организиран криминал. Дел од постапките се во фаза на предистрага, а на надлежните институции им се дадени конкретни наредби за прибирање докази.„Обвинителството не работи по наративи, туку по факти и пријави. Секој што знае за кривично дело има обврска да го пријави, а не да очекува обвинителството да отвора случаи само врз основа на јавни изјави“, вели Коцевски.На крајот од писмото, Коцевски ја отфрла тезата дека во обвинителството владее „токсична и нефункционална атмосфера“ и се повикува на Извештајот на Европската комисија, кој нотира напредок во борбата против корупцијата, зајакната институционална соработка и функционални истражни центри.„Оваа интерпелација нема правен основ, ја дискредитира институцијата и нанесува штета на угледот на јавните обвинители. Апелирам до пратениците да ја отфрлат, а со тоа и да ја заштитат самостојноста на обвинителската функција“, завршува Коцевски.

Македонија | пред 7 месеци