САД

Американски сенатор: „Продолжете да ги убивате иранските лидери додека не исчезнат“

Републиканците во американскиот Сенат блокираа резолуција со која од претседателот Доналд Трамп ќе се бараше да добие одобрение од Конгресот за продолжување на воените операции против Иран.Резолуцијата беше одбиена главно по партиска линија, а единствениот демократ што се спротивстави на мерката беше сенаторот Џон Фетерман од Пенсилванија.Во телевизиско гостување, Фетерман ја поддржа ликвидацијата на иранското раководство.„Да, само продолжете да ги убивате додека не исчезнат“, изјави тој, додавајќи дека целосно ја поддржува израелската намера да ги елиминира идните лидери на Иран.Според него, таквите акции се оправдани сѐ додека Иран не избере раководство кое ќе се откаже од, како што рече, обидите за дестабилизација на регионот и уништување на Израел.Се очекува и Претставничкиот дом на американскиот Конгрес подоцна денеска да гласа за слична мерка поврзана со воените операции против Иран.

Свет | пред 2 месеци

Дизелот во САД достигна највисока цена во речиси две години

Цените на дизелот во Соединетите Американски Држави достигнаа ниво кое не се забележало речиси две години, предупредуваат аналитичарите, додека геополитичките тензии на Блискиот Исток ја зголемуваат неизвесноста на глобалниот пазар на енергенти. Според податоците на Американската автомобилска асоцијација (AAA), денешната просечна малопродажна цена на дизелот достигна 4,166 долари за галон, што претставува скок од 3,2 проценти во однос на вчерашниот ден.Ова значително поскапување е уште поизразено ако се спореди со минатата недела, само неколку дена по воздушните напади на САД и Израел врз Иран, цената на дизелот се зголеми за околу 11 проценти. Во однос на истиот период минатата година, дизелот сега е поскап речиси за 14 проценти.Бензинот, исто така, го чувствува ефектот на глобалните потреси. Денешната просечна цена на бензин изнесува 3,251 долари за галон, што е за 1,6 проценти повеќе од вчера, а во однос на минатонеделниот просек, за девет проценти поскапа. Споредбено со минатата година, цената бележи раст од 4,6 проценти.

Свет | пред 2 месеци

(Видео) Ајатолахот Абдолах Џавади Амоли повика на пролевање крв на Трамп и Израелци

Иранската државна телевизија емитуваше порака од големиот ајатолах на Иран во која повикува на пролевање крв на Израелци и на американскиот претседател Доналд Трамп.Пораката дојде од ајатолахот и исламскиот ученик Абдолах Џавади Амоли и претставува една од ретките клерикални изјави од Иран во време кога земјата се соочува со воздушни напади од Израел и САД.Сега сме на работ на голем тест и мораме внимателно да го сочуваме ова единство, да го зачуваме овој сојуз“, рече тој во своето обраќање.Тој повика на пролевање на „ционистичка крв“, како и на крвта на Трамп и на „личности слични нему“.Потоа се повика на имамот Мехди и цитираше:„Борете се против ционистите и пролевајте ја нивната крв. Јас ќе одговарам за нивната крв. Борете се против угнетувачката Америка и пролевајте ја нејзината крв. Јас ќе одговарам за нивната крв.“Кој е Абдолах Џавади АмолиАбдолах Џавади Амоли е ирански шиитски религиски авторитет, философ и теолог, роден 1933 година во градот Амол, Иран. Се смета за еден од највисоките клирици во шиитскиот ислам (голем ајатолах) и долгогодишен професор по исламска филозофија, теологија и егзегеза на Куранот во верското центар во Кум.Автор е на бројни книги за исламската филозофија, толкување на Куранот и односот меѓу религијата и науката. Во политички контекст поврзан со иранскиот револуционерен систем: бил член на Иранската Скупштина на експерти, тело кое го избира врховниот водач, и години наназад делувал како влијателен идеолог на Исламската Република.Големиот ајатолах е највисок ранг во шиитската хиерархија, означувајќи врвен верски авторитет и правен ученик (marja-e taqlid – извор на следење) на чиј авторитет верниците можат да се повикуваат при религиозни одлуки.

Свет | пред 2 месеци

Зеленски донесе одлука: Украина испраќа експерти за ирански дронови на Блискиот исток

Володимир Зеленски објави дека неговата земја ќе испрати дел од своите воени експерти на Блискиот исток за да помогнат во борбата против иранските дронови и проектили. Зеленски на платформата X соопшти дека ги задолжил клучните министри и шефовите на безбедносните служби да изработат план за помош кој нема да ги загрози одбранбените способности на Украина, јавува The Hill.Според зборовите на Зеленски, Иран во само неколку дена лансирал повеќе од 800 проектили и над 1.400 јуришни дронови.Токму иранските дронови и проектили претставуваат главна закана за слободната пловидба, дестабилизирајќи ги глобалните цени на нафтата, нафтените деривати и гасот“, напиша тој.Зеленски посочи дека се советува со партнери во Европа и САД, како и дека веќе разговарал со лидерите на Обединети Арапски Емирати, Катар, Јордан и Бахреин. Во план се и разговори со Кувајт и други земји во регионот.Сите тие се соочуваат со сериозна закана и отворено зборуваат: иранските јуришни дронови се исти 'Шахеди' кои напаѓаа по нашите градови, села и украинската инфраструктура за време на оваа војна“, додаде Зеленски.Иранските дронови Шахед-136 се оружје кое го користат руските сили во војната против Украина.

Свет | пред 2 месеци

Иран: Ќе ги гаѓаме бродовите на САД, Израел и Европа ако поминат низ Ормутскиот теснец

Иранска револуционерна гарда соопшти дека Ормутскиот теснец, една од најважните светски поморски рути, е затворен само за бродови од САД, Израел, Европа и други западни сојузници.Претходно рековме дека, во согласност со меѓународното право и резолуциите, Исламската Република Иран во време на војна ќе има право да го контролира преминот низ Ормутскиот теснец“, соопшти IRGC, пренесува државната телевизија IRIB.Тие додадоа дека бродовите кои припаѓаат на САД, Израел, Европа и нивните сојузници, ако бидат забележани, сигурно ќе бидат погодени.Ормутскиот теснец практично е затворен откако САД и Израел започнаа заедничка операција против Иран, што доведе до нагло зголемување на цените на нафтата и предизвика загриженост за можните последици врз глобалната економија.

Свет | пред 2 месеци

Иранската војска тврди: Погоден американски танкер во Персискиот Залив

Иранската Револуционерна гарда (IRGC) соопшти дека нејзината морнарица утрово погодила американски танкер во северниот дел на Персискиот Залив.Во соопштението се наведува дека воени и трговски бродови на Соединетите Американски Држави, Израел и европските земји кои ги поддржуваат „нема да можат да минуваат“ низ тоа подрачје.Од иранската гарда додаваат дека Иран претходно предупредил дека во време на војна има право да го контролира преминот низ Ормуски Теснец.Веќе кажавме дека, врз основа на меѓународните закони и резолуции, Исламската Република Иран во време на војна ќе има право да го контролира преминот низ Ормускиот Теснец“, се наведува во соопштението, пренесе иранската новинска агенција Tasnim.

Свет | пред 2 месеци

Закана: САД извршија злосторство на море, горко ќе зажалите

Иранскиот министер за надворешни работи Абас Арагчи изјави дека Соединетите Американски Држави ја нападнале иранската фрегата „Дена“ и дека „горко ќе зажалат поради преседанот што го поставиле“.Според него, фрегатата „Дена“ имала околу 130 морнари и била гостин на индиската морнарица, а нападот бил извршен во меѓународни води без претходно предупредување, пренесува Ројтерс.САД извршија злосторство на море, на 2.000 милји од иранските брегови. Запомнете ги моите зборови: САД горко ќе зажалат за преседанот што го поставија“, напиша тој на социјалната мрежа X.Според информациите, нападот на американска подморница го погодил иранскиот брод во близина на јужниот брег на Шри Ланка, илјадници километри од Персискиот Залив.

Свет | пред 2 месеци

Белата куќа: Нема рок кога САД ќе го обезбедат Ормутскиот теснец

Белата куќа засега не открива временска рамка за плановите на САД за обезбедување на пловидбата низ Ормутскиот теснец, еден од најважните поморски коридори во светот.Портпаролката на Белата куќа, Каролин Левит, изјави дека не сака да се „обврзе со рок“ кога станува збор за американските планови за безбедност на овој клучен поморски премин.Таа додаде дека ситуацијата активно ја анализираат американското Министерство за одбрана, кое администрацијата на претседателот Доналд Трамп го нарекува Министерство за војна, како и Министерството за енергетика.Ормутскиот теснец, кој е под контрола на Иран, е еден од најважните морски патишта за транспорт на нафта, низ кој поминува околу една петтина од светското снабдување со овој енергенс.Техеран претходно соопшти дека теснецот е затворен за меѓународен сообраќај.Американскиот претседател Доналд Трамп вчера изјави дека американската морнарица, доколку биде потребно, ќе почне да ги придружува танкерите низ Ормутскиот теснец, додека Иран предупреди дека ќе ги нападне бродовите што ќе се приближат до тоа подрачје.

Свет | пред 2 месеци

Шпанија остро ги отфрли наводите на Белата куќа за соработка со американската војска

Белата куќа денеска соопшти дека Шпанија наводно прифатила воена соработка со Соединетите Американски Држави во услови на ескалација на конфликтот со Иран, но шпанската влада веднаш ги отфрли овие тврдења.Соопштението од Вашингтон следуваше еден ден откако американскиот претседател Доналд Трамп му се закани на Мадрид со целосен прекин на трговските односи, објави шпанската јавна телевизија РТВЕ.Портпаролката на Белата куќа, Каролин Ливит, изјави пред новинарите дека „Шпанија во изминатите неколку часа се согласила на соработка со американската војска“, додавајќи дека, според неа, шпанските власти „многу јасно ја слушнале пораката на претседателот“. Таа истакна и дека американската армија се координира со своите колеги во Шпанија.До најновите тензии дојде откако Шпанија претходно одби да им дозволи на Соединетите Американски Држави користење на своите воени бази за операции насочени против Иран. Како реакција на таа одлука, Трамп вчера најави дека ќе ја прекине „сета трговија со Шпанија“.Сепак, шпанската влада категорично ги негираше наводите на Белата куќа дека е постигнат каков било договор за воена соработка со американската армија.

Свет | пред 2 месеци

(Видео) Белата куќа: Трамп нареди напад врз Иран затоа што имал „добро чувство“

Американскиот претседател Доналд Трамп наредил напад врз Иран затоа што имал „добро чувство“ дека иранскиот режим подготвува напад врз САД, изјави портпаролката на Белата куќа, Каролин Левит.Според неа, претседателот се соочил со избор – дали американската војска прва да ја отстрани заканата или да чека Иран да нападне.„Претседателот беше соочен со избор: дали САД ќе ги искористат своите воени способности за први да ја отстранат заканата која 47 години ѝ се заканува на нашата земја или, како врховен командант, ќе седи и ќе гледа како иранскиот режим ги напаѓа нашите луѓе во регионот“, изјави Левит.Таа додаде дека од перспектива на Трамп, неактивноста била „неприфатлива“, што ја поттикнало одлуката за почеток на воената операција.Според Белата куќа, точниот момент на нападот бил одреден врз основа на разузнавачки процени за локацијата на иранскиот врховен лидер ајатолах Али Хамнеи и други високи претставници на режимот.„Тоа очигледно имало влијание врз временската рамка на операцијата, но не и врз самата одлука на претседателот“, додаде Левит.

Свет | пред 2 месеци

Иран до соседните земји: Го почитуваме вашиот суверенитет, нападите од САД и Израел нè принудија на одбрана

Иранскиот претседател Масуд Пезешкијан испрати порака до лидерите на соседните држави во која нагласи дека Техеран го почитува нивниот суверенитет.Во објава на социјалната мрежа Икс, Пезешкијан истакна дека Иран се обидувал да избегне војна, но дека нападите од САД и Израел ја оставиле земјата „без избор освен да се брани“.Во меѓувреме, неколку соседни држави пресретнуваат ракети и дронови во текот на конфликтот, иако дел од нив успеале да ја пробијат противвоздушната одбрана и да погодат цели.Обединетите Арапски Емирати соопштија дека од почетокот на конфликтот биле цел на повеќе од 1.000 ирански напади. Еден дрон вчера предизвикал помал пожар во близина на американската амбасада во Дубаи, при што загинале три лица.Напади со дронови биле регистрирани и врз американската амбасада во Ријад во Саудиска Арабија, како и врз едно пристаниште во Оман.

Свет | пред 2 месеци

Иран се закани: Израелските амбасади ќе бидат легитимни цели

Иранските вооружени сили се заканија дека ќе ги сметаат израелските дипломатски мисии ширум светот за легитимни цели доколку Израел изврши напад врз иранската мисија во Либан.Портпаролот на иранските вооружени сили, Аболфазл Шекарчи, во телевизиско обраќање изјави дека Техеран ќе одговори со напади врз израелските амбасади.„Доколку Израел го изврши тој злостор, ќе бидеме принудени сите израелски амбасади ширум светот да ги сметаме за легитимни цели“, изјави Шекарчи.Претходно, портпаролот на израелската армија за арапското говорно подрачје, Авихај Адраеи, предупреди дека Израел им дал рок од 24 часа на претставниците на, како што рече, „иранскиот терористички режим“ да го напуштат Либан.„Ги предупредуваме претставниците на иранскиот режим кои сè уште се во Либан веднаш да заминат пред да станат цел“, изјави Адраеи.

Свет | пред 2 месеци

Се стабилизираат цените на нафтата по ветувањето на Трамп за заштита на танкерите

Цените на нафтата се стабилизираа откако американската администрација најави мерки за заштита на танкерите што минуваат низ Персискиот Залив, по наглиот раст предизвикан од конфликтот меѓу САД, Израел и Иран.Американската сурова нафта WTI порасна за 12 центи, односно 0,16 проценти, и достигна цена од 74,68 долари по барел. Во меѓувреме, глобалниот референтен бренд Брент се зголеми за 37 центи, или 0,45 проценти, на 81,77 долари по барел.Претходно неделава цената на WTI се приближи до 78 долари по барел, по масовните воздушни напади што САД и Израел ги изведоа врз Иран, членка на ОПЕК.Иран возврати со ракетни и дронски напади врз цели на Блискиот Исток, вклучително и енергетска инфраструктура, што предизвика раст на цената на американската нафта од 6 проценти во понеделник и дополнителни 5 проценти во вторник.Пазарот се смири откако американскиот претседател Доналд Трамп најави дека САД ќе обезбедат поддршка за танкерите преку Меѓународната корпорација за развојно финансирање, а по потреба и поморска придружба за транспортот на нафта низ Персискиот Залив.Американскиот министер за финансии Скот Бесент потврди дека Белата куќа подготвува дополнителни мерки за поддршка на трговијата со нафта во регионот.Тензиите го погодија и сообраќајот низ Ормутскиот теснец, клучен поморски коридор низ кој се транспортира околу 20 проценти од светската потрошувачка на нафта. Поради страв од ирански напади, дел од бродовласниците привремено го прекинаа сообраќајот низ овој теснец.

Свет | пред 2 месеци

Иран: Кукавичка и брутална воена агресија, ни го убија лидерот на работно место

Портпаролот на иранското Министерство за надворешни работи, Есмаил Багаеи, ги обвини САД и Израел за „кукавичка и брутална воена агресија“ врз Иран, тврдејќи дека во нападите бил убиен и врховниот лидер на земјата.На прес-конференција во Техеран, тој изјави дека нападот се случил веднаш по последната рунда преговори меѓу Иран и САД.„Нашата татковина беше нападната на кукавички, суров и неправеден начин од најзлонамерните режими. Светот гледа и се соочуваме со јасен судир меѓу добро и зло“, изјави Багаеи.Тој тврди дека иранскиот лидер бил убиен на своето работно место, заедно со членови од неговото семејство, а дека во нападите загинале и деца, меѓу кои, како што рече, 171 дете во градот Минаб.Багаеи истакна дека, според американски и меѓународни извори, немало докази дека Иран планирал напад врз САД или дека развива нуклеарно оружје.Истовремено, остро ги критикуваше и Обединетите нации, оценувајќи дека Советот за безбедност е во „сериозна блокада“ и дека со нападот е прекршено основното начело на Повелбата на ОН – забраната за употреба на сила.„Воената агресија врз Иран е почеток на крајот на системот на Обединетите нации“, изјави портпаролот.Тој предупреди дека конфликтот може да се прошири доколку меѓународната заедница не реагира, но додаде дека Иран внимателно ги избира своите воени цели и дека земјата „се бори чесно“.

Свет | пред 2 месеци

(Видео) Пентагон објави снимка: Потопена иранска фрегата, десетици исчезнати

Американското Министерство за одбрана објави снимка од нападот врз иранска фрегата во Индискиот Океан, во близина на брегот на Шри Ланка.Американскиот министер за одбрана Пит Хегсет изјави дека американска подморница го потопила иранскиот воен брод „Iris Dena“, кој, како што рече, „мислел дека е безбеден во меѓународни води“.„Бродот беше потопен со торпедо. Ова е прво потопување на непријателски брод со торпедо од Втората светска војна. Како и тогаш – ние се бориме за да победиме“, изјави Хегсет.Нападот се случил во близина на градот Гале, на југот на Шри Ланка, непосредно надвор од територијалните води на оваа островска држава.Според заменик-министерот за надворешни работи на Шри Ланка, во нападот загинале најмалку 80 лица. Според документацијата на бродот, на него имало околу 180 членови на екипажот.Шриланканската морнарица соопшти дека спасила 32 лица по повикот за помош од потонатиот брод, додека десетици други сè уште се водат како исчезнати.

Свет | пред 2 месеци

Хегсет: Русија и Кина не се фактор во војната со Иран

Американскиот министер за одбрана Пит Хегсет изјави дека Русија и Кина не претставуваат важен фактор во конфликтот меѓу САД, Израел и Иран.„Немам порака за нив и тие всушност не се фактор овде. Нашиот проблем не е со нив“, изјави Хегсет, иако Москва и Пекинг имаат долгогодишни дипломатски и трговски врски со Иран, а Русија и воена соработка со Техеран.Тој нагласи дека фокусот на САД е насочен кон запирање на, како што рече, „иранските нуклеарни амбиции“.Русија и Кина претходно ги критикуваа американско-израелските напади врз Иран. Москва соопшти дека нема докази дека Техеран развива нуклеарно оружје, додека Пекинг повика на итен прекин на нападите.

Свет | пред 2 месеци

Американскиот министер за одбрана го пофали Израел: „Борбата штотуку започна“

Американскиот министер за одбрана Пит Хегсет изјави дека воената операција против Иран е само на почеток и дека САД имаат намера да ја продолжат борбата.Во своето обраќање тој го пофали Израел, нарекувајќи го „постојан партнер“ и „способен сојузник“.„На нашиот постојан партнер Израел: вашата мисија се спроведува со неспоредлива вештина и челична решителност. Да се бориме рамо до рамо со толку способен сојузник е вистински мултипликатор на сила“, изјави Хегсет.Тој додаде дека операцијата „Epic Fury“ продолжува и дека САД имаат намера да победат.„Само што ја започнавме борбата. Америка се бори за да победи и во операцијата ‘Epic Fury’ токму тоа и го правиме“, порача американскиот министер за одбрана.

Свет | пред 2 месеци

Правници: Дали американскиот напад врз Иран е легален?

Американската војска, заедно со Израел, изврши напади врз повеќе од 1.000 цели во Иран, при што беа убиени бројни високи ирански функционери, меѓу кои и врховниот лидер ајатолах Али Хамнеи. Оваа операција отвори сериозни правни прашања околу нејзината законитост, бидејќи дел од експертите сметаат дека американскиот претседател Доналд Трамп можеби ги пречекорил своите овластувања и го прекршил меѓународното право.Трамп ги оправда нападите со тврдењето дека Иран се подготвувал за напад врз САД, нивните воени бази и сојузници. Тој изјави и дека Иран би можел да развие нуклеарно оружје во рок од еден месец, но за овие тврдења не беа презентирани конкретни докази.Според американскиот Устав, претседателот е врховен командант на вооружените сили, но само Конгресот има право формално да објави војна. Иако претседателите и претходно наредувале воени операции без одобрение од Конгресот, правните експерти сметаат дека обемот на нападите врз Иран ја поместува границата на тие овластувања.Еден од механизмите за контрола е Резолуцијата за воени овластувања од 1973 година, која дозволува ангажирање на војската без одобрение од Конгресот само во ограничени случаи и налага операцијата да биде прекината по 60 дена ако не добие формално одобрение.Дополнителна дилема е и меѓународното право. Повелбата на Обединетите нации забранува употреба на сила против други држави, освен ако е одобрена од Советот за безбедност или станува збор за самоодбрана по вооружен напад. Правниците посочуваат дека во овој случај ниту еден од тие услови не е јасно исполнет.Нејасна е и законитоста на убиството на иранскиот лидер Хамнеи. Според американските правила, владините службеници не смеат да учествуваат во атентати, но правните експерти нагласуваат дека во услови на вооружен конфликт елиминацијата на воен лидер може да се смета за легитимна воена акција, што дополнително ја усложнува правната оценка на операцијата.

Свет | пред 2 месеци

(Видео) Иран се обиде да го убие Трамп, ликвидиран е функционерот кој ја предводел акцијата, вели министерот за одбрана на САД

Американската војска соопшти дека ликвидирала ирански функционер за кого тврди дека ја предводел единицата поврзана со наводниот план за атентат врз американскиот претседател Доналд Трамп.Информацијата на прес-конференција ја потврди американскиот министер за одбрана Пит Хегсет.„Лидерот на единицата која се обиде да изврши атентат врз претседателот Трамп е пронајден и убиен. Иран се обиде да го убие претседателот Трамп, но претседателот Трамп се смееше последен“, изјави Хегсет.Тој не го откри идентитетот на убиениот, но посочи дека операцијата била изведена во вторник.Американското Министерство за правда уште во 2024 година поднесе обвинение против ирански државјанин поради наводен заговор за убиство на Трамп, при што се верува дека планот бил нарачан од Иранската револуционерна гарда.

Свет | пред 2 месеци

Американскиот министер за одбрана: Кина и Русија не се значаен фактор во конфликтот со Иран

Американскиот министер за одбрана, Пит Хегсет, изјави дека Кина и Русија не претставуваат значаен фактор во конфликтот со Иран.Немам порака за нив и тие всушност не се фактор овде, нашиот проблем не е со нив“, рече Хегсет за Русија и Кина, кои имаат долгорочни дипломатски и трговски врски со Иран, а Русија со Техеран е поврзана и со воени односи.Американскиот министер за одбрана додаде дека фокусот на САД е насочен кон ставање крај на како што рече „иранските нуклеарни амбиции“.Русија и Кина претходно ги критикуваа американско-израелските напади врз Иран. Москва соопшти дека не видела докази дека Техеран развива нуклеарно оружје, додека Пекинг повика веднаш прекин на нападите.

Свет | пред 2 месеци

Ројтерс: Американска подморница го потопила иранскиот воен брод кај Шри Ланка

Американската војска извршила напад при кој бил потопен ирански воен брод кај крајбрежјето на Шри Ланка, изјавиле тројца американски официјални претставници за агенцијата Ројтерс.Еден од нив, кој зборувал под услов на анонимност, навел дека нападот го извршила американска воена подморница.Според информациите од властите на Шри Ланка, најмалку 140 лица се водат како исчезнати, додека 32 лица се спасени по потонувањето на бродот.

Свет | пред 2 месеци

Нетанјаху ја открил локацијата на Хамнеи, па го известил Трамп - Како почна војната

Американскиот претседател Доналд Трамп издал конечна наредба за воздушен напад врз Техеран откако израелскиот премиер Бенјамин Нетанјаху го известил дека убиениот ирански врховен водач, ајатолахот Али Хамнеи, ќе се наоѓа на одредена локација, пишува Аксиос.Според тие наводи, Нетанјаху на 23 февруари, за време на телефонски разговор, го информирал Трамп дека израелските разузнавачки служби располагаат со податок дека Хамнеи и неговиот најтесен круг ќе одржат состанок во Техеран во сабота наутро, што било оценето како единствена можност за напад.Американската Централна разузнавачка агенција (ЦИА), по налог на Трамп, ги проверила информациите што ги прибрала израелската воена разузнавачка служба и ја потврдила нивната веродостојност.Иако Трамп, според изворите, и претходно бил наклонет кон напад врз Иран, дилемата се однесувала на времето на неговото извршување. По дополнителните разузнавачки потврди и проценката дека дипломатските напори не даваат резултати, претседателот на Соединетите Американски Држави во петок попладне, по источноамериканско време, дал конечно одобрување за операцијата.Аксиос наведува дека САД и Израел со месеци интензивно ги координирале активностите, вклучително и повеќе средби и телефонски разговори меѓу двајцата лидери, како и заедничко воено планирање, додека паралелно се воделе дипломатски контакти со Техеран.Израелскиот амбасадор во Вашингтон, Јехиел Лајтер, ги отфрлил тврдењата дека Нетанјаху вршел притисок за забрзување на нападот, нагласувајќи дека САД и Израел тесно соработувале во однос на Иран и дека американскиот претседател носи самостојни одлуки.Трамп ги негирал наводите дека Израел го „вовлекол“ во војна, наведувајќи дека проценил оти Иран би можел прв да нападне и дека одлуката била донесена во интерес на безбедноста на САД.

Свет | пред 2 месеци

Премиерот на Канада: САД не не консултираа за нападите на Иран, oва е неуспех на светскиот поредок

Канадскиот премиер Марк Карни изјави дека актуелниот конфликт на Блискиот исток претставува неуспех на меѓународниот поредок и дека САД не ги консултирале своите сојузници пред нападите врз Иран.Американските и израелските сили започнаа напади врз Иран во саботата, откако преговорите за иранската нуклеарна програма застанаа.Во меѓувреме, конфликтот се прошири надвор од иранските граници, а целите на иранските одмазднички напади беа земјите од Заливот, вклучувајќи го Бахреин, Обединетите Арапски Емирати и Катар, како и американските амбасади во Саудиска Арабија и Кувајт, поради што Вашингтон ја затвори дипломатската мрежа низ регионот.Актуелниот конфликт е уште еден пример за неуспех на меѓународниот поредок, и покрај тоа што со децении се на сила резолуциите на Советот за безбедност на ОН, санкциите на Меѓународната агенција за атомска енергија и дипломатските рамки“, рече Карни за време на посетата на Австралија, во говорот на институтот Lowy во Сиднеј.Иранската нуклеарна закана и натаму постои, а САД и Израел сега дејствуваа без ангажман на ОН и без консултации со сојузниците, вклучувајќи ја и Канада.“Повик за деескалацијаКарни претходно повика на смирување на тензиите на Блискиот исток и рече дека сите земји вклучени во непријателствата, вклучувајќи ги САД и Израел, мора да ги почитуваат меѓународните правила за таков ангажман.„Канада повикува на брза деескалација на непријателствата и е подготвена да помогне во постигнување на таа цел“, изјави Карни за новинарите.На прашањето за претходните коментари кои ги дал во поддршка на Повелбата на ОН што ја забранува употребата на сила, Карни рече дека „се чини дека овие акции се во спротивност со меѓународното право“, додавајќи дека на САД и Израел е да докажат дали се или не се во согласност со меѓународното право.На другите, кои се постручни од мене… им е да донесат таа одлука“, рече тој.Карни истакна дека Канада не била претходно известена за нападите и не била замолена да учествува.Не би биле во позиција… да донесеме одлука која е во согласност со нашите стандарди, дури и да бевме побарани да учествуваме“, рече тој.По започнувањето на нападите за време на викендот, Карни додаде дека Канада ја поддржува САД во „дејствувањето со цел да се спречи Иран да стекне нуклеарно оружје и да се спречи неговиот режим понатаму да го загрозува меѓународниот мир и безбедност“.

Свет | пред 2 месеци

(Видео) Американски сенатор близок до Трамп се збуни: „Во војна сме“ – па „не сме во војна“

Американскиот републикански сенатор Марквејн Мулин, близок до движењето МАГА на претседателот Доналд Трамп, се најде во непријатна ситуација откако за неколку секунди даде спротивставени изјави за конфликтот со Иран.Тој најпрво ги бранеше американско-израелските воени операции, изјавувајќи: „Ова е војна и ја отстрануваме заканата“. Кога новинарите го прашаа дали со тоа признава дека САД се во војна, Мулин одговори дека Соединетите Држави формално не објавиле војна.„Ние не објавивме војна. Тие ни објавија нам“, рече сенаторот, а потоа призна дека можеби „погрешно се изразил“.Снимката од разговорот брзо се прошири на социјалните мрежи, каде што историчарот Тимоти Снајдер ја спореди ваквата реторика со руската пропаганда по почетокот на инвазијата врз Украина во 2022 година.Конфликтот меѓу САД, Израел и Иран ескалираше минатата сабота кога беше започната голема заедничка воена операција против ирански воени цели, при што во нападите загина и иранскиот врховен лидер Али Хамнеи. Иран возврати со ракетни и дронски напади врз Израел и американски бази во регионот.

Свет | пред 2 месеци

Рубио: САД нападнаа за да не бидат нападнати

Американскиот државен секретар Марко Рубио изјави дека одлуката на претседателот Доналд Трамп за напад врз Иран била донесена за да се спречи евентуален прв удар врз американски цели.Рубио нагласи дека администрацијата проценила оти изминатиот викенд претставувал „единствена можност“ мисијата да биде успешна. Тој рече дека САД сакале да преземат превентивен удар со цел да се избегне одмазда.Повторувајќи ја клучната позиција на Доналд Трамп, Рубио истакна дека Иран нема да добие нуклеарно оружје додека тој е на власт. Според него, светот ќе биде побезбедно место кога „радикалните верски водачи“ во Техеран повеќе нема да имаат пристап до такво оружје.

Свет | пред 2 месеци