СДСМ

Дончиќ: Нема подобра асоцијата од ЕУ за народи како македонскиот и хрватскиот

Претседателот на Социјалдемократската партија на Хрватска, Синиша Хајдаш Дончиќ, на денешната заедничка прес-конференција со претседателот на СДСМ, Венко Филипче, нагласи дека европската интеграција е од клучно значење за продлабочување на односите меѓу Македонија и Хрватска. Тој порача дека не постои подобра асоцијација од Европската Унија за народи како македонскиот и хрватскиот.„ЕУ ќе нè зближи уште повеќе и ќе овозможи во депопулациските региони, каде што луѓето за жал заминуваат и во Македонија и во Хрватска, одредени работи да се финансираат со европски средства. И тоа е важно. Но јас Европа не ја гледам исклучиво низ призмата на парите, туку и низ призмата на тоа зошто и како е создадена, а таа е создадена од хумани идеи. По векови војни, Европа всушност живее во мир“, рече Хајдаш Дончиќ.Воедно, на прес-конференцијата Хајдаш Дончиќ потенцираше дека суштината на социјалдемократските политики е праведната распределба на создадената вредност уште во примарната фаза.„Сакаме примарната распределба сликовито кажано, во фабриката, помеѓу работниците и сопствениците на капитал да биде праведна, не секундарната преку даноци, такси, субвенции и социјална помош, туку примарната. За тоа речиси никој не зборува ниту во Македонија освен СДСМ, ниту во Хрватска освен СДП. Социјалдемократијата не исчезнала и не пропаднала ниту во Македонија ниту во Хрватска бидејќи социјалдемократите единствени даваат одговор на две прашања, ние се залагаме за додадена вредност и сме против доминација на капиталот“, рече  Хајдаш Дончиќ.Во своето обраќање,  Хајдаш Дончиќ ја истакна и важноста од заедничката визија и соработка меѓу социјалдемократските партии во двете земји.„Тука сум кристално јасен. И она што денес ми е освежување е што со моите луѓе, пријатели и другари, со кои делиме иста визија, исти стравови, но и иста надеж дека во Македонија и во Хрватска може да биде подобро со силна социјалдемократска партија.Затоа јас и мојот колега претседателот Филипче се договоривме градовите во Македонија, односно општините каде што градоначалниците се од СДСМ, уште повеќе да се поврзат со хрватските градови и општини каде што градоначалниците се од СДП но не само поради политика, туку и за заедничка подготовка за Европската Унија и за средствата што доаѓаат, со цел што подобро да се искористат“, рече Хајдаш Дончиќ.

Македонија | пред 2 месеци

Филипче: Понижувачки „фингерпринт“ за докторите наместо владата да им ги покачи платите

Претседателот на СДСМ, Венко Филипче, обвини дека најновата мерка за воведување „фингерпринт“ како начин на мерење на работното време за докторите е понижувачка и несоодветна, а оваа оваа мерка доаѓа од министерот за здравство, кој нема никакво познавање на здравствениот сектор.„Ова е една страшно понижувачка мерка од еден човек којшто моментално е министер за здравство, а со здравството и медицината нема никаква врска. Човекот доаѓа одИТ сектор и не знае што е здравствениот сектор, па медицината воопшто не ја познава“, рече Филипче во одговор на новинарско прашање.Тој додаде дека таквата мерка ја сведува медицинската професија на ниво на работници кои се задолжени да се  отчитаат на почетокот и крајот на работниот ден, што не се случува никаде во светот.„Се поставува прашање: што кога некој доктор ќе дојде попладне и ќе биде повикан од помлад колега за консултација? Ќе се остави „фингер принт“ тогаш? Ќе го плати министерот дополнително?“, дополни Филипче.Тој исто така истакна дека мерката не го зема предвид квалитетот на медицинските интервенции, кои можат да траат и до неколку часа, и кои се од клучна важност за спасување на човечки животи.„Каква е таа мерка со мерење на работното време, односно како се мери работното време кога имате некоја оперативна интервенција која трае час, два или три и се спасува човечки живот, а кога немате? Како се мери квалитативно тоа време? Да го прашаме министерот“, запраша Филипче.Филипче нагласи дека наместо воведување понижувачки мерки, Владата треба сериозно да ги зголеми платите на докторите, како единствен начин да се задржат во јавното здравство.„Наместо вакви понижувачки мерки, треба да се зголемат платите. Треба сериозно да се зголемат платите на докторите, затоа што со вакви мерки и без зголемување на платите, единствено што се прави е дека се бркаат докторите од јавното здравство и се бркаат да одат во приватните болници“, нагласи претседателот на СДСМ, Венко Филипче.

Македонија | пред 2 месеци

Дончиќ: Силна поддршка од СДП Хрватска за СДСМ и Филипче

Социјалдемократската партија на Хрватска силно ја поддржува СДСМ и европската перспектива на Македонија, порача претседателот на СДП, Синиша Хајдаш Дончиќ, на денешната заедничка прес-конференција со претседателот на СДСМ, Венко Филипче.„СДП на Хрватска силно ја поддржува европската перспектива на Македонија, а силно ја поддржуваме и нашата партнерска партија во Македонија СДСМ. Треба да знаете дека Европската Унија е само средство за остварување на вашите национални цели, а тоа е благосостојба, односно полна вработеност и пријатен живот за сите граѓани на Македонија. На тој пат имате искрен пријател во СДП на Хрватска, искрен пријател и во мене. “, рече Хајдаш Дончиќ.Тој посочи дека Европската Унија носи огромни придобивки за напредокот на државата.„Тој пат е трновит и можеби Европската Унија не е идеална, но за мали народи како хрватскиот и македонскиот, во ова глобално опкружување, јас не гледам подобра асоцијација во моментов“, рече Хајдаш Дончиќ.

Македонија | пред 2 месеци

Филипче: Предавничката ЗНАМ која е подизведувач на ВМРО се распаѓа!

Претседателот на СДСМ, Венко Филипче, во одговор на новинарско прашање истакна дека владината коалиција е нестабилна и дека движењето ЗНАМ постепено се распаѓа.„Очигледно е дека партијата ЗНАМ, коешто е предавничко движење, луѓе коишто ја предадоа партијата за свои сопствени финансиски интереси, неколку луѓе на врвот на партијата, и се подизведувачи на ВМРО-ДПМНЕ во овие антинародни и спротивно на националните интереси политики, постепено се распаѓа“, рече Филипче.Тој посочи дека граѓаните веќе ја препознаваат вистината и дека се чувствуваат изневерени.„Луѓето очигледно мислеле едно дека ќе биде, но се покажало дека е друго. Ние на тоа предупредивме уште за време на кампањата во 2024 година, но имаше голем број на луѓе коишто тогаш беа разочарани од СДСМ, го дадоа гласот за ЗНАМ и сфатија дека биле прелажени“, истакна Филипче.Претседателот на СДСМ нагласи дека вратите на партијата се отворени за сите.„Затоа на тие луѓе сега им е отворена вратата, не само сега, туку и во изминатиот период и ќе биде и понатаму, да знаат дека ова им е матичната партија којашто никогаш не отстапила од главните идеолошки вредносни политики коишто се тука градени и имплементирани со децении“, порача Филипче.Тој додаде дека актуелната власт го блокира развојот на државата и носи штетни политики.„Не може да мислат луѓето како Христијан Мицкоски и Максим Димитриевски дека некој само ќе седи во Собрание и ќе дига рака додека тие тераат бизниси. А блокиран е европскиот пат. Не се гласаат закони за раст на минималната плата. Не се гласаат закони за повеќе пари во земјоделството. Се носи страшен дискриминирачки, противуставен закон за високото образование. Ништо не се случува во здравството. Луѓето не се најадени“, нагласи Филипче.

Македонија | пред 2 месеци

Филипче: Цените растат - наместо мерки, Мицкоски им се потсмева на граѓаните

Мерките на владата се задоцнети и нецелосни, а премиерот Мицкоски наместо конкретни мерки се потсмева на потребите на граѓаните, нагласи претседателот на СДСМ, д-р Венко Филипче, во одговор на новинарско прашање на денешната прес-конференција.„Мерките се апсолутно задоцнети и не само што се задоцнети туку се и нецелосни и тоа што примерот го кажува на некој начин е потсмевање, со потсмев се однесува кон вистинските потреби на граѓаните. Тие бараат помош, а нема ништо од владата.За какви мерки зборува премиерот? Треба граѓаните да видат нешто навистина што ќе почувствуваат во смисла на бенефит, намалување или ако ништо друго ограничување на цените“, рече Филипче.Тој додаде дека поради ненавремени и задоцнети мерки, цените на храната веќе се енормно пораснати.„Дека мерките се задоцнети тоа е факт. Започна спиралата на покачување на цените на храната. Сè е поскапено, сите основни прехранбени продукти се поскапени, од млечни производи, производи од јајца, зејтин, месни производи, производи, овошје, зеленчук, сè е поскапено за 10, 20, 30%. И да почне да се намалува цената на нафтата, тие цени нема да се вратат назад“, рече Филипче.Притоа, Филипче посочи дека премиерот Мицкоски манипулира со цените на горивата и прави несоодветни споредби со другите земји.„Не гледам што објаснува премиерот кога кажува дека ќе има само мало зголемување на цената на дизелот. Мерките се да има намалување или да има зголемување? Ние сме очигледно единствена земја во регионот и веројатно во Европа што воведува мерки, а цените на горивата растат. Таква земја едноставно нема. Гледаме дека слична цена на горивата има во Хрватска, има во Словенија, но таму минималната плата е од 1.000 до 1.500 евра, а кај нас минималната плата е околу 400 евра“, рече Филипче.

Македонија | пред 2 месеци

Филипче: Членството во ЕУ е инструмент за подобар живот

Членството во ЕУ е инструмент за подобар живот, порача претседателот на СДСМ, Венко Филипче, на денешната заедничка прес-конференција со претседателот на СДП Хрватска, Синиша Хајдаш Дончиќ.Филипче посочи дека Европската унија не треба да се гледа како крајна цел, туку како средство за подобрување на квалитетот на живот.„Практично Европската унија да не ја гледаме како наша стратешка цел, туку како инструмент да стигнеме до нашата стратешка цел, а наша стратешка цел е да живееме подобро, поквалитетно, во добри, средени, урбани средини, да има можности за младите, да има високи плати, да има квалитетен живот, младите да не заминуваат од земјата, а старите да имаат достоинствени пензионерски денови“, рече Филипче.Во таа насока, тој истакна дека придобивките од членството во ЕУ се клучни за развојот.„Колку сте помалку развиени, толку имате поголем процент од европските фондови. И тоа што сега ние не можеме да го направиме,  празни места, празни локации, поранешни фабрики – во Хрватска прераснуваат во културни центри, спортски сали, сали за концерти, сали за соодветни активности за деца, за кино-проекции за возрасни и пензионери, луѓе коишто благодарение на европските фондови се платени да се грижат за пензионерите. И тоа е тоа што Европската унија вистински квалитативно го нуди, да го подобриме нашиот живот, поради тоа што, немајќи ги тие кохезиски фондови, ние практично сме оставени на немилост. Значи, ја гледаме Европската унија како инструмент да стигнеме до нашата стратешка цел“, порача Филипче.Претседателот на СДСМ оцени дека за жал во Македонија има влада која ништо не прави за членство во ЕУ.„Жал ми е што имаме влада којашто ништо не прави на таа тема. Сметам дека тоа што сме некако поданички наместени во односите со Србија, Унгарија и практично Русија, не нѐ води никаде. Оваа стагнација, немањето развој, не му носи добро на никого.“ рече претседателот на СДСМ, Венко Филипче.

Македонија | пред 2 месеци

„Пиперка 300 денари – расте рејтингот“: СДСМ со ироничен напад на ВМРО-ДПМНЕ

СДСМ со саркастична реакција ја коментираше наводната анкета на ВМРО-ДПМНЕ, прикажувајќи нереални проценти и апсурдни заклучоци за да укаже на, како што велат, состојбите со цените и политиките.Во објавата, од СДСМ тврдат дека дошле до „вистинските резултати“ од анкетата, според кои, како што наведуваат, граѓаните изразуваат огромно задоволство.„Дојдовме до вистинските резултати од анкетата што ја правела ВМРО-ОКГ. Во анкетата, најголема доверба кај граѓаните има Христијан Мицкоски поради целосно исполнување на сите предизборни ветувања, како што е враќањето на името!“, се наведува во реакцијата.Понатаму, преку иронични примери, СДСМ ги поврзува растечките цени со раст на рејтингот.„Кога ПИПЕРКАТА во маркетите се покачила на 300 денари – на Христијан Мицкоски му се покачил рејтингот на 25,2%. Кога ЈАЈЦА се покачиле на 300 денари – ВМРО-ОКГ веднаш им пораснал рејтингот за 24%“, наведуваат од партијата.СДСМ продолжува со сарказам и за цените на горивата и струјата.„Кога ДИЗЕЛОТ трет пат порасна на 95,5 денари – ЗНАМ пораснал за 100%. На прашањето дали сметките за струја треба повторно да се зголемат, над 80% од граѓаните рекле ‘ДА, и тоа веднаш’!“, се наведува во објавата.Во реакцијата се додаваат и нереални проценти за поддршка и економски показатели.„Огромно задоволство на граѓаните има и во однос на покачувањето на платите – 120%! 99,9% од граѓаните се изјасниле дека нема потреба да се покачи минималната плата на 600 евра“, наведуваат од СДСМ.Во ист стил се наведуваат и ставови за довербата кон премиерот.„Дали му верувате на Христијан Мицкоски – 1000% велат граѓаните“, стои во реакцијата.СДСМ ја проширува ироничната порака и кон други јавни личности и теми, наведувајќи проценти кои надминуваат реални граници.„Дали државата оди во правец на ЕУ – 1.000.000% велат ‘ДА’!“, се додава во објавата.Со ваквиот настап, СДСМ се обидува да ја критикува економската состојба и политиките на власта, користејќи сарказам како главно средство за политичка порака.

Македонија | пред 2 месеци

Димитријевиќ: Мандатот на Савески почна со скандал и „тевтерче“

СДСМ обвини дека мандатот на новиот јавен обвинител Ненад Савески започнал со сериозен скандал, откако за шеф на Вишото јавно обвинителство била предложена обвинителка чие име, според нив, се поврзува со случаите од „бомбите“.Генералниот секретар на партијата, Александар Саша Димитријевиќ, од пред Јавното обвинителство порача дека ова претставува аларм за состојбите во правосудството.„Тука сме пред Јавното обвинителство, затоа што скандалот на почетокот на мандатот на новиот јавен обвинител е сериозен аларм за она што се случува. Јавниот обвинител требаше да биде независен. Требаше да биде гарант на правдата“, изјави Димитријевиќ.Тој посочи дека уште пред почетокот на работата, веќе се појавиле контроверзии.„Како што рековме, не сме сигурни кога станува збор за изборот на Мицкоски, без оглед на биографијата. Еве, не ни почна со работа, а веќе имаме скандал“, рече тој.Според СДСМ, проблематичен е предлогот за Јасмина Костеска-Здравеска.„Мандатот на Ненад Савески започна со одлука да ја предложи Јасмина Костеска-Здравеска за шеф на Вишото јавно обвинителство. Името на Костеска-Здравеска не е непознато. Таа се споменуваше во разговорите од ‘бомбите’, во комуникација меѓу Сашо Мијалков и Гордана Јанкулоска, каде се договара нејзиниот избор“, изјави Димитријевиќ.Тој ги цитираше и наводните разговори.„‘Таа што сме ја договарале’, ‘Ја квалификувавме како наша’, ‘Наша е, кога ќе го видиш ќе ти текне човекот’“, наведе тој.Димитријевиќ додаде дека и сопругот на предложената обвинителка бил дел од процесот за лустрација на Славко Јаневски.Според него, ова е доказ за враќање на старите практики.„Еве вака почнува мандатот на новиот обвинител. По теркот на Никола Груевски – со договорени судии и обвинители од ‘тевтерчето’, кое граѓаните многу добро го паметат“, изјави Димитријевиќ.Тој постави и директно прашање.„Дали оваа одлука е самостојна на обвинителот Савески или е уште една задача дадена од Христијан Мицкоски?“, праша Димитријевиќ.Во продолжение, наброја низа наводи за политичко влијание врз институциите.„Мицкоски од собраниска говорница му дели задачи на јавниот обвинител. Советници на власта и сопруги на функционери на ВМРО се избираат за судии. Се води кампања против СЈО за рушење на пресудите и враќање на Никола Груевски. Се подготвуваат нови кампањи преку Боки 13 и Катица Јанева, со веќе видени сценарија. Се спроведуваат црни кампањи и јавен линч против опозицијата“, изјави тој.На крајот, Димитријевиќ порача дека, според нив, државата се враќа назад.„Се враќаме во 2016 година. Духот на Сашо Мијалков и Никола Груевски не само што е присутен – тој повторно живее во институциите. Но граѓаните веќе еднаш го победија тој систем. Ќе го победат повторно“, изјави Димитријевиќ.

Македонија | пред 2 месеци

ВМРО-ДПМНЕ со остри обвинувања: „СДС се претвори во прокси партија“

ВМРО-ДПМНЕ излезе со остри обвинувања кон СДСМ и неговото раководство, оценувајќи дека партијата се соочува со сериозен пад поради, како што велат, „антидржавни и поданички политики“.Во соопштението, од партијата наведуваат дека СДС, кој некогаш бил голема и државотворна партија, денес е сведен на, како што тврдат, „едвај 130 илјади гласа“.„Некогаш големата и државотворна партија СДС, поради лошите, предавнички и поданички политики се сведе на eдвај 130 илјади гласа“, се наведува во реакцијата.Од ВМРО-ДПМНЕ обвинуваат дека ваквите политики продолжуваат и во опозиција.„Освен што СДС, кога беше на власт спроведуваа антидржавна политика, сега од опозиција, по насока на Венко Филипче, Зоран Заев и Башановиќ продолжуваат со промовирање на таквата политика“, стои во соопштението.Според нив, ваквиот пристап ја довел партијата во, како што велат, ќорсокак.„Благодарение на таквиот сервилен однос кон туѓите интереси на штета на државните, само и само Заев да остане на власт или, пак, сега Филипче да ја задржи претседателската фотелја, СДС ја турнаа во ќорсокак и ја претворија во прокси партија“, велат од ВМРО-ДПМНЕ.Партијата тврди дека ваквото делување се случува под влијание на советникот Зоран Башановиќ.„И сето ова се случува по директни насоки и директиви на куќниот пријател и советник на Заев, Башановиќ“, наведуваат од ВМРО-ДПМНЕ.Во соопштението се додава дека, според нив, поданичкиот однос кон соседите и прифаќањето на нивните барања на штета на државните интереси претставува „антидржавна политика“.„Филипче, Заев ја промовираат ваквата политика преку ПР стратегијата контролирана од нивниот пријател Башановиќ и со тоа ги предаваат и партиските и националните интереси, кои се штетни и за државата и за македонскиот народ“, се наведува.Од ВМРО-ДПМНЕ оценуваат дека рејтингот на СДС и Венко Филипче е на многу ниско ниво.„Токму затоа и рејтингот на СДС и Венко Филипче, може да се каже дека е на ниво на статистичка грешка кој може да се изброи на прсти“, се додава во реакцијата.Во заклучокот, партијата посочува дека СДС не извлекол поука од изборните порази.„По трагично од сето ова е што СДС и Филипче се чудат зошто е тоа така и не извлекле поука од последователните катастрофални изборни порази. Не ги научија лекциите кои народот им ги одржа и продолжија да делуваат антидржавно, а сега и по насока на советникот на Заев, Зоран Башановиќ“, се наведува во соопштението.

Македонија | пред 2 месеци

СДСМ обвинува: „Савески предлага обвинителка од ‘тевтерчето’, правосудството повторно под партиска контрола“

Опозициската СДСМ обвини за, како што наведуваат, нов скандал во правосудството, откако јавниот обвинител Ненад Савески ја предложил Јасмина Костеска-Здравеска за шеф на Вишото јавно обвинителство.Според партијата, станува збор за „уште еден доказ дека власта системски се обидува да го партизира правосудството со свои инсталации“.„Одлуката на новиот јавен обвинител Ненад Савески да ја предложи Јасмина Костеска-Здравеска за шеф на Вишото јавно обвинителство е уште еден доказ дека власта системски се обидува да го партизира правосудството со свои инсталации. По теркот на Груевски, со договорени судии и обвинители од ‘тевтерчето’ кои граѓаните многу добро го знаат“, наведуваат од СДСМ.Партијата потсетува дека името на Костеска-Здравеска се споменувало во прислушуваните разговори, познати како „бомбите“, поврзани со Сашо Мијалков и Гордана Јанкулоска.„Името на Костеска-Здравеска се споменуваше во разговорите од бомбите, меѓу Сашо Мијалков и Гордана Јанкулоска во кои се договараше нејзиниот избор. ‘Таа што сме ја договарале’, ‘Ја квалификувавме како наша’, ‘Наша е, кога ќе го видиш ќе ти текне човекот’“, посочуваат од СДСМ.Во соопштението се наведува и дека таа е сопруга на Вецко Здравески, кој бил член на Комисијата за лустрација.СДСМ поставува прашање дали оваа одлука е дел од поширока политичка координација.„Вака ли Савески ќе спроведува ‘реформи’ со партиските кадри на ВМРО? Савески треба да одговори дали ова му била дадена како задача лично од Христијан Мицкоски?“, прашуваат од партијата.Во продолжение, СДСМ наведува серија обвинувања за, како што велат, „враќање на стари практики“, вклучително и избор на судии блиски до власта, напади врз СЈО и подготовка на нови политички кампањи.„Се враќаме во 2016 година!“, порачуваат од СДСМ.Од Обвинителството засега нема одговор на овие обвинувања.

Македонија | пред 2 месеци

СДСМ: Се распаѓа ЗНАМ, сателит партијата на ВМРО-ОКГ

Еве доказ зошто ВМРО-ОКГ не сака да ги објави резултатите од анкетата што ја правеле, каде се гледа историски пад на ВМРО и веќе тотално непостоење на ЗНАМ, велат од СДСМ.„Што е заедничко за ЗНАМ и ВМРО-ОКГ:Мицко ги излажа своите гласачи за името, Максо ги излажа своите дека се независни и дека ќе бидат коректив на власта.Тие се „тендер коалиција“ – и едните и другите сакаат тендери.Ниту Максо ниту Мицкоски не работат за плата.И едниот и другиот имаат ист газда.Нема политика, само приватен бизнис.Едниот ја издаде партијата, другиот државата.И двајцата удираат врз СДСМ – Максо преку Српска лига, ВМРО преку „Платформа“.Имаат свои играчи – едниот Богдановиќ, другиот Шилегов.Што најмногу ги поврзува – ЛАГА!Народот сега сè гледа, лагите повеќе не поминуваат“, се вели во соопштението.

Македонија | пред 2 месеци

СДСМ: „Историско“ зголемување на платите работниците го дочекаа со историско зголемување на цените

Сè поскапува, цените на храната растат секој ден, а владата на Христијан Мицкоски не презема ништо, велат од СДСМ.„Единствената мерка на Мицкоски - намалување на ДДВ за горивата од 18% на 10% не даде никаков ефеткт. Цените на горивата се покачија и во изминатиот период континуирани се поскапувања на храната.Зејтинот е поскапен и веќе цените седвижат и до 118 денари, кафето од 120–140 денари,  меленото месо е поскапено и сега е од 730 до 840 денари, пилешкото месо над 400 денари,  јајцата над 110 денари.  Во исто време, цените на зеленчукот и овошјето се исто така покачени, пиперките достигнуваат и до 300 денари, доматите над 200 денари.Ова е секојдневие на илјадници македонски семејства кои се борат како да обезбедат храна, како да го наполнат фрижидерот.Кога носиш часовник од 65.000 евра, овие цени не се високи. Но, за работниците на кои не им е зголемена минималната плата, па дури и за административците на кои им се нуди само 7% зголемување, затоа што, како што вели Мицко „колку работат, доволно и имаат“ – нема да издржат ни до 15-ти во месецот.Граѓаните осиромашуваат а платите не растат. Власта одби да ја покачи минималната плата и сега ниту 600 евра плата не се доволни да се живее достоинствено.„Историско“ зголемување на платите работниците ќе го дочекаат со историско зголемување на цените и ќе остане запаметена историски најлошата Влада.Наместо да ги штити бизнис интересите Владата на Мицкоски веднаш да ги прифати мерките на СДСМ за  0% ДДВ за храната, намалување на акцизите  на горивата за 4 денари, намалување на ДДВ за горива на 5%и преполовување на патарините“, се вели во соопштението.

Македонија | пред 2 месеци

Николова до Лабудовиќ: Кој ќе понесе одговорност за затруените работници во РЕК Битола?

На денешната седница за пратенички прашања, пратеничката од СДСМ, Даниела Николова, во отсуство на министерката за енергетика, рударство и минерални суровини, Сања Божиновска, упати прашање до заменик-министерот Мирослав Лабудовиќ во врска со случајот на масовно труење на работници во РЕК Битола. Николова побара детално да се испита причината за инцидентот и да се утврди одговорноста за настанатата состојба.Во своето излагање, Николова посочи дека, според јавни информации, поголем број работници се жртви на труење што се случило во кујната на РЕК Битола. Надлежните инспекциски служби на Агенцијата за храна и ветеринарство, како и други институции, излегле на терен, наредено било вонредно чистење на кујната и спроведени се вонредни санитарни прегледи на вработените.Таа нагласи дека бројките на заболени работници постојано се менуваат – првично се зборувало за пет до шест случаи, потоа бројот се искачил на околу 80, а сега се споменува и троцифрена бројка. Николова го праша заменик-министерот кој е одговорен за инцидентот и дали ќе бидат преземени сите законски мерки за казнување на оние што ја довеле ситуацијата до ваков сериозен степен.Овој случај ја отвори дебатата за безбедноста и здравствените стандарди на работниците во РЕК Битола, како и за контролата на работните процеси во енергетскиот сектор.

Македонија | пред 2 месеци

Николова до Јаневска: Системот за унапредување на наставниците е административен лавиринт за партиски подобните

Пратеничката од СДСМ, Даниела Николова, на денешната седница за пратенички прашања го постави прашањето до министерката за образование и наука, Весна Јаневска, за процесот на стекнување на звањата наставник ментор и наставник советник во основното и средното образование, оценувајќи го како административен лавиринт дизајниран за партиски награди или елиминација и системско понижување на македонскиот наставник.Николова во своето излагање објасни дека Министерството за образование на 30 јуни 2025 година донело правилник за следење и вреднување на работата на наставниците, врз основа на кој во летото 2025 година беше објавен јавен повик за аплицирање. Наставниците почнале да ги подготвуваат своите досиеја и сертификати, но на 26 декември 2025 година правилникот бил изменет, со што рокот за комисиите бил дуплиран од 30 на 60 дена, а наставниците можеле да бидат оценувани и во други училишта.Пратеничката критикуваше што во комисиите се вклучуваат и претставници на локалните самоуправи и синдикати, кои, според неа, не можат професионално да ги оценуваат наставниците, а дел од синдикалните претставници дури се откажале поради притисоци. Николова истакна и примери на апсурди, како што се неприфаќањето на сертификати од обуки и меѓународни натпревари што наставниците ги добиле, и дискриминаторско оценување на наставниците, со тоа што дел од нив можеле да ги видат бодовите на сајтот, а други не.Таа го праша министерката дали ќе изврши ревизија на целиот процес на оценување, за сите наставници да имаат еднакви права и навистина да биде ценет нивниот труд.Ова прашање ја отвори дебатата за транспарентноста и професионалноста во системот за напредување на наставниците во земјата.

Македонија | пред 2 месеци

ВМРО-ДПМНЕ: Филипче бега од седницата наменета за пратенички прашања, а партијата си пушта соопштенија што кажал Мицкоски на седницата, вакви политички кукавици немало во досегашната историја на политиката

Од ВМРО-ДПМНЕ реагираат на денешното однесување на СДС, посочувајќи дека нивниот претседател, Венко Филипче, ја напуштил седницата на која се поставуваа пратенички прашања, додека партијата објавувала соопштенија со, како што велат од ВМРО-ДПМНЕ, „клеветнички содржини“ за тоа што се зборувало на седницата и за изјавите на претседателот на ВМРО-ДПМНЕ, Христијан Мицкоски.„Од СДС никако да го вклучат или употребат мозокот. И така, секојдневно и постојано повторуваат глупости. Денес покажаа дека се кукавици – Филипче бега од седница, а од партијата објавуваат соопштенија“, се наведува во соопштението од ВМРО-ДПМНЕ.Партијата истакнува дека СДС има тенденција да напаѓа сè што се прави за граѓаните, а во однос на правосудството, порачуваат дека наредбите од минатото не ја одредуваат сегашната работа на институциите. „Премиерот и претседател на ВМРО-ДПМНЕ, Мицкоски, кога станува збор за оваа трета самостојна власт, сака и прави што е во негова надлежност за истата да делува професионално спроведувајќи ги законите. Ако вие контролиравте сѐ, немојте да мислите дека и другите се како вас“, додаваат од ВМРО-ДПМНЕ.Денешниот настан, според партијата, само ја покажал „кукавичлукот“ на СДС.

Македонија | пред 2 месеци

Петрушевски: Во СДС нема свежина од аспект на кадровските промени и политиките коишто ги нуди

„Оние политики коишто ги спроведуваше СДС во изминатиот период резултираа до тоа СДС да падне на овој број на гласови којшто го има и да се случуваат овие процеси коишто се случуваат сега коишто иако се нивна внатрешна работа, за жал јас не препознавам дека во СДС има, не само некоја свежина од аспект на кадровските промени, нема некоја свежина и од аспект на политиките коишто СДС ги нуди. Гледаме дека прават реминисценција на одредени политики од минатото, политики коишто докажано веќе на избори биле губитнички“, истакна пратеникот од редовите на ВМРО-ДПМНЕ, Бране Петрушевски во гостување во емисијата „За или против“ на Алфа телевизија.Пратеникот Петрушевски нагласи дека процесите коишто се случуваат во СДС, иако се нивна внатрешна работа, сепак не препознава дека има свежина од аспект на кадровските промени и од аспект на политиките коишто СДС ги нуди. Тој нагласи дека во интерес на државата потребно е да имаме конзистентни ставови во делот на меѓународната политика, потенцирајќи дека од другата страна не само што нема поддршка во овој дел, туку напротив, постои одредена реторика од страна на актуелното раководство на СДС која штети на националните инетереси на државата и граѓаните.„Сметам дека е неопходно, особено што се наоѓаме во еден сериозен историски момент, во светски рамки гледано, сега имаме криза и на Блискиот Исток, меѓутоа и во историски момент за Македонија, сметам дека треба да заеднички, во интерес на државата, во интерес на граѓаните да имаме некои конзистентни ставови, да имаме и усогласени ставови, барем во делот на меѓународната политика и она коишто се наши стратешки интереси како држава. За жал, од другата страна не гледам соговорник на ваквите теми, не гледам поддршка во делот на ова, туку напротив, гледам дека одредена реторика од страна на актуелното раководство на СДС дури и штети на националните интереси на Република Македонија и на граѓаните“, дециден е пратеникот Петрушевски.

Македонија | пред 2 месеци

Костадиновска-Стојчевска до Љутков: Ќе земат ли мартовска плата вработените во култура според колективен договор?

Пратеничката на СДСМ, Бисера Костадиновска-Стојчевска, на собраниската седница за пратенички прашања упати остри критики кон министерот за култура, Зоран Љутков, обвинувајќи го за недоследности во одговорите, непознавање на документите што ги потпишува и непочитување на законските обврски. Таа истакна дека нејзините три прашања се однесуваат на нетранспарентност во работењето на министерството, доцнењето и контрадикторностите во одговорите, како и односот кон вработените и клучните културни политики.Костадиновска-Стојчевска посочи дека, и покрај присуството на Љутков на седницата, одговорите на нејзините прашања беа добиени дури по повеќе од десет месеци, а во нив се наведува дека министерството во тој период немало именувано државен секретар. Таа ја критикуваше и управата за културно наследство за доцнење во издавање дозволи и ја истакна нетранспарентноста при објавување резултати од националните програми и конкурси.Пратеничката упати конкретни прашања до министерот: како ќе се заштити културното наследство, конкретно Курбиново; што е направено со клучните закони и стратегии во културата во изминатите две години; и дали вработените во култура ќе ја добијат мартовската плата согласно закон и колективен договор.Костадиновска-Стојчевска нагласи дека, и покрај нејзините напори, многу национални институции морале самостојно да ги објавуваат резултатите од програмите, бидејќи Министерството за култура не ги спроведува законските обврски.Оваа реакција следува во контекст на долготрајни критики за недоволна транспарентност и непочитување на роковите од страна на министерството.

Македонија | пред 2 месеци

СДСМ: Мицкоски му додели задачи на новиот јавен обвинител од собраниската говорница

Според СДСМ, лидерот на ВМРО-ДПМНЕ, Христијан Мицкоски, денеска од собраниската говорница му делел задачи на новиот јавен обвинител – како да постапува, кого да гони и кои предмети да ги отвора. Партијата тврди дека ова е „погребување на правдата“ и воспоставување тотална контрола на власта врз обвинителството и судството.„Ако Мицкоски сака борба со корупцијата и криминалот, требаше прво да се уапси себеси. Докази има колку сака – и за него и за неговата организирана криминална група – ВМРО“, се вели во соопштението од СДСМ.Партијата го поврзува денешниот настан со претходни случаи, како Дубаи, нападите на СЈО, како и со пуштањето од затвор на Боки 13 и Катица Јанева, предупредувајќи дека се подготвува „нова кампања за замолчување на опозицијата преку медиумите под контрола на Орбан“.СДСМ исто така обвинува дека крајната цел е „укинување на пресудите на Никола Груевски и подготовка за негово враќање во Македонија“. Партијата заклучува дека народот повеќе не може да биде измамен од лагите на Мицкоски и ВМРО.

Македонија | пред 2 месеци

СДСМ Битола до РЕК Битола: Дали бројката од наводните „5–6“ случаи веќе прерасна во трицифрена?

Во текот на вчерашниот ден објавивме дека во рудникот во РЕК Битола се случило масовно труење на вработени, предизвикано од дневниот оброк, велат од СДСМ Битола.„Наместо извинување и преземање одговорност, од РЕК Битола излегоа со соопштение дека станува збор за изолирани 5–6 случаи – тврдење кое е далеку од вистината.Денес излегуваме со нови информации и поставуваме конкретни прашања до раководството:Дали бројката од наводните „5–6“ случаи веќе прерасна во трицифрена?Дали кујната во РЕК Битола од вчера е затворена?Ако навистина немало труење, зошто тогаш кујната е затворена?Дали вработените денес ќе останат без оброк?И дали во иднина ќе треба сами да си носат храна од дома?Овие одговори им ги должите на вработените во рудникот и на нивните семејства. Тишината не е решение. Одговорноста е“, велат од СДСМ Битола.

Македонија | пред 2 месеци

Зоран Трифуновски е нов организациски секретар на СДСМ

Зоран Трифуновски вечерва на седница на ЦО е избран за нов организациски секретар на Социјалдемократскиот сојуз на Македонија.Тој доаѓа на местото на Мартин Костовски, кој беше кандидат на опозициската партија за градоначалник на Куманово, но не успеа да се пласира во вториот круг на локалните избори.Трифуновски ќе биде втор организациски секретар на СДСМ заедно со Љупчо Фармаковски. На партискиот конгрес за генерaлен секретар е реизбран Саша Димитријевиќ.

Македонија | пред 2 месеци

Филипче: Мицкоски не стави во скут на Орбан и на соработници со Русија

„Што направи Христијан Мицкоски и нашата влада? Не ставија во скут на Орбан, на таа земја , на тие луѓе, директни соработници на рускиот претседател и агресор Путин“, обвини претседателот на СДСМ, Венко Филипче, во емисијата Топ Тема на Телма.„Видовме во текот на вчерашниот ден како унгарскиот министер за надворешни работи, Петар Сјарто, бил тој којшто ги пренесувал сите теми од затворените состаноци на Европскиот совет изминатите повеќе години на рускиот претседател Путин“, рече Филипче.Филипче посочи дека се повеќе излегува на виделина дека премиерот Мицкоски е прокси руски играч во регионот и во Македонија.Toj посочи на економските и инфраструктурните последици од ваквите политики.„Која е  причината и зошто тогаш сме задолжени една милијарда евра преку владата на Орбан со самото доаѓање на таа влада? Понатаму, како дадоа приоритет на Коридорот 10 над Коридорот 8, со што земјава изгуби 140 милиони евра грантови од Европската унија. Која е причината за доаѓање на унгарскиот телеком ‘Фор Ај Џи’ тука кај нас, кој го води човек близок до премиерот Орбан? И што е причината приоритетите на министерството за енергетика за инвестиции во енергетскиот сектор наеднаш да ги добијат унгарски компании, повторно ќерки фирми на луѓе од Унгарија блиски до премиерот Орбан? Значи, не станува тука збор за традиционална близина меѓу двете земји.“, појасни претседателот на СДСМ.Филипче оцени дека целосното блокирање на европскиот пат има сериозни причини:„Како го тогаш објаснуваме целосното блокирање на европскиот пат и зошто тоа се прави? Затоа што јасно, Унгарија ги поткопува сите механизми на делување на стратегиите на Европската унија. Тие сеуште ги блокираат 90 милијарди помош за Украина, што е еден од приоритетите на Европската унија.“, заклучи Филипче.

Македонија | пред 2 месеци

Филипче: Храната поскапува, нов ценовен шок по џебот на граѓаните

Една единствена мерка не е доволна за да има ограничување на растот на цените на горивата и храната,  не поскапе само литар гориво и дизел, туку поскапеа сите прехранбени продукти, посочи претседателот на СДСМ, д-р Венко Филипче, во емисијата „Топ Тема“, на телевизија Телма.Филипче нагласи дека СДСМ континуирано предупредуваше дека се потребни навремени мерки за да не дојде до сегашното енормно зголемување на цените на горивата и нафтените деривати и на храната, што  е сериозен удар за граѓаните.„Не поскапе само литар гориво безоловен и дизел, туку поскапеа сите прехранбени продукти. Видете што се случува во маркетите, основните прехранбени производи, месни, млечни, овошје, зеленчук, зејтин, јајца се е поскапено. Овие мерки кои што ги донесе Владата, односно една единствена мерка практично не е доволна за да има некое ограничување на растот на цените и граѓаните не ја чувствуваат. Дополнително, поскапената храна и да се намали цената горивата веќе нема да се врати назад“, рече Филипче.Тој додаде дека Македонија е единствената земја во регионот во која со владина мерка наместо намалување на цените, има зголемување на цената на горивата.„Изминатите три дена цената на нафтата паѓа, а кај нас се уште е висока. Сметам дека сме единствена земја во регионот која што со некаква мерка што ќе се донесе придонесува и прави цената на литар гориво да порасне. Тоа се случи откако се најави предлог мерката на премиерот со ДДВ-то за неколку денари, скокна цената на дизелот“, рече Филипче.Во интервјуото Филипче посочи дека несоодветни се споредбите што ги прави премиерот Мицкоски со држави како Словенија и Хрватска кои имаат далеку повисок стандард од Македонија.„Сиромаштијата е огромна,  нема никаков раст на платите изминатите две години. Ја слушаме од премиерот реториката, ние имаме најевтина гориво во регионот ги споредуваме цените, ние имаме слично цена нешто поевтино од Словенија од Хрватска, ама таму минималната плата е 1.500 евра, неразумна споредба со земји кои што имаат повеќекратно поголем стандард од македонскиот животен стандард“, рече Филипче.

Македонија | пред 2 месеци

Филипче: Единствен што коленичеше е Мицкоски кога молеше за власт и лажеше дека ќе го врати името

Единствен што коленичи беше Христијан Мицкоски, кога молеше за власт и ветуваше враќање на името, нагласи претседателот на СДСМ, д-р Венко Филипче, во емисијата „Топ Тема“, на телевизија Телма.Филипче посочи дека тој е дел од лажна реторика на Мицкоски додека свесно ја изолира државата од Европската Унија.„Целосно сме изолирани, слепо црево. Ќе се сменат приоритетите во Европска Унија веќе нема да биде така широко отворена вратата, какви кој знае услови ќе дојдат доколку Албанија стане земја членка пред нас. И што ќе правиме ние? Што оваа влада ќе прави, кој ќе понесе одговорност?“, рече Филипче.Тој додаде дека ВМРО како влада и после две години покажа дека нема ниту план ниту визија за напредокот на државата и обезбедување подобра иднина за граѓаните. „Политиката се сведува на тоа дека оваа влада нема апсолутно никаков план, ниту  визија, ниту пак нешто прави добро за граѓаните и за државата во изминатите две години. Пола мандат е поминат граѓаните не видоа никаков бенефит нема ниту еден голем значаен проект, освен тие што се завршуваат, почнати во времето на владите на СДСМ“, рече Филипче.

Македонија | пред 2 месеци

Филипче: Нема да дозволам делби на СДСМ и нови подизведувачи на криминалната ВМРО

Нема да дозволам поделби на СДСМ и нови подизведувачи на криминалните политики на ВМРО-ДПМНЕ, нагласи претседателот на СДСМ, д-р Венко Филипче, во емисијата „Топ Тема“ на телевизија Телма.Филипче посочи дека во период кога СДСМ ги разоткрива криминалните дејствија на ВМРО, нема да дозволи создавање структури кои ќе работат во интерес на власта.„Сакам јасно да кажам, нема да дозволам втор ЗНАМ. Јас нема да дозволам повторно отцепување во период кога излегуваме со силна критика на власта, аргументираме и разоткриваме нивни криминални дејства, разоткриваме причини за запирање на евроинтегративниот пат“, рече Филипче.Во интервјуто, Филипче порача дека актуелните иницијативи кои излегуваат во јавноста засега немаат сериозна основа и не нудат конкретни аргументи.„Тие иницијативи засега се кафански муабети, тие иницијативи засега се сведуваат на некакви непотпишани писма до медиумите во коишто никој не кажува кои се проблемите, кои се причините, затоа што мене ме повикуваат да бидам сменет и ме повикуваат на одговорност. Јас сум спремен да дебатирам на секоја тема, меѓутоа оваа партија и во минатото видела поделби. Еве видовме како се отцепи една група и отиде во движење ЗНАМ, којшто најавуваа дека ќе бидат коректор на власта, најавуваа дека некако поинаку ќе се однесуваат од СДСМ и што се случи - едно мало движење, подизведувачи на криминалните политики на ВМРО-ДПМНЕ. И само неколку луѓе имаат финансиски ќар од таа приказна“, нагласи Филипче.

Македонија | пред 2 месеци

Филипче: Денеска пред ЦО ја презентирам новата Платформа на СДСМ

Претседателот на СДСМ, д-р Венко Филипче, во емисијата „Топ Тема“ на телевизија Телма, посочи дека предлог-програмата што ја презентира на вечерашниот Централен одбор на партијата доаѓа ги содржи идните политики и мерки на СДСМ за граѓаните.„Основата за оваа предлог-програма доаѓа од стручните комисии на партијата и процесот на финализација на програмата ќе заврши на 7 јуни со програмски Конгрес, на којшто програмата треба да се усвои. Притоа, пред Конгресот, односно на 6 јуни, ќе се одржи меѓународен состанок со сестринските партии од регионот, на којшто ќе потпишеме заедничка декларација за европска интеграција на регионот, борба против корупцијата и борба против авторитарните режими“, рече Филипче.Притоа, Филипче додаде дека Конгресот ќе биде посветен единствено на новата програма бидејќи станува збор за предизвици со коишто се соочуваат сите наши сестрински социјалдемократски партии од регионот.

Македонија | пред 2 месеци