СДСМ

Савевски работи по нарачка на Мицкоски, го спасува криминалниот имот на ВМРО- ОКГ, вели Димитријевиќ

СДСМ обвини дека новиот јавен обвинител постапува по насоки на премиерот Христијан Мицкоски, оценувајќи дека на тој начин се врши директен упад во независноста на правосудниот систем.Генералниот секретар на партијата, Александар Димитријевиќ, на прес-конференција изјави дека, според нив, обвинителот работи „по нарачка“, со што, како што рече, се штити имот поврзан со ВМРО-ДПМНЕ.„Како што и претпоставувавме, Мицкоски лаже кога вели дека не го познава обвинителот и дека биографијата била пресудна. Мицкоски на телевизија разрешува обвинители, поставува свои советници за судии, а потоа од говорница му задава задачи на обвинителот“, рече Димитријевиќ.Тој посочи дека постапувањето на обвинителството во предмети поврзани со поранешни функционери и случаи како „Талир 1“ и „Талир 2“, според СДСМ, претставува обид за спас на, како што велат, „нелегално стекнат имот“.„Ова е чекор кон спас на криминалниот имот на ВМРО-ДПМНЕ“, изјави Димитријевиќ.Во обраќањето, тој додаде дека нема одговор од обвинителството за наводите што, како што рече, ги објавил антикорупцискиот тим на СДСМ, поврзани со тендери и јавни набавки.„161 тендер за една фирма, десетици за други, милионски суми за фирми со мал број вработени – за ова сè уште нема одговор“, рече Димитријевиќ, додавајќи дека партијата ќе продолжи да инсистира на одговорност.

Македонија | пред 1 месец

СДСМ: ВМРО-ДПМНЕ фатени во бизнис со Дака, следува дефокус

СДСМ обвини дека ВМРО-ДПМНЕ се обидува да го дефокусира вниманието на јавноста откако, како што велат, биле „фатени на дело“ во наводни бизнис-релации со контроверзниот бизнисмен Миодраг Давидовиќ – Дака, кој се наоѓа на црната листа на САД.Од партијата тврдат дека нивниот антикорупциски тим открил поврзаност меѓу власта и компании поврзани со Давидовиќ, по што, според нив, следувале „спинови и префрлање на темата кон опозицијата“.„Наместо одговор – дефокус. ВМРО вели фирмата на Дака ги исполнила сите услови, а потоа најавува дека ќе ја исклучи. Тоа значи дека прво дале дозвола, па кога биле фатени – се повлекуваат“, наведуваат од СДСМ.Според нив, компанијата „Хронос сум“, поврзана со Давидовиќ, била вклучена во Годишниот план за изградба на енергетски објекти за 2026 година.„Значи Дака работи со ВМРО, а тие се обидуваат темата да ја префрлат како СДСМ да е на власт. Овој дефокус нема да помине“, велат од партијата.СДСМ обвинува дека зад случајот стои „модел на перење пари, офшор мрежи и сомнителен капитал“, додавајќи дека власта, која претходно го критикувала Давидовиќ, сега му овозможува влез во енергетскиот сектор.Во соопштението се посочува и дека, додека граѓаните се соочуваат со високи цени на електричната енергија, државната енергетска компанија бележи загуби, а паралелно се договараат, како што велат, „бизниси со сомнителни партнери“.СДСМ побара Јавното обвинителство да отвори предмет и да ги испита наводите, вклучително и потеклото на капиталот.„Нема бегање. Одговорност мора да има“, порачуваат од партијата.

Македонија | пред 1 месец

СДСМ: Колку треба да поскапи лебот за Владата да реагира?

Опозициската СДСМ ја обвини Владата дека не презема навремени мерки за растот на цените, прашувајќи колку уште треба да поскапи лебот за да се реагира.„Колку треба да поскапи лебот за Христијан Мицкоски конечно да преземе мерки?“, соопшти СДСМ.Од партијата тврдат дека премиерот Христијан Мицкоски не ја прикажува реалната состојба.„Христијан Мицкоски секојдневно ги лаже граѓаните дека владата нешто следи и вели дека нема потреба да се преземат мерки“, соопшти СДСМ.Според опозицијата, поскапувањата на енергенсите веќе се прелеале врз основните прехранбени производи.„Ние предупредивме дека овој раст на цените на нафтата ќе повлече и ќе предизвика раст на цените на сите основни прехранбени продукти. И тоа се случи“, соопшти СДСМ.Во соопштението се наведува дека растот на цените е широк и значителен.„Поскапува лебот, веќе се поскапени зејтинот, јајцата, млекото, пиперките, доматите, овошјето. Поскапувањата се од 5% па сè до 300% кај овошјето и зеленчукот“, соопшти СДСМ.Партијата оценува дека граѓаните се под силен финансиски притисок.„Граѓаните веќе едвај врзуваат крај со крај. Секое одење во маркет е нов шок“, соопшти СДСМ.Дополнително, според нив, растот на платите не го следи растот на цените.„Сега ниту 600 евра не се доволни за граѓаните да ја надминат кризата, а сегашното минорно зголемување на минималната плата од 1.667 денари нема вредност“, соопшти СДСМ.Од партијата илустрираат дека куповната моќ е значително намалена.„Со покачувањето на платите граѓаните може да купат 2 килограми домати, 2 килограми краставици, табла јајца и 4 литри бензин. Толку“, соопшти СДСМ.

Македонија | пред 1 месец

СДСМ: Владата на Мицкоски ги остави граѓаните со празни џебови и фрижидери

Македонските граѓани и работници се соочуваат со најниски плати во Европа и тешко врзуваат крај со крај, обвинуваат од СДСМ. Според партијата, „Владата на Мицкоски не прифаќа да ја покачи минималната плата на 600 евра, не презема мерки за намалување на високите цени, но затоа ги убедува граѓаните дека покачување на платите од 7% во образованието е ‘историско’“.Од СДСМ додаваат дека „историското зголемување колку вреди? 4 килограми домати, 2 килограми краставици и 4 литри дизел. Ете толку е од историското зголемување“. Тие посочуваат дека „за само три месеци новиот раст на цените е околу 2.500 денари, вредноста на синдикалната минимална кошница во март достигна скоро 68.000 денари“.„Поскапе и лебот, а Мицкоски уште чека, не воведува мерки. Очигледно Владата на Мицкоски мисли дека граѓаните не ги гледаат своите џебови, празните паричници и фрижидери“, велат од СДСМ.

Македонија | пред 1 месец

СДСМ: МВР ги попречи професорите на Правниот факултет да пристапат на работа, од кого се плаши власта?

Денеска на Правниот факултет во Скопје се одржува заедничко предавање на претседателката на државата, Гордана Сиљановска Давкова и претседателот на Црна Гора – Јаков Милатовиќ, вели СДСМ.„Но, на македонските професори од Правниот факултет во Скопје, МВР им оневозможи пристап на своите работни места, им забранани да влезат и на паркингот на Универзитетот, наводно поради безбедносни причини.Ова е повреда на автономијата на Универзитетот, чекори кои ги преземаат само авторитарни режими.Од кого се плаши власта? Од професорите? Од студентите? Од граѓаните?Професорите ли се закана за безбедноста на Сиљановска?Досега на Правниот факултет присуствувале бројни носители на највисоките државни функции но вакво нешто не се случило.Дали поради настаните во Србија и владата на Мицкоски е во параноја или ги спроведува истите тактики како нивната сестринска партија СНС“, се вели во соопштението.

Македонија | пред 1 месец

СДСМ: Со Мицкоски Македонија е на колена

СДСМ со остра реакција ја обвини Владата предводена од Христијан Мицкоски и ВМРО-ДПМНЕ дека ја довела државата во тешка состојба, оценувајќи дека Македонија се соочува со економски пад, зголемен криминал и нарушување на институциите.„На меѓународниот ден на шегата во Македонија ништо не е смешно“, соопштија од СДСМ.Од партијата наведуваат дека граѓаните се соочуваат со сериозни економски предизвици, со ниски плати и влошен животен стандард.„Граѓаните живеат тешко, платите се најниски во Европа, работниците едвај врзуваат крај со крај“, соопштија од СДСМ.Во реакцијата се посочуваат и економски показатели, при што се тврди дека има пад на индустриското производство и на странските инвестиции.„Економијата оди надолу. Во јануари 2026 година има пад на индустриското производство за 9,4% и историски пад од 61% на странските инвестиции во 2025 година“, соопштија од СДСМ.Партијата изнесува и обвинувања за корупција и злоупотреба на јавни средства.„Цветаат само криминалот и корупцијата. 161 тендер за само една фирма, 51 тендер за омилената компанија на власта преку општините, 9 милиони евра за фирма со еден вработен, 1,2 милиони евра преку Пошта за фирма блиска до ЗНАМ“, соопштија од СДСМ.Во делот за правосудството, СДСМ оценува дека институциите се под политичко влијание.„Правото и правната држава се погребани. Се врати времето на судиите и обвинителите од ‘тефтерчињата‘ и целосната контрола на власта над правосудството“, соопштија од СДСМ.Партијата тврди дека се прават обиди за ревидирање на случаи од минатото.„Се подготвува враќање на Никола Груевски. Преку дискредитација на предметите од СЈО и релативизирање на пресудите за нивно поништување“, соопштија од СДСМ.Во реакцијата се наведува и дека се намалуваат медиумските слободи и се врши притисок врз јавноста.„Се гуши слободата на говор со декрети во Собранието, се намалуваат медиумските слободи, над 40% од медиумите се под контрола на ВМРО-ОКГ преку Орбан“, соопштија од СДСМ.Дополнително, СДСМ оценува дека државата се соочува со пад на меѓународните индикатори за корупција.„На листата на Транспаренси интернешенал Македонија е на ниво на Буркина Фасо и Танзанија“, соопштија од СДСМ.Од партијата тврдат дека земјата се движи кон изолација од Европската Унија.„Власта свесно ја води земјата кон намерна изолација од ЕУ за да може да течат криминалните тендери зад грбот на народот“, соопштија од СДСМ.Во завршницата, СДСМ оценува дека актуелната власт ги загрозила националните интереси.„Мицкоски ги предаде македонските национални интереси. Наместо горда, Македонија денеска е на колена“, соопштија од СДСМ.

Македонија | пред 1 месец

СДСМ: Мицкоски е „прокси руски играч“ – обвинувања за врски со Москва

СДСМ со остри обвинувања кон лидерот на ВМРО-ДПМНЕ, Христијан Мицкоски, тврдејќи дека тој дејствува како „прокси руски играч“ и ја води државата кон изолација.Во партиското соопштение се наведува дека актуелната власт гради врски со, како што ги нарекуваат, проруски политички центри, посочувајќи ги контактите со унгарскиот премиер Виктор Орбан и министерот за надворешни работи Петер Сијарто, како и најавената соработка со Казахстан.СДСМ тврди дека овие чекори се дел од поширока стратегија што, според нив, ја оддалечува државата од европскиот пат и ја става во сфера на руско влијание. Во соопштението се споменуваат и врски на владини функционери со актери блиски до Москва, како и наводи за медиумско влијание.Партијата оценува дека ваквите политики значат напуштање на евроинтегративниот курс и повикува власта јавно да се изјасни за своите стратешки определби.Обвинувањата доаѓаат во контекст на засилени политички тензии и меѓупартиски конфронтации околу надворешната политика и геополитичката ориентација на државата.

Македонија | пред 2 месеци

Власта вклучува фирма од „црната листа“ на САД во енергетски бизнис, вели Димитријевиќ

Генералниот секретар на СДСМ, Александар Саша Димитријевиќ, обвини дека во енергетските планови на Владата е вклучена компанија поврзана со лице кое се наоѓа на „црната листа“ на САД.Според него, министерката за енергетика Сања Божиновска во Годишниот план за изградба на енергетски објекти за 2026 година ја вклучила компанијата „Хронос сум“, поврзана со црногорскиот бизнисмен Миодраг Давидовиќ.Димитријевиќ тврди дека Давидовиќ е на американска „црна листа“ поради сомнежи за перење пари и поврзаност со криминални структури, а неговата компанија, како што наведува, е дел од офшор мрежа со сопственички врски преку Панама.Според изнесеното, „Хронос сум“ поседува околу 900 хектари земјиште во штипскиот регион, наменето за изградба на фотоволтаични централи, но досега не започнала реализација на проектите.Од СДСМ обвинуваат дека станува збор за „стар бизнис модел“ кој повторно се активира, и бараат Владата веднаш да ја поништи одлуката, а Јавното обвинителство да отвори предмет и да го испита случајот.Обвинувањата доаѓаат во контекст на критики дека државната енергетска компанија трпи значителни загуби, додека, според опозицијата, паралелно се реализираат спорни приватни интереси во секторот.

Македонија | пред 2 месеци

Кузеска: Предавникот Мицкоски сака децениска изолација за свои лични профити

Портпаролката на СДСМ, Богданка Кузеска, остро ја обвини власта дека свесно го блокира европскиот пат на државата, тврдејќи дека премиерот Христијан Мицкоски ја води земјата кон децениска изолација поради лични интереси.Таа оцени дека актуелната политика не е случајна, туку намерно избрана за да се избегне надзор и одговорност, при што, како што рече, институциите се користат за спроведување на криминал и тендерски шеми.Кузеска постави серија прашања за, како што наведе, спорни практики во државата – од избор на обвинители, преку доделување тендери, до случаи поврзани со криминал и, како што посочи, институционални пропусти во чувствителни предмети.Според неа, ваквиот пристап директно влијае врз иднината на младите, на кои им се испраќа порака дека членството во Европската Унија ќе се одложува со години.Таа потсети и на, како што рече, неисполнетите ветувања на ВМРО-ДПМНЕ, обвинувајќи ја власта за лажен патриотизам и манипулација со јавноста.Кузеска истакна дека граѓаните се соочуваат со раст на цените и економски притисоци, додека, според неа, платите не го следат тој тренд, обвинувајќи ја власта дека ги игнорира реалните проблеми на населението.

Македонија | пред 2 месеци

СДСМ: „Лудилото нема крај – Заев работи за ВМРО?“

СДСМ со остра реакција по изјавите од ВМРО-ДПМНЕ, оценувајќи дека, како што велат, „лудилото нема крај“, откако според нив, од владејачката партија било изнесено тврдење дека поранешниот лидер Зоран Заев работи за нивни интереси.„Што кажа денеска ВМРО-ОКГ? Дека „Филипче ја уништувал СДСМ по насоки на Заев“.Лудилото нема крај.-Дубаи, зграда од 42 спрата, Харис Џиновиќ, Венеција, Дубаи, Сент Мориц, Башановиќ, Африка, еден тон црни кампањи и јавен линч врз претседателот Филипче.-Измислени афери, др Жан, Катица, Боки 13, штанцање негативни објави на 40% од медиумите на Орбан.-Платформа на ВМРО за рушење на СДСМ од внатре со поединци како Шилегов и Депостовски.-Лажни анкети.-Секојдневни напади и небулозни прес конференции.-Совети за „реформи“.-Постојано, секој ден теми за дефокус, додека народот нема ниту за леб.Сето ова за само 3 месеци.Најблиските соработници на Мицкоски, македонскиот Мадуро -Ивона, Латас, Бетмен - кои деноноќно водат црни кампањи против СДСМ и Филипче, веќе не знаат што да измислат и излажат.По сè, дојдовме до тоа и Заев да работи за ВМРО. Какво лудило.Анкетите им удрија во глава, полудеа од рејтингот и популарноста.А ние имаме „толку лош“ рејтинг што секој ден, по цел ден, се занимаваат со СДСМ“, велат од СДСМ.

Македонија | пред 2 месеци

(Видео) СДСМ преговара за „прелети“: Жерновски најави нов пратеник во групата на СДСМ, кој е тој?

Членот на Извршниот комитет на СДСМ, Андреј Жерновски, во поткастот „Претрес со Ландов“ најави дека партијата води разговори со пратеници за приклучување кон нивната пратеничка група во Собранието.Во разговорот со новинарот Кристијан Ландов, Жерновски посочи дека СДСМ е во процес на „окрупнување“, најавувајќи дека наскоро може да има нови пратеници во нивниот блок.„Колку што слушам, колку што читам, ние ќе се окрупниме денеска“, рече Жерновски, на што дополнително појасни дека станува збор за нови пратеници кои би се приклучиле.На прашањето колку пратеници се во прашање, тој одговори: „Засега еден мислам дека ќе биде, потоа два и така натаму“, посочувајќи дека процесот е во тек и дека се водат разговори и со поранешни коалициски партнери.Во дел од разговорот се отвори и темата за можни политички влијанија или мотиви зад ваквите трансфери, при што Жерновски ги отфрли наводите дека станува збор за „купување“ пратеници.На директно прашање дали евентуалните нови пратеници би можеле да дојдат од редовите на ЗНАМ, Жерновски не даде конкретен одговор, оставајќи простор за шпекулации.„Вие можете да сфатите како сакате, тоа е ваше право“, рече тој, без да ги потврди, но ниту да ги негира ваквите можности.Гледајте го поткастот тука:

Македонија | пред 2 месеци

СДСМ Аеродром: Митески и Ѓорѓиевски итно да го решат проблемот со паркирањето во Ново Лисиче

Градоначалникот Орце Ѓорѓиевски наместо да најавува нова зона во Ново Лисиче најавена уште пред 4 години од Тимчо Муцунски и Данела Арсовска, нека го одложи стартот на зоната во Реонски Центар со цел да ги воведе и двете зони истовремено. Тоа е барањето на граѓаните, велат од СДСМ Аеродром.„Го потсетуваме  Орце Ѓорѓиевски дека неговиот колега Дејан Митески уште во јули минатата година изјави дека Општина Аеродром изготвила проект и дека чека одобрување од Град Скопје за истовремено воведување на зонското паркирање во Ново Лисиче и во Реонски Центар.Граѓаните не забораваат. Истовременото воведување на зонското паркирање во Ново Лисиче и Реонски Центар е предизборно ветување на Дејан Митески.Трпението на жителите на Ново Лисиче е при крај. Градоначалникот Митески наместо да дели лекции за надлежностите на Општина Аеродром, нека седне со својот колега од Град Скопје и нека го договорат истовременото воведување на зонското паркирање во Ново Лисиче и во Реонски Центар.Парцијалното воведување на зонско паркирање прво во Реонски Центар, ќе предизвика уште поголемо продлабочување на хаосот со паркирањето во Ново Лисиче. И тоа Дејан Митески и Орце Ѓорѓиевски многу добро го знаат.Тоа што не го знаат е очигледно дека нивниот инает само го зголемува револтот на жителите на Ново лисиче кои немаат намера да останат неми во однос на ова прашање.Го потсетуваме Дејан Митески дека денеска е последен ден кога може да ја закаже итната седница на Советот на Општина Аеродром и заедно со Орце Ѓорѓиевски итно да го решат проблемот што вештачки го создадоа.  Доколку тоа не го направи нека биде подготвен да се соочи со револтот на нашите сограѓани од Ново Лисиче“, се вели во соопштението.

Скопје | пред 2 месеци

СДСМ: Предавникот Мицкоски отиде кај пријателот Орбан да преговара за Груевски

Мицкоски ги продава македонските национални интереси – а кај Орбан отиде за да договара враќање на Никола Груевски и уривање на правниот систем, велат од опозициската СДСМ..„Му ги исполни сите ветувања, му се оддолжи на Орбан што го чува Груевски, не задолжи 1 милијарда евра, обезбеди влез на 4iG во телекомникациите, следува влез на ќерка-фирма на унгарската Status Energy KFT во енергетиката.Го расчисти патот во ВМРО-ОКГ и ги смени сите потпретседатели. Ја презеде контролата над судството и обвинителството, водеше кампања против предметите на СЈО за рушење на пресудите на Груевски и создавање терен за ослободување на криминалната структура од одговорност.Политичката сцена во Унгарија се менува и поддршката за Виктор Орбан драматично опаѓа по серијата криминални скандали и антиевропските политики со кои одработува за Русија.Дури и од своите поддржувачи Орбан беше исвиркан на митинг.Што ќе се случува по падот на Орбан е клучно прашање за предавникот Мицкоски, Орбан и Груевски заедно.Што ќе се случи со 40% од медиумите во Македонија кои преку Орбан се ставени во служба и контрола на ВМРО-ОКГ?Што ќе биде со бизнисите на Орбан во Македонија кои Мицкоски му ги озоможи – во енергетиката и телекомуникациите, вклучително и интересите на компаниите како 4iG?Конечно, што ќе се случува со самиот Орбан?Обвинувањата за корупција во Унгарија се сериозни.Дали може да очекуваме и Орбан да дојде во Македонија заедно со Груевски“, се вели во соопштението.

Македонија | пред 2 месеци

СДСМ: Мицкоски денеска отиде кај Орбан за да договара враќање на Никола Груевски

Додека политичката сцена во Унгарија се менува, а поддршката за Виктор Орбан драматично опаѓа, Христијан Мицкоски останува тера со своите политики на изолација, корупција и одработување за туѓи интереси, велат од опозициската СДСМ.„Орбан, кој веќе е исвиркан и од сопствените поддржувачи на митинзи, е симбол на една политика која Европската Унија веќе не ја толерира. Коруптивна политика која служи на бизнис и руски интереси, наместо на европските вредности и иднината на граѓаните.Додека граѓаните на Унгарија го избираат европскиот пат Мицкоски ја турка Македонија во спротивна насока – кон изолација, неизвесност и назадување кое сака да трае со децении.Мицкоски ги продава македонските национални интереси а денеска отиде кај Орбан за да договара враќање на Никола Груевски.Какави други договори се прават зад затворени врати?Што ќе се случи со 40% од медиумите во Македонија кога ќе падне Орбан, кои ги контролира ВМРО?Што ќе биде со бизнисите на Орбан во Македонија, во енергетиката и телекомуникациите“, се вели во соопштението.

Македонија | пред 2 месеци

Филипче со порака до власта: Нема право да ја држи државата во изолација

Македонија нема децении за губење и иднината на државата не смее да биде ставена во застој и неизвесност, порача претседателот на СДСМ, Венко Филипче, на денешната прес-конференција.Тој истакна дека власта нема право да ја држи државата во изолација и да ја злоупотребува довербата на граѓаните, нагласувајќи дека станува збор за клучен момент за иднината на земјата.„Немаме децении за губење. Тоа се нашите животи, животите на нашите деца и внуци. Македонија не е создадена да стои во место и да се плаши во неизвесност, туку да оди напред, да биде слободна, демократска и европска држава“, рече Филипче.На прес-конференцијата, тој порача дека СДСМ заедно со коалициските партнери е подготвен да се спротивстави на, како што оцени, погрешните политики на власта и да ја води борбата за европска Македонија.„Ќе се бориме уште посилно и поодлучно. Да се обединиме околу идејата за напредна држава, со европски плати, повисок животен стандард и нула корупција“, изјави Филипче.Тој додаде дека нема да дозволи да згасне темата за членството во Европската Унија, ниту, како што рече, сонот на граѓаните за европска иднина, нагласувајќи дека целта останува враќање на државата на европскиот пат.

Македонија | пред 2 месеци

Филипче: Со Мицкоски нема ЕУ – следуваат децении сиромаштија и иселување

Претседателот на СДСМ, Венко Филипче, на прес-конференција упати остри критики кон премиерот Христијан Мицкоски, обвинувајќи го дека ги предал македонските национални интереси и ја турка земјата кон изолација.Филипче оцени дека изјавите на Мицкоски за можноста Македонија да чека со децении за членство во Европската Унија се доказ за, како што рече, погрешна и штетна политика.„Со Мицкоски и неговата организирана криминална група нема членство во ЕУ. Тоа значи децении сиромаштија, засилено иселување на младите и загубени генерации“, изјави Филипче.Тој обвини дека власта работи во интерес на странски центри, наведувајќи дека, според него, државата се оттурнува од европскиот пат.„Мицкоски ја турка земјата во изолација и работи за странски интереси – од српски, унгарски, па сè до руски“, рече Филипче, додавајќи дека власта создава услови за, како што наведе, криминал и корупција без контрола.Во обраќањето, лидерот на СДСМ потенцираше дека членството во Европската Унија значи економски напредок, повисок животен стандард и пристап до значајни финансиски средства.„Немаме децении за губење. Тоа се нашите животи и иднината на нашите деца. Македонија е создадена да оди напред, а не да чека и да тоне во неизвесност“, изјави тој.Филипче најави дека СДСМ и коалициските партнери ќе се спротивстават на, како што рече, ваквите политики и ќе ја водат борбата за европска Македонија.„Ќе ја вратиме државата на европскиот колосек. Како што ја внесовме во НАТО, така ќе ја внесеме и во Европската Унија“, порача Филипче.

Македонија | пред 2 месеци

СДСМ Аеродром: Селективното зонско ќе создаде хаос во Ново Лисиче

Советничката група на СДСМ во Општина Аеродром побара итно одложување на воведувањето на зонското паркирање во зоната D12 во Реонски центар, оценувајќи дека ваквата одлука ќе го продлабочи проблемот со паркирањето во Ново Лисиче.Од СДСМ информираат дека побарале итна седница на Советот на Општина Аеродром, на која треба да се донесе заклучок со кој градоначалникот Дејан Митески ќе биде задолжен, во координација со Град Скопје и ЈП „Градски паркинг“, да преземе активности за одложување на примената на зонското во Реонски Центар и истовремено да го забрза воведувањето во Ново Лисиче.Барањето, како што посочуваат, доаѓа поради бурните реакции на жителите на Ново Лисиче, кои стравуваат дека селективното воведување на зонското ќе предизвика дополнителен притисок врз веќе недоволниот паркинг простор во нивната населба.Според СДСМ, жителите на Ново Лисиче веќе подолг период се соочуваат со недостиг на паркинг места, особено по воведувањето на зонско паркирање зад трговските центри „Капитол“ и „Бисер“, а најавената примена на зоната D12 од 1 април само ќе го влоши проблемот.Партијата предупредува дека селективниот пристап доведува до пренасочување на возилата кон нерегулираните зони, што дополнително ги отежнува условите за паркирање.Од СДСМ потенцираат дека зонското паркирање треба да се спроведе исклучиво паралелно и координирано во двата реони, со цел да се обезбеди правична распределба на паркинг просторот и да се избегне дополнителен сообраќаен хаос во најгусто населената општина во Скопје.Воедно, тие бараат итна реакција од локалната власт и мнозинството во Советот предводено од ВМРО-ДПМНЕ, со цел навремено да се спречат последиците од, како што велат, несериозниот пристап кон овој долгогодишен проблем.

Скопје | пред 2 месеци

СДСМ: Паричник анкета

Додека цените на храната, сметките, горивото растат постојано, платите на македонските граѓани остануваат најниски во Европа и недоволни за достоинствен живот, велат од СДСМ.„Постои една анкета која власта не може да ја манипулира, не може да ја нарача и не може да ја сокрие.Тоа е „паричник анкетата“.Кога граѓаните ќе го отворат својот паричник, кога ќе погледнат во својот џеб колку пари имат. Е тоа е вистинската анкета за „рејтингот“ на власта.Реалноста е во џебот на секој граѓанин и таа реалност е сурова. Нема поголема вистина за рејтингот од празниот паричник од празниот џеб.Граѓаните немаат пари и едвај врзвуваат крај со крај.Секое семејство, секој работник, секој млад човек ја знае оваа вистина преку сопствениот паричник.Нема поголема анкета од оваа.Нема леб, но затоа има игри!Македонија повторно горда“, се вели во соопштението.

Македонија | пред 2 месеци

СДСМ: Мицкоски призна, со ВМРО-ОК Македонија нема да стане членка на ЕУ - предадени се националните интереси

Со последната изјава на Христијан Мицкоски дека „поготвени сме да чекаме и децении, нема да има уставни измени“, лидерот на ВМРО-ДПМНЕ, според СДСМ, признал дека ја турка Македонија во изолација и спречува членство во Европската Унија.Од партијата истакнуваат дека ваквиот став значи со децении загарантирана сиромаштија, зголемено иселување на младите, како и неконтролиран криминал и корупција на штета на граѓаните.„Мицкоски, со часовници вредни 60.000 евра, бизнис мрежа и тендер коалиција што врти милиони, им вели на граѓаните дека ќе чекаат децении. Но, народот и работниците, со ниски плати и високи цени, ќе бидат принудени да бараат спас надвор од земјата“, велат од СДСМ.Партијата додава дека целта на Мицкоски е личен и партиски криминал, додека националните интереси и граѓаните се доведени на колена. Според СДСМ, ветувањата за враќање на името и подобра преговарачка рамка се излажани, а Македонија сега се соочува со сериозни последици од неговата политика.

Македонија | пред 2 месеци

СДСМ: ВМРО-ДПМНЕ секојдневно се занимава со нас

Од СДСМ денеска ја критикуваат опозициската ВМРО-ДПМНЕ за, како што велат, секојдневни напади и „црна кампања“ против партијата и нејзиниот претседател, министерот за здравство Венко Филипче. Според партијата, опозицијата шири измислени афери, лажни анкети и негативни објави во дел од медиумите.„ВМРО-ДПМНЕ се обидува да не дискредитира од сите страни – преку јавен линч, небулозни прес-конференции, совети за реформи и платформи за рушење на СДСМ од внатре“, се вели во соопштението на партијата.Од СДСМ додаваат дека, и покрај овие напади, граѓаните ги препознаваат резултатите на партијата, која, според нив, ги исполнила ветувањата, вклучувајќи ја и смената на името на државата.Партијата исто така укажува на потребата за внимателно работење со анкетите и медиумските трошоци, со цел да се одржи довербата на граѓаните.„Македонија повторно горда“, завршува соопштението на СДСМ.

Македонија | пред 2 месеци

Мицкоски за Филипче: „Неговите изјави се за хумор и сатира, не се распаѓа коалицијата со ЗНАМ“

Премиерот Христијан Мицкоски со ироничен тон одговори на изјавите на лидерот на СДСМ, Венко Филипче, кој тврди дека се распаѓа коалицијата меѓу ВМРО-ДПМНЕ и ЗНАМ.„Понекогаш во поинаква рубрика треба да се коментираат неговите изјави – имаше порано хумор и сатира, можеби таму е местото за тие изјави“, изјави Мицкоски.На директното прашање дали има вистина во тврдењата за распад на коалицијата, премиерот кратко одговори: „Апсолутно не“.Со ова, Мицкоски ги отфрли шпекулациите за нарушени односи во владејачкото мнозинство, оценувајќи ги како неосновани политички конструкции.

Македонија | пред 2 месеци

Манасиевски: СДС падна под 5% доверба, ПР стратегиите не помагаат

Членот на Централниот комитет на ВМРО-ДПМНЕ, Валентин Манасиевски, обвини дека ПР политиките на Башановиќ го довеле СДСМ до историски најнизок рејтинг кај граѓаните.Според Манасиевски, лидерот на СДСМ, Венко Филипче, ужива доверба од само 3,6 проценти, додека самата партија има поддршка од 4,9 проценти.„ПР политиките на Башановиќ го допреа дното во СДС. Со вакви политики и однос кон граѓаните и медиумите – и овој рејтинг им е добар“, наведува Манасиевски.Тој додава дека, според него, тврдењата на СДСМ за раст на довербата кај граѓаните се покажале како неточни, оценувајќи дека „уште една лага се распрснала како меур од сапуница“.Во изјавата се посочува и дека во партиското седиште на СДСМ, познато како Бихаќка, владее неизвесност поради, како што наведува Манасиевски, слабите рејтинзи.Како можни решенија, тој ги посочува промена на ПР стратегијата или раководството, предупредувајќи дека во спротивно СДСМ го очекува „длабока хибернација во опозиција“.Изјавата доаѓа во период на засилени меѓупартиски обвинувања и спротивставени интерпретации на анкетите за доверба кај граѓаните.

Македонија | пред 2 месеци

Две недели без клучни лекови на Онкологија – „за тендери има, за живот нема“, вели СДСМ

Членката на Извршниот одбор на СДСМ, Рената Младеновска, обвини дека веќе две недели на Клиника за онкологија недостигаат клучни лекови за пациентите со рак, оценувајќи ја состојбата како „скандалозна и недозволива“.Според неа, меѓу терапиите што недостасуваат се Фезго, Палбоциклиб, Рибоциклиб и други основни лекови без кои, како што нагласи, не може да продолжи третманот на пациентите.Младеновска предупреди дека ваквата состојба создава неизвесност, страв и агонија кај пациентите кои се борат за својот живот, потенцирајќи дека секој изгубен ден без терапија може да значи влошување на здравствената состојба.Таа ја обвини власта дека не обезбедува средства за лекови, додека, според неа, се трошат значителни средства преку тендери, наведувајќи примери за, како што рече, високи износи доделени на одредени компании.Дополнително, посочи дека состојбата во здравството е сериозно нарушена, со проблеми на повеќе нивоа, вклучително и односот кон медицинскиот кадар.Во контекст на институционалната одговорност, таа го спомена и Фонд за здравствено осигурување, оценувајќи дека потребни се итни мерки за надминување на состојбата.Од СДСМ бараат итна истрага за причините за недостигот на лекови и утврдување одговорност кај сите инволвирани, нагласувајќи дека пациентите не смеат да бидат жртви на, како што велат, нефункционален систем.

Македонија | пред 2 месеци

Опозицијата со тешки обвинувања: „РЕК управуван од нестручни кадри, цената ја плаќаат граѓаните“

Членот на Извршниот одбор на СДСМ, Драган Крајовски, обвини дека граѓаните на Битола се „колатерална штета“ на, како што наведе, бизнис интересите на власта и побара итна истрага за наводното труење на вработени во РЕК Битола.„Денес Битола е на колена“, изјави Крајовски, посочувајќи на, според него, сериозни инфраструктурни проблеми, поплави, диви депонии и зголемени комунални трошоци кои дополнително го оптоваруваат животниот стандард на граѓаните.Тој обвини дека управувањето со институциите е партизирано, со поставување нестручни кадри, што, како што рече, довело до нефункционалност на системот. Како пример го наведе раководењето со РЕК Битола, оценувајќи дека изборот на директор не бил во согласност со стручноста што ја бара позицијата.Крајовски изнесе и сериозни обвинувања за здравствената состојба на вработените, тврдејќи дека „стотици“ лица завршиле на лекување поради труење, дел на Инфективното одделение, а дел со компликации на други клиники.Според него, првичните реакции на надлежните биле несоодветни, со што, како што тврди, наместо да се охрабрат вработените да побараат медицинска помош, тие биле обвинети за злоупотреба.„Со лошо менаџирање, цената секогаш ја плаќаат граѓаните“, изјави Крајовски, додавајќи дека е потребно итно да се утврди одговорност.Од СДСМ бараат целосна истрага, преиспитување на сите одлуки кои, според нив, имаат директно влијание врз здравјето и животниот стандард на битолчани, како и санкции за одговорните лица.

Македонија | пред 2 месеци

СДСМ со „фрижидер анкета“: Рејтингот се мери со празна трпеза

СДСМ излезе со остра критика за растот на цените. Тие велат дека тоа е вистинската слика за состојбата во државата, која не се гледа во анкетите, туку во фрижидерите на граѓаните.Од партијата велат дека цените на основните прехранбени производи континуирано растат, посочувајќи дека пиперките достигнале 300 денари за килограм, доматите над 200 денари, зејтинот 118 денари, а јајцата над 110 денари.„Цените до плафон – рејтингот до плафон. Во маркетите шок, а во фрижидерите – празнина“, наведуваат од СДСМ.Тие порачуваат дека со приближувањето на Велигден, секое семејство ќе ја почувствува реалната економска состојба.„Нема поголема анкета од фрижидерот. Нема поголема вистина за рејтингот од празната трпеза“, се додава во реакцијата.Од СДСМ обвинуваат дека граѓаните се соочуваат со сè поголем притисок врз домашниот буџет, додека, како што велат, власта се обидува да ја прикаже ситуацијата како стабилна.„Нема леб, но затоа има игри“, порачуваат од партијата, оценувајќи дека реалноста за граѓаните е далеку од официјалните наративи.

Македонија | пред 2 месеци