СДСМ

„Од лошо – полошо“: СДСМ со остри критики за економските политики

Опозициската СДСМ обвинува дека македонската економија бележи сериозен пад, посочувајќи на најновите податоци за индустриското производство и странските инвестиции.Според партијата, индустриското производство во јануари годинава е намалено за 9,4% во однос на истиот период лани, додека на месечно ниво падот изнесува 13,9%.СДСМ наведува дека негативните трендови се забележуваат и кај странските директни инвестиции, кои, според податоците од Народната банка, се намалени за 61% во 2025 година, односно за 729 милиони евра помалку во споредба со претходната година.„Овие бројки го покажуваат дебаклот на економските политики на Владата предводена од Христијан Мицкоски“, велат од СДСМ.Оттаму додаваат дека веќе има затворање на погони, намалено производство и губење на работни места, како и пад на бројот на вработени во индустријата, што, според нив, директно влијае врз животниот стандард на граѓаните.Воедно, посочуваат дека задолженоста на граѓаните и компаниите кон банките достигнала 9,1 милијарди евра.СДСМ ја обвинува власта дека наместо конкретни економски мерки, прави „дефокус“ во јавноста и избегнува справување со реалните проблеми.„Потребни се итни мерки за стабилизација на економијата, намалување на цените и поддршка на индустријата која тоне“, порачуваат од партијата, повикувајќи на свикување вонредна владина седница.

Македонија | пред 2 месеци

Кој од власта стои зад новиот корупциски скандал во земјоделието?, прашува СДСМ по апсењето на директорот Анкиев

СДСМ обвини дека последниот случај со апсењето на директорот на Државниот инспекторат за земјоделство, Васе Анакиев, претставува сериозен показател за, како што велат, системска корупција во институциите под раководство на Владата.Од опозициската партија посочуваат дека Анакиев е лишен од слобода под сомнение за примање поткуп од 50.000 евра, оценувајќи дека станува збор за „уште еден доказ“ за, како што наведуваат, организирано делување на власта.СДСМ потсетува дека неодамна беше отворен и друг случај поврзан со земјоделскиот сектор, во кој директор на Агенцијата за финансиска поддршка во земјоделството беше исто така осомничен за примање мито во ист износ.Според партијата, ваквите случаи имаат директни последици врз земјоделците и врз функционирањето на системот. Тие наведуваат дека поради корупциски скандали била суспендирана ИПАРД 3 програмата вредна 130 милиони евра, како и дека се намалени субвенциите и откупните цени.„Прашањето е кој друг од власта е вмешан? Не може толку многу корупција да има на пониските ешалони, а врвот да не знаел“, наведуваат од СДСМ.Од партијата бараат темелна истрага која ќе ја утврди одговорноста „од првиот до последниот“, нагласувајќи дека институциите треба да постапуваат неселективно.

Македонија | пред 2 месеци

„Игри има, резултати нема“ – нов напад од СДСМ кон ВМРО-ДПМНЕ

СДСМ со остар тон реагираше на, како што велат, обидите на ВМРО-ДПМНЕ преку ангажирање на странски ПР агенции да влијае врз јавноста, оценувајќи дека таквите стратегии не даваат резултати.Од партијата наведуваат дека, наместо решенија за граѓаните, власта се занимава со „игри“, додека, како што велат, реални резултати изостануваат.„Сè уште игри, леб никаде“, порачуваат од СДСМ, обвинувајќи дека ВМРО-ДПМНЕ ангажира низа ПР експерти и агенции од Србија, но без ефект врз јавноста.Според нив, граѓаните веќе ги препознале овие, како што ги нарекуваат, „дефокусирачки тактики“, поради што, тврдат, владејачката партија бележи пад на рејтингот.Во соопштението, СДСМ изнесува и сериозни обвинувања за поврзаност на лица од власта со криминал и корупција, наведувајќи дека дел од тие кадри веќе се соочуваат со постапки, додека други, како што велат, се во бегство.„Ако навистина сакате борба против криминал и корупција, почнете од сопствените редови“, порачуваат од СДСМ.Партијата исто така ја критикува реториката на ВМРО-ДПМНЕ во однос на националните прашања, оценувајќи дека тврдењата за загрозен идентитет се неосновани и дека тие наративи повеќе не поминуваат кај граѓаните.Во завршницата, од СДСМ порачуваат дека, како што велат, „лагите имаат кратки нозе“ и најавуваат одговорност за, според нив, сите злоупотреби.

Македонија | пред 2 месеци

СДСМ: Платформата на ВМРО за урнување на СДСМ“ не помина, па сега Башановиќ?!

Леб нема, ама има игри… ВМРО никако не може да сфати дека кај граѓаните дефокусот повеќе не поминува. Дефокусот не го полни фрижидерот. Дефокусот не ги крева платите, не ги намалува цените на нафтата, велат од СДСМ.„Дефокусот не дава подобри услови за образование и здравство.Дефокусот не може да ги среди криминалот и корупцијата.Дефокусот не може да го избрише апсењето на директорот од ВМРО за мито во скандалот со ИПАРД 3, не може да се заборави вчерашното апсење на директорот на Инспекторатот за земјоделие за земање мито.Дефокусот не може да ви го подигне овој историски низок рејтинг на анкетите. Едноставно не може.Дефокусот повеќе не поминува, затоа што веќе не сте опозиција за да ветувате промена на името, а да не направите ништо.Повеќе не поминува предавството на националните интереси, затоа што вие контролирате 40% од медиумите во земјата, а на останатите слободни медиуми пробувате да влијаете со притисок и финансиски средства, за преку нив да креирате слика во јавноста.Единствените предавници сте вие! ВМРО-ОКГ!Ги предадовте своите гласачи, ги излажавте дека БЈРМ или ФИРОМ е подобро од Северна Македонија, ги излажавте дека е подобра изолацијата од ЕУ, ги излажавте дека е подобро сами отколку со НАТО!Сите ги излажавте.Знаете како сега граѓаните знаат?Го отвораат фрижидерот, одат на бензинска пумпа или не одат на одмор.Поради гужвите што ќе ги има на границите и системот ЕЕС (тоа камионџиите најдобро го знаат), на листата за американски визи сме зад земјите од третиот свет, а најверојатно и поради пари.Во извештајот на Freedom House сме најлоши, единствено полоша е Србија, т.е. вашата сестринска партија СНС и Вучиќ.Знаете како уште граѓаните знаат дека лажете?Затоа што нема пари!Зошто? Поради тендерите!Поради вашата организирана криминална група и нарко-картел. Поради вашата тендер-коалиција со ЗНАМ, кои, исто како и вие, ги предадоа своите гласачи.Поради цената на струјата!Поради Адамовиќ, Вучевиќ, поради Лазаревиќ и Руднап, поради СНС… и на крај сè тоа поради Мицкоски, македонскиот Мадуро.Ете затоа!Навикнавте Башановиќ, Харис Џиновиќ, д-р Жан, Артан Груби, Катица Јанева, Боки 13 и останатите да поминуваат додека бевте во опозиција.Немавте одговорност.Сега, кога Европа ве смета за „тројански коњ“, кога нема пари во буџетот, кога нема напредок во евроинтеграциите, ниту националната приказна повеќе поминува.Знаете зошто? Затоа што ЕУ е национален интерес, а не Белорусија, Северна Кореја и Русија.Едноставно, ДЕФОКУСОТ повеќе не може да ги покрие сите ваши лаги, не може!!!Штом веќе го пуштате Башановиќ, пуштете ги и вашите Израелци и Вучиќ, па да го гледаме целиот филм.Само кажете кога, да земеме пуканки.Нема да ви дозволиме да направите од Македонија Венецуела и Колумбија!Сите ќе одговарате! Поздрав од Бихаќка“, се вели во соопштението.

Македонија | пред 2 месеци

СДСМ: Власта итно да ги прифати мерките за намалување на цените на горивата и храната

Зголемување на цените на горивата и прехранбените производи, поскапување на потрошувачката кошничка за 2.500 денари, пад на индустријата од 9,4% раст на задолжувањата врз грбот на граѓаните, долгови на граѓаните и компаниите кај банките од 9,1 милијарди евра, ова е тешката реалност во која живеат граѓаните денес, велат од СДСМ.„Доколку продолжи судирот на Блискиот Исток се предвидува зголемување на цената на нафтата и за 80%. Следува нов бран на сиромаштија, дополнителен удар врз семејните буџети и сериозен пад на животниот стандард.Не може владата во вакви услови да не презема мерки а Мицкоски да се шета на прослави на ЕПП.Недозволиво е цените секојдневно да растат, а Владата да одбива да ги покачи платите и веќе две недели да не презема ништо за да ги заштити граѓаните.СДСМ има готови и применливи законски решенија за намалување на цените на горивата и храната.-Намалување на ДДВ за горивата од 18% на 5%-Намалување на акцизата за 4 денари по литар-Укинување на ДДВ за основните прехранбени производи-Преполовување на цените на патаринитеВладата мора итно да ги прифати овие мерки. Секое одложување значи нов удар врз граѓаните“, се вели во соопштението.

Македонија | пред 2 месеци

СДСМ: Земјоделците се без пари затоа што криминалците во власта ги крадат

Нови докази за Организираната криминална група, нов корупциски скандал во земјоделието поврзан со мито на државни функционери блиски до ВМРО, велат од СДСМ.„Како што објавија медиумите Директорот на државниот инспекторат за земјоделие, Васе Анакиев, бил фатен „на дело“ при примање поткуп во износ од околу 50.000 евра.Ова само уште еден скандал во низата кој покажува дека криминалците во власта на ги крадат граѓаните, ги крадат земјоделците, и тоа на големо.ИПАРД 3 програмата вредна 130 милиони евра беше суспендирана токму поради корупцискиот скандал на ВМРО каде директорот на Агенцијата за финансиска поддршка за земјоделството и руралниот развој беше уапсен исто така за мито од 50.000 евра.Поради корупцијата на кадрите на Мицкоски и ВМРО во земјоделието нема пари за земјоделците во Македонија.Субвенциите се намалени за 40%, цените на горивото се покачени, откупните цени се понижувачки мали, зимската зелка се откупува за само 6 до 8 денари, лозарите се исто така оставени со ниски откупни цени и владата одби да го прифати предлогот на СДСМ за плус 3 денари по килограм. Буквално секој сегмент во земјоделието е во катастрофално лоша состојба.Нема пари за земјоделците заради корупцијата на ВМРО-ОКГ“, се вели во соопштението.

Македонија | пред 2 месеци

ВМРО-ДПМНЕ: Единствено што во Македонија е загрозено, е опстанокот на СДС на политичката сцена

ВМРО-ДПМНЕ реагира на обвинувањата на СДС, оценувајќи дека партијата се обидува да направи спектакл од нешто што не постои. Во соопштението се наведува дека додека СДС тврди дека „во Македонија има назадување и загрозување на слободата“, објавените податоци ги демантираат нивните тврдења.Според извештајот на Freedom House за 2025 година, слободите во државата се во нагорна линија, односно има „зголемување на слободата“. Во соопштението се нагласува дека „ова е реткост во регионот, бидејќи речиси сите соседни држави бележат пад“, а тоа може да се види и од објавената слика од СДС самиот.Во категоријата „делумно слободни“ земји, Македонија со индекс на слобода 67 се наоѓа заедно со Црна Гора (69), Албанија (68), Косово (60), Србија (56) и Босна и Херцеговина (52). Од овие податоци, според ВМРО-ДПМНЕ, „земјите што се пред нас, Црна Гора и Албанија, имаат само минимална предност“.Во соопштението се додава: „Кога СДС вели дека во Македонија се загрозени слободите, им порачуваме дека во државата ништо не е загрозено, освен опстанокот на СДС на политичката сцена, која стана трета партија во државата и петта во Скопје. Изгубени во својата безидејност, со сигурни чекори се движат кон биолошкиот праг и кон целосно исчезнување.“

Македонија | пред 2 месеци

СДСМ: Извештајот на „Фридом хаус“ е потврда за загрозените слободи во Македонија

Последниот извештај на „Фридом хаус“ ја потврдува состојбата на Македонија како „делумно слободна земја“. Според СДСМ, тие велат дека „ако се спореди со времето на СДСМ, во 2021 година Македонија беше прва во регионот, единствената земја со демократски напредок во Западен Балкан односно со втор најдобар резултат во Европа“.Со доаѓањето на ВМРО-ДПМНЕ и Мицкоски на власт, СДСМ тврди дека „состојбата со човековите и со медиумските слободи се влошува. Единствено полоши се состојбите во Србија, каде што на власт е сестринската партија на ВМРО-СНС. Но, ВМРО се труди да ги стигне“.Дополнително, според нив, Македонија забележала пад од шест места на Индексот за слобода на медиумите на „Репортери без граници“ за 2025 година, од 36. на 42. позиција. Тие велат дека „овие извештаи се уште една потврда на сето она што СДСМ го говори во изминатиот период. Медиумски хајки против СДСМ и претседателот Филипче, измислени афери, црни кампањи, контрола врз 40% од медиумите преку Орбан, Декрет за забрана на говорот во Собранието. Резултатот е пад на човековите и на медиумските слободи“.СДСМ додава дека „Македонија се враќа во времето на Никола Груевски на нарушени слободи, медиумски мрак, хајки против опозицијата и јавни линчови“.

Македонија | пред 2 месеци

Да се намали акцизата на горивата, ДДВ-то на основните прехрамбени производи, цената на патарините, бара Филипче

Претседателот на СДСМ, Венко Филипче, најави дека партијата во текот на денот ќе поднесе пакет законски предлози со цел намалување на ценовниот притисок врз граѓаните, во услови на растечки трошоци за живот.„Ќе ги поднесеме нашите предлог-закони за намалување на акцизата на горивата, намалување на ДДВ-то за основните прехранбени производи и преполовување на патарините. Апелираме до оваа ненародна, корумпирана власт да ги прифати и да им излезе во пресрет на граѓаните“, изјави Филипче.Тој оцени дека Владата не презема соодветни мерки во време на економска криза и раст на цените.„Не растат платите, а наместо итни владини седници за помош на граѓаните, владиниот тим се шета во Брисел на прослави“, рече Филипче.Лидерот на СДСМ предупреди дека граѓаните се соочуваат со сериозен економски притисок, особено поради најавените поскапувања на струјата и растот на цените на основните производи.„Кога граѓаните утре нема да можат да ги платат надуените сметки за струја и нема да можат да обезбедат ни половина од потрошувачката кошничка, треба да се сетат дека премиерот бил на прослава на ЕПП“, додаде Филипче.

Македонија | пред 2 месеци

Ако не разбирате, премиерот работи на изолација на државата како што лаеше дека ќе го врати ФИРМ за да не бидеме НАТО држава, рече Филипче

Претседателот на СДСМ, Венко Филипче, остро го критикуваше премиерот и Владата, обвинувајќи дека наместо напредок кон Европската Унија, државата се води кон изолација и стагнација. Тој бара Бугарите да се внесат во Уставот.„Тој не зборува за пристапувањето на Македонија во ЕУ затоа што тоа не го интересира. Зборува за спроведени реформи, а се поставува прашањето – за кои реформи, кога ниту еден закон од областа на правосудството не беше донесен“, рече Филипче.Тој посочи дека единствените измени што биле направени се спротивни на препораките од оценската мисија, прашувајќи дали премиерот ќе зборува и за тие законски решенија.„Ако некој не разбрал, да преведам – премиерот работи на изолација на државата. Исто како што лаеше дека ќе го врати името – ФИРОМ, БЈРМ, со тоа да не бидеме НАТО држава. Манипулативниот ПР тим мора да внимава на секоја реченица“, изјави Филипче.Тој обвини дека, според него, станува збор за „организирана криминална структура“ која, како што рече, преку медиуми под контрола и со поддршка од странство, води антиевропска кампања.„Се создаваат намерни конфликти и се шират лаги за бугарска завера. Тоа е стар, веќе виден рецепт за задржување на власта, по цена на иднината на државата“, додаде лидерот на СДСМ.Филипче отвори и економски прашања, потенцирајќи дека Владата не дава одговор колку ја чини државата тоа што не се отвораат преговорите со ЕУ.„Дали некој пресметал колку средства би добиле граѓаните ако се отворат пристапните преговори?“, праша тој.Дополнително, предупреди и на геополитички ризици, посочувајќи дека евентуална промена на политичката сцена во Европа може да ја затвори вратата за проширување.„Кој ќе преземе одговорност ако следната година во Франција победи десница за која проширувањето не е приоритет? Кој ако Албанија стане членка пред нас и ни се наметнат нови услови?“, рече Филипче.Тој ја критикуваше и, како што рече, незаинтересираноста на премиерот за домашните проблеми.„Премиерот не е загрижен – тој е на самит на ЕПП на сметка на граѓаните, додека тука растат цените и се најавува поскапување на струјата“, додаде Филипче.

Македонија | пред 2 месеци

СДСМ: Наместо економски мерки –дефокус и Платформата на ВМРО во обид за рушење на СДСМ

Паниката во редовите на ВМРО од паднатиот рејтинг, бројните криминални скандали кои ги објавува АКТ и катастрофата во економијата ја извади на површина Платформата за рушење на СДСМ, велат од СДСМ.„Ниту една црна кампања против СДСМ и против претседателот Венко Филипче не им помина, граѓаните го препознаа дефокусот.Се уверија дека не можат да го скршат АКТ и раководството на СДСМ и ВМРО-ОКГ го употреби својот последен адут.Осмислија ‘Платформа за рушење на СДСМ од внатре’ за создавање на некаков ДОС во кој нема место за СДСМ – најголемата но и единствеата неконтролирана опозиција во Македонија.Сè уште не почнале, нема имиња, а веќе се оградуваат од Шилегов, предлагачот на платформата. Како ли ќе останат единствени кога ќе излезат имињата?Во брифингот објавен во медиумите велат дека ВМРО е силна партија, а опозицијата е распарчена на мали партии.Со тоа докажуваат дека дополнително сакаат да ја распарчат. Го споменуваат ЗНАМ бидејќи пропадна. ЗНАМ нема повеќе никаква поддршка, затоа што граѓаните сфатија дека го покажаа своето продадено лице во тендер-коалицијата.Кога ќе излезе списокот, на граѓаните ќе им стане јасно кои се тие што, како што велат, „не се борат за фотелји“.СДСМ е единствената опозиција, единствената неконтролирана партија што се бори власта да се врати во рацете на граѓаните.Ние нема да дозволиме да се руши СДСМ. Овие очајнички обиди на ВМРО нема да успеат.СДСМ има нова сила – нова енергија. Единствени зад борбата против криманлната власт на Мицкоски и ВМРО“, се вели во соопштението.

Македонија | пред 2 месеци

СДСМ: Новиот јавен обивнител го чека многу работа

Новиот јавен обивнител го чека многу работа, велат од опозициската СДСМ.„Три месеци чекаме, нема никаква реакција на криминалните тендери и скандалите на власта кои ги објави Антикорупцискиот тим на СДСМ.-Скандалот со 161 тендер за семејната фирма на Томовски.-Скандалот со 51 тендер преку општините за омилената фирма на власта Пирамид Билдинг. Сопственикот бил член на Избирачки одбор од ВМРО.-Скандалот со 74 тендери за Ленди груп.-Скандалот со 9 милиони евра за фирма со само двајца вработени.-Скандалот со тендерот од 1,2 милиони евра за фирма блиска до ЗНАМ преку Пошта.Милионски тендери добиваат едни исти фирми блиски до власта, станува збор за милиони евра, пари на граѓаните и за ова одговорност мора да има.Очекуваме да работи и на бизнис шемите на Мицкоски, без разлика што е претседател на Владата! Тоа ќе ја покаже неговата независност и дека законот важи за сите.СДСМ и граѓаните внимателно ќе следиме дали новиот Јавен обвинител ќе постапува независно, професионално и непристрасно или под диктат на владата.Предметите се тука. Нека ја врши својата работа. Законот мора да биде еднаков за сите а правдата мора да биде достижна“, се вели во соопштението,

Македонија | пред 2 месеци

Нови обвинувања: Паниката во ВМРО ја извади на површина Платформата за рушење на СДСМ

СДСМ обвини дека, како што велат, паниката во редовите на ВМРО-ДПМНЕ довела до активирање на „Платформата за рушење на СДСМ“, оценувајќи дека станува збор за координирана кампања насочена кон внатрешно слабеење на партијата.Од СДСМ тврдат дека, по низа објавени скандали и, според нив, пад на поддршката кај власта, ВМРО-ДПМНЕ се обидува со дефокус и политички напади да ја пренасочи јавноста.„ВМРО е толку многу паднато што и нивните анкети тоа го покажуваат. Немаат одговор на ниту едно прашање, ниту на скандалите што ги објавивме, ниту резултати“, соопштија од партијата.Во соопштението се наведуваат и обвинувања за, како што велат, „криминални тендери“ и „бизнис мрежи во енергетиката“, како и за наводни обиди за медиумски и политички притисок.СДСМ тврди дека, по неуспешните кампањи и, како што наведуваат, „измислени афери“, следувале обиди за внатрешно дестабилизирање на партијата.„Потоа следеа обиди за рушење на СДСМ одвнатре. Ниту тоа не успеа. Затоа денес ја вадат ‘Платформата’ како последен адут“, велат од СДСМ.Партијата обвини дека се прават обиди за создавање нов политички блок без СДСМ и за, како што наведуваат, дополнително распарчување на опозицијата.„СДСМ е единствената неконтролирана опозиција која се бори власта да се врати кај граѓаните“, се додава во реакцијата.Од СДСМ порачуваат дека ќе продолжат, како што велат, со објавување на информации за „криминално-коруптивни дејствија“ и ќе се залагаат за европски реформи, слобода на медиуми и институционален систем.

Македонија | пред 2 месеци

Петрушевски: СДС и ССМ ја губат поддршката, протестите се политички театар

Пратеникот од ВМРО-ДПМНЕ, Бране Петрушевски, обвини дека СДСМ и Сојузот на синдикати на Македонија (ССМ) ја губат поддршката од граѓаните и дека нивните обиди за, како што рече, манипулација со работниците не успеваат.Во изјава до јавноста, Петрушевски оцени дека протестот организиран од ССМ не бил автентичен израз на незадоволство на работниците, туку политички мотивиран настан.„Наместо вистински работници, протестот беше предводен од раководства на локални ограноци на СДС, со партиски обележја во првите редови“, изјави Петрушевски.Тој додаде дека, според него, слабата посетеност и, како што тврди, празните автобуси кои патувале кон Скопје, покажуваат дека протестот бил неуспешен.Петрушевски упати критики и кон раководството на ССМ, наведувајќи дека синдикатот не ги застапува интересите на работниците, туку делува во корист на СДСМ.„ССМ, предводено од Трендафилов, свесно работи во интерес на СДС, наместо да ги штити правата на работниците“, рече тој.Според него, работниците сè повеќе се сомневаат во улогата на синдикатот и се прашуваат дали станува збор за вистинска синдикална организација или политичка структура.Од ВМРО-ДПМНЕ порачуваат дека остануваат, како што велат, „вистински партнер на работниците“.Од СДСМ и ССМ засега нема реакција на овие обвинувања.

Македонија | пред 2 месеци

СДСМ: Ристов во РКЕ е дел од бизнис мрежа на Мицкоски

Членот на Извршниот одбор на СДСМ, Јон Фрчкоски, обвини дека изборот на Ацо Ристов за претседател на Регулаторната комисија за енергетика (РКЕ) претставува, како што рече, „нова алка“ во бизнис мрежата поврзана со лидерот на ВМРО-ДПМНЕ, Христијан Мицкоски.Фрчкоски тврди дека со поставувањето на Ристов на чело на институцијата која ги носи одлуките за цените на струјата, горивата и другите енергенси, се отвора сериозно прашање за конфликт на интереси.„Станува збор за лице кое доаѓа од енергетскиот бизнис, сопственик на хидроцентрали, а сега треба да одлучува за пазарот во кој самиот учествувал“, изјави Фрчкоски.Тој посочи дека Ристов е поранешен градоначалник од редовите на ВМРО-ДПМНЕ во Радовиш и сопруг на судијка која е член на Судскиот совет, што, според него, дополнително ја проблематизира ситуацијата.Според СДСМ, сомнително е и тоа што Ристов, како што тврдат, непосредно пред преземањето на функцијата се „ослободувал“ од сопственички удели во компании поврзани со мали хидроцентрали.„Компанија што остварува значителни приходи одеднаш менува сопственик, и тоа на лице без искуство во секторот. Ова отвора сомнеж за подготвување терен за преземање функција“, рече Фрчкоски.Тој додаде дека ова, според нив, не е изолиран случај, туку дел од поширока мрежа која, како што тврди СДСМ, се протега од енергетиката до банкарскиот сектор.„Сите алки се поврзани – од производство и увоз на струја, до продажба и финансии. Прашањето е кој ќе ја плати цената – одговорот е граѓаните“, истакна Фрчкоски.

Македонија | пред 2 месеци

СДСМ обвинува: Постои „платформа“ за внатрешно рушење, зад неа стои ВМРО-ДПМНЕ

Портпаролката на СДСМ, Богданка Кузеска, обвини дека постои организирана „платформа“ за внатрешно рушење на партијата, за која, според неа, стои ВМРО-ДПМНЕ.Кузеска изјави дека по, како што рече, разоткривањето на бизнис мрежи во енергетиката поврзани со власта, следувал координиран обид за дефокус и дестабилизација на СДСМ одвнатре.„Фатени во криминални скандали и без резултати, ВМРО-ОКГ се обидува да ја руши СДСМ одвнатре. Таканаречената ‘Платформа’ е осмислена токму за таа цел“, изјави Кузеска.Таа додаде дека, според анкети за кои тврди дека потекнуваат од самото ВМРО-ДПМНЕ, власта бележи пад на поддршката, додека СДСМ има раст на рејтингот.Од СДСМ порачуваат дека партијата останува обединета и дека обидите за нејзино внатрешно разнебитување нема да успеат.„СДСМ има нова сила и нова енергија. Ќе продолжиме да ја објавуваме вистината за криминалите на власта и да се бориме против, како што велиме, криминалната власт на Мицкоски и ВМРО. Сите ќе одговараат“, истакна Кузеска.

Свет | пред 2 месеци

ВМРО се обидува да ја руши СДСМ одвнатре преку уценети лица, нудејќи пари, вработувања и бизнис интереси, вели Кузеска

СДСМ упати остри обвинувања кон ВМРО-ДПМНЕ, тврдејќи дека владејачката партија стои зад обиди за внатрешно дестабилизирање на опозицијата. Портпаролката Богданка Кузеска порача дека, како што наведе, „сите ќе одговараат“ за криминалите што ги припишува на актуелната власт.Според Кузеска, СДСМ веќе јавно објавила информации за, како што рече, „енергетски октопод“ и бизнис мрежи поврзани со власта, по што следувале обиди за рушење на партијата одвнатре.„ВМРО се обидува да ја руши СДСМ одвнатре преку уценети лица, нудејќи пари, вработувања и бизнис интереси“, изјави Кузеска.Таа тврди дека власта е соочена со пад на поддршката, повикувајќи се на анкети за кои вели дека потекнуваат од самото ВМРО-ДПМНЕ, додека, според неа, СДСМ бележи раст на рејтингот.Во изјавата се споменува и т.н. „Платформа“, која Кузеска ја оцени како проект за внатрешно разнебитување на СДСМ, наводно креиран од политички противници.Портпаролката најави дека СДСМ ќе продолжи да објавува информации за, како што рече, криминал и корупција, и повика на одговорност кога ќе се создадат услови за „слободно обвинителство и судство“.„Имаме договор во партијата, а до ВМРО имаме ветување – сите ќе одговарате“, порача Кузеска.Од ВМРО-ДПМНЕ засега нема официјален одговор на обвинувањата.

Македонија | пред 2 месеци

Макрадули по исклучувањето на Шилегов: Лојалноста не е молк

Поранешниот функционер на СДСМ, Јани Макрадули, се огласи по исклучувањето на Петре Шилегов и отворениот судир во партијата, повикувајќи на разум, зрелост и внатрешен дијалог наместо поделби.Во објава, Макрадули направи ретроспектива на периодот од 2013 година, кога СДСМ беше во опозиција и под силен притисок, потенцирајќи дека тогашната борба била водена со мотивација, теренска работа и верба во промени.„Лојалноста не е слепо следење. Лојалноста е одговорност – да мислиш, да кажеш и да создаваш“, порача Макрадули, алудирајќи на актуелните случувања во партијата.Тој нагласи дека тешките теми не смеат да бидат повод за раслојување, туку за аргументиран дијалог и приближување на ставовите, предупредувајќи дека игнорирањето на проблемите води кон слабеење на партијата.Макрадули се осврна и на концептот „Глас+“, кој го опиша како политика што вклучува, обединува и се темели на принципите на слобода, еднаквост и солидарност, нагласувајќи дека токму таков пристап е потребен и денес.„Партијата не е простор за тивки климања со глава, туку за одговорни луѓе кои размислуваат и придонесуваат“, истакна тој.Воедно, упати критика и кон актуелната власт, оценувајќи дека државата се соочува со неизвесност и недостаток на стратегија, при што, според него, доминираат лични интереси на сметка на граѓаните.На крајот, Макрадули повика на единство и создавање заеднички фронт за промени, потенцирајќи дека тие треба да започнат од самата партија.

Коментари | пред 2 месеци

Филипче тврди дека Шилегов одработува за ВМРО-ДПМНЕ, а и Шилегов тврди дека Филипче се договара со ВМРО-ДПМНЕ

Претседателот на СДСМ, Венко Филипче, обвини дека поранешниот градоначалник Петре Шилегов „процесно одработува за ВМРО-ДПМНЕ“ и придонесува за внатрешни поделби во партијата.„Не станува збор за поинакво мислење, тоа беше сослушано. Станува збор за процесно одработување за ВМРО-ДПМНЕ и за внатрешна поделба на партијата. По сите проверки дојдовме до тој заклучок, а Извршниот одбор одлуката ја донесе со консензус“, изјави Филипче.Тој нагласи дека единството на СДСМ е клучно во, како што рече, борбата против „криминалната и корумпирана власт“, додавајќи дека нема да дозволи партијата да биде поделена.„Нема да дозволам ВМРО-ДПМНЕ преку поединци да ја ситни и дели партијата“, истакна Филипче.Од друга страна, Шилегов возврати со остри критики, тврдејќи дека постои договор со кој СДСМ намерно се одржува во слаба позиција.„Очигледно постои договор СДСМ да биде во ваква состојба, да ги промашува темите и да дозволи ВМРО-ДПМНЕ да владее два мандата, за да не бидат предмет на истраги“, рече Шилегов.Тој оцени дека партијата е „целосно кадровски исцрпена“ и дека значаен дел од влијателните кадри веќе не се дел од неа.Шилегов го оспори и процесот за негово исклучување, тврдејќи дека е спротивен на Статутот.„Исклучувањето го врши општинската организација, а не Извршниот одбор. Го повикувам Филипче да дојде во Карпош и да разговара со членството“, изјави Шилегов.Тој порача дека ќе продолжи со својата политичка платформа и побара актуелното раководство да се повлече.„Ќе го замолам ова раководство да си замине и да ја ослободи партијата. СДСМ не е сопственост на една групација“, нагласи Шилегов.

Македонија | пред 2 месеци

СДСМ: Наместо поевтинување – горивата поскапеа за 7 денари

СДСМ обвини дека наместо најавеното намалување на цените на горивата, граѓаните се соочуваат со ново поскапување од 7 денари по литар, што, според партијата, претставува сериозен удар врз животниот стандард.Од партијата велат дека станува збор за „уште една неисполнета најава“ на премиерот Христијан Мицкоски и обвинуваат дека, како што наведуваат, „тендер коалицијата ВМРО/ЗНАМ“ носи политики што директно ги погодуваат граѓаните.„Наместо намалување од 2,5 денари – граѓаните добија поскапување од 7 денари. Ова е второ сериозно покачување, а владата не презема никакви мерки за заштита на животниот стандард“, соопштија од СДСМ.Според нив, зголемувањето на цените на горивата ќе предизвика нов бран поскапувања и кај храната, основните производи, па дури и кај струјата, со што, како што велат, ќе се задржат високи цените во маркетите дури и ако горивата подоцна се стабилизираат.Од СДСМ тврдат дека граѓаните само за една недела платиле дополнителни 3 милиони евра, а со новото покачување таа сума би достигнала 4,5 милиони евра неделно.Партијата најави дека ќе достави пакет законски решенија до Собранието, меѓу кои:– намалување на ДДВ за горивата од 18% на 5%– намалување на акцизата за 4 денари– 0% ДДВ за основните прехранбени производи– преполовување на цените на патарините„Владата мора веднаш да реагира и да ги прифати овие мерки. Граѓаните не можат повеќе да чекаат“, порачаа од СДСМ, додавајќи дека ова е втор пат да предлагаат вакви решенија.

Македонија | пред 2 месеци

СДСМ: Ристов во РКЕ, Мицкоски ја шири својата бизнис мрежа

СДСМ обвинува дека Христијан Мицкоски ја шири својата бизнис-мрежа во енергетскиот сектор преку нови позиции во клучни институции. Според партијата, поранешниот градоначалник од ВМРО-ДПМНЕ Ацо Ристов"], чија сопруга Данка Ристова е членка на Судскиот совет, е предложен за нов претседател на Регулаторната комисија за енергетика (РКЕ).Од СДСМ посочуваат дека Ристов, како и Мицкоски, имал бизнис со хидроцентрали, а нивната мрежа се протега низ сите делови на енергетскиот сектор – од производство и увоз на електрична енергија, до продажба и банкарство. Партијата нагласува дека Мицкоски ги поставува своите луѓе во институциите кои директно одлучуваат за цената на струјата и горивата, што, според СДСМ, на крајот го плаќаат граѓаните.„Ова е уште една алка во синџирот што СДСМ веќе го разоткри – почнувајќи од Адамовиќ, офшор структурите на Кипар, компаниите поврзани со енергетскиот бизнис, 'Руднап', РЕК Битола, Развојната банка, Божиновска и сега во РКЕ. Сите делчиња од својата мрежа Мицкоски ги намести“, се наведува во соопштението.СДСМ уверува дека ќе продолжи да ја разобличува, како што велат, „целата криминална мрежа – од Македонија, преку Србија, до Кипар и пошироко“ и дека сите ќе одговараат за незаконските дејствија. Партијата апелира граѓаните да бидат свесни дека високите цени на струјата и горивата се директна последица на ваквите бизнис-врски.

Македонија | пред 2 месеци

СДСМ со ветување до ВМРО: Сите ќе одговарате!

СДСМ обвини дека ВМРО-ДПМНЕ се обидува да го дестабилизира одвнатре преку поранешниот функционер Петре Шилегов, по, како што велат, откривањето на бизнис-мрежи поврзани со лидерот Христијан Мицкоски во енергетскиот сектор.Од СДСМ тврдат дека ваквите напади се резултат на падот на поддршката на ВМРО-ДПМНЕ, што, според нив, се потврдува и во нивните внатрешни анкети. Посочуваат дека претходно биле насочени кон други поединци, а сега, како што велат, се користат различни методи, вклучително и притисоци и уцени.„Станува јасно дека најавената платформа е всушност платформа за рушење на СДСМ одвнатре“, велат од партијата, додавајќи дека ваквите обиди нема да успеат.Во соопштението се нагласува дека СДСМ нема повеќе да се занимава со Шилегов, туку ќе се фокусира на, како што наведуваат, мерки за заштита на животниот стандард на граѓаните и продолжување на евроинтегративниот процес на државата.Партијата најавува и продолжување на, како што велат, разоткривањето на криминално-коруптивни активности поврзани со ВМРО-ДПМНЕ и Мицкоски, со порака дека „сите ќе одговараат“ кога ќе се обезбедат услови за, како што велат, независно обвинителство и судство.Воедно, од СДСМ упатија критики кон Шилегов, оценувајќи дека може отворено да премине во ВМРО-ДПМНЕ наместо, како што тврдат, да дејствува прикриено против партијата. Според нив, граѓаните веќе препознаваат вакви сценарија и нема повторно да бидат доведени во заблуда.

Македонија | пред 2 месеци

Шилегов: СДСМ не е сопственост на една групација, па со неа да се пазарат за својата слобода

Поранешниот градоначалник на Скопје и поранешниот пратеник од редовите на СДСМ, Петре Шилегов изјави дека постои договор СДСМ да биде во сегашната состојба, упорно да ги промашува темите и да дозволи ВМРО-ДПМНЕ да освои два мандати, со цел да се избегнат евентуални истраги и кривични постапки.Шилегов оцени дека партијата е кадровски исцрпена и дека одлуката за иницирање на негово исклучување е спротивна на Статутот, бидејќи, како што рече, таквата постапка треба да ја води општинската организација.Тој го повика лидерот на СДСМ Венко Филипче да дојде во општинската организација во Карпош и таму да се разговара за неговото исклучување и за состојбите во партијата.Шилегов најави дека ќе продолжи со својата платформа и стратегија и побара актуелното раководство да се повлече за да ја ослободи партијата, која некогаш беше државотворна.„СДСМ не е сопственост на една групација, па со неа да се пазарат за својата слобода“, рече Шилегов.Изјавата доаѓа откако вчера, Извршниот одбор на СДСМ донесе одлука да иницира постапка за негово исклучување од партијата. За ова треба да расправа и да донесе одлуца Централниот одбор, најверојатно наредната недела.

Македонија | пред 2 месеци

Филипче: Нема договор со власта, единствениот е со членовите на СДСМ

Претседателот на СДСМ, д-р Венко Филипче, изјави дека нема никаков договор со власта, туку единствениот договор што го има е со членовите на партијата – за, како што рече, борба против криминалната власт и за европска иднина на државата.Одговарајќи на новинарско прашање, Филипче посочи дека е изложен на, како што наведе, секојдневни медиумски напади и дискредитации.„Ме прашувате за некаков договор. Гледате што ми прават секој ден – ме напаѓаат медиумски, ме споредуваат со убиец на деца, тврдат дека сум бил наркоман, ме поврзуваат со златни визи во Дубаи. Така ли изгледа договор? Нема апсолутно никаков договор“, изјави Филипче.Тој нагласи дека неговиот единствен договор е со членовите на СДСМ.„Имам договор со членовите на СДСМ дека ќе се бориме за европска и просперитетна Македонија и дека ќе се пресметаме со оваа криминална власт. Само тој договор постои и сите што се сега на власт ќе одговараат за тоа што го прават“, рече Филипче.

Македонија | пред 2 месеци

Филипче: Нема да дозволам ВМРО-ДПМНЕ преку поединци да ја дели СДСМ

Претседателот на СДСМ, Венко Филипче, изјави дека нема да дозволи, како што рече, обиди за внатрешно разнебитување на партијата преку поединци поврзани со ВМРО-ДПМНЕ.Одговарајќи на новинарско прашање на денешната прес-конференција, Филипче оцени дека СДСМ се соочува со, како што рече, организирани обиди за внатрешна поделба.„Нема да дозволам да ја делат СДСМ, затоа што имаме работа со криминална и корумпирана власт која не може да го спречи падот на анкетите. Таков пад на ВМРО-ДПМНЕ досега немало, а ние бележиме раст. Единственото што можат да го прават е да се обидуваат да ја делат партијата одвнатре за да владеат како што сакаат. Тоа нема да го дозволиме“, изјави Филипче.Тој додаде дека, според него, вакви обиди биле присутни и во минатото, посочувајќи на политичките случувања во изминатите изборни циклуси.„Такви процеси имаше и во 2021 година, во 2024 имавме силна националистичка и, како што ја оценувам, лажна кампања, а во 2025 година самиот Шилегов посочи дека не работел за СДСМ. Има и други луѓе кои не работеле за партијата на изборите. Тоа влијаеше на резултатите, но јас тоа повеќе нема да го дозволам“, рече Филипче.Тој истакна дека пред СДСМ стои, како што наведе, сериозна задача поврзана со европската перспектива на државата, поради што, според него, е неопходно зачувување на единството во партијата.„Се бориме за опстанокот и европската иднина на државата и нема да дозволам ВМРО-ДПМНЕ преку поединци да ја дели оваа партија“, потенцираше Филипче.

Македонија | пред 2 месеци