ВМРО-ДПМНЕ

Филипче за неколку месеци се скара со сите, само со Заев не, вели ВМРО-ДПМНЕ

Најголемата црна кампања ја води СДС, Венко Филипче и Зоран Заев, велат од владејачката ВМРО-ДПМНЕ.„За неколку месеци Венко Филипче се скара со Јован Деспотовски, се скара со Костадин Костадинов, се скара со Петре Шилегов, со Костадин Ацевски, со Саша Богдановиќ, со медиуми и новинари како Драган Павловиќ Латас, Ивона Талевска, Бранко Героски, со Инфомаx, со Курир, со Алфа, со Нетпрес, со Пендаровски... само со Заев не се скара.Тоа е дното во кое тоне Филипче“, се вели во соопштението.

Македонија | пред 1 месец

ВМРО-ДПМНЕ: СДС и ДУИ смениле ДУП во Тетово за бизнис вреден 200 милиони евра

ВМРО-ДПМНЕ обвини дека СДСМ и ДУИ, веднаш по формирањето на владата во 2020 година, извршиле измена на деталниот урбанистички план во Тетово со цел, како што тврдат, да овозможат реализација на градежен проект вреден околу 200 милиони евра.Според партијата, измените се однесувале на просторот на поранешниот ШИК „Јелак“, кој, како што наведуваат, бил доделен на фирмата „Јелак Градба“, поврзана со бизнисменот Миодраг Давидовиќ – Дака, за изградба на над 2.000 станбени единици.Од ВМРО-ДПМНЕ тврдат дека ваквите одлуки биле донесени поради бизнис интереси и можни лични придобивки, алудирајќи и на претходно објавени наводи за финансиски трансакции, за кои, како што велат, никогаш не била спроведена истрага.„Сето ова е овозможено на бизнисмен кој се наоѓа на црната листа на САД, со цел да се реализираат милионски зделки и да се извлече профит од изградбата“, наведуваат од партијата.Во реакцијата, ВМРО-ДПМНЕ го повикува Јавното обвинителство да отвори истрага за случајот, оценувајќи дека постојат сериозни индиции за криминал и корупција.Обвинувањата доаѓаат во услови на засилена политичка реторика меѓу власта и опозицијата, поврзана со случаи од минатото и актуелни бизнис-релации.

Македонија | пред 1 месец

ВМРО-ДПМНЕ: Филипче секоја навреда ја претвора во комплимент

Владејачката партија ВМРО-ДПМНЕ со остра реакција одговори на ставовите на лидерот на СДСМ Венко Филипче во однос на коментарот на Стево Пендаровски.Од ВМРО-ДПМНЕ обвинуваат дека Филипче се обидува негативните оценки да ги претстави како поддршка.„Нема навреда и понижување кое Филипче не може да го претвори во комплимент. Така ја водеа и земјава, така ги вршеа и сите предавства. Со тој ментален склоп“, стои во реакцијата.Партијата додава дека, според нив, ваквиот пристап Филипче го наследил од поранешното раководство на СДСМ.„Така впрочем е научен од Заев. Образ ѓон“, наведуваат од ВМРО-ДПМНЕ.

Македонија | пред 1 месец

ВМРО-ДПМНЕ: Кризата на Блискиот Исток најмногу го погоди Венко Филипче, не можејќи да тера луди журки во Дубаи, изигрува партиски портпарол

ВМРО-ДПМНЕ реагира на прес-конференцијата на Венко Филипче, оценувајќи дека „глуми партиски портпарол“ и покрај конфликтот во Блискиот Исток. Од партијата посочуваат дека во земјата има посветена и одговорна Влада предводена од ВМРО-ДПМНЕ која активно ги следи состојбите и презема мерки за граѓаните.Според соопштението, намалувањето на ДДВ за нафтените деривати од 18 на 10% резултира со најниски цени на горивата во регионот, а инфлацијата се очекува да се движи меѓу 4 и 5 проценти. Од утре се очекува и намалување на акцизите за дизел за 4 денари, а за бензин за 2 денари по литар, а Министерството за финансии анализира и укинување на ДДВ за основните прехранбени производи.Од ВМРО-ДПМНЕ истакнуваат дека минималната плата продолжува да расте согласно законот и дека Владата е подготвена да преземе таргетирани и навремени мерки во предизвикувачкиот период.

Македонија | пред 1 месец

ВМРО-ДПМНЕ: Ристоска беше играч на СДС, нека не глуми жртва

ВМРО-ДПМНЕ реагираше на прес-конференцијата на СДСМ, оценувајќи дека поддршката за обвинителката Ленче Ристоска е очекувана, бидејќи, како што наведуваат, таа била „нивни играч и пиун“.Од партијата порачаа дека Ристоска не треба да се претставува како жртва, алудирајќи на нејзината улога во поранешното Специјално јавно обвинителство.„И порачуваме на Ленче Ристоска, десната рака на Катица Јанева, да не глуми жртва. Додека со Јанева делеа и множеа, и палеа и гасеа, сега сфаќа дека правда во оваа држава ќе има, без разлика дали тоа му се допаѓа на Заев или не“, се наведува во реакцијата.Во соопштението се поставува и прашањето за нејзините резултати во работењето, при што се тврди дека во изминатите години не завршила ниту еден од предметите кои ги водела.„Ако беше обвинител со вредности, ќе имаше барем еден случај со кој ќе го докажеше тоа“, наведуваат од ВМРО-ДПМНЕ.Партијата се осврнува и на предметите „Талир“, за кои посочува дека се водат со години без епилог.„Постапките за ‘Талир’ траат 10 години и ако правдата функционираше досега ќе имаа епилог. Се добива впечаток дека предметите се држеле за да се врши притисок врз ВМРО-ДПМНЕ“, стои во реакцијата.Воедно, од партијата истакнуваат дека очекуваат владеење на правото и неселективна борба против криминалот.„Кој згрешил мора да одговара, без разлика на функција или припадност. Заврши времето на политички агенди и инструментализација на правдата“, порачуваат од ВМРО-ДПМНЕ.На крајот додаваат дека јавноста, според нив, е свесна за случувањата во правосудството во изминатите години и дека „народот памети“.

Македонија | пред 1 месец

Петрушевски: Јавното обвинителство треба да работи во интерес на граѓаните, а не на поединци

На телевизија Канал 5 во емисијата „Само Вистина“ вечерва гостуваше пратеникот од редовите на ВМРО-ДПМНЕ, Бране Петрушевски кој истакна дека обвинителката Ленче Ристоска требала да даде оставка многу порано, поради скандалот на СЈО со бонусите и поради политичкиот прогон врз функционери од ВМРО-ДПМНЕ.„Не гледам политички притисок од страна на ВМРО-ДПМНЕ кон Ленче Ристоска, меѓутоа во изминатите години гледав и те како еден политички прогон од страна на Ленче Ристоска врз ВМРО-ДПМНЕ и врз функционери на ВМРО-ДПМНЕ. Јас лично очекував оваа оставка да ја дадеше многу порано, веднаш по скандалите со СЈО, кога беше една од најистакнатите обвинители, кога во јавноста се обелоденија оние суми коишто како бонус си ги зимале од Буџетот на Република Македонија, особено после изјавата на поранешен јавен обвинител којшто истакна дека таму Зоран Заев, Радмила Шеќеринска, Оливер Спасовски биле редовни гости и заедно со Ленче Ристоска и со останатите обвинители утврдувале кој функционер треба да биде под политички прогон, кој треба да биде ослободен, кој треба да биде притворен, со цел да се создаде еден политички инженеринг во рамките на процесите коишто ги водела тогашната влада“, рече Петрушевски.Петрушевски истакна дека Јавното обвинителство со вакви обвинители се покажало како неефикасно поради неспроведувањето на задачите за кое истото е формирано.„Сметам дека оваа оставка требаше да дојде многу порано од страна на еден ваков јавен обвинител. Се укажува дека имаме едно неефикасно Јавно обвинителство коешто не ја спроведува онаа задача за којашто е формирано и за којашто тие обвинители земале плата. Имала можност да се истакне во делот на реформа на тоа Јавно обвинителство, а не денеска откако согласно позитивните законски прописи е тргната да работи предмети коишто не се во доменот на нејзиното Јавно обвинителство“, посочи Петрушевски и додаде:„Нас ни е битно да функционира системот односно Јавното обвинителство, а не поединци да бидат таму задоволени, граѓаните бараат резултати а не политички интерес на поединци“.

Македонија | пред 1 месец

ВМРО-ДПМНЕ: Само СДС давале наредби во судството

ВМРО-ДПМНЕ реагираше на прес-конференцијата на генералниот секретар на СДСМ, Александар Саша Димитријевиќ, обвинувајќи дека токму СДСМ и нивното раководство во минатото давале наредби во правосудниот систем.„Единствени во државата кои даваа наредби на правосудните органи за тоа кој да биде гонет, а кој изземен од судски случаи се СДС, Заев и неговата дружина“, се наведува во реакцијата.Од партијата посочуваат дека ваквите тврдења, како што велат, се поткрепени со сведоштва на обвинители од поранешното Специјално јавно обвинителство.„Сведоштвата на Кадриу, обвинителка во поранешното СЈО, велеа дека Заев, Шеќеринска и луѓе блиски до тогашното раководство доаѓале во канцелариите на СЈО и кажувале кој да се суди, а кој не“, наведуваат од ВМРО-ДПМНЕ.Во реакцијата се додава дека актуелната власт нема намера да го повтори, како што велат, моделот на претходната власт.„СДС мора да разбере дека ВМРО-ДПМНЕ никогаш нема да се однесува како нив. Ако тие го партизираа судството и обвинителството и си поставуваа послушници, ние тоа нема да го правиме“, велат од партијата.Од ВМРО-ДПМНЕ посочуваат дека нивната цел е враќање на довербата во правосудниот систем преку, како што наведуваат, професионалци.„Луѓе кои се докажани професионалци ќе си ја земат работата во свои раце и ќе ја вратат довербата во правосудниот систем“, стои во реакцијата.

Македонија | пред 1 месец

Оставката на Ристоска е жалост за „рекет обвинителите“, среќа за граѓаните, вели ВМРО-ДПМНЕ

ВМРО-ДПМНЕ со реакција по оставката на обвинителката Ленче Ристоска, оценувајќи дека нејзиното повлекување е „ден на жалост за рекет обвинителите, а ден на среќа за обесправените“.Од партијата наведуваат дека Ристоска до неодамна тврдела дека е подготвена да застане на чело на обвинителството, но дека по неизборот ја сменила реториката и почнала да говори за притисоци и загрозен интегритет.„Очигледно времето за кое зборувала важело само ако исходот е по нејзина мерка. Кога институциите не ја потврдија кандидатурата, визијата за независно обвинителство се замени со наратив за притисоци“, велат од ВМРО-ДПМНЕ.Од таму прашуваат дали принципите важат само кога носат личен напредок и дали борбата против криминал и корупција може да се смета за кредибилна доколку зависи од личниот исход.Партијата посочува дека Ристоска била дел од системот кој денес го критикува и дека ваквиот пристап, според нив, придонел за пад на довербата во правосудството.Во реакцијата се споменува и поранешното Специјално јавно обвинителство, за кое од ВМРО-ДПМНЕ тврдат дека било поврзано со политички влијанија и злоупотреби.„Јавноста има право да знае дали оваа оставка е принципиелен чин или политички перформанс“, наведуваат од партијата.Од ВМРО-ДПМНЕ додаваат дека на институциите им се потребни професионалци кои ќе работат доследно, без оглед на личните позиции и интереси.

Македонија | пред 1 месец

Пари од Дака користени за инженеринг на референдумот, обвини ВМРО-ДПМНЕ

ВМРО-ДПМНЕ излезе со серија обвинувања кон СДСМ и поранешниот премиер Зоран Заев, тврдејќи дека контроверзниот бизнисмен Миодраг Давидовиќ му дал 300.000 евра, кои, според нив, биле искористени за „инженеринг на референдумот“.Од партијата наведуваат дека СДСМ, како што велат, биле добро запознаени со Давидовиќ – Дака, кој, според нив, се наоѓа на „црна листа“ на САД поради сомнежи за корупција и злоупотреба на влијание.„На снимките се слуша Дака како вели дека на Заев му дал 300 илјади евра и 2.000 квадрати земјиште, за возврат да добие контра услуга. Понатаму во снимката, Дака вели дека Заев овие пари ги искористил за инженеринг на референдумот за името“, соопштија од ВМРО-ДПМНЕ.Во истото соопштение се наведува дека во разговорите, покрај Заев, се споменуваат и имињата на Зоран Милески и Драги Рашковски.„Ова значи дека тогашната власт на СДС многу добро била поврзана со контроверзниот проруски бизнисмен Дака, па дури и го рекетирале за да можат да спроведат инженеринг на референдумот за името“, наведуваат од ВМРО-ДПМНЕ.Партијата додава дека Владата предводена од нив ќе ги искористи сите законски механизми за да спречи фирма поврзана со Давидовиќ да инвестира во енергетски објекти, и покрај тоа што, како што посочуваат, ги исполнува условите.„Владата предводена од ВМРО-ДПМНЕ ќе ги преземе сите правни механизми и ќе ги искористи сите законски можности оваа фирма, во сопственост на Дака, да не гради и инвестира во енергетски објекти“, се вели во соопштението.

Македонија | пред 1 месец

СДСМ: Владата на Мицкоски ги остави граѓаните со празни џебови и фрижидери

Македонските граѓани и работници се соочуваат со најниски плати во Европа и тешко врзуваат крај со крај, обвинуваат од СДСМ. Според партијата, „Владата на Мицкоски не прифаќа да ја покачи минималната плата на 600 евра, не презема мерки за намалување на високите цени, но затоа ги убедува граѓаните дека покачување на платите од 7% во образованието е ‘историско’“.Од СДСМ додаваат дека „историското зголемување колку вреди? 4 килограми домати, 2 килограми краставици и 4 литри дизел. Ете толку е од историското зголемување“. Тие посочуваат дека „за само три месеци новиот раст на цените е околу 2.500 денари, вредноста на синдикалната минимална кошница во март достигна скоро 68.000 денари“.„Поскапе и лебот, а Мицкоски уште чека, не воведува мерки. Очигледно Владата на Мицкоски мисли дека граѓаните не ги гледаат своите џебови, празните паричници и фрижидери“, велат од СДСМ.

Македонија | пред 1 месец

ВМРО-ДПМНЕ: Филипче го следи Заев и тоне со рејтингот

ВМРО-ДПМНЕ упати остри критики кон лидерот на СДСМ Венко Филипче, обвинувајќи го дека, како што наведуваат, делува под влијание на поранешниот премиер Зоран Заев и дека тоа се одразува врз падот на партискиот рејтинг.Од партијата тврдат дека СДСМ не извлекол поука од изборните порази и продолжил со истата кадровска и политичка насока.„Поданоста и слепата послушност кон Зоран Заев, Венко Филипче го чини топење на, и така неговиот и партиски слаб рејтинг“, соопштија од ВМРО-ДПМНЕ.Во реакцијата се наведува дека партијата продолжила да ги следи политиките на Заев, вклучително и поставување на негови блиски соработници во раководството.„На Филипче и СДС, не им беа доволно и не извлекоа поука од последователните катастрофални изборни порази, каде дојдоа на одвај 130 илјади гласа, па продолжи дословно да ги исполнуваат желбите на Заев, со поставување на негови луѓе во раководните партиски тела, и да слушаат лоши ПР совети од Башановиќ“, соопштија од ВМРО-ДПМНЕ.Партијата изнесува и тврдења за значителен пад на довербата кај граѓаните.„Во Филипче и СДС веќе никој не верува, довербата од граѓаните им се сведе на минорни 3,6% и 4,5% рејтинг. Меѓу ретките кои сè уште им изразуваат некаква поддршка се луѓе лојалисти на Заев, поддршка од членството и од симпатизерите, нема“, соопштија од ВМРО-ДПМНЕ.Според нив, Филипче функционира исклучиво по насоки од Заев и неговиот тим.„Филипче функционира и делува само по директива на Заев, а сега со новиот ПР шеф Башановиќ продолжува да тоне на политичката сцена“, соопштија од ВМРО-ДПМНЕ.Во реакцијата се додава дека сегашното раководство на СДСМ, според нив, ја води партијата кон дополнително слабеење.„Така, Филипче заедно со Заев и неговиот куќен пријател и советник, Зоран Башановиќ, некогаш големиот СДС го доведоа до рејтинг на граница на статистичка грешка“, соопштија од ВМРО-ДПМНЕ.Партијата оценува дека СДСМ веќе не претставува релевантна опозиција на политичката сцена.„Слободно може да се каже дека во Македонија веќе нема опозиција, и тоа е поради Филипче и СДС, затоа што нивните празни флоскули и демагогии кои ги шират во јавноста не поминуваат и граѓаните тоа го казнуваат“, соопштија од ВМРО-ДПМНЕ.Во заклучокот, ВМРО-ДПМНЕ наведува дека за СДСМ да се врати како релевантен политички фактор се потребни суштински промени.„За да се врати СДС тоа што некогаш беше, голема партија која ќе биде конструктивна, легитимна и пред сè кредибилна опозиција, потребен е нов пристап, реформи, дистанцирање и оградување, како од Заев, така и од Филипче“, соопштија од ВМРО-ДПМНЕ.

Македонија | пред 1 месец

ВМРО-ДПМНЕ со тешки обвинувања кон поранешни обвинители, меѓу кои и Ристоска: „Нека размислат дали треба да одговараат“

ВМРО-ДПМНЕ со остра реакција упати серија обвинувања кон поранешни обвинители поврзани со поранешното Специјално јавно обвинителство, повикувајќи ги, како што наведуваат, да се соочат со сопствената одговорност пред да реагираат за најавеното одземање на предмети.Од партијата директно ги посочуваат обвинителите поврзани со поранешниот премиер Зоран Заев, меѓу кои Гаврил Бубевски, Ленче Ристоска и Лиле Стефанова, обвинувајќи ги дека во изминатата деценија не постапувале во интерес на правдата.„Пред да се навредат обвинителите на Зоран Заев на чело со Гаврил Бубевски, Ленче Ристоска, Лиле Стефанова и останатите платеници за политички прогон, што е најавено одземање на предметите на кои работат, а никако да сработат на страна на правдата цели 10 години, нека си го стават прстот на чело и нека си ги постават следните прашања“, стои во реакцијата.Во продолжение, од ВМРО-ДПМНЕ поставуваат три прашања, со кои директно ја оспоруваат работата на обвинителите во рамки на СЈО.„Дали не треба кривично да одговараат што крадеа народни пари од СЈО без мера за да вршат политички прогон и хајка?“, прашуваат од партијата.Дополнително, се повикуваат и на изјави од поранешна обвинителка.„Дали заборавија на изјавите и сведочењата на нивната колешка Лејла Кадриу за тоа дека екс премиерот Зоран Заев и вицепремиерката Радмила Шекеринска оделе во СЈО навечер и лично селектирале предмети кои треба да бидат обработувани согласно нивните политички мотиви?“, се наведува во реакцијата.Во третото прашање, ВМРО-ДПМНЕ потсетува и на случајот со поранешната специјална јавна обвинителка.„Дали заборавија дека на чело на оваа политички инструирана и скапо платена багра која ја закопа правдата и амнестираше милионски криминали на Заев, стоеше осудената за рекет Катица Јанева?“, се додава во соопштението.Партијата заклучува дека дел од обвинителите, меѓу кои и Ленче Ристоска, биле дел од, како што наведуваат, систем кој ја нарушил правдата. „Ленче Ристоска исто како и сите гореспоменати беа дел од истиот апарат кој ја погребуваше правдата“, стои во реакцијата.

Македонија | пред 1 месец

ВМРО-ДПМНЕ со обвинувања за врски меѓу Заев и Давидовиќ-Дака

ВМРО-ДПМНЕ најави дека ќе ги искористи сите законски механизми за да спречи фирма да инвестира во енергетски објекти, откако, како што велат, биле информирани за нејзината сопственичка структура од страна на СДС.„Им благодариме на СДС што предупредија дека бизнис партнерот на Заев, Дака иако ги исполнил условите, влегол во планот на енергетски инвестиции, ќе направиме се да биде исфрлен Работа на Владата не е да проверува кој седи и каква е сопственоста на фирмата која аплицирала за инвестиции во енергетски објекти, туку дали ги исполнува условите и законските критериуми. Им благодариме на СДС што не информираа дека фирмата која ги исполнува условите ХРОНОС СУМ е во сопственост на контрoверзниот бизнис партнер на Заев, Миодраг Давидовиќ-Дака, што е јасен показател во понатамошната постапка Владата предводена од ВМРО-ДПМНЕ да ги искористи сите законски можности оваа фирма да не гради и инвестира во енергетски објекти.Причината за тоа е што Миодраг Давидовиќ-Дака е контроверзен бизнисмен вмешан во милионски сомнежи за криминал. Криминалната коалицијата СДС и ДУИ пак донесе ДУП од 200 милиони евра за офшор фирма од Панама, сопственост на контроверзен бизнисмен. Од она што е негова историја се дознава дека Заев примал пари од Дaкa, а тој соработувал со Зоки Кичеец, и Драги Рашковски. Заев парите примени од Давидовиќ ги користел за инженеринг на референдумот за промена на името. За повеќе детали ќе слушнете на утрешната прес-конференција“, се вели во реакцијата на ВМРО-ДПМНЕ до СДСМ.

Македонија | пред 1 месец

Манасиевски: Филипче со 3,6% рејтинг, СДС на раб на статистичка грешка

Членот на Централниот комитет на ВМРО-ДПМНЕ, Валентин Манасиевски, упати остри критики кон лидерот на СДСМ, Венко Филипче, тврдејќи дека партијата е во сериозен пад на довербата кај граѓаните.Според Манасиевски, Филипче, и покрај, како што наведе, нискиот рејтинг, продолжува да ги следи советите на Зоран Заев и новиот ПР-советник Башановиќ, што, според него, дополнително ја влошува состојбата во партијата.Тој оцени дека СДСМ е доведен „на раб на статистичка грешка“ и дека довербата кај граѓаните е сериозно нарушена, додавајќи дека партијата не успева да се позиционира како релевантна опозиција.Манасиевски тврди дека Филипче функционира под влијание на Заев и дека истите структури кои ја воделе партијата во минатото и понатаму имаат клучна улога.Воедно, тој порача дека на СДСМ му се потребни реформи, дистанцирање од поранешното раководство и нов пристап, со цел да стане, како што рече, конструктивна и кредибилна опозиција.

Македонија | пред 1 месец

СДСМ: „Лудилото нема крај – Заев работи за ВМРО?“

СДСМ со остра реакција по изјавите од ВМРО-ДПМНЕ, оценувајќи дека, како што велат, „лудилото нема крај“, откако според нив, од владејачката партија било изнесено тврдење дека поранешниот лидер Зоран Заев работи за нивни интереси.„Што кажа денеска ВМРО-ОКГ? Дека „Филипче ја уништувал СДСМ по насоки на Заев“.Лудилото нема крај.-Дубаи, зграда од 42 спрата, Харис Џиновиќ, Венеција, Дубаи, Сент Мориц, Башановиќ, Африка, еден тон црни кампањи и јавен линч врз претседателот Филипче.-Измислени афери, др Жан, Катица, Боки 13, штанцање негативни објави на 40% од медиумите на Орбан.-Платформа на ВМРО за рушење на СДСМ од внатре со поединци како Шилегов и Депостовски.-Лажни анкети.-Секојдневни напади и небулозни прес конференции.-Совети за „реформи“.-Постојано, секој ден теми за дефокус, додека народот нема ниту за леб.Сето ова за само 3 месеци.Најблиските соработници на Мицкоски, македонскиот Мадуро -Ивона, Латас, Бетмен - кои деноноќно водат црни кампањи против СДСМ и Филипче, веќе не знаат што да измислат и излажат.По сè, дојдовме до тоа и Заев да работи за ВМРО. Какво лудило.Анкетите им удрија во глава, полудеа од рејтингот и популарноста.А ние имаме „толку лош“ рејтинг што секој ден, по цел ден, се занимаваат со СДСМ“, велат од СДСМ.

Македонија | пред 1 месец

ВМРО-ДПМНЕ: Послушноста на Филипче кон Заев и фалименто соопштенијата на ПР-от на Башановиќ, го донесоа СДС до историски најслабиот рејтинг

СДС и Венко Филипче со историски најниска доверба од граѓаните. Лошиот ПР, небулозните и клеветнички соопштенија и прес-конференции, полни со навреди и непристоен речник, СДС и Венко Филипче ги донесе до рејтинг од 4,9% и 3,6%, велат од ВМРО-ДПМНЕ.„Сепак, Филипче, не е загрижен за неговиот и на СДС лош рејтинг кој од анкета до анкета, во континуитет се топи, и што целосно потфрлија фалименто соопштенијата напишани од новиот партиски ПР шеф, Башановиќ, затоа што целосно живее во свој паралелен универзум.Со месеци ги слушавме СДС и Филипче како, по којзнае кој пат, ги лажеа граѓаните како новите анкети ќе покажат дека поддршката на ВМРО-ДПМНЕ од граѓаните паѓа, додека, пак, кон СДС се зголемувала.И тоа со месеци го повторуваа на лажните прес-конференции и по јавните настапи.Но, последното истражување на јавното мислење откри уште една лага на СДС, со што повеќе од јасно е дека на следните избори оваа партија на чело со Филипче, ќе се соочи со многу лош резултат, од оној од последните изборни циклуси.Тоа значи, дека нема да биде изненадување за никој доколку СДС на следните избори освојат и помалку од 100.000 гласови. Тоа го покажуваат и резултатите од последната анкета.Тоа што е позагрижувачки, е што на Бихаќка никако да им дојде памет дека треба да ги променат политиките и да ги променат новите ПР шефови Башановиќ и Шчекиќ, луѓе кои по насока на Заев се таму и го уништуваат СДС.А, тој што свесно го дозволува уништувањето на СДС, е токму Венко Филипче кој тоа го прави по насока и целосна послушност кон Зоран Заев.Послушноста на Филипче кон Заев се гледа и по што негови луѓе се дел од таканаречените нови партиски структури, меѓу кои е и Стојан Коциров кој до пред само некоја година како директор ја водеше фирмата блиска до семејството Заеви, поточно Вице Заев, Сара Инженеринг ДОО Струмица.Се поизвесно е дека СДС ќе продолжи да тоне со ова раководство предводено од Венко Филипче, кое нема намера ниту да спроведе внатрепартиска кадровска реформа, ниту, пак, да се огради од Зоран Заев.Партија со највисока доверба кај граѓаните од 24% и понатаму продолжува да биде ВМРО-ДПМНЕ, што е резултат на досегашната работа, реализирани проекти и исполнети ветувања.Граѓаните добро знаат да направат разлика и токму затоа, продолжуваме со исто темпо на работа, нови проекти и успешни мерки за сите граѓани“, се вели во соопштението.

Македонија | пред 1 месец

Политичка ескалација: ВМРО-ДПМНЕ го обвини Филипче за предавство

ВМРО-ДПМНЕ со остра реакција ги осуди ставовите на лидерот на СДСМ, Венко Филипче, оценувајќи дека неговите изјави претставуваат „параван за предавство“ и штета за националните интереси.Од партијата наведуваат дека, доколку Филипче е свесен за своите изјави, тоа значи дека, како што велат, „свесно работи на штета на државата“, алудирајќи на претходните договори со Бугарија и т.н. француски предлог.„Оваа слаткоречива изјава полна со загриженост е всушност параван за предавство“, стои во реакцијата, во која ВМРО-ДПМНЕ тврди дека СДСМ со ваквите политики го загрозува идентитетот и достоинството на македонскиот народ.Од партијата додаваат дека остануваат посветени на европската идеја, но, како што наведуваат, на начин што ќе обезбеди „достоинство, почит и зачувување на идентитетот“, а не, како што велат, „потчинување и понижување“.Во реакцијата се упатуваат и сериозни обвинувања кон Филипче и поранешниот премиер Зоран Заев, оценувајќи дека нивното политичко делување е поврзано со криминал и штетни политики за државата.Со ова, политичката реторика меѓу двете најголеми партии дополнително се заострува, во пресрет на период на засилени политички тензии и меѓусебни обвинувања.

Македонија | пред 1 месец

ВМРО-ДПМНЕ: Член на ЦО на Филипче, станал директор на фирма блиска на семејството Заеви

Блискоста на Заев и Филипче и ден денес се негува, доказ за тоа е новиот директор на фирмата Сара Инженеринг ДОО Струмица, која е блиска до семејството Заеви, велат од ВМРО-ДПМНЕ.„Членот на новиот ЦО на СДС и Филипче, Стојан Коциров кој воедно е и поранешен претседател на младите во Струмица на СДС, е нов директор на струмичката фирма.Станува збор за фирма која до пред само некоја година лично Вице Заев управувал со неа. Истата фирма, била и добитник на голем број тендери во Струмица кога Заев бил градоначалник, но и низ цела Македонија, кога Заев бил премиер. Сара Инженеринг ДОО Струмица е меѓу должниците на Управата за јавни приходи за нецелосно исплатени даноци, како и меѓу фирмите кои добивале кредити од Еуростандард пред банката да биде затворена со стечај.Заев се уште го води СДС и го контролира Филипче. Го мести за претседател, му мести ПР, му мести луѓе за членови на ИО и ЦО, и неговите луѓе кои се блиски соработници на Филипче, ги става директори на фирми блиски до неговото семејство“, се вели во соопштението.

Македонија | пред 1 месец

ВМРО-ДПМНЕ: Пи-арот на Башановиќ нема да ги спаси СДС, најголемата кампања против нив доаѓа одвнатре

Колку и СДС и Венко Филипче да се обидуваат да ја сокријат кризата во која се наоѓаат, и повторно да се претстават како жртва, стратегијата им станува попровидна, велат од ВМРО-ДПМНЕ.„Можат да бидат иронични за анкетите но не можат да ја сменат реалноста па затоа повторно глумат жртва.Обидите за создавање нов имиџ преку склопените пи-ар пораки на Башановиќ не можат да го сокријат фактот дека Филипче се наоѓа далеку од врвот на довербата кај граѓаните, ниту дека СДС е под 5% доверба.Поддршката за ВМРО-ДПМНЕ и претседателот Мицкоски останува стабилна, и тоа не е поради кампањи туку поради перцепцијата кај граѓаните дека Владата работи и има резултати.Граѓаните можат да направат разлика.СДС има само фасада позади која стојат истите структури, истите луѓе и истите лоши пракси и не можат да ја избришат колективната меморија за периодите на економска нестабилност, двоцифрена инфлација и одлуките кои директно ги засегнаа националните интереси.Особено кога станува збор за Филипче, чиј профил останува обременет со скандали кои не може да се покријат со ниту еден пи-ар.Кризата во која се наоѓаат не е резултат на никакви напади, како што стои во нивните соопштенија, туку на одамна изгубениот кредибилитет на Филипче и на членови од највисокото раководство. Тоа што се сведени на неколку проценти доверба е поради длабоко разочарување кај граѓаните.СДС е против СДС, а тоа што измислуваат дека некој води црна кампања против нив е доказ дека се во паника. Не постои кампања што може да уништи кредибилна партија“, се вели во соопштението.

Македонија | пред 1 месец

СДСМ: Мицкоски призна, со ВМРО-ОК Македонија нема да стане членка на ЕУ - предадени се националните интереси

Со последната изјава на Христијан Мицкоски дека „поготвени сме да чекаме и децении, нема да има уставни измени“, лидерот на ВМРО-ДПМНЕ, според СДСМ, признал дека ја турка Македонија во изолација и спречува членство во Европската Унија.Од партијата истакнуваат дека ваквиот став значи со децении загарантирана сиромаштија, зголемено иселување на младите, како и неконтролиран криминал и корупција на штета на граѓаните.„Мицкоски, со часовници вредни 60.000 евра, бизнис мрежа и тендер коалиција што врти милиони, им вели на граѓаните дека ќе чекаат децении. Но, народот и работниците, со ниски плати и високи цени, ќе бидат принудени да бараат спас надвор од земјата“, велат од СДСМ.Партијата додава дека целта на Мицкоски е личен и партиски криминал, додека националните интереси и граѓаните се доведени на колена. Според СДСМ, ветувањата за враќање на името и подобра преговарачка рамка се излажани, а Македонија сега се соочува со сериозни последици од неговата политика.

Македонија | пред 2 месеци

СДСМ: ВМРО-ДПМНЕ секојдневно се занимава со нас

Од СДСМ денеска ја критикуваат опозициската ВМРО-ДПМНЕ за, како што велат, секојдневни напади и „црна кампања“ против партијата и нејзиниот претседател, министерот за здравство Венко Филипче. Според партијата, опозицијата шири измислени афери, лажни анкети и негативни објави во дел од медиумите.„ВМРО-ДПМНЕ се обидува да не дискредитира од сите страни – преку јавен линч, небулозни прес-конференции, совети за реформи и платформи за рушење на СДСМ од внатре“, се вели во соопштението на партијата.Од СДСМ додаваат дека, и покрај овие напади, граѓаните ги препознаваат резултатите на партијата, која, според нив, ги исполнила ветувањата, вклучувајќи ја и смената на името на државата.Партијата исто така укажува на потребата за внимателно работење со анкетите и медиумските трошоци, со цел да се одржи довербата на граѓаните.„Македонија повторно горда“, завршува соопштението на СДСМ.

Македонија | пред 2 месеци

Мицкоски за Филипче: „Неговите изјави се за хумор и сатира, не се распаѓа коалицијата со ЗНАМ“

Премиерот Христијан Мицкоски со ироничен тон одговори на изјавите на лидерот на СДСМ, Венко Филипче, кој тврди дека се распаѓа коалицијата меѓу ВМРО-ДПМНЕ и ЗНАМ.„Понекогаш во поинаква рубрика треба да се коментираат неговите изјави – имаше порано хумор и сатира, можеби таму е местото за тие изјави“, изјави Мицкоски.На директното прашање дали има вистина во тврдењата за распад на коалицијата, премиерот кратко одговори: „Апсолутно не“.Со ова, Мицкоски ги отфрли шпекулациите за нарушени односи во владејачкото мнозинство, оценувајќи ги како неосновани политички конструкции.

Македонија | пред 2 месеци

Манасиевски: СДС падна под 5% доверба, ПР стратегиите не помагаат

Членот на Централниот комитет на ВМРО-ДПМНЕ, Валентин Манасиевски, обвини дека ПР политиките на Башановиќ го довеле СДСМ до историски најнизок рејтинг кај граѓаните.Според Манасиевски, лидерот на СДСМ, Венко Филипче, ужива доверба од само 3,6 проценти, додека самата партија има поддршка од 4,9 проценти.„ПР политиките на Башановиќ го допреа дното во СДС. Со вакви политики и однос кон граѓаните и медиумите – и овој рејтинг им е добар“, наведува Манасиевски.Тој додава дека, според него, тврдењата на СДСМ за раст на довербата кај граѓаните се покажале како неточни, оценувајќи дека „уште една лага се распрснала како меур од сапуница“.Во изјавата се посочува и дека во партиското седиште на СДСМ, познато како Бихаќка, владее неизвесност поради, како што наведува Манасиевски, слабите рејтинзи.Како можни решенија, тој ги посочува промена на ПР стратегијата или раководството, предупредувајќи дека во спротивно СДСМ го очекува „длабока хибернација во опозиција“.Изјавата доаѓа во период на засилени меѓупартиски обвинувања и спротивставени интерпретации на анкетите за доверба кај граѓаните.

Македонија | пред 2 месеци

ВМРО-ДПМНЕ: СДС под 5%, програмата на Филипче не поминува, ниту еден ПР трик не ги брише скандалите

ВМРО-ДПМНЕ обвини дека СДСМ се наоѓа во длабока политичка криза и дека новата програма на лидерот Венко Филипче не може да ја врати довербата кај граѓаните.Од партијата оценуваат дека, и покрај обидите да се прикаже како нов почеток, програмата не нуди суштински промени.„Колку и Венко да се обидува да ја продава својата ‘нова програма’ како некоја голема промена, вистината е дека ништо ново не постои и дека позади секоја негова изјава и секоја негова ‘иницијатива’ стои агенда која ја носи СДС во пропаст“, наведуваат од ВМРО-ДПМНЕ.Во соопштението, Филипче се критикува и за неговиот мандат како министер за здравство.„Филипче како поранешен министер за здравство се обидуваше да профитира од буквално се што можеше, и му се случија најголемите скандали и го креираше системот кој ја урна довербата кај граѓаните, па затоа сега не може да се претставува како реформатор без тоа да звучи како навреда за интелигенцијата на граѓаните“, стои во реакцијата.Според ВМРО-ДПМНЕ, влијанието на Зоран Заев и понатаму е присутно во партијата.„Заев и понатаму ја има реалната тежина и влијание врз СДС, а тоа се потврдува со лицата кои сега се дел од највисокото раководство на партијата, а се блиски до него“, наведуваат од партијата.Дополнително, се посочува дека комуникациските стратегии не можат да ја променат сликата во јавноста.„Ниту еден пиар трик, ниту најдобро осмислена кампања предводена од Башановиќ не можат да ги избришат скандалите на Филипче за секоја неуспешна политика и секој обид за профит, додека Заев ја води и ја контролира партијата од позадина и гарантира дека истиот модел на лоши практики ќе продолжи“, велат од ВМРО-ДПМНЕ.Партијата оценува дека СДС има сериозен пад на довербата кај граѓаните.„Според најновите анкети, СДС е трета партија во државата и нема ни цели 5% доверба од граѓаните, а Филипче како лидер е петти и далеку од тие 5% кои ги ужива партијата. И ова е сурова, непопустлива реалност која не може да се избрише“, наведуваат од ВМРО-ДПМНЕ.Во заклучокот, од партијата порачуваат дека ниту една кампања не може да ја прикрие, како што велат, изгубената доверба.„Со лидер рангиран уште пониско од самата партија и со пад на довербата кај граѓаните јасно дека ниту една кампања не може да ја прикрие длабоката криза и изгубениот кредибилитет“, се наведува во соопштението.

Македонија | пред 2 месеци

Филипче: Предавничката ЗНАМ која е подизведувач на ВМРО се распаѓа!

Претседателот на СДСМ, Венко Филипче, во одговор на новинарско прашање истакна дека владината коалиција е нестабилна и дека движењето ЗНАМ постепено се распаѓа.„Очигледно е дека партијата ЗНАМ, коешто е предавничко движење, луѓе коишто ја предадоа партијата за свои сопствени финансиски интереси, неколку луѓе на врвот на партијата, и се подизведувачи на ВМРО-ДПМНЕ во овие антинародни и спротивно на националните интереси политики, постепено се распаѓа“, рече Филипче.Тој посочи дека граѓаните веќе ја препознаваат вистината и дека се чувствуваат изневерени.„Луѓето очигледно мислеле едно дека ќе биде, но се покажало дека е друго. Ние на тоа предупредивме уште за време на кампањата во 2024 година, но имаше голем број на луѓе коишто тогаш беа разочарани од СДСМ, го дадоа гласот за ЗНАМ и сфатија дека биле прелажени“, истакна Филипче.Претседателот на СДСМ нагласи дека вратите на партијата се отворени за сите.„Затоа на тие луѓе сега им е отворена вратата, не само сега, туку и во изминатиот период и ќе биде и понатаму, да знаат дека ова им е матичната партија којашто никогаш не отстапила од главните идеолошки вредносни политики коишто се тука градени и имплементирани со децении“, порача Филипче.Тој додаде дека актуелната власт го блокира развојот на државата и носи штетни политики.„Не може да мислат луѓето како Христијан Мицкоски и Максим Димитриевски дека некој само ќе седи во Собрание и ќе дига рака додека тие тераат бизниси. А блокиран е европскиот пат. Не се гласаат закони за раст на минималната плата. Не се гласаат закони за повеќе пари во земјоделството. Се носи страшен дискриминирачки, противуставен закон за високото образование. Ништо не се случува во здравството. Луѓето не се најадени“, нагласи Филипче.

Македонија | пред 2 месеци