На пригодна свеченост која се одржа денеска во Големата сала на Општина Охрид беше одбележан јубилејот 80-години делување на Црвен Крст, Охрид.

На пригодна свеченост која се одржа денеска во Големата сала на Општина Охрид беше одбележан јубилејот 80-години делување на Црвен Крст, Охрид.Пред присутните гости, хуманисти, крводарители, активисти и млади волонтери свое обраќање имаше градоначалникот Кирил Пецаков.Crven-Krst20250310019– Секое добро дело што ќе го направиме, прави разлика во нечиј живот. Нема поголема радост од тоа да помогнеш без да очекуваш нешто за возврат.Почитувани присутни, драги гости, ценети хуманисти. Голема е честа и гордоста што како градоначалник на Охрид имам можност да бидам дел од свечениот настан со кој се одбележуваат осум децении од солидарноста и првите организирани активности за помош на најранливите во нашиот град.Црвен крст Охрид не е само организација – тој е пулсот на човекољубието, светлина во мракот и силна надеж за тие што ја изгубиле. Овој значаен јубилеј е доказ дека хуманоста е темел што не обединува. Бројни се волонтерите и активистите, кои низ годините го оставиле своето срце во секој гест на добрина. Со длабока почит се поклонуваме пред сите што ја испишаа оваа приказна. Пред оние кои беа тука пред нас, пред оние кои денес ја продолжуваат мисијата и пред сите што во иднина ќе го носат овој аманет.Денес, кога охридскиот Црвен Крст одбележува 80 години од своето постоење, Општина Охрид изразува искрена благодарност за долгогодишната плодна соработка. Нашето партнерство е сведоштво за заедничката заложба, да обезбедниме помош онаму каде што е најпотребна.Преку бројни акции, проекти и поддршка на ранливите категории, заедно создадовме мост на надеж и човечност. Општина Охрид и во иднина ќе ја продолжи оваа соработка, уверени дека заедно можеме да направиме уште повеќе за доброто на нашите сограѓани.Ви благодариме за вашата несебична работа и ви посакуваме уште многу успешни години во исполнување на вашата возвишена задача. Нека оваа јубилејна година биде поттик за уште повеќе добри дела, за уште посилна хуманост!Почитувани, ова мое обраќање до вас ќе го завршам со зборовите на нашата најголема хуманистка Мајка Тереза „Секој од нас чувствува дека она што го прави е само една капка во океанот. Но ако не правиме ништо, океанот ќе биде посиромашен за таа една капка.“ Нека оваа мисла биде наша водилка, која ќе ни го покаже патот кон позитивните промени кои сакаме да ги видиме во Светот и во нашиот Охрид, истакна Пецаков во своето обраќање.Во знак на благодарност за досегашната успешна соработка со Општина Охрид, од страна на Црвениот Крст, на градоначалникот, Кирил Пецаков му беше доделено јубилејно признание.Свечениот настан беше отворен со видео презентација за историјата на функционирањето на Црвениот Крст во Република Македонија, а беа прикажани и видео материјали во кои беа претставени активностите и успешните проекти на оваа хуманитарна организација на државно ниво и на ниво на Општина Охрид. На настанот свое обраќање имаше претседателот на ОО Црвен Крст, Охрид, Сашо Точков и претседателот на Црвениот Крст на Република Македонија, Ромел Велев.Во рамки на настанот беше отворена и кратка дискусија со присутните, во чии рамки дел од волонтерите и активистите на организацијата го споделија своето искуство од работењето на бројните програми кои се имплементираат од страна на Охридскиот Црвен Крст.https://ohrid.gov.mk/%d0%be%d0%b4%d0%b1%d0%b5%d0%bb%d0%b5%d0%b6%d0%b0%d0%bd-%d1%98%d1%83%d0%b1%d0%b8%d0%bb%d0%b5%d1%98%d0%be%d1%82-80-%d0%b3%d0%be%d0%b4%d0%b8%d0%bd%d0%b8-%d1%86%d1%80%d0%b2%d0%b5%d0%bd-%d0%ba%d1%80%d1%81/?fbclid=IwY2xjawJPnAFleHRuA2FlbQIxMQABHZzlpHlDA3TLu6F2E2Y8H-PCPy9aQTdYyDX6RnaDx6CK0BmR8ehCrBFSGw_aem_neIWN-r1bnE9Xn5h16LtCg 

ОО | пред 1 година

ЈАВЕН ПОВИК ЗА СУБВЕНЦИОНИРАЊЕ НА ДЕФИЦИТАРНИ ЗАНАЕТИ И ЗАНАЕТИ КОИ БЕЛЕЖАТ НАМАЛУВАЊЕ НА АКТИВНОСТИТЕ ВО КОНТИНУИТЕТ НА ПОДРАЧЈЕТО НА ОПШТИНА ОХРИД

Согласно Програмата за поддршка на локалниот економски развој на општина Охрид за 2025 година, Правилникот за користење на финансиски средства од Буџетот на општина Охрид за субвенционирање на регистрирани занаетчии на подрачјето на општина Охрид, со бр.09-2519/1 од 24.02.2025 година објавува:https://ohrid.gov.mk/%d1%98%d0%b0%d0%b2%d0%b5%d0%bd-%d0%bf%d0%be%d0%b2%d0%b8%d0%ba%d0%b7%d0%b0-%d1%81%d1%83%d0%b1%d0%b2%d0%b5%d0%bd%d1%86%d0%b8%d0%be%d0%bd%d0%b8%d1%80%d0%b0%d1%9a%d0%b5-%d0%bd%d0%b0-%d0%b4%d0%b5%d1%84/?fbclid=IwY2xjawJPm9lleHRuA2FlbQIxMQABHeMs6ZS8bVekETFYQBgmSPf-FTeAmghgShYtQ8OSodbAVgYrjNtVPiyy2g_aem_Uf7H8KDwlFdE1j2YjBLodA

ОО | пред 1 година

Културни настани за 8-ми март

Со богата културно уметничка програма што вечерва се одржа во ЦК „Григор Прличев“ Општина Охрид, Женскиот Центар „Бисера“ и фото клуб „Охрид“ го одбележаа 8-ми Март – Меѓународниот ден на жената.„Жени во фокусот“ беше изложбата на фотографии од 12 жени на Нина Ангелоска, а на настанот пригодно обраќање имаше Претседателот на Советот на Општина Охрид, Перчо Божиноски:8-mi-Mart20250308001 -Драги дами, прекрасни суштества без кои не може да се замисли овој Свет, верувајте ова е настан на кој е најтешко да се одржи говор да се најде збор со кој ќе се опише вашата суштина и лик. Вие сте идеален склоп на нежни, кревки и грациозни суштества од една и силни, непобедливи и горди лавици од друга страна. Нежни сопруги, пожартвувани мајки и силни личности кои најдобро се справуваат со сите животни предизвици.Мајки , жени, тетки, баби…., кралици нека ви е честит 8-ми март – Меѓународниот ден на жената.Ако вас ве немаше ќе ја немаше и суштината на овој Свет, не ќе постоеше човештвото и убавината што вие ја дарувате. Не случајно матријархатот преовладувал во старо време, а вербата во мајката Божја е доминантна и над се во што ние веруваме и го негуваме.Чест ми е што присуствувам на отворањето на оваа изложба „Жени во фокусот“, преку вас 12 жени кои доаѓате од различни општествени сфери овој настан го посветуваме на сите припаднички на понежниот пол. Бројот 12 е само симболика. На вашите животни приказни се восхитуваме сите ние. Но секоја жена, домаќинка, работничка на машина, учителка или адвокат е подеднакво вреедна и ценета за сите нас.„Вистинската убавина не е поврзана со бојата на вашата коса или бојата на вашите очи. Вистинската убавина е поврзана со вас и вие како човечко суштество, со вашите принципи и вашиот морален компас“ .Секогаш наоѓајте причини за насмевки , а ние ќе се трудиме да создаваме поводи за тоа затоа што „Една жена чијашто насмевка е отворена, и чијшто израз е мил има убавина без разлика на тоа што облекла на себе“.Бидете ни здрави радосни и секогаш среќни затоа што Светов без вас е невозможен– рече Божиноски.Во рамки на случувањето се одржа и музичко – поетска вечер „Мевлем“, а учесници беа Марко Виденовиќ на пијано, Памела Велкова и Верица Ајтовска на виолина и Енис Аљи на виолончело.Претходно Здружението на жени „Бисера“ со изложба од жени сликарки ја одбележа 30 годишнината од своето постоење, а беа доделени и благодарници на успешни жени. Во рамки на празнувањето беа изложени и слики „Фрагменти на таа што создава“ од Фото клуб – Охрид.https://ohrid.gov.mk/%d0%ba%d1%83%d0%bb%d1%82%d1%83%d1%80%d0%bd%d0%b8-%d0%bd%d0%b0%d1%81%d1%82%d0%b0%d0%bd%d0%b8-%d0%b7%d0%b0-8-%d0%bc%d0%b8-%d0%bc%d0%b0%d1%80%d1%82/?fbclid=IwY2xjawJPm5JleHRuA2FlbQIxMQABHcXehgKIhAQCUi61hAmluoZfo8ucHV3rmDCaC9PB5y4-y9VqM4AIYCNY6A_aem_XLgN4ZX17u8a06iFKPvO3A

ОО | пред 1 година

Изложба на фотографии ,,Жени во фокусот" и музичко-поетски рецитал ,,Мевлем"

Изложба на фотографии ,,Жени во фокусот" и музичко-поетски рецитал ,,Мевлем"

ОО | пред 1 година

Градоначалникот Кирил Пецаков денеска оствари средба со учесниците на „Школата за безбедност 2025“

Градоначалникот Кирил Пецаков денеска оствари средба со учесниците на „Школата за безбедност 2025“ која се одржува во Охрид и Скопје од 6-ти до 8-ми март.На средбата беше отворена кратка дискусија на која градоначалникот Пецаков ги запозна студентите со мерките и активностите кои Охридската локална самоуправа ги презема во делот на справувањето со кризи. Тој потенцираше дека формиран е Штаб за заштита и спасување на Општина Охрид кој е постојана соработка со Центарот за управување со кризи и Дирекцијата за заштита и спасување. Исто така, ги информираше гостите дека општината има донесено Програма од областа на заштита и спасување, управување со кризи и ревитализација по елиминирање на кризи,  а со новата систематицација во рамки на Локалната самоуправа е формирано Одделение за заштита и спасување и управување со кризи.На средбата беше потенцирано дека Општина Охрид веќе е дел од Иницијативата за отпорни градови  Making Cities Resilient 2030 (MCR2030) во рамки на Канцеларијата на ООН за намалување на катастрофи, а беше разговарано и за иницијативата за формирање на комунална полиција, која значително ќе придонесе за безбедноста во Охрид, особено во периодот на летната туристичка сезона.Градоначаникот Пецаков одговори и на низа прашања поврзани со актуелените теми за безбедност и заштита од природни непогоди на локално ниво, актуелните проекти и предизвиците со кои се соочува Општина Охрид во неколку области од работењето.„Школата за безбедност 2025“ е во организација на фондацијата „Конрад Аденауер“ и на неа учествуваат студенти од Филозофскиот факултет при Универзитетот „Св. Кирил и Методиј“ од Скопје, Факултетот за политички студии при Универзитетот „Св. Климент Охридски“ од Софија, Бугарија и Факултетот за политички науки при „Белградскиот универзитет“ од Белград, Србија.

ОО | пред 1 година

ОДЛУКА ЗА СПРОВЕДУВАЊЕ НА СТРАТЕГИСКА ОЦЕНА ЗА ПЛАНСКИОТ ДОКУМЕНТ ДУП ЗА УЗ 8 УБ 8.1 ОПФАТ 4, ОПШТИНА ОХРИД

Врз основа на член 65 став(6) од Законот за животна средина („Сл.весник на РМ “ бр.53/05, 81/05, 24/07, 159/08, 48/10, 124/10, 51/11, 123/12, 93/13, 42/14, 44/15,  129/15, 39/16 ,  99/18, 89/22 и 171/22 ), Општина Охрид,  на ден 06.03.2025 година,  донесе:https://ohrid.gov.mk/%d0%be%d0%b4%d0%bb%d1%83%d0%ba%d0%b0-%d0%b7%d0%b0-%d1%81%d0%bf%d1%80%d0%be%d0%b2%d0%b5%d0%b4%d1%83%d0%b2%d0%b0%d1%9a%d0%b5-%d0%bd%d0%b0-%d1%81%d1%82%d1%80%d0%b0%d1%82%d0%b5%d0%b3%d0%b8%d1%81%d0%ba-21/?fbclid=IwY2xjawJPmrZleHRuA2FlbQIxMQABHWXxYcBrx32eKh-C4rywLmnnOF8toYHpQXDR04d6ig05lV5ZytKlsdfIGA_aem_Q4y00filoNluaNmloO00-w

ОО | пред 1 година

Спортски ден во ООУ „Живко Чинго“

Секретарот на Општина Охрид, Александар Китески претпладнево во спортската сала Тодор Александров во с. Велгошти се обрати на отворањето на Спортскиот ден што го организира ООУ „Живко Чинго“ и Сојузот на училишен спорт од Охрид , а по повод 144 години од раѓањето на македонскиот револуционер и великан Александров.Во своето обраќаање Секретарот Китески истакна:– Охрид во изминатите неколку години прерасна во партнер на спортот во Охрид. Континуираното инвестирање во спортот, во спортската инфраструктура, во поединците веќе вродува со плод, за кое што лично можам да кажам дека сум многу горд. Охрид живее во духот на спортот.Во оваа прилика сакам да изразам благодарност до оранизаторите на овој настан, бидејќи нивните активности за афирмација и подигање на спортската култура особено кај најмалдите се во корелација со заложбите на Општина Охрид.Незимерна е радоста да се гледа во деца чии лица ги краси насмевка и задоволство. Токму такви се лицата денес на учесниците на овој спортски ден. Она што го прави посебен овој настан е тоа што преку спортска игра ќе научите дека постојаноста и посветеноста се најважни, а тие карактеристики ќе ви помогнат така да се однесуваат и во сите други области во понатаможниот живот.Дополнителен бенефит на ваквите манифестации е тоа што придонесуваат за правилен психо-физички и социјален развој на нашите најмили – децата. Со правилен психо-физички и социјален развој градиме здрава иднина, како што вели народната поговорка, „Во здраво тело – здрав дух“.За крај од моето обраќање дозволете ми да ги употребам зборовите од американскиот спортист Џим Валвано, „Никогаш не се откажувајте, Падовите и неуспесите се првиот чекор кон успехот!“-подвлече Китески.Младите спортски таленти се натпреваруваа во дисциплините фудбал, баскет за машки и женски екипи, пинг понг и шах за мажи и жени. Подобрите во натпреварувачкиот дел ќе бидат наградени со пехари и медали.

ОО | пред 1 година

Прилепчанецот кој пукаше во вработена во Центарот за социјални работи го гонат за обид за убиство

Основното јавно обвинителство Прилеп донесе Наредба за спроведување истражна постапка против 50-годишен прилепчанец, бидејќи постои основано сoмнение дека тој сторил кривично дело – Убиство од член 123 став 2 точка 3 во врска со член 19 (во обид) од Кривичниот законик, како и – Неовластено изработување, држење, посредување и тргување со оружје експлозивни материи од член 396 од Кривичниот законик.Вчера, во просториите на ЈУ МЦСР Прилеп, тој со умисла се обидел да ја лиши од живот една оштетена – социјален работник, а во опасност го довел и животот на уште тројца вработени во Центарот за социјални работи.Со оружје – пиштол марка „Берета“ модел 950 Б со калибар 6,35 мм, кој го поседувал без дозвола, тој започнал да пука кон жртвата, која се обидела да се скрие во една канцеларија. Со два куршуми ја погодил, при што со едниот проектил и нанесол површна рана во пределот на главата – аркадата, а со другиот и нанел прострелна влезно-излезна рана во пределот на десната страна од слабината.Директорот на установата успеал да го совлада и да го задржи до пристигнување на полициските службеници, кои покрај пиштолот кај него пронашле и одзеле и еден нож.Осомничениот, согласно евиденцијата, е претходно осудуван за кривични дела – телесна повреда, загрозување на сигурноста, демнење и други кривични дела, против него во постапка се и други пријави, а во моментот издржувал мерка на безбедност – Задолжително лекување во психијатриска болница од каде избегал.Поради сите овие и други околности кои укажуваат на опасност од бегство, можност за влијание врз сведоците и опасност да го повторува кривичното поведение, јавниот обвинител до судијата на претходна постапка достави предлог за определување мерка притвор за осомничениот.

Македонија | пред 1 година

Наплаќале за за 24 часовно обезбедување, а обезбедувале само една смена - ексдиректорот на „Државни патишта“ го гонат за злоупотреби

Поранешниот директор на ЈП „Државни патишта“, Ејуп Рустеми заедно со уште четири физички и едно правно лице се сомничи за злоупотреби при јавна набавка за избор на фирма за физичко обезбедување на 14 наплатни станици на Јавното претпријатие за државни патишта, објави Обвинителството.„Против тогашниот управител на фирмата од Кичево и правното лице е поведена истрага за кривично дело – Злоупотреба на постапката за јавен повик, доделување на договор за јавнa набавкa или јавно-приватно партнерство од член 275-в од Кривичниот законик, додека за останатите четворица – тогашен директор на претпријатието, еден од потписниците на договорот и двајца надлежни за контрола на реализацијата, се води постапка за кривични дела кои опфаќаат злоупотреба на службена положба и овластување и фалсификување службени исправи.Станува збор за договор за јавна набавка склучен на 08.08.2022 година со кој осомничениот управител на агенцијата за обезбедување се обврзал две години да врши континуирано физичко обезбедување 24/7 на сите 14 наплатни станици на Јавното претпријатие за државни патишта. Иако согласно потпишаниот договорот бил должен, не се придржувал кон обврската и за целиот период од договорот вршел само делумно физичко обезбедување, најчесто само во прва смена, а на договорниот орган фактурирал услуги како да било вршено 24/7 физичко обезбедување за целиот период на договорот се до неговото раскинување.Тогашниот директор на јавното претпријатие бил должен да се грижи за законитоста во работата и примената на прописите, статутот и другите акти, како и да врши контрола дали извршувањето на договорот за јавна набавка е во согласност со условите, но не ја извршил таа должност и го пропуштил должниот надзор над носителот на јавната набавка иако знаел дека физичкото обезбедување се врши само делумно.Двајца осомничени раководители на одделение за наплата на патарини и контрола, исто така имале задолжение да го следат договорот и неговото исполнување, да вршат контрола во извршувањето, одобрување на работни налози за извршување на услугата, испратници, следење на квалитетот на извршените услуги и проверка на доспеаните фактури, како и да изготвуваат извештаи дали договор е целосно реализиран. Таквите контроли не ги вршеле во целост и иако знаеле дека обезбедувањето се извршува само делумно најчесто во прва смена, ги потпишувале барањата за одобрение за плаќање.Вториот потписник на договорот бил запознаен со бараната спецификација, но и покрај тоа ги одобрувал барањата и одобренијата за плаќање, по што ги одобрувал и доспеаните фактури кои потоа биле реализирани во корист на Агенцијата за обезбедување.На овој начин другите осомничени на осомничениот носител на набавката му овозможиле да прибави противправна имотна корист во износ од 46.918.079 денари и со тоа нанеле штета од големи размери на Јавното претпријатие за државни патишта.Јавниот обвинител до Основниот кривичен суд Скопје достави предлог за определување мерка притвор за првиот осомничен, додека за останатите се предложени мерки на претпазливост“, велат од Обвинителството.

Македонија | пред 1 година

(Видео) Младиот Јован кој спасуваше животи, дочекан со овации во гимназијата во Виница

Во Гимназијата „Ванчо Прке“ во Виница денеска оддекнаа овации за Јован Костадинов, 19-годишното момче кои со мокра крпа на лицето спасуваше луѓе од дискотеката „Пулс“ во Кочани. Негови соученици, наставници и пријатели го дочекаа со топл0 добредојде, по враќањето од болничко лекување по кобната вечер во дискотеката „Пулс“ во Кочани.Неговиот подвиг не остана незабележан. Овие денови, неговото име се споменува со длабока почит на социјалните мрежи, а неговата несебичност е инспирација за многумина.Тој беше во болница, по што по третирањето на неговата состојба, беше испишан.Министерот за здравство, Арбен Таравари, рече дека Јован немал изгореници.„Јован имаше интоксикација, вчера е пуштен на домашно лекување“, рече Таравари.Д-р Чибишев од Клиниката за токсикологија рече дека Јован е пуштен на домашно лекување во добра состојба.„Тој беше примен на Клиниката поради внесување на зголемени концентрации на јаглероден моноксид. Беше третиран седум дена, вчера беше испишан, пуштен на домашно лекување. Во наредните седум дена, треба да се направи уште една контрола“, рече д-р Чибишев од Клиниката за токсикологија.

Македонија | пред 1 година

Со измените на законот за ангажирање на лица ќе се регулира работниот однос и на лицата коишто се пензионирани и на студенти

Претседателот на Владата на Република Северна Македонија, Христијан Мицкоски одговарајќи на новинарско прашање во врска со најавените измени на законот за работно ангажирање на лица, истакна дека е тоа закон за кој којшто делумно има поддршка и од опозицијата.„Тоа е закон во којшто ќе биде регулиран работниот однос и на оние лица коишто се пензионирани или оние лица коишто се студенти. Досега тоа некако се одвиваше и беше дел од сивата економија, со измените во овој закон тоа ќе се регулира. Целта ни е да ја зголемиме вработеноста, да ја зголемиме продуктивноста, а во насока на зголемување на перформансите на економијата“, истакна премиерот Мицкоски и додаде:„Задоволни сме од резултатите во третиот и четвртиот квартал, тие се меѓу петте во Европа, над 3%. За првиот квартал од оваа година очекуваме исто така поволни резултати, ќе видиме како понатаму ќе се движи. Задоволни сме од нивото на странските инвестиции, тоа е историски највисоко. Задоволни сме што конечно извозот и индустриското производство, полека но сигурно почнуваат да растат. Така што сите перформанси во делот на економијата и сите оние индикатори покажуваат знаци на консолидирање, за разлика од тоа коешто во минатото претставуваше грабеж, пљачка и уништување“.

Македонија | пред 1 година

Сопругата и ќерката на газдата на дискотеката се на распит во станица

Сопругата и ќерката на Дејан Јованов – Деко, сопственикот на дискотеката „Пулс“ се повикани во полициска станица, да дадат исказ. „Скопје1“ побара од Обвинителството да прецизира дали тие се осомничени или не, на што не добивме конкретен одговор, па ни одговорија: „Доколку има нови приведени обвинителството ќе извести. Ова се информациите до овој момент“.Обвинителството веќе соопшти дека на распит се викнати лица кои би можеле да имаат определени сознанија, што би значело дека тие немаат статус на осомничени во постапката за начинот на работа и пожарот во објкетот. Оваа информација е неофицијална.Одземени се и неколку телефонски уреди, кои ќе бидат дадени на вечташење.Од МВР, без никакви детали.„Министерството за внатрешни работи во текот на вчерашниот ден и денеска во координација со истражните тимови на Јавното обвинителство преземаат дејствија за обезбедување докази во истрагата во врска со трагичниот пожар во Кочани. При тоа извршени се претреси на пет локациии во Кочани и Скопје, при кои се одземени дополнителни електронски уреди и други докази за кои се издадени наредби за вештачење. Извршени се распити на лица кои би можеле да имаат определени сознанија“ велат од МВР.

Македонија | пред 1 година

Мицкоски: Ќе се зголемат средствата за капитални проекти, а ќе се донесат и странски инвестиции и ќе се отворат нови работни места во Кочани

Претседателот на Владата на Македонија, Христијан Мицкоски денес одговарајќи на новинарско прашање во однос на тоа кои се плановите на Владата за поддршка на Кочани, освен помошта на семејствата на повредените и загинатите во големата трагедија, изјави:„Апсолутно да. Апсолутно да, Кочани ќе биде наш главен приоритет во периодот којшто следи, како што беше и во минатото исто така. Ќе бидат средствата зголемени во периодот што следи, во делот на инвестиции во Кочани, но ќе биде и приоритет во делот на обезбедување инвеститори и креирање на нови добро платени работни места во иднина. Веќе со две такви компании разговараме, преговараме, иако беа веќе утврдени местата на инвестиции, сега тие ќе се пренасочат во Кочани, во зоната таму. Но, исто така и ние како Влада преку овој проект за којшто денес зборуваме ќе одвоиме два до три пати повеќе средства за Кочани, во делот на инвестиција на инфраструктурните проекти.Истовремено продолжуваме да се грижиме за сите оние повредени лица. Можам да кажам дека поминаа оние два критични, можеби најкритични меѓника, тоа е 72 часа и 7 дена. Од тие речиси две стотини повредени коишто најголемиот дел имаат изгореници и повеќе од 50% до 80% и покрај тешката состојба, сите се во моментот стабилни, иако имаме 5 или 6 случаи коишто се критични, но се бориме и ќе продолжиме да се бориме.Ова беше прецизна, точна реакција, благодарност до медицинските тимови коишто ја дадоа онаа потребна прва помош и во Кочани и во Штип и во Скопје. Благодарност и до сите институции коишто помогнаа. Тој ден навистина сè функционираше, но и деновите потоа, беспрекорно. И ние сите должиме една огромна благодарност.Сите оние лица, а тоа се повеќе од стотина, се веќе надвор, згрижени, со двајца членови на нивните семејства. Како Влада, ние го обезбедивме и превозот и сместувањето таму и ќе продолжиме да се грижиме. Од информациите со кои располагам, од Министерството за здравство, дел од пациентите ќе почнат да се враќаат, дел коишто се хоспитализирани кај нас се отпишуваат, односно откако е пружена негата, одат во домашно лекување. Така што, со Господ напред, очекувам сè да биде добро, колку може да биде добро во оваа ситуација. Продолжуваме да се грижиме и за сите оние коишто, за жал, невини жртви, кои трагично го загубија животот, за нивните семејства и сè она за кои може Владата да помогне, во периодот којшто следи, ќе помага.“

Македонија | пред 1 година

Направени контроли на над 3100 лиценци, во постапка на одземање се 479 лиценци поради неправилно работење, вели Николоски

Вицепремиерот и министер за транспорт Александар Николоски истакана дека од досегашните контроли на над 3100 лиценци во делот на градежното работење и урбанистичкото планирање, кај 479 лиценци констатирано е неправилно работење и поради тоа на сите овие правни лица ќе им бидат одземени лиценците.„Оваа листа ќе биде доставена до соодветните институции за понатамошно постапување. Исто така би сакал да најавам дека ќе пристапиме кон законски измени со кои овие контроли ќе бидат обврзни на секои шест месеци, а не како досега на доброволна основа и за следните контроли жалбата нема да го одлага извршувањето односно суспензијата ќе оди веднаш. Целта не е да казнуваме туку компаниите кои добвоволно се согласиле на условите што ги предвидува законот, доборволно да ги исполнуваат затоа што феноменот е дека во моментот на поднесување на барањето ги усполнуваат, а потоа престануваат да исполуваaт тие услови. За да не настане забуна, контролите се прават на лиценците во делот на потребниот број на вработени, а во дел на квалитет на изведување и во дел на квалитет на навремено извршување постојат соодветни надзори кои ги контролираат градбите”- истакна вицепремиерот Николоски.

Македонија | пред 1 година

СДСМ: Зошто актуелниот директор на ДПИ не е опфатен со истрагата за Кочани?

„Сериозноста на трагедијата во Кочани која ја погоди цела Македонија и во која заубивме 59 млади животи гласно повикува на непристрасна истрага за лоцирање на одговорноста од сите, без исклучок“, вели Јон Фрчкоски – директор на Центарот за истражување и анализа од СДСМ и додава:Од првиот ден СДСМ дава силна поддршка на независна, темелна и неселективна истрага која ќе лоцира одговорност за сите поранешни и сегашни функционери, службеници и политичари.Државата, институциите, мора да покажат капацитет да ја спроведат правдата до крај.Тоа им го должиме на семејствата на жртвите, на граѓаните и на иднинте генерации. Ваков ужас, вакви трагедии никогаш повеќе да не се повторат.Од она што досега се случува со текот на истрагата и за што имаме информации изразуваме длабока загриженост дека истрагата се води селективно и дека е насочена само кон поранешни функционери и службеници.Досега, може да заклучиме дека целосно се игнорираат тие кои биле на функции токму во времето кога се случила трагедијата во Кочани.Според јавно достапните информации, двајца поранешни директори на Државниот пазарен инспекторат (ДПИ) се опфатени со истрагата поради наводно непостапување.Логично се наметнува прашањето зошто актуелниот директор на ДПИ, Влатко Стојкоски не е опфатен со истрагата?Иако носи дури и поголема одговорност за надзорот врз објектот „Пулс“ во период пред и за време на кривично-правниот настан.Државниот пазарен инспекторат има надлежност да врши надзор над примената на законите а има и законска обврска да одреди и забрана за работа од 30 дена доколку не се исполнети законските услови.Дали сето ова било спроведено во мандатот на актуелниот директор на ДПИ? Дали постоеле сознанија за прекршувања на законите? Или некој свесно не постапил?Ова се легитимни прашања на кои истрагата треба да даде одговор.Јавноста има право да знае зошто, ако се гони поранешни директори на ДПИ, актуелниот директор е се уште амнестиран, иако ја носи директната надлежност во критичниот период.Селективната правда не е никаква правда. Доколку се штитат поединци блиски до власта, довербата на граѓаните во правосудниот систем ќе биде целосно урната, а чувството на неправда – уште подлабоко.СДСМ бара целосна, независна и неселективна истрага. Правдата мора да биде задоволена и да биде еднаква за сите!

Македонија | пред 1 година

Детали: Претреси и во Скопје, покрај тие во Кочани - се одземаат уреди, искази даваат и лица што имаат сознанија

Во текот на вчерашниот ден и денеска истражните тимови на Јавното обвинителство и Министерството за внатрешни работи координирано преземаат дејствија за обезбедување докази во истрагата во врска со трагичниот пожар во Кочани.Извршени се претреси на пет локации во Кочани и во Скопје, при кои се одземени дополнителни електронски уреди и други докази за кои се издадени наредби за вештачење. Извршени се и распити на лица кои би можеле да имаат определени сознанија.Во текот на денот, Јавното обвинителство ќе издаде наредба и до Управата за финансиска полиција за преземање определени дејствија поврзани со материјалното работење на повеќе правни субјекти, осомничените и други лица.

Македонија | пред 1 година

Коцевски добива шанса од Мицкоски, постапката за разрешување му е паузирана - кажано е и што се очекува од него

Премиерот Христијан Мицкоски, чија Влада ја покрена постапката за разрешување на републичкиот јавен обвинител Љубомир Коцевски, сега му дава шанса да работи. Според Мицкоски, постапката ќе застане таму каде што се наоѓа во моментов, а тоа е во Советот на обвинители.„Во овој момент имајќи ја в предвид чувствителната, планираме таа постапка да ја застанеме таму каде што се наоѓа, затоа што цениме дека обвинителите кои работат посебно на случајот кој се случи во Кочани, треба да работат и да сработат. Кога кажав дека сме задоволни, впрочем можев да видам дека има заедничка акција и работа помеѓу МВР и ЈО кое резултираше со 34 обезбедени лица, кои имаат и најмал сомнеж за поврзаност со овој случај, но ќе повторам, тука нема да застанеме, случајот ќе се проширува“, рече Мицкоски.Но, Мицкоски има и други очекувања од Коцевски.„Јавноста е чувствителна на некои случаи од минатото, па ќе почекаме да видиме дали ЈО има амбиција да констатира неправилности од минатото и дали би можело тие случаеви да ги преразгледа и да видиме дали сме сите за правда или таа ќе биде селективна. Да видиме дали таа правда е некогаш добиена или е селективна. Како Влада го охрабруваме, да се движи во таа насока и секој што направил било каква грешка да биде санкциониран“, рече Мицкоски.

Македонија | пред 1 година

Нови претреси во Кочани, истрагата за пожарот и работата на диското „Пулс“ се проширува

Истрагата по пожарот во дискотеката „Пулс“ во Кочани се проширува, кажа премиерот Христијан Мицкоски, одговарајќи на прашањето дали и во моментов се вршат претреси во простории кои се во сопственост на газдата на дискотеката и во канцелариите на подрачните служби на Државниот пазарен испекторат.Според Мицкоски, досега статус на осомничени добија 34 лица, а Мицкоски речe дека станува збор за поединци за кои има и најмал сомнеж за поврзаност со овој случај.„Но ќе повторам, тука нема да застанеме, случајот ќе се проширува“, рече Мицкоски.

Македонија | пред 1 година

Посебен режим на сообраќај во Скопје

СВР Скопје ги известува граѓаните дека денеска (25.03.2025) со почеток од 20.45 часот поради одржување на меѓународен квалификациски фудбалски натпревар на арената „Тодор Проески“ во Скопје, Единицата за безбедност на патниот сообраќај ќе преземе мерки за посебен режим на сообраќајот.СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници.

Македонија | пред 1 година

Од повредените во Кочани: 12 пациенти се испишуваат во болниците, 4-5 се покритично, има и влошување

Министерот за здравство, Арбен Таравари, кажа дека и натаму на лекување се 151 пациент, кои настрадаа во диското „Пулс“ во Кочани. Од нив, рече дека пет пациенти се во полоша состојба, како и дека некаде има влошување. Добрата вест е дека 12 пациенти си заминуваат дома, а кои се лекуваа во Скопје.„Вкупно во болниците во Скопје се 39 пациенти. Денеска се испишуваат 12 пациенти и практично ќе останат 27 пациенти кои се лекуваат во болниците во Скопје. Исто така во странство продолжуваат да бидат 115 пациенти. Имаме добра вест, што најверојатно еден пациент од Белград се враќа денеска, ќе биде на понатамошно лекување во Скопје. Состојбата на пациентите надвор во државата, продолжува кај четири-пет пациенти да бидат во посериозна состојба, некаде има и влошување, но колегите се обидуваат да дадат максимум од себе, за да го поминат овој тежок период за нив“, рече Таравари.Екипи од Клиниката за пластичка хирургија веќе заминале за Кочани и таму ќе даваат третман на повредените.

Македонија | пред 1 година

Ина за пратениците: Одмор за време на ваква трагедија не е дно, треба лифт да викнеш да те качи до дното

Инфлуеснерката која пишува под името на Ина Многуфина, остро го искритикува Собранието кое реши да не работи две недели, за да пратениците не се караат на пратенички прашања поради трагедијата во Кочани.Нејзиниот статус:„Во време на крах на системот кога е нужно да се лоцираат сите закони кои треба да се сменат, оние што имаат дупки што станале тунели, оние кои се донесени за да може да шиба корупцијата, оние закони кои доведоа до оваа трагедија.... собранието си зема две недели одмор. Да одморат они од не знам што. Од праење планови како со седење во Скопје да кешираат патни трошоци, како да идат пијани на работа, како да дремат по цел ден во бифето кое е поевтино и од студентска менза, како да се местат да позираат додека се сликаат како се потпишуваат во книгата на жалост со поглед во камера и поза кума во матично, како да дремеат на седници куцкајки на телефон, да одморат од пикање на штабските потрчковци во собрание за решение, од тоа?Собранието го носи барјакот за системот кој го немаме, слика и прилика на еден непрофесионализам и неетичност. Да одмореле, демек да не се испотепале за ситуацијата. Еј, немој бе. Демек ќе излезат и ќе се скараат за тоа кој е крив? Па тоа ќе ескалира? Немојте, па ние сите знаеме дека они се другарчиња кои сложно гласаат за плати и патни трошоци како едно. Земале одмор две недели, да не биде полошо.Демек елоквентниве, дел од нив со фонд на зборови комад три, а дел само послушно дигаат рака. Бугарски пратеник собра 35 000 евра и ги донесе, нашиве одмор земаа. Да одморат од тоа што нигде ги немаше во време на трагедијата. Има допирање на дно во политика ама зимање одмор во време на ваква трагедија кога треба да се анализира системот и да се средува да земеш две недели одмор, не е дно. Од овде треба да викнеш лифт да те качи до дното. Беда“.

Коментари | пред 1 година

Само што започна собирот во Скопје, МВР воведе забрана за снимање со дронови без објаснување - зошто?

Сите места каде ќе се маршира, вечерва станаа забранета зона за снимање со дронови. Дури на една минута по стартот на собирот и марш за настраданите во дискотеката во Кочани, а по прашањата од „Скопје1“, стигна и соопштение од Министерството за внатрешни работи со кое информираат дека вовеле забрана. Тоа е направено без никакво објаснување, па така, и на тие кои имаа дозвола, меѓу кои беше и нашата екипа – дозволата им е откажана.[caption id="attachment_325208" align="alignnone" width="1558"] Screenshot од воведената забрана[/caption]За воведувањето забрана, системот на Агенцијата за воздухопловство не испраќа известувања до тие кои веќе имаат закажани летови. Па така, ако лицата кои оперираат со дронови, не следат медиуми од минута до минута – тогаш може да добијат и казни, како што се вели во соопштението.[caption id="attachment_325209" align="alignnone" width="1367"] Screenshot од закажаните летови[/caption]„Неовластеното, некоординирано оперирање на овие воздухоплови не само што го загрозува воздушниот сообраќај, туку може да предизвика сериозни последици по животот и имотот на трети лица на земја. Оперирање со воздухоплови без екипаж во забранети зони е основ за поведување постапка за санкционирање согласно Законот за воздухопловство“, стои во соопштението.Но во него, МВР не објаснуваат која е причината поради воведување на ваквата забрана. Особено, ако се има во предвид дека снимањето на дрон, ако немаше забрана, можеше да се направи согласно сите законски прописи – да не биде над толпата, да се види во радиусот кој е регистриран, да го прават оператори кои се регистрирани.„Скопје1“ побара објаснување за тоа зошто МВР донела интервентна одлука за забрана на снимање со дронови на сите локации каде е маршот, како и зошто вакви забрани се носат сега, но не и кога во време на кампањи политичките партии снимаат цели митинзи со дронови. Не добивме објаснување туку само кус одговор: „Врз основа на безбедносна проценка на институциите е донесена одлука да се воведе забрана за летање на дронови“.Инаку, во центарот на Скопје има марш организиран од организацијата „Кој е следен?“, преку кој се бара правда за загинатите во трагедијата, а се испраќаат пораки до политичарите и сите кои раководат со државниот апарат.

Македонија | пред 1 година

(Видео) „Не се пакувај, бори се“, граѓаните во „лесно запалива држава“ бараат правда за жрвите во Кочани

На мирен марш граѓаните бараат одговорност за трагедијата во Кочани.Граѓаните вечерва се собраа на плоштадот Македонија во организација на движењето „Кој е следен?“. Бараат одговорност за најголемата трагедија во која минатата недела 59 лица ги загубија животите во пожарот во дискотеката „Пулс“ во Кочани. Запалени свеќи, молк во спомен на жртвите.Пораките на плоштадот ги испратија преку транспаренти: „Вашиот систем уби една цела генерација”, ,,Жртви на корупција”, „Лесно запалива држава”. Тие беа поставени на фонтаната на плоштадот.Тргнаа од плоштадот, пред Собрание извикуваа „Уааа” за пратениците, пред болницата „Свети Наум Охридски“ изразија благодарност аплаудирајќи на здравствените работници и се упатија кон Влада извикувајќи и носејќи транспарент „Системот е следен”, бараат правда за жртвите.

Македонија | пред 1 година

(Видео) Медицинарите пред Градска поздравени со „вие сте херои!“ од граѓаните кои маршираат за жртвите во Кочани

На маршот преку кој се бара правда за жртвите и повредените во Кочани, докторите и сите медицинари беа поздравени со аплауз.Токму во моментот кога граѓаните поминуваа кај Градската болница, извинуваа „Вие сте херои, вие сте херои“.

Скопје | пред 1 година

Избегал од психијатрија, ја демнел и пукал во неа - детали за настанот во Центарот за социјални работи-Прилеп

Дежурен јавен обвинител од Основното јавно обвинителство Прилеп изврши увид на лице место во простории на Центарот за социјални работи – Прилеп каде со истрели од огнено оружје повредено е едно лице.Осомничениот, според првични сознанија, претходно подолг период ја демнел и загрозувал сигурноста на жртвата за што биле водени соодветни кривични постапки против него, меѓутоа избегал од институција во која издржувал мерка задолжително психијатриско лекување.Во просториите на Центарот тој пукал од огнено оружје – пиштол кон вработената која е повередена и е вон животна опасност, но и кон директорот на установата кој не е повреден.Осомничениот е лишен од слобода, а оружјето и други траги се обезбедени и ќе бидат предмет на вештачење.

Македонија | пред 1 година